1212
شاعر في خدمة اهل البيت عليهم السلام
طور كربلائي
اداء : الرادود الدكتور كرار الكوفي
كلمات : جعفر عطيه البزوني
المكان : حسينية دار الحسين (ع) / استراليا - سيدني
يوم 13 محرم 1446ه_2024م
محرم 1446ه_2024م
قصائد السبي(نزله)
راحت سبيه اخت عباس
راحت سبيه اخت عباس
؛★★★★★★★★★★★★
بعد المصيبة بيوم عاشور
ركبن هزيله اربات الخدور
زينب الچانت عايشه بسور
وسفه عليها تباوع الناس
؛★★★★★★★★★★★★
مچتوفه تمشي برفگة الگوم
عالناگه وتودع المظلوم
وتصيح يبن أمي يملچوم
تدري الگلب يا خويه حسّاس
؛★★★★★★★★★★★★★
خويه يالحسين انولينه
انتَ طحت واحنه نسبينه
بحبال مچتوفات ادينه
ترضاها متني بسوط ينجاس
؛★★★★★★★★★★★★★
مره تصد الراس الحسين
وعالگمر مره تنظر العين
صاحت وسف يخوتي الطيبين
عفتو اختكم بين الارجاس
؛★★★★★★★★★★★★★
لحگ على اختك يا گمرها
تدري خلص بالهم عمرها
فرها الزمان شلون فرها
خلاها مسبيه من الانجاس
؛★★★★★★★★★★★★★
بعدك يخوها صارت ام عون
زجر وخولّه البيها يحدون
اجناب بالناگه يگودون
مو زلم بل شيطان خنّاس
؛★★★★★★★★★★★★★
صاحت يحيدر يا ابونه
مو بشر ذوله الرافگونه
البالحرب لبدو من اخونه
صارو على النسوان اشراس
؛★★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
محرم 1446ه_2024م
ليلة دفن الأجساد الطاهره (طور كربلائي)
مِنّ الكوفه رد لحسين من يسره علي السجاد
رد الكربله مهموم رايد يدفن الأجساد
؛★★★★★★★★★★★★★★★★★
رد من اليسر والروح من التعب خلصانه
يلطم على الراس وصاح يالموسد بتربانه
يالوالي ينور العين جيت الدفنتك انه
يالمذبوح من اگفاك
ياريت انذبحت وياك
ولا أشوفك تسيل ادماك
لو بيدي متت وياك لكن حكمه والله الراد
؛★★★★★★★★★★★★★★★★★★
حيره شلون ادفننك جسد والراس مو ويّاك
يبويه وجسمك العاري أوصال مگطعينه اعداك
يالموذر على الغبره بحصيره لملمتها اعضاك
شميتك أو ودعتك
بوسط الگبر نزلتك
تنادي يا علي اسمعتك
عبد الله الطفل جيبه وخل صدري يصير اوساد
؛★★★★★★★★★★★★★★★★★★
توجه صوب اخوه الحيد على أخيه الظهر محني
يالاكبر هدّمت حيلي ذبحك خويه ذابحني
صاح بصوت يا ربي على دفن أهلي ساعدني
حفرله يم ابوه حسين
وهال ترابه بالچفين
صاح احاه ينور العين
بعدك روحي مهضومه وبگلبي الألم يزداد
؛★★★★★★★★★★★★★★★★★★
حفر حفره البني هاشم وحفره حفر للاصحاب
وداعاً صاح ودموعه ظلت تصب عالاطياب
وفيتو الدين الله بروح وجرح الدين بيكم طاب
ونعم منكم يوفايه
شريتو دمكم شرايه
ما توفيكم حچايه
طبتم يا انصار الدين جزيتم خير يالعبّاد
؛★★★★★★★★★★★★★★★★★★
راح الكافل الخدّر وصاح بصوت يا عمي
أذّونه يعمي الناس ردتك يالگمر يمي
زينب تمشي عالهزله بعد عيناك يالنشمي
بين الناس مشّونه
وبحجارات يرمونه
وإذا ننخاك ضربونه
كلما صحنه يا عباس نتعذب من الاوغاد
؛★★★★★★★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
https://youtu.be/oAf_X5kfP8M?si=OEJsStCWpkTcHsOP
Читать полностью…
محرم 1446ه_2024م
قصيدة الليله العاشره (نزله)
يوم عاشر بيه تطيح الرايه
اخوان زينب فوگ المسنايه
؛★★★★★★★★★★★★★★
ظهر يوم العاشر بطف نينوه
طاح عباس الگمر راعي اللوه
وصاح يمه حسين آ ظهري انلوه
بطيحتك خويه ولتني عدايه
؛★★★★★★★★★★★★★★
ظهر عاشر ظهر زينب ينكسر
طاح اخوها حسين من فوگ المهر
بعينها شافت عليه صاعد شمر
يريد حز منحر حسين بهايه
؛★★★★★★★★★★★★★★
صاحت آ يا خويه آ يا عزوتي
خويه هاي اعداك وصلت خيمتي
بعد چا شلّي وراك بدنيتي
خويه حاچيني ولو بحچايه
؛★★★★★★★★★★★★★★
زينب آ يا زينب وشحوالها
القبل ما واحد يشوف خيالها
من بعد ما ذبّحوها ارجالها
طالعه ابّين العده مشّايه
؛★★★★★★★★★★★★★★
يوم عاشر كلشي بيه ما ينحمل
ما بقى سالم ترى حتى الطفل
بأي ذنب عبدالله يتجازه بقتل
طفل عطشان انحرم من مايه
؛★★★★★★★★★★★★★★
الدنيا وي بت حيدر هوايه قست
بلا خوان ولا ولد زينب بقت
بس عليل وبالمرض روحه نولت
غاية اهل الكفر هاي الغاية
؛★★★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
محرم 1446ه_2024م
قصيدة الليله التاسعه (يمكن قراءتها شور)
يا هلا بزودك علي يا هلا بزودك علي
؛★★★★★★★★★★★★★★★
بين العساكر برز فارس هاشم
جايب الموت من المخيم قادم
طشّر القاده وعذباها الفرسان
وخلاها ظلت وادم اطگ وادم
طبّاها وخلّاها مذهوله
من موته رد حيدر معقوله
بيهم الشافه وخُمَد بمچانه
واكو بيهم لبد جوه حصانه
يا هلا بزودك علي يا هلا بزودك علي
؛★★★★★★★★★★★★★★★
جاءَ عليٌ للوغى وَيَنادي
والشكلُ نفسَ شكلِ طه الهادي
اني اتيتُ اقطعُ الاعناقَا
حيَ على الجهادِ والميعادِ
ذلاهم راواهم سقر
ما عدهم من سيفه مفر
منين ما طلعو لگوه گدامهم
رعب ما مر بيهم باحلامهم
يا هلا بزودك علي يا هلا بزودك علي
؛★★★★★★★★★★★★★★★
يمشي برهاوه بينهم وبراحه
مِنّ الجثث والدم ترسها الساحه
من كثر ما بيهم ترك رهبه وخوف
بيهم يموت وسيف ابد ما لاحه
من طبهم راعبهم عزمه اشتد
من سيفه طايحهم ما ينعد
صاح قائدهم وذب بيريته
شسوه بينه حيدر وذريته
يا هلا بزودك علي يا هلا بزودك علي
؛★★★★★★★★★★★★★★★
حي الله الأكبر من دخل ميدانه
عالمهر صاعد وبوسط عدوانه
من كل جهه گامو يسمعون الصوت
درب الحرب للذبح فك بيبانه
