ادبیات ائوی

12 July 2026 21:38

رئال تی‌وی‌نین «Afişa» آدلی خبر پروقرامیندا سهند عزیزلمه‌سی‌نین تقدیماتی.

#علی_چاغلا
#حسن_اوموداوغلو
#رضا_همراز
#آرش_ساعی
#محمد_قضایی
#رقیه_همایون
#احمد_یوسفی

#ادبیات_ائوی

@AdabiyatEvi

ادبیات ائوی

10 July 2026 18:14

متافوریک اولاراق، گمی‌نین فیرلانماسی و اونون داخیلینده انسان‌لارین بیر-بیری‌له یاراتدیغی حادثه‌لری‌نین استقامتینده ایل‌لرله گزیشمه‌سی، باشلیجا بو حادثه‌لر مختلف یئر کوره‌سی‌نین اوزرینده برپا اولماغینا باخمارایاق اونسوز دا انسانین دؤیوش میدانلاریندا قانی تؤکولدویونو بو گونکو انسانین سرانجامینی تمثیل ائدیر. گمی کوسمیک گمی‌یه چئوریلدیکده، انسان‌لارین اکسترنال قیتلیق و هده‌لی شرایطی ایله قارشی‌لاشدیق‌لاری زامان، اونلار آیری بیر وحشی-ییرتیجی موجودلاردان چوخ دا فرق‌لنمیرلر. بو وضعیت، جورجیو آگامب‌نین (ایتالیا فیلسوفو) «استثنا وضعیّتی» نظریّه‌سی ایله اویغون گلیر. بورادا انسان‌لار «چیلپاق حیات‌دا»، قانوندان، نظامدان و یا اخلاق‌دان کنار یئرده دورورلار.
آگامبن، «هوماساکر» کونسپسیاسیندان بحث ائدیر. او، هوموساکرین قدیم رومایا عاید اولدوغونو ایضاح ائدیر. رومادا انسان‌لار، اویغونسوز حرکت ائدن و جمعیّتین تابولاریندان بیرینی پوزاندا، بو سبب‌دن بوتون وطنداش و انسان حقوقلاریندان محروم اولوردولار. آیریجا هيچ بیر قانون ایله او انسانین یاشاماق حقوقوندان مدافعه ائده بیلمزدیرـ
آگامبن وضعیّتی، اساسا هوموساکرین اؤلدورولوب ایشکنجه وئریلمه‌سی و بوتون حقوق‌لاریندان محروم اولدوغونو آشکار ائدیر. آنجاق بو وضعیّت "استثنا وضعیّتی" آدلاندیریلیر.
اتک یازی: اثر، استراسبورگ آوروپا فیلم فئستیوالیندا اَن یاخشی اوزون فیلم بین‌الخالق بدیعی فیلم کیم کی-دوک قیزیل اوختاپوس مکافاتینا لاییق گؤرولموشدور. اثرده آمپلوا (هنری رول‌لاری) اولان‌لار: مینا فوجی «حوا»نین رولونو. جانگ گیون سوک «آدم»، آن سونگ کی «قوجا سیرلی کیشی»، لی سونگ جائه، ریو سونگ بوم آد آپارماق اولار. اثرده، گالیورین سیاحت‌لرینده‌کی لاپوتا و نوحون گمی‌سینه داخیل اولان حیوان‌لار آللئقوریا اولاراق ایشلنمیشدیر. اثرده، مختلف مدنی و دینی مئتافورالاردان اوزونده بیر تول پرده کیمی استفاده اولونموشدور. گمی اؤزو اثرده بیر سیموول اولاراق بسله‌نیر، اما سناریودا کارکتری مختلف دَییشیک‌لره معروض قالیر. اوّلجه دونانمادیر، سونرا ایلنجه‌لی گمی، سونرا اوزَن گؤیده گمی و نهایت دیستوپیک گمی‌یه چئوریلیر.

#احمد_یوسفی
#ادبیات_ائوى
@AdabiyatEvi

ادبیات ائوی

10 July 2026 18:13

#فیلم_تانیتیمی
فیلم آدی: Human, Space, Time and Human
تورکجه آدی: انسان، مکان، زامان و انسان
فارسجا آدی: انسان، فضا، زمان و انسان
رئژیسور و سئناریو: کیم کی دوک
چیخیش ایلی: ۲۰۱۸
تانیتیم یازان: #احمد_یوسفی
#ادبیات_ائوى

@AdabiyatEvi

ادبیات ائوی

05 July 2026 09:20

شعر اؤلور، شعر دیریلیر...

