💝Хуршид Карим шеърлари💝

19 сентября 2024 05:14

ТИК ТОКЧИ ҚИЗ

(тик ток,инстаграмдаги баъзи бир бузуқ,беҳаё қизларга)

Юрагингда номус ҳаё сўлиб бўлган,
Миянг жирканч уй хаёлга тўлиб бўлган,
Сенинг отанг,аканг,уканг ўлиб бўлган,
Улар шаънин бир тийин қилдинг тик токчи қиз.

Холинг кўриб неча кўзлар толди сени,
Шайтон суйиб хотинликка олди сени,
Кўрсатмаган қайси еринг қолди сени,
Миллат шаънин бир пул қилдинг тик токчи қиз.

Елканг, қорнинг, кўкрагингни очиб олиб,
Нималарни алжирайсан чиқиб олиб,
Фоҳишадан не фарқинг бор эй сен ҳариф,
Ўзбек шаънини бир тийин қилдинг тик токчи қиз.

Сен ҳам кимга сингил,кимга опасан-да,
Иффатингни сотиб пул ҳам топасанда,
Эрта ҳижоб кийиб айбинг ёпасанда,
Ҳаммасини бир пул қилдинг тик токчи қиз.

Келин бўлиб қачон ҳовли супурасан,
Адрас кийиб райҳон ифор уфурасан,
Ўша бузуқ тик токингга тупураман,
Миллат шаънин бир тийин қилдинг тик токчи қиз.

Кўриб туриб нега ҳамма жим бўлади,
Сендан бўлган бола эрта ким бўлади,
Ўғлинг бузуқ қизинг сенга дум бўлади,
Келажакни барбод қилдинг тик токчи қиз.

Хуршид Карим






t.me/Xurshid_Karim

💝Хуршид Карим шеърлари💝

19 сентября 2024 03:56

ТИЛАК

Битта ўтинчим бор э,бор худойим,
Майли порламасин кўкларда ойим,
Оналар бағрини тўлдириб турган,
Ширин чақалоқлар соғ бўлсин доим.

Қалбларда оқибат сўнмасин абад,
Кўзларда порласин меҳру муҳаббат,
Оналар дуоси бўлиб ижобат,
Оталар кўкраги тоғ бўлсин доим.

Шу эрур ҳаётнинг асл мақсади,
Ошуфта дилларнинг қувонч лаззати,
Кўкларга туташсин юртим сарҳади,
Ўзбекнинг ерлари боғ бўлсин доим.

Юракдан чиқмаса учмас дуо ҳам,
Мунофиқ дардига йуқдир даво ҳам,
Ватанни суймасни суймас худо ҳам,
Хоинлар юраги доғ бўлсин доим.

Ёшларга иззат-у, кексага эъзоз,
Инсоний хислатлар халқим сенга хос,
Тинч юртга дунё ҳам қилгайдир иҳлос,
Ватаним осмонинг оқ бўлсин доим.

✍Хуршид Карим




✨ 𝐓𝐞𝐥𝐞𝐠𝐫𝐚𝐦 | 💝Хуршид Карим шеърлари💝

💝Хуршид Карим шеърлари💝

18 сентября 2024 20:02

ДЎСТИМГА...



Муаллиф: Хуршид Карим.


Ижрода: Музаффар Ҳафизович.



t.me/Xurshid_Karim

💝Хуршид Карим шеърлари💝

18 сентября 2024 04:53

SENI KUTAYAPMAN

🎤 JUMANAZAR URALOV

✍ XURSHID KARIM

BIZNING KANAL 👇👇

/channel/Xurshid_Karim

💝Хуршид Карим шеърлари💝

18 сентября 2024 02:51

☀️Aссалому алайкум. Чоршанба тонги муборак бўлсин... 😊

  🌹Яна тонгга етказган Аллоҳ Таолога шукроналар бўлсин!

Мушкуллар осон, хожатларимиз равон, гунохларимиз мағфиратли  бўлсин!

✨Тавбаларимиз қабул бўлсин! Кунимиз файзли ва барокатли бўлсин!

