692
لنشر ألحان واصوات مبدعين حسينيون 1 / محرم / 1439
🎤أداء #الرادود_أحمد_سالم_الخالدي
✍🏻كلمات #الشاعر_خيري_الصفراني
┏━━━ • 🏴 • ━━━┓
@AsoaatHoseneua
┗━━━ • 🏴 • ━━━┛
ريحة أمي
🎤اداء #الرادود_عباس_هيثم
✍🏻كلمات #الشاعر_تحسين_الخفاجي
┏━━━ • 🏴 • ━━━┓
@AsoaatHoseneua
┗━━━ • 🏴 • ━━━┛
تمت ببركة الله زيارة العتبات المقدسة. الكوفة + النجف الاشرف + كربلاء المقدسة + قطارة الامام علي ع + الحر الرياحي + السيدة شريفة ع / نيابة عن متابعين القناة
نسأل الله القبول
ماتت أمي ،، وصار كل عمري جحيم
ماتت امي ،، وهسه گلولي اليتيم
الله وياچ ييمه الله وياچ
يمه بالله امودعه
،،،،،،،،،،،،،،،،،،،،،،،،،،،،،،،،،،،،،،،،،،
العشت فوگ متونهه ،، ما تفتح عيونهه ؟
واني يمهه وانتظر اسمع حچيهه
التعبت بتربيتي ،،، أمي يا عافيتي
ساكته ودمعي النزل بلل أديهه
يمه شو ماكو الهلا
والچفوف مسبله
هسه المعاتب حلا
يمه يمه
عايفتني الدنيا موت
آه يا جرح السكوت
الجنه نظره وياهه صوت
يمه يمه
راح كلشي من گلت يمه وبجيت
راح كلشي هسه والله انه انتهيت
العمر صعبه نشيعه
يمه بالله مودعه
،،،،،،،،،،،،،،،،،،،،،،،،،،،،،،،،،
ساكته ويمج انوح ،، انتي روحي وين اروح
لو بعد ما ننجمع يمه سويه
العايشه بألله كريم ،، الجوه رجليهه النعيم
الذبلاهه الموت راحت هاي هيه
يا حظن بعدچ دفى
ويا گلب ميت صفى
يمه اخذتي العاطفه
يمه يمه
احچي خل اشتم هوى
الظلمه تحلم بالضوى
گلبي بعدچ ما روى
يمه يمه
بس ثواني اغفه بعيونچ وانام
بس ثواني گبل ليموت الحمام
گلبي يم گلبچ نعى
يمه بالله مودعه
،،،،،،،،،،،،،،،،،،،،،،،،،،،،،،
فاهيه الدنيا وراچ ،، كون ياخذني الخذاچ
ريت ياخذني الگبر ويعوفج انتي
الدافيه ام گلب الحنين ،، الدمعه تحلى وي الونين
من اشبگچ حيل واصرخ وين رحتي
ميته وايدج كلهه امان
شابگتني بكل حنان
وين وداچ الزمان
يمه يمه
يا طبيب بلا طبيب
يمه من بعدچ غريب
راح اعيش بلا حبيب
يمه يمه
رجعي لحظه يا وطن تحت التراب
رجعي لحظه فرگة عيونچ عذاب
صوتچ ولا نسمعه
يمه بالله امودعه
،،،،،،،،،،،،،،،،،،،،،،،،،،،،،،،،،،،،،،،،،
يمچ وانحب عليچ ،،،، ميته واتغطيني اديچ
رايحه ودارچ تظل وحشه اوخليه
بارد البيت وغطاه ،، والله فگدچ يتماه
آه يا جرحچ بعد شيسوي بيه
رجعي صاحولي الوحيد
يمه بس صوتچ اريد
العيد اجانه وماكو عيد
يمه يمه
العافيه التعبت حرام
جوه التراب وتنام
يمه احبچ والسلام
يمه يمه
اعذريني ،، هواي تعبتچ يشمعه
اعذريني ،، والله صاير كلي دمعه
هسه عشت الفاجعه
يمه بالله امودعه
،،،،،،،،،،،،،،،،،،،،،،،،،،
راح اعيش بلايه روح ،، وضحكة گليبي تروح
راح كلشي بعمري يتحول جنازه
تارك اعيوني وراي ،، صدري مخنوگ وهواي
والحظن محتاج للملگه وتوازه
نندفن شوگ وعتاب
وبيتنا الحدر التراب
والمگابر كلهه باب
يمه يمه
المي ورد چلمة تعال
سوي لوليدچ مجال
يمه يلكلچ حلال
يمه يمه
ونتلاگه ،،، مثل غيمه تلاگي غيمه
ونتلاگه ،،، وتنتهي جروحي القديمه
والچفوف أمشرعه
يمه بالله امودعه
كلمات خادم الحسين
رعد الفريجي
🎤أداء #الرادود_حسين_اللامي
✍🏻كلمات #الشاعر_محمد_الجماسي
┏━━━ • 🏴 • ━━━┓
@AsoaatHoseneua
┗━━━ • 🏴 • ━━━┛
#دخول_الضعن
..