هذا اني نيراني تچويكم
بميداني عنواني فانيكم
من يمر يمهم ويقره انشاده
توگف إستعداد كل القاده
يا هلا بزودك علي يا هلا بزودك علي
؛★★★★★★★★★★★★★★★
إبن غانم بالشجاعه مو قليل
وشاف الأكبر قائد وقائد ثگيل
صاح من شاف الاجل قرّب عليه
ماكو عن الحرب يالاكبر بديل
والأكبر متبسم ويگله
المو گدها طالع بالطف شلّه
صاح الأكبر حربي هاي الساعه
گطع راسه وذبه وي أتباعه
يا هلا بزودك علي يا هلا بزودك علي
؛★★★★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
محرم 1446_2024م
قصيدة الليله الثامنه (نزله)
يبن الحسن گوم عمك ينتظر
اهجم على الگوم جيبلنه النصر
؛★★★★★★★★★★★★★★
حان الوعد حان يوليد الحسن
عمك الحسين ضد اهل الفتن
گوم اشهر السيف يالسيفك وطن
عماتك اليوم بيك اتنومسن
هيهات هيهات ما نقبل عذر
اهجم على الگوم جيبلنه النصر
؛★★★★★★★★★★★★★★
عندك وصيه وبخط والدك
تنصر الحسين بيها يناشدك
يلّه يجسّام فوت بمگصدك
واعلى الجمع ذاك هد ابّحدك
رايدتك بهاي گلب امك تسر
اهجم على الگوم جيبلنه النصر
؛★★★★★★★★★★★★★★
هد عالخصم هد واكسرهم كسر
صح عمرك زغير بس انت صگر
طبع الحرب هاي ما همها عُمِر
خلهم يشوفون نجمات الظهر
راويهم الموت اصحاب القدر
اهجم على الگوم جيبلنه النصر
؛★★★★★★★★★★★★★★
اگصد للحسين واطلب رخصته
عمك ترى اوحيد روح النصرته
ما اريدن الگوم توصل خيمته
همّتك هاليوم ترفع همّته
لا تترك حسين يا وجه البدر
اهجم على الگوم جيبلنه النصر
؛★★★★★★★★★★★★★★★
هاي الموازين اگلبها گلب
كثرت عددهم خليها برعب
خلهم يشوفون من سيفك عجُب
كون يتمنون ما دخلو حرب
ذكّرهم اليوم بحنين وبدر
اهجم على الگوم جيبلنه النصر
؛★★★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
محرم 1446ه_2024م
قصيدة الليله السابعه (نزله)
ذل الصوارم ليث الهواشم
؛★★★★★★★★★★★★★★★★
من دخل عباس بيها الحرب صارت بيده
الوصل يمه گص رگبته والبعيد يصيده
بكيفه هاي العركه صارت واليريده يريده
اليوم صاير رعب عدهم وابو فاضل عيده
صارو طشّار من خياله
؛★★★★★★★★★★★★★★★★
طلع گاصد للشريعه يجيب ماي بزوده
بيوم ما طبها الكفيل الدنيا صارت سوده
وصل غصبن للشريعه وترس يمهم جوده
والجموع گبال عينه چنها ما موجوده
والگوم مرادم خلاّها
؛★★★★★★★★★★★★★★★★★
شافت جيوش آل اميه الما قبل مشيوفه
صارت مرادم زلمهم شامهم والكوفه
سمعو العباس جاي وتگص روس چفوفه
گام كل واحد يشوفه ينسه حتى حروفه
ترجف عباس مخليها
؛★★★★★★★★★★★★★★★★
الماي صاحو ما نريده نريد فرصه بهايه
خلي نشرد وانته سيطر عالفرات ومايه
گال ماكو أي فرار وهاي اخير حچايه
إلا اخليكم ذبايح وانه راعي الرايه
وتطير ارگاب بچفيني
؛★★★★★★★★★★★★★★★★
العُمَر ركضو يخبرونه سيدي الحگ لينه
منين ما نشرد نشوفه واگف ملاگينه
اليوم ما منها خلاص ونيته يگظينه
راح بعد شويه يذبح أول وتالينه
وبسيفه اليوم يصفينه
؛★★★★★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
محرم 1446ه_2024م
قصيدة الليله السادسه (نزله)
احنه اصحابك وعدنه قضيه
ما نتركها حد يوم المنيه
؛★★★★★★★★★★★
احنه اصحابك نقدم رگبنه
شلون نعوفك وربك طلبنه
نصرتك نصرة الرحمن ربنه
فدوه يروح لجل الدين دمنه
عد يمناك تلگانه تچيه
ما نتركها حد يوم المنيه
؛★★★★★★★★★★★
اجيناك بعزمنه وبإراده
يا محلاها ويّاك الشهاده
محبتكم اصل من العبادة
ومن نموت هاي اكبر سعادة
يوم النصر يوم الغاضريه
ما نتركها حد يوم المنيه
؛★★★★★★★★★★★
ندافع عالنهج نهج الامامه
اهم شي الدين يبقى بالسلامه
خل الدهر يرمينه بسهامه
بس لا يوصل حسين وخيامه
نفديها الرگب لبن الزچيه
ما نتركها حد يوم المنيه
؛★★★★★★★★★★★★
اصول الدين واركانه وعماده
لهل البيت بس تبقى السياده
يخسه ايزيد واصحابه وعناده
ذوله شجابهم لهل الرياده
نسحگهم سحگ ارجاس اميه
ما نتركها حد يوم المنيه
؛★★★★★★★★★★★
الناس العايشه بالوهم خلها
احنه نعوف دنيانه وأهلها
الناس التنصر حسين بفعلها
بالجنه يلم اللّه شملها
على عناد الطغاة الناصبيه
ما نتركها حد يوم المنيه
؛★★★★★★★★★★★
اليحارب لجل دنيا هذا واهم
لجل الدين جرّدنه الصوارم
يكمّل دورنه دور ابو القاسم
نموت احنه ويظل الدين قائم
عايش يبقى دين الله ونبيه
ما نتركها حد يوم المنيه
؛★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
محرم 1446ه_2024م
قصيدة الليله الخامسه (يمكن قراءتها شور)
يا بو حميده يا بو حميده
؛★★★★★★★★★★★★★★★★★★
هلا بمسلم هلا بسيفه داير المعركه بكيفه من الجحافل اخذ حيفه القائد
المعركه بالنص شرگها وادم بوادم يطگها
سحگ بجدامه سحگها القائد
والعساكر تيهت مشرادها
وصارت مرادم زلم وولادها
وما بقت عدهم طريقه للهروب
لأن كل الطرق مسلم سادها
يا بو حميده يا بو حميده
؛★★★★★★★★★★★★★★★★★★
شرّد الحومه الصميده اسد ومتابع طريده
سيد وهمه عبيده الهيبه
صاحب الضربه العجيبه بضربته يطيّح كتيبه
ماكو ذره بگلبه ريبه الهيبه
ابن عم حسين زود ومفخره
آيه من قرآن محد فسّره
من علي الكرار ماخذها الصفات
ويشبه العباس سبع الگنطره
يا بو حميده يا بو حميده
؛★★★★★★★★★★★★★★★★★★
الجيش گام يصيح منه يا عُبَيد الله الحگ النه
بعد من عده شيفكنه ادخيلك
بسرعه جيبلنه ذخيره مسلم يعادل عشيره
وصلت اللحظه الاخيره ادخيلك
وعد يا مسلم وما نخلف وعد
انطينه امان وما نكررها بعد
حتى هاي الكوفه نتركها ونروح
ترى ما ظل عدنه من سيفك وَلَد
يا بو حميده يا بو حميده
؛★★★★★★★★★★★★★★★★★★
گام واحد سأل واحد ذاك واحد منّه شارد
خاف مسلم جاي گاصد يالربع
خلي نلبد لا يجينه يگطع دروب المدينه
ويگلب الدنيا علينه يالربع
يا ربعنه شلون هسه بهايه
خلصينه وما بقينه هوايه
من كثر ما خفنه يسمعنه ويصول
حتى ما نگدر نگول حچايه
يا بو حميده يا بو حميده
؛★★★★★★★★★★★★★★★★★★
مسلم بسيفه گظانه شجابنه وشورطانه
صار مسبح من دمانه بزوده
مسلم انهى الجيش نصه وبقت للعباس حصه
يمكن العسكر يخلصه بزوده
زين مسلم وحده لاگانه
شلون لو چانو سويه هنانه
چا قرينه على دنيانه السلام
اليطب للكوفه جثث يلگانه
يا بو حميده يا بو حميده
؛★★★★★★★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
محرم 1446ه_2024م
قصيدة الليله الرابعه (نزله)
يا گمر هاشم يساكن عيني
بدون اخوك حسين لا تلفيني
؛★★★★★★★★★★★★★
يمه يا عباس من قبل السفر
ارد اوصيك بوصيه يا گمر
ما اريد حسين يوصله خطر
بهالوصيه اهم شي تجازيني
؛★★★★★★★★★★★★★
هذا اعز ولدي واحبنه شكثر
لو يصح بيدي اقدمله العمر
ما اريد اشعر گبال امه بقصُر
هاي تربيتي واصل تكويني
؛★★★★★★★★★★★★★
ما اريده بلا سند مره يحس
انت وخوانك تقدموله النفس
كون ظل تصيرله من الشمس
رايده منك وعد تنطيني
؛★★★★★★★★★★★★★
يمه هذا ابن العزيزه فاطمه
لو رضت يرضى علي رب السمه
الفاطمه الزهره أنا شمقدمه
وانتظر منك خبر يحييني
؛★★★★★★★★★★★★★
كلشي خل يصير بيكم ما اهم
المهم يبقى حسين ابو اليمه المهم
ما اريد حسين لچمه ينلچم
الفرگه تكتل والهظم يلويني
؛★★★★★★★★★★★★★
يمه انا خفت من هاي الكتب
هالرسايل خاف باچر تنگلب
راح اظل مناطرتكم عالدرب
بلكي يرجعلي واشوفه حسيني
؛★★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
محرم 1446ه_2024م
قصيدة الليله الثالثه (نزله)
وين وعدك بويه وينه انتظرتك يبو سكينه
؛★★★★★★★★★★★★★★★★★
وين وعدك للعليله بويه انشدك
لحد هاي اللحظه ما واصلني ردك
لا اجه العباس لا ردولي ولدك
بويه تعبانه ترى اني وحق جدك
طالت الغيبه علينه انتظرتك يبو سكينه
؛★★★★★★★★★★★★★★★★★
تمر ساعات العمر وانه انتظركم
گاعده بالباب بلكي اسمع خبركم
يالگيظتو وياي بالطيبه عمركم
باقيه ويّاي بس ريحة اثركم
ظلمه يا بويه المدينه انتظرتك يبو سكينه
؛★★★★★★★★★★★★★★★★★★
هذا امر الله المرض مو من اديه
واقبلت كلشي رغم عظم القضيه
لكن اعتب ليش روحتكم سويه
چان خليتولي عالواهس رقيه
لو بقت اختي الحنينه انتظرتك يبو سكينه
؛★★★★★★★★★★★★★★★★★
مگابله الحايط وون والدمعه تجري
صحت يا ربي وراهم اخذ عمري
هم عليله وهم عليه ضاگ صدري
مدري دهري شضام اليه بهاي مدري
صرت للعله رهينه انتظرك يبو سكينه
؛★★★★★★★★★★★★★★★★★
ريت ميته من قبل رحلة ضعنكم
ولا اموتن من قهر فرگة حِضِنكم
گلبي فگ بيبانه وبنصه حِضَنكم
ظالّه بلايه وطن تربة وطنكم
طال عمرك يا ولينه انتظرتك يبو سكينه
؛★★★★★★★★★★★★★★★★★
بويه احچيلك على حالي وراكم
بعد شيشوف الرحل عنه ضواكم
اكسرتو گلبي هواي يا بويه تراكم
تعطيلتو عني گلولي شجاكم
چن احس زينب حزينه انتظرتك يبو سكينه
؛★★★★★★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
محرم 1446ه_2024م
قصيدة الليله الثانيه (نزله)
شد أحزامك يا لطّام شهر حسين يريد أزلام
؛★★★★★★★★★★★★★★★★★★
شد حيلك واستقبل عاشور الاحزان
وسّم صدرك من چفك لجل العطشان
ادخل للمجلس نفس احساس الخجلان
گله مقصر يحسين وجيتك ندمان
ادخل للمجلس محتام شهر حسين يريد أزلام
؛★★★★★★★★★★★★★★★★★★
خلي تعيش بنص روحك كلمة إنسان
اتبع خطوات حسين وعوف الشيطان
قطره من دموعك كافي تطفي النيران
بالخدمه شتخسر بالتالي انته الربحان
بتاريخك خليها أوسام شهر حسين يريد أزلام
؛★★★★★★★★★★★★★★★★★★
عوف الصيت وعوف الشهره وعوف الجاه
خلك ذايب بحسين وتنجح والله
صدگني المخلص يوگف بالشده وياه
كلشي مسجل بالجنه گبالك تلگاه
كلشي مسجل بالاقلام شهر حسين يريد أزلام
؛★★★★★★★★★★★★★★★★★★
شبيها الدنيا بلا مجلس لو دمعة عين
لذتها الدنيا من تعيش بقرب حسين
حسين يحبك من تكرم واحد مسكين
باچر يرجعلك ضعف احسانك مرتين
واقع نحچي مو اوهام شهر حسين يريد أزلام
؛★★★★★★★★★★★★★★★★★★
لتگول الله شمنطيني لا الله انطاك
افضل نعمه خادم لحسينك سواك
توفيق من الله الهذا المجلس جاباك
بصدر المجلس تلطم تلگه الزهره وياك
نصرو الزهره يا خدام شهر حسين يريد أزلام
؛★★★★★★★★★★★★★★★★★★
عيش بروحية خادم غيره وناموس
وبحلگ اليحچي أعله الخدمه اوگف موس
لا تترك نهجك لو رادو گطع الروس
وبموتك باچر باسم حسينك محروس
وبگبرك مرتاح تنام شهر حسين يريد أزلام
؛★★★★★★★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
محرم 1446ه_2024م
قصيدة الليله الاولى (نزله)
يا خادم حسين اثبت ولائك
استقبل شهر عاشور بعزائك
؛★★★★★★★★★★★★
من يطلع هلاله شهر عاشور
حط ابّالك الهالخدمه دستور
لا تنتظر بس كلمة المأجور
اثبت خدمتك للراسه منحور
لبو السجاد مو غيره انتمائك
استقبل شهر عاشور بعزائك
؛★★★★★★★★★★★★
من يبدي محرم ابدي صفحه
