Telegram-канал zemedkunbekelez - Zemedkun Bekele (ዘመዴ): Неотсортированное

Zemedkun Bekele (ዘመዴ)

15 июля 2025 16:29

👆②✍✍✍ …የኦርቶዶክስ ፓስተር ማለት ነው። በዚህ ዘመን አጥማቂና ባሕታዊ ማለት ኤለን ማስክ በሏቸው። ከፖለቲካ ድርጅት ጋር፣ ፍቅረ ነዋይ ካናወዛቸው፣ የገንዘብ ጠኔም ካጠናገራቸው፣ አራጣ ተበድረው ገንዘብ ከፍለው ከጰጰሱ አንዳንድ ጳጳሳትና የደብር አለቆች ጋር፣ የቤት ኪራይ ከከበደው፣ የዕለታዊ ውሰኪና ቢራ መጠጫ ካነሰው የቤተ ክህነት ሠራተኛ ጋር የተሞዳሞደ ባሕታዊ ዕልል የተባለለት ባለፀጋ እሱ ነው። ያውም ታክስ፣ ቫት፣ ግብር የሌለበት፣ ከሸኔም የነዳጅ ጉድጓድም ካለው ባለሀብት የበለጠ ገቢ ያለው፣ የማይነጥፍ ሀብት የተተርፈረፈለት ማለት ነው። ኤድስ፣ ቂጥኝ፣ ጨብጥ፣ ስኳር፣ ኩላሊት፣ ሪህ፣ የልብ ድካም፣ ስንፈተ ወሲብ የገጠመው ሁላ ሲጨንቀው መፍትሄ ባገኝ ብሎ ወደ እነሱ ይመጣል እነሱም በሚገባ አስተናግደው አጥበው፣ አራቁተው፣ ሙልጩን አውጥተው ገድለው ይሸኙታል። ልብ በሉ የአጥማቅያን ተግባር በቤተ ክርስቲያን መዋቅር አይታወቅም። ገቢያቸው ታክስ የለው። ኮሚቴ የለው፣ ገቢ ወጪው አይታወቅ፣ በቤተ ክርስቲያን ስም ይሄን የዋሕ ሕዝብ ውኃ እየረጩ፣ ጡቷ ስር ገብተው ዘይት እየቀቡ በአፅሙ ያስቀሩታል። የገንዘቡ ተካፋይ ግን ብዙ ነው።

"…በዳላስም እያየሁ የከረምኩት ያንኑ ነው። ቤተ ክርስቲያን ከፊቷ አደጋ ተጋርጦባታል። ትግሬዎቹ ተራቸው ደርሶ ተገንጥለው የትግራይ ቤተ ክርስቲያን አቋቁመዋል። ኦሮሞዎቹ ሚኒሶታ ውስጥ እየሞከሩ ነው። የቤተ ክርስቲያን ማስታወቂያ በግብፅ ባንዲራ ከተተካ ቆየ። ዲሲ ውስጥ ቀደም ብለው መስርተውት የነበረው የእነ ጃዋር ቤተ ክርስቲያን ብዙም ስላላዋጣ አሁን ዐውቀውም ይሁን ሳያውቁት እግዚአብሔር ይወቀው በብፁዕ አቡነ ናትናኤል ሀገረ ስብከት በሚኒሶታ የሆነ ደስስ የማይል ምልክት በኦሮሞዎቹ በኩል እየታየ መሆኑም እየተነገረ ነው። እግዚአብሔር ይሁናቸው። ይሄን ያዩት ጎንደሬዎቹ የቀድሞው የስደተኛው ሲኖዶስ አባቶችም ከወዲሁ የሆነ የሚወድቁበትን ስፍራ በማማተር ላይ መሆናቸው ነው የሚሰማው። አቢይ አሕመድን እሽኮኮ ተሸክመው ሲዞሩ ከርመው ድንገት የባነኑትና አሁን ጥለውት፣ ረስተውት ወደ ነበረው ሕዝብ በባህታዊ ጆኒ ራጋ በኩል ለመጠጋት ያሰፈሰፉት አካላት አቢይ አሕመድ ደህና አድርጎ፣ አዋርዶ፣ ጠልዞ አሽቀንጥሮ ሲልካቸው ወደ ቀደመ ሥራቸው ለመመለስ የሚያሟሙቁ እንዳሉም እያየን ያለነው። መቼም ጉዳችን አያልቅ።

