4629
Adabiyot yashasa, millat yashaydi. Фикр ва мулоҳазаларингизни, адабиёт ҳақидаги мақолаларингизни шу манзилга йўлланг: @yozuvchilarbot
TAKLIFNOMA
Yozuvchilar uyushmasida 16-dekabr kuni soat 15:00da shoir, uyushma a'zosi Boboqand Mirzoning "Ko'rgulik" nomli kitobi taqdimoti bo'lib o'tadi.Tadbirga barchani taklif etamiz.
Manzil: O‘zbekiston Yozuvchilar uyushmasi katta tadbirlar zali. Mo‘ljal: metroning "Milliy bog‘" bekati.
O‘zbekiston Yozuvchilar uyushmasi Axborot xizmati
“O‘zbekiston” radiokanalining "Yaxshi kayfiyat" dasturida O‘zbekistonda xizmat ko‘rsatgan artist, kinodramaturg, adib Uchqun Nazarov tavalludining 90 yilligiga bag‘ishlangan xotira kechasi efirga uzatildi.
Muharrirlar: Bahriddin Maxmadaliyev, Zulayho Ahmadjonova
“O‘zbekiston” radiokanalining "Yaxshi kayfiyat" dasturida O‘zbekistonda xizmat ko‘rsatgan jurnalist, taniqli adib Farmon Toshev tavalludining 70 yilligi hamda IV jildlik saylanmasi taqdimoti efirga uzatildi.
Muharrirlar: Bahriddin Maxmadaliyev, Zulayho Ahmadjonova
Buyuk allomalarning yagona siymosini yaratish bo‘yicha davra suhbati bo‘lib o‘tdi
Bugun O‘zbekistondagi Islom sivilizatsiyasi markazida Kinematografiya agentligi, O‘zbekiston Badiiy akademiyasi vakillari, yetuk olimlar va mutasaddilar ishtirokida buyuk allomalarning yagona siymosini yaratish, qabul qilish hamda tarixiy filmlar ishlab chiqarishda ulardan foydalanish masalasida davra suhbati o‘tkazildi.
Tadbir avvalida 100 nafar buyuk allomalarning yagona siymosini yaratish bo‘yicha olib borilayotgan ishlar taqdimoti, istiqboldagi vazifalar bo‘yicha maʼlumot berildi. Islom sivilizatsiyasi markazi rahbari Firdavs Abduxoliqov Prezident tashabbusi bilan gavdalantirilayotgan 100 nafar buyuk allomalar siymosini yaratishning ahamiyati haqida fikr bildirdi.
“Prezidentimiz tashabbusi bilan buyuk allomalarimizning yagona milliy siymosini gavdalantirishda sizlarning ko‘magingiz biz uchun muhim. Prezidentimiz tomonidan amalga oshirilayotgan muhim loyihalardan yana biri bugungi kungacha yagona siymosi mavjud bo‘lmagan 100 nafar allomalarimizning yagona milliy qiyofasini yaratish. Bu borada O‘zbekiston Badiiy akademiyasi ijodkorlari va sanʼatshunos olimlar bilan hamkorlikda qator ishlar olib borilmoqda. Buyuk ajdodlarimizning yagona milliy siymosi to‘liq shakllantirilib, filmlarimizga, maktablar kabi foydalanish mumkin bo‘lgan xalqaro hamda mahalliy platformalarga tatbiq va taqdim etilishi rejalashtirilmoqda.
Ayrim jabhalarda shu paytgacha yaratilgan ko‘pchilik allomalarimizning yuz qiyofalari bir-biriga o‘xshab ketishini kuzatish mumkin. Ularni gavdalantirishda juda ehtiyot bo‘lishimiz zarur, deb o‘ylayman”, — dedi Firdavs Abduxoliqov.
Badiiy akademiya akademigi, sanʼatshunoslik fanlari doktori Kamola Akilovaning taʼkidlashicha, aksar ajdodlarning siymosi haqida aniq maʼlumot mavjud bo‘lmagani bois rassomlarga tarixchi olimlarning yordami nihoyatda zarurdir.
