-
Raxshona Ahmedovaning ijodiy kanali Yo'l-yo'lakay fikrlar, o'ylar, xulosalar...
Ayol hurmatga sazovor,
ayol muhabbatga loyiq,
ayol baxtga munosib...
Bayram muborak, aziz ayollar!
#yangi_kitob
Kutib oling!
Seriyamizning navbatdagi kitoblari nashrdan chiqdi.
"Linaning ko'zlari"
Lotin Amerikasi hikoyalari
Tarjimon: O'ktam Odilov
"Uzoqlarga ketma"
Turkiya hikoyalari
Tarjimon: Nargiza Asadova
P.s.: Bu kitoblarni o'qimay bo'ladimi? Ko'zni quvnatishini qarang!
Atamalar komissiyasining ishchi kengashiga taklif
(Xabaringiz bor, O‘zbekiston Fanlar akademiyasi O‘zbek tili, adabiyoti va folklori instituti olimlari tomonidan bir qancha variantlar koʻrib chiqilgandi.)
#таклиф
Айсберг – музтоғ эмас, музқоя.
Брусчатка – йўлғишт эмас, тўшамағишт. (у фақт йўлакка тўшалмайди, ҳовли, боғлар саҳнига ҳам ётқизилади)
Дискуссия – мубоҳаса,баҳс.
Зона – Ҳудуд, баъзан минтақа, ҳатто қамоқхона ҳудуди.
Инструмент – иш қуролигина эмас, асбоб,(ўрнига қараб,восита, дастак.омил)
Интенсив – жадал, тезкор.
Камера – айрим ҳолларда бўлма, лекин унда видеокамерани нима деймиз?
Конструкция – фақат тузилма эмас, шакл, қурилма ҳам бўлиши мумкин.Тузилмани жамоага нисбатан ҳам айтиш мумкин.
Координатор —мувофиқлаштирувчи, йўналтирувчи.
Коридор – йўлак эмас...унда Тротуар ва Подьездни нима деймиз?
Лидер – йўлбошчи, етакчи.
Маршрут – ҳаракат йўналиши.
Прогресс – ривожланиш, тараққиёт.
Прогрессив – илғор...
Доставка –етказиш эмас, етказиб бериш.
Пробег – юрим эмас, босиб ўтилган масофа.
Сет – (овқатлар ва бошқа турли хизматлар бўйича) тўплам эмас тармоқ.
Оправа – кўзайнак банди эмас, гардиши..(оправа нафақат кўзойнак балки ҳамма нарсанинг гардиши бўлиши мумкин. Масалан Кўзгунинг гардиши, портретнинг гардиши...)
Навигатор – йўллагич эмас...бу атама интернационал сўз сифатида қолиши керак. Ҳамма атамаларни ўзбекчалаштириш шарт эмас. Ҳар қандай тилда ўз қатлам ва ўзлашган қатлам бўлиши табиий.
Селфи – ҳам шундай...замонавий технологиялар ва турмуш тарзи билан боғлиқ атама...таржима қилиш шарт эмас.
Светофор – анчадан бери бор. Йўлчироқ, лекин 40 йилдан буён оммалашмаган атама.
Экспуатация – фақат ишлатиш, фойданиш ёки қўлланишгина эмас...унда Эксплуататорларни нима деймиз...
Аксия — ўзи қолиши керак.
Кулер – ўзи қолиши лозим.Сувлик деган сўз атама ўрнига ўтмайди. Сувлик ер, сувлик чўмич, сувлик олма. Истаганча ишлатиш мумкин.
Кешбек — халқаро атама...ўзи қолиши керак.
Повербанк – ҳам ўзи қолиши керак.
Карвинг – ўзи қолади. Карвинг бу пазандачиликдаги алоҳида санъат тури. У билан шуғулланадиган одам эмас.
Умуман, ҳамма нарсани ўз тилимизда аташимиз шарт эмас. Дунёда бирорта миллат фақат ўз тилидаги атамалар билан яшамайди. Айниқса тиббиёт, техника ва технологияга оид атамаларнинг ҳамма учун умумий бўлгани, тилнинг коммуникативлигини яъни мулоқот имкониятларини кенгайтиради.Сизни бошқалар тушуниши учун қулайлик яратади. Атамаларни янгилаш борасида ўтган асрнинг 30-90 йилларидаги хатоларни такрорлаш керак эмас...(трактор-ўтомоч, велосипед-шайтонарава, поезд –оташарава,район-ноҳия, самолёт- учоқ, тайёра, аэропорт –тайёрагоҳ..ва ҳоказо..) Бу масала билан тил тарихини биладиган, унинг аввало ижтимоий ҳодиса эканини, тил ҳам давр, вақт, тараққиёт билан боғлиқлигини, даврнинг ижтимоий муҳитнинг иньикоси эканини, у билан бирга ривожланиб, ўзгариб, бойиб бориши шарт эканини теран англайдиган мутахассислар шуғулланиши керак.
