قناة صاحبة الضلع المكسور للشاعرة ام كرار الزينبيه

24 October 2026 12:57

‏مقطع صوتي من خادم العترة الطاهرة

قناة صاحبة الضلع المكسور للشاعرة ام كرار الزينبيه

24 October 2026 11:57

🏴عظم الله اجركم واحسن الله عزاكم 🏴


الظليمه من أهل الحقد وأهل السقيفة الظليمه
بلا ذنبٍ كسروا أضلاع فاطمةٍ ولا جريمه
واسقطوا منها بلا رحمة جنينها ومارعوا انها يتيمه

صرت من حزني اسطر اااه يماه
وعلي يصعب افراگج حيل يماه
دليلي بكل وكت راداج. يماه
((وخذاج البين ياوسفة من اديه ))
اون وكل ونيني. اليوم. لوماي
وابد ماينفع وي البين لوماي
ماادري تصب دموم لوماي
((عيوني اليوم لفراگ الزجيه))
جمر الحزن يسعر. خله بينه
وفگد الزهرة تارك. خله بينه
امصاب أمنه الحنينه. خله بينه
((يون لفراگهاصبح ومسيه))

سلام الله على المسطور خدها والمكسور ضلعها والمقتول جنينها والمغصوب حقها والمحروقة دارها
عظم الله لك الأجر يامولاي ياصاحب الزمان
اللهم عجل لوليك الفرج

قناة صاحبة الضلع المكسور للشاعرة ام كرار الزينبيه

23 October 2026 14:34

قصيدة عن استشهاد الزهراء عليها السلام على طور ((گومن بنات النبي )) لسان حال مولانا علي ع

گوموا يبويه بعجل. من امكم تدنه الاجل
گرب رحيل الحنينه . من عدها گطعوا الامل
➖➖➖➖➖➖
گرب رحيل الحنينه خلونه نلتم سويه
غيبتها امكم طويله هالسفرة مامنها جيه
والليلة هاي الأخيرة نودع بدمعنه الزجيه
ياذيكم اعرف فگدها لاجن يبويه شبديه

ادريه صعب اليتم. ليفگدله ام ينظلم
يكلف افراگ الأهل . گوموا يبويه ابعجل
➖➖➖➖➖➖➖
زينب يبويه استعدي سفرتها امج طويله
ولو ثگل حمله دليلج ياهو البعد تشتكيله
لاجن يبويه شبدينه عالقدر ماعدنه حيله
غصبن نفارگ بعضنه وكلمن يودع خليله

مكتوب هذا القدر. كلها تموت البشر
مايبقى بس العمل. گوموا يبويه ابعجل
➖➖➖➖➖➖➖
نودعها خلونه امكم بالدمع هاي المسيه
باجر غصب بويه كلنه تفارگنه منها المنيه
من بعد عين الزجيه نشبع هموم واذيه
ام حسن كلش عزيزة يكلف فگدها عليه

ياذيني حيل البعد. غيبتها بيمن نسد
وللموت ماكو بدل. گوموا يبويه ابعجل
➖➖➖➖➖➖➖
ياذيني كلش بعدها وسفرتها امكم قريبه
مايسوه عمره يعيشه كلمن يفارگ حبيبه
يكتلني حالج يزينب دلالج اسمع نحيبه
لو شالت امج يبويه وحدج تظلي وغريبه

لبنيه بلايا ام تتألم وتنهضم
وتكثر عليه العلل گوموا يبويه ابعجل
➖➖➖➖➖➖➖
لبنيه بلايا امها محد ينشف دمعها
تعبانه امج يزينب لامايطمن وضعها
و بالمحسن المنها رايح هالدهر ويلي فجعها
ظلت تون وحزينه متالمه من ضلعها

مهمومه وتنتحب. والوضع كلش صعب
والجسد منها نحل. گوموا يبويه ابعجل
➖➖➖➖➖➖➖
مهمومه لزمت ضلعها وموجوعه يابويه امكم
تگربوا يولادي منها تريد بحضنها تلمكم
تنسه الامها وحزنها لمن تجون وتشمكم
و يحبابي اريد بگربها تمسحونه بويه دمعكم

خافن تشوف الدمع ويهيج كسر الضلع
وتبقى يبويه بؤجل. گوموا يبويه ابعجل



✍ام زهراء الزيداويه البصراويه

قناة صاحبة الضلع المكسور للشاعرة ام كرار الزينبيه

16 October 2026 11:18

وهل تلِدُ الزهراءُ إلّا كواكباً
تدورُ على أفلاكِهمُ الأنجمُ ..
هي طُهر فاطمة .. وهيبة حيدر
وإباء الحُسين .. وغيرة العبّاس
هي الصبر والقدوة والبصيرة ..
هي زينب الحوراء .. درة عليًّ وفاطمة😍❤️
‏"نُبَارك لكَ ياصَاحبَ الزَمان بِمولد العَقيِلة زَينب الحَوراء صلّوات الله علِيها".
أسمى التبريكات وأحر التهاني بذكرى ميلاد عقيلة الطالبيين السيدة الحوراء زينب (عليها السلام) 🌺🌺🌹🌸

قناة صاحبة الضلع المكسور للشاعرة ام كرار الزينبيه

16 October 2026 11:18

بوذيات بمناسبة ولادة مولاتنا فخر المخدرات زينب ع

البشاير هلن الليلة. وجنه
وانس فرحت بمولدها. وجنه
حب زينب علي بهجة. وجنه

((ابسمتها امسحت حزن الزجيه ))

بوجود العترة. احنه. هل علينه
واالليلة نور. زينب. هل علينه
ثوب الفرح هذا. هل علينه

((لبسناه وكشخنه بهل. مسيه))

فرح مولدها اخذ روحي. وسرها
واسمها فرح. الزهرة وسرها
البنية. حبيبة. الامها وسرها

((شمحله لمن يكعدن سويه ))

هاي. العالمه. المحد. علمها
وورثت من علي. وفاطم علمها
زينب بالشكل. طلعت. علمها

((وتشبه بالفعل حامي الحميه ))

حروف الاسم. تنبع. . منهجنه
وهذا الخير كله. منهجنه
اتخذناها العقيلة. منهجنه

((وتعلمنه الصبر من الابيه))

فجر مولدها جمعنه. . ولمنه
ونسينه همومنه بيها. ولمنه
فرحنه والعدو ينظر. . ولمنه

((احتفلنه وزلزلينه الناصبيه))

الباري ابجيتج. احبابج بشرها
وخلي تموت عدوانج. بشرها
يدرة ومن. حسب خيرة بشرها

((الهادي المصطفى سيد البريه))


✍🏻ام زهراء الزيداويه البصراويه

قناة صاحبة الضلع المكسور للشاعرة ام كرار الزينبيه

16 October 2026 11:18

مولد السيدة زينب عليها السلام


مولد للعقيله اليوم سوينه
لحضرت فاطمه نرفع تهانينه
🌸💐💐💐💐💐💐
انهني فاطمه ابجيت المحروسه
يشجره اباب حيدر هسه مغروسه
من عدها الزمن هم ياخذ ادروسه

نهني الأمة كلنه ابجيت الزينه
لحضرت فاطمه نرفع تهانينه

💐💐💐💐💐💐💐
يحجاب السمه يافخر عالنسوان
يابنت الزچيه وعلي عالي الشان
ت
نهني الشيعه كلها وكل گلب فرحان