بو گون پوئزییا پروْزانین یوکونه شریک اولماقدادیر. حمید هریسچی‌نین شعرلرینین تیمثالیندا بونو گؤروروک. پروزادان نون‌فیکشن ژانری دونیادا یایغینلاشیب، بو، اوخوجو ماراغیندان یارانان تؤره‌مه بیر ژانردیر. فیکس‌بیوقرافییا داها چوخ اوخونور. پروزا دا دونیادا آرتیق یئنی بیر کیفیت مرحله‌سینه قدم قویور، کلاسیک فورمالار سیرادان چیخیر. دونیا کیتاب بازاریندا اوخوجو ایله «اوینایان» مئتارومانلاذ چوخلوق تشکیل ائدیر. خصوصاً، مینیمالیست پروزایا اوستونلوک وئریلیر. رومانلار دوخسان-یوز صحیفه جیواریندا یازیلیر. بوگونکو اوخوجونون قالین رومانلار اوخوماغا آرتیق واختی یوخدور. اسمارت‌فون دونیاسیندا بونا هئچ احتیاج دا گؤرونمور.
مینیمالیست پروزا ائپیک شعر قدر کیچیلمکده‌دیر. گول‌حسین حسین‌اوغلو اییرمینجی عصرده منثور شعرلر یازیردی. بو قیسا متن‌لر ساده‌جه، تصویر شعرلری ایدی. بئله دئمک مومکونسه، پروزا ایله پوئزییانین هیبریدی ایدی. آمما منثور شعری داها دا فونکسیوناللاشدیرماق اوچون اونا اجتماعی مضمون قاتماق، اونون اوْنورغاسینا سوژئت، ناراتیو علاوه ائتمک لازم گلیر.
اینسان میفولوزییاسیز یاشایا بیلمز. او، دایم اؤز اطرافیندا حئکایه‌لر قورور. ایلکین زامانلاردا او، بونو شعر دیلی ایله ایفاده ائدیب. حئکایت‌لرین، میف‌لرین یاراندیغی یئرلر چؤلدور. ذاتاً، چؤل هاللوسیناسییا مکانی‌دیر، ایلغیم‌لار، سراب‌لار دیاری‌دیر. صحرا پوئزییاسی اساساً، قدیم بدوی طایفالارینین شعر عنعنه‌لرینده مهم یئر توتور. شرق شعرلری صحرانین پوئزییاسینی ادبیاتا گتیردیلر. ایلک صحرا شاعری امرو القیس اولوب. «لیلی و مجنون»دا مجنونون اصل آدینین قیس اولماسی دا تصادفی دئییل.
شعر، کوتله‌لر اوچون بیچیلمیش کافتاندیر. آمما... «کیمسه‌لرین واختی یوخ اینجه شئیلری آنلاماغا...» (گولتن آکین)
۸۸-جی ایلده مئیدان حرکاتی باشلایاندا انقلابین رومانتیکاسینی محض پوئزییا کؤروکله‌ییردی. توفیق فیکرتین مشهور شعری مئیدانین ریتمینی معیّن ائدیردی. («میللت یولودور، حاق یولودور، توتدوغوموز یول») بو ریتمه بختیار واهاب‌زاده‌نین، خلیل رضا اولوتورکون، صابیر روستمخانلی‌نین، روستم بهرودی‌نین کوتله‌لر جوشدوران شعرلری ده قوشولدو. مئیدانی دا محض شاعیر اداره ائدیردی - صابیر روستمخانلی. بو دا تاریخین بیر شاعیرین بویونا بیچدییی بیر کافتان ایدی. مستقللییین قازانیلماسیندا شاعیرلرین بؤیوک رولو وار. کیمسه بونا اعتراض ائدرسه، گؤیده گونشی دانمیش کیمی اولار.
بو گونون ادبیاتی یازیچی‌دان رئپورتیور کیمی چئویک‌لیک، دینامیزم، رئفلئکتیو تفکّر طلب ائدیر. ائکستریم شعرلر یازیلمالیدیر. حئکایه‌لری وئرلیبر فورماسیندا یازماق داها ائفئکتیودیر. قیسا و اوپئراتیو ژانرلاردا یازماق آرتیق زامانین قاچیلماز طلبی‌دیر. بو قیسا متن‌لرده دؤورون، زامانین منظره‌سی گؤرونمه‌لیدیر. ناظیم حیکمتین «اینسان منظره‌لری» کیمی...
اینسان منظره‌لری ابدی‌دیر...

#کنعان_حاجی
#ادبیات_ائوى

@AdabiyatEvi

ادبیات ائوی

04 July 2026 14:10

آذربایجانین قوزئی بؤلگه‌سی‌نین مختلف سایت‌لاریندا سهند عزیزلمه‌سی‌نین خبری یاییملانیب. بو لینک‌لردن ایزله‌یه بیلرسیز❤️

کولیس سایتی؛
https://kulis.az/xeber/media/tebrizde-bulud-qaracorlunun-100-illiyi-munasibetile-tedbir-teskil-olundu-67993?fbclid=PAb21jcAS11tJleHRuA2FlbQIxMQBzcnRjBmFwcF9pZA81NjcwNjczNDMzNTI0MjcAAaeFbG3hmX7tBESAvV1F4M6VPjXXFb5SYUiUYMpW8Wpje9eU_OrEAwPcu7ZD4A_aem__aj2Kz9NnHZLWNSxyJyGhw


بیزیم یازی:
https://bizimyazi.az/t%c9%99brizd%c9%99-bulud-qaracorlunun-100-illiyi-munasib%c9%99til%c9%99-t%c9%99dbir-t%c9%99skil-olundu/


یازیجی.آز
https://yazici.az/təbrizdə-səhəndin-100-illiyi-qeyd-olundu


تورکوستان.آز
https://www.turkustan.az/news/culture/147576

#ادبیات_ائوى

@AdabiyatEvi

ادبیات ائوی

04 July 2026 13:29

تورک میفولوگیاسیندا اومای آنا
#شاهین_مرادی
#ادبیات_ائوى

@AdabiyatEvi

ادبیات ائوی

02 July 2026 14:52

سهندین اوتوبیوقرافیک شعری، دیرلی آپاریجی‌میز «رقیه خانیم همایون»ون سسی ایله‌...

