4586
Adabiyot yashasa, millat yashaydi. Фикр ва мулоҳазаларингизни, адабиёт ҳақидаги мақолаларингизни шу манзилга йўлланг: @yozuvchilarbot
Yangi kitob
SOG‘INCH MASOFASI
O‘zbekiston Yozuvchilar uyushmasi a’zosi Ochil Tohirning “Sog‘inch masofasi” nomli kitobiga sheʼrlar, to‘rtliklar va dostonlar kirgan. To‘plam qalbga hamxonaligi, inson tafakkurini mushohadaga chorlashi bilan ajralib turadi. Ayniqsa, bahor epkinlari yanglig‘ uyg‘otuvchi sirli ohang va tuyg‘ularga egaligi bilan ko‘nglingizga yo‘l topadi. Har bir sheʼr so‘z qadri, qudrati va so‘zning moʻ’jizasini o‘zida mujassam etib, inson taxayyulini olis bolalikka yetaklaydi. Umr so‘qmoqlarida abadiyotning ramzi sifatida tafakkuringizga hamroh bo‘ladi.
Mazkur to‘plam zukko sheʼrxonlar qalbidan joy oladi, degan umiddamiz.
Nashriyot: “Ilm-ma‘rifat”
Muharrir: Asqarjon Samadov
O‘zbekiston Yozuvchilar uyushmasi Axborot xizmati
O‘zbek tilining so‘z boyligi, ifoda boyligi — juda katta xazina
21 oktyabr – O‘zbek tili bayrami kuni munosabati bilan poytaxtimizdagi “O‘zbekiston” xalqaro anjumanlar saroyida tantanali maʼrifiy tadbir bo‘lib o‘tdi.
https://president.uz/uz/lists/view/7628
Читать полностью…
O‘zbekiston Yozuvchilar uyushmasi aʼzosi, shoira Bahor Xolbekova ijodi haqida "Adabiy gurung" ko‘rsatuvida tomosha qiling.
Читать полностью…
Tojikistonning Xo'jand shahrida O'zbek tili bayrami kuniga bag'ishlangan adabiy kecha o'tkazildi
21-oktabr - O'zbek tili bayrami kuni
Batafsil
Батафсил
Telegram Русский | English | Facebook | Twitter | YouTube
Til bayrami - el bayrami, ijod bayrami!
Til – davlat timsoli, mulki, ruhi, millatning madaniy va maʼnaviy boyligi, xalqning madaniyati, urf-odati, uning turmush tarzi, tarixidir.
Bugun Namangan shahridagi “Adiblar xiyoboni”da bayram munosabati bilan "Til bayrami - el bayrami, ijod bayrami!” mavzusida bayram tadbiri bo‘lib o‘tdi.
Unda tilshunos olimlar, shoir-yozuvchilar, taʼlim sohasi mutasaddilari, yoshlar va keng jamoatchilik vakillari ishtirok etdi.
Bayram tadbirida O‘zbekiston Yozuvchilar uyushmasi raisining birinchi o‘rinbosari Minhojiddin Hojimatov, O‘zbekiston xalq yozuvchisi Muhammad Ali, viloyat hokimining o‘rinbosari Jamshed Xotamov, Yozuvchilar uyushmasi viloyat bo‘limi rahbari Ziyovuddin Mansurovning davlat tilini yangi pog‘onaga olib chiqish borasida qilinayotgan saʼy-harakatlar haqidagi nutqi tinglandi. Xiyobon markazidagi Boborahim Mashrab haykali poyiga gulchambarlar qo‘yildi.
Namangan viloyat musiqali drama teatrida tantanali bayram konserti bo‘lib o‘tdi. Unda taniqli yozuvchi, shoir va publitsistlarga O‘zbekiston Yozuvchilar uyushmasi va viloyat hokimligining qimmatbaho sovg‘alari topshirildi.
Namangan viloyati hokimligi Axborot xizmati
❗️
“Tilning himoyasi Vatan himoyasidek muqaddasdir”
🎤O‘zbekiston Respublikasida xizmat ko‘rsatgan yoshlar murabbiyi, professor Bahodir Karim tabrigi
✅Jadidmedia’ga obuna bo‘ling
"O‘zbek tilim"
Yunus Rajabiy nomidagi “Maqom” ansabli
Diqqat, tanlov!
