Xalq ta'limi

25 марта 2023 15:21

❗️15 апрелдан бошлаб “Kundalik” электрон синф журналида баҳоларни қўйиш ва ўзгартиришга чеклов ўрнатилади

Мактабгача ва мактаб таълими вазирлигининг 2023 йил 16 мартдаги 04-04/2-119-сонли хатига мувофиқ “Kundalik” электрон синф журналида баҳоларни қўйиш ва ўзгартириш тартибига мувофиқ тизимда 2023 йилнинг 15 апрелидан чеклов (музлатиш) ўрнатилади.

Шунингдек, “Kundalik” электрон синф журналига киритилган чорак ва йиллик баҳоларга мактабгача ва мактаб таълими ҳудудий бошқармаларига расмий хатсиз ўзгартириш киритиш имконияти бўлмайди.

👉Xalq ta'limi Info

Xalq ta'limi

24 марта 2023 16:27

#Конституция_ўзимизники

✅ Sirdaryolik 1000 nafardan ortiq direktor va o‘qituvchilar ishtirokida “Konstitutsiya meniki, seniki, bizniki! Konstitutsiya o‘zimizniki” shiori ostida targ‘ibot tadbiri bo‘lib o‘tdi

📍 Bugun Sirdaryo viloyati Guliston shahrida joylashgan Halima Xudoyberdiyeva nomidagi ijod maktabida “Konstitutsiya meniki, seniki, bizniki! Konstitutsiya o‘zimizniki” shiori ostida targ‘ibot tadbiri bo‘lib o‘tdi. Unda Bosh qomusimizga kiritilayotgan o‘zgartishlarning mazmun-mohiyati, ta’lim rivoji va o‘qituvchilar hayotidagi o‘rniga doir muhim jihatlar xususida ma’lumot berildi.

Qayd etilganidek, yangilanayotgan Konstitutsiyaviy qonun loyiha matnining 50- va 52-moddalarida maktab va maktabgacha ta’limni rivojlantirish bo‘yicha qator huquqiy asoslar keltirib o‘tilgan.

✔️ Jumladan, davlat maktabgacha ta’lim va tarbiyani rivojlantirish uchun shart-sharoitlar yaratishi, bepul umumiy o‘rta ta’lim va boshlang‘ich professional ta’lim olish kafolatlanishiga doir muhim jihatlar qayd etilgan.

Shuningdek, o‘qituvchilarning sha’ni va qadr-qimmatini himoya qilish, ularning ijtimoiy va moddiy farovonligini ta’minlashga qaratilgan asosiy jihatlar tilga olingan.

❗️ Muloqot davomida mazkur huquqiy o‘zgartirishlarning soha rivojidagi o‘rni va jamiyat faravonligini oshirishdagi o‘rni xususida ishtirokchilarning fikr-mulohazalari tinglandi.

Vazirlikning rasmiy sahifalariga ulanish
Telegram | Youtube | Facebook | Instagram

Xalq ta'limi

23 марта 2023 18:11

Maʼlumki, 2021-yilda tajriba tariqasida boshlangan “Tashabbusli byudjet” loyihasi oʼtgan 2 yil davomida xalqimiz tomonidan iliq qabul qilindi. Bugungi kunda yurtdoshlarimiz oʼz hududidagi hal etilishi lozim boʼlgan qator masalalarni “Open budget” portaliga joylab, ovoz yigʼish orqali ushbu tashabbusda gʼolib boʼlish uchun harakat qilishmoqda.

Ushbu portalga joylanayotgan ijtimoiy loyihalar orasida maktabgacha va maktab taʼlimi muassasalarini taʼmirlash ishlari ham yetakchilik qiladi. Аlbatta, ushbu jarayonda oʼqituvchilar, oʼquvchilar hatto ota-onalar ham tashabbus koʼrsatib, oʼzlari mehnat qilayotgan, taʼlim olayotgan yoki farzandlari tahsil olayotgan taʼlim dargohini obod qilish uchun ovoz berishda shaxsiy tashabbus koʼrsatmoqda.

Biroq ijtimoiy tarmoqlar orqali joylarda baʼzi oʼqituvchilarga ushbu loyihada ovoz yigʼish uchun majburiy topshiriq berilayotgani, topshiriqni bajarishga beeʼtibor qarayotgan oʼqituvchilarga kerakli chora koʼrish bilan tahdid qilinayotganligi toʼgʼrisida xabarlar tarqalib, ular Maktabgacha va maktab taʼlimi vazirligi tomonidan jiddiy oʼrganilmoqda.

Ayni vaqtda “Vazirga murojaat” portaliga oʼqituvchilardan ushbu mazmundagi murojaatlar kelib tushmagan.

Shuni alohida taʼkidlash lozimki, Oʼzbekiston Respublikasi Prezidentining 2018-yil 14-avgustdagi tegishli qaroriga koʼra, pedagoglarni xizmat majburiyati bilan bogʼliq boʼlmagan ishlarga jalb qilish taqiqlanadi.

Hurmatli oʼqituvchilar, maktabgacha va maktab taʼlimi muassasalari xodimlari!

Аgar sizning taʼlim maskaningizda oʼqituvchilarni ushbu loyiha doirasida majburiy ovoz yigʼishga jalb etish holatlari kuzatilsa, vazirlikning Ishonch telefoni 71-202-09-09 ga qoʼngʼiroq qilishingizni soʼraymiz. Sizning murojaatingiz asosida ushbu yoʼnalishda qonun buzilish holati aniqlansa, tegishli masʼul xodimlarga zarur taʼsir choralari koʼriladi.