ونادي يا ضميري بعد اصحه
واخذ من عبرة اهل العلم لمحه
لتخلي امامك يدّي جرحه
سر حسين بالخدمه بنقائك
استقبل شهر عاشور بعزائك
؛★★★★★★★★★★★★
اخذ من دم ابو سجاد عبره
عليمن سيدك منگطع نحره
مو بس تلطم ورادود يقره
وگله سيدي يحسن نظره
يا مولاي كل عمري فدائك
استقبل شهر عاشور بعزائك
؛★★★★★★★★★★★★
خل گدامك حسين وصفاته
وعليمن ضحه الحسين بحياته
حسين الترك عبره في مماته
بنص الحرب ما تارك صلاته
گله سيدي ضمني الردائك
استقبل شهر عاشور بعزائك
؛★★★★★★★★★★★★
الامام الصادق يگول ويحثنه
رحم الله امرءٍ احيا امرنه
لازم نلتفت لفته العمرنه
لَيّبين بخدمهم قصُرنه
وي آل النبي اثبت وفائك
استقبل شهر عاشور بعزائك
؛★★★★★★★★★★★★
لَنخلي امام العصر وحده
نواسيه بمصاب حسين جده
الشيعي الصدگ ينطي المهدي عهده
يگله ويه المعاصي هذا حده
عجّل بالفرج ربي دعائك
استقبل شهر عاشور بعزائك
؛★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
هوسات للإمام علي عليه السلام
عيد الغدير 1445ه_2024م
وگف يمه النبي وبأيده شال ايده
صاح بصوت والكل سمع ترديده
علي هوه الخليفه وغيره ما ريده
من الله اتعيَّن والينه
؛★★★★★★★★★★★★★
علي سر الاله ورحمته ونوره
علي الخله اليتامه تنام مسروره
علي ربحان كلمن تبع دستوره
والناس بخيره مغطيها
؛★★★★★★★★★★★★★
عشت وي الدليل بدگته ونبضه
واسمك عسل واحله من العسل لفظه
اموت اعليك غصبن على الما يرضه
خيموت بحقده العادانه
؛★★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
محرم 1446ه_2024م
قصائد السبي (نزله)
بويه حسين حاچيني بويه حسين حاچيني
؛★★★★★★★،★★★★★★★★★★
بنتك رقيه واسألك بويه حسين حاچيني
اسمعني بويه اتوسلك بويه حسين حاچيني
لو ردت روحي روحي الك بويه حسين حاچيني
امشي وياك خليني بويه حسين حاچيني
؛★★★★★★★★★★★★★★★★★★
اشتاگيت اشوفن طلتك بويه حسين حاچيني
لا ما اصدگ ذبحتك بويه حسين حاچيني
ويامن عفتها عيلتك بويه حسين حاچيني
چنك صرت ناسيني بويه حسين حاچيني
؛★★★★★★★★★★★★★★★★★★
ويّاك چنت امدلله بويه حسين حاچيني
هسه صرت وي حرمله بويه حسين حاچيني
شسوت بگلبي كربله بويه حسين حاچيني
ضيعَت كل سنيني بويه حسين حاچيني
؛★★★★★★★★★★★★★★★★★★
رفجة عدو ما تنحمل بويه حسين حاچيني
اتمنى يا بويه عدل بويه حسين حاچيني
ترضاها يسلبني النذل بويه حسين حاچيني
البد وين دلّيني بويه حسين حاچيني
؛★★★★★★★★★★★★★★★★★★
ازغيره مو مالت ضرب بويه حسين حاچيني
ما بيه امشي بهالدرب بويه حسين حاچيني
والتمشي ويّانه غرُب بويه حسين حاچيني
يا بعد روحي وعيني بويه حسين حاچيني
؛★★★★★★★★★★★★★★★★★★
رِحلة مآسي رِحلتي بويه حسين حاچيني
يبچي الصخر لمصيبتي بويه حسين حاچيني
صارت قريبه موتتي بويه حسين حاچيني
موتي وصل يحسيني بويه حسين حاچيني
؛★★★★★★★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
محرم 1446ه_2024م
قصائد السبي (نفس لحن قصيدة باسم الكربلائي (بين المهدي والعباس))
راسك عالرمح يحسين بدرب اليسر يبره النه
بس انظر عليه بالعين ما اگدر الوحنه
يا بويه يا بويه عذّب گلبي فرگاك
؛★★★★★★★★★★★★★★★★★★★
ارقيه مسبيه بويه زغير سني وتصب دمعاتي
يا عيني حاچيني اشكيلك يبويه اسمع حچاياتي
سلبوني ضربوني فوگ الجمر داسن بويه خطواتي
يا ظلي انظر لي شوف متوني شوف آثار ضرباتي
حرگوها الخيم بالنار وبهالبيده فرينه
محتار الفكر محتار ما تنهض يوالينه
انهد حيلي يا ويلي ما اگدر بلياك
؛★★★★★★★★★★★★★★★★★★★
بالمدمع للمصرع اجيتك بالظلام وروحي مطعونه
اوصلتك ما لحتك رمحك عالي ما قبلو ينزلونه
فارگت ما شفتك اريدن شوف وجهك واشبع بلونه
سبونه منعونه كل ما نقترب منك يضربونه
هذا بسوطه يضرب حيل ذاكه سلب ترچيتي
اجيتك وي ظلام الليل يالساكن وسط ريتي
اذيتك تعبتك من عاتبتك هناك
؛★★★★★★★★★★★★★★★★★★★
بممشانه ويّانه على طول السبي راسك يرافگنه
شتمونه سمعونه حچي طول الدرب بويه يعذبنه
نتعذب وي زينب شمر بالسوط كل لحظه يروعنه
بمسرانه تعبانه بحر الشمس نگعد باستراحتنه
ابواعلك ترى من بعيد وبعيني أأشرلك
عفتنه وي عبيد ايزيد يالچنه تحت ظلك
يالوالي يالغالي مشتاقه اگعد وياك
؛★★★★★★★★★★★★★★★★★★★
اذّاني الناداني شلون اهلچ يعوفونچ يالبنيه
جاوبته واردعته اهلي شيوخ هاشم أهل حنيه
يا بويه يا خويه ما ترضونها تخلوني مسبيه
بهمتكم وفزعتكم خلصوني ترى ما ظل صبر بيه
درب السبي متعبني يا بويه تعب حالي
يالمفروض انت وياي ليش الشمر يبرالي
ترد روحي يا روحي من اسمع بطرواك
؛★★★★★★★★★★★★★★★★★★★
مجروحه مذبوحه شلون نروح أسره برفگة الظالم
نتروع نتلوع واحنه تفتخر بينه العرب لازم
بس حاشه نتلاشه اليظن نخضعله هذا يحلم أو واهم
يالوالد يالقائد نوعدك وعد يبقى هالخدر سالم
احنه آل النبي المختار بينه تأسس المذهب
والضدنه مصيره النار نعذبه وحاشه نتعذب
بهمتنه بعمتنه بويه نگر عيناك
؛★★★★★★★★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
محرم 1446ه_2024م
ليلة 11 محرم (ليلة الوحشه)
ليل هدعش ليل المصيبه زينب غريبه
ودّعت روح الله وحبيبه زينب غريبه
؛★★★★★★★★★★★★★★★★
من حل الظلام وبده برعبه الليل
بعد مقتل حسين المنسحگ بالخيل
طلعت زينب ومهدوم منها الحيل
