XazonRezgi (Official Channel)

02 декабря 2024 02:23

​☀️🌤#хайрли_тонг

Ассалому алайкум, дилдош, кўнгилдош.

Аллоҳнинг бетакрор ҳадяси бўлмиш мунаввар тонг сиз- у бизга муборак бўлсин.

Умр китобимизнинг "бугун" дея очилаётган янги саҳифаси энг чиройли тақдир ила битилсин.

Барчамизнинг юрак тўримиздаги тилакларимизни Аллоҳнинг ўзи раво айласин. .

Оилавий ҳотиржамлик , тинчлик - омонлик , тан- сиҳатлиги доимий ҳамроҳимиз бўлсин.

Хафта аввали душанба куни файзли , баракали , мазмунларга тўла бўлиб ўтсин ...

Амин

Хазонрезги

Каналга уланиш 👇 :
https://t.me/joinchat/AAAAAFB59SM9yhwXJGeW_g

XazonRezgi (Official Channel)

01 декабря 2024 17:00

Menda "BAXT VA BOYLIK SARI" vaksinasi bor.
📣📣📣📣📣📣📣📣📣📣📣📣

O‘zini sevib, hayotini o‘zgartirishni xohlaydigan ayollar bugun sizni kuninggiz.
Vebinarda bo‘ladigan mavzular:

XazonRezgi (Official Channel)

01 декабря 2024 15:27

#СЕНСАН_СЕВАРИМ

аҳволи бирмунча енгиллашгач , клиникага бориб атрофлича текширувдан ўтиш зарурлигини таъкидлаб кетишди.

- Бундай оғриқлар яхшилик аломати эмас,-деди ўзини Камола опа деб таништирган шифокор,-бу аҳволда вақтидан аввал чала туғиб қўйишингиз мумкин. Шу сабаб текширувлардан ўтиб, зарур бўлса шифохонада ётиб даволанишингиз лозим.

    Кечга яқин Нилуфар келинойисини ўзини яхши ҳис қилаётганлигига ишонтириб кузатиб қўйган Шаҳноза эртаси куни илк бора мустақил тўрт бекат нарида жойлашган хусусий клиникада текширувдан ўтишга қарор қилди.

"Қачонгача Қаҳрамон акани эргаштириб юришим керак?-йўлга тушар экан зарда билан ўйлади Шаҳноза,-кошки у кишига мен ёки боламнинг қизиғи бўлса ?!"

Бу вақтга келиб Қаҳрамоннинг икки, уч кунлаб йўқ бўлиб кетиши одатий ҳолга айланган эди. Шаҳноза ҳам уни интиқиб кутмас, қанча йўқ бўлиб кетса шунча кўнгли тинч эди.

Эшикма-эшик юриб , охириги хонада ўзини атрофлича текширган шифокор аёлнинг ранги ўчиб кетгани Шаҳнозанинг назаридан қочмади.

-Сиз ким билан келгандингиз?- сўради шифокор Шаҳнозага зимдан назар ташлар экан,- турмуш ўртоғингиз...

- У киши чет элга кетганлар,- Шаҳноза қандай қилиб ёлғонлаганини ўзи сезмай қолди ,- кўзим ёришига етиб келишлари керак, яъни икки ойларда .

- Бу ерда бошқа яқин қариндошингиз йўқмилар?-савол беришда давом этди шифокор .

Шаҳноза "Йўқ" дея бош чайқади:

- Ойимлар бор эдилар, оламдан ўтиб қолдилар ,- деди у шифокор ўзига ниманидир айта олишга қийналаётганлигини ҳис қилганча юраги ивишиб ,- нима гапингиз бўлса ўзимга айтаверинг , мен кўринганимдан кўра анча кучлироқман.

Шифокор ручкасини столга тақ - тақ урганча бир муддат ўйланиб қолди .

- Доктор...

- Айтинг-чи , турмуш ўртоғингиз билан яқин қариндош эмасмисиз ?

- Йўқ... Яқин қариндош эмасмиз...

-Шу вақтгача кўрикдан ўтказган шифокорлар сизга ҳеч нима дейишмаганми ?

- Йўўўқ , бари жойида дейишган ...

- Биласизми , мен ҳозир сизга айтадиган гаплар ҳозирча тахмин. Буларни шу учун гапиряпман-ки , сиз мукаммалроқ текширувдан ўтишингизга тўғри келади.

- Нима учунлигини билсам бўладими ? - савол берганда ўзини танлайи қуриб қолгандек ҳис қилди Шаҳноза

- Сиз ҳавотир олманг. Бари назорат остида. Фақат фарзандингиз ҳомила кўрсатилган муддат бўйича бироз ривожланмаган. Одатда бундай ҳолат яқин қариндошлар ўртасидаги никоҳда , яна ҳомила ривожига тўсқинлик қиладиган дорилар қабул қилганда , ундан кейин ...

Шаҳноза барини тушунди !

Нима учун шифокорнинг тайёр маълумот бўлишига қарамай "Қон босимингизни ўзим ҳам бир ўлчаб кўрай" деб ҳар иккала билак томирларни яланғочлаб тикилганини , нима учун Қаҳрамон унинг ёлғиз ўзини шифокор кўригига жўнатмагани , нима учун асабни тинчлантирувчи дорилар оддий дорихоналардан топилмаслиги , нима учун ...

Шаҳнозанинг ўтирган жойида кўзи тиниб кетди.

- Туззукмисиз ? - сўради шифокор ранги қув ўчиб кетган жувондан ҳавотир олиб ,- илтимос, қўрқманг . Бу шунчаки тахминлар холос. Аниғини батафсил текширувдан ўтганингизда биламиз, -шифокор сал аввал ҳомиланинг юз фоиз нуқсон билан туғилиши кутилаётганлиги ва туғилажак бола ногирон бўлиши ҳақидаги маълумотни қоғозлар орасидан секин ажратиб олди-ю, ўзини бир амаллаб қўлга олиб Шаҳнозани юпатишда давом этди,- аммо унда ҳам ҳотиржам бўлинг . Бирор салбий ҳолат аниқлангудек бўлса , ҳали вазиятни назорат қилиш учун вақтимиз бор.
Шифокор Шаҳнозага яна анча вақт далда берди. Ўзини қўлга олганига кўзи етгач , умумий текширув учун йўлланма ёзиб бериб кузатиб қўйди.

Шаҳноза уйга бир аҳволда қайтди ва кутилмаганда эрига дуч келди:

- Ҳаа санғи қайси ўйнашингникида эдинг ? Нега телефонни кўтармадинг ?

- Менда ўйнаш нима қилсин ? - Қаҳрамон кутмаган ҳолда ҳотиржам жавоб қайтарди Шаҳноза,- Ўзингиз ҳам қаердан қуёш чиқиб пайдо бўлиб қолдингиз ? Ё "Зўрға гиёҳванд қилган хотинимни дориси тугаб қолдими?!" деб ҳавотир олдингизми ?

Қаҳрамоннинг яхшигина кайфи бор эди. Бироқ Шаҳнозанинг охирги сўзлари унинг тароқ кайфини учириб юборгандек бўлди ...

Муаллиф : Хазонрезги

@Xazon_Rezgi /40

XazonRezgi (Official Channel)

01 декабря 2024 15:27

#СЕНСАН_СЕВАРИМ

- Эй овсар ?! Бу аҳволда хотининг қанақа қилиб фарзанд дунёга келтиради ? Шуни ўйладингми ?

- Биров унга туғсин деяптими ? Шахсан менга у туғиб берадиган боланинг кераги йўқ. Уям шунга жон десин- у , ҳаётдан баҳра олиб кайфини суриб яшайверсин,- беписандлик билан қўл силтади Қаҳрамон

- Буни қара-я ? - Акромнинг кинояли нигоҳи Қаҳрамонни хушёр торттиргандек бўлди,- сен аёлингни "Зўр шифокор дўстим бор" деб олиб келгансан-да а ? Ўша зўр шифокор дўстинг , яъни мен Шаҳнозангни энг камида икки ойлик ҳомиласи бор деб ташхис қўйиб бўлдим . Истаган жойингга бориб текширтир. Гапим рост чиқмаса одаммасман.

- Одаммаслигингни энди билдингми ? - ҳиринглади Қаҳрамон , - буни операция столида жон талашиб ётган беморнинг яқинларидан пора олиб ишдан ҳайдалганингда ўйлаш керак эди. Ҳалиям менга раҳмат де. Ўшанда орага тушмаганимда...

- Э бўлди , ўтган гапларни ковлаштирма , сассиғидан бошқа нимаси чиқади !? Сен яхшиси бу ёғига нима қилишни ўйла ?

Қаҳрамон шундагина Акромнинг хазиллашмаётганига ишонди.

- Сенингча Шаҳноз ҳақиқатдан ҳомиладорми ?

- Боядан буён нима деяпман сенга ?

- Менга қара шунча ичган дориси билан унинг дунёга келтирадиган боласи ... Ҳалиги нима десам экан ? Болалик қилмаса керак-а ?

Акрор кўкрагини тўлдириб ҳаво ютди:

- Шунақароқ ..

- Шунақами ё шунақароқми ?

- Шунақа !

Қаҳрамон беписанд қўл силтади :

- Шунақа бўлса , бундай боланинг боридан йўғи,- у шундай деб Акромга тагдор қаради,- бояги рўйҳатга шу боладан сип- силлиқ қутиладиган доридан ҳам қўшвор.

- Бу нарса умуман мумкинмас! - дарҳол эътироз билдирди Акром,- биринчидан хотинингни боласи тушса докторга боради, сабаби бу биринчи ҳомиласи , шунга ўзини қандай тутишни билмайди. Докторга бориши билан "дори"га ўтириб қолгани дарров маълум бўлади. Шунга ҳозирча болага зарар қилмаганинг маъқул. Қолганини вақт кўрсатади.
Бола туғилгунча режалаштирган ишларинг битиб қолар. Орадаги консультацияларни бир амалларсан. Тўғриси бошим қотиб кетди. Хотинингни шу дорига ўргатишинг шартмиди?

- Шундай қилмасам у икки дунёда ҳам мени эр сифатида қабул қилмасди,- ўшшайди Қаҳрамон ,- Шаҳнозни менга турмушга чиқиши қанчадан қанча одамга қимматга тушганини билмайсан-да. Уни бироз муддат бўлсаям ёнимда ушлаб қолишнинг ягона чорасиям шу- дори .

- Э ягона чоранг қурсин сени ?! Ана Заринанг бор-ку , туппа-туззук яшаб юргандинг. Вақтида ўшанинг ишқида адо бўлган ҳам ўзинг эмасмидинг?

- Ҳалиям унинг ишқида адоман ,- дарҳол эътироз билдирди Қаҳрамон,- сенга ким айтди Қаҳа Зарини ташлаб кетган деб?! Шаҳноз шунчаки мен учун шанс ! У орқали қимматли дадажонимдан ўзимга тегишли давлатни ажратиб оламан. Етар бировнинг боласи мени ўрнимни шунча вақт эгаллаб "жить" қилгани. Шаҳнозхон ўн тўққиз йил менга тегишли бўлган мол-мулкнинг танҳо маликаси бўлди. Ўша вақтда менга қанақа муомала қилганини биласанми ? Мени бир тийинга олмаган. "Сенам одаммисан ?!" дегандек мен тарафга бир қиё боқишга оғринарди. Айтишади-ку "Бойникини бойтеват қизғанибди" деб. Қимматли "дадажоним" бўлса "Шу йигит менинг ўғлим" деб бир бора тан олишга ҳаддилари сиғмади. Алам қилмайдими ? Хуллас бунинг сабаблари бир талай .