“Bizning missiyamiz — o‘zbek xalqiga, o‘zbek madaniyatiga qahramon shaxslarni gavdalantirib berish. Bu juda ham kerakli jarayon. Har bir siymoni gavdalantirishda sharqshunos, sanʼatshunos va tarixchi olimlar bilan birgalikda ishlarni tashkil etish maqsadga muvofiq bo‘ladi. Islom sivilizatsiyasi markazi ilmiy-maʼrifiy yo‘nalishlaridagi tadqiqotlarni rag‘batlantirib kelayotgani quvonarli holdir. Bu g‘oyat muhim ahamiyatga ega”, — dedi akademik.
Shuningdek, Davlat rahbari tashabbusi bilan amalga oshirilayotgan “Tirik tarix” turkum filmlarini aynan ushbu milliy qiyofalar asosida yaratish taklifi kiritildi. Bu filmlar orqali buyuk allomalarning yagona siymosi xalq tasavvurida shakllanishida muhim ahamiyat kasb etadi.
Anjumanning o‘ziga xos jihatlaridan biri, buyuk allomalarning tasdiqlangan siymolarini sunʼiy intellekt yordamida jonlantirishga qaratilgan innovatsion taklif va amaliy ishlar taqdimoti bo‘ldi. 3D vizualizatsiya texnologiyalari yordamida allomalar bilan interaktiv muloqot qilish imkoniyatlari namoyish etildi, bu esa kelajakda yoshlar uchun noyob maʼrifiy vosita yaratilayotganini ko‘rsatdi.
Dilobar Mamatova
FARG‘ONADA “MAʼRIFAT ULASHIB”
Yoshlarni kitob mutolaasiga jalb etish, ularni vatanparvarlik va yurtimiz kelajagiga daxldorlik ruhida tarbiyalashga qaratilgan «Maʼrifat ulashib» loyihasi respublikamizdagi barcha ilm dargohlaridagi kabi, Farg‘onada ham keng miqyosda o‘tkazilmoqda.
Mazkur loyiha doirasida O‘zbekiston Yozuvchilar uyushmasining Xalqaro aloqalar va badiiy tarjima bo‘limi bosh mutaxassisi, yozuvchi Risolat Haydarova, Toshkent davlat sharqshunoslik universiteti professori Adhambek Alimbekov, Yozuvchilar uyushmasi Farg‘ona viloyati bo‘limi rahbari Dilshoda Ergasheva Qo‘qondagi turli taʼlim maskanlarida yoshlar bilan uchrashdilar.
Mehmonlar dastlab Qo‘qon davlat pedagogika institutida ijodiy uchrashuvda ishtirok etib, so‘ng tadbirlar pedagogika kolleji hamda institutning akademik litseyida davom etdi. Yoshlar taniqli ijodkorlarni katta qiziqish bilan tinglab, savollar bilan murojaat qildilar. Adabiyot, kitobxonlik, mutolaa madaniyati borasida so‘z yuritildi.
Qo‘qondagi Temiryo‘lchilar madaniyat saroyida bo‘lib o‘tgan ijodiy uchrashuvda mehmonlar oliygoh talabalariga inson maʼnaviyatining yuksalishida badiiy asarlarning o‘rni, ruhiy-maʼnaviy kamolot hamda o‘z ijodiy faoliyatlari yuzasidan maʼlumotlar, tavsiyalar berishdi, fikr almashdilar. Tadbirda sheʼriyat ixlosmandlari, havaskor talaba-qizlar o‘zlarining sheʼriy mashqlarini o‘qib berishdi. So‘ng «Yashil makon» umummilliy loyihasi doirasida ijodkorlar bilan oliygoh hududida ko‘chatlar ekildi.
Loyiha tadbirlarining ikkinchi kunida Islom Karimov nomidagi Toshkent davlat texnika universiteti Qo‘qon filialida o‘tkazilgan uchrashuv asnosida kitoblar ko‘rgazmasi tashkil etildi. Shundan so‘ng mehmonlar bilan birgalikda universitet hududidagi Adiblar bog‘iga ko‘chatlar ekildi. Mehmonlar talabalar bilan qizg‘in muloqot olib bordilar, yoshlar qalbida ezgu tuyg‘u shijoatni jo‘sh urdiruvchi sheʼrlar yangradi. Talabalar ustoz ijodkorlarning sheʼr va suhbatlari, tavsiyalaridan bahramand bo‘ldilar, yoshlar tomonidan tayyorlangan sahna asarlari, quy-qo‘shiqlar ijro etildi. Eng faol ishtirokchilar kitoblar jamlanmasi hamda tashakkurnomalar bilan taqdirlandilar. Tadbirlar Qo‘qon shahridagi 25-umumtaʼlim maktabida davom etdi.
