13121
السلام على الحسين وعلى علي بن الحسين وعلى أولاد الحسين وعلى أصحاب الحسين عليه السلام قناة لنشر قصائد في رثاء محمد وآل محمد عليهم السلام
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
قصيده للزهراء عليها السلام
اول مجاهد فاطمه الزهره
طلعت تدافع عن علي بأمره
لجل العقيده
ماتت شهيده
يازهراء. يازهراء
........................
رسمت طريق التضحية ام الحسن من دمها
ثوره بقيادت فاطمه دم الضلع يرسمها
ضد الظلم وهل الظلم كشفت وجه ظالمها
للمسجد تعنّت مشي وجرح الضلع يلچمها
غصبوا ارثها وطلعت ادّاعي
اعظم درس للفاهم الواعي
حره ورشيده
ماتت شهيده
يازهراء. يازهراء
........................
بمسجد ابوها المصطفه من وگفت بهيبتها
طبق الاصل ويّه النبي بهيّئتها وبخطبتها
وگفت تدافع عن علي وگفة شرف وگفتها
كل الصحابه تعجّبوا من فاطمه وحكمتها
اهل السقيفه رتابوا وخافوا
من حاججتهم فاطمه نكشفوا
هذا التريده
ماتت شهيده
يازهراء. يازهراء
........................
عن حقها ما سكتت ابد حدما ضلعها اتهشّم
ردّولي ارثي ونحِلِتي گالتها ما استسلم
ثبتت رغم جور العده ام الحسن تتألًم
كلمن يحس حگّه انغصب من عدها خل يتعلّم
ما سكتت ومابايعت ظالم
من عدها نتعلّم درس لازم
هيه الوحيده
ماتت شهيده
يازهراء. يازهراء
........................
رادت توضّح فاطمه صورة وجهّها الغاضب
لا يسكت الحقه انغصب يتظاهر عله الغاصب
ولايعتدي من يطلع بسلميّة كون يطالب
لو ينتصر لو ينقتل بالتالي هوه الغالب
عدنه الدليل الزهره ظلموها
من دافعت عن حقها قتلوها
دون الصميده
ماتت شهيده
يازهراء. يازهراء
........................
مظلومه ردت فاطمه وتعاتب الظلموها
أذّوها وتهل الدمع صبح ومسه خلّوها
مهجة مُحمّد فاطمه والطاهره يعرفوها
بغضاً عله اعناد الوصي اهل الغدر عصروها
كسروا ضلعها وطاح محسنها
ظلّت تون ما بطّلت ونها
كلمة واكيده
ماتت شهيده
يازهراء. يازهراء
........................
عاشت ليالي بالحزن بعد النبي والدها
سلّت مثل عود الغصن غير البچي ماعدها
يسلّيها چان المرتضه يواسيها ويساعدها
تحسب ليالي للأجل لمن گرب موعدها
بضعة مُحمّد ماتت البضعه
وعليها جبريل الوحي ينعه
صارت سعيده
ماتت شهيده
يازهراء. يازهراء
سيد زيد الفحام
______
https://youtu.be/VH8cx1rQgTI?si=PDZ9l95g9V0PhwnU
Читать полностью…
https://youtu.be/YM16ufGSvXc?si=aQsZXPOl2wHMnXeu
Читать полностью…
https://youtu.be/KOdveLEcF0Q?si=GOCwKzHIYnk_4dOm
Читать полностью…
قصيدة في رثاء رسول الله محمد صلى الله عليه واله
عله مصاب النبي بحسره. نشارك فاطمه الزهره
نهل دمعتنه وياها. فگد هادينه أذّاها
٠٠٠٠٠
بفگد المصطفه الهادي بحزنها العترة مفجوعه
حيدر والزچية بنوح والحسنين باللوعه
وجبريل اليواسيهم من دم نزفت ادموعه
يم راس النبي حيدر ينوح وناره بظلوعه
الجليل يساعد البضعه. أنين الوالد تسمعه
ابد ماگطعت ابچاها. فگد هادينه أذاها
٠٠٠٠٠٠٠٠
بگلب مملي قهر وحزان الزهره تحاچي والدها
يبويه انت خيمتنه وآنه العايشه بسدها
مُحمّد بويه بغيابك نوايب دهري شيردها
الامان وراحتي وعمري يبويه بفگدك افگدها
يريته الموت يلفيني. گبل عينك يضي عيني
دهرها الضيم راواها. فگد هادينه أذاها
٠٠٠٠٠٠٠٠٠
الزهره والحسن وحسين يم المصطفه المختار
يودعونه ويودعهم اويوصي المرتضه الكرار
ساعه ولن غمض جفنه وصعدت روحه للجبار
صوت الحق خفه بصوته وردت عالجهل اشرار
بغيابه الزهره ظلموها. بمسيل الدمعه خلوها
دمعها اليجري واساها. فگد هادينه أذاها
٠٠٠٠٠٠٠
هاشم بالحزن طلعت يم دار النبي التمت
يودعون النبي بعبرات ويلي وفاطمه انهضمت
اعلام الحزن كل دار غطّت يثرب وعمّت
حياة المصطفه الهادي بسمّ الناصبي نختمت
رسول الباري فارگهم. وناعي مصابه افجعهم
هاشم فگدت الواها. فگد هادينه أذاها
٠٠٠٠٠٠٠
احنا الليله يا مولاي نواسي بنتك البضعه
نشارك فاطمه الآلام نبچي ونسچب الدمعه
شملكم من عگب عينك منهو سيدي يجمعه
مصابك خله بينه جروح نون يالمصطفه وننعه
لون مانوصل ونحضر. نعزي المرتضه حيدر
نواسي الزهره مبچاها. فگد هادينه أذاها
سيد زيد الفحام
موشح لمصاب رسول الله مُحمّد (صلى الله عليه وآله)
اليوم مات الهادي نور اكوانها
وعمّت بكل الارض احــــزانها
...........