Муҳиддин Омон
шоир, таржимон
#xayrlikun
Mutolaaga "Meni kechir, Kumiko" hikoyamni joylashibdi.
https://mutolaa.com/book/meni-kechir-kumiko
#tuhfa
#yangi_kitob
Dardim ichimda edi.)) "PIR" nashryotidagilar qaydan bildi hayronman.) Shu kitob chiqqandan beri o'qigim kelib yurgandim. Bugun pochta borligini aytishganida shu kitob bo'lib chiqishini juda xohladim.
Adabiyot tarixida syujeti sovg'a qilingan yoki bo'lmasam, g'oyasi hadya sifatida berilgan asarlar ko'p. Ustoz Erkin A'zam bilan uchrashganimizda shu romanning dunyoga kelish tarixi haqida gapirgandilar. O'zi aslida, qiziqish o'sha payt boshlangan.
Uyimizga Zulfiya Qurolboy qizining "Oyimtilla"si bilan birga kelgan Suhrob Bo'ronovning "Sharq" kitobi ham qiziq ko'rinadi. Chunki bugun Sharqning xavfsizlik va barqaror taraqqiyot masalalari, chindan dolzarb. XXI asr Sharq asri bo'ladimi yoki yo'q? Kitobxonlar shu kabi savollarga javob topsa, ajabmas.
P.s.: O'sha gap – kitobdan yaxshiroq sovg'a yo'q. 📚
#suhbat
Mana qanday yashash kerak! Mana qanday kurashish kerak! Har inson hayoti, har inson umri saboq olsa bo'ladigan, ibrat olishga arziydigan bir kitob. O'qishni bilsangiz, o'qiy olsangiz bas...
Shunaqa rost, samimiy suhbatlarni tinglab, mazza qiladi, odam. Aytgancha, Nozima Vohidova Navoiyni o'qiydigan, tushunib o'qiydigan sanoqli jurnalistlardan biri. Nega ilm yo'lidan ketmagani, ilm yo'lini tutmaganini sekingina aytib o'tdilar. Kimdir payqadi, kimdir payqamadi.
https://youtu.be/ZwPf0XBjV64?si=Rq6Ke4DAqWhXFqJb
6 ta kitobning taqdimoti bo'lib o'tdi
muxbir: Farangiz Karayeva
#Toshkent shahri
12:00 23.02.2025
@hududtv
"Акс" лойиҳаси тақдимоти ўтди. Кутилган ва кутилмаган нарсалар билан. Муҳими ўтди. Муаллифлар учун ҳам, "Янги аср авлоди" нашриёти жамоаси учун ҳам яхшигина тажриба бўлди. Атрофдаги айрим танқидлар, пичингларга аҳамият бермаган ҳолда айтаманки, лойиҳа ўзини оқлайди. Буни лойиҳада ўзим ҳам бўлганим учун айтмаяпман. Рахшона ва Тилланисонинг илк романлари, Алишер ва Шаҳзоднинг ҳикоялари, Анифнинг шеърлари, Бобурнинг нафақат истеъдод, балки гўзал бир дафъатанликдан туғилган муқовалари ёш китобхонлар қалбидан ўрин эгаллашига ишонганим учун айтяпман. Зотан, энг муҳими ҳам шу - ёшларга манзур бўлиш. Ахир, ёш қалблар - соф қалблар дегани эмасми? "Акс" муаллифларига ишонч билдирган "Янги аср авлоди" нашриётига раҳмат.
Читать полностью…
#kayfiyat 🎶
Tushlarimga kirib kelasiz,
Buncha yaxshi sizni tush ko'rmoq...
@RaxshonaAhmedova
🔥 Uzoq kutilgan loyiha taqdimoti!
Olti ijodkor. Olti xil ijod namunasi. Poytaxtimizning eng yirik mehmonxonalaridan birida.
O'zgacha taqdimot!
«Yangi asr avlodi» nashriyoti tomonidan chop etilgan "AKS - jamiyatga ko‘zgu" kitoblar taqdimotiga barchangizni
taklif etamiz!
