Ўзбекистон техник жиҳатдан тартибга солиш агентлиги | Расмий канал

21 ноября 2024 17:33

🇺🇿🇸🇦 Oʻzbekiston–Saudiya Arabistoni: texnik tartibga solish sohasida axborot texnologiyalarini jorish etish muhimligi taʼkidlandi

Saudiya Arabistonining Ar-Riyod shahrida Oʻzbekiston texnik jihatdan tartibga solish agentligi direktori oʻrinbosari Temur Mashanpin boshchiligidagi delegatsiya Saudiya standartlar, metrologiya va sifat tashkiloti (SASO) vakillari bilan uchrashuvlar oʻtkazdi.

Ўзбекистон техник жиҳатдан тартибга солиш агентлиги | Расмий канал

21 ноября 2024 06:26

Mahsulotlar sifati va xavfsizligi bo‘yicha hamkorlik kengaytiriladi

O‘zbekiston texnik jihatdan tartibga solish agentligi direktori Akmal Jumanazarov Toshkent shahrida joylashgan keng turdagi import o‘rnini bosuvchi sanoat mahsulotlari, qurilish materiallari va maishiy texnika ishlab chiqaruvchi "Texnopark" masʼuliyati cheklangan jamiyati faoliyati bilan tanishdi.

Korxona vakillari bilan o‘tgan uchrashuv mobaynida sohaga oid mavjud muammolarni bartaraf etish yuzasidan zarur tavsiyalar berildi. Shuningdek, sinov laboratoriyalarida xom ashyo hamda tayyor mahsulotlarni sinovdan o‘tkazish imkoniyati borligi va shu bilan sifat darajasi boshqarilishi alohida qayd etildi.

Ishlab chiqarish quvvati, mahsulotning ichki va tashqi bozorlardagi raqobatbardoshligini taʼminlash, sifati va xavfsizligini oshirish yuzasidan hamkorlikni kengaytirish bo‘yicha kelgusi rejalar belgilab olindi.

Ўзбекистон техник жиҳатдан тартибга солиш агентлиги | Расмий канал

20 ноября 2024 16:16

Yevroosiyo mintaqasi davlat metrologiya muassasalari hamkorligi (COOMET) Prezidenti Kengashining Majlisi bo‘lib o‘tdi

2024 yil 18-19-noyabr kunlari ko‘p yillar davomida birinchi marotaba Yevroosiyo mintaqasi davlat metrologiya muassasalari hamkorligi (COOMET) Prezidenti Kengashining navbatdagi Majlisi an’anaviy shaklda bo‘lib o‘tdi.

Rosstandartning taklifiga binoan Majlis "ВНИИФТРИ" negizida va O‘zbekiston raisligida o‘tkazildi. Ta’kidlash joizki, O‘zbekiston vakili 2024-yilda COOMET Prezidenti etib saylangan.

Uchrashuv tadbirlarida Ozarbayjon, Turkiya, O‘zbekiston, Rossiya va boshqa mamlakatlardan delegatsiyalar ishtirok etdi.

Milliy metrologiya institut vakillari tomonidan muhim mavzular faol muhokama qilindi, jumladan:
- BIPM tashabbusi bilan tashkil etilgan "2050+ - Yosh metrologlarning qarashlari" loyihasi;
- Metrologiya sohasida raqamli transformatsiya bo‘yicha COOMET konsepsiyasini amalga oshirish;
- COOMETning Yagona axborot resursini ishga tushirilishi.

Shuningdek, a’zolikning differensiallashgan darajalarini yaratish, ramziy a’zolik to‘lovlarini joriy etish va sherik maqomiga ega bo‘lgan tashkilotlar ishtirokini kengaytirish orqali ishtirokchi-davlatlarning metrologiya sohasidagi o‘zaro hamkorligini kuchaytirish bo‘yicha COOMET hamkorligini transformatsiya qilish konsepsiya loyihasi ham muhokama qilindi va konseptual ravishda qo‘llab-quvvatlandi.