اليوم مات المصطفه طه الأمين
مات بالسم ونفطر گلبه الحنين
سمّموه اهل السقيفة الظالمين
ضد مُحـمّــد سعّـروا نيرانــها
........
الدنيا والاكوان صارت مظلمه
مات طه بحضن حمّاي الحمه
ساعد الله شحال بنته فاطمه
تشوف ابوها يموت محّد عانها
.........
بس علي الكرار يم راس الرسول
يواسي طه بموته ويواسي البتول
والصحابه طلعت بموقف خجول
عافت الهادي ونست عنـوانــــها
.........
عافت الهادي الصحابه وخانته
بالسقيفــــه اجتمعت وماتبعته
ضد وصيته جتمعت وضد عترته
عالخلافه وابعـدو صحبــانــها
.........
بعده مامدفون طه بحفرته
بايعوا واحد ونكروا كلمته
بس، علي يم الرسول بموتته
يا صحابة العارضت قرآنها
.........
وصّه طه المصطفه حيدر يصير
بعده، لكن ما رضو يصبح امير
بايعو غيره وغضب رب القدير
العترة ظلموها شكثر عــدوانـها
..........
ظلّت الزهراء مفجوعه وتون
عاشت بآلامها وجرح الحزن
فاطمه لوالدها كل لحظه تحن
تهدم جبال الارض اشجانها
سيـــد زيد الفحام
____
نزله لمصاب رسول الله محمد ( صلى الله عليه وآله)
فاطمه تصيح بالدمع واسوني
...............
راح ابويه الغالي.... يالتسمعون
بالدمع واسوني...... لا تقصرون
فاطمه گلبي انجرح يحبابي
وينه وينه المنفجع لمصابي
ارد اشوفه ونظر لدمعاته
اكتب اسمه فاطمي بكتابي
ضلعي مكسور. باللطم عينوني
فاطمه تصيح بالدمع واسوني
...............
مو سهل ياشيعه..... جرح لفراگ
لوالدي وعيونه....... روحي تشتاگ
غمّض عيونه الحبيب الغالي
مات ابويه المصطفه اليبرالي
كلها ضدنه تجمّعت اصحابه
ومارضو حيدر يصير الوالي
گلبي ملچوم شيعتي وبچّوني
فاطمه تصيح بالدمع واسوني
...............
چم جرح بغيابه..... يلچم الروح
ما يفيد جروحي.... دمعي والنوح
انصبّت علية المصايب كومه
فاطمه آنه وصرت مهضومه
باجر الاصحاب تحرگ داري
من عزيزه تحوّلت مظلومه
تنزف دموم وي دمعها عيوني
فاطمه تصيح بالدمع واسوني
...............
بالسقيفه جتمعو.... ضد ابوحسين
حاير بلا ناصر..... ناصر الدين
بايعو غيره ونسو افضاله
والنبي لمن رحل اوصاله
عصو امر الله ورسوله الهادي
ياعلي اصبر وحي اوحاله
شيعتي وياي. ابچو لا تنسوني
فاطمه تصيح بالدمع واسوني
...............
أنـدفـن بتـرابه..... والدي وغاب
دنيا ظلمه بدونه...... دمعه ومصاب
ريت وي جسم النبي دفنوني
ولا اظل بالدنيا ويظلموني
ينكسر ظلعي ويطيح اوليدي
ويلي خلف الباب لو عصروني
عمري مأسات ابچي دم خلّوني
فاطمه تصيح بالدمع واسوني
سيد زيد الفحام
___
في مصاب رسول الله مُحمّد (صلى الله عليه وآله)
من هالمصيبه ابدت اعظم رزيه
مات النبي ونجرح گلب الزچيه
.......................
الليله ودّع عترته الهادي مُحمّد
مات مغدور النبي ياناس نشهد
بعترته وصّه الصحابه وبيها ردد
عالزچيه وحيدر واولاده اكّـد
بغيابه ما ينذكر. امر الوصيه
مات النبي ونجرح گلب الزچيه
.......................
ويلي من مات النبي وغمّضها لعيون
طاحو عليه حيدر وفاطم ينوحون
والحسن وحسين يم جدهم يونّون
راح ذاك الچانو بجاله يعيشون
راح النبي وعترته شافو اذيه
مات النبي ونجرح گلب الزچيه
.......................
