Xoji ota Jome Masjidi

16 марта 2023 20:06

🌙 Жума айёмингиз муборак бўлсин!

АЛЛОҲУММА СОЛЛИ ВА САЛЛИМ ЪАЛА МУҲАММАДИН ВА ЪАЛА ОЛИ МУҲАММАД

Салавот айтиш Расулуллоҳ соллаллоҳу алайҳи васалламнинг шафоатларига ноил этади.

Анас розияллоҳу анҳудан ривоят қилинади. Набий соллаллоҳу алайҳи васаллам:
“Менга жума кунида ва жума кечасида кўп салавот айтинглар, бас ким шундай қилса, мен унга қиёмат куни гувоҳ ва шафоатчи бўламан”, дедилар
(Имом Байҳақий ривояти).

#жума #juma #дуо #duo

👉 @OCHILDI_DOMLA

Xoji ota Jome Masjidi

16 марта 2023 14:34

Қуръони каримда зикри келган ҳайвонлар:

1. Аждар (Катта илон).
"Шунда (Мусо тутиб турган) асосини ташлаган эди, баногоҳ у асо очиқ-ростакам аждарга айланди" (Аъроф сураси, 107 оят).
2. Туя.
"Ахир улар туянинг қандай яратилганига, (ибрат назари билан) боқмайдиларми?!" (Ғошия сураси, 17 оят).
3. Чивин.
"Аллоҳ чивин ёки ундан-да ҳақир нарсалар ҳақида масал айтишдан ҳеч тортинмайди", (Бақара сураси, 26 оят).
4. Сигир.
"Эсланг! Мусо ўз қавмига: «Албатта Аллоҳ сизларга бир сигир сўйишларингизни буюради»,- деган", (Бақара сураси, 67 оят).
5. Хачир.
"У Зот яна сизлар минишингиз учун зийнат қилиб отлар, хачирлар ва эшакларни (яратди)", (Наҳл сураси, 8 оят).
6. Эчки.
"(Аллоҳ) саккизта жуфтни (яратди). Қўйдан иккини (яъни эркак ва урғочини), эчкидан иккини яратди", (Анъом сураси, 143 оят).
7. Бит.
"Бас, биз уларнинг устиларига тўфон (сел), чигиртка, бит, бақа ва қон (балоларини бизнинг қудратимизга далолат қиладиган) очиқ оят-мўъжизалар қилиб юбордик", (Аъроф сураси, 133 оят).
8. Маймун.
"Орангиздан шанба кунида ҳаддан ошган кимсаларни билдингиз. Бас, биз уларга: «Бадбахт маймунларга айлангиз», дедик", (Бақара сураси, 65 оят).
9. Тўнғиз.
"Албатта У сизларга фақатгина ўлаксани, қонни, тўнғиз гўштини ва Аллоҳдан ўзгага атаб сўйилган нарсаларнигина ҳаром қилди", (Бақара сураси, 173 оят).
10. Чигиртка.
"Гўё ёйилган чигирткалар каби қабрларидан чиқиб келурлар!" (Қамар сураси, 7 оят).
11. Эшак.
"Улар (устига ортиб кўйилган) китобларни кўтариб кетаётган эшакка ўхшайди", (Жумъа сураси, 5 оят).
12. Пашша.
"Аллоҳни қўйиб илтижо қилаётган бутлар агар барчалари бирлашганларида ҳам хатто бир дона пашшани ярата олмаслар", (Ҳаж сураси, 73 оят).
13. Бақа.
"Бас, биз уларнинг устиларига тўфон (сел), чигиртка, бит, бақа ва қон (балоларини бизнинг қудратимизга далолат қиладиган) очиқ оят-мўъжизалар қилиб юбордик", (Аъроф сураси, 133 оят).
14. Ҳудҳуд.
"У қушларни кўздан кечириб (уларнинг орасида ҳудҳудга кўзи тушмагач): "Нега мен ҳудҳудни кўрмаяпман, балки у (мендан беизн) ғойиб бўлгувчилардандир?!", (Намл сураси, 20 оят).
15. Асалари.
"(Эй Муҳаммад алайҳиссалом), Парвардигорингиз асаларига ваҳий-амр қилди", (Наҳл сураси, 68 оят).
16. Қўй.
"Дарвоқеъ, мана бу менинг биродарим бўлиб, унинг тўқсон тўққиз совлиқ қўйи бор, менинг эса биргина совлиғим бордир", (Сод сураси, 23 оят).
17. Ит.
"Бас, унинг мисоли худди бир итга ўхшайдики, уни ҳайдасанг ҳам тилини осилтириб тураверади ёки (ўз ҳолига) қўйсанг ҳам тилини осилтириб тураверади", (Аъроф сураси, 176 оят).
18. Шер.
"Нега улар худди шердан қочган ёввойи эшакларга ўхшаб бу Эслатмадан — Қуръондан юз ўгирадилар-а?!" (Муддассир сураси, 51 оят).
19. Фил.
"Парвардигорингиз фил эгаларини қандай (ҳалок) қилганини кўрмадингизми?" (Фил сураси, 1 оят).
20. Наҳанг балиқ.
"Бас, уни (Парвардигорининг изнисиз ўз қавмини ташлаб чиқиб кетгани сабабли) маломатга лойиқ бўлган ҳолида бир наҳанг балиқ ютиб юборди", (Соффат сураси, 142 оят).
21. Қарға.
"Сўнгра Аллоҳ унга биродарининг мурдасини қандай кўмишни кўрсатиш учун ер титадиган бир қарға юборди", (Моида сураси, 31 оят).
22. Ўргимчак.
"Аллоҳдан ўзга "дўстлар"ни ушлаган кимсаларнинг мисоли худди (ўзи учун) уй қуриб олиб, (ўша уйидан паноҳ истаган) ўргимчакка ўхшайди", (Анкабут сураси, 41 оят).
23. Бўри.
"Мен, сизлар ғафлатда қолиб, уни бўри еб кетишидан қўрқурман", (Юсуф сураси, 13 оят).
24. От.
"Улар(га қарши жанг қилиш) учун имконингиз борича куч ва эгарланган отларни тайёрлаб қўйинг", (Анфол сураси, 60 оят).
25. Чумоли.
"То улар чумолилар водийсига етган вақтларида", (Намл сураси, 18 оят).
26. Қуш.
"У Зот уларнинг устига сополдан бўлган тошларни отадиган тўп-тўп қушларни юборди", (Фил сураси, 3 оят).
27. Капалак.
"У Кунда одамлар тўзғитиб юборилган капалаклар каби бўлиб қолурлар!" (ал Қориъа сураси, 4 оят).
28. Ёввойи эшак.
"Нега улар худди шердан қочган ёввойи эшакларга ўхшаб бу Эслатмадан — Қуръондан юз ўгирадилар-а?!" (Муддассир сураси, 50 оят).