لجل ميلادها خنعلگ. الزينة
لحضرت فاطمه نرفع تهانينه

💐💐💐💐💐💐💐
يازينة ابوها وبيج دوم افخر
تلوک ابمولدج هلهوله بت حيدر
الكون ابجيتج مولاتي. اتنور

نورتي،حياة الزهرة يحنينه
لحضرت فاطمه نرفع تهانينه

💐💐💐💐💐💐💐
بيج اتنورت دنيانه. يا الحره
وبمولدج جينه انهني العتره
ونبارك علينه وفاطمه الزهره

ولعيونج اورود وياس طشينه
لحضرت فاطمه نرفع تهانينه
🌺💐💐💐💐💐💐💐

طشينه الورد والياس لعيونج
َوتعنوا شيعتج كلهم. يهنونج
واجمل امنيات اليوم يهدونج

الج أجمل اماني احنه تمنينه
لحضرت فاطمه نرفع تهانينه
🌺💐💐💐💐💐💐💐
تمت بااقلام خادمات اهل البيت عليهم السلام
✍🏻الشاعرة ام إبراهيم الحلفي
✍🏻ام زهراء الزيداويه البصراويه
🤲🏻نسالكم الدعاء 🤲🏻

قناة صاحبة الضلع المكسور للشاعرة ام كرار الزينبيه

20 September 2026 12:03

🏴عظم الله لنا ولكم الاجر بهذا المصاب الأليم وتقبل منا ومنكم القليل بالكثير بحق محمد وال محمد اللهم صل على محمد وآل محمد وعجل فرج مولانا الإمام المهدي المنتظر🏴

◾️فلنرتدي ثوب الأسى ولتعتلي
آهاتنا ودموعنا نجريها

◾️فوديعة النبي بعد شجونها
ماتت وكسر الضلع.   يؤذيها

◾️مهضومة رحلت بنت محمد
عن هذه الدنيا إلى.   باريها

◾️رحلت وخلفت القلوب لفقدها
حرى وأعين  شيعة     تبكيها

لسان حال مولاتنا زينب ع

الحنينه البين ياوسفة.   بعدهه
ازغيرة بالعمر أمنه.       بعدهه
الدنيا الزهرة ماتسوه.    بعدهه
((الدنيا اخلافها وحشة ورديه ))

نبجي  واليضد.   ام حسن.  لمنه
وعكب أمنه الدهر بحزانه.     لمنه
نظل    نشتاك. كل الوكت لمنه
((ونون لفراكها صبح ومسيه ))

💔السلام على فاطمة الزهراء السلام على المكسور ضلعها والمسطور خدها والمغصوب حقها والمخفي قبرها , جعلنا الله وإياكم ممن يزورها في الدنيا وينال شفاعتها في الآخرة بحق محمد وال محمد 🤲🏻🤲🏻

قناة صاحبة الضلع المكسور للشاعرة ام كرار الزينبيه

20 September 2026 10:12

قصيدة عن استشهاد الزهراء عليها السلام

شلون حالك ياعلي
من ودعتها فاطمه
♾️♾️♾️♾️♾️
شلون حالك سيدي
أبهذا المصاب
يوم جفك هال
عالزهرة التراب
ياعذاب الكلب
مامثله عذاب

ادفنتها والدمع
صب من دمه
♾️♾️♾️♾️♾️♾️
ادفنتها وروحك
اوياها ادفنت
من تراب اللحد
جنك شيبت
شلون ترجع
ياامامي اتحيرت

البيت جرحك
يالحزين ايالمه
♾️♾️♾️♾️♾️♾️
ايهيج جرحك
لو نظرت البيتها
شلون حالك
كلي من دفنيتها
زهرتك بالدمع
ظن رويتها

وونتك حتى
الدليل اتهدمه
♾️♾️♾️♾️♾️♾️
بيا اراض مولاي
دافن زهرتك
راحت اوياها
الزجيه ضحتك
ونار تنزل
عالحبيبه دمعتك

ومن تون وياك
حزنانه السمه
♾️♾️♾️♾️♾️♾️♾️
كلها حزنانه
وتهل ويلي الدمع
والكون يامولانه
أصبح منفجع
شالت ام حسين
مكسورت ضلع

ونارها بالكلب
ظلت مضرمه
♾️♾️♾️♾️♾️♾️♾️
مضرمه نيرانها
ولا ماطفت
وتالي مهضومه
يوالينه ارحلت
والدار وحشة
من بعدها هالصفت

غاب منها النور
ظلت مظلمه
♾️♾️♾️♾️♾️♾️♾️
✍🏻ام زهراء الزيداويه البصراويه

قناة صاحبة الضلع المكسور للشاعرة ام كرار الزينبيه

20 September 2026 10:10

ضجت الافلاك واملاك السمه
اه واويلاه.     ماتت.     فاطمه


اه واويلاه. والصوت اعتله
زلزل الاكون ورتج.   المله
فكد فاطم كل ارضنه زلزله

وكلب كل عاشك فكدها المه
اه واويلاه.     ماتت.   فاطمه
♾️♾️♾️♾️♾️♾️♾️♾️
اليوم     كلهاتنوح.  لفراك البتول
وراحت تواسي علي فحل الفحول
ارحلت مهمومه.   يا. بنت الرسول

بحزن شالت عنه ويلي العالمه
اه واويلاه.  ماتت       فاطمه
♾️♾️♾️♾️♾️♾️♾️♾️
ميت يشيع بميت.   هلمسه
حيدره كوه النفس.   يتنفسه
شلون يدفن بيده سيدت النسه

شلون حاله هالمسه حامي الحمه
اه واويلاه.   ماتت      فاطمه.
♾️♾️♾️♾️♾️♾️♾️♾️
شلون حالة حيدره أبهذا الوضع
يشيع الزهرة  بدليله    المنفجع
عكب ماغسلها من ذاك الدمع

افراكها ام حسين كلبه هدمه
واه واويلاه.    ماتت.    فاطمه
♾️♾️♾️♾️♾️♾️♾️♾️
هدماه افراكها وظل   ينتحب
ودمعته نيران عالوجنه تصب
فارك المحبوبه مو بيده غصب

نارها بالروح  ظلت.   مضرمه
اه    واويلاه.   ماتت.    فاطمه
♾️♾️♾️♾️♾️♾️♾️♾️
نارها ماطفت ظلت   تستعر
ابابها وبكلبه ماهاد.   الجمر
من بعدها ابد مايسوه العمر

الدار والدنيا بعدها. مظلمه
اه واويلاه    ماتت.    فاطمه
♾️♾️♾️♾️♾️♾️♾️
✍🏻ام زهراء الزيداويه البصراويه