غمضن عيون النبي والزهره يمه
شبگته ام الحسن تبچي وتشمّه
بويه بويه تصيح مفجوعه وتكلمه
للگبر ويّاك اخذني الدنيا ظلمه
يابويه لا تبتـعـــد ايـدك بديه
مات النبي ونجرح گلب الزچيه
.......................
من رحل طه النبي وعّلن غيابه
ناحت الاكوان والعترة لمصابه
عافت المختار مطروح الصحابه
بالسقيفه جتمعو ونكرو كتابه
يم النبي بس علي حامي الحميه
مات النبي ونجرح گلب الزچيه
.......................
عالخلافه جتمعو وعافو نبيهم
عصو امره وبايعو واحد بديهم
رفضو الراده النبي قائد عليهم
الثاني والاوّل تولّوها بحچيهم
ضد فاطمه وضد علي. صارو سويه
مات النبي ونجــرح گلب الزچيه
.......................
الگالو عله الهادي "يهجُر" مايطيعوه
بآخر انفاس الرسول الهادي اذّوه
لأن وصّه بحيدر الكرار كرهوه
لاشك الثاني والاوّل همه سمّوه
اسّسو ظلم وحقد. للغاضريه
مات النبي ونجرح گلب الزچيه
سيد زيد الفحام
___
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
https://youtu.be/aTdB-PDmOfs?si=VayIPUCF3BrI3P4Q
Читать полностью…
https://youtu.be/LrNt6nABSPw?si=rYN8z7NbNFetulbE
جيتك بدمعي
الملا ميثم الموالي
الشاعر سيد زيد الفحام
جديد 2026
يشرفنا اشتراككم في قناة الشاعر المبدع وليد المندلاوي يوجد فيها كل ما يحتاجه الرادود الحسيني
/channel/wwalmndlaue
ميمر // لقاء الامام زين العابدين عليه السلام مع جابر الانصاري رضوان الله عليه يوم الأربعين
ياجابر هنا بالسيف ذبحوا حبيب الزهره
.....
ياجابر منين ابدي وجروحي هواي
بعاشر محرم ريت حاضر ويّاي
تشوف المصايب راسك يشيب بهاي
من تنظر بصدر حسين. صاعد شمر حز نحره
......
هنا ذبحوا حسين الغريب العطشان
بلا دفن ضلّ مگطّع عله التربان
ياجابر واصعب وشد موقف چان
مخضب بدم نحر حسين. للخيم من رد مُهره
.....
ياجابر هنا بالحوافر سحگوه
وراسه برمح مخضوب بالدم رفعوه
بحرّ الشمس مطروح ظل ما دفنوه
الف وتسعميت جروح ما بين طعنه وطبره
........
وهنا يجابر بالخيم شبّوا نار
وفرّن بنات المصطفى زغار كبار
وانه العليل امن المرض حيلي انهار
انظر فرار النسوان. وما اگدر اطفي الجمره
.......
ياعم يجابر كربله هاي وذاك
عباس عمي عالنهر طاح هناك
ضحّه بچفوفه ودم وريده لمولاك
لحسين وفّه العباس. بچفوف اديه وبعمره
......
وهنا يجابر بالسيوف اتوذّر
اليشبه مُحمّد بالوسامه الأكبر
وبن الحسن جسام ضحّه المنحر
متمسّك بعمّه حسين. نال الشهاده بزغره
......
وهنا يعم چتفوا ادينه الظلّام
بنوگ السبي للكوفه رحنه وللشام
واليوم اجينه لكربله بالآلام
زوار ابواليمه حسين نجري الدمع يم گبره
سيد زيد الفحام
_____
كفيلي كفيلي. خويه عباس
اجيتك اجيتك. مشيّبه الراس
٠٠٠٠٠٠٠٠٠٠٠٠
من طحت عالمشرعه وطاح العلم
ذبحوا حسين وكثر بينه الألم
ال امية حرگو علينه الخيم
ما دريت بحالي. لا خيم لا والي
وحّدي ومحتاره. اجمع باطفالي
بين اطفّي خيامي. بين المّ ايتامي
ما اشوف خيالك. بس شمر گدامي
سبونه سبونه. حدك انداس
اجيتك اجيتك. مشيّبه الراس
٠٠٠٠٠٠٠٠٠٠٠٠
من عكب عينك يعم سكينه
حسين طايح عالثره مگطعينه
الخيل سحكت صدره ومسلبينه
ال امية بخيلهه. دوس صدره بحيلهه
كسّروها ظلوعه. ياهو عنّه يزيلهه
وراس اخوي الغالي. عالرمح ظل عالي
من على التل شفته. ينزف ويبرالي
مصيبه مصيبه. كطعت انفاس
اجيتك اجيتك. مشيّبه الراس
٠٠٠٠٠٠٠٠٠٠٠٠
عالهزل للشام خويه اخذونه
يابوفاضل بالحبل چتفونه
وعالمتن بسياطهم ضربونه
وروسكم كطعوها. عالرمح رفعوها
بالسبي ويّانه. بالشمس خلوها
خويه ما رحموها. عالهزل اذوها
بالسياط اطفالك. تبچي ويسكتوها
هضمني هضمني. جرح الاحساس
اجيتك اجيتك. مشيّبه الراس
٠٠٠٠٠٠٠٠٠٠٠٠
من دخلنه الشام يابوالغيره
حيره يا عباس طحنه بحيره
بس غرب المن وجهنه انديره
ناس ما تحوينه. وناس تضرب بينه
من ظلم عدوانك. ماكو من يحمينه
بالخرابه انعاني. والشتم اذاني
والأشد طبينه. لمجلس السفياني
علينه علينه. تنظر الناس
اجيتك اجيتك. مشيّبه الراس
٠٠٠٠٠٠٠٠٠٠٠٠
من بعد هاي المصايب جيتك
بكربله وللمشرعه تعنّيتك
بالگبر مدفون خويه الگيتك
آنه زينب اني. انهض تلگاني
يابوفاضل وينك. ما اظن تنساني
عالگبر دمعاتي. وشتكي مأساتي
ريتك تشاهدني. وتستمع آهاتي
سبية سبية. بلايه حراس
اجيتك اجيتك. مشيّبه الراس
سيد زيد الفحام
موشح للزهراء عليها السلام
ياعظُم صبرك يحمّاي الحمه
تصبر وياحيف عصرو فاطمه
........
تصبر وام بيتك الزهره انولت
اباب دارك مو بعيده تصوبَت
فاطمه عندك امانه تسلّمَت
دُرّة المختار من رب السمه
........
انت قالع باب خيبر بالحرب
ياعلي ومايصعب عليك الصعب
شلون خلّيت العدو لدارك يطب
وانت صگّار العده بالموزمه
.........
ياعلي بحق فاطمه مُر الصبُر
هاكثُر گلبك تحمّل هاكثُر
عصرت الزهره وضلعها المنكسُر
وطيحت المحسن السابح بالدمه
..........
ليش بگرابه تچتّف ذوالفقار
وبالمعارك چان صيته الانتصار
ليش ماشلته وركنّته عله الجدار
وچان بيدك يصنع اكبر ملحمه
.........
گالو المختار وصّاك ومضه
وانت نفّذت الامر يالمرتضه
صابر وگلبك جمر مثل اللضه
ياعلي وبيك المحن متراكمه
............
فاطمه المعصومه مكسورة ضلع
شگال گلبك من شفتها بهالوضع
من ألمها تنوح وتهل الدمع
عاشت ايام العمر متألّمه
..............
بالوصية اتچتّفت وانت الأسد
صابر بأمر النبي وأمر الصمد
صرت ياحيدر امير عله الشدد
وصبرت وياك الزچيه العالمه
سيد زيد الفحام
________
خدامج احنه وهيهات. ننسه الظلع وصوابه
٠٠٠٠٠
يا فاطمة من مجلسج صحنه بصوت
منعوفج ولا ننسه ثارج للموت
ونلعن بكل صبح ومسية الطاغوت
هو الدفع باب الدار. سَنّ الظلم وسبابه
٠٠٠٠٠
مولاتي احنه بخدمتج ليل انهار
لمصيبتج ننصب عزانه بكل دار
ما ننسه يوم مصابج وكلّ الصار
نعرف الهجموا عالبيت. ونعرف الحرگوا بابه
٠٠٠٠٠
يم الحسن مولاتي عندج خدام
طول الوكت ويّاج مو بس ايام
ما ننسه ثارج والظلع والآلام
والكسر ظلعج معروف هو وجميع اصحابه
٠٠٠٠٠٠٠
گد العهد مولاتي من عاهدناج
ننسه المصايب كلها بس ما ننساج
بضعة محمد فاطمه ما عفناج
وكل شيعي انتي تحضريه. من يدفن بترابه
٠٠٠٠٠٠٠
لابد يجي اليوم ونكشفه المستور
وتتضح للناس الحقيقة بعاشور
منهو بسبب اطماعه ظلعج مكسور
ومنهو الحرگ باب الدار. وغاظ النبي بغيابه
٠٠٠٠٠٠٠٠٠
يظهر المهدي بثورة ضد العدوان
وياخذ بثارج فاطمه منّ فلان
قبة وصحن يبنيلج الغايب چان
هيبة علي وجده وياه. كلّ الملوك تهابه
سيد زيد الفحام
(﷽)
خدمة محبي باسم الكربلائي تقدم:
📜:الليلة المصطفى المختار
✒️:الشعر العربي:السيد زيد الفحام
الشعر الفارسي:بشير الكربلائي
📅:ليلة 30 صفر 1448 هـ
🕌:العتبة الرضوية المقدسة
🎼طور:#شوط_كربلائي
/channel/m7bebasim/61112
الليله المصطفى المختار
ودع فاطمه الزهره
ساعه تشبكه وتشمه
وساعه التسچب العبره
▪️▪️▪️▪️▪️
بفراش الأجل طه
ويمه الزهره مفجوعه
يودعها النبي المختار
حزين وتهمل دموعه
يشاهد بنته تتألم
بين الدمعه واللوعه
يواسيها ويصبّرها
حزينه وتبچي ينظرها
تون مكسور خاطرها
ساعه وتغمض عيونه
ويغيب المصطفى بگبره
▪️▪️▪️▪️▪️
خدا حافظ گل یاسم
حلالم کن مرا زهرا
روم اما دلم خون است
ببین احوال زارم را
زبعد من شوی تنها
ببینی اوج غربت را
ازاین هجران پریشانم
به موج خون دوچشمانم
ببین این آه سوزانم
که سوزد سینه ی صحرا
زآه و ناله ام زهرا
▪️▪️▪️▪️▪️
ودعها وغمض عينه
ومات الهادي بحزانه
مُحمّد يا رسول الله
تصيح بونها حيرانه
راح الچان يرعاها
بعطفه وطيبه وحسانه
راح الهادي والدها
راح الچان يفگدها
غير الدمعه ما عدها
ابوها ونور عيناها
فارگها وختم عمره
◾️◾️◾️◾️
زبعد من جفا برتو
ازاین مردم روا گردد
تمام خانه ات زهرا
زکین دارالبلا گردد
عدو دست علی بندد
به توصدها جفاگردد
زند سیلی چو بر رویت
غلاف کین به بازویت
زند محکم به پهلویت
چه غوغایی به پا گردد
فلک غرق عزا گردد
▪️▪️▪️▪️▪️
ظل يبچي الحسن وحسين
والزهره وعلي وياهم
فارگهـــم رسـول الله
وجرح فراگــه اذّاهم
عترة سيّـد الأكــوان
مصاب الهادي بچّاهم
وينه اللّي يواسيهم
ويهمل دمعته عليهم
ويتمسّك بعـد بيهم
الليله عله النبي المختار
تبچي وتنحب العتره
▪️▪️▪️▪️▪️
خداحافظ عزیزمن
که بعد من خطر بینی
به پشت درب این خانه
هزارو یک شرر بینی
همینجا از فشار در
تو آن داغ پسر بینی
زند ثانی لگد محکم
زند آمال تو برهم
شود اینجا سرای غم
تو رنگ خون بر در بینی
علی راخون جگر بینی
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻 Facebook
https://facebook.com/m7bebasim
📷 Instagram
https://instagram.com/m7bebasem
💠 Telegram
/channel/m7bebasim
📝 Telegram (للقصائد المكتوبة)
/channel/bassempoems
📱 WhatsApp (للقصائد المكتوبة)
https://whatsapp.com/channel/0029Vb8bYJ4DTkKCXJdAJl0r
📲 WhatsApp (للتواصل)
🇱🇧 +96170873295
🇮🇷 +989371659815
💠خدمة محبي باسم الكربلائي💠
شوط كربلائي
[ الليلة المصطفى المختار ]
الشاعر - العربي: السيد زيد الفحام
الشاعر - الفارسي: بشير الكربلائي
-
ليلة ٣٠ صفر ١٤٤٨ هـ
ذكرى استشهاد الرسول الأعظم محمد المصطفى (ص) والامام الرضا (ع)
-الحرم الرضوي
#اللهم_عجل_لوليك_الفرج
💠telegram
/channel/m7bebasim
وداعاً وداعا. يا رسول الله
وداعاً وداعا. يا حبيب الله
٠٠٠٠٠
غايب الهادي محمد جسمه هاليوم اندفن
مات مسموم وتواره بيد ابو حسين وحسن
ناحت الأرض وسماها مو دمع من دم جرن
كل نبي ناح لمصابه والوحي عيونه بچن
نبينه نبينه. حاشا ما ننساه
وداعاً وداعا. يا حبيب الله
٠٠٠٠٠
آه واويلي عله فگده هذا سيد الكائنات
هوه نور الله ورحمته ظلمه بغيابه الحياة
يارسول الله ونبينه نعرف اسباب الوفات
والله سمّوك بحقدهم يارسول الله الجناة
غدرهم غدرهم. چم گلب اذّاه
وداعاً وداعا. يا حبيب الله
٠٠٠٠٠
ونفجع گلب الزچيه فاطمه وظلت تنوح
من كثر ماتبچي ذابت فاطمه مابيها روح
تبچي وتنوح عله ابوها ظلت ابّين الجروح
ساعه يم محرابه تمشي ساعه يم گبره تروح
تندبه تندبه. بالدمع والآه
وداعاً وداعا. يا حبيب الله
٠٠٠٠٠
تگله يالمختار بويه آنه بنتك فاطمه
يالرحت عني وعفتني بالمصيبه المؤلمه
باچر يحرگون داري هالعصابه المجرمه
بويه ويكسرون ظلعي وبچي بغيابك دمه
حزينه حزينه. ماتت ابفرگاه
وداعاً وداعا. يا حبيب الله
٠٠٠٠٠
والوصي الكرار يبچي عالرسول وغيبته
ونفجع گلبه بغيابه عافه وحده ابمحنته
ظلمت الكرار حيدر بالسقيفه امّته
تآمروا ضده الصحابه والله نكروا بيعته
خليله خليله. بالصبر وصّاه
وداعاً وداعا. يا حبيب الله
٠٠٠٠٠
احنه هاليوم اعتنينه يانبينه برايتك
يارسول الله نواسي بالمدامع عترتك
ظلموا الزهره الشريفه من عفتها امّتك
جينه يم حيدر ولينه حته نقره مصيبتك
ولينه ولينه. يخسر العاداه
وداعاً وداعا. يا حبيب الله
سيد زيد الفحام
قصيدة لمصاب رسول الله مُحمّد (صلى الله عليه وآله)
فاطمـــه تودع ابوها.