#رقیه_همایون
#بولود_قاراچورلو
#ادبیات_ائوى

@AdabiyatEvi

ادبیات ائوی

02 July 2026 13:55

سهندین شهریارا یازدیغی مکتوبو «حمیده خانیم رنجبر»ین گؤزل سسی ایله...

#حمیده_رنجبر
#بولود_قاراچورلو
#ادبیات_ائوى

@AdabiyatEvi

ادبیات ائوی

02 July 2026 13:46

سهند عزیزلمه‌سینده دَیَرلی محقق و شاعیریمیز «محمد قضایی» جناب‌لاری‌نین چیخیشی...
#ایکینجی_بؤلوم

#محمد_قضایی
#بولود_قاراچورلو
#ادبیات_ائوی

@AdabiyatEvi

ادبیات ائوی

02 July 2026 13:27

سهند عزیزلمه‌سینده، دَیَرلی قورقودشناس، سهند عشقینی اورک‌لرده یارالدان، اوتوز ایله یاخین سهندین دده قورقود بوی‌لارینی نظمه چکدییی سطیرلری بیزلره درس وئریب، بیزی سهند دونیاسی ایله تانیش ائدن، داهی اوستادیمیز «حسن اوموداوغلو» جناب‌لاری‌نین چیخیشی... (تکمیل فیلیم).

#حسن_اوموداوغلو
#بولود_قاراچورلو
#ادبیات_ائوى

@AdabiyatEvi

ادبیات ائوی

02 July 2026 13:07

سهند عزیزلمه‌سینده دَیَرلی مورخ و محقق اوستاد «رضا همراز» جناب‌لاری‌نین چیخیشی.

#رضا_همراز
#بولود_قاراچورلو
#ادبیات_ائوى

@AdabiyatEvi

ادبیات ائوی

01 July 2026 09:14

#گونلریمیز
بابکین جاویدان یئرینه حاکمیته باشلاماسی فراقمئنتی‌...

فیلمین باشقا یئرینده آفشین بابکه دئییر کی: بابک، اؤله‌جکسن. بابک دئییر: سن ده اؤله‌جکسن، آنجاق سن عباسی‌لرین قارا بایراغی آلتیندا اؤله‌جک‌سن،
من خرّمی‌لرین قیرمیز بایراغی آلتیندا...

یؤنتمن: #ائلدار_قلی_یئو
بابک نقشی: رحمتلیک #راسیم_بالایئو

بو گون بابک‌ین دوغوم گونودور. یولو دواملی اولسون.