شايل غبار القافله رساله
من المدينه لكـربله رساله
يرض النواويس الضعن جاي
يـمچ امـانه حسـين مولاي
..................
يا كربله ضيفچ نوه يشد الرحيل بضعنه
بليـــل راح لـفاطــمه ودع گبــرها بــونّه
ومر برسول الله وبچه وقرر الــچ يتعنه
ياجنة الله استقـبلي ســيد شـباب الجنه
يمچ مصـابيح السـمه امانه
يا كربله من فاطمه امانه
من يوم راح و ظلمه دنياي
يـمچ امانه حسين مولاي
..................
هاي الضعينه اسبعطش كوكب يدور اعليها
عاف المدينه خاليه ولا هاشمي الظل بيها
حته الطفل وياه مشه بس طفلته مخليها
ظلت عليــله بلا دوه وداع الابـو مبچـيها
وام البنين تطش دمع وداعه
خلاها محنية ضلع وداعه
سِمعي وصيـة ام الوفـه هاي
يـمچ امانه حسين مولاي
..................
عباس اجه بهالقـافله وراية علي بيـمينه
قائد الجيش الهاشمي بخدر السمه موصينه
يا كربله وصــي النــهر لا تنـگطع چفـينه
ولا تنطفي عينه بسهم زينب امانه بعينه
وحسين يفگد عالنهر اخيه
وبطيحته يكسر ظهر أخيه
من يوگـع الـعباس عالماي
يـمچ امانه حسين مولاي
..................
يا كربله حسينچ اجه وشايل رسـالة جده
يذبحون اخوته وصحبته وبالعاشر يظل وحده
عالمهر لو شفتي السهم لظهر الحسين اتعده
يا كربله وصي الرمــل لا ينچـــوي بي خده
والشمر روح المصطفه يذبحه
بثنعش طبره من الگفه يذبحه
يـا كربله بجـروحه الـهــواي
يـمچ امـانه حســين مولاي
..................
يا كربله زينب اجت والبالخــدر معروفه
وصيلي تل الزينبي لا بشر ظــلها يشوفه
من توگع اچفوف الوفه تمشي بحبل مچتوفه
هذي حبيبة فاطمه مو مال شام وكــوفه
ما لايگ اعليـها إســم ســبيه
ويلاه تمشي اويه الزلم سبيه
تناديچ من يحديـها حــداي
يـمچ امانه حسين مولاي
........................
الشاعر كرار حسين الكربلائي
( ابو كميل)
┏━━━ • ◾️ • ━━━┓
@AsoaatHoseneua
┗━━━ • ◾️ • ━━━┛
https://youtu.be/KeyUuLW9yfQ
#بالخرابة
بالخرابة اشما تســـــــــلهم عيني
تنلـچـم مدلـوله وتصـــــــــحيني
هاي تستاحش من الظـــلمه وتنز
وذيچ تغفه جرح يلچمــهـا وتـفز
وتگعد ام عبـد الله بالـلولك تــهز
ايگـلـهـا مـا در صدرچ إترضـعـيني
يا حنين اجروحنه وملـــح التراب
والـخـرايب لا سـتـر لا بـيـهـا باب
والعيون اجناب واحنه بلا حجاب
وانا كـل عـيـن ابسـهـم تـرمـيـنـي
اشوه عدنه الليل يسترنه الظلام
حته لا تبرالـنه اعـــيون الـحـرام
وين ذيچ اديارنه وذيـچ العــمام
اهنا يهاشم مـوتـه لـو ناســـيـني
اثنين واثمانين يـــتشـكن ســوه
والجرح گص الحـبل يردن دوه
ذبلن من الشمس واسـموم الهوه
وانا شما اطوي الدرب يطــويني
احنه من اصيارنــه ابيـت الوحي
بالحچي حته ويه اهلنه نستحي
سمعت اهل الكوفه صوتي وصايحي
خاف ما تدري العده اميـــسريني
انا الما چانت اخــيالي اتشــــوفه
شافـتـه وسمـعتني اهـل الكــوفه
إعلى الهزل وايدي بحبل مچتوفه
بالـطبـل ودفـوفــهـا اتـلاگـيـــنـي
علي بويه اهنا يكــشـاف الكـــرب