Mazkur chora-tadbirlar COOMET kotibiyati faoliyatini qo‘llab-quvvatlash, tadbirlar sifatini oshirish hamda bilim va ilg‘or tajribalarni almashish uchun qo‘shimcha manfaatdor tomonlarni jalb qilishga qaratilgan. Bundan tashqari, uchrashuv davomida asosiy imkoniyatlar va muammolar ta’kidlandi, shuningdek, ishtirokchi mamlakatning har bir mintaqasida metrologiyani rivojlantirishga ta’sir ko‘rsatadigan tegishli qarorlari qabul qilindi.

Ўзбекистон техник жиҳатдан тартибга солиш агентлиги | Расмий канал

20 ноября 2024 08:06

Ҳукумат, вазирлик ва идоралар, ҳудудлар раҳбарлари депутатлар томонидан жойларда аниқланган муаммоларни ҳал этишда қуйи палата қўмиталари билан тизимли ҳамкорликни йўлга қўйишлари лозимлиги таъкидланди.

Лекин ҳозирги вақтда турли соҳаларда назоратни таъминловчи давлат инспекцияларнинг Қонунчилик палатаси қўмиталари билан ҳамкорлик тизими йўлга қўйилмаган. Шу боис уларнинг ҳисоботларини қўмиталарда муҳокама қилиб бориш бўйича янги, таъсирчан тизим жорий этиш муҳимлиги таъкидланди.

Бу иш самарали бўлиши учун вазирлик ва идораларда раҳбар ўринбосарларини қуйи палата қўмиталари билан доимий ҳамкорлик учун масъул этиб бириктириш таклиф этилди.

Президентимиз парламент ва Ҳукумат ўртасидаги муносабат қарама-қаршиликка эмас, конструктив мулоқотга асосланиши зарурлигини яна бир бор эслатиб ўтди.

Афсуски, парламент сўрови, депутат сўровига юзаки ёндашиб, унга енгил-елпи муносабатда бўлиш ҳолатлари ҳам учраб тургани қайд этилди.

Бу борада барча раҳбарлар масъулият ва жавобгарликни тўлиқ ҳис этиши лозимлиги, ушбу масалага беписанд қарашга ҳеч кимнинг ҳаққи йўқлиги таъкидланди. Парламент ва депутат сўровларига жавоб аниқ ва мазмунли бўлиши, сўров кимга йўлланган бўлса, шахсан шу раҳбар томонидан жавоб берилиши шарт.

Facebook|Instagram|X

Ўзбекистон техник жиҳатдан тартибга солиш агентлиги | Расмий канал

20 ноября 2024 07:48

Президентимиз айтилган долзарб вазифаларни бажаришда янги Ҳукуматнинг Қонунчилик палатаси билан янада самарали ҳамкорлик олиб бориши муҳим аҳамиятга эга эканини таъкидлади.

Шу нуқтаи назардан Вазирлар Маҳкамаси олдида турган устувор вазифалар белгилаб берилди.

Авваламбор, ижро этувчи ҳокимият органлари фаолиятини одамларга янада яқинлаштириш лозим.

Президент халқ давлат идораларига эмас, аксинча, давлат ташкилотлари халққа, унинг қонуний манфаатларини таъминлашга хизмат қилиши зарур, деган талаб барча раҳбар кадрлар фаолиятининг асосий мезони эканини эслатди.

Қонун қабул қилиндими, у албатта ишлаши, одамлар ҳаётида сезиларли ўзгариш қилиши кераклиги кўрсатиб ўтилди.

Қонунлар ижроси Олий Мажлис палаталарининг тегишли қўмитаси ва масъул ижро этувчи орган билан биргаликда ўрганиб борилиши муҳим аҳамиятга эга.

Facebook|Instagram|X

Ўзбекистон техник жиҳатдан тартибга солиш агентлиги | Расмий канал

20 ноября 2024 07:48

Президент таъкидлаганидек, соғлиқни сақлаш, таълим ва спортни ривожлантириш бўйича катта дастурларни самарали ва тўлиқ амалга ошириш – ҳамиша Ҳукуматнинг кун тартибида туриши керак бўлган асосий вазифалардир.