O‘ZBEKISTON YOZUVCHILAR UYUSHMASI,
IMOM BUXORIY XALQARO ILMIY-TADQIQOT MARKAZI,
O‘ZBEKISTON MUSULMONLARI IDORASI,
O‘ZBEKISTON RESPUBLIKASI VAZIRLAR MAHKAMASI HUZURIDAGI DIN ISHLARI BUYICHA QO‘MITA
Islom dinining ilm-maʼrifat, maʼnaviy poklik, axloqiy komillik, tinchlik-osoyishtalik, taraqqiyot va bunyodkorlikka chaqiruvchi g‘oyalarini xalqqa, ayniqsa, yoshlarga yetkazish maqsadida “Jaholatga qarshi maʼrifat” g‘oyasi asosida buyuk mutafakkir Imom Dorimiy va allomaning ilmiy merosi davomchilari haqida badiiy asarlar yaratish bo‘yicha tanlov eʼlon qiladi.
Tanlovda Yozuvchilar uyushmasi aʼzolari bilan bir qatorda barcha ijodkorlar ishtirok etishi mumkin.
Asarlar O‘zbekiston Yozuvchilar uyushmasiga taqdim etiladi.
Taqdim etiladigan asarlar (elektron varianti bilan) kompyuterda 1,5 interval, 14 shriftda ko‘chirilgan bo‘lishi zarur.
Belgilangan tartib bo‘yicha taqdim etilmagan asarlar ko‘rib chiqilmaydi.
Taqdim etilgan asarlar mualliflarga qaytarilmaydi.
Taniqli ijodkorlardan iborat hakamlar hayʼati tanlovga taqdim etilgan asarlarni o‘qib, baholab boradi. G‘olib deb topilgan asarlar Yozuvchilar uyushmasi muassisligidagi adabiy nashrlarda hamda kitob holida chop etiladi. Mualliflar tashkilotchilar tomonidan rag‘batlantiriladi.
Tanlovga ijodiy ishlar 2025 yilning 1 iyuniga qadar qabul qilinadi.
Murojaat uchun manzil: Toshkent shahri, Bunyodkor ko‘chasi, Adiblar xiyoboni, O‘zbekiston Yozuvchilar uyushmasi. Telefon: 71. 231-83-67.
Elektron manzil: badiiy_adabiyot@mail.ru
Qutlov
BAHOR XOLBEKOVA 70 YoSHDA
Bahor Xolbekova 1954-yil 21-oktyabrda Sirdaryo viloyatida tug‘ilgan. Toshkent davlat universitetining jurnalistika fakultetini tamomlagan. Dastavval, “Guliston” keyinchalik “Sirdaryo haqiqati”, “Jizzax haqiqati”, "Universitet ovozi”, “Davr yoshlari” gazetalarida, Sirdaryo viloyati teleradiokompaniyasida turli vazifalarda, O‘zbekiston Yozuvchilar uyushmasi Sirdaryo viloyat bo‘limi boshlig‘i, “Ziyo” nashriyoti direktori lavozimlarida faoliyat olib borgan. Uning “Sirli ohanglar” (1982), “G‘animat dunyo” (2002), Sirdaryo viloyati tarixiga oid “Chaman ichra bir gul” (1996), “Sirdaryoning ayoli” birinchi va ikkinchi ocherklar to‘plami (hammualliflikda 2011-2013), “Bir dasta gul” (hammualiflikda 2014), “Piri komil keksalar” (hammualliflikda 2015) ocherklar to‘plamlari, “O‘zing o‘zimga kerak” (2014) sheʼriy to‘plamlari chop qilingan.
O‘zbekiston Yozuvchilar uyushmasi jamoasi ijodkorni qutlug‘ yosh bilan muborakbod etadi.
O‘zbekiston Yozuvchilar uyushmasi Axborot xizmati
Axborot 24 | 21-oktabr - O'zbek tili bayrami kuni
#21oct #uzbekiston24
Prezident Shavkat Mirziyoyev "Green University"da yaratilgan sharoitlar bilan tanishib, talabalar bilan suhbatlashdi.
Prezident.uz
QORA SEVINCH
Turkiy-o‘zbek tili davlat tili deb eʼlon etilgan kun
Kimga xatlar yozdim,
Kimni ranjitdim.
Kimning mehr ipin uzdim.
Bog‘layman.
Siz kuling, quvoning,
Siz chekkan ranjdan
O‘zim yig‘layman.
Bu kun qizil rangdan
Nafrat qilmangiz –
U mening unimdir,
Xunimdir!
Sho‘x kuling, quvoning siz,
Bugun
Mening yig‘laydigan kunimdir!
It azobin totgan ko‘p, biroq
Kim mendek xo‘rlikda kuladi?!.
Toshkentning kattakon ko‘chalarida
Navoiy yurgandek bo‘ladi!
Men dedim:
Maqtama, mayli, yaxshini,
Va lekin yomonni so‘kib qol.
Yig‘lamaslik uchun endi ko‘p zamon
Ko‘zim, sen boringni to‘kib qol,
Kim dedi:
Rohat yo‘q,
Zulm bor.
Yo‘q, kurash deyilgan ilm bor!
Balki, so‘zim yo‘qdir,
Ovozim yo‘qdir,
Lekin endi mening tilim bor!
Men-xasman, maysaman,
Tuproqman,
Yaksonman tarixning izlari bilan.
Lek bugun olamga
Mag‘rur boqaman
Hazrat Navoiyning ko‘zlari bilan!
1989
Mirzo Kenjabek
21-oktyabr — O‘zbek tili bayrami kuni
Sirojiddin Sayyid,
O‘zbekiston xalq shoiri
TIL VA MILLAT MAQOMI
Bu dunyoda millat bo‘lsa – davlat yashar,
Davlat bo‘lsa – bu dunyoda millat yashar.
Davlating bor – millating bor agar bilsang,
Millating bor – davlating bor asray bilsang.
Yofas bobolardan yodgor xilqatimsan,
Ona tilim, millatimsan, davlatimsan.
Toshbitiklar poyin o‘pgan Enasoylar,
Soylaringda kokil yuvgan Momo oylar.
Ko‘nglim aro uch ming yillik avjlaring bor,
Uch ming yillik javlonlaring, mavjlaring bor.
Uch ming yillik qoyalarday qudratimsan,
Millatimsan, ona tilim, davlatimsan.
Oq fotiha so‘rab bordim qoshlariga,
Oq tog‘larim o‘xshar bobom Qoshg‘ariyga.
Kim dunyoga kelib faqat dunyo buzgan,
Bobolarim mening so‘zdan dunyo tuzgan.
Dunyolarga dalolatim, tilxatimsan,
Ona tilim, toju taxtim, davlatimsan.
Hech bir avlod o‘zi shunday bino bo‘lmas,
O‘z-o‘zidan Beruniy yo Sino bo‘lmas.
Yer yuziga hikmat ekding arobiyda,
Qancha ilmu urfon bordir Forobiyda.
Jaholatga qarshi mangu daʼvatimsan,
Millatimsan, ona tilim, davlatimsan.
So‘z mulkida sultonlikni bola sherga –
Lutfiy bo‘lib lutf etgan zot Alisherga.
Samarqandsan – buyuklarga beshik bo‘lgan,
Maʼnaviyat dunyosiga eshik bo‘lgan.
Olam ahli aro hamon hayratimsan,
Ona tilim, millatimsan, davlatimsan.
Bobur Mirzo sog‘ingan ul qovunlarday,
Qolib ketding ne-ne dovul quyunlarda.
“Boburnoma”ng jabrnomang bo‘ldi sening,
Har nomang bir sabrnomang bo‘ldi sening.
Avlodlarga mangu meros dastxatimsan,
Millatimsan, ona tilim, davlatimsan.
Yoddan chiqmas Qodiriy ham Cho‘lponlaring,
Jonlar berib to‘lab ketgan o‘lponlaring.
