Zemedkun Bekele (ዘመዴ)

05 августа 2024 15:35

"…ሴትይዋ ላለፉት 15 ዓመታት ባንግላዴሽን እንደ ሰም አቅልጠው፣ እንደ ብረት ቀጥቅጠው፣ እንደ ሸክላ አድቅቀው የገዙ ናቸው ይሏቸዋል። ኑሮ ከበደ፣ የግለሰቧ ፈላጭ ቆራጭነት ቅጥአጣ፣ የፓሪቲ ሰዎች ብቻ የሌማት ቱሩፋቱም፣ የኮሪደር ልማቱም ተጠቃሚ ሆኑ። ሌላው የባንግላዲሽ ዜጎች በጠሚዋ ፈላጭ ቆራጭነትና በፓርቲያቸው አገዛዝ ተሰላቹ። መረራቸውም።

"…ከሳምንት በፊት በቁጥ ቁጥ ባንጋሊዎች ተቃውሞ ጀመሩ። ጠሚዋም ለማስደንገጥ በሪፐብሊካን ጋርዳቸው አንድ 200 ያህል ተቃዋሚዎችን ገደሉ። ደም ሲፈስ ደም ይፈላልና ሕዝቡም በአቋሙ ጸንቶ ግልብጥ ብሎ አደባባይ ወጣ። በመጨረሻም ጠቅላይዋ እያየለ የመጣውን የሕዝብ ተቃውሞ ሰግተው እግሬ አውጪኝ ብለው ወደ ዱባይ ማነው ወደ ሕንድ ፈረጠጡ። 

"…አሁን እነዚያ ተቃዋሚዎች በተራቸው  ጠቅላይዋ ይኖሩበት ወደ ነበረው ቤተ መንግሥት በኃይል ሰብረው በመግባት በጠቅላይዋ መኖሪያ ቤት እንዳሻቸው እየፈነጩበት መሆኑም ተነግሯል።  ሪፐብሊካን ጋርዱ፣ መኴው፣ የኦሮሚያ ፎሊስ ጭምር ማነው የባንግላዲሽ ፎሊስ ማለቴ ነው ይቅርታ ከዳር ቆመው ከመመልከት በቀር ምንም ሊያደርጉ አልቻሉም።

"…ለአንዲት ጥጋበኛ አምባገነን ሴትዮ ምቾት ብለን ሕዝባችን ላይ ለምን እንተኩሳለን? ሀገር ቀጣይ ናት፣ ፓርቲም፣ መሪም ይሄዳል ይመጣል ያሉት ወታደሮች ለበዓሉ ድምቀት 200 ያህል ሰው ከገደሉ በኋላ ከዚህ በላይስ ይበቃናል። “ደምም ሳይፈስ ስርየት የለም።” ዕብ 9፥22 እንዲል መጽሐፍ እነርሱም የ200 ባንጋሊዎች ደም በከንቱ ካፈሰሱ በኋላ ሀገሪቷ ከጋንግሪኗ መገላገሏን እና ሕዝቡም እምነቱን ጥሎብን ሕዝባዊ መንግሥት እንዲመጣ አብረን እንሥራ ብሏል።

• እኔ አረፍት ላይ ነኝ። ወደ ኋላ አንድ የፋኖ ዜና እለቅባችሁና ድጋሚ ወደ እረፍቴ እመለሳለሁ። እስከዚያው…በረከተ ባንግላዲሽ ይደርብን አሜን።

Zemedkun Bekele (ዘመዴ)

04 августа 2024 09:36

“…ችግር ከትቢያ አይመጣም፥ መከራም ከመሬት አይበቅልም፤” ኢዮ 5፥6

"…እንደምን አደራችሁ?
"…እንደምን አረፈዳችሁ?
"…እንደምን ዋላችሁ?
"…እንደምን አመሻችሁ?

"…እግዚአብሔር ይመስገን ብቻ ‼

Zemedkun Bekele (ዘመዴ)

03 августа 2024 19:18

"…ይስጣ…! ለምን ሰጠ ? አይባልም።

"…ምክኛቱም… በኦሮሚያ እኮ ብዙ የተጀመሩ የልማት ሥራዎች አሉ። ብሮጀክቲቹም ነፍ የትየለሌ ናቸው። ለትራክተር መግዣ፣ ለውኃ መሳቢያ ሞተሮች መግዣ፣ ለገዳ ሲቲ ግንባታ፣ ለጫካ ፕሮጀክት፣ ለኦቦ ሽመልስ ቤተ መንግሥት መገንቢያ ወዘተ ብዙ ዶላር ያስፈልጋል። እናም ይስጣ ምን ክፋት አለው? አቤት ምንቀኝነት?

"…የገዳና የኦሮሚያ ባንክ ለ 1 ዶላር፣ 1ሺ ብር ቢሰጡስ ምን ያስመቀኛል? አቅም ካላቸው ለምን ሁለት ሺስ አይሰጡም? ምንቀኛ ሁላ።

• በርቱ። ተወዳደሩ። ተፎካከሩ። ቆይቼ ደግሞ ናይጄሪያ ሄጄ የታዘብኩትን እጽፍላችኋለሁ።

• እየዶለደራችሁ ጠብቁኝ።

Zemedkun Bekele (ዘመዴ)

02 августа 2024 19:17

ተንፒሱ እስቲ…!

"…ከአሁኗ ሰዓትና ደቂቃ ጀምሮ በሚታሰብ ለሁለት ሰዓት ያህል እናንተ ደግሞ ተንፍሱ እስቲ…? ስለ የመንግሥት ሠራተኛ የደሞዝ ጭማሪ 300 እጥፍ አድርጌያለሁ ቀደዳም ሌላ ቀን እመለስበታለሁ። 300 እጥፍ ማለት እኮ 300×1500=450,000ብር ማለት መሰለኝ። ማሞ ምህረቱ ጠበቃ ሆኖ የገንዘብ አለቃ ሲሆን፣ አቢይ አሕመድ ከ4ተኛ ኡኡ ጠቅላይ ሚንስትር ሲሆን እያየን በግድ ለምን Basic mathematical operation አልተማረም ማለት ያለብን አይመስለኝም አላለኝም አንዱ ጓደኛዬ።

"…ይሄ ከፋኖ ጋር ንግግር ጀምረናል ጭዌዋን ትቆየን እና ይሄ አቢይ አህመድ ጨመርኩ ያለው ደሞዝ 300 እጥፍ ነው ? ወይስ 300 % ለማለት ፈልጎ ነው? እኔም እኮ ተምታታብኝ። ሂሳብ የሚሉትን ትምህርት ከድሮ ጀምሮ ስጠላው ለጉድ ነው። 300 እጥፍ? 300%? 1500ው በ% ስንት ይመጣል ማለት ነው? እስቲ አስሉልኝ። ኤዲያ ደግሞ ስለዚህ ምን አገባኝ በናታቹ? ሥራው ያውጣው?

"…ይልቅ የለመደች ጦጣ…Convince እና Confuse ነው? ወፍ ኤለም… የሚለውን ጦማሬን እንዴት አያችሁት? ተንፒሱ እስቲ…

Zemedkun Bekele (ዘመዴ)

02 августа 2024 17:52

የለመደች ጦጣ…
Convince እና Confuse ነው?
            ወፍ ኤለም…

"…ይልቅ ነፍጣችሁን አስቀምጣችሁ ከጫካም ወጥታችሁ ከአረጋ ከበደም ጋር ተነጋግራችሁ፣ ተደራደሩና በአሬ ስር ሆናችሁ ይቅርታ በአረጌ ስር ገብታችሁ ክልላችሁን በጋራ አበልጽጉ ብሎ ጽንፈኛ የተባለውን የፋኖን ኃይል እንደ ተራ ሽፍታ ቆጥሮ ባህርዳር በአባይ ድልድዩ ስር ቆሞ ከተናገረ፣ ከመከረም፣ ከደሰኮረም እኮ ገና ጥቂት ሳምንታት ናቸው ያለፉት። በጣም ጥቂት? እና ዛሬ ያውም በመንግሥት ደረጃ እየተደራደርን ነው የሚለው ማንን ለማጃጃል ነው የበሻሻው አራዳ? ሃኣ?

"…14 ሺ የፅንፈኛው ፋኖ ኃይል አባላት መንግሥት ያቀረበውን የምህረት ዐዋጅ ተቀብለው ከታች አርማጨሆ ወደ ላይ አርማጨሆ በመምጣት ለበድኑ የብአዴን መንግሥት በሰላም እጃቸውን አንከርፍፈው  ሰጥተው ሰላማዊ ኑሮ መኖር ከጀመሩ ቆዩ፣ የተቀሩትም ቢሆን ሰሞኑን ለመንግሥት እጃቸውን አንከርፍፈው ለመስጠት መስቀልና ቁርዓን ጨብጠው ቃለመሀላ ገብተውልን እየጠበቅናቸው ነው በማለት አጅሬ አሚኮ (አቢይ አሕመድ ኮርፖሪሽን) በፎቶ ጭምር አስደግፎ የምልስ ፋኖዎችን ነፍ የትየለሌ ሚጢጢዬ ፎቶ ካሳየን እኮ ሳምንት አልሞላንም። ሃኣ…ኮንቪንሳም ሁላ።

"…ከአንዳንድ ኪስ ቦታዎች በቀር የክልሉን 97% ከፅንፈኛውና ከዘራፊው የፋኖ ኃይል አስለቅቀን፣ አፅድተን ከእግር ጥፍሩ ጀምሮ የተነቀለውን የክልሉን የመንግሥት አስተዳደርም መልሰን መትከል ከጀመርን ወር አለፈን ካሉን እኮ ገና መጪዋ የፊታችን ነሐሴ ልደታ አንደኛ ወራቸው ነው። ደግሞ ለጥንፈኛ የምን መደራደር ነው? ዐሞሌ ጨው ለሆነ ጅግሳ፣ ጃርት፣ ሌባ፣ ዘራፊ፣ ቀማኛ፣ እርስ በእርሱ እየተናከሰ ላለ ጃዊሳ ቀበቶውን አስፈትተን ሱሪውንም እናስወልቀዋለን ካሉን ዓመት ሞላን አይደል? ወይ ኮንፊዩዝድ… የምን ድርድር ነው። ማነው የሚደራደረው?

"…አርበኛ ሀብቴ ወልዴ፣ ኮረኔል ታደሰ፣ ኮረኔል ፈንታሁን ሙሀባው፣ አርበኛ መከታው ማሞ፣ በእስክንድር ነጋ የጋሪ ፈረስ ተሳፍረው በጨበራ የፌክ ምርጫ ሰበብ ከነፍሰበላው አቢይ አሕመድ ሥርዓት ጋር በአቋራጭ ተሞዳምደው፣ ተደራድረውም ገሌ ሆነው እኛን ለማምታታት ቢታትሩም እኔ ዘመዴ የቅሌታሞቹን የድምፅ ቅጂ በሃላል ይፋ አድርጌ ጉረሮአቸው ላይ በመቆሜ ሁሉ ነገር እንደ እንቧይ ካብ እንደፈረሰ ይታወሳል። የጎንደር እስኳድም የሰሊጥ ብሩን ሲልፍ ከርሞ ከተቀበረበት የመቃብር ጉድጓድ አፈሩን እያራገፈ ሳልሣዊ ብአዴንን በእስክንድር ነጋ በኩል ሊያዋልድ ሲንተፋተፍም አይተን ጉርንቦውን አንቀን የተፋትን የሴራ ቦለጢቃ መልሶ እንዲልሳት አድርገን መልሰን እንደቀበርነውም ይታወቃል። እና ከማን ጋር ነው ድርድሩ ጋሽ ኮንፊዩዝድ?

