Вясна / Правы чалавека ў Беларусі

20 мая 2025 15:18

Дапамога 19-гадоваму беларусу, якога затрымалі праз актыўнасць брата. Асцерагаючыся крымінальнай справы, ён з'ехаў з краіны

«Мяне завуць Зміцер Стагурскі, мне 19 гадоў. Я брат Мікалая Стагурскага, якога затрымлівалі за каментары і спрабавалі вербаваць. Пасля таго, як ён з'ехаў з краіны, да нас дадому некалькі разоў прыходзілі з ператрусам.

Падчас арышту мяне двойчы выклікалі да следчага, пыталіся пра брата. Апошні раз зноў пачалі пагражаць, што павязуць у лес, зламаюць нагу, падкінуць што-небудзь. Было страшна. Калі я выйшаў з «содняў», плакаў. Па словах родных, быў вельмі бледны, моцна схуднеў, баяўся сказаць чагосьці не вартага.

Пасля гэтага вырашыў з'ехаць – мяне палохалі пагрозы аб тым, што могуць пасадзіць надоўга. А мне толькі 19 год, не хочацца праводзіць гэты час у калоніі. Тым больш, што «содні» сталі вялікім стрэсам: магу прачнуцца пасярод ночы, бо здаецца, што я зноў у ізалятары.

Цяпер планую вяртацца да нармальнага жыцця і тэрмінова шукаць, дзе атрымаць адукацыю».

Вясна / Правы чалавека ў Беларусі

20 мая 2025 13:01

🟨Дзень Палітвязня ў Imaguru Global у Варшаве

Заўтра, 21 траўня, у польскай сталіцы адбудзецца важнае мерапрыемства, прысвечанае пошуку новых шляхоў салідарнасці з беларускімі палітвязнямі.

Будзе абмяркоўвацца:
🔹 як далучыць польскія NGO і СМІ да кампаній за вызваленне беларускіх палітвязняў;
🔹 як эфектыўна збіраць і распаўсюджваць інфармацыю пра сітуацыю ў турмах і калоніях Беларусі;
🔹 умовы ўтрымання, ціск, недахоп медыцынскай дапамогі і іншыя формы рэпрэсій.

Асобная ўвага будзе нададзена Наваполацкай калёніі, дзе трымаюць журналіста Gazeta Wyborcza Андрэя Пачобута і палітыка Віктара Бабарыку.

📍Imaguru Global (ulica Twarda 14/16, 00-105 Śródmieście), 18:00
⁉️Падрабязнасці на старонцы мерапрыемства

Вясна / Правы чалавека ў Беларусі

20 мая 2025 12:01

❗️У Беларусі +5 новых палітвязняў

Гэта Анатоль Змітровіч, Цімафей Караткевіч, Вячаслаў Дземянчонак, Міхаіл Цімашэнка, Максім Солап.

Хто гэтыя людзі і чаму праваабаронцы лічаць іх справы палітычна матываванымі 👉 spring96.org/be/news/117974

Спіс усіх палітвязняў Беларусі 👉 prisoners.spring96.org

Вясна / Правы чалавека ў Беларусі

20 мая 2025 10:50

Затрымалі 11 менеджараў буйной сеткі сэканд-хэндаў — двое з іх «датычныя да экстрэмісцкай дзейнасці»

У Гомельскай вобласці распачалі крымінальную справу супраць уладальнікаў сеткі магазінаў сэканд-хэндаў. Іх абвінавачваюць ва ўхіленні ад падаткаў, махлярстве і ўдзеле ў злачыннай групе. Вядома, што рознічная сетка гэтай кампаніі мае 97 крамаў у 12 гарадах.

Паведамляецца, што затрыманыя ўжо вярнулі 1,9 мільёна рублёў у якасці частковага пакрыцця шкоды. Сцвярджаецца, што двое падазраваных маюць «дачыненне да экстрэмісцкай дзейнасці».

