Xalq ta'limi

31 августа 2023 18:23

«Ҳар қандай муаммонинг ечими таълим» — президент

Янги ўқув йилидан мактабларда хориждан махсус таклиф этилган 500 нафар инглиз тили мутахассислари дарс беради.

👉 https://kun.uz/97697757

Kun.uz расмий канали

Xalq ta'limi

28 августа 2023 21:39

Президентимиз яна бир бор мактаб таълими келажагимиз масаласи эканига эътибор қаратди.

“Мана шу имкониятдан фойдаланиб, юртимиздаги барча ўқитувчи ва муаллимларни, ўз мактабини соғинган ва “мен ҳам ўқувчи бўламан!” деб қувончи ичига сиғмай турган фарзандларимизни, уларнинг ота-оналарини яқинлашиб келаётган янги ўқув йили билан чин дилдан табриклайман.

Қадрли ўқитувчи ва муаллимлар, мактаб директорлари ва уларнинг ўринбосарларига мурожаат қилмоқчиман.

Азиз устозлар, мактаб таълими соҳасидаги ислоҳотларимизни амалга оширишда мен сизларни ўзимнинг энг яқин ёрдамчим, деб биламан.

Сизлар бир ҳақиқатни албатта яхши тушунасиз. Яъни, биз мактаб таълимини янада яхшилаш бўйича қабул қилаётган чора-тадбирларимизнинг пировард натижаси аввало сизларга, сизларнинг фидокорона меҳнатингизга боғлиқ.

Мен сизларнинг тимсолингизда ўз ҳаётини дунёдаги энг улуғ ва олижаноб ишга – янги авлод тарбиясига бағишлаган, ўз касбига содиқ ва фидойи инсонларни кўраман.

Бугун сизлар таълим-тарбия бераётган, қалбини, онгини эзгулик билан тўлдираётган миллионлаб фарзандларимиз эртага Янги Ўзбекистон бунёдкорлари бўлиб бизнинг сафимизга киради.

Ватанимиз, халқимиз сизларнинг бундай олижаноб хизматларингизни ҳеч қачон унутмайди.

Ўқитувчилик касбини эъзозлаш, унинг меҳнатини қадрлаш бундан буён ҳам эътиборимиз марказида бўлади”, - деди давлатимиз раҳбари.

Йиғилиш якунида вазирлар ва ҳокимларнинг кун тартибидаги масалалар юзасидан ҳисоботи тингланди.

Facebook|Instagram|Twitter

Xalq ta'limi

28 августа 2023 21:39

Президент Шавкат Мирзиёев йиғилишда ўқувчи ўринларини кўпайтиришга алоҳида тўхталди.

Келгуси йилда Инвестиция дастури доирасида мактаблар қурилишига 3 триллион сўм ажратилади. Бунинг ҳисобига 150 минг янги ўқувчи ўрни яратилади.

Бунда асосий эътиборни 2 коэффициентдан юқори қувватда ишлаётган 595 та мактабни кенгайтиришга қаратиш зарурлиги кўрсатиб ўтилди.

Шунингдек, кам қувватда ишлаётган 61 та коллеж биноси ўрнида мактаблар ташкил қилинади. Бу ҳам қўшимча 42 минг ўқувчи ўрни, дегани.

Хусусий шериклик асосида келгуси йилда 50 та (35 минг ўқувчи ўрни) мактабни барпо этиш ишлари бошланади.

Хусусий секторга қўшимча шароитлар яратиш орқали йилига камида 25 минг ўқувчи ўрни ташкил қилинади. Бунинг учун тадбиркорларга хусусий мактаб ташкил қилиш учун кредитнинг 7 фоиз қисми бюджетдан қоплаб берилади.

Янги мактаб қуриш учун ер майдонлари фақат мактаб қуриш учун мақсадли аукционга чиқарилади.

Умуман, бу ишлар орқали келгуси йилнинг ўзида 250 минг ёки ўтган йилга нисбатан 2 карра кўп ўқувчи ўрни яратилади.

Facebook|Instagram|Twitter

Xalq ta'limi

28 августа 2023 21:39

Муаллимларга малака тоифасини бериш икки босқичда амалга оширилади.

Биринчи босқичда педагогнинг билими дастлабки имтиҳонда баҳоланиб, 70 фоиздан кўп балл тўплаганлар иккинчи босқичга ўтади.

Иккинчи босқичда илғор педагогик технологияларни қўллаши, ўқувчилар билан ишлаш методикаси ва баҳолашдаги ёндашувлари текширилади, билим ва маҳорати натижаларига қараб, муаллимга малака тоифаси берилади.

Мактабгача ва мактаб таълими вазирлигига йил якунига қадар янги тажрибани ўқитувчиларнинг билим даражаси паст бўлган 20 та туманда синовдан ўтказишга топшириқ берилди.

Шунингдек, педагогика йўналишидаги олийгоҳлар алоҳида ёндашув асосида ривожлантирилади.

Бунинг учун Олий таълим вазирлигида педагогик таълимга масъул вазирнинг биринчи ўринбосари лавозими киритилади.

Вазирликда педагогик таълим бўйича алоҳида Кенгаш тузилиб, унга педагогика олийгоҳлари ректорлари киритилади.

Тошкент ва Чирчиқдаги педагогика университетларида ўқитувчилар Президент мактаби дастури асосида тайёрланади. Бу олийгоҳлар педагогика йўналишидаги институтлар учун “таянч олийгоҳ” бўлади.

Facebook|Instagram|Twitter

Xalq ta'limi

28 августа 2023 21:39

Давлатимиз раҳбари ўқитувчилар малакасини ошириш ва уларга муносиб шароит яратиш ҳақида сўз юритар экан, ўқитувчиларни ишга қабул қилиш, уларнинг малакасини ошириш ва тоифа бериш тизими ҳам тўлиқ ўзгаришини қайд этди.

Ҳар йили мактабларда 8 минг ўқитувчи ишга қабул қилинади, янги мактаблар ҳисобига яна шунча ўқитувчига эҳтиёж пайдо бўлади.

Бундан буён ўқитувчиликка қабул қилиш танлов асосида бўлади. Илк бор қабул қилинган номзодлар 1 йил ўқитувчи-стажёр бўлиб ишлайди ва йил якуни билан касбий сертификат олиши лозим бўлади.

Келгусида бу тизим барча ўқитувчилар учун босқичма-босқич жорий қилинади.

Мактабгача ва мактаб таълими вазирлигига Сингапур ва Бирлашган Араб Амирлиги тажрибаси асосида педагог кадрларга касбий сертификат бериш тартибини ишлаб чиқиш топширилди.

Facebook|Instagram|Twitter

Xalq ta'limi

28 августа 2023 21:39

Юқори синфда ўқитиладиган фанлар 16 тадан 11 тага қисқариши эълон қилинди.

Олийгоҳга киришга иштиёқи бор бўлган 10-11 синф ўқувчиларига "кимё – биология", "математика – физика", "математика – чет тили", "она тили ва адабиёт – чет тили" фанлари уларнинг танлови асосида чуқурлаштириб ўқитилади.

Касб-ҳунар эгаси бўлиш истагидаги ўқувчиларга эса мактабнинг ўзида тайёр мутахассис бўлиб етишиб чиқиш имконияти яратилади.

Мактабгача ва мактаб таълими вазирлигига сентябрдан бошлаб ушбу тажрибани салоҳияти ва тайёргарлиги бор 135 та мактабда йўлга қўйиш топширилди. Келгуси ўқув йилидан камида 1 мингта мактаб ушбу тизимга ўтказилади.

Дарсларнинг мазмуни ҳам ўзгариши таъкидланди. Бунда 1-синфдан компьютер саводхонлиги, юқори синфларда молиявий саводхонлик дарслари жорий этилади.

Шунингдек, бу йил мактаб дарсликларига бюджетдан 920 миллиард сўм ажратилди, бошланғич синфлар учун тўлиқ янги дарсликлар ишлаб чиқилди.

Бошланғич синфлар учун тайёрланган дарсликларнинг иккинчи қисмини ҳам тўлиқ ҳажмда чоп этишга топшириқ берилди.

Facebook|Instagram|Twitter

Xalq ta'limi

28 августа 2023 21:39

Бу йил 387 минг нафар ўқувчи мактабни тамомлаб, 138 мингтаси олийгоҳларга ўқишга кирган, яна 54 мингтаси профессионал таълим билан қамраб олинади.

Қолган 195 минг нафар ёшлар қаерга бориши, улар эртага иш топа олмаса, ким бўлиши ҳақидаги саволларга на вилоят ва туман ҳокимлари, на соҳа мутасаддиларида жавоб йўқлиги таъкидланди.

Оқдарёдаги 32-мактабда тадбиркорлар билан ҳамкорликда ўқувчиларни касбга ўқитиш тажрибаси йўлга қўйилган. Ушбу мактабда ўқувчилар 7-синфдан бошлаб маҳалла ва туманда талаб юқори бўлган ветеринар, агроном, мева-сабзавот қуритиш, ипакчи, мебелчи, автомобиль устаси каби 15 та касб-ҳунарга ўргатилмоқда, уларга 2 та чет тили ўқитилмоқда.

Энг муҳими, бу ишлар маҳаллий бюджет ва тадбиркорлар ҳисобидан ташкил қилинган бўлиб, ўқувчилар бу ерда иш ҳақи олмоқда.

Барча вилоятлар мактаб таълими бошқармалари раҳбарлари Оқдарёга бориб, бир ҳафта давомида ушбу тажрибани ўрганиши шартлиги таъкидланди.

Самарқанд вилояти ҳокимига кейинги ўқув йилига қадар вилоятдаги ҳар бир туманда 10 тадан мактабда бу тизимни жорий қилиш, қолган вилоят ҳокимларига йил якунигача ҳар бир туманда камида иккитадан мактабда ушбу тажрибани йўлга қўйиш топширилди.

Facebook|Instagram|Twitter

Xalq ta'limi

28 августа 2023 21:39

Давлатимиз раҳбари соҳада мавжуд муаммоларни таҳлил қилди.

Жумладан, ҳозирда бошланғич синфларда 11 та, юқори синфларда 16 та фан ўтилаётгани билан ўқувчилар аниқ бир йўналишда чуқур билимга эга бўлмай мактабни битираётгани қайд этилди.

Масалан, 107 та тумандан талаба бўлганлар олийгоҳга кириш имтиҳонларида математика бўйича максимал баллнинг ярмини ҳам йиға олмаган. Физика, кимё ва биология бўйича ҳам бирорта туман ва шаҳарда мақтагулик натижа йўқ.

Ўтган йили 220 минг муаллимдан 86 минг нафари ёки 37 фоизининг билим ва кўникмаси “қониқарсиз” баҳоланган. Айниқса, ҳозирда талаб юқори бўлган информатика, физика, инглиз тили, математика ва кимё фани ўқитувчиларининг билими “қониқарсиз” эканлиги аниқланган.

Ёки, 51 минг нафар чет тили ўқитувчиларидан атиги 17 минг нафари (33 фоизи) “C-1” даражасига эга. Ваҳоланки, 2025 йилдан бошлаб чет тилидан фақат “С-1” даражаси бор ўқитувчилар дарс ўтиши мумкин бўлади.

Facebook|Instagram|Twitter

Xalq ta'limi

28 августа 2023 21:39

Президент Шавкат Мирзиёев раислигида янги ўқув йили арафасида мактаб таълимидаги масалаларни муҳокама қилиш ва устувор вазифаларни белгилаб олиш юзасидан видеоселектор йиғилиши бошланди.

Кейинги йилларда “Янги Ўзбекистон мактаб остонасидан бошланади”, деган эзгу ғоя асосида бу соҳада катта ишлар амалга оширилди.

Ўтган қисқа даврда юзлаб замонавий мактаблар барпо этилди. Илгари тажрибамизда бўлмаган Президент мактаблари, ижод мактаблари ҳаётимизга кириб келди, ихтисослаштирилган мактаблар тармоғи кенгайтирилди. Янги дарсликлар ва ўқув қўлланмалари яратилди.

“Энг муҳими, мактабларимизда янгича руҳ, мазмун ва муҳит пайдо бўлди.

Бунда, ҳеч шубҳасиз, болалар қалбининг меъмори, муҳандиси бўлган ҳурматли ўқитувчи ва мураббийлар учун эркин ишлаш имкониятини яратиб берганимиз муҳим аҳамиятга эга бўлди.

Чунки ўқитувчига эътибор – бу аввало фарзандларимизга, уларнинг таълим-тарбиясига эътибор, дегани. Ўқитувчининг обрўси ошса, мактабнинг обрўси ошади, илмнинг, таълим-тарбиянинг қадри кўтарилади.

Шу сабабли, муаллим ва ўқувчилар учун шароитларни яхшилаш, таълим сифатини оширишга алоҳида эътибор қаратаяпмиз”, - деди давлатимиз раҳбари йиғилиш аввалида.

Facebook|Instagram|Twitter

Xalq ta'limi

25 августа 2023 11:21

MUROJAATCHILAR UCHUN YANA BIR QULAYLIK

✅ Maktabgacha va maktab ta’limi vazirligi mas'ullari va shaxsan o‘zim fuqarolar murojaatlari bilan ishlashda hamisha ochiqlik va shaffoflik tarafdori ekanimizdan xabaringiz bor.

Xususan, yurtdoshlarimiz taklif va murojaatlarini o‘rganish maqsadida tashkil etilgan "Vazirga murojaat" portali ishlab turibdi.

⚡️Mazkur tashabbuslarning mantiqiy davomi sifatida Qoraqalpog‘iston Respublikasi Maktabgacha va maktab ta’limi vaziri, Toshkent shahar va viloyatlar maktabgacha va maktab ta’limi boshqarma boshliqlarining fuqarolar murojaatlarini qabul qilish bo‘yicha maxsus botlari ishga tushirildi.

❗️ Endi Siz mazkur bot manzillari orqali hududlar kesimida sohani yanada rivojlantirishga qaratilgan taklif va murojaatlaringizni yo‘llashingiz mumkin.
_____________
➖ Qoraqalpog'iston Respublikasi Maktabgacha va maktab ta'limi vaziri – Narimbetov Ahmed Karamatdinovich

🔗 Vazirning fuqarolar murojaatlarini qabul qilish boti: @QRXBministrbot
______________
➖Surxondaryo viloyati Maktabgacha va maktab ta'limi boshqarmasi boshlig‘i - Mamadiyev Xusniddin Norboyevich

🔗 Boshqarma boshlig'ining fuqarolar murojaatlarini qabul qilish boti: @svmmtb_bot
_____________
➖ Buxoro viloyati Maktabgacha va maktab ta'limi boshqarmasi boshlig‘i – Qurbonov Farrux Ergashevich

🔗 Boshqarma boshlig'ining fuqarolar murojaatlarini qabul qilish boti: @bvxtb_bot
_____________
➖Sirdaryo viloyati Maktabgacha va maktab ta’limi boshqarmasi boshlig‘i – Xudaykulov Sherzodjon Uktamovich

🔗 Boshqarma boshlig‘ining fuqarolar murojaatlarini qabul qilish boti: /channel/sirdaryo_mmtbga_murojaat_bot
_____________
➖ Qashqadaryo viloyati Maktabgacha va maktab ta'limi boshqarma boshlig‘i – Oripov Ubaydulla Suxrobovich

🔗 Boshqarma boshlig'ining fuqarolar murojaatlarini qabul qilish boti: @QashVMMTBbot
______________
➖ Samarqand viloyati Maktabgacha va maktab ta'limi boshqarma boshlig‘i v.v.b – Sultonov Shokir Quvonovich

🔗 Boshqarma boshlig‘ining fuqarolar murojaatlarini qabul qilish boti: @sammmtb_bot
__________
➖ Xorazm viloyati Maktabgacha va maktab ta'limi boshqarmasi boshlig‘i – Bektemirov Xamro Solayevich

🔗 Boshqarma boshlig‘ining fuqarolar murojaatlarini qabul qilish boti: http://t.me/Xorazm_MMTBbot
_______________
➖Jizzax viloyati Maktabgacha va maktab ta'limi boshqarmasi boshlig‘i – Suyarova Sanobar Zarfullayevna

🔗 Boshqarma boshlig‘ining fuqarolar murojaatlarini qabul qilish boti: /channel/JizzaxVMMTB_murojaatlar_bot
_____________
➖ Navoiy viloyati Maktabgacha va maktab ta'limi boshqarmasi boshlig‘i – Hayitova Ra'no Zokirovna

🔗 Boshqarma boshlig‘ining fuqarolar murojaatlarini qabul qilish boti: /channel/Navoiy_viloyat_MMTBbot
______________
➖Andijon viloyati Maktabgacha va maktab ta'limi boshqarmasi boshlig‘i – Karimov Rasuljon Rafikovich

🔗 Boshqarma boshlig‘ining fuqarolar murojaatlarini qabul qilish boti: /channel/Murojaatlar_robot
________________
➖ Farg'ona viloyati Maktabgacha va maktab ta'limi boshqarmasi boshlig‘i - Dolimov Sherzod Abdumutalovich

🔗 Boshqarma boshlig‘ining fuqarolar murojaatlarini qabul qilish boti: @FVMMTBaloqaBot
________________
➖ Namangan viloyati Maktabgacha va maktab ta'limi boshqarmasi boshlig‘i - Zokirov Oybek Ohundedayevich

🔗 Boshqarma boshlig‘ining fuqarolar murojaatlarini qabul qilish boti: @Nam_VMMTB_murojat_bot
________________
➖ Toshkent viloyati Maktabgacha va maktab ta'limi boshqarmasi boshlig‘i - Akbarov Ilyor Ismagilovich

🔗 Boshqarma boshlig‘ining fuqarolar murojaatlarini qabul qilish boti: /channel/tosh_vxtb_bot
________________
➖ Toshkent shahri Maktabgacha va maktab ta'limi boshqarmasi boshlig‘i - Husanboyeva Nilufar Kasimbayevna

🔗 Boshqarma boshlig‘ining fuqarolar murojaatlarini qabul qilish boti: /channel/talim_murojaat_bot

Xalq ta'limi

25 августа 2023 11:21

Prezident Shavkat Mirziyoyev Samarqand viloyati Oqdaryo tumanidagi 32-umumta’lim maktabidagi sharoitlar bilan tanishdi.

32-maktab joriy yilda kapital ta’mirlandi. U 782 o‘quvchiga mo‘ljallangan. 22 ta sinfxona, sport zali, oshxona, STEM laboratoriyasi, kompyuter xonalarida zamonaviy sharoitlar yaratilgan.

Kutubxonada 1 ming 500 dan ziyod badiiy adabiyotlar jamlangan.

Prezident yozgi to‘garakka kelgan bolalar bilan suhbatlashdi.

– Biz oliy ta’limda qamrovni kengaytirib boryapmiz. Lekin hamma ham universitetda o‘qishni tanlamaydi. Shuning uchun farzandlarimizga maktabdayoq chet tillari va hunarlar o‘rgatishni maqsad qilganmiz. Kimning kichkina bo‘lsayam qo‘lida kasbi bo‘lsa, kuni o‘tadi. Keyin yana o‘z ustida ishlab, mahoratini oshirishi ham mumkin. Maqsadimiz - har bir yoshga munosib sharoit yaratish, - dedi davlat rahbari.

Shavkat Mirziyoyev shu yerda o‘qituvchilar va mehnat faxriylari bilan muloqot qildi.

Vazirlikning rasmiy sahifalariga ulanish
📱Telegram | 📹Youtube | 📒Facebook | 📸Instagram

Xalq ta'limi

24 августа 2023 04:18

#Yurist_maslahati

❓Men ingliz tilidan dars berish uchun umumta'lim maktabiga ishga kirmoqchiman. Bu yil ishga kirishda bizdan B2 darajadagi sertifikat talab etiladimi?

Ushbu savolga Maktabgacha va maktab ta’limi vazirligining Ta'lim sifatini baholash, litsenziyalash va akkreditatsiyalash departamenti va Yuridik bo‘limi xodimlari javob berishdi.

✅ O'zbekiston Respublikasi Vazirlar Mahkamasining 2021-yil 19-maydagi "Xorijiy tillarni o‘rganishni ommalashtirishni samarali tashkil etish chora-tadbirlari to‘g‘risida"gi 312-sonli Qarori qabul qilingan.

Mazkur Qarorning 9-bandiga muvofiq:

➖ 2022/2023-o‘quv yilidan boshlab, davlat ta’lim muassasalarining xorijiy tillar o‘qituvchilari lavozimlariga ishga yangi qabul qilinayotgan talabgor kamida B2 darajadagi milliy yoki unga tenglashtirilgan mos darajadagi xalqaro sertifikatga ega bo‘lishi,

➖ 2024/2025-o‘quv yiliga qadar esa umumiy o‘rta, o‘rta maxsus va professional ta’lim muassasalarida faoliyat yuritayotgan barcha xorijiy tillar o‘qituvchilari kamida B2 darajadagi milliy yoki unga tenglashtirilgan mos darajadagi xalqaro sertifikatga ega bo‘lishi lozimligi belgilangan.

❗️ Eslatib o'tamiz, o‘tgan yili maktablarda xorijiy tillarni o‘qitish jarayonining davomiyligini ta’minlash, o‘qituvchilarga imkoniyat yaratish maqsadida B2 darajadagi milliy yoki xalqaro sertifikatga ega bo‘lmagan chet tili fani o‘qituvchilarini ishga qabul qilinmaslik xususidagi talab 2023/2024-o‘quv yilidan kuchga kirishi belgilangan.

Vazirlikning rasmiy sahifalariga ulanish
📱Telegram | 📹Youtube | 📒Facebook | 📸Instagram

Xalq ta'limi

22 августа 2023 19:18

Таълим соҳасида йиллар давомида ечимини кутиб, «чарчаган» муаммолар кўп – Саида Мирзиёева

Саида Мирзиёева 5–11 синфлар учун дарсликлар яратиш ишлари бошланганини маълум қилди.

👉 https://kun.uz/76706754

Kun.uz расмий канали

Xalq ta'limi

20 августа 2023 11:40

#imtihon_natijalari_2023
#ixtisoslashtirilgan_maktablar

🔔 IMTIHON NATIJALARI E’LON QILINDI!

📆 Joriy yilning 28-29-30-iyul kunlari Ixtisoslashtirilgan maktab va maktab-internatlariga o‘tkazilgan imtihon natijalari e’lon qilindi.

✅ Imtihon natijalarini quyidagi maxsus telegrambotlari orqali bilishingiz mumkin:

🤖 @natijalar_2023_1_bot
🤖 @natijalar_2023_2_bot
🤖 @natijalar_2023_3_bot
🤖 @natijalar_2023_4_bot
🤖 @natijalar_2023_5_bot

‼️ ESLATMA! Natijalarni bilish istagida bo'lgan yuz minglab talabgorlarning bir vaqtda so'rov yuborishlari natijasida telegrambot sekin ishlashi mumkin.

Agentlikning rasmiy sahifalariga ulanish:
Telegram | Facebook | Instagram | YouTube

Xalq ta'limi

16 августа 2023 19:29

#Сўраган_эдингиз

❓Maktablar va maktabgacha ta'lim tashkilotlari qanday isitiladi? Mazkur muassasalarda muqobil energiya manbalaridan foydalanish qanday yo'lga qo'yilgan?

✅ Respublikadagi mavjud 10 118 ta maktablarning:

➖3 284 tasi tabiiy gaz yoqilg‘isida;
➖23 tasi suyuq yoqilg‘ida;
➖6 807 tasi ko‘mir yoqilg‘isida;
➖4 tasi elektr energiyasi bilan;

🔹 mavjud 6 386 ta davlat maktabgacha ta’lim tashkilotlarining:
➖2 300 tasi tabiiy gaz yoqilg‘isida;
➖3 599 tasi ko‘mir yoqilg‘isida;
➖37 tasi elektr energiyasi bilan isitilmoqda.

❗️Ta’lim tashkilotlarida elektr ta’minotini tejash maqsadida bugungi kunga qadar qator ishlar olib borilmoqda. Xususan, davlat byudjeti mablag‘lari hisobidan 390 ta hamda mahalliy byudjet va homiylik mablag‘lari hisobidan 1 097 ta maktabga quyosh panellari o‘rnatildi.

⚡️Shuningdek, 2 107 ta davlat maktabgacha ta’lim tashkilotlarida quyosh panellari va suv isitish qurilmalarini o‘rnatish rejalashtirilgan bo‘lib, hozirga qadar 511 tasiga quyosh panellari va 100 tasiga quyosh suv isitish qurilmalari o‘rnatildi.

✔️O‘zbekiston Respublikasi Prezidentining 2023-yil 16-fevraldagi “2023 yilda qayta tiklanuvchi energiya manbalarini va energiya tejovchi texnologiyalarni joriy etishni jadallashtirish chora-tadbirlari to‘g‘risida”gi 57-son qaroriga asosan, joriy yilda 2 229 ta maktabgacha ta’lim va 2 335 ta maktab tashkilotlarining lokal isitish tizimlarini ko‘mir yoqilg‘isiga o‘tkazish belgilangan.

🔴 Ayni vaqtda mazkur rejaga kiritilgan ta’lim tashkilotlari lokal isitish tizimlarini ko‘mir yoqilg‘isiga o‘tkazish bo‘yicha tegishli vazirlik va tashkilotlar hamda mahalliy hokimliklar bilan hamkorlikda zarur ishlar olib borilmoqda.

Xalq ta'limi

28 августа 2023 21:39

Мактабларда таълим сифатини янада ошириш, ўқувчи ўрнини кўпайтириш ҳамда ўқитувчилар малакасини ошириш ва уларга муносиб шароит яратиш бўйича ўтган видеоселектор йиғилишида белгиланган асосий вазифалар.

Батафсил — юқоридаги #инфографикада.

Facebook|Instagram|Twitter

Xalq ta'limi

28 августа 2023 21:39

Давлатимиз раҳбари мактаб таълими қамровини янада ошириш юзасидан мутасаддиларга қатор топшириқлар берди.

Иқтисодиёт ва молия вазирлигига келгуси йилда 50 та, 2025 йилда яна камида 100 та мактабни хусусий шериклик асосида қуриш бўйича инвесторлар билан келишувга эришиб, амалий ишларни бошлаш топширилди.

Умуман, 2030 йилгача ҳар йили 100 тадан мактаб қурилишига хусусий шерикларни жалб қилиш вазифаси қўйилди.

Вазирлар Маҳкамаси ва Мактабгача ва мактаб таълими вазирлигига бир ой муддатда мактабларга четдан 1 миллиард доллар жалб қилиш бўйича аниқ ҳисоб-китоблар ва лойиҳа таклифларини тайёрлаб, хорижий ва халқаро молия ташкилотлари билан амалий ишларни бошлаш топширилди.

Вилоят ҳокимларига 1 ноябрга қадар демографик ўсиш, аҳоли жойлашуви ва зичлигини ҳисобга олган ҳолда, келгуси йилда янги мактаблар қуриш учун ер участкаларини аниқлаш, Қурилиш вазирлиги билан биргаликда 1 февралга қадар янги мактабларнинг лойиҳа ҳужжатларини ишлаб чиқиб, тендерларни эълон қилиш бўйича топшириқ берилди.

Facebook|Instagram|Twitter

Xalq ta'limi

28 августа 2023 21:39

Йиғилишда келгуси ўқув йилидан кадрлар етишмайдиган, оғир мактаблар олдиндан танланиб, улар учун мақсадли давлат буюртмаси жорий қилиниши белгиланди.

Яъни, келгуси йиллардаги талабни ҳозирдан аниқлаб, зарур мутахассисликлар бўйича муаллимларни олдиндан тизимли тайёрлаш йўлга қўйилади.

Мақсадли буюртма асосида ўқитувчиларни тайёрлаш тўлиқ давлат грантига ўтказилади. Келгуси ўқув йили учун педагогика олийгоҳларининг қабул квоталарини белгилашда ушбу янги тартиб назарда тутилади.

Мактаб таълимида бошқарув тизими ҳам ўзгаради.

Жорий йилда директорликка номзодларни ўқитиш ва билимини баҳолашни амалга оширувчи “Директорлар мактаби” ташкил қилинди. Мактабда таълим жараёнлари Бирлашган Араб Амирликлари ва бошқа нуфузли хорижий ҳамкорлар тажрибаси асосида йўлга қўйилади.

Энди директорликка номзодлар фақат сертификати бор ва захирага киритилган кадрлар орасидан танланади ва муддатли контракт асосида ишга олинади.

Директорлар ва ўринбосарлари ҳар беш йилда бир марта сертификациядан ўтади. Сертификациядан ўта олмаган директорлар билан тузилган меҳнат шартномалари бекор қилинади.

Иқтисодиёт ва молия, Мактабгача ва мактаб таълими вазирликларига келгуси йилдан сертификациядан ўтган директорлар ойлигини 50 фоизга, ўринбосарлар иш ҳақини эса 30 фоизга ошириш бўйича ҳисоб-китобларни киритиш топширилди.

Facebook|Instagram|Twitter

Xalq ta'limi

28 августа 2023 21:39

Ўқитувчиларнинг малакаси табақалашган ҳолда оширилади.

Яъни, малака оширишдан олдин ўқитувчининг билими диагностикадан ўтказилади ва натижасига кўра индивидуал касбий ривожланиш йўналишлари белгиланади.

Бунда муаллимнинг билим кўрсаткичлари баҳоланади ва паст натижа олганлари бўйича ўзи ўқиган олийгоҳга рекламация (эътироз) юборилади.

Бу натижалар педагогик олийгоҳлар фаолиятига учун ҳам баҳо бўлади. Паст натижа кўрсатган ўқитувчилар анъанавий усулда, юқори натижага эришганлари онлайн шаклда малака оширади.

Вилоят ҳокимларига 14 та малака ошириш марказини таъмирлаш ва жиҳозлаш бўйича дастур қабул қилиб, амалий ишларни бошлаш топширилди. Йил якунигача ҳудудий марказлар бошқарувига хорижий мутахассислар олиб келинади.

Facebook|Instagram|Twitter

Xalq ta'limi

28 августа 2023 21:39

Эндиликда ўқув дастурларига қўшимча янги фанларни киритиш тақиқланади. Барча янги таклифлар мавжуд фанларга интеграция қилиниб тайёрланади.

Шунингдек, барча фанларда миллий ғурур, ифтихор, умуминсоний қадриятларга ҳурмат, ватанпарварлик ғоялари тарғиб қилиниши шартлиги қайд этилди.

Бундан уч йил олдин 15 ёшгача бўлган болаларга йод, витаминлар ва гижжага қарши дорилар тарқатиш амалиёти жорий қилинган эди. Натижада болаларнинг жисмоний ва ақлий ривожланишига таъсир кўрсатадиган қалқонсимон бези касалликлари камая бошлади.

Жорий йилда ҳам мактаб ўқувчиларига йод препаратларини бепул тарқатиш давом эттирилади. Масъулларга сентябрь ойидан бу ишларни тизимли ташкил қилиб, ота-оналар ва ўқувчилар орасида йод истеъмолининг фойдали хусусиятларини кенг тарғиб қилиш топширилди.

Facebook|Instagram|Twitter

Xalq ta'limi

28 августа 2023 21:39

Давлатимиз раҳбари кўтарилган муаммоларнинг ечимлари ва янги ташаббусларни баён қилди.

Таълим сифатини ошириш мақсадида республика бўйича 500 та мактабда Президент ва ихтисослашган мактаблар ўқув дастури, баҳолаш тизими жорий этилади. Бунда Президент ва ихтисослашган мактаблар уларга “таянч мактаб” бўлади.

Бир йилда уларнинг иши баҳоланиб, янги тизимни самарали қўллаган ўқитувчиларга 40 фоизгача устама берилади.

Мактабгача ва мактаб таълими вазирига вилоят ҳокимлари билан бирга келаси йилдан ушбу 500 та мактабнинг ҳар бирига 3 тадан мактабни бириктириб, янги тизимни йўлга қўйиш топширилди. Бу ишлар орқали яна 1,5 мингта мактабга Президент ва ихтисослашган мактаблар методикаси, муҳити кириб боради.

Умуман, келгуси беш йилда ушбу тизим барча мактабларда жорий қилиниши белгиланди.

Бу йилда мактабларда дарс бериш учун хориждан 500 нафар “тил эгалари” олиб келинди. Янги тизим жорий қилинадиган мактаблар кўпайишини ҳисобга олиб, келгуси йилда яна 1,5 минг мутахассис олиб келинади.

Мактабларни компьютер синфлари билан жиҳозлашга республика бюджетидан 320 миллиард сўм ажратилиб, мактабларга 40 мингга яқин компьютерлар олиб берилди.

Янги ўқув йилида ушбу мақсадлар учун республика бюджетидан 200 миллиард сўм, маҳаллий бюджетлардан яна 200 миллиард сўм ажратилади.

Facebook|Instagram|Twitter

Xalq ta'limi

28 августа 2023 21:39

Ўтган олти ярим йилда 320 минг хонадонли янги уй-жой барпо этилгани билан уларга мос қувватдаги мактаблар қурилмади.

Янги қурилган массив ва маҳаллаларда ҳозирнинг ўзида 350 минг янги ўқувчи ўринларига талаб бор.

Сўнгги йилларда 70 минг ўринли 350 та хусусий мактаб ташкил этилди (2018 йилгача жами 30 та бўлган).

Тошкент шаҳри ва Фарғонада хусусий мактаблар салмоғи қолган ҳудудлардан анча юқори. Лекин Навоийда атиги 3 та, Сурхондарёда 4 та, Сирдарёда 7 та хусусий мактаб бор. Ёки, қўшимча 150 минг ўқув ўрнига эҳтиёжи бўлган Самарқандда бор-йўғи 6 минг 300 ўринли 35 та хусусий мактаб ишлаяпти.

Ҳокимларга улар мактаб инфратузилмасини яхшилаш тўғрисида бош қотириши кераклиги кўрсатиб ўтилди.

Масалан, мактабларни таъмирлашга бу йил маҳаллий бюджетдан 135 миллиард сўм ажратилди. Бироқ, 31 та туман ва шаҳарда ҳокимлар ушбу мақсадлар учун маблағ бермаган.

Facebook|Instagram|Twitter

Xalq ta'limi

28 августа 2023 21:39

Ўтган даврда муаллимларнинг ойлик иш ҳақи ўртача 2,5 баравар ошди.

Жумладан, чет тили, IT, математика, кимё, биология бўйича миллий ва халқаро сертификати бор ўқитувчиларга устама, чекка ҳудудга бориб ишлаган муаллимларга алоҳида тўлов жорий этилди.

Натижада 6 миллион сўмдан 10 миллион сўмгача маош оладиган ўқитувчилар сони 23 мингга етди, 10 миллион сўмдан юқори ойлик олувчилар 1 мингдан ошди. Яна 2 мингга яқин ўқитувчиларга вазир жамғармасидан қўшимча устамалар тўланяпти.

Мактаблар юкламасини камайтириш мақсадида 700 минг ўқувчи ўрни яратилди. Бу – аввалги йилларга нисбатан 15 баравар кўп.

Жорий йилда Тошкентдаги 81-мактаб ва Ал-Хоразмий ихтисослашган мактаби Халқаро экомактаб дастурининг олий мукофотига сазовор бўлди. Бундай ютуққа Марказий Осиёда илк бор бизнинг мактабларимиз эришди.

Юқори малакали, ўз устида ишлайдиган муаллимларни янги ёндашувлар асосида қўллаб-қувватлаш тизими яратилди.

"Кўп ёшларимиз қизиқиши ва қобилиятига мос касб-ҳунар эгаллашни афзал кўраётгани ҳам давр талаби. Шу боис болаларимизга мактабдаёқ камида иккита чет тили, компьютер ва касб-ҳунарни ўргатсак, қўлида ҳунари бўлса, ҳаётда ўз ўрнига эга бўлади”, - деди Президент.

Facebook|Instagram|Twitter

Xalq ta'limi

27 августа 2023 10:01

2023-2024-o‘quv yilida "Salom, bog‘cha", "Birinchi qo‘ng‘iroq" hamda “Mustaqillik darsi" tadbirlarini o‘tkazish bo‘yicha namunaviy ssenariy ishlab chiqildi

Maktabgacha va maktab taʼlimi vazirligi tomonidan yangi 2023-2024-o‘quv yili boshlanishi munosabati bilan maktabgacha taʼlim tashkilotlarida "Salom, bog‘cha", maktablarda "Birinchi qo‘ng‘iroq", "Mustaqillik darsi" tadbirlarini o‘tkazish bo‘yicha tavsiya hamda namunaviy ssenariy ishlab chiqildi.

Xususan, joriy yilning 4-5-sentabr kunlari maktabgacha taʼlim tashkilotlarida "O‘zbekiston - mening Vatanim" mavzusida ochiq mashg‘ulotlar tashkil etiladi.

Umumiy o‘rta taʼlim maktablarida 4-sentabr kuni soat 8-00 da "Birinchi qo‘ng‘iroq" tadbirlari “Yangi hayot uchun, yangi O‘zbekiston uchun” shiori ostida o‘tkaziladi.

Quyidagi havolalar orqali ssenariy va tavsiyalarni yuklab olishingiz mumkin:

“Mustaqillik darsi” TAQDIMOTI

Elektron foydalanish uchun


Vazirlikning rasmiy sahifalariga ulanish
Telegram | Youtube | Facebook | Instagram

Xalq ta'limi

25 августа 2023 11:21

Президент Шавкат Мирзиёев Оқдарё туманидаги 32-мактабга ташриф чоғида мактаб таълимига жорий қилинаётган янги методикалар билан танишди
—
Посещая школу №32 в Акдарьинском районе, Президент Шавкат Мирзиёев ознакомился с новыми методиками, внедряемыми в школьное образование

Prezident.uz|Facebook|Instagram|YouTube|Twitter

Xalq ta'limi

24 августа 2023 04:19

Davlat granti uchun  ajratilgan o‘rinlarning 77 foizini joriy yilgi maktab bitiruvchilari egallagan

✅ Oliy ta’lim, fan va innovatsiyalar vazirligi huzuridagi Bilim va malakalarni baholash agentligi tomonidan taqdim etilgan ma’lumotlarga ko‘ra, 2023-yilda kirish imtihonlarida ishtirok etgan (jami 888 511 nafar) abituriyentlarning 303 560 nafari (31,5 foiz) umumta’lim maktablarining joriy o‘quv yilgi bitiruvchilaridir.

❗️ Ushbu bitiruvchilarning 95 497 nafari (25 foizi) joriy test sinovlaridan muvaffaqiyatli o‘tib, mahalliy OTMlari talabasi bo‘lgan.

✔️Aslida oliy ta’lim muassasalariga qabul qilingan bitiruvchilarimiz bundan ham ko‘p, har yili o‘rtacha 10-15 foiz (44 000 nafar) bitiruvchi nodavlat va xorijiy oliy ta’lim muassasasi talabasi bo‘lmoqda. Shu bois ayrim bitiruvchilar xususiy va xorijiy OTMlarga kirgan va test sinovlarida ishtirok etmagan.

⚡️Oliy ta’lim muassasalariga kirgan bitiruvchilar soni yildan-yilga ortib bormoqda. Xususan, 2021-yilga nisbatan oliy ta’lim muassasalariga kirgan bitiruvchilar soni 14019 nafarga, 2022-yilga nisbatan esa 9 628 nafarga ortgan  (2021-yil 81478 nafar, 2022-yilda 85 869 nafar bitiruvchi OTMga kirgan).

➖Bitiruvchilarning oliy ta’lim qabul kvotasi uchun ajratilgan davlat granti o‘rinlarini egallash salmog‘i ham yildan-yilga ortib bormoqda. Joriy yilda davlat granti uchun  34930 ta kvota ajratilgan bo‘lsa, uning 77 foizini (26 884 nafar bitiruvchi) aynan maktab bitiruvchilari egallagan.

Bu ko‘rsatkich o‘tgan yilga nisbatan 3,5 foizga, ya’ni 3 537 taga ko‘p (2022-yilda 23 347 nafar maktab bitiruvchilar grantga kirgan bo‘lib, ulushi 73,5% bo‘lgan).

Bitiruvchilarning bilim samaradorligi ham o‘tgan yilga nisbatan yaxshilanganligini ko‘rish mumkin. Joriy yilda  o‘rtacha ball 77,1 ni tashkil etib, 2021-yilga nisbatan qariyb 3 balga, 2022-yilga nisbatan esa 1 balga ortgan (2021-yilda 74,2 ball, 2022-yilda 76,3 ball).

Ma’lumot o‘rnida, jami abituriyentlarning o‘rtacha bali 66,7 ni tashkil etgan bo‘lsa, aynan joriy yil bitiruvchilarining o‘rtacha bali 77,1 ballni (+10,4) tashkil etmoqda.

❗️Shuni alohida qayd etish lozimki, maksimal balning 75 foizidan yuqorisini to‘plab, ijobiy natija ko‘rsatgan abituriyentlarning 68 foiz ulushi joriy yilgi bitiruvchilarga to‘g‘ri kelmoqda. Bu yil 30640 nafar yuqori natija ko‘rsatgan abituriyentlarning 20873 nafari ham maktab bitiruvchilaridir.

Shu o‘rinda minimal o‘tish ball (56,7 ball) dan past natija ko‘rsatgan abituriyentlar soni ham yildan-yilga kamayib borayotganini alohida ta’kidlash lozim. Joriy yilda jami 888 511 nafar abituriyentdan 415 159 nafari (46,7 foizi) 56.7 ballni ham to‘play olmagan bo‘lsa, ular orasida maktab bitiruvchilari 11,7 foizni tashkil etmoqda. Bu ko‘rsatkich 2022-yilga nisbatan qariyb 4 ming nafarga kamaygan.

❕Natijalar kutilayotgan ko‘rsatkichlardan yiroq bo‘lishi mumkin. Biroq oxirgi yillarni tendensiyasini tahlil qilar ekanmiz, yildan-yilga bitiruvchilar qayd etayotgan natijalarda ijobiy dinamika mavjudligining guvohi bo‘lishimiz mumkin.

✔️Maktab ta’limi sifatini oshirish bo‘yicha amalga oshirilishi lozim bo‘lgan ishlar juda ko‘p. Bunda faqatgina maktab jamoasi hamda pedagoglarning mehnati bilan cheklanmay, farzandlarimizning bilimli bo‘lishida ota-onalarning ham o‘rni muhimligini aytib o‘tishimiz lozim.

Fursatdan foydalanib, oliy ta’lim muassasalariga kirish sinovlarida yuqori natijalarni qayd etgan barcha bitiruvchilarimiz, ularning ustozlari va ota-onalariga o‘z minnatdorligimizni bildiramiz.

Xalq ta'limi

23 августа 2023 05:48

«Бизга йилига бир миллион икки юз минг ўқувчи ўрни етишмаяпти» - Саида Мирзиёева мактаб таълими билан боғлиқ муаммоларни санаб ўтди

«Янги мактаблар эса туғилаётган болалар сонига мос равишда қурилмаяпти. Бир йилда юртимизда ўртача 35-40 та мактаб қурилаётган бўлса, ҳар йили миллионга яқин бола дунёга келяпти. Минг афсуски, ҳозирда мактаблар етишмаслиги сабабли, бир миллион икки юз минг ўқувчи ўрни етишмаяпти»

👉 https://kun.uz/76706754

Kun.uz расмий канали

Xalq ta'limi

22 августа 2023 04:09

⚡️ Абитуриентлар учун мандат эълон қилинди

Танлов натижаларини 6 хил усулда – my.uzbmb.uz ёки mandat.uzbmb.uz сайтлари орқали, 5100 рақамига абитуриентнинг ID рақами юбориш орқали, абитуриент рухсатномасининг қуйи қисмидаги QR-кодни сканер қилган ҳолда, тест натижалари қайдномаси орқали ёки қуйидаги Telegram-ботлар ёрдамида билиш мумкин.

@e_dtm_mandatbot
@e_dtm_mandat1bot
@e_dtm_mandat2bot
@e_dtm_mandat3bot
@e_dtm_mandat4bot

👉 https://kun.uz/28668721

Kun.uz расмий канали

Xalq ta'limi

17 августа 2023 09:44

Дарсликлар, танланадиган фанлар ва янгича баҳолаш тизими: мактаб ўқувчиларини қандай ўзгаришлар кутяпти?

Бу йил дарсликлар учун ижара тўланадими? Юқори синф ўқувчилари қайси фанларни танлаб ўқиши мумкин? Мактабларда анъанавий баҳолаш тизимидан воз кечиладими? Kun.uz Мактабгача ва мактаб таълими вазирлиги бошқарма бошлиғи Дилшода Норбоева билан суҳбатда шу каби саволларга аниқлик киритди.

📹 ВИДЕОНИ САЙТИМИЗДА КЎРИНГ

Xalq ta'limi

16 августа 2023 14:12

1-синф ўқувчиларига бериладиган президент совғасида қандай ўзгаришлар бор?

2023/2024 ўқув йилида 1-синфга 732 960 нафар ўқувчи чиқиши режалаштирилган. Одатга кўра, бу йил ҳам болаларга мактаб ўқув-қуролларидан ташкил топган президент совғаси топширилади. Kun.uz совғаларнинг ҳудудларга қандай етказилаётгани бўйича репортаж тайёрлади.

📹 ВИДЕОНИ САЙТИМИЗДА КЎРИНГ