95859
Ta'lim nazorati (yangiliklar, muammolar, tahlillar) Savollar bo‘yicha: @Uztdibot Hamkorlik bo‘yicha: @Uztdihamkorbot
⚡️Maktabgacha, umumiy o‘rta va maktabdan tashqari ta’lim tashkilotlarining pedagoglariga malaka toifalari berishning yangi tartibi belgilandi
✅ 2023-yil 29-dekabrda Vazirlar Mahkamasining "Maktabgacha, umumiy o‘rta, o‘rta maxsus, professional va maktabdan tashqari ta’lim tashkilotlari pedagog kadrlarini attestatsiyadan o‘tkazish tartibini takomillashtirish chora-tadbirlari to‘g‘risida” 2021-yil 17-sentabrdagi 572-son qaroriga o‘zgartirish va qo‘shimchalar kiritish haqida”gi 692-son qarori tasdiqlandi.
➖ Unga ko‘ra:
➖2024-yil 1-yanvardan boshlab davlat maktabgacha, umumiy o‘rta va maktabdan tashqari ta’lim tashkilotlari pedagog kadrlariga malaka toifasini berishning yangi tartibi joriy qilinadi.
Bunda:
➖malaka toifasini olish bo‘yicha sinovlar bir yilda kamida bir marotaba ikki bosqichda o‘tkaziladi hamda birinchi bosqichda talabgorning mutaxassislik fani va kasb standarti bo‘yicha bilim darajasi, ikkinchi bosqichda – pedagogik mahorati baholanadi;
➖maktabgacha, umumiy o‘rta va maktabdan tashqari ta’lim tashkilotlari pedagog kadrlarini attestatsiyadan o‘tkazishni O‘zbekiston Respublikasi Maktabgacha va maktab ta’limi vazirligi tomonidan amalga oshiriladi.
✅Ta’lim nazorati rasmiy kanali
#qonunchilik_yangiliklari
⚡️Ota-onalarning har qanday yoshdagi farzandlari kontrakti uchun to‘lagan pullari daromad solig‘idan ozod qilinadi
Prezident tomonidan imzolangan Qonun (O‘RQ-891-son, 28.12.2023-y.) bilan ayrim qonun hujjatlariga o‘zgartirish va qo‘shimchalar kiritildi
Endilikda:
✅ Ota-onalar har qanday yoshdagi farzandlarining professional va oliy ta’lim tashkilotlarida o‘qishi uchun to‘lagan pullari daromad solig‘idan ozod qilinadi.
Ilgari faqat 26 yoshgacha bo‘lgan farzandlar uchun to‘langan pullardan daromad solig‘i olinmagan.
Ushbu Qonun 2024-yil 1-yanvardan e’tiboran kuchga kiradi.
✅Ta’lim nazorati rasmiy kanali
Amerika universiteti endi Markaziy Osiyoda
American University of Central Asia (AUCA) — AQSh taʼlim tizimi asosida oʻqituvchi ushbu universitet endi qoʻshni Qirgʻiziston poytaxti, Bishkek shahrida va unda U.S.-CAEF 2024 stipendiya dasturi doirasida Qozogʻiston, Qirgʻiziston, Tojikiston va Oʻzbekistonlik isteʼdodli yoshlar 4ta yoʻnalish boʻyicha bakalavr darajasiga ega boʻlishlari mumkin:
⭐️ Biznes boshqaruvi
⭐️ Iqtisodiyot
⭐️ Dasturiy taʼminot muhandisligi
⭐️ Amaliy matematika va informatika
Universitet shuningdek, quyidagi afzalliklarga ham ega:
Toʻrt yillik taʼlim xarajatlari qoplanadi (GRANT);
Oylik stipendiya;
Turar joy;
Sayohat puli;
Yozgi bepul amaliyotlar;
Shaxsiy rivojlanish va boshqalar
Hujjatlar 2024-yilning 15-yanvarigacha online tarzda qabul qilinadi.
Toʻliq maʼlumotlar universitet saytida: https://uscaef.org/apply/
⚡️Maktab direktorligiga nomzodlarni o‘qitish va menejerlik sertifikatini berish tartibi belgilandi
✅ Vazirlar Mahkamasining “Davlat umumiy o‘rta ta’lim muassasalari direktori lavozimiga nomzodlarni menejerlik o‘quv kurslarida o‘qitish va ularga menejerlik sertifikatini berish tartibi to‘g‘risidagi nizomni tasdiqlash haqida”gi qarori tasdiqlandi.
Unga ko‘ra:
➖2024-yil 1-yanvardan boshlab — Abdulla Avloniy nomidagi milliy-tadqiqot institutida davlat umumiy o‘rta ta’lim muassasalari direktori lavozimiga nomzodlarni menejerlik o‘quv kurslarida o‘qitish hamda maxsus portal orqali ularga menejerlik sertifikatini elektron shaklda berish tizimi joriy qilinadi;
➖2024-yil 1-sentabrdan boshlab — menejerlik sertifikatiga ega umumiy o‘rta ta’lim muassasalari rahbar hodimlariga sertifikat amal qilish muddati davomida lavozim maoshiga har oylik qo‘shimcha ustamalar quyidagi miqdorlarda to‘lanadi:
🔹maktab direktorlariga – 50 foiz;
🔹direktor o‘rinbosarlariga – 30 foiz.