- Нима бўлгандаям , бу ёғига эҳтиёт бўлмасанг бўлмайди,- таъкидлади Акром.

Қаҳрамон ўйланиб қолди, сўнг ўрнидан туриб Акромга "хўп майли , кўндирдинг!" дея қўл ташлади.

- Бунча қолиб кетдингиз ?- деди Шаҳноза ташвишланиб ,- нимагадир кўнглим ҳижил бўлиб кетяпти.

- Ўзаро гапларимиз бор эди ,- деди Қаҳрамон ҳотиржам оҳангда ва Шаҳнозага аста зимдан разм солди.

Келинчакнинг оппоқ юзлари янада оқариб кетган , олдинлари қоп-қорайиб мавж уриб турувчи қош- киприклари сийраклашиб рангсизлангандек эди. "Лаблариям гезариб кетибди. Бу кетишда ҳомиладорлигини ҳадемай ўзиям сезади. Ўшангача чорасини кўришим керак. "Дадажоним"дан Ўзимга тегишли молк- мулкни номимга расмийлаштириб олишим лозим. Уфф... Нимадир қилишим керак.

Қаҳрамон йўл юзида кирган дорихоналардан Акром ёзиб берган "дорилар топилмагач" ,

@Xazon_Rezgi /38

XazonRezgi (Official Channel)

01 декабря 2024 13:59

Suratda nechta tuxum bor ?
Aqlingizni sinab ko‘ring.

  Ko‘rinishidan oddiy ko‘ringan jumboqni atigi 5% odamlargina to‘g‘ri topa olgan.

XazonRezgi (Official Channel)

01 декабря 2024 12:59

🥰Uyda o’tirgan ayollar va talabalar
diqqatiga❗️
🤔Talabasiz ishlashga vaqtingiz yoqmi❓ Lekin puldan qiynalyabsiz  togrimi??
🔈🔈Bizning ish aynan siz uchun uydan chiqmagan holda daromad qiling biz bilan yuksalasiz💬

✍️  MUROJAAT UCHUN: @Shokhida_blogs

✅/channel/+AAWRE9twOM0yNjVi
✅/channel/+AAWRE9twOM0yNjVi

XazonRezgi (Official Channel)

01 декабря 2024 09:47

​

     Ошхона зинасинининг қирраларидан куч билан  юмалаб тушган аёл шўрлик  бетон йўлакка зарб ила урилиб ҳушини йўқотди.
    - Манга шайтон қилиғингни қилма, ўзингча кўзимни юмиб олсам раҳми келади деяпсанми ,- Шоди Назирани бир тепди- ю , Онасининг хонасига кириб кетди.
     Онаси билан обдон гурунглашиб орадан бир соатча вақт ўтиб ташқарига чиққан Шоди Назирани ҳамон  ўша аҳволда ётганини  кўриб ҳайрон бўлди.  Мук тушиб ётган  Назирани ўгириб кўриб лабларида қотиб қолган қонга кўзи тушгач , аҳвол жиддийлигини англади ...
    Назирани қовурғаси синиб , ички аъзоларини йиртиб юборган экан. Вақтида ёрдам кўрсатилмагани туфайли кўп қон йўқотилганини жувоннинг ўлимига сабаб бўлганди.
    Рихси опоқининг синглиси опасининг даргоҳида йигирма беш йил яшаб кўзи кулмаган қизини ортга қайтара олмаслигини ҳис қилар экан , Назиранинг "шундоққина оёғи сирпаниб" ўлим топганига "ишонган" бўлди.
      Назиранинг маъракасида ўтирганлар қизнинг  Онасини "Худога солдим" деб шивирлаб йиғлаганида унинг айнан  нима деётганини тузук - қуруқ англай олмадилар.
     Рихси опоқи тўғри айтган экан ...  Билиб айтган экан:
    - Назирасиз ҳаёт тўхтаб қолмас экан. Қуёш чиқаверар , тонг отаверар , кун ботаверар экан.

    "Эр зотига хотин қаҳатмас!"

     Рихси опоқи Назиранинг ўлимидан икки ой ўтмай Шодини уйлантириб қўйди . Шоди бу сафар ҳам анъанага кўра Онасининг тавсиясига кўра қариндошдан қиз олди . У иккинчи бор  тоғасининг ўн йил турмуш қуриб фарзандсизликдан қайтиб келган қизи Зебига уйланди. Шоди Зебига уйланиб хафта ўтмай битта нарсага қаттиқ ажабланди :
    - Ёппирай , Зеби аммаси Рихси опоқининг, яъни Онасининг  худди ўзи экан ? Айтишадику "униси  из қолдирган , буниси босган!" деб .
    Бу сафар Зеби  Рихси опадан аввал отни қамчилади. Ўткиргина янги келинчак Шодини ўз йўлига солиб олди.
    Орада Рихси опоқи кўрпа- тўшак қилиб ётиб қолди . Кўрган доктор "соппа- соғ" дея ташхис қўйган Рихси опа нима учундир қаддини тик тутиб тура олмайдиган бўлиб қолганди .
     Зеби касал қайнона  боқишдан тезда зерикди . У аста - секин эри йўқлигида қайнона аммасига тирсиллаб гап қотишни ҳам уддалай бошлади .
    - Ойижон ,  кундошим Назира калтак еб , еб гуноҳлари тутдек тўкилиб ўлиб кетганини эсласам , битта нарсага ажабланаман... Раҳматли қайнотам барвақт ўлиб кетмаганларида сиз ҳам анча- мунча  бегуноҳ бўлармидингиз ?!...
    Майли , уни- буни қўйинг! Мен ўғлингиз билан оғайнилариникига ўғил тўйига кетяпман.    Сизга эса ўнг қўлимни ўйнатиб нон - палов пишириб қўйдим. Мазза қилиб еб оларсиз.
    Зеби саллона қадамлар билан хонани тарк этаркан ,  Рихси опоқи келини  бир лаган қилиб қўйиб кетган ,  картошкасига иссиқ ўтмаган , қотган нонлари такур - тукур бўлиб ётган таомга қараб оҳ тортди:
    - Оҳ Нази... Назии...  Сен ўлгунча мен ўлсам бўлмасмиди ...

    ▪️▪️▪️

   Мен Назира опани вафотидан кейин кўп бора тушимда кўрдим ... Доим кўзга сокинлик бахш этадиган яшил рангдаги  кўйлак ва пушти  рўмолда кўринардилар улар. Ва ҳамиша маъюсгина  жилмайган...
    Аллоҳим жаннати билан сийласин сизни , Назира опа...


Муаллиф : Хазонрезги

@Xazon_Rezgi           

XazonRezgi (Official Channel)

01 декабря 2024 04:45

Бугундан қиш фаслида яшаймиз.
Янги фасл хайрли, барокатли бўлсин

Ассалому алайкум. Якшанба кунингиз файзли ўтсин....

https://t.me/joinchat/AAAAAFB59SM9yhwXJGeW_g

XazonRezgi (Official Channel)

30 ноября 2024 15:35

#СЕНСАН_СЕВАРИМ

- Мен аҳмоқ уларга турмушга чиқишга розилик билдириб юборибман . Нима қилай , тилёғламаликни билмайман. Шунга ноз - фироқ, ишва-карашма қилиб ўтирмабман. Кейин эса совчи келиши кутилаётган санада Жаҳонгир ака бир дунё хабар жўнатибдилар. Ичи тўла таъна-ю маломат ,- Шаҳнозанинг мунчоқдек кўзларидан оппоқ юзига ёш юмалаб туша бошлади,- нима эмиш, мендака қизга уйланиб бўлмасмиш. У ёзилган сўзларнинг бари эсимда йўқ. Аммо у сўзлар шундай сўзлар эди-ки, ҳар бирига сўхтаси совуқ илонларнинг бир галаси шарт пўст ташлаб юборарди.

- Бўлиши мумкин эмас ! - шарт кесди Ойдин,- у йигит , яъни Жаҳонгир ака бундай сўзларни ёзадиган даражада дилозор , бетгачопар эмас эди. Сен ўзинг буларни Жаҳонгир ака ёзганига имонинг комилми ?

- Хабар у кишининг профилидан келганидан кейин яна ким бўлиши мумкин ? - Шаҳнозанинг кўнглига аввалам гумон оралаганди, бироқ...

- Тўхта-чи ? - бирдан ҳовлиқди Ойдин ,- ўша хабарни қачон олганинг ёдингдами ?

- Хаа албатта ,- деди Шаҳноза "у кунни унутиб бўлардими?" деган оҳангда,- аниқ ёдимда . Ўша куни июнь ойининг учинчи шанбаси эди. Хабарни ўқиганимдан кейин аччиқ устида Жаҳонгир акага қайта-қайта хабар ёздим, бироқ жавоб келмади. Кўп ўтмай у кишининг аккаунтлари бир йўла ўчди.

- Шошмачи , ҳозир ...

Ойдин чўнтагидан қўл телефонини олиб ундан қандайдир маълумот қидира бошлади. Кўп ўтмай ўзига ўзи гапирган куйи сўзлай кетди :

- Ҳа бу аниқ ! Сен "Жаҳонгир ака менга маломат тўла хабар ёзди" деганингдаёқ кўнглимда шубҳа туғилганди.

- Тушунмадим ? Тушунтириброқ гапир? - юраги тошди Шаҳнозанинг.

Ойдин оғир ютиниб олди-ю , Шаҳнозага ўз хулосаларини сўзлай бошлади:

- Ўша вақтда мен ва махалладан яна ўн нафар йигит -қиз Жахонгир аканинг боғига ҳашарга чиққандик. Айнан сен айтган санада. У сананинг аниқ эсимда қолганини сабаби ўша куни кичик синглимнинг туғилган куни эди. Биз боғда кечгача қарашдик. Жаҳонгирнинг дадаси Жавлон ака олхўри меваларини кўтарасига Россияга олиб бориб сотадиган савдогарларга бергандилар...

Ойдин Шаҳнозага бир бош бўлган воқеани гапириб бераркан, Жаҳонгирнинг телефони боғнинг ичида тўсатдан йўқолиб қолганини , етмишдан ортиқ одам суюнчи эвазига ҳам боғнинг тит- питини излаб топиша олмаганини , сўнгра эртаси куни Жавлон акани савдогарлар чув тушириб кетгани , натижада қўшни деҳқонлар ҳам касрига қолиб хонавайрон бўлганидан қаттиқ куйинган Жавлон ака бошига қон қуюлиб вафот этгани ва ниҳоят Жаҳонгирнинг Россияга ишлашга кетишга мажбур бўлгани ҳақида сўзлаб берди .

- Вооой , - Шаҳнозанинг аъзои баданидан муздек тер чиқиб кетди,- демак ... Бояқиш Жаҳонгир ака. Бошига шунча савдолар тушибдиям мен билмабман.

- Шаҳноза , нега рангинг қув ўчиб кетди ? - Ойдин Шаҳнозанинг титроқ босиб келаётган вужудига қараб қўрқиб кетди, - иссиқ чой берайми ?

- Сумкамда дори бор эди ,- сал нарида турган сумкачасига талпинди Шаҳноза.

Дорини қабул қилгандан ўн дақиқалар ўтгач Шаҳноза ўзига келгандек бўлди.

- Ойдин. Менинг юрагим ёмон бўлиб кетаяпти. Назаримда бу ишларнинг тагида бир гап бор. Мен шунча кунлардан буён Жаҳонгир акадан бекорга ранжиб юрган эканман. Яна аччиқ устида ўзим ёқтирмаган инсонга турмушга чиқиш қарорини берганимни кўр. Бу ерда бўлса Жаҳонгир аканинг бошига шунча кўргилик тушган экан...
Шаҳноза шундай деб ўйланиб қолди. "Қизиқ , Жаҳонгир аканинг телефони бежизга йўқолмаган шекилли. Телефон йўқолганининг эртасига менга анави лаънати СМСнинг бориши шунчаки тасодиф эмаслиги аниқ. Демак ...
Ўша охирги учрашувда Жаҳонгир ака "Бир хафталик зарур ишим бор" деганда боғдаги меваларни саранжомлашни назарда тутган эканда. Ҳосилдан салмоқли пул тушиши ва шунинг эвазига ўғлини уйлантиришни мўъжал қилган экан-да унинг ота- онаси.

"Талаба йигит" - дадам ва Қаҳрамон ака Жаҳонгирни қачондан буён кузатишган экан ? Орамизда бўлган аҳду паймонимиздан хабардор бўлишгани учун уюштирилмаганмикан бу ишлар ? Ҳа бу аниқ ! Аммо улардан қайси бирининг иши бу ?! Қаҳрамон ака қилган десам у бу даражада қудратли эмас ...


@Xazon_Rezgi /35

XazonRezgi (Official Channel)

30 ноября 2024 15:35

#СЕНСАН_СЕВАРИМ

Йигитнинг кўнглида "Бир куни қиз билан албатта хабарлашаман" деган илинж бор эди. Шу билан бирга у қизнинг йўлини ортиқ боғламоқчи эмасди. "Агар Шаҳноза сизни кута олмайман деса унга фақат бахт тилайман,- дея режа қилган эди йигит,- сабаби бунча қарздорлик билан икки- уч йилсиз қаддимни тиклашим даргумон-ов..."
   
Бироқ... Қани бу юракка буйруқ бериб бўлса...

Кўпинча ақл тан олганни , юрак тан олмас экан.

Ақл билан юрак жангга киришса ҳар сафар юрак ғолиб бўларкан. Ва ўша дақиқаларда Ўзининг бу сафар ҳам мағлуб бўлганини англар эмиш...

Жаҳонгир ҳам худди ана шундай ҳолатда эди. Ақли "Қўй , у қизни энди ўйлаганингни фойдаси йўқ" дегани билан бебошгина юраги Шаҳнозани қўмсайверарди.

Ахири бўлмади. Жаҳонгир Комилни қистовга олди:

"Жон ўртоқ , менга Шаҳнозанинг хабарини билиб бер" ...

Ана шу илтимосидан кейин Комил дарҳол " Хўп , албатта суриштириб , телефон рақами ўзгарган бўлса уни ҳам топиб берганим бўлсин" деб жавоб қайтарди-ю , шу билан тим-тирис ғойиб бўлди.

Хафтада икки , уч бор хабарлашиб турган дўстининг тўсатдан ўзини четга олганига Жаҳонгир дастлаб ҳавотир олди, бироқ кўп ўтмай бу ерда Шаҳноза билан боғлиқ қандайдир нохуш воқеа борлиғини тахмин қилиб юраги ивишди.

"Комил, назаримда сен мендан бир нарсаларни яшираётгандексан. Илтимос , нимадир бўлган бўлса ҳам барини рўйи- рост айтиб қўяқол. Кунда бир ўлгандан бирйўла бир ўлган яхши. Мени тушундинг деб ўйлайман"

Жаҳонгирнинг саволига кўп ўтмай Комилдан жавоб келди.

"Жаҳон. Элчига ўлим йўқ. Мен ҳам совуқ хабарчи бўлишни истамаган эдим. Аммо начора. Ҳақиқатни билишга ҳаммадан ҳам сен ҳақлисан. Хуллас, Шаҳноза турмушга чиқибди. Ўша дадасини ёнида юрадиган Қаҳрамон деган ҳайдовчисига. Аниқлаганим шулар..."

Жаҳонгир хабарни ўқиб дард билан оғир нафас олди :

"Аслида воқеалар ривожи шунга қараб кетаётганди . Шаҳнозанинг азалдан менга турмушга чиқиши ақлга сиғмас гап эди. У қайда-ю, мен қайдаман?! Айниқса бошимга тушган воқеалардан сўнг.

Начора...

Шаҳноза ... Иккимиздан ҳеч бўлмаса сен бахтли бўлишинг керак-ку ?! Энди билдим нега рақаминг ўзгарганини ? Бу қарорга келиш сенгаям осон бўлмагандир ? Ахир орамизда қанчалар соф туйғулар бор эди. Улардан кечиш шунчаки оддий иш эмас эди.
Мен эса... Менимча сени ҳали бери унута олмасам керак. Балки умримнинг охиригача юрагим кунда ақалли бир бор Шаҳноза деб ожизгина уриб қўяр.

Билмадим . Буёғини энди вақт кўрсатади.

Ҳар ёмоннинг бир яхшиси бор дейдилар.

Сени турмушга чиқишингни ҳам яхши тарафи бор. Мен ҳам энди эс- ҳушимни йиғишим , онам ва сингилларим учун ҳаракат қилишим керак. Ахир энди дадамнинг ўрниларида оиланинг бош эркаги бўлиб қолдим. Шунга яраша иш қилишим керак. Дадам ҳам қабрларида тинч ётишлари учун бу дунёда ўзларини қарздор деб ҳисоблаган инсонлар билан орани очди қилмасам бўлмайди. Энди ҳаётимни асосий мақсади шу !"

▪️▪️▪️

- Қаҳрамон ака,- деди Шаҳноза ўлганининг кунидан эрига жилмайишга ҳаракат қилиб ,- неча кундан буён шу тўрт девор ичида юрагим сиқилиб кетди. Бир ўзим ўтираверганимдан ҳудди гиёҳвандларга ўхшаб фикр-у хаёлим дори ичишда бўлиб қолганга ўхшаяпти.

Қаҳрамон Шаҳнозанинг "ҳудди гиёҳвандга ўхшаб" деган сўзларидан ичидан қириинди ўтди :"Наҳотки сезиб қоляпти ?"

Шаҳноза эса унинг гумонларини нари сургандек сўзида давом этди :

- Илтимос , мени бир айлантириб келинг. Бу ерда бир ўзим диққинафас бўлиб кетдим.

- Қаерга бормоқчисан ,- деди Қаҳрамон унга синовчан тикилиб,- дадангларникига олиб борайми ёки бошқа бирор мўъжалинг борми ?

- Ёзда шаҳардан кўра сўлим тоғ ёнбағри яхши. Мени ҳам ғир-ғир шабадалар эсиб турган , зилол сувлари оқиб турган жойларга олиб боринг.

- Яхши ,- Шаҳнозанинг таклифига дарровда кўнақолди Қаҳрамон,- тайёр бўлиб тур. Бир соатларда йўлга тушамиз...

Шаҳноза Қаҳрамонни кузатиб қўяр экан унинг изидан "Бошланиши чакки эмас" дея шивирлаб қўйди...

#давоми_бор

Муаллиф: Хазонрезги

@Xazon_Rezgi /33

XazonRezgi (Official Channel)

30 ноября 2024 15:35

#СЕНСАН_СЕВАРИМ
Муаллиф: Гулбаҳор Рахматуллаева (Хазонрезги)

15-қисм

    Шаҳнозанинг чорловига "Бу телефон рақами  тармоқда мавжуд эмас" деган жавоб келди .
  
    Шаҳноза "Чиқмаган жондан умид" излаб Жаҳонгирнинг рақамини интернет тармоқларидан ҳам излаб кўрди.

     Бари бефойда...

    Шунда унинг хаёлига лоп этиб Жаҳонгир билан қўшни махаллада яшайдиган дугонаси Ойдин келди.

    Шаҳноза қанчалар ҳаракат қилмасин бу сафар Ойдиннинг телефон рақамини тўлиқ эслай олмади.
    Тахмин қилиб терган рақам эгалари   бошқа бўлиб чиққач , режасини ўзгартирди...

     ▪️▪️▪️

     Жаҳонгир тоғаси билан   Санк-Петербург шаҳрига келганига бир ойча вақт  бўлиб қолди .  У шаҳарнинг  марказий кўчаларнинг бирида тоғаси  ошпаз бўлиб ишлайдиган шинамгина ўзбек ресторанида ёрдамчи бўлиб ишга қабул қилинди. Аниқроғи уни бу ишга тоғасининг тавсияси билан ишга олдилар. Бахтига ишга кирган ўринда хизмат қиладиган Бухоролик жувон ҳомиладорлиги туфайли таътилга чиқишга тўғри келиб турган экан.
      Мазкур ресторанда ўттизга яқин ишчи ишлар экан. Ресторан хўжайини  Акобир ака ишчиларни анча инжиқлик билан ишга қабул қилар экан. Жаҳонгирни Каримберди ака тавсия қилгани туфайли ортиқча сан-манга бормади.  Жаҳонгир шундан тоғасининг бу ерда обрўси, ҳурмати ўзига ярашалигини билиб чин кўнгилдан жон куйдириб ишлай бошлади. Бу ерда Жаҳонгирнинг  топар- тутари анчагина яхши эди. Хўжайин ойликни иккига бўлиб ҳар ўн беш кунда тўлар экан.
    - Агар ўзингни кўрсатиб ошпазликка ўта олсанг , топганингга яхшигина барака кириб қолади, шунинг учун ишларга обдон разм солиб шу касб сирларини астойдил ўрганишга ҳаракат қил,- деди Каримберди тоғаси билан бирга навбатма-навбат ош дамлайдиган Мансур ака.
   Унга сари Жаҳонгир янаям тиришиб ишга киришарди .
     Бу ресторан таомлари жуда харидоргир бўлиб ,тонг сахардан то ярим кечагача ишчиларнинг қўли- қўлига тегмайди. Ўзбекистоннинг ўша донғи етти оламга кетган ош, норин, лағмон, манти , тандир нони ва сомсаларига буюртманинг кети узилмайди. Ресторан харидорлар учун олдиндан буюртма олади , шу сабаб жойлар навбатини икки - уч кун , баъзан хафталаб кутиш лозим. Иш ҳам шунга яраша қизғин.  Жаҳонгир асосан ош дамлайдиган ошпазларга ёрдам беради. Орада талабга яраша сомсапаз ва норин тайёрлайдиганларга ҳам қарашади.
    Жаҳонгир дастлаб  бу ерга келганда "Ишлаб дардларимни бироз бўлсада унутаман, юракни эзувчи хаёллардан чалғийман" деб хаёл қилганди.  Усти бут , қорни тўқ , ишлаш жойи иссиқ бўлгани билан буларнинг бари тарозининг соғинч деган палласини босишга ожизлик қилар экан.
    Жаҳонгир оиласидагиларни соғинган чоғ ишдан қўли бўшаши билан телефон орқали дийдорга ошиқади. Видеочақирув орқали суҳбатда онасининг муштдеккина бўлиб қолган гавдасига қараб жони ачиган сари уни юпатади: "Ойижон , озгина сабр қилинг. Ҳали бу кунларни кўрмагандек бўлиб кетасиз. Фотима- Зуҳраларнинг тўйида бу кунларни кўрмагандек эслаймиз..."
    Муқаддас опа ўзи бир аҳволда-ю, ўғлини юпатади : "Боламжоним, ўзингни эҳтиёт қил. У жойларни совуқ дейишади. Оёқларингни иссиқ тут , ўзи салга томоғинг оғрир эди..."
   