تعبانه عمت عيني ودمعها يسيل
ادور على الجثته سليبه زينب غريبه
ودّعت روح الله وحبيبه زينب غريبه
؛★★★★★★★★★★★★★★★★
وصلت جسد مرضوض وطعن متروس
سهم فوگ السهم مثل الزرع مغروس
لا بيه راس لا عالجسم ظل ملبوس
ما عرفت اخوها بكثر ما مديوس
بين العده هاي العجيبه زينب غريبه
ودّعت روح الله وحبيبه زينب غريبه
؛★★★★★★★★★★★★★★★★
صاحت والدمع سايل على الخدين
على ريحة الزهره اعرفت بيك حسين
اريد اگعد گبالك گعدة الماشين
خويه النوگ جهزت باچر مودعين
عايفني بالشده الصعيبه زينب غريبه
ودّعت روح الله وحبيبه زينب غريبه
؛★★★★★★★★★★★★★★★★
بالهيمه يخويه اليوم بيتتنه
محروگه خيمنه وين گعدتنه
بعد ما طاحت اعله الشط كفالتنه
وره العباس خويه اجناب حرستنه
اجناب تحرسها النجيبه زينب غريبه
ودّعت روح الله وحبيبه زينب غريبه
؛★★★★★★★★★★★★★★★★
يا حيرة اخيتك باليمر بيها
عفتلي اطفال ما بياش احاميها
باول يوم واطفالك ملوعيها
رقيه اليوم سلبوها تراچيها
حگ الخدر ياهو يجيبه زينب غريبه
ودّعت روح الله وحبيبه زينب غريبه
؛★★★★★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
قصيدة : وين وعدك بويه وينه
اداء : الرادود حيدر الشويلي
كلمات : جعفر عطيه البزوني
المكان : حسينية الزهراء/ بغداد _ الكماليه
الليله الثالثه من محرم 1446ه_2024م
محرم 1446ه_2024م
قصيدة الليله العاشره (ليلة الوداع وعبد الله الرضيع)
يوم عاشر انتهى كلشي بحياتي
بلا مناصر صرنه بس انا وخواتي
ما بقى مّن اهلي كافل
لا حسين ولا بو فاضل
؛★★★★★★★★★★★★★★★★★
يخواني عشرتنه انتهت زينبكم بلا والي
واحد وره واحد شفت غالي ويتبعه غالي
رد الحسين من النهر دم الگمر جابالي
قائدنه اليكحل النظر مكسور اول تالي
لمن شفته منحني ظهره يويلي
اعرفت جيته بيها يتگطع دليلي
من الشريعه خبر قاتل
لا حسين ولا بو فاضل
؛★★★★★★★★★★★★★★★★★
ظل الحسين بلا سند طاح السند عالغبره
ودعني الحنين ومشه وصدالي بآخر نظره
لن اسمع بصوت المهر يصهل صهيل بحسره
واركضت حسبالي رجع لن شفت فارغ مهره
من اجاني حسبت جاني الاوده
ما دريته جايني ويصهل الوحده
يا مهر ظهرك اشّايل
لا حسين ولا بو فاضل
؛★★★★★★★★★★★★★★★★★
من اسمعت صوت المهر ظنيت اخيي يجيبه
چنه يگلي بت علي من ظهري طاح الهيبه
متروس طعنات وطبر بالدم تخضب شيبه
مشهد ابد ما ينحمل يخته نوو تسليبه
الظليمه چن احسّنه ينادي
يبت حيدر حسين ذبحوه الاعادي
فرهدت جسمه القبائل
لا حسين ولا بو فاضل
؛★★★★★★★★★★★★★★★★★
اهنانه ما ظلي امل راعي الامل شيرده
عباس يم العلگمي وحسين ما بيه رده
واعله الخيم هد الجمع ياهو العدل ويصده
حرگوهن اعلينه الخيم او وحده تلوذ بوحده
حيره حيره وين نشرد وين نمشي
ويلي ويلي سلبونه وخذو كلشي
صحت يا اهل المراجل
لا حسين ولا بو فاضل
؛★★★★★★★★★★★★★★★★★
فريت بالبيده ركض ونار الخيم تچويني
عالتل وگفت وحشّمت عباس ها يحسيني
يخواني فزعتكم ردت ما واحد يحاچيني
ترضون يهل المرجله اهل الكفر تسبيني
والله هضمه يا عرب يهل الحميه
بيا شريعه تنسبي بنت الزچيه
سوطهم عالمتن نازل
لا حسين ولا بو فاضل
؛★★★★★★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
محرم 1446ه_2024م
قصيدة الليله التاسعه (علي الأكبر عليه السلام)
رايح وليدچ يليلى ادعيله
من دعائچ بلكي يشتد حيله
ادري بوليدچ شهم يرجع بروس الزلم
من دعائچ بلكي يشتد حيله
؛★★★★★★★★★★★★★★★★★
ليله تنظر على حسين ارسوم وجهه مغيره
تگله يا بو علي شصاير ما تگلي يا تره
لا تگلي وليدي طايح لو أمر مؤلم جره
يا بعد روحي تراها اعليه الروح موجره
يگلها لا ابني علي ما ينوصف
بس برزله رجل ينعد بألف
خوفي بس لا ينلچم يرجع بروس الزلم
من دعائچ بلكي يشتد حيله
؛★★★★★★★★★★★★★★★★★
ادعي لوليدچ يليله يمه مشتده الحرب
ادري بيه رب البريه يرد دعاء الام صعب
علي وليدي وانه أعرفه يغلب وما ينغلب
لچن هاي جيوش كثرة والغدر عدهم غُلب
طبي للخيمه وارفعي چفوفچ
الله ميّخيّب رجه من يشوفچ
وبدعاء الأم عزم يرجع بروس الزلم
من دعائچ بلكي يشتد حيله
؛★★★★★★★★★★★★★★★★★
طبت الخيمه النجيبه وخاطبت رب السمه
تگله امشّي اعليك هذا اليبس گلبه من الضمه
بالغريب حسين احلفك والحبيبه فاطمه
رد عليه وليدي سالم لا يرد شابع دمه
ربي بس رجّع عليّه وليدي
ارد اشوفنه واشبگه بإيدي
رايده بوجناته اشم يرجع بروس الزلم
من دعائچ بلكي يشتد حيله
؛★★★★★★★★★★★★★★★★★
ربي ما عندي تچيه من بعد هذا الولد
والابن لو راح منها تبقى امه بلا سند
شگد عليه ملچومه روحي شگد عليه گلبي نمرد
عالصبر ما بيّه اصبر والصبر لحدوده حد
يَمه بالي خاف ينصاب ابله
مدري ابني شضامتله كربله
صارت الرجعه حلم يرجع بروس الزلم
من دعائچ بلكي يشتد حيله
؛★★★★★★★★★★★★★★★★★
لحظه والأكبر اجاها وامه دمعتها تسح
هلا بطولك بعد عيني يا هلا بوجه الصبح
ماصخه الدنيا بدونك يا علي وانت الملح
انا ما اريدن امنعك شيل سيفك والرمح
ما امنعك من جهاد ومن حرب
رغم ما هذا الأمر كلش صعب
يمه منك والنعم يرجع بروس الزلم
من دعائچ بلكي يشتد حيله
؛★★★★★★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
محرم 1446ه_2024م
قصيدة الليله الثامنه (الإمام القاسم عليه السلام)
راح الولد راح فوگ الترب طاح