Uchrashuvlarning uchinchi kuni ham g‘oyat sermazmun va hayajonlarga boy bo‘ldi. Qo‘qon davlat universitetida o‘tkazilgan ijodiy muloqot chog‘ida adiblar milliy g‘oyani keng targ‘ib qilish, maʼnaviy-maʼrifiy ishlar samaradorligini oshirish, jamiyatda adabiyot va kitobxonlikni yana-da rivojlantirish borasida so‘z yuritib, talabalarga o‘z ijod namunalaridan o‘qib berishdi. Shuningdek, talabalar tomonidan aytilgan ifodali sheʼrlar, Usmon Azimning «Kunduzsiz kechalar» asari asosidagi Cho‘lponning achchiq taqdiriga oid sahna ko‘rinishi barcha ishtirokchilarga manzur bo‘ldi. Loyiha doirasida Farg‘ona viloyatining Buvayda va O‘zbekiston tumanlaridagi o‘rta maktablarda, O‘zbekiston davlat sanʼat va madaniyat instituti Qo‘qon filialida ham adabiy-maʼrifiy tadbirlar o‘tkazildi.
10-13 dekabr kunlari bo‘lib o‘tgan mazkur uchrashuvlar chin maʼnoda yoshlarga maʼrifat ziyosini ulashib, ularni vatan istiqboli va maʼnaviy yuksalish sari sobitqadamlikka ruhlantirdi.
O‘zbekiston Yozuvchilar uyushmasi Farg‘ona viloyati bo‘limi
TAKLIFNOMA
2024-yil 16-dekabr soat 15:00da O'zbekiston Yozuvchilar uyushmasi a'zosi, shoir Boboqand Mirzoning "Ko'rgulik" nomli kitobi taqdimoti bo'lib o'tadi.Tadbirga barchani taklif etamiz.
Manzil: O‘zbekiston Yozuvchilar uyushmasi katta tadbirlar zali. Mo‘ljal: metroning "Milliy bog‘" bekati.
O‘zbekiston Yozuvchilar uyushmasi Axborot xizmati
Prezident nogironligi bor bolalar tengdoshlari qatori oddiy maktablarda o‘qishi naqadar muhim ekani haqida
Prezident.uz|Facebook|Instagram|YouTube|X
O‘QUVCHILAR SHE‘RIYAT POSBONLARINI LOL QOLDIRDI
"Ma‘rifat ulashib" loyihasi doirasida shoirlar - Amir Xudoyberdi va Alisher Boymurodov Kattaqo‘rg‘on tumanidagi 55-,100-maktabda yoshlar bilan uchrashdi.
Ilmsevar va ijodkor ahliga doim qalbini poyondoz qilgan maktab o‘quvchilari ham she‘riyat posbonlarini iqtidori bilan lol qoldirdi. Biri o‘z ijodi bilan, biri adiblarning asarlarini qoyilmaqom ijro qilishi, raqsi bilan, yana biri ashulasi bilan mehmonlarda o‘chmas taassurot qoldirdi.
Loyiha asosida o‘tkazilgan tanlov g‘oliblariga diplom va esdalik sovg‘alari topshirildi. Ezgu an‘anaga ko‘ra, shoirlar maktablarda ko‘chat o‘tqazishdi.
SamDU Kattaqo‘rg‘on filiali axborot xizmati
BILDIRISH
O‘zbekiston Yozuvchilar uyushmasi aʼzosi Mahkam Mahmudovning janozasi asr namozidan so‘ng Yangi hayot tumani Choshtepa ko‘chasi "Sadr ota" masjidida o‘qiladi.
Marhum soat 14:20da Choshtepa ko‘chasi 230-uydan ko‘tariladi. Mo‘ljal: O‘zgarish — Zangiota yo‘li yoqasida, metroning “Choshtepa” bekati.
Uy joylashuvi ilova qilinadi.
O‘zbekiston Yozuvchilar uyushmasi Axborot xizmati
“O‘z vaqtida Halima Xudoyberdiyeva qatori ko‘plab isteʼdodli ijodkorlarga ustozlik qilgan O‘zbekiston xalq shoiri To‘ra Sulaymon Sirdaryoning fidoyi farzandi, haqiqiy kuychisi edi.