"…በካሊፎሪንያ ተገዛ የተባለው ገዳም የገዳሙ የበላይ ጠባቂ ትውልዳቸው ከጎጃም ስለሆነ ለእኛ ለጎንደሮች ደግሞ አንድ ያስፈልገናል ብለው ነው ጆኒ ራጋን ከደቡብ ጎንደር አስፈርመው አምጥተው ይህን ምስኪን ዲያስፖራ ጭንቀት፣ ስትረስ የሚያሰቃየውን ምስኪን ሕዝብ ሰይጣን ነውና እሱን እናስለቅቅልህ በማለት ጥሪቱን ለማራገፍ፣ ለመግፈፍ፣ በዚህም ምርጥ ልምድ ካላቸው መካከል ያንኑ የወንቅሸት፣ የደቡብ ጎንደር ባለ ብዙ ወንጀል ባለቤት ጆኒ ራጋን አስፈርመው ያመጡት። አሁን እነ ብፁዕ አቡነ ጴጥሮስ በአቢይ አሕመድና በዳንኤል ክብረት የአገልግሎት ጊዜዎ አብቅቷል ተብለው ወደ ጋርቤጅ ሲወረወሩ በፍጥነት የአሜሪካ ባንዲራ ስር ተቀምጠው አራጁን፣ ነፍሰ በላውን፣ እኛ ለዘመናት ስንቃወመው እሳቸው አትንኩብኝ፣ አቢይ አሕመድ ከድንግል ማርያምም በላይ አማላጅ አስታራቂዬ ነው ያሉ እስኪመስሉ ድረስ እንደ አምላክ ጭምር ይቆጥሩት የነበረውን አረመኔ አሁን ደርሰው ጨዋታው አልቆ ፊሽካ ከተነፋ በኋላ ጎልል ብለው ለመጨፈርና እኛ ጨፍረን፣ ጨፍረን የደከመንን ሰዎች በሪፕሌይ እንድንጨፍር ሲራወጡ፣ ሲደክሙ ይታያሉ። ይሄ ልክ አይደለም።

"…ሕዝብ ፈርዷል። የዘመኑ ሰው ነቅቷል። ምእመናን በብዙ የማኅበራዊ ሚዲያ አማራጮች ንቃተ ህሊናቸው ዳብሯል። እንደ ድሮው በቀላሉ የሚሸወድ፣ የሚታለልም ሕዝብ የለም። የዘንድሮ ፍርድ ደግሞ ፈጣን ነው። እግዚአብሔር መልስ ሲሰጥ የፋይፍ ጂ ፍጥነት በሉት መልሱ። መልካም ከሠራህ መልካም መልስ፣ መጥፎ ከሠራህ ደግሞ የመጥፎ መልስ ወዲያው ነው የሚልክልህ። እንደ ድሮው በልጅ ልጅህ ይድረስ ብሎ ነገር ቀርቷል። መልሱ ሁሉ ፈጣን ነው። ለምሳሌ እንመልከት። የሆነ ጊዜ ብራዚላውያን አደባባይ ወጥተው በኢየሱስ ክርስቶስ ላይ ቀለዱ፣ አሾፉ፣ ተሳለቁ። ሳይመሽ መልሱን በጎርፍ ተጥለቅልቀው፣ ወድመው አገኙት። የዘንድሮ የእግዚአብሔር መልስ 5G ነው የምላችሁ ለዚህ ነው። እዚያው ሰሜን አሜሪካ በካሊፎርኒያ የሆሊዉድ አክተሮች በኦስካር ሽልማት ላይ ተሰብስበው በእግዚአብሔር ላይ ቀለዱ፣ ተሳሳቁ፣ ተሳለቁም። እግዚአብሔርም አየ፣ ሰማ። ወዲያውኑ ሳይውል ሳያድር ካሊፎኒያን ሰዶምና ገሞራን በሚያስንቅ እሳት አነደዳት። የዚያ ሁሉ ባለሀብት አክተሮች የቢልዮን ዶላር ዘመናዊ ቤቶችና መኪኖች በሰከንድ ውስጥ ወደሙ። 5G የሆነ መልስ ማለትም ይሄም አይደል…? ሰሞኑን ደግሞ እዚያው አሜሪካ ቴክሳስ ውስጥ አንዱ ጥጋበኛ ባለሥልጣን "እግዚአብሔር ራሱ ስደተኛ ሆኖ ቴክሳስ ቢመጣ ጠፍረን አስረን ወደመጣበት እንመልሰዋለን" ብሎ በፈጣሪ ተሳለቀ። እግዚአብሔርም የዘመነ ኖህን ጊዜ ዝናብ አመጣው፣ የሰማይ መስኮቶች በቴክሳስ ላይ ተከፈቱ፣ የዝናብ ጎርፍ ከሰማይ ወደ ምድር ተደፋ፣ ጎረፈ። ቴክሳስ በውኃ ተጥለቀለቀች። 5G ነው ይሄም። ሌላም፣ ሌላም መጥቀስ እንችላለን።

