95859
Ta'lim nazorati (yangiliklar, muammolar, tahlillar) Savollar bo‘yicha: @Uztdibot Hamkorlik bo‘yicha: @Uztdihamkorbot
⚡️ Guruh nazoratchiligiga ro‘yxatdan o‘tgan talabgorlar diqqatiga!
📣 Bilim va malakalarni baholash agentligi tomonidan test sinovlarida nazoratchi sifatida ishtirok etish istagida bo‘lgan nomzodlar uchun tanlov e’lon qilingan edi.
📆 Unga ko‘ra 2023-yil 23-yanvardan 23-fevralga qadar my.dtm.uz saytining “Guruh nazoratchiligiga tanlov” bo‘limi orqali nomzodlar ro‘yxatga olindi.
🖥 Mazkur muddat davomida ro‘yxatdan o‘tgan nomzodlarning shaxsiy kabinetiga keyingi bosqichga o‘tgan yoki o‘tmagani to‘g‘risida ma’lumot joylashtirilgan.
📋 Keyingi bosqichga tavsiya etilgan nomzodlar uchun 23-mart kunidan barcha hududlarda oflayn tarzda malaka oshirish kurslari boshlanadi.
👨🏻💻 Shu sababli nomzodlar 20-martga qadar shaxsiy kabinetida ko‘rsatilgan telegram kanalga a’zo bo‘lishlar lozim. Unda nomzodlar uchun malaka oshirish kursiga oid ma’lumotlar berib boriladi.
👉Test sinovlari nazoratchisi haqida asosiy ma’lumotlar
Kanalga ulanish👇
/channel/uztdi
Nodavlat umumtaʼlim tashkilotlarida 5 mingdan ortiq oʻqituvchi faoliyat yuritmoqda
🏢 Statistika agentligi maʼlumotlariga koʻra, 2022/23-oʻquv yili boshiga faoliyat yuritayotgan 194 ta nodavlat umumtaʼlim tashkilotlarida jami 5 014 nafar oʻqituvchi faoliyat yuritmoqda.
✅ Nodavlat umumtaʼlim tashkilotlarida faoliyat yuritayotgan oʻqituvchilarning umumiy soni 2018/2019 oʻquv yili boshiga nisbatan taqqoslaganda 3 381 nafarga yoki 3,1 barobarga koʻpaygan.
✅ Yillar kesimida nodavlat umumtaʼlim tashkilotlarida faoliyat yuritayotgan oʻqituvchilarning umumiy soni:
👉 2018/2019-oʻquv yili boshiga – 1633 kishi
👉 2019/2020-oʻquv yili boshiga – 2353 kishi
👉 2020/2021-oʻquv yili boshiga – 2859 kishi
👉 2021/2022-oʻquv yili boshiga – 3578 kishi
👉 2022/2023-oʻquv yili boshiga – 5014 kishi
Kanalga ulanish👇
/channel/uztdi
⚡️ Matematika va biologiya fanlaridan milliy sertifikat natijalari e’lon qilindi
📣 2023-yil 19-fevral kuni o‘tkazilgan matematika va biologiya fanlari bo‘yicha milliy sertifikat imtihoni natijalari e’lon qilindi.
👨🏻💻 Test natijalari my.dtm.uz saytida e’lon qilingan bo‘lib, talabgorlar “Milliy sertifikat” bo‘limi orqali o‘z natijalari bilan tanishishlari mumkin.
📋 Test natijalariga ko‘ra eng yuqori ballning kamida 60 foizini to‘plagan talabgorlarga elektron shakldagi sertifikat taqdim etiladi.
✅ Sertifikatga ega abituriyentlarga OTMlarga kirishda mutaxassislik fani bo‘yicha quyidagicha ball beriladi:
🔹 60 foizdan 86 foizgacha — maksimal ballga nisbatan tabaqalashtirilgan (proporsional) ball;
🔹 86 foiz va undan yuqori — maksimal ball.
❇️ Shuningdek, milliy sertifikatga ega abituriyentga tegishli majburiy fan bo‘yicha eng yuqori ball beriladi.
Kanalga ulanish👇
/channel/uztdi
Qaror loyihasi: “Shaxmat festivali” musobaqalarida barcha ishtirok etishi mumkin!
Prezidentning “Shaxmatni aholi oʻrtasida yanada ommalashtirish va 2026-yilda Oʻzbekistonda 46-Butunjahon Shaxmat olimpiadasini oʻtkazishga tayyorgarlik koʻrish chora-tadbirlari toʻgʻrisida” qarori loyihasi muhokamaga qoʻyildi.
Loyihaga koʻra, shaxmatni sport turini “ommaviylikdan professionallikka” tamoyili asosida rivojlantirish boʻyicha chora-tadbirlarni belgilash, 2026-yilda Oʻzbekistonda 46-Butunjahon Shaxmat olimpiadasi, Paralimpiadasi oʻyinlari, FIDE Bosh assambleyasining 95-yigʻilishini oʻtkazishga tayyorgarlik koʻrish maqsadida 2023-yil aprel oyidan boshlab:
maktabgacha taʼlim tashkilotlari tarbiyalanuvchilari va tarbiyachilari uchun shaxmatni soddalashtirilgan tarzda oʻrgatuvchi animatsion materiallar, oʻquv-qoʻllanmalar tayyorlash va tarbiyalanuvchilarni shaxmatga oʻqitish;
MTT tarbiyalanuvchilari va maktab oʻquvchilari oʻquvchilari oʻrtasida taʼlim muassasasi – tuman – hudud – respublika bosqichlaridan iborat “Shaxmat festivali”;
professional taʼlim muassasalari oʻquvchilari va talabalar oʻrtasida har yili taʼlim muassasasi – tuman – hudud – respublika bosqichlaridan iborat “Shaxmat festivali” va “Talabalar ligasi”;
korxona va tashkilotlarda xodimlar, mahalla fuqarolari va nogironligi boʻlgan shaxslar oʻrtasida oʻrtasida ham har yili shaxmat boʻyicha 4 bosqichdan iborat iborat “Shaxmat festivali” musobaqalarini oʻtkazish kutilmoqda.
Shuningdek, 2023-yildan boshlab har yili professional shaxmat klublari oʻrtasida “Oʻzbekiston birinchiligi” oʻtkaziladi.
2023-yil 1-yanvardan boshlab xususiy shaxmat klublariga ular tomonidan shaxmat toʻgaraklarini tashkil etish uchun davlat mulki obyektlari va hududlardagi “Yoshlar markazlari”dan ijara toʻlovlarisiz (kommunal toʻlovlar bundan mustasno) joy ajratish toʻgʻrisidagi takliflari maʼqullanishi mumkin.
👉 Loyiha bo‘yicha taklif qoldirish:
https://regulation.gov.uz/oz/d/77157
Kanalga ulanish👇
/channel/uztdi
Xorijiy tillarni bilish darajasini baholovchi xalqaro tan olingan sertifikatlar ROʻYXATI
Umumtaʼlim fanini bilish darajasi to‘g‘risida davlat namunasidagi sertifikat hamda chet tili fanlari bo‘yicha kamida B1 darajadagi milliy yoki unga tenglashtirilgan mos darajadagi xalqaro tan olingan sertifikatga ega bo‘lgan o‘quvchilar yakuniy (bitiruv) nazorat imtihonlarida muayyan fandan ozod etiladi.
Kanalga ulanish👇
/channel/uztdi
#foydali
Allergiya qo‘zg‘atuvchi daraxtlar borligini bilarmidingiz?
Innovatsion rivojlanish agentligi hamda Xalqaro molekulyar allergologiya markazi allergenli va allergensiz daraxt hamda o‘simliklar ro‘yxatini tuzdi (rasm👆).
💾 RO‘YXATNI YUKLAB OLISH (PDF)
Kanalga ulanish👇
/channel/uztdi
Bogʻchalarda “Yagona mavsumiy taomnoma” joriy etiladi
Davlat dasturida maktabgacha taʼlim tizimida noqonuniy moliyaviy xatti-harakatlar, korrupsiya holatlari va byudjet mablagʻlarining maqsadsiz sarflanishini oldini olish maqsadida 2023-yil sentyabrga qadar:
🖥 6 412 ta davlat maktabgacha taʼlim tashkilotida avtomatlashtirilgan tizimni ishga tushirish uchun texnik vositalarni xarid qilish;
🖥 Davlat maktabgacha taʼlim tashkilotlarini boshqarishning avtomatlashtirilgan tizimini ishga tushirish;
⌨️ Xodimlar va tarbiyalanuvchilarning davomati hamda bolalarni ovqatlantirish bilan bogʻliq xarajatlarni elektron hisoblanishini yoʻlga qoʻyish;
🍱 “Yagona mavsumiy taomnoma”ni joriy etish kabi vazifalar belgilangan.
Kanalga ulanish👇
/channel/uztdi
#KunDayjesti
👉 Ixtisoslashtirilgan ta’lim muassasalari agentligi Ixtisoslashtirilgan maktab va maktab-internatlardagi bo‘sh ish (vakant) o‘rinlarga pedagog kadrlarni ishga taklif etadi
👉 III chorakning soʼnggi oʼqish kuni 18-mart (shanba) boʼladi
👉 Konstitutsiyaviy qonun loyihasi: Ta’lim sohasida qanday o‘zgarishlar bo‘ladi?
👉 Darsdan tashqari qo'shimcha to‘garaklar uchun alohida ish haqi to‘lanadimi?
👉 Qashqadaryo viloyati Maktabgacha va maktab ta’limi boshqarmasiga rahbar tayinlandi.
👉 Nodavlat umumtaʼlim tashkilotlarida qariyb 46 ming nafar oʻquvchi tahsil olmoqda
Kanalga ulanish👇
/channel/uztdi
Maktabgacha va maktab ta’limi vaziri buyrug‘i bilan Oripov Ubaydulla Suxrobovich - Qashqadaryo viloyati Maktabgacha va maktab ta’limi boshqarmasi boshlig‘i lavozimiga tayinlandi.
U.Oripov 1989-yil Koson tumanida tug‘ilgan. Qarshi davlat universitetini tamomlagan.
U hozirgacha Prezident ta’lim muassasalari agentligining Qashqadaryo viloyati hududiy bo‘limi boshlig‘i lavozimida ishlab kelayotgan edi.
Qashqadaryo viloyati xalq ta'limi boshqarmasi axborot xizmati
Kanalga ulanish👇
/channel/uztdi
E'LON
👩💻O‘z sohasida yangi marralarni zabt etmoqchi bo‘lgan PEDAGOGlar diqqatiga
🛎 IXTISOSLASHTIRILGAN TA'LIM MUASSASALARI AGENTLIGI
Ixtisoslashtirilgan maktab va maktab-internatlardagi bo‘sh ish (vakant) o‘rinlarga pedagog kadrlarni ISHGA TAKLIF ETADI.
Bizni tanlashingiz uchun 3 sabab:
➖ O‘z ustingizda ishlashingiz, ta'lim sohasidagi ilg‘or tajribalarni o‘rganishingiz uchun barcha sharoitlar yaratiladi;
➖Yetakchi mutaxassislar treninglarida bevosita qatnashishingiz va malaka oshirishingiz, shuningdek xalqaro sertifikatlarga ega bo‘lishingiz mumkin;
➖ Xalqaro tan olingan dasturlar asosida dars o‘tishingiz ta'minlanadi.
🪪 Xalqaro sertifikatlarga ega o‘qituvchilar 100% gacha ustamaga ega bo‘lishadi.
Nomzodlardan nimalar talab etiladi:
➖ Bakalavr/magistraturani tamomlagan bo‘lishi (magistraturaning 2-bosqich talabalari ham hujjat topshirishlari mumkin);
➖ Halollik, ishchanlik va jamoada ishlay olish qobiliyati;
➖ Xorijiy tillarni bilgan nomzodlarga ustunlik beriladi.
📆 Hujjatlarni shu yil 7-martdan 16-martgacha (shu kuni ham) job.piima.uz sayti orqali topshirishingiz mumkin.
Tanlov haqidagi batafsil ma'lumotlarni ijtimoiy tarmoqlardagi rasmiy sahifalarimiz orqali kuzatib boring:
🌐 Veb-sayt: piima.uz
☎️Call-markaz: (71) 207 20 17 (ichki raqam 605)
Kanalga ulanish👇
/channel/uztdi
Hozirda maktabimizda o‘quvchilarning qiziqishlaridan kelib chiqib, darsdan tashqari qo'shimcha to‘garaklar faoliyati tashkil etilmoqda. Men dars soatimdan tashqari mazkur to‘garaklarda ham ishlasam, buning uchun alohida ish haqi to‘lanadimi?
✅O‘zbekiston Respublikasi Vazirlar Mahkamasining 2021-yil 27-apreldagi "Xalq ta’limi tizimidagi tashkilotlarning byudjetdan tashqari jamgʻarmalari mablagʻlarini shakllantirish va ulardan foydalanish tartibi to‘gʻrisidagi nizomni tasdiqlash haqida"gi VM-243-sonli Qarori bilan tasdiqlangan Nizomga ko‘ra, xalq ta’limi muassasa va tashkilotlari o‘zlarining byudjetdan tashqari jamg‘armalarini o‘quv dasturlarida nazarda tutilmagan (davlat ta’lim standartlaridan tashqari) mashg‘ulotlar bo‘yicha qo‘shimcha ta’lim berishdan olingan daromadlar hisobiga, ya’ni qo‘shimcha to‘garaklar ochish va boshqalar orqali shakllantirishi mumkinligi belgilangan.
Qo‘shimcha to‘garakda ko‘rsatilgan xizmatlar uchun kelib tushgan pul mablag‘larining ma’lum miqdori qonunchilik hujjatlarida belgilangan tartibda pedagog xodimlarga ham qo‘shimcha ish haqqi sifatida to‘lanadi.
Maktabgacha va maktab ta’limi vazirligi
Kanalga ulanish👇
/channel/uztdi
Ushbu Universitet talabalari 1000$ gacha daromad topishlari mumkin!
✅ Kunning aktual va daromadli sohasi — IT bo'yicha xalqaro darajadagi mutaxassis bo'lish uchun chet elda o'qish shart emas!
🟢// PDP University — Buyuk Britaniya xalqaro diplomini taqdim etuvchi O'zbekistondagi to'laqonli IT universitet!
⏺Universitet sizga nima beradi?
• Kontraktni oyma-oy bo'lib to'lash
• O'zbekistonda turib xalqaro universitet talabasi bo'lish
• O'zbek + ingliz tilida ta'lim (2+2)
• Yuqori daromadli kompaniyalarda ishlash
⏺11-MART PDP University'da KUZGI QABUL — KIRISH IMTIHONLARI o'tkaziladi!
👉 Ro'yxatdan o'tish: https://bit.ly/3ICQtvh
😀 PDP University'da siz kutib qolamiz.
☎️ | 78-777-77-47
Maktab rahbar xodimlariga mehnatiga haq toʻlash sharoitlari yaxshilanishi mumkin!
2022–2026-yillarga moʻljallangan Yangi Oʻzbekistonning taraqqiyot strategiyasini “Insonga eʼtibor va sifatli taʼlim yili”da amalga oshirishga oid Davlat dasturida 2023-yilning may oyiga qadar umumiy oʻrta taʼlim maktablari rahbar xodimlari mehnatiga haq toʻlash sharoitlarini yaxshilash boʻyicha taklif tayyorlash vazifasi belgilangan.
Kanalga ulanish👇
/channel/uztdi
Hurmatli ustozlar!
Munis opa-singillar!
Sizlarni - vazirlik va uning tizimidagi barcha idora va tashkilotlarda, ta’lim muassasalarida farzandlarimiz kamoli, yurtimiz ravnaqi va kelajagi uchun fidoyilik bilan mehnat qilayotgan barcha xotin-qizlarni “8 mart — Xalqaro xotin-qizlar kuni” bilan chin qalbimdan samimiy muborakbod etaman.
Prezidentimiz tomonidan ayollarga ko‘rsatilayotgan yuksak e’tibor natijasida bugun jamiyatning turli sohalarida ayollarimizning faolligi yaqqol ko‘zga tashlanib bormoqda. Xususan ayni vaqtda umumta’lim muassasalaridagi 509 443 nafar pedagoglarning 352 085 nafari (69,1%), ixtisoslashtirilgan maktablardagi 6 611 nafar pedagoglarning 3 142 nafari (47,5%), maktabgacha ta’lim tashkilotlaridagi 151 746 nafar pedagoglarning 143 322 nafari (82.9%)ni xotin-qizlar tashkil etmoqda.
Kuni kecha e’lon qilingan “Zulfiya nomidagi Davlat mukofoti bilan taqdirlash to‘g‘risida”gi Prezident qarori asosida joriy yilda 8 nafar o‘quvchi-qiz hamda 1 nafar umumta’lim maktabining ijodiy-madaniy masalalar bo‘yicha targ‘ibotchisi Zulfiya nomidagi Davlat mukofoti bilan taqdirlandi.
Muhtarama opa-singillar!
Muhtaram Prezidentimiz poytaxtimizdagi Xalqaro kongress markazida “8 mart — Xalqaro xotin-qizlar kuni”ga bag‘ishlab o‘tkazilgan tantanali tadbirda mamlakatimiz xotin-qizlari uchun munosib sharoit yaratib berish – davlatimizning doimo e’tiborida bo‘lishini ta’kidlab o‘tdilar.
Mazkur tantanali marosimdagi “Yangi O‘zbekistonni barpo etishda, Uchinchi Renessans bunyodkori bo‘lgan yosh avlodni tarbiyalashda sizlarga, sizlarning buyuk murabbiylik fazilatlaringizga tayanamiz” degan so‘zlari yurtimizdagi barcha xotin-qizlar, xususan ayol o‘qituvchilarga bo‘lgan cheksiz hurmat va e’tiborning yorqin namunasidir.
Qadrli ayollar!
Munis opa-singillar!
Fursatdan foydalanib, Siz azizlarni yana bir bor ayyom bilan chin qalbimdan qutlayman!
Barchangizga sihat-salomatlik, oilangizga tinchlik-xotirjamlik, baxt-saodat tilayman!
Hilola Umarova,
Maktabgacha va maktab ta’limi vaziri
Ingliz tili o‘qituvchilari diqqatiga!
❓50 foizli ustamaga imtiyoz beruvchi sertifikat olishni xohlaysiz-u lekin IELTS yoki CEFR sertifikatlarini olishga qiynalyapsizmi?
💡 U holda siz uchun arzon narxdagi onlayn TKT 1, 2, 3 modul darslarini taklif qilamiz!
📚 Kurs davomida TKT testlarini tez va samarali ishlash texnikasi oʻrgatiladi.
📤 Bundan tashqari, kurs ishtirokchilariga testlar bazasi ham tashlab beriladi
🗓 Darslar 10-martdan boshlanadi!
❇️ Kurs narxi:
1-modul 200 ming so‘m
📌 (8- martgacha toʻlov qilganlar uchun chegirma narxda 150 ming so‘m)
🗂 Davomiyligi: 1 oy
2&3 -modul: 200 ming so‘m
🗂 Davomiyligi: 1 oy
📩 Murojaat uchun: 👉@tkt_teacher
❗️Aytgancha, imtihondan muvaffaqiyatli oʻtgan oʻquvchilariga imtihon xarajatlari toʻliq qoplab beriladi!
✅ Bu sertifikat faqat ingliz tili oʻqituvchilari uchun!
Kanalga ulanish va natijalarni koʻrish bu yerda👇
@TKT_CERTIFICATE
Milliy sertifikat natijalari qanday hisoblanadi?
🔖 Sertifikat test sinovi natijasi bo‘yicha eng yuqori ballning kamida 60 foizini to‘plagan shaxslarga 3 yil muddatga beriladi.
⏱Test sinovi natijalari ular yakunlangan kundan boshlab yigirma ish kunidan kechikmay e’lon qilinadi.
📌Bunda, eng yuqori ballning 60 foizdan 85 foizigacha to‘plagan abituriyentga sertifikatdagi o‘zlashtirish foiziga mos ravishda oliy ta’lim muassasasi bakalavriatiga o‘qishga qabul qilish bo‘yicha test sinovlarida ushbu fandan belgilangan maksimal ballga nisbatan tabaqalashtirilgan (proporsional) hamda 86 foiz va undan yuqori ball to‘plagan abituriyentga eng yuqori ball beriladi.
Ya’ni sertifikat qaysi fandan olingan bo‘lsa, shu fanning fanlar majmuasidagi o‘rniga qarab mos ravishda maksimal ballning ma’lum foizi beriladi.
🧮 Masalan, matematika fanidan sertifikatga ega bo‘lgan abituriyentning sertifikatdagi o‘zlashtirishi 60 foiz, matematika fanining fanlar majmuasidagi o‘rni birinchi (har bir to‘g‘ri javob uchun 3,2 ball, 30 ta test topshirig‘iga maksimal 96 ball) bo‘lsa, uning 60 foizi 57,6 ballni tashkil etadi (3,2*30=96 ball, 96*60/100=57,6). Agar abituriyentning sertifikatdagi o‘zlashtirishi 80 foiz bo‘lsa, 76,8 ballni tashkil etadi (3,2*30=96 ball, 96*80/100=76,8).
📥 Sertifikat test sinovidan ijobiy (60 va undan yuqori foiz) natijaga erishgan talabgorga test sinovi natijalari e’lon qilingan kundan boshlab bir hafta mobaynida elektron shaklda beriladi. Talabgor sertifikatni shaxsiy kabineti orqali yuklab olishi mumkin.
❕Milliy sertifikat olish uchun sinovlarda eng yuqori ballning kamida 80 foizini to‘plagan pedagog kadrlarga 20% miqdorida ustama beriladi.
👉 2023-yilning 1-yarmi uchun milliy sertifikat imtihonlarini o‘tkazish grafigi
👉 Milliy sertifikat imtihonlari bo‘yicha asosiy ma’lumotlar
Kanalga ulanish👇
/channel/uztdi
#savol_javob
"Google for Education” sertifikatiga ega oʻqituvchilarga oylik ustama bir vaqtning oʻzida, ham ish joyidan, ham oʻrindoshlik asosida ishlayotgan ish joyidan toʻlanishi mumkinmi?
Mazkur savolga Maktabgacha va maktab ta’limi vazirligi xodimlari javob berdi.
Prezidentning 11.05.2022 yildagi PF-134-son Farmonning 9-bandiga koʻra xalqaro tan olingan sertifikatga ega boʻlgan pedagog kadrlarga — ularning tarif stavkasiga nisbatan 50 foiz miqdorida, har oylik qoʻshimcha ustama sertifikat amal qilish muddati davomida, lekin uch yildan koʻp boʻlmagan vaqt mobaynida toʻlanishi belgilangan.
Shunga koʻra xalqaro tan olingan sertifikatga ega boʻlgan pedagoglarga har oylik qoʻshimcha ustama bir vaqtning oʻzida asosiy ish joyi hamda mehnatiga soatbay ish haqi toʻlash asosida ishlayotgan ish joyi uchun ham tatbiq etiladi.
Kanalga ulanish👇
/channel/uztdi
Dastlabki saralashdan 2048 ta ish o'tgan deb topildi
⬇️www.ommalashtirish.uz elektron platformasiga kelib tushgan jami 9 064 ta hujjatdan 2 048 ta ish dastlabki saralashdan o'tdi.
⚙️ 1-saralashning yakuniy natijalari haqida quyidagi link orqali bilib oling!
➡️https://ommalashtirish.uz/result-teacher-season
⚙️ Fanlar kesimida baholashga qabul qilingan ishlar soni haqida quyidagi havola orqali bilib oling!
➡️https://telegra.ph/Dastlabki-saralashdan-otgan-ishlar-soni-03-11
Kanalga ulanish👇
/channel/uztdi
Baʼzi ota-onalarning o‘z farzandlari tarbiyasi va xulqi yuksalishidagi o‘rni kundan kun kamayib borayotgandek - Hilola Umarova
So‘nggi kunlarda ijtimoiy tarmoqlar orqali keng muhokama qilinayotgan maktab o‘qituvchisi va o‘quvchi o‘rtasidagi ziddiyatli vaziyat hamda uning oqibatlari shu soha rahbari sifatida meni chuqur o‘yga soldi.
Xavotirim shuki, biz bugun farzandlarimizning nafaqat bilim olishi, balki tarbiyasini ham butunlay maktabga yuklab qo‘yganmiz. Baʼzi ota-onalarning o‘z farzandlari tarbiyasi va xulqi yuksalishidagi o‘rni kundan kun kamayib borayotgandek.
Taniqli jadid olimi Abdulla Avloniy “Tarbiya biz uchun yo hayot - yo mamot, yo najot - yo halokat, yo saodat - yo falokat masalasidir” degan chaqirig‘i bilan bizni tarbiya masalalariga katta eʼtibor berishimiz zarurligidan o‘sha davrdayoq ogoh etgan.
Bugungi zamonaviy dunyoda o‘qituvchi va o‘quvchi o‘rtasidagi munosabatlar erkin olib borilishi ularning o‘zaro majburiyat va masʼuliyatlaridan ozod qilmasligi zarur. O‘qituvchi bilim berish asnosida o‘z shogirdlariga do‘st, o‘quvchilar ham ustoziga katta hurmat bilan munosabatda bo‘lishlari lozim. Buyuk mutafakkir Imom G‘azzoliy “Bolaning qalbi har qanday naqshu tasvirdan xoli bir qimmatbaho gavhardir. U qanday naqsh solinsa, qabul qiladi, qayoqqa bukilsa, egiladi” deya ushbu nozik jarayonning ahamiyatini ochib bergan.
O‘qituvchilarimiz ham unutmasliklari kerakki, ular o‘zi taʼlim berayotgan o‘quvchilarning dunyoqarashi va shaxsiyati shakllanishidagi eng katta taʼsir ko‘rsatuvchi insonlardir. Ustozning har bir so‘zi, har bir harakati shogirdning xotirasida muhrlanadi va uning kelajak yo‘lini yoritishda xizmat qiladi.
Davlatimiz rahbari tomonidan olib borilayotgan o‘qituvchilarning jamiyatdagi nufuzini oshirish borasidagi katta tashabbuslar ortida ham o‘qituvchiga bo‘lgan katta eʼzoz mujassamdir. Ayni vaqtda loyihasi tayyorlanayotgan “Pedagog xodimning maqomi to‘g‘risida”gi qonunda ham o‘qituvchi huquqini himoya qilish, ularning ijtimoiy himoyasini yana-da oshirish kabi muhim hayotiy zaruratlar belgilanmoqda.
Maqsad katta va ezgu. Ustozlarimiz ham davlatimizning ushbu eʼtiborini yurakdan his qilgan holda, o‘quvchilarga nafaqat bilim berish, balki ularning yuksak tarbiyali va go‘zal xulqli insonlar bo‘lib yetishishlarida g‘amxo‘rlik qilishlari maqsadga muvofiqdir. Bunda shaxsiy namuna eng taʼsirchan choralardan biridir.
Hurmatli ota-onalarimiz ham farzandlarining maʼnaviy yetuk bo‘lib kamol topishlarida o‘z burchlarini unutmasliklarini, ko‘z qorachig‘imizdek asrab kelayotgan bolalarimiz kelajagi uchun o‘qituvchilar bilan doimiy hamkorlik qilib borishlarini istaymiz.
Zero, bolaga bugun berilgan bir hikmat yoki tarbiya ertaga kelajak binosiga ming g‘isht bo‘lib qo‘yiladi.
Hilola Umarova,
Maktabgacha va maktab ta’limi vaziri
Kanalga ulanish👇
/channel/uztdi
Joriy yilda maktab o‘quvchilarining yakuniy imtihonlarida kreativ va mantiqiy fikrlashga yoʻnaltirilgan topshiriqlardan foydalaniladi
Joriy yilning may va iyun oylarida maktab o‘quvchilarining yakuniy nazorat imtihonlari bo‘lib o‘tadi.
Vazirlar Mahkamasining qaroriga muvofiq taʼlim muassasalarida o‘quv mashg‘ulotlari joriy yilning 25-mayiga qadar davom etadi.
9-sinf o‘quvchilari uchun Jismoniy tarbiya fanidan imtihonlar joriy yilning 1-6-may kunlari o‘tkaziladi. Jismoniy yoki psixik rivojlanishida nuqsoni bo‘lgan bolalar uchun ixtisoslashtirilgan maktab, maktab-internatlari hamda skolioz bilan kasallangan bolalar uchun sanatoriy turidagi maktab-internatlari bundan mustasno.
Shuningdek, 9- va 11-sinflar uchun yakuniy (bitiruv) nazorat imtihonlari joriy yilning 26-mayidan 15-iyuniga qadar tashkil etiladi.
Umumtaʼlim fanini bilish darajasi to‘g‘risida davlat namunasidagi sertifikat hamda chet tili fanlari bo‘yicha kamida B1 darajadagi milliy yoki unga tenglashtirilgan mos darajadagi xalqaro tan olingan sertifikatga ega bo‘lgan o‘quvchilar imtihonlarda muayyan fandan ozod etiladi.
Imkoniyati cheklangan maktab-internatlarida tahsil oladigan alohida ta'limga ehtiyoji bo'lgan o'quvchilarga ushbu umumtaʼlim muassasalariga qo‘yilgan talablar asosida o‘tkaziladi.
Umumiy oʻrta taʼlim maktablarida taʼlim beriladigan barcha tillarda imtihonlar oʻtkaziladigan fanlar boʻyicha bitiruvchi sinf oʻquvchilari uchun namunaviy imtihon materiallarini hamda baholash mezonlarini tayyorlashni Respublika ta’lim markazi amalga oshiradi.
Imtihon materiallarini ishlab chiqishda umumtaʼlim maktablari oʻquvchilari uchun kreativ va mantiqiy fikrlashga yoʻnaltirilgan topshiriqlar kiritilishi inobatga olinadi hamda topshiriq namunalari 2023-yilning 1-aprelga qadar vazirlikning rasmiy sahifalarida e’lon qilinadi.
Imtihonlar belgilangan muddatda shaffof, adolatli va xolis o‘tkazilishi uchun barcha zaruriy choralar ko‘riladi.
Quyidagi havola orqali bosqichli va yakuniy nazorat imtihonlari o‘tkaziladigan fanlarning ro‘yxati hamda tartibi bilan tanishishingiz mumkin.
Kanalga ulanish👇
/channel/uztdi
📌Hukumat farmoyishi (111-F, 10.03.2023-y.) bilan umumxalq xayriya hashari 11-martdan 18-mart kuniga koʻchirildi.
Kanalga ulanish👇
/channel/uztdi
⚡️Toshkent shahridagi RENESSANS TA'LIM UNIVERSITETIda 2022/2023-yil qabuli yakunlanmoqda!
Kunduzgi hamda sirtqi ta'lim
Bakalavrda ta’lim yo‘nalishlari:
— Maktabgacha ta'lim
— Boshlang'ich ta'lim
— Matematika va informatika
— Ona tili va adabiyoti
— Psixologiya
— Tarix
— Sport
— Milliy g'oya, ma'naviyat asoslari
— Xorijiy til va adabiyoti
— Iqtisodiyot
— Buxgalteriya hisobi va audit
— Bank ishi va auditi
— Sug'urta ishi
— Soliqlar va soliqqa tortish
— Axborot tizim va texnologiyalari
— Turizm
— Xalqaro munosabatlar
— Dizayn
— Kadastr
✅ Sirtqi ta’lim: Yiliga 12,8 mln so‘mdan.
Qo'shimcha qulayliklar:
👉 Xorijdan o'qishni ko'chirish (2-3-kursga)
👉 2-mutaxassislikda o'qish imkoni.
(Litsenziya №049194, 18.11.2022 y.)
📲 Onlayn hujjat topshirish
Oson ro'yxatdan o'ting va vaqtingizni tejang!
☎️ Call-center:
+998900331731 | Onlayn murojaat
+998917896005 | Onlayn murojaat
+998900462989 | Onlayn murojaat
+998880097751 | Onlayn murojaat
+998880097723 | Onlayn murojaat
📍 Toshkent shahri, Mirobod tumani, Mirobod AVENUE
Instagram | Telegram | Sayt |
“Yuksalish” umummilliy harakati: “Tadbirkorlarning yarmidan koʻpi (53 foizi) tanlov jarayoni ochiq va xolis emas, deb hisoblaydi.”
2022-yil davlat-xususiy sheriklik (DXSH) asosida maktabgacha ta‘lim tashkilotlari tashkil etilishi va ularning faoliyatida nohalollik xavfi omillarini baholash bo‘yicha o‘tkazilgan tadqiqot natijalarini e’lon qildi.
Tadqiqot natijalariga ko‘ra, soʻrovda ishtirok etgan tadbirkorlarning yarmidan koʻpi (53 foizi) tanlov jarayoni ochiq va xolis emas, deb javob bergan.
Saralashda ishtirok etgan tadbirkorlarning 22 foizi ham tanlov komissiyasi qaroriga taʼsir qilish mexanizmlari mavjudligiga ishonchi komil.
Tuman maktabgacha taʼlim boʻlimlari vakillarining 68 foizi tadbirkor bilan oʻzaro munosabatlarda halollik qoidalarini buzgan davlat hamkoriga nisbatan qanday jazo choralari qoʻllanilishi haqida bilmaydi.
Ularning 73 foizi tadbirkorlar uchun bu kabi sanksiyalar mavjudligidan bexabar.
Tadqiqotning yakuniga oid hisobot bilan ushbu havola orqali tanishish mumkin.
Kanalga ulanish👇
/channel/uztdi
III chorakning soʼnggi oʼqish kuni 18-mart (shanba) boʼladi
Oʼzbekiston Respublikasi Vazirlar Mahkamasining 2017-yil 15-martdagi 140-sonli qarori bilan tasdiqlangan Nizomning 26-bandiga muvofiq, umumiy oʼrta taʼlim maktablarida bahorgi taʼtil 21-mart sanasidan boshlanib, 7 kalendar kun davom etishi belgilangan.
Oʼzbekiston Respublikasi Prezidentining “2023-yilda rasmiy sanalarni nishonlash davrida qoʼshimcha ishlanmaydigan kunlarni belgilash va dam olish kunlarini koʼchirish toʼgʼrisida” 2022-yil 23-dekabrdagi Farmoniga muvofiq, 2023-yil 20-mart kuni – qoʼshimcha dam olish kun sifatida belgilanganligi munosabati bilan maktablarda bahorgi taʼtil 20-mart sanasidan boshlanadi hamda 26-martga qadar (shu kuni ham) davom etadi.
Umumiy oʼrta taʼlim maktablarida 18-mart (shanba) III chorakning soʼnggi oʼqish kuni boʼlib, IV chorak 27-mart sanasidan boshlanadi.
Maktabgacha va maktab ta’limi vazirligi
Kanalga ulanish👇
/channel/uztdi
👉 Yoshlarning oliygohlarda grant asosida o‘qish huquqi;
👉 Bekor bo‘lmaydigan oliy ta’lim grant kvotalari;
👉 Inklyuziv ta’limni rivojlantirish;
👉 O‘qituvchiga nufuzini oshirish bo‘yicha normalar...
Konstitutsiyaviy qonun loyihasi: Ta’lim sohasida qanday o‘zgarishlar bo‘ladi?
💬 "Yoshlarning oliygohlarda davlat hisobidan grant asosida o‘qish huquqi Konstitusiyada belgilanmoqda. Bu bilan iqtidorli yoshlarning davlat hisobidan oliy ta’lim olish imkoniyati kafolatlanmoqda. Bu oliy ta’limda hamisha davlat granti uchun kvotalar ajratiladi va ushbu tartib hech qachon bekor bo‘lmaydi degani" — Oliy Majlisning Korrupsiyaga qarshi kurashish va sud-huquq masalalari qo‘mitasi raisi Jahongir Shirinov
Kanalga ulanish👇
/channel/uztdi
Nodavlat umumtaʼlim tashkilotlarida qariyb 46 ming nafar oʻquvchi tahsil olmoqda
🏢 Statistika agentligi maʼlumotlariga koʻra, 2022/23-oʻquv yili boshiga faoliyat yuritayotgan 194 ta nodavlat umumtaʼlim tashkilotlarida jami 45 927 nafar oʻquvchi tahsil olmoqda.
✅ Nodavlat umumtaʼlim tashkilotlarida tahsil olayotgan oʻquvchilar sonini 2018/2019 oʻquv yili boshiga nisbatan taqqoslaganda 32 158 nafarga koʻpaygan.
✅ Yillar kesimida nodavlat umumtaʼlim tashkilotlarida tahsil olayotgan oʻquvchilar soni:
— 2018/2019-oʻquv yili boshiga – 13 769 nafar
— 2019/2020-oʻquv yili boshiga – 21 042 nafar
— 2020/2021-oʻquv yili boshiga – 26 970 nafar
— 2021/2022-oʻquv yili boshiga – 30 553 nafar
— 2022/2023-oʻquv yili boshiga – 45 927 nafar
Manba: Statistika agentligi
Kanalga ulanish👇
/channel/uztdi
Boshlang‘ich sinf o‘qituvchilarining pedagog stavkasi 16 soat etib belgilanishi mumkin!
2022–2026-yillarga moʻljallangan Yangi Oʻzbekistonning taraqqiyot strategiyasini “Insonga eʼtibor va sifatli taʼlim yili”da amalga oshirishga oid Davlat dasturida 2023-yilning may oyiga qadar boshlang‘ich sinf o‘qituvchilarining pedagog stavkasini 16 soat etib belgilash bo‘yicha taklif tayyorlash vazifasi belgilangan.
Kanalga ulanish👇
/channel/uztdi
❗️ Vazir jamg‘armasidan ustama olishga nomzodlarni saralash jarayonlarining 2-bosqichi bo‘yicha asosiy ma’lumotlar
✅ Suhbat Nizomiy nomidagi Toshkent davlat pedagogika universiteti, Ixtisoslashtirilgan taʼlim muassasalari agentligi, Universitet huzuridagi ilmiy-amaliy psixologlar markazi rahbar va xodimlaridan iborat Suhbat komissiyasi tomonidan o‘tkaziladi.
🔹 Suhbat komissiyasi tarkibi 5 nafar a’zodan, shu jumladan, komissiya raisi, a’zolari va kotibi, jamoatchilik vakillaridan iborat bo‘ladi. Universitet prorektorlari komissiya raisi hisoblanadi.
🔸 Suhbat jarayonlari o‘tkazilayotgan joyda komissiya a’zolari va nomzoddan tashqari begona shaxslarning bo‘lishiga ruxsat berilmaydi.
🔹 Nomzodlar bilan kasbiy faoliyatiga doir tayyorlangan taqdimoti bo‘yicha suhbat o‘tkaziladi.
🔸 Har bir taqdimot uchun 10 daqiqa va savol-javob uchun 5 daqiqa ajratiladi.
🔹 Suhbat natijalari bo‘yicha baholash maksimal 10 ballik tizimda mazkur Nizomning 1-ilovasiga muvofiq amalga oshiriladi.
🔸 Bunda 2-bosqichga chiqqan hamda nomzodning kasbiy mahoratini baholash bo‘yicha suhbatdan 4 (to‘rt) balldan kam olgan nomzodlar go‘liblikka tavsiya etilmaydi.
🔹 Natija har bir suhbat komissiyasi a’zosining alohida qo‘ygan ballari o‘rtachasidan kelib chiqib aniqlanadi.
🔸 Baholanuvchilar ularga berilgan savollar va o‘zining javoblarini jurnalga imzo qo‘yish orqali tasdiqlaydi. Shaffoflikni ta’minlash maqsadida suhbat jarayoni videotasvirga olinadi.
🔹 Ustama olish huquqiga ega bo‘lgan pedagog kadrlarning ro‘yxatini saralash yakunidan so‘ng 5 ish kunida vazirlikning rasmiy veb-sahifasida e’lon qiladi.
🔸 Suhbat komissiyasi qaroridan norozi bo‘lgan nomzodlar tanlov natijalari e’lon qilingan kundan boshlab, 48 soat mobaynida apellyatsiya komissiyasiga yozma murojaat qilishi mumkin.
🔹 Nomzodlarning shikoyatlari ro‘yxatga olingan kundan boshlab, uch ish kunida ko‘rib chiqiladi hamda xabardor qilinadi.
🎙 Maktabgacha va maktab ta’limi vazirligi boshqarma boshlig‘i Laziz Xo‘jaqulovning ma’lum qilishicha 2-bosqichdan ham muvaffaqiyatli o‘tganlarga 2023-yil aprelidan boshlab, 9 oy davomida mehnatga haq to‘lashning eng kam miqdorining 5,5 baravari miqdorida (bugungi kunda 5 mln so‘m) har oylik ustama to‘lanadi.
👉 Vazir jamg‘armasidan ustama olishga nomzodlarni saralash jarayonlarining 2-bosqichi o‘tkaziladigan manzil va sanalar – /channel/uztdi/6327
Kanalga ulanish👇
/channel/uztdi
#Bilasizmi?
Tarifikatsiya roʻyxatiga belgilangan dars soatlariga koʻra uyda yakka tartibda dars beruvchi oʻqituvchilarga faqatgina oʻquv soatlari uchun ish haqi toʻlovlari amalga oshiriladi.
Bunda, uyda yakka tartibda dars beruvchi oʻqituvchilarga oʻquvchilar taʼtilda boʻlgan davrda ham tarifikatsiya roʻyxatida belgilangan oʻquv soatlar uchun haq toʻlab beriladi.
Ularning ish haqlari mehnat taʼtilini hisoblashda inobatga olinadi hamda ish haqi va unga tenglashtirilgan toʻlovlar 12 oyga rejalashtiriladi.
Tibbiy-maslahat komissiyasining xulosasiga asosan uyda yakka tartibda taʼlim berish vaqtincha toʻxtatilgan davrda oʻqituvchiga ish haqi toʻlanmaydi.
Bunda o‘qituvchining ish haqi miqdori malaka toifasiga ko‘ra bazaviy tarif stavkasini bir oylik ish yulkamasiga bo‘lish hamda ular tomonidan yakka tartibda o‘tkazilgan haqiqiy o‘quv soatlariga ko‘paytirish va Vazirlar Mahkamasining 1994-yil 29-sentabrdagi 490-sonli qarorida belgilangan o‘qituvchining ta’rif stavkasi hamda lavozim maoshlari miqdoriga 50 foiz qo‘shimcha haq to’lovini belgilash orqali hisoblanadi.
📌 Asos: O‘zbekiston Respublikasi Xalq ta’limi vazirligi va Moliya vazirligining "Yakka tartibda ta’lim berayotgan o‘qituvchilar ish haqlarini hisoblash metodikasini tasdiqlash to‘g‘risida"gi qo‘shma qarori
Kanalga ulanish👇
/channel/uztdi
Prezidenti Shavkat Mirziyoyevning Xalqaro xotin-qizlar kuniga bag‘ishlangan tantanali marosimdagi nutqidan:
"Yurtimizda xotin-qizlarning sifatli ta’lim va tarbiya olishiga alohida e’tibor qaratilmoqda. Mutafakkir jadid bobomiz Abdurauf Fitrat ta’biri bilan aytganda, “Onalar – butun bashariyatning tarbiyachilaridir”.
Darhaqiqat, oilada bir nafar qiz o‘qib, oliy ma’lumotga, zamonaviy kasb-hunarga ega bo‘lsa, xonadondagi muhit butunlay o‘zgaradi. Biz shu maqsadda xotin-qizlar ta’limini qo‘llab-quvvatlash bo‘yicha muhim dasturni qabul qildik.
Qiyoslash uchun bir misol keltirmoqchiman.
Agar bundan 6 yil avval oliygohlarda 110 ming nafar xotin-qiz tahsil olgan bo‘lsa, hozirgi vaqtda bu raqam qariyb 5 barobar ko‘payib, 500 ming nafarni tashkil etmoqda. Shu tariqa bugungi kunda oliy ta’lim olayotgan talabalar orasida qizlarimizning ulushi 50 foizga yetgani tariximizda misli ko‘rilmagan natijadir.
Yangi tartibga muvofiq, magistraturada o‘qiyotgan 10 mingdan ortiq talaba qizlar uchun 68 milliard so‘mdan ziyod kontrakt pullari davlat tomonidan to‘lab berildi. 65 mingdan ko‘proq talaba xotin-qizlarga 727 milliard so‘mga yaqin foizsiz ta’lim krediti ajratildi.
Ehtiyojmand oilalarda yashayotgan qariyb 2 ming nafar qizlar, shuningdek, mutaxassisligi bo‘yicha besh yillik mehnat stajiga ega bo‘lgan 500 nafardan ortiq xotin-qizlarimiz oliygohlarga alohida kvota asosida o‘qishga qabul qilindi.
Dunyoda chuqur iqtisodiy inqiroz davom etayotgan hozirgi kunda, qanchalik qiyin bo‘lmasin, zarur mablag‘ va imkoniyatlarni topib amalga oshirayotgan bunday sa’y-harakatlarimiz albatta o‘z natijasini beradi. Oliygohlarda tahsil olayotgan xotin-qizlarimiz orasidan ilm-fan, siyosat va jamoat arboblari, mashhur madaniyat va san’at, sport namoyandalari yetishib chiqadi, deb ishonaman."
Nutqning to‘liq matni: https://president.uz/oz/lists/view/6013
Kanalga ulanish👇
/channel/uztdi