Дўстларингизга ҳам улашинг!!!

http://T.ME/OCHILDI_DOMLA

Xoji ota Jome Masjidi

16 марта 2023 02:16

АССАЛОМУ АЛАЙКУМ!

🌱 АЛЛОҲ 🎋 🕊
☘️ БУГУНГИ 🎋 🕊
🌷 КУНИНГИЗНИ 🎋 🕊
🌸 БАРОКАТЛИ, 🎋 🕊
🌼 ФАЙЗЛИ 🎋 🕊
🌿 ҚИЛСИН! 🎋 🕊

💐🍃💐 🍃 💐🍃 💐 🍃 💐 🍃
Набий соллаллоҳу алайҳи васаллам:
«Қайси бирингиз оиласи тинч, тани соғ ва бир кунлик ризқи бор ҳолда тонг оттирса, гўёки бутун дунёни қўлга киритибди», дедилар.

💐 ХАЙРЛИ ТОНГ! 💐

@OCHILDI_DOMLA

Xoji ota Jome Masjidi

15 марта 2023 10:18

ОТА-ОНАНИНГ ФАРЗАНДИДА ЎН ҲАҚҚИ БОР:

1. Ота-она оч қолса, тўйдиради.

2. Либосга муҳтож эса, кийинтиради.

3. Иш буюрса, бажаради.

4. Чақирса, “лаббай” деб дарҳол ёнларига боради.

5. Бир нарса буюрса, бажаради. Буюрган нарсалари гуноҳ бўлса, юмшоқлик билан тушунтиради ва чиройли тарк этади.
Кўнглини олади.

6. Ота-онага юмшоқ гапиради.

7. Исмларини айтиб чақирмайди.

8. Уларнинг ортида юради.

9. Ўзи учун хоҳлаб, раво кўрган нарсани ота-она учун ҳам хоҳлаб раво кўради, ўзи учун истамаган раво кўрмаган нарсани улар учун ҳам раво кўрмайди, истамайди.

10. Ўзи учун дуо қилганда, улар учун ҳам Яратгандан кечирим сўрайди-мағфират тилайди.

Вафотларидан сўнг ота-онани рози этмоқ уч нарса билан мумкин бўлур:

1. Фарзанд Яратганнинг буюрганига амал қилиб қайтарганларидан қайтса таъқиқларидан тийилса, солиҳ бўлса.... (марҳум ота-она рози бўлур). Чунки, ота-она фарзандлари солиҳ бўлганидан севинганчалик бошқа нарсадан севинмайди.

2. Уларнинг қариндошларини, дўстларини зиёрат қилиш билан...

3. Ота-она учун Яратгандан кечирим мағфират, авф тилаш билан улар учун (улар номига ёки улар номидан) садақа бермоқ ва яхшилик (эҳсон қилмоқ билан...


"Ҳикматлар хазинаси" китобидан.

http://T.ME/OCHILDI_DOMLA

Xoji ota Jome Masjidi

14 марта 2023 18:14

☝️NAMOZDAGI MAKRUHLARLARNI BILIB OLING😔

🎙"Xoji ota" jome masjidi imom xatibi Ochildi domla!

Маnba: @OCHILDI_DOMLA

✅Eshting va yaqinlaringizga ham ulashing🔗

Kanalga obuna bo'ling✅
👉 T.ME/OCHILDI_DOMLA

Xoji ota Jome Masjidi

14 марта 2023 07:26

МАҲРИНИ БЕРМАЙ ОЛАМДАН ЎТСА
#қисқа_савол_жавоблар

❓CАВОЛ: Эр аёлининг маҳрини бермай оламдан ўтган бўлса, фарзанди отасининг ўрнига берса бўладими? Агар бўладигон бўлса онасига нима деб беради?

💬 ЖАВОБ: Бисмиллаҳир Роҳманир Роҳим.
Маҳр ҳам эрнинг зиммасидаги адо қилиниши зарур бўлган ҳақлардан биридир. Адо қилинмаган маҳрнинг насия қисмининг адо қилиш муддати эр-хотинлардан бирларининг ўлими ёки ўртага талоқ тушиб ажрашилганда етиб келган бўлади. Шунинг учун эр маҳрни бермасдан вафот этиб кетган бўлса ва марҳумнинг уй-жойи, машинаси, чорва ҳайвонлари, пул ва бошқа нарсалардан иборат мол-дунёлари бўлса, ўшаларни меросхўрларга беришдан олдин барча қарзлари, жумладан хотиннинг маҳри ҳам узилиши шарт. Агар ҳеч нарса қолдирмаган бўлса ёки қолдирган моли етарли бўлмаса, у ҳолда ўғли ёки бошқа меросхўрлар истаса, отамизнинг маҳрлари учун, деб адо қилиб қўйишлари мумкин. Адо қилмасалар, қиёматга қолади. Валлоҳу аълам.

Ўзбекистон мусулмонлари идораси
Фатво маркази.

🔗 Улашинг:

@OCHILDI_DOMLA

Xoji ota Jome Masjidi

13 марта 2023 17:45

☝️Qur'oni karimga imon keltirish!

🎙"Xoji ota" jome masjidi imom xatibi Ochildi domla!

Маnba: @OCHILDI_DOMLA

✅Eshting va yaqinlaringizga ham ulashing🔗

Kanalga obuna bo'ling✅
👉 T.ME/OCHILDI_DOMLA

Xoji ota Jome Masjidi

13 марта 2023 05:05

Яҳё ибн Муъоз ар-Розий роҳимаҳуллоҳ муножотларида:

"1. Тун Сенга қилинган муножот билан мароқли бўлади.
2. Кундузи Сенга қилинган тоат билан мароқли бўлади.
3. Дунë Сенинг зикринг билан мароқли бўлади.
4. Охират Сенинг авф ва кечиришларинг билан мароқли бўлади.
5. Жаннат Сени кўриш билан мароқли бўлади”, дер эдилар.

@OCHILDI_DOMLA

Xoji ota Jome Masjidi

12 марта 2023 16:27

Бир куни илон дурадгор устахонасига кириб уёқ-буёққа ўрмалай бошлади. Ерда ётган арра устидан судралиб ўтган эди, енгилгина жароҳат олди. Илон бундан ғазаби келиб, унга жавоб қиламан деб аррани тишлаган эди, оғзининг атрофидан қон оқиб чиқди. Илон менга арра ҳужум қилмоқда, ўлимга тўқнаш келдим шекилли, деб ўйлаб, унга кучли жавоб қайтармоқчи бўлди. Аррага ўралиб, ўзининг одатига кўра бор кучи билан бўғган эди (кесилиб, бўлиниб кетди) ўз ҳаётига нуқта қўйди...

Биз ҳам ғазабимиз келган пайтда бошқаларга жароҳат етказишга ҳаракат қиламиз. Бироз вақт ўтгач ўзимизни жароҳатлаганимизни ҳис қиламиз.

Ҳаёт гоҳида ҳодисаларга ва баъзи одамларнинг қилиғига, ишига ва сўзига бефарқ бўлишни талаб қилади. Ҳамма нарсага ҳам жавоб қилавериш тўғри эмас. Гоҳида жавоб беришингиз сизга зарар келтиради ёки ҳалок қилади.

Дўстларингизга ҳам улашинг!!!
•┈•┈•┈•❁imonuz❁•┈•┈•┈•

http://T.ME/OCHILDI_DOMLA

Xoji ota Jome Masjidi

12 марта 2023 07:08

#Дуо

Ёмғир ёққанда ўқиладиган дуо

اللَّهُمَّ صَيِّباً نَافِعاً

«Аллоҳумма соййибан наафиъан»

Аллоҳим, ёмғирни фойдали (хайрли) қилгин!

http://T.ME/OCHILDI_DOMLA

Xoji ota Jome Masjidi

11 марта 2023 14:28

#Ихтилофлар_ва_ечимлар
Муфтий ҳазрат: Мазҳабга эргашиш ихтилофлардан сақлайди! (2-қисм)

Муфтий Нуриддин домла ҳазратлари ушбу мавзудаги чиқишлари давомида машҳур саҳоба Муоз ибн Жабал разияллоҳу анҳунинг ижтиҳод қилиш (ҳукм чиқариш) бобидаги ҳозиржавобликлари Расул алайҳиссаломни жуда ҳам хурсанд қилгани баён этилади.
Мужтаҳид уламолар Қуръон ва ҳадисга таяниб ижтиҳод қилганлари ҳамда бир вақтда барча зарур илмлар – тафсир, ҳадис, оятлар нозил бўлиш сабаблари, араб тили грамматикаси кабиларни пухта билганлари келтирилади.
Диёримизда асрлар давомида Ҳанафий мазҳабига амал қилингани, шунинг учун ўтмишда бундай ихтилофлар бўлмагани ҳақида сўз юритилади.
Ҳозирги кунда мазҳабни рад этадиган ёки тўртта мазҳабни қориштирадиганлар пайдо бўлаётгани афсус билан қайд этилади.
➡️БАТАФСИЛ

▶️ ТЎЛИҚ ВИДЕО


Ўзбекистон мусулмонлари идораси Матбуот хизмати

http://T.ME/OCHILDI_DOMLA

Xoji ota Jome Masjidi

10 марта 2023 14:54

УЗРЛИ ҲОЛАТИМДА ИХЛОС СУРАСИНИ АЙТИБ ЮРСАМ БЎЛАДИМИ?
#қисқа_савол_жавоблар

❓CАВОЛ: Ҳайз ҳолатида Ихлос сурасини айтиб юрсам бўладими?

💬 ЖАВОБ: Бисмиллаҳир Роҳманир Роҳим.
Аёл киши ҳайз ҳолатида Қуръон ўқиши мумкин эмас. Ихлос сураси ҳам Қуръони карим сураларидандир. Ёд олган сураларини эшитиши ёки тилига чиқармасдан, қалбидан ўтказиши мумкин. Валлоҳу аълам.

Ўзбекистон мусулмонлари идораси
Фатво маркази.

🔗 Улашинг:

@OCHILDI_DOMLA

Xoji ota Jome Masjidi

09 марта 2023 16:01

#аудио

Атроф муҳит поклиги (11-маъруза)

Манба: "Ижтимоий одоблар китоби" (205-207-бетлар)

Исломда инсоннинг вужуди, кийими ва унга хос нарсалар поклиги билан бирга, унинг атрофидаги барча нарсалар ҳам пок бўлишига катта аҳамият берилган. Турар жой, кўча-кўй, майдонлар, ишхоналар, таълим муассасалари, масжидлар, нақлиёт воситалари, дам олиш жойлари, ҳамма-ҳаммаси пок бўлиши талаб қилинган.

Абу Молик Ашъарий розияллоҳу анҳудан ривоят қилинади:
«Набий соллаллоҳу алайҳи васаллам:
«Поклик иймоннинг ярмидир», дедилар».
Муслим, Насаий ва Термизий ривоят қилганлар.

👉Батафсил


Дўстларингизга ҳам улашинг:

http://T.ME/OCHILDI_DOMLA

Xoji ota Jome Masjidi

09 марта 2023 08:21

#Ихтилофлар_ва_ечимлар
Муфтий ҳазрат: Мазҳабга эргашмаганларга биродар сифатида насиҳатимиз!  (1-қисм)

Ўзбекистон мусулмонлари идораси раиси, муфтий Нуриддин домла ҳазратлари томонидан кўп баҳс-мунозараларга сабаб бўлаётган, эътиқодимизга салбий таъсир кўрсатаётган ва ёшларни тўғри йўлдан адаштираётган таҳдидларнинг олдини олиш мақсадида, “Ихтилофлар ва ечимлар” номли туркум суҳбатларни эълон қилиш йўлга қўйилди. 

Мана шундай суҳбатларнинг илк мавзуси “Мазҳабга эргашишнинг зарурати ва фойдалари” деб номланиб, ҳозирги кунда халқимизнинг мазҳабга эргашиши муҳимлиги, фойдалари ва аксинча мазҳабсизлик зарарлари тўғрисидаги сўз юритилади...
➡️БАТАФСИЛ

▶️ ТЎЛИҚ ВИДЕО

Ўзбекистон мусулмонлари идораси Матбуот хизмати

http://T.ME/OCHILDI_DOMLA

Xoji ota Jome Masjidi

08 марта 2023 07:30

Йўқолса топилмайдиган хислат

Бир куни Бойлик, Илм ва Ор-номус учрашиб қолишибди.

Бойлик айтди:
- Агар мен йўқолиб қолсам саройда бўламан.

Илм айтди:
- Агар мен йўқолиб қолсам, масжид ва мадрасалардан изланглар ўша ерда бўламан.

- Агар мен йўқолиб қолсам, - дебди Ор-номус,- излаб ўтирманглар, ҳеч қаердан тополмайсизлар.
♻️Каналга уланиш:👇

http://T.ME/OCHILDI_DOMLA

Xoji ota Jome Masjidi

16 марта 2023 20:02

💐Гўзал жаннат бизга бўлмасин армон,
🪴Тарк этмасин сира қалбларни иймон.
🌸 Бу кун савобларидан насиб айласин,
🍃Жума айёмингиз муборак бўлсин!

🌹🍃ЖУМА МУБОРАК ..🍃🌹

👉 @OCHILDI_DOMLA

Xoji ota Jome Masjidi

16 марта 2023 04:54

#САВОЛ_ЖАВОБЛАР

ЧАҚАЛОҚЛАРНИ БИР ЁШГА ТЎЛГУНЧА СОЧИНИ ОЛДИРМАСЛИК

CАВОЛ: Бизда бир одат бор, чақалоқнинг ёши бир ёшга тўлмагунча сочини олдиришмайди. Бир ёшдан кейин сочи олинади. Бу одатга динимиз нима дейди?

ЖАВОБ: Бисмиллаҳир Роҳманир Роҳим. Туғилган бола ўғил ёки қиз эканидан қатъий назар етти кунлик бўлганда сочини олдириш ва сочининг вазни миқдорида кумуш (ёки унинг қийматини) садақа қилиш Пайғамбаримиз алайҳиссалом ўргатган суннатлардан ва ислом шиорларидан ҳисобланади.

Абу Амр ибн Абдулбарр раҳимаҳуллоҳ: “Ақиқа вақтида боланинг сочини олишни уламолар мустаҳаб санаганлар,” деб айтган.

Самура разияллоҳу анҳудан ривоят қилинган ҳадисда Пайғамбаримиз алайҳиссалом айтадилар: “Ҳар бир бола ақиқаси билан гаровлангандир. Еттинчи кунида унинг номидан жонлиқ сўйилади. Ўша кунда исм қўйилади ва сочи олинади.” (Имом Аҳмад, Термизий, Насоий ва Абу Довудлар ривояти)

Шунга кўра бир йилгача чақалоқнинг сочини олмаслик Пайғамбаримиз алайҳиссаломнинг суннатларига мувофиқ эмас. Шаръий қоидага кўра, агар урф-одатлар шаръиат кўрсатмаларига хилоф бўлса, уни тарк қилинади. Валлоҳу аълам.

Ўзбекистон мусулмонлари идораси
Фатво ҳайъати

Дўстларингизга ҳам улашинг:

@OCHILDI_DOMLA

Xoji ota Jome Masjidi

15 марта 2023 17:22

☝️Xozirda nega yakka mujtahid yoq❓

🎙"Xoji ota" jome masjidi imom xatibi Ochildi domla!

