XazonRezgi (Official Channel)

10 октября 2024 11:59

⭐️Машхурлар🔥 Райхон  Лола  Муниса Севинч қанақа 💄Косметика ва 💋🔮Парфюмериялардан фойдаланада😍 Уларнинг доим Қизлардек👩🏻  Ёш ва Гузал куринишининг сабаби нимада? Сизга қизиқми?

💃Биз айнан Машҳурлар Фойдаланадиган Канални топдик ҳамма нарса бор🤗

💄Косметикалар 💋Парфюмериялар Атир-упалар 🧴Юз Парвариши учун Кремлар  Байрам боб совғалар🦢 СКИДКА ЭЛОН ҚИЛГАНМИЗ❗️

БИТТА КИРИБ КӮРИНГ ЧИҚИБ КЕТОЛМАЙ ҚОЛАСИЗ🌸🌷👇
https://telegram.me/joinchat/SxjeCMt4PyDMx6Vg

XazonRezgi (Official Channel)

10 октября 2024 06:31

ОРТГА ЙЎЛ ЙЎҚ

Сафарга чиққан киши йўлда ажабтовур боғга дуч келди. Дарахтлари кўкка бўй чўзган, майин барглари шаббодада ёқимли шитирлайди, сархил меваларнинг хуш бўйи димоқни қитиқлайди. Йўловчи боғнинг эгасини топиб, ичкари киришга изн сўради. Боғбон унга рухсат берибгина қолмай, қўлига бир сават ҳам тутқазди.
– Шуни тўлдириб кўнглингиз тусаган мевалардан териб олишингиз мумкин. Фақат бир гап эсингизда турсин: боғга қаршингиздаги дарвозадан кириб, нариги тарафдан чиқиб кетасиз. Орқага йўл йўқ!
Мусофир юраги ҳаприқиб саватни кўтарганча ичкарига қадам ташлади. Ғарқ пишган мевалар “мени уз” дегандек ял-ял ёниб, шундоққина тепасида осилиб турарди. Энди қўлини чўзмоқчи бўлганди, нарироқдаги мевалар кўзини қамаштирди. Олдинга юрган сари дарахтлар кўркамроқ, ҳосили чиройлироқ кўринаверди. Йўловчи шошиб қолдими ё саватини вақтидан илгари тўлдириб, энг сара мевалардан қуруқ қолишдан чўчидими, ҳар ҳолда боғ этагига етиб келганида... савати бўм-бўш эди. Орқага эса йўл йўқ.

Инсон умрини дунё аталмиш маконнинг бир эшигидан кириб, бошқа эшигидан чиқиб кетувчи йўловчидек яшаб ўтади. Ундаги ҳар кун, ҳар лаҳза хайрли ишлар учун берилган имкониятдир. Бу маконнинг поёни қаердалигини, умр интиҳоси қачон етишини ҳеч ким билмайди. Вақт ғанимат, эзгу амалларимиз “савати” бўш қолмасин...

©интернет

@xazon_rezgi

XazonRezgi (Official Channel)

10 октября 2024 04:06

Aссалому алайкум, яхшилар...
Пайшанба тонги муборак бўлсин.

Соғ–саломат уйғотган Роббимизга ҳамдлар бўлсин!

Асл саодат нафас олиб турган ҳар онимизга шукр қила олишдир...
Шукр ва зикрга бой кун бўлсин!

Кунингиз яхшилар ва яхшиликлар ардоғида мазмунли ўтсин!

Каналга уланиш 👇:
https://t.me/joinchat/AAAAAFB59SM9yhwXJGeW_g

XazonRezgi (Official Channel)

09 октября 2024 18:00

КИЗЛАЖОНЛАРУУУУУУУ

УЙДАН ЧИКМАГАН ХОЛДА ТИКУВЧИ БУЛИШНИ ХОХЛАГАНЛАР УЧУН ТЕЛЕГРАМДА.  МУТЛОКО БЕПУЛ ТИКУВЧИЛИК КАНАЛИНИ КУЗАТИШИНГИЗНИ  СИЗЛАРГА  ТАФСИЯ. КИЛАМАН 👇👇

МЕНИ ХАМ ТИКУВЧИ КИЛГАН  КАНАЛ😊😊
/channel/+NmwJg0TlO1RiOGFi
/channel/+NmwJg0TlO1RiOGFi
/channel/+NmwJg0TlO1RiOGFi

XazonRezgi (Official Channel)

09 октября 2024 17:16

#СЎНГГИ_НАФАСГАЧА

- Ойиии? Индамасам мени эрта-индин шу йигитга узатиб юборасиз шекилли?

- Бундай асл инсонлар ҳар қадамда харидор бўлишавермайди-да, қизим. Ундан кейин ўқиш ҳақидаги орзуларингга келсак, мана мен ҳам адангларга турмушга чиқиб техникумни битирганман. Одамда истак бўлса бас, шижоат истакнинг ортидан келади. Йигит ўқимишли, муомалали, табиати очиқ, бир сўз билан айтганда яхши инсонларнинг фарзанди. Бундай инсонларни палаги тоза инсонлар дейишади. Қани кўрайлик-чи, аданглар келсалар нима деркинлар?

- Адамлар ҳалиям қайтмадиларми, ойи?

- Ҳа, анча қолиб кетдилар. Эркаклар бир гурунглашишган шекилли.

Асрга яқин уйга қайтган Азиз ака аёлидан бугунги совчилар ҳақидаги хабарни эшитгач ўйланиб қолди:

- Ҳакиқатда Абдужаббор ёмон йигит эмас,- деди у кўзларини бир нуқтага тикканча,- ҳатто жуда аъло тарбияли йигит деса ҳам бу таъриф кам унга.. Мен ўйлаб, ўйлаб, кундузи чироқ ёқиб ҳам Барнога бундан муносиб номзодни топа олмаган бўлардим. Аммо битта қарши томони бор-да! Қизингни бу йил узатсак ўқиши нима бўларкин? Шу томони кайфиятни андак ҳижил қиляпди-да?!
Эътиборхон эрига Раҳима опанинг сўзларини бирма-бир етказди:
- Шундай адаси, қизингиз ўқишга кирса Раҳима опа ўзлари қарашарканлар. "Фарзандли бўлса ҳавотир олманглар боғча опасиям тайёр" дедилар
- Азмойишингдан қизингни шуларга узатгин бор шекилли? - аёлига синчков назар ташлади Азиз муаллим

- Билмадим, адаси, билмадим,- деди бўшашганча Эътиборхон,- ростини айтсам бошим қотиб қолди. Шу Раҳима опанинг хонадони менга кўп томонлама ёққани рост. Уйларимиз яқинлигини айтмайсизми? Биттагина қизимизни соғиниб юрагимиз ўртаниб ўтирмасдик. Турмушга берсак ҳам бағримизда юргандек бўлаверарди. Мана мен уйимдагиларни соғинганимда қанчалик қийналишим ўзимга аён. Узоқни иши барибир ҳам қийин экан-да, адаси...

@,Xazon_Rezgi /23

XazonRezgi (Official Channel)

09 октября 2024 17:15

#СЎНГГИ_НАФАСГАЧА

Муаллиф: Гулбаҳор рахматуллаева (Хазонрезги)

   - Нимага вой дейсанг,  ҳой қиз?  - қошини қоқди Абдужаббор,- агар ҳаммаси биз ўйлагандек бўлса насиб қилса августда тўй. 

- Ўқишим-чи? Ўқишим нима бўлади?

- Ҳалитдан бери нима деяпман мен? Тўйдан кейин кузда шаҳарга бориб ўқийверамиз. Шанба-якшанба кунлари эса қишлоққа келиб турамиз. Ораси унчалик ҳам узоқ эмас-ку?

Барно бошини эгиб ўйланиб қолди. У ҳозиргина эшитган янгилигидан гангиб қолган каби эди. Бу хабар юрагини бир қувонтирса, бир ҳадикка соларди. Агар ота-онаси "Қизимиз ҳали ёш, ўқиши керак" деб Абдужабборнинг совчисига рад жавоби беришса нима бўлади? Ахир Барнонинг ўзи ҳам бу гапни онасига неча маротаба такрорлаган эди-ку? Энди сўз Абдужабборга бориб тақалганда шу чоққача айтганларига қарши нима ҳам дея олади? Йигитнинг сўзларидан ота-онаси унинг бошини икки қилишга астойдил киришган кўринишади. Агар Барнонинг уйидагилар уларга рад жавобини беришса қишлоқда Абдужабборни бажонидил куёв қилишга орзумандлар сон мингта...

- Ҳой, қиз?! Нималарни ўйлаяпсан?

Йгитнинг овозидан ўзига келган Барно бош чайқади:

- Шундай ўзим. Энди мен уйга борақолай.

- Барно...

- Лаббай?

- Менга турмушга чиқишга розимисан ўзинг? - сўради Абдужаббор қизга муҳмббатга тўла кўзларини тикканча

Барно уялганча ерга қаради.

- Айт, Барно?!

- Ота-онам нима десалар шу...- ердан кўзларини узмай жавоб қайтарди Барно,- энди эса хайр. Яхши қолинг.

Барно шарт бурилиб оҳудек илдамлик билан келган йўлидан қайтиб кетаркан Абдужаббор унинг изидан хушҳол шивирлади:

- Сен ҳам яхши бор, Барно...

Барно уйларига қайтиб келганда тўрдаги уйдан аёлларнинг жовур-жувир суҳбати эшитилиб турарди. Барно Абдужабборнинг онаси Раҳима холанинг овозини таниганда, ҳаяжондан юраги тўҳтаб қолай деди.
- Шунақа айланай,-дерди Раҳима хола дилбар овозда,- қизингизни ўғлимизга берсангиз ҳечам янглишмайсиз. Ўқишларидан ҳам ҳавотир олманг.

@xazon_rezgi /21

XazonRezgi (Official Channel)

09 октября 2024 15:30

Бу дунёнинг югур-югур ташвишлари,
Одамларнинг сохта-ю, чин олқишлари,
Энг хуш овоз булбулларнинг хонишлари,
Онамнинг бир кулишига арзимайди.

@xazon_rezgi

XazonRezgi (Official Channel)

09 октября 2024 12:48

​#давоми

"Нафосат опам ҳам қизиқлар, - дея афсус билан ўйлар эди у, - инсон ўзининг ибодатига шунчалик бино қўйиши тўғри эмас- ку. Ахир бундай ибодат миннат бўлиб қолмайди-ми? Қолаверса , ибодат "хослар" учун эмас, барча банда учун бирдек фарз қилинган амал бўлса . Наҳотки инсон топган-тутганига етишиши қилган ибодати эмас, шунга қодир қилган , лойиқ кўрган Аллоҳнинг инояти туфайли эканлигини фаҳмлаши учун шу қадар кўп фаросат керак бўлса?! - Озода мийиғида жилмайди ,- ҳаа , Аллоҳнинг ўзи бандаларига ҳар бир ишдан ҳикмат ола билишни ўргатиб қўйибди , йўқса бир вақтлар фаришталарга дарс берган шайтон ўзининг насабига ўзи шу таҳлит маҳлиё бўлиб , шу кибридан то қиёмат лаънатланган бўлмас эди"

Жамила опа ва Озоданинг хаёлларини Нафосатнинг :

-Ойижон , биз энди турайлик. Бизга битта дуо қилинг , - деган овози бузди.

Дуодан сўнг унинг :

- Овсинжон , бизга тугун тугманг, юк билан кетгимиз йўқ ,- деган сўзларидан кейин Озода овсини келишида олиб келган тўртта ёпган нон ва ярим лоток тухумни эслади . У ҳозир овсинига Қўҳи- қоф тоғининг ярмини қайириб келтириб берса ҳам, Нафосат бурнини жийириб менсимаслигини билиб индамай қўяқолди.

Нафосат билан Нозималар кетишгач қайнона - келин бир-бирларига сўз қотмай тушлик қилишди.

Шу куни асрга яқин Жамила опанинг хонасидаги уй телефони жиринглади :

- Алло , -деди куймаланганча гўшакни кўтарган Жамила опа, - эшитаман, кимсиз?

- Вой ўзимни ойижоним- ей, ким бўларди , бу мен келинингиз Нафосатхонман.

- Ҳа Нафосат , тинчликми , нима гап ? - деди Жамила опа келинининг номидан атай "Хон" қўшимчасини тушириб .

Аммо "Нафосатхон" ҳозир буни пайқайдиган аҳволда эмасмиди ёки ўзини гўлликка солдими, гапини давом эттира кетди :

- Ойижон-ей, қанақа одамсизлар ўзи? На сиз , на Озодахон бир оғиз бир нарса демайсизлар ? Ахир Собиржон ҳокимиятдан ишдан олинмабдилар- ку? Балки вазирликка масъул лавозимга кўтарилибдилар- ку? Шу гапларни кўчадан эшитишимиз керакмиди ? Хуллас , бояги боришимиз ҳисобмас . Кечга овқат қилманглар , ўғлингиз ҳозир бир тоғорадан кабоб билан норин олишга кетдилар. Яна бошқа майда-чуйдалар дўкондан чиқади. Сизлар ҳеч нарсага уринманглар . Озодахон чой қўйиб қўйсалар бўлгани.

Жамила опа бир кўнгли келинига "Кун иссиқ , боя ичган муздеккина сувингиздан олиб келақолинг " демоқчи бўлди-ю , аммо дилидаги сўзларини тилига тизгунча келини трубкани қўйиб улгурган эди.