#ادبیات_ائوی
@adabiyatevi

ادبیات ائوی

26 June 2026 10:26

«یاز، یای، پاییز، قیش و یئنه یاز» فیلمی (Spring, summer, fall, winter and spring) ۲۰۰۳-جو ایل‌ده جنوبی کره'نین بؤیوک رئژیسورو کیم-کی دوک'ون زنگین باجاریقلی ال‌لری‌ ایله سینمانین بؤیوک گوموش الوانلی پرده‌سینه چکیلمیشدیر. او، بو اثرین هم رئژیسورو هم ده سناریستی اولموشدور. او، بو اثرده، کارل یونگ'ون انسانین داخیلی ضدّیّت‌لرله اوزلشمک نظریّه‌لرینی اورتایا قویموشدور. اؤرنک اوچون «انسان و سمبول‌هایش» آدلی مشهور کتابیندا او «آنیما (ارکک‌ین قادین‌ آتریبیوتونو داشییان قیسمی) و آنیموس (قادینین ارکک خصوصیاتینا مالیک اولان حصّه‌سی)» سؤزلردن آد آپاریر. باشلیجا بو اثرده بو نظریّه‌نین مهم تاثیری آلتیندا یازیلدیغی تقدیم اولونا بیلر. اونسوز دا بو اثر، انسان‌ین حقیقتی‌ ایله پارالل اولان بودائیزمین قاپیسیندان اونتولوژی-هستی‌شناسی و آنتروپولوژی-انسان‌شناسی مسئله‌لرینه توخونان اَن تاثیرلی فیلم‌لردن بیری ساییلیر. ایزلییه‌جی فیلمین؛ ساحه‌سینده، وئرسیاسیندا، اوبرازلاریندا و بوتؤولویونده اولان هر هانسی سکانسیندا بودائیزمین آللئقوریاسینی نظرده توتوب، آللوزیاسیندا تصویر چکمه‌سی یاخشی ایش اولا بیلر.
فیلم‌ده رول‌لاری اولان کیم کی-دوک، او یونگ سو، یئو جین ها، پارک جی-آ... دان آد آپارماق اولار.
فیلمین موسیقی ساحه‌سی داها انسانی فیلم پوئستینه یاخینلادیر. فیلمین داخیلی موسیقی‌سی پارک جی-وون'ون الی ایله بسته‌لنمیشدیر. او موسیقی‌ ایله بو اثری آرتیقراق قاباردیب سؤزلرینی حقیقت کیمی یازییا آلماسینی باجارمیشدیر.
اثرده، میزانسن‌لر (فیلمین ویزوال-بصری دیزاینی-طراحی‌سی)، دیگئستالار (فیلمین پووئست-داستان اتمسفری-فضاسی) و میمیکالاری (فیلم‌ده سیموولیک-رمزی و یا ریتوال-آیینی حرکت) خصوصی‌له، رئژیسورون چوخ‌سایلی دینی حکایه یاراتماغی اوچون تقلید ائتمه‌سی موضوع‌سوندا دونیا تنقیدچی‌لر طرفیندن چوخلو آللئقوریالار-تمثیل‌لر یاخود تنقید‌لری ده قازانمیشدیر. اثر، مختلف ویزوال دیزاین المنت‌لریندن نئجه استفاده ائتدیینی ده فرقلی باخیش‌لارلا برپا ائتمیشدیر.
بیز اونون بودائیست سیموولیک تصویرلریندن و معبد سس‌لریندن، او جمله‌دن اورک سوتراسی‌نین-آفوریزم‌لری‌نین اوخونماسیندان مختلف استفاده‌سینی گؤره بیلیریک. علاوه اولاراق سوژئت خطینی، یین/یانگ (۱)فلسفه‌سیندن توتاراق، بئش المنت نظریه‌سیندن، خریستیان‌لیقدان، جاینیزمدن(قدیم هند دینی) و کره فولکلوروندان گؤتورولموش کینماتوگرافیک سیموولیزم ایله مئتافورال علاقه‌لرینی ده گؤره بیلیریک.
پارک چونچین و یی هیئ-یئون فیلمین دؤرد فصلینی بودانین دؤرد نجیب حقیقتی ایله مناسبتلی بیلیرلر. بونا گؤره ده، «یاز» ایسه اوشاق‌لیق و عذاب‌لا بسله‌نیر. «یای» ایسه گنج‌ین و اونون ایستک‌لریله اویغون گلیر. «پائیز» اساس پرسوناژ اولان راهیب‌ین ایستک‌لرینی، عذابا سبب اولدوغونو آنلادیغی، جاهیل‌لیک زامانینی گؤستریر. «قیش» ایسه آزادلیغین یولونو ایزله‌دییی زامانی گؤستریر. پارک بونو تکلیف ائتمه‌سه ده، اونسوز دا جوان راهیب‌ین حرکت‌لرینی سککیز قات یول ایله اویغون‌لاشدیرماق مومکوندور. پارک‌ین سونراکی تحلیلینه اساس‌لاناراق، هر فصیل‌ده بودائیست ایدئیالاری‌نین ایزلرینی گؤرمک اولور.
بو فیلم اتیکا-اخلاقی و میستیک-عرفانی مسئله‌لرینه چوخ‌سایلی موتیولرله یاناشی توخونوبدور.
فیلم بئش حصّه‌دن عبارت‌دیر. هر حیصّه پراکتیک‌سیز بودائیست راهبی‌نین و اونون یاشلی معلّمی‌نین حیاتینداکی بیر مرحله‌نی تصویر ائدیر. بو حصّه‌لر تخمینا ۱۰-۲٠ ایل بیر-بیریندن آیری حادثه‌لری گؤستریر و هر بیر حصّه ده اولان حادثه‌لرین عینی آدی او حصّه‌نین اوستونه قویولموشدور. اثرین داها چوخ تفسیرچی‌لر طرفیندن جهدله تفسیر اولموشدور.
اتک یازی: بو فیلم سینما کاسسا ساتیشلاریندا ۹ میلیون دلارا مالیک اولموشدور. همچنین اثر ۲۰۰۴-جو ایلده ۷۶-جی اسکار مکافات‌لاندیریلما مراسیمینده جنوبی کره اؤلکه‌سی‌نین ائلچی‌سی اولموشدور.
اسلوونیا فیلسوفو و نظریّه‌چی اسلاوی ژیژک بو فیلمی فلسفی تعلیم‌لرینده بیر آللئقوریا اولدوغو عینی حالدا اوندان اؤیرنمک اولان فیلم کیمی تقدیم ائدیر.
اثر، BBC-نین ۲۱-جی عصرین ۱۰۰-جو اَن بؤیوک فیلم سیاهه‌سینه داخیل اولموشدور. بو سس‌وئرمه بی‌بی‌سی استحصالی گروپوندان ۲۰۱۵-جی ایلین آگوست آییندا دونیانین هر یئریندن ۱۷۷-جی فیلم تنقیدچی‌لر طرفیندن چکیلیب.
ایراندا؛ فیلم ۲۰۰۶-جی ایلین آگوست آییندا تلویزیاسیندا «سینما و ماوراء» آدلی مشهور پروگرامیندا یاییلمیشدیر.
(۱)شرق فلسفه‌سینده بیر حیات اسلوبو اولاراق قبول ائدیلمیشدیر. تورکجه‌ده، روحی؛ تن‌لیک، ترازلیق، هارمونی‌لیک، بالانسلیق دئمک اولا بیلر. ساده دیلده دوئیت ده دئمک اولار: خیر-شر، قادین-ارکک،....
#احمد_یوسفی
#ادبیات_ائوى

@AdabiyatEvi

ادبیات ائوی

24 June 2026 19:27

تیر آیی‌نین اوچونجو گونو، «اوستاد حسن دمیرچی»نین آنیم گونودور. رحمتلیک حسن دمیرچی جناب‌لاری هم بسته‌کار و هم شاعیر اولموشدور‌. اونسوز دا، آذربایجان مدنی حرکتی‌نین بوینوندا چوخ حاققی واردیر. خاطیره‌سینی سایغی ایله یاد ائدیریک.