شگد بعد للشام كون امشـي درب
الموت ريته ولا يعـرفــوني الغرب
وروس اخوتي يا عـلي اتماشيـني
┏━━━ • ◾️ • ━━━┓
@AsoaatHoseneua
┗━━━ • ◾️ • ━━━┛
🎤أداء #الرادود_إحسان_المالكي
✍🏻كلمات
#الشاعرة_أم_محمد_الحجاج\العبادي
┏━━━ • ◾️ • ━━━┓
@AsoaatHoseneua
┗━━━ • ◾️ • ━━━┛
نموت بكل سنة ويحيينه عاشـور
شـجـر يابـس بعــاشـورك حـييـنه
ولبـسنه الگلـوب اهدومـها السـود
مــن يــوم الـعـلـه الـدنـيا وعـيـنه
ولو تـرهم نلبـس الدمـع يـحسين
سـواد اعـيوننـه كــل مـا بـچـيـنه
ونفصل الليل لو يـرهم دشـاديش
ونـلـف الـهـنـدس اوزاره عـلــيـنه
ونطبع عالصدر من نلطم اخطوط
ومـانـتـرك أثــر لخـطــوط اديـنـه
العمر بعناه الك يـحسين خـشبات
حـدر جـدر الـهـريــسـه الناذريـنه
سوادين
حب حـسين حط بينه سوادين
دينـي ومايصـح غـيره سوادين
اجي مشـاي والبس له سوادين
سواد اللـيل واهـدومـي العـلـيه
🎤أداء #الرادود_إحسان_المالكي
✍🏻كلمات #الشاعر_مسلم_التميمي
┏━━━ • 😔 • ━━━┓
@AsoaatHoseneua
┗━━━ • 🏴 • ━━━┛
❀ اللهم بارك لنا في خدمتنا للحسين ودُمها علينا ❀
ياربـي دوم النـعـمة إلـي
ابـقى آنـه خـادم لـلـولـي
واعــرف مقـامي من أنه
واحظر مجالس كل سنه
ياربـي دوم النعـمة إلـي
••••1⃣••••••••
من اشـم ريحة عزائك دمعـي يجري
واركض الطم عالجرالك وادمي صدري
ربي ارحمني بخدمـتي وبـيها ذخري
نعـمة لا تسـلبـهه منـي طـول عـمري
بارك لي ربـي بخـدمـتي
مــن الـولاده لـمــوتـتـي
اخدم حبيبي حسين أنه
واحظر مجالس كل سنه
ياربـي دوم النـعمة إلـي
••••2⃣••••••••
آنــه اتـخـيـل بنــاتـي ويـه الايــتـام
هاي تاهت هاي ضاعت هـاي متـنام
لحگو نادن انهـضمنه بحـرگ الخـيام
حشميناكم يـهلنه وصـحـنه الاعمـام
صورة نحر مـرسومه لي
ومراكض اطفالي وهلـي
اذرف دمعتي ادمـوم أنه
واحظر مجالس كل سنه
يـاربي دوم النعــمة ألـي
••••3⃣••••••••
امشي حافي وچن جمر يچوي بجدامي
وحـيـل مـتـحـزم لـجـرحـك يـا أمـامـي
دمعي عالطف ينزل اعله خدودي حامي
واصرخ اويه الناعي كـون وياك ضـامي
كل همـي يـمـك يـنجـلي
بـقـرايـتـك يــابـو عـلـي
ماعندي غير احسين أنه
واحظر مجالس كل سنه
ياربـي دوم النـعمة ألـي
••••4⃣••••••••
لنـي اتصـور ملاحـم ذيـچ الطـفـوف
ارض مابـيها امـان مراكـض وخـوف
ويـن ماهـامو اجتـهم اهـل السـيوف
والمشاهد غاضـرية ابـالي واتطـوف
ياربـي كـل هـاي الصــور
معقولة اغض عنها النظر
الطـم وادگـن صـدري انه
واحظر مجالس كل سـنه
ياربـي دوم النعـمـة ألـي
••••5⃣••••••••
ريت اصـيرن موگـد لـچاي المواكـب
حـته احـس بجمـرة اجـدام الغـرايب
وافزع اركض فوگ ليـهوب التـرايب
واهجر مچاني واروح اسكن خرايب
أسأل مـن الـباري الرضـا
من اخدم ابن المرتـضى
حـبكم مـلك روحـي أنـه
واحظر مجالس كل سنه
ياربـي دوم النـعمة ألـي
••••°°°°••••°°°°••••°°°°••••°°°°••••
#أم_عباس_العبادي
؛؛؛ ١١ / ١٠ / ٢٠١٨ ؛؛؛
❀ شوگ وعشگ للغالي ❀
قصيدة بعدة أوزان .....