Муаллиф: Хазонрезги

Каналга уланиш 👇:
https://t.me/joinchat/AAAAAFB59SM9yhwXJGeW_g

XazonRezgi (Official Channel)

09 октября 2024 11:59

💃𝑺𝑬𝑽𝑰𝑴𝑳𝑰 𝑮𝑶’𝒁𝑨𝑳 𝑨𝒀𝑶𝑳✅ 𝑩𝑶’𝑳𝑰𝑺𝑯𝑵𝑰 𝑿𝑶𝑯𝑳𝑨𝒀𝑺𝒁𝑴𝑰 😍🤩

❤️𝑼𝑵𝑫𝑨 𝑩𝑰𝒁𝑵𝑰𝑵𝑮 𝑲𝑨𝑵𝑨𝑳 𝑨𝒀𝑵𝑨𝑵 𝑺𝑰𝒁 𝑼𝑪𝑯𝑼𝑵 😍🤩🤩

💄 𝑬𝑵𝑮 TRENDDAGI✈️✈️ 𝑲𝑨𝑺𝑴𝑬𝑻𝑰𝑲𝑨𝑳𝑨𝑹 KIRSANGIZ QAYTIB CHQB KETGIZ KELMAYDI BUNAQA NARHLARDA HALI BOLMAGAN BOMBA NARXLARDA🔥🔥🔥

TUSH 15.000 👠👠

PADVOTKA. 10.000❤️❤️

PAMADA. 4 tasi 15.000💄💄

FERRAMON ATR 35.000💗💗

Kist naborlar 10.000🥳🥳

𝑵𝑨𝑹𝑿𝑳𝑨𝑹𝑫𝑨𝑵 𝑺𝑯𝑶𝑲𝑲𝑨 𝑻𝑼𝑺𝑯𝑰𝑺𝑯𝑰𝑵𝑮𝑰𝒁 𝑨𝑵𝑰𝑸🤫🤫🤫

DOSTAVKA TEKIN🚗🚗🚗

PASDAGI LINK USTIGA BOSING👇👇👇👇👇👇👇👇👇👇👇👇👇👇
/channel/+nn6PNui1WeEzMjNi
/channel/+nn6PNui1WeEzMjNi

XazonRezgi (Official Channel)

09 октября 2024 05:59

⚠️⚠️⚠️⚠️

❤️‍🔥 Bu post er xotin munosabatlaridan qiynalayotgan va bir xillikdan zerikkan ayollar uchun maxsus!


✍ Maʼshuqaning sirli smslari
😘 Erini rom qiluvchi videtryuklar
🌹 Maʼnoli vidoeroliklari
☺️ Psixologik maslahatlar
Hammasi ❤️💚❣💗🤎 ga berilib borarkan❗

Erim oʻzgarganimdan butunlay 💓💜❤️‍🩹🤍🧡🩷 qolyaptilar hayotimiz ancha osonlashdi.

💻 Kanal silkkasini pastda qoldiraman silayam foydalanilar..👇👇👇

/channel/+dM-9p2DqYL4yMzIy
/channel/+dM-9p2DqYL4yMzIy

XazonRezgi (Official Channel)

08 октября 2024 18:35

Qora Marvarid 8-qism Audio

✍️Xazonrezgi
🎙Kumush Sirojiddin qizi

Obuna bo’lish uchun

Telegram | jonliikitob?si=Jo7FocK5s4_2r8QW">YouTube |

XazonRezgi (Official Channel)

08 октября 2024 16:40

#СЎНГГИ_НАФАСГАЧА

Муаллиф: Гулбаҳор Рахматуллаева (Хазонрезги)

- Воой,- деди Барно қизариб кетиб, - узр хаёл суриб қолибман.

- Ҳаа хаёл сурганинг билинди, - кулимсираганча қизга яқинлашди Абдужаббор

- Ассалому алайкум. Қишлоққа келган экансиз-да? - деди қиз кўзларини ерга қараб.

- Ваалейкум ассалом,- келиштириб алик олди Абдужаббор,- ҳа ўтган куни келгандим. Аҳмад акамнинг тўйларига жавоб сўрагандим ўқишдан. Мана тўй ҳам ўтди. Айтганча, тўйда кўринмадинг?
- Ўқишга тайёргарлик кўраётгандим. Бу йил ўқишга албатта киришим керак,- ҳўрсинди Барно.

- Эшитдим,- шовуллаб оқаётган анҳорга тикилганча жиддий сўз қотди Абдужаббор,- совчилар келавериб оилангиз тинчини бузаётганмиш.

- Йўғ-ей?- кўнглида Матлубадан ўпкалади қиз,- ҳозирги гапларим совчилар сабаб эмас, балки ўқишни астойдил истаганимдан. Совчилар қанча келишмасин, ўқишга кирмагунимча эрга тегмайман.

- Унда бу йилдан қолмай ўқишга кириб олгин деб астойдил дуо қиларканман-да?

- Тушунмадим, нимага бундай деяпсиз, Абдужаббор ака?! - ҳайрон бўлганча хумор кўзларини жовдиратиб йигитга тикди Барно,- ё бирга ўқиймиз деган фикрингиздан қайтдингизми? Мен сизни шунчалик безор қилдимми? Ундай бўлса...

Абдужаббор қизни ортиқ қийнагиси келмади:

- Вой манави қизни аразлашини? Жаҳли бурнини учида туради-я буни? Олдин гапни ҳаммасини эшитгин, кейин жаҳлинг чиқсин, хўпми?- деди у қизни эркалаган оҳангда,- хуллас бизникилар шу ёз мени бошимни икки қилишга астойдил ният қилишган. Улар ҳатто келинликка номзод ҳам топиб қўйишибди. Ким деб сўрамайсанми? - Абдужаббор Барнонинг араз тўла нигоҳига қараб янада завқи келди,- хуллас у қиз Янги турмуш қишлоғида истиқомат қиладиган Азиз муаллим исмли кишининг қизи экан. Қиз бўлса "Ўқишга кирсамгина турмушга чиқаман" деб икки оёғини бир этикка тиқиб ўтирганмиш...

- Бу йил тўй бўлиши ҳақида гап йўқ эди-ю, бирданига қаердан чиқди бу гап? - бўшашганча сўради Барно

- Адамлар билан ойимлар "Биз ҳам анча қариб қолдик. Ўзимиз тенгилар аллақачон бир неча тўй кўришди. Сениям бошингни икки қилсак ўқишларингни келин билан бирга давом эттираверсизлар" дейишди. Албатта аданглар билан ойинглар сени менга узатишга рози бўлишса. Буни энди кечга биламиз-да?

- Кечга биласиз? Тушунмадим?

- Ҳа-да?! Ҳозир ойим билан Сабоҳат ойимлар сизларникида совчиликда ўтиришган бўлишлари керак...

- Вооой?! -Барнонинг хаёлига бирданига "Яхшиям ойимнинг гапларига кириб ҳаммаёқни саришталаб қўйганим" деган ўй келди.

#давоми_бор

📌@xazon_rezgi /20

XazonRezgi (Official Channel)

08 октября 2024 16:40

#СЎНГГИ_НАФАСГАЧА

Раҳима холанинг чеҳраси ёришиб кетди: 
   - Ош бўлса ош-да!?  Бир оила бўлиб дастурхон атрофида йиғилишиб, биргалашиб яйрайлик.  Юрақол ўзим ҳам сенга қарашиб юбораман,- Раҳима хола ўғлига эргашаркан ҳамон юрагидагиларни айтиб олишга интиларди,- ҳа айтганча,  Мукаррамхон оғзидан бол томиб Барнохонни бирам мақтади,  бирам мақтади.  "Опоқижон,  тезроқ отни қамчиланг,  бўлмаса шундоқ қиздан қуруқ қоласиз. Унинг таърифи бизнинг қишлоқда ҳам оғиздан оғизга ўтиб юрибди" деди-я, ўзингдан кўпайгур...

