🟦🟦🟦

Joriy yilning 2-dekabrdan 5-dekabrga qadar Farg‘ona viloyatida O‘zbekiston Respublikasi Prezidenti Shavkat Mirziyoyevning tegishli topshirig‘iga binoan O‘zbekiston Respublikasi Prezidenti huzuridagi Davlat boshqaruvi akademiyasi hamda Oliy ta’lim, fan va innovatsiyalar vazirligi hamkorligida milliy kadrlar zaxirasiga kiritilgan nomzodlar uchun o‘quv-amaliy seminari tashkil etilmoqda.

Farg‘onada shahar va tuman hokimlarining o‘rinbosarlari, tashkiliy-kadrlar guruhi rahbarlari hamda milliy kadrlar zaxirasiga kiritilgan nomzodlar uchun tashkil etilgan o‘quv-amaliy seminarining maqsadi hududda mahalliy davlat boshqaruvi va aholi bilan ishlashni samarali tashkil etish uchun talab etiladigan bilim va ko‘nikmalarni rivojlantirishdan iborat.

Unga oliy o‘quv yurtlari rektorlari, professor-o‘qituvchilari va tajribali mutaxassislar jalb etilgan bo‘lib, O‘zbekiston davlat jahon tillari universitetining o‘quv ishlari bo‘yicha prorektori Chutpulatov Muxammad Chariyevich mazkur seminarda Oliy ta’lim, fan va innovatsiyalar vazirligining o‘quv jarayonlarini tashkil etishda mas’ul vakil sifatida ishtirok etdi.

Muxammad Chutpulatov Prezidentimizning 2024-yil 18 — 20-noyabr kunlari Oliy Majlis Qonunchilik palatasi va Senatidagi nutqlarida ijro organlari rahbarlari zimmasiga yuklatilgan asosiy vazifalar to‘g‘risida so‘z yuritdi. Shuningdek, ushbu o‘quv-seminarda yo‘nalishlar bo‘yicha bo‘layotgan yangiliklar, o‘zgarishlar, aholi muammolarini hal etishda e’tibor qaratilishi zarur bo‘lgan ishlar yuzasidan tushunchalar berib o‘tdi.

Tadbirning ochilish marosimida so‘zga chiqqanlar ushbu o‘quv-amaliy seminar ishtirokchilar uchun nechog‘li muhimligi va ular ushbu imkoniyatlardan to‘g‘ri hamda unumli foydalanib, bilim, ko‘nikma va malakalarini yanada mustahkamlashlari ta’kidlab o‘tdi


🌐 Biz ijtimoiy tarmoqlarda:
Telegram | Instagram | Facebook | Sayt

Читать полностью…

🔰Bugun OʻzDJTU Ingliz tili 2-fakulteti 8-dekabar konstitutsiya kuni munosabati bilan oʻquv binosini bezatish tadbirini tashkil qilishdi.

📌Ushbu tadbirda fakultet yoshlar masalalari va ma'naviy-ma'rifiy ishlar boʻyicha dekan muovini M.Jakbarov, tyutorlar hamda talabalr ishtirok etishdi.

🇺🇿Ushbu tadbir Konstitutsiya bayramini yuqori kayfiyat va saviyada nishonlash maqsadida boʻldi. Shuningdek, har bir talaba yoshlarda vatan tuygʻusini, mustaqillikni yanada chuqurroq his qilishga yordam berdi.


#Konstitutsiya_bayrami
@second_faculty_official

Читать полностью…

🟦🟦🟦🟦🟦🟦🟦

27-noyabr kuni O‘zbekiston davlat jahon tillar universitetida "Biz korrupsiyaga qarshimiz!" shiori ostida o‘tkazilgan insholar tanlovi g‘oliblari aniqlandi.

🏆 Natijalarga ko‘ra, g‘oliblik quyidagi ishtirokchilarga nasib qildi.

🥇 1-o‘rin Rajabboyeva Marjona —Ingliz filologiyasi fakulteti 1-kurs talabasi.

🥈 2-o‘rin To‘xtaboyeva Munisa —Ingliz filologiyasi fakulteti 2-kurs talabasi.

🥉 3-o‘rin Baxtiyorova Lola —Ingliz tili ikkinchi fakulteti 2- kurs talabasi.

Eslatib o‘tamiz, g‘oliblar quyidagi mukofotlar bilan taqdirlanadi:

1-o‘rin — 2 million so‘m
2-o‘rin — 1,5 million so‘m
3-o‘rin — 1 million so‘m

Читать полностью…

🟦🟦🟦🟦🟦🟦🟦

2-dekabr kuni OʻzDJTU Ingliz tili 3-fakulteti mas’ullari "Jonajon maktabimga kitob sovg'a qilaman" loyihasi doirasida Shayhontohur tumanidagi 102-IDUM maktabiga tashrif buyurdi.

Tashrif davomida boshlang'ich sinf o'quvchilariga Oʻzbekisyon davlat jahon tillari universiteti nomidan turli qiziqarli va bolajonlar uchun zarur bilimlarga boy kitoblar sovg’a qilindi.

Maktab oʻquvchilari kitoblar uchun minnatdorchilik bildirishdi va a’lo baholarga oʻqib, kelajakda ilmi yetuk inson boʻlib yetishishga va’da berishdi.