الاوزان #الميمر #الحدي #الفائزي~~~~~~~~~~
اتــنـطـــــرك واتـأمــلـك
ياعـمري مو مشــتاگـلك
گلي شـوكـت وبـيا زمـن نـتلاگه ؟
گـلـب اليتـاني هـالك مـن اعـماگه
حــبيبي .. حــبيبي .. يــمـــهــدي
~~~~ 1⃣ ~~~~
المـلاگـه مـو هـين اظن
والگلب كل لحظة يحن
بيـش انه اصـبر گلـبي لـو هــاج بحـنينه
لشوكت انه ابقى انتظر
چـبدي بغـيابك منفـطـر
يمته تجي واتـطـمـن الــروح الحــزيـنـه
مايـرحـم الشـامـت أبـد
كلسـاع يـسـألـنـي احـد
وينه اللي نـزّل دمـعتك بفــراگـه ؟
گلي شـوكت وبـيا زمن نتــلاگـه ؟
حــبيبي .. حــبيبي .. يــمــهـــدي
~~~~ 2⃣ ~~~~
كل لحـظة اتصـور تجـي
واگعد واحيرن بالحـچي
شحچي وشسولف والاحبه اگبال عيـني
واحـروفي كلـها تنـخرس
يصعد يظل بـس النـفس
كلشـي صفـن لجـل العـزيز الما يجـينـي
وحته النبض چنه خمد
والعـين ماتـرمـش بعـد
والـزمـن واكف انـه اظن باشواگه
گلي شـوكـت وبـيا زمـن نـتلاگه؟
حــبيبي .. حــبيبي .. يــمــهــدي
~~~~ 3⃣ ~~~~
ياريته مايمـشي الـزمـن
حد ما عيونـي ينــطـفن
يطفيهن امـلاگـه الـغـريب الچـان غـايب
ياروحي امني من الفزع
ويـاريـت مـايـنـزل دمـع
حته بوضوح اشبع نظر وانسه المصايب
وبوجهه صافن راح اظل
من بعد كل ندبة وعـجل
وعـيـن الـعــواذل تـبــرد الحـراگـه
گلـي شـوكـت وبيـا زمـن نتـلاگه؟
حــبيبي .. حــبيبي .. يــمـــهــدي
~~~~ 4⃣ ~~~~
وكـلـما امــر انـه بــدرب
ألمح ارسـومـك بالغـرب
هـيـچ اليحـب يتـصـور اگـبـالـه حـبـيـبه
ويشبـح نظـر عينـي الك
بـيــن الوجـوه اتـخـيلك
واتمـنه هـذا مـو سـراب اي مـو عـجـيبه
كل هذا يقظـة مـو حلـم
عشگي بصفنتي منرسم
يمته يردلي وامشي ساگي بساگه
گلي شـوكت وبـيا زمـن نتـلاگـه؟
حــبيبي .. حــبيبي .. يــمــهــدي
~~~~ 5⃣ ~~~~
يقـظة وعـشگ ماينحمل
وارسـم أمـل لا مـا أمـل
واللهفة تاخذني وسهر ليلي اعـله طـوله
وبكل قنـوت ادعـي تـرد
ودمـعـي يـأشـرلـي أعـد
كل الحچي بالادعـية ابچـي مـن اگـوله
باب انـتظارك مـني مـل
واحـتار اقـوم بـيا عمـل
يا آيـة ما تـحـمل شـغـف لـمـلاگه
گلي شـوكـت وبـيا زمـن نتـلاگه؟
حــبيبي .. حــبيبي .. يــمــهــدي~~~~~~~~~~~~~
#أم_عباس_العبادي
؛؛؛ ٢٤ / ٦ / ٢٠١٩ ؛؛؛
🍂مشاركة من درس الاوزان🍂
واعـقـدت امـالــي بسـمه وامـنـياتي
وانذرت عمري بسبيله وكــل حيـاتي
يـحضر حسـينـي اذا حـانـت وفـاتي
حتى اغمض عيوني باجمل ذكرياتي
يـحـضـر ويـــاي
كـون اذا حان الاجـل
ماتظل روحي بوجـل .. بالمـنيـة
يـحـضـر ويـــاي
لحظة البيهه احتضر
اخـر انـفـاس العـمـر .. حن عليه
ياحــــبيبي .. ياطــــبيبي
🍂🍂🍂🍂🍂🍂🍂🍂
✍🏻كلمات
#أم_محمد_الحجاج / العبادي
🎤 أداء #ملا_خزعل_البركي
┏━━━ • 🍂 • ━━━┓
@AsoaatHoseneua
┗━━━ • 🍂 • ━━━┛
#محرم_1446هـ
( لا ياخيمنه )
لا ياخيمنه اشطيحچ
شبسـرعه وتـعـوفني
هم انه محترگه وعلي
بس ماطحت شوفني
مابيه حيل وما طحت .. اركض و المّ اعيالي
وبسرعه شو فيّج وگع .. ما فكريتي ابحالي
كلشي انگضه لامن أهل .. ضلت غريبه عيوني
دارت عليه اهل الغرب .. وما رد الي كفـالـي
لا يا خيمنه .. ياهو اليلمنه
ذبحوا زلمنه .. واويلاه
ما عدنه رآيه .. هاي النهايه
وكلهه ضمايه .. واويلاه
~~ـ
لا يا خيمنه اتـمـهلـي
بس خل تعدي الليله
زحمه امن ابوفاضل تره
وي غربه تگعد عيله
متعجبه حگج يا خيم .. أم الخدر هـاي انه
ياهضمه راحت هيبتي .. ولا واحد الشچانه
انه الاميــره امـدلله .. چنت بحميّت اخواني
وبسرعه شيبني الوكت .. من الهضم ذبلانه
ماضلي والي .. رايح دلالي
بالغربه تالي .. واويلاه
شافو عباتي .. وطاحن خواتي
ماصح مماتي .. واويلاه
~~ـ
من عالهزل شفت الاخو
هـوه وگلت مــو هـوه
معــقــوله واليـنـه يـؤن
ومــن الــذبح يتـلــوه
دار النظر صوب الخيم .. وشافج رماد ابهيمه
ياخويه اصيحه وماسمع .. الحگلي يابو الشيمه
ركضن بنــاتـك بالـفـله .. وانته اعله هاي النومه
راح الستر يابو الستر .. والجيش مثل الغيمه
غــاروا علينه .. خويه انسبينه
ومحد يجينه .. واويلاه
مچتوفه اديه .. التموا عليه
يا بــو رقـيــه .. واويلاه
~~ـ
لا ياخيمنه اشچم طفل
يتـچــوه مـن الجـمــره
دخـانـج امطفي الچفن
وعيـوني صارت حمره
نارچ وره ارقيه اركضت .. والضيم دار اعليه
وانفاسي مخنوگه وعلي .. لا راي ضل البيه
وين اطي وجهي لياكتر.. ياهو العدل وشكيله
حيــرانه كـلـش وحــدي .. ومـچـويات ايديه
حيره اعله حيره .. چنت الاميره
وهسه الاسيره .. واويلاه
امشي بكسرتي .. اه يا غربتي
خلصت عشرتي .. واويلاه
~~ـ
- خيري الصفراني ✍️
عيوني هلت وبيه ضلت ريحت امي
ما جفتني ولا نستني ريحت امي
يهل الرحم حاجوني // بالبيت اشم صدكَوني
******
وحدي ضليت من مشو عني الحبايب وحدي ضليت
طبت البيت والله كَمت اكره يعالم طبت البيت
اشلون ايطيب جرحي وهيه مو يمي
وهاي الدنيه كلها ما تعوض امي
امي جنه وبالمحنه ترست الكَاع
امي شمعه ودمعه دمعه ترست الكَاع
كلش عميت عيوني // بالبيت اشم صدكَوني
*******
اشكَد حنينه الله خالقها اعله ذوقه اشكَد حنينه
وما درينه نفكَد النعمه يعالم ما درينه
لا تاخذ ضواي وتسعد الضلمه
التموت امه تذبحه جلمت اليمه
يمه وينج فكي عينج لا تروحين
بيتي خالي وهذا حالي لا تروحين
امن الون تغير لوني // بالبيت اشم صدكَوني
****
ضهري مكسور والله من كثر المصايب ضهري مكسور
بين الكَبور فرفحت روحي عله امي بين الكَبور
امي الشبعت الجوعان خبزتها
ماتت وانه ضلت عندي شيلتها
كلبي ذايب والمصايب شيبتني
وين اهاجر والمكَابر شيبتني
عالراح اون خلوني // بالبيت اشم صدكَوني
****
لا يبسمار لا تصوبها بضلعها لا يبسمار
والدمع حار خدودي ما شبعت بواجي والدمع حار
ليش الضالم اعله العين يسطرها
بيمن يطلب امي وهيجي يعصرها
امي طاحت وفضه صاحت اتلاحكَيني
ابني عصروه وضلعي كسروه اتلاحكَيني
اهل الغدر فجعوني // بالبيت اشم صدكَوني
*******
كَام الحسين ايعاتب الباب بدمعته كَام الحسين
