2785
Ички ишлар органлари фаолиятига оид янги норматив-ҳуқуқий ҳужжатлар, ислоҳотлар ва бошқа соҳа фаолиятига доир янгиликлар ҳамда тезкор маълумотлар тақдим этувчи канал.
❇️ Ish haqi, pensiyalar va nafaqalar miqdori oshadi
“Ish haqi, pensiyalar va nafaqalar miqdorini oshirish toʻgʻrisida”gi Prezident Farmoni qabul qilindi
👉Farmonga koʻra:
🔸2023-yil 1-apreldan pensiyalar va nafaqalar miqdori 7 foizga oshiriladi.
🔹2023-yil 1-apreldan Oʻzbekiston hududida:
🔸pensiyani hisoblashning bazaviy miqdori – oyiga 347 000 soʻm;
🔹yoshga doir eng kam pensiya miqdori – oyiga 677 000 soʻm;
🔸nogironlik pensiyalari, jumladan ish staji toʻliq boʻlmagan chogʻdagi nogironlik pensiyasining eng kam miqdori – oyiga 747 000 soʻm;
🔹mehnatga layoqatsiz fuqarolarga beriladigan nogironlik nafaqasi va bolalikdan nogironligi boʻlgan shaxslarga beriladigan nafaqa miqdori – oyiga 747 000 soʻm;
🔸1941–1945-yillardagi urush oqibatida nogiron boʻlgan shaxslar va uning qatnashchilari, shuningdek, fashistlar konslagerlarining voyaga yetmagan sobiq mahbuslari va Leningrad shahri qamal qilingan davrda ishlagan shaxslarning eng kam pensiya miqdori ustamalarni inobatga olgan holda – oyiga 3 296 000 soʻm;
🔹belgilangan yoshga doir eng kam pensiya miqdoridan (677 000 soʻmdan) 747 000 soʻmgacha pensiya oluvchilarning yoshga doir pensiyalari miqdori – oyiga 747 000 soʻm;
🔸zarur ish stajiga ega boʻlmagan keksa yoshdagi fuqarolarga beriladigan nafaqa miqdori – oyiga 535 000 soʻm;
🔹ish staji toʻliq boʻlmagan chogʻdagi yoshga doir pensiyaning eng kam miqdori qoʻshimcha toʻlovni hisobga olgan holda – oyiga 535 000 soʻm;
🔸oʻzgalar parvarishiga muhtoj nogironligi boʻlgan 18 yoshgacha bolalarning parvarishi bilan band boʻlgan bolaning qonuniy vakiliga beriladigan nafaqa miqdori – oyiga 535 000 soʻm;
🔹boquvchisini yoʻqotganlik nafaqasi oluvchilarning bir nafar mehnatga qobiliyatsiz oila aʼzosi uchun nafaqa miqdori – oyiga 535 000 soʻm etib belgilandi va keyingi har bir mehnatga qobiliyatsiz oila aʼzosi uchun – 198 000 soʻmdan qoʻshiladi;
🔸boquvchisini yoʻqotganlik pensiyasi oluvchilarning bir nafar mehnatga qobiliyatsiz oila aʼzosi uchun pensiyaning eng kam miqdori – oyiga 535 000 soʻm etib belgilandi va keyingi har bir mehnatga qobiliyatsiz oila aʼzosi uchun amaldagi tartibga muvofiq pensiya toʻlanadi.
🔹Shuningdek, 2023-yil 1-maydan byudjet tashkilotlari xodimlarining ish haqi miqdori 7 foizga oshiriladi.
👉 2023-yil 1-maydan Oʻzbekiston hududida:
🔸mehnatga haq toʻlashning eng kam miqdori – oyiga 980 000 soʻm;
🔹bazaviy hisoblash miqdori – oyiga 330 000 soʻm etib belgilandi.
@Yurist_GUVD
❇️Jismoniy shaxslarga ayrim davlat koʻchmas mulklarini xususiylashtirish uchun onlayn auksionga chiqarish boʻyicha ariza berish huquqi beriladi
“Iqtisodiyotda davlat ishtirokini qisqartirishning qoʻshimcha chora-tadbirlari toʻgʻrisida”gi Prezident qarori (PQ–102-son, 24.03.2023-y.) qabul qilindi
👉Qarorga koʻra, quyidagilar tasdiqlandi:
🔹ommaviy savdolar orqali toʻliqligicha sotiladigan 1 001 ta korxonaning aksiya paketlari (ulushlari) roʻyxati;
🔸aksiya paketlari “bitta aksiya – bitta lot” tamoyili asosida xalq IPOsini oʻtkazish tartibida ommaviy savdolar orqali sotiladigan 40 ta korxona roʻyxati;
🔹ommaviy savdolar orqali sotiladigan 1 046 ta davlat va davlat ishtirokidagi korxonalarning koʻchmas mulk obyektlari roʻyxati;
🔸munitsipal mulk obyektlarini belgilash mezonlari.
🔹 2023-yil 1-iyuldan jismoniy shaxslarga “Davlat mulki” axborot tizimi orqali maydoni 2 000 metr kvadratgacha boʻlgan davlat koʻchmas mulk obyektlarini xususiylashtirish yoki ijaraga berish uchun toʻgʻridan-toʻgʻri onlayn auksion savdolariga chiqarish boʻyicha ariza berish huquqi beriladi.
👉 2023-yil 1-sentyabrdan:
🔹koʻchmas mulk obyektlari va davlat ulushlari xususiylashtirilganligi toʻgʻrisidagi davlat namunasidagi order va sertifikat Davlat xizmatlari markazlari yoki YAIDXP (my.gov.uz) orqali beriladi;
🔸xaridorlar bilan shartnomalar “E-auksion” elektron savdo platformasida elektron shaklda rasmiylashtiriladi;
🔹har chorakda joyiga chiqqan holda investitsiya majburiyatlarining bajarilishini oraliq monitoring qilish tartibi bekor qilinadi;
🔸investitsiya majburiyatlarining bajarilishi toʻgʻrisidagi hisobotlarni qogʻoz shaklida taqdim etish tartibi bekor qilinib, tegishli davlat organlari va tashkilotlarning elektron bazasini “Davlat mulki” axborot tizimiga integratsiya qilish va tadbirkorlar elektron tizimga kiritadigan maʼlumotlar orqali hisobotlarni olish yoʻlga qoʻyiladi.
👉 2023-yil 1-sentyabrgacha davlat ixtiyoridagi istirohat bogʻlari xatlovdan oʻtkaziladi.