ماهنی: آسلان‌لار یوردو
بسته‌کار: #حسن_دمیرچی
ایفا: #احد_یاری
#ادبیات_ائوى

@AdabiyatEvi

ادبیات ائوی

23 June 2026 13:12

بوگون خالق شاعیری «نیگار رفیع‌بیلی»نین دوغوم گونودور. نیگار خانیم، مشهور شاعیریمیز «رسول رضا»نین حیات یولداشی و «آنار رضا»نین آناسی‌دیر. نیگار خانیم ۱۹۱۳-جو ایل گنجه شهرینده آنادان اولوب و ۱۹۸۱-جی ایل باکی شهرینده وفات ائتمیشدیر. خاطیره‌سینی حرمت ایله یاد ائدیریک.
«آلاگؤزلوم» شعرینی «خزر سلیمانی‌»نین ایفاسی ایله تقدیم ائدیریک.


#ادبیات_ائوى
#Nigarrəfibəyli
#نیگار_رفیع‌بیلی

@AdabiyatEvi

ادبیات ائوی

11 July 2026 20:19

«مارادونا»

#حیکایه_توپلوسو
#رضا_حسینی_مرند
ویراستار: علی موسی‌زاده

مشخصات: ۷۷ ص؛ رقعی؛ قیمت: ۲۴۰

حکایه‌لر:

۱. قارا دویون
۲. حکایه‌لریمده همیشه قار یاغیر
۳. تابلو
۴. مارادونا
۵. دلی زینب

علی موسی‌زاده و بابک مینقی‌دن اؤزل تشکورومو بیلدیریرم. کتابی آنلاین شکیلده #کیرپی اینیستا پئیجیندن الده ائده بیلرسینیز...