22-fevral 11:00 | Hilton mehmonxonasi
O'z o'rningizni band qiling. Joylar soni cheklangan👇
https://docs.google.com/forms/d/e/1FAIpQLSdwuo5TlFHiL99x6PclrDE-9OD8N0M2tcjw3pc8KD0KO4iVCQ/viewform?usp=dialog
📚@bookuzbekistan
Hayot buyuk muallim, faqat ziyrak oʻquvchi boʻlsang bas.
📚”Tongotar”
Raxshona Ahmedova | @badiiyiqtibos
14-fevral — "Xalqaro kitob ulashish kuni" munosabati bilan "AKS" to'plamini dastxatli holda xarid qilishingiz mumkin
📕«Tongotar» - 30 000 so'm
📕«Kungaboqar» - 28 000 so'm
📕«Ajdar sayyorasi» - 25 000 so'm
📕«Havo» - 21 000 soʻm
📕«Oqdan qizilga» - 21 000 soʻm
📕«Shakl» - 27 000 soʻm
✍️ AKS: jamiyatga ko‘zgu
Toʻplam xarid qilsangiz maxsus 10% chegirma!
❌Toʻplam narxi: 152 000 soʻm
✅Chegirmada: 136 800 soʻm
❗️Diqqat: Faqatgina 10 ta to'plamni dastxatli holida xarid qilish mumkin!
Buyurtma berish:
@bookuzbot / +998712300050
📚@bookuzbekistan — yangi kitoblar!
Insonni jisman emas, moddiyat uchun boʻysundirish osonroq.
📚”Tongotar”
Raxshona Ahmedova | @badiiyiqtibos
#iqtibos
"Agar majlislarda arzimas masalalar muhokama qilinsa, arzimas insonlar majlis to‘rida bo‘lsa, demak siz tanazzulga yuz tutgan jamiyatdasiz."
Anton Chexov
- Замонавий кўп жилдли китобларга қандай қарайсиз?
Белла Аҳмадулина
- Мен бу ижодий имо-ишора эканлигини тан оламан. Бу ўқувчини хурсанд қилиш, уни ҳайратда қолдиришга уринишдир. Аммо камдан-кам учрайдиган кичик рисолалар ўқувчини топиш имкониятига эга. Мен катта китоб катта тушунмовчилик, исрофгарчилик эканлигини ўқидим. Менимча, биз китоблар ҳақида эмас, балки виждонимиз олдида, овознинг тозалиги олдида айбдор бўлмаслик ҳақида ўйлашимиз керак.
Baxtli yashashni xohlasangiz yashirin yashang.
Fransuz maqoli
#kayfiyat 🎶
Kishining avval kim bo‘lgani emas, balki hayotning betakror onlarida kimga aylangani muhimdir.
Oskar Uayld
«Kishi haqida hukm chiqarishdan oldin loaqal uning fikr-asrori, uning baxtsizligi, uning hayajoniga sherik bo‘lish kerak».
Onore de Balzak
#tezkunda
Mashhur ingliz adibasi Emili Brontening «Bo'ronli dovon» asari tahriri bitdi. 1847-yilda nashr qilingan ushbu roman nega bunchalik shuhrat qozondi?
Adiba juda erta, 30 yoshida vafot etgan. Ruhoniyning qizi bo‘la turib, to‘rt devor ichida qanday qilib bunday isyonkor asar yozgani adabiyotshunoslarni haligacha o‘ylantirib keladi.
Asarda ikki sulola – Ernsho va Lintonlar o‘rtasidagi munosabat, baxtsiz taqdirlar qalamga olingan. Asrandi o'g'il Xitklifning qalbiga ekilgan adovat urug'i yillar o'tib, bir emas ko'p kishilarning fojeasiga sabab bo'ladi. Balki, bunda farzand tarbiyasidagi kamchiliklarning hissasi ko'proqdir. Imkon berilmagan muhabbat, xudbinlik qalblarni erta o'ldirgandir, ehtimol.
«U juda yomon roman. U juda yaxshi roman. U juda rasvo, shu bilan birga juda go‘zal. Dahshatli, og‘riqli, kuchli va ehtirosli asar» degandi Somerset Moem ushbu kitob haqida.
"Bo'ronli dovon" romani o‘quvchi qalbida qarama-qarshi tuyg‘ularni uyg‘otadi – bir vaqtning o‘zida ham sevib, ham nafratlanasiz.
Boylik ziqnaning,qurol qo'rqoqning,rahbarlik nomardning qo'liga o'tmasin ekan.
"Tongotar" Raxshona Ahmedova
AKS – jamiyatga ko‘zgu tanlovi g‘oliblari bilan tanishing!