Nafaqat Sirdaryoda, balki butun mamlakatimizda bu ajoyib insonning nomini eshitmagan odam, uning dilbar sheʼrlari va qo‘shiqlari kirib bormagan xonadon yo‘q, desak, ayni haqiqat bo‘ladi.
Bu ulkan ijodkorning adabiy merosini chuqur o‘rganish, yosh avlodimizni vatanparvarlik ruhida tarbiyalash, ularning maʼnaviy olamini yuksaltirish uchun Mirzaobod tumanidagi To‘ra Sulaymon yashab ijod qilgan xonadonda shoirning uy-muzeyini tashkil qilsak, el-yurtimiz, adabiy jamoatchiligimiz bu taklifni qo‘llab-quvvatlashiga ishonaman”.
Shavkat Mirziyoyev,
O‘zbekiston Respublikasi Prezidenti
"Ma'rifat ulashib" davom etyapti
Ushbu loyiha bugungi kunda mamlakatimizda amalga oshirilayotgan islohotlar mohiyatini yosh avlod qalbiga yetkazishda muhim o'rin tutmoqda.
Atoqli ijodkorlar — adabiyotshunos olim Nurboy Jabborov, shoir va adiblar Axtamquli va Nabi Jaloliddin “Ma’rifat ulashib” loyihasi doirasida Samarqand davlat universiteti talabalari va professor-o‘qituvchilari bilan qizg‘in ijodiy muloqot o‘tkazdi. Tadbir tumanlardagi maktablarda davom etdi.
O‘zbekiston Yozuvchilar uyushmasi Axborot xizmati
Muhammad Yusuf sheʼri
Mahliyo Asqaraliyeva o‘qidi
“Qaqnus”
HAMID OLIMJON XOTIRASIGA
O‘rik gullaganmish kechagi tunda,
Bahor mujdasi bu, yayragin, ey jon.
Yillar o‘tar ekan, bugungi kunda
Oltmishga kiribsiz, ustoz Olimjon.
Bir yonda Hulkar bu, bir yon Omon bu,
Bir yon shoiramiz — mashhuri olam.
Sizning tegrangizda ahli zamon bu,
Sizning tegrangizda do‘stlar bo‘lmish jam.
Barhayot Oybek bu — qutlaydi mamnun,
Qutlar G‘afur G‘ulom — dongdor zamondosh.
Sizni qutlayotir do‘st-yorlar bukun,
Qutlar O‘zbekiston — mag‘rur egib bosh.
Yetimtov bag‘ridan chiqqan navqiron,
Siz bu — sheʼrimizning eng jarang sasi.
Sizning satringizda qurmish oshyon
Uchirma qush kabi sheʼr ilohasi.
Oltmishga kiribsiz, yodingiz ammo
Shabnamday maʼsumu ko‘klam kabi yosh.
Axir qancha qadim bo‘lmasin dunyo
Bag‘rida nur borki. qarimas quyosh.
Hayot bo‘lsaydingiz turardingiz shod
Ulkan shu davraning eng o‘rtasida,
Tiriklik shaʼnini ulug‘lab kushod
Doston insho etib, bitib qasida.
Hayot bo‘lsaydingiz har salqich sahar
Oshko buloqlarga quyardingiz lab.
Yurardingiz elda aziz, moʻtabar,
Sonsiz shogirdlarning manglayin silab.
Yaxshiyam boqiydir dilbar sheʼriyat,
Samandar misoli o‘lim bilmas jon.
Minnatdor yurt sizni qutlaydi faqat,
Kutlug‘ bu ayyomda, ustoz Olimjon.
Yurt bu kun karvonlar boshida nordir,
Yurt bu kun Sharq ichra tengsiz bir diyor.
Yurt bu kun ohuday xo‘p ishvakordir,
Sir kabi sermavjdir, Pomirday poydor.
Tole yulduzining qutlug‘ ziyosi
Saodat burjida balqqay, zamon bu.
Qadim bir diyor bu — yo‘qdir qiyosi,
Ajib bir bo‘ston bu — O‘zbekiston bu.
Ustoz, sozga solay boqiy hayotni,
Boqiy sheʼr qoshida bosh egay bir on.