❗️Shuningdek, mazkur qaror bilan tasdiqlangan tegishli Nizom talablariga ko‘ra:
umumta’lim maktablari direktorlari har 5 yilda bir marotaba belgilangan talablarga muvofiq menejerlik sertifikatini olishi talab etiladi;
nomzodlar maxsus portal orqali elektron shaklda ro‘yxatdan o‘tadi;
sertifikat 5 yil davomida amal qiladi.
✅Ta’lim nazorati rasmiy kanali
⚡️Pedagoglar uchun Metodik marafon o‘tkaziladi
Ta’limni rivojlantirish respublika ilmiy-metodik markazi tashabbusi bilan 2024-yilning 4–10-yanvar kunlari umumiy oʻrta taʼlim tashkilotlari pedagoglari uchun Metodik marafon tashkil etilmoqda.
Marafondan ko‘zlangan maqsad:
👉 umumiy oʻrta taʼlim tashkilotlarida oʻquv-tarbiya jarayonini zamonaviy talablar asosida innovatsion usullar yordamida oʻqitishni taʼminlash;
👉 xalqaro baholash dasturi (PISA-2022) tadqiqotlarida oʻquvchilarning o‘qish, matematika va tabiiy fanlar savodxonligi bo'yicha baholash natijalaridan kelib chiqib, ularning o‘zlashtirishdagi boʻshliqlar bilan ishlash;
👉 o‘qituvchilarga oʻquvchilarning mantiqiy fikrlash va samarali muloqot qilish, real hayotiy muammolarga yechim topa olishiga yoʻnaltirilgan metodlarni oʻrgatish;
👉 pedagog kadrlarning ilgʻor tajribalarini aniqlash, oʻzaro tajriba almashishlarini yoʻlga qoʻyish va qoʻllab-quvvatlash.
Marafonda ishtirok etish uchun taqdimotlar @metodik_marafon_bot telegram botiga yuboriladi. Bunda taqdimot hajmi 50 MB'dan oshmasligi kerak.
Eng yaxshi metodik resurs mualliflari tanlab olinadi hamda trener sifatida jalb etiladi. Shuningdek, Ta’limni rivojlantirish markazi rasmiy sayti va ijtimoiy tarmoqlardagi sahifalari orqali e’lon qilinadi.
Marafonga oid yangiliklar markazning @trm_metodika kanalida e’lon qilib boriladi.
🙃 Kelajagingizni Acharya bilan quring!
🎓 O'z kasbining haqiqiy professionallari jam bo'lgan Acharya universiteti, siz uchun haqiqiy bilim maydoni bo'lishi aniq.
💎Universitetning "foundation" dasturi esa mukammallikni xush ko'radigan yoshlar uchun zo'r yangilik.
👍Siz uchun joriy etilgan imkoniyatlari va yaratilgan qulayliklari haqida quyidagi video lavhada bilib olishingiz mumkin.
🌐Safimizga qo'shiling va kelajagingizni biz bilan yarating!
🖱Ro'yxatdan o'tish uchun
📞Call markaz
+998-55-301-00-09
✅ Telegram |🌐 Instagram |
💬 Facebook | 🌐 Website |
🎰LinkedIn | 📹 AcharyaUniversityUzbekistan">You Tube
⚡️2024-yilda qo'shimcha dam olish kunlari belgilandi
"2024-yilda rasmiy sanalarni nishonlash davrida qo'shimcha ishlanmaydigan kunlarni belgilash va dam olish kunlarini ko'chirish to'g'risida"gi Prezident Farmoni (PF–213-son, 22.12.2023-y.) qabul qilindi.
🔰Farmonga ko'ra, 2024-yilda quyidagi qo'shimcha dam olish kunlari belgilandi:
🔹barcha xodimlar uchun (ish haftasining turidan qat'i nazar):
▫️22-mart – juma;
▫️11-aprel – payshanba;
▫️18-iyun – seshanba;
▫️3-sentabr – seshanba;
▫️31-dekabr – seshanba.
🔹6 kunlik ish haftasida ishlaydigan xodimlar uchun:
▫️2-yanvar – seshanba;
▫️23-mart – shanba;
▫️12-aprel – juma;
▫️31-avgust – shanba;
▫️30-dekabr – dushanba.
🔘 5 kunlik ish haftasida ishlaydigan xodimlar uchun dam olish kunlari quyidagi tartibda ko'chiriladi:
▫️6-yanvar – shanba kunidan 2-yanvar – seshanba kuniga;
▫️13-aprel – shanba kunidan 12-aprel – juma kuniga;
▫️14-dekabr – shanba kunidan 30-dekabr – dushanba kuniga.
✅Ta’lim nazorati rasmiy kanali
⚡️Kelgusi oʻquv yilidan boshlab milliy sertifikatga ega boʻlgan “Oʻzbek tili va adabiyoti” fani oʻqituvchilariga 50 foiz ustama toʻlanadi
Prezident Shavkat Mirziyoyev Respublika maʼnaviyat va maʼrifat kengashining kengaytirilgan yigʻilishda oʻzbek tilining davlat tili sifatidagi nufuzini oshirishga alohida eʼtibor qaratiladi.
Prezident “Oʻzbek tili va adabiyoti” fani oʻqituvchilariga ham xalqaro sertifikatga ega boʻlgan boshqa fan oʻqituvchilaridan kam boʻlmagan miqdorda qoʻshimcha haq toʻlanishi adolatdan boʻlishini taʼkidladi. Shu maqsadda milliy sertifikatga ega boʻlgan “Oʻzbek tili va adabiyoti” fani oʻqituvchilariga kelgusi oʻquv yilidan boshlab 50 foiz ustama toʻlanadi.