قناة صاحبة الضلع المكسور للشاعرة ام كرار الزينبيه

20 September 2026 10:09

🏴🏴🏴🏴عظم الله لنا ولكم الاجر بهذا المصاب الاليم

دموع جرت واضلاع تكسرت وخد بكف الظالم سطرت ودماء جنين بلا ذنب سفكت وصراخات علت ودار بها النيران اضرمت  واطفال على صغر سنها تيتمت وتلوعت
فويح لتلك الشرذمة القليلة على ماذا اقدمت وعلى دار من تجرءت واي ذنب اقترفت واي جريمة ارتكبت وقلب من افجعت وصدر من اوجعت انها لشر عمل عملت ومن رسول الله ماخجلت
من بنت نبيها اقتربت وابشع جريمة بحقها ارتكبت وحزينة بقت كاظمة غيضها ولغير ربها ماشكت ومظلومة متالمة قد رحلت وبظلمة الليل قد دفنت فالدنيا لفراقها حزينه مظلمة اصبحت والجنة بنور وجهه اشرقت فسلام على فاطمه الزهراء البتول الحورية الانسيه الطاهرة الزكية سلام على ام ابيها وعلى طه الرسول ابيها و علي  زوجها وبنيها وسلام على مناصريها ومحبيها سلام عليها يوم ولدت ويوم استشهدت ويوم تبعث حية سلام عليكي ياام الحسنين سلام عليكي يابنت خير المرسلين السلام عليكي يازوجة امير المؤمنين السلام عليكي ياوالدة السبطين سلام الله عليكي مني ومن كل المؤمنين من الان الى قيام يوم الدين
🏴🏴🏴🏴🏴🏴🏴🏴🏴
ولعنة الله على من ظلمكي واغتصب حقكي واحرق داركي واسقط جنينكي وسطر خدكي وكسر اضلاعكي والم قلبكي وواوجع صدركي
عليهم لعنة الله والملائكة والناس أجمعين من الان الى قيام يوم الدين اللهم امين يارب العالمين
🏴🏴🏴🏴🏴🏴🏴🏴
🏴يوم حزين يملوه الانين لمكسورة الضلعين سيدة نساء العالمين🏴🏴🏴🏴🏴
عظم الله لنا ولكم وتقبل منا ومنكم صالح الأعمال بحق محمد وال محمد اللهم صل على محمد وال محمد وعجل فرج مولانا الامام المهدي المنتظر🏴🏴🏴🏴🏴🏴🏴🏴🏴

قناة صاحبة الضلع المكسور للشاعرة ام كرار الزينبيه

20 September 2026 10:07

-

أماه يا زهراء لا تغمضي عينيكِ عنّا فـــــ نحنُ أحوجُ ما نكونُ إليكِ، كل شيء بات غريباً وقد ضاق بنا الفضا، إملئي قلوبنا بــــ النور فقد تاهت في ظلماتِ الدنيا، واسقي أرواحنا من رحيقِ طُهرِكِ ، وأزهري علينا بـــــ نورِكِ ورضاكِ وعطفكِ فــــــ نحنُ دونكِ سراب تائهين في دروب الحياة!💔
أماه دثرينا بــــ عطفكِ دعائكِ عبائتكِ سيدتي

#إلـــــــهي بـــ المدفونة سراً
#إلــــــهي بــ أنين الزهرااء"ع"
#بــــ وجع قلب علي"ع"
#بـــــ حسرة الحسن"ع"
#بــــ دمووع الحسين"ع"
#وبـــــ نحره الشريف💔
#وغربة زينب"ع"

#إلـــــــهي بــــ الضلع المهشم..
فرج عنا فرجاً قريباً #بـــــ ظهوور حبيبنا #المـــــــهدي المنتظر عليه السلام وأنصرنا على القوم الظالمين وإحمي وطننا وأحبتنا ومجاهدينا وأهالينا يااا رب فاطمة وآلها"ع"💫

مدد مدد مدد #يااا زهرااء🕊

#إلــــــــهي_بـــــ_فاطمة_وآل_فاطمة"ع'♥️
عجل لوليك الفرج يااا رب #فاطمة"ع"🩸

▪️▪️عظم الله لنا ولكم الأجر والثواب بحق محمد وال محمد

قناة صاحبة الضلع المكسور للشاعرة ام كرار الزينبيه

20 September 2026 09:40

قصيدة لفقد الزهراء عليها السلام على طور ((طلعن من خيمهن مادرن وين))
حال اولاد الزهراء بعد رحيل امهم ع

يمه. يمه. يمه. يمه
ـــــــــــــــــــــــــــــــــــــــ
راحت عنهم امهم مادرو وين
عنها ايناشدون وتهمل.  العين
وگفو على الباب بكلب محزون
زينب والحسن ويلاه   وحسين

ينادون بحزن.  وين أمنه اخذتوها.
ــــــــــــــــــــــــــــــــــــــــــــــــــ
وين أمنه مشت ظلوا ينشدون
ازغار اعله اليتم وامهم يريدون.
مايحمل كلبهم حزن وفراك
و اليفكد عزيز ابحاله شلون

اليفكد اعزازه. شلون يصير حالة
ــــــــــــــــــــــــــــــــــــــــــــ
مايحمل كلبهم حزن وفراك
وفكد الام يعالم حيل حراك
الطفل من يفكد امه يعيش مهموم
الحضنها بكل وكت دلاله يشتاك

ويريدها اكباله.    الحضن امه يحن
__
الطفل يشتاك لأمه يريدها اكباله
ولو غابت تظل دموعه هماله
الله ايساعد الحره واخيها حسين
وياكلب الحسن هاليوم ياحاله

ماترد ليهم.  شكد صاحو وراها.
ـــــــــــــــــــــــــــــــــــــــــــــــــ
شكد صاحوا لجن مافاد الصياح
ولا ينفع ونين وذاك  النياح
ولا ون النفع لا فادت ادموع
الدمع لو دم يهل مايرجع الراح

للدار شيردها    النامت بالحد 
ــــــــــــــــــــــــــــــــــــــــــــ
زينب والحسن وحسين يبجون
ويسكتوهم الناس ومايسكتون
وعلي محتار شيسوي هالايتام
يصبرهم ومنه اتهل.  العيون

وتتهامل عيونه. يصبرهم علي
_

✍ام زهراء الزيداويه البصراويه

قناة صاحبة الضلع المكسور للشاعرة ام كرار الزينبيه

20 September 2026 09:38

‏مقطع صوتي من خادم العترة الطاهرة

قناة صاحبة الضلع المكسور للشاعرة ام كرار الزينبيه

20 September 2026 09:37

قصيدة بعنوان(( سولف ياقلم))

اكتب ياقلم    محنة.     الزهره
وحبرك خل يشب بالروح جمره

سولف وحجي الصار
من هجمو على الدار

اكتب ياقلم  محنة     الزهره
➖➖➖😭➖➖➖
اكتب ياقلم  و حجي المصيبه
وخل نسمع نبض حبرك نحيبه
اشصار اهناك بالزهره الغريبه.

سولف ذاك المصاب
من لاذت وره الباب
وعليها اخبرنه.  ياظالم. تجره
اكتب ياقلم  محنة.  الزهره
➖➖➖😭➖➖➖
ياظالم تجره    ووجر. النار
وياهو الي عصرها من الاشرار
وبصدر ام حسن نبت البسمار

ومن كسرو  ضلعها
دم ظن صب دمعها
وياهو الترك عالخد أثر سطره
اكتب   ياقلم   محنة. الزهره
➖➖➖😭➖➖➖
ياجف السطرها   اعله   وجنها
ومن الضربه صب دمعه جفنها
ومن محسن طفلها من حرمها

الكان اسمه الخليفه
من  اهل السقيفه
اذكر اسمه ولاتخفي امره
اكتب ياقلم محنة الزهره
➖➖➖😭➖➖➖
اذكر اسمه وخلهم يشوفون
اصرخ ياقلم خل يشهد الكون
والسدو اذنهم خل يسمعون

ابهيبه من تخاطب
وهد صرح النواصب
وكلمن شارك ابمحنتها اذكره
اكتب. ياقلم. محنة.  الزهره
➖➖➖😭➖➖➖
واحد واحد اذكرهم.   ولاتهاب
الجاب الحطب والحرك الباب
وابد لا لا تگلي ذوله أصحاب

ذوله مو صحابه
بل زمرة عصابه
العالم عن فعلهم كله اخبره
اكتب ياقلم.   محنة.  الزهره
➖➖➖😭➖➖➖
خبر الكون كله.   عن فعلهم
وعلى ظلم الزجيه من جمعهم
هذوله ياقلم شنهي. حكمهم

ابقانون. الأحكام
قليل ابحقهم اعدام
حتى الموت من عدهم تبره
اكتب ياقلم  محنة. الزهره
➖➖➖😭➖➖➖

✍ام زهراء الزيداويه البصراويه

/channel/hooral

قناة صاحبة الضلع المكسور للشاعرة ام كرار الزينبيه

20 September 2026 09:35

يالغربيتي الله وياچ
يم گلب الحنين شلون ننساج
عني زماني وين وداچ


✍ام زهراء الزيداويه البصراويه

/channel/hooral

قناة صاحبة الضلع المكسور للشاعرة ام كرار الزينبيه

24 October 2026 12:19

قصيدة عن الزهراء عليها السلام
على طور
كون ياخذني الهوى يوديني
♾️♾️♾️♾️♾️♾️♾️♾️
وين گبرچ  يم.   حسن.   دليني
خاف اموت ومااشوفه ابعيني
♾️♾️♾️♾️♾️♾️♾️
خاف اموت ومااشوف ازيارتچ
من بعد  مولاتي. روحي. نادتچ
يمته يم حسين اطوف ابحضرتچ
نار فگدچ   بالگلب.   تچويني
♾️♾️♾️♾️♾️♾️♾️♾️
نارفگدچ يم حسن بيها استعر
شلون يالمظلومه ماعندچ گبر
ماازورچ شلي اباقي.    العمر
لو ازورچ. تربتچ.    تحييني
♾️♾️♾️♾️♾️♾️♾️
احتیي مولاتي لوشم تربتچ
يمته اتكحل عيوني شوفتچ
ماطفت بالروح نار امصيبتچ
اعله الجرالچ ما یهید اونیني
♾️♾️♾️♾️♾️♾️♾️
نار حزنچ تسعر ابنص الگلب
أمنين يامولاتي دليني الدرب
رغم كل أعداچ اتعنه غصب
فدوه الچ أهديها كل سنيني
♾️♾️♾️♾️♾️♾️♾️
وين گبرچ يالحزينه ابيا كتر
ازحوف اتعناله لو دربچ جمر
واسحگ الصعبات يالزهره وأمر
مااخاف الموت       وتعرفيني
♾️♾️♾️♾️♾️♾️♾️
خاف اموت ومااشوفنه ضواچ
يمته يالحره.   اشمنه.    هواچ
گلبي من بعيد يالزهره اعتناچ
شوگي الچ يالطاهره ایودیني
♾️♾️♾️♾️♾️♾️♾️♾️
شوگي.  وداني الچ       يافاطمه
وروحي طافت بين ارضنه ولسمه
علجرالچ      تجري اعيوني.    دمه
حيل فگدچ يم حسن       ياذيني
♾️♾️♾️♾️♾️♾️♾️
حيل ياذيني الجره ونحب ونوح
ابروحي حزنچ هيج اليوم الجروح
زاير   اتمنيت   هليلة.      اروح
وبسجل  زوارچ.     اتسجلیني
♾️♾️♾️♾️♾️♾️♾️♾️

✍🏻ام زهراء الزيداويه البصراويه

قناة صاحبة الضلع المكسور للشاعرة ام كرار الزينبيه

23 October 2026 14:34

قصيدة عن استشهاد الزهراء عليها السلام على طور ((عسن فجرج يهاليله)) لسان حال مولانا علي ع

عسه يومج يزهره بعيد فجره اعلينه لاينطر
على افراگج يبعد الروح يم حسين مانگدر
➖➖➖➖➖➖➖
عسه يوم الرحيل بعيد فجره اعلينه لايطلع
خل نتسامر انا وياج نحجي ونهمل المدمع
شما نحجي يماي العين من الگعدة مانشبع
مانحمل ألم وفراگ خل من هسه نتحضر
➖➖➖➖➖➖➖
مانحمل ألم وفراگ خل نتسامر الليله
يم الحسن دلالي من هسه نهدم حيله
من بعدج يماي العين حملي ياهو اليشيله
وشملنه من بعد عينج يم حسين يتطشر
➖➖➖➖➖➖➖
يتطشر شملنه بساع بس اتخلص ايامج
وتبقى للحزن والنوح عگب عيونج ايتامج
اشوف الليلة اتونين اظنها زايدة الامج
ولو نفگدها حنيتج ااه يازهرتي نخسر
➖➖➖➖➖➖➖
اشوفن زايدة الامج ووجهج منخطف لونه
بس سهرانه وتونين وحيل الليلة محزونه
صدي يم حسن لحسين يبجي ورايحة عيونه
واعليج الحسن ينظر ولونه عايني اتغير
➖➖➖➖➖➖
يصدليج الحسن شوفيه وتهمل دمعته وينحب
وحال حسين يم حسين من عنده الگلب شيب
وحال ام الخدر مثله گلبهه كالجمر يلهب
ساعة ماهده ونهم گلبهم عايني اتفطر
➖➖➖➖➖➖➖
صدي يم حسن ليهم تصعب حيل حالتهم
زغار وحالهم يكلف تهدم الحيل ونتهم
تاذي وتحرگ الوجنات من تسيل دمعتهم
واحد حاضن الثاني وكلمن بالبجي يجهر
➖➖➖➖➖➖➖
واحد حاضن الثاني ويهديه ويصبره
واصد الزينبج تنحب عليج اهواي متكدره
ومثل گلوبهم گلبي ينعه اعليج يازهره
الفارگ عزيز الروح گلبه شلون يتصبر


✍ام زهراء الزيداويه البصراويه

قناة صاحبة الضلع المكسور للشاعرة ام كرار الزينبيه

23 October 2026 14:33

قصيدة عن استشهاد الزهراء عليها السلام على طور ((يريح الهاب وياك وديني )) لسان حال مولاتنا زينب ع

يريح الهاب عالفرگه سليني
وخذني وياك للزهره وديني
ابدمع سجاب . اسجل اعتاب
يريح الهاب عالفرگه سليني
➖➖➖➖➖➖
حزينه وذاب دلالي عالفرگه اجذب الونه
ازغيرة اعله اليتم تدري وشخص امي اريدنه
عطر شيلتها لو شمه فلا اشبع ابد منه
اخلص عمري وياها يريح الهاب اتمنه

صعب لفراگ جمراته تجويني
يتيمه اهواي جلمتها تأذيني

گلبي انصاب . اسجل اعتاب
يريح الهاب عالفرگه سليني
➖➖➖➖➖➖➖
يتيمة اهواي جلمتها يريح الهاب توجعني
زغيرة اعله الحزن والهم باأمي البين فاجعني
يريح الهاب وديني الحضنها الدافي رجعني
اريد اشكي هضم گلبي بس لوساعة تسمعني

وگلها شلون اگضيهن سنيني
زغيرة اهواي عالفرگه تدريني

وطيفج غاب. اسجل اعتاب
يريح الهاب عالفرگه سليني
➖➖➖➖➖➖➖
طيفج من رحل عني بقيت بحسرتي اتلوه
مخنوگ الهوه ابريتي أجرنه النفس گوه
الوحدي تركتيني يأمن للگلب سلوه
يمه من عگب عينج باليني الدهر بلوه

من هد فرگاج ماهود ونيني
شيصبر الروح يايمه حاجيني

بلايا احباب . اسجل اعتاب
يريح الهاب عالفرگه سليني
➖➖➖➖➖➖➖
عالفرگه شيصبرني بلايا احباب أظل وحدي
اصد لفراشج بحسره ودمعتي جرحت خدي
بحر همومي يتلاطم غير الدمعة ماعندي
بعدنه بعازتج يمه لينه يم حسن ردي

تذوب الروح من انظر بعيني
الحسن وحسين ونهم يبجيني

جمر لهاب. اسجل اعتاب
يريح الهاب عالفرگه سليني
➖➖➖➖➖➖➖
تذوب الروح عالفرگه وظل يالزهره مهمومه
زماني من عگب عينج علي لملمهن غيومه
وكل حسرة بوسط گلبي مثل بركان مرسومه
بونيني الليل سهرته وي دمعي احسب نجومه

طول الليل ماهَودت عيني
الحزن والنوح من هسه سابيني

ودليلي انعاب. اسجل اعتاب
يريح الهاب عالفرگه سليني
➖➖➖➖➖➖➖
دليلي انعاب يازهره وبس الحسرة تكتلني
ونخيت الريح يايمه لعد گبرج توصلني
ونوح واشكي اهاتي وسجل عالترب وني
اعاتب گبرج بلهفة وگلله شيصبرني

بوسط لحدج يايمه ضميني
اگضي اهنا كل عمري خليني

اشم لتراب. اسجل اعتاب
يريح الهاب عالفرگه سليني


✍ام زهراء الزيداويه البصراويه

قناة صاحبة الضلع المكسور للشاعرة ام كرار الزينبيه

16 October 2026 11:18

مولود بمناسبة ولادة مولاتنا فخر المخدرات زينب ع

نزلت املاك السمه
تبارك الليلة الفاطمه

ياهله وحياها. ام الخدر محلاها

نبارك الليلة الفاطمه
🌹🌹🌹🌹🌹
هله بنور ام الخدر من جانه
طشت اورود الفرح دنيانه
وكلها فرحانه الخلك ويانه
وبزينب املاك السمه فرحانه

حيدره اتعنوله. بفرحة يهوسوله

مبروك ياحامي الحمه
تبارك الليلة الفاطمه
🌹🌹🌹🌹🌹🌹🌹
مبروك ياحامي الحمه الكل ناده
وكل محب حاضر يهني الساده
الخير هل وهل علينه. اعياده
ابكل سنة أبهذا الوكت ميعاده

الخير هل اعلينه. والورد طشينه
هله بنور العالمه
تبارك الليلة الفاطمه
🌹🌹🌹🌹🌹🌹🌹
هله بنور العالمه وحياها
درة ابيت الوصي محلاها
وزينب الهادي النبي سماها
وربنا من عنده كرامة انطاها

هله بيها من تحل. فرع من ذاك الأصل
بالاصالة والشرف متوسمه
تبارك الليلة الفاطمه
🌹🌹🌹🌹🌹🌹🌹
هله بيهاوالنعم من هلحسب
للنبي هادينه ايعود النسب
والاسم من نور عالكون انكتب
عوذوها وكوموا دكو عالخشب

الكون بيها اتباها. رب العرش يرعاها.
مولودة اهل الغانمه
تبارك الليلة الفاطمه
🌹🌹🌹🌹🌹🌹🌹

✍🏻 ام زهراء الزيداويه البصراويه

قناة صاحبة الضلع المكسور للشاعرة ام كرار الزينبيه

16 October 2026 11:18

هوسات بمناسبة ولادة مولاتنا فخر المخدرات زينب ع

اجينه ابهل مسيه كلنه نتبارك
ووي حيدر علينه كلنه نتشارك
الف عالخير ياابو حسين ومبارك

🌹نتبارك جيناك الليلة 🌹

نتبارك الك ياحيدره. جينه
وكلنه الفاطمة نرفع. تهانينه
وورود الفرح بالدرب طشينه

🌹وبمولد زينب هنينه🌹

بميلاد العقيلة كلنه ملتمين
ونثرنه اورودنه وهنينه الطيبين
ابهاي الابشارة كلنه فرحانين

🌹وديم الفرحة اتمنينه🌹

للمحفل ابلهفة كلنه  نتعنه
يدوم الفرح لينه الليلةنتمنه
وكون الطاهرة بزينبها تتهنه

🌹وبيها الكرار اتقر عينه 🌹

تفرح فاطمة وحيدر تقر عينه
وكلها تحتفل وتعلك.  . الزينه
على جناح الحمام ابيات كتبينه

🌹مبعوث الشخصج ودينه🌹

✍ام زهراء الزيداويه البصراويه

قناة صاحبة الضلع المكسور للشاعرة ام كرار الزينبيه

16 October 2026 11:16

متباركين بميلاد فخر المخدرات زينب ع

ال زاي.    زينت بيت ابيها

ال ياء        ينبوع    العلم

ال نون.    نور الكون بيها

ال باء      بحر.    وينرسم

من نور.     النبي. الباري     وجدها
وصبح للخير.   مقصدها  وجدها
علي    الكرار       والدها    وجدها

🌹الهادي المصطفى سيد البريه 🌹

البشاير.  . هلن    الليلة     وجنة
ونور ام الخدر. رحمة.      وجنة
الانس فرحت بمولدها.    وجنة

