12851
Yoo xiqqaate namni tokko namoota 10 garee kanatti dabaluun dirqama
Qof-dubbii marsaa haaraa
Akkuma kana dura sin beeksisnee turre. Qof-dubbii Barattoota keenya kan marsaa 2ffaa fi 3ffaa kunooti siniin geenyeerra. Maarree akkuma barame gara fuula Yuutuubii keenyaatti imaluun dandeettii ijoollee keenyaan akka bohaartan kabajaan isin affeerra.
Link isaa gadii irraan ni argattu
Akkaadaamii Taatummaa Abbaa Lataa
Galma Kalaqaafi Dandeettii
https://youtu.be/2M-Avxj0sH8?si=UDxM6AaJfA-KxMe2
Sagantaa badhaasaa Ilil yaalee jedhu irratti Best Music Video dhaan qajeelchaa beekamaan Leencoo Fiqiruu sirba Guutuu Abarraa Iyyoolee jedhuun dorgomaa waan jiruuf sagalee keessan akka laattaniif kabajaan sin gaafanna.
Link
https://elelyaleshilmat.com/
Boqonnaa darbeef isa ammaa..a
Boqonnaa darbe keessatti si baradhee
Boqonnaa isa haaraa keessattin si dagadhe!
Boqonnaan darbe...
abdachuudha
argachuudha
Egeree keenyaaf waan gaarii akeekuudha
caalaatti wal beekuudha
Boqonnaan darbe...
wal barbaaduudha
guyyaa cidheeffannu yaaduudha
Boqonnaan darbe...
qabeenya waliin horachuudha
ilmaan lakkuu godhachuudha!
Boqonnaan darbe...
roorroo waliin qolachuudha
bonee keenya'rra aanyii gaarii qotachuudha🥺
Boqonnaan inni ammaa...💔
wal lagatanii
wal baqatanii🥺
kopha kophaa utaaluudha
aarsanii wal ungulaaluudha
jaalalaan madeessanii wal awwaaluudha
maqaa walii wallaaluudha
hamaa walirratti yaaduudha
gammachuu walitti aaduudha
Boqonnaan darbe adiidha
Boqonnaan inni ammaa badiidha
Yoos....
Kottu boqonnaa haaraa cufnee
kaleessatti achi lufnee,
Boqonnaa duriitti dabarraa
irra deebinee wal barraa
Yoos...
Ijuu qoortee ifa argitii
Lapheen misoomtee margitii
Hanga yoomiitti hireen wal nu jalaa darbiti?
© Kenbon
Nuyiif...
Tulluu kiiloorra keenyee
Galaana otoo saffarree
Isaantu irra salphata;
Hamminaan liqimfamee
Badii raawwataa ooluun
Namni baay'ee ulfaata!
Taliilee
@Walaloon_Jaalala
Si dagachuuf yeroon yaalu
Si beekuu koo gaafan haalu
Maqaa keen dagadha
Yaada keen baqadha
Hafuura keen of laga
Baran si baren of daga
Guyyicha'rran utaala
Seenaa koo keessaan si gulaala
Si wallaaluufaan yaala
Waa'ee keen qotee awwaala
Kana booda...
Siinan ooda
Jedhee,
Si wallaaluu fedhee
Barbaadaa walakkaa cuubee
Seeda keenya gubee
Garuu...
Si dagachuuf hamman yaalu
Waa'een keekan dachaa na dhaalu,
Si dagachuunuu,
Si aggachuunuu,
Jaalala kee caalaa nama miidha
Dafqa illeetiin gudeedi nama jiidha
Saanduqni kun in dagatamu
Hin baqatamu
Suura keenya isa waraqatarraa
nan gubee abiddatti qabee
garuu...
Suura kee isa na keessaa
gubee balleessuun dadhabe
Kanaaf sin dagadhu
Hin fagaadhu
Anuma keessa jiraadhu
© Kenbon Ab
Mee Warreen Abbaa keessan Jaalattan harka baasaa
Ishoo isiniif kunooti waa qabanneerra
👇👇👇👇👇👇👇👇👇👇
https://vm.tiktok.com/ZMB7EqvU5/
Na keessatti si arganii
Na alafkachaa,
na cirrifkachaa darbani!
Giroo isaaniiti
An lubbuu biraati
Kurmaanni dirrisu
Sirraa nan ittisu!
Orma mitii anuu hindandeenye
hidhee mana of hinkeenye!
Hariiroon keenya gaara
Onnee machooftuu caala!
Qilleensi bubbisu
Sirraa nan deebisu!
-
Akka re'eefii akka qeerransa
Warri wal quncisu kaleessa;
Bara walirraa buqqisetti qeensa
Ani hindhaga'u qilleensa,
waan fedhan,
haa jedhan,
yoomiyyuu ati na keessa!
Firummaa Hayila-Sillaasee hinqabu;
kan badu gaafa lolaa
kan dhufu gaafa tolaa
nan oofu bubbeen ololaa!
Sirrattis ololamu,
Ittiinis qoccolamu,
Oduun nan fidne sitti
Kanaaf an hinbulu itti!
Gaafa tolaas, gaafa lolaas si faana
Wiirtuu jaalalakootti si qofat aana!
-
Kakaaf ga'uunkoo,
Waadaa galuunkoo
Jabaa ta'ee miti kan naaf danda'ame
Keessoo kootu addatti siin qabame
Nama tuqame keessisaa
humna akkamtu teessisa?
Anaan,
Ija miti, qalbii kootu sitti na'e
Isatu; haphee laphee natti ta'e
Eenyutu si kaasa achirraa
suga qalbii- miira dirraa!
...
Ru'ii ru'ii keessa burraaqxu jabbiffa
Qalbii akkamiitu danda'eetoo balfa?
Dibbee alaa-halaalaa dha'amu
Ittiin sirbuun naan danda'amu,
tasumaa,
kanuma.
-
Warri na cirrikfatan
Akka diniqfatan
Warri waanmallee haasa'an
Gaaftokko akka qaana'an
Abdiinkoo baroodha
Murteessaan yeroodha,
An siif iddoon qaba;
iddoo -- giidoo jabaa!
* * *
Kanaa'ol Badhaadhaa
@Walaloon_Jaalala
USDT fi crypto kamiyyuu namoonni gurgurachuu barbaaddan @Walaloo_bot irratti nu qunnamuu dandeessu.
Hub:- screenshot gootanii erguun amma fi ammaamiin akka gurgurattan ibsuun jalqabdu
Usdt 1 qarshii 135 kaasee hanga 150tti baayyina isaa irratti hundaa’uun ni bitna.
Harkakoon;
Jilbakoo ciqilee
Maddiikoo utubee,
Fuulduratti achi-
Huuruukoo udumee
Yeroon ya'a yaadaarra,
Yaadakoon imalu,
Waca diidaa caalee,
Callisa keessa kooti,
Wanti anaaf galu!
.....
Gada
Jechi
Ol nama kaasa
Nama gammachiisa
Muukii dhabamsiisa
Mijuu argamsiisa
Dhiphuu furguuggisa
Abdii horachiisa
Jireenya feesisa
Jannata geessisa
Jechi
Laphee buusa
Miira cabsa
Hawwii dabsa
Abdii dhaamsa
Humna nafsa
Jibba rabsa
Kophaa tursa
Abdii dhorsa
Jiruu onsa
Eeggadhu
Jecharra ulee wayya
Madaan qaamaa bulee fayya
Jechi chaappadha… ichima tumamte
Af-Baanan dhumaadha… Dhadhaa qilee buute
Kaachuu
@Walaloon_Jaalala
USDT fi crypto kamiyyuu namoonni gurgurachuu barbaaddan @Walaloo_bot irratti nu qunnamuu dandeessu.
Hub:- screenshot gootanii erguun amma fi ammaamiin akka gurgurattan ibsuun jalqabdu
Usdt 1 qarshii 135 kaasee hanga 150tti baayyina isaa irratti hundaa’uun ni bitna.