بالدم تخضب
للخيمه طبَّن يم راسه ينعن
رمله ويه زينب
؛★★★★★★★★★★★★★★★★★★
من طاح قاسم عالارض للخيمه رد ما بيه نبض
جاباه الحسين
امه اجته وعمته يوليدي رمله نادته
يالساكن العين
يا ريحة ابوك الكلها حنيه
عايفني ييمه وحيل ما بيه
بعد كم شهر عرسك يا بعد عيني
بعد هيهات عرسك يمر طاريه
يا الم ينطاگ يذبحني الفراگ
ودموعي تنصب
يالرايح هناك تتعب بلياك
رمله ويه زينب
؛★★★★★★★★★★★★★★★★★★
لطمت وجهه عمته وبمچان جرحه باسته
بدمعه جريه
ياللونك بلون الصبح مو مالت سيوف ورمح
فگدك منيه
گوم استقبل ابنك يالحسن شوفه
اجاك بدم رگبته مخضبه چفوفه
ما قصّر وليدك رافع الهامه
جيش العدو بسيفه كسّر سيوفه
ظل لاخر انفاس ما دنگ الراس
بحسين چلّب
شاب وفگدناه والبقت بس آه
رمله ويه زينب
؛★★★★★★★★★★★★★★★★★★
امدد گبالي عالارض امر الله ما اريد اعترض
نوحي شيغير
لكن بگلب الام تره حنيه غير مفسره
ما اگدر اصبر
تستاهل تعب امك بتربيتك
عطر حسين چان اليدخل بريتك
رديت الربه ضعفين يا يمه
لأن من الزغر بحسين غذيتك
الهاليوم ردتك وأفتخر شفتك
تحقق المطلب
فدوه يمذبوح لحسينك تروح
رمله ويه زينب
؛★★★★★★★★★★★★★★★★★★
زينب تگله يالولد تترك حسين بلا سند
يا بعد عمتك
يالوجهك يضوي شمس اليوم وين او وين امس
مو نفس طلتك
امس چنه سويه شمحله لمتنه
محله ضحكتك من بين جمعتنه
واحد وره واحد طحتو گبالي
شخليتو يعمه من عشيرتنه
نمتو يشبان وخليتو نيران
بالگلب تلهب
كل شاب شفته تذبح ذبحته
رمله ويه زينب
؛★★★★★★★★★★★★★★★★★★
بعدك ييمه شحالتي شتسوه بدونك دنيتي
لو ميته قبلك
يالشوفتك تحيي العمر وفراگك بگلبي جمر
عذبني قتلك
يا محله ضحكتك امس گدامي
يالعريس اشوفك چانت احلامي
محسبه حساب يمه بدفنتي تحضر
تاليها اشوفك عالارض دامي
ظل جسمي محروم من شوفت النوم
فرگاك يصعب
بعدك نحيله وفوگ الهزيله
رمله ويه زينب
؛★★★★★★★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
محرم 1446ه_2024م
قصيدة الليله السابعه (الإمام العباس عليه السلام)
خليني ممدود بمكاني وروح
يا بعد اخيك لا تعذب الروح
اتركني يالغالي ما اريد ارد خالي
لا تعذب الروح
؛★★★★★★★★★★★★★★★★★
حسين يا خويه دخيلك خلني اموت براحتي
لا ترد للخيمه بيه والأطفال بعازتي
سكينه بالخيمه تتاني تريد ماي بغارتي
مستحي شلون ارجعلها وانته تعرف حالتي
صعبه اعله اخوك الكافل الهيبه
يطلبون منه الماي ميجيبه
عذبني دلّالي ما اريد ارد خالي
لا تعذب الروح
؛★★★★★★★★★★★★★★★★★
راحت الجربه من اديه شلون ارد بلايه ماي
وانه عايفلي عشيره دموعهم ترست گفاي
عمي ماي نريد منك اسمع الصيحه وراي
خلني اموت هناه يخويه ولا اموت بمستحاي
ما اريد ارد وسكينه اشوفنها
تعتب عليه چني احسنها
ما فارگت بالي ما اريد ارد خالي
لا تعذب الروح
؛★★★★★★★★★★★★★★★★★
خويه زينب تنتظرني الردتي ملهوفه
ارجع وگلها ابو فاضل گطعوها چفوفه
گلها ما قصر اخونه نخوته معروفه
ترى لو ما غدر عدهم چا وصلت الكوفه
سلملي يحسين اعله اخيتنه
مو بيدي صارت گلها فرگتنه
بس الدمع هالي ما اريد ارد خالي
لا تعذب الروح
؛★★★★★★★★★★★★★★★★★
شلون اردن وانه اشوف گبالي عبدالله الرضيع
واشعر يگلي يعمي هالعطش كلش فضيع
ترفرف چفوفه اليه وانه چف ايدي گطيع
خلني بمچاني اروح بدمي للباري السميع
للخيم خويه لا ترجعني
شوفت رضيعك واللّه تذبحني
بالموت هنيالي ما اريد ارد خالي
لا تعذب الروح
؛★★★★★★★★★★★★★★★★★
خلني اودعك يا حسيني دام ظل بيه رمق
خويه لا تبچي وراي الموت عالانسان حق
دافعت عن دين ربي وبالحق الساني نطق
خويه لو ما لجل عينك چا اخيك مَنخلق
كلمة وداعاً آخر حچايه
يا خويه ظلت بيدك الرايه
يا رحمة العالي ما اريد ارد خالي
لا تعذب الروح
؛★★★★★★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
محرم 1446ه_2024م
قصيدة الليله السادسه (ليلة الأنصار)
انا اجيتك تارك احبابي وهلي
دمي فدوه يروح الك يا بو علي
اثبت الولاء في كربلاء
يا حسين
؛★★★★★★★★★★★★★
انا حبيب وجيت الك حبيبي
جيت النصرتك والنصر نصيبي
في داخلي شوقٌ لكَ عجيبِ
لمن أشوفك ينطفي لهيبي
معتنيك مقدم الرگبه الك
لا تظن يحسين چفي يخذلك
جاءني النداء في كربلاء
يا حسين
؛★★★★★★★★★★★★★
لمن وصل مرسالك بكتابك
صليت للباري شكر خطابك
خادم الك وانا تحت ترابك
باب السعاده يا حبيبي بابك
من وصلني ما بقى عندي صبر
هيه هذي فرصه وحده من العمر
باب العطاء في كربلاء
يا حسين
؛★★★★★★★★★★★★★
شنفع عمري لو عشت حياتي
وانا أدري عيشتي بمماتي
فقط بس بنصرتك نجاتي
انا گدامك فده يغاتي
شلون اضم سيفي وحبيبي منكسر
غير اطمّن نفسي ابوسط الگبر
رغم العناء في كربلاء
يا حسين
؛★★★★★★★★★★★★★
شلون الهوه اتنفسه بلياك
بالدنيا شلّي إن ما عشتها ويّاك
من كل بلد خلي يجونك اعداك
انصارك أحنه وبرگبنه نفداك
خل تجي مية الف وازيد بعد
احنه زلمك والزلم وكت الشدد
نقدم الدماء في كربلاء
يا حسين
؛★★★★★★★★★★★★★
شكراً لك ضميت رايه الچفي
وانا اوعدك راح حقه يوفّي
الطف يبو السجاد صاير طفّي
لو قدمت عمري الك ما كفّي
الموت گدامك فخر يا سيدي
هاي لحظه البيها يبدي مولدي
هذا الوفاء في كربلاء
يا حسين
؛★★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