🔳 🔳 🔳

    - Барно,  -деди онаси эрталаб нонушта устида,- бугун анави Қумрихон  яна  совчиликка келаман деганди.  Сал у ёқ,  бу ёққа қараб қўйгин. 

   - Ойи,  шу аёл ҳеч хўп дейишни билмас экан-да?  Бўлмаса ўтган сафар адамлар ҳам аниқ-таниқ айтдилар-ку "Бу йил қиз узатмаймиз"  деб.

   Эътиборхон опа хўрсинди: 

- Ўғли ҳеч қўймаётган эмиш-да?!  "Уйлансам фақат шу қизга уйланаман!"  деяётганмиш.  Қумрихон ҳам шу қайсар ўғлига тиши ўтмай катта бошини кичик қилиб келяпти-да.  . Бўлмаса Шермат раис  билан қуда бўлишга орзумандлар қанча? 

   - Ана ўша орзумандлар билан қуда бўлаверишсин,- жаҳли чиққанидан юлқиниб гапирди Барно,- суймаганга суйкалиб нима қилишади? 

   -Билмадим,  қизим,  билмадим. Бошим қотиб қолди ўзимниям. Рости Қумрихонни неччи марта совчи бўлиб келганиниям саноғидан адашдим.  Илойим шу йил ўқишга киргин-да,  бўлмаса...

  - Бўлмаса,  шулар билан қуда бўлишга мажбурмиз деяпсизми,  ойи?  Тўғрисини айтайми?  Ўша Ҳакимни кўрсам кўнглим айнийди. Анчагача ўзимга келолмайман. Айниқса мана бунақа совчи қўйиб безор қилгандан бери кўришга кўзим ҳам қолмади. Итга ҳам-чи,  кет десанг кетади,  аммо бу йигит ўтакетган сурбет экан.  Кўряпсан,  ёқтиришмаяпти,  ҳа деса суйкалиб нима бор яна? 
    Ойи!  - ўрнидан шарт турди Барно,- шу совчиларнинг келишига уйни атай йиғиштирмайман.  Қайтага ҳамма ёқни ёйиб ташласаммикан?  Ивирсиқ хонадон деб айниб кетишармиди шунда? 

   - Барно?!- қизига таънаомуз тикилди Эътиборхон опа,- мен шифокорнинг уйи ивирсиқ деган гапни кўтара олмайман, биласан-а? Ҳозироқ уйларни саранжомлашга кириш. Совчиларга йўқ дейишнинг бошқа йўлиям бордир...  Бўлақол,  ҳадемай аданглар ҳам келиб қоладилар...

    Барно бу сафар онасига эътироз билдирмади.  Аҳир онасида нима айб?  Шундоғам Қумрихон билан қуда бўлгиси йўқ эди унинг ...
 
📌@xazon_rezgi       /18

XazonRezgi (Official Channel)

08 октября 2024 16:39

Хазонрезги:
СЎНГГИ НАФАСГАЧА

Каналга уланиш 👇 :
https://t.me/joinchat/AAAAAFB59SM9yhwXJGeW_g

XazonRezgi (Official Channel)

08 октября 2024 14:59

Tikuvchilar sizni ko'p kuttiryaptimi, 😞
Narxlari ham juda qimmatmi? 💸
Unda bizning Tikuvchilik olami 👈👈
kanalimizga qo'shiling 👍👍
O'zingiz oson usullarda tikib olasiz...
Bizda:
♦️Bolalar kiyimlari 🧒🏻👦🏻
♦️Ayol-qizlar kiyimlari 👩🏻🧕🏻
♦️Erkaklar kiyimlari 👨🏻‍✈️🤵🏻‍♂️
♦️Eng so'nggi fasonlar 👘🥻
♦️Andozalar 🧶🪢
♦️Videodarslar 🎧👩🏻‍🏫
♦️Professional tikuvchilardan
darslar jamlanmasi ✔️📢

Va bularning barchasi MUTLOQO
💯 TEEEKIN 👏👏
Kanalga qo'shilish uchun havola
👇👇👇
👉 t.me/tikuvchilik_fasonlar_olami
👉 t.me/tikuvchilik_fasonlar_olami

XazonRezgi (Official Channel)

10 октября 2024 07:34

ДОНОЛАР БИСОТИДАН ҲИКМАТЛАР

1. Ишонч кучингга куч қўшади.
2. Ўзига ишонганни енгиб бўлмайди.
3. Нафрат жой олган кўнгилда муҳаббатга ўрин қолмайди.
4. Яхшини ёмондан ажратолмаган одам ҳар қадамда панд ейди.
5. Ҳаракат кишини мақсадга яқинлаштиради.
6. Дард мардни енголмайди.
7. Вақтни ўзингга бўйсундирмоқчимисан, бир дақиқани ҳам беҳуда ўтказма.
8. Дақиқа ҳам умрнинг бир зарраси.
9. Ўч олишга кетган вақт энг бемаъни вақтдир.
10. Кўнглида ёмонлиги бўлмаган киши ёмонни ўзига яқин тутмайди.
11. Ҳавас билан ҳасаднинг ораси бир қадам.
12. Иккилангандан таваккал қилган яхши.
13. Яхшининг қадрига етмаганнинг куни ёмонга қолади.
14. Меҳнатнинг роҳати бўлмаса ҳам самараси бўлади.
15. Қўлидан иш келадиган киши кўчада қолмайди.
16. Кишининг қайсарлиги ўзига қимматга тушади.
17. Бир сўз билан қолган кўнгилни минг сўз билан олиб бўлмайди.
18. Мардлик тилда эмас, дилда бўлади.
19. Бировни аҳмоқ қилган аслида ўзининг аҳмоқлигини кўрсатган бўлади.
20. Бировни айблаш ўзини оқлашдир.

@xazon_rezgi

XazonRezgi (Official Channel)

10 октября 2024 05:59

МОДАГА КИЗИКУВЧИ ЧОТКИ КИЙИНИШНИ ХОХЛОВЧИ ОПА СИНГИЛЛАР🤩🤩
СИЗЛАР УЧУН БОМБА ЯНГИЛИК ФАСОНЛАР ОЛАМИНИНГ ЭНГ СУНГИ УРФДАГИ

❤️Уйга кийишга
❤️Кучага кийишга
❤️Ишхонага кийишга
❤️Маросимларга кийишга
❤️Базмларга кийишга

ЛИБОСЛАР КОЛЛЕКЦИЯСИ БЕРИБ БОРИЛАЁТГАН КАНАЛНИ ТАФСИЯ КИЛАМАН
/channel/+zcgbt_Y7LI4wZjA6
/channel/+zcgbt_Y7LI4wZjA6
ТЕЗДА ОБУНА БУЛИБ ОЛАМИЗ

/channel/+Utiki4LnFuQ5MzIy
/channel/+Utiki4LnFuQ5MzIy

XazonRezgi (Official Channel)

09 октября 2024 18:37

"Millionernisa" никли обуначимиздан келибди бу видео.

Раҳмат каттакон. Менга жуда ёқди. Боризга шукр...

Сизнинг бaҳонангизда #Қора_марварид ни яна бир бор ёдга олдик...

✍ @Xazon_Rezgi

XazonRezgi (Official Channel)

09 октября 2024 17:16

#СЎНГГИ_НАФАСГАЧА

Муаллиф: Гулбаҳор Рахматуллаева (Хазонрезги)

   - Барнонинг ўзи нима деяпти? 
   
   - Қиз бола нима дерди?  Аммо ундан ҳали очиқчасига сўраганим йўқ.  Раисни ўғлини номини эшитганда бир сапчиб тушаётганди,  бироқ бу совчилар ҳақида гапирсам нима учундир индамай эшитди. Ё менга шундай туюлдимикан-а? 
    -Майли,  онаси, барини вақтни измига қўйиб турайлик-чи,  тўғри йўлни унинг ўзи кўрсатар...

     Ҳақиқатдан ҳам вақтнинг ўзи барини ўз ўрнига қўйди. 

    Раҳима хола учинчи бор совчиликка келганда Азиз муаллим ва Эътиборхонларнинг розилиги олиб изига қайтди.  Ҳар икки томон орадан бир хафта ўтгач фотиҳа тўйини ўтказиб элга маълум қилишга келишиб олдилар.  Энди Абдужабборнинг уйидагилар ҳам,  Барнонинг уйидагилар ҳам йигирма иккинчи июнь-якшанба куни санасида бўлиб ўтадиган фотиҳа маросимига елиб-югуриб тайёргарликни бошлаб юборгандилар...

    🔳 🔳 🔳

    -Иккаласиниям ўлдирмасам йигит эмасман! 
       Эртага  Абдужаббор  билан Барнонинг фотиҳа тўйлари бўлиши ҳақидаги хабар Ҳакимни қутуртириб юборганди.  У ўзига яқин тўртта оғайнисини дўконининг орқасидаги супага  чақиртириб олиб улар билан   бўккунча  ичиб, борган сари жазавага туша кетди: 

- Мана кўрасанлар,  шу ойимчани бир кун бўлсаям хотин қилмасам отамни ўғли эмасман.  Кўчада без тераман ундан кўра?!
   - Уч ойдан бери шу гапни айтасан,  ҳийқ!  - деди Ҳакимнинг ўзига ўҳшаб кайфи тарақ бўлиб қолган оғайниси Азим,- аммо қўлингдан ҳемириниям иши келгани йўқ. Ҳийқ!  Сен яхшиси ўзингга бошқа ота топ.  Ҳийқ!  Нимага десанг,  у қиз барибир сенга хотин бўлмайди. Анави Абдужаббор пўрим уни тумшуғингни остидан аллазамон илиб кетиб бўлди. Ҳийқ! 
     Ҳаким аламига чидай олмай Азимнинг башарасига қўлидаги пиёлани бор кучи билан қулочкашлаб солди.  Азим Ҳакимдан бундай "жавоб" ни кутмаганди.  Нохос теккан пиёла йигитнинг пешонасини йиртиб юборди шекилли унинг юз-кўзлари зумда қоп-қора қонга бўялди.

   - Иииммм,- юзини чангаллаганча бўкирди Азим,- ҳайвон экансан сен бола! 
    У ўрнидан чайқалиб турди-ю,  қўлидаги қонга кўзи тушиб ўзини тўҳтата олмай Ҳакимнинг устига шердек ташланди. 
    Бирпасда ҳаммаёқ тало-тўп бўлиб кетди.  Ким уришган,  ким ажратган,  ким ким томон-четдан қараган одам буларнинг ҳеч бирига тушунмаган бўларди.

#давоми_эртага

📌@xazon_rezgi          /24

XazonRezgi (Official Channel)

09 октября 2024 17:16

#СЎНГГИ_НАФАСГАЧА

Жон синглим,  биласиз шу кўзимни оқ-у қораси Абдужабборимдан бошқа фарзандим йўқ.  Барнохон бизга келин бўлсалар уларни келин эмас,  қизим ўрнида кўраман, гиргиттонингиз бўлай. 

   - Опаааа,- Барно ёнида илжайиб турган укаси Ҳамдамни кўриб довдираб қолди,- гап пойлаяпсизми? 
    - Ҳечам-да?-дарҳол ўзини қўлга олди Барно,-шунчаки ким экан деб қизиқиб тургандим..
    - Алдаманг,  опа!  Гап пойлаб тургандингиз?! 
    - Бор ишингдан қолма,  -укасидан астойдил ўпкалади Барно,  -мен сенга ким экан деб қизиқиб тургандим дедим.  Ҳоҳ ишон,  ҳоҳ ишонма.  Ишонмасанг катта кўча...

     - Улар анави катта кўча юзида турадиган Раҳима хола билан Сабоҳат холалар.  Ўғиллари Абдужабборга совчи бўлиб келишибди,- изоҳ берган бўлди Ҳамдам.
   Барно "Буларнинг менга қизиғи йўқ"  деган кўринишда ўз хонасига кириб кетди.  Орадан ярим соатдан ошиқроқ вақт ўтгач онаси хонада ҳозир бўлди.
    -Барно,- деди у кроватда девор тарафга қараб чўзилиб ётган қизига яқинлашиб,- ухламаяпсанми,  қизим? 
   - Ухлаяпман,  ойи,- тезда жавоб қайтарди Барно ва кўп ўтмай ўрнидан қўзғалиб кроватга   ўтирганча ойисига юзланди,- тинчликми,  ойи? 

   - Қизим,  сенга совчи келди,- Барнога осойишта нигоҳини қадади Эъзозахон

   Барно жавоб қайтармай онасига тикилиб ўтираверди.

   - Бугун,  сенга иккита йигитдан совчи келди.Биринчиси ўзинг билган Ҳакимжондан.
    - Ҳакимжондан?- энсаси қотди Барнонинг,- "жон"ингизга нима бор, ойи? Ҳаким денг? Хонликдан тушиб  қолармиди!? 
   - Иккинчиси,- қизининг сўзига парво қилмай давом этди Эъзозахон,- Раҳима холанинг ўғли Абдужаббордан.  Сен уни яхши танийсан. 

    - Ҳа танийман,  ойи.  Шунга нима бўпти?  - Барно онасига жиддий тикилди.

   - Бир гап айтайми?  Шу аёл уйимизга кириб келса юрагим "жиииз"  этиб кетса бўладими?  Бирам дилкаш,  бирам ширинсўз аёл-да ўзиям.  Мен уларга кўнгилларига тегмайдиган қилиб "Қизимни узатмаймиз,  у шаҳарда ўқимоқчи"  десам,  "Хабаримиз бор айланай, барча гапни билиб келганмиз. Ўғлимнинг аёли ўқиса келиним ўқимишли деб мен ҳам гердайиб юраман қайтага.  Қизпошшамизни  ўзимиз ўқитиб оламиз"  деб ваъдаларни қуюқ қилдилар.
 
📌@xazon_rezgi           /22

XazonRezgi (Official Channel)

09 октября 2024 17:15

Хазонрезги:
СЎНГГИ НАФАСГАЧА

Каналга уланиш 👇 :
https://t.me/joinchat/AAAAAFB59SM9yhwXJGeW_g

XazonRezgi (Official Channel)

09 октября 2024 14:59

⁉️Qaysi ayol yoshi kattaroq koʻrinadi?

😮Psixologlarning tadqiqot natijalariga koʻra bu savolga faqatgina noyob iqtidor soxiblarigina javob bera olishar ekan. Oʻzingizni sinab koʻring

XazonRezgi (Official Channel)

09 октября 2024 12:48

#КЎНГЛИМНИНГ_КЎЧАСИ

"МАНСАБ" (ҳикоя)

- Йўқ , йўқ чой қуйманг. Иссиқ кунда мана шу минерал сув яхши ,- Нафосат қўлидаги ярим литрли баклажкадаги сувни пиёлага ҳам қуйишга хафсала қилмай оғзидан хўплаб - хўплаб қўярди.

- Нондан тишланг болам , - дастурхонга ишора қилди Жамила опа- тушлик вақти ҳам бўлиб қолди , ҳадемай овсинингиз Озоданинг ҳам овқати пишиб қолади.

Нафосат қайнонаси Жамила опанинг сўзларига жилмайиш билан жавоб бериб кифояланди. Ёнида ўтирган ўзига ўхшаб қўлидаги идишидан сув хўплаб ўтирган қизи Нозимага :

- Барибир ҳам муздек сув яхшида а ? - деб писанда қилиб қўйишни унутмади.

У тез орада овсини таом сузиб келтиришни тахмин қилиб қизига :

- Бор Озода келинойингларни чақиргин , биз турамиз , овқатга уринмас экансиз де .

- Ўзи келганларингизга ўн беш дақиқаям бўлмади- ю , дарров турамиз дейсиз. Кунда келаётган бўлмасангиз. Аввалги келишингиз билан бунисини ораси бир ойдан ошди- ёв,- деди Жамила опа Нозиманинг ортидан интизор боққанча .

Жамила опанинг сўзларига Нафосат ҳозиржавоблик билан донолик қилди :

- Ойижон , шу кунларда иш бирам қайнаган- ки. Қолаверса вақтда барака йўқми билмадим, бир зумда тонг отади , бир зумда кун ботади.

Шу вақт олдинма - кетин хонага Озода ва Нозималар кириб келишди.

Нафосат сўз ўзанини зумда овсинига бурди :

- Эшитдим овсинжон , эшитдим. Собиржон ишдан олинибдилар. Биламан бундай вақтда таскин бериш малол , аммо ... ,- Нафосат ўзига қарай туриб лаб жуфтлаган овсинини гапиртиргани қўймади, - мен ҳозир сизга бир нарса айтаман шуни қўлласангиз аҳволингиз ўнгланиб кетади. Хуллас ... Ўзингизни комил ибодатга бағишланг. Нима сўрасангиз Аллоҳдан сўранг . Аллоҳ бергувчи. Мана бизни қаранг. Тўрт йил аввал ким бизни шунақа бойиб кетади деб ўйловди ? Ўзингиз ҳам биласиз- ку вақти келса бир бурда нонга зор бўлган вақтларимиз бўлган. Аммо ҳозир... Мен ўзимизни бойиб кетганимизни , шу кунларга етишишимизни қилган ибодатимидан деб биламан. Тўхтамай ибодат қила- қила шу кунларга етишдим.

Нафосат қайнонасидан ҳам ҳаё қилмай овсинига узоқ маслаҳат берди.
Жамила опа дамини ичига ютганча бир оғиз ғиринг дея олмади. Нафосат келин бўлиб тушганидан бошлаб қайнонасига ҳизматкор эмаслигини таъкидлаб яшаганини, даргоҳида кечган салкам ўн йиллик турмушининг ярмидан кўпи отасининг уйига кетиб қолиш билан ўтгани , ахири уйдаги кўнгилсизликлар жонига теккач қайниси Собиржон ўзининг Халқаро кўрик танловда қатнашиб мукофотга олган "дом"ини уларга бериб бўлак чиқартириб қутилганини , шундаям янгаси тушмагур "Қайнижоним бу ишни ота ҳовлига эга чиқиш умида қилди" дея гап чиқарганини эсларди. Ўшанда алоҳида яшай бошлаган акаси билан келинойиси кунда, ойда "Очмиз" деб келиб , уйларидан "Кўргандан кўз ҳаққи" деб бор- буд қилиб қўйган рўзғорликларини шилиб безор қилиб юборишгандан кейин Собиржон иккинчи бор мардлик қилди. Боқувдаги учта новвосини сотиб шаҳарнинг гавжум еридан ижарага яхшигина дўкон олиб берди. Шу билан тил -жағсиз акаси ва тил- жағли келинойиси "ўзидан тинди" . Тўрт йил ичида дўконни ўз номларига сотиб олиб , яхшигина супермаркетга айлантиришди. Ўзлари ҳам тенглари бўлмиш "киборлар" даврасида гап ея бошлашди.
Оқибатда эса аввалги остонани назарлари илмай қўйди. Уларни ўзлари билан олиб келган сувларини бу ердаги пиёлага қуймай баклажканинг оғзидан хўплаб ўтиришларининг сабаби ҳам шу эди.

Жамила опа шулар ҳақда ўйланиб турган вақтда Озода бошқа нарсани хаёл қилаётган ,.

@Xazon_Rezgi

XazonRezgi (Official Channel)

09 октября 2024 07:38

ЧЎПОНГА ИЛМ КЕРАК(МИ?)

Қадим замонда ўқиш ва ёзишни ёмон кўрадиган бир бола бўлган экан. У турли баҳоналар билан мактабга бормас, борганда ҳам берилган вазифаларни бажармай, фақат ёмон баҳо олар экан. Ота-онасининг танбеҳларига қулоқ солмай, "Мен катта бўлсам, чўпон бўламан, қўй боқиш учун ўқиш керак эмас", дер экан.
Бир куни уйлари яқинидаги ўтлоқдан қўзиқорин териб келиш учун чиқибди. Қўзиқоринларни териб юриб, уйларидан анча узоқлаб кетибди. Юриб-юриб унча чуқур бўлмаган бир дарё соҳилига келибди. Нариги соҳилдан ҳам қўзиқорин термоқчи бўлиб кўприк қидирибди. Яқин атрофдаги кўприк олдига бориб қараса, унинг четидаги тахтачага нимадир ёзиб қўйилган экан. Бола ёзувни ўқий олмабди ва тўғри нариги соҳилга қараб юрибди. Кўприкнинг ўртасига келганда у синиб, бола сувга тушиб кетибди. Овозининг борича ёрдамга чақирибди. Шу орада қўйларини ўтлатиб юрган бир чўпон калтагини узатиб, болани сувдан чиқариб олиб, сўрабди: "Нега бу кўприкдан ўтдинг?! Кўприк устидаги "Бу кўприкдан юрманг, нарироқда янги кўприк бор", деган ёзувни кўрмадингми?" деб сўрабди. Бола унга жавобан: "Кўрдим, лекин ўқий олмадим, чунки мен ўқишни билмайман", дебди. Шунда чўпон унга: "Э болам, ҳатто қўй боқиш учун ҳам ўқиш керак", дебди.