🌹وحور العين طشت واهليه 🌹

متباركين 🤲🏻ربي يحفظكم ويبعد عنكم كل سوء ومكروه يارب العالمين 🤲

قناة صاحبة الضلع المكسور للشاعرة ام كرار الزينبيه

20 September 2026 10:13

نعي مناوب مولاتنا زينب تخاطب والدتها الزهراء ع
♾️♾️♾️♾️♾️♾️
يمه
مو وكت الفراك. يايمه ابد مو وكت الفراك
تدرينه حراك.  وحيل البعد تدرينه حراك
دلالي مشتاك  يالطيبة الج دلالي مشتاك
♾️♾️♾️♾️♾️♾️
مابيه حيله.  افراكج كلف مابيه حيله
ماصح بديله.  شخصج ابد ماصح بديله
ينام ليله. المفارك شلون. . ينام ليله
♾️♾️♾️♾️♾️♾️♾️
يمه
كلبي الزغيرون مايحمل هضم كلبي الزغيرون
يعمي العيون و اتراب المكابر يعمي العيون
بحالي اشلون  أظل الوحدي ابحالي اشلون
♾️♾️♾️♾️♾️♾️
ماغمضت العين على افراكج ابد ماغمضت العين
يم كلب الحنين. افراكج صعب يم كلب الحنين
ماظن تردين. للدار ابد ماظن تردين
♾️♾️♾️♾️♾️♾️
يمه
كبرني الف عام ييمه الحزن كبرني الف عام
مصوب اسهام دلالي يون امصوب اسهام
الزينب اشضام ماادري الزمان الزينب اشضام
♾️♾️♾️♾️♾️♾️♾️
لا مو محله. هذا السفر لا مو محله
بالروح خله. . جم لوعة وألم بالروح خله
وكليبي سله افراكج صعب وكليبي سله
♾️♾️♾️♾️♾️♾️♾️
زيدها بلواي. دهر الحزن زيدها بلواي
من يكعد وياي بعدج بعد من يكعد اوياي
من تجفي دنياي المن امر من تجفي دنياي
♾️♾️♾️♾️♾️♾️♾️
يمه
مانمت ليلي بعدج ابد مانمت ليلي
معذب دليلي.  بعدج بقى معذب دليلي
يابعد حيلي امصابج كلف يابعد حيلي
♾️♾️♾️♾️♾️♾️♾️
جاوين وداج. الدهر الحزن جاوين وداج
يالحلو ملكاج. اشتاكينه الج يالحلو ملكاج
من نكعد وياج. ترد أرواحنه من نكعد وياج
♾️♾️♾️♾️♾️♾️♾️
مو وكت الغياب يم الحسن مو وكت الغياب
يانوم التراب. كلش صعب يانوم التراب
من انظر الباب. كلبي يون من انظر الباب
♾️♾️♾️♾️♾️♾️♾️♾️
✍🏻ام زهراء الزيداويه البصراويه

قناة صاحبة الضلع المكسور للشاعرة ام كرار الزينبيه

20 September 2026 10:12

بوذيات عن الزهراء عليها السلام

جروح ام الحسن هاجن  ولاجن
وليالي الفرح هال راحن ولاجن
سطرها الظالم.   بخدها. ولاجن

((ابوها المصطفى سيد البريه))
_

الحزن لمصيبة الحرة . علانه
ودهر الكدر   هالناشر.  علانه
بقى ينحب على الزهرة  علانه

((ولبس ثوب الحزن حامي الحميه ))
____

✍🏻ام زهراء الزيداويه البصراويه

قناة صاحبة الضلع المكسور للشاعرة ام كرار الزينبيه

20 September 2026 10:09

قصيدة عن استشهاد الزهراء عليها السلام

يا فاطمة الخدام الج وفايه
لو كبر عندج نعتني مشايه
وكبل الجدم تسبكنه كون الرايه

كلنه بحزن ننعيلج. كون بعجل نمشيلج . يافاطمه مولاتنا
عزيزت روحنه. ينار جروحنه نجريها الج دمعاتنا
اجت بمصابج.  تنوح احبابج. بالجف ترف راياتنا

جينه نعتذرلج يم الحسين
ندك اعله الصدور وتهمل العين
عنه كون يامولاتي ترضين

الشيعي بفراكج صعب ياحاله
بحسره ينعه. اودمعته هماله
الزار كبرج يم حسن هنياله

يافاطمه الخدام الج وفايه
♾️♾️♾️♾️♾️♾️♾️
نجي ونزورج. ونوفي نذورج   ونعلي حيل اهاتنا
ونهل دموعنه. وندك صدرونه ونجهر الج بصواتنا
اجينه الليله.  دمعنه نسيله ونهديها الج خطواتنا

الج هذا الوعد من  النشامه
ابد ماننسه حزنج   للقيامه
يزهرة بموتتج   كلنه. يتامه

لمصيبتج كلنه بحزن ونينه
ماتنطفي نيران حزنج بينه
ابحركة وبلوعة كلب نادينه

يافاطمه الخدام الج وفايه
♾️♾️♾️♾️♾️♾️♾️♾️
نتعنه الج بجموعنه. لجلج تصب دموعنه  الخدم عدهم غيره
ندوس المنايا بزودنه. وتتعنه ليج جنودنه. ونطوي بجفنه الديره
نحيي ابحسره امصابج. ونشم يحره اترابج  ماتبقى بعدج حيره

ندوس اعله المنايا وتشهد الناس
وشرط نعشج نشيله فوك عالراس
يالحره اترابج.      وجب. ينباس

بكل رواية انوح لجل امصابج
نتمنه نوكف يم حسن يم بابج
وبلهفه نشتم يالحبيبه اترابج

يافاطمه الخدام الج وفايه
♾️♾️♾️♾️♾️♾️♾️♾️
نجيج بحيلنه.  وتهمل عينه. والمهدي كون ويانه
يطالب ثارج.  ويطفي نارج  وسيف العدل عنوانه
وكبر يبنيلج.  ويظل ينعيلج  وماتنطفي نيرانه

بجفه المهدي بسمج ياخذ الثار
ويبني الحضرة الج وتهل الأنوار
وبزوده يطفي.    بكلبج.   النار

وتشع علينه يالحنينه  انوارج
وأبوابها تفتح يحره.   اديارج
وبالحضرة كلها تجتمع زوارج

يافاطمه الخدام الج وفايه
♾️♾️♾️♾️♾️♾️♾️♾️
يجيج القائم. بجفه الصارم  وبكيفه ياخذ ثارج
بعزم مهدينه. يدك يمينه. يتعنه الدارج
يجي ابتاره. ويجيب أنصاره وتشد حزمها انصارج
تعنه الدارج

الج يم الحسن عهد الميامين
نجيج وناخذ احنه الثار ثأرين
ثار المحسن وكسرت الضلعين

المهدي تتجادح شرار عيونه
ووياه نمشي وابد  ميمنعونه
نعشك الموت وكلهم يعرفونه

يافاطمه الخدام الج.  وفايه
♾️♾️♾️♾️♾️♾️♾️♾️
كل شدة تحلينها. وحاجاتنه تكضينها. وجفج حملنه يشيله
والمجلسج لو جينه. يهود كلبنه ونينه. وبسمج الرب ندعيله
يعجل فرج مولانا  ويملي العدل دنيانه. نصيح الليله

باجر تفرج  وغايبنه.   يظهر
وفجر يوم العدلة بخير ينطر
واسوار الظلم   كلها.  اتكسر

لو ظهر مهدينه بعد.    الغيبه
ترجف اعداه الوالي من الهيبه
ومنهم الثار امربع الا يجيبه

يافاطمه الخدام الج وفايه
♾️♾️♾️♾️♾️♾️♾️

✍ام زهراء الزيداويه البصراويه

قناة صاحبة الضلع المكسور للشاعرة ام كرار الزينبيه

20 September 2026 10:08

-

خل يكون أساسنا *"حبُّ فاطِمة الزَّهراء"*

أتركوا كل مابأيديكم وخلونا كلنا نروح لأمنا السيدة الزهراء ونحچي وياها هذهِ الليلة عن كل مايألمنا على ان تأخذ بأيدينا أن تجعلنا شيئاً تحبهُ…

تقربوا من الله حبًا بفاطم
نلتزم بصلاتنا حبًا بفاطم
نلتزم بأرثها حبًا بفاطم
ترك الأغاني حبًا بفاطم
ترك الغيبة حبًا بفاطم
ترك النفاق حبًا بفاطم
أبر بوالديي حبًا بفاطم
ترك النميمة حبًا بفاطم
نلتزم بدراستنا حبًا بفاطم
نلتزم بحشمتنا حبًا بفاطم
نكون رساليات حبًا بفاطم
ألتزم بواجباتي حبًا بفاطم
أسير على نهجها حبًا بفاطم
نرتبط بصاحب الزمان حبًا بفاطم
ترك العلاقات المحرمة حبًا بفاطم…

توكلوا علىٰ الله وعلىٰ السيدة فاطمة الزهراء
"عليها السلام" خلونا كلنا نكون بنات
رساليات
ملتزمات
ممهدات
فاطميات
زهرائيات
زينبيات
مهدويات

أهواية عطوفة علىٰ بناتها وراح تسمعنا وتأخذ بأيدينا الىٰ حيث تَحُب… 

خل نتعهد لمولاتنا حبًا وتقربًا لله ولها بأن نترك المعاصي أن نكون بنات يرضىٰ عليهم رب العالمين وترضىٰ عليهم، ونكون من قول وفعل بنات السيدة الزهراء عليها السلام ونكون نستحق هذا الأسم المقدس الذي لاينالهُ الإ ذو حظٍ عظيم..