“Tashabbusli byudjet” loyihasi faqat tashabbusga asoslanadi, bunda hech kimni majburlashga yoʼl qoʼyilmaydi!

Maʼlumot uchun shuni ham qo'shimcha qilishni joiz deb topdim, yaqinda Oliy Majlis Senati tomonidan “Pedagog xodimlarning xizmat vazifalarini bajarishiga toʼsqinlik qilganlik uchun javobgarlik kuchaytirilishi munosabati bilan Oʼzbekiston Respublikasining Jinoyat kodeksiga hamda Oʼzbekiston Respublikasining Maʼmuriy javobgarlik toʼgʼrisidagi kodeksiga qoʼshimcha va oʼzgartishlar kiritish haqida”gi Qonun maʼqullandi.

Unda oʼqituvchilarni majburiy mehnatga jalb etganlik uchun jinoiy javobgarlikkacha boʼlgan jazo nazarda tutilmoqda. Yaʼni pedagog xodimni mehnatga maʼmuriy tarzda majburlaganlik uchun bazaviy hisoblash miqdorining bir yuz ellik baravaridan ikki yuz baravarigacha miqdorda jarima yoki uch yilgacha muayyan huquqdan mahrum qilish yohud uch yilgacha axloq tuzatish ishlari bilan jazolanishi belgilanmoqda.

Shuningdek, pedagog xodimlarni mehnatga maʼmuriy tarzda majburlaganlik uchun maʼmuriy jazo qoʼllanilganidan keyin xuddi shunday qilmishni takroran sodir etganlik uchun jinoiy javobgarlikni nazarda tutuvchi norma Jinoyat kodeksiga kiritilmoqda.

Shunday ekan, oʼqituvchilarimizning kasbiy huquqlari Davlatimiz nazoratida ekanligini, ularni majburiy mehnatga jalb qilishga yo'l qo'yilmasligini unutmasligingizni so'raymiz.

каналга уланиш👇👇👇
/channel/xalq_talimi

Xalq ta'limi

23 марта 2023 12:34

«Бола қўрқиб эмас, яхши кўриб ҳурмат қилиши керак» — Ветнамда дарс бераётган ўзбекистонлик ўқитувчи

Фарғоналик Достонбек Сиддиқов ота-онаси изидан бориб ўқитувчилик касбини танлаган. 5 йилдан бери Ветнамда яшайдиган йигит инглиз тилидан дарс беради, у ойига ўртача 4 минг доллар даромад қилади. Бу давлат унинг ўқитувчи сифатида қарашларини бутунлай ўзгартирган. Аввалига бегона юртда мактаблардан иш тополмагач фаолиятини боғчадан бошлаган ўзбек йигити вақт ўтиб у ерда «йил ўқитувчиси» сифатида эътироф этилган. Ўқитувчи Kun.uz мухбири билан суҳбатда Ветнамга қандай бориб қолгани, эришган ютуқлари ва давлат таълим тизимидаги ўзига хосликлар ҳақида сўзлаб берди.

📹 ТЎЛИҚ СУҲБАТНИ САЙТИМИЗДА КЎРИНГ

Xalq ta'limi

17 марта 2023 15:31

16 YOSHGA TO‘LGAN MAKTAB BITIRUVCHILARIDAN O'Z VAQTIDA PASPORT (ID KARTA) OLISHLARI SO‘RALADI

Ma’lumki, abituriyentlarning oliy ta’lim muassasalariga kirish uchun tegishli hujjatlarni onlayn topshirish uchun bitiruvchilarning pasport (ID karta) ma’lumotlarini ABITUR elektron dasturiga kiritish talab etiladi.

Maktabgacha va maktab ta'limi vazirligi 16 yoshga to‘lgan har bir bitiruvchi o‘z vaqtida pasport (ID karta) olishi zarurligini eslatib o‘tadi.

Bugungi kunga qadar joriy o‘quv yilida maktablarni tamomlayotgan 390 mingdan ortiq o‘quvchining 16 yoshga to‘lgan 23 ming nafari (6%) pasport (ID karta) olmaganligi sababli ularning ma’lumotlari elektron bazaga hozircha kiritilmagan.

Hurmatli ota-onalar, aziz bitiruvchilar!

Farzandingizning konstitutsiyaviy huquqidan foydalangan holda, 16 yoshga to‘lgan farzandlaringizni o‘z vaqtida pasport (ID karta) olishini ta’minlashingizni, maktab ma’muriyatidan esa bitiruvchilarning pasport (ID karta) ma’lumotlarini mazkur manzilga kiritib, ularni kelgusida oliy ta’lim muassasalariga hujjat topshirishida zarur ko‘mak berishingizni so‘raymiz.

Ma'lumot uchun: Pasport (ID karta) olish uchun hududiy ichki ishlar organlarining Migratsiya va fuqarolikni rasmiylashtirish bo‘limlari va Davlat xizmatlari markaziga murojaat etishlari zarur.


каналга уланиш👇👇👇
/channel/xalq_talimi

Xalq ta'limi

15 марта 2023 14:37

#rekord
❇️BUXOROLIK O‘QITUVCHI VAZIR JAMGʻARMASI USTAMASI UCHUN O‘TKAZILGAN HAR IKKALA SINOVDA HAM ENG YUQORI NATIJANI QAYD ETDI

🔹Kogon tumanidagi 1-IDUMning oliy toifali ingliz tili fani o‘qituvchisi Shavkat Shodiyev ana shunday natijani qo‘lga kiritdi.

🔹2022-yil dekabr oyida Jamg‘armadan har oylik ustama to‘lanadigan malakali pedagog kadrlarni saralash sinovlarining dastlabki – test bosqichida 100 balldan 100, 2- bosqich – suhbat jarayonida 10 balli natijani qayd etdi.