©интернет

@xazon_rezgi

XazonRezgi (Official Channel)

09 октября 2024 03:10

Хайрли тонг, Азизлар!

Барчангизга муродбаҳш чоршанба тонги муборак бўлсин!

Кўнгил поклиги, қалб ва руҳ хотиржамлиги, ақл соғломлиги,  тану-жон омонлиги доимий ҳамроҳимиз бўлсин!

Ҳамиша, ҳар ерда ва ҳар ишда омад ёр, Яратган эгам ўзи мададкор бўлсин.

Қалбимиз ва дуоларимиздаги азиз инсонларимизни Аллоҳим паноҳида асрасин!!

Аллоҳ ҳар биримизнинг хонадонимизга файзу-барокат, кетмас давлат, шукронаи неъмат ва тинчлик-тотувлик ато этсин!

Каналга уланиш👇:
https://t.me/joinchat/AAAAAFB59SM9yhwXJGeW_g

XazonRezgi (Official Channel)

08 октября 2024 18:01

Qadrligim Bir o‘yin o‘ynasak, nima deysiz? 😊

Quyida 1 dan 50 gacha bo‘lgan raqamlarning har biri ostiga, har birimizning qo‘limizdan keladigan bittadan solih amal yashirilgan. Siz bu raqamlardan xohlaganingizni tanlaysiz, ustiga bosasiz, va qaysi amal chiqsa, uni bajarasiz, savoblar olasiz....😊
🍃
Tayyor bo‘lsangiz, boshladik:
👇👇👇👇👇👇👇
• 01 • 02 • 03 • 04 • 05 • 06 • 07 • 08 • 09 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 •

Javoblar👇
(@online_halol_bozor - eng zo‘r va arzon mahsulotlar)

XazonRezgi (Official Channel)

08 октября 2024 16:40

#СЎНГГИ_НАФАСГАЧА


    Азиз муаллим эрта сахардан бирга ишлайдиган касбдоши Нурилланикига ошга кетган эди. 

    Барно дадаси қайтгунча дастурхонни йиғиштириб, хонани саришталаб олишни чамалаб иш бошлади...

   - Ойиии,  мен Роҳатойникига ўтиб келаман,-деди тушга яқин Барно ва Эътиборхон опанинг "Тушлик қилиб кетмайсанми?"  деган саволига остонадан жавоб қайтарди,- ҳозир қорним тўқ.  Келиб овқатланарман. 

   Барно кўчаларининг муюлишига етганда узоқдан Қумрихон ва унинг синглиси Назирага кўзи тушиб чап кўчага бурилди.
    "Ҳайрият-ей,- деб ўйлади у қадамларини тезлатганча,- яхшиям-ки сал барвақт чиқибман.  Бўлмаса Қумрихон опага тўқнаш келиб кайфиятим ҳам тушиб кетаркан.  Шу аёлнинг қарашлари менга ҳеч ёқмайди-я,  худди мен еб,  улар қуруқ қолгандек энсалари қотиб қарайдилар кишига... Каландимоғми-ей ўзича?!  Бизникигаям совчиликка ўғлининг қистови билан базўр келаётганини яшириб ўтираётгани йўқ. 
     Ўзи қаерданам илашди шу  турқи совуқ Ҳаким найнов?!   Бир тинчгина юргандим. Ҳаммаси Муяссарнинг тўйига борганимдан бошланди. Нима қилай синфдошим дебман-да?!  Муяссарнинг буларга узоқ қариндошлигини туш кўрибманми мен?  Мана энди салкам уч ойдан буён ҳаловатим йўқ.  Ҳали онаси совчиликка келиб,  ҳали ўғли йўлимни тўсиб асабимни ейди.  Эҳ,  тезроқ ўқишга кириб бир йўла шаҳарга кетсам  қанийди?" 
    Барно шу хаёллар исканжасида қандай қилиб анҳор бўйига етиб келганини сезмай қолди. У  нариги  бетга ўтадиган ёғоч кўприкка яқинлашар экан қатор экилган азим ёнғоқлар орасидан Абдужабборнинг ўзи томонга қараб кулимсираб турган чеҳрасига кўзи тушди

@xazon_rezgi       /19

XazonRezgi (Official Channel)

08 октября 2024 16:40

#СЎНГГИ_НАФАСГАЧА

Муаллиф: Гулбаҳор Рахматуллаева (Хазонрезги)

-Ҳа ойи, - ўрнидан қўзғалди Абдужаббор,- Юсуф қирдаги буғдойзоридан хабар олишга кетган экан. Шунга қайтақолгандим. Ўзингиз бирор ердан келяпсизми? Мен сизни хонангизда дам оляпсиз деб ўйлагандим.

Раҳима хола ширин жилмайди:

- Сабоҳат ойингларни ёнларига келинсаломнинг қанд-қурсларидан илиниб олиб чиққандим. Ойинг Мукаррамхон опанг меҳмонга келгани учун келинсаломга боролмаганди-да. Хуллас, мен, Сабоҳат, Мукаррамхон анча ёзилишиб суҳбатлашиб ўтирдик. Мен сени уйлантиришимиз ҳақидаги янгиликни ичимга сиғдира олмай уларга айтсам, икковлари ҳам роса суюниб кетишди. Гапни бир жойга қўйиб, эртадан қолдирмай Сабоҳат ойинг билан Эътиборхонларникига совчи бўлиб чиқадиган бўлдик.

- Ойи, бугун тўй ҳақида оғиз очганингизга бунчалик тез ҳаракатга тушиб кетасиз деб ўйламагандим,- ҳайрон бўлди Абдужаббор,- ундан кейин совчиликка холанг билан бораман демаганмингиз?

- Суюниб теримга сиғмаганимдан холангни исмини айтибман-да, болам. Аммо ўйлаб қарасам бу йўл аввалам Сабоҳатни йўли экан. Унинг сендаги ҳаққи холангникадан анча кўп. Яхшики буларни вақтида фаҳмлаб қолдим, бўлмаса Сабоҳатни кўнглини синдириб , раҳматли Фароғат бувингларни руҳларини чирқиратиб қўйишим ҳеч гап эмасди. Холанг эса... У насиб қилса бошқа йиғинларимизга ҳам бош бўлаверади. Қолаверса у ҳозир тўйини чарчоғини чиқариб олиши ҳам керак. Не кундан буён тик оёқда юрибди-ку ўзиям.