تدري بعــده يعذّبوها
لو رحل يستضعفوها.
تبچي وتنوح
تبچي وتنوح
..................
فاطمه بتمن يعالم بت مُحمّد
مدلله بجاله ولا يهضمهه احّد
تشوف ابوها الهادي بجروحه تمدد
الليله ودّع فاطمه الهادي وتشهّد
گبل لحظات المنية
ودّع الزهره الزجية
وستعـــدّت للأذيـة
تبچي وتنوح
تبچي وتنوح
..................
بحجر حيدر خلّه راسه سيد الناس
ظل يواسي الزهره بنته بآخر انفاس
تگلّه بويه خلاف عينك بيتي ينداس
وحيدر تچتفه الوصية وماكو حراس
تهجم اصحابك علينه
والوصي محّد يعينه
لو عفتنه شلون بينه
تبچي وتنوح
تبچي وتنوح
..................
گلهه يابنتي الوديعة ادري ينصاب
ظلعچ وطفلج توگعه دفعـة الباب
ذوله مو اصحابي للشيطان اصحاب
منهم اتبرّه وعليهم باچر حساب
صبري يابنتي الحبيبه
من تحل بيچ المصيبه
صارت ايامـچ قريبـــه
تبچي وتنوح
تبچي وتنوح
..................
غمضت عيونه حبيب الله ونبيّه
بحجر حمّاي الحمه حيدر وصيّه
طاحت عليه فاطمه بذيچ المسيّه
تبچي وتنادي يبويه شلون بيّه
شبگته وشتد ألمهه
وحيدر يصبّرها يمهه
والحزن اكثر هضمهه
تبچي وتنوح
تبچي وتنوح
..................
غسّل المختار حيدر بيده ويلاه
فاطمه تبچي عله ابوها وتنحب وياه
گبل لا يدفن مُحمّد طه وصّاه
خل تودعه الزهره بنته بدمعة الآه
صوّبت گلبي بمصابك
عمري ماريده بغيابك
اندفـن ريت بتـرابــك
تبچي وتنوح
تبچي وتنوح
..................
تدري بصحابك بعد عينك يغدرون
بويه نكروها وصيتك ما ينفذون
عالخلافه اجتمعوا لغيرك يطيعون
عافوا الكرار طاعوا ايـد ملعون
هجموا علينه بحقدهم
بس علي ويگدر يردهم
لكن لأمـرك تـركــــــــهم
تبچي وتنوح
تبچي وتنوح
سيـد زيــد الفحـام
__________
قصيدة في رثاء رسول الله محمد صلى الله عليه واله
يارسول الله وحبيبه
ياعُظم هاي المصيبه
...........
يارسول الله مُحمّد يانبينه الغالي
الله خصّك بالنبوّه يالمقامك عالي
فضلك عله الأمّه واضح انت نِعمْ الوالي
تالي ما حفظت وصيتك من عفتهم تالي
اذّتك هاي العجيبه
ياعُظم هاي المصيبه
.............
عترتك وصّيت بيها تنحفظ بغيابك
علي والحسنين ومهم عترتك وحبابك
تالي ظلموهم يطاها من غبت بترابك
حرگوا الدار عله هلها ونار تسعر بابك
اذّوا الزهره الحبيبه
ياعُظم هاي المصيبه
..............
تهجر يگولون عنك چي ردت توصيهم
بعدك الكرار والي وهذا ما يرضيهم
يدّعون اصحاب لكن انت تعلم بيهم
تبعوا الطاغوت وسفه وعافوا اليهديهم
امست العترة غريبه
ياعُظم هاي المصيبه
..............
بس علي الكرار يمك يانبينه تشوفه
حاضر بساعة وفاتك چفّك عله چفوفه
للسقيفه الناس راحت عالطمع ملهوفه
بايعت واحد خليفه والأمير تعوفه
بعدك المحنة عصيبه
ياعُظم هاي المصيبه
...............