*((وَمَا يُلَقَّاهَا إِلَّا ذُو حَظٍّ عَظِيمٍ))*

والي معروف عن بنات الزهراء عليها السلام انُ هن ملتزمات..:
بعفتهن
بصلاتهن
بألتزامهن الديني
بدراستهن وتطويرها
وتمسكهم بأمهن الزهراء
وتمسكهم بصاحب الزمان...الخ.

خلونا نكون بنات السيدة الزهراء عليها السلام خل نتساعد مع بعضنا لنكون شيئاً تحبهُ السيدة…💔

-

قناة صاحبة الضلع المكسور للشاعرة ام كرار الزينبيه

20 September 2026 09:41

📌الأيّام الفاطميّة:
الرّواية الأولى: ٨ ربيع الثّاني
الرّواية الثانية: ١٣ جمادى الأولى
الرّواية الثالثة: ٣ جمادى الثّاني

"اَلسَّلامُ عَلَيْكِ أَيَّتُهَا الصِّدِّيقَةُ الشَّهِيدَةُ"

قناة صاحبة الضلع المكسور للشاعرة ام كرار الزينبيه

20 September 2026 09:39

قصيدة للزهراء ع على طور ((طلعن من خيمهن))حال الإمام علي  بعد فقد الزهراء ع

زهراء. زهراء. زهراء. زهراء
__

يون المرتضى ودلاله نصين
وذبلت من دمعها ويلي العين
فكد زهرة حياته وحيله مهدود
ولفركاها ظل يزيد    الونين

تهمل عيونه. على افراك الزجيه
_
على افراك الزجيه دمعه يسيل
ومن كثر الحزن وي الهوى يميل
يجر بالجدم لمن يمشي بالكوه
خذت وياها يوم الراحت الحيل

مهدود كل حيله. يوم الرد علي
___
رد للدار يسحب جدمه بالكوه
وبجمر الحزن  دلاله.   اتجوه
مشت عنه الحنينه وبعد شيردها
وبعدهي دنيته يدريها ماتسوه

ماتسوه دنياته. عكب عين ام حسن
___
اخلاف الطاهرة ماتسوه دنياه
وحيل افراكها.   ياعالم.  اذاه
عافته. وحيد. ابين.   الهموم
وبعد هيهات ترجع تكعد وياه

وتشوفها عيونه. ماترجع بعد
_
بعد ذاك الشمل مايرد هيهات
وعلي بفراكها دلاله هم   مات
بس ذكراها ظل للدوم سلواه
ويصحه اعله الدمع ليليه ويبات

ماينسه ذكراها. للموت ام حسن
___
ماينسه ذكرها وذيج    الأيام
ودلاله الفكدها مصوب اسهام
ليل انهار ظل  لفراكها  ينوح
سهران ويون وعيونه.  متنام

سهران كل ليله. يون وينتحب
__

✍ام زهراء الزيداويه البصراويه

قناة صاحبة الضلع المكسور للشاعرة ام كرار الزينبيه

20 September 2026 09:38

🏴يوم حزين لفقد سيدة نساء العالمين 🏴

الحزن من الزغر لام حسن يبره
وكسر اضلوعها هيهات.    يبره
اليموت الها عزيز أتريد.   يبره

((وجبرتها ام حسن نار واذيه ))

المصايب فاطمة  اتعنن. وجنها
وضربها الظالم واحمر.    وجنها
الانس   حزنانه. عالزهرة. وجنها

((واملاك السمه نصبت عزيه ))

عظم الله اجركم ياشيعة وموالين بهذا المصاب الأليم
حفظكم المولئ من كل سوء ومكروه وابعد عنكم كل شر وبلاء وجعلنه واياكم من الشاكرين الذاكرين وجمعنه واياكم تحت رحمته يوم الدين

🤲🏻امين يارب العالمين 🤲🏻

قناة صاحبة الضلع المكسور للشاعرة ام كرار الزينبيه

20 September 2026 09:36

نعي مناوب بين جبل الصبر وامير المؤمنين ع

زينب ع

بويه
طالع ابليل طالع ابليل. اشعندك يبويه طالع ابليل
ودموعك اتسيل ودموعك اتسيل محني الظهر ودموعك اتسيل
ويه الهوه اتميل ويه الهوه اتميل من الحزن ويه الهوه اتميل

علي ع

بويه
ماظل بعد حيل ماظل بعد حيل بعد ام حسن ماظل بعد حيل
ماظني اتشيل ماظني اتشيل عني ابعجل ماظني اتشيل
وترابها انهيل وترابها انهيل اتنام ابگبر وترابها انهيل

زينب ع

ماشي بيها ماشي بيها وين أمنه الحنينه ماشي بيها
عينك عليها عينك عليها مكسور الضلع عينك عليها
لمن تواريها لمن تواريها بهداي لمن تواريها

علي ع

بويه ادري بيها بويه ادري بيها ضلعها منكسر بويه ادري بيها
صديت ليها صديت ليها عند الغسل صديت ليها
محنيه اديها محنيه اديها من الألم محنيه اديها

زينب ع

عاينتها   عاينتها . بيا   عين   بويه عاينتها
خاف الجمتها خاف الجمتها متوجعه خاف الجمتها
من غسلتها من غسلتها گلي اشفت من غسلتها

علي ع

بويه
ازرگ ضلعها ازرگ ضلعها بعيني شفت ازرگ ضلعها
يهمل دمعها يهمل دمعها ويه الغسل يهمل دمعها
بويه وجعها بويه وجعها الماي اظن بويه وجعها

زينب ع

مالومه اظنها مالومه اظنها ميته وتون مالومه اظنها
هيج المها هيج المها والماي اظن هيج المها
بلل جفنها بلل جفنها دمع اعيونها بلل جفنها

علي ع

يلهب جمرها يلهب جمرها بضلوعها يلهب جمرها
محني ظهرها محني ظهرها من الألم محني ظهرها
خلص عمرها خلص عمرها بين الحزن خلص عمرها

زينب ع

بويه
شيردها لينه شيردها لينه. أمنه بعد شيردها لينه
بالهم بقينه بالهم بقينه واخلافها بالهم بقينه
اتيتمينه.           اتيتمينه. ازغار بويه اتيتمينه

علي ع

لاتونين  لاتونين بعدج ازغيره لاتونين
گلبي تهيجين گلبي تهيجين ابوناتج جرح گلبي تهيجين
من تنوحين من تنوحين يزيد الحزن بويه من تنوحين

