Telegram-канал zemedkunbekelez - Zemedkun Bekele (ዘመዴ): Неотсортированное

Zemedkun Bekele (ዘመዴ)

05 апреля 2024 15:31

"ርዕሰ አንቀጽ"

"…የለንደን፣ በአጠቃላይ የሀገረ እንግሊዝ ፋኖዎች አልተቻሉም። በፊት በፊት የዲሲ ግብረ ኃይል የሚባል በሀገረ አሜሪካ የሚኖር በብዛት የግንቦት ሰባት አባላት ያሉበት አስጨናቂ ቡድን የቀደመውን የወያኔ መር አገዛዝ በየደረሰበት መግቢያ መውጪያ በማሳጣት ሀገር ቤት በንፁሐን ደም ታጥበው ውጭ ሀገር ዘና ፈታ ለማለት፣ ከዘረፉት ብር አስቤዛና የመዋቢያ ቁሳቁስ ለመሸመት፣ አልፎ ተርፎም ለዝሙት፣ ለግልሙትና የሚንሸራሸሩትን በሰለጠነ ሀገር በሰለጠነ መንገድ ይቃወሙ ነበር። በዚያ መንገድ ይደረግ የነበረው ተቃውሞ ስለ እውነት ከሆነ የተጎጂውን ሕዝብ ስሜት የገነባ፣ የወንጀለኞቹን ሹመኞች ቅስምም፣ ጅስምም የሰበረ ነበር።

"…በዚያ የዲሲ ግብረ ኃይሎች ተቃውሞ የተነሣ ስለ እውነት ከሆነ የዘመነ ህወሓት መሩ የኢህአዴግ ሹመኞች ወደ አሜሪካ ከመሄድ ተቆጥበው ራሳቸውን የቁም እስረኛ እስከማድረግ፣ ሞሪሽየስ፣ ሞምባሳ፣ ባንኮክና ዱባይ እንጂ ወደ አሜሪካ ዝር ከማለት ተቆጥበውም ነበር። ኋላ ላይ ነውጣሙ ለውጥ የሚባለው መጣ። ህወሓት መሩ ኢህአዴግ መልኩን ቀይሮ፣ መስክ ለብሶ መጀመሪያ ኦሮማራ መር ኢህአዴግ ቀጥሎ ኦሮሞ መር ኢህአዴግ ሆኖ ተከሰተ። ኦሮማራ መሩ ኢህአዴግ ገና ሥልጣን ላይ እንደወጣ ያደረገው ነገር ቢኖር በቀጥታ የዲሲ ግብረ ኃይልን እና ስደተኛው ሲኖዶስን መስበር ነበር። ሰበራቸውም።

"…የአሜሪካ ዳያስጰራን ስስ ልቡን በመመላለስ አሳምሮ የሚያውቀው ዳንኤል ክብረት ድልድዩን እንሻገር፣ ግንቡን እናፍርስ በማለት የህወሓት መሩን ኢህአዴግ ሲቃወም የነበረውን ዳያስጶራ በተነው። አደቀቀው። እነ ታማኝ በየነ የመሳሰሉትን ጎምቱ ተቃዋሚዎች ጠቅላዩ እግር ስር ደፋቸው። ብዙዎቹን የተማሩ፣ የተመራመሩ የተባሉትን ዜጎች አነሆለሏቸው፣ ያልሸወዱት ሰውም አልነበረም። ቄስ፣ ጳጳስ፣ ዲያቆን አልቀረ፣ ፕሮፌሰር፣ ዶክተር፣ ወዛደር አልቀረ፣ የቤት እመቤት፣ የቤት ሠራተኛ፣ የመኪና ፓርኪን ዘበኛ አልቀረ፣ ሁሉንም አፈዘዙት፣ አደነዘዙት። ዳያስጶራው ግራ ቀኝ ሳያይ፣ ይዋል ይደርም ሳይል የአውሬው አቢይን ቲሸርት ለብሶ በፍቅሩ ወደቀ። ከፍቅሩ ፅናት የተነሣ ምግብ ሁላ አልበላ፣ ውኃም አልጠጣ ያላቸውም የትየለሌ ነበሩ። አቢይ ተኛ ወይ፣ የት ጠፋ ብለው ከሚስቱ ከዝናሽም በላይ ለእሱ አሳቢ ሆነው ታዩ። እንዲያውም በቀን 1 ዶላር፣ በወር 300 ዶላር እያዋጡ ለሻይ ይልኩለት ሁላ ጀመር።

