4586
Adabiyot yashasa, millat yashaydi. Фикр ва мулоҳазаларингизни, адабиёт ҳақидаги мақолаларингизни шу манзилга йўлланг: @yozuvchilarbot
"MA'RIFAT ULASHIB" LOYIHASI DOIRASIDA ADIBLAR BILAN YOSHLAR UCHRASHUVI O'TKAZILDI
Andijon davlat pedagogika institutida ushbu loyiha doirasida O‘zbekiston Yozuvchilar uyushmasi a’zolari - Ahmadjon Meliboyev, Zuhriddin Isomiddinov va Davron Rajab bilan uchrashuv bo‘lib o‘tdi.Читать полностью…
“Baku Book Fair” X Boku xalqaro kitob ko‘rgazma-yarmarkasi o‘z ishini boshladi
Joriy yil 2-8-oktyabr kunlari Ozarbayjon shoiri va mutafakkiri Muhammad Fuzuliy tavalludining 530 yilligi munosabati bilan Boku shahrida “Baku Book Fair” X yubiley xalqaro kitob ko‘rgazma-yarmarkasi bo‘lib o‘tmoqda.
Unda ko‘plab davlatlardan noshirlik korxonalari, kitob savdo tashkilotlari, ijodkorlar, O‘zbekiston delegatsiyasi tarkibida AOKA masʼul xodimlari, O‘zbekiston Yozuvchilar uyushmasi “Adabiyot” nashriyoti, noshirlar, soha mutasaddilari ishtirok etmoqda.
Maʼlumotlarga ko‘ra, bu yilgi kitob ko‘rgazma-yarmarkada 200 ga yaqin mahalliy va xorijiy nashriyot, kitob savdo tashkilotlari, 90 dan ortiq muallif va adabiyot namoyandasi ishtirok etmoqda.
Bir hafta mobaynida davom etadigan ko‘rgazma-yarmarka doirasida 150 ga yaqin turli formatdagi tadbirlar o‘tkazilishi rejalashtirilgan.
DO‘STLIK RISHTALARI SIRA UZILMAS
O‘zbekiston Yozuvchilar uyushmasida bo‘lib o‘tgan O‘zbekiston va Koreya ijodkorlari uchrashuvi doirasida fotograf Ahmad To‘raning “Adabiy do‘stlik – abadiy do‘stlik!” nomli shaxsiy fotoko‘rgazmasi tashkil etildi.
Ahmad To‘ra – O‘zbekiston Yozuvchilar uyushmasi Axborot xizmati bosh mutaxassisi, 15 yillik tajribaga ega professional fotograf, O‘zbekiston Jurnalistlar uyushmasi aʼzosi.
Ushbu fotoko‘rgazma 2023-yil 14-17-noyabr kunlari Koreya Respublikasining Kvangju shahrida bo‘lib o‘tgan koreys tilli adiblarning IX xalqaro kongressi hamda 18-19-noyabr kunlari o‘zbek delegatsiyasining Seul shahriga qilgan sayohatiga bag‘ishlandi.
O‘zbekiston Yozuvchilar uyushmasi Axborot xizmati
1-oktyabr kuni Yozuvchilar uyushmasida O‘zbekiston va Koreya ijodkorlari uchrashuvi bo'lib o'tdi. Tadbirdan fotolar.
Muallif – Ahmad To'ra.
1-oktyabr kuni Yozuvchilar uyushmasida O‘zbekiston va Koreya ijodkorlari uchrashuvi bo'lib o'tdi. Tadbirdan fotolar.
Muallif – Ahmad To'ra.
Taʼziya
O‘zbekiston Yozuvchilar uyushmasi jamoasi uyushma aʼzosi Dilbar Haydarovaga qizi Dilorom Kamolovaning vafoti munosabati bilan chuqur hamdardlik bildiradi.
O‘zbekiston Yozuvchilar uyushmasi Axborot xizmati
“Zamon Avloniysi”
Hurmatli o‘qituvchi va ustozlarimizni nega aynan mana shu spektaklga taklif etdik?!
Spektakl Oʻzbekiston Respublikasi xalq oʻqituvchisi, “Buyuk xizmatlari uchun” va “Mehnat shuhrati” ordenlari sohibi, matematika faniga ixtisoslashgan Qorakoʻl internat-maktabini ochishda jonbozlik koʻrsatgan To’xtamurod Jumayev haqida. U orqali biz sizga yana bir haqiqatni eslatmoqchimiz, davlatimiz rahbari aytganlaridek, barcha islohotlar, o‘zgarishlar kaliti ta’lim va tarbiyadir. Biz bunda sizlarga – fidoyi ustozlarga tayanamiz. Teatrda jam bo‘lgan o‘qituvchi va ustozlar orasida ham To’xtamurod Jumayevdek buyuk islohotchi, ta’lim jonkuyarlari chiqishiga umid qilaman.
Spektaklda To‘xtamurod Jumayevning maktab ochishdagi qiyinchiliklari va millat bolalari kelajagi uchun fidokorona mehnati hikoya qilinadi. Biz butun tomosha davomida voqealar ichida yashadik, ta’sirlandik va o‘ylaymanki, ustoz va o‘qituvchilarimiz tanlagan kasblari qanchalar mashaqqatli va qimmatli ekanligini angladilar.
Teatr ijodkorlariga ajoyib ijro va hamkorlik uchun minnatdorlik bildiraman. Ta’lim tizimida faoliyat olib borayotgan barcha ustoz va o‘qituvchilarimizga “Zamon Avloniysi” spektaklini tomosha qilishni tavsiya qilaman.
@hilola_umarova
https://uza.uz/oz/posts/ozbekiston-va-koreya-ijodkorlarining-adabiy-muloqoti_641210
https://uza.uz/posts/641209
"Avvalo o‘qituvchining o‘zi huquqiy, ijtimoiy va moliyaviy tomondan himoya qilingan va yetarli ta’minlangan bo‘lishi kerak"
"Ta’lim – sohalar ichida eng dolzarbi, maktab – eng muhimi bo‘lsa, o‘qituvchilik kasblar orasida eng ulug‘idir. Men sizlarni juda hurmat qilaman"
"O‘qituvchi kasbini jamiyatdagi eng obro‘li ishga aylantirish mening necha yillik orzuim, kerak bo‘lsa, armonim edi" – Prezident
Diqqat, tanlov!
O‘ZBEKISTON YOZUVCHILAR UYUSHMASI,
IMOM BUXORIY XALQARO ILMIY-TADQIQOT MARKAZI,
O‘ZBEKISTON MUSULMONLARI IDORASI,
O‘ZBEKISTON RESPUBLIKASI VAZIRLAR MAHKAMASI HUZURIDAGI DIN ISHLARI BUYICHA QO‘MITA
Islom dinining ilm-maʼrifat, maʼnaviy poklik, axloqiy komillik, tinchlik-osoyishtalik, taraqqiyot va bunyodkorlikka chaqiruvchi g‘oyalarini xalqqa, ayniqsa, yoshlarga yetkazish maqsadida “Jaholatga qarshi maʼrifat” g‘oyasi asosida buyuk mutafakkir Imom Dorimiy va allomaning ilmiy merosi davomchilari haqida badiiy asarlar yaratish bo‘yicha tanlov eʼlon qiladi.
Tanlovda Yozuvchilar uyushmasi aʼzolari bilan bir qatorda barcha ijodkorlar ishtirok etishi mumkin.
Asarlar O‘zbekiston Yozuvchilar uyushmasiga taqdim etiladi.
Taqdim etiladigan asarlar (elektron varianti bilan) kompyuterda 1,5 interval, 14 shriftda ko‘chirilgan bo‘lishi zarur.
Belgilangan tartib bo‘yicha taqdim etilmagan asarlar ko‘rib chiqilmaydi.
Taqdim etilgan asarlar mualliflarga qaytarilmaydi.
Taniqli ijodkorlardan iborat hakamlar hayʼati tanlovga taqdim etilgan asarlarni o‘qib, baholab boradi. G‘olib deb topilgan asarlar Yozuvchilar uyushmasi muassisligidagi adabiy nashrlarda hamda kitob holida chop etiladi. Mualliflar tashkilotchilar tomonidan rag‘batlantiriladi.
Tanlovga ijodiy ishlar 2025 yilning 1 iyuniga qadar qabul qilinadi.
Murojaat uchun manzil: Toshkent shahri, Bunyodkor ko‘chasi, Adiblar xiyoboni, O‘zbekiston Yozuvchilar uyushmasi. Telefon: 71. 231-83-67.
Elektron manzil: badiiy_adabiyot@mail.ru
Haq yo‘linda kim sanga bir harf o‘qutmish ranj ila,
Aylamak bo‘lmas ado oning haqin yuz ganj ila.
Alisher Navoiy
Mahliyo Asqaraliyeva
"Qaqnus"
Ustozga ehtirom
1 oktyabr - "O‘qituvchi va murabbiylar kuni” munosabati bilan Olmaliq shahridagi Ipak yo‘li innovatsiyalar universitetida bayram tadbiri tashkil etildi.
Unda O‘zbekiston Yozuvchilar uyushmasi raisi o‘rinbosari G‘ayrat Majidov, Olmaliq shahar hokimligi vakillari, professor-o‘qituvchilar va talabalar ishtirok etdi. Tadbirni universitet rektori Nigora Sobirova ochib berdi. O‘zbekiston davlat sanʼat va madaniyat instituti bitiruvchi talabalari tomonidan ijro etilgan kuy-qo‘shiqlar yig‘ilganlarga xushkayfiyat ulashdi.
Yozuvchilar uyushmasi raisi o‘rinbosari G‘ayrat Majidov o‘z nutqida ustoz-murabbiylarning bugungi jadal rivojlanib borayotgan jamiyatda tutgan yuksak o‘rni, ijodkorlikni o‘stirish, rivojlantirishdagi ulkan hisassi hamda komil shaxslar yetishtirishdagi mashaqqatli mehnatlarini eʼtirof etdi.
Tadbirda bir guruh pedagoglarga "Yurt iftixori" ko‘krak nishoni va tashakkurnomalar topshirildi.
❗️
Maqsud Shayxzoda O‘rta Osiyo davlat universitetida tahsil olayotgan paytda o‘qituvchilarga savollarni yozma tarzda bergan. Buning sababi quyidagi maqolada keltirib o‘tilgan:
👉 jadid-media.uz/amir-temur-avlodiman-xoh-bolsam-da-ozari
😄Jadidmedia’ga obuna bo‘ling
Olimlik va odamiylik uyg‘un ustozlar
Dunyoda anglaganingiz sari bahosi tengsiz bo‘lib boradigan nomli va nomsiz boyliklar bor. Shunday boyliklardan birining nomi ustoz deb ataladi. Ular vaqt, imkon, naf, burch kabi umrning qiymatini belgilovchi omillarning sarlavhasi.
Batafsil: https://oyina.uz/uz/article/3069
Rasmiy sahifalarimiz👇
Telegram | Facebook | YouTube | X
O‘zbekiston xalq shoiri Enaxon Siddiqova tavalludining 70 yilligiga bag‘ishlanadi.
Читать полностью…
O‘zbekiston Respublikasi Prezidenti Shavkat Mirziyoyevning Pedagogik mahorat milliy institutida o‘qituvchi va murabbiylar bilan muloqotidagi nutqidan
#2oct #uzbekiston24
O‘zbekiston va Koreya ijodkorlarining adabiy muloqoti
O‘zbekiston Yozuvchilar uyushmasida mamlakatimiz ijod ahlining Koreya Respublikasi yozuvchi va shoirlari bilan uchrashuvi bo‘lib o‘tdi.
Tadbir avvalida mehmonlar Adiblar xiyobonida bo‘lib, Alisher Navoiy haykali poyiga gullar qo‘ydi.
Davlat rahbari tashabbusi bilan bunyod etilgan Adiblar xiyoboni, milliy adabiyotimiz darg‘alarining haykallari, ustoz adiblarning hayoti va faoliyati xususida chet ellik mehmonlarga batafsil ma’lumot berildi.
Yozuvchilar uyushmasi binosida kitoblar hamda taniqli fotograf Ahmad To‘ra suratlaridan iborat ko‘rgazma tashkil etildi.
Ijodiy muloqot davomida O‘zbekiston Yozuvchilar uyushmasi raisi, O‘zbekiston xalq shoiri Sirojiddin Sayyid va boshqalar yangilanayotgan O‘zbekistonda adabiyot, ilm-fan, ma’naviyat va ma’rifat rivojiga ustuvor ahamiyat qaratilayotgani, turli millat va elat vakillarining erkin, samarali ijod qilishi uchun barcha sharoitlar yaratilganini ta’kidladi.
– Bunday ijodiy uchrashuvlar adabiy aloqalarni yanada yuksaltirishga xizmat qiladi, – dedi Sirojiddin Sayyid. – Prezidentimizning “Adabiyot – xalqning yuragi” degan so‘zlarini bugun ijod ahli o‘z faoliyatimiz uchun shior qilib olganmiz. Turkiy va Yevropa davlatlari, AQSHda ham uyushmaning faxriy a’zolari bor. Bu uchrashuvimiz O‘qituvchi va murabbiylar kuniga hamohang o‘tkazilayotganida o‘ziga xos ramziy ma’no bor. Zero, yozuvchi va shoirlar ham ustoz-muallimlardir. Ular o‘z asarlari bilan yosh avlodni ma’rifat sari yetaklashda o‘qituvchilar bilan yelkama-yelka ish olib borishmoqda. Aytish kerakki, uyushmamiz a’zolari turli millat vakillaridan iborat bo‘lib, ular orasida koreyslar ham borligi e’tiborga molikdir.
– Men O‘zbekiston haqida bir nechta kitoblar yozdim, – dedi koreyalik yozuvchi va jurnalist Cho Chyol Xyon. – Bu kitoblar O‘zbekiston Prezidenti Shavkat Mirziyoyev, uning tashabbusi asosida mamlakatingizda kechayotgan yangilanish jarayonlari, bu zaminda istiqomat qilayotgan koreys diasporasi, mamlakatning o‘ziga xos milliy qiyofasi, taraqqiyot odimlariga bag‘ishlanadi. Bunday adabiy aloqalar yozuvchi va shoirlarimiz o‘rtasidagi hamkorlikning tobora kengayishida muhim omil bo‘lib xizmat qiladi.
Adabiy anjumanda xorijiy mehmonlar tomonidan e’tirof etilganidek, 1937-yilda O‘zbekistonga ko‘chirib kelingan koreyslar tabarruk zaminimizda boshpana, rizq-nasiba, Vatanga ega bo‘ldilar. Eng og‘ir va sinovli yillarda o‘zbek xalqi ular bilan so‘nggi burda nonini baham ko‘rdi, eng asosiysi mehr va yaxshilik ko‘rsatdi.
– O‘zbek xalqi bilan farqli jihatlardan ko‘ra, o‘xshash tomonlarimiz juda ko‘p, – dedi o‘zbekistonlik yozuvchi va jurnalist Vladimir Kim. – Bu o‘xshashlik kattalarga hurmat, mehnatsevarlik, an’ana va qadriyatlarga sodiqlikda yaqqol ko‘zga tashlanadi. Bizdan mehrini darig‘ tutmagan O‘zbekiston fuqarosi, shu yurtning farzandi ekanimdan juda faxrlanaman.
Adabiy muloqot davomida o‘zbek va koreys shoirlarining ijodidan namunalar ikki xalqning ona tillarida yangradi. O‘zbekistonlik san’atkorlar ijrosida ikki xalqning qo‘shiqlari aytilgani tadbir ishtirokchilariga yanada ko‘proq zavq, hayrat bag‘ishladi.
E’tiborga molik jihati, O‘zbekiston Yozuvchilar uyushmasida koreyalik jurnalist va yozuvchilar, shoirlar bilan uchrashuvlar doimiy o‘tkaziladi. Koreya Respublikasining Kvanju shahrida o‘tkazilgan yozuvchilarning IX xalqaro kongressida o‘zbekistonlik adiblar ishtirok etdi. Koreya Respublikasidagi Markaziy Osiyo markazi tomonidan o‘zbek yozuvchisi, O‘zbekiston Yozuvchilar uyushmasi a’zosi Muhabbat Yo‘ldoshevaning “Mening bulut do‘stlarim” kitobi bir yo‘la o‘zbek, koreys, ingliz, rus tillarida chop etildi. Bularning bari adabiy aloqalarimiz tobora kengayib, mustahkamlanib borayotganini yana bir bor ko‘rsatmoqda.
Anjuman doirasida ikki xalq yozuvchilari o‘rtasidagi hamkorlikning yangi istiqbollari belgilandi.
Mehmonlar poytaxtimizdagi yangilanish jarayonlari bilan tanishib, diqqatga sazovor maskanlar, tarixiy obidalarga sayohat qildi.
Nazokat Usmonova, O‘zA muxbiri
1-oktyabr kuni Yozuvchilar uyushmasida O‘zbekiston va Koreya ijodkorlari uchrashuvi bo'lib o'tdi. Tadbirdan fotolar.
Muallif – Ahmad To'ra.
#nazm
Sevgidan so'ylarding u kun entikib,
So'ylarding visolning yaqin kelishin.
Men bo'lsam ko'zimni qaygadir tikib,
O'ylardim dunyoning savdoli ishin.
Bugun-chi, bir o'zim, yuribman tanho,
Sevgi ham visol ham bo'ldilar abas.
Barchasi manguga tark etdi, ammo
Faqat o'sha o'ylar tark etgan emas.
Abdulla Oripov
@yoshlikjurnali
O‘zbekiston Yozuvchilar uyushmasi a‘zosi, yozuvchi Artyom Goroxov
“O‘zbekiston 24” radiokanalining “Literaturnaya gostinaya” dasturi
#Ona_tilim
O‘zbek tili kambag‘al emas, balki o‘zbek tilini kambag‘al deguvchilarning o‘zi kambag‘al. Ular o‘z nodonliklarini o‘zbek tiliga to‘nkamasinlar.
Oʻzbek tilida xatosiz yozishga yordam beruvchi “Sof til” nomli bot ishga tushirildi
Bot (/channel/softil_bot) Respublika Maʼnaviyat va maʼrifat markazi tomonidan yaratilgan bo‘lib, o‘zbek tilida xatosiz yozishni keng targ‘ib qilish maqsadida ishlab chiqilgan.
Agar siz reklamalarda, peshlavhalar, ovqatlanish joylari, savdo shoxobchalari va qayerda bo‘lmasin o‘zbek tilida xato yozilgan so‘zlarni ko‘rsangiz, uni suratga oling va softil_botga yuboring. Suratdagi manzil va o‘zingiz haqidagi ma`lumotlarni ham kiriting.
Mutaxassis va mas`ullar bilan birgalikda siz yuborgan manzildagi xatolik bartaraf etiladi.
Tilimizga befarq bo‘lmang!
1-oktyabr — O‘qituvchi va murabbiylar kuni
USTOZLARGA
Oldimizda yo‘l bor, ortda tag‘in yo‘l,
Siz bizni kutdingiz, kutgaymiz biz ham.
Ortingizda edik – uzatdingiz qo‘l,
Ortdan kelganga qo‘l tutgaymiz biz ham...
Nasrullo Ergash,
O‘zbekiston Yozuvchilar uyushmasi a'zosi
TA'ZIYA
O‘zbekiston Yozuvchilar uyushmasi jamoasi uyushma azosi Go‘zal Matyoqubova — Go‘zaloy Solih qiziga opasi Muhayyo Matniyozovaning vafoti munosabati bilan chuqur hamdardlik bildiradi.
O‘zbekiston Yozuvchilar uyushmasi Axborot xizmati
Встреча узбекских и корейских мастеров пера в Союзе писателей Узбекистана
Читать полностью…
TA'ZIYA
O‘zbekiston Yozuvchilar uyushmasi jamoasi uyushma a'zosi Ozoda Bekmurodovaga akasi Abduahad Bekmurod o‘g‘lining vafoti munosabati bilan chuqur hamdardlik bildiradi.
O‘zbekiston Yozuvchilar uyushmasi Axborot xizmati
Oʻqituvchisining qadr-qimmati baland boʻlgan xalqning obroʻ-eʼtibori yuksak boʻladi.
Shavkat Mirziyoyev