Энг аввало, ўртача умр кўриш даражасини 78 ёшга етказиш учун бирламчи тиббий хизматларнинг аҳоли учун қулайлиги ва сифатини ошириш зарур.

Хусусан, 2025 йилда бирламчи бўғинда 3 миллион 700 минг нафар аёлни скринингдан ўтказиш, бу жараённи рақамлаштириш орқали саратон касалини эрта аниқлаш кўрсаткичини 85 фоизга етказиш мумкинлиги таъкидланди.

Ҳукумат маҳаллалардаги 18 мингта тиббиёт бригадаларини ўқитиш, 884 минг нафар беморни уй шароитида реабилитация билан қамраб олиш бўйича янги тизимни жорий этади. Шу билан бирга туғруқхоналарнинг моддий-техника базасини мустаҳкамлашга 100 миллион доллар йўналтирилади.

Давлат тиббий суғуртаси ва аҳолига “кафолатланган пакет” асосида тиббий ёрдам кўрсатиш тизими келгуси уч йилда барча шаҳар, туман ва қишлоқлар қамраб олиниши зарурлиги қайд этилди.

Шунингдек, аҳоли ўртасида соғлом турмуш тарзи, тўғри овқатланиш, жисмоний тарбия ва спортни оммалаштириш каби масалалар бўйича Ҳукумат алоҳида дастурлар ишлаб чиқиши лозим.

Facebook|Instagram|X

Ўзбекистон техник жиҳатдан тартибга солиш агентлиги | Расмий канал

20 ноября 2024 07:34

Келгуси беш йилда иқтисодиётда хусусий секторнинг улушини 85 фоизга етказиш ҳам асосий вазифалардан бири сифатида белгиланди.

Бу борада 2 мингта корхонада давлат улушини, 5 мингдан зиёд кўчмас мулк объектини сотиш, 16 та йирик мажмуа акцияларини IPOга чиқариш талаб этилади.

Ҳукумат 30 миллиард долларлик хусусий шериклик лойиҳаларини амалга оширишни таъминлаши керак.

Вазирлар Маҳкамаси 2025 йилда “тежамкорлик ва барқарорлик” тамойили асосида давлат компанияларини трансформация қилишни тезлаштириб, уларнинг харажатларини 15-20 фоизга қисқартириши зарур.

Бу борада 1 миллиард долларлик 18 та давлат компаниясининг улуши берилган Миллий инвестиция жамғармаси фаолиятини самарали йўлга қўйиш лозим.

Facebook|Instagram|X

Ўзбекистон техник жиҳатдан тартибга солиш агентлиги | Расмий канал

20 ноября 2024 07:34

Бу йил Сайхунобод, Уйчи, Зарбдор, Ғиждувон туманларида амалга оширилган ишларнинг ижобий натижалари асосида “Камбағалликдан фаровонлик сари” комплекс дастури қабул қилинган эди.

Эндиликда кўп қиррали ёндашувлар асосида камбағал оилаларнинг аъзоларига сифатли таълим бериш, уларни касбга ўқитиш, иш билан таъминлаш, соғлиғини яхшилаш, психологик ёрдам кўрсатиш бўйича индивидуал кўмак бериш пакетлари бўлиши белгиланди.

2025 йилда 1 миллион аҳолини камбағалликдан чиқариш Вазирлар Маҳкамаси иқтисодий комплексининг асосий вазифаси этиб белгиланади.

Шу мақсадда камбағал оилалар болалари мактабларда чет тили, касб-ҳунар ва IT бўйича бепул билим олиши учун 500 миллиард сўм ажратилади. Ижтимоий аҳволи оғир 1 мингта маҳаллада инфратузилмани яхшилаш дастури амалга оширилади. Бунга 2 триллион сўм йўналтирилади.

Камбағалликни қисқартириш ва аҳоли фаровонлигини оширишга жами 46,5 триллион сўм маблағ сарфланади.

Ҳукумат 2030 йилгача ишсизликни халқаро эътироф этилган даража – 5-6 фоиздан оширмаслик бўйича долзарб вазифаларни ҳам самарали ҳал этиши лозимлиги таъкидланди.

Facebook|Instagram|X

Ўзбекистон техник жиҳатдан тартибга солиш агентлиги | Расмий канал

20 ноября 2024 06:58

Президентимиз ижтимоий соҳада муҳим ўзгаришлар рўй берганини таъкидлади.

Ўтган даврда 25 мингдан зиёд хусусий боғча, 70 га яқин нодавлат олийгоҳи ташкил этилиб, қамров мактабгача таълимда – 74 фоиздан, олий таълимда эса – 39 фоиздан ошди.

Ижтимоий хизматлар тизимида ҳам катта ислоҳотлар бўлмоқда. Барча ҳудудларда “Инсон марказлари” очилиб, ижтимоий ходимлар томонидан бевосита маҳаллаларда аҳолига 100 дан ортиқ ижтимоий хизматлар кўрсатиш йўлга қўйилди.

Парижда бўлиб ўтган Олимпия ва Паралимпия ўйинларида азму шижоатли спортчиларимиз чинакам рекорд натижаларни
қайд этиб, жами 39 та медаль, жумладан 18 та олтин медални қўлга киритдилар.

“Ўзбекистон тарихида илгари ҳеч қачон бўлмаган бундай ютуқлар барчамизга янги куч-ғайрат бахш этиши табиийдир”,

Ўзбекистон техник жиҳатдан тартибга солиш агентлиги | Расмий канал

20 ноября 2024 06:58

Асосий масалага ўтишдан олдин Президентимиз ўтган 5 йилда ҳар томонлама пухта ўйлаб қабул қилинган дастурлар ижроси қандай таъминлангани ҳақида тўхталиб ўтди.

Аввало, Ўзбекистон иқтисодиёти 2 карра ўсиб, 100 миллиард долларлик тарихий маррадан ошди. Аҳоли жон бошига даромад 3 минг долларга етиши кутилмоқда (2018 йилда – 1 минг 600 доллар бўлган).

Хусусан, Жаҳон банки 2024 йилда Ўзбекистон Европа ва Марказий Осиёда иқтисодиёти энг тез ўсаётган 3 та давлат қаторидан жой олганини эътироф этди.

Камбағаллик даражаси сўнгги 4 йилда 23 фоиздан 11 фоизга тушди. Бу йил 9 фоизга тушиши кутилмоқда.

Экспорт қарийб 2 баробар ўсиб, илк бор 25 миллиард доллардан, олтин-валюта захираларимиз эса 40 миллиард доллардан ошди. Ўзлаштирилган хорижий инвестициялар ҳажми 6 карра кўпайиб, бунинг ҳисобига 1,5 миллионта юқори даромадли иш ўринлари яратилди. Ялпи ички маҳсулотда инвестициялар улуши 30 фоиз даражасида таъминланди.

Facebook|Instagram|X

Ўзбекистон техник жиҳатдан тартибга солиш агентлиги | Расмий канал

20 ноября 2024 06:31

Бугун Президент Шавкат Мирзиёев Олий Мажлис Қонунчилик палатасининг Бош вазир лавозимига номзодни кўриб чиқиш ва Вазирлар Маҳкамасининг яқин ва узоқ истиқболга мўлжалланган ҳаракатлар дастури муҳокамасига бағишланган мажлисида иштирок этади ва нутқ сўзлайди.
—
Сегодня Президент Шавкат Мирзиёев примет участие и выступит на заседании Законодательной палаты Олий Мажлиса по рассмотрению кандидатуры на должность Премьер-министра и обсуждению программы действий Кабинета Министров на ближайшую и долгосрочную перспективу.