"…ዳንኤል ክብረት ለአቢይ ከዋለለት ትልቅ ውለታ መካከል አንደኛው ዳያስጶራውን አፍዞ፣ አደንግዞ ለኦሮሙማው ማስገበሩ፣ ጳጳሳት፣ ካህናት፣ ዲያቆናት፣ ምእመናንን እጅና እግራቸውን አስሮ ገሌ ማድረጉ ነው። የዲሲ ግብረ ኃይልም ለሦስት ተሰነጠቀ። አንደኛው ግሩፕ ኮንዶሚንየምና ጨላ መሬትም ተሰጥቷቸው በለፀጉ፣ ሁለተኛው አኩርፎ በቤቱ ተቀመጠ፣ ሦስተኛው የዲሲ ግብረ ኃይል ከግንቦት ሰባት ወደ ባልደራስ፣ ከባልደራስ ወደ ግንባሩ፣ ከግንባሩ ወደ ሠራዊቱ ዞሩ። ገንዘብ ላይ በመመደባቸው ትግሉንም ረሱ፣ አቋረጡ። በዚህ ምክንያት ዳግማዊ ኢህአዴግ ብልጽግናዎች በአሜሪካ ተንዘራፈጡ። ተቆጪ፣ ገልማጭ ዳያስጶራም አጡ። በአጠቃላይ የዳያስጶራ ቦለጢቃም ተቀዘቃዘ። ቤተ ክርስቲያንም አስታርቆናል በሚል ሰበብ ሼም ይዟት ዱዳ እንድትሆን ተደረገ። በዘመነ ወያኔ ሁለት ሰው ሞተ ተብሎ ቅዳሴ አቋርጠው ኋይት ሀውስ ድረስ ሄደው ሰልፍ ይወጡ የነበረቱ ጳጳሳት ካህናት ምእመናን በዘመነ ዐቢይ በዶዘር ሕዝብ እየተቀበረዝም ጭጭ ሆነ። እነርሱ ለካ ትግላቸው በሕዝብ ትከሻ ወደ ኢትዮጵያ ገብቶ ተንፈላስሶ መኖር እንጂ ቀድሞውኑ ወያኔ አልነበረችም ችግራቸው። ወያኔ ሥልጣን ብትሰጣቸው ካህናት ጳጳሳቱ፣ ኮንደሚንየም፣ መሬት ብትሰጣቸው የዲሲ ግብረ ኃይልም፣ ምእመናን ቦለጢቀኞቹም አይቃወሟትም ነበር ማለት ነው። ወያኔም ያለችው ያንን ነበር። ዐውቄ ቢሆን ኖሮ ኮንዶሚንየም እየወረወርኩላቸው አፋቸውን አዘጋ አልነበር እንዴ ነበር ያለችው። በፍርፋሪ ፀጥ የሚለው ደግሞ ቡቺ ብቻ ነው። ውሻ…

"…መቼም ሳይደግስ አይጣላም እንደሚባለው የአሜሪካው ግብረ ኃይል የኢትዮጵያኒስት ካምፕ አቀንቃኝ፣ የግንቦት ሰባት እርሾ፣ የባልደራስና የግንባሩ ሆኖ ዐማራ፣ ዐማራ ማለት የሚሸክከው ስለሆነ ከባህሪው የተነሣ ደክሞት ቢያርፍም እግዚአብሔር በሌላ በኩል ደግሞ በሀገረ እንግሊዝ ተርብ፣ ተርብ አራስ ነበር የሆኑ አንበሳ ዐማሮችን አስነሣ። አስነሣ፣ አስነሣ በቃ። የብልግናውን መንግሥት ቁም ስቅል የሚያሳዩ፣ የሚነሡ አናብስትን አሥነሣ። ሥርዓት፣ ሕግ፣ ጠንቅቀው የሚያውቁ፣ አርበኞች፣ በዲሞክራሲ በበለፀገ ሀገር ዲሞክራሲያዊ መብታቸውን እንዴት መጠቀም እንዳለባቸው ጠንቅቀው የሚያውቁ ልጆችን እግዚአብሔር አስነሣ። እናም ከተቋቋሙ በአጭር ጊዜ ውስጥ የሚከተሉትን ተግባራት ፈጽመው ዐማራን ቀና ብሎ እንዲሄድ፣ እንዲከበርም አደረጉ።