@Yurist_GUVD
🔹 2023-yil 1-apreldan
🔸 Maktabgacha taʼlim qamrovini kengaytirish maqsadida:
🔹 yangi maktabgacha taʼlim tashkilotlari faoliyatini koʻp kvartirali uylarning noturar qavatlarida yoki yakka tartibda qurilgan uy-joylarni sotib olish va keyinchalik ularni taʼmirlash hamda jihozlash orqali tashkil etishga ruxsat etiladi;
🔸 davlat-xususiy sheriklik loyihasi doirasida ijaraga berilgan yer uchastkasida nodavlat maktabgacha taʼlim tashkiloti binosini qurgan xususiy sherik tomonidan ushbu binoning mazkur loyiha uchun bank kreditlari boʻyicha garovga qoʻyilishiga oid cheklovlar bekor qilinadi.
@Yurist_GUVD
❇️Ўз айбини тан олганлик ягона далил бўлса, шахс жазога тортилиши мумкин эмас
🔹Янги таҳрирдаги Конституциянинг 28-моддасидаги нормага асосан, “Агар шахснинг ўз айбини тан олганлиги унга қарши ягона далил бўлса, у айбдор деб топилиши ёки жазога тортилиши мумкин эмас”.
@Yurist_GUVD
3️⃣0️⃣ МАРТ КУНИ СОДИР БЎЛГАН МУҲИМ ТАРИХИЙ ҲОДИСАЛАР
🚫 1775 йил — Буюк Британия парламенти Шимолий Америка мустамлакаларининг Британиядан бошқа давлатлар билан савдо қилишини тақиқлаган;
⚔️ 1814 йил — Наполеонга қарши
иттифоқчи кучлар (Россия, Англия, Пруссия) Парижни эгаллаб олган ва Наполеон ҳокимиятига чек қўйган;
📌 1820 йил— Гавайи оролларига илк америкалик миссионерлар келишган;
🤝 1856 йил— 1853-1856 йилларда бўлиб ўтган Қрим уруши Парижда тинчлик шартномаси имзоланиши билан якунланган;
📜 1867 йил— Вашингтонда Россия-Америка шартномаси имзоланиб АҚШ Аляскани Россиядан 7,2 миллион долларга сотиб олган;
✅ 1870 йил —АҚШ Конституциясига 15-тузатиш кучга кирган, унда овоз бериш ҳуқуқини беришда ирқий ажратиш бекор қилинган;
⚔️ 1905 йил— Грекларнинг Крит оролидаги турклар ҳукмронлигига қарши қўзғолони юз берган;
🚊 1943 йил— Тошкент темирйўлчилари асбоб-ускуналар ортилган эшелонни Сталинград темирйўл тармоғини тиклаш учун юборган;
⚔️ 1945 йил — Германия қўшинлари Гданскдан (Польша) ҳайдаб чиқарилган;
📸 1950 йил — Нью-Жерси штатида янги кашфиёт— фототранзистор намойиш этилган;
🧰 1953 йил — Италиядаги антидемократик сайлов қонунчилигига норозилик сифатида умумий иш ташлаш бўлган;
🇬🇧 1972 йил— Буюк Британия Шимолий Ирландияда тўғридан-тўғри бошқарувни жорий қилган;
🔫 1981 йил — АҚШ президенти Рональд Рейганнинг ҳаётига суиқасд қилинган;
🖼 1987 йил—Лондон ким ошди савдосида Ван Гогнинг "Кунгабоқар" картинаси 50 миллион долларга сотилган;
🇺🇿 1990 йил— Ўзбекистон Республикасида 41 кишидан иборат ижроия ҳокимияти тузилган;
📺 1992 йил — Томас Ҳаррис асари асосида суратга олинган "Қўзичоқлар сукунати" фильми бешта Оскар мукофотига сазовор бўлган;
⚖️ 1992 йил — Портленд шаҳар суди қарори билан "Philip Morris" тамаки ишлаб чиқариш компанияси зиммасига қирқ йил давомида Марльборо сигаретасини чекиб ўпка саратонидан вафот этган кишининг оиласига 81 миллион доллар тўлаш ҳукми юклатилган;
🇧🇾 1995 йил— Белоруссия Президенти А. Лукашенко парламентни тарқатиш бўйича референдум эълон қилган.
@Yurist_GUVD
✔️Референдум тушунчаси: тартиби, тарихи ва истиснолар
🔹Ўзбекистон Республикасининг референдуми республика қонунларини ва бошқа қарорларни қабул қилиш мақсадида жамият ва давлат ҳаётининг энг муҳим масалалари юзасидан фуқароларнинг умумхалқ овоз беришидир. Референдум сайловлар билан бир қаторда халқ иродасининг бевосита ифодаси бўлиб, унда қабул қилинган қарорлар олий юридик кучга эга бўлади.
🔶Аслида референдум тушунчаси қандай маънони англатади?
🔹 «Референдум» сўзининг маъноси давлат аҳамиятига эга бўлган муҳим масалалар бўйича ўтказиладиган ва баъзан қонунлар қабул қилиш учун асос бўлиб хизмат қиладиган умумхалқ сўрови, овоз бериш йўли билан халқ фикрини аниқлашдир, – дейди Фуқаролик ишлари бўйича Қўқон туманлараро судининг раиси Акмал Розиқов. – Юртимизда «Ўзбекистон Республикасининг референдуми тўғрисида»ги қонун дастлаб 1991 йил 18 ноябрь куни қабул қилинган бўлиб, мазкур қонун йиллар давомида халқаро ва Ўзбекистон Республикасида орттирилган амалий тажрибаларни инобатга олган ҳолда 2001 йил 30 август куни янги таҳрирда қабул қилинган.
🔹Агар референдумда қабул қилинган қарорларда бошқача тартиб назарда тутилган бўлмаса, қарорлар фақат референдум йўли билан бекор қилиниши ёки ўзгартирилиши мумкин. Референдум Ўзбекистон Республикасининг бутун ҳудудида ўтказилади.
🔶 Референдумда кимлар иштирок этади?
🔹 Референдум ўтказиладиган кунга қадар ёки референдум кунида ўн саккиз ёшга тўлган Ўзбекистон Республикасининг ҳар бир фуқароси референдумда иштирок этиш ҳуқуқига эгадир. Ўзбекистон Республикаси ҳудудидан ташқарида истиқомат қилаётган ёки турган Ўзбекистон Республикасининг фуқароси референдумда иштирок этишга тўла ҳақлидир.
🔹Суд томонидан муомалага лаёқатсиз, деб топилган фуқаролар, шунингдек, оғир ва ўта оғир жиноятлар содир этганлиги учун суд ҳукми билан озодликдан маҳрум қилиш тарзидаги жазони ижро этиш муассасаларида сақланаётган шахслар референдумда иштирок этиш ҳуқуқига эга эмас.