Oʻzbek tili boʻyicha xalqaro fan olimpiadasi oʻtkazilishi, gʻolib va sovrindorlari pul mukofoti bilan taqdirlanishi hamda oliygohlarga oʻzbek tili filologiyasi yoʻnalishi boʻyicha davlat granti asosida oʻqishga qabul qilinishi belgilandi.
✅Ta’lim nazorati rasmiy kanali
⚡️ Matematika hamda rus tili va adabiyot fanlaridan milliy sertifikat imtihoni uchun ruxsatnoma berish boshlandi
📆 2023-yil 24-dekabr (yakshanba) kuni bo‘lib o‘tadigan matematika hamda rus tili va adabiyot fanlaridan milliy sertifikat imtihoni uchun ruxsatnomalarni berish boshlandi.
📱 Test sinovida ishtirok etadigan talabgorlar ruxsatnomani my.uzbmb.uz saytining “Milliy sertifikat” bo‘limidan olishlari mumkin.
📌 Ruxsatnomada talabgorlar qachon, qayerda test sinovida ishtirok etishi ko‘rsatilgan bo‘lib, talabgorlardan belgilangan vaqtdan kechikmagan holda kelish so‘raladi.
✅ Talabgorlar test sinovi o‘tkaziladigan binolarga shaxsini tasdiqlovchi hujjat (pasport yoki ID-karta) asosida 08:30 dan boshlab (test sinovi 10:00 da) kiritiladi.
❗️ Test sinoviga kechikkan yoki kelmagan talabgorlar uchun qo‘shimcha imtihon o‘tkazilmaydi.
✅Ta’lim nazorati rasmiy kanali
⚡️Qishki “perevod” uchun hujjatlar qabuli boshlandi – nimalarni bilish kerak?
Qish mavsumida faqat bir davlat oliy ta’lim muassasasidan boshqasiga o‘qishini ko‘chirish uchun ma’lum toifa talabalariga ruxsat beriladi.
O‘qishni uzrli sabablarga ko‘ra ko‘chirish uchun arizalar qonunchilik bo‘yicha faqat 2 toifadagi fuqarolar quyidagi uzrli sabablarga ko‘ra o‘qishni ko‘chirish uchun ariza topshirishi mumkin:
1️⃣ talaba oila qurishi munosabati bilan turmush o‘rtog‘i doimiy yashaydigan hududdagi oliy ta’lim muassasasiga o‘qishini ko‘chirish uchun;
2️⃣ davlat organlarining xodimlari ish joyi o‘zgargan taqdirda uning turmush o‘rtog‘i yoki voyaga yetmagan farzandi o‘qishini ko‘chirish uchun (tegishli vazirlik (idora) rahbarining tavsiyasi asosida).
Belgilangan tartibga muvofiq 2 ta uzrli sababga koʻra davlat oliy taʼlim muassasalariaro o‘qishni koʻchirish haqidagi arizalarni qabul qilish uchun 13 ta oliy taʼlim muassasasida hududiy Ishchi guruhlar tashkil etildi (rasm).
Ishchi guruhlar 2024-yilning 20-yanvar kuniga qadar har kuni soat 9:00dan 17:00 gacha (yakshanba – dam olish kuni; shanba – soat 9:00 dan 15:00 gacha) faoliyat koʻrsatadi.
Hududiy ishchi guruhlarga quyidagi hujjatlar arizachi ishtirokida (oflayn) taqdim etiladi:
➖ o‘qishni ko‘chirish bo‘yicha ariza (ariza blankasi hududiy ishchi guruhi tomonidan beriladi va talaba tomonidan joyida to‘ldiriladi);
➖ talabaning reyting daftarchasi yoki belgilangan shakldagi akademik ma’lumotnoma yoki transkript nusxalari (bittasi bo‘lsa yetarli);
➖ pasport nusxasi;
➖ PQ-279-son qaror 7(v)-bandida qayd etilgan uzrli sabablarni asoslovchi tegishli hujjatlar.
Bu muddatda xorijiy va xususiy OTMdan o‘qishni ko‘chirish uchun arizalar olinmaydi.
Arizalar 20-yanvargacha qabul qilinsa, o‘qishini ko‘chirish bo‘yicha arizani ko‘rib chiqib, qaror qabul qilish — har yili 25-yanvardan 15-fevralga qadar amalga oshiriladi.
Keyingi jarayon qanday bo‘ladi?
Tegishli vazirlik (idora) yoki Davlat komissiyasining xati asosida oliy ta’lim muassasasi rektorining buyrug‘i bilan o‘qishi ko‘chirilayotgan talaba darslarga qo‘yiladi. OTM tomonidan talaba ilgari ta’lim olgan OTMga uning shaxsiy yig‘ma jildini jo‘natish uchun so‘rovnoma yuboriladi.
So‘rovnoma olingandan so‘ng, talaba ilgari ta’lim olgan oliy ta’lim muassasasi rektorining talabalar safidan chetlashtirish haqida buyrug‘i asosida uch kun muddatda talabaning shaxsiy yig‘ma jildi (ro‘yxati bilan) uni o‘qishga qabul qilgan oliy ta’lim muassasasiga jo‘natiladi yoki ariza bilan o‘qishi ko‘chirilgan talabaga beriladi.
Shaxsiy yig‘ma jild jo‘natilishi mumkin bo‘lmagan hollarda (yopiq yo‘nalishlar va mutaxassisliklar bo‘yicha kadrlar tayyorlash) oliy ta’lim muassasasi rektori tomonidan imzolangan va gerbli muhr bilan tasdiqlangan akademik ma’lumotnoma talabani o‘qishga qabul qilgan oliy ta’lim muassasasiga jo‘natiladi.
❗️Eslatma: agar talaba maqsadli qabul doirasida ta’lim olayotgan bo‘lsa, unga o‘qishni ko‘chirishga ruxsat berilmaydi.
Grantda o‘qiyotan talaba grant bilan o‘qishini ko‘chira oladimi?
O‘qishning barcha shakllari bo‘yicha oliy ta’limning mos va turdosh yo‘nalishlari hamda mos mutaxassisliklari bo‘yicha davlat grantlari o‘rinlariga ko‘chirishga faqat davlat grantlari asosida tahsil olgan talabalar arizasiga ko‘ra oliy ta’lim muassasalarida tegishli o‘quv yilidagi qabul qilish kvotalarida belgilangan davlat grantlarining soni doirasida ruxsat etiladi.
Ya’ni agar OTM yo‘nalishlari uchun ajratilgan grant o‘rin bo‘lsa, ta’lim muassasasidagi vaziyatdan kelib chiqib, talabaga grant asosida o‘qishni ko‘chirishga ruxsat berilishi mumkin.
Ko‘zi ojiz va nogironligi bor talabalarga grant asosida o‘qishni ko‘chirishga ruxsat beriladi.
✅Ta’lim nazorati rasmiy kanali
🎓 Toshkent shahridagi Amiti Universiteti qishki qabul uchun arizalarni qabul qilishni boshladi
2024-yil fevral oyida 1-kursda o‘qishni boshlab, 2024-yil sentyabr oyida 2-kursga o‘tishingiz mumkin.
Imtihon sanasi: 27 dekabr 2023
📌 Agar sizda IELTS 5.5+ bo‘lsa, imtihonsiz o‘qishga kiring
🔗 RO‘YXATDAN O‘TING
☎️ +998712079006
📞 @amityuzb
🕊Telegram 📱Facebook 📱Instagram 📺AmityUniversityTashkent">Youtube
8 ta tibbiyot sohasidagi OTMlarni xalqaro TOP 1000 talikka kirishiga erishish rejalashtirilmoqda
“Aholi salomatligi — 2030” milliy strategiyasini tasdiqlash toʻgʻrisida”gi Prezident qarori loyihasi muhokama uchun eʼlon qilindi.
Loyihaga koʻra:
Butunjahon tibbiy taʼlim federatsiyasi (WFME) standartlarini barcha 11 ta oliy tibbiy taʼlim va 74 ta tibbiy texnikumlarda joriy etish;
Xalqaro standartlarga muvofiq boʻlgan (akkreditatsiyadan oʻtgan) professional va oliy tibbiy taʼlim dasturlarini 10 foizdan 50 foizga yetkazish;
Tibbiyot xodimlarini malaka oshirish oʻquv jarayoni bilan qamrab olish koʻrsatkichini 25 foizdan 50 foizga yetkazish;
8 ta oliy tibbiy taʼlim muassasalarining xalqaro eʼtirof etilgan TOP mingtalikka kiritilishiga erishish;
10 ta ilmiy amaliy tibbiyot markazlardagi ilmiy tadqiqot laboratoriyalarni xalqaro GLP yoki GSP akkreditatsiyalaridan oʻtkazish;
Ilmiy tashkilotlardagi ilmiy tadqiqot laboratoriyalar ulushini 20 foizdan 37 foizga, fundamental ilmiy tadqiqot ishlarini 100 foizga yetkazish;
Ilmiy xodimlar salohiyatini 25 foizdan 46 foizga yetkazish;
Hirsh indeksi 8 dan yuqori boʻlgan olimlar ulushini 18 dan 36 foizga yetkazish taklif etilmoqda.
Muhokama ishtirok etish: https://regulation.gov.uz/oz/d/91224
✅Ta’lim nazorati rasmiy kanali
O‘qishni ko‘chirish yuzasidan kelayotgan qisqa savollarga javoblar
Qishda ham o‘qishni ko‘chirsa bo‘ladimi?
✅ Ha, davlat OTMlariaro faqat 2 ta uzrli sababga asosan bo‘ladi.
Ruxsat kimlarga beriladi?
➡️ talaba oila qurishi munosabati bilan turmush o‘rtog‘i doimiy yashaydigan hududdagi oliy ta’lim muassasasiga o‘qishini ko‘chirish istagidagilarga;
➡️ davlat organlarining xodimlari ish joyi o‘zgargan taqdirda uning turmush o‘rtog‘i yoki voyaga yetmagan farzandi o‘qishini ko‘chirmoqchi bo‘lganlarga (tegishli vazirlik (idora) rahbarining tavsiyasi asosida).
Qachon hujjat topshirsa bo’ladi?
✅ 20-dekabrdan 20-yanvargacha.
Qanday hujjatlar talab etiladi?
✅Hududiy ishchi guruhlarga 20-dekabrdan boshlab quyidagi hujjatlar taqdim etiladi:
➖ o‘qishni ko‘chirish bo‘yicha ariza (ariza blankasi hududiy ishchi guruhi tomonidan beriladi va talaba tomonidan joyida to‘ldiriladi);
➖ talabaning reyting daftarchasi yoki belgilangan shakldagi akademik ma’lumotnoma yoki transkript nusxalari (bittasi bo‘lsa yetarli);
➖ pasport nusxasi;
➖ yuqorida qayd etilgan uzrli sabablarni asoslovchi tegishli hujjatlar.
📩 Qoʻshimcha savollarni Telegram botimiz (@uztdibot)ga yuborishingiz mumkin.
✅Ta’lim nazorati rasmiy kanali
Diagnostika testida texnik sabablarga ko'ra ishtirok etamagan pedagoglar qayta test topshirishi mumkin
Diagnostika jarayonlaridagi ishtirokchilar qamrovini oshirish hamda barcha o‘qituvchilarning ishtirok etish huquqini ta’minlash maqsadida, diagnostika testlarida ishtirok etmagan hamda texnik holatlar kuzatilgan oʻqituvchilar uchun joriy yilning 18-19 dekabr kunlari diagnostika testlarida ishtirok etish imkoniyati beriladi.
Diagnostika testida ishtirok etamagan pedagoglar quyidagi sanalarda test topshirishi mumkin:
🗓18-dekabr kuni
➖Fizika
➖Matematika
➖Chaqiruvga qadar boshlang‘ich tayyorgarlik
➖Informatika va axborot texnologiyalari
➖Tarix
➖Davlat va huquq asoslari
➖Musiqa madaniyati
➖Tasviriy san’at va chizmachilik
➖Texnologiya
➖Iqtisodiy bilim asoslari
➖Tarbiya
➖Maxsus maktab internatlari tarbiyachilari
➖Boshlang‘ich ta’lim
🗓19-dekabr kuni
➖O‘zbek tili va adabiyoti (Ona tili va adabiyoti)
➖Qoraqalpoq tili va adabiyoti
➖Rus tili (o‘zbek va qardosh tillardagi sinflarda)
➖Ingliz tili
➖Nemis tili
➖Fransuz tili
➖Davlat (o‘zbek) tili
➖Davlat (qoraqalpoq) tili
➖Kimyo
➖Rus tili va adabiyoti (rus sinflarda)
➖Umumta’lim maktablari amaliyotchi psixologlari
➖Biologiya
➖Geografiya
💻 Platformadan foydalanish bo'yicha videoyo'riqnoma
✅Ta’lim nazorati rasmiy kanali
Onlayn olimpiadalar tizimidan foydalanish bo‘yicha yo‘riqnoma
Eslatib o’tamiz, 15-26—dekabr kunlari Matematika, Fizika, Kimyo, Biologiya, Ingliz tili va Ona tili va adabiyot fanlaridan onlayn olimpiadalarga bo’lib o’tmoqda.
Onlayn olimpiada taqvimi
✅Ta’lim nazorati rasmiy kanali
Siz qaysi tabaqadagi o‘quv reja asosida malaka oshirasiz?
Xabaringiz bor, A.Avloniy nomidagi milliy-tadqiqot instituti tomonidan joriy yilning 4 – 15-dekabr kunlari maktab o‘qituvchilarining malaka oshirishga bo‘lgan ehtiyojlari diagnostikadan o‘tkazilgan edi.
Diagnostika natijalari tahlil qilindi hamda pedagoglar ehtiyojlaridan kelib chiqib, tabaqalashtirilgan o‘quv reja va dasturlar ishlab chiqildi.
Kelgusi 3 yil davomida pedagoglar qaysi tabaqadagi o‘quv reja va taʼlim shakllarida malaka oshirishi haqida yuqoridagi video yo‘riqnoma orqali bilib olishlari mumkin.
✅Ta’lim nazorati rasmiy kanali
Kimlar maktab direktorligiga menejerlik sertifikatini olish uchun nomzod boʻla oladi?
Hukumat qaroriga asosan nomzodlar kamida bakalavr darajasiga hamda maktab direktorlari uchun belgilangan malaka talablariga muvofiq boʻlishi lozim.
Vazirlikning 2023-yil 29-avgustdagi 270-sonli buyrugʻiga asosan maktab direktori lavozimi uchun quyidagi malaka talablari belgilangan:
➖kamida bakalavr darajasidagi oliy maʼlumot;
➖taʼlim sohasida kamida 5-yillik pedagogik staj;
➖xorijiy tillarni va axborot kommunikatsiya texnologiyalaridan foydalanishni bilishi (tanlov jarayonida ustuvorlik beradi).
➖menejerlik sertifikati;
Nomzodlar maxsus portal orqali elektron shaklda roʻyxatdan oʻtadi hamda oʻquv kursida oʻqish uchun ariza topshiradi. (arizalarni qabul qilish hali boshlanmagan)
Taʼlimda menejment mutaxassisligi boʻyicha magistr darajasiga ega boʻlgan nomzodlar oʻquv kursida oʻqimasdan sertifikat olish boʻyicha test sinovlarida ishtirok etishlari mumkin.
Taʼlimda menejment ixtisosligi boʻyicha ilmiy darajaga ega boʻlgan nomzodlar uchun sertifikat ularning arizasiga asosan toʻgʻridan-toʻgʻri beriladi.
✅Ta’lim nazorati rasmiy kanali
Taʼlim sifatini oshirishda innovatsion yondashuv: PhET bilan hamkorlik memorandumi imzolandi
Taʼlimni rivojlantirish respublika ilmiy-metodik markazi va AQSHning Kolorado Boulder universiteti korporativ boshqaruv kengashi oʻrtasida oʻzaro anglashuv memorandumi imzolandi.
Batafsil: https://shorturl.at/guBGV
— — — — — —
Инновационный подход в повышении качества образования: подписан меморандум сотрудничества с PhET
Меморандум о взаимопонимании подписан между Республиканским научно-методическим центром развития образования и Советом по корпоративному управлению Университета Колорадо в Боулдере (США).
Подробно: https://shorturl.at/giRV0
🌐 trm.uz | ✈️ Telegram | 🔰 Facebook | 📸 Instagram | 📹 trm_uz">YouTube | ✅ Twitter
⚡️“Yosh vatanparvar” ko‘krak nishoni ta’sis etilishi mumkin, u OTMga kirishda imtiyoz beradi
Mudofaa vazirligi taklifi bilan 11-sinfda o‘qiydigan o‘g‘il bolalar uchun “Yosh vatanparvar” ko‘krak nishoni ta’sis etilishi kutilmoqda. Nishon harbiy OTMlarga kirishda qo‘shimcha 3 ball beradi.
22-dekabr kuni O‘zbekiston Mudofaa vazirligi taklifi bilan Vazirlar Mahkamasining “Yosh vatanparvar” ko‘krak nishonini ta’sis etish bo‘yicha qarori muhokamaga qo‘yildi.
Ko‘krak nishoni bilan Mudofaa vazirligi tomonidan tashkil etiladigan musobaqa g‘olibi bo‘lgan davlat umumiy o‘rta ta’lim muassasalarining 11-sinfida o‘qiydigan o‘g‘il bolalar mukofotlanadi.
U bilan taqdirlanganlarga 2 yil mobaynida amal qiladigan quyidagi imtiyozlar beriladi:
➖oliy harbiy ta’lim muassasalariga o‘qishga kirishda Bilim va malakalarni baholash agentligi tomonidan o‘tkaziladigan test sinovlarida qo‘shimcha 3 ball;
➖birinchi navbatda muddatli harbiy xizmatga chaqirilish (harbiy xizmatni o‘tashga yaroqli deb topilgan hamda chaqiruv muddatlarini kechiktirish va chaqiruvdan ozod etish huquqiga ega bo‘lmagan taqdirda).
Nishon har yili 30-iyun — “Yoshlar kuni”da g‘oliblarga tantanali ravishda topshiriladi.
Qaror muhokamasi 2024-yil 6-yanvargacha davom etadi.
✅Ta’lim nazorati rasmiy kanali
Boshlang'ich sinf o'qituvchisi “Yil ayoli” tanlovi g‘olibi deb topildi
Bugun, 23-dekabr kuni poytaxtimizda joylashgan O‘zbekiston anjumanlar saroyida “Yil ayoli” milliy ko‘rik-tanlovining yakuniy Respublika bosqichi g‘oliblarini taqdirlash marosimi bo‘lib o‘tdi.
❗️Unda Jizzax shahridagi 26-umumta’lim maktabi boshlang‘ich sinf o‘qituvchisi Ro‘zigul Orziqulova “Yil ayoli” tanlovi g‘olibi, deb topildi hamda Prezident sovg‘asi — avtomobil bilan taqdirlandi.
Mukofotni Senat raisi Tanzila Norboyeva topshirdi.
✅Ta’lim nazorati rasmiy kanali
❓Yangi yil bayramida o‘zbekistonliklar necha kun dam olishadi?
Joriy yilgi Yangi yil bayramida ish haftasining davomiyligidan qatʼi nazar barcha xodimlar quyidagi kunlarda ketma-ket 4 kun dam olishadi:
30-dekabr — shanba Prezident farmoni (F-270-son, 23.12.2022-yil) asosida 6 kunlik ish haftasidagi xodimlar uchun dam olish kuni);
🔹 31-dekabr — yakshanba (umumiy dam olish kuni);
🔹 1-yanvar — dushanba (Yangi yil bayrami);
🔹 2-yanvar — seshanba (6 kun ishlaydigan xodimlar uchun qo‘shimcha dam olish kuni, 5 kunliklar uchun 6-yanvar – shanba kunidan ko‘chirilgan dam olish kuni).
29-dekabr (juma) va 3-yanvar (chorshanba) kunlari ish kuni bo‘ladi.
✅Ta’lim nazorati rasmiy kanali
Biologiya hamda qoraqalpoq tili va adabiyot fanlaridan apellatsiya natijalari talabgorlarning shaxsiy kabinetiga joylashtirildi
📣 2023-yil 19-noyabr kuni biologiya hamda qoraqalpoq tili va adabiyot fanlaridan milliy sertifikat imtihoni o‘tkazilib, 11-dekabr kuni imtihon natijalari e’lon qilingan edi.
📥 Natijalar e’lon qilingandan so‘ng, besh ish kuni davomida natijasidan norozi bo‘lgan talabgorlarning apellatsiya arizalari qabul qilindi.
📥 Arizalar Apellatsiya komissiyasi tomonidan ko‘rib chiqilib, Apellatsiya komissiyasining qarori 22-dekabr kuni talabgorning shaxsiy kabinetiga joylashtirildi.
👨🏻💻 Apellatsiya arizasi bergan talabgorlar my.uzbmb.uz saytining “Milliy sertifikat” bo‘limidan Apellatsiya komissiyasining qarori bilan tanishishi mumkin.
✅Ta’lim nazorati rasmiy kanali
Hurmatli ustozlar!
Birozdan so'ng Grone ta’lim akademiyasining ta’lim va mehnat bozori loyihalari koordinatori, Bremen Universiteti ilmiy xodimi Akramjon Matkarimov ishtirokidagi onlayn vebinar boshlanadi.
Taqdimot mavzusi: PISA tadqiqoti: Oʻquvchilarda hayotiy koʻnikmalarni rivojlantirish
🗓 O‘tkaziladigan sana: 2023-yil 22-dekabr
⏰ Boshlanish vaqti: 15:00
🌐 Vebinarda ishtirok etish uchun havola: https://bit.ly/4avgEQE
ID: 869 2430 8099
Kod: 855250
Kanalga ulanish:👇
/channel/trm_metodika
⚡️ Fizika va tarix fanlaridan milliy sertifikat natijalari e’lon qilindi
📣 2023-yil 3-dekabr kuni o‘tkazilgan fizika va tarix fanlari bo‘yicha milliy sertifikat imtihoni natijalari e’lon qilindi.
👨🏻💻 Test natijalari my.uzbmb.uz saytida e’lon qilingan bo‘lib, talabgorlar “Milliy sertifikat” bo‘limi orqali o‘z natijalari bilan tanishishlari mumkin.
📋 Test natijalariga ko‘ra eng yuqori ballning kamida 60 foizini to‘plagan talabgorlarga elektron shakldagi sertifikat taqdim etiladi.
✅ Sertifikatga ega abituriyentlarga OTMlarga kirishda mutaxassislik fani bo‘yicha quyidagicha ball beriladi:
🔹 60 foizdan 86 foizgacha — maksimal ballga nisbatan tabaqalashtirilgan (proporsional) ball;
🔹 86 foiz va undan yuqori — maksimal ball.
❇️ Shuningdek, milliy sertifikatga ega abituriyentga tegishli majburiy fan bo‘yicha eng yuqori ball beriladi.
✅Ta’lim nazorati rasmiy kanali
Ta’ziya bildiramiz
Toshkent Kimyo xalqaro universiteti rektori Janpo‘lat Xudoybergenov 45 yoshida vafot etdi.
Janpo‘lat Xudoybergenov 1978-yil 10-martda Nukus shahrida tug‘ilgan. 2000-yilda Berdaq nomidagi Qoraqalpoq davlat universitetini, 2001-yilda “Umid” jamg‘armasi orqali Birmingem universiteti (Buyuk Britaniya)ni tamomlagan.
2010-2014-yillarda Toshkent moliya instituti “Hisob va audit” fakulteti dekani lavozimida faoliyat yuritgan. 2014-2017-yillarda Oliy va o‘rta maxsus ta’lim vazirligida, 2017-2018-yillarda Ta’lim sifatini nazorat qilish davlat inspeksiyasi Pedagog kadrlar sifati nazorati, ta’lim hujjatlarini legallashtirish, tan olish va nostrifikatsiya qilish bosh boshqarmasi boshlig‘i lavozimida ishlagan.
2018-yildan Yeoju texnika institutining o‘quv ishlari bo‘yicha prorektori, 2019-yildan universitet rektori lavozimida faoliyat yuritib kelayotgan edi.
Ta’lim inspeksiyasida faoliyat olib borgan hamkasblari J.Xudoybergenovning bevaqt vafoti munosabati bilan uning oila a’zolari va yaqinlariga chuqur hamdardlik bildiradi.
✅Ta’lim nazorati rasmiy kanali
#abituriyent2024
#fanlarmajmuasi
⚡️⚡️2024/2025-o‘quv yili uchun bakalavriat ta’lim yo‘nalishlari va ularga mos test sinovi (kasbiy (ijodiy) imtihon) topshiriladigan fanlar majmuasi tasdiqlandi
2024/2025-o‘quv yili qabul parametrlari tasdiqlanganda yangi tashkil etilgan ta’lim yo‘nalishlari fan majmualari qo‘shimcha tasdiqlanadi. Shuningdek, taʼlim yoʻnalishlarini optimallashtirish natijasiga koʻra yoʻnalishlar nomi oʻzgarganda, shuningdek, yangi yoʻnalishlar tashkil etilganda mos ravishda tegishli oʻzgartirishlar kiritilishi mumkin.
______
⚡️Утверждён комплекс предметов для приема в бакалавриат высших образовательных учреждений и соответствующих тестов (профессиональный (творческий) экзамен) на 2024/2025 учебный год
При утверждении параметров приема на 2024/2025 учебный год будут дополнительно утверждены комплексы предметов вновь создаваемых образовательных направлений. Также при изменении названия курсов в результате оптимизации образовательных курсов, а также при создании новых курсов могут быть внесены соответствующие изменения.
✅Ta’lim nazorati rasmiy kanali
O‘zbekiston ingliz tilini bilish darajasi bo‘yicha Education First reytingida 113 davlat orasida 93-o‘rinni egalladi.
Qayd etilishicha, reytingni tuzishda so‘rovnomada butun dunyodan 2,2 million kishi qatnashgan. Barcha ishtirokchi davlatlar besh guruhga – ingliz tilini bilishning “juda yuqori” darajasidan “juda past”gacha bo‘lingan.
O‘zbekiston chet tilini bilish darajasi “juda past” bo‘lgan guruhda. Hududlar kesimida nisbatan yaxshiroq ko‘rsatkich Farg‘ona va Andijon viloyatlarida kuzatilmoqda.
Qo‘shni davlatlar – Qozog‘iston 104-o‘rin va Tojikiston 112-o‘rindan joy olgan. Qirg‘izistonda esa biroz yaxshiroq natija (90-o‘rin).
Reytingning eng yuqori pog‘onasini Niderlandiya, Singapur va Avstriya egallagan bo‘lsa, eng quyida Kongo joylashgan.
✅Ta’lim nazorati rasmiy kanali
📣 📣 Maktablarda qishki ta’til 28-dekabrdan boshlanadi
✅ Maktabgacha va maktab ta’lim vazirligi tizimidagi umumta’lim, ijod, ixtisoslashtirilgan maktablar va maktab-internatlari o‘quvchilari uchun joriy o‘quv yilining II chorak so‘nggi kuni 2023-yil 27-dekabr, qishki ta’tilning ilk kuni 28-dekabr sanaladi.
➖ Ta’til 2024-yil 10-yanvargacha (14 kalendar kun) davom etadi.
❗️III chorak darslari 2024-yil 11-yanvardan boshlanadi.
*******
📣 Зимние каникулы в школах начнутся 28 декабря
✅Последним днём учебы II четверти текущего учебного года для учащихся общеобразовательных, творческих, специализированных школ и школ-интернатов системы Министерства дошкольного и школьного образования будет 27 декабря 2023 года.
Зимние каникулы начнутся с 28 декабря 2023 года.
➖ Каникулы продлятся 14 календарных дней до 10 января 2024 года.
❗️Занятия III четверти начнутся 11 января 2024 года.
✅Ta’lim nazorati rasmiy kanali
Tegishli ma’lumoti va kasb tayyorgarligi bo‘lmaganlarga pedagog sifatida ishlash taqiqlanadi
Vazirlar Mahkamasining “Oliy ta’lim muassasalariga pedagog xodimlarni tanlov asosida ishga qabul qilish tartibi to‘g‘risidagi nizomni tasdiqlash haqida”gi qarori loyihasi e’lon qilindi.
Qaror loyihasida pedagog xodimlar toifasi, lavozimlari tanlov bo‘yicha egallanadigan pedagog xodimlar va tanlov qatnashchilariga qo‘yiladigan malaka talablari tanlov asosida ishga qabul qilish tartibi, shartlari va muddati, mehnat shartnomasi (kontrakt)ni tuzish, o‘zgartirish va to‘xtatish tartibi hamda vacancy.edu.uz platformasi orqali arizalar topshirish sxemalari tasdiqlanmoqda.
❌Quyidagi shaxslarga pedagog sifatida faoliyat olib borish taqiqlanadi:
➖tegishli ma’lumoti va kasb tayyorgarligi bo‘lmagan;
➖sudning qaroriga asosan muayyan huquqdan mahrum qilingan;
➖sud tomonidan muomalaga layoqatsiz yoki muomala layoqati cheklangan deb e’tirof etilgan;
➖psixiatriya yoki narkologiya muassasalarida hisobda turgan;
➖pedagoglik faoliyatini amalga oshirishga to‘sqinlik qiladigan kasallikka chalingan.
Mazkur bandning 2, 4 va 5 xatboshilarida keltirib o‘tilgan holatlar bartaraf etilganda pedagog sifatida faoliyat olib borishiga ruxsat beriladi.
OTT rahbariga oliy ta’lim tashkiloti (fakultet) kengashida ko‘rib chiqish uchun pedagog xodimlarning egallab turgan lavozimlariga muvofiqligi to‘g‘risidagi masalani kiritish huquqi beriladi.
Oliy ta’lim tashkiloti (fakultet) kengashida pedagog xodimning egallab turgan lavozimiga muvofiqligi to‘g‘risidagi masalani ko‘rib chiqishdan oldin uning faoliyati oliy ta’lim tashkiloti rahbarining buyrug‘i bilan tasdiqlanadigan komissiya tomonidan o‘rganiladi. Kengash qarori asosida pedagog xodimni egallab turgan lavozimidan ozod qilishga uning o‘quv-uslubiy, ilmiy-tadqiqot va ma’naviy-ma’rifiy (tarbiyaviy) yo‘nalishlarda amalga oshirgan ishlari qoniqarsiz deb topilgan taqdirda u bilan tuzilgan mehnat shartnomasi belgilangan tartibda bekor qilinadi.
✅Ta’lim nazorati rasmiy kanali
Maktabgacha va maktab ta’limi vazirligi tomonidan maktablarga Yangi yil bayramini o‘tkazish bo‘yicha tavsiyalar va ko‘rsatmalar berildi.
Unga ko‘ra:
🌲 Ta’lim tashkilotlari hududi, binosi hamda sinf xonalarini tartibga keltirish, ta’lim tashkilotlari hovlisidagi tabiiy archa (agar bo‘lsa) o‘quvchi va tarbiyalanuvchilar tomonidan yasalgan turli bezaklar bilan bezatililishi;
❌ Bunda, bayram bahonasida tabiiy archa daraxtlarining shoxlarini sindirish yoki ularni boshqa joyga ko‘chirish mumkin emas.
💡 Yangi yil bayramini o‘tkazish uchun ta’lim tashkilotlari foyesi, faollar yoki sport zallarini o‘quvchi va tarbiyalanuvchilar tomonidan yasalgan turli bezaklar bilan bezatish;
❌ Bunda, turli xil elektr yoritgichlar bilan yasatilishiga yo‘l qo‘ymaslik choralarini ko‘rish;
💈 Ta’lim tashkilotlarining yuqori sinflari o‘rtasida o‘quvchilar tomonidan tayyorlanadigan bezaklar (qog‘ozdan yasalgan qor parchalari va boshqa Yangi yil bayramiga xos bo‘lgan bezaklar) tanlovi, “Eng chiroyli bezatilgan sinf” va “Eng yaxshi Yangi yil tabriknomasi” (sinf nomidan maktabga, o‘qituvchilarga, ota-onalarga) kabi ko‘rik-tanlovlar tashkil etish tavsiya qilingan.
✅Ta’lim nazorati rasmiy kanali