Narration by: امیر صادقی

Book Trailer by: مهدیه مکانی، جواد حسینی



#حیکایه_توپلوسو #کیرپی #صباحی_درنه‌یی #داستان

ادبیات ائوی

10 July 2026 18:13

انگلیسجه فیلمین آدی «Human, Space, Time And Human» فارسجادا «انسان، فضا، زمان و انسان» ترجمه اولونوب. بیز ده آذربایجان تورکجه‌سینده «انسان، مکان، زامان و انسان» آدین اویغون گؤردوک. بو اثر کیم کی-دوکون سناریس و رئژیسورلوغو ایله ۲۰۱۸-جی ایلده جنوبی کره سینماسیندان دونیا کینوماتوگرافیک عالمینه یاییلمیشدی. فیلم ۱۰ نمره‌دن ۵/۸ نمره‌نی IMDB سایتیندان قازانمیشدیر. دئمه‌لی بو نمره اثرین اینجه مقامی‌نین سجیّه‌سینه لاییق گؤرونمور.
اثر، انسانلیغین اِتیکا و میستیک کولت‌لرینی حتّی ایره‌لی گئتدیییمیزده مزلو نظریّه‌سینی ده اطراف‌لی گؤزدن کئچیریر.
فیلمین باشلانغیجی بیر دؤیوش گمی‌سی‌نین اوستونده کئچیر. حادثه‌لر بیر هفته‌‌لیک سیاحته چیخان انسان‌لارین آراسیندا گئدیر. سیاحت‌ده مختلف مدنی و سوسیال کیملیک‌لره عاید اولان انسانلار واردیرلار؛ اورتا یاشلی اکستریمیست سیاسی فعالیّتی اولان حتّی پرزیدنت‌لییه آدایلانان سناتور اوغلو ایله بیرلیکده، وورغون گنج قیز آداقلیسی‌له بیرگه، ایکی ژاپونیالی، اوچ فاحشه، آزغین بیر جانی طرفیندن اداره اولونان گانگستر دسته‌سی و سیرلی-سئحیرلی، لال قوجا اونلاری بیر آلای کیمی گؤرونتویه چیخیرلار. اثرده رئژیسور، مختلف یوللار ایله عدالت‌سیزلییی هم ده آلوقیزمی اعلا شکیلده ایفاده ائدیب‌دیر. سناتور بیر ائقوییست اولاراق بو سیاحت‌ده یاخشی خؤرک یاخود  کیفیّت‌لی حیاتی الده ائتمک اوچون چوخلو جنایت‌لر تشبوث ائدیر. سناریست بو کیمی کاراکترلری یازی‌یا آلینماسی و رئژیسورون گؤستردییی انسانین اجتماعی قورولوشوندان بیر نمونه‌ ساییلیر.
حالبوکی عدالت‌سیزلیک دومینو کیمی سوسیال جمعیّت ایچینده چوخلو سارسینتی‌لار یارادا بیلدییی اوچون بو گمی‌نین قوناغی گنج قیزلا یاناشی اوغلانین اعتراض ائتمه‌سینه سبب اولور. بو اعتراض‌ دا اونلارین حیات‌لارینی بیر تراژدی‌‌یه گتیریب چیخاریر. گنج قیزین آدی اثرده «حوا» اولاراق بیزیم مفکوره‌میزده، حتّی؛ ادبیات، اجتماعی، تاریخ و یا دینی حادثه‌لرله بیرلیکده اؤزونه‌مخصوص صفحه آچیر.
بو کیمی عدالت‌سیزلیک‌لر گمی‌ده اولان انسان‌لارین آراسیندا؛ سارسینتی، چاخناشما، سرت چارپیشما و قیرغین‌لیغا سبب اولور. گئجه کئچیر، سحر نوبتی اولاندا قالان انسان‌لار گمینی سمادا آسیلی وضعیّت‌ده گؤروب سَکسه‌نیرلر. اثرین سونونا قدر گمی گؤیده گئدیر. انسانی اینتریقالار، عدالیک‌سیزلری یارادیرلار. لاکین عدالت‌ین تضییغی‌، انسانین حیاتین محو ائده بیلر. آیری طرفدن‌سه بو مسئله‌یه باخاندا، داروین‌نین تکامل نظریّه‌سی ایله تصادف ائدیریک. گوج، خؤرک و سایره وارسا، حیات دا وار دئیه او آن انسان؛ داها بوندان اوّلکی کیمی تطبیق ائتمه‌ییر. آنجاق او، اؤتکم‌لیک گؤزلویو ایله حیاتا باخیر. ایندیسه او، اتیکا و یا اجتماعی حیاتین آراسیندا هانسی‌سین سئچمه‌لیدیر؟
تایوانداکی ملّی کائوسیونگ نورمال یونیورسیتئتی‌نین دیل کافئدراسی‌نین دیرئکتورو، «جیدا تسوی یو لی» بیر تنقیدینده بو سوالی تقدیم ائدیر: «بو فیلم فوندامنتال و فلسفی اولاراق انسانین مفکوره‌سینده بیر سوال قالدیریر: دونیادا انسانلارین حیاتی باشا چاتاندا، او یاشاماغین معناسینی یئتیشجک‌می؟»
من بو اثره باخاندان سونرا بئنیمین دامارلاریندا هله لذّتیندن دویمایان کتابدان بیر پارچا یادیما دوشدو. آرتور سی کلارک، «انسان و فضا» کتابیندا بئله یازیر: «بیر عصر کئچمه‌دن؛ قاپالی و انتظام‌لی گوتیک عصرینده اولان کوسموسه باغلی ایناملارلا باخاراق، حتّی اونون اوچ قات‌لی اینانج‌لاری؛ جنّت، یئر و جهنّمین قورولوشو بیله اونودولوردو. بلکه ده اونون سون قالیق‌لارین میلتونون "ایتیرمیش جنّت (۱۹۶۷)" اثریندن تاپا بیلیریک. او، اثرده میلتون یئنی آسترونومیادان و رئال دونیانین گئنیش مقیاسیندان یاخشی خبردارلیک ائتدییینی آیدین گؤرمک اولور. بوندان اوّل ده شکسپیر "اولدوزلارین اود اولدوغونا شبهه/گونشین حرکت ائتدییینه شبهه" مصراع‌لاریندا حرکت‌سیز یئر و فیرلانان سما ایدئیالارینی آلقیشلامیشدی. انگلیس دیلی‌نین بو ایکی اوستادی آراسیندا مزوپوتامیا آداسی کیمی یئر وار، بیز اونو کوپرنیک انقلابی حسابیندا آدلاندیرمیشیق».
زمان، مکان و انسانین حیاتی ابدی‌ دئییل، بلکه تانری‌ اؤلومونه باخمایاراق بوتون کوسموس ابدی‌دیر. شکسپیر دئییلدییی کیمی:«کائنات بؤیوک بیر صحنه‌دیر و بوتون کیشی‌لر و قادین‌لار ساده‌جه رول‌لارین اویناییرلار. هر بیری‌نین اؤزونه‌مخصوص گیریشی-چیخیشی واردیر.».
اساس فیلمین مضومونونا کئچنده، اثرده نیچه‌نین دئدیک‌لری‌نین ایزلرینی گؤرمک مومکوندور: «تانری اؤلوب. تانری اؤلو اولاراق قالاجاق. یقین بیز اونو اؤلدوردوک. آنجاق اؤزوموزو نئجه تسلّی ائده‌جه‌ییک؟ بوتون جنایت‌کارلارین، جنایت‌لری کیمی؟ دونیا ایندییه قدر اؤزونه گؤردویو ان مقدس و ان گوجلو شئی، قیلینج‌لارینین اوستونه سپه‌لنمیش قانلار اولدو». اثرده سیرلی کیشی اؤزونو اؤلدورنده منیم کونسپسیامدا اونون بو ایفاده‌سینی خاطیرلادیم.