🔹Келиб чиқиши, ижтимоий ва мулкий мавқеи, ирқий ва миллий мансублиги, жинси, маълумоти, тили, динга муносабати, машғулотининг тури ва хусусиятига қараб, фуқароларнинг референдумда қатнашиш ҳуқуқини бевосита ёки билвосита чеклаш ман этилади.
🔶 Референдумда овоз бериш тартиби қандай?
🔹 Референдумда овоз бериш бюллетени фуқаро томонидан яширин овоз бериш кабинаси ёки хонасида тўлдирилади. Овоз бериш бюллетенини тўлдириш вақтида овоз берувчидан бошқа шахсларнинг ҳозир бўлиши тақиқланади. Бюллетенни мустақил равишда тўлдириш имконига эга бўлмаган фуқаро ўз хоҳишига кўра, референдум ўтказувчи комиссия таркибига кирадиган шахслардан, кузатувчилардан бошқа бирон кишини кабина ёки хонага таклиф қилишга ҳақлидир.
🔹Фуқаролар овоз бериш бюллетенида референдумга қўйилаётган масала бўйича ўзи овоз бераётган вариант рўпарасида, ўнг томонда жойлашган бўш квадратга кўрсатилган белгилардан бирини қўяди.
🔹Тўлдирилган бюллетенни фуқаро овоз бериш қутисига ташлайди. Овоз бериш қутилари референдум ўтказувчи участка комиссияси аъзоларига ҳамда кузатувчиларга кўриниб туриши керак.
🔹Бузиб қўйилган овоз бериш бюллетени фуқаронинг илтимосига кўра, янгиси билан алмаштирилиши мумкин. Бузиб қўйилган овоз бериш бюллетенлари ҳисобга олиниши, бекор қилиниши ва алоҳида сақланиши лозим.
🔹Айрим фуқаролар соғлиғининг ҳолатига ёки бошқа сабаблар билан овоз бериш биносига кела олмаса, уларнинг илтимосига кўра, референдум ўтказувчи участка комиссияси овоз беришни ана шу фуқаро турган жой бўйича, кўчма овоз бериш қутиларидан фойдаланиб ташкил этади.
🔶 Фуқаролар муддатидан олдин ҳам овоз бериши мумкинми?
🔹 Референдум куни ўз яшаш жойида бўлиш имкониятига эга бўлмаган овоз берувчи муддатидан олдин овоз бериш ҳуқуқига эга.
🔹Муддатидан олдин овоз бериш референдумга ўн кун қолганида бошланади ва референдумга уч кун қолганида тугалланади. Муддатидан олдин овоз беришни ўтказиш вақти Ўзбекистон Республикаси Марказий сайлов комиссияси томонидан белгиланади ва фуқароларнинг, кузатувчиларнинг эътиборига оммавий ахборот воситалари орқали етказилади.
🔷Nogironligi boʻlgan bolalarga nafaqa murojaat qilinganligidan qatʼiy nazar tayinlanadi
Hukumat qarori bilan (119-son, 23.03.2023-y.) “Ijtimoiy himoyaga muhtoj boʻlgan ayrim toifadagi shaxslarga nafaqa tayinlash va toʻlash tartibi toʻgʻrisida nizom” tasdiqlandi
✔️ Nizom bilan quyidagi ijtimoiy himoyaga muhtoj ayrim toifadagi shaxslarga nafaqalarni tayinlash tartiblari belgilandi:
🔸nogironligi boʻlgan 18 yoshgacha bolalarga;
🔹oʻzgalar parvarishiga muhtoj nogironligi boʻlgan 18 yoshgacha bolaning parvarishi bilan band boʻlgan qonuniy vakilga;
🔸davlat pensiyasini tayinlash uchun zarur ish stajiga ega boʻlmagan I va II guruh nogironligi boʻlgan shaxslarga;
🔹davlat pensiyasini olish huquqiga ega boʻlmagan vafot etgan shaxsning qaramogʻidagi oilaning mehnatga layoqatsiz aʼzolariga;
🔸davlat pensiyasini tayinlash uchun zarur ish stajiga ega boʻlmagan keksa yoshdagi shaxslar hamda bolalikdan nogironligi boʻlgan farzandi bor (boʻlgan) onalarga.
✔️ Shunga koʻra, quyidagi nafaqalar tayinlanadi:
🔹 nogironligi boʻlgan 18 yoshgacha bolalarga nogironlik nafaqasi;
🔸 parvarishlash nafaqasi;
🔹 nogironlik nafaqasi;
🔸 boquvchisini yoʻqotganlik nafaqasi;
🔹 yoshga doir nafaqa.
➖ Nogironligi boʻlgan 18 yoshgacha bolalarga nafaqa hamda parvarishlash nafaqasi Pensiya jamgʻarmasi tomonidan “proaktiv shakl”da tayinlanadi.
➖ Nogironlik, boquvchisini yoʻqotganlik va yoshga doir nafaqalar tayinlanishi uchun davlat xizmatlari markazlari yoki YAIDXP (my.gov.uz) orqali murojaat qilinadi.
➖ DXM maʼlumot olingandan soʻng 5 daqiqa ichida:
➖nafaqa tayinlangan taqdirda, nafaqani qachon va qayerdan olish toʻgʻrisida murojaat qiluvchini xabardor qiladi.
🔹 Nafaqalar nafaqa oluvchining xohishiga koʻra nafaqani yetkazib berish (topshirish) vakolati yuklangan tashkilot yoki fuqarolarning depozit hisobvaraqlariga pul oʻtkazish yoʻli bilan bank filiali orqali toʻlanadi.
🔸 Nafaqalar har oyda belgilangan muddatlarda, biroq joriy toʻlov oyidan kechikmay toʻlanadi.
🔹 Nafaqa oluvchi Oʻzbekiston hududida doimiy yashash uchun boshqa tuman (shahar)ga koʻchganda, nafaqani toʻlash yangi yashash joyi boʻyicha davom ettiriladi. Bunday holatda nafaqa toʻlash avvalgi yashash joyi boʻyicha nafaqa toʻlash toʻxtatilgan vaqtdan boshlab davom ettiriladi.
@Yurist_GUVD
🔸Доно нодондан ўзини бир поғона қуйи тутса, ҳайрон бўлманг. Тарозининг юкли палласи бўш палладан доим пастроқда туради.