     Жаҳонгир уни ҳам...
     Шаҳнозани бошқача соғинарди . Жавлон ака оламдан ўтганидан сўнг унинг қўл телефони Жаҳонгирга қолган эди. Маърака маросимлари ўтгач Жаҳонгир бўлиб ўтган воқеалардан қизни хабардор қилиб қўйиш учун унинг рақамига қайта- қайта  қўнғироқ қилди , бироқ "телефон аппарати ўчирилган" жавоби билан  унга уланишнинг иложи бўлмади. "Балки жавоб ёзиб қолар" деган умидда  тармоқ орқали  унга СМС  йўллади , бироқ Шаҳнозанинг телеграмм аккаунтида  "Яқин орада онлайн  бўлмаган"  деган хабардан  бошқа натижага эга бўлмаган эди.
     Орада тақдир  масалани  пишириб турган экан , оз фурсатларда тоғаси билан бу ерларга йўл олишга тўғри келди. У хатто Тошкентга боришга ва Шаҳноза билан хайрлашишга ҳам улгура олмай қолганди.

@Xazon_Rezgi        /32

XazonRezgi (Official Channel)

30 ноября 2024 13:48

​#таржима

Муаллиф: Хазонрезги

​Тушларимга киринг, ота ...

Неча йиллар ўтди сизсиз,
Соғинганим билинг, ота,
Жиллақурса , ойда бир бор,
Тушларимга киринг, ота.

Эртадан кеч дуодаман,
Фирдавсида юринг, ота
Даргоҳида етишгунча,
Тушларимга киринг , ота

Мен йиғласам, қилманг парво,
Кулганимда кулинг, ота,
Андуҳларга бўлинг даъво,
Тушларимга киринг, ота

Тўйлар қилсам, ғоибида,
Оқ фотиҳа беринг , ота
Йўл кўрсатиб , далда бўлиб,
Тушларимга киринг, ота

Маҳшар куни - қиёматда,
Арш тагида туринг, ота
Сиз ҳам мени дуо қилиб,
Тушларимга киринг , ота

Ҳаётимда қувонч бўлиб,
Хаёлимда юринг , ота
Ўксик кўнглим кўтариб,
Тушларимга киринг, ота

Сиздек инсон менга ўрнак,
Танҳоимсиз билинг , ота
Дийдор ширин энди тушда,
Тушларимга киринг, ота

Соғинчлардан куйди умрим,
Соғинганим билинг, ота
Муштоқдирман ҳар куни
Тушларимга киринг, ота

Тушларимга киринг, ота...


Rüyama girsene, baba...

Geçti sensiz nice sene,
Özledim, bilsene baba,
Hiç olmazsa ayda bir kez
Rüyama girsene, baba...

Sabah akşam duadayim,
Firdevslerde yürüsene, baba,
Huzuruna gelene dek
Rüyama girsene, baba...

Ben ağlarsam bakma öyle,
Güldüğümde gülsene baba.
Üzüntüye olup dava
Rüyama girsene, baba...

Düğün yapsam kayıplarda
Fatiha versene baba.
Yol gösterip, destek olup,
Rüyama girsene, baba...

Mahşer günü kıyamette
Arş altında dursana baba.
Sende beni dua edip ,
Rüyama girsene, baba ...

Sensin bana güzel örnek,
Bitanemsin,bilsene baba.
Rüyalarda görüşürüz,
Rüyama girsene, baba...

Özleminde yandı ömrüm,
Özledim, bilsene baba.
Müştağimdır sana her gün
Rüyama girsene, baba...

Rüyama girsene, baba...

Таржимон : Махсумахон Исломова


Каналга уланиш 👇 :
https://t.me/joinchat/AAAAAFB59SM9yhwXJGeW_g

XazonRezgi (Official Channel)

30 ноября 2024 11:31

​#Бугун_кузнинг_охирги_куни

Дардли шивирлайди хазонлар бугун ,
Ҳазин қўшиғида ҳасратли уни ...
Армон яна дилда боғлайди тугун,
Бугун ахир кузнинг охирги куни...

Муаллиф: Хазонрезги
Ижрода: Диля

Каналга уланиш 👇 :
https://t.me/joinchat/AAAAAFB59SM9yhwXJGeW_g

XazonRezgi (Official Channel)

30 ноября 2024 07:22

Бир гуноҳ қилганингда дарҳол тавба қил! Инсон сувга тушгани учун эмас, сувдан чиқмагани учун чўкади.

✍️ Мавлоно Румий

@xazon_rezgi

XazonRezgi (Official Channel)

29 ноября 2024 18:35

#СЕНСАН_СЕВАРИМ

" У тараф"дан зумда жавоб СМСи келди :

- Янги ёрни топганда эскидан кечмоқ керак ...

- Бўлмаган гап ,- жавоб ёзди Қаҳрамон, - сен қайда-ю, у қайда? Иркит ўрдакни нафосатли оққуш билан тенглашганини қаерда кўргансан? Уни , буни қўй , ундан кўра бир оғиз "кел" де, бормаганимни кўрасан. Қолган гапни кейин гаплашамиз. Сенга хушхабарим бор. Қушчамиз аста- секин қўлимиздаги дондан чўқий бошлади. Яқинда бутунлай гаҳ десак қўлимизга қўнадиган бўлади. Ана ундан сўнг иккимиз учун таралло, ялло, ялло-да , асалим!

- Сиз билан бутун умр бирга бўлиш учун кўксимга ҳанжардек санчилаётган мана шу рашк азобига чидаяпман-да , жооооон...

- Вааах, жооон деган тилларингдан. Шу муомалангдан кейин ҳам уйда қолсам эркакмасман. Ухлаб қолма , шес секундда ёнингда бўламан...

- Сизсиз кўзимга уйқу келармиди , кутаман жоооон...

Қаҳрамон ортиқ хабар ёзишга тоқат қила олмай , эшикка йўл олди ...

▪️▪️▪️

Эртаси куни айтилган вақтда дадасини "соғиниб" қаршилаган Шаҳноза унинг ёнида Катя опасини кўриб бироз тараддудланди-ю , аммо ўзини тезда қўлга олди.

- Кууууп яшааа , кизим,- деди Катя опа Шаҳнозани бошига ҳаррир ёпинчиқ ёпиб қилган саломидан завқланиб,- якши угил-кизлар берсииин...

- Раҳмат Катя опа ,- деди Шаҳноза жилмайганча ,- бизникига келиб зўр иш қилибсиз. Сизларни жуда соғинибман. Дадам ва сизни .

- Кечга томон Назира бувингилар келишаркан,- деди Ғулом ака қизининг кўринишидан кўнгли тўлиб,- бирга юринг десам , аввал Сизлар бафуржа дийдорлашиб олинглар дедилар.

- Дадажон , сизни ёлғиз қолиб кетдингиз деб кўнглим ҳижил эди,- деди Шаҳноза отасига пиёладаги чойни тутар экан ер тагидан синчков назар ташлар экан, - Катя опам сираям ёдимда йўқ эдилар. Энди ҳотиржамман,- у шундай деб Катя опага қаради,- Катяпа, сизни ойижоним ҳам бирам яхши кўрардилар , энди уларни йўқликларини билдирманг илтимос .

- Хуп, қизим,- деди Катя опа соддалиллик билан,- Гулямдан хаватир алма.

- Қаҳрамонжон қани қизим, кўринмайди ?

- Куёвингиз сизга ўхшайди , дада, эрта сахардан ишга кетганлар.

- Шундай де,- нафаси ичига тушди Ғулом аканинг ва хаёлидан "Ишқилиб бу яна эски улфатларини топиб олмаган бўлсин-да" деган фикр ўтди ва охирги сўзларини димоғида айтди ,- ха ундай бўлса яхши...

- Дада , илтимос менга битта қўл телефони олиб беринг. Янги сим картаси билан. Ёдингизда бўлса ўзимнинг телефоним тўйдан аввал ҳовлимиздаги ариқчага тушиб кетган эди...

Шаҳноза Жаҳонгирдан аччиқланиб аввалги телефонини сим картасини атай олиб улоқтирганини, сўнгра телефонни ариқчага ўзи ташлаб қўйганини эслади .

Ғулом ака қизига қараб маънодор қош қоқди:

- Ҳаа албатта,- у шундай деб чўнтагидан яп- янги телефон олиб Шаҳнозага тутқазди,- бунинг учун Катя опангга раҳмат десанг ҳам бўлади . У сенга телефон кераклигини ёдимга солди. Телефон фойдаланишга тайёр.
Шаҳноза телефонни олар экан ҳар икки меҳмонига "чин кўнгил"дан ташаккур билдиришни унутмади.

Икки соатларда Ғулом ака билан Катя опа Шаҳноза билан қуюқ хайрлашиб ўрниларидан қўзғалишди.

Шаҳноза меҳмонлардан бўшаган хонада янги телефонни қўлига олди :

" Сўнгги икки кунда шунчалар кўп сирлар очилди- ки ,- ўйлади у таниш рақамларни бирма- бир терар экан,- энди булар Жаҳонгир акага ҳам бирор ҳунар кўрсатмаганига ишонмайман. Икки кун аввал Қаҳрамон ака ҳам "Анави талаба йигит билан учрашиб юргансан" деганди. Менимча Жаҳонгир аканинг тўсатдан мендан воз кечиши бекорга бўлмагандиров. У бечорага ҳам мен тўғримда қанча уйдирма тўқигандир булар?! Қаҳрамонига ҳам барибир ишонмайман. Дадамни ёмон дегани билан ўзи ҳам оппоқ эмас...

Жаҳонгир ака, кўтарсангиз-чи телефонни ? Мен бор ҳақиқатни билишни истайман..."

Муаллиф: Хазонрезги

@Xazon_Rezgi /31

XazonRezgi (Official Channel)

01 декабря 2024 17:32

Аёлимнинг озгина кайфияти йўқ эди. Унга баъзида "Сизни яхши кўраман" деб хабар юбориб тураман. Бугун шу хабарни контактдан юборишда "Онаси"га юбораман деб, "Онам"га юборворибман.

