308
Оҳанг ва сўз уйғунлиги дунёларингизни нурафшон қилсин! Ёш шоира Нозима Ҳабибуллаеванинг ижодий каналига хуш келибсиз!
***
Нимёруғ хонанинг бир бурчи ҳорган,
Қўлингиз тонггача қаламга тутқун.
Ҳаёлдан бу ҳолни олиб, деворга
Соянгизни чизиб ўлтиради У.
Шамолга айланиб келади гоҳо
Қанот боғлай дея қоғозларига.
Сиз бор ҳовучларга тўлар «илоҳо! »,
Тебраниб кетасиз овозларида.
Қаршингиздан чиқса, титроқ югуриб,
Нафаси бўғзида бўлинар ярим.
Кўзингиз кўзига тўқнашмай туриб
Сочилиб яйрайди кўзмунчоқлари...
Интиқ кўчангиздан ўтмаган ҳамон,
Унинг ҳам кўчаси кўрмаган сизни.
Юз бор суҳбатида бўлгансиз, аммо,
Танимайсизми?
Билмайсиз, бир қизки, ўйлари ҳарир,
У севган денгиздек нигоҳингиз жим,
Биров пайқамасин дея, тунлари
Тушига беркитиб ухлаганларин.
Сиз сўзга буркайсиз уни тамоман
Кун келар,
ўшандан бошланади кун.
Бир умр ёп- ёруғ хона ичра ҳам
Соянгизга дўниб ўлтиради У!...
2019
Нозима ҲАБИБУЛЛАЕВА
@Nozima_Habibullayeva
Mood of the my day 🪐✨
@Nozima_Habibullayeva
Aleksandr Pushkinning «Yevgeniy Onegin» asari asosida suratga olingan filmdan Onegin va Tatyananing o‘zaro maktub yozishishlari aks etgan lavhalar.
Go‘zal asar, go‘zal kino va albatta go‘zal dublyaj
@kino_ombori
#Zulfiqor_ruh
#anorbooks
#chellenj
🔥 Yaqinda nashrdan chiqqan ulugʻ shoir Shavkat Rahmonning “Zulfiqor ruh” kitobi boʻyicha chellenj eʼlon qilamiz.
Barcha sheʼrsevarlarni chellenjda qatnashishga chorlab qolamiz😊
Sahifalarimiz:👇
Telegram | Instagram | Facebook
Яхшиям сиз борсиз,
Яхшиям куз бор.
Шеърсизлик жонимдан ўтарди йўқса.
Қировлар қонимни ютарди йўқса.
Яхшиям йўллар бор
бир узу-ун фусун,
Уни ўлчаб борар қадамларимиз.
Наҳотки бир йўлнинг одамларимиз?
Бир гўзал ёнади,
азал ёнади,
Мезон хонишлари, навозишлари.
Фасл бу- кўнглимнинг намойишлари.
Момақалдироққа
айланиб боқар
Осмон вужудида урар юрагим.
Нураса нурларда нурар юрагим.
Энди ҳадиким йўқ,
Ушшоқда жим йўқ.
Созандам, сўзлардан яралган найман,
Қандайин чалсангиз шундай янграйман
Яхшиям Сиз борсиз,
Яхшиям Сўз бор...
Нозима ҲАБИБУЛЛАЕВА
@Nozima_Habibullayeva
#туғилган_кун
TИРИКЛИК
Қўй, пешонам кетсин сўкилиб,
Еб ташласин ер эмас, хаёл.
Деворларнинг дарзидан кириб,
Ёриб чиқсин кўксимни шамол.
Нигоҳимнинг саҳифалари
Ўчиб битсин эски битикдек.
Дарёларим зор гирялари
Соҳилларда изғисин итдек.
Ва ҳар нечук ному нишонни
Юзларимдан ташлай сидириб.
Товонингга кирган тиканни
Кўзим билан олай суғуриб.
Минг йиллик гўр каби кўмилиб,
Сўнг қаршингдан чиқарман тирик.
Уч юз олтмиш пайғамбар бўлиб,
Сиғинаман сенга, Тириклик!
***
Кечалар кечадек ёйилганда ғам,
сўнгакни синдирса юракнинг зарби.
Сен мени ҳеч қачон танимасанг ҳам,
мен сени севаман бир тентак каби…
Йиғласам мотамий каби ўкириб,
йиғласам қучганча елкаларингни.
Тошингга товоним қонини суриб,
ёрита оламан кечаларингни…
Асқар МАҲКАМ
_
@Nozima_Habibullayeva
BAG'ISHLOV
(«Naxshon» dostonidan)
Bog'larga namozgar
Salqini tushdi,
Gullar nam bargini
Qayirdi asta.
Oftob ham suv ichar
Tog'lardan pastda,
Loladek qip-qizil
O't shafaq o'chdi.
Ko'z tutdim
Ko'zlarim nigoron bo'ldi;
O, dilbar,
Simbarim, yuzlari qirmiz.
Kiprigi ko'ksiga
Soya solgan qiz,
Ko'z tutdim,
Yuragim to'la qon bo'ldi.
Shabboda bolariday
Gulzor uzra sho'x Oy fonarini
Yoqdi — qiz oqshom, Yasha!
Sen kelding,
Sevgilim, Naxshon,
Suv qizi — suvsarim,
Kipriklari o'q.
Sen kelding,
Ko'nglimga suv kabi oqding.
Sen kelding —
Ruhimda yashash boshlandi,
Sevinchdan ko'zlarim
Behol yoshlandi.
Sen kelding,
She'rimga chechaklar taqding.
Sen kelding,
Va'daga vafodor malak,
Oppoq qo'lingnimi
Siypalab o'pay?
Qora sochingnimi
Siypalab o'ray?
Va'da etayinmi,
Senga deb falak?
Arzirdi
Falakni etsam hadya,
Afsus…
Fazo menga hali qul emas,
Mayli… borimni
Aylay armug'on.
Garchi u
Ajoyib, asl gul emas,
Naxshon, ey yoshligim,
Sevgalim, ma, ol!
Ishqimning eng oliy
Tuhfasi she'rim.
O'qi!
Lablaringdan to'yib emgani,
She'rimga berkindi
Ataylab mehrim.
Usmon NOSIR
______
@Nozima_Habibullayeva
Бизда байрам!
4-ноябрь Нозима Ҳабибуллаева туғилган кун!
Табриклайман шоирам! Бирга узоқ ва бахтли умр кечирайлик. Энг тоза орзуларим сен билан.
Сени севаман ❤️
***
Сукунатга тортилган тароқ,
Тун ёйилар сочларимдек тим.
Деразамнинг остида ногоҳ
Серенада куйлаётган ким?
Куйлайдики, осмонингдан кел,
Ундан баланд ерларда ўлкам.
Сўзларига чайилар кўнгил,
Овозлари шунчалар ўктам.
Юлдузлардан тўкилар изҳор,
Тисарилиб боради парда.
Қор учқунлар, ўйнар эҳтимол
гитарасин тўлқинларида.
Кулгу босар кўзларимга лаб,
Шивирлайди декабрь саси.
Димоғимга урила бошлар
Ойнинг нафаси…
Тонг нуридан чалкашар йўлим,
Жон ҳапқирар!
Томоғимда чўғ…
Қўшиқ ўша…
Тутқичда қўлим.
Қаролмайман деразадан.
Йўқ!
Шивирлайман, сўроқдир балки
«Ҳонишларинг жонбахш ва сокин,
Юрагимнинг устида қалқиб
Серенада куйлаётган ким?»
***
Мусаффо кўзларнинг деразасидан
Чиқсанг-у ишқ қолса сендан аразлаб.
Суҳбатлашии-иб кетсанг соябон билан
Одамлар тентак деб ўйлашса... мазза!
Ҳечкимни севмасанг,
О қандайин эрк!
Сайр этсанг хазонранг поёндозларда.
Йўлингга кўз тикиб, сақлаганча кек
Узумлар йиғласа зардама - зарда.
О бу Куз!
Бу ёмғир гурунгидаман,
Осмон қизғонаркан мени тобора.
Тобора томчилар ва япроқлар ҳам
Юрагим рангига қилар ишора.
Қуш эдим, ҳеч тутқич бермайдиган қуш
Қафаслар янгради ишқсизлик аро.
Келдинг- у эй ўнгга айлангувчи туш
Сен менга бу эркни кўрмадинг раво.
***
Нимёруғ хонанинг бир бурчи ҳорган,
Қўлингиз тонггача қаламга тутқун.