Anaaf Ana caala
Namni yaadu’n jiru
Gaaffii keessoo kootii
Homtuu naaf hin furu
Guutummaa isaa TikTok irraa argattu. Follow, Like, Comment, share and copylink
https://vm.tiktok.com/ZMByus1BW/
Gariiniif callisa, akka hasaasaa;
Kaaniif iyya, sagalee dhukaasaa!
Gariiniif, miseensa maatiiti;
Manumatu olka'ee simata!
Kaaniif, akka kara deemaati,
Qophee malee, beelasaa himata!
#Innis...
Warra eeggataniif bu'aa;
Warra 'in beekkatiniif du'a.
Hatatunaf 🦋 🖊
WAA'EE MAQAASAA !
Eegee koochoo Iliyaada isaatti rarra'ee
kan inni yaadaan bararu,
Galma masaraa milkii dhaaluu qofaaf miti dhalli namaa jiruun hiraaraa kan jooru;
Wal'aansoo turtii maqaasaa
awwaalchaa olitti,
Yaaddoo yaadannoo dachee irraati.
Jiraachaa...
Jiraachaa...
Jiraachaa...
Maqaa isaatiif jecha,
Qaawwaa jiruusaa duuchaa,
Osoo dhama'uu gidduutti,
Holqa gadi fagoo du'a jedhamutti,
Lubbuunsaa dhidhimti.
A j a a ' i b a !
Dhalli namaa ...
Addunyaa keessa hin jirreef illee
waa'ee maqaasaa cinqama.
M u b a a r a k S u l x a a n !
@Walaloon_Jaalala
Yaa gurbaa laga harbuu gamaa
Yoo rigaa naa murte maalii?
Ulumaayii burree gootee
Silaan kaata, silaan baataa
Onneen kiyya sitti gamaa
Yoo guyyaan naaf dhufte maalii
Dallaa keenya duubaan lootee
Halkan bineensi sinyaataa
Laali birbirsa abbaa Boruu
Isa hojjaan samii ga'ee
Laali awwaara miilla koo
Si barbaachan qurcii ta'ee
Ati hin dhuftu na joorsitaa
Si hidhan moo ni obsitaa?
Bakkanniisa muri murii
Isa afannee qabdoo teenyuu
Har'a hafnaan turi turii
Nu lammata wal hin geenyu!
Taliilee
@Walaloon_Jaalala
Gaafa sana .... Har'a kana
- - -
Gaafa sana,
Sumatu rakkoo qaba
rakkoo akkaan jabaa!
Gaafa sana, situ;
Waanin jedheef hinseeqne
Waanin jedhes hinbeekne
Kaayyoonkoo garuu lama ture.
Xiqqoo si seeqsisuufi
Guddoo si beeksisuufi!
Har'a kana,
natu rakkoo qaba
rakkoo akka adabaa!
Har'a kana natu,
Kaachan duwwaan xumure yaadata
Waanan siin jechaa ture jaalata!
Rakkoonkoo har'aa lama ta'e.
Kaleessa hin fayyifanne
Har'a hin hambifanne!
* * *
Kanaa'ol Badhaadhaa
@Walaloon_Jaalala
With its advanced technology and customer-centric approach, Global Cloud Mining offers a sustainable way to mine cryptocurrencies in 2025. Whether users are experienced investors or beginners, the platform ensures profitability and ease of use.
Become a new member and receive a $18 credit to spend on the platform. This bonus is a welcome bonus and a recognition of your earning potential.
Join cloud mining, free airdrop, start your journey to crypto wealth!Limited time airdrop, free mining machine to help you mine easily, enjoy the benefits every day!
**High-yield contract plans to choose from**
Looking for higher returns? Join a more profitable contract plan to achieve long-term performance growth. These flexible plans help you steadily increase your income while optimizing your financial planning.Official
website: https://35global.com
Tarii...
Hin argitu ta’a siif hin galus ta’a
Hin hubattu ta’a na shakkitas ta’a.
An garuu…
Muka kakaa hin qabu
Waaqaan kakaa hin labu
Jechi yoo naaf cimses miirakoo naaf ibses,
Isan si jaaladhu ragaa hin waammadhu!
Maaf…
Ragaankoo anuma
Gochikoo ni hima.!
Ijikoo fajajee afaankoo ajajee
Jechi yoo hillimes yaadni yoo cillimes,
Isan si jaaladhu ragaa anaaf ba’u
Isan siif wawwaadhu in dhabdaa of na’u
Malee...
Isan si jaaladhuuf
Anatu guunguma.
Anatu tarsaasee
Anatu huduma.
Isan si jaaladhuuf
Anatu si goola.
Anatu of jibbee
Anatu of foola.
Isan si jaaladhuuf
Anatu si shakka
Anatu sassatee
Anatu siyakka.
Isan si jaaladhuuf
Natu-mala dhabe
Natu sagal cabe
Anatu,
Aariidhaan bobba’a
Sin dhabaan boba’a
Malee …
Isan si jaaladhuuf
Ragaankoo anuma
Gochikoo ni hima!
Haftee Baqqalaa ✍️
@Walaloon_Jaalala
Maal ulfinni simboon Waaqaa!
Maal ayyaanni at waan meeqa?
Maal miidhagni onnee kaasu!
Maal mararteen garaa raasu!
Leensii ijakoo fajachitee
Akka duumessaan na golgitee
Akkan-sin laalle na dhorkite.
Foolii addaan na weerartee
Na keessatti wareegamte.
Daabee ✍️
@Walaloon_Jaalala
🤫Garaankee maal yaada
...............................
Jaalalaaf dhuftemoo
Onneekoo dhamaasuudha
Dhugaa keessa kooti
Tuttuqxee madeessuudhaa
Mana naaf ta'uumoo
Man'ee koo diiguudha
Anaaf yaaduumoo
Gandarra fiiguudha
Anaaf hubachuumoo
Kiisii koo fixuudha
Jaalalaaf dhabakoo
Walqixa ilaaluudhaa
Moo...
Ulaa kiyya bantee
Hattuu seensista
Yaadakoo isa gaarii
Hudhaatti kuttaa
Biddeenkoo golaa
Alagaa soortaa
Boriif olkeessamoo
Quufteetu machoofta
Onneekoof bitamtee
Jaalala barbaaddaa
Moo faayidaa keef
Qarshiidhaaftu aadda
Fedhiinkee Naan galle
Garaankee maal yaada🤔
---
By Dibooraa
@Walaloon_Jaalala
Callisuu'rra...
Ganni kee bonee
Lapheen kee onee
Keessi kee hiyyoomee
Fedhiin yoo si doome...
Ee...
Ni dheessita nama maraa
Hin himattu dhibee garaa
Jaalallis jibbis hiika dhabee
Jiruunis duunis waliin labee
Waliif cabee...
Hedduun si beela'ee hagabee
Si dhuunfachuus dadhabee
Hormatti kooluu galuu jalqabee
Kiiloleen dhibbooti siif lallabee
Lapheen kumaa siif caccabee...
Si argachuutti ofuu dhabee😏
Ammoo...si
Shir sin godhu sin si'eessu
Hadha'aa kee hin mi'eessu
Hin hinaaftu
Hin hiraartu
Gogeera kaleessa dheengadda...gaaf tokko lapheen kee
Wal hin gadhiifne qabeera jabaatee hapheen kee
At
Turuu namaaf hin miiroftu
Dhufuu namaaf hin si'ooftu
Jecha keetu humna dhaba
Callisni kee sookoo qaba
Yoo dubbatte, in miita
Kanaaf luugamaan of hiita
Jecha tokkoon kuma dhiigsaa
Qe'ee gaabbii keessa fiigsaa
Of komachiiftee hambisuu'rra
Bulluqa gaabbiin danfisuu'rra
Dubbachuun hin caalu callisuu'rra
🤨
© Kenbon Ab
Yihudaan Baga uumame!
...
Otoo si faana imaluu
Si waliin oolee galuu
Kan siin wal fakkaatu
Si faana dhugee nyaatu
Si waliin guyyuu kaatu
Dabaan haa jiraatu!
-
Kan si ciniinee hin beekne,
dhungoo malee
kan si cinaa hin dhabamne,
durgoo malee
Gaarreffannaakee kan hindhufne
Arrabnisaa kan sin tuqne
Inni yaa'iitti koodee fakkaatu
Inni garaatti qoree baatu,
Dabaan dabu haa jiraatu!
-
Raagamni hafuu baatus kan ganama murame
Hamaan riqicha ta'u, Yihudaan baga uumame!
Hammeenyi Yihudaa, Yesuus gurgursiisee
Du'a Addaam fide amanaarraa xumursiise!
***
Baga geessan
Kanaa'ol Badhaadhaa
@Walaloon_Jaalala
Abboommii waaqaarra
Kan bofaa caalchistee
Firii isa dhorkame
Dhirsashee nyaachistee
Ishee Addaam gowwicha
Yakkamaa taasiste...
Hewaaniin maal caalta
Maafan si amana?
Nama waaqa ganetu
Naaf ilaa namana?
Gamechu Tsegae
Namoota Editing fi Cinematography barachuu barbaaddaniif Chaanaala bareedaa kana subscribe gochuun irraa fayyadamaa!
https://youtu.be/HPhJjHyMLF4?si=PaNxwugXtq1Ra-gr
Lafan si kaa’erraa
Ofii keen of buuste
Gola onnee kootti
Ofiin jibba kuuste
Kaleessa
Gaafan siif maraadhu
Kaleessa
Gaafan siif jiraadhu
Kaleessa
Gaafan siif dhaabbadhu
Kaleessa
Gaafan siin abdadhu
Onnee koo cabsitee
Miira koo dabsitee
Hawwii koo caamsitee
Abdii koo dhaamsitee
Onaatti na dhiiftee
Jibba natti biiftee
Garaa kee murattee
Deemteetta jabaattee
Har’a
Maal barbaacha dhufte?
Nagaa koo booressuu
Moo
Badii kee sirreessuu?
Lachuu waan hin taane
Sababni
Siif
Miirri koo du’eera
Lapheen koo bu’eera
Abdiin koo gu’eera
Ifni kee dhi’eera
Nagaatti
Imala haaradhaaf
Kabraa kaadhimeera
Adaraa hin hafin
Cidhaaf si waameera
Kaachuu
@Walaloon_Jaalala
Hundarraayyuu ba'eera
Akka na gorsan ta'eera
Martuu darbuusaa bareera
Hafaan dhabamuu argeera!
Garuu,
Waanti lama baduu dide na biraa
Amman lubbuun jiru na faana jira.
Yeroo nyaara guduunfitu,
aarii tamsaasaa
Yeroo kolfaa gugugsitu,
imimmaan harcaasaa!
Yaadannoon kafana
Namatti maxxana!
....
Kanaa’ol Badhaadhaa
@Walaloon_Jaalala
Ani....
Ani mana keeti na keessa jiraatta!
An addunyaa keeti na keessa maraatta!
Yoo maqame harkan raasiin
Arraba kees ol hin kaasiin
Gola keessaas gad nan baasiin!
An manakee an nama kee!
Si harkattan huruurfama
Si harkattan kunuunfama!
Situ darba wabii naafii
Na uumuunsaas kanumaafi!
Sa-maqame naan dubbadhu!
Hubannaatiin na bulfadhu!
Yoommoo dide yoo jabaate
Hangafummaan bishaan nyaate
Anis atis hin gubatiin
Yaallen-taane nan filatiin!
✍️
Daraartuu Beekaa
@Walaloon_Jaalala
OKOLEE JAALALAA!
Onnee jaalalakoo,
Abdiinsaa hamma gaaraa
Akka buufaa tumtuu
Qilleensa siphatee,
Qilleensa hammaaraa,
Diilloo qoraattiirra,
Sagal tarkaanfata
Salganiin marmaara...
Ati___
Akka saawwa harkuu
Ilmoon jalaa duutee,
Muchi onnee keetii
Jaalala hongoofte,
Yeroo malee guute!
Ammas:
Arfaasaan yoo roobe
Coqorsi ni lata;
Labeessi migiraa
Aannan goromsakoo
Kanan itti elmadhu
Okolee jaalalaa
Qoraasuuttin jira...
Gammachuu Tsaggaayee
@Walaloon_Jaalala
Damma-nadhiikoo!
* * *
Yeroo tokko tokko,
sin aarsa; sin guba; sin waxala
Yeroo tokko tokko,
lubbuu keettan satat jedhee gala
Gaaf gaaf,
sin boochisa; fuullikee in orbobbaa'a
Gaaf gaaf,
halaala irraa namni ilkaankee lakkaa'a
ilkaankee yoo akkas ba'ee addaatu
kolfikee waan dhumu hinfakkaatu!
Garuu,
In kolfitas,
In qorritas!
...
Anumatu:-
Si gufachiisa; si mufachiisa
Akkasumas,
Si qanansiisa; si gammachiisa
Anumatu:-
Bor siif hin ta'u akka har'aa
Waan baay'ee argita narraa!
Gaaf gaaf, na nuffe seeta
Gaaf gaaf, nafa ‘uffee’ jetta
Haallikoo waldha'us si harkaa,
garuu,
An si nuffee hinbeeku takkaa
Lafatu na tufa;
Waaqatu na balfa
waa'eekee hin siyaasessu
Si jibbee sin burjaajessu!
Ati bar,
hirriba barii gararraa jirta
dhaqnakoo maraaf suga hirta
miirakoo olii-gad oofta
aangoo caala mi'oofta!
Duula ollaa, lola warraa keessanin si argadha
Galaana diimaa, diina diinaa caalan si abdadha!
Nama gaariikoo
Damma-nadhiikoo!
...
Garuu waantin sii himu,
waankoo an siif dhaamu,
Sirnaan beeki ana
Naa bari waan kana;
Akka nama daakaaf, galaanatti of darbatuu,
Waanin si jaaladhuufi kanin sirratti of gatu
Amalakoo hunda kan barteefii,
Waanin sirratti of gateefi
Mudaakoo,
hundakoo,
ni beekta;
kanaaf aarta
Ciminakoos,
jabinakoos,
argiteetta;
kanaaf seeqxa.
Akkasi malee hinqabu waan-addaa
Kanaafi natti gaddaa gammadda!
...
Ormi alakoo arga
Argee na bira darba
Ati natti aanta
Qullaakoo argita
Na faana jiraatta
Amalakoo barta
Rakkookoo furta
Qaaniikoo erbita
Saalfiikoo hirphita
'Tiyaatira' miti jiruun, taatoon bor jijjiiru
Amalan, waantan si dhokfadhu hinjiru!
Lafoof lafeekoo argita
Kanaaf kolfaa gaddita!
....
Ilkaankoo mul'isee, lapheekoo sin dhoksu
'Maakiveelummaa' jaalalaas sirratti hin ibsu
Ofirraan si seecca'ee miirota hin ko'oomsu
Keessakoo akka Fantaalleetti ilaalta
Ilaalchakoo baatirii malee agarta
Sitti hinta'u mukukkula gaanii keessaa
Kanaafan of ibsee si dirmammeessa
Hir'inakoo sitti agarsiisa
Hanqinakoon si barsiisa
Kun si amanuudha;
sirratti of gatuudha
Siin si aarsuu mala
Naaf garuu jaalala
baay'ee natti tola!
...
(Hin-dhumu)
Kanaa'ol Badhaadhaa
@Walaloon_Jaalala
USDT fi crypto kamiyyuu namoonni gurgurachuu barbaaddan @Walaloo_bot irratti nu qunnamuu dandeessu.
Hub:- screenshot gootanii erguun amma fi ammaamiin akka gurgurattan ibsuun jalqabdu
Usdt 1 qarshii 135 kaasee hanga 150tti baayyina isaa irratti hundaa’uun ni bitna
Dabalataan
Chaanaala Telegram fi Page Facebook bituus ta’ee namoonni gurguruu barbaaddan nu qunnamaa