4629
Adabiyot yashasa, millat yashaydi. Фикр ва мулоҳазаларингизни, адабиёт ҳақидаги мақолаларингизни шу манзилга йўлланг: @yozuvchilarbot
Olimpiada ilhomlari
SAKKIZ MOʻJIZA
Parij olimpiadasi g‘oliblariga bag‘ishlanadi
Sakkizta oltinni taqib ko‘ksingga
Sakkiz moʻjizani yaratding chindan.
Olamni mahliyo etib o‘zingga,
Yangi kuch, yangi ruh uyg‘ondi sendan.
Dunyoni lol etdi o‘zbekning mushti,
Hasanboy, Lazizbek, qo‘rqmas Bahodir.
Parijni titratdi alplarim shashti,
Temuriy naslisan, har ishga qodir.
Zarbasi naqadar kuchli ekan-ku,
Asadxo‘ja ila Abdulmalikning.
Ortida turgani yolg‘iz Vatan-ku,
Ijobat bo‘lgandir duosi xalqning.
To‘maris kelbatli go‘zal Diyora,
Buyuk momolarga bo‘ldi munosib,
Raqibga chap berdi, yondi ming bora,
Vatanga qoldirdi bir tarix yozib.
Razambek, Ulug‘bek, shashtingiz baland,
Kuragi zaminga tegmagan xalqmiz,
Sizdadir jasorat, sizdadir talant,
Yengilmas nomiga munosib, haqmiz.
Ota duosini olgan kam bo‘lmas,
Yurtboshim sim qoqdi, ko‘ksi tog‘ bo‘lib,
Zafardan ortiqroq totli dam bo‘lmas,
Parijni yashnatdi bitta bog‘ bo‘lib,
Ofarin, tasanno, bahodirlarim,
Sizga yarashadi yozsam ming doston.
Siz mening moʻjizam ham g‘ururlarim,
G‘alaba muborak, jon O‘zbekiston!
Ashurali Boymurod,
O‘zbekiston Yozuvchilar uyushmas aʼzosi
CHEMPION O‘ZBEKLARIM
“Olimpiada-2024”da g‘alaba qozongan yurtdoshlarimga
Qatordan qolmayin deb ot surib kelgan millat,
Besh xalqaga bir xalqa qo‘shib juft qilgan millat,
Erku eʼzozdan balqib toleyi kulgan millat
Ko‘ksiga shamol tekkan shodumon o‘zbeklarim.
To‘rt yillikning ko‘zlar to‘rt bo‘lib kutgan bahslari,
To‘rt tomondan taralgan hayqirig‘u saslari,
Sport saltanatining eng bahodir, aslari –
Pahlavon Mahmuddayin pahlavon o‘zbeklarim.
“Yo ota!” deb polvonlar kurashdi alplarga xos,
Marsgacha eshitildi yapon qiz tortgan uvvos...
Olimpiya obro‘sin chandon oshirgani rost –
Jahon ichra o‘zlari bir jahon o‘zbeklarim.
Diyora degan gulyuz, guldayin nozik, nafis,
Bir ko‘rganda polvon deb o‘ylaymaysiz shubhasiz...
Lek Vatan shaʼni desa, tog‘ni talqon qilgan qiz,
Jasoratdan yaralgan qahramon o‘zbeklarim.
Atomni zarra deya parvo qilmaganlarga
Hasanboyning zarbasin ko‘zga ilmaganlarga...
Ko‘rsatib qo‘yda takror avval bilmaganlarga,
Qay vatanda joylashgan Andijon o‘zbeklarim.
Asadxo‘ja, Lazizbek farg‘onacha ish qildi,
Farg‘onacha ishini ikkisi ham besh qildi,
Charmqo‘lqopga minglab bolalarni esh qildi,
Mushti qattiq – o‘zlari bolajon o‘zbeklarim.
Ringga chorlab o‘tirmang – shart oltinni bering, bas,
Bahodirning qaddiga devlar qilarmish havas,
Zarbiga turib bermoq odam bolasigamas,
Yanayam ayab urar mehribon o‘zbeklarim.
Turkiyning qarshisiga turkiyni qo‘ydi oxir,
O‘zbek bolasimi yo qirg‘iz o‘g‘limi mohir?