زينب ع

بويه
شيفيد النواح شيفيد النواح أمنه ارحلت شيفيد النواح
ماتهده الجراح ماتهده الجراح وبفراگها ماتهده الجراح
اوياها العمر راح اوياها العمرراح شالت اوياها العمر راح

علي ع

بعد الزجيه بعد الزجيه راح العمر بعد الزجيه
جانت تجيه جانت تجيه والبيتنه جانت تجيه
ماالها جيه ماالها جيه عنه ارحلت ماالها جيه

✍ام زهراء الزيداويه البصراويه
/channel/hooral

قناة صاحبة الضلع المكسور للشاعرة ام كرار الزينبيه

20 September 2026 09:35

بسم الله الرحمن الرحيم
اللهم صل على محمد وآل محمد وعجل فرج مولانا الإمام المهدي المنتظر

((محاضره ونعي عن  مظلومية مولاتنا الزهراء عليها السلام ))
قال تعالى
بسم الله الرحمن الرحيم

(إِنَّ الَّذِينَ يُؤْذُونَ اللَّهَ وَرَسُولَهُ لَعَنَهُمْ اللَّهُ فِي الدُّنْيَا وَالآخِرَةِ وَأَعَدَّ لَهُمْ عَذَاباً مُهِيناً) (الأحزاب/57)

صدق الله العلي العظيم

من هي مولاتنا الزهراء عليها السلام
هيه فاطمه بنت رسول الله صلى الله عليه واله وسلم وامه خديجه الكبرى ام المؤمنين عليها السلام وزوجه علي عليه السلام وأولادهاالحسن والحسين وزينب وام كلثوم والمحسن الذي اسقط جنين ومات
عليهم سلام الله اجمعين عاشت مولاتنا عليها السلام حياتها صابرة قانعه راضيه مرضيه وكانت لها مكانة عظيمه عند والدها رسول الله صلى الله عليه واله وسلم
حيث سميت باام ابيها وسميت بضعة الرسول ويذكر انه في يوم من الايام اسر الرسول ((ص))اليها بسر فبكت ثم اسر اليها بسر ثاني فضحكت فسالت لماذا بكيتي في المرة الاولى وضحكتي في المرة الثانيه فلم تجاوب الا بعد وفاة والدها حيث قالت ان ابي بالمرة الاولى اخبرني بقرب وفاته فبكيت واخبرني في المرة الثانيه باني اقرب اهل بيته لحوق به فضحكت وبقت مولاتنا عليها السلام  بعد فراق ابيها حزينة باكيه لاتهدا لا ليل ولانهار
حتى تجرحت عيونها من كثرة البكاء والنحيب وكانت تقول ماعلى من شم تربة احمد ان لايشم مدى الزمان غواليا صبت عليه مصائب لو انها صبت على الايام صرنه لياليه واتخذت لها بيت تجلس فيه تبكي سمته بيت الاحزان وفي يوم من الايام هجم على دارها مجموعة ممن يسمون أنفسهم الصحابه ولكن الله ورسوله متبرين منهم وعندما هجمو على دارها قيدو الامام علي عليه السلام بالحبال وسحبوه خارج البيت فلاذت مولاتنا الزهراء عليها السلام خلف الباب حفاظ ورعايه للستر والحجاب ولكن عدو الله امر بحرق
الدار على من فيها وجاي بشخص ضخم دفع الباب وكانت الزهراء عليها السلام خلف الباب وكان في الباب مسمار فنبت ذالك المسمار بمتنها الايمن اه واه ويلاه  واه مظلوماه واه زهراء  وكسر ضلعها واسقط جنينها وسطر خدها بلا رحمه وبلا شفقه اوخوف من الله تعالى اوكرامه لأبيها رسول الله صلى الله عليه واله وسلم
وبقت مولاتنا عليها السلام طريحه الفراش لا تقدر على الحركه ويوم بعد يوم ساءت حالتها وقبل ان تنتقل الى  جوار ربها أوصت مولانا علي عليه السلام بان يغسلها ويدفنها ليل وان لا يحضر تشييع جنازتها من ظلمها حقها وان يخفي قبرها حته لا يزورها من ظلمها لان من زارها استحق شفاعتها وقضت نحبها حزينه متالمه ذهبت وهيه محمله بالجراح والهموم لتشكو الى ربها مانزل بها ممن يدعون انهم صحابة رسول الله ص
فقد ظلموها واغتصبو حقها ولم يراعو حرمة دارها ولا قرابتها من رسول الله صلى الله عليه واله وسلم واسقطو جنينها وروعو أطفالها وكسرو ضلعها وسطرو خدها وهكذا انتقلت مولاتنا الحزينه المظلومه الى الرفيق الاعلى ودفنت في اليل ولحد الان لا يعرف مكان القبر الشريف فلعنه الله تعالى وملائكته والناس أجمعين على من ظلم مولاتنا الزهراء عليها السلام لعنهم الله تعالى لعنه عاد وثمود وخصمهم يوم القيامه رسول الله ص وسيعلم الذين ظلمو اي منقلب ينقلبون اللهم العن كل من شارك واعد وستعد وحرض وخطط للهجوم على دار الزهراء عليها السلام وادخلهم نار لايهدى لهيبها ولاينطفي سعيرها ولاتعفو عنهم ولاترحم من يترحم عليهم ومن ناصرهم واجمعه معهم في جنهم ياارحم الراحمين
فقد جرحو قلوبنه وابكو عيوننه وافجعونه واوجعونه بمظلوميه الزهراء عليها السلام بحرق دارها حرقو قلوبنه وبكسر ضلعها هشمو صدورنه وبفقد جنينها هدمو ارواحنه  اشعلو في قلوبنه نار لاتهدى ولاتنطفي الا باخذ القصاص العادل منهم حرمونه من شم عطر قبر الزهراء عليها السلام حرمهم الله تعالى من شم عطر الجنه فسلام على مولاتنا فاطمه يوم ولدت ويوم استشهدت ويوم تبعث حيا
وهكذا انطوت ختمت حياة الايمان والجهاد ولسان حال مولاتنا زينب عليها السلام يقول 

نعي

زهره ييمه لا تونين
توجعين الگلب لمن تنوحين
نصير ايتام يمه لو ترحلين

ثوب اليتم ماليه حيله
والحمل يمه من يشيله
روحي صفت بعدچ عليله

ايسمونه يايمه ايتام
گلبي على امي حيل محتام
ابحضنچ ييمه نغفه ونام

ردو النعش يالي تشيعون
لو غرب گليبي تشلعون
وايتامها لا ما يهيدون

اسم الله اعل اسمچ يالزچيه
ريت الجرح يايمه بيه
ولاشوفچ حزينه هلمسيه

رحتي يالحنينه وين نلگاچ
يم چلمه هلا وياحلو ملگاچ
اتمنى الموت اخذني ورحت وياچ

صحت ابحزن وينچ ييمه
من عگب عينچ دنيه ظلمه
گلبي الحزن والنوح سهمه

ظلي ويانه يمه فدوه
الدنيه من غيرچ متسوه
رحتي يمن للروح سلوه

افراگچ ييمه ماحملته
والحزن وي الضيم شلته
ون الگلب معرفت علته

يمه نار ابدليلي حيل تسعر
گلبي على امصابچ تفطر
غيم زماني وحزن مطر

جسمني الدهر يايمه نصين
لاوين انطي الوجه لاوين
على افراگچ يون الحسن وحسين