Adabiyot yashasa gar – millat yashar,
Millat yashar – Adabiyot yashasa gar.
Avloniysan, Behbudiysan, Fitratimsan,
Davlatimsan, ona tilim, millatimsan.
Yangi davru davronimsan desam haqdir,
Bir yuz o‘ttiz to‘rt millatga o‘zing taqdir.
Yangrab ketdi tomirlarim, jonu dilim,
Olam uzra yangraganda ona tilim.
Millatlarni birlashtirgan millatimsan,
Davlatimsan, ona tilim, davlatimsan.
Har qizing, har bolangni men bolam dedim,
Bolam dedim, bag‘rimdagi lolam dedim.
Ay bolamay, qandu asal tillaringdan,
Tillaringdan aylanayin, tillaringdan!
Bu dunyoda qolar mehru shafqatimsan,
Davlatimsan, ona tilim, millatimsan.
Davru zamon shiddatlidir – ortga qaytmas,
Inson umri mehnatlidir – sayru gashtmas.
Vatan vatan bo‘lgaymu biz jon chekmasak,
Jondan kechib, zahmatin har on chekmasak.
Yangi azmu shijoatim, shiddatimsan,
Davlatimsan, ona tilim, millatimsan.
Tasanno deb yozgan edim, yana yozay,
Yonib yozay, kecha-kunduz yonib yozay:
Shavkatli el bu dunyoda davlatlidir,
Davlatli el olam aro shavkatlidir.
Olam uzra yuksak shaʼnu shavkatimsan,
Davlatimsan, ona tilim, davlatimsan.
21-oktabr – O‘zbek tili bayrami kuni munosabati bilan Adiblar Xiyobonida Alisher Navoiy haykali poyida bayram tadbiri tashkil etildi. Tadbirdan fotosuratlar.
Muallif – Ahmad To'ra.
Jarayon
Oriyental universitetida "Til – dil kaliti" mavzusida adabiy-musiqiy tadbir bo‘lib o‘tdi. Unda O‘zbekiston Yozuvchilar uyushmasi aʼzolari – Shahodat Isaxonova, Zamira Ro‘ziyeva, Mahmuda Valiyeva, O‘bekistonda xizmat ko‘rsatgan artist Dono Boboxonova ishtirok etdi.
Ijodkorlar talabalarga o‘zbek tilining jozibasi, boyligi, tarixiy asarlardagi milliy qadriyatlar haqida so‘zlab, o‘z sheʼrlaridan o‘qib berdi. Tadbir davomida yoshlar ham mumtoz qo‘shiqlardan ijro etdi. Mehmonlar universitet kutubxonasiga badiiy kitoblaridan tuhfa qildi.
ADABIYOT MUZEYIDA O‘ZBEK TILI BAYRAMI BO‘LIB O‘TDI
Bugun Alisher Navoiy nomidagi Davlat adabiyot muzeyi oldidagi xiyobonda, hazrat Navoiy haykali poyida o‘zbek tili bayrami o‘tkazildi. Davlat Adabiyot muzeyi, O‘zbekiston Yozuvchilar uyushmasi hamda Shayxontohur tumani hokimligi bilan hamkorlikda tashkil etilgan ushbu ma'rifiy tadbirda muzey jamoasi, uyushma a'zolari, tuman jamoatchiligi, yoshlar faol ishtirok etishdi.
Tadbirda tabrik-ma'ruzalar, she'r va qo‘shiqlar tinglandi. Jumladan, Adabiyot muzeyida faoliyat yuritayotgan adabiyotshunos olimlar Yusuf Tursunov, Otabek Jo'raboyev va Shahnoza Nazarova o'zbek tili tarixi va uning keng imkoniyatlari, jozibasi haqida so‘zlab, yoshlarga ilmiy-ma'rifiy ma'lumotlar berishdi. O‘zbekiston Yozuvchilar uyushmasi a'zosi Sitora Tojiddinova mumtoz adabiyotimiz darg‘alarining g'azallaridan o‘qib, yig‘ilganlarni bugungi bayram bilan tabrikladi. Qolaversa, kuy-qo'shiqlar, talaba-yoshlar, o'quvchilarning dil so‘zlari, samimiy tilaklari tadbirga o‘zgacha fayz qo‘shdi.
Qadring baland bo'lsin, ona tilim!
#21oct #uzbekiston24
Jarayon
“O‘zbekgidroenergo” aksiyadorlik jamiyatida “Qadring baland bo‘lsin, ona tilim!” mavzusida bayram tadbiri tashkil qilindi.
Unda O‘zbekistonda xizmat ko‘rsatgan yoshlar murabbiyi Jamila Shermuhammedova hamda O‘zbekiston Yozuvchilar uyushmasi aʼzosi Farog‘at Xudoyqulova so‘zga chiqib, ona tilining jozibasi, yosh avlod tarbiyasidagi o‘rni haqida bayon qildi.
21-oktabr — O‘zbek tili bayrami kuni
ONA TILIM
Ona tilim, tog‘ bag‘ridan otilgan vulqonimsan,
Ota-onam ko‘ngliday oq, pokiza vijdonimsan.
Ko‘hna tarix peshtoqiga bitilgansan, umrbod
Ongu shuur, tafakkurni, obod etgansan, obod!
Qadim olis o‘tmishimiz xotirlardan olgan joy,
Abadiyat eshiklarin ochgan O‘rxun-Enasoy.
Yusuf Xos Hojib bayoti ummon ichra gavhar dur,
Zulumotni yoritguvchi yulduz kabi yorqin nur.
Mahmud Qoshg‘ariyning bog‘i gulu chaman, bo‘stondir,
Undan bahra olgan kishi maʼrifatli insondir.
Ahmad Yassaviy hikmati dilda uyg‘otgan hayrat,
Xorazmiy, Qutb, Rabg‘uziy el aro buyuk siyrat.
Nazmiy saboq sirlarini Lutfiy xo‘b xitob etmish,
Navoiyning ishqi ila noming olamga ketmish.
Taqdirning achchiq bo‘roni sinar hamon sabringni
Anbiyoyu allomalar ko‘tarishdi qadringni.
Jonin olib ketguncha dor, jo‘shding Mashrab tilida,
Egilding, bukilding, ammo sinmading Haq yo‘lida.
O‘zga yurtda yashab Bobur o‘zligin unutmadi,
Ulkan asarlar yaratib, ro‘yoga yuz tutmadi.
Ilmu irfon daholari jonini aylab fido,
Qodiriy va Usmon Nosir ko‘z yumdi, erkdan judo.
Javonmardlar jasorati ko‘z o‘ngingda mardona,
Oybekning gung zabonida yashayverding pinhona.
Ajdodlarning bitiklari asrlarni yod etdi,
Ulug‘lardan qolgan meros xazinangni boyitdi.
Ona tilim – o‘zbek tili, jonim ichra jonimsan,
Ota-onam ko‘ngliday oq , pokiza vijdonimsan.
Zuhra BEGIM
O‘zbekiston xalqiga bayram tabrigi
Qadrli vatandoshlar!
Sizlarni, sizlar orqali butun xalqimizni, ona tilimizning barcha ixlosmandlarini bugungi ulug‘ ayyom – O‘zbek tili bayrami hamda o‘zbek tiliga davlat tili maqomi berilganining 35 yilligi bilan chin qalbimdan
Batafsil 👉 https://yuz.uz/a/uz/110145
#olis_yaqin_ovozlar
ONA TILIM
Odam soʻramasa, hayot tutmas bol,
Ot chopmasa, shamol oʻpmas yolini.
Bir bor koʻrganmisiz tildan qolgan chol
Va tili chiqmagan goʻdak holini?
Til bilan tirikdir yer uzra har kim,
Uningsiz vujudga baxt ham sigʻmaydi.
Tildan qolgan bobo ingraydi sim-sim
Va tili chiqmagan goʻdak yigʻlaydi.
Oynaga toʻsh urgan notavon qushday,
Bezabon el chiqmas ozod hovliga.