Shodlik va baxtini kuylagan zotni
Shodlik bilan eslar odatda zamon.
1970
Abdulla Oripov
@abdullaorifijodi
Faqat milliy, xalqona taʼlim-tarbiya bilan maʼnaviyat, ichki madaniyat payvand qilinsagina odamlarni har qanday pastkashlikdan, tubanlikdan asrab qolish mumkin.
***
Odamlar har xil tillarda gaplashadilar. Biroq, faqat bitta tilda – yurak deb atalmish zabonda sevgi izhor qiladilar, quvonadilar, sog‘inadilar.
Chingiz Aytmatov
O‘zbekiston xalq shoiri To‘ra Sulaymon tavalludining 90 yilligiga bag‘ishlangan adabiy-maʼrifiy tadbirdan fotolar.
Muallif – Ahmad To'ra.
❗️
BIZNI SHOIR QILGAN GULLARNING SO‘ZI…
Qutlibeka RAHIMBOYEVA
Men Jayhunbo‘yi taraflarda ulg‘ayganman. Tengdoshlarim qatori enalarimizning: – Hoy, g‘o‘ra teraman deb daraxtlarning shoxini sindirmanglar. Ular oddiy chiviq emas. Joni bor, nafas oladi. Qarsillatib sindirsalaring, xuddi qo‘llaring singaniday, ularning ham joni og‘riydi, – degan tanbehlarini eshitardik. Lekin bola ekanmiz-da, u qulog‘imizdan kirib, bunisidan chiqib ketardi.
#adabiy_kecha
☄️Toshkent davlat agrar universitetida Hamid Olimjon tavalludining 115 yilligi munosabati bilan "Sen bahorni sogʻinmadingmi?" shiori ostida adabiy tadbir boʻlib oʻtdi
🔘13-sonli talabalar turar joyida tashkil etilgan mazkur tadbirda Universitet rektori N.Oblomuradov, Birinchi prorektor S.Islamov, tegishli mas’ullar hamda talabalar ishtirok etishdi.
🔘Tadbirga taklif etilgan mehmonlar: Qoraqalpogʻiston xalq shoiri, Oʻzbekiston Yozuvchilar uyushmasi aʼzosi Rustam Musurmon, Yoshlik jurnali muxarriri Narzulla Chorilar tomonidan ijodiy namunalari hamda hayoti va ijod yoʻli, yozgan asarlari, talabalik yillari va birinchi yozgan ijodiy ishlari haqida soʻzlab berdi.
🔘Ushrashuv so’nggida mushoira kechasi tashkil qilinib, g’olib bo’lgan talabalar diplom va esdalik sovg’alari bilan taqdirlandi.
✍️ Toshkent davlat agrar universiteti axborot xizmati
O‘zbekiston xalq shoiri To‘ra Sulaymon tavalludining 90 yilligiga bag‘ishlangan adabiy-maʼrifiy tadbirdan fotolar.
Muallif – Ahmad To'ra.
JONLI EFIR
Ayni paytda Yozuvchilar uyushmasida O‘zbekiston xalq shoiri To‘ra Sulaymon tavalludining 90 yilligiga bag‘ishlangan adabiy-maʼrifiy tadbir bo‘lib o‘tyapti.
Barchangizni ushbu kechaga to‘g‘ridan-to‘g‘ri tomosha qilishga chorlaymiz. Havolaga kiring.
O‘zbekiston Yozuvchilar uyushmasi Axborot xizmati
https://fb.watch/wrONaGAGWn/
Jarayon
Samarqand davlat arxitektura-qurilish universitetida "Ma‘rifat ulashib" loyihasi doirasida ijodiy uchrashuv bo‘lib o‘tdi.
Unda O‘zbekiston xalq yozuvchisi Muhammad Ali, shoirlar - Xumoyun Akbarov, Islomjon Quchqorov talabalar bilan suhbatlashdi. Adiblar o‘zlarining ijod namunalaridan o‘qib berdi. Yoshlar shoir va yozuvchi asarlaridan namunalar aytib, sahna ko‘rinishlarini namoyish etdi.
loyiha asosida “Kitobxonlik”, “Zakovat” o‘yinlari o‘tkazildi. Ijodkorlar universitet kutubxonasi bilan tanishib, mualliflik kitoblaridan sovg‘a qildi.