Ташқарига чиқиб келсам, онам 6 марта қўнғироқ қилибдилар. Дарров қўнғироқ қилдим. Қалтираб хавотирда тинмай соғлигимни сўраяптилар. "Хеч бунақа ёзмасидинг" дейдилар... Тинчлантирдим. Шунақа ёзгим келганини айтдиму, шу хабарни нега ҳеч онамга юбормаганман ёки охирги марта қачон ўзларига айтганман деб, ўзимни койидим.

Ростдан ҳам, шу сўзни ҳар куни ҳамма яқинларимизга айтишимиз керак, айниқса онамизга..!

©интернет

Оқшомингиз осуда ўтсин, яхшилар...

@xazon_rezgi

XazonRezgi (Official Channel)

01 декабря 2024 15:29

Оқшомингиз осуда ўтсин...

Каналга обуна бўлинг 👇 :
https://t.me/joinchat/AAAAAFB59SM9yhwXJGeW_g

XazonRezgi (Official Channel)

01 декабря 2024 15:27

#СЕНСАН_СЕВАРИМ

уларни кечгача топиб келишини айтиб , Шаҳнозани квартирага ташлади-ю , ўзи Ғулом аканинг бош офисига кетди. У бугунги "янгилик"дан сўнг отни тезроқ қамчиламаса бўлмаслигини тушуниб етган эди.

- Ҳа Қаҳрамон , бормисан ? - Ғулом ака Қаҳрамонни кўнгли илиб қарши олди ,- кейинги вақтларда кўринмай қолдинг ? Тинчликми ? Шаҳноза яхшими ?

- Ассалому алайкум ,- Қаҳрамон Ғулом ака билан қўш-қўллаб кўришар экан ўзича изоҳ берган бўлди, - бизлар яхшимиз , дада. Қизингиз ҳам яхши юрибди. Кейинги пайтларда ўзимни ишларим кўпайиб кетди. Кир ювиш воситалари ишлаб чиқарадиган цехнинг ишлари кенгаядиган бўлиб турибди. Ҳамкорлардан яхши таклифлар келиб тушяпди. Шунга бош директор сифатида сизнинг имзоингиз керак бўлиб турганди.

Ғулом ака Қаҳрамонни тинглай туриб мийиғида жилмайди :

- Буни қара , икковимизнинг дардимиз бир чиқиб қолди-ю ? - у шундай деб столи тортмасидан ичи турли қоғозлар билан тўлдирилган перфафайл олиб Қаҳрамоннинг олдига ташлади:

- Бу ерда тасарруфимдаги кўчмас мол- мулк , ишлаб чиқариш цехлари ва дўконларнинг сенинг номингга ҳадя сифатида ўтказиб бериш ҳужжатлари . Мен билан нотариал идорага бориб гувоҳлар иштирокида қабул қилиб олиш учун бир неча жойига имзо чекиб келишинг қолди холос.

Қаҳрамон учун бу ҳол кутилмаган эди. У ҳурсандчиликдан ёйилиб кетган оғзининг танобини бир амаллаб йиғиштириб олишга ҳаракат қилиб , сипогина жавоб қайтарди :

- Бу нарсалар менда бўлди нима-ю, сизда бўлгани нима эди ? Жуда шошилинч эмас эди , дада...

- Қўявер , мен шуни ҳоҳладим. Шунда ҳотиржам бўламан,- деди Ғулом ака , - қани кетдик , ишни битирсак охиригача битирақолайлик.

▪️▪️▪️

Шаҳнозанинг ҳомиласи етти ойликка яқинлашиб қолди. Шаҳноза ҳомиладорлигини Қаҳрамонга маълум қилгандан буён эри анча ўзгариб қолди. Шу чоққача Шаҳнозани шифокор текширувига ўзи олиб боради , ўзи олиб қайтади. Шаҳноза "ҳиссиз" эрининг нима учундир бундай меҳрибон бўлиб қолганига ажабланади. Кўнгил учун бир оғиз "Нима ейсан , нима ичасан?" деб сўрашга ярамайдиган , ширин сўзини аяйдиган эрининг ўзининг "Шифокорга бораман" деганда оёғи куйган товуқдек типирчилаб қолишига ҳайрон қолади Шаҳноза.
Ҳомиладорлик сабаб Шаҳноза анча қийналди. Назира бувининг айтиши бўйича "Одамдан одамнинг бунёд бўлишининг ўзи бўлмасмиш" . Улар яна "Раҳматли Раънохон сенга ҳомиладорлигида тўққиз ой бошқоронғилиги тарқамаганди. Сув ичса сувни қайт қиларди бояқиш. Сен дунёга келгунингача озиб- тўзиб чўпдек устихони қолганди. Сенинг ҳомиладорлигинг ойингники билан солиштирганда анча яхши ўтаяпти" дея юпатган бўларди.
Қаҳрамон қабулига олиб борадиган доктор хоним ҳар сафар Шаҳнозани обдон тинглаб , керакли муолажаларини ёзиб бергач бўлажак она ўзини анча енгил ҳис қилар эди.
Шаҳноза иштаҳаси яхши бўлмаса ҳам бўш қолди дегунча уйқудан бош кўтарай демасди. Тўлачадан келган гавдаси ҳомиладор бўлгач тол ҳипичдек нозиклашиб кетди. Яхшиям Назира буви бор экан. Унинг ғамини шу аёл ер , тез- тез "Бечора етим қиз , шундан ҳол сўрайдиган бирор яқин дардкаш аёл бўлмаса" дея куйиниб гоҳ Ойдинни , гоҳ Нилуфарни Шаҳнозадан хабар олиб келишга ундар эди.
Шаҳнозани энди на дадасининг кирдикорлари , на Қаҳрамоннинг пана-панада қилиши мумкин бўлган ишлари қизиқтирмай қўйган , бир вақтлар "Жаҳонгир билан боғлиқ воқеаларни тагига албатта етаман" деган ниятини амалга оширишга ҳафсаласи қолмагандек эди.
Ғулом аканинг мол- мулки ва давлати ўз қўлига бутунлай ўтиб бўлгач Қаҳрамон ҳам бир баҳона топиб Шаҳнозанинг жавобини бирваракай бериш ҳаракатига тушиб қолган , аммо бунинг учун Зарина билан кайф-сафодан вақт орттира олмаётган кезлар эди.
Шундай кунлардан бирида Шаҳнозадан йўл-йўлакай хабар олиб кетишга кирган Нилуфар келинойи уни уйда оғриқдан ғужанак бўлиб инграб ётганининг устидан чиқиб қолди .

- Вой ўлмасам, - Қаҳрамон телефонини кўтармагач, вахима ичида қолган келинойи дарҳол тез ёрдамга қўнғироқ қилди.

Тез ёрдам шифокорлари Шаҳнозага оғриқ қолдирувчи укол қилишди-ю ,

@Xazon_Rezgi /39

XazonRezgi (Official Channel)

01 декабря 2024 15:27

#СЕНСАН_СЕВАРИМ

Муаллиф: Гулбаҳор Рахматуллаева (Хазонрезги)

17- қисм

- Майли розиман ,- айни дамда Жаҳонгир таваккал қилишга ботинди,- баҳонада  шаҳар айланиб келишгаям имкон топиларкан. 

    Эртаси куни келишилган вақтда Мансур ака ва Жаҳонгирни Сашанинг йигитлари олиб кетишди. Жаҳонгир тайин қилинган зиёфатга юраги бетламайроқ борган эди. Бироқ борган жойидаги сокинлик ,   ходимларнинг чиройли муомаласи ўзига бўлган ишончини ортишига сабаб бўлди . Жаҳонгир Мансур ака билан бирга меҳмонлар учун кичик порцияларда тортиш учун   палов дамлашга зирвак тайёрлаб қўйганларидан сўнг, сомсага ҳаракат бошладилар.  Уй эгаси худди ўзбекларникидек ҳовлисининг бир четига тандир қурдирган экан. Тандирнинг ички тарафи ростмана тандирга ўхшаш бўлсада , усти тарафи кафель бўлакчаларидан антиқа дизайнда ишланган экан. Тандир ўтин билан эмас , газ  билан қиздирилар экан.  Ўша тандирда сомса ёпдилар.
    - Жаҳон, биз томонларда "Бекнинг иши бежоғлиқ" деган гап бор эшитганмисан ? - Мансур ака Жаҳонгир бошини "ҳа эшитганман" деб силкиб қўйгач , завқланиб давом этди,- бу гап манавиларга ҳам тегишли экан. Қара , уй эгаси ҳар бир ишни дид билан бажартиришни хуш кўрар экан.

    Шу куни уй эгаси Петр Евдокимовичнинг қизи Настья ўн  ёшга тўлиши муносабати билан ўтказилган зиёфат тушдан бошланиб  кеч соат йигирма иккиларгача давом этди. Меҳмонлар ўзаро давра бўлиб турли мазмунда дилдан суҳбат уюштирдилар. Байрамона тушликдан сўнг аёллар учун таниқли хонандалар концерт қўйиб берган бўлсалар , эркаклар бинонинг  махсус жиҳозланган хонасига йиғилиб билярд ўйнадилар. Қизалоқ Настья учун алоҳида таклиф этилган ўғил ва қиз болаларга ташкилотчилар томонидан  алоҳида кўнгилочар шоу-ўйинлар ташкил қилинган эди.
     Шу куни Жаҳонгир билан Мансур акадан ташқари яна ўн икки нафар ошпаз ва ёрдамчилари хизматга шай бўлиб  турли халқлар ошхонаси таомлари ҳамда ичимликларни кетини узмай меҳмонларга тортиб турдилар.
     Меҳмонлар тарқалгач Саша хизматда бўлганларга иш ҳақини  келишилгандан анча ортиқ қилиб тарқатди.
    - Устидаги устамаси келишилган вақтдан уч  соат ортиқ қолиб кетганингиз учун,- деди у ўзига ҳайрон боққан Жаҳонгирга қараб ҳотиржам оҳангда.
    - Инсофли бой-да шу Пётр ,- деди Мансур ака уйга қайтишар экан,- қалай бугунингдан кўнглинг тўлдими , йигит ? Хуллас , Мансур аканг бир нима деса "хўп бўлади" десанг кам бўлмайсан.

   - Хўп бўлади,- деди Жаҳонгир ҳозиржавоблик билан . У кечгача тик оёқда турган бўлса ҳам кайфияти кўтаринки эди. Кўтаринки бўлмасинми ? Ахир салкам бир ой ишлаб топадиган пулини бир кунда топган бўлса.

     Жаҳонгир икки ой ичида яна уч қайта  бирда Мансур ака , бирда тоғаси Каримберди ака билан биргаликда  Пётр Евдокимовичнинг турли манзилларидаги меҳмондорчиликларида хизмат қилиб анча пишиб қолди.

    ▪️▪️▪️

      Қаҳрамон олиб борган нервпотолог шифокор йигит Акром  Шаҳнозани атрофлича текширган бўлди-ю , узил- кесил ташхис қўйди:

    - Сизнинг асабларингиз обдон чарчаган. Яхши нарсаларни ўйлаб бафуржа дам олишингиз керак. Керакли дорилар рўйҳатини эрингизга ёзиб бераман .

