-
عريان سيد خلف للتواصل مع المدير @Go56d للتواصل مع الادمن @kk_100
على جروحي دست خافن تطلّع صوت
وعلمت الجروح سوالف الخرسان..
_عبدالله الشاوي 🤎🕊️
الگلبه بارد فرق
عالگلبه يلوب
شلون نرهم
انت صبحية العيد
وانه عصرية فواتح بالجنوب
چنت وكت الليل اخافن
هسا من وكت الغروب
ايعمن لو ما يشوفنك فيرچان
عيوني ودمع الموادع فيرچان
گطعت وياي يالويهك فيرچان
يطر كلما يضيج الليل بيه..
جذب ما مرتاح بالي خاف هيج تكول !
وضحكنه عالوجه مرسوم بيه چذبة !
من انت رحت لحد هذا يومك هيج
ماطالع غرفتي ودايس العتبة !!
هو المفارگ عن غصب هم يعيش ؟
مثل العدل ضل ومنتزع گلبه 💔
خرز هبهاب طبعك عن طمع شالوك
نيته وياك سودة الرايد يماشيك
_حيدر محمد التميمي🤎🕊️
بلايا چفوف بالهم ناصريتك
عنب عالي والوحك ناصي ريتك
ابشرك صفت عگبك ناصريتك
مضلمه وموش چنها الناصريه..💔
تهت والمستحة بروحي
أدور وين ما بيه بگايا إرماد
وأتوسد على جروحي
وأفزع چلمة التنگال
توگفلي بوجه نوحي
وأداري الآه
هلبت
من عيون الناس أداريني
وألاگيني وحيدة هم
وأختل بيني وبيني
شنو ذنبي وحرمني الضيم عشريني ؟
شنو ذنبي وحرمني المسچ والحنة وعلى جروحي يتچيني ؟
أعيش إلمن ؟
وأموت بـ ليش !
آنه أصلاً ضمير الناس موتني ميحييني
_وجدان عبد الاله النقيب🤎🕊️
اصدلها وادنك وارد ليها ردود
اخاف اكرب عليها مذيرة وتجفل.. "
_سمير َ صبيح🤎🕊️
إذا بينه بخت ترجع تحن لينه ...
وإذا مابينه چا نستاهل البينه !
عيوني تفتر بالسگوف
وبالاركان وبالزوايا
ادوّر بحبات ليلچ عن بقايا
من يبات الشوگ ببنادم غريب
تفز ملايين الخلايا
گبل ما تمشين وجهچ
يبقى يضحك بالمرايا
ردت اشوفچ بالمراية
وما لگيتچ كسّرتها
وشفت عشر وجوه تضحك بالشظايا
ليش عفتيني ومشيتي
چنت اظنچ فاهمة بهاي القضايا
- كاظم اسماعيل الگاطع
تعال وما عليك نقدس اعذارك
تعال شكثر مشتاگين لاخبارك .
مثل الحَشد ضلَّيت تظلُمني وَارْضى
ويسبني حَتى السَال دمّي على عَرْضه
_قاسم الياسري🤎🕊️
ما يحتاج تصفن بيهه وتحير
الوهم لا ياخذك وشلون ويجوز
ترا الدنيا مثل لعب التصاوير
تطيح اعله اليشبهك ياله تفوز
سعد شميل
تدري اهل الگنص السهام صنعوها يصاحب بيش؟
صنعوهة بحبل معجود ومفتول بحبل من ريش.. "
الصگر من طاح فوگ الگاع هم تدري بهظمته عليش !
لن سهم جناحه من جناحه 🤎🕊️
ضُميني رسِالة شوُگ
مَا بينّ الغِراض الحِابهن گلبچَ
ولمِيني بـَ أصِابيعچ
مَثل لمِة خصَل شعِرچ
دارينَي تِرة أسَتاهل
صِار هَواي مِا مرتاحَ
مِن چَنت بعُمر جاهِل .
تدري من ينگال اسمك ابتسم
انت يل ماكو بجمالك
لا بواقع لا حلم
جيتك احلى
من الأحداث المهمة
الانتظرها بكل فلم 🤍🫀.
يبست بيه السيوف
وفرهد الصفصاف لوني
والجرح لمن يجي من اعزاز
هذا اعتبره دين
هواي كاتبلك رسايل
بس ولا زاجل حنين
رخه حزام الصبر مافاد وحتال
وعلي زور الاؤده شهد وحتال
غزاني من الصبح فركاك وحتال
دليلي وحط معسكر شوك بيه
عدنان الغزي
يا اخي نعاوي امهاتنه الجنوبيات فد شي عظيم جداً جداً تشعر ان قلبهن الذي يكتب لدقة الكلام والوصف المؤذي عندما تقول.. :
بيت الولي ذبحوا خروف
طبخوا لحم وعيونة تشوف
وذبوا علينة اعزالة الصوف
وترد عليها تكلها.. :
بيت الولي من بعيد اشوفه
وصرنه حرامية انحوفه
منعمت الولد علو الطوفه
انوب تكول.. :
بيت الولي بارد وجنة
ومرت الولي ماهي من اهلنه
حرمت علينه بيوت اهلنه
أغمضتُهَا كي لا تفيضَ فأمطرت
أيقنتُ انِّي لستُ أملك مدمَعي
لك انـه بيه عَتب لو نگعد وينحچي
يومين من الدَمع ماينشف أردانك .