فاطمه الزهراء تبچي من غبت ظلموها
ويلي خلف الباب لاذت سيدي وعصروها
طاح محسنها يطاها وبالصدر صابوها
فوگ كل هذا يويلي عالوجه سطروها
ظلموا المنّك قريبه
ياعُظم هاي المصيبه
سيد زيد الفحام
_____
نعي لمصاب رسول الله محمد صلى الله عليه وآله
غالي الأبو ويكتل رحيله
ولو غاب مايحصل مثيله
يجرح گلب بنته وخليله
راح اللذي همي يزيله
ضليت من بعده عليله
راح المصطفه سيد البريه
راح الكل وكت ينشد عليه
انه ام الحسن بنته الزچيه
يريت بداله تاخذني المنيه
ولاشوف من بعده الاذيه
ودعني ابوي وراح منّي
تراب الگبر اخفاه عنّي
ابچي عله گبره وطال ونّي
ظني انگطع ياناس ظنّي
بعده المصايب هالأجنّي
ابويه المصطفه توسّد. ترابه
راح الچانت عيوني. ترابه
يون گلبي وصحت حگه. ترابه
جرح ما يشفه ينزف للمنيه
#سيد_زيد_الفحام
'____
https://youtu.be/CBT7SmkkxLw?si=xP4uIzjqQvaf_GKp
ما يذلوها
الحاج جليل الكربلائي
الشاعر سيد زيد الفحام
محرم ١٤٤٨هـ
لسان حال مولاتي زينب عليها السلام يوم الاربعين
خويه وينك. جايه من درب اليسُر
خويه وينك. جايبه جروح شكثُر
خويه وينك. تدري ضيّعت الكبُر
خويه وينك. خويه وينك
٠٠٠٠٠٠٠٠٠٠٠٠٠٠٠
آني زينب. حسين يبن امي وحبيبي رد علية
ما شفتني. جيتك بيا حال مهضومة وسبية
وينه گبرك. ارد اشم ترابه وشكي الصار بية
عذبوني. بيا وكت عالناكه مچتوفه ادية
خويه دليني عله گبرك ياحسين
صدك ما تسمع نحيبي والونين
جيت ازورك وبچي دم بالاربعين
هذا حالي مو مثل ما چنت امس
هذا حالي. غيّرت شكلي الشمس
هذا حالي. ميته من دونك احس
خويه وينك. خويه وينك
٠٠٠٠٠٠٠٠٠٠٠٠٠
اشتكيلك. خويه من يا لوعه ابدي ويا مصيبه
ابدي بيها من رحت للشام عالناكه غريبه
تدري بية. يحدي بية الشمر مجتوفه وسليبه
بت محمّد. عالهزل تنشاف زينبكم عجيبه
تنظر عيون الشماته بلا خجل
وآنه حرمه بلا كفيل ولا اهل
لا عشيرة ولا وفزع واحد سئل
من زلمنه. بس عليل بكربله
من زلمنه. امگيّدينه بسلسله
من زلمنه. ماكو يحمي العايله
خويه وينك. خويه وينك
٠٠٠٠٠٠٠٠٠٠٠٠٠
والمصيبه خويه للشام بقساوتهم خذونه
من وصلنه. شتم وحجار وشماته ستقبلونه
والله متنه. لمجلس يزيد النذل من دخّلونه
انتهينه. الناس تتفرج علينه وما حمونه
يضرب براسك يبواليمه النذل
وآنه اباوع خويه والمدمع يهل
فوگ هذا الصار مچتوفه بحبل
يا هضيمه. بية يتشمّت عدو
يا هضيمه. يشتم باقدس ابو
يا هشيمه. بعازت لفزعت اخو
خويه وينك. خويه وينك
٠٠٠٠٠٠٠٠٠٠٠٠٠
جينه يمك. امن السبي يحسين يم گبرك اجينه
تدري بينه. حرم وطفال شكثر نحنه وبچينه
يا ولينه. انفض تراب الگبر ونظر علينه
مو شكلنه. مصايب الشام الجرت شمسويه بينه
راسك براس الرمح ينزف ألم
لحالي شيّب ادري ولحال الحرم
جبته ليك لكربله وحيلي انهدم
رد علية حسين يبن امي صحت
رد علية. خويه يم گبرك طحت
رد علية ليش ياخويه رحت
خويه وينك. خويه وينك
٠٠٠٠٠٠٠٠٠٠٠٠٠
لا تگلي. وين يازينب رقيه الدلّلتها
ما جبتها. ماتت وبالشام يبن امي ادفنتها
يتمتّها. بالخرابه اشكد بچت من فاركتها
بالمناحه. خويه شبكت راسك وماتت شفتها
چم يتيمه العذّبوها وچم طفل
خويه واليبچي عليكم ينقتل
وسوط عدوانك مثل رمي النبل
عذبونه. خويه من درب لدرب
عذبونه. عالهزل بين الغرب
عذبونه. دارت علينه الحرب
خويه وينك. خويه وينك
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
https://youtu.be/iHzS4z8mga4?si=iLrsksWwrn527eQB
اجينه لحضرتك
الرادود خضر عباس
الشاعر سيد زيد الفحام
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
بده الزحف الحسيني ورفت الرايه
اجت لحسين كل الشيعه مشايه
.......
زوار الحسين بخالص النيه
يحيون الزياره الاربعينيه
يواسون الاجت مهضومه مسبيه
من جور السبي متغيّره هوايه
......
صاحت كربله وصحابها بكلمه
ياميّة هلا بزوار ابواليمّه
حضّرنه المواكب كلها للخدمه
وعين الزهره ترعاكم يوفايه
.........
