Вясна / Правы чалавека ў Беларусі

02 июня 2025 18:31

Перастала выходзіць на сувязь журналістка і каталіцкая верніца з Полацку Ціна Палынская

Верагодна, яна была затрыманая, а затым магла быць арыштаваная ў межах крымінальнай справы, піша @christianvision.

Знаёмыя Ціны пакуль не ведаюць падрабязнасцяў. Апошні раз яна з'яўлялася ў сетцы 19 траўня.

Ціна даўно не займалася журналістыкай, выхоўвала дачок, працавала ў архівах, у тым ліку расійскіх, выконваючы прыватныя замовы па стварэнні біяграфічных нарысаў, сямейных кніг, гісторый аб удзельніках Другой сусветнай вайны.

Раней, у 2022 годзе, журналістку судзілі па адміністрацыйным артыкуле і прызначылі буйны штраф за жоўтую і блакітную стужкі на сумцы, а Следчы камітэт праводзіў разбор адносна яе допіс ў Facebook і ладзіў ператрус у доме журналісткі.

🔗Хроніка палітычнага пераследу

Вясна / Правы чалавека ў Беларусі

02 июня 2025 17:33

Палітзняволены Дзяніс Івашын паўгода пазбаўлены тэлефонных званкоў

2 чэрвеня споўнілася 6 месяцаў, як ад палітзняволенага журналіста Дзяніса Івашына няма тэлефонных званкоў, піша @dzianisivashyn. Лісты і паштоўкі, калі ён не ў ШІЗА, даходзяць.

«Яшчэ адзін месяц прамінуў без тэлефоннага званка Дзяніса. Ня ведаю, чаго такім чынам спрабуюць дабіцца ворагі, але, калі сытуацыя дагэтуль не мяняецца, відавочна, сваёй мэты яны не дасягаюць. Аднак яны вельмі ўпартыя, спрабуюць чыніць адно й тое ж, чакаючы іншага выніку».

Вясна / Правы чалавека ў Беларусі

02 июня 2025 16:07

🧑‍🏭«У 21 стагоддзі няма месца рабству і дыскрымінацыі!» Спецдакладчыку ААН прадставілі даклад аб сітуацыі з правамі чалавека ў сферы працы

Другога чэрвеня ў Жэневе пачалася 113-я сесія канферэнцыі Міжнароднай арганізацыі працы. У сувязі з гэтым кааліцыя беларускіх НДА і Беларускага кангрэса дэмакратычных прафсаюзаў прадставіла аналітычны даклад аб сітуацыі з правамі чалавека ў сферы працы, прызначаны для Спецыяльнага дакладчыка ААН па сітуацыі з правамі чалавека ў Беларусі.

У ім кааліцыя распавяла пра сітуацыю з усім спектрам працоўных правоў у краіне і прапанавала рэкамендацыі, якія варта адрасаваць уладам Беларусі ды міжнароднай супольнасці з пазіцыі працоўных стандартаў ды правоў чалавека.

Аўтары дакладу адзначаюць, што ў Беларусі назіраюцца сістэмныя і маштабныя парушэнні працоўных правоў, што закранаюць шырокае кола працаўнікоў.

Чытаць па спасылцы 👉 https://spring96.org/be/news/118059

Вясна / Правы чалавека ў Беларусі

02 июня 2025 13:15

✍️Шукаем людзей, якія за апошнія паўгода адбывалі арышты ў беларускіх ізалятарах часовага ўтрымання

Распавядзіце праваабаронцам пра ўмовы ўтрымання.

Ананімнасць гарантуецца. Калі ласка, напішыце праваабаронцам на @Viasnainfo

Вясна / Правы чалавека ў Беларусі

02 июня 2025 11:03

💔Дапамога сям'і палітвязняў: айчым адсядзеў паўтара гады і з'ехаў у Польшчу да пасынка

Яго гісторыю распавядае BYSOL.