Abdumalik pallasi tosh bosdi biroz og‘ir,
Bayram qildi qirg‘iz-la qadrdon o‘zbeklarim.
Razambek ham finalda olishdi yapon bilan,
Ikkisi ham kurashdi butun tanu jon bilan,
Yutuq qoldi baribir bug‘doyrang polvon bilan,
Kunchiqar yurtdan yurti charog‘on o‘zbeklarim.
Ulug‘bek oltin oldi ikki oyoqda yurib,
Boshi bilan qo‘lini ishga solmasdan turib,
Jarohatu og‘riqni bir dam chekkaga surib,
Matonatdan tikladi soyabon o‘zbeklarim.
Sovrindorlar safi keng – sanasam, doston bo‘lur,
Dostonlarni jamlasam, muazzam devon bo‘lur,
“Shohnoma”sin quchoqlab Firdavsiy hayron bo‘lur,
O‘n besh kunda shunchalik topdi shon o‘zbeklarim.
O‘zbek o‘zi azaldan saxiy bo‘lgan, mard bo‘lgan,
Yutqazsa ham, yutsa ham boshi tik, baland bo‘lgan,
Yuragida “Dunyo tinch tursin!”, degan dard bo‘lgan,
Bu kun tinchlik tufayli farovon o‘zbeklarim.
Parijga borgan necha o‘zbek – qizu o‘g‘londir,
Parijga borgan asli Yangi O‘zbekistondir,
Murabbiy ham muxlisi bir shavkatli sultondir,
Sultoniga yolchigan jonajon o‘zbeklarim.
Eng muhtasham zafarlar oldinda, nasib qilsa,
Boshimiz chiqmay qolar oltindan, nasib qilsa,
Ey, sen dunyo, tayyor tur oldindan, nasib qilsa,
Bo‘lgay har bir bolasi chempion o‘zbeklarim!
11.08.2024
Zohidjon Olov,
O‘zbekiston Yozuvchilar uyushmasi aʼzosi
https://yuz.uz/news/yangi-ozbekiston-galabasi
Читать полностью…
Olimpiada kundaligi
Ulug‘bek Rashitov yopilish marosimida delegatsiyamiz bayroqdori bo‘ladi
Bir necha soatdan keyin “Stad de Frans” stadionida Parij-2024 yozgi Olimpiya o‘yinlarining tantanali yopilish marosimi boshlanadi. Mazkur tadbirda delegatsiyamiz bayroqdori vazifasini taekvondo WT bo‘yicha ikki karra Olimpiya o‘yinlari chempioni Ulug‘bek Rashitov bajaradi.
Olimpiyada kundaligi
OLIMPDAGI VATANIM
Ko‘hna shahar qadim ko‘chalarining
Navqiron ovozi bo‘ldi eldoshlar.
Ko‘ko‘par binoyu uychalarining
Tomiriga emday kirdi dildoshlar.
Yengdi er yigitlar, yengdi er qizlar,
Ovro‘paga tikdi Vatan bayrog‘in.
Ilk ota bo‘lganday yig‘ladik bizlar,
Ko‘z yoshga chayilgan so‘zlar qayroqi.
Tarqadi tumanday dildagi tugun,
Ular ismi singlim, ukam otiday.
Osmondan oltinlar yog‘ildi bugun,
Zafar taʼmi enam noni totiday.
Yurtda Diyoralar ko‘paydi chindan,
Ulug‘bek, Hasanboy, Asadxo‘jalar.
Lazizbek, Razambek, Abdumalik ham
Baho jangin ko‘rdik qoqmay mijjalar.
Akbar, Svetlana, kumushim sizlar,
Alisher, G‘ulomjon, Muzaffarbegim,
Sizni yaxshi ko‘rib qoldik-da bizlar,
Oltindan ziyosiz kelyapti degim.
Bo‘yinni cho‘zsangda hatto g‘ozlarday,
Sovringa bosh suqish mushkul xorijda.
Zot ayirib xuddi chavondozlarday,
Yurt qo‘shig‘in ko‘p bor aytdik Parijda.
13-o‘rin, 13 ta medal,
Sirli raqam bizga sirlarin ochdi.
Bosamiz gazini, bosamiz pedal,
Shashtimizni ko‘rib raqiblar qochdi.