محرم 1446ه_2024م
قصيدة الليله الخامسه (مسلم ابن عقيل عليه السلام)
سفير وشايل بچفه الرساله
من حسين ميزان العداله
مسلم عاف بيته والكوفه قضيته
من حسين ميزان العداله
؛★★★★★★★★★★★★★★★★★
وصلت انواع الرسايل من الكوفه للحسين
نبايعك مكتوب بيها انت مولانه الأمين
قرر يودي رسوله بأمر رب العالمين
أختار مسلم إبن عمه صاحب الحق المبين
رسالة وشالها صاحب امانه
صاحب معرفه وحكمه ورزانه
حسينيه هويته والكوفه قضيته
من حسين ميزان العداله
؛★★★★★★★★★★★★★★★★★
وصل مسلم بالرسالة الكوفه كلها تلگته
هلا بمبعوث الحسين والهلاهل حفته
بدت تتوافد الكوفه مسرعين البيعته
بلّغ حسين ابن عمك جاهزين النصرته
ودّي بالرسايل صوب الحسين
گله انصارك أحنه ومستعدين
يجينه حسين ريته والكوفه قضيته
من حسين ميزان العداله
؛★★★★★★★★★★★★★★★★★
بعد ما وده الرسايل للحسين أو وصلته
گاله اقبل علينه وفرح وجهه بشيعته
من بعد فتره گصيره ربعه كلها خانته
يا حسافه على الدنيا بهيچ موقف خلته
ظل وحده وعليه ملتمه الهموم
وگلبه على حسين هواي ملچوم
بدت تقرب منيته والكوفه قضيته
مِنّ حسين ميزان العداله
؛★★★★★★★★★★★★★★★★★
بقى يمشي بالازقه وبيها ما يندل كتر
وصل بيت ويمه حرمه مبين اعليها الذعر
تگله من يا بيت انتَ وهلك وين بيا كتر
گالها مسلم ترى اني وگلبي بالهم مستعر
مسلم انا وحسين ابن عمي
يحرمه وهاي ناس تريد دمي
البگلبي حچيته والكوفه قضيته
من حسين ميزان العداله
؛★★★★★★★★★★★★★★★★★
دخل مسلم بيت طوعه بقى بس وحده بعد
لچن ما يدري ببنها من بلاط السلطه رد
بس عرف مسلم ابيته يم عبيد الله گصد
يگله ابشرنك بشاره ابّيتنه مسلم گعد
وقت الفجر من قرّب طلوعه
مسلم سمع خيل ابّاب طوعه
گال الدم شريته والكوفه قضيته
من حسين ميزان العداله
؛★★★★★★★★★★★★★★★★★
طلع من البيت غاضب كاظ سيفه بيمنته
الفارس من يشوفه يرجف بس يصدله بخزرته
ما سلم من عده واحد موتتهم صولته
لكن اصحاب الرذيله بالحفيره غدرته
صعدو عالسطح حتى يذبحوه
گطعو راسه ومن السطح شمروه
الگمر موجود ريته والكوفه قضيته
من حسين ميزان العداله
؛★★★★★★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
محرم 1446ه_2024م
قصيدة الليله الرابعه (أم البنين عليها السلام)
هاي ام البنين الكل بخت بيها
ترفع هامتك لو جبت طاريها
؛★★★★★★★★★★★★★
هاي ام البنين البيها رفعة راس
هاي القدمت لحسين ورد وياس
شنجازيها المخلفه الگمر عباس
لا والله ما نگدر نجازيها
؛★★★★★★★★★★★★★
ام عباس حاشه ترد طالبها
كون بگلب صافي من يخاطبها
ما معقوله واحد ما مجربها
يا باب الحوائج صيح ودعيها
؛★★★★★★★★★★★★★
إذا رايد ترد شي من فضلها اعليك
عن مجلس ابنها لا تكف رجليك
شرايد اكثر من الخادم تخليك
حسن الخاتمه ويه حسين تاليها
؛★★★★★★★★★★★★★
تريدك ما تضيّع باللهو سنينك
ولا بالغيبه تهدم ركن من دينك
وعلى بنت الحموله ما تفك عينك
وعلى نهج النبي سيرتك خليها
؛★★★★★★★★★★★★★
ونعم منها الابد ما رجعت سائل
والمجنون من يمها يرد عاقل
بس حلفها من تدعي ببو فاضل
مخلص كون من تنوي تحاچيها
؛★★★★★★★★★★★★★★
ترى ام عباس كلها احسان سيرتها
طبعها ما تعوف الراد وگفتها
ما تترك مُحب حسين غايتها
اقره الفاتحه وحاجتك تنطيها
؛★★★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
محرم 1446ه_2024م
قصيدة الليله الثالثه (العليله عليها السلام)
احچي وياه يا عمه اخير احچايه
احچي وياه بلكي يغير رايه
ويگلي امشي ويانه
؛★★★★★★★★★★★★★★★★★
يا عمه زينب والدي ما يقبل ارحل وياه
رغم اني حاچيته شكثر بس شفته داير مكفاه
اني ترجيتچ رجه تحاچين ابوي بمسراه
بلكي يسمعچ والدي ويگول ما تبقى هناه
احچي وياه ياخذني وي العايله
احچي وياه عايفني طفله معلعله
يا حيرة المرضانه
؛★★★★★★★★★★★★★★★★★
يا عمه تدريني صرت من المرض نحلانه
وكل ساعه تمشي من العمر تچوي الگلب نيرانه
محد يحس بحالتي ويشوفني ذبلانه
چا ليش من دون الخلگ انا الاظل هنانه
احچي وياه چني احس منسيه
احچي وياه يترك وياي ارقيه
ليعوفني حيرانه
؛★★★★★★★★★★★★★★★★★
انا ادري گلبه شگد يحن لكن تحز بگلبي
من گال تبقين وگلت لا لا تزيّد تعبي
شفت الاطفال تحضرو وعيوني ظلت تربي
ما ادري اعتب عالزمن لو على الوالد عتبي
احچي وياه بلكت يهود نوحي
احچي وياه وترجع تفرفح روحي
الحضن الابو عطشانه
؛★★★★★★★★★★★★★★★★★
يا عمه ما عندي امل جيت اشكي يمچ همي
لا بوي يراضلي السفر ولا يرضه اروحن عمي
تدرين بفراگ الأهل حتى النواظر تعمي
من بعد روحتكم ترى اليبقى عدل بس اسمي
احچي وياه ما بيه حيل الفرگه
احچي وياه بس بيه واهس ملگه
شنتظر من دنيانه
؛★★★★★★★★★★★★★★★★★
صعبه الابو يرفض طلب من بنته الزغيرونه
وانه ادري الأطفال شكثر والدهم يحبونه
متعلقه بحسين شكثر ساحرني نور عيونه
يمكن اموتن لو مشه ما اضن اعيش بدونه
احچي وياه گليله لا ينساني
احچي وياه اليفگد احباب يتاني
راح انتظركم انه
؛★★★★★★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
محرم 1446ه_2024م
قصيدة الليله الثانيه
انا عاشگ امامي حسيني كل غرامي
عشت بمحبته
محرم هل عليه تظل تلطم اديه
واظل بخدمته
نِدائي يا مولاي نِدائي يا مولاي
؛★★★★★★★★★★★★★★★★★
حسيني نهجنه ولطمنه بده شهر العزاء