Ҳаёлдан бу ҳолни олиб, деворга
Соянгизни чизиб ўлтиради У.
Шамолга айланиб келади гоҳо
Қанот боғлай дея қоғозларига.
Сиз бор ҳовучларга тўлар «илоҳо!»
Тебраниб кетасиз овозларида.
Қаршингиздан чиқса, титроқ югуриб,
Нафаси бўғзида бўлинар ярим.
Кўзингиз кўзига тўқнашмай туриб,
Сочилиб яйрайди кўзмунчоқлари...
Интиқ кўчангиздан ўтмаган ҳамон,
Унинг ҳам кўчаси кўрмаган сизни.
Юз бор суҳбатида бўлгансиз, аммо,
Танимайсизми?
Билмайсиз, бир қизки, ўйлари ҳарир,
У севган денгиздек нигоҳингиз жим,
Биров пайқамасин дея, тунлари
Тушига беркитиб ухлаганларин.
Сиз сўзга буркайсиз уни тамоман
Кун келар,
ўшандан бошланади кун.
Бир умр ёп-ёруғ хона ичра ҳам
Соянгизга дўниб ўлтиради У!..
* * *
Чанг босиб кетасан хотирларимда,
Кулгумла поклайман тасаввур ичра.
Ҳуркак нигоҳларим сийламоқ учун
Тўсатдан учра!
Атай ўйламайман истиҳолада,
Аммо, кўзларимга чизилган аксинг.
Ҳиргойи қиламан –
совуқ хонада
Қаҳва ифорининг буғланар рақси.
Мени ром этмайди кунларнинг бўйи
Дераза ортида чизилган сурат.
Бошимни елкангга жойлаган кўйи
оламда бир тасвир жонланиб юрар.
Сесканиб тўкилар шаффоф манзара,
Ҳаёни ер тизган кипригим чимдир.
Гўё,
Эски филмларнинг тасмаларидек
Ўйимни кузати-иб ўтирар кимдир.
Кимдирни уйғотган соғинч муҳташам,
Келар-у
дийдорга айлайди каманд.
Ва айтиб чиқаман эрталабгача
Кўзингда кўзимни кўрсатганга ҳамд!
* * *
Умримизга дастурхонин тўшар Тошкан,
Эй юзи шамс,
елкалари ҳиёл адир.
Юзларимдан ҳарор олиб сизга шошган
Қўлларимда пиёлалар уёлади.
Жилмаясиз, нафасимда вақт синади,
Кўзингиздан раволаниб боққан сарим.
Рўмолимнинг учларига беркинади
Кулгуларим,
Чимматимга улгуларим.
Тушларимиз хушларимга эмиш эгиз,
Айланадир – ҳаёлимдай ишқи роҳлар.
Айланадир – кўнглимизга ташрифимиз
Ва осмонга элтиб қўяр арғимчоқлар.
Овозингиз қаламимда қилар хониш,
Ҳилпираган киприкларим куйи сизга.
Синдирилган нон мисоли ташрифи хуш –
Тонг нафасли ҳилол ботди елкангизга...
Умримизга дастурхонин тўшар Тошкан,
Эй юзи шамс,
елкалари ҳиёл адир.
Юзларимдан ҳарор олиб сизга шошган
Қўлларимда пиёлалар уёлади.
/channel/Nozima_Habibullayeva
Bir mazza qilinglar )
Ayda Mosharraf - İsyan | O Ses Türkiye 2011
@Nozima_Habibullayeva
* * *
Суратингни кўриб ўлмоқ муқаррар,
Майлими суратинг қучиб тирилсам?
Руҳимдан куй бўлиб таралсанг агар,
Мени сармаст қилган оҳангга инсам.
Токчамда лашкардек саф тортар гуллар,
Лаҳза кипригимда учар арғимчоқ.
Сенга ёзолмаган мактубим ҳаққи
Мени ёқ...
Ухласам, тушимда уйғонар барча,
Ўнгимда сўлимдир бу боғлар бедор.
Қучоқлаб мизғийман,
осмон йўқ гарчи,
Ёстиғим ичида қанотларим бор.
Ўшанда боқмабман,
чеҳрангга туйқус
Пойингга тўкилдим, ўзимдан кетиб.
Аммо, олмаларни узатган сенинг
Қўлларинг эди...