Bizga kor qilmaydi yozning chillasi,
El-ulus baraka tuzin totganday.
Vagonlab tashilgan yurtim tillasi
Ortga qaytayotir shoir aytganday.
Ko‘plarga parovoz bo‘ldi-ku mardlar,
Bugun turkiylaram chindan biz taraf.
Turklarimga boshqa kelmasin dardlar,
Bizni birlashtirgan sportga sharaf!
Yangi yurt quryapti yorqin kelajak,
Olimpda ko‘pchilni iydirdi o‘zbek.
Sohibjamol Eyfel — go‘zal kelinchak
Boshiga do‘ppisin kiydirdi o‘zbek.
Fozil Farhod
Olimpiada kundaligi
Bahodir Jalolov – ikki karra Olimpiya oʻyinlari chempioni!
Mahoratli bokschimiz Bahodir Jalolov Parij-2024 yozgi Olimpiya oʻyinlari doirasida bugungi final janglariga ajoyib nuqta qoʻydi. Eng ogʻir vazn toifasida ishtirok etgan hamyurtimiz chempionlik jangida ispaniyalik Ayub Gʻadfani oʻzining kuchli va aniq zarbalari oldida ojiz qoldirdi.
Ushbu olamshumul g’alabadan keyin O’zbekiston erkaklar terma jamoasi Olimpiadani 5 ta oltin medal bilan yakunlamoqda. Yigitlarimiz umumjamoa hisobida birinchi o’rinni qo’lga kiritib, o’zbek boksining qudratini yana bir karra butun dunyoga ko’rsatishdi.
Shuning bilan, Oʻzbekiston delegatsiyasi hisobidagi medallar 8 ta oltin, 2 ta kumush va 3 ta bronzaga yetmoqda. Barakalla, oʻzbegim Bahodiri!
Olimpiada kundaligi
Svetlana Osipova Parij-2024 yozgi Olimpiya oʻyinlarida kumush medalga sazovor boʻldi!
Taekvondo WT boʻyicha Oʻzbekiston terma jamoasi aʼzosi Svetlana Osipova ushbu sport turida Olimpiya oʻyinlarida medal qoʻlga kiritgan birinchi ayol sportchimizga aylandi. Hamyurtimiz shiddatli va murosasiz ruhda oʻtgan final bahsida mezbonlar vakili, sobiq jahon chempioni va Tokio-2020 yozgi Olimpiya oʻyinlarining bronza medali sohibi Alteya Lorenga imkoniyatni boy berib, kumush medal bilan taqdirlandi.
Ushbu natijadan keyin terma jamoamiz hisobidagi medallar hozircha 7 ta oltin, 2 ta kumush va 3 ta bronzaga yetdi. Biz sen bilan faxrlanamiz, Sveta!
Olimpiada kundaligi
O‘zbekiston 13-o‘ringa chiqdi!
Olimpiada kundaligi
Sportchilarimizning chiqishlari:
22:30 🤼♂️ Final. Razambek Jamalov.
22:53 🥋Bronza uchun o’tish o’yini. Nikita Rafalovich.
00:37 🥋Final. Svetlana Osipova.
00:47 🥊 Final. Abdumalik Xalokov.
01:51 🥊 Final. Bahodir Jalolov.
Давлатимиз раҳбарининг ғолиб спортчилар билан мулоқоти.
Читать полностью…
Olimpiada kundaligi
Svetlana Osipova yarim finalda!
Taekvondo WT bo’yicha O’zbekiston terma jamoasi a’zosi Svetlana Osipova Parij-2024 yozgi Olimpiya o’yinlarining yarim finaliga yo’llanma oldi. Hamyurtimiz chorak finalda jahon chempionatlarining ikki karra sovrindori buyuk britaniyalik Rebekka Makginni mag’lubiyatga uchratishga erishdi. Endi yurtdoshimiz final yo’llanmasi uchun janubiy koreyalik Li Dabin bilan jang qiladi.
Olimpiada kundaligi
Akbar Jo’rayev — Parij-2024 yozgi Olimpiya o’yinlari kumush medali sohibi!
Og’ir atletika bo’yicha O’zbekiston terma jamoasi a’zosi Akbar Jo’rayev o’z sovrinlari orasiga Parij-2024 yozgi Olimpiya o’yinlarining kumush medalini ham qo’shib qo’ydi. -102 kg vazn toifasida ishtirok etgan yurtdoshimiz dast ko’tarishda 185 kg, siltab ko’tarishda 219 va umumiy hisobda 404 kg bilan kumush medalga sazovor bo’ldi. Barakalla, Akbar!
Olimpiada kundaligi
Nikita Rafalovich dastlabki jangini o’tkazdi
Taekvondochimiz Nikita Rafalovich (+80 kg) Parij-2024 yozgi Olimpiya o’yinlaridagi ishtirokini boshladi. Eronlik Arian Salimi bilan bellashgan hamyurtimiz imkoniyatni boy berdi. Endi Salimi finalga yetib borgan taqdirda Rafalovich bronza medali uchun kurashni davom ettiradi. Sanoqli soniyalardan keyin Svetlana Osipova dayanga ko’tariladi.
Olimpiada kundaligi
Parij-2024 yozgi Olimpiya o’yinlari o’z yakuniga yetib bormoqda. O’zbekiston atletlari bugun 7 ta sport turida ishtirok etadi.
10 avgust — Erkin Aʼzam tug‘ilgan kun
ERKIN AʼZAM
10-avgust “Tafakkur” jurnali bosh muharriri, O‘zbekiston xalq yozuvchisi Erkin Aʼzam tug‘ilgan kun. O‘zbekiston Yozuvchilar uyushmasi jamoasi adibni ushbu sana bilan muborakbod etadi.
Erkin Aʼzam 1950-yil 10-avgustda Surxondaryo viloyatining Boysun tumanida tug‘ilgan.
Yozuvchining dastlabki hikoyalar to‘plami "Chiroqlar o‘chmagan kecha" 1977-yilda bosilib chiqqan. Ijodkorning "Otoyining tug‘ilgan yili", "Olam yam-yashil", “Javob”, "Bayramdan boshqa kunlar", "Pakananing oshiq ko‘ngli", "Kechikayotgan odam", "Jannat o‘zi qaydadir", "Ertak bilan xayrlashuv", “Guli-guli”, “Shovqin” kabi hikoyalar to‘plamlari, qissa va romanlari nashr etilgan. Ko‘plab asarlari rus, tojik, ingliz va boshqa xalqlar tillariga tarjima qilingan.
Erkin Aʼzam “Chantramore”, “Piyoda”, “Pakana”, “Dilxiroj”, “Erkak”, “Zabarjad” kabi qator kinofilmlarning ssenariy muallifi hamdir. Uning "Jannat o‘zi qaydadir", “Shajara”, "Farrosh kampirning tushi", "Xonadon egasi", "Tanho qayiq yoxud devonaning orzusi" kabi pyesalari nashr etilgan. “Shovqin” romani adibning ijodiy o‘sishida yangi bir bosqich bo‘ldi.
Adib qalamiga mansub “Erkak” badiiy filmi 2004-yilda “Kinoshok” xalqaro kinofestivalida "Eng yaxshi ssenariy" nominatsiyasi bo‘yicha g‘olib deb topilgan. Shuningdek, Vezul (Fransiya) xalqaro kinofestivalida Bosh sovrin (Gran-pri)ga sazovor bo‘lgan. "Suv yoqalab", “Parizod” ssenariylari asosida yaratilgan badiiy filmlar nufuzli Xalqaro kino anjumanlarda sovrinli o‘rinlarni qo‘lga kiritgan.
2019-yilda O‘zbekiston Yozuvchilar uyushmasi tomonidan “Adib va jamiyat” seriyasida “Yozuvchining bog‘i” nomli qissa va hikoyalar to‘plami, keyingi yillarda 4-jildlik “Tanlangan asarlar”i nashr etildi. Erkin Aʼzam 2013-yilda "Eng ulug‘, eng aziz" tanlovida g‘oliblikni qo‘lga kiritgan. 1998-yilda “O‘zbekistonda xizmat ko‘rsatgan jurnalist”, 2016-yilda “O‘zbekiston xalq yozuvchisi” faxriy unvonlari, 2020-yilda “Fidokorona mehnatlari uchun” ordeni bilan mukofotlangan.
O‘zbekiston Yozuvchilar uyushmasi Axborot xizmati
Olimpiada ilhomlari
* * *
Olimpiada ishtirokchilari va qahramonlariga bag‘ishlayman...
Chapaklar zarbidan titraydi osmon,
Eyfel minorasi ketadi cho‘chib.
Shohsupada g‘olib, mard O‘zbekiston
Madhiya boshlaydi Parijni quchib.
Diyora lol etdi butun olamni,
Yapon sherlari ham tan berdi hatto.
Ko‘z yoshdan oladi Yuta alamni...
Bilolmay qayerda qilganin xato...
Hasanboy, Ulug‘bek, Malik, Bahodir,
Asadu Lazizbek, har biri yakto.
Har biri mardlarim, har biri nodir,
Har biri elimga shon etdi ato!
Faqat... Sitoraga boqmadi omad...
Nogoh Olimpning ham charxi buzildi...
Bu qanday razolat, tengmi kuch, qomat?
Nahot yigit, qizning farqi buzildi?
Bunda ne maʼno bor, ne sir bor dunyo,
Jo‘mard Alpomishing Oybarchin bo‘lmish?
Gender teng deganing shu edimi yo,
Yo, rab, bobom ori yer parchin bo‘lmish?
O‘ksinma Sitora, sen asli g‘olib,
Hammaga ayondir maydondagi hol…
Garchi u bo‘lsada oltinga tolib,
Raqib-la tirlashding, kurashding halol…
Bayrog‘im yuksalar bayroqlar osha,
Yovqur ajdodlarim qonidan meʼros.
Bu shunchaki jangmas, emas tomosha,
Tumaris, Barchinlar shaʼnidan meros...
Kubroning qo‘lida ollangan to‘g‘ni...
Bugun o‘g‘lonlarim ko‘tarar ko‘kka.
Bugun Olimpdagi mashʼala, cho‘g‘ni,
Yulduzdek qadashdi o‘n uch yurakka!
Shahodat Isaxonova,
O‘zbekiston Yozuvchilar uyushmasi aʼzosi
Olimpiada ilhomlari
OLIMP CHO‘QQISIDA O‘ZBEKLAR
Oltinlar shodasi, kumush, birinjlar,
Yog‘ildi – ushalib orzu-ilinjlar.
Medalni yulduzday terar o‘zbeklar,
Olimp cho‘qqisida turar o‘zbeklar.
Keng feʼlin ko‘rsatib, topib bardoshni,
Chetda tashlab qo‘ymas, qo‘llar qardoshni.
G‘oliblik darsini berar o‘zbeklar,
Olimp cho‘qqisida turar o‘zbeklar.
Diyora, Bahodir, Hasan, Ulug‘bek,
Malik, Asad, Laziz ko‘tardi tug‘dek –
Yurt bayrog‘in yuksak ko‘rar o‘zbeklar,
Olimp cho‘qqisida turar o‘zbeklar.
O‘rnak olar elning ko‘zu qoshlari –
Yangi O‘zbekiston yangi yoshlari.
Vatan sevmoq zavqin surar o‘zbeklar,
Olimp cho‘qqisida turar o‘zbeklar.
Qahramon ajdodlar ruhin shod aylab,
Kimligin eslatib, aslin yod aylab –
Ko‘ksin mag‘rur kerib yurar o‘zbeklar,
Olimp cho‘qqisida turar o‘zbeklar!
11.8.2024
Bobur Bobomurod,
O‘zbekistonda xizmat ko‘rsatgan madaniyat xodimi
Studiya 24 | Nurboy Jabborov - filologiya fanlari doktori, professor bilan suhbat
Читать полностью…
Olimpiada kundaligi
BAHODIR
Vatan — daryo, cho‘lim, tog‘ — toshimgacha,
Menga madad bo‘ldi — ko‘ksimda yolqin!
Omonat jonimdan, ko‘z yoshimgacha
Sening olqishingni his etdim, Xalqim!
Otam niyat qilgan Ollohim qodir —
Qulog‘im ostida yangragan azon,
Nur birla yo‘g‘rilgan ismim — Bahodir
...Sezdim, Bahodirga bo‘lmaskan oson.
Parij, hayron boqma, kim qular behush...
Titrab ketar goho ring arqonlari.
Zarb urgan men emas, bobom Alpomish!
Tomrimda qo‘zg‘olar Alpning qonlari!