Маnba: @OCHILDI_DOMLA

✅Eshting va yaqinlaringizga ham ulashing🔗

Kanalga obuna bo'ling✅
👉 T.ME/OCHILDI_DOMLA

Xoji ota Jome Masjidi

15 марта 2023 05:01

Фарзанди бўлмаётганларга уламолардан тавсиялар

Усома ар-Рифоий, Саид Аҳмад Паланпурий ҳазратларидан фарзанди бўлмаётганларга тавсия сўралганда у зотлар намоз охирида (охирги қаъдада) саловатдан кейин қуйидаги дуоларни ўқишни тавсия қилганлар:

رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ

Ўқилиши: Роббана атина фиддуня ҳасана ва фил охирати ҳасана ва қина азабан-нар.

Маъно таржимаси: «Роббимиз, бизга бу дунёда ҳам яхшилик, охиратда ҳам яхшилик бергин ва бизни дўзах азобидан сақлагин» (Бақара сураси, 201-оят)

*

رَبَّنَا اغْفِرْ لِي وَلِوَالِدَيَّ وَلِلْمُؤْمِنِينَ يَوْمَ يَقُومُ الْحِسَابُ

Ўқилиши: Роббанағфирлий валивалидаййа валил мўминийна явма яқумул ҳисаб.

Маъно таржимаси: «Роббимиз, ҳисоб қилинадиган Кунда мени, ота-онамни ва мўминларни мағфират айлагин». (Иброҳим сураси 41-оят)

*

رَبِّ لا تَذَرْنِي فَرْداً وَأَنْتَ خَيْرُ الْوارِثِينَ

Ўқилиши: Робби ла тазарний фардан ва анта хойрул варисийн.

Маъно таржимаси: «Роббим, мени ёлғиз ташлаб қўйма, Сен ворисларнинг энг яхшисисан» (Анбиё сураси, 89-оят)

____
Иншааллоҳ, давомли тарзда шуларни ўқиганларга Аллоҳ таоло фарзанд беради.

Абдуллоҳ Раҳим саҳифасидан

Дўстларингизга ҳам улашинг:

http://T.ME/OCHILDI_DOMLA

Xoji ota Jome Masjidi

14 марта 2023 12:04

#Раййон_эшиги
#Рамазон
РЎЗАНИНГ ТУРЛАРИ

❗️Рўзанинг турлари тўрттадир:

I. Лозим рўза.
Лозим рўза иккига: фарз ва вожибга бўлинади.
Фарз рўза ҳам иккига: тайинли ва тайинли эмасга бўлинади.
Тайинли фарз рўза - Рамазон рўзасини адо этишдир.
Тайинли бўлмаган фарз рўза – Рамазоннинг қазоси ва каффорат рўзасидир.
Вожиб рўза ҳам иккига: тайинли ва тайинли эмасга бўлинади.
Тайинли вожиб рўза – муайян назр рўзадир.
Тайинли бўлмаган вожиб рўза – мутлоқ назр рўза ва нафл рўзани бузган бўлса, қазони тутишдир.

II. Ҳаром рўза.
Бу турдаги рўзани ҳанафийлар: “макруҳи таҳримий” ҳам дейдилар. Бундай рўзалар бир неча хилдир:
1. Аёл кишининг эрининг изнисиз ёки розилигини билмай туриб нафл рўза тутиши.
2. Шак куни рўза тутиш.
3. Рўза ҳайити куни ҳамда Қурбон ҳайити ва ундан кейинги уч куннинг рўзасини тутиш.
4. Ҳайзли ва нифосли аёлнинг рўза тутиши.
5. Рўза тутса ҳалок бўлишини билиб туриб рўза тутган одамнинг рўзаси.

III. Ихтиёрий рўза.
Ҳанафий мазҳабида ихтиёрий рўза учта: суннат, мандуб ва нафлга бўлинади.
Суннат рўза – Расулуллоҳ соллаллоҳу алайҳи васаллам бардавом тутиб юрган ихтиёрий рўза.
Ошуро ойининг тўққизинчи ва ўнинчи кунининг рўзаси суннат ҳисобланади.
Мандуб ёки мустаҳаб - Расулуллоҳ соллаллоҳу алайҳи васаллам бардавом тутмаган ихтиёрий рўза.
1. Бир кун тутиб, бир кун очиб юриш.
2. Ҳар ойда уч кун рўза тутиш.
3. Ҳафтанинг душанба ва пайшанба кунлари рўза тутиб юриш.
4. Шавволдан олти кун рўза тутиш.
5. Арафа куни рўза тутиш.
6. Арафадан олдин саккиз кун рўза тутиш.
7. Шаъбон ойида рўза тутиш
Нафл рўза – зикр қилиб ўтилганлардан бошқа тутишга тарғиб қилинган рўзалар.

IV. Макруҳ рўза.
Бу хилдаги рўзани ҳанафий мазҳабида макруҳи танзиҳий ҳам дейилади. Улар қуйидагилардир:
1. Ошуро кунининг ёлғиз ўзининг рўзасини тутиш.
2. Жума кунининг ёлғиз ўзининг рўзасини тутиш.
3. Шанба кунининг ёлғиз ўзининг рўзасини тутиш.
4. Наврўз куни рўза тутиш.
5. Меҳрижон куни рўза тутиш.
6. Ҳар куни рўза тутиш.
7. Гапирмасдан рўза тутиш.
8. Улаб рўза тутиш.
9. Мусофирнинг қийналиб рўза тутиши.

"Кифоя" китобидан.
♻️Дўстларингиза улашинг!
Каналга уланиш:👇

http://T.ME/OCHILDI_DOMLA

Xoji ota Jome Masjidi

14 марта 2023 04:46

🤲 Расулуллоҳ соллаллоҳу алайҳи васаллам бундай дуо қилар эдилар: “Аллоҳим, Сендан (берган) неъматинг завол топиши, офиятинг (нотинчликка) алмашиниши, тўсатдан келувчи азобинг ва барча ғазабингдан паноҳ беришингни сўрайман!” (Имом Муслим ривояти).

اللَّهُمَّ إِنِّي أَعُوذُ بِكَ مِنْ زَوَالِ نِعْمَتِكَ، وَتَحَوُّلِ عَافِيَتِكَ، وَفُجَاءَةِ نِقْمَتِكَ، وَجَمِيعِ سَخَطِكَ

Аллоҳумма инний аъузу бика мин завали ниъматика ва таҳаввули ъафиятика ва фужа-ати ниқматика ва жамийъи сахотика

@OCHILDI_DOMLA

Xoji ota Jome Masjidi

13 марта 2023 06:33

«Қон чиқариш» шариатда дурустми?

Халқимизда «қон чиқариш» деган одат бор. Яъни бир муҳим ишни бошламоқчи бўлса ёки бир нарсани қўлга киритса ёки бемор тузалиб кетсин деб хўроз, курка ёки қўй сўйиб қон чиқарилади. Бу нарса шариатда дурустми? Мазкур сабаблар билан худойи қилиш одати ҳам бор. Бу тўғрида шариатимизда қандай фатво бор?

Жавоб: Бисмиллаҳир роҳманир роҳийм.
«Ал-Инсоф» номли китобда қуйидагилар айтилади:
«Одамларни чорлаб маросим қилиб бериладиган таомлар ўнтадир:
1. Валийма – келин тушириш учун (никоҳ тўйлари).
2. Азийра – хатна муносабати ила.
3. Хурса – бола туғилиши муносабати ила.
4. Вакийра – янги бино муносабати ила.
5. Нақийъа – биров ғойиб бўлганидан кейин қайтиб келиши муносабати ила.
6. Ақийқа – бола етти кунлик бўлганидан кейин ўтказиладиган маълум ва машҳур маросим.
7. Вазийма – мотам муносабати ила.
8. Маъдаба – оддий, алоҳида сабабсиз зиёфат.
9. Ҳизоқ – Қуръонни ёдлаб бўлиш муносабати ила.
10. Туҳфа – сафардан келган одам ўзи қиладиган маросим.
Булардан валийма суннат, бошқаси мустаҳабдир. Истаган қилади, истамаган йўқ.
Сиз айтган худойи қилиш мана шуларга хос. Қон чиқариш деган ибора китобларда ишлатилмаган. Валлоҳу аълам.

“Зикр аҳлидан сўранг” китобидан

@OCHILDI_DOMLA

Xoji ota Jome Masjidi

12 марта 2023 17:20

Ухлаш учун тўшакка ётганда айтиладиган зикрлар

Оиша онамиз розияллоҳу анҳо айтадилар: «Расулуллоҳ соллаллоҳу алайҳи васаллам агар кўрпаларига кирсалар, икки кафтларини жамлаб туриб, унга «Қул ҳуваллоҳу аҳад», «Қул аъузу бироббил фалақ», «Қул аъузу бироббиннас»ни ўқиб, қўллари етган жойларигача суртар эдилар. У икки кафтларини бошлари, юзлари ва жасадларининг олд томонидан бошлаб уч мартадан бажарардилар».
Бухорий ва Муслим ривояти.

Абу Масъуд розияллоҳу анҳудан ривоят қилинади. Расулуллоҳ соллаллоҳу алайҳи васаллам: «Ким Бақара сурасининг охирги икки оятини кечаси ўқиса, (офатлардан) унга кифоя қилади», дедилар.
Бухорий ва Муслим ривояти

http://T.ME/OCHILDI_DOMLA

Xoji ota Jome Masjidi

12 марта 2023 10:14

Ҳаётда уч нарсани эҳтиёт қилиб ишлатинг:

— қадамни;
— қаламни;
— қасамни.

Уч нарсани пок тутинг:
— танани;
— кийимни;
— хаёлни.

Уч нарсани ишга солинг:
— ақлни;
— ҳимматни;
— сабрни.

Уч нарсадан парҳез қилинг:
— гуноҳдан;
— афсусдан;
— фарёддан.

Уч нарсани булғаманг:
— қалбни;
— тилни;
— кўзни.

http://T.ME/OCHILDI_DOMLA

Xoji ota Jome Masjidi

11 марта 2023 18:37

Ким ҳар куни тонг отганида ва кеч кирганида...

Абу Дардо розияллоҳу анҳудан ривоят қилинади:
Расулуллоҳ соллаллоҳу алайҳи васаллам:
«Ким ҳар куни тонг отганида ва кеч кирганида:

حَسْبِيَ اللهُ لاَ إِلَهَ إِلاَّ هُوَ عَلَيْهِ تَوَكَّلْتُ وَهُوَ رَبُّ العَرْشِ العَظِيمِ

«Ҳасбийаллоҳу лаа илаҳа илла ҳува ъалайҳи таваккалту ва ҳува роббул ъаршил ъазийм» (Аллоҳ менга кифоя қилади. Ундан бошқа илоҳ йўқ. Унга таваккал қилдим. У улуғ аршнинг Раббидир), деб етти марта айтса, унинг дунё ва охиратдаги муҳим ишларида Аллоҳнинг Ўзи кифоя қилади», дедилар.

Ибн Сунний ривоятлари.

http://T.ME/OCHILDI_DOMLA

Xoji ota Jome Masjidi

11 марта 2023 06:09

Бомдод намозидан ухлаб қолган киши етарли дам олдим деб ўйлайди. Лекин бу бечора, бир неча дақиқа Аллоҳ ҳузурида туришнинг лаззатини билмайди. Хоҳлаганингда ухлаб, хоҳлаганингда уйғониб, намознинг вақтларига беэътибор бўлсанг, демак маҳзунлик гирдобига тушиб қолибсан. Аслида намоз, дунё ва охиратдаги роҳат ва яхшилик манбаъсидир.
Сен Аллоҳдан кўра меҳрибонроқни топа олмайсан. Аллоҳга қасамки, агар сажда қилувчи ўзини ўраб турадиган раҳматни қай даражада эканини билганида, бошини саждадан кўтармас эди.
Бомдод ўқувчи кимсалар муваффақиятга эришганлардир. Юзлари нурли, пешоналари ярқираган, вақтлари баракалидир. Агар сен уларнинг бири бўлсанг, бу фазлга эриштиргани учун Аллоҳга ҳамд айт. Агар улардан бири бўлмасанг Аллоҳ сени ҳам улардан бири қилишини сўрагин.
Бомдод нақадар гўзал ибодат! Унинг фарзини адо этиш билан Аллоҳнинг ҳимоясига кирасан. Суннатини адо этиш билан дунё ва ундаги яхши нарсаларни қўлга киритасан. Ундаги ўқиган Қуръонинг гувоҳ қилинади.
Зеро, тонгги бомдод намозини ўқиш кеча ва кундуз фаришталари ҳозир бўладиган намоздир.

Дўстларингизга ҳам улашинг!!!
•┈•┈•┈•❁imonuz❁•┈•┈•┈•

http://T.ME/OCHILDI_DOMLA

Xoji ota Jome Masjidi

09 марта 2023 20:02

🕊🕋🌹АССАЛОМУ АЛАЙКУМ! ЖУМА АЙЁМИНГИЗ МУБОРАК БЎЛСИН!🕊🌹

🌸🕌Айтмоқ истаб сизга гапларим.
Тентирайман паришон халак.
Икки дунё орасин очган.
Азиз дўстим ЖУМА МУБОРАК...

🕊 Пок қалб ила жайнамоз олинг.
Шайдо бўлсин мингларча малак...
Кўзларингиз иймонга бойдир.
Азиз дўстим ЖУМА МУБОРАК. .....

🌸📿Сочларига оқ тушган Онам.
Отам учун сўрайман тилак..
Акам ~ укам Опа ~ сингиллар .
Азиз дўстим ЖУМА МУБОРАК. ....

🕊🌹Мусофирлар тақдири баъзан ..
Осмон узра ёймоқда фалак.
Мусофирлар гурухдошларим.
Азиз дўстим ЖУМА МУБОРАК....

✅ Албатта яқинларингизга ҳам юборинг

@OCHILDI_DOMLA

http://T.ME/OCHILDI_DOMLA

Xoji ota Jome Masjidi

09 марта 2023 13:20

НАМОЗГА КЕЧ ҚОЛГАН КИШИНИНГ НАМОЗИ
#намоз

❓Ҳурматли устозлар намозга кечикиб қўшилган одам қандай намоз ўқийди?

💬 ЖАВОБ: Бисмиллаҳир Роҳманир Роҳим.
Намозга кеч келиб, имомга иқтидо қилган киши, имомни намознинг қаерида топса ҳам унга иқтидо қилади. Агар имом товуш чиқариб (жаҳрий) қироат қилаётган бўлса, “Такбири таҳрима”ни айтиб (яъни, “Аллоҳу акбар” деб), сано (“Субҳанакаллоҳумма...”)ни ўқимасдан унга эргашади. Бироқ, бундай ҳолатда, етолмаган ракатини ўқиш учун турганида “Сано”, “Аъузу...” ва “Бисмиллоҳ...”ни айтиб қироатни бошлайди.
Агар имом овозини чиқармай (махфий) қироат қилаётган бўлса, кеч қолиб имомга эргашган одам санони ўқийди.

Жамоатга кеч қолиб келган киши имом билан бирга руку қилса, ўша ракатга етган ҳисобланади. Агар имом билан бирга руку қила олмаса, ўша ракатдан кеч қолган ҳисобланади. Бу хусусда “Аддуррул мухтор” китобида қуйидагилар келтирилади:

)وَلَوْ اقْتَدَى بِإِمَامٍ رَاكِعٍ فَوَقَفَ حَتَّى رَفَعَ الْإِمَامُ رَأْسَهُ لَمْ يُدْرِكْ ) الْمُؤْتَمُّ ( الرَّكْعَةَ(

“Рукуъда турган имомга иқтидо қилиб, туриб қолса, имом бошини рукудан кўтарса муқтадий ушбу ракатни топмаган бўлади”.

“Раддул муҳтор”да ушбу иборанинг шарҳлаб шундай дейилади:

وَكَذَا لَوْ لَمْ يَقِفْ بَلْ انْحَطَّ فَرَفَعَ الْإِمَامُ قَبْلَ رُكُوعِهِ لَا يَصِيرُ مُدْرِكًا لِهَذِهِ الرَّكْعَةِ مَعَ الْإِمَامِ

“Шунингдек, иқтидо қилиб кутиб турмаса, балки рукуга эгилса, имом унинг рукусидан аввал бош кўтарса, имом билан ушбу ракатни топмаган бўлади”.