TURKSOY MADHIYASI
Zamin titrar botirlaring urhosidan.
Bir sas kelur qo‘hna Talas daryosidan,
Ey, turkiy deb atalgan mard elatlarim,
Najot topgandir siz Islom ziyosidan.
Tinchlik deya kelgan azal Turksoyimsan,
Ko‘kda Oyu Kundek go‘zal Turksoyimsan.
Ezgulig-u farovonlikni ko‘zlagan,
Madhi mudom sheʼru g‘azal Turksoyimsan!
Sen turkimsan, turкmanimsan, o‘zbegimsan,
Ozarimsan, qardosh qozoq-qirg‘izimsan.
Orzularning nurli-nurli osmonida -
Porlab turgan Cho‘lponim, tong yulduzimsan.
Biz birlashsak, biznikidek kuch bo‘lmagay,
Yo‘limizda xoru xaslar duch kelmagay.
Quyosh qadar yuksalgaymiz, Inshoolloh,
Dilda orzu-umidlar hech puch bo‘lmagay.
Qutlug‘ bo‘lsin, bu kun sening nuri yoshing,
Porlayversin mudom porloq вaxt quyoshing.
Qalqib turgan tahlikali bu dunyoda,
Ey Turksoyim, mangu omon bo‘lsin boshing!
Zikrilla Neʼmat
#atama
NOVELLA
Novella janri Uygʻonish davrida vujudga kelgan va oʻz nomini italyancha “novella” – “yangilik” soʻzidan olgan. XIII asrda xalq ertaklari, masallar va oʻrta asr latifalari asosida yaratilgan hikoyalar shu nom bilan atalgan. 1290-yillarda “Novellino” yoki “Yuz qadimiy novella” deb nomlangan nomaʼlum muallifning italyancha qisqa hikoyalar toʻplami paydo boʻlgan.
YODI QALBIMIZDA YASHAYDI
O‘zbek adabiyotida va madaniyati og‘ir judolikka uchradi. O‘zbekiston Yozuvchilar uyushmasi aʼzosi, atoqli adib, mohir tarjimon, taniqli adabiyotshunos Mahkam Mahmudov bugun – 2024-yilning 13-dekabr kuni 84 yoshida olamdan o‘tdi.
Mahkam Mahmudov 1940-yil 5-dekabr kuni Andijon viloyatining Asaka tumanida tug‘ilgan. 1947-1957-yillarda Andijon shahrida Muqimiy nomidagi maktabda taʼlim olgach, 1957-1962-yillarda Toshkent Davlat universitetida o‘qigan. U 60-yillardan to shu kungacha gazeta va jurnal tahririyatlari hamda nashriyotlarda ishlab keldi.
Mahkam Mahmudov dastlab shoir sifatida qalam tebratgan. Keyinchalik u nasrga ham o‘tib, tarixiy mavzular va fantastik janrda ijod qildi. Uning “Bibixonim”, «Shohlar malikasi», «Movarounnahr yulduzi», «Sulton Mahmud G‘aznaviy», «Boysung‘ur ibn Shohruh», «Imom Zayniddin G‘azzoliy» kabi qissa, hikoya va badialari tarixiy mavzularda yaratilgan bo‘lsa, «Men – men emasman», «Teskari ko‘zlar sayyorasi», «Sirli qasr», «Mangu kuy izlab» singari asarlari esa fantastik janrda yozilgan.
Mahkam Mahmudov adabiyotshunos sifatida ham samarali ijod qildi. Uning «Talant va ijod falsafasi» (1976), «Abadiyat lahzalari» (1981), «Hayrat va tafakkur» (1992) kabi asarlari adabiy va ilmiy jamoatchilik eʼtiboriga tushgan.
U filologiya fanlari nomzodi sifatida Mannon Uyg‘ur nomidagi Sanʼat instituti, Abdulla Qodiriy nomidagi Madaniyat institutida o‘zbek va chet el adabiyoti kurslaridan maʼruzalar o‘qigan.
Mahkam Mahmudov tarjimon sifatida ham qalam tebratib, Aristotelning “Poyetika” risolasini, Balzakning «Sag‘ri teri tilsimi» romanini, Andersen ertaklari, Stefan Sveygning «Kuygan ko‘ngil faryodi» novellalar to‘plami (O‘tkir Hoshimov bilan)ni, Oskar Uayldning «Yulduzdan tushgan bola», «Sadoqatli do‘st» hikoyalari va boshqa bir qancha asarlarni o‘zbek tiliga o‘girgan.
Adabiyot oldidagi xizmatlari uchun Mahkam Mahmudovga «El-yurt hurmati» (1998) ordeni va «Mehnat faxriysi» ko‘krak nishoni (2022) bilan munosib taqdirlangan.
O‘zbekiston Yozuvchilar uyushmasi jamoasi va ko‘p sonli aʼzolari marhumning oilasi va yaqinlariga chuqur hamdardlik bildiradi.
Janoza namozi Yangi hayot tumani Choshtepa ko‘chasi “Sadr ota” masjidida asr namozi vaqtida o‘qiladi. Mo‘ljal: metroning “Choshtepa” metro bekatidan 300 metr o‘tganda.
Atoqli adib, zahmatkash tarjimon va olim ustoz Mahkam Mahmudovning yorqin xotirasi qalbimizda yashaydi.
O‘zbekiston Yozuvchilar uyushmasi Axborot xizmati
TAʼZIYA
O‘zbekiston Yozuvchilar uyushmasi aʼzosi, adib va adabiyotshunos Mahkam Mahmudov 84 yoshda vafot etdi. O‘zbekiston Yozuvchilar uyushmasi jamoasi uning oilasi va yaqinlariga chuqur hamdardlik bildiradi.
Quyida adib yashagan uy manzili va joylashuvini havola qilyapmiz.
Yangihayot tumani Choshtepa ko‘chasi 230-uy. Mo‘ljal: O‘zgarish — Zangiota yo‘li yoqasida, metroning "Choshtepa" bekati.
O‘zbekiston Yozuvchilar uyushmasi Axborot xizmati
Ma‘rifat ulashib
Ayni paytda O‘zbekiston-Finlandiya pedagogika institutida "Ma‘rifat ulashib" loyihasining birinchi davra uchrashuvlari bo‘lib o‘tmoqda.
Dastlab, elimiz suygan shoir-yozuvchilar Muhammad Ali, Humoyun Akbar va Islomjon Qo‘chqorov institut birinchi prorektori Zarifa Muminova hamda rektor maslahatchisi Davlat Jumayev bilan uchrashib, samimiy suhbat olib borishdi.
Davra uchrashuvlari davom etmoqda.
Yangi kitob
Hazrati ishq
Ota yurt,
xizmatingga
qodir bo‘lib borarman.
Go‘ro‘g‘lixon,
Alpomish
botir bo‘lib borarman.
Shiriq kabi hiylagar,
mohir bo‘lib borarman,
layli ko‘zlaring haqqi,
tohir bo‘lib borarman.
Borarman Kubro bo‘lib,
hofizi tug‘ro bo‘lib.
Temurxon bobo bo‘lib,
Bobur bo‘lib borarman.
Yov boshiga xarsangday
og‘ir bo‘lib borarman.
Yo vatan deb,
yo haq deb,
zokir bo‘lib borarman.
Vatanni sevmoq, magar,
iymondan demasmilar;
Haq qoshiga men nechuk
kofir bo‘lib borarman?!
Sheʼrida aytilganiday, Mansur Jumayev Vataniga chin oshiq edi.
Chin shoirning dini Ishq, mazhabi Ishqdir.
Chin sheʼrda Ishq kuylanadi.
Shoir Mansur Jumayevning “Hazrati ishq”i ayni shu azaliy
va abadiy tuyg‘uni tarannum etadi.
Bu kitobni o‘qib ko‘nglingiz Muhabbatga to‘lishidan umidvormiz.
O‘zbekiston Yozuvchilar uyushmasi aʼzosi Mansur Jumayevning ushbu kitobi “Chig‘anoq” loyihasi doirasida “Mikrokreditbank” homiyligida “Ijod nashr” nashriyotida chop etildi.
Loyiha rahbari: Orif Bo‘tayev
Tahrir hayʼati raisi: Ikrom Jumaniyozov
Muharrir: Ulug‘bek Xalilov
Noshir: Ahmad To‘ra
Dizayner: Muhammadxon Yusupov
Adadi: 1000
Nashriyot: “Ijod nashr”
O‘zbekiston Yozuvchilar uyushmasi Axborot xizmati
O‘ZBEKISTON
Vodiylarni yayov kezganda,
Bir ajib his bor edi manda.
Chappar urib gullagan bog‘in,
O‘par edim vatan tuprog‘in.
Odamlardan tinglab hikoya
O‘sar edi shoirda g‘oya.
Daryolardan kuylab o‘tardim,
Ertaklarga quloq tutardim.
Hammasini tinglardim, ammo,
O‘xshashini topmasdim aslo.
O‘xshashi yo‘q bu go‘zal bo‘ston,
Dostonlarda bitgan guliston —
O‘zbekiston deya atalur,
Uni sevib el tilga olur.
Chiroylidir go‘yo yosh kelin,
Ikki daryo yuvar kokilin.
Qorli tog‘lar turar boshida,
Gul vodiylar yashnar qoshida.
Chor atrofga yoyganda gilam,
Aslo yo‘qdir bundayin ko‘klam.
Tog‘lardagi qip-qizil lola,
Bo‘lib go‘yo yoqut piyola,
Buloqlardan uzatadi suv,
El ko‘zidan qochadi uyqu.
Dalalarda boshlanadi ish,
Boshlanadi ijod va turmush.
Kundan-kunga o‘sadi paxta,
Barg chiqadi har bir daraxtda.
Olmazorlar gulin to‘kadi,
Meva bog‘lab shoxin bukadi.
Shaharlarda ishga chiqib el,
Odam bilan to‘lar Tekstil.
Hammasining bir istagi bor,
Hammasi ham xursand, baxtiyor.
Bu o‘lkada har narsa bordir,
Ko‘rmaganlar doim xumordir.
Amu bilan Sirdan suv ichgan,
Zarafshonni loylatib kechgan,
Chavandozlar bordir bu elda.
Bahor chog‘i pishqirgan selda
Arg‘umoqlar qo‘shig‘i bordir.
Bu shundayin ajib diyordir.
Dalasida o‘smas tikonlar,
Cho‘llarida chopmas ilonlar,
Qush uchganda kuymas qanoti,
Odam o‘tsa qurimas zoti.
Chanqov qolib yo‘lovchi o‘lmas,
Har burchakda boshkesar bo‘lmas.
Kulbalarni kelib bosmas qum,
Go‘daklarni yutmas och o‘lim.
Odamga baxt va tole yordir —
Bu shundayin ajib diyordir.
Bunda bulbul kitob o‘qiydi,
Bunda qurtlar ipak to‘qiydi,
Bunda ari keltiradi bol.
Bunda qushlar topadi iqbol,
Bunda qorning taglarida qish,
Bahor uchun so‘ylaydi olqish.
Bir o‘lkaki husnga boydir,
Uning eng zo‘r ko‘zgusi oydir,
Bir parcha o‘t bo‘lib bunda kun
Paxtasiga ishlaydi har kun.
Botirlari kanal qazadi,
Shoirlari g‘azal yozadi.
Kuychilari o‘qiydi yalla,
Juvonlari aytadi alla.
Pazandasi yopadi shirmon,
Qarilari kutadi mehmon —
Bu shundayin ajib diyordir.
Buning qiziq hikmati bordir.
Har go‘shada suyangan tog‘i,
Gurjistonda sevgan o‘rtog‘i,
Unga husn va iftixordir.
Uzoq Sharqda qo‘shini bordir,
Shuning uchun tinchdir ul ko‘ngul.
Shuning uchun osoyishdir ul.
Shuning uchun somonda yotmas,
Shuning uchun sovuqda qotmas.
Yovlariga osmon tutundir,
Shuning uchun bag‘ri butundir,
Shuning uchun yopinmagay xas,
Shuning uchun kiyinar atlas.
Shunday o‘lka doim bor bo‘lsin,
Shunday o‘lka elga yor bo‘lsin.
Omon bo‘lsin og‘aynilari,
Omon bo‘lsin do‘stlarning bari.
Doim bo‘lsin davlati omon,
Shunday bo‘lsin bu butun jahon.
Shaftoluzor bog‘larni ko‘rdim,
Gul ko‘kargan tog‘larni ko‘rdim,
Mehr qo‘yib o‘pgan sari oq,
Oppoq bo‘ldi bu, aziz tuproq.
Vodiylarni yayov kezganda,
Bir ajib his bor edi manda...
Hamid Olimjon