ادبیات ائوی

06 July 2026 11:42

#بیر_ایلدیر

آی شاعیر «علاءالدین» شاعیر دوستونون
آچیلمیر قاباغی-قاشی بیر ایلدیر.
اولوب محبت‌دن ایل‌لر خسته‌سی،
آییلمیر سئودادان باشی بیر ایلدیر.

یارین سویوقلوغو یارا داغ اولار
اورک ایسته‌مه‌سه اونوتماق اولار.
بیلمیرم نه قدر یاس توتماق اولار،
قورومور گؤزومون یاشی بیر ایلدیر.

او آتدی اؤزونو وارین قوینونا،
باهار گون‌لریندن قارین قوینونا.
من حسرت چکیرم یارین قوینونا،
اوردا لذت چکیر ناشی بیر ایلدیر.

یئنه دوست الینده قالیبدیر چارا،
لقمان اول، دردیمه بیر درمان آرا.
دؤنوب کؤنول مولکوم خارابازارا
گؤیَرمیر تورپاغی، داشی بیر ایلدیر.

آی «ممد»، حاقلایار سنی سوبایلیق،
ایسلانار، قورویار وئردییی یایلیق.
اونون کؤرپه‌سی‌نین یاشی اوچ آیلیق،
منیم حسرتی‌مین یاشی بیر ایلدیر.

#ممد_اسماعیل
#ادبیات_ائوى

@AdabiyatEvi

ادبیات ائوی

05 July 2026 09:18

#مقاله_گونوموز

شعر اؤلور، شعر دیریلیر
یازیچی: #کنعان_حاجی
#ادبیات_ائوی

@AdabiyatEvi

ادبیات ائوی

04 July 2026 13:29

.
تورک میفولوگیاسیندا «اومای آنا»:
اومای آدی‌نین کؤکو اصلینده «اومماق، دیله‌مک» دئمکدیر. مغول دیلینده اومای، «رحم و مهربانلیق» آنلاملی‌دیر. اومای آنا واردیرسا، دئمک حیات دا وار.
یاخشی‌لیق تانریچاسی/ الهه‌سی. یاخشی‌لیغی سیمگه‌له‌ین قوتلو و مقدس بیر وارلیق‌دیر. بعضاً یاشام تانریچاسی اولاراق دا تانینمیشدیر. دوغولان اوشاق‌لاری بَلیرله‌ییر. اوچ بوینوزلو اولاراق تصویر اولونور. آغ رنگده گئییمی گؤزه چارپیلیر و یئره قدر اوزانان گوموش ساچ‌لاری واردیر. اطرافینا ایشیق ساچار. گؤرکمی اورتا یاشلی‌دیر. قوش قیلیغینا گیره بیلیر و قانادلی‌دیر. یاشام آغاجی‌نین صاحبی‌دیر. یئر اوزونه برکت داغی‌دیر. آجیقلی زامان‌لاردا انسان‌لاری قورخویا سالا بیلیر. اصلینده اوشاق‌لارین قوروقچوسودور. اوشاق‌لاری اولمایان آتا-آنا، اومای آنایا قوربان دئییر. بویلو قادین‌لاری و سوت وئرن آنالاری دا قورویور. گؤی اوزونده یاشایار، آنجاق بعضاً یئر اوزونه ده گلر. یانیندا بیر جئیران و یا ظریف بیر مارال‌لا گزدییی سؤیله‌نیر. تئز-تئز اوشاق‌لاری اؤلن ائولر، اومایین حمایه‌سینده اولورلار یعنی او ائولری ده قورویور و بو حال‌لاردا اؤزونو «قارا اومای» خطاب ائدیر. «کئچل اومای/ کَل اومای» آدلاندیریلدیغی دا معیّن‌دیر. آنجاق چکیلن تصویرلرده و بیر سیرا یازی‌‌لاردا اوزون ساچ‌لاری اولدوغو بللی‌دیر. چونکو کئچل‌لیک/ کَل‌لیک میفولوژی ساحه‌سینده بیر گوج و ذکاء سیمگه‌سی‌دیر. ماوی و یا آغ قوش قیلیغینا گیره بیلیر. آدی‌نین باشقا واریانتی ایسه «هومای»‌دیر.  و بو اوزدن «هوما/ هُما قوشو» آدی ایله ده مشهوردور. فارس دیلینه «هُما» کیمی تورک دیلیندن یول تاپمیش‌دیر. اومای آنا/ هومای آنا، هر زمان تورک اولان انسان‌لارین اوره‌یینده و کولتور- ادبیاتیندا یاشامیشدیر و هله ده یاشاییر. یونوس امره، دئییر:
«عنایتدیر اونون ایشی آنلاماز، دَیمه بیر کیشی
سن بیل کی، بو‌ هومای قوشو عاشق‌لرین دؤلتی‌دیر».
و یا موللا جمعه یازیر:
اوف، سنی گؤرن دئییر،
هومای قوشون بالاسی‌دیر...
یاقوت تورک‌لری‌نین آراسیندا، اومای آنا، آیسیت آنا اولاراق تانینیر. آغ شامان، اوشاغی اولمایان قادینا بیر مراسم قوروب و آیسیته دوعا ائدر. اومای آدی، اورخون کتیبه‌لرینده وار. تونیوکوک یازیت‌لاریندا ۳۸- جی سطیرده «گلن‌لر زور دئدیلر، آنجاق حس ائتمه‌دیلر. تانری اومای، مقدّس یئر و سو یاردیمچیسی وئردی و...» کیمی گلیر. حسنلو تپه‌سیندن تاپیلان «حسنلو جام»دا، بوتون اوشاق‌لار اومای آنانین حمایه‌سینده دورورلار.