Ўшанда куз эди.
Муз эди қалбим.
Энди соғинчларнинг тафти бор, Сен йўқ.
Сенга олиб бормас йўлларинг ҳаққи,
Мени ёқ.
Мени ёқ,
Мусодай омонлик тилаб,
Азобинг бир ютум,
ҳижронинг дайди.
Ахир суратингнинг иштиёқи-ла,
Унсурим Сув эди —
кўзёшга қайтдим.
Суратингни кўриб ўлмоқ муқаррар,
Майлими суратинг қучиб тирилсам?...
__
октябрь, 2023
@Nozima_Habibullayeva
Mana shunday o‘qiladi She'r!... 💔
@Nozima_Habibullayeva
МУТОЛАА ЯРМИДА
(Авлиё Сергийга мактуб)
Бронза қўнғироқ оғир чайқалар,
Садақа сўрайди кекса монастир.
(Кафтимда занглайди эски чақалар...)
Дунё - кўнгилдан пастдир.
Ёлғонни ямламай ютади кўча,
Хиёнат урчийди чиркин боғларда.
Сиз фиғон чекасиз,
Мен фиғон чекаман,
Ишонинг, гул унмас «оҳ»лардан...
Йиллар ичингиздан сирқираб ўтар,
Нафсу руҳ баҳсида қайнайди умр.
Гоҳ ғолиб, гоҳ мағлуб...
кўнглингиз ғариб -
Моҳият эса сир...
Қаҳва симираман.
Сиз эса жимсиз,
Туманни чилимдек тортади кеча.
Ёмғир шовуллайди...
Юрак шовуллайди...
Эшикни нотаниш бир аёл очар...
(Кечиринг, одобни билмайди чақмоқ,
Ана... ғор оғзида синди қарсиллаб.)
Рутубат уфурган шу ҳўл кечада,
Хайр.
Қалбингизни асранг...
Башорат Отажонова
T.me/Bashorat_Otajonova
ХАБАР
Осима,
Лайлаклар элчи — у ердан,
Ҳув ана мезонлар, хабар олайлик.
Паға-паға ёлқин, томчи-томчи ранг,
Ёғар бир ўлка бор, борақолайлик.
Кўнгил аросида фарёд тилкаси,
Армонлар тўсибди тиғ бахтимизни.
Қуш йўқ работларда кимнинг кўлкаси,
Эшитди мунграган суҳбатимизни.
Сен юлдуз париси тўфон буржида,
Мен қора туйнукда улоққан балки.
Уммондай оғриқдан синган гурзидай
Осмондай кенгликка сиғмайди шаклим.
Ўқишни билсанг гар Тақдир китобин,
Билиб бер, ишқ борми ўлмасдан бурун.
Сўраб бер, севгининг манзил туробин,
Жой борми, юзпора иккимиз учун.
Осима,
Лайлаклар қайтдилар ортга,
Адирлар қатига яшринди баҳор.
Тинмай ёғаяпти, биз йўқ ўлкада,
Паға-паға ёмғир, томчи-томчи қор.
© Абдували Қутбиддин
@sherSehri
#kundalikdan
Yoshlik fotoapparatning "chiq" etgan ovozidek o‘tib ketadi. Ana shu lahzadagi yashamlarimiz, baxt-u muhabbatimiz muhrlanib qoladi umr suratiga.
Men shu suratga chiroyli tushishni xohlayman... ♾ ❤
Sizchi?
@Nozima_Habibullayeva
***
Дунё шундай азим, шундай қария.
Бир енги шоҳи-ю, бир енги жулдур.
Вовайло, ўзини Яратгангамас
Ўзин ичидаги қулларга қулдир.
Нима ҳам қиларди, ёки тариқат
Тарки дунё деса...
Айлайди сабр.
Кўзларда ухлайди, авлодларига
Сўзи ўтмай қолган бечора каби.
Кўзи ҳира тортган яшаган сари
Ойнасин ошиқлар айлайди талош.
Тоғлар -кемшик тиши,
ковакларига
кириб қолиб то субҳ чиқолмас қуёш.
Бошида айланар оқ, қора соч- хат,
Жим кетар, белидай букри йўлидан.
Оёғидан тутиб турар қиёмат
Ва яна...
ҳассаси шоир қўлида!