"…አሁን እኮ ነገሮች እየጠሩ ነው የመጡት። ጎጃም ውስጡን እያጸዳ ነው። በአንድ ቤት አንድ አባወራ ብቻ ነው መኖር ያለበት በሚለው መርህ ምክንያት እነ አባ ዶላር ሹገር ዳዲ እስክንድር፣ እነ አውርቶ አደር ሀብታሙ አያሌው፣ ብሩክ ይባስ፣ እነ መቶ አለቃ ማስረሻ ሰጤ ቀፍለው ያታለሉት ኮረኔል ጌታሁን መኮንን ተው ቢሉት አልሰማ ብሎ ጃስ ሲሉት በርግጎ እግሬ አውጪኝ ብሎ የሀብቴ ወልዴ ዕዝ ወንድም ፋኖ ደረጀ ጋር ጎንደር ሸሽቶ ተደበቋል። ከዓባይ ድልድይ እስከ ጥግ ድረስ በምድረ ጎጃም ከዐማራ ፋኖ በጎጃም በቀር ሌላ የፋኖ አደረጃጀት አይኖርም ብሎም ሻለቃ ዝናቡ መወሰኑን እኮ ትናንት ሰማነ። በቃ ጎጃም ጎጄው መለኛው አመረረ፣ አመረረ። አለቀ።

"…ወሎም እንደዚያው፣ ሸዋም አርበኛ አሰግድን እነ መከታው ማሞ አሳልፈው ከሰጡት በኋላ አመዳቸው ቡን ብሎ፣ የሕዝብ ድጋፍ ርቋቸው፣ እስክንድርን ተሸክመው እሹሩሩ እንዳሉ ብቻቸውን ከሜዳ ላይ ቀሩ። ትግሉ ቀጥሏል። ጉባኤ ተጠርቶ ቋሚ መሪ እስኪመረጥ ድረስም በአርበኛ አቶ አሰግድ መኮንን ምትክ ኢንጂነር ደሳለኝ ተተኪ መሪ ሆኖም ተመረጠ። የቀረው ጎንደር ነበር። የሜጀር ጄነራል ውባንተ ልጆች እነሱ ነበሩ የቀሩት። በውስጣቸው የነበረውን፣ ለእስክንድር ነጋ የገበረውን። ከድርጅቱ ሓሳብና ፍላጎት ከመርህ ውጪ ሲንቀሳቀሱ የቆዩትን በሙሉ ጠራርጎ አብሯቸዋል። አሁን የዐማራ ፋኖ የሚገርም ቁመና ላይ ደርሷል። ከመቃብር አፈር አራግፈው የተነሡት የስኳድ ልጆችም መብረቅ እንደመታው እንጨት ፍርክስክስ ብለዋል። እኔ የለከፍኩት መቼም አይረባም ይኸው ዛሬ እነ ዶር ምስጋናው አንዷለምንም ጎንደር ወጊጂልኝ ብላ አብርራለች። ጎንደር ጎንደር ለባንዳ ለቀሳጢ፣ ለጠንቋይ ለአስማተኛ የማይመች የክርስቲያን ምድር። ጎንደር አባጃሌው። ጠርጎ ጣላቸው። የዛሬው የጎንደር ፋኖ መግለጫም የሚያሳየው ይሄንኑ ነው። እንዲያውም ሙሉ መግለጫቸውም ለምን እንደሚከተለው አላቀርብላችሁም። ሰሞኑን አንድ ጆሮ አመዳም፣ ወገበ ነጭ ሲሳይ አልታሰብ የሚባል ስኳድ፣ ከወዳጄ አያሌው መንበር ጋር እየተናበቡ ሲረግጡኝ አይቼ ስስቅ ነበር። አያሌው መንበር ሰማይ ዝቅ ምድር ከፍ ቢል በእኔ ቅሬታ ካለው ይጽፍልኛል፣ ይደውልልኛልም እንጂ እንዲህ አፉን ሲከፍትብኝ አይቼም አላውቅ። ይሄ የክፍለ ሀገር ልጅ ቆይ እመለስለታለሁ። አሁን ወደ መግለጫው።

"…በወቅታዊ ጉዳይ "ከዐማራ ፋኖ በጎንደር" የተሰጠ መግለጫ

ቀን ሐምሌ 26/2016 ዓም

"…በወቅታዊ ጉዳይ "ከዐማራ ፋኖ በጎንደር" የተሰጠ መግለጫ የአማራ ሕዝብ የኅልውና ትግል፦ መራሩን፣ በሴራ ጭምር የተተበተበውን የሥርዓቱን መንግሥታዊ ጉልበት ያፍረከረከ፣ በኅልውና አጣብቂኝ ውስጥ የሚገኘውን ሕዝባችንን ተስፋ ያለመለመ፣ የገዳዩን ሥርዓት ቅስም የሠበረ ለታሪክ የሚቀመጥ አኩሪ ገድል ነው። በማንነቱ ምክንያት በተወለደበት፣ ባደገበትና በሚሠራበት ቀዬ በሕይወት እንዳይኖር የዘር ማጥፋት ወንጀል እየተፈጸመበት መሆኑን ተከትሎ ተፈጥሯዊ "የአልሞት ባይ ተጋዳይነት" ትንቅንቁን በይፋ ከጀመረ ዓመት ሞልቶታል። ትግሉ በዚህ አንድ ዓመት ውስጥ በርካታ የውስጥና የውጭ ተግዳሮቶችን በጥበብ ተሻግሮ ዛሬ የሚገኝበት ግዙፍ ቁመና ላይም ደርሷል። የተበታተኑ አደረጃጀቶችን በመሰብሰብ፣ ከጥቂት አደረጃጀቶች አውጥቶ ትግሉ ሕዝባዊና ተቋማዊ መሠረት እንዲኖረውና፣ ወታደራዊ ተቋማትም እንዲፈጠሩ የማድረግ ተግባርም የአጭር ጊዜ ስኬቱ ናቸው።

"…የዐማራ ፋኖ በጎንደር" የዐማራ ሕዝብ የኅልውና ትግል ሂደት ካስገኛቸው ተቋማት መካከል አንዱ ነው። ተቋማችን በተለያዩ ቀጠናዎች ከሚገኙ ሐቀኛ የፋኖ አደረጃጀቶች ጋር በመቀናጀት ኅልውናን እንዲሁም ነጻነትና እኩልነትን የማረጋገጥ ሥራን በማከናወን ላይም
ይገኛል። መላው ሕዝባችን፣ መሬት ላይ የሚገኘው የትግል ጓድ እንደሚገነዘበው ትግሉ ጥቂት የማይባሉ ጓዶቻችንን በአርበኝነት የገበርንበት፣ ንጹሐን ወገኖቻችን በጅምላ የተጨፈጨፉበት፣ ሀብት ንብረት፣ መሠረተ ልማቶች የወደሙበት፣ በርካቶች የተፈናቀሉበት ቢሆንም ዘለቄታዊ ኅልውናችንን ለማረጋገጥ የሚከፈል መስዋዕትነት መሆኑን ይገነዘባል። ይህ በእንዲህ እንዳለ በመላው የዐማራ ጠቅላይ ግዛቶች የሚገኙ የፋኖ አደረጃጀቶች ጋርዮሻዊ የአንድ አታጋይ ተቋም የማዋለድ ሂደት ውስጥ የተፈጠረውን መደናገር ተከትሎ ከውስጥና ከውጭ ያሉ እንቅፋቶች የትግላችን መጽኛና ማጥሪያ በረከቶች እንጅ መርገሞች እንዳልሆኑ ተቋማችን በጽኑ ያምናል። ምንም እንኳ በሴራ ፖለቲካ እንደተካነ የሚነገርለት ሥርዓቱ አሉኝ የሚላቸውን የሤራ ጠበብቶች ተጠቅሞ ከመጨረሻው የውድቀቱ ደዌ ለማገገም ውዥንብሮችን እየፈጠረ ቢገኝም ሐሰቱና ሃሳውያኑ ጭምብላቸው እየተገፈፈ በባንዳነት ግብራቸው ሲገለጡ፣ በሐቅና በቅንነት የሚታገሉ👇 ከታች ይቀጥላል…✍✍✍

Zemedkun Bekele (ዘመዴ)

02 августа 2024 07:32

“…የእግዚአብሔር ቀን በአሕዛብ ሁሉ ላይ ቀርቦአልና አንተ እንዳደረግኸው እንዲሁ ይደረግብሃል፥ ፍዳህም በራስህ ላይ ይመለሳል።” አብድ 1፥15

"…እንደምን አደራችሁ?
"…እንደምን አረፈዳችሁ?
"…እንደምን ዋላችሁ?
"…እንደምን አመሻችሁ?

"…እግዚአብሔር ይመስገን ብቻ ‼

Zemedkun Bekele (ዘመዴ)

31 июля 2024 17:25

👆ከላይኛው የቀጠለ…✍✍✍ …በራስህ እጅ ነው። እንደ ኬንያውያን ለመሆን ድጋሚ መፈጠርን ይጠይቃል። እንደዚያ ሁኑም ብዬ እኔም አልመክርም።

"…በነገራችን ላይ አለ አንድ ወዳጄ። በነገራችን ላይ ዘመዴ… አብይ አሕመድ ዐማራውን ማሸነፍ እንጂ መደራደር አይፈልግም። ምክንያቱም የዐማራ ጥያቄ በድርድር የሚፈታ ሳይሆን በብልፅግና መቃብር ላይ ብቻ የሚመለስ መሆኑን ስለሚያውቁ ነው። ህወሓትን ሳያጠፋ የተዋት ለዐማራ የጊዜ ፈንጅ (time bombing ) ብሎ ነበር። ህወሓት ከጠፋች ትግራይ እና ዐማራ ይታረቃሉ ብሎም ይሰጋል። ስለዚህ በተበደረው ሀገሪቱንም በሸጠበት ቢሊዮን ዶላሮች መሳሪያ እየገዛም መሆኑን እናውቃለን። በብሩ መሣሪያ ሲሸጡለት እዳው ለእኛው ይተርፋል እንጂ ገንዘቡ እንደሁ ተመልሶ እነሱው እጅ ነው የሚገባው። ቤተ መንግሥቱን ቢገነባበት የግንባታ ባለሙያው እና የግንባታው ጥሬ ዕቃም የሚሸመተው ከእነሱ ከራሳቸው ነው። ስለዚህ ገንዘቡ ዞሮ ዞሮ ከእነርሱ እጅ አይወጣም። ፍዳው ግን ለህዝቡ ሁሉ ነው የሚተርፈው። ነጮቹም በአፋቸው ድርድር ይበሉ እንጂ በልባቸው ማንበርከክን ተማምነው ነው መገደያችንን እንዲሸምትበት በገፍ ዶላሩን የሚያፈሱለት። ይሄን ሰይጣናዊ፣ አጋንንታዊ ሴራ ማክሸፍ የሚችለው የዐማራ ፋኖ ትግል ብቻ ነው። ስለዚህ የእኔ ምክር ዛሬም እንደትናንቱ ዐማራዬ ወጥር። መክት አንክት ማለት ብቻ ነው።

"…ረብሻ ከተፈጠረ ብለው በአቋራጭ የዐማራ ፋኖን ትግል ጠልፈው መንግሥት ለመሆን የተዘጋጁና በሀገረ አማሪካ ተሰባስበው የተከማቹ የቀድሞ አሮጌ ብአዴኖች፣ የወያኔ መስራቾች፣ የተቃዋሚ ባርቲ ሰዎችም የሚበላው ሳይኖር ለመብላት እጃቸውን ታጥበው በመጠባበቅም ላይ ናቸው። በእስክንድር ነጋ አድራሽ ፈረስነት ተንጠላጥለው በአቋራጭ አራት ኪሎ ለመግባት ያሰፈሰፉት ብቻ ናቸው ወገብ ዛላቸውን የተመቱት እንጂ በዚያኛው ወገን አሰፍስፈው የተቀመጡት የአማሪካንን ይሁንታም ፈቃድም አግኝተው ለሃጫቸውን በመጎምጀት እያንጠባጠቡ ሀገር ድብልቅልቁ እስኪወጣ የሚጠብቁም አሉ። የፈለገ ይሁን የፈለገ ግን መጪው ጊዜ ከዐማራ ፋኖ ውጪ ወደ ውጪ። አለቀ። በዚህ ቅር የሚልህ ካለ ጧ በል።

"…በሉ ለእረፍት ወደ ማደሪያ ስፍራዬ በባቡር እየሄድኩ ነው ይሄን በመሃል ጻፍኩላችሁ። ከእረፍት መልስ በሰፊው እስክንገናኝ ሰላም ቆዩኝ። 

Zemedkun Bekele (ዘመዴ)

31 июля 2024 17:25

የእረፍት ላይ "ርዕሰ አንቀጽ"

"…አሁን ያ ሊመጣ ያለውን አደጋ ለመሸፈን የምሽት የቡናቤት ዲምላይት መብራት የመሰለው የኮሪደር ልማት፣ ውኃ እና መብራት በሌላት ከተማ ውስጥ አዳነች አቤቤ በሌሊት እየተራወጠች የገነባቻቸው የፒፕሉ ማደንዘዣ የሚደንሱ የውኃ ፋውንቴኖች፣ ያልተኖረ የልጅነት ህልሙን የሚቀጨው የአጅሬ አቢይ አሕመድ ለአበዳሪዎቹ የወፈፊት መኖሪያነት የሚያዘጋጃቸው ቅንጡ መናፈሻዎችና ፓርኮች፣ ኢትዮጵያውያን የማይጠቀሙባቸው፣ በጦርነት ምክንያት ሀገር ጎብኚ የውጭ ሀገር ቱሪስት የማይመጡባቸው፣ የማያርፉባቸውም ፋይዳቢስ ፕሮጀክቶች፣ ሆስፒታልና ፋብሪካን የማይተኩ በውጭ ምንዛሬ በውድ ወጪ የተገነቡት ቅንጡ ሪዞርቶች ውበት የማይሸፍነው፣ የብልጽግና አክቲቪስቶችና ካድሬዎችም ዲስኩር የማይቋቋመው፣ የብልጽግና ወንጌል ፓስተሮች፣ የበዻዺና ሼኮችና ቄሶች "ትድኑ ዘንድ በብልፅግና አምናችሁ ተጠመቁ የሚለው አደንቋሪ ስብከትም የማይሸፍነው፣ የማይደብቀው፣ የማያድነውም። የኢቢሲ፣ የፋና፣ የዋልታ፣ የኦቢኤን እና የአሚኮ፣ የኢዜአም "እናንት ሾርት ሚሞርያም ምእመናን ሆይ እንኳን ደስ አላችሁ" የሚለውና ከተለጠፈ በኋላ በቶሎ የተነሣው የምሥራች ዜናም እስከ አሁን ተለጥፎ ኖሮም ቢሆን የማይለውጠው ፍጥጥ ያለ እጅግ በጣም ከባድ አደጋ ከኢትዮጵያውያንም፣ ከብልግናውያን እና ከበዻዺናዎቹ ኦሮሙማዎችም ፊት ለፊት ድቅን ብሏል። ግመል ሰርቀህ አጎንብሰህ እንዴት ይሆናል? 