Yo tildan qolgan chol holiga tushgay,
Yo tili chiqmagan goʻdak holiga.
Mening ona tilim, sen sabab izhor
Qiloldim sevgimni — uygʻoq nafasman:
Demak, tildan qolgan cholmasman zinhor,
Yo tili chiqmagan goʻdak emasman!
Mansur Jumayev
Yoshlikjurnali.uz
@yoshlikjurnali
❗️
JADIDLIK HARAKATIDA TIL MASALALARI
Ixtiyor ERMATOV
Turkistonda Fitrat boshchiligidagi ma’rifatparvar shaxslar ilk bor o‘zbek tilini ilmiy o‘rganishga kirishdi. Ular milliy til qoidalari arab yoki rus tili grammatikalari asosida emas, balki milliy tilning ichki tabiatidan kelib chiqib yaratilishi kerakligini anglaganlari sababli ham tilni tarixiy asarlar, xalq og‘zaki ijodi namunalari va hududlarga xos sheva materiallari asosida o‘rgana boshladilar.
Jarayon
Bugun, 21-oktyabr o‘zbek tiliga Davlat tili maqomi berilganligiga 35 yil to‘ldi! Shu munosabat bilan erta tongdan Guliston shahridagi "Bilimdonlar maskani"dagi Alisher Navoiy haykali poyiga gullar qo‘yildi. Buyuk shoir xotirasiga ehtirom ko‘rsatildi. Unda viloyat hokimligi, turli mehnat jamoalari, yoshlar, milliy madaniy markazlari, keng jamoatchilik vakillari ishtirok etdi.
Viloyat Musiqali drama teatrida davom etgan asosiy bayram tantanasida viloyat hokimi Akmaljon Maxmudaliyev so‘zga chiqib, yurtdoshlarimizni sana munosabati bilan qizg‘in qutladi. Tadbir davomida ona tilimizni madh etuvchi kuy-qo‘shiqlar jarang sochdi, sheʼrlar aytildi. Teatrlashtirilgan sahna ko‘rinishlari, milliy raqslar bayramga o‘zgacha ruh bag‘ishladi.
O‘zbekiston Yozuvchilar uyushmasi Sirdaryo viloyati bo‘limi
21-oktabr — O‘zbek tili bayrami kuni
ONA TILIM O‘LMAYDI
Notiq dedi:
«Taqdir shul,
Bu jahoniy iroda.
Tillar yo‘qolur butkul,
Bir til qolur dunyoda».
«Ey voiz, pastga tushgin,
Bu gap chiqdi qaerdan!»
Navoiy bilan Pushkin
Turib keldi qabrdan.
Kim dargʼazab,
Kim hayron,
Chiqib keldilar qator:
Dante, Shiller va Bayron,
Firdavsiy, Bal‘zak, Tagor.
«Vaʼzingni qo‘y, birodar,
Sen aytganing bo‘lmaydi».
Barcha dedi barobar:
«Ona tilim o‘lmaydi».
— Hey, bu qanday aqida! —
Qo‘lida tabarruk jom,
Go‘zal forsiy haqida
Ruboiy aytdi Xayyom.
Ehtirosli, otashdil
Beranje so‘rdi nolon:
— Nahotki, farangi til
Yo‘qolgusi bir zamon!
Neruda, Lorka turdi
Servantesning yoniga:
— Kim qasd etib tigʼ urdi
Ona tilim joniga!
Fuzuliy yondi:
— Ozar
Tili guldek so‘lmaydi.
Barcha dedi barobar:
«Ona tilim o‘lmaydi».
Kamalakdek rango-rang
Bo‘lsin deb sanʼat, tillar,
Asrlarcha qildik jang,
Armon qildik ming yillar.
Beqadr bo‘lsa, nahot,
Tillardagi tarovat!
Yo‘qoldi bu kun, hayhot,
Qabrlarda halovat!
“Faust” yondi gurillab,
“Xamsa” o‘tga tutashdi.
Bir sado jahon bo‘ylab
Taraldi, togʼlar oshdi.
Bu sado yangrar hamon,
Sira ado bo‘lmaydi.