Facebook|Instagram|X

Ўзбекистон техник жиҳатдан тартибга солиш агентлиги | Расмий канал

19 ноября 2024 07:07

Senat birinchi majlisining kun tartibi tasdiqlandi

Unga ko‘ra, senatorlar Markaziy saylov komissiyasining Oliy Majlis Senatini shakllantirish yakunlari to‘g‘risidagi axborotini ko‘rib chiqadi.

Shuningdek, O‘zbekiston Respublikasi Oliy Majlisi Senati Raisi, Senat Raisi o‘rinbosarlarini saylaydi.

Bundan tashqari, O‘zbekiston Respublikasi Oliy Majlisi Senatining qo‘mitalari va komissiyasini tuzish, ularning raislarini, raislari o‘rinbosarlari va a’zolarini saylash ham kun tartibiga kiritilgan.

Batafsil: https://uza.uz/posts/658613

📱Mobil ilova 👉 iOS | Android

O`zbekcha | Ўзбекча | Русская | Илм-фан | Тезкор

Ўзбекистон техник жиҳатдан тартибга солиш агентлиги | Расмий канал

18 ноября 2024 18:48

Milliy mahsulotlarni jahon bozoriga olib chiqish yo‘lida

O‘zbekiston texnik jihatdan tartibga solish agentligi direktori Akmal Jumanazarov Toshkent viloyati Chirchiq shahrida faoliyat yurituvchi "SHARQ TUBES" masʼuliyati cheklangan jamiyati faoliyati bilan yaqindan tanishdi.

Mazkur sanoat korxonasining mahsulotlarni ishlab chiqarish, sinovdan o‘tkazish, sertifikatlashtirish va eksportga yo‘naltirish masalalariga oid muammolari o‘rganilib, ularni bartaraf etish yuzasidan tegishli masʼullarga ko‘rsatmalar berildi.

Shuningdek, jarayon davomida korxonaga CE markirovkasini olish hamda xalqaro standartlarni joriy etish orqali milliy mahsulotlarni jahon bozoriga olib chiqishda amaliy yordam ko‘rsatish bo‘yicha kelishib olindi.

Bundan tashqari tizim tashkilotlarining hududiy filiallari faoliyati tahlil qilinib, sinov laboratoriyalarini rivojlantirish hamda aholi va tadbirkorlarga ko‘rsatilayotgan xizmatlar sifatini oshirish yuzasidan masʼullarga aniq vazifalar belgilab berildi.

Ўзбекистон техник жиҳатдан тартибга солиш агентлиги | Расмий канал

18 ноября 2024 12:52

Президент Шавкат Мирзиёевнинг Олий Мажлис Қонунчилик палатаси мажлисидаги нутқидан энг муҳим иқтибослар

Facebook|Instagram|X

Ўзбекистон техник жиҳатдан тартибга солиш агентлиги | Расмий канал

18 ноября 2024 08:37

Депутатлар Мавлуда Хўжаева, Раҳимжон Ҳакимов Спикер ўринбосарлари этиб сайланди

Батафсил: https://uza.uz/posts/658120

Тelegram | Facebook | Instagram | YouTubе

Ўзбекистон техник жиҳатдан тартибга солиш агентлиги | Расмий канал

21 ноября 2024 07:39

Manfaatlar to‘qnashuvini oldini olishga qaratilgan seminar boʻlib oʻtdi

Oʻzbekiston texnik jihatdan tartibga solish agentligi tizim tashkilotlarining Buxoro filiali xodimlari ishtirokida O‘zbekiston Respublikasi Prezidenti tomonidan imzolangan O‘zbekiston Respublikasining "Manfaatlar to‘qnashuvi to‘g‘risida"gi Qonuni ijrosini samarali tashkil etish chora-tadbirlari to‘g‘risida PQ-210-son qarori mazmun-mohiyatiga bagʻishlangan seminar tashkil etildi.

Seminarda Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish Departamenti Buxoro viloyati boshqarmasi boʻlim boshligʻi Z.M.Rajabov hamda Buxoro viloyat prokuraturasining katta boʻlim prokurori A.Sh.Yaxyoyevlar taklif etildi.