هم الك عين يالخذت مني الزجيه هم الك عين
الحسن يبجي والمصلايه حاضنها
ويكَلي انطيني سبحت امي اشمنها
شفته ينحب وكَلي زينب ماتت امنه
وحكَه حيدر ناره تسعر ماتت امنه
وانه صحت عينوني // بالبيت اشم صدكَوني
*****
اشبيها دنياي من زغر سني ولتني اشبيها دنياي
بكربله اهواي رايح اتعذب يدنيه بكربله اهواي
باجر راح اشوف اخيام محتركَه
وامتوني تصير امن الضرب زركَه
ابن امي باجر بالحوافر صدره ينداس
ايضل ينازع وانه اباوع صدره ينداس
وراح العده يسبوني // بالبيت اشم صدكَوني
*****
تمت
تحسين الخفاجي
لمتابعة مجالس جامع الهوير الكبير تابعوا القناة على اليوتيوب
https://youtu.be/FuMPNdDPFpQ?si=bllZZKTWsndmK1cB
✍🏻كلمات #الشاعر_رعد_الفريجي
┏━━━ • 🏴 • ━━━┓
@AsoaatHoseneua
┗━━━ • 🏴 • ━━━┛
تنويه ✿
العلامة الاميني (قدس سره)
كان من عادته أن في ليلتي التاسع والعاشر من شهر محرم الحرام يخرج صدقة باسم صاحب الزمان (عجل الله فرجه) وكان يقول أن في هذه الليالي يكون قلب الحجة معتصرا بالألم والحزن ... إرسل هذه الرسالة إن استطعت لتكثر الصدقات في سلامة قلب صاحب الزمان روحي فداه
#شور_ملمع
تضمين قصيدة الشاعر الأديب مهدي جناح الكاظمي (اليوم تملكني)
اليومَ تملكني و تمـــلكني غدا
أنا لم أكن إن لم تكن لي سيدا
ماذا فقدتُ إذا وجـدتُك ملهما
ماذا وجدتُ إذا فقدتــــك منجدا
غيري بحبـل سواك بات مقيدا
و أنا بحبـل هواك بتُ مقيدا
آنه يابو اليمه مجنونك
مجنون اعيـــونك ما عيش ابدونك حسين
بس تأشر تنزل ابسرعه
من عيني الدمعه ولمصابك أنعه حسين
هيه وحده احچـايتي وماعيدهه
دنيه مابيهه لطم مـا ريدهه
روحي لو مامجلسك تبقه بضياع
وكـل كنوز البالأرض متفيدهه
ضايعين ابدونك يامولاي حسين
ــــــــــــــــــــــــــــــــــــــ
بالأمس طيفٌ منــــكَ زارَ خواطري فسرى بينهن و كان ركبك موعدا
ألقى على البيداء طيبَ غبارهِ
فأخضل فيها الرمـل حتى أوردا
فهوت عليه الحــور تلثم تربه
عطرا و تنثــره على الدنيا ندى
ويه ضعنـك خل اظل هايم
سميني الخادم ياعـم القاسم حسين
تمشي خطواتي أعله خطواتك
وي علويـاتك احمل مأساتك حسين
حيدري سـويني أو زهـرائي
وعـابس ايسميني عاشورائي
آنه صحرائي گـبل مابيهه ماي
وخضّرت من رحمتك صحرائي
ضايعين ابدونك يامولاي حسين
ــــــــــــــــــــــــــــــــــــــ
لولا جنـاح منك أخلد للثرى
نجم الرسالة و استحالت جلمدا
فأعـرتها ثوباً تسربل بالدماء
لتخط درباً للخلود و أبعـدا
فإذا الطريق خطاك كل تراثنا
و على دمـاءك يا حسين تعبدا
خلني مسجون بعبوديتك
بمحراب قدسيتك اقره لطميتـك حسين
حلوه يـوم الاربعينيه
الزهـراء إتمر بيه تمشي بعوجيه حسين
وآنه اگلهه اتفضلي يامولاتي
بهذا موكبنه الإزغير بـاتي
اتگلي ماتقبل تغمض عيني
بــالي مشغول أعله علوياتي
ضايعين ابدونك يامولاي حسين
ــــــــــــــــــــــــــــــــــــــ
يبن الذي شطر ابن ود و مرحبا
والصور صيغ لراحته مهنــدا
وهب النبي لك الشفاعة كلها