Ўткир Ҳошимов
@Yurist_GUVD
2️⃣3️⃣ МАРТ САНАСИДА СОДИР БЎЛГАН МУҲИМ ТАРИХИЙ ВОҚЕАЛАР
❌ 1324 йил — Папа Иоанн XXII император Луи Людвиг (Людовик) Баварсскийни черковдан ҳайдаган;
🎼 1743 йил— Георг Генделнинг "Масиҳ" ораторияси биринчи марта Лондонда ижро этилган;
📸 1841 йил— Ричард Биэрд Лондонда Европада биринчи фотостудияни очган. Бир йил олдин, худди шундай муассаса Нью-Йоркда америкалик Александр Уолкотт томонидан ташкил этилган эди.
🇭🇺 1848 йил —Венгрия Австриядан мустақиллигини эълон қилган;
💡 1876 йил—рус муҳандиси Павел Яблочков электр лампочкасини патентлаган;
⚽️ 1891 йил — Англияда шимол ва жануб футбол жамоалари ўртасидаги ўйинда илк марта дарвозага тўп осилган;
🇵🇰 1956 йил— биринчи Ислом республикаси — Покистон тузилганлиги эълон қилинган;
📌 1966 йил—Римда 400 йил ичида биринчи марта Рим Папаси ва Кентербери архиепископининг расмий учрашуви бўлиб ўтган;
🛰 1983 йил— Совет космик ультрабинафша телескопи— Астрон ишга туширилган;
📺 1983 йил — Миллий телевидение орқали чиқиш қилган АҚШ Президенти Рональд Рейган Стратегик мудофаани ривожлантириш ташаббусини илгари сурган;
🛰 2001 йил— Мир орбитал станциясининг Фиджи ороллари яқинидаги Тинч океанининг жанубидаги чўкиши содир бўлган.
@Yurist_GUVD
🟩 Референдумда муддатидан олдин овоз бериш жараёни 19-26 апрелда бўлиб ўтади
👉 “Ўзбекистон Республикаси Конституцияси тўғрисида”ги Ўзбекистон Республикаси Конституциявий Қонуни лойиҳаси бўйича Ўзбекистон Республикасининг референдуми 2023 йил 30 апрель куни ўтказилади.
👉 Референдум куни ўз турар жойида бўлиш имкониятига эга бўлмаган фуқаролар муддатидан олдин овоз бериши мумкин.
@Yurist_GUVD
👉 O'zboshimchalik – “o'zicha sudlash” (samosud) fuqarolarga BHMning uchdan bir qismidan bir baravarigacha (270 ming so'mgacha), mansabdor shaxslarga esa 1 baravaridan 3 baravarigacha (810 ming so'mgacha) miqdorda jarima solishga sabab bo'ladi.
👉 Xuddi shu harakatlar ko'p miqdorda zarar (BHMning 300-500 baravarigacha) yoki jiddiy ziyon yetkazilishiga sabab bo'lsa, mazkur qilmish jinoyat hisoblanib, BHMning 50 baravarigacha (13 mln 500 ming so'mgacha) jarima yoki 300 soatgacha majburiy jamoat ishlari yoxud 2 yilgacha axloq tuzatish ishlari bilan jazolanadi.
🔹Bundan tashqari, ushbu qilmishni sodir etgan shaxs samosud oqibatida vujudga keladigan jinoyatlar (tan jarohati yetkazish, o'zini o'ldirish darajasiga yetkazish, qasddan odam o'ldirish va h.k.)ning har biri uchun alohida javobgarlikka tortiladi.
@Yurist_GUVD
🟩 Sud ekspertizasi tadqiqotlarini oʻtkazish tartibi toʻgʻrisidagi namunaviy nizom haqida qisqacha ma'lumot
Hukumat qarori 73-son 21.02.2023-y.
👉 Mazkur nizom davlat sud-ekspertiza muassasasi, nodavlat sud-ekspertiza tashkiloti, ilmiy faoliyat bilan shugʻullanuvchi muassasa (tashkilot)lar tomonidan sud ekspertizasi tadqiqotlari oʻtkazilishi tartibi va shartlarini belgilaydi.
👉 Nizomga koʻra, quyidagi holatlarda sud ekspertiga ish materiallari yuzasidan tadqiqotlar oʻtkazish taqiqlanadi:
🔹ish materiallari boʻyicha manfaatdor tomonlar bilan qarindosh boʻlganda;
🔸ish materiallari boʻyicha manfaatdor tomonlar bilan davlat sud-ekspertiza muassasasi hamda nodavlat sud-ekspertiza tashkilotining rahbarlari, tarkibiy boʻlinma boshliqlari va ularning yaqin qarindoshlari boʻlganda, bundan tadqiqotlar oʻtkazuvchi yagona tashkilot boʻlgan holatlar mustasno;
🔹ish materiallari boʻyicha manfaatdor tomonlardan biri nodavlat sud-ekspertiza tashkilotining mulkdori, muassisi, kuzatuv kengashi, ijro organi aʼzosi, kreditori, sugʻurtalovchisi hamda ularning yaqin qarindoshlari boʻlganda;
🔸ustav fondi (ustav kapitali)da nodavlat sud-ekspertiza tashkilotining yoki sud ekspertining ulushi boʻlgan yuridik shaxsning xulosadan manfaatdorligi boʻlganda;
🔹tirik shaxsga nisbatan sud ekspertizasini oʻtkazishda mazkur shaxsga uning tayinlanishidan oldin tibbiy yordam koʻrsatilganda. Mazkur cheklov sud-tibbiy yoki sud psixiatrik ekspertizalar shaxsni bevosita koʻrikdan oʻtkazmasdan amalga oshirilgan hollarda ham amal qiladi;
🔸sud ekspertining xolisligiga va begʻarazligiga shubha tugʻdiradigan boshqa holatlar mavjud boʻlganda.
🔹 Ekspertizani tayinlashga vakolatli organ (shaxs)ning qarori (ajrimi) asosida tadqiqotlarni oʻtkazish muddatlari sud ekspertizalarining hajmi va murakkabligiga, shuningdek, sud ekspertining ish hajmiga koʻra 30 kun doirasida belgilanadi.
@Yurist_GUVD
🔹Кимки нокамтарлик билан ёлғон сўзлар экан, унинг жимжимадор сўзлари фақат ва фақат мусибат келтиради.