«Пасля вызвалення ў лістападзе 2024-га айчым вырашыў з'ехаць – стаміўся глядзець на рэпрэсіі і беззаконне. Ды і зразумеў, што спакойна жыць у гэтай краіне яму не дадуць, і наступны тэрмін толькі справа часу. Тры месяцы ён чакаў, пакуль зробяць візу, і з дапамогай каманды эвакуацыі BYSOL з'ехаў у Польшчу.

Настрой у Дзяніса цяпер добры, галоўным чынам праз тое, што цяпер можна не баяцца. У бліжэйшых планах у яго легалізавацца, знайсці працу і пачаць новае жыццё.

Але паколькі ён ехаў з адной валізкай і яшчэ доўгі час будзе чакаць легалізацыі, мы хочам папрасіць у вас дапамогі. Дзянісу патрэбныя грошы на жыллё, нейкія бытавыя выдаткі, магчымасць звярнуцца да лекара».

Вясна / Правы чалавека ў Беларусі

02 июня 2025 09:02

📝«Усё шыршэ і шыршэ...» БХК прадставіў новы даклад пра трэнды дзяржпалітыкі за першы трыместр 2025 года

Кожны з дакладаў эксперты БХК суправаджалі незвычайнай вокладкай. Там быў і коцік-касманаўт, і кабанчык, і кракадзіл — вобраз для вокладкі маляваў ШІ. Цяпер жа, у 2025 годзе, плануецца, што вокладкі для трэнтаў будуць ствараць дзеці экспертаў БХК. Пра гэта распавяла Кацярына Дзяйкала падчас прэзентацыі трэндаў за студзень-красавік 2025:

«Сёлета мы вырашылі пайсці ад жыцця, як кажа Аляксандр Рыгоравіч. І атрымліваецца так, што часта мы мімаволі нясем працу дадому — і ўся сям'я аказваецца ўцягнутай ва ўсё, чым мы займаемся. І паколькі ўжо так адбываецца, мы вырашылі сёлета папрасіць нашых дзяцей намаляваць свае асацыяцыі са словамі "свабода" і "забарона" — і вырашылі ўсе тры вокладкі 2025 года зрабіць на аснове малюнкаў нашых дзяцей».

Вясна / Правы чалавека ў Беларусі

01 июня 2025 15:05

🌿Да 13 чэрвеня ў кракаўскай «Прасторы» можна наведаць выставу «Пачуцці: малюнкі палітвязняў з Беларусі»

Гэта калекцыя малюнкаў, створаных палітычнымі вязнямі Беларусі ва ўмовах зняволення. Экспазіцыя ўздымае складаныя і важныя пытанні чалавечай годнасці, грамадзянскай адказнасці і сілы творчасці.

Малюнкі — гэта і спроба знайсці святло нават ва ўмовах поўнай ізаляцыі, не страціць сувязь са знешнім светам і данесці да грамадства пачуцці, якія немагчыма перадаць словамі.

На выставе прадстаўлена невялікая частка малюнкаў палітвязняў, беражліва захаваных іх роднымі, сябрамі і праваабаронцамі. У цяперашні час палітычным зняволеным забараняюць адпраўляць малюнкі з месцаў зняволення, а многія працы спецыяльна знішчаюцца супрацоўнікамі турмаў.

📍Прастора (ul. Mikołajska 4/6), Кракаў
🎟 Уваход вольны

Вясна / Правы чалавека ў Беларусі

01 июня 2025 11:00

💌Беларусы Масквы працягваюць пісаць беларускім палітвязням

Гэтым разам лісты і паштоўкі з віншаваннямі з Днём Народзінаў, а таксама словы падтрымкі, павінны атрымаць Колас Таццяна, Якубовіч Святлана, Савачкіна Ганна, Дамастой Вікторыя, Абдукерына Ірына, Лазарэнка Анастасія, Маліноўская Карына, Ліхачэўская Людміла, Русак Таццяна.

Таксама заказны ліст адпраўлены Мацкевічу Уладзіміру і Лосіку Ігару!

Паведамленне аб атрыманні лістоў прыйшло ад Латыпава Сцяпана.

Вясна / Правы чалавека ў Беларусі

31 мая 2025 16:03

💔Пяць гадоў таму быў затрыманы Мікола Статкевіч

Яму прысудзілі 14 гадоў зняволення ў калоніі асаблівага рэжыму. Апошнюю інфармацыю пра палітвязня родныя Мікалая атрымалі 9 лютага 2023-га году — 842 дні таму.

Напрыканцы 2023-га году сваякі палітвязня праз «другія рукі» атрымалі пацверджанне, што ён знаходзіцца ў глыбоцкай калоніі № 13, дзе сядзіць па чарзе то ў адзіночнай камеры ПКТ, то ў камеры штрафнога ізалятару. Яго пазбавілі права на званкі і адзінай на год перадачы і спаткання.

Жонка палітвязня Марына Адамовіч была затрымана 23 студзеня 2024-га году падчас рэйда на сваякоў палітвязняў. Яе асудзілі за «дробнае хуліганства» да 15 сутак арышту.

Напачатку году Мікола Статкевіч быў вылучаны на Нобелеўскую прэмію міру.

Вясна / Правы чалавека ў Беларусі

31 мая 2025 11:15

💔Палітзняволены Дзмітрый Сушчык цалкам адбыў тэрмін і выйшаў на волю — ён ужо знаходзіцца ў бяспечнай краіне

Дзмітрыя затрымалі напрыканцы 2021-га году. Вядома, што мужчыну затрымліваў ГУБАЗіК — Дзмітрыя павезлі ў лес, дзе «падвергнулі псіхалагічнаму і фізічнаму гвалту». Пасля затрымання яго выпусцілі пад падпіску аб нявыездзе, а пазней, падчас спробы выехаць за мяжу, яго спынілі расійскія памежнікі, вывезлі ў Беларусь і перадалі сілавікам.

2 сакавіка 2022 года суддзя Ігар Ваўчок прызначыў яму 1,5 года калоніі за «здзек з дзяржаўных сімвалаў» і «абразу Лукашэнкі». Перад самым выхадам на волю суддзя Наталля Козел дадала Сушчыку яшчэ 1 год і 15 дзён зняволення паводле ч. 1 арт. 411 КК (Злоснае непадпарадкаванне патрабаванням адміністрацыі турмы).

Калі мужчына быў у зняволенні, у яго памерла маці.

Вясна / Правы чалавека ў Беларусі

30 мая 2025 17:05

Перастаў адкрывацца сайт «Вячэрняга Бабруйска» — у рэдакцыю днямі прыходзілі сілавікі

Пры спробе зайсці на старонку з'яўляецца «заглушка» з тэкстам, што сайт заблакаваны па рашэнні Міністэрства інфармацыі, піша @nashaniva.

28 траўня стала вядома пра тое, што сілавікі правялі ператрусы ў рэдакцыях рэгіянальных выданняў «Вечерний Бобруйск», «Вольнае Глыбокае» і «Бобруйск Инфо». Падставай для гэтага сталі афіцыйныя рэкламныя дамовы з пасольствам Германіі ў Беларусі (некаторыя былі заключаныя яшчэ ў 2016 годзе).

🔗Хроніка палітычнага пераследу

Вясна / Правы чалавека ў Беларусі

30 мая 2025 15:45

🗣Калі вы знаходзіцеся ў бяспецы — распавядзіце пра палітычны пераслед, з якім сутыкнуліся вы ці вашыя блізкія ў Беларусі

Калі вас арыштоўвалі, судзілі па палітычных матывах, калі вашых блізкіх ці сяброў звальнялі, прымушалі «каяцца» на камеру, калі вы былі вымушаныя бегчы з краіны праз страх — гэта важна.

• Нават калі вы цяпер у бяспечнай краіне — ваш голас мае значэнне.
• Нават калі прайшлі месяцы ці гады — ваша гісторыя важная.
• Нават калі здаецца, што нічога не змяніць — ваша праўда будуе сведчанні супраць беззаконня.

❗️Па вашым жаданні, інфармацыя, якую вы дашлеце, не будзе нідзе апублікаваная і будзе выкарыстоўвацца толькі для статыстыкі. Мы не патрабуем ад вас асабістай ці ўразлівай інфармацыі — паведамляйце толькі тое, што лічыце важным і бяспечным для сябе і для людзей у Беларусі.

Кожная гісторыя — гэта кавалачак вялікай карціны таго, што адбываецца ў Беларусі.

@ViasnaSOS | @SOSViasna | @Viasnainfo

Вясна / Правы чалавека ў Беларусі

30 мая 2025 12:15

Былога палітвязня паўторна затрымалі і асудзілі да трох гадоў калоніі

У красавіку гэтага году былога палітвязня Ігара Неміровіча з Брэста, асуджанага за «абразу Лукашэнкі» за пост у Instagram, зноўку асудзілі пасля адбыцця тэрміна. Восенню 2023 года ён звяртаўся ў камісію па вяртанні беларусаў, якія з'ехалі з-за рэпрэсій, аднак не дачакаўся яе адказу, паехаў у Беларусь, дзе быў затрыманы і асуджаны.

Пасля адбыцця гадавога зняволення яго зноўку затрымалі і абвінавацілі ў «садзейнічанні экстрэмісцкай дзейнасці». Яму прызначылі тры гады калоніі ва ўмовах узмоцненага рэжыму.

Распавядаем падрабязнасці справы і нагадваем пра важныя меры бяспекі.

Чытаць па спасылцы 👉 https://spring96.org/be/news/118041

Вясна / Правы чалавека ў Беларусі

30 мая 2025 10:45

У «Спіс экстрэмістаў» дадалі яшчэ 28 прозвішчаў — цяпер у ім 5342 чалавекі

30 траўня МУС зрабіла традыцыйны пятнічны апдэйт «Пераліка грамадзян Беларусі, замежных грамадзян або асоб без грамадзянства, якія маюць дачыненне да экстрэмісцкай дзейнасці».

Сярод іншых, у спіс дадалі ксяндза Генадзя Акалатовіча, супрацоўніцу «Пеленгу» Ірыну Суржык, журналістку Паліну Піткевіч.

Да допіса далучаны апошні «Пералік грамадзян, якія маюць дачыненне да экстрэмісцкай дзейнасці».

⁉️«Мама, я экстрэміст». Якія абмежаванні накладаюцца на асоб, уключаных у «Спіс экстрэмістаў»

Вясна / Правы чалавека ў Беларусі

30 мая 2025 09:00

Сёння пачынаецца суд над Нінай Багінскай

30 траўня а 10:30 у судзе Першамайскага раёну Мінску будзе разглядацца крымінальная справа супраць актывісткі Ніны Багінскай паводле ч. 2 арт. 342 КК (неаднаразовае парушэнне закону аб правядзенні масавых мерапрыемстваў). Аснову абвінавачання супраць Багінскай складаюць адміністратыўныя пратаколы і судовыя пастановы за 2024 год.

Прычынай сталі шпацыры са значакам бел-чырвона-белага колеру на адзенні і дэманстрацыя нацыянальнай сімволікі на вуліцах Мінску ў 2024 годзе.

Вядома, што падчас следства па крымінальнай справе Ніну Багінскую некалькі разоў вазілі на псіхіятрычную экспертызу.

🔹Супраць Ніны Багінскай узбудзілі крымінальную справу за адзіночныя пікеты

Вясна / Правы чалавека ў Беларусі

02 июня 2025 18:03

Былы палітзняволены фігурант «пінскай справы» Ілля Бохан з'ехаў з Беларусі ў бяспечную краіну

Хлопец у 17-гадовым узросце ўдзельнічаў у паслявыбарчых пратэстах, за што пазней быў асуджаны да 3,5 гадоў зняволення. Мінулай вясной ён цалкам адбыў тэрмін і выйшаў на волю.

«Пасля вызвалення спрабаваў адаптавацца ў Беларусі, уладкавацца на працу. Але ніхто ад мяне не адчапіўся: сілавікі ўвесь час прыязджалі, правяралі мой тэлефон, пагражалі, што вернуць назад у турму. На працу браць не хацелі. Увогуле, я жыў у пастаянным страху.

Таму гэтай вясной я вырашыў выехаць. Ужо 9 красавіка быў у Польшчы. Цяпер жыву ў шэлтары ў Варшаве. Хачу пачаць тут новае жыццё: легалізавацца, уладкавацца, падвучыць мову, знайсці добрую працу (планую ўладкавацца кіроўцам, а потым адвучыцца і ездзіць на фуры).

Хоць у мяне цяжкая фінансавая сітуацыя, і я адзін у новай краіне, маральны стан добры — адчуваю, што я ў бяспецы і мне нічога не пагражае».

Вясна / Правы чалавека ў Беларусі

02 июня 2025 17:00

Facebook-старонка Лявона Вольскага прызнаная «экстрэмісцкай»

Адпаведнае рашэнне было прынятае судом Ленінскага раёну Брэста 27 траўня. Раней «экстрэмісцкімі» прызналі Telegram-канал спевака і яго старонку ў Instagram.

Таксама Спіс экстрэмісцкіх матэрыялаў папоўнілі:

📍Telegram-каналы і чаты «Авангард (АКС)», «Бандерівська Киця», «Двіжчат», «ww2 confession»;
📍Instagram старонкі «artistswithbelarus», «kastus.suprac», «peramen.hub», «cutpolitics»;
📍Сайт і сацсеткі праекту «belarus.indymеdiа»;
📍Facebook старонкі «Василий Плешкунов», «Беларускi свет Bielaruski śvet», «Belarus.host24.spasе», «Будущая Беларусь: идеи,
дискуссии, тенденции», «Belarusians in Chicago», «Sveriges Belarusier / Беларусы Швецыi», «Vitali.Sodzel», «Кронан», «Згуртаванне беларусаў Люксембурга», «Stories from Belarus», «Pavel Latushka», «Free Belarus!!! Жыве Беларусь!!! Вaltarusijа!!!», «Вольны Беларус».

🔗Хроніка палітычнага пераследу

Вясна / Правы чалавека ў Беларусі

02 июня 2025 14:10

📍Новыя крымінальныя справы, змяшчэнні ў ШІЗА, памілаванне: агляд навінаў пра палітвязняў за травень

Больш за чатыры гады ў Беларусі бесперапынна працягваюцца масавыя рэпрэсіі. Перад чарговымі прэзідэнцкімі выбарамі сітуацыя значна пагоршылася: сілавікі ладзяць "рэйды" па гарадах Беларусі, выклікаюць на размовы, прэвентыўна затрымліваюць, у тым ліку былых палітвязняў. Таксама праваабаронцы атрымліваюць інфармацыю пра ўтрыманне вязняў у жудасных умовах, пра ціск на іх з боку адміністрацыі, а таксама пра пагаршэнне здароўя зняволеных.

🔹Палітвязнямі за мінулыя тыдні былі прызнаныя 28 чалавек.

🔹Чатыры чалавекі былі асуджаныя да пазбаўлення волі.

🔹У зняволенні памёр палітвязень Валянцін Штэрмер.

🔹Трох палітвязняў асудзілі па новых крымінальных справах.

🔹42 палітвязні былі памілаваныя Лукашэнкам.

📌"Вясна" распавядае апошнія навіны пра палітвязняў у аглядзе па спасылцы.

Вясна / Правы чалавека ў Беларусі

02 июня 2025 12:33

З 2020-га году як мінімум 1936 беларускіх грамадскіх аб'яднанняў, установаў, асацыяцый ці фондаў ліквідаваныя ці знаходзяцца ў стадыі ліквідацыі

На канец 2024 года было ліквідавана не менш за 1 891 НКА, усяго за мінулы год — мінімум 382 НКА.

Паводле інфармацыі Lawtrend, на канец траўня як мінімум 1190 арганізацый знаходзілася ў працэсе прымусовай ліквідацыі, 746 прынялі рашэнне аб самастойнай ліквідацыі.

Вясна / Правы чалавека ў Беларусі

02 июня 2025 10:01

🐱Шукаем людзей, у якіх рэпрэсіі закранулі іх хатніх гадаванцаў

Ці давялося вам пакідаць свайго ўлюбёнца, калі вы вымушана з'язджалі з краіны? Ці траплялі жывёлы пад ціск разам з вамі падчас ператрусаў, затрыманняў, эміграцыі ці пераследу? Ці сутыкаліся яны з абыякавасцю, гвалтам або страцілі дом праз палітычную сітуацыю?

Калі ласка, напішыце праваабаронцам на @Viasnainfo! Гэта ананімна

Вясна / Правы чалавека ў Беларусі

01 июня 2025 17:05

📝Як выглядае дзень у гомельскай жаночай калоніі на Антошкіна?

Былая палітзняволеная Антаніна Канавалава распавяла ў фэйсбуку пра распарадак дня ў гомельскай жаночай калоніі № 4.

Зняволеныя жанчыны працуюць шэсць дзён на тыдзень, а іх адзіны выходны цалкам перапоўнены праверкамі, дзяжурствамі і абавязковай прысутнасцю на мерапрыемствах, што робіць сапраўдны адпачынак немагчымым.

Разам з юрысткай «Вясны» Святлана Галаўнёвай мы прааналізавалі расклад на адпаведнасць Мінімальным стандартным правілам ААН аб абыходжанні з вязнямі (Правілам Нэльсана Мандэлы) і іншым міжнародным стандартам у кантэксце правоў чалавека.

Чытаць па спасылцы 👉 https://spring96.org/be/news/118049

Вясна / Правы чалавека ў Беларусі

01 июня 2025 13:04

Маладую касплэйшчыцу асудзілі за «заклікі да прычынення шкоды Беларусі»

Лідзіі Горахавай 30 гадоў. Яна родам з Магілёва, вучылася ў ліцэі №1 на філалагічным профілі, скончыла яго ў 2011 годзе.

Далей пераехала ў Мінск і вучылася ў Вышэйшым дзяржаўным каледжы сувязі (цяпер — Беларуская дзяржаўная акадэмія сувязі) па дзвюх спецыяльнасцях — тэхнік паштовай сувязі і маркетолаг-эканаміст. Пасля завочна адвучылася на эканаміста. Працавала менеджарам па продажах у розных кампаніях у Мінску.

Мяркуючы па сацсетках, дзяўчына захапляецца касплэем і фатаграфуецца ў розных вобразах, якія стварае сама. Таксама яна любіць маляваць і дзеліцца сваімі малюнкамі.

Дзяўчыну асудзілі па ч. 3 арт. 361 КК — «заклікі да санкцый ці іншыя дзеянні, накіраваныя на шкоду Беларусі». Сутнасць абвінавачанняў незразумелая. Прысуд набыў моц у траўні, піша «Наша Ніва». 30 траўня яе дадалі ў спіс «экстрэмістаў».

Вясна / Правы чалавека ў Беларусі

01 июня 2025 09:04

📄 Што пачытаць у нядзелю? Сабралі для вас галоўныя матэрыялы «Вясны» за тыдзень:

🔹«Гэта не азначае спынення крымінальнага пераследу»: Актывістцы Ніне Багінскай прызначылі «прафілактычнае назіранне»

🔹«Дзякую ўсім, хто мяне падтрымліваў». Экс-палітзняволены Андрэй Чапюк — пра краты і валанцёрства

🔹«Важна ацэньваць уласныя рызыкі»: выйшла даследаванне, як абараніць сябе ад вярбоўкі

🔹«Сын лічыў, колькі гадоў яму будзе, калі я вярнуся»: як праходзіць бацькоўства за кратамі

🔹«Беларусь працягвае жыць у змроку рэпрэсій», — Спецдакладчык ААН

🔹Палітвязню Анатолю Латушку дадалі яшчэ паўгода зняволення

🔹«Адзіны выходны, але і ён працоўны»: парушэнні правоў жанчын у калоніі № 4

💳Падтрымаць «Вясну» на Patreon | Аднаразовым данатам

Вясна / Правы чалавека ў Беларусі

31 мая 2025 13:03

🌿«Адзіны выходны, але і ён працоўны»: парушэнні правоў жанчын у калоніі № 4

Былая палітзняволеная Антаніна Канавалава распавяла ў фэйсбуку пра распарадак дня ў гомельскай жаночай калоніі № 4. Зняволеныя жанчыны працуюць шэсць дзён на тыдзень, а іх адзіны выходны цалкам перапоўнены праверкамі, дзяжурствамі і абавязковай прысутнасцю на мерапрыемствах, што робіць сапраўдны адпачынак немагчымым.

Разам з юрысткай «Вясны» Святлана Галаўнёвай мы прааналізавалі расклад на адпаведнасць Мінімальным стандартным правілам ААН аб абыходжанні з вязнямі (Правілам Нэльсана Мандэлы) і іншым міжнародным стандартам у кантэксце правоў чалавека.

«Фактычна вольны час у зняволеных адсутнічае. Гэта пазбаўляе зняволеных магчымасці аднаўлення, самаразвіцця, зносін, чытання, лістоў — усяго таго, што фармуе чалавечую годнасць нават ва ўмовах ізаляцыі».

Вясна / Правы чалавека ў Беларусі

31 мая 2025 09:00

Беларусаў, якія нанеслі свае бізнэсы на карту «Новай Беларусі», працягваюць прымушаць каяцца

Учора ў Instagram з'явілася «пакаяльнае відэа» ўладальніцы тэкстыль-кампаніі. Яна распавяла, што да яе прыходзілі сілавікі і кдбісты, якія распытвалі пра платформу SVAE, «Новую Беларусь», Паўла Лібера.

Жанчыну прымусілі сказаць, што яна не мае дачыненне да гэтых платформ і перадаць іншым быць уважлівымі «куды-чаго вашу арганізацыю запісваюць» (верагодна, гаворка пра сэрвіс ByMapka, да людзей з якога прыходзяць сілавікі).

23 траўня паведамлялася, што дзве беларускі, якія размяшчалі звесткі пра свой эміграцыйны бізнэс у базе «Новая Беларусь», апублікавалі ў сваіх інстаграм-акаўнтах «пакаяльныя відэа» з парадамі для сяброў.

🔗Хроніка палітычнага пераследу

Вясна / Правы чалавека ў Беларусі

30 мая 2025 16:45

❗️«Гэта не азначае спынення крымінальнага пераследу»: Актывістцы Ніне Багінскай прызначылі «прафілактычнае назіранне»

У судзе Першамайскага раёну Мінску 30 траўня ў закрытым рэжыме адбыўся працэс над 78-гадовай актывісткай Нінай Багінскай. Яе абвінавацілі паводле ч. 2 арт. 342-2 КК (неаднаразовае парушэнне закону аб правядзенні масавых мерапрыемстваў).

Падставай для крымінальнага пераследу сталі неаднаразовыя адміністрацыйныя пастановы за 2024 год. Паводле @belsat, яе асудзілі без пакарання, але прызначылі «прафілактычнае назіранне».

Разбіраемся з праваабаронцам «Вясны» Паўлам Сапелкам, што азначае такое рашэнне для пенсіянеркі.

«Тэрмін судзімасці ў дадзеным выпадку — два гады пасля ўступлення прысуду ў законную сілу».

Вясна / Правы чалавека ў Беларусі

30 мая 2025 14:00

📝Нагадваем кантакты Праваабарончага цэнтру «Вясна»

🔹Паведаміць пра затрыманне, даслаць інфармацыю з судовых пасяджэнняў: Telegram-бот @viasna_bot | @ViasnaSOS, @SOSViasna;
🔹Звярнуцца па дапамогу па юрыдычных пытаннях, абскардзіць дзеянні дзяржаўных органаў: @zvarot96 | zvarot@spring96.org;
🔹Калі вы пацярпелі ад катаванняў з боку сілавікоў ці сутыкнуліся з жорсткім абыходжаннем за кратамі: @ViasnaDOC | viasnadoc@spring96.org;
🔹Распавесці сваю гісторыю журналістам «Вясны»: @Viasnainfo | viasna@spring96.org.

📍Кантакты рэгіянальных прадстаўніцтваў «Вясны»: Бабруйск — @babrujskspring; Барысаў — @Spring_help_r; Брэст — @Nadbuzanski, @BrestSOS; Гомель — @homelspring; Магілёў — @maydayhelp, @mspring_help; Маладэчна — @Maladecza_help; Наваполацк — @impaynes; Віцебск — @Viciebsk_spring; Светлагорск — @svietlahorskspring

❗️Афіцыйныя кантакты ПЦ «Вясна» можна паглядзець у апісанні @viasna96 ці на старонцы «Кантакты» на spring96.org

⁉️«Вясну» прызналі «экстрэмісцкім фармаваннем»: як цяпер супрацоўнічаць з намі?

Вясна / Правы чалавека ў Беларусі

30 мая 2025 11:15

✊Еўрапейскія дыпламаты прыйшлі падтрымаць Ніну Багінскую, якую сёння пачалі судзіць у Мінску

Пра гэта паведамляе амбасада Германіі ў Беларусі.

«Сёння ў адным з мінскіх судоў адбылося слуханне па справе 78-гадовай Ніны Багінскай. Абвінавачанні, вынесеныя супраць яе, несправядлівыя і палітычна матываваныя.

Прадстаўнікі дыпламатычных місій у Беларусі сёння ў час слухання прыехалі да будынку суда, каб выразіць салідарнасць з Нінай Багінскай».

Вясна / Правы чалавека ў Беларусі

30 мая 2025 10:00

🐱Шукаем людзей, у якіх рэпрэсіі закранулі іх хатніх гадаванцаў

Ці давялося вам пакідаць свайго ўлюбёнца, калі вы вымушана з'язджалі з краіны? Ці траплялі жывёлы пад ціск разам з вамі падчас ператрусаў, затрыманняў, эміграцыі ці пераследу? Ці сутыкаліся яны з абыякавасцю, гвалтам або страцілі дом праз палітычную сітуацыю?

Калі ласка, напішыце праваабаронцам на @Viasnainfo! Гэта ананімна

Вясна / Правы чалавека ў Беларусі

29 мая 2025 16:04

У Беларусі прызналі «экстрэмісцкімі» чарговыя кнігі

Гаворка пра «Украiнская ноч вельмi асабiстыя гiсторыi рэвалюцыi» і «Там, дзе няма цемнаты: Радыё Свабода». Адпаведнае рашэнне было прынятае судом Кастрычніцкага раёну Мінска 23 траўня.

У абноўлены «экстрэмісцкі спіс» таксама трапілі:

📍Telegram-каналы і чаты «КиберКомпот чат», «ЧАТ AKC», «♠️ABWEHR GRUPPE ♠️», «PETLYARIS DEATH BRIGADE»;
📍Instagram старонка «artistswithbelarus»;
📍Старонкі ў Facebook «Виктор Бабарико», «Гомель-годны горад!»;
📍YouTube-каналы «За Беларусь – В.Бородач», «Август2020», «Беларускi Моладзевы Хаб / Belarusian Yoth Hub»;
📍Старонка ў «Аднакласніках» «STOP LUKA»;
📍Старонка ва «Укантакце» «Гомель-годны горад!»;
📍TikTok-старонкі «__________Milli_________», «Лёгкi Белсат».