🎁 3-oʻrin: 300 000 soʻmlik vaucher
🎁 2-oʻrin 500 000 soʻmlik vaucher
🏆 1-oʻrin uchun bookreader!
Eng yaxshi taqriz
3 o‘rin – Abbosjon Hakimov (taqrizni o‘qish)
2 o‘rin – Nigora Gʻaniyeva (taqrizni o‘qish-1, 2)
1 o‘rin – Ruxsora Imomova (taqrizni o‘qish)
Eng yaxshi foto
3 o‘rin – Nilufar Adxamxonova (fotoni ko‘rish)
2 o‘rin – Ezozxon Ismatova (fotoni ko‘rish)
1 o‘rin – Nurali Karimov (fotoni ko‘rish)
Eng yaxshi videorolik
3 o‘rin – Muhammadnaim Usmonov (videoni koʻrish)
2 o‘rin – Dildora Yorbulova (videoni ko'rish)
1 o‘rin – Ilhom Sharifov (videoni ko‘rish)
Gʻoliblarni tabriklaymiz! Ishtirok etgan barcha qatnashchilarga rahmat aytamiz! Tanlovlarimiz yana davom etadi.
📚 @bookuzbekistan — kitobsevarlar tanlovi!
https://telegra.ph/Tongotar-romani-haqida-02-20
Читать полностью…
Рахшона Аҳмедова. Саккизоёқлар ва ибодатхона (ҳикоя) — ziyouz.uz
https://ziyouz.uz/ozbek-nasri/raxshona-ahmedova/raxshona-ahmedova-sakkizoyoqlar-va-ibodatxona-hikoya/
Raxshona Axmedova mana shu kechish tuyg'usini, kechishga kuch topish alamini o'quvchisiga realistik tasvirlari zamirida singdiradi. Mag'dur personajlar kuchsizligi, harakatsizligi bilan o'quvchining g'ashini keltiradi. Yozuvchining yutuği ana shu harakatsizlikni davom ettirib ichki tuğyonlarni uyg'ota olganida. Ayol qismati haqidagi sof realistik roman bilan o'zbek adabiyotini tabriklayman!
P.s Ayol haqida yozilgan har bir asar muvaffaqiyatidan quvonch hissini tuyaman.
R.N
Айни пайтда Ёшлар радиосида АКС бўйича суҳбат бошланди, ФМ 104 тўлқинларини созланг )
Читать полностью…
...Mansur Hallojning Haqqa ishqi eng oliy nuqtaga chiqqanida u o'zini yomon ko'rib, o'z menini yo'qotdi. «Anal Haq», dedi, ya'ni men yo'qman, faqat Haq bor. Bu bandalik va kamtarlikning eng oliy nuqtasi sanaladi. Faqat U bor, dedi.
Sen Allohsan, men esa bandangman, deyish kibrga kiradi. Bunday desang, sen o'z mavjudligingni ta'kidlab, ikkilikni paydo qilayotgan bo'lasan. Chunki «men» bo'lmasa, «U» bo'lmaydi. Shu bois Mansur Halloj: «Men Haqman», dedi, chunki faqat U bor, Mansur Halloj yo'q. «Anal Haq» Mansur Hallojning tilidan chiqqani bois buni u soʻzladi deb o'yladilar, aslida esa bu Haqning so'zlari edi. Alloh taolo barcha tillarda gapiradi, faqat buni juda oz kishi eshitadi.
Xayol olami shaklga ega moddiy olamdan keng, barcha shakllar xayoldan paydo bo'ladi. Shu bilan birga, xayol olami xayoldan paydo bo'lgan olamga nisbatan tor. So'zlar orqali faqat shularnigina ayta olamiz, tushuna olamiz, asl ma'no esa so'zga sig'maydi.
Mavlono Jaloliddin Rumiy
"Ichindagi ichindadur"
Tarjimon: Ilhom Salimov
Yashamoq-yashamoq deb jonga tegishdi.)) Kitobini o'qishga-ku vaqt yo'q, kinosini ko'ra qolay, dedim.
Afsuslanmadim-u, ammo ta'sirchanligim bois, ruhim og'irlashib qoldi. Yomon demoqchimasman, aslo. Yaxshi kino ekan, ezilib-ezilib ko'rasan. Ikki joyida yig'ladim ham. O'g'li o'lganida va qizini yo'qotganida.
Hayot o'zi shu-ku, topasan-yo'qotasan, shu bahona, shular bilan andarmon bo'lib umring o'taveradi. Goh shodlik, goh g'am ichida olg'a intilasan.