Конфуций
@Yurist_GUVD
1️⃣7️⃣ МАРТ САНАСИДА СОДИР БЎЛГАН МУҲИМ ТАРИХИЙ ВОҚЕАЛАР
⚔️ Мил.авв. 45 йил— Мундда республикачилар ва Цезар қўшинлари ўртасида жанг бўлиб ўтган. Цезар ғалаба қилган ва фуқаролар урушига амалда чек қўйилган;
⚔️ 624 йил — Бадр жанги деб номланувчи мусулмонлар ва қурайшлар ўртасидаги биринчи йирик жанг бўлиб ўтган;
🗡 1611 йил —Польша-Литва гарнизони бозордаги низони қўзғолоннинг бошланиши деб ўйлаб, Москвада қирғин уюштирган ва натижада Китай-городнинг ўзида 7 минг москвалик ўлдирилган;
🇺🇸 1776 йил— Канада экспедицияси пайтида АҚШ қўшинлари Бостонни эгаллаб олишган;
🇩🇲 1825 йил —Санто-Доминго оролининг Испанияга қарашли қисмида Доминикан Республикаси ташкил топган;
💡1845 йил — инглиз ихтирочиси Стивен Перри канцелярия резинасини патентлаган;
🇮🇹👑 1861 йил— Италия қироллиги эълон қилинган;
🪐 1899 йил— америкалик астроном Уильям Пикеринг Сатурннинг йўлдоши Фибни кашф этган;
🍾1932 йил— Финляндия "Қуруқ қонун"ни (спиртли ичимликлар савдоси ва истеъмолига қўйилган тақиқ) юмшатиш белгиси сифатида 875 минг шиша спиртли ичимликка буюртма берган;
📜 1948 йил — Бельгия, Буюк Британия, Люксембург, Нидерландия ва Франциядан иборат ҳарбий-сиёсий Ғарбий Иттифоқни яратиш тўғрисида Брюссел пакти имзоланган;
📣 1950 йил —АҚШда 98-кимёвий элемент— калифорнийнинг кашф этилганлиги эълон қилинган;
🇮🇳 1959 йил — Далай Лама XIV ва унинг тарафдорлари Тибетдан Ҳиндистоннинг Дҳармсала шаҳрига қочиб кетишган. У ерда Тибетнинг сургун қилинган ҳукумати тузилган ва шу кунгача мавжуд;
🇮🇱 1969 йил— Голда Мейр Исроил Бош вазири этиб сайланган;
🚫 1980 йил —Буюк Британия парламенти Москва Олимпиадасини бойкот қилишга овоз берган;
🗳 1991 йил — Бутуниттифоқ референдуми бўлиб ўтган, унда сайловчиларнинг тўртдан уч қисми СССРни сақлаб қолиш учун овоз берган.
⚖️ 1992 йил — Жанубий Африкадаги референдумда оқ ва қора танли фуқаролар ҳуқуқларини тенглаштирган янги конституция қабул қилинган;
✈️ 1994 йил — Озарбайжоннинг ҳаво ҳудудида Арманистон қуролли кучлари Эрон дипломатлари оилаларини Москвадан Теҳронга олиб кетаётган Эрон ҳарбий-ҳаво кучларининг самолётини уриб туширган. 19 йўловчи (барчаси аёллар ва болалар) ва 13 экипаж аъзоси ҳалок бўлган;
🔥 2004 йил — Косовода икки кунлик погромлар бошланган, натижада 34 черков ва монастирь ёқиб юборилган.
@Yurist_GUVD
🔟 МАРТ САНАСИДА СОДИР БЎЛГАН МУҲИМ ТАРИХИЙ ВОҚЕАЛАР
🇪🇸 1535 йил — Испания денгизчилари Тинч океанидаги Эквадордан 972 километр ғарбда Галапагос оролларини кашф этишган;
📝 1801 йил — Британияда биринчи марта аҳолини рўйхатга олиш бошланган;
💵 1862 йил— АҚШ Федерал Ҳукумати мамлакатда биринчи марта қоғоз пул чиқарган;
☎️ 1876 йил — телефон учун патент олганидан уч кун ўтгач Александр Белл қўшни хонадаги ёрдамчиси Томас Уотсонга қўнғироқ қилиб у билан гаплашган;
🇫🇷 1893 йил— Фил суяги қирғоғи Франциянинг мустамлакасига айланган;
⚔️ 1900 йил —Иккинчи бур уруши даврида Дрейфонтеин жанги бўлиб ўтган;
⚽️ 1905 йил — Лондонда "Челси" футбол клубига асос солинган;
❌1910 йил —Хитойда қуллик бекор этилган;
📌 1918 йил —Германия таҳдидини инобатга олган ҳолда СССР пойтахти вақтинчалик Петрограддан Москвага кўчирилган;
📜 1939 йил — СССРдаги съездда социализм ғалабаси эълон қилиниб, "социализмдан коммунизмга босқичма-босқич ўтиш" тўғрисида қарор қабул қилинган;
🚀 1943 йил — СССРда ядро қуролини яратиш бўйича ишлар бошланган;
💣 1945 йил — АҚШ самолётлари томонидан Токио бомбардимон қилинган, 100 минггача одамлар вафот этган;
⚔️ 1952 йил — Батиста Кубада давлат тўнтаришини амалга оширган ва ўзини "муваққат президент" деб эълон қилган;
🗳 1960 йил — Канададаги ҳиндулар овоз бериш ҳуқуқига эга бўлишган;
🪐 1982 йил —Сайёраларнинг камдан-кам учрайдиган паради содир бўлган, 9та сайёра Қуёшнинг бир томонида 95 даража бурчак остида йиғилган.
@Yurist_GUVD
❇️ “Davlat mulki obyektlari bilan savdolarni oʻtkazish toʻgʻrisidagi maʼlumotlarni joylashtirish portali” yaratiladi
“Davlat aktivlarini boshqarish agentligi faoliyatini samarali tashkil etish chora-tadbirlari toʻgʻrisida”gi Prezident qarori (PQ–101-son, 24.03.2023-y.) qabul qilindi
👉 Qarorga koʻra, 2023-yil 1-maydan:
🔹respublika mulki boʻlgan davlat koʻchmas mulklari va davlat aksiya paketlari (ulushlari) Davlat aktivlarini boshqarish agentligiga oʻtkaziladi, bundan Strategik islohotlar agentligi, Tiklanish va taraqqiyot jamgʻarmasiga tegishli ulushlar hamda Prezident qarorlarida nazarda tutilgan hollar mustasno;
🔸davlat muassasalari va davlat ishtirokidagi korxonalarni tashkil etish bilan bogʻliq taʼsis hujjatlariga kiritiladigan oʻzgartirishlar Davaktiv agentligining tegishli buyrugʻi mavjud boʻlganda davlat roʻyxatidan oʻtkaziladi;
🔹davlat koʻchmas mulk obyekti va boʻsh yer uchastkalari negizida amalga oshiriladigan davlat-xususiy sheriklik loyihalari toʻgʻrisidagi maʼlumotlar bitim tuzilgach 10 kun muddatda “Davlat mulki” axborot tizimiga kiritiladi;
🔸vazirlik va idoralar, mahalliy davlat hokimiyati organlarining davlat koʻchmas mulki negizida investitsiya loyihalarini amalga oshirish va ularni begonalashtirish hamda davlat ishtirokidagi korxonalar va ular tizimidagi korxonalarga uchinchi shaxslar tomonidan investitsiya kiritishga oid kelishuvlari (bitim, shartnoma, memorandumlar) boʻyicha majburiy tartibda Agentlik xulosasi olinadi.