    Шаҳноза шифокорнинг қабулидан кўнгли тўлиб - тўлмай чиқар экан хаёлидан "Бу Акром деганлари  соғлиғим юзасидан бирорта тайинли янгилик айтмади-я ? Яна ўзини тутиши аллақандай совуққонми-ей ?" деган фикр ўтди.

    Қаҳрамон "дорилар рўйҳати"ни олиш учун  Акромга юзланар экан , шифокор  ўрнидан туриб эшикни яхшилаб ёпилганлигига ишонч ҳосил қилгач дўстига паст овозда жаҳл аралаш важоҳат билан гапира кетди :

    - Сен эс- песингни еб қўймаганмисан , мабодо ? Қизни нима қилдинг ?  Қайнотанг билса сени нимталаб ташлайди !?

   - Ўпкангни бос , Акош ! Нима қилибман мен ? Қайнотам-чи , мени не-не умидда  куёв қилган , нимта  қилиш учун эмас !

   - Бояқишни буткул дорига ўтказиб бўлибсан-ку, аҳмоқ ?! Камига у қиз...

   - Оббо ?! Гапни бунча аччиқ ичакдек чўздинг? - бетоқатланди Қаҳрамон,- бўл тез ажи- бужи қилиб бир нималарни ёзиб бер. Ретцепт деб олиб чиқиб кўрсатаман. Эртадан бошқа дори бераман. Буниси яхши таъсир қилмай қолди ўзи.

@Xazon_Rezgi             /37

XazonRezgi (Official Channel)

01 декабря 2024 13:30

Яқинда эндигина элликка кирган яхши бир акани тупроққа қўйдик. Ичагида яраси бор экан, шу очилиб кетибди. Аммо бу одамни ўлдирадиган дард эмас. Ҳарқалай, қолоқ бўлса ҳам медицинамизнинг бунга ақли етади.

Бироқ марҳум шифохонага бормаган.
— Нега шифохонага олиб бормадингизлар?
— дедим ҳайрон бўлиб.

Аёли ерга қарайди
Болалари онасига хўмраяди.
Бир амаллаб масаланинг тагига етдим.

Ака яқинда набирали бўлибди. Тўнғич қизи ўғилли бўлиб, шунга бешик тўйи олиб бориши керак экан. «Бешик тўйи»нинг харажати катта эмиш.

«Агар мен касалхонага тушиб қолсам тўй беролмай қоламиз», деб ота шўрлик шифохонага бормаган ва бир ҳафта давомида қон туфлаб юраверган.

— Бир неча марта айтдим, лекин ҳар сафар: «Қудаларнинг олдида уятли бўлиб қоламиз, қизингнинг кўнгли ўксийди», деб бормадилар, — дейди аёли.

Хуллас, шу одам ўлди. Бир тийинга қиммат анъанани, бемаврид ғурурни деб ўлиб кетди.
Муҳтарам ўзбеклар, тўйлар фожеасидан қачон қутилади?

Қачон эс киради бизга? Биз қачон тонналаб гуруч дамлаб тўй қилишнинг фазилат эмаслигини тушунамиз?

Абдуллоҳ Зиё


Каналга аъзо бўлиш
http://t.me/xazon_rezgi

XazonRezgi (Official Channel)

01 декабря 2024 10:59

Asallarim solixalarim Ilm oling o‘rganing xatimga qatnashing USTOZA MISR DAVLATIDA ÚKIGAN AL - AZXARNI TAMOMLAGAN IJOZA BЕRAMIZ BITIRSANGIZ MAXRAJ TAJVID KURON XATIM QILIB QIROAT KILISHNI XOXLASANGIZ úrgatiladi
IBODATUL ISLOMIYA darslarimiz bugundan boshlanadi ☝️☝️mutloko bepul


🟥🟥KOK YOZUVGA BOSAMIZ🟥🟥


Ilm olishni istagan ayollarimiz uchun ajoyib imkoniyat eng muhimi darslarimiz mutlaqo bepul tezda qo‘shilib olinglar👇👇

XazonRezgi (Official Channel)

01 декабря 2024 09:47

АЁЛНИНГ ЖОНИ

Шоди уйланадиган бўлди . Бегонага эмас. Холасининг қизига.
Назира Шодининг кичик холасининг қизи эди. Азалдан Шодининг онаси Рихси опоқининг хонадонида бегонадан қиз олинмас эди. Бир неча йилларки (балки асрлардир, ким билсин) қариндошдан қиз олиниб , қиз берилар, кези келганда "Шунча йиққан , терганларимиз роҳатини бегоналар кўрсинми?" деб писанда ҳам қилиб қўйиларди. Йиққан , терган ҳам бор бўлсин , кошки дунё хазинасининг бир қисми бўлса ўша зорманда йиққан- терганлар.
Бошқа опа- сингиллардан фарқи ўлароқ Шодининг онасини қаҳри қаттиққина эди.
У синглисининг кўзини оқу- қораси келин бўлиб остона ҳатлаб келмаёқ ўғлини қулоғига ўз билганларини қуйишни бошлаб юборди :
- Аёл кишига эгалик қилишнинг бирдан - бир йўли уни тилини тийиб қўйиш. Аввало яхши гап билан. Бироқ айтиб қўяй, бу усул кўпда фойда бермайди. Энг яхшиси унинг оч биқинига иккита мушт солсанг, қарабсан-ки , хотин демагани пилдир- пис . Қолаверса билмасанг билиб қўй! Эридан калтак еган хотиннинг гуноҳлари калтак еган жойидан дув- дув тўкилади.
Бизни пайтда шунақа одат бор эди . Янги тушган келинни куёв бир баҳона билан калтаклайман деб қувлаб соларди. Агар келин муштдан қочиб жонҳолатда уйнинг ичкарисига қочиб кирса , бундай аёлдан уйим - жойим дейдиган садоқатли уй бекаси , бироқ кўча тарафга қочса , ушбу хонадонга икки дунёда ҳам қони қўшилмайдиган беваъфо аёл бўлади деб ҳисобланган. Кўрдингми , қадимгиларнинг қандай миришкор бўлишганини . Бир мушт билан бир умрлик умр савдосини ҳал қилиб қўяқолишган. Ҳаа, ана шундай .
Хуллас у бўлди , бу бўлди , Шоди Назирани қўлидан тутиб гўшангага олиб киргунча оила қуришга, бўлажак рафиқасининг гуноҳларини дув- дув тўкишга тайёр бўлди.
Бир хафтага қолмай Назиранинг ўнг биқини моматалоқ бўлди. Шодиям аёлнинг киши кўзи кўрадиган жойига мушт соладиган даражада аҳмоқ эмасди. У яна Назирани синаётган эди. Қани калтак еганидан сўнг ўзини қандай тутаркин?
Ёзнинг иссиқ кунида ариқда муздек чой совутиб қўймай биринчи "насибаси"ни олган келинчак чурқ этмади . Кучи милт-милт кўз ёшларига етди халос. Азалдан оғир- вазмин бўлган Назира ўзи каби юввош табиатли онасини кўнглини бузармиди ? Онасига кимни ҳам ёмон дея оларди? Бир қориндан талашиб тушган ўз опасиними?
Ҳаммаси шундан бошланди.
Ээээ яхшилар ... Кўп замонда "Андишанинг оти қўрқоқ" экан. Ана шу дастак туфайли Назира бир , икки ..., уч болали бўлганда ҳам калтакланаверди. Рихси опа билан Шоди Назиранинг онадан туғилгандек пок бўлиши учун гуноҳларини тўкишга ўзи хиссалари қўшганларидан бахтиёр бўлиб яшайвердилар.
Назира гўзал эди. Назира лобар эди. Чаққон ва ўта пазанда эди Назира . Унинг пиширган таомлари оғизда эрирди. Ана шундай шириндан шакар овқатларни еб , раҳматига қайнонасидан қарғиш ғамлаган ҳам шу Назира эди . Назирада ҳар не бор эди, сабр , чидам , матонат... Фақат эрига муҳаббат йўқ эди унда ...
Муҳаббатсиз ҳам яшаса бўлар экан. Назира бор меҳрини фарзандларига бериб яшайверди.
Йиллар давомида фойдаси йўқлигини, бу ишидан бирор маъни чиқмаслигини яхши англаб уйига гап ташимади . Яхшисини ошириб , ёмонини яшириб юраверди. Ахир ўз онасига холасидан шикоят қилиб нимаям барака топарди. Ўртага совуқчилик тушгани бир нави , яна ўзи ёмонотлиқ бўлишини яхши биларди у, сабаби қайнонаси бутун уруғ-аймоқнинг энг каттаси, дегани деган, айтгани айтган эди.
Шоди қиз чиқариб , келин тушириб ҳам эсини йиғмади . Онасининг измидан чиқмади. Қуда - андали Назирани келинини олдида ҳам муштлайверди. Яхши-ки ёлғиз ўғли ўзига тортмади. Бир умр кўз ўнгида онасининг ҳизматига яраша "гуноҳлари тўкилиб" яшаганини ҳазм қила олмаган ўғил хотинини муштлаш у ёқда турсин ақалли чертмади. Бунга сайин бувиси ва отаси бор аламни яна онасидан оладиган бўлишди.
Кўза кунда эмас , кунида синар экан. Кунлардан бирида келинига уйга боришга қайнотасидан сўрамай руҳсат бергани учун навбатдаги мушт билан сийланган Назира ошхона остонасида қалтис турган экан, мушт зарбидан ташқарига отилиб кетди.

@Xazon_Rezgi

XazonRezgi (Official Channel)

30 ноября 2024 15:35

​#СЕНСАН_СЕВАРИМ

     Демак , дадам !?

     Наҳотки бу ишларни барини уюштирган  ўз дадам бўлса ?! Биргина мени Қаҳрамон акага турмушга бериш учун Жаҳонгир ака ва унинг оиласига нисбатан шунчалик бағритошлик қилишлари мумкинми ?
    Аммо , бу воқеаларда бир жиҳат ноаниқ бўлиб қоляпти. Қаҳрамон аканинг айтиши бўйича дадам мендан силлиққина қутилиш учун унга турмушга берганмиш. Қаҳрамон аканинг отаси яқин дўсти бўлгани ҳақидаги ҳикояси уйдирма бўлса , мени унга узатишдан дадамга нима наф эди ? Ундан кўра мени  Жаҳонгир акага узатгани маъқул эмасмиди дадам учун ?
    Йўқ , бу ерда бошқа сир борлиги аниқ . У шундай сирки дадам ва Қаҳрамон акага тегишли . Нима экан-а ўша сир ? Ҳойнаҳой,  Жаҳонгир аканинг кўз юммай йўлдан олиб ташлаш режасини ҳам ҳар икковлари тузишган бўлишлари эҳтимолдан ҳоли эмас .

    Иммм... Яна бошимга оғриқ тура бошлади. Ўзи кейинги вақтларда ана шу хапдори ҳам  таъсир қилмай қўйди. Қаҳрамон ака эса шифокор дўстимга олиб бораман деб гапни калта қилди. Бўлиб ўтган ишлардан хабар топгач , унга соғлиғимнинг қизиғи борлигига ҳам  ишонмай қолдим. Ўзим борсаммикан шифокорга ? "

   - Шаҳноза , нималарни бунча узоқ ўйлаб қолдинг ?

   Ойдиннинг саволи Шаҳнозани хушига келтирди .

    - Йўқ , ўзим , - деди Шаҳноза ва кетишга тутинди ,- Ойдин , сенга раҳмат. Қара шунча воқеалар бўлиб ўтибди . Мен  эса баридан бехабар ўзимча Жаҳонгир акадан хафа бўлиб юрган эканман. Энди эса ўзимдан уялиб ва нафратланиб кетяпман,- у Ойдинни маҳкам бағрига босди,- бу ёғига  узилишиб кетмайлик, дугош.  Сенга ўзим қўнғироқ қиламан.

       Ҳозир эса,- хўрсинди Шаҳноза,- ёлғиз қолмасам бўлмайди ...

     ▪️▪️▪️

    - Жаҳон полвон ,  қўшимча пул ишлашга тобинг қалай ? - сўради Мансур ака иш тугашига икки соат қолганда ,- ё ҳа де , ё йўқ. Бўл вақт зиқ!

   Жаҳонгир унинг гапининг хазил - жиддийлигини била олмай тикилиб қолди. Мансур ака эса юзининг бир туки қимирламай кўзлари кулиб тураверди. 

   - Пулнинг ортиқчаси бўлмаса керак ,- деди Жаҳонгир ахир жавоб қайтаришни эп кўриб ва давомига қўшиб қўйди ,- айниқса менинг мисолимда.

    - Яшша ота- ўғил ! Мард йигит гапни чувалаштирмай шунақа шарт кесади,- завқланиб кетди Мансур ака , - хуллас эртага иккимизнинг дам оладиган кунимиз. Бизга эса зўр , ҳамёнбоп таклиф тушган. Гапнинг индаллоси шаҳарнинг манаман деган бизнесмени Пётр Евдокимович эртага шаҳар четидаги уйида қизининг туғилган кунини нишонлар экан. Таклиф этилган меҳмонлар орасида Чеченистонлик қадрдонлари ҳам бормиш.  Ана ўша меҳмонларга ош, кабоб , сомса деганларидек таомларимиздан тайёрлаб беришимиз керак экан. Хуллас , Пётр Евдокимович меҳмоннавозлиги билан  уларни қойил қолдирмоқчи экан. "Таомларингиз уларникига ўхшаб кетади- деди унинг ёрдамчиси  Саша, - агар ташриф буюрувчиларни кўнглини ололсангиз хўжайин бошингиздан зар сочиши тайин"
    Хуллас зиёфатнинг охири "Тила тилагингни"  бўлиши мен ва сенинг маҳоратмизга боғлиқ.
    - Билмадим , Мансур ака ,- елка қисди Жаҳонгир ,- гапингиздан уларнинг баланд оҳур эканлиги сезилиб турибди   , борди-ю , кўнгилларини ололмасак кунимизни кундан кўриб қолишимиз ҳам ҳеч гап эмасга ўхшаяпти. Ундан кейин тоғам нима дерканлар ? Улардан бир оғиз сўрамасдан...

   - Вей ,сал олдин нима деяётгандинг? Айнима қовунмасмисан мабодо?!  
    Тоғанг нима дерди ? "Эркак бўл мундоқ" дейди-да уям. Ундан кейин қўрқма , у ерда ҳизмат қиладиган  ошпаз халқи бир биз бўлмаймиз. Биздака составдан камида бештаси хизматда бўлади у ерда,- Мансур ака шундай деб қўлларини артган сочиқни жаҳд билан дастурхонга ташлади ,- тезроқ бир қарорга кел. Йўқса Нозимни гаплашиб кўраман. Униям эртага бўш куни экан...

#давоми_бор

Муаллиф:    Хазонрезги

@Xazon_Rezgi            /36

XazonRezgi (Official Channel)

30 ноября 2024 15:35

#СЕНСАН_СЕВАРИМ

Муаллиф: Гулбаҳор Рахматуллаева (Хазонрезги)

16- қисм

   Қаҳрамон ўзи айтгандек бир эмас, балки икки соатларда уйга қайтди.

    - Тайёрмисан ? - деди у ўзига ҳайрон термулган Шаҳнозага терс оҳангда,- тезроқ отланақол бўлмаса. Ишхонада иш чиқиб ушланиб қолдим. Шунга бироз кеч қолдим. Ҳали яна йўлга чиқмасимиздан чақириб қолишмаса гўрга эди.

    Шаҳноза унга жавоб қайтармай тез- тез отланақолди.

   - Қаҳрамон ака, - деди у машинага ўтирар экан,- ишингиз кўп бўлса мени  дадамларнинг дала ҳовлиларига ташлаб келақолинг. Кечгами ёки эртагами олиб қайтарсиз. Ўша жойларни ҳам соғингандим. Шу сафар дала ҳовлига борақолай.

    Қаҳрамон Шаҳнозага жавобан индамади. Бироқ шаҳардан чиқаверишда рулни у айтган манзилга бурди.
    - Қачон олиб кетишимни телефон қилиб айтарман,- деди Қаҳрамон йўлдан кўзини узмай,- вазиятга қараб иш қиламан-да.

     "Шу бўйи даф бўлиб кетсанг ҳам кошки эди" деб ўйлади Шаҳноза бироқ ташида сир бой бермай "Яхши , қўнғироғингизни кутаман" деб қўяқолди.

    - Дорингни олиб олганмисан ? Яна дала ҳовлига бориб "Мазам бўлмаяпти" деб чақириб олмагин.

   - Ҳаа олганман. Айтганча ўзи кам қолди . Уч кунга етадиган. Ҳадемай тугаб қолади. Қаҳрамон ака?

   - Нима ?

   - Мана салкам бир ойдан буён шу дорини ичяпман. Аммо оғриқлар ўтиб кетмаяпти. Яхши бир клиника топиб кўринсам дегандим. Ахир бир умр дорини асири бўлиб юролмайман-ку? Ёки дадамга айтсаммикан ?

   - Дадангни сендан ҳам бошқа қиладиган ишлари кўп. Қўй кайфини бузма. Бир ёқда Катя опангга ҳам ортиқча минғиринг  ёқмайди. Ҳозирча уларни ўз ҳолига қўйиб турамиз деб келишгандик-ку. Шу уч кун ичида сени ўзим шифокорга кўрсатаман. Зўр нервпотолог танишим бор.

   - Хаа майли ,- деди Шаҳноза бўшашибгина,- шу дорини ичиб иштаҳам ҳам бўлмаяпгандек. Сўнгги кунларда кўнглим ҳам айниб турибди. Ўзимча дорини керагидан ортиқ ичиб юбордим деб ўйлаяпман.

   - Уфф , нима қил дейсан яна ?!  Ортга қайтиб шифокорга олиб борайми ?- тажанглиги ортди Қаҳрамоннинг , - ҳа десанг ҳозир машинани бураман .

  - Йўқ, йўқ ,- дарҳол эътирозга шошилди Шаҳноза,- аввал дала ҳовлига бориб келайлик , кейин шифокорга кўринаман. Балки у ерда ҳаво алиштириб анча енгил бўлиб қоларман.

     Қаҳрамон Шаҳнозани дала ҳовли эшиги ёнида қолдириб ўзи шаҳарга қайтиб кетди. Шаҳноза унинг ортидан қўл силтаб қолди-ю, машина кўздан йўқолиши билан Ойдинларникига йўл олди.

    Бахтига Ойдин уйда экан . Икки дугона айланиб, ўргилиб кўришдилар:

    - Сендан хафаман , нега тўйимга бормадинг? - гина қилган бўлди Шаҳноза , - ёки ўзи келиб айтмади деб аразладингми ?

   -Тўй ?! - ҳайрон бўлиб ўзини ортга ташлади Ойдин,- тўйим дейсанми ?  Қачон , кимга турмушга чиқдинг?

    - Ииее , ахир сенга дадамнинг ёрдамчилари Маъруф ака таклифнома олиб келиб бермадими ? Тайинлаб айтгандим, хўп деганди.  Ярамас , - астойдил  жаҳли чиқди Шаҳнозанинг, - кап- катта эркак кўзини бақрайтириб "Бўлди , таклифномани бердим" деганди. Ҳали шошмай турсин.

   - Қўнғироқ қилиб қўймабсанда ,- бўшашди Ойдин, - ўзинг ҳам негадир жимиб кетдинг ? Қўнғироқларимга жавоб ҳам қайтармадинг?

   - У телефоним ишдан чиққан эди , янгисини эса шу кунларда олдим. Аммо тўғрисини айтсам рақамингни ёдлаб олмаган эканман,- хўрсинди Шаҳноза.

   - Хаа ,- деди Ойдин ва жонланганча сўради,- менга қара дабдурустдан кимга турмушга чиқиб кетдинг ? Мен учун кутилмаган хабар бўлди-да бу хабар.

   -  Эй сўрама... Ўзим учун ҳам бари кутилмаганда бўлди . Мен ўша сен танийдиган  Қаҳрамон акага турмушга чиқдим .

   - Вой ,  Жаҳонгир-чи ? - Ойдин саволни беришга бериб қўйиб  беихтиёр тилини тишлади ,- узр мен ўйлабман-ки , иккингиз бир-бирингизга бефарқ эмассиз деб ...

   Ойдиннинг саволидан Шаҳнозанинг ўпкаси тўлиб кўзларига ёш қалқди :

    - Жаҳонгир аками ?  Улар менга "совчи қўяман" деб ... Биз охирги марта кўришганда улар бизникига ойиларини совчиликка юбормоқчи эканликларини айтгандилар .  Турмушга чиқишимни сўрагандилар. Мен бўлсам ...

   - Нима сен бўлсанг ? - таажжубланган Ойдиннинг овози баландроқ эшитилди .

@Xazon_Rezgi           /34

XazonRezgi (Official Channel)

30 ноября 2024 15:35

Оқшомингиз осуда ўтсин...

Каналга обуна бўлинг 👇 :
https://t.me/joinchat/AAAAAFB59SM9yhwXJGeW_g

XazonRezgi (Official Channel)

30 ноября 2024 13:59

🌼🌺🌸🍀🌼🌸🌺🍀🌼🌸🌺🍀🌼🌸

СИЗГА ҚАЙСИ ГУЛ ЁҚАДИ?
ЁҚТИРГАН ГУЛИНГИЗНИ ТАНЛАНГ ВА ЧИҚҚАН НАТИЖАНИ ЎЗИНГИЗГА САҚЛАБ ҚЎЙИНГ

XazonRezgi (Official Channel)

30 ноября 2024 12:59

- Тинчликми? Нима бўлди? Нега “ўламан” дейсан? – мунғайибгина сўради Зилола.
- Сени деб бўляпти, ҳаммаси. Ўша “контракт” пулингни тўлаб, қарзимизни узган чол бугун менга совчи бўлиб келяпти. Шуларнинг эвазига менга ўйланмоқчи! – йиғлаб юборди Гулҳаё.
- Нима?! – кўзлари чиқиб кетгудек бўлди Зилоланинг. – Ўзи айтдими?
- Ҳа, бугун совчиликка келади.
- А-а-а? Нега шуни айтмадинг, менга? Нега индамай юрибсан? – жаҳли чиқиб кетди Зилоланинг.
- Нима дей? – кўз ёшларини артиб деди Гулҳаё.
- Шартнома пулини тўлаганим учун, менга тег, дедими?

АСАРНИ ТЎЛИҚ ЎҚИШ 👇👇👇

XazonRezgi (Official Channel)

30 ноября 2024 10:59

Kiyim tiktirmoqchisizu fason topolmayapsizmi? Kiyimlaringizga  hamma havas qilishini istaysizmi? Sizga bir kanal tavsiya qilaman eng zoʻri shu kanal👗
👇   👇   👇   👇
👗Faqat modaga qiziquvchilar kirsin
👗Faqat modaga qiziquvchilar kirsin
👗Faqat modaga qiziquvchilar kirsin

╔═🌿══════╗
       F A S O N 👗🪡
╚══════🌿═╝

Chevarchilikka qiziquvchilar uchun kanalni zoʻri bu yerda
👇 👇 👇 👇 👇 👇
╔═ 🌿═════╗
 BEPUL DARS👗🪡
╚══════🌿═╝

XazonRezgi (Official Channel)

30 ноября 2024 05:59

👩‍🦰—❤️‍🔥𝑬𝒓𝒊𝒎 𝒎𝒆𝒏𝒊 𝑫𝒖𝒃𝒂𝒚𝒈𝒂 𝒔𝒂𝒚𝒐𝒙𝒂𝒕𝒈𝒂 𝒐𝒑𝒌𝒆𝒕𝒚𝒂𝒑𝒕𝒊😍, 𝒊𝒔𝒉𝒐𝒏𝒂𝒔𝒂𝒏𝒎𝒊 𝒅𝒖𝒈𝒐𝒏 𝒙𝒂𝒓 𝒌𝒖𝒏𝒊 𝒈𝒖𝒍𝒍𝒂𝒓, 𝒔𝒐𝒗𝒈'𝒂𝒍𝒂𝒓 𝒐𝒑𝒌𝒆𝒍𝒂𝒅𝒊, 𝒑𝒖𝒍 𝒔𝒐'𝒓𝒂𝒔𝒂𝒎 𝒋𝒂𝒙𝒍 𝒒𝒊𝒍𝒎𝒂𝒔𝒅𝒂𝒏 𝒐𝒓𝒕𝒊𝒈'𝒊 𝒃𝒊𝒍𝒂𝒏 𝒃𝒆𝒓𝒚𝒂𝒑𝒕𝒊. 𝑺𝒉𝒖𝒏𝒂𝒒𝒂𝒚𝒂𝒎 𝒃𝒂𝒙𝒕𝒍𝒊𝒎𝒂𝒏 𝒙𝒖𝒅𝒅𝒊 18 𝒚𝒐𝒔𝒉𝒈𝒂 𝒒𝒂𝒚𝒕𝒈𝒂𝒏𝒅𝒆𝒌𝒎𝒂𝒏 🥰

👩‍🦱—𝕐𝕒𝕢𝕚𝕟𝕕𝕒 𝕟𝕠𝕝𝕚𝕓 𝕪𝕦𝕣𝕠𝕕𝕚𝕟𝕘𝕜𝕦, 𝕖𝕣𝕚𝕞 𝕓𝕖𝕖'𝕥𝕚𝕓𝕠𝕣, 𝕘𝕦𝕝 𝕥𝕦𝕘𝕦𝕝 𝕤𝕠'𝕣𝕒𝕘𝕒𝕟 𝕡𝕦𝕝𝕚𝕞𝕟𝕚𝕪𝕒𝕞 𝕓𝕖𝕣𝕞𝕒𝕪𝕕𝕚 𝕕𝕖𝕓 🙄

👩‍🦰—𝑬𝒉𝒉 𝒐'𝒓𝒕𝒐 𝒙𝒂𝒎𝒎𝒂𝒔𝒊 𝒐'𝒛𝒊𝒎𝒅𝒂 𝒆𝒌𝒂𝒏. 𝑻𝒆𝒍𝒆𝒈𝒓𝒂𝒎𝒅𝒂 𝒃𝒊𝒓 𝒌𝒂𝒏𝒂𝒍 𝒕𝒐𝒑𝒗𝒐𝒍𝒅𝒊𝒎,  𝒔𝒉𝒖𝒏𝒂𝒒𝒂𝒚𝒂𝒎 𝒛𝒐'𝒓 𝒏𝒂𝒓𝒔𝒂𝒍𝒂 𝒐'𝒓𝒈𝒂𝒕𝒅𝒊, 𝒎𝒂𝒏𝒂 𝒏𝒂𝒕𝒊𝒋𝒂𝒔𝒊𝒏𝒊 𝒌𝒐'𝒓𝒊𝒃 𝒕𝒖𝒓𝒊𝒃𝒔𝒂𝒏 💃🥳

👩‍🦱—𝕄𝕒𝕟𝕘𝕒𝕪𝕒𝕞 𝕓𝕖𝕣𝕔𝕙𝕚 𝕝𝕚𝕟𝕜𝕚𝕟𝕚 🥹🙈

👩‍🦰—👇👇𝒎𝒂𝒏𝒂 𝒕𝒆𝒛𝒓𝒐 𝒖𝒍𝒂𝒏𝒗𝒐𝒍 𝒍𝒆𝒌𝒊𝒏 𝒙𝒊𝒄𝒉 𝒌𝒊𝒎𝒈𝒂 𝒂𝒚𝒕𝒎𝒂 🤫❤️‍🔥❤️‍🔥

XazonRezgi (Official Channel)

29 ноября 2024 18:35

#СЕНСАН_СЕВАРИМ

Муаллиф: Гулбаҳор Рахматуллаева (Хазонрезги)

14- қисм

   - Нималар деяпсиз? -томоғига таом тиқилиб энтикди Шаҳноза,- бир аёл деганингиз нимаси ? Ким экан ўша аёл ?

    -У аёл дадангга гап ўргатиб барини бошқариб туради. Икковимизнинг турмуш қуриш режаси ҳам унга тегишли эди аслида.

   - Қаҳрамон ака, менга хаммаси рўйи рост айтинг. Мен барини билишим керак. Ахир дадам ойижонимларни жуда яхши кўрардилар. Уларни шунчалар тез унутишлари мумкинми ?

   - "Эркак киши уйдан етти қадам узоқлашса бўйдоқ" деган гапни эшитмаганмисан? Дадангнинг эса бева бўлиб қолганига ҳадемай уч йил бўлади. Эркак , айниқса пулдор эркак шундоқ юрармиди?

   - У аёлни  мен танимасам керак,- хўрсинди Шаҳноза,- шу сабаб менга барибир энди. Қолаверса унинг айтгани бўлиб бўлди-ку, турмуш ҳам қуриб бўлдик.

   - Дадангни йўлга солаётган аёл унинг курсдоши-Катя опа.

    - Катя опа ? - ажабланиб сўради Шаҳноза ,- ахир улар неча йиллардан буён дўст-ку?!

   - Сенингча шундай . Агар акси бўлмаса даданг сени менга турмушга беришни  бунчалар истамаган бўлармиди ? Қаерда кўргансан эркак билан аёлнинг дўст бўлганини ? Сендан қанча эрта қутилишса шунча барвақт озод бўлишарди. 
    Менга ишонмасанг буларни кўр! - Қаҳрамон телефони орқали Ғулом ака билан Катянинг бирга тушган суратларини кўрсатди .

   - Ахир дадам бир ой ичида иккимизни уйимизга кўчиб бориб яшашимизни айтгандилар, кейин ўзларига тегишли бўлган барча мол-мулкнинг саксон фоизини сизнинг номингизга ўтказиб бераман дегандилар.

   - Саксон фоизи ? Дадангни мол-мулки неча фоиз эканлигини биласанми ўзи ? Унинг Қозоғистон , Туркияда ҳам уйи, ишлаб чиқариш цехлари  борлигини-чи ? Ана кўрдинг ?! Шу оддий маълумотларни билмай туриб битта ҳовли-жой билан арзимаган дўконларни сизга хатлаб берарканлар деб ҳовлиқасан?

   - Хўп , шуларни  менга нима учун гапиряпсиз ? Дадам Катя опага уйланадими , ундан бошқасигами менга энди барибир. Шунча яширган  сирлари бор экан ,  уларнинг ҳам менга қизиқлари йўқ.

    - Эртага келсалар  барча гапдан сени хабардор қилганим учун мени сотиб ўтирмагин тағин. Ҳозирча сир бой бермай,  бахтли келинчак ролини ўйнаб турсанг яхши бўларди.
    - Бу нимага керак ? - ҳайрон бўлди Шаҳноза .

   - Даданг сени хафа ҳолда кўрса режалари ўзгармасин дейман-да , сен туфайли менга ажратган арзимас улушиниям ўша Катясига иноғам қилиб юбормасин тағин. Бизни ажралишимизга  йўл қўйишга  қўймайди-ку, баҳонада тешик тоғоранинг олдида қолиб кетмайлик яна.

    - Яхши ,- гапни қисқа қилди Шаҳноза,-яна бир нимани билмоқчи эдим. Айтинг-чи , сизнинг дадангиз билан дадам ҳақиқатда яқин дўст бўлишганми ? Бир вақтлар бирга бизнес қилишгани ростми ?
   - Ҳой қиз , боятдан бери қулоғингга танбур чертяпманми сени ? Буларни барини режасини Катя опанг тузиб берган. Даданг оддий қўғирчоқ. Ўшанда  захарландим деб йўқ бўлиб кетиб уч кундан сўнг уйга қайтганда ҳам севимли маъшуқасини ёнида шакаргуфторлик қилиб юрганди,- Қаҳрамон навбатдаги ёлғони Шахнозага қандай таъсир қилаётганини билмоқчи бўлиб унга киприк қоқмай  тикилди.

    - Ҳали шунақа денг ?! Ўшанда қанчалар азоб чеккандим-а?- фиғони фалакка чиқди Шаҳнозанинг,- ўз нафслари йўлида мени тақдиримни ҳоҳлаган йўлга буришлари адолатдан эмасди,- у шундай деб қаддини ростлади,- қани кўрайлик-чи бу томошанинг охири нима билан тугар экан ?! Майли дадамларнинг кўнгиллари ҳотиржам бўлақолсин . Эртага келганларида бу ерда ҳаётидан рози энг бахтли келинчакни кўрадилар.

    - Вақти келиб ҳақиқатда ҳаммадан бахтли бўласан,- деди Қаҳрамон ёлғони амалга ошганидан ҳурсандчилиги ичига сиғмай чўнтагидан таниш дори флаконини чиқарди,- мабодо бошинг оғримаяптими ? Мана бу дорини олиб қўй. Фақат бир кунда уч мартадан кўп ичма, хўпми ?
   
    - Бугун атиги бир марта ичдим- у, - Шаҳноза дарҳол флаконни очиб  ичидан бир дона хапдори олиб оғзига солар экан ,-айни вақтида бердингиз-да .
   - Дастурхонни йиғиштириб кириб ухлайқол,- деди Қаҳрамон тантилик билан.

    Шаҳноза стол устини саранжомлаб ётоқхонага кириб кетгач Қаҳрамон телефонини тармоққа улади :

- Аразингиз тарқадими , асаликам?

@Xazon_Rezgi          /30