Нозима ҲАБИБУЛЛАЕВА
@Nozima_Habibullayeva
#music_time ❤️
Gruziya tog‘larining nafasi bor...
@Nozima_Habibullayeva
Сукунатга тортилган тароқ,
Тун ёйилар сочларимдек тим.
Деразамнинг остида ногоҳ
Серенада куйлаётган ким?
Куйлайдики, осмонингдан кел
Ундан баланд ерларда ўлкам.
Сўзларига чайилар кўнгил
Овозлари шунчалар ўктам.
Юлдузлардан тўкилар изҳор
Тисарилиб боради парда.
Қор учқунлар, ўйнар эҳтимол
Гитарасин тўлқинларида
Кулгу босар кўзларимга лаб
Шивирлайди декабрь саси.
Димоғимга урила бошлар
Ойнинг нафаси...
Тонг нуридан чалкашар йўлим,
Жон ҳапқирар! Томоғимда чўғ...
Қўшиқ ўша... Тутқичда қўлим.
Қаролмайман деразадан. Йўқ!
Шивирлайман, сўроқдир балки
«Ҳонишларинг жонбахш ва сокин,
Юрагимнинг устида қалқиб
Серенада куйлаётган ким?»
Нозима ҲАБИБУЛЛАЕВА
@Nozima_Habibullayeva
Oy. Nur. Iztirob – erkin ruh, rost soʻz va botiniy tuygʻular bilan yozilgan sheʼrlar tahlili
Xalqda “ogʻzi polvon” degan ibora bor. Bugun “ogʻzi shoir”lar urchib ketdi. Hadisda “hali shunday kunlar keladiki, hatto Alloh degan soʻz ham avom tugul imomlarning boʻgʻzidan chiqadi” deyiladi. Tushunyapsanmi, yuragidan emas, boʻgʻzidan! Shoirlik ham ruhda aks etadi. Sening ruhing esa shak-shubhasiz baquvvat. Satrdagi jom – vujuding boʻlsa, may – ruhingdir. Uni chayqab yuborishni tilanayotganing – Alloh! Koʻrinishingdan dinamitga oʻxshaysan, oʻzi kichkina-yu, portlasa…
Batafsil: http://forum.oyina.uz/uz/article/2306
Rasmiy sahifalarimiz👇
Telegram | Facebook | YouTube |X
"Yaxshiyam siz bor..." 💕
✍ Nozima Habibullayeva
🎤 Parizoda Ro‘ziboyeva
@Nozima_Habibullayeva
#Севимли_сатрлар
«Не кечар дунёнинг ўнгу сўлида
Туйғулар кўзёшдай қалқиб турган пайт.
Ҳамма лаққилласа бозор тилида,
Сен кўнгил тилида бирор жумла айт...»
© Эшқобил ШУКУР
@Eshqobil_Shukur_ijodi
✍️ Ўзбек ёшлар шеъриятида Турон мавзусининг акс этиши
ХХI аср ўзбек ёшлари ижодида миллат мавзуси бошқача янграяпти. Энди ҳурликка эришганига шукрона билан шеърлар битишни бу авлод ўзига эп кўрмайди. Бугун ўзбек ёш зиёлиларини мустақиллик қониқтирмайди. Улар дунё билан бўйлашишни, миллатнинг шонли ўтмиши бугун қайтадан бўй кўрсатишини истайди. Айтиш мумкинки, ёшлар шеъриятида бугунги ўзбек фарзандларининг айни шу жасорати кўзга ташланади.
Батафсил: http://ishonch.uz/news/806
Каналга уланинг:
@ishonchuz_official
San'at bu-men! Va u mangu hayratga daxldor 😃
To‘lqinida suzmay ko‘ringchi 🌊❤
P/S: sizlarga ilinmay bo‘ladimi?
P/S2: Tor nima deyapti?
@Nozima_Habibullayeva
Bir qo‘shiq, ikki xil ijro. Baholaymizmi?
Halil Sezai - İsyan (Sinem Uraz) | The Voice of Germany | Blind Audition
@Nozima_Habibullayeva
Qiyomatga qadar savolimsan - Sen,
Qiyomatga qadar javobing - Menman!Nozima Habibullayeva
@wwwesdalikuz❤
…ГА
Эсимдадир ажиб дам ҳали:
Кўз олдимда бўлдинг намоён,
Пок гўзаллик даҳоси каби,
Бир лаҳзалик хаёл, тушсимон.