👉 2023-yil 1-iyuldan:
🔹davlat ishtirokidagi korxonalarning rahbari va uning oʻrinbosarlarini tayinlash (saylash) tanlov asosida amalga oshiriladi, bundan Prezident qarorlarida nazarda tutilgan hollar mustasno;
🔸davlat organlari va muassasalari, davlat ishtirokidagi korxonalar maʼmuriy binolaridan xodimlar uchun belgilangan meʼyordan kelib chiqib, samarali foydalanish tartibi joriy etiladi.
👉 Shuningdek, davlat aktivlari, ularni boshqarish va xususiylashtirish toʻgʻrisida jamoatchilikni xabardor qilishning quyidagi yangi tizimi joriy qilinadi:
🔹 davlat koʻchmas mulk obyektlari, davlat ulushi, davlat unitar korxonalari va davlat muassasalari hamda ularga tegishli avtotransport vositalari toʻgʻrisidagi maʼlumotlar Agentlik rasmiy veb-saytida real vaqt rejimida eʼlon qilinadi.
🔸2023-yil 1-oktyabrgacha “Davlat mulki obyektlari bilan savdolarni oʻtkazish toʻgʻrisidagi maʼlumotlarni joylashtirish portali” yaratiladi, unda barcha davlat mulki obyektlarini savdoga chiqarish va uning natijalari toʻgʻrisidagi axborotlar joylashtiriladi hamda ushbu tizim soliq organlarining axborot tizimiga integratsiya qilinadi.
@Yurist_GUVD
🔹Eslatma
🔸2010-yilgacha olingan “prava”ni yangisiga almashtirish oxirgi muddati – 31-mart
🔹 Eski namunadagi barcha milliy haydovchilik guvohnomalari
va avtomototransport roʻyxatdan o‘tkazilganligi to‘g‘risidagi guvohnomalarni majburiy almashtirish muddati quyidagicha:
👉 2010-yilgacha bo‘lgan davrda berilganlari – 2023-yil 31-martgacha;
👉 2010 – 2012-yillarda berilganlari – 2023-yil 30-iyungacha;
👉 2013 – 2015-yillarda berilganlari – 2023-yil 30-sentyabrgacha;
👉 2015-yildan keyin berilganlari – 2023-yil 31-dekabrgacha.
👉Yuqoridagi muddatlargacha almashtirilmagan guvohnomalar haqiqiy emas deb hisoblanadi.
🔹Eski “prava”ni yangisiga almashtirish uchun nafaqat Davlat xizmatlari markazlariga, balki Ichki ishlar bosh boshqarmasi Yo‘l harakati xavfsizligi boshqarmalari (IIBB YHXB)ga murojaat qilishingiz yoki uydan turib YIDXP (my.gov.uz) orqali buyurtma berishingiz mumkin.
@Yurist_GUVD
❇️Yangi_Konstitutsiya
🔹Yangilanayotgan Konstitutsiyada surishtiruv, tergov va sud jarayonida inson huquqlariga oid 9 ta eng muhim kafolat
@Yurist_GUVD
❇️Клиринг – ўзаро талаб ва мажбуриятларни ҳисобга ўтказишга асосланган нақд пулсиз ҳисоб-китоб тизими.
@Yurist_GUVD
🔹Овоз берувчи муддатидан олдин овоз беришни амалга ошириш учун референдум кунида бўла олмаслигининг сабаблари (таътил, хизмат сафари, хорижга чиқиш ва ҳоказо) кўрсатилган ариза асосида тегишли участка комиссиясидан референдумда овоз бериш бюллетенини олади ва тегишли участка комиссиясининг камида икки нафар аъзоси ҳозирлигида овоз берувчи фуқаролар рўйхатига имзо қўяди. Референдумда овоз бериш бюллетени махсус жиҳозланган яширин овоз бериш кабинасида ёки хонасида овоз берувчи томонидан тўлдирилади.
🔹Овоз берувчи қарор қабул қилади ва тўлдирилган референдумда овоз бериш бюллетенини ёпиқ конвертда қолдиради, конверт тегишли участка комиссиясининг сейфида сақланади. Конвертнинг елимланган жойига участка комиссиясининг икки нафар аъзосининг имзолари қўйилиб, улар комиссиянинг муҳри билан тасдиқланади.
@Yurist_GUVD
✔️Алимент ҳақида нималарни билиш лозим?
1. Алимент қандай тартибда ундирилади?
Вояга етмаган болага алимент тўлаш тартибини ота-она ўзаро келишган ҳолда белгилашга ҳақли. Ушбу мажбурият ихтиёрий равишда бажарилмаса ота (она)дан суднинг ҳал қилув қарорига ёки суд буйруғига асосан алимент ундирилади.
2. Алимент тўлаш асосан отанинг мажбуриятига кирадими?
Фақат отанинг мажбуриятига кирмайди . Вояга етмаган болаларига алимент тўлаш ва уларга таъминот беришда ота-онанинг мажбуриятлари тенг. Яъни ота-она бир хил мажбуриятга эга.
3. Алимент қачондан ундирила бошлайди?
Алимент судга мурожаат этилган пайтдан бошлаб ундирилади.
Агар таъминот учун маблағ олиш чоралари судга мурожаат қилингунга қадар кўрилганлиги, аммо алимент тўлаши шарт бўлган шахснинг уни тўлашдан бош тортганлиги оқибатида алимент олинмаганлиги суд томонидан аниқланса, ўтган давр учун алимент судга мурожаат этилган пайтдан бошлаб уч йиллик муддат доирасида ундириб олиниши мумкин.
4. Алимент қачонгача ундирилади?
Алимент вояга етмаган боланинг вояга етгунига қадар тўланади.
5. Вояга етган болага ҳам алимент тўланадими?
Ҳа, қуйидаги ҳолларда. Ота-она вояга етган меҳнатга лаёқатсиз, ёрдамга муҳтож болаларига таъминот бериши шарт. Бунда таъминот бериш ота-онанинг келишувига кўра амалга оширилади. Келишувга эришилмаган тақдирда низо суд тартибида ҳал қилинади.
6. Алимент қанча миқдорда ундирилади?