"…በዓለም ላይ እንደ እኛ እንደ ትናንት አንድ ሚልዮን ብር በባንክ ያስቀመጠ ሰው በማግስቱ 400 ሺ ብር ሟምቶበትና ኪሳራ ላይ ወድቆ የሚያድር ዜጋ ያለበት ሀገር ምንአልባት በዚምቡዋቤ ካልሆነ በቀር ሌላ ሀገር ሊኖር ይችላል እኔ ግን ሰምቼም አላውቅ። በጉዳዩ ላይ መጠነኛ ፈራ ተባ ያለ ፈሪ ምሑራዊ ትንተና የሰጡንን የዘርፉ ባለሙያዎችን ስንሰማ የትየለሌ አዳዲስ ደሀ እኮ ነው በአንድቀን ሌሊት ተፈልፍሎ ያደረው ያሉን። የአገዛዙ የብርን የመግዛት አቅም ማደክምን ተከትሎ ከወዲሁ በሀገሪቷ በዘይትና በዳይፐር፣ በዱቄት እና በወተት በሸቀጣሸቀጥ ምርቶች ላይ ከፍ ያለ ጭማሪ መታየቱ ነው የተሰማው። መቶ ኪሌ ጤፍ 19,000 ሺ ብር ገባ የተባለውም ዛሬ ላይ ነው። አሁን ነዳጅ በሊትር መቶ ምናምን ብር ይገባል። ነዳጁ ሲጨምር ደግሞ ነጋዴ ነፍሴው ደግሞ ሸቀጡን፣ ባለመሂናው ደግሞ የትራንስፖርት ዋጋውን ይጨምራል። በዚያውም የቤት ኪራይ ይንራል። የህክምና ወጪ፣ የትምህርት ቤት ወጪም አስቤዛውም ሁሉ በዚያው ልክ ይንራል። ደሞዙ ያው አምስት ሺ የነበረው የመንግሥት ሠራተኛ ምንአልባት አገዛዙ ሁለት እና ሦስት መቶ ብር ጨምርኩ ካለ እንኳ በማግሥቱ ከዚህ የባሰ ጭማሪ ይከተላል። ሚንስትሮች፣ ካድሬዎች፣ ፓስተሮችና ጳጳሳት የመጅሊሱ አመራሮችን ጭምር የማያገኘው የኑሮ ውድነትና ድቀት በሁሉም ቤት ይገባል። የሚመጣው ችግር እና የኑሮ ውድነት በሙዳየ ምጸዋት የሚተዳደሩ የሃይማኖት መሪዎችን፣ የመጅሊሱን ሼሆች፣ የብልጽግና ፓስተሮችን፣ ለአቅመ መስረቅና መዝረፍ የደረሱትን ሚንስትሮች ካልሆነ በቀር ጠኔው ሁሉንም ድብን አድርጎ ይዠልጣል። የሚምረውም የለም እየተባለ ነው። ምንአልባት ዘርፎ በሌ ሸኔ፣ እንዲሁም የትራፊክ ፎሊሶች፣ ጀነራሎች ካልሆኑ በቀር አዳሜና ሔዋኔን ሰሞኑን ሽግር አናቱን ያዞረዋል ተብሎ እየተጠበቀ ነው። ሰሞኑን ተነጫናጭ ካድሬና ወታደሮችንም ጠብቁ።

"…የብር ምንዛሬ ጭማሪውን ተከትሎ ከዳያስፖራ እስከ ጉልት ነጋዴ ምን ሊውጠን ነው? ማለቱ የማይቀር መሆኑን የሚያውቀውና ከያንዳንዱ አደገኛ ሀገርና ሕዝብ አውዳሚ ተግባሮች ቀጥሎና ጎን ለጎን ከሲአይኤ የአጀንዳ የዳይቨርት መስደረጊያ ማንዋል ላይ የሚቀዳውን ትያትር በመሥራት የተካነው አብይ አሕመድም የጅማ የሀገሩን ልጅ የአርቲስት ቴዎድሮስ ተሾመን 4ኬ ካሜራ ጠምዶ በሰማይ በምድር እየዞረ በቶፕ ቪው ቀረጻ ሕዝቡን የሚያማልል ዶክመንተሪ በመቅረጽ ሊያደነዝዝ መሞከሩም አይቀር። ከአሁኑም እንደ አባባ ጃንሆይ ሰፈር ለሰፈር መኪና እያሽከረከረ ለአዲስ አበቤ ለፍቅረኛ ማቾች ማስቲካ ለምስኪኖች 100 ብር በመስኮት እየበተነ አዳዲስ ቲክቶከሮችን ሁሉ ማስናቅም ጀምሯል። ይሄ ቲክቶከራም።

"…ከአሁን ጭንቅ የገባት ብልፄ መጀመሪያ ከIMF ጋር ስትዋዋል ያላማከረችውን እንቅልፋሙንና የቀረበለትን አጀንዳ ሁሉ ሳይመረምር፣ ግራና ቀኝም ሳያይ ሳይመለከተም በእንቅልፍ ልቡ እጅ ወደላይ ቀስሮ በጭብጨባ ሁሉን ዐዋጅ አጽዳቂው የተነከሩት የባርላማ አባላት የታዛዦች ጥርቅም የሆነው የሕዝብ ተወካዮች ምክርቤት ተብዬ መንጋ የምክር ቤት አባላትም ለእረፍት ከሄዱበት መንደራቸው በአስቸኳይ ኑ ብሎ ለነገ ረቡዕ ጠዋት እንደጠራቸውም ተሰምቷል።

• ምን ሊያደርግ ?

~ አጀንዳ ሊሰጠን ነዋ የሚሉ መተርጉማንም አሉ።

• ምን ዓይነት አጀንዳ…? 

~ ምንአልባትም ቀደም ብሎ ሳያማክራቸው በጓሮ በር የተደራደረበትን ጉድፈላ ጣጣ ያመጣበትን የብድር ስምምነት ፈርማችሁ አጽድቁና አብረን እንነካካ ሊላቸው ይችላል የሚሉም አሉ። ዛሬ ሚንስትር ተብዬ ደናቁርት የጂም ቤት ዳሌ አፈርጣሚ ቅልብ የሐረር ሰንጋ መሳይ ጉዶችን ሰብስቦ ይሄንኑ ነው መመሪያ ሰጥቶ አጽድቆ ወደ ፓርላማ የመራው። እነርሱም ነገ እጅ አውጥተው እንደለመዱት በርታ ብለው እሱ አፅድቆ ተግባራዊ ማድረግ የጀመረውን ውጥንቅጥ ሊያጸድቁለት ይችላሉ።

• ሕዝቡስ ዝም ይላል? እንደ ኬኒያ ሊያምፅ ቢችልስ?

~ የትኛው ሕዝብ ነው የሚያምጸው? ትግሬ ለራሱ ሽግር ላይ ነው። ትግራይን ሳይሆን አሮጊቷን አሮጌዋን ህወሓት ከሞት በማዳን እና ባለማዳን መካከል ውጥረት ላይ ነው። የዓድዋ ትግሬዎቹ የስብሐት ነጋ ሥርወ መንግሥት ወራሴ መንግሥት የሆኑት እነ ሞንጆሪኖ እና ደፂ የወሎ ራያ ዐማራ የሆነውን ጌታቸው ረዳን ለብልፅግና አሳልፎ ሰጥቶናል ብለው ከሞት የታደጋቸውን ሶዬ ባንዳ ብለው ዘመቻ ጀምረውበታል። እናም ትግሬ አሁን በራሱ የውስጥ ችግር ተጠምዶ ቢሳካ ለኦሮሞ ተገርጄ ልኑር የሚልበት ጊዜ ላይ እንጂ ዐመጽን አይሞክራትም የሚሉም አሉ።

"…ዐማራ ካመፀ፣ በአገዛዙ ላይ ነፍጥ ካነሳ ዓመት ሞላው። ከባዶ ተነሥቶ ከምንሽር ወደ ዙ 23ም ተሸጋግሮ፣ ከሻለቃ ወደ ክፍለጦርም አድጎ እንደ ሕዝብ ይሄን ነቀርሳ አገዛዝ ቆርጦ ለመጣል ጉረምቦ ለጉረምቦ መተናነቅ ከጀመረም ዓመት ሞልቶታል። እናም ዓማራ ከሰላማዊ ሰልፍ ወደ ሰማያዊ ሰይፍ ከተሸጋገረም ዓመቱ ነው። ከአዲስ አበባ አፍንጫ ስር በደብረ ብርሃንና በጫጫም ስር አቅሙን እያሳየ ነው። ይሄ ቀውጢ እድል ሲገጥመው፣ ኑሮ ሁሉንም እኩል ሲዠልጥለት የነፃነት ቀኑን ያፈጥንለታል። ዓማራ ዛፉን ገዝግዞ፣ ገዝግዞ ሊጥለው ከጫፍ ደርሷል።

"…ኦሮሞ እንደ ሕዝብ አብዛኛው እየቸገረውም ቢሆን መንግሥቱ የእኔ የኦሮሞ መንግሥት ነው ብሎ ስለሚያምን እየራበው እየጠማውም ቢሆን ዝም ማለትን ነው የመረጠው። ይሄ መንግሥት ወድቆ ዐማራ ከሚገዛኝ ያቺ ህወሓት ተመልሳ መጥታ ብልቴ ላይ ሃይላንድ ብታንጠለጥልብኝ ይሻለኛል ብሎ ሂዊ ሞታ ተነሥታ ዳግም መምጣቷን ናፋቂ ሆኗል። ርምጦ ርምጥምጦ ኦነግ አንድ ቀበሌ ሳይዝ ፌስቡክ ላይ ብቻ እየጎረረ መደንፋቱን ንቆ ተስፋ ከቆረጠበት ቆየ። ኦነግን ራሱ ዐማራው ከመጣ ነፃ ያወጣው ይሆናል የሚሉ መተርጉማን አሉ። 👇 ከታች ይቀጥላል…✍✍✍

Zemedkun Bekele (ዘመዴ)

30 июля 2024 07:36

"…ወስላታ ምስክር በፍርድ ያፌዛል፥ የኀጥኣንም አፍ ክፋትን ይውጣል። ለሚያፌዙ ሰዎች ፍርድ ተዘጋጅታለች፥ ለሰነፎችም ጀርባ በትር። ምሳ 19፥ 28-29

"…ባለጠጋ ድሆችን ይገዛል፥ ተበዳሪም የአበዳሪ ባሪያ ነው።” ምሳ 22፥7

"…እንደምን አደራችሁ?
"…እንደምን አረፈዳችሁ?
"…እንደምን ዋላችሁ?
"…እንደምን አመሻችሁ?

"…እግዚአብሔር ይመስገን ብቻ ‼

Zemedkun Bekele (ዘመዴ)

29 июля 2024 12:46

👆ከላይኛው የቀጠለ…✍✍✍ "…ከኢንተርኔቱ ዓለም ላይ ለእረፍት ከመውረዴ በፊት ለምን ይሄን ጉዳይ አላጠራውም በማለት ይሄን በሳሚ ላይ የተከፈተውን ክስ በተመለከተ ወደ እነሳሚ ዕዝ ጋር መልእክት አስቀምጬ ማብራሪያ እንዲሰጡኝ ጠይቄም ነበር። እናም ሳሚን ባላገኘውም ሳሚ ራሱ ይሄን ወሬ ሰምቶ በተለይ እነ አኪላና ዘርዓያዕቆብ የከፈቱበትን የስም ማጥፋት ዘመቻ ሰምቶ እንደነበርና ለማንኛውም ብሎ ከኮረኔል ጌታሁን ጋር ያወሩትን የስልክ መረጃ እንዳለ ገልጸውልኝ ያን መረጃም ልከውልኛል። እኔም ይሄንኑ በኮረኔል ጌታሁን እና በኮማንደር ሳሚ መካከል የነበረን የስልክ ልውውጥ አቀርብላችኋለሁ። እናንተም ሰምታችሁ ፍረዱ።

"…እኔን በተመለከተ ግን እጅግ በጣም በጣም በጣም ስለደከመኝ፣ እረፍት የለሽ ሌሊትና ቀኖችን አሳልፌ ስለናወዝኩኝ ወዲያውም ለጥቂት ቀናት ከቤተሰቦቼ ጋር ለማሳለፍ ስል ከማንኛውም የስልክም ሆነ የማኅበራዊ ሚዲያ ግኑኝነት ለመራቅ ወስኛለሁ። ማክሰኞ ቲክቶክ፣ ሐሙስ ኢትዮ ቤተሰብ ሚዲያ፣ እሑድ ደግሞ ነጭ ነጯን ከዘመዴ ጋር መርሀ ግብር አይኖረኝም። ቀሲስ ሳሙኤልንም፣ መረጃ ቲቪንም ፈቃድ ጠይቄ ፈቃዳቸውንም ሰጥተውኛል። እናም ስልኬን ውርውር አድርጌ እርፍ ልል ወስኛለሁ። በቶሎ እመለሳለሁ ብዬም አስባለሁ። እዚሁ ጀርመን ውስጥ ተራራ ያለበት ከተማና ስፍራ ፈልጌም በዚያ ለማሳለፍ ነው የወሰንኩት። ዋልድባ፣ ዙርአምባ፣ ዋልድቢት ባልሄድም አውሮጳ በበጋ ለምለም ነው። መንፈስን ለማደስ ይመቻል።

"…በተረፈ በርቱ። ግራና ቀኝ ተመልከቱ። ማንም የሚነዳችሁ መሂና፣ የሚያንሳፍፋችሁ ፊኛ አፉፋ፣ የገበቴ ላይ ውኃም አትሁኑ። መርምሩ። የሰማችሁትን፣ ያያችሁትን ሁላ ለመቀበል አትፍጠኑ። ግራና ቀኝ ተመልከቱ። ዓሣ እንደመብላት ቁጠሩት። ጥንቃቄ ይፈልጋል። አትቸኩሉ። ረጋ በሉ። ቶሎ አታልቅሱ፣ ቶሎም አትሳቁ። የረጋ ወተት ይባል የለ? አዎ ኢንዴዢያ ኖ። አትፍሩ። ሰላም እንትተኙ፣ ሰላማዊ እንቅልፍም እንዲወስዳችሁ እውነትን ተጋፈጡ። በይሉኝታ አትያዙ። እንደ ዜጋ ስለ ሀገራችሁ፣ እንደ አማኝ ስለሃይማኖታችሁ ለመመስከር አትቦዝኑ። ወደ ኋላም አትበሉ። በተረፈ እስክንገናኝ ሰላም ቆዩኝ።

• ከ30 ደቂቃ በኋላ የስልክ ውይይቱን እለጥፍላችኋለሁ። እስከዚያው መልካም ንባብ።

• ድርጅቱ ዘመዴ ነኝ አሸበርቲውም፣ አስነቀልቲውም ከራየን ወንዝ ማዶ።

Zemedkun Bekele (ዘመዴ)

29 июля 2024 07:45

“…የደከመውን በቃል እንዴት እንደምደግፍ አውቅ ዘንድ ጌታ እግዚአብሔር የተማሩትን ምላስ ሰጥቶኛል፤ ማለዳ ማለዳ ያነቃኛል፥ እንደ ተማሪዎችም ትሰማ ዘንድ ጆሮዬን ያነቃቃል።” ኢሳ 50፥4

"…እንደምን አደራችሁ?
"…እንደምን አረፈዳችሁ?
"…እንደምን ዋላችሁ?
"…እንደምን አመሻችሁ?

"… መልሱ እግዚአብሔር ይመስገን ብቻ ‼

Zemedkun Bekele (ዘመዴ)

28 июля 2024 19:18

ነጭ ነጯን ጀምረናል…

• አላችሁ አይደል…?

Zemedkun Bekele (ዘመዴ)

28 июля 2024 17:38

• ይሄ ከባድ ነው።

"…አንድ ጋዜጠኛ ያውም ከደጀን ጎጃም የተገኘ ጋዜጠኛ። ከቅዱስ ሲኖዶስም በላይ ሆኖ የቅድስና ማእረግን ሲሰጥ ካየህ በቀጥታ ጸሎት ነው ማድረግ ያለብህ። እንዲህ ዓይነቱ አጋንንት በጾምና በጸሎት፣ ስግደት ጨምረህበት ያለ ግርማ መቁጠሪያ በማልቀስ ጭምር ካልጸለይ አይፋታህም።

"…ወግደረስስ ጎጃም ስላለ በቁጥጥር ስር አውለው አሁን ጠበልም፣ ምክርም ሰጥተው ያስተካክሉታል። ጌጥዬ እንዴት ይስተካከላል? ከማዶ ሀብታሙ አያሌው ዶላር እየላከ፣ አጠገቡ መከታው ማሞ በምስኪን ፋኖ እያስጠበቀ፣ ቅዱስ ጻድቅ እስክንድርን ዜና መዋዕሉን የሚከትብ ጋዜጠኛ ሸዋ አስቀምጠው ወይ ጻድቃኔ ማርያም ጠበልም ቢሆን በጊዜ ሳይወስዱት ቀርተው ይኸው ጌጥዬ ለቀቀ።

"…ሸዋ ቁጭ ብሎ የትውልድ ሀገሩ ጎጃምን ጓዳ ጎድጓዳ ስም እየጠራ ሲዘግብ ነው የሚያስቀኝ። ኔትወርክ በተዘጋ ጊዜ እንኳ ጌጥዬ ኢንተርኔት ሲጠቀም አይሳቀቅም። ድሮን ይመታኛል ምናምን የለም። ምክንያቱም የባሕታዊ ቅዱስ ጻድቅ እስክንድር ነጋ ጸሎት ከድሮን እይታ ይሰውረዋልና ነው።

"…ለማንኛውም የጻድቁ ቅዱስ እስክንድር ነጋ ጸሎት የመከታውን ጦር ይረዱ የነበሩትን የሸዋ መኳንንት አስቀረ። የፈረንካ ሰንዱቃቸውን ቆለፉ። መከታው ስንቅና ስንቅ እንዲጠርርበት አደረገ፣ አስደረገ። በአጠቃላይ የሸዋ የመከታው ጦር በአንድ እስክንድር ጦስ ሚልዮን ደጋፊዎቹን አጣ።

"…ከባድ ነው። በእነ መከታው የደረሰ መረገም በሀብቴና በኮሮኔል ፈንታሁንም ሙሀባውም ላይ ይድረስ አሜን። የኮቴ መናናው እስክንድር ነጋም መርገምት በላያቸው ይደር። 

"…ነጭ ነጯን ከዘመዴ ጋር የተሰኘው የመረጃ ቴሌቭዥን የእሁድ ምሽት መርሀ ግብሬ በቴሌቭዥን እና በቲክቶክ ወደ እናንተ እስኪደርስ ድረስ እንዲህና እንዲህ እየዛግን እንቆያለን።

• አስነቀልቲው ዘመዴ ነቀለ አባ ንቀል ነኝ።😂

Zemedkun Bekele (ዘመዴ)

28 июля 2024 16:15

"…ድሮ ድሮ የሠራኸው ግፍ በልጅ ልጅ፣ ወይም በልጅ፣ ወይ ቆይቶ ነበር የሚደርሰው። አሁን ግን በጣም ፈጣን ነው። 5ጂ በሉት። ግፍ ትሠራለህ ወዲያው ያናፍጥህሃል። በአናትህም ይተክልሃል።

"…የጋሽ አሰግድን በአገዛዙ ቁጥጥር ስር መዋል ተከትሎ፣ መጀመሪያ አሰግድን ሊገድሉት ሲያሳድዱት የነበሩት ሀብታሙ አያሌው፣ መከታው ማሞና፣ ፋኖ ሀብቴ ወልዴ፣ እንዲሁም እስክንድር ነጋ ሲያሾፉበት፣ ለምን ጥይት አይጣጣምና አይሞትም ነበር እያሉ ሲያላግጡበት ነበር የከረሙት። ከእነዚህ አላጋጮችም መሃል ጎጃም ተቀምጦ ለሃብታሙና ለእስክንድር ይሠራ የነበረው ወግደረስ ጤናው አንዱ ነበር። ወግደረስ በፌስቡኩ እንዲህ ብሎ ነበር የጻፈው።

"...ንጋትና ጉድ እያደረ ይጠራል!!"

"አባ ዳምጠውም" እጅ ሰጥቷል።

በሃቀኛው የፋኖ አደረጃጀት ላይ ያ ሁሉ ዘመቻና ወከባ፣ ከማንና ለምን እንደሆነ ህዝቤ ሆይ ዛሬ የገባህ ይመስለኛል።

ዕውነት፤ዕውነት እላችኋለሁ፤ኪዳነምህረትን እኛ ግን እናሸንፋለን!!!!

ድል ለሃቀኛው ፋኖ!

"…እንግዲህ ወግደረስ ጤናው በመከላከያ እጅ ባለው በዕድሜም፣ በልምድም አባቱ በሚሆነው ጋሽ አሰግድ መኮንን ላይ ባሾፈ፣ እስክንድር ጽፎ የሰጠውንም መግለጫ በድምጽ አንብቦ ለዛራ ሚዲያ ለስታሊን ገብረ ሥላሴ በሰጠ በአምስተኛ ቀኑ ዛሬ በዕለተ እሑድ በሆቴል ቤት አልቤርጎ ውስጥ በፋኒት ትእግስት ጫኔ በቁጥጥር ስር ውሎ ገበያ ለገበያ እንደ ሌባ ሲያዞሩትና እኔን ያየህ ተቀጣ ሲያስብሉት ውለው በመጨረሻም ወደ ማረፊያ ስፍራ ወስደውታል።

"…ወዳጄ ዘንድሮ ግፍ አትስራ፣ ግፍ አትናገር። በልጅ ልጅህ፣ በልጅህ ሳይሆን በራስህ ላይ ነው የሚደርሰው። 5G በለው። ብራቮ ጎጄ ጎጄ መለኛው። ይቀጥላል… ✍✍✍

"…ዘመድኩን ነቀለ ነኝ (አስነቀልቲው) አባ ንቀል ከራየን ወንዝ ማዶ። 😂😂😂

Zemedkun Bekele (ዘመዴ)

28 июля 2024 13:24

"…መልካም… ርዕሰ አንቀጹ ከ13 ሺ ሰዎች በላይ እንደተነበበ የቴሌግራም ካምፓኒ ሪፖርት እያመለከተኝ ነው። እስከአሁን ከዚህ ልጥፍ በኋላ የሚጨመሩትን ሳይጨምር ወደ 10 ሰዎች አካባቢ ብው😡 ብለው በርዕሰ አንቀጹ መናደዳቸውን እያየሁ ነው። መቶ ሁለት መቶ የነበረው ተናዳኝ ወደ 10 እና 11 መውረዱም ትልቅ እመርታ ነው። ይሄ ለእኔ የአሸናፊነት ምልክቴም ነው።

"…በዐማራው ሊቅ ምሑር በአቻምየለህ ታምሩ ጦማር ላይ አነሰ ይምትሉት ካለ ጨምራችሁ፣ በዛ የምትሉት ካለም ቀንሳችሁ አስተያየት ለመስጠት ተዘጋጁ። ታዲ አስተያየት ስትሰጡ አዲስ ገቢዎች ሌላ ቦታ እንደለመዳችሁት አቦሬ አፋችሁን እከፍታለሁ ብትሉ እቀስፋችኋለሁ። ተቃውሞም ካለ በጨዋ ደንብ ይቅረብ። ሰምታችኋል።

• 1…2…3…ጀምሩ…✍✍✍

Zemedkun Bekele (ዘመዴ)

05 августа 2024 09:44

“…አካሄዳችሁ ገንዘብን ያለ መውደድ ይሁን፥ ያላችሁም ይብቃችሁ፤…” ዕብ 13፥5

"…እንደምን አደራችሁ?
"…እንደምን አረፈዳችሁ?
"…እንደምን ዋላችሁ?
"…እንደምን አመሻችሁ?

"… መልሱ እግዚአብሔር ይመስገን ብቻ ‼

Zemedkun Bekele (ዘመዴ)

03 августа 2024 20:29

"…የአቢይ አሕመዱ ብልፅግና የዛሬ ወር አካባቢ ፒፕሉን ሰብስቦ "ለምዕራባውያን ኃይሎች በእጅ አዙር ቅኝ አንገዛም" እያለ ሲፎገላ ናይጄሪያ ግን ለምዕራባውያኑ በሯን ከፍታ ምክረ ሓሳባቸውንም ተቀብላ ልክ አሁን አቡቹ አባ መላ እንዳደረገው የአንድ ዶላር ዋጋን በገበያው እንዲተመን ውሳኔ አሳልፋ የሀገራን መገበያያ የሆነውን ኒያራ የመግዛት አቅም ቀድሞ ከነበረበት ከእጥፍ በላይ አንኮታኩታ አንዱን ዶላር በ1,595 ኒያራ መመንዘር ጀመረች።

"…ያኔ ታዲያ የእኛው አቢቹ አባ መላ ለቀድሞ አሮጌ ሽማግሌ የናይጄሪያ ተጫዋቾች 90 ሚልዮን ነው 70 ሚልዮን ብር መድቦ አዲስ አበባ ድረስ አምጥቶ ከእነርሱ ጋር በሸነና ሲል ነበር። ሳይውል ሳያድር እነ ካኑ፣ እነ ኦሞካቺ በተመለሱ በወራቸው እኛም lIMF እጃችንን ሰጠን። ከኤርሚያስ አመልጋ በቀር ሌሎች ኢኮኖሚስቶች ስጋታቸውን ሲገልፁ ሳይ ጨነቀኝ እንጂ እኔ እንኳ አለ ሙያዬ፣ አለ ዕውቀቴ ሓሳብ የምሰጥበት ነገር አይደለም።

"…ናይጄሪያውያን ይኸው ዛሬ ባዶ መሶብና ድስት ሳይቀር ተሸክመው አደባባይ ወጥተው በመቃወም ላይ ናቸው። ነዳጅ ያላት ሀብታሟ ናይጄሪያ ያልቻለችውን የኢኮኖሚ ቀውስ እኛ ለምኖ አዳሪ የእኔቢጤዎቹ እንዴት እንሆን ይሆን? ሱቅ በማሸግ እየመጣ ያለውን ሱናሚ የሚያቆመው አይመስለኝም። የደከረተ ሰው ቲቪ ሶፋውን አውጥቶ እንደሚሸጥ አቢቹ አባ መላም የቤት ዕቃችንን እነ ቴሌን፣ የስኳር ፋብሪካዎች፣ አየር መንገዱንም ይሸጣል። ቀዳዳውን መሸፈን ግን ይቻል አይመስለኝም።

"…ይልቅ ድሉ እንዳለ ሆኖ በጎንደር ፋኖ እንደ አሜባ 3 ቦታ ተበጣጥሷል። እነ ምስጋናው አንዱዓለምም አዲስ ጎጃም ጠል ፋኖ አቋቁመዋል። ጋሽ መሳፍንትና መከታውም በእስክንድር ነጋ አዲሱ ባርቲ ሹመት አግኝተዋል። 😂። በሉ ተናግራችሁ አታናግሩኝ ወደ እረፍቴ ልመለስበት።

Zemedkun Bekele (ዘመዴ)

03 августа 2024 08:43

“…ንጉሥሽ ሕፃን የሆነ፥ መኳንንቶችሽም ማልደው የሚበሉ፥ አንቺ አገር ሆይ፥ ወዮልሽ!” መክ 10፥16

• እንደምን አደራችሁ?
• እንደምን አረፈዳችሁ?
• እንደምን ዋላችሁ?
• እንደምን አመሻችሁ?

• መልሱ እግዚአብሔር ይመስገን ብቻ ‼

Zemedkun Bekele (ዘመዴ)

02 августа 2024 17:52

👆ከላይኛው የቀጠለ…✍✍✍ …አርበኞችም ሕዝባቸውንና ትግላቸውን ለዳግም ባርነት አሳልፎ ላለመስጠት በጥብዓትና በጽናት ለሕዝባቸው ቆመዋል።

"…የዐማራ ፋኖ በጎንደር" እንደ ተቋም አንድ አማራዊ ድርጅት እንዲፈጠር ሂደቱ ላይ የነበረና በሂደቱ ውስጥ የነበሩ የአካሄድና የመርህ ጥሰቶችንም ጭምር እንዲስተካከሉ በመጠየቅ ግንባር ቀደሙ ከመሆን አልፎ ዛሬ ላይ የመጣው ውጤትም እንደሚመጣ የተነበዬ ተቋም ነው። ከምንም በላይ ለሥራ አሥፈጻሚው በሂደቶቹ ዙሪያ ግንዛቤዎችን እየፈጠረ፣ በሐቀኛ ዓላማ፣ መርኅና መታገያ ጉዳይ ተቃኝቶ
ለወንድማዊና ጓዳዊ አንድነት በርትቶ የሚሠራ፣ ሕዝባችን ለገጠመው የኅልውና ጥያቄ ዘለቄታዊ መፍትሔ የሚሰጥ፣ በሕዝቡም በታጋዩም
ዘንድ ቅቡልነት ያለውን ተቋምና ሐቀኛ መሪዎችን በመፍጠር ሂደት ውስጥ ሁሉም ወገን በስክነት ለውይይትና ለአንድነት እንዲተጋ ተቋማዊ ጥሪ ማቅረቡም ይታወቃል።

"…ይህንን ተከትሎ የተለያየ የግልና ድብቅ የፖለቲካ ፍላጎት ያላቸው ግለሰቦች ከተቋማዊ አሠራርና መርኅ ባፈነገጠ መልኩ የተቋማችንን ኅልውና ለመናድ የሚከተሉትን መርሕ አልባና ሕገ ወጥ እንቅስቃሴዎችን እያደረጉ ይገኛሉ።

1ኛ፦ ተቋማዊነትን ያልጠበቀና ከተቋም አቋም በተቃረነ መንገድ መግለጫ በተለያዩ ሚዲያዎችና የማኅበራዊ ትስስር ገጾች በመስጠት የትግል መስተጋብርን ማበላሸት፤

2ኛ፦ ተቋማችን ከሦስተኛ ወገን ጋር የሚደርጋቸውን ግንኙነቶች መርኅና ተቋማዊ አሠራርን መሠረት አድርጎ እየተንቀሳቀሰ ባለበት ወቅት ተቋማችን ከሰየመው ግብረ ኃይል ውጭ ሌላ ግብረ ኃይል በሕገወጥ መንገድ በማዋቀር ከሦስተኛ ወገን ጋር ተቋምን ወክለው ንግግር ሲያደረጉ መገኘታቸው፤

3ኛ፦ ከላይ በተገለጡ ችግሮች ውስጥ ተሳታፊ የሆኑ ግለሰቦችን የተቋሙ መሪዎች ተደጋጋሚ የውይይት ጥያቄዎችን ቢያቀርቡላቸውም ከተቋማችን ጋር መቀጠል እንደማይፈልጉና ሌሎች ልዩ ልዩ ምክንያቶችን እየደረደሩ ትግላችንን ከመጎተት እስከ ተቋማዊ መስተጋብር ማበላሸት የዘለቀ የውስጥ ለውስጥ አካሄዶችን እየሄዱ ሠራዊቱን የሚከፋፈሉ ንግግሮችና ውይይቶችን አድርገዋል። አለፍ ሲልም በተለያዩ የማኅበራዊ ሚዲያ ትስስር ገጽ ተደጋጋሚ ግለሰባዊ አቋሞችን ተቋማዊ በማስመሰል የተሄዱ ሂደቶች እጅጉን አሳዝነውናል። የዐማራ ፋኖ በጎንደር ጉዳዩን ለረዥም ጊዜ በሰከነ መንገድ በውይይትና በሽምግልና ጭምር የልመና ያህል የሄዳቸው ሂደቶች ፍሬ ሳያፈሩ ቀርተው ዛሬ ላይ ለደረስንበት ተቋማዊ ውሳኔ ላይ ደርሷል። የተፈጠረው ችግር የአማራን እንዲሁም የጎንደርን ሕዝብም ሆነ በትግል ላይ የሚገኘውን አርበኛ የሚያሳዝን፣ የልዩነት አጀንዳን በማራገብ፣ አንድም በጎንደር ምድር ሌላ ሦስተኛ እዝ የማቋቋም ፍላጎትንም አንግበው መንቀሳቀሳቸው የሕዝባችንን ፍላጎትና ትግሉን ሳይሆን ግላዊ ፍላጎት ላይ የተንጠለጠለ መሆኑንም በግልጽ ተረድተናል። በዚህ መሠረት "ቅድሚያ ለተቋም ኅለውናና ለትግላችን" በሚል ብሂል የሚከተሉትን ግለሰቦች ከኃላፊነት እቀባ ማድረጋችንን እንገልጻለን።

1ኛ፦ኮሎኔል ታደሠ እሸቴ (ወታደራዊ አዛዥ የነበረ)
2ኛ፦ ፋኖ ጌታ አስራደ (የጽ/ቤት ኃላፊ የነበረ)
3ኛ፦ ፋኖ እያሱ አባተ (ም/የሕዝብ ግንኙነት ኃላፊ የነበረ)
4ኛ. ዶ/ር ምስጋናው አንዱዓለም (ጊዜያዊ የውጭ ድጋፍ አሰባሳቢ ኮሚቴ አባል የነበሩ) ግለሰቦችን ከአማራ ፋኖ በጎንደር ተቋም ኃላፊነት ማንሳታችንን እንገልጻለን።

"…በአጠቃላይ በ"ዐማራ ፋኖ በጎንደር" ውስጥ የምትገኙ ክ/ጦሮች፣ ብርጌዶች፣ ሻለቃዎችና ሌሎችም አደረጃጀቶች ከላይ በከፊል ከተገለጡ እኩይ የሴራ አካሄዶች ራሳችሁንና ሠራዊታችሁን በመጠበቅ ከምንም በላይ በያላችሁበት በተቋማችሁ ጸንታችሁ በመቆም የአባቶቻችሁን፣ የተሰው የትግል ጓዶቻችሁን አደራ በመጠበቅ፣ የመለያየትና የአሉቧልታ አጀንዳ ይዘው በመንቀሳቀስ ከትግላችን ለማዘግየት የሚሠሩ
አካላትን በጽኑ እንድታወግዙ እንጠይቃለን። ከዚህ በተጨማሪም በየቀጠናው ከሚገኙ የፋኖ አደረጃጀቶች ጋር ቀጠናዊ ትስስሮችን በማጠናከር ከተገለጠው ጠላት የብልጽግና ገዳይ ሠራዊት ጋር የሚካሄደውን እልህ አስጨራሽ ትግል አጠናክራችሁ እንድትቀጥሉ በታላቅ አክብሮት ተቋማዊ ጥሪያችንን እናቀርብላችኋለን። በመጨረሻም የሚዲያ አካላት ከላይ በስም በተገለጡት ግለሰቦች አማካይነት የሚሠራጩ መረጃዎችና መግለጫዎች የአማራ ፋኖ በጎንደር አለመሆናቸውን ለመግለጽ እንወዳለን።

"ኅልውናችን በተባበረ ክንዳችን"
የዐማራ ፋኖ በጎንደር
ጎንደር፣ ዐማራ፣ ኢትዮጵያ!!

"…ዘመነ ካሤን በግለሰብ ደረጃ በመጥላት ሰበብ ሙሉ ጎጃም ላይ የዘመተው የቲክቶኩ፣ የዩቲዩብ፣ የፌስቡኩም ግሪሣ የሀብታሙ አያሌው የትኋን ሠራዊትም ጥቂት ዲዲቲ ነፍተንበት በየፔጁ ተፈነጋግሎ መቅረቱንም አይተናል። ተስፋ አይቆርጤው የፌክ ኢትዮጵያኒስት ካምፑ ያረጀው የግንቦት 7 ሠራዊትም እንደ አሜባ ራሱን እየከፋፈለ እንደ ማያ ራሱን እየለዋወጠ መጥቶ፣ መጥቶ አሁን ኢትዮ 360 ን መልሶ ቢረከብም ግንቦቴዎች ግን ገና ሲናገሩ በድምጻቸው፣ ባይናገሩም በመልካቸው፣ በጠረናቸው፣ በሽታቸው ይታወቃሉና ሰሚ ያጣ ጩኸት ከመጮህ በቀር ምንም ሊያመጡ አልቻሉም። እኔ ግን ሰው በዚህ መጠን ሲሸት አይቼም፣ ሰምቼም አላውቅ።

"…አሁን መከራው በሁሉም ቤት ገብቷል። የችጋር ጅራፍ ሁሉንም መዠለጥ ጀምሯል። ገና ከአሁኑ ሁሉም እሪሪ ቁቁ ኡኡ እያለ ነው። ዐማራ በጅምላ ሲቀበር፣ ሲጨፈጨፍ፣ ሲሰደድ፣ ሲዘረፍ ቆሞ ያይ የነበረ ሁሉ የዐማራ እምባ እሳት ሆኖ እየለበለበው ነው። ድፍን ኢትዮጵያ ደም እንባ እያለቀሰ ነው። የመረጥከው፣ ሺ ዓመት ኑር፣ ግዛን ብሎ ሲለፋደድ የነበረው ሁላ አሁን አፈር ከደቼ ሊግጥ ነው። ምርቱን የሚያመርት ገበሬ ሲታረድ ዝም ያለ ሁሉ በቁሙ ቋንጣ ሆኖ ድፍት ሊል ነው። ድንጋይ ደቼ ትበላታለህ። አሁን ሁሉም ብቻውን ያወራታል። ይቅበዘበዛታል። የራበው ሕዝብ መሪዎቹን እንዴት እንደሚበላ አሁን በዓይንህ ታያታለህ።

"…ወዳጄ አሁን የታሽጓል ዜና አያድንህም። ስግብግብ ነጋዴዎች በቁጥጥር ስር ዋሉ፣ ንግድ ፈቃዳቸው ተሰረዘ፣ በድብቅ የተከማቸው ንብረታቸው ተወርሶ ለሸማቾች ተከፋፈለ ብለህ ብትለፍፍ፣ ብትጮህ ሰሚ የለህም። የፓርክ መብራትና ውኃ አያደምቅህም። የኮሪደር ልማትም ምግብ አይሆንህም። ደሞዝ ጨምሬአለሁ፣ ነዳጅ ደጉሜአለሁ፣ ማዳበሪያ በነፃ አቅርቤአለሁ ብትል ወፍ የለም። ለምን ወርቅ መና አታዘንብም፣ ለምን ወርቅ አታነጥፍም፣ ከፊትህ የመጣውን መከራ ማምለጥም ማስመለጥም አትችልም። ዐማራ ብቻ ለምን ያንባ፣ ምን በወጣው ዘወትር ያልቅስ? ለቅሶ ኀዘን ለሁሉም በየቤቱ ይፍሰስ፣ ሁሉም ደም እንባ ያልቅስ። አልቅስ አልኩህ።

"…ቤተ መንግሥቴን ወደ ኮንዲሚንየም፣ ደሞዜን በነፃ አድርጌአለሁ ብትል ወፍ የለም አልኩህ። ማኔ ቴቄል ፋሬስን ታውቃለህ? በታላቁ መጽሐፍ ላይ አንብበኸዋልን? እንደዚያ ነው። "…የተጻፈውም ጽሕፈት፦ ማኔ ቴቄል ፋሬስ ይላል። የነገሩም ፍቺ ይህ ነው፤ ማኔ ማለት፥ እግዚአብሔር መንግሥትህን ቈጠረው ፈጸመውም ማለት ነው። ቴቄል ማለት፥ በሚዛን ተመዘንህ፥ ቀልለህም ተገኘህ ማለት ነው። ፋሬስ ማለት፥ መንግሥትህ ተከፈለ፥ ለሜዶንና ለፋርስ ሰዎችም ተሰጠ ማለት ነው። ዳን 5፥ 25-28

• እጄን ስለበላኝ ጻፍኩላችሁ እንጂ እኔማ እረፍት ላይ ነኝ።

• ሻሎም…!  ሰላም…!

Zemedkun Bekele (ዘመዴ)

02 августа 2024 17:31

• እንዴት ናችሁልኝሳ…?

"…ከተራራ ላይ ጉዞ፣ ከሸለቆ ለሸለቆ መንከራተት በኋላ አረፍ ስል እኔ አፍራሹ ዘመዳችሁ የሆነ ነገር ማፍረስ አማረኝ እና ብቅ አልኩላችሁ።

"…አዛኜን ሁሉም ነገር መስመር እየያዘ ነው። ዐማራን ነፍጥ ማንሣቱ እያስከበረው ነው። አጭቤው ኮንቪንስና ኮንፊዩዝድ ማድረግ ዛሬም አምሮት ቁማር ሊባለ "ከፋኖ ጋር ንግግር ጀምረናል አላለም" ኧረ ባኪ… ተባለ ኢንዴ? ስለሱም ልጽፍላችሁ ነኝ። እናንተ ግን ስጠፋ ጠፋችሁ እንዴ? አላችሁልኝ ወይ?