و أبوك و القرآن فيك تجسدا
و الله لـو عبد بقعرِ جهنمٍ
مستنجداً ناداك لبيت الندا
ياجهنم هايه تدنـالي
والخدمه ابالي وعينك تبرالي حسين
وآنه بس بالموكب اتبارك
اخـدم زوارك وامچوه ابنارك حسين
اطبخ ونــار الجدر فـواحه
والمهم مشايّتك مرتاحه
فكلو ثمَّ أشربو يــاعاشقين
فارش السفره دمع وانياحه
ضايعين ابدونك يامولاي حسين
ــــــــــــــــــــــــــــــــــــــ
صلى عليك السيف و هو مخضبٌ
وهوت لـمصرعك الكواكب سجدا
جـاوزت صبر الأنبيـاءِ بوقفةٍ
فـيها بوادي الطف كنت محمدا
يا وارث الرسل العظام و مجدهم
لولاك كل جهودها صارت سُدا
يالصرت سلطان للعالم
وساجدلك آدم ياقـرآن الدم
حسين
ملكوت الله بعيونك
لون الحب لونك كلهم ينخونك حسين
انته وارث نـوح يامـولانه
ياسفينة حبنه يامنجـانه
انته وارث عيسى والهيمه صليب
وعيسى مثلك ماخذو نسوانه
ضايعين ابدونك يامولاي حسين
ــــــــــــــــــــــــــــــــــــــ
لم تهوى فوق الترب من طعن القنا
لكن لربك قد هـويت تعبدا
قسما بجرحك يوم أصبح للثـرى
ورداً و صار لكل حرٍ مسجدا
النفسُ أروع ان تمـوتَ عزيزةً
كالسيفُ أروع أن يفـلا مُجردا
واحنه مثلك هم تحدينه
وللمجلس جينه عاشور چاوينه حسين
من عزائك ما يمنعونه
خل ايلومونه لا ميغـرونه حسين
والعمر كله لطم واقرايه
واحسيناً نكتب أعله الرايه
حسب توقيت الضعن باچر نصيح
لقد حانَ موعد المشايه
ضايعين ابدونك يامولاي حسين
...........................
الشاعر محمد الجماسي
🙏🏻 ياخدام الحسين بحق عظمة الليالي الفاطمية أحملكم أمانة 🙏🏻 وهي
دعائكم للوالدة بالشفاء هي في أمس الحاجة لدعواتكم وكما ورد أن دعاء الغريب مستجاب 😔
🎤أداء #الرادود_محمد_الجنامي
✍🏻كلمات #الشاعر_عزيز_الفيصلي
┏━━━ • ◾️ • ━━━┓
@AsoaatHoseneua
┗━━━ • ◾️ • ━━━┛
❀ عندما ✋🏻 أُودع أحبتي ❀~~~~~~~~~~
الموت ما يـعــرف عـمـر
حسبونه مثل اضيوفكم
غفلـة ويجـينه بلا وعـد
مابعـد نـدري اعلـومكـم
ماچن گعدنه وعشــنه لا
ما بعـد حـتـه نشـوفكـم
الفراگ يصيب الگلب اي
لـو رحنـه مـن اعيـونكم
لـو صـار فجـأة اي بـعـد
چـن دهر نعـرف يومـكم
حبل الوصل هـم ينگطع
جامـعنـه چـان ابـيـنكـم
واصـورنه تتـعلگ نـظـن
جـدام صـد اوجـوهـكـم
اصـغر حـرف ذكره يـظل
بيـها تـضـيگ اصـدوركم
تـتـجـمـعـون واحـــنـه لا
ما چـن سـكنه ابــدوركم
والعشرة لحـظة وتنـتهي
يحين السـفر من دونـكم
وبثوب مـوت مـسافرين
المــــوت زاد اهـمـومـكم
ونسكن الوحـشة بالغـرب
مـن بـعـد ذيـچ ابـيـوتكم
والمـلگه يصـبح لا مـحال
ولا احـنـه بـعـد انـزوركم
ولو جيـتو النه مـن بعيد
انحسه ثگـل اجـدومـكم
وانهيسـلكم احنـه صوت
جـيـنـه نـــزور اگـبـوركم~~~~~~~~~~
#أم_عباس_العبادي
؛؛؛ ١٦ / ٤ / ٢٠١٩ ؛؛؛
@AsoaatHoseneua
للعباس عليه السلام
جديد محرم ١٤٤٢
يابو فاضل .. خويه رد امن النهر
يابو فاضل .. روحي حست بالخطر
يا كفيلي .. يا كفيلي
...................................