محرم رزيه قضيه بدت من كربلاء
نصبناها مواكبنه خدم لبن الزچيه
شرف النه خدامتنه تظل صبح ومسيه
ابو اليمه يظل اسمه حبيب الرافضيه
ونهج حيدر يظل عايش لحد يوم المنيه
عشگ ماله نهايه فقط بيه بس بدايه
الگلب بيه دگته
المصاب الغاضريه تظل تلطم اديه
واظل بخدمته
نِدائي يا مولاي نِدائي يا مولاي
؛★★★★★★★★★★★★★★★★★
اعيشن حياتي المماتي خدمتي للحسين
عزائي الاحضره انصره على مر السنين
مجالسنه مدارسنه نداوم بيها لازم
واكيداً تحضر الزهره وتسجلها المآتم
تشوف الخادم المخلص صدگ خادم لفاطم
تسجل الوادم الزينه وتچز المو اوادم
نجاح الخدمه يمها شهادتنه بأسمها
تنجح الرادته
على وليد الزچيه تظل تلطم اديه
واظل بخدمته
ندائي يا مولاي ندائي يا مولاي
؛★★★★★★★★★★★★★★★★★
يروحي اصبري وانصري الحسين بخدمته
بفطرتي السليمه جريمه اخالف سيرته
احقق حلمي لمن بالبچي اعمي النواظر
اليظل مخلص للحسين الوعد ميعوفه باچر
تذكر جسم الحسين انطحن بين الحوافر
من اسير بسيرته ونهجه اكون الدربه ناصر
ولائي وانتمائي حسيني كربلائي
اكون بنصرته
على حسين وأخيه تظل تلطم اديه
واظل بخدمته
ندائي يا مولاي ندائي يا مولاي
؛★★★★★★★★★★★★★★★★★
دمعتي ونحيبي الحبيبي ابا عبد الله
اويلي تخضب وتسلب وذبحته من گفاه
على الداست على صدره الخيول الاعوجيه
ولا خلو كتر سالم يويلي الناصبيه
يساعد الله گلبچ يالعقيله الهاشميه
وره ما ذبحو اخوانچ على الناگه سبيه
الحزن فتت گلبها واجه الكافر ضربها
ويشتّم سمعته
رزيه ويا رزيه تظل تلطم اديه
واظل بخدمته
ندائي يا مولاي ندائي يا مولاي
؛★★★★★★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
محرم 1446ه_2024م
قصيدة الليله الاولى
يا شهر حزني هونك وياي
مجروح گلبي منك هواي
من يطلع هلالك عليه دمعي يصب صبح ومسيه
هونك وياي
؛★★★★★★★★★★★★★★★★★★★
انا ابو صالح والحزن غطاني
تمنيت اهيد من الالم ثواني
هل الهلال وبالهلال اجاني
كلشي اليكدّر خاطري بمكاني
تتعذب الروح شكثر لو هل الهلال
الحمل الحملته يا بشر متحمله الجبال
الله يعينك يا بو صالح كلمه تنگال
يا ناس مو سهله قضيتي
انا الدمع بلل لحيتي
ذبحتني يا ناس القضيه دمعي يصب صبح ومسيه
هونك وياي
؛★★★★★★★★★★★★★★★★★★★
تمر بيه ليلة عاشر المحرم
واشعر بصدري بنايباته غيّم
وبعيني اشوفن مشهد المخيم
لو جبل مر بحالتي تهدم
يم الخيم شافتهم عيوني يصلون
واحد وره واحد شفتهم من يموتون
صبرك يربي بهالمصيبه اصبر شلون
شفت الحسين يجر خطوته
ذبحو اولاده وكل إخوته
عالمشرعه الكافل رميه دمعي يصب صبح ومسيه
هونك وياي
؛★★★★★★★★★★★★★★★★★★★
مشهد يهد الحيل چني شفته
عبد الله لمن تنگطع رگبته
عذبت روحي بهالشكل ذبحته
هذا المصاب بعيني ما حملته
الله يعينك يالحسين شحالك هناك
شايل رضيعك منذبح گدام عيناك
يا بو علي تمنيت كوني حاضر وياك
امه الرباب شلون ونها
من سمعت بذبحة ابنها
يمكن تمنتها المنيه دمعي يصب صبح ومسيه
هونك وياي
؛★★★★★★★★★★★★★★★★★★★
مشهد اشوفه للصخر يفسره
شفت الحسين اعليه تدوس العشره
متروس جسمه طبره فوگ الطبره
الله يعينچ جدتي يالزهره
متروس جسمه سهام ومسلبين الثياب
سحگته الخيل وظل رميه فوگ التراب
مو بشر چنهم چن عشيره مالت ذياب
زينب على التله تصد ليه
الحگ على عيالك تناديه
گامو يصيحيون السبيه دمعي يصب صبح ومسيه
هونك وياي
؛★★★★★★★★★★★★★★★★★★★
مشهد يجيني يشبه الزلازل
وتشوف عيني مصرع المقاتل
وبگلبي اصيحن عمي يا بو فاضل
زينب شفتها مچتفه بسلاسل
عالهزل ودوهن سبيات الحراير
يا بشر هذا المشهد يطفّي النواظر
أربات الخدر بحبال چتفتهن عساكر
يا ناس والله حيره يا ناس
تمشي اسيره اخت عباس
تمنيت كل حسرتها بيه دمعي يصب صبح ومسيه
هونك وياي
؛★★★★★★★★★★★★★★★★★★★
يا شيعة ليكم وجهّت خطابي
لا تكسرون بخاطري بمصابي
بلطم الصدور وبالدمع جوابي
لكم جزيلُ الشكرِ والثوابِ
افتخر بيكم لمن تذكرون الحسين
تبچون وابچي وياكم بدم دمعة العين
قيمو العزاء بكل كتر من الميادين
يا شيعة لتخذلوني بهاي
ذكرو الحسين بشربة الماي
مولاكم موصي الوصيه دمعي يصب صبح ومسيه
هونك وياي
؛★★★★★★★★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
قصيده بمناسبة عيد الغدير الأغر
1445ه_2024م
غديريه غديريه فرحتنه غديريه
؛★★★★★★★★★★★★★★★
اعظم عيد عند اللّه ونبيه
البيه صارت البَيعه حيدريه
بايعنه علي حامي الحميه
من عدها نكتبنه رافضيه
اجمل لمه شيعيه فرحتنه غديريه
؛★★★★★★★★★★★★★★★
قال النبي لمّن چفّه شالاه
اللهم والي الذي والاه
واحنه اطفال عالفطره عشگناه
على نعمة علي هواي أشكر الله
اشكر ألله ليليه فرحتنه غديريه
؛★★★★★★★★★★★★★★★
هذا واقع ومو من خيالي
بأمر الله علي تنصّبت والي
يمن لحظات ما فارگت بالي
غيرك يا علي بهالدنيا مالي
يالعايش نبض بيه فرحتنه غديريه
؛★★★★★★★★★★★★★★★
على طاري حروف اسمك ربينه
عينٍ لام ياء اتعلمينه
شنجازيك والله ما جزينه
غرگانين صرتلنه سفينه
اسمك محله طاريه فرحتنه غديريه
؛★★★★★★★★★★★★★★★
كلشي نريده منك حصلينه
انته انطيتنه واحنه شنطينه
لو صحنه علي وبيك انتخينه
نلگه الحاجه محطوطه بدينه
نلگه الصعبه مگظيه فرحتنه غديريه
؛★★★★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds