19988
Официальный новостной канал КГУ 🌐: karsu.uz
#ǴXQ_QMU_haqqında
#Qaraqalpaqstan_TV
◾️Berdaq atındaǵı Qaraqalpaq mámleketlik universiteti Qaraqalpaq filologiyası hám jurnalistika fakulteti tyutorları tárepinen Ájiniyaz Qosıbay ulınıń 200 jıllıǵına baǵıshlap ádebiy keshe ótkerildi
Bizdi sociallıq tarmaqlarda baqlap barıń:
◾️Ájiniyaz Qosıbay ulınıń 200 jıllıǵı múnásibeti menen «ZAKOVAT» intellektuallıq bellesiwi ótkerildi
🤔«Zakovat» bul aqıl bellesiwi esaplanıp, onda ullı ata-babalarımızdıń múnásip izbasarları qatnasadı hám intellektuallıq potencialı, qábileti, izleniwsheńligi, baslamashı hám de jetekshiligi menen kópshilikti tań qaldıradı. Dene mádeniyatı fakultetinde shólkemlestirilgen ziyrek studentler «Sportta innovaciya» pán dógereginiń ziyrek studentleri baslaması menen Ájiniyaz Qosıbay ulınıń 200 jıllıǵına baǵıshlap usı jıl 23-oktyabr kúni Dene mádeniyatı fakulteti hám Shımbay fakultetiniń dene mádeniyatı tálim baǵdarı student-jasları arasında «ZAKOVAT» intellektuallıq bellesiwi ótkerildi.
🤔Bellesiwge 1,2,3-kurs studentlerden ibarat 16 komanda qatnasıp, olardıń teoriyalıq bilimleri, logikalıq oylaw qábileti, intellektuallıq potencialı sınaldı. Oyın qızǵın bellesiwlerge bay bolıp, kúshli, bilimli, ziyrek hám qábiletli studentler anıqlanıp, yaǵnıy, I-orındı «Almaz» toparı, II-orındı «Zevs» toparı, III-orındı «Brilliant» toparı jeńip alıwǵa miyasar boldı. «Zakovat» bellesiwinde jeńimpaz bolǵan studentler shólkemlestiriwshiler tárepinen tayarlanǵan diplomlar hám estelik sawǵaları menen múnásip sıylıqlandı.
➡️Tolıq oqıw
Bizdi sociallıq tarmaqlarda baqlap barıń:
Qaraqalpaqstan Respublikası Joqarǵı Keńesiniń Korrupciyaǵa qarsı gúresiw aymaqlıq keńesi tárepinen «Anticorr.uz» platforması iske túsirildi! 📲
Qaraqalpaqstan Respublikası Joqarǵı Keńesiniń Korrupciyaǵa qarsı gúresiw aymaqlıq keńesine siz korrupciya jaǵdayı boyınsha jeke múrájatıńızdı «Anticorr.uz» mobil qosımshası arqalı jollaw imkaniyatı jaratıldı.
Platforma test rejiminde jumıs alıp barıp atır.
Elimizde korrupciyalıq jaǵdaylardıń aldın alıw hám oǵan qarsı gúresiw ilajlarınıń nátiyjeliligin arttırıw maqsetinde jaratılǵan platforma arqalı siz múrájatıńızdı onlayn túrde tikkeley Aymaqlıq keńeske jollay alasız.
Siz jollaǵan múrájat tolıq sır tutıladı.
Múrájatıńızdı Anticorr.uz saytı yamasa qol telefonıńızǵa mobil qosımshanı júklep alıp, dizimnen ótken halda jollasańız boladı.
Qosımshanı júklep alıw ⬇️⬇️⬇️⬇️⬇️⬇️
Mobil kosımsha Android: Júklep alıń
Mobil qosımsha iOS: Júklep alıń
Bunnan tısqarı, arnawlı telegram bot ta ashılǵan: @anticorr_uz_bot
Bizdi sociallıq tarmaqlarda baqlap barıń:
#Saylaw_2024
◾️Biz kóp milletli eldiń teń huqıqlı jaslarımız!
Berdaq atındaǵı Qaraqalpaq mámleketlik universiteti student-jasları bársheni usı jıldıń 27-oktyabr kúni bolıp ótetuǵın siyasiy process – Ózbekstan Respublikası Oliy Majlisiniń Nızamshılıq palatası, Qaraqalpaqstan Respublikası Joqarǵı Keńesi, xalıq deputatları rayonlıq hám qalalıq Keńesleri deputatları saylawında belsene qatnasıwǵa shaqıradı!
Biz baxıtlı eldiń baxıtlı perzentlerimiz!
Bizdi sociallıq tarmaqlarda baqlap barıń:
◾️Nursulıw Kokanova «El-yurt umidi» fondınan 100 procentlik grant utıp aldı
🔘Berdaq atındaǵı Qaraqalpaq mámleketlik universitetiniń birinshi basqısh magistrantı Nursulıw Kokanova «El-yurt umidi» fondınan 100 procentlik grant utıp alıwǵa miyassar boldı hám Ullı Britaniyanıń Reding universitetine Arts-TESOL baǵdarı boyınsha oqıwǵa qabıllandı.