خطار الحسين نشيله فوگ الراس
ونستقبل ضيوفه براية العباس
حُبنه لخدمة الزوار ما ينقاس
الشيخ حسين نخدم شيخنا الغايه
........
يمن ارواحكم لحسين ملهوفه
مثل ماي البحر ممشاكم نشوفه
يستقبلكم العباس بچفوفه
وكل زاير يزوره يرتوي بمايه
..........
تواسون العقيله بهذا ممشاكم
اكيد الزهره تمشي وتبچي ويّاكم
منّ بيوتكم للحضره ترعاكم
والمهدي يگلكم سيروا بحمايه
...........
زينب رجعت امن الشام لخوتهه
يزوار الحسين نواسي دمعتهه
لخوها حسين تشكي جروح غيبتهه
وعدها ويالكفلهه عتاب وحچايه
.........
زينب من اجت ركضت ركض لحسين
طاحت عالگبر تشكي بدموع العين
تگلّه ما دريت بزينب اختك وين
وهاي طفالك وكل الحرم هايه
.........
يزوار وبعد ونذكر جرح ألهه
تعثر بالجدم راحت لكافلهه
تحچيله المصايب والمحن كلهه
من درب السبي تشكي الألم جايه
.........
يم حسين تحله اللطمه والدمعه
وكل شيعة علي يم صحنه مجتمعه
ولاشك فاطمه موجوده هم تنعه
بصحن حسين تحله هواي الاقرايه
سيد زيد الفحام
__'
يزوار تنادي كربله
يزوار. هلا بيكم هلا
٠٠٠٠٠٠٠٠٠
هلا بشيعة علي اجيتو عله الوعد
ولا همكم تعب. مشي من كل بلد
مشيكم كل سنه. مضيتو بهالعهد
لبواليمه المشي. ابو يوصي الولَد
يعشّاگ. شجاعه ومرجلَه
يزوار. هلا بيكم هلا
٠٠٠٠٠٠٠٠٠
مشينه امن البحر. الى صوب النحر
يظل هذا المشي. على اعناد الدهر
لبواليمه السبط. وبوالغيره الگمر
على طول الدرب. تحدّيتو الخطر
تواسون. مسير العايله
يزوار. هلا بيكم هلا
٠٠٠٠٠٠٠٠٠
وفه لآل النبي مشيكم عالجدَم
غريبه لكربله. العقيله والحرم
اجت منّ السبي. مشي لراعي العلم
دعمكم من يهل يخف منها الألم
للحسين. مشيها تواصله
يزوار. هلا بيكم هلا
٠٠٠٠٠٠٠٠٠
هلا ومية هلا. يزوار الولي
جدم يتبع جدم. علي وياكم علي
عددكم لو كثر يغيض العاذلي
هتافات المشي. بدربكم تعتلي
المشي جاي. عظيم المنزله
يزوار. هلا بيكم هلا
٠٠٠٠٠٠٠٠٠
يزوار شكثر تحبكم فاطمه
ويمدكم بالعزم. علي حامي الحمه
وتخصكم بالذِكِر. ملائكة السمه
ذنبكم ينغفر. اذا مسكم ضمه
تنالون. ثواب البسمله
يزوار. هلا بيكم هلا
٠٠٠٠٠٠٠٠٠
مواكبكم اجت. مثل جاري النهر
معاكم بالمشي الامام المنتظر
يقوّيكم اذا تعبتو امن السفر
جنود بثورته. اذا باجر ظهر
ملايين. سند صاروا اله
يزوار. هلا بيكم هلا
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
موشح رجوع مولاتي زينب عليها السلام
هاي زينب رجعت باحزانها
جابت العيله واجت لخوانها
٠٠٠٠٠٠٠٠
هاي زينب بالدموع الهامله
رجعت امن الشام وصلت كربله
جابت وياها بحزنها العايله
تشكي زينب من سبي عدوانها
٠٠٠٠٠٠٠٠
تشكي زينب من مصايبها اجت
حچت وي خوانها وشگد بچت
الچانت بعزهم اميره تعذّبت
ما دروا بيها شحصل وليانها
٠٠٠٠٠٠٠٠٠
ما دروا بيها مشت زينب سبي
لديرة الشام ابمرار الأجنبي
بيها يتشمّت سبية الناصبي
حيل يجرحها ويزيد اشجانها
٠٠٠٠٠٠٠٠٠
رجعت لطف كربله بعد اليسر
لگبر اخوها حسين مشتاگه شكثر
وصلت لطف كربله بفارغ صبر
تراب گبره حضنته بذرعانها
٠٠٠٠٠٠٠
حضنت تراب الگبر بت فاطمه
تشكي لحسين المصيبه المؤلمه
دموعها مو ماي نزلن من دمه
تشكي همها ومن زمنها الخانها
٠٠٠٠٠٠٠٠٠
راحت لگبر الكفلهه عله النهر
تصيح يا عباس دولبني الدهر
جيت يمك خويه من درب السفر
كوم رد اختك تريد اوطانها
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