Кечикиб келган киши имом салом бериб намозини тугатганидан кейин ўрнидан туради ва қолган ракатларни адо қилади. Чунки Расулуллоҳ соллаллоҳу алайҳи ва саллам:

"إذا سمعتم الإقامة فامشوا وعليكم السكينة والوقار، ولا تسرعوا، فما أدركتم فصلوا، وما فاتكم فاقضوا"

“Қачон иқоматни эшитсанглар виқор ва сокинликни лозим тутиб юриб боринглар, шошилманглар. Улгурган ракатларни ўқинглар. Улгурмаган ракатларни қазосини ўқинглар” деганлар. (Имом Аҳмад ривоятлари).

Шунга кўра, жамоатга кеч қолган инсон улгурган ракатларини имом билан ўқийди. Имом салом бергандан кейин туриб улгурмаган ракатларини ўзи ўқийди. Имом билан ўқигани намозининг охири, ўзи ўқиган намозининг аввали ҳисобланади. Кўпчилик намозхонлар кеч қолганда имомдан кейин намозни тугатиб қўйишни яхши биладилар. Бироқ қуйидаги икки ҳолат озгина мураккаброқ бўлгани учун батафсил баён қиламиз:

1) Тўрт ракатли пешин, аср ва хуфтон намозларининг тўртинчи ракатига етишган киши имом билан бир ракат ўқийди, имом салом берганидан кейин туриб, “Сано”, “Аъузу...” ва “Бисмиллаҳ...”ни айтади. Кейин Фотиҳа ва зам сура ўқийди, руку ва сажда қилганидан кейин ташаҳҳудга ўтиради. Чунки бу унинг учун саноқ жиҳатидан иккинчи ракат (қироат жиҳатидан биринчи ракат) ҳисобланади. Ташаҳҳуддан турганида учинчи ракатга турган бўлади. Яна “Бисмиллаҳ...”, Фотиҳа ва зам сура ўқийди (чунки бу қироат жиҳатидан қолиб кетган иккинчи ракат), руку-сажда қилади ва охирги ракатга туради. Шу охирги ракатда фақат Фотиҳани ўқийди, руку-сажда қилиб, ташаҳҳудга ўтиради ва салом бериб намозни тамомлайди.

2) Уч ракатли шом намозининг учинчи ракатига етишган киши ҳам имом салом бергандан кейин туриб бир ракатни зам сура билан ўқийди ва ушбу ракатда қаъдага ўтиради. Кейин туриб бир ракатни яна зам сура билан ўқиб намозни тугатади.

Бу ерда эътиборли томони кечикиб келган киши қолиб кетган ракатларни ўқиб олиш учун ўрнидан турганда у ёлғиз ўқувчи ҳукмида бўлади. (Фатавои Ҳиндия, Шарҳи виқоя). Валлоҳу аълам.

Ўзбекистон мусулмонлари идораси
Фатво маркази.

http://T.ME/OCHILDI_DOMLA

Xoji ota Jome Masjidi

09 марта 2023 04:26

Бозорга кирганда 3 миллионта яхшиликка ва Жаннатдаги уйга эга бўлинг!

Умар розияллоҳу анҳудан ривоят қилинади. Набий соллаллоҳу алайҳи васаллам: «Ким бозорга кирганда
لَا إلَهَ إِلاَّ اللَّهُ وَحْدَهُ لَا شَرِيْكَ لَهُ، لَهُ الـمُلْكُ وَلَهُ الـحَمْدُ، يُحْيِي وَيُمِيتُ، وَهُوَ حَيٌّ لَا يَمُوتُ، بِيَدِهِ الـخَيْرُ، وَهُوَ عَلَى كُلِّ شَيءٍ قَدِيرٌ
«Лаа илааҳа иллаллоҳу, ваҳдаҳу лаа шарийка лаҳу, лаҳул мулку ва лаҳул ҳамду, юҳйи ва юмийту ва ҳува ҳайюн лаа ямуту, биядиҳил хойру ва ҳува алаа кулли шайъин қодийр» деса, Аллоҳ унга миллионта яхшилик ёзади ва ундан миллион ёмонликни ўчиради ҳамда уни миллион даражага кўтаради», дедилар.
Бошқа бир ривоятда: «Уни миллион даражага кўтаради» ўрнига «унга жаннатдан бир уй қуради», дейилган.

#Видео_лавҳа

http://T.ME/OCHILDI_DOMLA

Xoji ota Jome Masjidi

07 марта 2023 09:13

• Агар бировнинг ташвиши сени ҳам ташвишга солса;
- билки ҳали табиатинг тоза экан.

• Агар ўзингдан бошқаларда ҳам гўзалликни кўра олсанг;
- билки, ички дунёинг гўзал экан.

• Агар биродарлик ришталарини муҳофаза қила олсанг;
- билки, сен учун нурли йўлларда доим ҳамроҳ топилади.

• Агар ўзингдан бошқаларга ҳам яхшиликни холис қила олсанг;
- билки, сен вафога жуда яқинсан!

• Билгин:
• Айбсиз дўст қидирган ёлғиз яшайди;
• Нуқсонсиз жуфт излаган бўйдоқ ўтади;
• Қийинчиликсиз ёр истасанг... истаб юраверасан;
• Лабингни фақат икки нарсага ишлат:
- бири табассум;
- иккинчиси сукут.
• Табассум мушкул ишларни ҳал қилади;
• Сукут эса мушкул ишларни ўтказиб юборади.

Шайх Шаъровий.

http://T.ME/OCHILDI_DOMLA