Агар вояга етмаган болаларига таъминот бериш ҳақида ота-она ўртасида келишув бўлмаса, алимент суд томонидан ота-онанинг ҳар ойдаги иш ҳақи ва (ёки) бошқа даромадининг бир бола учун — 1/4 қисми; икки бола учун — 1/3 қисми; уч ва ундан ортиқ бола учун — ½ қисми миқдорида ундирилади.
Вояга етган болага алиментнинг миқдори суд томонидан ҳар ойда пул билан тўланадиган қатъий суммада белгиланади.
7. Алимент тўловчи ҳеч қаерда ишламасачи?
Агар алимент тўловчи бирор бир жойда ишламаса, у ҳолда алимент ўртача ойлик иш ҳақи миқдори бўйича ҳисоблаб чиқилади.
8. Бола касал бўлганда ва бошқа ҳолатларда қўшимча моддий таъминот олиши мумкинми?
Боланинг оғир шикастланиши, касал бўлиши ва бошқалар туфайли келиб чиққан, боланинг таъминоти учун зарур бўлган қўшимча харажатларда ота-она иштирок этиши шарт.
9. Алиментни биратўла олдиндан тўлаш мумкинми?
Ҳа мумкин. Вояга етмаган болалар таъминоти учун алиментлар бола вояга етгунига қадар бўлган давр учун, шу жумладан кўчмас ёки кўчар мулк ёхуд бошқа қимматли ашёни бериш йўли билан олдиндан тўланиши мумкин.
10. Алимент миқдорини камайтириш ёки алимент тўлашдан озод этиш мумкинми?
Ҳа мумкин. Алимент тўловчининг бошқа вояга етмаган болалари бўлиб, ундан алимент ундирилганда ўша болалар алимент олаётган болаларга нисбатан камроқ таъминланиб қоладиган бўлса, шунингдек қонунчиликда белгиланган бошқа бир қатор ҳолларда алимент миқдори суд томонидан камайтирилиши мумкин.
Агар вояга етмаган бола давлат ёки нодавлат муассасаларининг тўлиқ таъминотида бўлса, суд тўланаётган алимент миқдорини камайтириш ёки уни алимент тўлашдан озод қилиши мумкин.
@Yurist_GUVD
🔷Maʼmuriy jarimalar 15 kun ichida toʻlansa, 50 foiz chegirma qoʻllaniladi
Prezident qaroriga (PQ–99-son, 23.03.2023-y.) muvofiq, maʼmuriy huquqbuzarliklar boʻyicha qoʻllanilgan jarimani ixtiyoriy toʻlash tizimi yanada soddalashtiriladi.
🔹Shunga koʻra, 2023-yil 1-maydan:
🔸 huquqbuzar unga jarima solish toʻgʻrisidagi qaror topshirilgan kundan boshlab 15 kun ichida jarima miqdorining 50 foizini, 30 kun ichida 70 foizini ixtiyoriy toʻlagan taqdirda, u jarimaning qolgan qismini toʻlashdan ozod qilinadi.
🔹Mazkur tartib endilikda sud qarorlariga asosan qoʻllaniladigan jarimalarga nisbatan ham tatbiq etiladi.
🔸 Shuningdek, 2023-yil 1-sentyabrdan:
🔹sudlanganlik muddatining oʻtib ketganligi yoki sudlanganlikning olib tashlanishi haqidagi maʼlumotlar Ichki ishlar vazirligining “Tezkor maʼlumotlar” yagona axborot tizimida avtomatik ravishda onlayn shakllantiriladi;
🔸bu boʻyicha maʼlumotnoma sudlanganlik muddati tugagan yoki sudlanganlik olib tashlangan sananing ertasidan kechiktirmasdan tegishli shaxsning YAIDXP (my.gov.uz)dagi shaxsiy kabinetiga avtomatik ravishda bepul yuboriladi.
@Yurist_GUVD
👉Утилитаризм (лот. utilitas — фойда, манфаат) — барча ҳодисаларини уларнинг фақат фойда келтириши, муайян мақсадга эришиш учун восита бўлиб хизмат қилиш имконияти нуқтаи назаридан баҳолаш принципи.
@Yurist_GUVD
🟩 Bolani chet davlatda nazoratsiz qoldirish javobgarlikka sabab boʻladi
Prezident tomonidan imzolangan Qonun (OʻRQ–823-son, 15.03.2023-y.) bilan ayrim qonun hujjatlariga qoʻshimcha va oʻzgartishlar kiritildi
👉 Jumladan, Maʼmuriy javobgarlik toʻgʻrisidagi kodeksga kiritilgan qoʻshimchaga koʻra, Oʻzbekiston fuqaroligiga ega bolani ota, ona yoki ularning oʻrnini bosuvchi shaxs yoxud hamrohlik qiluvchi shaxs tomonidan chet davlat hududida nazoratsiz qoldirish:
🔹 BHMning 10 baravaridan 50 baravarigacha (3 mln soʻmdan 15 mln soʻmgacha) miqdorda jarima solishga sabab boʻladi.
👉 Shunga koʻra, maʼmuriy huquqbuzarlik toʻgʻrisidagi ishni koʻrib chiqishda koʻpi bilan 30 kunlik muddat belgilanib, sud ushbu huquqbuzarlikni sodir etgan shaxs zimmasiga bolani chet davlatdan Oʻzbekistonga qaytarish yoxud huquqbuzarlikni bartaraf etish boʻyicha choralar koʻrish majburiyatini yuklaydi.
👉 Shuningdek, Jinoyat kodeksiga kiritilgan qoʻshimchaga koʻra, bolani chet davlatda nazoratsiz qoldirish, xuddi shunday xatti-harakat uchun maʼmuriy jazo qoʻllanilganidan keyin sodir etilsa yoxud bolaning sud tomonidan belgilangan muddatda Oʻzbekistonga qaytarilishini taʼminlamaslik 3 yilgacha ozodlikdan mahrum qilish bilan jazolanishi mumkin.
🔹 Oʻsha qilmish ogʻirlashtiruvchi holatlarda sodir etilsa, uni sodir etgan shaxs 8 yilgacha ozodlikdan mahrum qilish bilan jazolanishi mumkin.
👉 Ushbu normalar mazkur Qonun rasmiy eʼlon qilingan kundan eʼtiboran 3 oy oʻtgach amalga kiritiladi.
@Yurist_GUVD
🟩 Qayerlarda hasharlar oʻtkazish taqiqlanadi?