Tadbir ishtirokchilariga manfaatlar toʻqnashuvi turlari, uning oqibatlari, davlat xizmatida manfaatlar toʻqnashuvini bartaraf etishning huquqiy asoslari va amaliy jihatlari haqida batafsil maʼlumot va tushunchalar berildi.

Ўзбекистон техник жиҳатдан тартибга солиш агентлиги | Расмий канал

21 ноября 2024 05:27

Президент Шавкат Мирзиёев Олий Мажлис Қонунчилик палатаси мажлисидаги нутқида билдирган энг муҳим фикр ва ташаббуслар

Facebook|Instagram|X

Ўзбекистон техник жиҳатдан тартибга солиш агентлиги | Расмий канал

20 ноября 2024 13:30

Yashil energiya sohasida hamkorlik loyihalari muhokama qilindi

O‘zbekiston texnik jihatdan tartibga solish agentligi direktori Akmal Jumanazarov Xitoy Xalq Respublikasining "Liaoning Lide" korporatsiyasi direktori o‘rinbosari Jinming Zhang bilan uchrashuv o‘tkazdi.

Shamol elektr stansiyalarini qurish bo‘yicha yetakchi bo‘lgan mazkur xorijiy korporatsiya vakillari bilan o‘tgan uchrashuv mobaynida yashil energiya sohasida mamlakatimiz hududida yirik investitsiya loyihalarini ishlab chiqish va ishga tushirish masalalari muhokama qilindi.

Ўзбекистон техник жиҳатдан тартибга солиш агентлиги | Расмий канал

20 ноября 2024 07:48

Президент таъкидлаганидек, ижро этувчи ҳокимият органлари қарорлар қабул қилишда қонунийликни, уларнинг асосланган бўлишини таъминлаши лозим.

Кейинги вақтда қонуности норматив-ҳуқуқий ҳужжатлар лойиҳаларини жамоатчилик билан маслаҳат қилишда қонунларимизда белгиланган талабларга ҳамиша ҳам риоя этилмаётганига эътироз билдирилди.

Адлия вазирлигига бир ой муддатда бу масала бўйича таклифларни Қонунчилик палатасининг тегишли қўмитаси билан бирга муҳокама қилии ва Ҳукуматга киритиш топширилди.

Ҳукуматнинг қонунчилик ташаббуси билан Қонунчилик палатасига киритилаётган қонун лойиҳалари сифатини ошириш ҳам долзарб масала бўлиб турибди.

"Даврнинг ўткир талабларига жавоб берадиган, сифатли, амалиётда самарали ишлайдиган қонунларни қабул қилиш Олий Мажлиснинг энг муҳим вазифаси, керак бўлса, унинг обрўсидир.

Бу борада таниқли хитой файласуфи Шан Яннинг “Яхши қонун – халққа ҳурмат ифодасидир”, деган сўзларини эслаш ўринли, деб ўйлайман. Ҳар бир қонунда шундай ҳурмат намоён бўлиши керак. 100 та эмас, 5 та қонун қабул қилайлик, лекин халқчил бўлсин, халқимизга хизмат қилсин",

Ўзбекистон техник жиҳатдан тартибга солиш агентлиги | Расмий канал

20 ноября 2024 07:48

Мажлисда таълим сифатини янада ошириш, ёшларимизни ҳар томонлама етук инсонлар этиб тарбиялашга қаратилган сиёсат изчил давом эттирилиши таъкидланди.

Келгуси йилларда боғчаларда қамровни 80 фоизга, олийгоҳларда эса камида 50 фоизга етказиш Ҳукумат учун асосий вазифа бўлиб қолади.

Халқаро молия институтларининг 61 миллион доллар маблағлари ҳисобидан 2025 йилда 252 та янги боғча барпо этилади. Шунингдек, 174 та боғча ва 379 та мактаб таъмирланади ва янгитдан қурилади. Бу мақсадлар учун бюджетдан 4 триллион сўм ажратилади.