Olam aytar:
Hech qachon
Ona tilim o‘lmaydi!
Erkin Vohidov,
O‘zbekiston xalq shoiri
21-oktyabr — O‘zbek tili bayrami kuni
ONA TILIM
Garchi zug‘um qilganlarni yoqtirmadim,
Sheʼr yozdimu bo‘lak ishni qotirmadim.
Tilim turib o‘z tilimda gapirmadim,
Bir eslasam eziladi bag‘ri-dilim,
Ona tilim, kechir meni, ona tilim.
Onam “erkam” deb quchganda tunlar yarim,
Erkim yo‘q deb zirqirardi bir joylarim,
Parovozni hansiratgan bug‘doylarim,
Oltinlarim, maʼdanlarim, ipaklarim,
Ona tilim, kechir meni, ona tilim.
Kimlar uchun biz edik bir badaviylar,
O‘zbekni qon qaqshatganni uzbek siylar,
Holimizni qon kuzatdi Yassaviylar,
Topganimiz handalakdek tilim-tilim,
Ona tilim, kechir meni, ona tilim.
Kimdir mayda millat bo‘ldi, kimdir katta,
Katta millat — Afandisi yo‘qdir hatto,
Biz piyoda, biz boqqanlar yurdi otda,
Zulm o‘tsa faqat sendan o‘tdi zulm,
Ona tilim, kechir meni, ona tilim.
Sen bo‘lmasang nima bizga silliq sheʼrlar,
Bu dunyoda tili yo‘qda dil yo‘q derlar,
Bahoing-ku berib ketgan Alisherlar,
Yuragimning to‘ridagi so‘lmas gulim,
Ona tilim, kechir meni, ona tilim.
Bir qarasam har shevangda ming jilolar
Har novdangda, har mevangda ming jilolar.
Qodiriylar, Cho‘lponlar-u, Abdullolar,
Sening qaytgan kuning men tug‘ilgan yilim,
Ona tilim, ey muqaddas Ona tilim.
Muhammad Yusuf,
O‘zbekiston xalq shoiri
Jarayon
Bugun Termiz shahridagi Alisher Navoiy haykali o‘rnatilgan maydonda O‘zbek tili bayrami kuni munosabati bilan tantanali tadbir o‘tkazildi. Unda keng jamoatchilik vakillari, tilshunos olimlar, shoir va yozuvchilar, harbiylar, professor-o‘qituvchilar, talaba-yoshlar ishtirok etdi.
Bayram tadbirida Surxondaryo viloyati hokimi Ulug‘bek Qosimov so‘zga chiqib, o‘zbek tilining dunyodagi eng jozibador, eng boy muloqot vositasi ekanini alohida ta‘kidlab, jahondagi ilk leksikologik lug‘at ham aynan o‘zbek tilida yozilganini qayd etdi. Shuningdek, tadbirda so‘z olgan O‘zbekiston Yozuvchilar uyushmasi Surxondaryo viloyat bo‘limi rahbari Mengnor Ollomurod o‘zbek tiliga bag‘ishlangan sheʼrini o‘qib berdi.
San‘at saroyi majmuasida davom etgan kechada viloyat musiqali drama teatri san‘atkorlari ona tilimiz ulug‘langan sahna asarlaridan parchalar namoyish qildi. Bayram tadbirlari viloyat bo‘ylab davom etmoqda.
Muzaffar Qurbonov,
Uyushmaning Surxondaryo viloyat bo‘limi adabiy xodimi
❗️
🎤 Usbekistan-online.de va Uzbekistan Gallery internet portallari asoschisi Gerhard Birkl O‘zbek tiliga davlat tili maqomi berilgan kun munosabati bilan tabrik yo‘llab, Erkin Vohidovning “Inson” qasidasidan parcha o‘qidi.
✅Jadidmedia’ga obuna bo‘ling
21-oktabr – O‘zbek tili bayrami kuni munosabati bilan Adiblar Xiyobonida Alisher Navoiy haykali poyida bayram tadbiri tashkil etildi. Tadbirdan fotosuratlar.
Muallif – Ahmad To'ra.