"…አሁንም እነ መምህር አንዷለም ዳግማዊ ለገንዘብ ብላችሁ የምታደርጉትን ቅጥ ያጣ፣ ለከት የለሽ ሕገወጥ እንቅስቃሴ ብታቆሙ ነው የሚሻላችሁ። አቁሙ። ዶክትሬትህ የሚያስከብርህ ምእመናን እስካሉ ድረስ ብቻ ነው። ምእመናን ከሌሉ ፕሮፌሰር ብትሆንም፣ ጳጳስ ብትሆንም ጥቅም የለውም። ተንደላቀህ የምትኖረው፣ ልጆችህን ዘጭ አድርገህ የምታስተምረው፣ ቤትህን ቀጥ አድርገህ የምትመራው፣ ተከብረህ፣ መምህር፣ ምናምን ተብለህ የምትኖረው ቤተ ክርስቲያን ከነ ምእመኖቿ ሲኖሩ ነው። ቤተ ክርስቲያን ያለ ምእመናን ባዶ አዳራሽ ነው። የካህናት፣ የጳጳሳት ጌጣቸው ምእመናን ናቸው። የሆዳችሁ ጌቶች ምእመናን ናቸው። እና የምእመናንን ድምጽ ብትሰሙ መልካም ነው። ያለበለዚያ የሙዳይ ምጽዋቱ ካዝና ይራቆትና ከምእመናኑ እኩል ኡበር ተራ ተሰላፊ መሆን ይመጣል። መጠንቀቅ መልካም ነው። በፊት በፊት ካሕናት እናንተን በመፍራት ከምእመናን ጋር አይሰለፉም ነበር። አሁን ግን ያ ነገር ተቀይሯል። ሁል ጊዜ እግዚአብሔርንና እውነትን፣ ሃቅን የያዘና ሕዝብ የያዘ ነው አሸናፊው። እናም በዳላስ ካሕናትና ምእመናን እጅና ጓንት ሆነዋል። አታሸንፏቸውም። ይከብዷችኋል። ሕዝብ ጳጳሱንም፣ አንተንም ሊቀይር ይችላል። ከካናዳ ወደ አሜሪካ ዳላስ ያመጣህ ሕዝብ ነው። የቀጠረህም ሕዝብ ነው። መምህሬ ሕዝብን አክብር። ባሕታዊው ብአዴን ነው ነገ ወደ ሀገሩ ገብቶ ዘጭ ብሎ መኖር ይችላል። አየር ላይ የምትቀሩት እናንተው ናችሁ። ደግሞም አሁን ለምታቋቁሙት አዲስ ሲኖዶስስ ቢሆን ባህታዊ ነው ወይስ ሕዝብ ነው የሚያስፈልጋችሁ? ምርጫችሁን አስተካክሉ።

"…ቢንያም ሽታዬን ባለበት የስደት ሀገር ነፍሰ ገዳይ ገዝቶ ማስፈራራት፣ ከዚያም አልፎ በቀሲስ ሳሙኤል ላይ ዛቻና ማስፈራሪያ ማድረግ ነውርም፣ ወንጀልም፣ ብልግናም፣ ኃጢአትም ነው። ቀሲስ ሳሙኤልም ሆነ ቢንያም ሽታዬም ያደረጉት ነገር ቢኖር የብዙኀኑን ምእመናና ካህናት ድምጽ ማስተጋባት ነው። ከራሳቸው ፈጥረው፣ ዋሽተው፣ ቀጥፈው የሠሩት ነገር የም። እናም ገንዘብ አለን ተብሎ የሥዕለት ገንዘብ አውጥቶ ወንጀል ለመሥራት መጣደፍ ከጳጳሳትና ካሕናት አይጠበቅም። ለቀሲስ ሳሙኤል የላካችሁት ማስፈራሪያ ደርሶታል። ቀሲስ አንድ ነገር ቢሆን፣ ትን ቢለው እንኳ በተለይ…👇②✍✍✍