"…እስቲ አንድ 200 ያህል ሰው አለነ ዘመዴ ይበል። 😂😂 ከዚያ እስከሚቀጥለው ሳምንት ድረስ ተናግሮ አናጋሪ ገጥሞኝ ድንገት እንዲህ በመሃል ብቅ እስካላልኩ ድረስ 1ሺ ሰው እግዚአብሔር ይመስገን በሚለው የጠዋት፣ ጠዋት የእግዚአብሔር ሰላምታችን እንቆያለን።

Zemedkun Bekele (ዘመዴ)

01 августа 2024 09:19

“…ከፀሐይ መውጫ ጀምሮ እስከ መግቢያው ድረስ የእግዚአብሔር ስም ይመስገን።” መዝ 113፥3።”

"…እንደምን አደራችሁ?
"…እንደምን አረፈዳችሁ?
"…እንደምን ዋላችሁ?
"…እንደምን አመሻችሁ?

"…እግዚአብሔር ይመስገን ብቻ ‼

Zemedkun Bekele (ዘመዴ)

31 июля 2024 17:25

👆ከላይኛው የቀጠለ…✍✍✍ "…አብዛኛው ሰው መብቱን መጠየቅ ፖለቲካ ነው ብሎ ፖለቲካና ኮረንቲን በሩቁ በማለት በገዛ እጁ ፍርሃቱን በመደበቅ ዝቅተኛ፣ አነስተኛ የተባለ የራሱን መብት ከመጠየቅም ራሱን አሽሽቶ በድሀ ልጆች ሞት ከልያም ከሰማይ ይመጣል ተብሎ በሚጠበቅ መለኮታዊ ጣልቃ ገብነት ነፃ ነፃ ይወጣ ዘንድ በጸሎት፣ በሱባኤና በዱዓ ነፃነትን የሚጠብቅ ራስ ውሸታም፣ አስመሳይ ራስ ወዳድ ስለሆነ ለነፃነቱ አያምጽም። እንደ ኬንያ ወጣቶች ለመሆን መጀመሪያ ፊደል መቁጠር፣ ቀለም ገብ መሆንን ይጠይቃል። አንድ መሆንንም ይጠይቃል። ቲክቶከራም፣ ሀሞተ ቢስ ስልብ ሆነህ ነፃነት ይናፍቅህሃል። የራሱን ቤት አፍርሶ ቆርቆሮ ለመሸጥ የሚጣደፍ፣ ከዚያ ቱቦ ውስጥ ለማደር የሚጋፋ ትውልድ ይዘህ ዐመጽ ያማይታሰብ ነው። መስሎ ማደር አራድነት ብልጥ መሆን፣ እንደ ዘመናዊነት በሚታይባት አዲስ አበባ ችግር አንቆ ወደ ሞት ሲመራው የችግሩን ምንጭ ታግሎ ማሸነፍ ሲችል ከችግሩ ሽሽት ወይ ሊቢያ በረሃ፣ የመንና ቀይ ባህር በመሸሽ፣ በፊኛ ጀልባ ላይ ውቂያኖስ ተሻግሮ ወደ አውሮጳ መሰደፍን ይመርጣል። በዚያም የዓሣ አንበሪ ቀለብ ይሆናል። ከከምባታ ተነሥቶ ሽግርን ሽሽት ደቡብ አፍሪካ ለመሄድ በእግሩ ኳትኖ ታንዛኒያ ጫካ ውስጥ ዘንዶ ይበላዋል እንጂ በሀገሩ ያለውን እባብ ረግጦ መብቱን ለማስከበር መድፈር አይሆንለትም። እናም አገዛዙ ሌላ ተአምር ካልተፈጠረ በቀር በአመጽ የመውረዱ ነገር አያሰጋውም።

•ነገ በፓርላማ ሌላስ ምን ዓይነት አጀንዳ ሊያመጣ ይችላል?

"…ባለፈው ከዓለም ባንክ ድርድር በፊት በፓርላማ ያጸደቀውን በጀት አሁን 1ቢልዮን ዶላር ብድር ስላገኘ ለመንግሥት ሠራተኞች እንዳያምጹ የ20 እና የ70 ብር የደሞዝ ጭማሪ በማድረግ አፋቸውን ሊያዘጋ በማቀዱ የበጀት ጭማሪ ሊከልስ እና ሊያስጨምር እንደሆነ የባሌው ተወላጅ በእናቱ ኦህዴድ፣ በአባቱ ሶማሌ የሆነው አህመድ ሺዴ ፓርላማውን ሊሰበስብ ነው የሚል መረጃም ወጥቷል። ዘንድሮ ቁርጥ ነው።

•ሌላው ቢሆን ተብሎ የሚጠበቅ አጀንዳም አለ ብለው የሚመኙ ወሬኞች አሉ።

"…የዐማራ ፋኖን በአሸባሪነት ፈረጅኩ" ብሎ ሊያውጅ ይችላል የሚሉም አሉ። በቲክቶክ፣ በፌስቡክ እና በዩቲዩብ ላይ ያሰማራቸውን ግሪሳዎች በሙሉ ፈትቶ በመልቀቅ አጀንዳ ሰጠሁ ብሎ ሊደክምም ይችላል የሚሉም አሉ። ብዙ ቀዌ ስዩም ተሾመዎችም እስከ ሙላሊታቸው ድረስ በላብ ተጠምቀው አጀንዳውን ለማንጫጫት ሲራወጡም ይታዩ ይሆናል የሚሉም አሉ። ስለዚህ የፓርላማ አባላቱ ከእረፍታቸው ስፍራ ተጠርተው የመጡት ለአጀንዳ ዳይቨርቱ ድራማ ትወና አስፈልገው ሊሆንም ይችላል የሚሉ አሉ።

"…አቢይ አሕመድ ለቤተ መንግሥቱ ግንባታ የጠረረበትን ብር በመፈለግ ከመጓጓቱ የተነሣ ቀደም ሲል ማዘጋጀቱን ረስቶት ይሆናል እንጂ እንደልማዱ ከገንዘብ ማራከሱ ዜና ጋር ይህቺን የምክር ቤት ስብሰባ ድራማም ቀደም ብሎ ማድረግ ይችል ነበር። እሱ ድራማውን ቀድም ብሎ መሥራቱን ረስቶ "እንኳን ደስ አላችሁ" በሚል ቀሽም የኢቲቪ የምሥራች ድራማ ሊሸውደንም ፈልጎም ነበር። ነገር ግን የበሻሻው አራዳ ጭዌው ስላላዋጣውና ሕዝቡንም በሚፈለገው መልኩ ስላላረጋጋው፣ ወሬውም ከፍተኛ የሆነ መናጋት ካሁኑ እያመጣ ስለሆነ፣ ፓርላማውን በአስቸኳይ መጥራት የግድ ሆኖበታል የሚሉም መተርጉማን አሉ።

"…ይሄ ከፊታችን የመጣው ነገር ለዘገምተኛው፣ ተወዝፎ ነፃነት ጠባቂው፣ ሆዱን ብቻ አሳቢው ድቅድቅ ጨለማ ከፊቱ ሲገሽርበት፤ እንደ ዐማራ ላለው በመከራ በፍዳ ውስጥ ለከረመው ነገድ ደግሞ የሚደንቅ በረከት ይዞለት እንደሚመጣ ሊታወቅ ይገባል የሚሉም አሉ። በተለይ ደግሞ ይሄን አገዛዙ በገዛ እጁ ጎትቶ በራሱ ላይ ያመጣውን ፈተናና ችግር በሚገባ ከተጠቀመበት ለዐማራ ፋኖ አሸወይና ጌዜ ነው የሚሆንለት። አዳሜና ሄዋኔም በጣም ሆድ ስለባሰው የዐማራ ፋኖ ማድረግ የሚጠበቅበት ለዚህ ሆድ ለባሰው ፒፕል ማጭድ ማዋስ ብቻ ነው የሚሉም አሉ። አለቀ። እነ አባገዳ ሀብታሙ አያሌው እና እነ አይተ እስክንድር ነጋ ቀደም ብለው ስለተጋለጡ ስለ እነሱ ማቡካቱን ትቶ ይበልጥ በመጪው ጊዜ ላይ መሥራት አለበት የሚሉም አሉ።  አበበ በለውና ግምቦቴዎችም መክነዋል። ፋኖም ከምንግዜም በላይ ጠንክሯል። ከዕዝ፣ ከብርጌድ አልፎ ክፍለጦር ሁሉ አዘጋጅቷል። የኮማንዶ ሥልጠናው ተጠናቅቆም ምረቃ በምረቃ ሁሉ ሆኗል። እናም ይሄን የከሰረ፣ ሕዝብ እንደ መርገም ጨርቅ መንካት የቀፈፈው፣ እንደ አባቱ ገዳይም የጠላውን ነውረኛ አገዛዝ በግራ በቀኝ በመለብለብ ብቻ ግብዓተ መሬቱን ማፋጠን ይችላል ነው የሚሉት እንደ እኔ ሟርተኛ የሆኑ የአንድምታ ቦለጢቃ ሊቃውንት።

"…የዐማራ ፋኖ በነፃ ያለ ደሞዝ፣ ቆሎና ቅጠል እየበላ ነው የሚታገለው። የብራኑ ጁላ ወታደሮች ደግሞ የሚዋጉት ደሞዝ ተከፍሏቸው ነው። ቀለብና ስንቅ፣ ትጥቁም በአገዛዙ ወጪ ተሸፍኖላቸው ነው የሚዋጉት። በብድር የመጣው ዶላር ለቤተ መንግሥት ግንባታው፣ ለኮሪደር ልማቱና ለቅንጡ ፓርኮችና ሪዞርቶች ለነጮቹ ለራሳቸው መዝናኛ ለሚሆን ግንባታ ላይ የሚውል ስለሆነ በወታደሩም ቤት ችጋር መግባቱ አይቀርም። እናም ፋኖ አሁን ነው አንድነቱን አጠንክሮ ወደፊት መግፋት ያለበት። በተለይ ይሄን ክረምት ፋኖ በሚገባ ተጠናክሮ ካልተጠቀመበት እና በጋው ከመጣበት ምንም እንኳ ማሸነፉ ባይቀርም ነገር ግን በብዙ ይከብደዋል የሚሉም አሉ።

"…ፓርላማው የፈለገውን አጀንዳ ቢያመጣ ግን አዳሜና ሄዋኔ አጀንዳዬን አልቀይርም ነው ማለት ያለብህ። ጴንጤ ነህና አገዛዙ ጴንጤ ነው፣ መሪያችን የጌታ ሰው ነው ብለህ ለአቢይ አሕመድ ብትቦተልክለትም መራብህ እና በጠኔ መዳፋትህ እንደሁ አይቀርልህም። አቢይ ኦሮሞ ነው፣ አገዛዙ በዻዺና ነው እናም የኦሮሙማውን አገዛዝ ሺ ዓመት ያኑርልን ብለህ ስትፎክረለት፣ ስትጸልይለት ብትኖርም ከትናንትና ጀምሮ ከደጃፍህ የእሳት አለንጋ ይዞ የቆመው ችጋር ኦሮሞነትህ አያድንህም። እስላም ክርስቲያን ሁን፣ ትግሬ፣ ዐማራ፣ ወላይታ፣ ሱማሌ፣ አፋር፣ ሐረሬ፣ ጉራጌ፣ ጉምዝ፣ ጋምቤላ፣ ሲዳማ፣ የፈለግከውን ሁን ጠኔው አይምርህም። አያልፍህም። ሊዠልጥህ፣ ሊያንገበግብህ ከደጃፍህ ቆሟል። እናም አጀንዳ አትቀይር።

"…ወዳጄ የአቢይን መናፈሻ አትበላው። ዳቦ የሚያበሉህ ፋብሪካዎች እኮ ተዘግተዋል። የዳቦ መግዢያ ዕውቀት የሚመግቡህ ዩኒቨርሲቲ የትምህርት ማእከላት እኮ ተዘግተዋል። አምስት ዓመት ኡንበርስቲ ተምረህ ስታበቃ ብራኑ ነጋ የመውጫ ፈተና ይሉት ነገር አምጥቶብህ ዲግሪህን ተከልክለህ የተማረ ነገር ግን ዲግሪ የተከለከለ መሃይም ሆነህ ሰፈር ለሰፈር የምትንከላወስ የወጣት ጦረተኛ አድርገውህ ካረፉ እኮ ቆዩ። ወደብ አገኘን እንኳን ደስ ያለህ ብሎ ያስጨፈረህ አገዛዝ እንኳን ወደብ ሊያመጣልህ እሱ ራሱ አደብ ገዝቶ፣ አንተ ላይ መደብ ሠርቶ ነው ከአናትህ ላይ ፊጢጥ ብሎ አርፎ የተቀመጠበህ። እንግዲህ መናፈሻውን አትበላው። ምን ተሻለህ? መብራት በኮሪደር ልማቱ አከባቢ እንጂ ሌላ ቦታም ሆነ በቤትህ የለ። እንደ ጎንደር የዝናብ ውኃ እየጠጣህ የብልፅግና መሪዎቻችንን "ክፉ አይንካብን" ብለህ ሰልፍ ብትወጣም ከችጋሩ አታመልጥ። ውኃም እንደዚያው ነው እንደ መብራቱ የለም። እናም የሚሻለው ሀገረ መንግሥቱን ከቸርች ተሰብስበው ከመጡ ፍንዳታ ጎረምሶች፣ ከፍንዳታም ወጠጤዎች አላቅቆ ምራቅ ለዋጡ ሰዎች ማስረከብ ብቻ ነው። አንድ ሰው ያውም የ4ተኛ ጨ ክፍል ተማሪ ፈላጭ ቆራጭ ሆኖ የሚዘውራትን ሀገር ወደ ገደል ወደ ኢንቁፍቱ ተወርውራ ከመግባቷ በፊት መፍትሄው 👇ከታች ይቀጥላል…✍✍✍

Zemedkun Bekele (ዘመዴ)

31 июля 2024 09:29

“…ስለ እንጀራው አላስተዋሉምና፤ ነገር ግን ልባቸው ደንዝዞ ነበር።” ማር 6፥52

"…እንደምን አደራችሁ?
"…እንደምን አረፈዳችሁ?
"…እንደምን ዋላችሁ?
"…እንደምን አመሻችሁ?