Ғам-аламдан дилим ёнганда
Тушларимда кўрдим чеҳрангни,
Ҳаётдаги бўм-бўш суронда
Келиб турди товшинг жаранги.
Йиллар ўтди.
Исён бўрони
Хаёлларим совурди дилдан.
Ва унутдим дилбар садонгни,
Ўчди азиз чеҳранг ёдимдан.
Қувғинликнинг чангида нурсиз
Ғамга тўлиб кунларим ботди;
Худо,
илҳом,
кўз ёшисиз,
Ишқ, изтироб, ҳаётсиз оқди.
Мана, қалбга ошно бўлди най,
Кўз олдимда бўлдинг намоён,
Гўзалликнинг соф парисидай,
Бир лаҳзалик ажиб тушсимон.
Руҳим яна уйғонди бу дам,
Яна унда тирилди нажот;
Яна дилда худо ва илҳом,
Кўз ёши-ю муҳаббат, ҳаёт.
А. Пушкин
________
@Nozima_Habibullayeva
🎉 “Anorbooks”da yangi ruh!
🔸 Bu kitob vaqt dovonlaridan “oshib oʻtdi”.
🔸 Bu kitob ustida ancha mehnat qilindi.
🔸 Bu kitobni hatto biz ham uzoooq intiq bo'lib kutdik.
🔥 Nihoyat kitob o'z o'quvchilari qo'liga borishga shay turibdi.
SHAVKAT RAHMONni sogʻingan va
“ZULFIQOR RUH”ni kutganlar kitobga oldindan buyurtma berishi hamda toʻlov qilishi mumkin. Bu bilan siz oʻz kitobingizga 10 % lik chegirma bilan boshqalardan oldin ega boʻlasiz.
Buyurtma uchun:
@anorbooks_bot yoki @anorbooks_admin
manzillariga yozing.
Buyurtma muddati 3 kun!
❗️Eslatma!
Tez kunda kitobning katta taqdimoti boʻladi. Chinakam Shavkatona ruhni his qilish uchun siz, albatta, u yerda boʻlishingiz kerak.
Sahifalarimiz:👇
Telegram | Instagram | Facebook
#tarjima
Афанасий ФЕТ
"Субҳидамда уни уйғотманг ..."
Субҳидамда уни уйғотманг,
Тонгда шундай ширин ухлар у.
Кўкси узра нафас олар тонг,
Кулгичига таратиб ёғду.
Ва иссиқдир ёстиғи,
ҳорғин
тушларининг тафти-да қайноқ.
Елкаларда югурганча тун,
Ҳар томонга сочилган тарқоқ.
Кеча оқшом деразасида
Узоқ-узоқ ўлтирди пари.
Ва булутлар ўйини ичра
Кузатди,
Ой чиқди сирпаниб.
Борган сари ёрқинлашди ой,
Булбул куйлар авжидан ортиқ.
Борган сари оқариб ранг-рўй
Юрагида кучайди оғриқ!...
Шунинг учун кўкси навқирон,
Юзларида ёнмоқда кундуз.
Ҳалал берманг,
Уйғотманг бу он,
Тонгда бирам ширин ухлар У...
_____________________
Рус тилидан Нозима Ҳабибуллаева таржимаси
@Nozima_Habibullayeva
* * *
Ёмғирли кечада осмонни ҳидла-аб
ўлтирдим,
кипригим ўпди юлдузлар.
Шу ҳолда кимнингдир тушига кирдим
музтар...
Аммо,
учаётган ифорла қайтдим,
Бандаргоҳ мисоли ҳамал ҳориган.
Нозланиб ярим ой юзини артди
Ариқнинг бурмали кўйлакларига.
Елкасин қайириб йиғларди дарахт,
Таҳажжудда эди жамики борлиқ.
Ўйладим - нимани ўйлаш ҳақида,
Минг йилки вужудсиз елнинг оҳори.
Мен эсам...
...Дунёнинг ёдидан чиқдим мен эсам,
Сипқориб- сипқориб ёмғирни ичдим.
Худо пешонамдан силаётган дам
Муҳташам дунёда йўқ эди ҳечким...
2020
Нозима ҲАБИБУЛЛАЕВА
@Nozima_Habibullayeva