9 траўня міжнародная праваабарончая арганізацыя Human Rights Watch апублікавала даклад, у якім упершыню прызнаецца, што беларускі бізнес з'яўляецца аб'ектам сістэмнага транснацыянальнага палітычнага пераследу з боку беларускіх уладаў. У дакладзе падкрэсліваецца, што беларускія ўлады выкарыстоўваюць шырокі спектр рэпрэсіўных мер супраць прадпрымальнікаў, у тым ліку канфіскацыю маёмасці, пагрозы крымінальным пераследам і пераслед за мяжой.

🔗Хроніка палітычнага пераследу

Вясна / Правы чалавека ў Беларусі

20 мая 2025 09:00

🗣Калі вы знаходзіцеся ў бяспецы — распавядзіце пра палітычны пераслед, з якім сутыкнуліся вы ці вашыя блізкія ў Беларусі

Калі вас арыштоўвалі, судзілі па палітычных матывах, калі вашых блізкіх ці сяброў звальнялі, прымушалі «каяцца» на камеру, калі вы былі вымушаныя бегчы з краіны праз страх — гэта важна.

• Нават калі вы цяпер у бяспечнай краіне — ваш голас мае значэнне.
• Нават калі прайшлі месяцы ці гады — ваша гісторыя важная.
• Нават калі здаецца, што нічога не змяніць — ваша праўда будуе сведчанні супраць беззаконня.

❗️Па вашым жаданні, інфармацыя, якую вы дашлеце, не будзе нідзе апублікаваная і будзе выкарыстоўвацца толькі для статыстыкі. Мы не патрабуем ад вас асабістай ці ўразлівай інфармацыі — паведамляйце толькі тое, што лічыце важным і бяспечным для сябе і для людзей у Беларусі.

Кожная гісторыя — гэта кавалачак вялікай карціны таго, што адбываецца ў Беларусі.

@ViasnaSOS | @SOSViasna | @Viasnainfo

Вясна / Правы чалавека ў Беларусі

19 мая 2025 17:15

🟨 Дзень палітвязняў у «Карме»

21 траўня а 18:00 культавы варшаўскі бар «Карма» і Праваабарончы цэнтр «Вясна» ладзяць вечар салідарнасці з палітвязнямі.

Будзе мастацкі перформанс. Будуць размовы. Будуць піны ў выглядзе «жоўтых бірак» — і будзе шмат сэнсу.

Жоўтая бірка — гэта спецыяльная метка, якую прымушаюць насіць палітвязняў у беларускіх калоніях. Пра яе ўпершыню распавёў у лісце на волю Вітольд Ашурак. З таго часу бірка стала сімвалам. Сімвалам несправядлівасці. Супраціву. Памяці. І надзеі.

Прыйдзі. Падтрымай. Вазьмі пін. Нават калі ты проста зойдзеш у бар на напой — ты ўжо частка салідарнасці.

📍 Al. 3 Maja 15, Warszawa
👉 Спіс падзей у Варшаве і іншых гарадах — на prisonersday.info

Вясна / Правы чалавека ў Беларусі

19 мая 2025 16:00

За пратэсты з 2020 года ў Беларусі асудзілі больш за 6000 чалавек

Пра гэта заявіў старшыня Следчага камітэта Дзмітрый Гара, піша @reformby.

«Следствам устаноўленыя і сабраныя доказы, якія дазволілі асудзіць больш за 6000 тысяч экстрэмістаў, якія выношвалі планы фізічнай ліквідацыі кіраўніцтва краіны, змены канстытуцыйнага ладу і прывядзення ва ўладу антынароднага марыянетачнага ўрада.

Адным з інструментаў дасягнення злачыннай мэты выбрана тактыка цкавання і расправы ў адносінах да дзяржаўных служачых, супрацоўнікаў праваахоўных органаў, ваеннаслужачых, іх сем'яў і блізкіх. Экстрэмісцкія тэлеграм-рэсурсы фармавалі расстрэльныя спісы прадстаўнікоў улады і сілавікоў».

Вясна / Правы чалавека ў Беларусі

19 мая 2025 14:00

🌿Заўтра адбудзецца шэраг мерапрыемстваў з нагоды Дня Палітвязняў

🇵🇱Гданьск, 18:30

Cустрэча з журналістам Алегам Груздзіловічам. БКТ «Хатка», Miszewskiego 17/307. Падрабязнасці

🇵🇱Уроцлаў, 19:00-20:30

Дабрачынны музычны канцэрт. Pub Salonik, ul. Braniborska 2/10. Падрабязнасці

🇱🇹Вільня, 20:05

Кінапрагляд дакументацыйнага фільма «Цень радасці». KROPKA, Savičiaus g. 6. Падрабязнасці

❗️Памятайце пра правілы бяспекі. Далучайцеся да салідарных дзеянняў, толькі калі гэта бяспечна для вас.

✍️Калі ласка, паведамляйце пра анонсы акцый і мерапрыемстваў у іншых гарадах праваабаронцам на @Viasnainfo

👀Падрабязную інфармацыю пра ўсе мерапрыемствы можна паглядзець на prisonersday.info

Вясна / Правы чалавека ў Беларусі

19 мая 2025 12:15

Instagram-старонку беларускага выдавецтва «Скарына» ў Лондане прызналі «экстрэмісцкай»

Адпаведнае рашэнне было прынятае судом Маладзечанскага раёну 15 траўня.

Таксама Спіс экстрэмісцкіх матэрыялаў папоўнілі Instagram старонкі «orellesya», «dmitriysergievich», «miliuk26», «mara_freedom_belarus», «krupitski_sergei», «siarhejpantus», старонка ў «Х «National Anti-Crisis Management», а таксама TikTok-старонка «svetlogorsk_freedom Светлогорск».

Вясна / Правы чалавека ў Беларусі

19 мая 2025 10:15

❗️Зняволеных ПК №3 пераводзяць у іншыя ўстановы

Праваабаронцам стала вядома, што вязняў віцебскай калоніі № 3 цягам апошняга месяца пачалі масава пераводзіць у іншыя калоніі.

Паводле інфармацыі праваабаронцаў, у ПК № 3 знаходзяцца 75 палітвязняў.

UPD. Перавод вязняў адбываецца з-за рамонту на прамзоне. Як стала вядома @MAYDAYMog, на тэрыторыі прадпрыемстваў прамысловай зоны ПК-3 ужо ідзе рамонт. Большасць вязняў этапавалі ў шклоўскую ПК-17, магілёўскую ПК-15 і ПК-22 «Ваўчыныя норы».

✍️Калі вам вядомыя прозвішчы пераведзеных адтуль палітвязняў — калі ласка, пішыце на @Viasnainfo

Вясна / Правы чалавека ў Беларусі

19 мая 2025 09:01

Па палітычным артыкуле асудзілі кіраўніка буйной кансалтынгавай кампаніі

Нядаўна асуджанаму Сямёну Злобічу 41 год. Ён вучыўся ў БДУ. У яго ёсць жонка і непаўналетняе дзіця.

Сямён доўгі час працуе ў кансалтынгу. Ёе меў ІП у гэтай сферы, таксама працаваў у кансалтынгавай кампаніі EnterInvest. У 2016-м заснаваў уласную кансалтынгавую кампанію — ААТ «Стратэгія і капітал», а праз некалькі гадоў узначаліў беларускі філіял кампаніі Civitta, у якой таксама значыцца асацыяваным партнёрам.

У Civitta Злобіч займаўся падрыхтоўкай справаздач пра інавацыйныя экасістэмы Беларусі, стан беларускага фінтэху і тое, як працуюць беларускія стартапы. Таксама выступаў з лекцыямі, у якіх распавядаў, як бізнэс можа ўкараняць інавацыі ў свае працоўныя працэсы.

Мужчыну абвінавачвалі ў «дыскрэдытацыі Беларусі» (арт. 369-1 КК). У чым сутнасць справы, невядома. У спісе «экстрэмістаў» пазначана, што ён «адбывае пакаранне» — гэта значыць, што чалавеку прысудзілі калонію або «хімію», піша «Наша Ніва».

Вясна / Правы чалавека ў Беларусі

18 мая 2025 14:05

📄 Што пачытаць у нядзелю? Сабралі для вас галоўныя матэрыялы «Вясны» за тыдзень:

🔹У палітзняволенай у калоніі знайшлі анкалогію — праз сем месяцаў пасля вызвалення яна памерла

🔹Чыгуначнік, інжынерка, бізнэсоўцы: каго дадалі ў «спіс тэрарыстаў» на мінулым тыдні

🔹У Сейме Латвіі адкрылі выставу з малюнкамі беларускіх палітвязняў «Мастацтва з-за кратаў»

🔹«Сціскай рукі ў кулак, бо зламаем пальцы». Гісторыя былога палітвязня

🔹Cалідарнасць супраць рэпрэсій! 21 траўня — Дзень палітвязняў

🔹«Кожная смерць палітвязня – тое, што дадае новую старонку ў абвінавачванне адказным за іх пераслед», — Павел Сапелка

🔹Стала вядома, за што асудзілі грамадзяніна Украіны ў Бабруйску

💳Падтрымаць «Вясну» на Patreon | Аднаразовым данатам

Вясна / Правы чалавека ў Беларусі

18 мая 2025 09:00

73-гадовую мінчанку асудзілі за ўдзел у пратэстах і дадалі ў спіс «экстрэмістаў»

Алене Панкратавай 73 гады. Яна мінчанка. Вучылася ў БДУ. Цяпер на пенсіі. Алена вядзе вельмі актыўнае жыццё — ходзіць у тэатры, на выставы і лекцыі, а таксама падарожнічае.

Вядома, што яе асудзілі за ўдзел у пратэстах па «народным» 342-м артыкуле КК. Мяркуючы па ўсім, жанчыне прызначылі хатнюю хімію, піша «Наша Ніва».

Вясна / Правы чалавека ў Беларусі

17 мая 2025 17:01

⚖️«Суддзя вынесла акурат такое рашэнне, як загадаў губазікавец». Як праходзяць адміністрацыйныя палітычныя працэсы ў Беларусі

Пра гэта распавядае мінчук, якога затрымалі і асудзілі за каментары.

Пасля допыту ў аддзяленні міліцыі мужчыну адвезлі ў ізалятар аднаго з рэгіянальных гарадоў, дзе той прабыў некалькі сутак у адзіночнай камеры. Сілавікі не апавясцілі сваякоў мінчука, і тыя некалькі дзён не ведалі, дзе ён знаходзіцца.

«Па прыездзе ў ізалятар супрацоўнік ГУБАЗіК так наўпрост і сказаў мясцоваму міліцыянту, каб мне далі некалькі сутак, пакуль рыхтуюць матэрыялы крымінальнай справы. Суддзя вынесла акурат такое рашэнне, як загадаў губазікавец. Я дагэтуль не бачыў ніводнай паперы па сваёй адміністрацыйнай справе».

Вясна / Правы чалавека ў Беларусі

17 мая 2025 13:04

🌿«Мастацтва з-за кратаў» у Рызе змогуць пабачыць усе

Сёння, 17 траўня, у межах міжнароднай акцыі «Ноч музеяў» Сейм Латвіі адчыніць свае дзверы для наведвальнікаў. Для шырокай публікі гэта — унікальная магчымасць агледзець адкрытую ў парламенце выставу мастацкіх твораў беларускіх палітвязняў «Мастацтва з-за кратаў».

Па задуме арганізатараў, гэтыя працы закліканы паказаць каштоўнасць свабоды, справядлівасці і гуманнасці і даць магчымасць пачуць тых, чые галасы спрабуе заглушыць дыктатарскі рэжым, які кіруе ў Беларусі.

Экспазіцыя арганізавана сумеснымі намаганнямі Асацыяцыі беларусаў Латвіі Supolka і Праваабарончага цэнтру «Вясна».

Будынак Сейма адчыняць для наведвальнікаў з 19:00 да 24:00. Просьба мець пры сабе дакумент, які пацвярджае асобу — пашпарт або eID-карту.

Вясна / Правы чалавека ў Беларусі

20 мая 2025 13:45

🌿Заўтра адбудзецца шэраг мерапрыемстваў з нагоды Дня Палітвязняў

🇵🇱Варшава, 14:00
Прэс-канферэнцыя ў памяць загінулых і ў імя жывых. Беларускі Дом у Варшаве, ul. Kryniczna 6.

🇵🇱Варшава, 17:00
«Напішы ліст палітвязню» з Андрэем Гнётам і Марынай Касінеравай, Dożynkowa 6a. Падрабязнасці

🇱🇹Клайпеда, 17:00-20:00.
Акцыя «Чарга», Šiaurinis Ragas. Падрабязнасці

🇵🇱Варшава, 18:00
Адкрыццё выставы «Нічога асабліва новага». Музей вольнай Беларусі, ul. Foksal 11. Падрабязнасці

🇵🇱Варшава, 18:00
Cустрэча беларускіх і польскіх арганізацый з нагоды Дня палітвязня. Imaguru, ul. Twarda 14/16. Падрабязнасці

🇵🇱Беласток, 18:00
Акцыя з нагоды Дня Палітвязняў. Skwer Wolnej Białorusi, Elektryczna 7. Падрабязнасці

🇵🇱Люблін, 18:00
Акцыя з нагоды Дня Палітвязняў, Plac Litewski.

🇮🇹Рым, 18:00
Эўхарыстычная імша ў Сhiesa della Risurrezione di Nostro Signore Gesu Cristo. Падрабязнасці

🇵🇱Уроцлаў, 18:00 - 19:00
Ланцуг Салідарнасці са здымкамі палітвязняў, plac Solny. Падрабязнасці

🇵🇱Варшава, 18:00
Дзень палітвязняў у «Карме», Al. 3 Maja 15. Падрабязнасці

🇱🇹Вільня, 19:00
«Вахта святла» каля амбасады Беларусі, Mindaugo g. 13. Падрабязнасці

🇪🇪Талін, 19:00
Сустрэча на Дзень палітвязняў і прэзентацыя «Гайда палітзняволення», Pärnu mnt 6. Падрабязнасці

🇱🇹Вільня, 20:00
Спектакль «Мая мама ў турме», Vilniaus g. 16. Падрабязнасці

❗️Памятайце пра правілы бяспекі. Далучайцеся да салідарных дзеянняў, толькі калі гэта бяспечна для вас.

✍️Калі ласка, паведамляйце пра мерапрыемстваў у вашых гарадах праваабаронцам на @Viasnainfo

👀Падрабязную інфармацыю пра ўсе мерапрыемствы можна паглядзець на prisonersday.info

Вясна / Правы чалавека ў Беларусі

20 мая 2025 12:45

💔 «Я, напэўна, проста памру тут»: хто з беларускіх палітзняволеных знаходзіцца ў асаблівай рызыцы за кратамі

Па стане на 20 траўня праваабаронцам вядома не менш чым пра 206 палітвязняў, якія знаходзіцца за кратамі ў асаблівай рызыцы. Сярод іх:

• 77 чалавек у цяжкім стане здароўя;
• 29 сталых людзей, чый узрост перавышае 60 гадоў (шмат хто з іх таксама мае вялікія праблемы са здароўем);
• 30 шматдзетных маці і бацькоў;
• 9 чалавек з інваліднасцю;
• 9 чалавек з ментальнымі разладамі;
• Вядома пра як мінімум 4 сям'і, дзе абое бацькоў знаходзяцца за кратамі.

Найстарэйшы з палітвязняў — 77-гадовы Міхаіл Ляпейка з Магілёву, які быў накіраваны на прымусовае лячэнне ў псіхіятрычным шпіталі за абразу Лукашэнкі.

Чытаць па спасылцы 👉 https://spring96.org/be/news/111366

🗣Калі вы ведаеце такіх людзей, калі ласка, паведамляйце праваабаронцам 👉 @ViasnaSOS, @Viasnainfo

Вясна / Правы чалавека ў Беларусі

20 мая 2025 11:15

Сацсеткі палітычнай эмігранткі і блогеркі Аляксандры Ханевіч прызналі «экстрэмісцкімі»

Гаворка пра старонкі жанчыны ў Instagram, Facebook і YouTube. Адпаведнае рашэнне было прынятае судом Ленінскага раёну Гродна 16 траўня.

Таксама «Спіс экстрэмісцкіх матэрыялаў» папоўнілі TikTok-старонка «belarusnovosti1», сайт «honestby.оrg» і Telegram-канал «НОМАД».

🔗Хроніка палітычнага пераследу

Вясна / Правы чалавека ў Беларусі

20 мая 2025 09:45

👩‍🦰Больш за 20 жанчын у зняволенні: як дапамога палітвязням стала злачынствам у Беларусі

Рэжым Лукашэнкі ўжо шмат гадоў спрабуе зруйнаваць салідарнасць беларусаў, якая стала іх адметнай рысай на фоне жорсткіх рэпрэсій. Сілавікі «зачышчаюць» краіну ад праваабаронцаў, актывістаў, грамадскіх арганізацый і фондаў. У 2024 годзе за салідарнасць пачалі адпраўляць за краты і неабыякавых беларусаў за аказанне ці атрыманне дапамогі.

Пад масавы пераслед трапілі ў тым ліку пенсіянеркі, былыя палітвязні, а таксама сваякі палітвязняў, якія знаходзяцца ў няволі. Затрыманні адбываюцца да гэтага часу.

Праваабарончы цэнтр «Вясна» сёлета абраў салідарнасць — тэмай Дня палітвязняў Беларусі, каб нагадаць, што нягледзячы на спробы рэжыму, людзі за кратамі не забытыя. Распавядаем, як сілавікі спрабуюць знішчыць салідарнасць, як неабыякавыя беларусы самі сталі палітзняволенымі і за што іх асудзілі.

Чытаць па спасылцы 👉 https://spring96.org/be/news/117969

Вясна / Правы чалавека ў Беларусі

19 мая 2025 17:45

✊Беларус правёў акцыю да Дня Палітвязняў каля амбасады Беларусі ў Парыжы

Вядома, што праз некаторы час супрацоўнікі амбасады выклікалі паліцыю і прасілі, каб французскія праваахоўнікі далі паглядзець ім дакументы беларуса.

✍️Калі ласка, паведамляйце пра анонсы акцый і мерапрыемстваў у іншых гарадах праваабаронцам на @Viasnainfo

👀Падрабязную інфармацыю пра ўсе мерапрыемствы можна паглядзець на prisonersday.info

Вясна / Правы чалавека ў Беларусі

19 мая 2025 16:31

❗️У Беларусі +7 новых палітвязняў

Гэта Ала Пучынская, Мікіта Лосік, Аляксей Кайдаш, Алег Лойка, Аляксандр Гардзеенка, Ганна Багінская, Вольга Аляксеева.

Хто гэтыя людзі і чаму праваабаронцы лічаць іх справы палітычна матываванымі 👉 spring96.org/be/news/117966

Спіс усіх палітвязняў Беларусі 👉 prisoners.spring96.org

Вясна / Правы чалавека ў Беларусі

19 мая 2025 14:50

Следчы камітэт: шэсць прадстаўнікоў «Палка Каліноўскага» знаходзяцца пад вартай

Таксама ведамства сцвярджае, што 125 чалавек, якія нібыта маюць дачыненне да Палка, знаходзяцца ў вышуку.

Вясна / Правы чалавека ў Беларусі

19 мая 2025 12:50

Генпракуратура Расіі абвясціла Amnesty International «непажаданай арганізацыяй»

У расійскім ведамстве сцвярджаюць, што лонданская штаб-кватэра Amnesty International служыць «цэнтрам падрыхтоўкі глабальных русафобскіх праектаў, аплачаных памагатымі кіеўскага рэжыму». У паведамленні пракуратуры гаворыцца, што актывісты арганізацыі «робяць усё магчымае, каб узмацніць ваеннае супрацьстаянне ў рэгіёне — апраўдваюць злачынствы ўкраінскіх неанацыстаў, заклікаюць павялічыць іх фінансаванне, настойваюць на палітычнай і эканамічнай ізаляцыі нашай краіны».

Amnesty International займаецца назіраннем у сферы правоў чалавека і фіксуе парушэнні па ўсім свеце.

Вясна / Правы чалавека ў Беларусі

19 мая 2025 11:31

🌿22 траўня — Дзень Палітвязняў у Кракаве

Запрашаем на вечар салідарнасці з беларускімі палітвязнямі. У праграме — мастацтва, музыка і адкрытая размова, прысвечаная тэме перажывання палітычнага гвалту, пераследу і выгнання дзецьмі і падлеткамі ў беларускай літаратуры.

🖼 17:30 – 17:40 | Адкрыццё выставы «Пачуцці»
Малюнкі, створаныя палітвязнямі ва ўмовах зняволення. Пошук святла ў цемры, сведчанне чалавечай годнасці і трываласці.

🎵 17:40 – 18:10 | Акустычны выступ Алеся Папковіча
Жывая музыка — як голас свабоды.

🎤 18:20 – 19:20 | Дыскусія «Нельга забыць?»
Як перажыты досвед гвалту і выгнання адлюстроўваецца ў літаратуры для дзяцей і падлеткаў.

📍Прастора (ul. Mikołajska 4/6), Кракаў
🎟 Уваход вольны
⁉️Падрабязнасці па спасылцы
✍️Арганізатары: «Вясна», Інстытут беларускай кнігі, Towarzystwo Białoruskie

👀Падрабязную інфармацыю пра ўсе мерапрыемствы да Дня Палітвязняў можна паглядзець на prisonersday.info

Вясна / Правы чалавека ў Беларусі

19 мая 2025 09:45

✊ Да Дня палітвязняў мы падрыхтавалі адмысловыя піны — «жоўтыя біркі»

Жоўтая бірка — спецыяльная метка для палітзняволеных у калоніях, пра якую ўпершыню ў лісце на волю распавёў Вітольд Ашурак. За гэты час бірка — стала сімвалам барацьбы за вызваленне ўсіх палітзняволеных Беларусі.

🟨 Як атрымаць пін у Вільні?

1. Завітай ў краму «Кропка» (Savičiaus g. 6, Vilnius)
2. Вазьмі бясплатна пін — сімвалічную «жоўтую бірку»
3. Прышпілі да аддзення і далучайся да акцый і мерапрыемстваў.

📍 Спіс мерапрыемстваў у Вільні і іншых гарадах на сайце prisonersday.info

Вясна / Правы чалавека ў Беларусі

18 мая 2025 16:15

«Наведванне лекара мне нагадвала фільмы пра канцлагер». Былы вязень параўновае ўмовы на Валадарцы і ў Жодзіна

Падчас зняволення мінчуку, якога асудзілі за каментары, давялося пасядзець у розных СІЗА – на Валадарцы і ў Жодзіна. Суразмоўца параўноўвае следчыя ізалятары і кажа, што ў Жодзіна было значна жорстка.

«Ахоўнікі на Валадарцы зусім па-іншаму ставяцца да зняволеных. Там іншы рэжым, нашмат лагоднейшы. З табою размаўляюць нармальным тонам, жанчыны ахоўніцы ўсміхаюцца, на цябе ніхто не крычыць. Калі водзяць у душ, то можна мыцца хоць паўгадзіны. Я ўвогуле не мог зразумець, што адбываецца.

У Жодзіна ахоўнікі паводзяцца, як робаты, падкрэслена грэбліва ставяцца да вязняў. Вядуць сябе агрэсіўна. Падчас агляду камеры яе разносяць ушчэнт. Пасля заходзіш і там нібы вайна была – усе рэчы параскіданыя і зваленыя ў кучу. На Валадарцы такога не было. Там начальнік калі прыходзіў з праверкай, то проста пытаў: “Ну што, нармальна ў вас усё?”».

Вясна / Правы чалавека ў Беларусі

18 мая 2025 11:32

✊Amnesty International збірае подпісы ў падтрымку Насты Лойка

Нагадаем, у чэрвені 2023-га году ў Мінскім гарадскім судзе палітзняволенай прызначылі 7 гадоў калоніі за падрыхтоўку даклада «Пераслед анархістаў, антыфашыстаў, левых і сацыяльных актывістаў у Беларусі» (2017-жнівень 2018 года). У ім нібыта даецца крытычная ацэнка дзейнасці супрацоўнікаў міліцыі.

Суд праходзіў у закрытым рэжыме, таму падрабязнасці і пазіцыя самой Насты невядомыя.

Amnesty International Polska збірае подпісы ў падтрымку Насты — іх хочуць перадаць кіраўніку МЗС Польшчы, каб ён узнімаў пытанне вызвалення беларускай палітзняволенай на міжнароднай арэне.

Падпісаць петыцыю па спасылцы

Вясна / Правы чалавека ў Беларусі

17 мая 2025 18:33

Затрымалі адміністратара беларускай Вікіпедыі Максіма Лепушэнку

Адміністратар беларускай Вікіпедыі Максім Лепушэнка быў затрыманы ў абед 15 траўня, паведамляе ў фэйсбуку адзін з ягоных калег-вікіпедыстаў.

«Ён адзін са старэйшых дзейных рэдактараў раздзела, адзіны бюракрат і найстарэйшы адміністратар — атрымаў адпаведны сцяг яшчэ ў 2007 годзе. У асноўным пісаў па старажытнай гісторыі Беларусі, але больш сачыў за парадкам у раздзеле і мадэраваў розныя спрэчкі», — паведамляюць пра Максіма Лепушэнку.

Затрыманне Максіма Лепушэнкі стала не першым выпадкам рэпрэсій апошняга часу, скіраваных супраць аўтараў і рэдактараў беларускай Вікіпедыі, піша «Наша Ніва».

Вясна / Правы чалавека ў Беларусі

17 мая 2025 15:03

💔4 гады і 8 месяцаў за кратамі Марфа Рабкова

Каардынатарка Валанцёрскай службы «Вясны» была затрымана 17 верасня 2020 года. Пазней праваабаронцу абвінавацілі па шэрагу артыкулаў Крымінальнага кодэкса за падзеі 2016-2020 гадоў і асудзілі да 15 гадоў зняволення і велізарнага штрафу.

Па выніках апеляцыі Марфе скарацілі тэрмін на тры месяцы. Прысуд уступіў у сілу і Рабкову этапавалі ў гомельскую калонію.

Amnesty International Polska збірае подпісы ў падтрымку Марфы — іх хочуць перадаць кіраўніку МЗС Польшчы, каб ён узнімаў пытанне вызвалення беларускай палітзняволенай на міжнароднай арэне. Падпісаць петыцыю па спасылцы

💌Месца ўтрымання: ПК № 4, 246035, Гомель, Антошкіна, 3, Марфа (Марыя) Аляксандраўна Рабкова
💻Напісаць анлайн
💳Падтрымаць «Вясну» на Patreon | Аднаразовым данатам

Вясна / Правы чалавека ў Беларусі

17 мая 2025 11:03

✊ Да Дня палітвязняў мы падрыхтавалі адмысловыя піны — «жоўтыя біркі»

Жоўтая бірка — спецыяльная метка для палітзняволеных у калоніях, пра якую ўпершыню ў лісце на волю распавёў Вітольд Ашурак. За гэты час бірка — стала сімвалам барацьбы за вызваленне ўсіх палітзняволеных Беларусі.

🟨 Як атрымаць пін у Вільні?

1. Завітай ў краму «Кропка» (Savičiaus g. 6, Vilnius)
2. Вазьмі бясплатна пін — сімвалічную «жоўтую бірку»
3. Прышпілі да аддзення і далучайся да акцый і мерапрыемстваў.

📍 Спіс мерапрыемстваў у Вільні і іншых гарадах на сайце prisonersday.info