🔘Maǵlıwmat ornında atap ótiw kerek, ol 2018-jılı «Jas kitapqumar» tańlawınıń (15-19 jas kategoriyasında) respublikalıq basqıshında jeńimpaz bolıp, Prezident sawǵası bolǵan «Spark» avtomobili menen sıylıqlanǵan bolsa, usı jılı Ózbekstan Respublikası Prezidentiniń “Zulfiya atındaǵı mámleketlik sıylıǵı menen xoshametlendi.
Bizdi sociallıq tarmaqlarda baqlap barıń:
◾️Saylaw nızamshılıǵı hám ámeliyatı boyınsha
🤔Berdaq atındaǵı Qaraqalpaq mámleketlik universiteti studentler turar jayında student-jaslar menen «Saylaw nızamshılıǵı hám ámeliyatı» atamasındaǵı ushırasıw bolıp ótti. Ushırasıwda Yuridika fakulteti dekan Farxad Qutlımuratov, «Puqaralıq hám biznes huqıqı» kafedrası baslıǵı, Mambetbay Tleumuratov, «Puqaralıq hám biznes huqıqı» kafedrası docenti, Sharafatdin Shamshetov, «Puqaralıq hám biznes huqıqı» kafedrası assistenti Yusupbay Abdreymov, «Puqaralıq hám biznes huqıqı» kafedrası assistenti Timur Djadigerov hám student-jaslar qatnastı.
🤔Ushırasıw dawamında student-jaslarǵa saylaw nızamshılıǵına kirgizilgen ózgeris hám qosımshalar, usı jılıdıń 27-oktyabr kúni bolıp ótetuǵın Ózbekstan Respublikası Oliy Majlisi Nızamshılıq palatası deputatları, Qaraqalpaqstan Respublikası Joqarǵı Keńesiniń, xalıq deputatlarınıń wálayatlıq, Tashkent qalalıq Keńesleri, rayonlıq hám qalalıq Keńesleri deputatları saylawlarınıń ótkeriliw tártipleri, saylaw komissiyaları sisteması hám iskerliginiń tiykarǵı ózgeshelikleri, aralas saylaw sisteması hám onıń ózine tán ózgeshelikleri, saylawda saylawshılardıń dizimi menen islesiw, uchastkalıq saylaw komissiyaları jaylasqan imaratlardı úskenelew hám múddetinen aldın dawıs beriwdi shólkemlestiriw, uchastka saylaw komissiyasınıń saylaw procesi basqa qatnasıwshıları (ǴXQ, baqlawshılar, jámáát tártibin saqlawǵa juwapker mákemeler wákilleri) menen birge islesiwi, uchastkalıq saylaw komissiyasınıń dawıs beriw kúnindegi iskerligi, saylaw uchastkasında dawıslardı sanap shıǵıw hám nátiyjelerdi belgilew haqqında maǵlıwmatlar berildi.
➡️Tolıq oqıw
Bizdi sociallıq tarmaqlarda baqlap barıń:
◾️QMUda gúz-qıs máwsimin zıyansız ótkeriw boyınsha jumısshı toparlar dúzilip, záhárli gazlerdiń aldın alıw boyınsha ámeliy jumıslar alıp barılmaqta
✅Záhárli gazler insan salamatlıǵı hám ómiri ushın úlken qáwip tuwdıradı. Sonlıqtan búgingi kúnde gúz-qıs máwsimin zıyansız ótkeriw maqsetinde Berdaq atındaǵı Qaraqalpaq mámleketlik universiteti tárepinen arnawlı jumısshı toparlar dúzilip, ijarada jasaytuǵın studenlerdiń úylerinde záhárli gazlerdiń aldın alıw boyınsha bir qatar ilajlar alıp barılmaqta.
✅Tiykarınan jumısshı toparlar tárepinen kóp-qabatlı úylerde ijarada jasaytuǵın student-jaslardıń jasaw sharayatın úyreniw, jılıtıw úskeneleriniń texnika qáwipsizligine ámel etken halda paydalanılıwına itibar qaratıw, hawa rayınıń keskin dárejede suwıtıwı aldınan jılıtıw qazanları hám jıllılıq tarmaqlarında nasazlıqlardı saplastırıw boyınsha ámeliy jumıslar islenbekte.
Bizdi sociallıq tarmaqlarda baqlap barıń:
Haftaning eng muhim voqealari sharhi: Dunyodagi eng yirik kon-metallurgiya loyihalaridan biri. Prezident 2025-yilga moʻljallangan makroiqtisodiy koʻrsatkichlarni muhokama qildi. Green University – atrof-muhit va iqlim oʻzgarishini oʻrganish boʻyicha Markaziy Osiyodagi birinchi universitet.
—
Hápteniń eń áhmiyetli waqıyalarına sholıw: Dúnyadaǵı eń iri kán-metallurgiya joybarlarınıń biri. Prezident 2025-jılǵa mólsherlengen makroekonomikalıq kórsetkishlerdi dodaladı. Green University – qorshaǵan ortalıq hám klimat ózgeriwin úyreniw boyınsha Oraylıq Aziyadaǵı birinshi universitet.
—
Обзор важнейших событий за неделю: Один из крупнейших горно-металлургических проектов в мире. Президент обсудил макроэкономические параметры на 2025 год. Green University – первый в Центральной Азии университет по изучению окружающей среды и изменения климата.
Bizdi sociallıq tarmaqlarda baqlap barıń:
#Jasıl_mákan
#Tyutor_iskerligi
✅Berdaq atındaǵı Qaraqalpaq mámleketlik universiteti Fizika fakulteti tyutorı E.Babajanov baslaması menen belsendi student-jaslar tárepinen "Jasıl mákan" ulıwma milliy joybarı ótkerildi.
Bizdi sociallıq tarmaqlarda baqlap barıń:
📣📣📣DIQQAT DAǴAZA!📣📣📣
✅Ózbekstan Respublikası Joqarı bilimlendiriw, ilim hám innovaciyalar ministrligi, Berdaq atındaǵı Qaraqalpaq mámleketlik universiteti birge islesiwshi shet el joqarı oqıw orınları menen birgelikte qospa bilimlendiriw baǵdarlaması jolǵa qoyılmaqta.
📝Hújjetler usı jıldıń 20-oktyabr kúninen 5-noyabr sánesine shekem http://online.karsu.uz saytı arqalı onlayn qabıl etiledi.
📍Mánzil: Nókis, Ch.Abdirov kóshesi № 1.
☎️Maǵlıwmat ushın telefon: +99861 223-66-55
Bizdi sociallıq tarmaqlarda baqlap barıń:
☄️Texnikumlar menen birge islesiw dawam etpekte
🤔Kásip-óner mektebi tálim metodikasın rawajlandırıw hám pedagoglar bilim dárejesin asırıw boyınsha Qaraqalpaq mámleketlik universitetiniń 2023-jıl 7-iyun kúngi 160 D/1-sanlı buyrıǵına tiykar usı jıldıń 21-oktyabr kúni Ekonomika fakulteti «Finans» kafedrasınıń assistentleri A.Dauletaliva hám F.Ospanovalar Moynaq kásip-óner mektebinde boldı.
🤔Kásip-óner mektebinde oqıwshılardıń finanslıq bilimin jetilistiriw maqsetinde assistent A.Dauletalieva «Finanslıq sawatlılıq» temasında master klass ótip, bul tema boyınsha assistent F.Ospanova oqıwshılar ushın qızıqlı bolǵan viktorinalıq oyın shólkemlestirdi. Viktorina jeńimpazlarına sıylıqlar berildi.
🤔Bunnan soń, kásip-óner mektebi oqıwshıları ushın usı mektep oqıtıwshısı T.Seytimbetova menen «Finans» kafedrası professor-oqıtıwshıları birgelikte oqıw qollanbalar jazıp barıw boyınsha metodikalıq járdem kórsetiw boyınsha pikir almasıldı.
Bizdi sociallıq tarmaqlarda baqlap barıń:
#Ájiniyaz_Qosıbay_ulı
#200_jasta
▪️Ájiniyaz Qosıbay ulınıń 200 jıllıǵına baǵıshlanadı
Belgili qaraqalpaq shayırı hám oyshılı Ájiniyaz Qosıbay ulı óziniń biytákirar hám mazmunlı dóretiwshiligi menen xalqımızdıń mádeniyatı hám ádebiyatın rawajlandırıw, jas áwladtı watansúyiwshilik hám iygilikli ideyalar ruwxında tárbiyalaw, ózbek hám qaraqalpaq xalıqları arasında ázeliy doslıq hám awızbirshilikti bekkemlewge múnásip úles qosqan úlken dóretiwshi bolıp esaplanadı. Tereń oyshıl shayırdıń qosıq hám dástanlarında sáwlelengen gumanistlik filosofiyalıq kózqaraslar elimizdiń kewlinen tereń orın iyelegen.
Xiywadaǵı belgili Sherǵazıxan hám Qutlımurat inaq medreselerinde bilim alǵan bul ullı tulǵa tek ǵana mámleketimizde emes, al pútkil regionımızda xalıqshıl shayır, jetik muǵallim hám ustaz, sheber kalligraf sıpatında tán alınǵanı, oǵada itibarǵa ılayıq bolıp esaplanadı. Onıń kórkem shıǵarmaları túrkmen, qazaq, qırǵız hám basqa da tuwısqan xalıqlar tárepinen de súyip oqılmaqta. Ájiniyaz Qosıbay ulı tuwılǵan kúniniń 200 jıllıǵın belgilew YuNESKOnıń xalıqaralıq yubileyler rejesine kirgizilgeni de onıń dóretiwshilik miyrası ulıwma insanıylıq áhmiyetke iye ekeninen dárek beredi.
Ózbekstan Respublikası Prezidentiniń 2024-jıl 16-iyuldegi “Ataqlı qaraqalpaq shayırı hám oyshılı Ájiniyaz Qosıbay ulı tuwılǵanlıǵınıń 200 jıllıǵın keń nıshanlaw haqqında”ǵı PQ-258-sanlı Qararınıń 3-bánti menen belgilengen wazıypalardıń orınlanıwın támiyinlew maqsetinde usı jıldıń 25-26-oktyabr kúnleri Berdaq atındaǵı Qaraqalpaq mámleketlik universitetinde «Ájiniyaz – qaraqalpaq ádebiyatınıń maqtanıshı» (XIX ásir qaraqalpaq klassik shayırı Ájiniyaz Qosıbay ulınıń tuwılǵanına 200 jıl) atamasındaǵı xalıqaralıq ilimiy-teoriyalıq konferenciya bolıp ótedi.
Bizdi sociallıq tarmaqlarda baqlap barıń:
#Xosh_xabar
🤔Elimizde sportqa qaratılǵan joqarı dıqqat-itibar nátiyjesinde, sportqa qızıqqan jaslarımız ushın imkaniyatlar kólemi keńeyip, sport penen shuǵıllanıwshı jaslarımız arasında sport túrlerinen ótkerilip atırǵan jarıslar, erisip atırǵan jetiskenlikler, olardıń sportqa degen ıqlasın jánede arttırıp barmaqta.
🤔Usı tiykarda Berdaq atındaǵı Qaraqalpaq mámleketlik universiteti Shımbay fakulteti Dene mádeniyatı qánigeliginiń 1-kurs studenti Aysulıw Urazımbetova sporttıń dástúriy Taekwon-do ITF túri boyınsha balalar, óspirimler, eresekler hám hayal-qızlar arasında Qaraqalpaqstan Respublikası kuboginde I orın jeńimpazı boldı.
🤔Bizde óz gezeginde Berdaq atındaǵı Qaraqalpaq mámleketlik universiteti jámááti Aysulıw Urazımbetovanıń qolǵa kirgizgen tabısı menen qutlıqlaymız hám aldaǵı jarıslarda áwmet tileymiz!
Bizdi sociallıq tarmaqlarda baqlap barıń:
⚡️Xolmirov Begali Abdixamidovichning yuridik fanlar bo‘yicha falsafa doktori (PhD) dissertatsiya ishi himoyasi to‘g‘risida
✅“Elektron valyuta munosabatlarini huquqiy tartibga solish” mavzusida Xolmirov Begali Abdixamidovichning 12.00.02 – “Konstitutsiyaviy huquq. Ma’muriy huquq. Moliya va bojxona huquqi” ixtisosligi bo‘yicha “Elektron valyuta munosabatlarini huquqiy tartibga solish” mavzusidagi yuridik fanlar bo‘yicha falsafa doktori (PhD) ilmiy darajasini olish uchun yozilgan dissertatsiya ishi himoyasi Qoraqalpoq davlat universiteti huzuridagi PhD.03/30.12.2019. Yu.20.02 raqamli Ilmiy kengashning 2024 yil 2-noyabr kuni soat 10:00 dagi majlisida bo‘lib o‘tadi.
Bizni kuzating
#Ájiniyaz_Qosıbay_ulı
#200_jasta
⚡️QMU Qaraqalpaq filologiyası hám jurnalistika fakultetinde Ájiniyaz Qosıbay ulınıń 200 jıllıǵı belgilendi
🤔Berdaq atındaǵı Qaraqalpaq mámleketlik universitetiniń Qaraqalpaq filologiyası hám jurnalistika fakulteti tárepinen qaraqalpaq klassikalıq ádebiyatınıń kórnekli wákili Ájiniyaz Qosıbay ulınıń 200 jıllıǵına arnalǵan ádebiy keshe shólkemlestirildi.
🤔Ilajǵa Qaraqalpaq mámleketlik universitetiniń professor-oqıtıwshıları Sh.Abdinazimov, Q.Orazımbetov, B.Genjemuratov hám student-jaslar qatnastı. Ádebiy kesheni Qaraqalpaq filologiyası hám jurnalistika fakulteti dekanı Q.Turdıbaev ashıp berdi hám alıp bardı.
🤔Keshede qaraqalpaq ádebiyatı tariyxında Ájiniyaz shayırdıń dóretiwshiliginiń tutqan ornı, onıń ómiri hám shıǵarmaları haqqında bayanatlar jasaldı sonday-aq, shayır shıǵarmalarınan saxnalıq kórinisler kórsetildi hám nama qosıqlar, ayaq-oyınlar qatnasıwshılardıń názerine usınıldı.
Bizdi sociallıq tarmaqlarda baqlap barıń:
4️⃣4️⃣4️⃣
📱“Huquq maktabi” mobil ilovasi yaratildi
⚡️Adliya vazirligi tomonidan tomonidan yaratilgan ushbu mobil ilova orqali yuqori malakali ustoz va ekspertlar tomonidan tayyorlangan o‘quv materiallaridan foydalanish mumkin.
❓ Nega aynan Huquq maktabini tanlashingiz kerak?
✅ Murakkab huquqiy masalalar sodda tilda tushuntirilgan;
✅ Mobil ilovadan istalgan vaqtda va joyda foydalanish imkoniyati mavjud;
✅ Muvaffaqiyatli foydalanuvchilar Adliya vazirligi va TDYUU tomonidan maxsus sertifikat bilan taqdirlanadi.
🔠 Huquqiy savodxonligini oshirmoqchi bo‘lgan barcha o‘quvchi va talabalarga tavsiya etiladi.
Yuklab olish:
App Store | Play Market
Bizni kuzating
◾️ФЕСТИВАЛЬ “FRESHMEN-2024” В ОТДЕЛЕНИИ АНГЛИЙСКОГО ЯЗЫКА И ЛИТЕРАТУРЫ
✅22-октября 2024 года состоялся ежегодный фестиваль “Freshmen-2024”, который включал в себя презентацию внеаудиторного пространства Каракалпакского Государственного Университета факультета иностранных языков кафедры английского языка и литературы, а также официальную и концертную программу.
✅Мероприятие открыл декан факультета иностранных языков Курбанбаев Дж.А. Джовот Аминбаевич обратился к гостям и тепло поприветствовал всех студентов, пожелав им яркой студенческой жизни и успехов в учебе. Официальную часть мероприятия продолжила заведующая кафедрой английского языка и литературы Утешова З.Х. Зернегуль Хурметуллаевна обратилась к участникам фестиваля с напутственными словами, а также подчеркнула значимость развития внеаудиторного пространства в целом.
✅Далее на большом экране гостям мероприятия было представлено видео-интервью первокурсников, которые поделились своими мыслями о студенческой жизни, а также своими планами на ближайшее будущее. Концертную часть Freshmen-2024 открыли новоиспеченные студенты кафедры английского языка и литературы исполнениями национальных танцев, народных песен и интеллектуальных викторин среди зрителей. Также команда КВН «Три в одном» успешно дебютировала на фестивале.
✅Организаторы ежегодно готовят программу “Freshmen”, чтобы познакомить студентов с внеаудиторным пространством университета. Уверены, фестиваль помог гостям мероприятия решить, в каком студенческом объединении они бы хотели развиваться!
Кеулимжаева Г.К., стажёр-преподаватель кафедры английского языка и литературы
✅Telegram | 🌐Instagram | 📹karsu_news">YouTube | ✅Facebook
⛈QMUda "Jasıl mákan" ulıwma milliy joybarı dawam etpekte
✅Berdaq atındaǵı Qaraqalpaq mámleketlik universitetiniń barlıq fakultetlerinde "Jasıl mákan" ulıwma milliy joybarı sheńberinde keń kólemli ilajlar shólkemlestirilmekte. Bul joybardıń maqseti qorshaǵan ortalıqtı qorǵaw, jasıl maydanlardı keńeytiw hám jaslardı tábiyattı qorǵawǵa baǵdarlawdan ibarat.
✅Joybar sheńberinde universitettiń Shımbay fakulteti, Dene mádeniyatı fakulteti, Qurılıs fakulteti professor-oqıtıwshıları hám studentleri tárepinen fakultet hám belgilengen orınlarda abadanlastırıw jumısları ámelge asırılıp, sayamanlı terek nálleri egilimekte.
✅Universitetimiz jámááti "Jasıl mákan" ulıwma milliy joybarında qatnasıw arqalı tábiyattı qorǵaw hám ekologiyalıq turaqlılıqtı támiyinlew jolında múnásip úles qosıwdı dawam etpekte.
Bizdi sociallıq tarmaqlarda baqlap barıń:
◾️BIOLOGIYA FAKULTETI JÁMÁÁTI «JASIL MÁKAN» AKCIYASINDA
🤔Qabarıńız bar húrmetli Húrmetli Prezidentimizdiń baslaması menen elimizde bir-neshe jıldan beri «Jasıl mákan» akciyası bolıp ótpekte. Usı tiykarda 23-oktyabr kúni “Jasıl mákan” ulıwma milliy joybarı sheńberinde Biologiya fakulteti professor-oqıtıwshıları, texnik xızmetkerleri, tyutor hám student-jasları tárepinen kakultet átirapı abadanlastırılıp, "Ustazlar baǵı" na dekorativ náller egildi.
🤔"Jasıl mákan" ulıwma milliy joybarı barlıq fakultetlerde dawam etpekte. “Jasıl mákan” ulıwma milliy joybarı biziń hám siziń ómirińiz ushın ayrıqsha áhmiyetke iye bolıp, salamat turmıs tárizin jáne de jaqsılaw, hawanıń tazarıwına xızmet etedi. Sonlıqtan da, Janajan Watanımızdı jasıl mákanǵa aylandırıwda bárshemiz óz úlesimizdi qosayıq!
Bizdi sociallıq tarmaqlarda baqlap barıń:
◾️Jurnalist student-jaslarǵa óz tájiriybelerin bólisti
🤔Usı jıldıń 23-oktyabr kúni Berdaq atındaǵı Qaraqalpaq mámleketlik universiteti Qaraqalpaq filologiyası hám jurnalistika fakultetinde jurnalistika tálim baǵdarında oqıp atırǵan student-jaslar menen belgili jurnalist Nazira Mámbetsharipova menen ushırasıw shólkemlestirildi. Bul ushırasıw studentler ushın teoriyalıq bilimlerdi ámeliy tájiriybe menen bayıtıw, kásiplik kónlikpelerin arttırıw maqsetinde ótkerildi.
🤔Onda Qaraqalpaqstan Respublikası Joqarǵı Keńes Apparatınıń málimleme bólimi baslıǵı Azamat Ajimuratov, jurnalistika kafedrası baslıǵı Jańabay Marziyaevlar qatnastı. Ushırasıw dawamında jurnalist Nazira Mámbetsharipova bul kásiptiń eń áhmiyetli tárepleri sıpatında anıqlıq, qalıslıq hám óz xızmeti dawamında dus kelgen qıyınshılıq hám jetiskenlikler haqqında aytıp ótti.
🤔Bunnan soń, Qaraqalpaqstan Respublikası Joqarǵı Keńes Apparatınıń málimleme bólimi baslıǵı Azamat Ajimuratov student-jaslar menen sáwbetlesip olardıń pikir usınısların tıńlap, sonday-aq búgingi kúnde ǵalaba xabar qurallarınıń jedel rawajlanıp atırǵanlıǵı, sonıqtan sanlı jurnalistikaǵa beyimlesiw zárúrligi haqqında aytıp ótti. Bul ótkerilgen ushırasıw studentler ushın úlken motivaciya bolıp, olar jurnalistika tarawınıń tereń sırların biliw imkaniyatına iye boldı.
Bizdi sociallıq tarmaqlarda baqlap barıń:
✅Búgin 23-oktyabr kúni ÓzLiDeP partiyası hám Ekonomika fakulteti «Menedjment hám ekonomika tiykarları» kafedrası professor-oqıtıwshıları menen birgelikte Berdaq atındaǵı Qaraqalpaq mámleketlik universiteti rektorı, akademik A.Reymov penen ushırasıw shólkemlestirildi. Onda doktorantlar, magistrantlar hám 1-4 kurs menedjment bakalavr tálim baǵdarı student-jasları qatnastı. Ushırasıwdı kafedra baslıǵı professor G.Utemuratova alıp bardı. Ushırasıw dawamında akademik A.Reymov saylaw aldı baǵdarlamasındaǵı 5 maqset hám 500 wazıypanı qamrap alǵan hár bir baǵdar boyınsha áhmiyetli wazıypalar alǵa súrilip atırǵanlıǵın atap ótti.
✅Bunnan soń, akademik A.Reymov student-jaslarǵa elimizde sońǵı jıllarda jaslarǵa qaratılıp atırǵan itibar, olarǵa óz keleshegin qurıwı ushın zárúr sharayatlar jaratılıp atırǵanın aytıp ótti. Sonday-aq, jaslardıń sociallıq belsendiligin arttırıw, olardı ilim hám innovaciyalar baǵdarında qollap-quwatlaw boyınsha ámelge asırılıp atırǵan is-ilajlarǵa toqtap ótti. Sonıń menen birge, akademik A.Reymov universitette studentler hám magistrantlardıń bilim alıwı ushın jaratılǵan sharayatlar, studentler tárepinen alıp barılıp atırǵan ilimiy-izertlew jumısları boyınsha maǵlıwmat berip, ushırasıw qatnasıwshıların qızıqtırǵan sorawlarına juwap berdi.
✅Telegram | 🌐Instagram | 📹karsu_news">YouTube | ✅Facebook
⚡️Túrkiyalı belgili ilimpaz QMU Shımbay fakultetinde boldı
🤔Búgin, 23-oktyabr kúni Túrkiya Respublikasınıń Pamuqqala universiteti Social-gumanitar pánler fakulteti túrk tili hám ádebiyatı kafedrasınıń professorı, belgili tyurkolog ilimpaz Jeyhun Vedat Uyǵur Berdaq atındaǵı Qaraqalpaq mámleketlik universiteti Shımbay fakultetinde bolıp, professor-oqıtıwshılar hám student-jaslar menen ushırastı.
🤔Ushırasıwdı Qaraqalpaq mámleketlik universiteti professorı Sh.Abdinazimov ashıp berdi hám basqarıp bardı. Ol qatnasıwshılardı kórnekli tyurkolog Jeyhun Vedat Uyǵur menen tanıstırdı hám ilimpazdıń ilimiy dóretiwshiligi haqqında maǵlıwmatlar berdi.
🤔Bunnan soń tyurkolog Jeyhun Vedat Uyǵur óziniń qaraqalpaq tili hám ádebiyatı boyınsha izlenisleri, miynetleri jóninde sonıń menen birge, aldaǵı waqıtlarda ilimiy-izertlew jumısların haqqında aytıp ótti. Ushırasıw sońında student-jaslar tyurkolog Jeyhun Vedat Uyǵurǵa óziniń qızıqtırǵan sorawların berdi hám juwaplar aldı. Ilaj dawamında tyurkolog ilimpaz Jeyhun Vedat Uyǵur óziniń kitaplarınan fakultet kitapxanasına sawǵa etti.
Bizdi sociallıq tarmaqlarda baqlap barıń:
☄️Qosıqlarında jasap atırǵan «Tábiyat shaydası»
🤔Qaraqalpaq ádebiyatında ózine tán poeziyalıq shıǵarmaları menen belgili bolǵan Ózbekstan hám Qaraqalpaqstan xalıq shayırı, Berdaq atındaǵı mámleketlik sıylıqtıń laureatı Jiyenbay Izbasqanov qosıq shaydalarına bay ádebiy miyras qaldırıp ketti. Tábiyat gózzallıǵı, muhabbat, watan temasında jazılǵan onıń qosıqları óz ıqlasbentleriniń kewlinen orın alıwı menen birge bir neshe qosıqlarına kompozitorlar tárepinen namalar jazılıp, qosıqshılar atqarıp kelmekte. Shayır búgin aramızda joq. Biraq onıń jazǵan shıǵarmaları shayırǵa ekinshi ómirdi baǵıshlap, óz qosıqları menen xalıq kewlinde jasamaqta.
🤔Eger tiri bolǵanda shayır 75 jastı qarsı alǵan bolar edi. Berdaq atındaǵı Qaraqalpaq mámleketlik universitetinde shayırdıń 75 jıllıǵına arnalǵan «Tábiyat shaydası» atamasında ádebiy keshe ótkerildi. Ilajǵa Qaraqalpaqstan Jaz ıwshılar awqamınıń baslıǵı K.Karimov, filologiya ilimleriniń doktorı, professor Q.Orazımbetov, Berdaq atındaǵı Qaraqalpaq mámleketlik universiteti professorı, shayır B.Genjemuratov, Qaraqalpaqstan xalıq shayırı X.Dáwletnazarov, filologiya ilimleriniń kandidatı A.Dosımbetova, shayırdıń shańaraq aǵzaları hám student-jaslar qatnastı.
➡️Tolıq oqıw
Bizdi sociallıq tarmaqlarda baqlap barıń:
🖐QMUda «Bes baslama olimpiadası» sheńberinde sport jarısları bolıp ótpekte
🔘Búgin 23-oktyabr kúni Berdaq atındaǵı Qaraqalpaq mámleketlik universitetinde «Bes baslama olimpiadası» sheńberinde student-jaslar arasında sporttıń voleybol túri boyınsha universitet basqıshı ótkerildi. Oǵan barlıq fakultetlerden erler hám qızlar komandaları qatnastı.
🔘Bul jarıslar Ózbekstan Respublikası Prezidenti tárepinen alǵa súrilgen bes áhmiyetli baslama sheńberinde shólkemlestirilip, tiykarınan bul jarıslar qábiletli jaslardı anıqlaw hám olardıń dóretiwshilik potencialın arttırıwǵa qaratılǵan.
🔘Bul jarıslar student-jaslardı milliy hám ruwxıy qádiriyatlardı úyreniw, sonday-aq, fizikalıq hám intellektuallıq qábiletlerin rawajlandırıwǵa baǵdarlaydı.
Bizdi sociallıq tarmaqlarda baqlap barıń:
⚡️«SAZÍN SAMAL YaDLAP, SÓZIN EL BILGEN» ShAYÍR
🔂Qaraqalpaq mámleketlik universiteti qaraqalpaq til bilimi kafedrasınıń professorı Karlıbaeva Gúlmira Ermekbaevna menen búgin biz ájayıp bir tema átirapında sáwbetlesemiz. Qahramanımızdı qısqasha tanıstırsaq, 150 den aslam ilimiy maqalalar avtorı, kóplep shákirtlerdiń súyikli ustazı, Ájiniyaztanıwshı alım.
🔂Onıń «Ájiniyaz shıǵarmaları tiliniń fonetikalıq hám morfologiyalıq sıpatlaması», «Ájiniyaz shıǵarmaları tiliniń semantika-stilistikalıq ózgeshelikleri», «Ájiniyaz shıǵarmalarında kórkemlew quralları» «Qaraqalpaq dialektologiyası», «Qaraqalpaq tilindegi milliy kiyim-kenshek atamaları», «Ózbekshe-qaraqalpaqsha sózlik», «Sosiolingvistika» kibi birqansha monografiya, sabaqlıq hám oqıw qollanbaları basılıp shıqqan. 4 shákirti filologiya ilimleri boyınsha filosofiya doktorı (PhD) dissertaciyasın tabıslı qorǵaǵan.
🔂Gúlmira Ermekbaevna elimizde bir ajayıp bayram nápesi gezip júripti. Hátteki jolawshı tasıwshı ayırım mashinalardıń arqa aynasına plakatlar qıstırılǵan. Onda «Qaraqalpaq xalqınıń ullı shayırı Ájiniyaz Qosıbay ulı 200 jasta» degen jazıw bar. Shayırdıń yubileyin kóterińki ruwxta ótkeriw ushın júdá keń kólemli ilajlar ótkerilip atır. Bunıń áhmiyeti tuwralı azı-kem toqtalsańız.
➡️Tolıq oqıw
Nesibeli MAMBETÍRZAEVA
jurnalist
Bizdi sociallıq tarmaqlarda baqlap barıń:
#Biz_korrupsiyaga_qarshimiz
🤔Berdaq nomidagi Qoraqalpoq davlat Universiteti Korrupsiyaga qarshi kurashish “Komplayens nazorat” tizimini boshqarish bo‘limi xodimlari tomonidan professor-o‘qituvchilari va talabalari orasida "Biz korrupsiyaga qarshimiz!" shiori ostida chellenjlar o‘tkazilmoqda.
🤔Shuningdek, bugungi kunda korrupsion tizim mamlakat taraqqiyotiga to‘siq bo‘luvchi eng dolzarb muammolardan biriga aylanganligi, korrupsiya har qanday rivojlanishga qarshi jiddiy xavf-xatarlardan biri ekanligi haqida talaba-yoshlarga muhim ma’lumotlar berildi.
Bizni kuzating
⚡️QMUda «Jasıl mákan» akciyası dawam etpekte
✅Bárshemizge málim sońǵı jıllarda elimizde kóklemzarlastırıw, terek nállerin otırǵızıw, olardı qorǵaw hám jasıl maydanlardı keńeytiw boyınsha sistemalı ilajlar ámelge asırılmaqta.
✅Usı tiykarda búgin, 22-oktyabr kúni Berdaq atındaǵı Qaraqalpaq mámleketlik universiteti Shet tilleri hám Yuridika fakultetleri tyutorları hám student-jasları tárepinen Shımbay rayonında “Jasıl mákan” ulıwma milliy joybarı ótkerildi. Bul jerde belgilengen orınǵa fakultetlerdiń belsendi student-jasları tárepinen 1000 ǵa jaqın jańa terek nálleri otırǵızıldı.
✅“Jasıl mákan” ulıwma milliy joybarı biziń hám siziń ómirińiz ushın ayrıqsha áhmiyetke iye bolıp, salamat turmıs tárizin jáne de jaqsılaw, hawanıń tazarıwına xızmet etedi. Sonlıqtan da, Janajan Watanımızdı jasıl mákanǵa aylandırıwda bárshemiz óz úlesimizdi qosayıq!
Shet tilleri fakulteti tyutorı B.Djoldasbaev
Bizdi sociallıq tarmaqlarda baqlap barıń:
#Saylaw_2024
◾️QMU jasları usı jıldıń 27-oktyabr kúni bolıp ótetuǵın saylawǵa belsene qatnasıwǵa shaqıradı
🤔Xabarıńız bar, usı jıldıń 27-oktyabr kúni áhmiyetli siyasiy process – Ózbekstan Respublikası Oliy Majlisiniń Nızamshılıq palatası, Qaraqalpaqstan Respublikası Joqarǵı Keńesi, xalıq deputatları rayonlıq hám qalalıq Keńesleri deputatlarınıń saylawı bolıp ótedi.
🤔Berdaq atındaǵı Qaraqalpaq mámleketlik universiteti studenti, «Street law» klubı aǵzası Hamid Akmalov bársheni usı jıldıń 27-oktyabr kúni bolıp ótetuǵın saylawǵa belsene qatnasıwǵa shaqıradı.
Bizdi sociallıq tarmaqlarda baqlap barıń:
#Ájiniyaz_Qosıbay_ulı
#200_jasta
⚡️QMU Qaraqalpaq filologiyası hám jurnalistika fakultetinde Ájiniyaz Qosıbay ulınıń 200 jıllıǵı belgilendi
📹 Ilajdan tayarlanǵan video rolikti názerińizge usınamız.
Bizdi sociallıq tarmaqlarda baqlap barıń:
#Saylaw_2024
◾️QMU professor-oqıtıwshıları usı jıldıń 27-oktyabr kúni bolıp ótetuǵın saylawǵa belsene qatnasıwǵa shaqıradı
🤔Xabarıńız bar, usı jıldıń 27-oktyabr kúni áhmiyetli siyasiy process – Ózbekstan Respublikası Oliy Majlisiniń Nızamshılıq palatası, Qaraqalpaqstan Respublikası Joqarǵı Keńesi, xalıq deputatları rayonlıq hám qalalıq Keńesleri deputatlarınıń saylawı bolıp ótedi.
🤔Berdaq atındaǵı Qaraqalpaq mámleketlik universiteti Kórkem-óner kafedrası baslıǵı Salamat Ayapov bársheni usı jıldıń 27-oktyabr kúni bolıp ótetuǵın saylawǵa belsene qatnasıwǵa shaqıradı.
Bizdi sociallıq tarmaqlarda baqlap barıń: