my stuff .

23 августа 2023 11:13

الگشايه الحجمها چبير ، الي تطب بالعين ، هاي فرصة خروجها عالية وتكون بشكل بسيط وسريع بسبب حجمها الواضح وقدرتنا على إخراجها ،
المشكلة بالگشاية الصغيرة ، الي ماتكدر تطلعها بأيدك ، او ممكن تطلع بعد محاولات هواي وبشلعان الكلب ، تبقى نص ساعة عينك تفركك وتوجعك ، وهواي راح تدمع بسبب هلگشاية الگشرة الصغيرة .

المشكلة دائماً جانت بالتفاصيل الصغيرة ، بالهفوات الصغيرة ، بالعقبات الصغيرة المتراكمة ، بعمري ما سمعت واحد مات لأن دخلت شجرة بأيده ، بس سمعت واحد مات لأن سلاية سامة صغيرة دخلت بأصبعه
قيس هالشيء بعلاقتك ويه صديقك او حبيبك او واحد من أهلك ، وشوف منو صاحب هل مشاكل الصغيرة ، منو الي دائماً يتزعل وينكد ويدور حجج سخيفة ، اذا جنت انت فوصلتلك النصيحة ، واذا جان واحد من اصدقائك او الذكرتهم فوك ، فدزله كلامي وگله
المشاكل الصغيرة والمتكررة بأستمرار
تفرق أي علاقة بالكون
فأذا جنت مهتم بعلاقتنا ، بطلهن .

my stuff .

19 августа 2023 20:47

راح تتحسن نفسيتك 70‎%‎ اذا أدركت أن مو كل شي لازم نعطيه رده فعل ، مو كل رأي يستحق أنفعل عليه ، ولا كل حدث أضخمه ، ولا كل كلمة تستحق نرد عليها لما تصمت وتتفرج فقط ، لأن ما فيك تغير الي حولك ، لكن تكدر تقلل من الأشياء الي ممكن تعكر لك صفو مزاجك لما تتجاهلها وتمشي بيومك .

my stuff .

05 августа 2023 00:20

عجيبة هاي الدنيا ، تطلع طلعة مزاجك تعبان تشوف واحد يغير حياتك ، أو أتيه بطريق غلط تلكه نفسك بمكان جديد تحبه وتضل يوميه تروحله ، وطول ماتمشي بطريقك علاقتك تقوه بناس وتضعف بناس ، تشوف الباقي انت لأجله وهو ماكو والباقي هو لأجلك وانت مشغول ، وتلكه كتاب انت شامره تقراه يغير تفكيرك ، وكل شغلة بهالامور تعوف بداخلك أثر صغير أو چبير ، ومواقف تتذكرها جانت شر ويتضحلك بعد شهور طلعت خير ، وتضل متعجب لو مصايرتلك جان شلون عشت ، تسمع بيت شعر يذكرك بغايب جنت ناسيه ، وتسمع آية تسندك وتصلحك ، وتشوف صاحبك نزل بوست يواسيك وهو ميدري بيك متضايق أصلاً ، يموت غالي عليك تصير وراها أقوى ، وتشوف موقف يضحكك بعز حزنك يخفف عليك ، تصيرلك امور تكول اكيد صارت صدفة بس لو ركزت شوية راح تعرف منو الواكف وياك .

سبحان مدبر الأمور 🤍.

my stuff .

29 июля 2023 02:36

لحد يحسسك إن القطار فاتك ، مو ضروري تتخرج من الثانويه بعمر الـ ١٨ وتتخرج من الجامعه بعمر الـ٢٢ سنه ومو ضروري بعد إنك تتزوج اول ما تتخرج ، كُل شخص في قطاره الخاص ورحلته الخاصة .

my stuff .

04 июля 2023 01:24

اليشرب جكاير مو شخص ممتربي ، والميدخن جكاير ميضمن صحته ، والممتحجبة مو بعيدة عن الله ، واللابسة حجاب مو أكثر تدين ، والعنده فلوس مو إلا مرتاح ، والماعنده مو إلا عينة على الثاني ، والجاب معدل عالي مو إلا أذكى من غيره ، والجاب معدل أقل مو بالضرورة فاشل ، التضحك بصوت عالي مو إلا منحرفة ، والينتقدها مو إلا يحمل عفة ، اليروح وياك للكلية يرتاح ، نفسه إذا راح وياك للمطعم مايأخذ راحته .
أغلبنا مختلفين وتحكمنا ظروف مغايرة ، مو لازم إلا يشبهك حتى تقتنع بي ، الموضوع كله مثل الألوان
مو شرط المتخيله يتلون حتى يعجبك ، كل واحد عنده لوحة بداخله يلونها شلون ميريد 🤍.

my stuff .

18 июня 2023 13:30

خلي عندك خط احمر خاص بيك لتخلي أحد يتعداه ، لأن كل مراح تتقدم بعمرك راح تكتشف ان الراحه بالمساحات ، وراح تلكي القريب منك صار كلش بعيد ، الرسائل التعيسه اللي من ناس مريضة احذفها لتخليها تأثر عليك ، ضحكتك هي احلى ما بيك ، لتخلي أحد يمسحها من على وجهك ، لتنطي هواي فرص ، إذا مالكيت تقدير إبتعد ، إبتعد وخلي كل واحد يعرف قيمته الحقيقية ، لتضغط على نفسك علمود ناس يردون يخسروك بكل الطرق ، خلي نفسك عزيزه واليدور غلطك اغلط كدامه وخله يروح ، لمن تحس اللحظات وياهم صارت مرهقة وثكيلة إبتعد ، لمن تحس المكان ما يناسبك ومايليق بيك غادر ، انت تستحق الأحسن ، الأحسن دائماً .

وتذكر الإنسحاب من حياة بعض الناس ما يعني الإستسلام ، بل يعني أنك صمدت هواي علمود شي ما يستحق .

my stuff .

20 марта 2023 17:11

كلش فخور بنفسي .🤍

my stuff .

13 марта 2023 15:52

أنا مو كامل وبأختصار بشر مو ملاك ولا مثالي بس يكفيني انو راضي على روحي راضي على كلشي يبدر مني وكلشي اقدمه اليه ولغيري يكفيني انو بعمري ماخليت شخص يعيش بدوامة حيره والف سؤال بداخله وجنت واضح وراح ابقى واضح بالقدر الي مايخليني اترك أثر مو حلو بداخل كل شخص يعرفني .

my stuff .

21 февраля 2023 17:07

@huuuh .
@Xebbot .

my stuff .

20 февраля 2023 19:19

لاجسمك ولالبسك ولاشكلك ولافلوسك ألهم علاقة بحب الناس ألك ،
شخصيتك الحلوة والخفيفة واسلوبك وذوقك واحترامك للمقابل وتربيتك يخلوك تدخل أي كلب وتنحب بسرعة خليك مثل ما أنت لاتتصنع 🤍.

my stuff .

16 февраля 2023 20:33

بدايه جديده الأحد يارب شغف لاينتهي .

my stuff .

12 декабря 2022 17:00

عندي أسلوب استفزازي يخليك تكرهني وعندي حنية وطيبة العالم كلها وعندي تجاهل تشك بوجودك عندي وعندي حب ماتلكاه يم واحد غيري أخذ الي تريده
" بأسلوبك " .

my stuff .

27 ноября 2022 22:44

اريد من هاذ السحر بلكت اطلع اعفاء .

my stuff .

13 ноября 2022 00:27

انه بخير مادام الله وياي .

my stuff .

24 октября 2022 23:00

ربي أوصيك بمستقبلي خيراً وأنت خير من أوصي اللهم وفقني ويسر لي أمري وانزل على ايامي القادمه توفيقك ورضاك وكن لي عوناً ومعيناً اللهم وفقني في كل خطوه اخطيها .

my stuff .

20 августа 2023 01:09

افكر اجيب غطاس واطلع الزين الي ذبيته بالشط .

my stuff .

13 августа 2023 18:07

كلمه " شخصيتك حلوة " .
احلى بهواي من واحد يكلك انت حلو شكلاً و مظهراً ، واحد يكلك اني معجب بعقلك او يكلك شكد تعجبني طريقه تفكيرك ، احب رزانتك ، اختلافك ، كلها اشوفها مميزه بيك ، لو واحد يكلك تعجبني طريقه عملك ، مثابرتك بشغلك ، لو روحك حلوة و المكان صار احلى بوجودك ، لو واحد يحب طريقتك من تتعامل ويه مشكلة بهدوء من غير ما تنفعل و الاحلى من واحد يكلك انت مثله الاعلى بالحياة كل ذني الامور هواي احلى من كلمه انت حلو لان جمال الوجه والجسم ميغير طبعك بس جمال الجوهر راح ينطبع بملامحك ويخليك كلك حلو .🤍

my stuff .

04 августа 2023 00:50

لما تفكيرك ينضج راح تعرف إنك ما محتاج أحد يحچي وياك ٢٤ ساعه ولا طول الوقت يكلك كلام حلو بالعكس راح تحتاج شخص تكون واثق من مكانتك عنده و إن الزمن والخلافات عمرها ما راح تفرقكم ، شخص يبقىٰ بياله إنه مهما بعد وقابل ناس ما عنده غيرك ، يستحملك وقت خنكتك وزعلك ويعرف يتفاهم وياك في المشاكل وينطيك الامان .🤍

my stuff .

21 июля 2023 17:30

‏أحس المشاركة دليل على الحُب ، أحب لما تكون المحادثة عبارة عن مشاركة الشخص ليومه لي بأبسط شيء مثل مشاركة كوب قهوته ، أو كتابه الذي يقرأه ، أو صورة دافئة التقطها ، حب المشاركة دائماً يحسسني بالألفة ، أحب فكرة أن محادثتي مع الأشخاص اللي أحبهم عبارة عن مشاركة لكل شيء .🤍

my stuff .

27 июня 2023 10:16

من تشتري اكلة نفسك بيها ميهمك شكد راح تدفع فلوس المفاجئة من تنصدم ويطلع طعمها عادي او اقل من العادي بس تكمل اكلها استخسارا بالشي الدفعته والمده البقيت منتضر علمودها واستهانه بالضرر الممكن يصير بيك من وراهة
اكو علاقات حب هيج شكد متدفع بيها مشاعر ووكت وصبر واحلام وتوقعات  بالنهاية تكتشف هية متناسبك ومراح تناسبك شمتسوي  وضررها اكثر من نفعها وفوكها تكمل بيها استخسارا للايام العشتها حته لو جانت غلط
بس خلي ابالكم الاكل الفاسد والمترغبو بي غسل معده بس الحب المعيوب مابي غسل كلوب 🤍.

my stuff .

13 июня 2023 09:55

اني اشوف الناس حساسين ، وراح اضربلك مثال
تخيل فد يوم امك ما لحكت تسويلكم غده ، فـ بالرجعة تكلك تعال ابني روح جيبلنا فلافل سفري ، دخلت للمطعم كلت لصاحبه بلا زحمة عليك اريد فلافل بخمستالاف دينار ، وراك بدقيقتين دخل واحد كله اريد عشرين لفة سفري ، فصاحب المطعم كام يمشيه قبلك ، راح تعصب وتكله ليش مشيته قبلي مو سرايه هو ؟ يتفاجئ صاحب المطعم يضرب ايده على كصته ويكلك والله اني اسف اخوية ولا أنتبهت
يجي عليك يريد ياخذ من خاطرك وتمنعه بإيتسامة ويكلك حقك عليه دقايق وامشيك
ساعتها شراح تحس ؟ راح تحس أمتلكك بأسلوبه ، وتكله على راحتك ماعندي شي ، ومو بعيد تصير زبون دائم للمحل وتضل دائماً تجي .
الأسلوب هذه يخلي الواحد يصحى .
تعرف اكو وحدة تبقى سهرانة للصبح من وره وحده كلتلها سمنانه لو طالعلج كرش !
زين تخيل واحد نفسه تنسد ولُكَمه مياكل ويبقى يباوع على اهله وعلى نفسه بالمراية لان كتله غير ملابسك مو مال هيج طلعة وهو على كد حاله .

مرات نشوف الموضوع ميستحق زعل الكدامنا وهو مكبر الموضوع ، بس احنه مو هو
عمرك شفت واحد عنده مغص حسيت بالمغص مالته ؟
قاري حديث للنبي يكول خاطبوا الناس على قدر عقولهم ، واليقصده مادام عقله تقبل فهم المقابيل ومشاعره تنجرح من كلمة معينه منحجيها حتى لو شفناها طبيعية بالنسبة النا .
ماكو شي اسمه ماكو داعي تشيل بخاطرك ، لان هو صاحب ردة الفعل مو انت !

كل فعل نسوي نجربه على روحنا ، حط نفسك بدال الشخص المقصود ، راح تنجرح لو لا ؟ زين التصرف الفلاني راح يضايقني اذا صار ضدي ؟ ونبقى نقيس على كل شي .
الأسلوب هو اليحكم على جمال الشخص ، لأن اَي انسان اول أمنية يتمناها بأنسان هي شخصيته ، والأذن تحب قبل العين
اذا تصرفك وكلامك حلو
راح تبقى حلو حتى لو شكلك عادي .
والي يمتلك احساس وأسلوب احسن من مليون واحد يمتلك بيوت وقصور 🤍.

my stuff .

18 марта 2023 13:50

تدرون البنية شكد ما تكبر تبقئ طفولية تحب واحد يحبها يهتم بيها يدير باله عليها يخاف عليها من كلشي يشتاق الها ويحبها من كل كلبه وتحب واحد يسعدها ويفرح كلبها تحب واحد يفهمها ويسمعها من تحجي ويا تحب السند وتحب تحجي الي بداخلها بس مرات تصير وياها ضروف لو مشاكل تغيرها وتصير قاسية بس بكلمه حلوه وبحنان يفرح كلبها وتخليها اسعد بنية بالدنيا 🤍.

my stuff .

25 февраля 2023 10:52

لازم تفهم إن الدنيا مش هتقف علشان إنت زعلان ، لازم تتعلم تقف على رجليك حتى وقت زعلك ، مفيش مانع تاخد هدنه تعيط فيها و تريح أعصابك ، بس متوقفش حياتك علشان إنت زعلان .

my stuff .

21 февраля 2023 17:07

شلونكم بأوقات الأكتئاب شسوون سولفولي .

my stuff .

17 февраля 2023 21:00

اهلي يكرهوني ، اهلي دائماً يعارضوني ، اهلي يسببولي مشاكل ، اهلي يبعدوني عن أصدقائي .
اكيد اكو هواي هيج ناس بحياتنا الي دائماً يشكون من اهلهم او دائماً يفكرون اهلهم ميحبوهم ، احب اكلك الاهل ميكرهون ابنائهم لاي سبب كان اهلك يعارضوك على شي انت تشوفه صح وهم يشوفو غلط واكيد هم يفهمون اكثر منك فـ ميردوك تغلط وتصيرلك مشكلة ، اهلك ميسببولك مشاكل الا اذا شافوك تخطيت حدودك وياهم وتربيتك بدت تنحل ، اهلك يبعدوك عن اصدقاء ربما يكونون سبب بسوء اخلاقك وسمعتهم مو حلوة وميريدون سمعتك تتلوث وياهم .
بدل منفكر باهلنا مو زينين لازم نفكر بالاسباب الي خلتهم يمنعونا ويبعدونا عن اشياء احنه نريدها ، بدل مندخل وياهم بمشكلة ما وراها غير الزعل وتفكير محلو ، ندخل وياهم نقاش بهدوء وتفاهم ، بدل منروح نشكي لغيرنا من اهلنا نروح لاهلنا ونشكيلهم وضعنا شنو بداخلنا وشنو بينا لان محد راح يتحملنا ويوكف ويانا ويحبنا بكد اهلنا مهما كانوا قاسين ويانا 🤍.

my stuff .

16 февраля 2023 20:30

كبرنا وصرنا نلبس نفس الملابس يومين وثلاثه وعادي ، كبرنا وصرنا نخاف على اهلنا بدل منخاف منهم ، بطلنا نجادل شخص حتى لو نعرف احنا الصح ، صرنا نترك الايام تثبت وجهة نظرنا ، كبرنا وصرنا منحجي لأحد شيصير ويانا وشيوجعنا ، نزعل واحنا ساکتین نفرح واحنه ساکتین ، هوايه بسيطين 🤍.

my stuff .

10 декабря 2022 16:14

الباب الي ينسد برغبة صاحبه يخسى نرد ندكه .

my stuff .

22 ноября 2022 23:26

أنا فخور بالأنسان الكتوم .
أنسان قوي جداً يواجه المشاكل لوحده محد يدري بي محد يدري بشعوره محد يدري انو جاي يحترك هسه ولمن يجيه أحد يطلب مساعدته ينطي افضل الحلول هو كتوم بس لانو يحاول يتعرف ع نفسه هو كتوم بس لانو محد يفهمه المحيط الي يمه محد يفهمه لهذا السبب هو كتوم هو كتوم لأن مستواه الفكري فوق مستوى الكل ع الأقل مو نرجسي ع الأقل مو شخص حقير ع الاقل شخص ماعنده شعور العظمة ع شي فارغ اكو ناس عندها شعور العظمة وتحس نفسها فدشي كبير وهي ولا شي .

my stuff .

10 ноября 2022 21:44

المواقف مهما كانت سيئه تستاهل الشكر انطتنه دروس ورتبت الناس بحياتنه عرفنا منو المهم ومنو الأهم ومنو اللي بالأساس مايستاهل كلوبنا . 👍🏿🤎

my stuff .

23 августа 2022 13:20

الي يكلك اني ضايج الي يكلك اني اليوم مالي خلك او مضايق من شي معين . هاذه اكثر نسان بداخله كلام . بس ميكدر يحجي مجرد هوه اليوم مو كادر ينطق بكل الي ديمر بيه . فخليك يمه وحاول تساعده اذا مو بلافعل فالكلام ع الاقل .