• በኢትዮጵያ ኤምባሲ ሀገር ሰላም ነው ተብሎ የተዘጋጀ ዝግጅት እንዳይካሄድ አደረጉ።

• በለንደን ፕላዛ ሆቴል መግቢያው 1ሺ ፓውንድ የሆነ የቢዝነስ ፎረም እንዳይካሄድ አስተጓጎሉ።

• ወርልድ ትሬድ ኤክስፖው ላይ በመገኘት ኢትዮጵያ በጨፍጫፊ አረመኔ ሥርዓት እጅ መውደቋን በማሳያት ዓለምን አስደመሙ

• የኢትዮጵያ ኤምባሲ በለንደን ኢትዮጵያ ሰላም ናት በማለት ያዘጋጀውን የአስረሽ ምቺው የግብዣ ድግስ ዝግጅት ላይ በመገኘት በተቃውሞ እንዲቋረጥ አደረጉ።

• የኢትዮጵያ ኢምቤሲን ተቆጣጥረው የለንደን የዐማራ ፋኖን ዓርማ በመለጠፍ ባደረጉት ተቃውሞ ምክንያት እስከ አሁን የኢትዮጵያ ኤምባሲ ተዘግቷል፣ ሠራተኞቹም ሀገር ቤት ተጠርተው ወደ ሥራ አትመለሱም ተብለው በአዲስ አበባ ታግተዋል። በዚህ ምክንያት የዐማራ ተወላጅ የሆኑና በመላ አውሮጳ በኢትዮጵያ ኤምባሲ የሚሠሩ ሠራተኞች ወደ ሀገር ቤት ተጠርተው ሄደው በዚያው እንዲቀሩ አድርገዋቸዋል። አሁን በዐማሮቹ ፈንታ ኤምባሲዎቹን በጥቂት ትግሬና በበብዙ ኦሮሞ፣ በጣልጣል ደቡብ ለመሙላት ታስቧል። ለዚህም ደግሞ የለነደን ፋኖ አድማሱን በማስፋት በአውሮጳ ሙሉ የአውሮጳ ፋኖ በመመሥረት ሥርዓቱን ሽባ በማድረግ ርቃኑን ለማስቀረት በዝግጅት እንደሆነ ለእኔ ለዘመዴ አሳውቀዋል።

"…ወደ ዛሬው ተቃውሞ ስንመለስ በሀገር ቤት ከፋኖ ደረጀ ከጎንደሩ ፋኖ በመቀጠል ካድሬ የሥርዓቱ አገልጋይ አባት ተብዬዎችን ለመጀመሪያ ጊዜ የለንደን ፋኖዎች በአካል ተገኝተው ተቃውሞአቸውን አሰምተዋል። ይህ ጳጳስ በዘር ኮታ "ንፁሕ ኦሮሞ" ያውም ሳህለማርያም ቶላ ተብለው መመረጣቸው በቴሌቭዥን የታወጀ፣ በአሜሪካ በሰካራምነታቸው ምእመናን ያፍሩባቸው እነደነበሩ የሚነገር፣ በአቡነ ፋኑኤል ጠቋሚነት በዲሲ ኦሮሞና የዐማራ ቄሶች ድጋፍ እንክብካቤ የሚደረግለት። ብፁዕ አቡነ ሉቃስ ለምን አቢይ አሕመድን አወገዘ ብለው እኔም አውግዤዋለሁ ያለ ደፋር፣ በኦሮሚያ በተለይም በሻሸመኔ ሕዝብን ያስጨረሰውን ጠበቃ ኃይለ ሚካኤልን በዐውደ ምህረት ሥልጣንና ማዕረግ ያሰጡ፣ ደፋር። የሚጠሉት ዐማራ በብዛት ወዳለበት ለንደን ተሹመው እንዲሄዱ መደረጉን አስቀድሜ መጻፌ ይታወቃል። መናገሬም ጭምር። 👇 ከታች ይቀጥላል…✍✍✍