Bu hayotga chidamliligini sinovdan o'tkazish uchun kelganday, odamzod. Temir olov ichida shunday toblanadiki, so'ng undan istagan narsangni yasay olasan. Inson ham shunday, bu hayot olovida toblanib-toblanib, oxiri ko'nikuvchan bo'lib qoladi. Zero, boshqa iloj ham yo'q.
"Bu hayot senga ota-onangdan bir sovgʻa. Agar yashashni istamasang, avvali ulardan ruxsat soʻrashing kerak!" Shunday, ota-ona oldida mas'uliyatimiz, majburiyatimiz bor. Yaxshiyam bor.
Kinodagi bir jihat yoqdi. Har yiqilganida, har yo'qotganida qayta tura olishidan o'rnak olsa arziydi..
Oxirgi paytlar badiiy asar darajasi borasidagi har turli bahslar bo'lmoqda. Birisiga yoqqan asardan boshqasining ko'ngli to'lmaydi. Boshqasi maqtaganni birisi rad etadi. Mayli, buni did bilan bog'liq holat deylik. Lekin o'zi badiiy asarni baholovchi mezonlar bormi? Badiiy asar qanday baholanadi?
Men asosan, badiiy asarni baholashda uch mezonga tayanaman. Birinchisi, bu asar g'oyasi bo'lsa, keyingisi, uslubi va tili. So'nggi uchinchisi, asar mavzusidir.
G'oya badiiy asarning asosi hisoblanadi, g'oyaning kuchli yoki kuchsizligi asarning darajasini belgilashi mumkin. Masalan, Ernest Hemengueyning "Chol va dengiz"ida insonni yengib bo'lmaydi, degan buyuk g'oya bor. Va asar ana shu g'oya asosiga qurilgan. Yoki bo'lmasam, "Evrilish"da Frans Kafka agar foydang tegmasa, hatto yaqinlaring uchun keraksiz matohsan degan g'oyani ilgari suradi. Va bu davrlar o'tsa-da eskirmas g'oya bo'lgani uchun ham bugun asar o'z qiymatini yo'qotmagan, deyish mumkin.
Badiiy asar qiymatini belgilovchi ikkinchi mezon, bu uning tili va uslubidir. Bunda asarni muvaffaqiyati uchun ko'p hollarda ayni shu ikki jihat sabab qilib ko'rsatiladi. Masalan, Tog'ay Murodning eng katta yutug'i, o'ylashimcha, bu uning o'ziga xos uslubidir. Bayon etish yo'sini va tili hanuz eskirmadi, ya'niki, o'ziga xosligini yo'qotmadi. Yoki bo'lmasam, O'rxon Pomuqni yuqorida nomi zikr etilgan romanini olaylik, "Mening otim qirmizi"da yozuvchi voqeani bayon etish uchun postmodernizmdan foydalandi. Har bitta narsani so'zlatdi. U xoh jism bo'lsin, xoh jonli mavjudot bari o'z dardini so'ylaydi. Va bu uslub jihatidan yangilik deyish mumkin.
Uchinchi mezon asar mavzusidir. Masalan Patrik Zyuskindning "Ifor"ini olaylik. Adib hech kim qo'l urmagan mavzuda yozgan va ana shu jihat asar darajasini yuqoriga ko'tarib yuborgan, desa bo'ladi. Yoki Dostoyevskiy "Jinoyat va jazo"sida o'z g'oyasini yetkazish uchun jamiyatning o'rta qatlami vakili - talabaning qotilligi - jinoyati mavzusidan foydalandi.
Ba'zida asar g'oyasi pishiq-puxta bo'lgani bilan uslubi yangi bo'lmasligi mumkin, ammo bu asar qiymatiga katta ta'sir qilmaydi, meni nazarimda. Yoki mavzusi dolzarb bo'lsa-da, ma'lum bir vaqt o'tib eskirsa, unda asar uzoq yashamaydi, bu jihat ham bor.
Ammo adabiyotda ba'zi istesnolar ham uchrab turadi, xususan, shunday asarlar bo'ladiki, asar g'oyasini topolmaysiz yoki uslubini payqash mushkul. Bunday asarlar ichida hatto o'z davrida qadrlanmay, yillar o'tib, bahosini olganlari ham bor. Shu uchun badiiy asar borasida olganingiz qadar gapirmoq, qolganini ko'pda vaqt hukmiga topshirmoq ma'qul. Yana o'zingiz bilasiz...
T.me/RaxshonaAhmedova