Sezaman jonholat men jang ichinda,
Onam olislarda o‘qiydi duo...
Kuchliroq kuch bormi ona kuchingdan,
Sen o‘zing Onamni asragin, Xudo!
Ul zot yuksak erur shonu sharafdan,
Qatra ko‘z yoshiga ming jonim fido!
Bir nur oqib keldi Surxon tarafdan,
Oz qoldi...
Yengaman, qo‘llasa Xudo!
...Mana men g‘olibman,
vujudimda nur —
Har zarbim shashtidan yuragim qalqdi.
Ishonching oqladim, boringga shukr,
Onamga aylangan mehribon, Xalqim!
11.08.2024-y.
Qo‘chqor Norqobil
Olimpiyada kundaligi
Bugun Parij-2024 XXXIII yozgi Olimpiya o’yinlari o’z nihoyasiga yetadi. Sportchilarimizning tarixiy Olimpiadadagi ishtirokini og’ir atletikachimiz Tursunoy Jabborova yakunlab beradi. Shuningdek, kechki dasturda tantanali yopilish marosimi ham o’tkaziladi.
Olimpiada kundaligi
Bahodir Jalolovning jangi boshlandi. U yutsa, O‘zbekistonning oltinlari 8 ta bo‘ladi. Kuzating!
Olimpiada kundaligi
Abdumalik Xalokov Oʻzbekiston delegatsiyasiga yettinchi oltin medalni taqdim etdi!
Tarix yozishda davom etamiz. Boks boʻyicha Oʻzbekiston terma jamoasi aʼzosi, jahon chempioni Abdumalik Xalokov sovrinlari orasiga yozgi Olimpiya oʻyinlarining oltin medalini ham qoʻshib qoʻymoqda. Buxorolik sportchimiz chempionlik jangida Qirgʻiziston vakili Munarbek Seitbek oʻgʻlini yaqqol ustunlik bilan magʻlub etib, shohsupaning eng yuqori pogʻonasiga koʻtarildi.
Ushbu muvaffaqiyatdan keyin Oʻzbekiston delegatsiyasi hisobidagi medallar hozircha 7 ta oltin, 1 ta kumush va 3 ta bronzaga yetmoqda. Tasanno, Abdumalik!
Olimpiada kundaligi
Razambek Jamalov – Parij-2024 yozgi Olimpiya oʻyinlari chempioni!
Oʻzbekiston delegatsiyasi hisobida oltinchi oltin medal. Mazkur medalga erkin kurashchimiz Razambek Jamalov mualliflik qildi. -74 kg vazn toifasida ishtirok etgan polvonimiz chempionlik bahsida yaponiyalik Daichi Takatanini magʻlubiyatga uchratishga muvaffaq boʻldi.
Shu tariqa, Oʻzbekiston delegatsiyasi hisobidagi medallar hozircha 6 ta oltin, 1 ta kumush va 3 ta bronzaga yetdi. Yasha, Razambek!
EʼLON
Hurmatli ijodkorlar, Parij-2024 yozgi Olimpiya va Paralimpiya o‘yinlarida yurt shaʼnini himoya qilgan va olimp shoxsupasiga ko‘tarilgan sportchilarga bag‘ishlangan sheʼrlaringizni elektron shaklda yo wordda @fozilfarhod1 telegram manziliga yuborishingizni so‘raymiz! Muallif va uning tug‘ilgan yiliyam qayd etish esdan chiqmasin.
O‘zbekiston Yozuvchilar uyushmasi Axborot xizmati
ЭЪЛОН
Ҳурматли ижодкорлар, Париж-2024 ёзги Олимпия ва Паралимпия ўйинларида юрт шаънини ҳимоя қилган ва олимп шохсупасига кўтарилган спортчиларга бағишланган шеърларингизни электрон шаклда ё вордда @fozilfarhod1 телеграм манзилига юборишингизни сўраймиз! Муаллиф ва унинг туғилган йилиниям қайд этиш эсдан чиқмасин.
Ўзбекистон Ёзувчилар уюшмаси Ахборот хизмати
Бугун Президент Шавкат Мирзиёев Париждаги ёзги Олимпия ўйинларида Ўзбекистон спорт делегациясига навбатдаги 2 та олтин медални келтирган ва уларнинг сони бўйича рекорд кўрсаткичга эришилишига ҳисса қўшган спортчиларимиз — боксчилар Асадхўжа Мўйдинхўжаев ва Лазизбек Муллажонов билан телефон орқали суҳбатлашди.
"Бокс бўйича Ўзбекистон дунёда тенгсиз эканини яна бир карра исботлаганингиз учун миннатдорлик билдириб, табрикламоқчиман. Халқимизнинг чинакам қаҳрамонлари бўлдингиз. Янги Ўзбекистоннинг янги ёшларига жуда катта ўрнак, намуна бўлаяпсизлар. Юртимиз ўғлонлари нималарга қодир эканликларини бутун дунё ҳамжамияти кўриб турди ва мен сизлардан ғурурланаман", — деди давлатимиз раҳбари.
Йигитларимизнинг кечаги ғалабалари халқимизга жуда катта мамнуният бағишлагани таъкидланди. Президентимиз юқори натижаларга эришаётган олимпиячиларимизга, бутун терма жамоамизга ўзининг қизғин саломини етказишни сўради.
Чемпионлар ҳам Президент ва халқимиз ишончини оқлаганидан мамнунлигини билдириб, шундай ғалабаларга эришиш имконини берган эътибор ва кенг шароитлар учун давлатимиз раҳбарига ташаккур изҳор қилдилар. Бундан буён ҳам Ватан байроғини баланд кўтаришда давом этишга ваъда бердилар.
Axborot 24 | Oʻzbekiston Respublikasi Prezidenti Shavkat Mirziyoyevning Qozogʻistonga davlat tashrifi tafsilotlari.
Davlatimiz rahbari Ostona shahrida Markaziy Osiyo davlatlari rahbarlarining oltinchi Maslahat uchrashuvi va boshqa bir qancha yig‘inlarda ishtirok etdi. Ushbu nufuzli tadbirlarda O‘zbekiston Yozuvchilar uyushmasi raisi, xalq shoiri Sirojiddin Sayyid ham qantashdi.
Olimpiada kundaligi
Svetlana Osipova g’alaba bilan boshladi
Taekvondo bo’yicha O’zbekiston terma jamoasi a’zosi Svetlana Osipova dastlabki jangini muvaffaqiyatli o’tkazdi. Kot d’Ivuarlik Astan Batili bilan bellashgan hamyurtimiz 2:1 hisobida g’alaba qozonib, chorak finalga yo’llanma oldi.
#Olimpiada_kundaligi
OLIMPIADA ISHTIROKCHILARIGA
Asli dunyo o‘zbekdan qarzdir,
Ular oldi, ko‘rmay qoldikmi?!
Endi yurtga qaytarmoq farzdir:
Yurt jahonga bergan oltinni!
2024.10.08
© Nasrullo Ergash
👉 @xayol_soyasi
Тадбиркорларни фаолликка чорлаймиз!
Фаолиятингиз юзасидан таклиф ва мулоҳазаларингиз бўлса, 📞 1094 ва 1100 қисқа рақамлари орқали 👍24/7 режимида иш олиб бораётган “Call-марказ”, 👍@taklif_2024_bot ҳамда 👍taklif2024.uz электрон платформаси орқали мавжуд масалангизни баён этинг.
Президентнинг тадбиркорлар билан навбатдаги очиқ мулоқотига жуда оз вақт қолди!
🕊Telegram 📱Instagram 📱Facebook 📺Youtube
Olimpiada kundaligi
O’zbekiston delegatsiyasi yozgi Olimpiya o’yinlarida medallar sifati bo’yicha o’z tarixidagi eng yaxshi natijasini yangiladi!
Parij-2024 yozgi Olimpiya o’yinlari yakuniga yetib ulgurmagan bo’lsada, O’zbekiston delegatsiyasi ayni paytning o’zidayoq 5 ta oltin va 3 ta bronza medallari bilan o’z tarixidagi eng yaxshi natijani yangilab ulgurdi. Hali oldinda 3 nafar atletimiz ishtirokidagi final bahslari, qolaversa, ishtirokini kutib turgan bir qator sportchilarimiz bor.
Kelgusi kun dasturlarida ham Yangi O’zbekistonning qahramon sportchilaridan yangi g’alabalar kutib qolamiz. Olg’a, O’zbekiston!