"…እግዚአብሔር ይመስገን ብቻ ‼

Zemedkun Bekele (ዘመዴ)

29 июля 2024 14:18

"…የኮማንዶ ሳሙኤል ባለድል እና የኮረኔል ጌታሁን መኮንን የስልክ ውይይት ነው። እናንተም ውይይቱን ሰምታችሁ ፍረዱ። መልካም የእረፍት ጊዜ ለሁላችን ይሁን።

"…ሻሎም…! ሰላም…!

Zemedkun Bekele (ዘመዴ)

29 июля 2024 12:46

የመሰናበቻ… ስለ ሁለት ነገር መጣሁ፦

"…አደጋው ከባድ ነው ብለው ኢኮነሚስቶች ሲያስጠነቅቁ ስለሰነበቱበት እና በአገዛዙ ካድሬዎች እና በአገዛዙ መገናኛ ብዙሃን የእንኳን ደስ አላችሁ የምሥራች ዜና ሲበሠር የከረመውን የብር የመግዛት አቅምን መዳከም በተመለከተ ጥቅምና ጉዳቱን የዘርፉ ባለሙያዎች ይተንትኑት ዘንድ ለእነርሱ ትተን እኔ ግን ከከባዱ ፍልሚያ ማግስት ከእረፍት እስክመለስ ድረስ ለአሁን የመጨረሻዬ የሆነውን ጦማር በዚህ መልክ እለጥፍላችኋለሁ። በዛሬው ጦማሬ የኮሎኔል ጌታሁን መኮንንን የመጨረሻ ማረፊያ ስፍራ እና በኮሎኔል ጌታሁን እና በፋኖ ኮማንዶ ሳሙኤል ባለድል መካከል ተፈጠረ ተብሎ የተሰራጨውን ወሬ በተመለከተ የሁለቱን ሰዎች የስልክ ልውውጥ ትሰሙት ዘንድ ወደ እናንተ አቅርቤላችሁ እንለያያለን።

መረጃ፦ ፩

"…በቅድሚያ የኮረኔል ጌታሁን መኮንንን በተመለከተ ትናንት ለመከላከያ እጅ መስጠቱን ከስፍራው ያለ ለጊዜው ስሙን በሚዲያ የማልገልፀው የሁላችንም ወዳጅ የሆነ ተወዳጅ ወንድም የላከልኝን መረጃ እንደወረደ ማቅረቤን የመረጃው ባለቤት አስታውሶ ዛሬ ደግሞ ሌላ አዲስ መረጃ ልኮልኛል። ትናንት ከአራት ጠባቂዎቹ ጋር ሆኖ ከመከላከያዎቹም ጋር በስልክ ተገናኝቶ እጁን ሊሰጥ ወደ ሊበን ከተማ ለመሄድ መንገድ ጀምሮ እንደነበር እና ሽማግሌዎችን አሻፈረኝ በማለት እጁን ለመከላከያ ለመስጠት ስለተለየን ያን ምክንያት በማድረግ ነበር እጅ ሰጠ የሚል ድምዳሜ ላይ ደርሼ የነገርኩህ በማለት አስታውሶ ነገር ግን ከእኛ እንደተለየ እንደ ድንገት መንገድ ላይ ምን ሓሳቡን እንዳስቀየረው ሳይታወቅ ከመከላከያዎች ጋር ይድረስ አይድረስ፣ ይገናኝ አይገናኝ ሳይታወቅ "ሓሳቡን ቀይሮ ወደ ጃዊ አካባቢ ሄዷል የሚል መረጃ ደርሶን ቆይቷል። አሁን ግን ነገሮች ተለዋዋጭ ቢሆኑም ተለዋጭ ነገር ካለም መልሼ እስክነግርህ ድረስ ለጊዜው ኮረኔል ጌታሁን መኮንን ለእስክንድር ነጋ ድጋፍ ከሰጠውና በአመለ ሸጋው ፋኖ ደረጀ ከሚመራው የፋኖ አደረጃጀት ውስጥ መግባቱም ተነግሯል። የተለየ ነገር ከተሰማ ብቻ በዚህ ጉዳይ እመለሳለሁ። ደግሞ መከላከያዎች አስረው ፈትተው ለምን ለቀቁት ምናምን እያላችሁ እንዳታዝጉኝ አደራ። ይሄን በተመለከተ እነ አበበ በለው፣ የጎንደር ስኳድ፣ ጎጤና እነ ጌትነት አልማው ይተነትኑላችኋል። ስለእሱ አይመለከተኝም።

መረጃ፦ ፪

"…ሁለተኛው መረጃ ፋኖ ሳሙኤል ባለድልን በተመለከተ ይሆናል። ሰሞኑን ሳይወለድ የሞተውና የጨነገፈው የእስክንድር ነጋው አዲሱ የጨበራ ጩሮራ ምርጫን መክሸፍ ተከትሎ በጎንደር ፋኖ ላይ ክፍፍል ለመፍጠር በሚመስል መልኩ በብዙ በደከሙት በእነ ዶ/ር ምስጋናው አንዷለም እና ሙሉነህ፣ በግንቦቴዎች፣ በግንባሩና በሠራዊቱ ግሪሳዎች መሪነት በኮማንዶ ፋኖ ሳሙኤል ባለድል ላይ የተቀናጀ የስም ማጥፋት ዘመቻም ተከፍቶበት አይቻለሁ። ዘመቻው ልክ አርበኛ ፋኖ ሜጀር ጄነራል ውብአንተን ዘመቻ ከፍተው ሕይወቱ የተቀጠፈበትን መንገድ ይመስላል።

"…ውባንተ ከመሞቱ እና ከመሰዋቱ በፊት መጀመሪያ ስሙን ነበር ያጠፉት፣ ዘመቻ ከፋቾቹ ደግሞ በሀብታሙ አያሌው፣ በሀብታሙ በሻህ እና በሀብታሙ በቀለ ጉደታ የሚመራው የቲክቶክ ሠራዊት ነበር። ይሄ ሠራዊት ነበር ቅድሚያ የስም ማጥፋት በውባንተ ላይ የከፈተበት። አርበኛ ፋኖ መሳፍንት በበላይ ጠባቂነት የሚያዙት እና አርበኛ ፋኖ ሀብቴ ወልዴ የሚመራው የጎንደር ዕዝ ደግሞ መግለጫ ጭምር ነበር ጽፎ በኢትዮ 251 ውስጥ ይሠራ ለነበረው ጋዜጠኛ ሙላት አድህኖ በመላክ ያንን መግለጫ በማንበብ ብቻ ሳይሆን መግለጫውን ለውይይት በማቅረብ በመረጃ ቲቪ ላይ በማሠራጨትም ስሙን አጥፍተው አዋክበው፣ አዋክበው ለሞት ያበቁት። በዚያው መንገድ ነው አሁንም ፋኖ ሳሙኤል ባለድል ላይ የተቀናጀ ዘመቻ የከፈቱት።

"…በፋኖ ሳሙኤል ላይ የተከፈተውን ዘመቻ ለየት የሚያደርገው በዘመቻው ላይ ሳሚ የሚደግፈውን የአቶ አሰግድን ግሩፕ ኮሚቴ ሁላ ሆነው ሲያገለግሉ የነበሩ የዋን ዐማራዎቹ እነ አኪላና ዘርዓ ያዕቆብም ጭምር ለሳሚ "ቃየን" የሚል የወንድም ገዳይነት መጥፎ ብያኔ ያለው ስም ሰጥተው ሲጨፈጭፉት እንደነበርም መመልከቴ ነው። አርበኛ ጋሽ አሰግድ በደረሰበት ውክቢያ አገዛዙ እጅ ሲወድቅ እንዴት እንደወደቀ የሚያውቁት ዋን ዐማራዎች በሳሙኤል ባለድል ላይ የከፈቱት ዘግናኝ ዘመቻ ግን የማልደብቃችሁን ግርምት ፈጥሮብኛል። ዋን ዐማራዎች ዐማራ ነኝ ብለው እስከተነሡ ድረስ ለሚያነሡት መከራከሪያ ጣልቃ ገብቼባቸው የማላውቅ ቢሆንም በዚህኛው ግን በድፍረት ልክ አደላችሁም ልላቸው ወደድሁ። ለምሳሌ ከፋኖ አመራሮች መካከል ጋሽ አሰግድ እኔ ራሴ ተጋብዤ በተገኘሁበት አንድ የስልክ ውይይት መድረክ ላይ አኪላ የሚረዳኝ ልጅ ነው ብሎ የመሰከረለትን፣ ገንዘብ እንዲያስተባብር የፈቀደለትን ሰው እኔ ምንም አስተያየት ልሰጥበት አልችልም። ነገር ግን አኪላም ባለበትና አቶ አሰግድ በነበረበት አንድ መድረክ ላይ የተናገርኩትን ሁላቸውም ያስታውሱታል። አሁን ግን እነ አኪላ በኮማንዶ ሳሙኤል ባለድል ላይ የከፈቱት ቅጥያጣ የጥላቻ ዘመቻ፣ ከፖለቲካ ቅማንቴው፣ ከኦሮሙማው ፀረ ዐማራ ቡድን ጋር ስምም ሆኖ ስላገኘሁት የመጀመሪያውን ልክ አይደላችሁም የሚለውን የጭቃ ዥራፌን መልእክት አንሥቼ በስሱ ልዠልጣቸው ወደድኩ። ልክ አይደላችሁም።

"…ውባንተ ይገደል ሲል የከረመው የእነ ሀብታሙ አያሌው ገረድ ሳሚ ቅማንቴው በቲክቶክ መንደሩ በከፈተው ቤትም ውስጥ አሁንም ስለ ሳሚ ባለድል መገደል፣ መወገድ አንሥተው ሲወያዩ የነበረውን ውይይትም ለታሪክ ቀድቼ አስቀርቼ በእጄ ይዤዋለሁ። መጀመሪያ ውባንተ፣ ከዚያ አሰግድን፣ ከዚያ ዘመነን መግደል ይፈልግ የነበረው አደገኛ ግሩፕ ውባንተን በመግደል አሰግድን በማዋከብ አገዛዙ እጅ ላይ እንዲወድቅ ካደረገ በኋላ በቀጥታ የግድያ ዘመቻውን የከፈተው በዐማራ ፋኖ በጎጃም መሪ የሆነውን አርበኛ ፋኖ ዘመነ ከሣሴ ላይ ነበር። ዘመነ ካሤን በቀላሉ መድፈር እንደማይቻል ካዩ በኋላ ደግሞ ፊታቸውን በቀጥታ ወደ ምሬና ወደ ባዬ ከማዞራቸው በፊት በቅድሚያ ወደ አርበኛ ፋኖ ሳሙኤል ባለድል ለይ ነበር። በዚህ ዘመቻ ላይ ተደብቀው ከርመው የነበሩት እነ ወንድም አያሌው መንበር ሁላ ናቸው ወደ አየር ሞገዱ የተመለሱት። እኔ ሳሚን አላውቀውም። እየተነሣበት ያለው ማዕበል ግን ወዴት እንደሚያመራ ስለሸከከኝ የግድ ጣልቃ ለመግባት ተገድጃለሁ።

"…ሳሙኤል እየተከሰሰ ያለው እነ አኪላ በከሰሱበት የትግሬነት ማንነት ላይ ሁላ ነው። በሸዋ የዐማራ ፋኖ ከምዕራብ ትግራይ ይውጣ ብሎ ሲታገል የከረመውን ሰሎሞን ወልደገሪማን አጨብጭቦ የተቀበለው ቡድን አሁን ሳሚን ከመሬት ተነሥቶ ማንነቱን ትግሬ አድርጎ ስሎ ነው ዘመቻ የከፈተበት። እንዲያውም ክፍለጦሩን ራሱ የዓድዋ ክፍለጦር ብሎ የሰየመው ሳሚ ትግሬ ስለሆነ ነው ሁላ ብለው የሚናገሩ ሰዎችን ሰምቻለሁ። መነሻቸው ደግሞ ኮረኔል ጌታሁን ወደ አርበኛ ባዬ ጋር ልለፍ ብሎ መንገድ ሲጀምር አታልፍም ብሎ መንገድ የዘጋበት ሳሚ ነው የሚል ክስም አቅርበውበት ነው ዘመቻውን የከፈቱበት። ኮረኔል ጌታሁን ሲያለቅስ ነው ተብሎ የተለቀቀውን ቪድዮም እኔም "ቢያለቅስ ሰው መሆኑን የሚያሳይ ነው፣ ከውርደት ጋር አይያያዝም ብዬ ማቅረቤም ይታወቃል።👇ከታች ይቀጥላል…✍✍✍

Zemedkun Bekele (ዘመዴ)

29 июля 2024 00:34

በመጨረሻም…!

"…በጎጃም ዐማራ ፋኖ በጎጃም የሥራ አመራር ሓላፊ ሆኖ ተመርጦ በማገልገል ላይ ሳለ እነ ሀብታሙ አያሌው፣ ማስረሻ ሰጤና እስክንድር ነጋ ከእናት ድርጅቱ ገንጥለው አስወጥተውት እናት ድርጅቱም በአንድ ቤት ሁለት አባወራ የለም። ንብረት አስረክብ፣ እጅህንም ስጥ ብለው ቢጠይቁት ሞቼ ነው ቆሜ ብሎ በሚዲያ እንዲፎክር ካደረጉት በኋላ በመጨረሻ በቁጥጥር ስር ሊያውለው የተንቀሳቀሰውን በጎጃም የዐማራ ፋኖን ምት መቋቋም አቅቶት ሠራዊቱ ለጎጃም ፋኖ እጁን ሰጥቶ ነበር።

"…ኮረኔል ጌታሁን በሽማግሌ ግፊት ለመደምሰስ ከጫፍ ደርሶ ቢድንም አስቀድሞ እነ ሀብታሙ አያሌው ለእነ ዘመነ እጅህን ከምትሰጥ እና ከምታዋርደን ሽጉጥህን ጠጥህ ሙት ቢሉትም እሱ ግን ጋሾላ ገዳም ውስጥ ከተወሰኑ ተከታይ ፋኖ ልጆቹ ጋር ቆይቶ ነበር። ሰው ቢላክበትም እምቢኝ ብሎ ቆየ። ልጆቹም ተበትነዋል። ከፊሎቹ ደግሞ ወደ ዐማራ ፋነለ በጎጃም እጅ ሰጥተው ተቀላቅለዋል። እሱ ኮረኔል ጌታሁን መኮንን ግን አራት አጃቢዎችን ይዞ ወደ ሊበን ከተማ ወጥቷል። በይፋም እጁን ለመከላከያ ሰጥቷል።

"…ሀብቴ ወልዴ፣ ሀብታሙ አያሌው፣ እስክንድር ነጋ በአርበኛ አሰግድ መኮንን በመከላከያ እጅ መውደቅ ሲሳለቁ፣ ኮረኔል ጌታሁንን ሲያጀግኑ፣ ሲያሞግሱ ቢቆዩም ኮረኔሉ ግን ጎመን በጤና ብሎ እጅ መስጠቱ ተሰምቷል። አበበ በለው፣ ሀብታሙ አያሌው አጀግነው አጀግነው ሰውዬውን አስበሉት። አለቀ በቃ።

• ጎጃም ጎጄ መለኛው ግን አንደኛ…!!

Zemedkun Bekele (ዘመዴ)

28 июля 2024 19:06

"…ነጭ ነጯን ከዘመዴ ጋር

"…ነጭ ነጯን ከዘመዴ ጋር አሁን ይጀምራል። ገባ ገባ በሉና ተከታተሉን።

• ቲክቶክ 👉🏿 zemedkun.b" rel="nofollow">http://tiktok.com/@zemedkun.b

• ትዊተር 👉 https://twitter.com/MerejaMedia

•በራምብል 👉 https://rumble.com/c/Mereja/live
• ዩቲዩብ 👉 https://youtu.be/Xx7nJiC45FQ

• ሻሎም… ሰላም…!

Zemedkun Bekele (ዘመዴ)

28 июля 2024 16:48

"…ከዓመት በፊት "እያናፈጠልን ነው" ብሎ አመስግኖኝ ነበር ጋዜጠኛ ጌጥዬ ያለው። እኔ መቼም ወዳጅ አይበረክትልኝ በዚያ ላይ ሲያመኝ ጤና የለኝ አይደል? 😂 ቋሚ ወዳጅም ቋሚ ጠላትም የሌለኝ እኔ ዘመዴ ይኸው ዛሬ ደግሞ አለቃው እስክንድርን ጨምሮ ሁላቸውን አሯሩጬ በጭቃ ዥራፌ አናፍጣቸው ጀመር። ከምር እያናፈጥኳቸው ነው አይገልጸውም።

• እኔ ማለት ዘመድኩን ነቀለ ነኝ (አባ ንቀል)

Zemedkun Bekele (ዘመዴ)

28 июля 2024 15:54

ፋኒት ትእግስት ጫኔ…💪

"…የዐማራ ፋኖ በጎጃም በግዛቱ ውስጥ የጠላትን ተልእኮ አንግበው፣ ከዐማራ ፋኖ በጎጃም አደረጃጀት ውጪ ያሉትን የማጥራት ዘመቻ መጀመሩ ይታወቃል። በአንድ ቤት አንድ አባወራ በሚለው ዐማራዊ ይትበሃል መሰረት የዐማራ ፋኖ በጎጃም በጎጃም ውስጥ ሆነው በፋኖ ስም የሚንቀሳቀሱ ሁሉ ወደዱም፣ ጠሉም፣ በግድም በውድም ወደ አንድ ይመጡ ዘንድ መመሪያ አውርዶ ወታደራዊ ዘመቻ ጀምሯል። እንዲያ ሲሆን ተጠያቂነቱም ከፍ ይላል።

"…በዚሁ መሠረት የጎጃም ፋኖ ከድርጅቱ የመልቀቂያ ሕጋዊ ደብዳቤ ሳይደርሰው፣ የድርጅቱን ንብረት፣ የጦር መሣሪያና የሰው ኃይል ይዞ በሀብታሙ አያሌው፣ በማስረሻ ሰጤና በእስክንድር ነጋ ሰበካ የጎጃም ፋኖን ከድቶ ድርጅት ቀይሬአለሁ ያለውን ኮረኔል ጌታሁን መኮንን ላይ ሕጋዊ እርምጃ ለመውሰድ ተንቀሳቅሶ አሁን የበዛው ሰራዊቱ ወደ እናት ድርጅቱ ተመልሶ ኮረኔሉ በጫካ ሆኖ በሽምግልና ተይዟል። ይሳካል ብዬም ተስፋ አደርጋለሁ።

"…ሌላው ዜና ደግሞ ጠዋት የነገርኳችሁ የጋዜጠኛ ወግደረስ በጎጃም ፋኖ ቁጥጥር ስር መዋል ነው። ለመላው የዐማራ ፋኖ ከሕዝብ ከተሰበሰበው ዶላር ላይ በእስክንድር ነጋ እየተከፈለው በጎጃም የእስክንድር የምናብ ሠራዊት እና ለሀብታሙ አያሌው ቅዠት ኢትዮ 360 በጎጃም ምድር ቋሚ ዘጋቢ በመሆን ሲያገለግል የነበረውን ጋዜጠኛ ወግደረስ ጤናውን የዐማራ ፋኖ በጎጃም በቁጥጥር ስር አውሎታል። ወግደረስን በቁጥጥር ስር ያዋለችው ደግሞ ፋኒት ትግስት ጫኔ ትባላለች። ዛሬ ጠዋት 1:15 አካባቢ ፈለገ ብርሃን አልጋ ቤት ውስጥ እያለ ነው ከእናት ድርጅቷ ከጎጃም ፋኖ አመራሮች በተሰጣት ትእዛዝ መሰረት ፋኒት ቲጂ ፋኖዎቿን አስከትላ ቀጨም ያደረገችው። አሁን የሀብታሙ አያሌውና የእስክንድር የመረጃ ምንጭ ከስሩ ከሰመ ማለት ነው።

• ብራቮ ቲጂ 👏👏👏 ብራቮ ጎጄ መለኛው

Zemedkun Bekele (ዘመዴ)

28 июля 2024 12:31

👆ከላይኛው ይቀጥላል…✍✍✍ "…የዐማራው የኅልውና ተጋድሎ ዓላማ ይህ በሆነበትና ዐማራው በኢትዮጵያዊቱ ላይ ጥያቈ ያነሳ ይመስል እስክንድር ግን አንጠልጥሎት የሚዞረው ጉዳይ የመኖር መብት የተነፈገው የዐማራ ሕዝብ ያነሳውን የኅልውና ጉዳይ ሳይሆን የግንቦት ሰባት ፀረ- ዐማራዎች የዐማራን የኅልውና ጥያቄ ወደ ዜግነት ጉዳይ አውርደው በዐማራው መቃብር ላይ የዜግነት ፖለቲካቸውን  ሊያራምዱ የሰጡትን “መነሻችን ዐማራ፤ መድረሻችን ኢትዮጵያ” የሚል መፈክር ነው። በዚህ መፈክር መሰረት ለዐማራ ኢትዮጵያዊነት ከሆነ እድገት በኋላ የሚደርስበት ግብ ወይም መዳረሻ ነው።

"…በሌላ አነጋገር ዐማራው ዛሬ ላይ በእስክንድር አሳዳጊነትና ሞግዚትነት ጉዞ ላይ ስላለ የደረሰበት ግብ ወይም መዳረሻ የለውም። እስክንድር ነጋ ዐማራውን እንደዚህ ታሪክ የሌለውና ኮምፓሱ የጠፋበት መርከብ ለማድረግ ይኼን ያህል ርቀት የሄደበት ምክኒያት የምታወቀው “በኢትዮጵያዊነት ስታገል” ስለነበር ዐማራ መባል፣ በዐማራ መታገል እንደማነስ መስሎ ስለሚሰማውና እንዳይተወው በዐማራ ላይ ካልተረማመደ በስተቀር ከሥልጣን መድረስ እንደማይችል መስሎ ስለተሰማው ነው።

"…ሌላኛው ምክንያት ደግሞ ከ ያ ትውልድ የተማሪ ፖለቲከኞች የተወረሰው ኢትዮጵያ ታሪክ ያላት ሳትሆን በምኒልክ ቅኝ ግዛት የተሰባሰቡ ነጻ የነበሩ የአፍሪካ አገሮች የተሰባሰቡባት ኢምፓየር አድርጎ የማየት አባዜ ነው። እስክንድር “መነሻችን ዐማራ፤ መድረሻችን ኢትዮጵያ” ሲልም ይቺን በያ ትውልድ አእምሮ ኢምፓየር ሆና የተፈጠረችውን የነጻ አገሮች ስብስብ መሪ ከሆንሁ በኋላ ኢትዮጵያ ወደምትባል አገር አሳድጌ መዳረሻዬ አደርጋታለሁ እያለን ነው። እብደት ካልሆነ በስተቀር በዚህ የእስክድንር እንቶ ፈንቶ የሚስማማ ፋኖ ሊኖር አይችልም።

• ማጠቃለያ!

"…የፋኖ የኅልውና ተጋድሎ በአንድ ማዕከል ስር እንዲሰበሰብ ለማድረግ እሠራለሁ የሚል አካል ቢኖር የመጀመራያውና ቀዳሚው ተግባሩ መሆን ያለበት የፋኖ አንድነት እንዳይሳካና ሐዲዱን እንዲስት እያደረገ ያለው (The elephant in the room) እስክንድር ነጋ መሆኑን ዕውቅና ሰጥቶ ለጉዳዩ ዘለቂ መፍትሔ ሊሰጥ ይገባል።

"…በእኔ በኩል እስክንድር ነጋን በተመለከተ የሚታየኝ አንድ አማራጭ ብቻ ነው። እስክንድር ነጋ የፋኖ የኅልውና ተጋድሎ ችግር የሆነው የሥልጣን ፍላጎቱ ከቁጥጥር ውጪ አድርጎት ኅሊናው ሊወቅሰው ወደማይችል ግብዝ ፍጡር የለወጠው በመሆኑ ነው። ሆኖም ግን ዐማራው እያደረገ የሚገኘው የኅልውና ተጋድሎ በመሆኑ እስክንድር የኅልውና ተጋድሎው መቋጫ እስኪያገኝ ድረስ ከሥልጣን ሽሚያና የዐማራውን ድምጽ ከፋኖ ከመጫረት ለጊዜው ገለል ብሎ እንዲቆይና የኅልውና ተጋድሎው መቋጫ አግኝቶ የፖለቲካ መድረክ ሲከፈት በፈለገው ፕሮግራምና ፓርቲ ስር ለምርጫ ድል ለዲሞክራሲውን ይዞ ቢወዳደር የተሻለ እንደኾነ፤ እስከዚያ ድረስ ግን በሞያው ተወስኖ አለኝ የሚለውን ተሰሚነት በመጠቀም የፋኖን የኅልውና ተጋድሎ እንዲረዳ ማግባባት የሚል ነው።

"…ከዚህ ውጭ የእስክንድር ጉዳይ ተለይቶ እልባት ሳይሰጠው ፋኖን አንድ ለማድረግ መሞከር በትግሉ ላይ ተጨማሪ ጉዳት ከማድረስ ውጭ ዘላቂነት ያለው መፍትሔ ሊያመጣ እንደማይችል መታወቅ አለበት። ነገር ግን የግል የስልጣን ፍላጎቱን ለማርካት ቆርጦ በተነሳው በእስክንድር ነጋና በተቀረው የኅልውና ተጋድሎ በሚያደርገው የአማራ ፋኖ መካከል መጠላለፍ ሳይፈጥር ሕዝብዊ ተጋድሎውን ወደፊት ማራመድ ይቻላል የሚል ሓሳብ ያለው ሰው ቢኖር ለመስማት ዝግጁ ነኝ። አበቃሁ!

• ተጻፈ በአቶ አቻምየለህ ታምሩ (ዐማራ ነው)

• አቅራቢ…

• ድርጅቱ ዘመዴ ነኝ አስነቀልቲው ከራየን ወንዝ ማዶ።