👉 @Xurshid_Karim

💝Хуршид Карим шеърлари💝

17 сентября 2024 15:40

ҚИЗЛАР



Муҳаббат севгидан ор қилманг қизлар
Кўзга дунёларни тор қилманг қизлар
Эр йигитлар севса чиндан севади,
Йигитлар севгисин хор қилманг қизлар.
Севмаган кимсани ёр қилманг қизлар


Алдамчи пуч ҳою ҳаваслар қучиб,
Адашманг покиза севгидан кечиб,
Бойларни тилло-ю зарига учиб,
Йигитлар севгисин хор қилманг қизлар.
Севмаган кимсани ёр қилманг қизлар.

Ёшликда адашманг, ёшлик ғўр бўлар,
Армонли кўз ёшлар кейин шўр бўлар,
Севгига қурилган ҳаёт зўр бўлар,
Йигитлар севгисин хор қилманг қизлар.
Севмаган кимсани ёр қилманг қизлар.


Хазонлар ярашар сариқ қизларга,
Дил бериб бўлмайди қалби музларга,
Алп йигитлар мосдир сиздек қизларга,
Йигитлар севгисин хор қилманг қизлар.
Севмаган кимсани ёр қилманг қизлар.


Муҳаббат вафодир умрингизга зеб,
Ой қизга мард йигит бўладида эп,
Бахтсиз бўлиб қолманг бой бўламан деб,
Йигитлар севгисин хор қилманг қизлар
Севмаган кимсани ёр қилманг қизлар.


Хуршид Карим


17.09.2024




t.me/Xurshid_Karim

💝Хуршид Карим шеърлари💝

17 сентября 2024 10:32

КУТИШ

Сени кутаяпман, кўзларим маъюс,
Нигоҳимга сингиб бормоқда йўллар,
Бошимдан хазонлар сочаяпти куз,
Ортимда қолмоқда қуп қуруқ йиллар.

Сени кутаяпман, кутаман абад,
Биламан қачондир келадирсан сен,
Ранжима ўшанда, ранжима фақат,
Япроққа айланиб қолган бўлсам мен.

Сени кутаяпман....

Хуршид Карим





t.me/Xurshid_Karim

💝Хуршид Карим шеърлари💝

17 сентября 2024 05:50

✍✍ ХУРШИД КАРИМ

🎤🎤УММУ МУХЛИСА

ҚАДРИМНИ БИЛМАГАН ҚАДДИНИ УРСИН

💝Хуршид Карим шеърлари💝

17 сентября 2024 02:42

🌤 ХАЙРЛИ ТОНГ!

Ассалому алайкум! Сешанба тонги муборак бўлсин!

Бугунги бошланаётган янги кунингиз файзли ва барокатли бўлсин! Сиз ва яқинларингизни яхши кайфият тарк этмасин!

👉 @Xurshid_Karim

💝Хуршид Карим шеърлари💝

16 сентября 2024 14:14

БОЙНИ ТАНЛАДИ


Осмондаги ойни танлади,
Бой бадавлат жойни танлади,
Камбағалнинг севгиси бир пул,
Танлаганим бойни танлади.

Тенгсиз эди у қиз ҳуснда,
Гўзал эди қизлар ичинда,
Дардим қолиб кетди ичимда.
Танлаганим бойни танлади.

Қул узатса етаркан ойга,
Сўзлари ҳам ўтар ҳар жойга,
Севиш ҳам шарт эмаскан бойга,
Танлаганим бойни танлади.

Ўтди зимдан қовоғин солиб,
Зар, тиллога кўзлари ёниб,
Ваъдалашган севгани қолиб,
Танлаганим бойни танлади.

Зўр чиқади зўрдан ҳам зўрга,
Бахт қаерда манглайи шўрга,
Топтаб ғурур,оримни ерга,
Танлаганим бойни танлади.

Тақинчоқлар тақилди шода,
Қадаҳларга сузилди бода,
Оқ тулпорда келди шаҳзода,
Танлаганим бойни танлади.

Майли энди бахтини кўрсин,
Қасрларда тахтини кўрсин,
Камбағални кўргани қурсин,
Танлаганим бойни танлади.


Хуршид Карим




t.me/Xurshid_Karim

💝Хуршид Карим шеърлари💝

16 сентября 2024 05:13

Хуршид Карим
Сузи✍.
Баргидамиз .
.........................
Исмоилхон Тиллахужаев
Укиди🎙🎙🎙
💽💽💽💽💽

💝Хуршид Карим шеърлари💝

16 сентября 2024 03:47

ГАП ЙЎҚ


Эй гўзал қиз нозанин,
Туришингизга гап йўқ
Нозлар ичра солланиб
Юришингизга гап йўқ.


Ҳуснингизга лол бўлиб,
Ошиқ қадди дол бўлиб,
Севдим десам лабингиз,
Буришингизга гап йўқ.


Юзингиз мисли ойли,
Кулгичингиз чиройли,
Ибо билан мулойим,
Кулишингизга гап йўқ.


Ҳаёлим бандлар этиб,
Севгимни радлар этиб,
Мен ҳақимда ҳаёллар,
Суришингизга гап йўқ.


Ўздан сипо ёқволиб,
Сумкачангиз осволиб,
Юрайми юрмайми деб,
Келишингизга гап йўқ.


Эй юзлари зилолим,
Бўлинг жуфти ҳалолим,
Оқ либосда ой келин
Бўлишингизга гап йўқ


Эй гўзал қиз нозанин,
Туришингизга гап йўқ,
Нозлар ичра солланиб,
Юришингизга гап йўқ.


Хуршид Карим


16.09.2024







t.me/Xurshid_Karim

💝Хуршид Карим шеърлари💝

16 сентября 2024 03:06

1-октябрь. Устозлар байрами учун.



ЎҚИТУВЧИ УСТОЗЛАРГА БАЙРАМ ТИЛАКЛАРИМ

Устоз деса жимирлайди юракларим,
Сизга айтай бугун энг зўр тилакларим,

Кўз ёшингиз қоғозларда қолиб кетсин,
Уйингизга буғдой унлар тўлиб кетсин.

Еганингиз асал-у,қанд,сарёғ бўлсин,
Минганингиз оппоқ,, GM'' тойчоқ бўлсин.

Бахтиёрлик босиб олсин қалбингизни,
Ҳамма билсин зардан улуғ қадрингизни.

Қувончингиз қалбингиздан тошиб кетсин,
Ойлигингиз минг доллардан ошиб кетсин.

Меҳнатингиз роҳатини кўриб юринг,
Табассумла доим ҳушвақт,кулиб юринг.

Еллар олиб кетсин ғубор,гардларингиз,
Қоғозларда қолиб кетсин дардларингиз

Эга бўлинг,, соғлик'' деган бойликларга,
Ўғил уйлаб, қиз чиқаринг ойликларга,

Кўп бўлсинда яхши кунда тўйларингиз,
Қават, қават бўлиб кетсин уйларингиз.

Энг авволо бахтли ойи, дада бўлинг,
Пракурор, ҳокимларга қуда бўлинг.

Қани айтинг кимдан экан кам жойингиз,
Осмонларда порлаб турсин моҳ-ойингиз.

Сизни ёмон деган ранги самон бўлсин,
Қадр берган Юрт бошимиз омон бўлсин.

Сиз келажак ва бугуннинг гавҳарисиз,
Бу дунёнинг устунисиз, жавҳарисиз.

Устоз деса жимирлайди юракларим,
Сизга қанча айтсам оздир тилакларим.

Сиздан устун бўлар экан айтингчи ким,
Бир юракдан ёзиб қўйди Хуршид Карим.

Талак тилаб сизга куй-у,назмдаман,
Эй устозлар сизга доим таъзимдаман.

🖋Хуршид Карим



t.me/Xurshid_Karim

💝Хуршид Карим шеърлари💝

15 сентября 2024 18:33

СИНОВ ДУНЁ


Синов дунё бу дунё, ким синалар пул билан,
Кимга дардлар берилар, кимлар эса гул билан,
Синалар бойлик-ла ким, кимлар қуруқ қўл билан,
Бу синовни англамас,қанча қадди ойлар бор,
Бойман дема дунёда, сендан улуғ бойлар бор.


Саҳоватсиз, ғўддайган савлатингни қўйиб тур,
Миннатларга кўмилган ҳимматингни қўйиб тур,
Ҳеч кимга нафи тегмас давлатингни қўйиб тур,
Ҳеч ким билмас, англамас қанча ҳотамтойлар бор,
Бойман дема дунёда сендан улуғ бойлар бор.


Ўроғинг бор тиллодан,арпа,буғдой ўрмаган,
Бурро тилинг бор,бир бор ночордан ҳол сўрмаган,
Кўзинг ўткир лочиндек,оқибатни кўрмаган,
Ўзинг билмас,ўзингда қанча кемтик жойлар бор,
Бойман дема дунёда сендан улуғ бойлар бор.


Тўйлар қилдинг-дабдаба,бари ҳўжа кўрсинга,
Садоқатинг орбў-ю ,ибодатинг-курсингга,
Ҳеч ким савол бермади,не қилдинг деб ҳалқингга ?,
Ҳалқингда сен ичмаган беминнат кўк чойлар бор,
Бойман дема дунёда сендан улуғ бойлар бор.


Кўклам гўзал гул ила,қиш гўзалдир қор билан,
Инсон инсон бўлмишдир номус билан ор билан,
Одамийлик ўлчанмас тилло билан,зар билан,
Бир кун кўксингга тегар,, Ҳақлик'' деган ёйлар бор,
Бойман дема дунёда сендан улуғ бойлар бор.



Хуршид Карим




t.me/Xurshid_Karim

💝Хуршид Карим шеърлари💝

15 сентября 2024 09:33

ДАДАМ БОР


Қадамимда қадам бор,
Қувончларим ҳар дам бор,
Бойларни ҳам бойиман,
Суянганим дадам бор.


Тўкилмайди кўз ёшим,
Эгилмас сира бошим,
Бошимдаги қуёшим,
Ишонганим дадам бор.


Ишим юришмай қолмас,
Ташвишлар рахна солмас,
Қўли дуодан толмас,
Дуогўйим дадам бор.


Қувнайман ёш боладек,
Эргашаман соядек,
Ҳаётимда қоядек,
Ишонганим дадам бор.


Топинганим жаннатим,
Тоғдек виқор савлатим,
Борлиги бир давлатим,
Бузрукворим дадам бор.


Асрагин эй Аллоҳим,
Ўзинг ёлғиз паноҳим,
Юзга кирсин илоҳим,
Суянганим дадам бор.


Хуршид Карим


15.09.2024



(қўшиқ учун
☎️+998941309110)




t.me/Xurshid_Karim

💝Хуршид Карим шеърлари💝

19 сентября 2024 05:14

📹 Suyunbek Kuchkarov - Ota-Ona | Суюнбек Қўчқаров - Ота - Она (Tasiri sheʼr)😢

✍Xurshid Karim


✨ 𝐓𝐞𝐥𝐞𝐠𝐫𝐚𝐦 | 💝Хуршид Карим шеърлари💝

💝Хуршид Карим шеърлари💝

19 сентября 2024 03:51

🌦 Aссалому алайкум. Пайшанба тонги муборак бўлсин.

🌺Соғ–саломат уйғотган Роббимизга ҳамдлар бўлсин!

🌷Асл саодат нафас олиб турган ҳар онимизга шукр қила олишдир...
🌹Шукр ва зикрга бой кун бўлсин!

Кунингиз мазмунли ўтсин!

👉 @Xurshid_Karim

💝Хуршид Карим шеърлари💝

18 сентября 2024 10:25

СИНГАНИ ЁМОН


Шўр бўлар манглайи, қисмати
Тақдирга кўнгани ёмонда,
Йўқ бўлар бир кунда ҳурмати,
Йигитнинг сингани ёмонда.


Маъюсдек боқади кўзлари,
Ҳеч кимга кор қилмас сўзлари,
Йўқламай қўйишар дўстлари,
Йигитнинг сингани ёмонда.


Алп қомат бўлса ҳам шер демас,
Қўлингни қўлимга бер демас,
Ҳаттоки аёли эр демас,
Йигитнинг сингани ёмонда.


Эгилар камондек савлати,
Кетма-кет келади кулфати,
Чорламас кечаги улфати,
Йигитнинг сингани ёмонда.


Жой олмас давралар тўридан,
Оҳ урар дардини зўридан,
Шўрвалар тўкилар шўридан,
Йигитнинг сингани ёмонда.


Қалбини аламлар тилмасин,
Шайтонлар устидан кулмасин,
Ҳаётда эр йигит синмасин,
Йигитнинг сингани ёмонда.


Хуршид Карим





t.me/Xurshid_Karim

💝Хуршид Карим шеърлари💝

18 сентября 2024 03:14

СЕВИБ ЯШАНГ


Табассумга буркансин дунё,
Шодликларга кўмилиб яшанг,
Қалбингизга тўлсин нур-зиё,
Севиб яшанг, севилиб яшанг.


Кўзингизда кулсин муҳаббат,
Дилингизда унсин муҳаббат,
Бу ўткинчи дунёда фақат,
Севиб яшанг, севилиб яшанг.


Эгилмасин ғамга бошингиз,
Порлаб турсин бахт қуёшингиз,
Оқмасин ҳеч кўзда ёшингиз,
Севиб яшанг, севилиб яшанг.


Нолимоқлик,куймоқлик нечун,
Ҳеч нима йўқ меҳрдан устун,
Қадрингизни билганлар учун,
Севиб яшанг,севилиб яшанг.


Ҳаётнинг ёз,кўклами гўзал,
Умрингизнинг ҳар дами гўзал,
Қалбингизга қуринг тожмаҳал,
Севиб яшанг,севилиб яшанг.


Нур ёғилсин осмондан қат, қат,
Ҳамроҳ бўлсин сизга бахт-омад,
Маҳаббат ҳам Аллоҳдан неъмат,
Севиб яшанг,севилиб яшанг.


🖋Хуршид Карим



t.me/Xurshid_Karim

💝Хуршид Карим шеърлари💝

17 сентября 2024 19:18

__ СОҒИНЧ

Денгиз эдим томчидек тиндим,
Соғинчнинг зўр тулпорин миндим,
Қадрингиз кўп билинди бугун,
Қадрдонлар сизни соғиндим.

Соғинчларга лим тўлган юрак,
Дийдорингиз соғинар, ҳалак,
Нима яхши дийдордан бўлак,
Қариндошлар сизни соғиндим.

Сиздан битта қўнғироқ кутиб,
Суҳбатингиз ҳумори тутиб,
Ўтирибман телефон тутиб,
Синфдошлар сизни соғиндим.

Сизга ҳамма ҳаёлларим жалб,
Соғинч туйиб ўртанади қалб,
Расмингизга термулиб қараб,
Сирдошларим сизни соғиндим.

Қалбим ҳомуш,кўнглим ҳунларда,
Тушларимга киринг тунларда,
Кўришайлик яқин кунларда,
Дилдошларим сизни соғиндим.


Хуршид Карим.



@Xurshid_Karim

💝Хуршид Карим шеърлари💝

17 сентября 2024 11:55

📃 ОНАСИ БОРЛАР
😔😔🥀🥀

📝 Хуршид Карим.

🎤 Музаффар Ҳафизович.

🎞 Дунёси Дунёча Дунё


@Xurshid_Karim
🌸🍃

💝Хуршид Карим шеърлари💝

17 сентября 2024 07:42

TUTASHMADI SIZ BILAN YOʻLIM

🎤 JUMANAZAR URALOV

✍ XURSHID KARIM

BIZNING KANAL 👇👇

/channel/Xurshid_Karim

💝Хуршид Карим шеърлари💝

17 сентября 2024 03:16

ЖИГАРЛАРИМ ​​СИЗНИ ЯНА КЎРГИМ КЕЛДИ


Дийдор кўзда деган нақл бор эдик-у
Икки кўзим йўлингизда зор эдик-у,
Сўраганим сиздан бир дийдор эдик-у
Изларингиз кўзларимга сургим келди
Жигарларим сизни яна кўргим келди


Хотирамда қолган ошиқ,соқаларим
Бири тугма бири енг-у ёқаларим
Жондан азиз бўлган опа акаларим
Бола бўлиб ёнингизда юргим келди
Яқинларим яна сизни кўргим келди


Келмасангиз ўзим йўқлаб бормоғим бор
Меҳрингизга қўйган илмоқ, қармоғим бор
Кафтингизда менинг жажжи бармоғим бор
Чақалоқдек хандон отиб кулгим келди
Жигарларим бугун сизни кўргим келди


Умр ўтиб кетаяпти шошиб шошиб
Рузғор дея яшаяпмиз йиллар ошиб
Куришайлик қайта қайта қучоқ очиб
Шамдек ёниб бағрингизда сўнгим келди
Жигарларим сизни яна кўргим келди


Дийдорингиз соғинаман кўзим ёшлаб
Гоҳо шодон гоҳо маъюс дилим ғашлаб
Келинг хамма ташвишларни ортга ташлаб
Дийдорингиз юзларимга сургим келди
Жигарларим сизни жуда кўргим келди.



✍Хуршид Карим
═══════════════════

...🍃🌸🌸🍃..



t.me/Xurshid_Karim

💝Хуршид Карим шеърлари💝

16 сентября 2024 19:39

📝Жигарларим
❤️🔥❤️

✍Хуршид Карим

🎙Шоҳиста Икромаова

🎬 Дунёси Дунёча Дунё

💝Хуршид Карим шеърлари💝

16 сентября 2024 14:12

ХОҚОНИМ ДАДАМ


🎙Музаффар Назаров
✍Хуршид Карим


t.me/Xurshid_Karim

💝Хуршид Карим шеърлари💝

16 сентября 2024 05:13

SOHTA DUNYO

🎤 JUMANAZAR URALOV

✍ XURSHID KARIM

BIZNING KANAL 👇👇

💝Хуршид Карим шеърлари💝

16 сентября 2024 03:10

🌸🍃
Шукрона айтинг

✍Хуршид Карим

🎤 Гулнора Юсупова

🎞 Дунёси Дунёча Дунё

🌸🍃

@Xurshid_Karim

💝Хуршид Карим шеърлари💝

16 сентября 2024 02:44

☀️ ХАЙРЛИ ТОНГ!

Ассалому алайкум! Хафтанинг биринчи куни, Душанба тонги муборак бўлсин!

Сиз ва бизларни соғ–саломат уйғотган Роббимизга ҳамдлар бўлсин!

Ҳамиша Аллоҳнинг паноҳида бўлинг 🤲

t.me/Xurshid_Karim

💝Хуршид Карим шеърлари💝

15 сентября 2024 18:28

📹 Murodjon Toshpulatov - Hoji dadam (audio 2024) →
Matn muallifi: Xurshid Karim


t.me/Xurshid_Karim




✨ 𝐓𝐞𝐥𝐞𝐠𝐫𝐚𝐦 | 💝Хуршид Карим шеърлари💝

💝Хуршид Карим шеърлари💝

15 сентября 2024 03:45

СЕВМАЙ ҚЎЙГАНМАН



Муҳаббатдан куйганман,
Азоблардан тўйганман,
Кўнглим совиган сиздан
Сизни севмай қўйганман.


Нима кўрдим мен севиб,
Севмай қилдингиз фириб,
Сиздан буткул юз буриб,
Сизни севмай қўйганман.


Куймайман энди тамом,
Адашдимда бир ёмон
Тўйингиз бўлган оқшом
Сизни севмай қўйганман.


Эй гулюз қоши қалам,
Сизга қилсин бир алам,
Бахтиёрман сизсиз ҳам,
Сизни севмай қўйганман.


Унутганман исмингиз,
Кимга насиб жисмингиз,
Қизиқтирмас ҳуснингиз,
Сизни севмай қўйганман.


Бахтингиз берсин худо,
Юрагимда бир нидо,
Хайр энди, алвидо,
Сизни севмай қўйганман.


Хуршид Карим



(қўшиқ учун
☎️941309110)



t.me/Xurshid_Karim