📍 Ingliz tili uchinchi fakulteti

🌐 Biz ijtimoiy tarmoqlarda:
Telegram | Instagram | Facebook | Sayt

Читать полностью…

🟦🟦🟦🟦🟦🟦🟦

O‘zbekiston davlat jahon tillari universitetida "Yoshlar korrupsiyaga yo‘q deydi" shiori ostida o‘tkazilgan "Eng yaxshi rasmlar" tanlovi natijalari e’lon qilindi.

Natijalarga ko‘ra g‘oliblik quyidagi7 talabalarga nasib qildi:

🥇1-o‘rin   Agilya Ahmedjanova Roman-german fakulteti

🥈2-o‘rin Azizova Dilfuza Rus filologiyasi
🥈2-o‘rin Abduqodirova Dilobar Tarjimonlik fakulteti

🥉3-o‘rin  Suyunova Maftuna Sharq filologiyasi fakulteti 
🥉3-o‘rin  Izzatullayev Elyorbek Tarjimonlik fakulteti

Eslatib o‘tamiz, Tanlov g‘oliblari Oliy ta’lim, fan va innovatsiyalar vazirligi tomonidan quyidagi tartibda diplom va pul mukofotlari bilan taqdirlanadi.

1-o‘rin – 6 000 000 so‘m;
2-o‘rin – 5 000 000 so‘m;
3-o‘rin – 4 000 000 so‘m.

🌐 Biz ijtimoiy tarmoqlarda:
Telegram | Instagram | Facebook | Sayt

Читать полностью…

#bizkorrupsiyagaqarshimiz #tanlov

"Korrupsiyaga qarshi kurashish" tadbirlari doirasida tashkil etilgan videoroliklar tanlovi uchun Roman-german filologiyasi fakulteti talabasi Ezoza Azizova tomonidan tayyorlangan videorolik.

🌐 Biz ijtimoiy tarmoqlarda:
Telegram | Instagram | Facebook | Sayt

Читать полностью…

🪐Joriy yilning 29-noyabr kuni FVV Akademiyasi hamda O‘zbekiston davlat jahon tillari universiteti o‘rtasidagi hamkorlik memorandumi bo‘yicha podpokovnik Maloxat Badalbayeva rahbarligida 2,3,4,5-batalyonlardan kursantlar ishtirokida O‘zbekiston davlat jahon tillari universitetida “Favqulodda vaziyatlarda aholini muhofaza qilish va hududlar xavfsizligini ta’minlash” mavzusida ingliz tilida ko‘rgazmali integrallashgan seminar tashkil qilindi.

📌Seminarda Ingliz tili uchinchi fakulteti rahbariyati, tyutorlar, talabalar, FVV Akademiyasi va Maxsus vazifalar boʻyicha respublika qutqaruv markazi xodimlari hamda kursantlar ishtirok etdi.

📌Seminar davomida kursantlar tomonidan favqulodda vaziyatlarda toʻgʻri harakatlanish, birinchi tez tibbiy yordam koʻrsatish va boshqa favqulodda holatlarni oldini olish boʻyicha zarur amaliy mashgʻulotlar koʻrsatib berildi.

❇️Tadbir so‘nggida seminarda faol ishtirok etgan xodim va kursantlar universitet rahbariyati tashakkurnomasi bilan taqdirlandi.

@thirdEnglishfaculty

Читать полностью…

🟦🟦

30-noyabr kuni O‘zbekiston davlat jahon tillari universiteti huzuridagi ilmiy darajalar beruvchi DSc.03/30.12.2019.Fil.27.01 raqamli Ilmiy kengash asosida Bir martalik Ilmiy kengashning 38-son majlisi bo‘lib o‘tdi.

Unda Jabborova Hamida Akramovnaning 10.00.11 – Til nazariyasi. Amaliy va kompyuter lingvistikasi ixtisosligi bo‘yicha “Mediamakonda radionutqning lingvokulturologik aspekti (nutqiy etiketlar misolida)” mavzusidagi filologiya fanlari bo‘yicha falsafa doktori (PhD) ilmiy darajasini olish uchun yozilgan dissertatsiya ishi muhokama etildi.

Mazkur ilmiy dasturda oliygoh rahbariyati vakillari, rasmiy opponentlar va boshqa mas’ullar ishtirok etdi.

ZOOM onlayn dasturi orqali ham bo‘lib o‘tgan seminar davomida tadqiqotchi o‘z mavzusi doirasida bajarilgan tadqiqotlar natijasi, uning yangiligi borasida ishtirokchilarni qiziqtirgan savollarga asosli javob berib o‘tdi.

🌐 Biz ijtimoiy tarmoqlarda:
Telegram | Instagram | Facebook | Sayt

Читать полностью…

Bugun O'zDJTU Ingliz tili 1-fakulteti  Ingliz tilini o'qitish metodikasi 1-kafedrasining o'qituvchisi Tursunova Feruza tomonidan “Ilmiy maqolalar yozishni o’rgatish” nomli to’garakda talabalarni ilmiy- tadqiqot ishlariga jalb qilish va ko’nikmalarini shakllantirish bo'yicha " Maqola hamda tezisga qo’yiladigan talablar " mavzusida fakultetining 4-bosqich talabalaridan iborat guruhda to'garak mashg'uloti olib borildi.

To'garakda talabalarga:
🟢  Tezisga qo’yiladigan talablar;
🟢  Ilmiy maqolaga qo’yiladigan talablar;
🟢  Ilmiy maqola  tuzilishi vaturlari;
🟢  Annotatsiya,kalit so’zlar, asosiy qism, metodlar, xulosa  va foydalaniladigan adabiyotlarni tanlash va ularni tizimlashtirish bo’yicha talabalarga to’liq ma’lumot berildi va talabalar tomonidan berilgan savollar muhokama qilindi.

To’garak juda qizg'in bahs munozaraga boy o'tdi. Ma'lumot o'rnida, to’garak mashg’ulotlari  har shanba kuni o'tkaziladi.

#fakultet_yangiliklari
@first_faculty_official

Читать полностью…

1️⃣2️⃣3️⃣4️⃣5️⃣

O‘zbekiston davlat jahon tillari universiteti delegatsiyasi Braziliyaning nufuzli OTMlaridan biri bo‘lgan Kampinas universitetidagi rasmiy uchrashuvlaridan so‘ng Kampinas universiteti Falsafa, chet tillar va adabiyoti fakulteti rahbariyati, professor-o‘qituvchilari hamda talabalari bilan uchrashdi.

Tashrif doirasida 2025-yilda Samarqand shahrida bo‘lib o‘tadigan UNESCO Bosh Assambleyasining 43-yig‘ilishi oldidan "O‘zbekiston: bebaho madaniy merosi" mavzusida madaniy-ma’rifiy tadbir tashkil etildi.

Faollar zalida o‘tkazilgan ushbu tadbirda o‘zbek xalqining milliy liboslari, hunarmandchilik namunalari, shirinlik va milliy taomlar, shuningdek, milliy musiqa, qo‘shiq hamda raqslari namoyish etildi.

Tadbirdan O‘zbekiston madaniyati va urf-odatlariga oid ko‘rgazma materiallari namoyishi, O‘zbekiston bayrog‘i, milliy liboslar, so‘zana, hunarmandchilik namunalari (paxta gulli choynak-piyola, lagan, teriga chizilgan sur’at va boshqalar) namoyishi o‘rin oldi. Ishtirokchilarga patir, shirinliklar, quruq mevalar taklif qilindi.

Ko‘tarinki ruhda o‘tkazilgan mazkur tadbir ishtirokchilarda katta taassurot qoldirish bilan birga, O‘zbekiston bilan hamkorlikni yanada rivojlantirish bo‘yicha qiziqishini orttirdi. 

Ayni paytda O‘zbekiston davlat jahon tillari universiteti delegatsiyasi a’zolarining Braziliyaga safari davom etmoqda.

🌐 Biz ijtimoiy tarmoqlarda:
Telegram | Instagram | Facebook | Sayt

Читать полностью…

1️⃣2️⃣3️⃣4️⃣5️⃣

O‘zbekiston davlat jahon tillari universiteti delegatsiyasi Braziliyaning nufuzli OTMlari bilan hamkorlik aloqalarini o‘rnatish maqsadida safarni davom ettirmoqda.

Xususan, delegatsiya a‘zolari 2024-yil 29-noyabr kuni Braziliyaning Kampinas universitetida bo‘lib, ushbu oliy ta‘lim muassasasi rahbariyati vakillari ishtirokida tashkil etilgan uchrashuvda qatnashdi.

Uchrashuvda Braziliyaning Kampinas universiteti rektori Antonio Meirelles, Xalqaro hamkorlik bo‘yicha prorektor, professor Osvaldir Pereira Taranto, Chet tillari instituti direktori, professor Petrilson Alan Pinheiro da Silva, Xalqaro hamkorlik bo‘limi mas‘ul xodim Mayara Pereira Morais hamda O‘zDJTU rektori boshchiligidagi delegatsiya a’zolari ishtirok etdi.

Muloqot chog‘ida tomonlar O‘zbekiston davlat jahon tillari universiteti va Braziliyaning Jahon universitetlari xalqaro reytingida 232-o‘rinni egallab turgan oliygohi bilan turli sohalarda hamkorlik masalalari bo‘yicha muhim muzokaralar o‘tkazdi.

O‘zDJTU rektori, professor I.Tuxtasinov hamkasblarga O‘zbekiston oliy ta‘lim tizimida amalga oshirilayotgan samarali islohotlar, mamlakatimizda chet tillarini o‘qitish borasida olib borilayotgan davlat siyosati, xususan, Prezidentimiz Shavkat Mirziyoyev va Hukumat tomonidan ushbu sohaga qaratilayotgan e’tibor haqida batafsil ma’lumot berdi.

Ishtirokchilarga mustaqil respublikamizning boy tarixi va madaniy merosi hamda O‘zDJTU faoliyati haqidagi videoroliklar namoyish etildi.

Kampinas universiteti rahbariyati o‘zlari uchun yangi dunyo, ishonchli hamkor va istiqbol uchun muhim tayanch topganliklarini alohida ta‘kidlab o‘tdilar.

Muzokaralar davomida o‘qituvchi, talaba va ilmiy tadqiqotchilar almashinuvini yo‘lga qo‘yish, qo‘shma ta‘lim dasturlarini ishlab chiqish, professor-o‘qituvchilar malakasini oshirish, ilmiy stajirovkalar hamda xalqaro miqyosdagi ilmiy-amaliy anjumanlar tashkil qilish va o‘zaro manfaatli sohalarda hamkorlik qilish borasida kelishuvga erishildi.

Asosiy masalalardan biri sifatida O‘zbekiston Respublikasi Tashqi ishlar vazirligi taklifiga binoan, O‘zbekiston davlat jahon tillari universitetida portugal tilini o‘qitishni yo‘lga qo‘yish, Kampinas universitetidan til sohiblarini, mahalliy mutaxassislarni jalb qilish va boshqa muhim masalalar muhokama qilindi.

Uchrashuv so‘ngida O‘zDJTU va Kampinas universiteti rahbarlari hamkorlik shartnomasini imzoladilar, erishilgan kelishuvlar asosida "Yo‘l xaritasi"ni tayyorlash hamda imzolashga kelishib olindi.

🌐 Biz ijtimoiy tarmoqlarda:
Telegram | Instagram | Facebook | Sayt

Читать полностью…

29-noyabr kuni OʻzDJTU Tarjimonlik fakultetida "IT sohasiga yoʻl: Hackathon" mavzusida tadbir tashkil etildi.

Tadbirda fakultetning TITA-2316 guruh talabasi Sevinch Xolmirzayeva va TNEM-2312 guruh talabasi Asem Rustamova hamda Ilmiy ishlar va xalqaro hamkorlik bo’yicha dekan muovini tomonidan IT sohasi bo'yicha keng qamrovli ma'lumot taqdim etildi.

Spikerlar IT sohasining bugungi kundagi ahamiyati, bu sohani oʻrganishda mavjud ta’lim muassasalari va ish topish imkoniyatlari haqida nutq soʻzladi.

Tadbir davomida sayt yaratish jarayonlari va start-up loyihalari haqida ham to'liq ma'lumot berilib, mutaxassislar o'z tajribalari bilan bo'lishdilar. Ular talabalar uchun start-up tashkil qilishda duch kelinishi mumkin bo'lgan qiyinchiliklar va ularni yengish yo'llarini ham tushuntirishdi.

Yakunda Tarjimonlik fakultetining rasmiy saytini ishlab chiqish uchun “Hackathon” jamoasini tashkil etish boʻyicha e’lon berildi.

Ushbu “Hackathon” fakultet talabalari va mutaxassislarining kreativ fikrlarini birlashtirish maqsadida yangi va innovatsion yondashuvlarni ilgari surishga imkon yaratadi.

📍 Tarjimonlik fakulteti

🌐 Biz ijtimoiy tarmoqlarda:
Telegram | Instagram | Facebook | Sayt

Читать полностью…

🙋‍♂️🙋‍♀️👩‍🏫💬

19-noyabr kuni 2-TTJ da istiqomat qiluvchi talabalar holidan xabar olib, “Korrupsiyasiz ta’lim” mavzusi doirasida davra suhbati olib borildi.

OʻzDJTU Ingliz tili amaliy fanlar № 3 kafedrasi ustozlari hamda 2-TTJ pedagoglari D.Afzalxonova , F.Gazibayeva bilan birgalikda olib borilgan dastur davomida taʼlim sohasida korrupsiyaga qarshi kurashning kompleks yondashuvini, jumladan, qonunlarni hayotga tatbiq etish, taʼlim muassasalari faoliyatining shaffofligini oshirish, talabalar va taʼlim xodimlarini korrupsiya oqibatlari haqida oʻqitish va taʼlim muassasalari faoliyatini monitoring qilishga har bir shaxs mas’ul ekanligi tushuntirish kabi masalalar muhokama qilindi.

Shuningdek, oraliq nazorati haftaligi davomida talabalar bilimini baholashda shaffoflik ustun ekanligi va har qanday vujudga kelishi mumkin bo’lgan qiyinchlik, muammolar haqida ma’sullarni xabardor qilish lozimligi tushuntirildi.

Talabalar ham mavzu doirasida o'z fikrlarini bildirishdi va qiziqqan savollariga asosli javoblar olishdi.

🌐 Biz ijtimoiy tarmoqlarda:
Telegram | Instagram | Facebook | Sayt

Читать полностью…

🟦🟦🟦🟦🟦🟦🟦

27-noyabr kuni OʻzDJTU Roman-german filologiyasi fakulteti  xotin-qizlar masalalari boʻyicha dekan maslahatchisi Z.Achilova boshchilida “Kitobxon ona - kitobxon bola” deb nomlangan  uchrashuv tashkil etildi.

Uchrashuvda fakultet tyutorlari va talaba qizlar ishtirok etishdi.
Uchrashuvdan koʻzlangan asosiy maqsad talaba qizlar o’rtasida kitobxonlik madaniyatini yuksaltirish va kitob o'qishga bo'lgan qiziqishini oshirishdan iborat.

📍Roman-german filologiyasi

🌐 Biz ijtimoiy tarmoqlarda:
Telegram | Instagram | Facebook | Sayt

Читать полностью…

🟦🟦🟦

27-noyabr kuni O‘zbekiston davlat jahon tillari universiteti Tabiiy fanlar  kafedrasi, Universitet mehnat muhofazasi bo‘limi, Uchtepa tuman FVB bilan hamkorlikda 15-noyabrdan 15-dekabrgacha yong‘in xavfsizlik oyiligi doirasida Ingliz tili 2-fakultetida talabalar bilan profilaktik uchrashuv tadbiri o‘tkazildi.

Bunda talabalar Tabiiy fanlar kafedrasi professor-o‘qituvchilari va yong‘in xavfsizligi xodimlaridan yong‘in xavfsizligi va is gazidan zaharlanishga qarshi qanday choralar ko‘rish mumkinligi haqida o‘zlarini qiziqtirgan savollarini berdilar. Shuningdek, yong‘inga qarshi choralar ko‘rish hamda uning xavfsizlik normalari tasvirlangan videorolik namoyish etildi. Bundan tashqari yong‘in xavfsizligi xodimlari tomonidan talabalarga xavfsizlik choralarini qanday ko‘rish mumkinligi amaliy ko‘rinishda ham ko‘rsatildi.

Ushbu uchrashuv talabalar xavfsizligi manfaati uchun foydali davra suhbati bo‘ldi.

🌐 Biz ijtimoiy tarmoqlarda:
Telegram | Instagram | Facebook | Sayt

Читать полностью…

2️⃣2️⃣2️⃣

Bugun Oʻzbekiston davlat jahon tillari universitetida 3-dekabr ,,Xalqaro Nogironlar kuniga bagʻishlangan" ,,Biz o‘zgachamiz, barchamiz birgamiz" shiori ostida tadbir oʻtkazildi.

Bu kun 1992-yilda Birlashgan Millatlar Tashkiloti tomonidan e'lon qilingan bo‘lib, uning maqsadi nogironlar huquqlarini himoya qilish, ularning ijtimoiy hayotga integratsiyasini ta'minlash va nogironlarga nisbatan e'tiborni oshirishdir.

Tadbirni yoshlar masalalari va ma'naviy ma'rifiy ishlar bo'yicha prorektor V.Sadiyev ochib berdi va rektor I.Tuxtasinov tomonidan yoʻllangan murojaatinii oʻqib eshittirdi.

Tadbirda iqtidorli talabalar tomonidan qo'shiqlar, raqslar, vatanni madh etuvchi sheʼrlar ijro etildi. Tadbir ishtirokchilariga koʻtarinki kayfiyat bagʻishladi.

🌐 Biz ijtimoiy tarmoqlarda:
Telegram | Instagram | Facebook | Sayt

Читать полностью…

0️⃣0️⃣0️⃣

2-dekabr kuni O‘zbekiston davlat jahon tillari universitetida Iqtidorli talabalar bilan ishlash va Yoshlar masalalari va ma’naviy-ma’rifiy ishlar bo‘limlari tomonidan O‘zbekiston Respublikasi Konstitutsiyasi kuniga bag‘ishlab, O‘zbekiston Respublikasi Konstitutsiyasi qoidalari va tamoyillarini o‘rganish bo‘yicha olimpiada tashkil etildi.

Ushbu tanlovda universitet fakultetlaridan jami 50 dan ortiq talabalar huquqiy bilimlarini sinovdan o‘tkazishdi.

Tashkil etilgan olimpiada natijalariga ko‘ra g‘oliblik quyidagi talabalarga nasib qildi:

1-o‘rin – Jumaniyazova Lobar Sirojiddin qizi – Ingliz tili 3-fakulteti talabasi,

2-o‘rin – Uzoqova Marjona Sherali qizi – Ingliz tili 3-fakulteti talabasi,

3-o‘rin – Rajabboyeva Ozoda Mahmudjon qizi – Ingliz filologiyasi fakulteti talabasi.

🌐 Biz ijtimoiy tarmoqlarda:
Telegram | Instagram | Facebook | Sayt

Читать полностью…

⚡️ Xalqaro jurnalistika fakulteti talabalari uchun navbatdagi uchrashuv.

🌐 Xalqaro jurnalist, “Amerika ovozi” teleradiosining o’zbek jurnalisti Navbahor Imomova bilan bo’lib o’tadigan uchrashuvni o’tkazib yubormang.

#fakultetyangiliklari
@xalqarojurnalistika_fakulteti

Читать полностью…

#milliy_liboslar_haftaligi

🇺🇿 Milliy madaniyatimizni targ’ib qilish va yoshlarimizni milliy qadriyatlarimizga hurmat bilan qarashga undash maqsadida OʻzDJTU Roman-german filologiyasi fakultetida Milliy liboslar haftaligiga start berildi.

🌐 Biz ijtimoiy tarmoqlarda:
Telegram | Instagram | Facebook | Sayt

Читать полностью…

2️⃣2️⃣2️⃣

O‘zbekiston davlat jahon tillari universitetida 30-noyabr kuni talaba-yoshlar o‘rtasida kitobxonlikni targ‘ib qilish, bo‘sh vaqtini mazmunli tashkil etish, kitob mutolaasiga bo‘lgan qiziqishni oshirish maqsadida Axborot-resurs markazi qoshida "Yosh kitobxonlar" klubi hamda barcha fakultet koordinatorlari va talabalar hamkorligida "Birga kitob o‘qiymiz" loyihasi o‘tkazildi.

Mazkur loyiha doirasida Daniel Kizning "Eljernonga atalgan gullar" asari muhokamasi o‘tkazildi. Haqiqiy kitobxonlar jangiga aylangan loyiha doirasida "Muqova o‘yini" va "Kahoot" o‘yinlari orqali kitobxonlar bilimlarini sinovdan o‘tkazildi.

Yakunda loyihada faol ishtirok etgan talabalarga kitoblar sovg‘a qilindi.

🌐 Biz ijtimoiy tarmoqlarda:
Telegram | Instagram | Facebook | Sayt

Читать полностью…

#xushxabar

🇺🇿 🇨🇳 Xitoy Xalq Respublikasining Oʻzbekistondagi elchixonasi tomonidan OʻzDJTU Sharq filologiyasi fakulteti Xitoy tili yoʻnalishida tahsil olayotgan, eng faol talabalar uchun taqdirlash marosimi boʻlib oʻtdi

🔹 Ushbu tadbirda Xitoy Xalq Respublikasining Oʻzbekistondagi elchixonasi tomonidan Sharq filologiyasi fakultetining 40 nafar talabasiga stipendiya taqdim etildi.

✔️ Ushbu stipendiyalar talabalarning ta’lim olish jarayonini qo’llab-quvvatlash va ularning ilmiy izlanishlarini rag’batlantirish maqsadida berildi.

🔹 Tadbir davomida elchixona vakillari talabalarga muvaffaqiyatlar tilab, ikki davlat o’rtasidagi ta’lim sohasidagi hamkorlikning ahamiyatini ta’kidladilar.

✔️ Shuningdek, OʻzDJTU xalqaro hamkorlik bo‘yicha prorektor A.Nasirov bu stipendiyalar talabalarga bilimlarini yanada chuqurlashtirish va kelajakda muvaffaqiyatli mutaxassis bo’lishlariga yordam berishini taʼkidlab oʻtdi va elchixona vakillariga oʻz minnatdorchiliklarini bildirdi.

Telegram | Instagram | Facebook

Читать полностью…

🟦🟦🟦

29-noyabr kuni O‘zbekiston davlat jahon tillari universitetida doktorant va izlanuvchilar uchun “Chet tili o‘qitish metodikasi ixtisosligida ilmiy tadqiqotlar olib borish tartibi” mavzusida seminar tashkil etildi.

Toshkent xalqaro moliyaviy boshqaruv va texnologiyalar universiteti, Xorijiy filologiya kafedrasi dotsenti, Ruzmetova Dildora Adilbekovna tomonidan olib borilgan seminarda hozirgi kunda metodika sohasida mavjud dolzarb masalalar, ilmiy-tadqiqot ishlarini amalga oshirish uchun e’tiborga olish zarur bo‘lgan jihatlar va muammolar hamda ularning yechimlari bo‘yicha ma’lumotlar berildi.

Seminar so‘ngida tadqiqotchilar o‘zlarini qiziqtirgan savollariga ma’ruzachidan foydali taklif va tavsiyalar olishdi.

🌐 Biz ijtimoiy tarmoqlarda:
Telegram | Instagram | Facebook | Sayt

Читать полностью…

🟦🟦

30-noyabr O‘zbekiston davlat jahon tillari universiteti huzuridagi ilmiy darajalar beruvchi DSc.03/30.12.2019.Fil.27.01 raqamli Ilmiy kengashning navbatdagi majlisi bo‘lib o‘tdi.

Ilmiy kengashda Yodgorova Zebo G‘afforovnaning 10.00.11 – Til nazariyasi. Amaliy va kompyuter lingvistikasi ixtisosligi bo‘yicha “Media olamning lisoniy manzarasida modallik kategoriyasining milliy o‘ziga xosligi” mavzusidagi filologiya fanlari bo‘yicha falsafa doktori (PhD) ilmiy darajasini olish uchun yozilgan dissertatsiyasini himoyaga qabul qilish masalasi bo‘yicha muhokama qilindi.

Ilmiy seminar muhokamasi jarayonida tadqiqotchi o‘z mavzu doirasida bajarilgan tadqiqotlar natijasi, uning yangiligi borasida so‘z yuritib, ilmiy seminar a’zolarini qiziqtirgan savollariga asosli javob berdi va muhokama muvaffaqiyatli natija bilan yakunlandi hamda keyingi bosqichga tavsiya etildi.

🌐 Biz ijtimoiy tarmoqlarda:
Telegram | Instagram | Facebook | Sayt

Читать полностью…

1️⃣2️⃣3️⃣4️⃣5️⃣

O‘zbekiston davlat jahon tillari universiteti delegatsiyasi tomonidan Braziliyaning Kampinas universitetida tashkil etilgan "O‘zbekiston: bebaho madaniy merosi" mavzusidagi madaniy-ma’rifiy tadbirdan fotolavha.

🌐 Biz ijtimoiy tarmoqlarda:
Telegram | Instagram | Facebook | Sayt

Читать полностью…

#uchrashuv #gender_tenglik

25-noyabr — "Butunjahon xotin-qizlarga nisbatan zo‘ravonlikka barham berish kuni" munosabati bilan Ingliz filologiyasi fakultetida “Biz zo‘ravonlikka qarshimiz” loyihasi doirasida "Oila va gender tenglik" mavzusida uchrashuv bo‘lib o‘tdi.

Uchrashuvda Ingliz filologiyasi fakulteti dekani, filologiya fanlari doktori, professor Ergasheva Guli Ismoilovna tomonidan gender tengligi va ushbu tushuncha jamiyat munosabatlari talqinida yoritib berildi.

Dastur davomida G.Ergasheva o‘zining fikr-mulohazalari, maslahatlari va hayotiy tajribalari bilan o‘rtoqlashdi, bu esa o‘z navbatida ishtirokchilarga katta motivatsiya berdi.

Shuningdek, psixolog — Shahzoda Boʻstonova hamda fakultet talabalari tomonidan maxsus tayyorlangan videorolik namoyish etildi.

Bizning rasmiy sahifalarimiz:
Telegram | Instagram

Читать полностью…

1️⃣2️⃣3️⃣4️⃣5️⃣

O‘zbekiston davlat jahon tillari universiteti delegatsiyasi Braziliyaning nufuzli OTMlari bilan hamkorlik aloqalarini o‘rnatish maqsadida safarni davom ettirmoqda.

Xususan, delegatsiya a‘zolari 2024-yil 29-noyabr kuni Braziliyaning Kampinas universitetida bo‘lib, ushbu oliy ta‘lim muassasasi rahbariyati vakillari ishtirokida tashkil etilgan uchrashuvda qatnashdi.

Uchrashuvda Braziliyaning Kampinas universiteti rektori Antonio Meirelles, xalqaro hamkorlik bo‘yicha prorektor, professor Osvaldir Pereira Taranto, Chet tillari instituti direktori, professor Petrilson Alan Pinheiro da Silva va XLaaro hamkorlik bo‘limi mas‘ul xodimi Mayara Pereira Morais hamda O‘zDJTU rektori boshchiligidagi delegatsiya a’zolari ishtirok etdi.

Muloqot chog‘ida tomonlar O‘zbekiston va Braziliyaning jahon universitetlari xalqaro reytingda 232-o‘rinni egallab turgan oliygoh bilan turli sohalarda hamkorlik masalalari bo‘yicha muhim muzokaralar o‘tkazdi.

O‘zDJTU rektori, professor I. Tuxtasinov hamkasblarga O‘zbekiston oliy ta‘lim tizimida amalga oshirilayotgan samarali islohotlar, mamlakatimizda chet tillarini o‘qitish borasida olib borilayotgan davlat siyosati, xususan, Prezidentimiz Shavkat Mirziyoyev va Hukumat tomonidan ushbu sohaga qaratilayotgan e’tibor haqida batafsil ma’lumot berdi.

Ishtirokchilarga mustaqil respublikamiz boy tarixi va madaniy merosi hamda O‘zDJTU faoliyati haqidagi videoroliklar namoyish etildi. Kampinas universiteti rahbariyati o‘zlari uchun yangi dunyo, ishonchli hamkor va istiqbol uchun muhim tayanch topganliklarini alohida ta‘kidlab o‘tdilar.

Muzokaralar davomida o‘qituvchi, talaba va ilmiy tadqiqotchilar almashinuvini yo‘lga qo‘yish, qo‘shma ta‘lim dasturlarini amalga oshirish, professor-o‘qituvchilar malakasini oshirish, ilmiy stajirovkalar hamda xalqaro miqyosdagi ilmiy-amaliy anjumanlar tashkil qilish va o‘zaro manfaatli sohalarda hamkorlik qilish borasida kelishuvga erishildi.

Asosiy masalalardan biri sifatida O‘zbekiston Respublikasi Tashqi ishlar vazirligi taklifiga binoan O‘zbekiston davlat jahon tillari universitetida portugal tilini o‘qitishni yo‘lga qo‘yish, Kampinas universitetidan til sohiblarini, mahalliy mutaxassislarni jalb qilish va boshqa muhim masalalar muhokama qilindi.

Uchrashuv so‘ngida O‘zDJTU va Kampinas universiteti rahbarlari hamkorlik shartnomasini imzoladilar va erishilgan kelishuvlar asosida "Yo‘l xaritasi"ni tayyorlash hamda imzolashga kelishib oldilar.

🌐 Biz ijtimoiy tarmoqlarda:
Telegram | Instagram | Facebook | Sayt

Читать полностью…

1️⃣2️⃣3️⃣4️⃣5️⃣

O‘zDJTU rektori Ilxomjon Tuxtasinov boshchiligidagi delegatsiya a’zolarining Braziliyaning jahon reytinglarida yuqori o‘rin egallagan Sao Paulo universitetiga tashrifi haqida ma’lumot bergan edik.

Tashrif doirasida rasmiy uchrashuvlar hamda badiiy tadbirlar tashkil etilib, o‘zbek xalqining boy ma’daniy merosi namunalari ko‘rsatib o‘tildi.

Tashrif so‘ngida ikki universitet rahbariyati o‘rtasida uchrashuv tashkil etildi.

Uchrashuv avvalida, odatga ko‘ra, ikki universitet faoliyati va o‘qitish tizimi haqida batafsil ma’lumot taqdim etildi va videolavha namoyish qilindi.

Rasmiy tadbirda ishtirok etgan har ikkala oliygoh rektorlari kelgusida ustuvor va istiqbolli yo‘nalishlar, xususan, ilmiy tadqiqotlar sohasidagi hamkorlik ko‘lamini yanada kengaytirish, yosh olimlar uchun stajirovka dasturlarini tashkil qilish, shuningdek, almashinuv dasturlari ishtirokchilari uchun munosib sharoitlarni yaratib berish, O‘zDJTUda portugal tili o‘rgatilishini yo‘lga qo‘yish, bu borada Sao Paulo universiteti bilan hamkorlik qilish borasida kelishib olindi.

Kelishuvlar asosida ikki tomonlama manfaatli bo‘lgan Memorandum imzolandi.

Uchrashuv so‘ngida ikki tomon hamkorlari esdalik sovg‘alarini taqdim etdi.

🌐 Biz ijtimoiy tarmoqlarda:
Telegram | Instagram | Facebook | Sayt

Читать полностью…

🟦🟦🟦🟦🟦🟦🟦

29-noyabr OʻzDJTU Roman-german filologiyasi fakulteti Fransuz tili nazariy fanlar kafedrasi FFRA 2201-02-03-guruh talabalari

TO'MA fanidan fan o'qituvchisi dotsent G.Raximova tomonidan taqsimlab berilgan hamda 2024-2025 o'quv yili 1-semestri uchun rejalashtirilgan

mustaqil ishlarini sahna ko'rinishlari, monolog, dialog, va taqdimot shaklida namoyish etishdi.

Talabalar mustaqil ishlarida fransuz yozuvchilari V.Gyugoning she'rlaridan parchalar, La Fontenning masallari, Sh.Perroning ertaklari va boshqa fransuz adiblari asarlaridan sahna ko'rinishlari orqali namoyish etishdi.

Mazkur darsda Fransuz tili nazariy fanlar kafedrasi mudiri G.Raximova va kafedra o'qituvchilari ham ishtirok etishdi.

Ta’kidlash joiz, talabalar tomonidan TO'MA fanidan yillik mavzularni qamrab olgan video va audio, PPT va mashqlar, test va quizlardan iborat mobil ilovani ham mustaqil ravishda yaratilgan bo'lib, u ham mustaqil ish sifatida taqdim etildi. Bundan tashqari, fransuzcha kuy-qo'shiqlar ijrosi darsni ko'tarinki kayfiyatda o'tishiga xizmat qildi.

Mustaqil darsda Fransizyaning Shimoliy Sorbonna Universiteti doktoranti Catherine Ayme ham ishtirok etdi.

U darsda talabalar faol qatnashganini, sahna ko'rinishlarini esa mahorat bilan ijro etganini, ularning fransuz tiliga bo'lgan qiziqishlari va til bilish darajalari yuqori ekanligini a'lohida ta'kidlab o'tdi hamda dars uchun minnatdorchilik bildirdi.

📍 Roman-german filologiyasi fakulteti

🌐 Biz ijtimoiy tarmoqlarda:
Telegram | Instagram | Facebook | Sayt

Читать полностью…

🟦🟦🟦🟦🟦

OʻzDJTU Roman-german filologiyasi fakultetida "25-noyabr – Xotin-qizlarga nisbatan zo‘ravonlikka barham berish kuni" munosabati bilan "Biz zo'ravonlikka qarshimiz" va yoshlarni yot g‘oyalarning ta'siriga tushib qolishining oldini olish maqsadida "Jaholatga qarshi marifat bilan kurashish - davr talabi" mavzularida davra suhbatlari tashkil etildi.

Davra suhbatida Uchtepa tumani IIOFMB TQKB tezkor vakili S. Boljonov, katta leytenant D. Oʻrozqulova, universitet profilaktika inspektori M. Nurmuhamedova, dekan muovinlari, fakultetning xotin-qizlar masalalari bo‘yicha dekan maslahatchisi Z. Achilova, tyutorlar hamda talabalar ishtirok etdilar.


♻️Suhbat davomida xotin-qizlarga nisbatan zo‘ravonlikka qarshi kurash, zoʻravonlikni oldini olish masalalari yuzasidan xodimlar tomonidan tushuntirishlar berib oʻtildi. Talabalar o‘z fikrlarini bildirib, dolzarb mavzular bo‘yicha savollar berdilar.

/channel/rgffaculty

Читать полностью…

🟦🟦🟦

25-noyabr kuni Tabiiy fanlar kafedrasi professori X. Xushvaktova va Ingliz tili birinchi fakulteti 3-kurs talabalari bilan ekologik muammolarga bag‘ishlangan tadbir o‘tkazdi.

Tadbirning asosiy maqsadi talabalarni zamonaviy ekologik muammolar, ularning kelib chiqish sabablari va yechimlari haqida xabardor qilish, shuningdek, atrof-muhitni muhofaza qilishda shaxsiy mas’uliyatni oshirishdan iborat edi.

Tadbir interaktiv savol-javoblar va jamoaviy muhokamalar shaklida o‘tdi, bu esa talabalarning ekologik savodxonligi va faolligini oshirishga hissa qo‘shdi. Tadbir yakunida talabalar o‘z ekologik madaniyatini yanada yuksaltirishga intilishini bildirdilar.

🌐 Biz ijtimoiy tarmoqlarda:
Telegram | Instagram | Facebook | Sayt

Читать полностью…