- Ойи, сиз-чи, ҳудди Фароғат бувимларга ўхшаб кетяпсиз-да ўзи.Улар ҳам шунақа ҳаммани кўнглини бирдек олишга ҳаракат қилардилар,- Абдужаббор шундай дея ўрнидан қўзғалди,- мен сизга ваъда қилган қайнатма шўрвамни қозонга солай бўлмасам. Ёки ош қилсаммикан? Мукаррамхон опам шу ерда бўлсалар ошга чақирардик.

@xazon_rezgi. / 17

XazonRezgi (Official Channel)

08 октября 2024 15:27

Қайчи катта ўрамларни кичкина матоларга ажратиб ташлайди. Игна эса кичкина, арзимас бўлишига қарамай, шу майда-чуйда матоларнинг орасини бирлаштириб, янги кийимлар ҳосил қилади. Сен ҳаётинг давомида игна каби бўл. Бўлакларни бирлаштир, бутунни ажратма. Инсонлар орасини ислоҳ қил. Улар орасига низо солма. Қалбларига муҳаббат уруғини эк. Инсонларни севишни ўрган. Зеро, яратилган нарсаларни севмаган, Яратувчини севолмайди.

Инсонларга ёндош бўл, елкадош бўл. Кишиларнинг барча муаммоларини ҳал қилолмассан, аммо ғамга чўмган инсон ҳузурингга келса, дардини тингла. Айбдор узр сўраса, узрини қабул қилиб, бағрикенглик кўрсат, ёрдамга муҳтож келса, имконинг борича уни қўлла. Сен заминни гуллар билан тўлдирмасанг ҳам, унга гул экилиши учун тиканлардан тозала. Ўзинг энг ёмон вазиятда бўлсанг ҳам, инсонларга яхшилик улаш. Уларни зулматли жарлардан ёруғликка тортувчи мустаҳкам арқон бўл. Ана шунда инсонлар сени бошларига тож қиладилар!

@xazon_rezgi

XazonRezgi (Official Channel)

08 октября 2024 13:37

​#ибрат_учун

НИМА ЭКСАНГ...

Дугонаси Зоҳиданинг набираларини етаклаб қабристонга олиб бораётгани Мапура опоқининг ғашини келтирди.

"Тавба ,- дея ўйлади у ажабланганча , - олиб бораман деса бошқа жойлар қуриб қолганми ? Бу Зоҳиданинг бошидан офтоб ўтганми , нафақага чиққанидан буён набираларини олиб қабристонга югуради. Янаям келинлари яхши экан . "Ойижон бу нима қилганингиз , болани ўтини ёрасиз- ку?" деб индашмайдиям -а" .

Зоҳида опанинг келинлари учун бу гапларни Мапура опанинг ўзи айтди:

- Эгачи , муштдек болаларни олиб ҳадеб мозорбошида нима бор ? Ундан кўра театр , цирк , ҳиёбон, "сити"ларга олиб боринг. Бундоқ ўзингиз ҳам баҳра олиб келасиз . Ҳа деса қабристонда нима бор ? Ўзи шундоғам Ҳотира куни , Ҳайит арафа кунлари борилади- ку ?!

Зоҳида опа оҳиста жилмайди:
- Ота -она андоза , Мапураой. Шунингдек бобо , бувилар ҳам.
Мен ёмон иш қилаётганим йўқ . Набираларимга тирикларни йўқлаш қанчалик савобли иш бўлса , ўтганларни ҳам ҳотирлаш шунчалик улуғ иш эканлигини ўргатаяпман . Барчамизни охир борадиган манзил-маконимиз ўша ер бўлса.
Набираларим сиз айтган дам олиш жойларига ҳам мавриди билан бориб келишяпти.

- Набираларингиз қўрқиб қолишмасин деяпман-да , бўлмаса менга нимайди ? - бўш келмай чимирилди Мапура опоқи...

- Нега қўрқишсин , Мапураой? Маҳрумлардан ҳам қўрқар эканми одам?! Бир вақтлар ўз онам "Ўликлардан эмас , тириклардан қўрқиш керак, қизим" дея уқтиргандилар.
Ўтиб кетганлар эса бир калима қуръон билан йўқланадилар. Шундан руҳлари шод бўлади...

Мапура опа Зоҳида опага бас келолмаслигини билиб қўл силтаган эди ўшанда.

Орадан бирмунча вақт ўтиб Мапура опа суҳбатдошининг нақадар ҳақ эканлигига ўзи тан бериб ўтирибди.

Куни кеча Зоҳида опанинг уйқусида вафот этиб қолганлиги ҳақида хабар қишлоққа яшин тезлигида тарқалди. "Солиҳ банда чин уйига елдек учиб кетади" деганлари рост экан. Хуфтон намозидан сўнг чин дунёга риҳлат қилган аёлни бомдодга чиқарадиган бўлишди.

Мапура опа Зоҳида опанинг жанозасидан анча кеч қайтди. Ҳовлидаги супада уни кутиб ўтирган эри Наби амаки аёлини имлаб чақирди :

- Бери кел ...

Опа эрининг муҳим гапи борлигини ҳис қилганча унинг амрига сўзсиз бўйсуниб ёнига чўкди.

- Хотин , бу ёғи жаа қизиқ иш бўлди-ю а ?! Дугонангни айтаман. Вой унинг қабр тупроғининг майинлигини...
Ҳамма гапирди.
Одатда гўрков бунақа вақтда жим тургувчи эди. Аммо бугун "Бир кетмон солсам ўн кетмон тупроқ ўйилиб чиқса бўладими ?!" деган сўзларини ҳамма эшитди.
Энди у ёғини сўра.
Марҳумани қабрга бериб, дуо - фотиҳадан сўнг ортимизга қайта бошладик. Шунда жанозада иштирок этаётганлардан энг охиргиси қабрдан етти қадам узоқлашиши билан издиҳомдан марҳуманинг саккиз нафар набираси ва ўртанча ўғли ажралиб чиқишди ва тезда ортга қайтиб тиловатни бошлаб юборишди. Улар кетма- кет "Ясин", "Мулк" , "Ихлос", "Фотиҳа" каби бири- бирдан гўзал сураларни ўқий бошлашди.
Биласанми бу нима учун эди ?! Бу - барчаларининг бир тан-у , бир жон бўлиб онаси ва бувиларининг қабрдаги савол-сўроқларини енгиллаштириш учун қилишаётган саъй -ҳаракатлари эди ...

Мапура опа умр йўлдошининг сўзларини бўлмасдан киприк қоқмай тинглади .
Опанинг ўзи ҳам шу топда турмуш ҳамроҳи Наби акага дугонаси Зоҳиданинг келинлари ва қиз набиралари кечадан буён қориялар даврасида марҳуманинг руҳи покига бағишлаб уч давра қуръон ҳатм қилдиришганини ҳавасланиб айтиб бериш учун тараддуд кўрар эди...

#тамом

Хазонрезги


Каналга уланиш 👇:
https://t.me/joinchat/AAAAAFB59SM9yhwXJGeW_g