صار الفزع خيل وزلم
والحومه صارت ظلمه
بس لاكفيل اخته انوله
عالنهر شنهي اللمه
للخيم مگطوع الدرب
عباس صاحو بسمه
غدروك يالماتنغلب
يالماكو مثلك زلمه
ياخو زينب .. غاب ضيك يابدر
ياخو زينب .. روحي حست بالخطر
ياكفيلي .. ياكفيلي
......................................
مانريد الماي خويه
تعل ياطيب النفس
ريتي مخنوگه احسهه
كل هوى الكون انحبس
مااشوف الراية بيدك
لا الك بالحومة حس
چنهه ليل الدنية صارت
وانحجب ضيها الشمس
خويه وينك .. ظلمة صارت يلگمر
خويه وينك .. روحي حست بالخطر
ياكفيلي .. ياكفيلي
..................................
تخوصر حسين وتحسر
والعقيلة تشاهده
وانخطف لون ابواليمه
واجت ليه تناشده
گلها يازينب اخونه
حاطت اعليه العده
مااشوف الراية بس لا
هوت هيه وساعده
طاح اخونه .. عظم الله انّه الاجر
طاح اخونه .. روحي حست بالخطر
ياكفيلي .. ياكفيلي
....................................
انتي من هسه نسبيتي
وحان الي فرض الذبح
انتي للتل استعدي
وحضري متنچ للجرح
صدري قربان الخدرچن
تمشن بهيبة الصبح
الحوافر من ترضني
وشفتي اخييچ ينذبح
شدي حيلچ .. لبسي جلباب الصبر
شدي حيلچ .. روحي حست بالخطر
ياكفيلي .. ياكفيلي
.....................................
منحني ظهره وصل له
حيل ماعده بعد
من نظر سهم البعينه
وراسه مهشوم بعمد
راس اخيّه بحضنه حطه
راده يگعد ماگعد
شنهي اگل لم عون خويه
كون اخليك وارد
ياعضيدي .. شنهي اگل لم الخدر
ياعضيدي .. روحي حست بالخطر
ياكفيلي .. ياكفيلي
..........................................
رجع ودموعه عله خده
استقبلته ام الحزن
خويه وين حزام ظهرك
وارجعت محني وتون
جر عمود الخيمة يعني
طاح حماي الضعن
جثته والبيرغ وجوده
يم المسناه بگن
وا اُخيّاه .. انته يانور البصر
وا اُخيّاه .. روحي حست بالخطر
ياكفيلي .. ياكفيلي
......................................
ام محمد الحجاج// العبادي
٢٦ / ٦ / ٢٠٢٠
@ommohamadalaebaadey
🎤أداء #الرادود_منصور_العبادي
✍🏻كلمات #أم_عباس_العبادي
┏━━━ • 🏴 • ━━━┓
@AsoaatHoseneua
┗━━━ • 🏴 • ━━━┛
🎤اداء #الرادود_أحمد_القلعاوي
✍🏻كلمات
#الشاعرة_أم_عباس_العبادي
┏━━━ • 🙏🏻 • ━━━┓
@AsoaatHoseneua
┗━━━ • 🙏🏻 • ━━━┛
🍂مشاركة من درس الاوزان🍂
صرت خادم واصبحت انـت قضـيتي
يل بدون اهواك احس مختنگه ريتي
حـيل ممـنون انـه من عـليته صـيتي
ياعشگ روحـي وحبـيبي ويادنـيتي
بــــدمي يــســـري
ياهواك المـالي روحي
يادواي الكل جروحي .. يالهفـتي
بــــدمي يــســري
اسمك واسم الطفوف
يلي طع نوك بسيوف .. ياغربتي
ياحــــبيبي .. ياطــــبيبي
🍂🍂🍂🍂🍂🍂🍂🍂
✍🏻كلمات #أم_عباس_العبادي
🎤 أداء #ملا_خزعل_البركي
┏━━━ • 🍂 • ━━━┓
@AsoaatHoseneua
┗━━━ • 🍂 • ━━━┛