#شاهین_مرادی
#ادبیات_ائوى

@AdabiyatEvi

ادبیات ائوی

02 July 2026 14:56

سهند قلمی ایله دده قورقود خئییردوعاسی...
ایفا: #حمیده_رنجبر
#بولود_قاراچورلو
#ادبیات_ائوی

@AdabiyatEvi

ادبیات ائوی

02 July 2026 14:09

سهند عزیزلمه‌سینده «شاهین مرادی»نین چیخیشی...

#شاهین_مرادی
#بولود_قاراچورلو
#ادبیات_ائوى

@AdabiyatEvi

ادبیات ائوی

02 July 2026 13:48

سهند عزیزلمه‌سینده دَیَرلی محقق و یازیچی‌میز «احمد یوسفی» جناب‌لاری‌نین چیخیشی...

#احمد_یوسفی
#بولود_قاراچورلو
#ادبیات_ائوی

@AdabiyatEvi

ادبیات ائوی

02 July 2026 13:42

سهند عزیزلمه‌سینده دَیَرلی محقق و شاعیریمیز «محمد قضایی» جناب‌لاری‌نین چیخیشی...
#بیرینجی_بؤلوم

#محمد_قضایی
#بولود_قاراچورلو
#ادبیات_ائوی

@AdabiyatEvi

ادبیات ائوی

02 July 2026 13:14

سهند عزیزلمه‌سینده دَیَرلی محقق و شاعیریمیز «آرش ساعی» جناب‌لاری‌نین چیخیشی...

#آرش_ساعی
#بولود_قاراچورلو
#ادبیات_ائوی

@AdabiyatEvi

ادبیات ائوی

01 July 2026 10:12

سهند عزیزلمه‌سینده اوستاد اوموداوغلونون چیخیشی (بوز چیچه‌یی شعری‌نین قیسادیلمیش حالی)
تبریز- ۱۴۰۵/۰۴/۰۹- ثقه‌الاسلام ائوی

#حسن_اوموداوغلو
#بولود_قاراچورلو
#ادبیات_ائوى

@AdabiyatEvi

ادبیات ائوی

29 June 2026 14:39

داهی شاعیریمیز «بولود قاراچورلو» (سهند) عزیزلمه‌سی

دانیشان‌لار: «رضا همراز»، «احمد یوسفی»، «حسن اوموداوغلو»، «محمد قضایی» و «آرش ساعی».
آپاریجی: رقیه همایون
گون: ۱۴۰۵/۰۴/۰۹ (سه‌شنبه گونو)
ساعات: ۱۸ الی ۲۰
قاری کؤرپوسو، ثقه‌الاسلام ائوی (حکیم نظامی آدینا ادب-کولتور قورولتایی).

#ادبیات_ائوی

@AdabiyatEvi

ادبیات ائوی

26 June 2026 10:26

#فیلم_تانیتیمی
«یاز، یای، پاییز، قیش و یئنه یاز» فیلمی
یازیچی: #احمد_یوسفی
#ادبیات_ائوى

@AdabiyatEvi

ادبیات ائوی

24 June 2026 14:42

بو گون «ابوالفضل ائلچی‌بی»ین دوغوم گونودور. او، ۱۹۳۸-جی ایل ناخچیچواندا دوغولوب و ۲۰۰۰-جی ایل‌ آنکارا شهرینده وفات ائتمیشدیر. مصاحبه‌سیندن بیر بؤلوم، سیز عزیزلره تقدیم ائدیریک. واردیغی یئر اوچماق اولسون...

#ادبیات_ائوی

@AdabiyatEvi

ادبیات ائوی

23 June 2026 08:56

#دوغوم_گونو #صمد_بهرنگی

#صمد_عمی_گلمه_دی

باهارین او اوزون گونو نه اولدو؟!
یئنه باغچاداکی گول‌لر ده سولدو
اولدوزون گؤزلری یاش ایله دولدو
داها آراز اوستدن گمی گلمه‌دی!
آی اوشاق‌لار صمد عمی گلمه‌دی!

نامردین قاراسی نه ایتمز اولدو،
اوره‌ییم یاراسی نه بیتمز اولدو.
گئتدی آرخاداشیم قاییتماز اولدو
داها آراز اوستدن گمی گلمه‌دی!
آی اوشاق‌لار صمد عمی گلمه‌دی!

گلین گئدک دریالاری آختاراق
او قارا بالیغین نیشانین تاپاق
بلکه ائلیمیزین قصاصین آلاق
داها آراز اوستدن گمی گلمه‌دی!
آی اوشاق لار صمد عمی گلمه‌دی!

بو گون صمد بهرنگی‌نین دوغوم گونودور. خاطیرینی سایغی ایله یاد ائدیریک ❤️

شئعیر: #بهرام_ائلچین
ایفا: رحمتلیک #توحید_نوروزی

#ادبیات_ائوی

@AdabiyatEvi