👉 Qonunchilikka koʻra, hasharlar quyidagi shartlarga rioya etilgan holda faqat ixtiyoriy tarzda tashkil etiladi va oʻtkaziladi:
🔹 umumxalq hasharini oʻtkazish toʻgʻrisida faqat Prezidentning tegishli hujjati yoki Hukumat qarori boʻlganda;
🔸 mehnatni muhofaza qilish va xavfsizlik normalariga qatʼiy rioya etilgan holda;
🔹 jamoat ishlari, shu jumladan qurilish-taʼmirlash va qishloq xoʻjaligi ishlariga majburiy jalb etishga qatʼiy yoʻl qoʻyilmagan holda obodonlashtirish, koʻkalamzorlashtirish, ish oʻrinlarini tartibga keltirish.
👉 Fuqarolarning oʻzini oʻzi boshqarish organlari faqat tegishli mahalla hududida obodonlashtirish va koʻkalamzorlashtirish, bolalar va sport maydonlarini jihozlash, moddiy-madaniy meros obyektlarini zarur holatda saqlash, qabristonlarni qurish, rekonstruksiya qilish, taʼmirlash hamda zarur holatda saqlash ishlarida aholining ixtiyoriy ishtirok etishini tashkil etadi.
👉 Shuningdek, quyidagi joylarda hasharlar va boshqa ishlarni oʻtkazish taqiqlanadi:
▫️avtomobil yoʻllarida;
▫️harakatlanish tigʻiz boʻlgan koʻchalarda;
▫️suv obyektlari, qirgʻoqboʻyi hududlar va zonalarda;
▫️qurilish maydonlarida;
▫️bino va inshootlar tomlarida;
▫️xavfli ishlab chiqarish obyektlarida;
▫️insonlarning hayotiga yoki sogʻligʻiga xavf tugʻilishi yuzaga kelishi mumkin boʻlgan boshqa joylarda.
@Yurist_GUVD
🟩 Kutubxonalarda Inson huquqlari sohasidagi adabiyotlar yoʻnalishi tashkil etiladi
“Oʻzbekiston Respublikasida Inson huquqlari sohasidagi Milliy taʼlim dasturini tasdiqlash toʻgʻrisida“gi Prezident qarorining qisqacha ma'lumoti (PQ–46-son, 07.02.2023-y.)
👉Qaror bilan Oʻzbekiston Respublikasida Inson huquqlari sohasidagi Milliy taʼlim dasturi hamda uni amalga oshirish boʻyicha “yoʻl xaritasi” tasdiqlandi.
👉 Qarorga koʻra, 2023/2024 oʻquv yilidan professional va oliy taʼlim tizimida “Inson huquqlari”, “Ayollar huquqlari”, “Bola huquqlari” boʻyicha oʻquv va maxsus kurslar joriy etiladi.
👉 2023-yil 1-iyungacha mazkur kurslar joriy etiladigan professional va oliy taʼlim tashkilotlarining aniq roʻyxati shakllantiriladi.
👉 2023-yil 1-iyundan boshlab har yili “Inson huquqlari va erkinliklari sohasidagi taʼlim va innovatsiyalar” milliy tanlovi oʻtkazib boriladi.
👉 Shuningdek, 2023-yil 1-martdan tergovga qadar tekshiruv, surishtiruv, dastlabki tergovni amalga oshiruvchi organlar va jazoni ijro etish muassasalari xodimlari uchun qiynoqqa solishga qarshi kurashish boʻyicha qisqa muddatli oʻquv kurslari doimiy ravishda tashkil etiladi.
👉 2023-yil 1-maydan rahbar kadrlarni qayta tayyorlash va ularning malakasini oshirish tizimida inson huquqlari va gender tenglik boʻyicha oʻquv kurslari (soatlari) joriy qilinadi.
👉 Qarorga koʻra shuningdek, Qoraqalpogʻiston Respublikasi va viloyatlar axborot-kutubxona markazlarida Inson huquqlari sohasidagi adabiyotlar yoʻnalishi tashkil etiladi.
👉 2023-yildan Konstitutsiya qabul qilingan kun munosabati bilan oʻtkaziladigan koʻrik-tanlovlarda ayollar, bola va yoshlar huquqlari masalalari qamrab olinishi taʼminlanadi.
@Yurist_GUVD
🟢 Olib qoʻyilgan yerdagi dov-daraxtlarning bozor qiymati qoplab beriladi
➖ Qonunchilikka koʻra, yer uchastkasi olib qoʻyilishi munosabati bilan quyidagilar kompensatsiya qilinadi:
🔸olib qoʻyilgan yer uchastkasida joylashgan koʻchmas mulkning bozor qiymati;
🔹olib qoʻyilgan yer uchastkasiga boʻlgan huquqning bozor qiymati (bundan qishloq xoʻjaligiga moʻljallangan yer uchastkalariga boʻlgan ijara huquqi mustasno);
🔸olib qoʻyilgan yer uchastkasidagi koʻp yillik dov-daraxtlarning bozor qiymati;
🔹koʻchish, shu jumladan boshqa koʻchmas mulk obyektini vaqtinchalik ijaraga olish bilan bogʻliq xarajatlar;
🔸yer uchastkasidan va unda joylashgan koʻchmas mulk obyektlaridan foydalanishdan olinishi mumkin boʻlgan boy berilgan foyda;
🔹(bunda yer uchastkasi va unda joylashgan koʻchmas mulk obyektlari boʻshatib qoʻyilgan paytdan eʼtiboran avvalgi faoliyatni tiklashga qadar boʻlgan, biroq bir yildan ortiq boʻlmagan muddatdagi foyda yoki mavsumiy hosildan olinishi mumkin boʻlgan foyda hisobga olinadi);
🔸huquq egasining qonunchilikda yoki kelishuvda nazarda tutilgan boshqa xarajatlari va zararlari.
@Yurist_GUVD
🔸Гумон қилинувчи – жиноят содир этгани тўғрисида маълумотлар бор бўлсада, бу маълумотлар уни ишда айбланувчи тариқасида иштирок этишга жалб қилиш учун етарли бўлмаган шахс.
@Yurist_GUVD
❇️«Болани ўйин ўйнашдан тўсиш ва тинимсиз таълим олишга мажбурлаш боланинг қалбини ўлдиради, зеҳнини пасайтиради, ҳаётини заҳарлайди».
Имом Ғаззолий, «Иҳёу улумид-дийн»
@Yurist_GUVD
👉 Қимор ўйинлари ва таваккалчиликка асосланган бошқа ўйинлар, шу жумладан телекоммуникация тармоқларидан, шунингдек интернетдан фойдаланган ҳолда ташкил этиладиган қимор ўйинлари ва таваккалчиликка асосланган бошқа ўйинлар рекламасига йўл қўйилмайди.
👉 Лотереялар рекламаси ҳар бир ҳолда вояга етмаганларнинг лотереяларда иштирок этишига йўл қўйилмаслиги тўғрисидаги огоҳлантириш билан бирга берилиши керак.
@Yurist_GUVD