🔹Aytish joizki, 22 yillik pedagogik faoliyatga ega bo‘lgan tajribali o‘qituvchi Shavkat Shodiyevning yutuqlari talaygina.

Batafsil👉https://telegra.ph/bvmmtbuz-03-15

✅Buxoro viloyati maktabgacha va maktab ta'limi boshqarmasi kanallariga a’zo bo‘ling:👇
Telegram |Сайт | Facebook |buxoroviloyatxalqtalimibos2414">You Tube

Xalq ta'limi

14 марта 2023 15:32

#Xorijiy_hamkorlik
#BAA

🔴 Maktabgacha va maktab ta'limi vazirligi delegatsiyasi ayni vaqtda Birlashgan Arab Amirliklarining Abu-Dabi shahrida bo‘lib turishibdi.

❗️Ikki tomonlama uchrashuvlar davomida vazirlik delegatsiyasi BAA Milliy maktabi hamda uning qoshidagi Texnologiya va kasb markazi faoliyati bilan tanishdi.

Unda BAA Milliy maktablari bilan xorijiy tillarni o‘rgatish hamda kasbga yo‘naltirish borasidagi kelgusidagi hamkorlik ishlari muhokama qilindi.

📍Shuningdek, delegatsiya vakillari uchun Milliy maktab hamda uning qoshidagi Texnologiya va kasb markazi faoliyati bo'ylab kampus-tur tashkil etildi.

Mazkur markaz o‘quvchilarni kasbga yo‘naltirish kasb tanlashga ko‘maklashish maqsadida tashkil etilgan.

Vazirlikning rasmiy sahifalariga ulanish
Telegram | Youtube | Facebook | Instagram

Xalq ta'limi

13 марта 2023 19:30

#Yangi_loyiha

📣 PREZIDENT MAKTABLARI TAJRIBASINI BO‘LISHAMIZ: MAKTAB MASLAHATCHISIDAN TAVSIYALAR-2

Xorijning yetakchi OTMlariga kirish uchun tavsiya xati qanday yozilishini bilasizmi?

Mazkur xatni yozishda nimalarga e'tibor qaratish kerakligini-chi?

❗️Ushbu videoda xorijiy universitetlarga kirish uchun talab etiladigan tavsiya xati qanday yozilishi kerakligi haqida batafsil ma'lumot berilgan.
________

👉Video Ixtisoslashtirilgan ta'lim muassasalari agentligi tizimidagi Jizzax shahridagi Prezident maktabi tomonidan tayyorlandi.

Vazirlikning rasmiy sahifalariga ulanish
Telegram | Youtube | Facebook | Instagram

Xalq ta'limi

13 марта 2023 10:20

Maktabgacha va maktab ta'limi vaziri buyrugʻi bilan:

➖Xudaykulov Sherzodjon
Uktamovich - Sirdaryo viloyati maktabgacha va maktab ta'limi boshqarmasi boshligʻi (аvval - Guliston shahar Prezident maktabi ijrochi direktori edi);

➖Xolbayeva Nargiza Ibadullayevna - Sirdaryo viloyati maktabgacha va maktab ta'limi boshqarmasi boshligʻining tarbiyaviy ishlar va ixtisoslashtirilgan muassasalarni muvofiqlashtirish bo'yicha o'rinbosari (avval - O‘zbekiston Respublikasi Prezident ta’lim muassasalari agentligi Sirdaryo viloyati hududiy bo‘limi boshlig‘i edi);

➖Dustov Davron Zulxaydarovich - Sirdaryo viloyati maktabgacha va maktab ta'limi boshqarmasi boshlig'ining maktabgacha ta'lim bo'yicha o'rinbosari lavozimiga (avval - Sirdaryo viloyati maktabgacha ta’lim boshqarmasi boshligʻi edi) tayinlandi.

Telegram | Facebook | Instagram

Xalq ta'limi

12 марта 2023 05:34

#Vazirga_murojaat
#Video_bayonot

Xabaringiz bor, yaqindan boshlab Maktabgacha va maktab ta’limi vazirining “Vazirga murojaat” portali ish boshladi.

Yurtdoshlarimiz ushbu manzilga o‘zlarini qiziqtirgan tizimga oid savol, murojaat va takliflarini yuborishlari belgilangan.

Ushbu tajribaning afzalligi shundaki, portalga kelib tushayotgan har bir murojaat vazir Hilola Umarova tomonidan nazoratga olinadi va tegishli mas’ullar tomonidan birma-bir javob beriladi.

Endilikda yana bir tashabbus ijrosini amalga oshiryapmiz. Unga ko‘ra, portalga kelib tushgan, mazmunan bir xil bo‘lgan savollarga umumlashtirilgan holda videobayonot orqali javob berishni yo‘lga qo‘ydik. Maqsadimiz, yo‘llangan savol egalariga asosli va to‘g‘ri yo‘nalish ko‘rsatish barobarida mazkur masalalarga duch kelayotgan boshqa fuqarolarga ham yengillik yaratishdir.

“Vazirga murojaat” portali uchun maxsus tayyorlangan dastlabki videobayonotimizda ana shunday muhim mavzularni qamrab olishga harakat qildik.

Bayonotlarimiz davom etadi.

Xalq ta'limi

11 марта 2023 11:01

VAZIR TOPSHIRIG‘IGA ASOSAN 152-MAKTABDA YUZAGA KELGAN HOLAT O‘RGANIB CHIQILADI

Maktabgacha va maktab taʼlimi vaziri Hilola Umarovaning ko‘rsatmasiga asosan Toshkent shahridagi 152-maktabda yuzaga kelgan holat hamda maktabdagi taʼlim va tarbiya jarayonlarini o‘rganib chiqish bo‘yicha vazirlik Ishchi guruhi tuzildi.

Ayni damda o‘qituvchining maktabdagi nosog‘lom muhit bo‘yicha ijtimoiy tarmoq faollariga murojaati keng muhokamalarga sabab bo‘lmoqda. Shu o‘rinda jamoatchilik vakillaridan har ikki tomonni o‘rgangandan so‘ng xolis axborot tarqatishlarini, shuningdek vazirlik ishchi guruhi bilan birgalikda o‘rganish jarayonlarida ishtirok etishlari mumkinligini bildiramiz.

Eslatib o‘tamiz, maktabda o‘qituvchi va o‘quvchi o‘rtasida yuzaga kelgan nizoli holat bo‘yicha o‘quvchining ota-onasi huquq-tartibot idoralariga murojaat qilgan. Sud qarori bilan o‘quvchining onasi va maktab o‘qituvchisiga nisbatan maʼmuriy choralar qo‘llanilgan.

Ishchi guruhning o‘rganish natijalari jamoatchilikka maʼlum qilinadi.

Yuqoridagi holat nafaqat pedagoglar, balki ota-onalarni ham hushyor bo‘lishga undashi kerak. Sababi farzandlarimiz maktabga taʼlim olish uchun keladi, tarbiya esa ota-ona zimmasida bo‘lishi lozim.

Shu o‘rinda o‘qituvchilardan ham o‘quvchilar bilan ziddiyatli vaziyat yuzaga kelganda, pedagogga xos bo‘lgan taʼsir choralarini qo‘llashi lozimligini, har qanday holatda o‘zini qo‘lga olib, bolaning ota-onasi bilan birgalikda muammoga yechim topishi zarurligini yana bir bor eslatib o‘tamiz.


http://t.me/xalq_talimi

Xalq ta'limi

09 марта 2023 10:47

❗️11 март (шанба) — барча ходимлар учун иш куни

Президент фармони билан 11 март шанба дам олиш куни 20 март душанба кунига кўчирилди.

Шу муносабат билан 11 март, шанба куни иш ҳафтаси туридан қатъи назар, барча ходимлар учун иш куни ҳисобланади. 👇 Ўқитувчилар учун телеграмда махсус каналга кушилинг.👇

http://t.me/xalq_talimi

Xalq ta'limi

09 марта 2023 10:46

“Yuksalish” umummilliy harakati davlat boshqaruvidagi TOP-40 rahbar ayollar reytingi yangiladi

Siyosiy partiyalarda xotin-qizlar ulushi 47 foizga, oliy ta’limda 40 foizga, tadbirkorlik faoliyatida esa 37 foizga yetdi. Rahbar lavozimlarda ishlayotgan ayollar ulushi — 33 foiz. Bugungi kunda 2 mingga yaqin davlat va jamoat tashkilotlariga ayollar rahbarlik qilmoqda.

Vazirlikning rasmiy sahifalariga ulanish
Telegram | Youtube | Facebook | Instagram

Xalq ta'limi

01 марта 2023 11:02

Педагог болани китоб ўқишга қизиқтиришнинг самарали усулини айтди

👉 https://kun.uz/18245837

Kun.uz расмий канали

Xalq ta'limi

25 февраля 2023 16:32

Экстeрнат тартибидаги имтиҳонлар мактаб ўқувчиларига тааллуқли эмас — вазирлик

Ижтимоий тармоқларда “Энди мактаб ўқувчилари олдиндан битирув имтиҳонларини топширишлари ва мактаб дарсларига бормасликлари мумкин” деган хабар тарқалди. Мактабгача ва мактаб таълими вазирлигининг маълум қилишича, мактаб ёшидан ўтган фуқароларнинг экстернат тартибида имтиҳон топшириш учун аризалар бериши ҳақидаги хабар нотўғри талқин қилинган.

👉 https://kun.uz/50797745

Kun.uz расмий канали

Xalq ta'limi

25 марта 2023 13:31

Vazir Hilola UMАROVА: "Halol maktab direktorining faoliyatiga hech kim toʼsqinlik qilishiga yoʼl qoʼymaymiz”

Bugun Maktabgacha va maktab taʼlimi vaziri Hilola Umarova Sirdaryo viloyatining 300 dan ortiq maktab direktorlari bilan uchrashib, ularni qiynayotgan muammolar va rejalar bilan yaqindan tanishdi.

Uchrashuvda bugungi kun zamonaviy maktab rahbari oldidagi vazifalar haqida soʼz bordi:

“Direktorlar meni eng koʼp oʼylantiradigan, taʼlimdagi ogʼriqli nuqtalardan biri. Koʼp yillar maktabda direktor boʼlganim uchun bu lavozimning mashaqqatini bilaman. Taʼlimda faqat sizlar bilan oʼzgarish qila olishimiz mumkin.

Har biringizdan birinchi navbatda halollik talab qilaman. Halol boʼlmagan insonga taʼlimda oʼrin boʼlishi mumkin emas. Halol maktab direktorining faoliyatiga hech kim toʼsqinlik qilishiga yoʼl qoʼymayman. Direktor halol boʼlsa, uning yonida men turaman!

Siz bilan biz oʼqituvchilarning jamiyatdagi obroʼ va nufuzini yuksaltirishimiz kerak. Bugun nima uchun istagan ota-ona maktabga kelib, oʼqituvchiga gapirishga haddi sigʼyapti? Oʼz hurmatini, qadr-qimmatini bilgan oʼqituvchiga hech kim ortiqcha gapirishga haddi sigʼmaydi. Oʼqituvchilarning nufuzini koʼtarish esa siz-u bizning vazifamiz. Maktabga zamonaviy direktor rahbarlik qilsa, buni ota-ona ham sezadi. Shu bois lavozimingizni suiisteʼmol qilmagan holda maktabingizda taʼlim sifatini koʼtarishga oʼzingiz harakat qiling.

Viloyatda 325 ta maktab bor. Bu degani, shuncha rahbar va bir-biridan farq qiluvchi shuncha muhit degani. Shunday maktablar borki, infratuzilmasi yaxshi emas, lekin u yerdagi muhitni birorta zamonaviy maktabdan topa olmaysiz.

Yangilikni oʼzimizdan boshlashimiz kerak. Biz esa vazirlik jamoasi bilan birgalikda sizlar bilan yelkama-yelka ishlaymiz.

Biz bir kemadamiz - ziyolilar kemasida. Bu tizimda muammo boʼlmasligi uchun oʼz ustimizda tinimsiz ishlashimiz lozim.

Ishimiz ham, jamoamiz ham oilamiz, har ikkisi tinch boʼlsa, koʼnglimiz xotirjam boʼladi. Shunday ekan, barchamizga doimo oiladan oilaga yorugʼ yuz bilan borish nasib qilsin”, - deydi Hilola Umarova.

Xalq ta'limi

24 марта 2023 09:15

Агриппина Шин Мактабгача таълим агентлиги директори этиб тайинланди

Собиқ мактабгача таълим вазири Агриппина Шин мактабгача ва мактаб таълими вазирининг биринчи ўринбосари — Мактабгача таълим агентлиги директори сифатида иш бошлади.

👉 https://kun.uz/67640470

Kun.uz расмий канали

Xalq ta'limi

23 марта 2023 18:11

Majburiy attestatsiyaga jalb etilmaydigan pedagog xodimlar safi kengaymoqda

Bugun O‘zbekiston Respublikasi Vazirlar Mahkamasining “Ta’lim tashkilotlari pedagog kadrlarini attestatsiyadan o‘tkazish tartibini takomillashtirish bo‘yicha qo‘shimcha chora-tadbirlar to‘g‘risida”gi 120-son qarori qabul qilindi.

Unga ko‘ra, 2023-yil 1-apreldan boshlab:

✅pedagogik faoliyat bo‘yicha 25 yil va undan ko‘p ish stajiga ega bo‘lgan;

✅yoshga doir pensiyaga chiqishi uchun 5 yildan ko‘p bo‘lmagan muddat qolgan pedagog xodimlar majburiy attestatsiyaga jalb etilmaydi.

Mazkur qarorga asosan, Vazirlar Mahkamasining 2021-yil 17-sentabrdagi 572-son qarori bilan tasdiqlangan “Maktabgacha, umumiy o‘rta, o‘rta maxsus, professional va maktabdan tashqari ta’lim tashkilotlari pedagog kadrlarini attestatsiyadan o‘tkazish tartibi to‘g‘risida”gi nizomga tegishli o‘zgartirish va qo‘shimcha kiritildi.

каналга уланиш👇👇👇
/channel/xalq_talimi

Xalq ta'limi

21 марта 2023 05:03

#Tabriknoma

Hurmatli hamyurtlar!

Barchangizni 21-mart - Navro‘z ayyomi bilan chin qalbdan muborakbod etamiz.

Sizga mustahkam sog‘lik, oilalaringizga tinchlik-xotirjamlik va fayzu baraka tilaymiz.

Yurtimiz tinch, xalqimiz birdam bo‘lsin!

Sharqona Yangi yilimiz — Navro‘zi olamning qadami qutlug‘ va barakali kelsin!

Ayyom muborak bo‘lsin!

Hurmat bilan,
Maktabgacha va maktab ta’limi vazirligi  jamoasi

Xalq ta'limi

16 марта 2023 12:06

Hilola Umarova “Vazirga murojaat” portaliga qabul qilinayotgan murojaatlar va ularning yechimi haqida

Maktabgacha va maktab ta’limiga oid soha yetakchisi sifatida ish boshlagan ilk kunimdan ta’lim fidoyilari — o‘qituvchilar va pedagog xodimlarning bugungi muammolari va tizimni yanada rivojlantirishga doir takliflari bilan qiziqdim. Va yuz minglab auditoriyaga ega bu ulkan jamoa bilan muloqot davrasini tashkil etish uchun “Vazirga murojaat” portalini ishlab chiqishni boshladik.

Maqsadimiz ezgu — mavjud muammolarni faoliyat yuritayotgan pedagog kadrlarning o‘zlaridan kelib tushgan murojaat va takliflar orqali o‘rganib, keyingi faoliyat istiqbollarini belgilash.

Joriy yilning mart oyining ilk kunlarida ishga tushgan ushbu portalga (ilk 10 kunlik davomida) hozirga qadar 1200 dan ortiq murojaatlarni qabul qildik. Quvonarlisi, ushbu platformaga soha xodimlaridan tashqari yurtimizdagi har bir fuqaro — ota-onalar, keng jamoatchilik vakillari ta’limni rivojlantirishga doir o‘z takliflarini yuborishmoqda. Va bu murojaatlarning har biri chuqur tahlil qilinib, manzilli o‘rganilmoqda.

Dastlabki xulosalarimiz va tahlillarimizni sizlar bilan bo‘lishsam:

Ayni vaqtda murojaatlarning soni bo‘yicha Toshkent shahri, Qashqadaryo hamda Toshkent viloyati yetakchilik qilmoqda. Murojaatlarning:

21 foizdan ortig‘i ta’lim tizimi bo‘yicha takliflar;
12 foizi ish haqi, ustamalar;
7 foizi malaka toifasi uchun attestatsiya hamda sertifikatsiyalash;
9 foizi maktablarning moddiy-texnik bazasi, infratuzilmasini yaxshilash bilan bog‘liq masalalardir.

Eng achinarli jihati, murojaatlarda hududlardagi rahbar kadrlar faoliyatiga doir norozilik, maktablardagi nosog‘lom muhit bilan bog‘liq masalalar ham talaygina.

Bilamizki, sohadagi eng ko‘p tanqidlar ta’lim muassasalaridagi nosog‘lom muhit bilan bog‘liq, shu bois vazirlikning birinchi galdagi vazifasi va maqsadi tizimidagi barcha ta’lim muassasalarida sog‘lom va xavfsiz muhitni shakllantirishdan iboratdir.

Xalqaro tajribalar shuni ko‘rsatmoqdaki, bola xavfsiz va sog‘lom muhitdagina sifatli ta’lim ololadi. Bu muhitni yaratish esa zamonaviy rahbar va malakali o‘qituvchilar qo‘lida. Shunday ekan, yangi vazirlik tizimidagi ta’lim tashkilotlariga zamonga moslasha oladigan, sohada innovatsiyalar qilishga qodir zamonaviy kadrlarni tayinlash bo‘yicha ish olib borilmoqda.

Shu o‘rinda maktablar infratuzilmasiga oid ko‘pgina so‘rovlarga ham javob berib o‘tsam. 2023-yilda yurtimizda:

57 ta maktabgacha ta’lim tashkiloti;
24 ta maktab;
6 ta ixtisoslashtirilgan maktab binolari yangidan quriladi.

111 ta maktabgacha ta’lim tashkiloti;
206 ta umumta’lim maktablari
3 ta ixtisoslashtirilgan maktablar rekonstruksiya qilinadi.

2 ta maktabgacha ta’lim tashkiloti;
9 ta maktabning bino va inshootlari mukammal ta’mirlanadi.

Bu faqat aniq rejalarimiz. Ammo yil davomida bog‘chalardagi tarbiyalanuvchi va maktablardagi o‘quvchi o‘rinlarini yanada ko‘paytirish bo‘yicha qo‘shimcha imkoniyatlar yaratish ustida ishlar davom etmoqda.

“Vazirga murojaat” portaliga kelib tushayotgan taklif va murojaatlar bizni quvontirmoqda. Buning uchun ustozlarimiz, ota-onalarimiz va faol jamoatchilik vakillariga ta’lim sifatini yanada oshirishga doir kuyunchaklik bilan bildirayotgan takliflari uchun minnatdorlik bildiramiz va ularni albatta inobatga olishimizni aytib o‘tishni istardim.

Shuningdek mazkur portalga kelib tushayotgan eng aktual savollarga vazirligimiz tomonidan javoblar tayyorlanib, videobayonot tarzida berib borilishi yo‘lga qo‘yilganini ham aytib o‘tmoqchi edim.

Portalga murojaatlar qabuli davom etadi, ushbu manzil orqali o‘z takliflaringizni yuborishingiz mumkin.

Xalq ta'limi

14 марта 2023 15:32

#Jarayon

Vazir jamg‘armasidan ustama olishga nomzodlarni saralashning 2-bosqich jarayonlari qanday o‘tmoqda?

Joriy yilning 13-mart kuni Vazir jamg‘armasi hisobidan har oylik ustama to‘lanadigan nomzodlarning kasbiy mahoratini baholash uchun suhbatlar boshlandi.

Ushbu sinov jarayonlariga birinchi bosqichda dars beradigan umumtaʼlim fanidan bo‘lib o‘tgan test sinovlarida maksimal ballning 80 va undan yuqori foiz natijani qayd etgan 1722 nafar nomzod qatnashmoqda.

Kasbiy mahoratini baholash bo‘yicha o‘tkazilgan suhbat natijalariga ko‘ra eng yuqori ball to‘plagan malakali pedagog kadrlarga joriy yilning aprel oyidan boshlab, 9 oy davomida mehnatga haq to‘lashning eng kam miqdorining 5,5 baravari miqdorida (bugungi kunda 5 mln so‘m) har oylik ustama to‘lanadi.

Suhbat jarayonlari 18-martga qadar davom etadi.


Vazirlikning rasmiy sahifalariga ulanish
Telegram | Youtube | Facebook | Instagram

Xalq ta'limi

14 марта 2023 15:28

“Маҳаллий амалдорлар энди ўқитувчини текин хизматкорга айлантиролмайди” – депутат

Янги таҳрирдаги конституцияга ўқитувчилар билан боғлиқ модда киритилмоқда. Унда давлат ўқитувчиларнинг ижтимоий ва моддий фаровонлиги, касбий жиҳатдан ўсиши тўғрисида ғамхўрлик қилиши белгилаб қўйиляпти.

👉 https://kun.uz/47832047

Kun.uz расмий канали

Xalq ta'limi

13 марта 2023 19:30

Президент ўқитувчиларнинг ойлигини 1000 долларга етказиш ҳақида: Келамиз шу кунларга, лекин муаллимлар ҳам ўз устида кўпроқ ишлашлари керак
—
Президент о доведении зарплаты учителей до 1000 долларов: Этот момент наступит, но и учителя должны усерднее работать над собой

Facebook|Instagram|Twitter

Xalq ta'limi

12 марта 2023 08:21

Мактаб ўқувчилари якуний имтиҳонида креатив ва мантиқий фикрлашга йўналтирилган топшириқлардан фойдаланилади

Май ва июнь ойларида мактаб ўқувчиларининг якуний назорат имтиҳонлари бўлиб ўтади. Вазирлар Маҳкамаси қарорига мувофиқ таълим муассасаларида ўқув машғулотлари 25 майга қадар давом этади.

👉 https://kun.uz/40775718

@xalq_talimi

Xalq ta'limi

11 марта 2023 11:01

Joriy yilda maktab o‘quvchilarining yakuniy imtihonlarida kreativ va mantiqiy fikrlashga yoʻnaltirilgan topshiriqlardan foydalaniladi

Joriy yilning may va iyun oylarida maktab o‘quvchilarining yakuniy nazorat imtihonlari bo‘lib o‘tadi.

Vazirlar Mahkamasining qaroriga muvofiq taʼlim muassasalarida o‘quv mashg‘ulotlari joriy yilning 25-mayiga qadar davom etadi.

9-sinf o‘quvchilari uchun Jismoniy tarbiya fanidan imtihonlar joriy yilning 1-6-may kunlari o‘tkaziladi. Jismoniy yoki psixik rivojlanishida nuqsoni bo‘lgan bolalar uchun ixtisoslashtirilgan maktab, maktab-internatlari hamda skolioz bilan kasallangan bolalar uchun sanatoriy turidagi maktab-internatlari bundan mustasno.

Shuningdek, 9- va 11-sinflar uchun yakuniy (bitiruv) nazorat imtihonlari joriy yilning 26-mayidan 15-iyuniga qadar tashkil etiladi.

Umumtaʼlim fanini bilish darajasi to‘g‘risida davlat namunasidagi sertifikat hamda chet tili fanlari bo‘yicha kamida B1 darajadagi milliy yoki unga tenglashtirilgan mos darajadagi xalqaro tan olingan sertifikatga ega bo‘lgan o‘quvchilar imtihonlarda muayyan fandan ozod etiladi.

Imkoniyati cheklangan maktab-internatlarida tahsil oladigan alohida ta'limga ehtiyoji bo'lgan o'quvchilarga ushbu umumtaʼlim muassasalariga qo‘yilgan talablar asosida o‘tkaziladi.

Umumiy oʻrta taʼlim maktablarida taʼlim beriladigan barcha tillarda imtihonlar oʻtkaziladigan fanlar boʻyicha bitiruvchi sinf oʻquvchilari uchun namunaviy imtihon materiallarini hamda baholash mezonlarini tayyorlashni Respublika ta’lim markazi amalga oshiradi.

Imtihon materiallarini ishlab chiqishda umumtaʼlim maktablari oʻquvchilari uchun kreativ va mantiqiy fikrlashga yoʻnaltirilgan topshiriqlar kiritilishi inobatga olinadi hamda topshiriq namunalari 2023-yilning 1-aprelga qadar vazirlikning rasmiy sahifalarida e’lon qilinadi.

Imtihonlar belgilangan muddatda shaffof, adolatli va xolis o‘tkazilishi uchun barcha zaruriy choralar ko‘riladi.

Quyidagi havola orqali bosqichli va yakuniy nazorat imtihonlari o‘tkaziladigan fanlarning ro‘yxati hamda tartibi bilan tanishishingiz mumkin.

* * * * *

В этом году на выпускных экзаменах школьников используются задания, ориентированные на творческое и логическое мышление

В мае и июне этого года пройдут итоговые контрольные экзамены школьников.

В соответствии с решением Кабинета Министров учебные занятия в учебных заведениях будут продолжаться до 25 мая текущего года.

Экзамены по физкультуре для 9-х классов в этом году пройдут с 1 по 6 мая. За исключением специализированных школ и школ-интернатов для детей с физическими или умственными недостатками, а также школ-интернатов санаторного типа для детей со сколиозом.

Итоговые (выпускные) контрольные экзамены для 9 и 11 классов будут организованы с 26 мая по 15 июня текущего года.

Обучающиеся, имеющие сертификат государственного образца по конкретному предмету и национальный или эквивалентный ему международно-признанный сертификат уровня не ниже В1 по иностранному языку будут освобождены от экзаменов.

Экзамены для учеников с ограниченными возможностями, обучающиеся в школах-интернатах, проводятся на основании требований, предъявляемых к этим общеобразовательным учреждениям.

Республиканский образовательный центр готовит образцы экзаменационных материалов и критерии оценки учащихся выпускного класса по всем предметам, по которым проводятся экзамены, преподаваемым в общеобразовательных средних школах.

При разработке экзаменационных материалов будут включены задания, ориентированные на творческое и логическое мышление для учащихся общеобразовательных школ, образцы которых будут опубликованы на официальных страницах Министерства до 1 апреля 2023 года.

Будут приняты все необходимые меры для обеспечения прозрачности и справедливости проведения экзаменов.

С перечнем предметов и порядком проведения этапных и итоговых контрольных экзаменов вы можете ознакомиться, пройдя по ссылке.


http://t.me/xalq_talimi

Xalq ta'limi

09 марта 2023 18:45

III chorakning soʼnggi oʼqish kuni 18-mart (shanba) boʼladi

Oʼzbekiston Respublikasi Vazirlar Mahkamasining 2017-yil 15-martdagi 140-sonli qarori bilan tasdiqlangan Nizomning 26-bandiga muvofiq, umumiy oʼrta taʼlim maktablarida bahorgi taʼtil 21-mart sanasidan boshlanib, 7 kalendar kun davom etishi belgilangan.

Oʼzbekiston Respublikasi Prezidentining “2023-yilda rasmiy sanalarni nishonlash davrida qoʼshimcha ishlanmaydigan kunlarni belgilash va dam olish kunlarini koʼchirish toʼgʼrisida” 2022-yil 23-dekabrdagi Farmoniga muvofiq, 2023-yil 20-mart kuni – qoʼshimcha dam olish kun sifatida belgilanganligi munosabati bilan maktablarda bahorgi taʼtil 20-mart sanasidan boshlanadi hamda 26-martga qadar (shu kuni ham) davom etadi.

Shularni inobatga olib, umumiy oʼrta taʼlim maktablarida 18-mart (shanba) III chorakning soʼnggi oʼqish kuni boʼlib, IV chorak 27-mart sanasidan boshlanishini maʼlum qilamiz.

****

Последним учебным днем III четверти будет 18 марта (суббота)

Согласно пункту 26 Положения, утвержденного постановлением Кабинета Министров Республики Узбекистан №140 от 15 марта 2017 года, весенние каникулы в общеобразовательных школах начинаются 21 марта и длятся 7 календарных дней.

В соответствии с Указом Президента Республики Узбекистан от 23 декабря 2022 года «Об установлении дополнительных нерабочих дней в период празднования официальных дат и переносе выходных дней в 2023 году» 20 марта 2023 года в школах обозначен как дополнительный праздник. Он начинается с 20 марта и продолжается до 26 марта (включительно).

Принимая во внимание это, сообщаем, что 18 марта (суббота) будет последним учебным днем 3-й четверти, а 4-я четверть начнется 27 марта.


Vazirlikning rasmiy sahifalariga ulanish
Telegram | Youtube | Facebook | Instagram

Xalq ta'limi

09 марта 2023 10:47

Бугун Сенат ўқитувчиларни мажбурий меҳнатга жалб этганлик учун жиноий жавобгарликкача бўлган жазони назарда тутувчи қонунни маъқуллади.

Бу — ўқитувчилар ҳимояси йўлида ташланган катта қадам. Ишончим комилки, энди уларни вазифасига кирмайдиган ишларга мажбурламоқчи бўлганлар қонун олдида жавоб беришига тўғри келади.

Қонунни Президент имзолагач, ўқитувчилар, умуман, таълим соҳаси учун катта воқелик бўлади. Кутамиз.

___

Сегодня Сенат одобрил закон, предусматривающий наказание вплоть до уголовной ответственности за привлечение учителей к принудительным работам.
 
Это большой шаг в защите учителей. Уверена, что те, кто хочет заставить педагогов делать то, что не входит в их обязанности, будут отвечать перед законом.
 
Когда закон будет подписан Президентом, это станет неоспоримой реальностью для учителей и сектора образования в целом. Ждём

Xalq ta'limi

02 марта 2023 14:09

Педагог ходимлар фаолиятига тўсқинлик қилганлик учун жавобгарлик белгиланмоқда

Қонун билан педагогларнинг касбий фаолияти билан боғлиқ бўлмаган тадбирларга ноқонуний жалб этиш, педагог ходимларни ҳудудлардаги ижтимоий-иқтисодий муаммолар ва масалаларни ҳал этиш учун тузилган кўплаб ишчи гуруҳлар таркибига асоссиз киритиш, улардан турли ҳисобот ва маълумотлар талаб этиш каби муаммоларга ечим топиш мақсад қилинган.

👉 https://kun.uz/63967152

Kun.uz расмий канали

Xalq ta'limi

25 февраля 2023 17:08

RASMIY MUNOSABAT

EKSTERNAT TARTIBIDAGI IMTIHONLAR MAKTABDA TA’LIM OLAYOTGAN O‘QUVCHILARGA TADBIQ ETILMAYDI

Ijtimoiy tarmoqlarda “Endi maktab o‘quvchilari oldindan bitiruv imtihonlarini topshirishlari va maktab darslariga bormasliklari mumkin” degan mazmunda xabarlar tarqalmoqda.

Maktabgacha va maktab ta'limi vazirligi ushbu xabarlar mutlaqo hech qanday asosga ega bo'lmagan yolg'on xabarligini ma'lum qiladi.

Bu xabarlar maktabni o'z vaqtida tugata olmagan, ya'ni maktab yoshidan o'tgan fuqarolarning eksternat tartibida imtixon topshirish uchun arizalar berish bilan bog'liq xabarning noto'g'ri talqin qilinganligi natijasida tarqatilmoqda,

"Ta'lim to'g'risida"gi Qonunga muvofiq, fuqarolarning umumiy o'rta ta'lim olish huquqini ta'minlash maqsadida eksternat tartibida imtihonlarda faqat o‘z vaqtida turli sabablarga ko‘ra umumiy o‘rta ta’limni yakunlay olmagan, aniqroq aytganda, maktabni to‘liq bitirmagan 18 yoshdan oshgan fuqarolar ishtirok etadi.

Eksternat tartibidagi imtihonlarning maktabda ta’lim olayotgan o‘quvchilarga aloqasi yo'q va ularga tadbiq etilmaydi!

Xalq ta'limi

25 февраля 2023 10:22

Maktabda zilzila vaqtida qanday harakatlanish haqida tushuncha beriladimi?

Umumtaʼlim maktablari uchun tayyorlangan darsliklarda zilzila vaqtida qanday harakatlanish haqida atroficha tushuncha berilgan. Qolaversa, darsliklardan tabiiy ofat vaqtida zarur boʻladigan muhim hayotiy koʻnikmalarni shakllantirishga qaratilgan maxsus amaliy topshiriqlar ham oʻrin olganini ko'rish mumkin.

Batafsil: https://telegra.ph/Maktabda-zilzila-vaqtida-qanday-harakatlanish-haqida-tushuncha-beriladimi-02-24

Kanalga obuna bo'lish:👇👇👇
Telegram | Facebook | Instagram | You Tube | Twittter