Тадбиркорларга мактаб қуриш учун 20 миллиард сўмгача имтиёзли кредит берилади.

Facebook|Instagram|X

Ўзбекистон техник жиҳатдан тартибга солиш агентлиги | Расмий канал

20 ноября 2024 07:34

Президент аҳолимиз сони кўпайиб бораётган ҳозирги шароитда озиқ-овқат хавфсизлигини таъминлаш энг долзарб вазифа бўлиб қолишини таъкидлади.

Бу борада қишлоқ хўжалигининг барча тармоқлари, аввало, мева-сабзавотчиликни интенсив ривожлантириш, янги уруғ навларини яратиб, импортни 50 фоизга қисқартириш бўйича дастурлар бор.

Ҳукумат бу дастурлар ижросини таъминлаб, қишлоқ хўжалигида ишлаб чиқаришни 1,3 баробар ошириш, ҳар гектар ердан олинадиган ўртача даромадни 5 минг долларга етказиш, соҳада экспорт ҳажми 10 миллиард доллардан иборат бўлиши, сув тежайдиган технологиялар билан қамраб олинган ер майдонларини 2 карра ошириш бўйича ишни самарали ташкил этиши зарур.

Янги йилда сув тежайдиган технологияларни жорий қилишга 5 триллион сўм, каналларни бетонлашга 800 миллиард сўм йўналтирилади.

Facebook|Instagram|X

Ўзбекистон техник жиҳатдан тартибга солиш агентлиги | Расмий канал

20 ноября 2024 07:34

Президентимиз иқтисодиёт ва аҳоли даромадларини ўстиришда юқори қўшилган қиймат яратадиган саноат тармоқларига алоҳида аҳамият қаратиш кераклигини қайд этди.

Вазирлар Маҳкамасининг инвестиция комплекси келгуси йилда иқтисодиётимиз учун муҳим бўлган 300 дан зиёд йирик лойиҳани ишга тушириши ва тўлиқ қувватлар билан ишлашини таъминлаши зарур.

Жумладан, “Ёшлик-I” конида биринчи босқичга, “Мурунтов” конида эса кейинги босқичларга старт берилади. Шунингдек, Самарқандда йилига 910 минг тонна минерал ўғитлар ишлаб чиқарадиган комплекс, 600 минг тонна маҳсулот берадиган металлургия корхонаси, Зарафшонда каустик сода заводи, Нукусда иситиш тизимлари ишлаб чиқариш қувватлари фойдаланишга топширилади.

Навоийда микро-ГЭСларни барпо этиш бўйича барча босқичлар ўз ресурсларимиз асосида ташкил қилингани юртимизда саноат кооперацияси ва маҳаллийлаштириш имкониятларини тўлиқ ишга солиш учун барча шароитлар мавжудлигини кўрсатди.

Шунинг учун, саноат кооперацияси ва маҳаллийлаштириш бўйича катта дастур қабул қилиниши белгиланди.

Иқтисодиётни энергия ресурслари билан ишончли таъминлаш ва энергия самарадорлигини 2 карра оширишга алоҳида эътибор қаратиш кераклиги кўрсатиб ўтилди.

Facebook|Instagram|X

Ўзбекистон техник жиҳатдан тартибга солиш агентлиги | Расмий канал

20 ноября 2024 07:34

Давлатимиз раҳбари Ҳукумат фаолиятининг энг муҳим йўналишларини белгилаб берди.

Аввало, макроиқтисодий мувозанатни сақлаб, келгуси беш йилда иқтисодий ўсиш суръатини 6-7 фоиз атрофида таъминлаш зарур. Бунда инфляция даражаси 5-6 фоиз, бюджет тақчиллиги 3 фоиз доирасида бўлишига эришиш, йиллик кредитлаш ҳажмини 30 миллиард долларга олиб чиқиш асосий вазифа бўлади.

Ушбу даврда Ҳукумат камида 100 миллиард долларлик хорижий инвестицияларни ўзлаштиришга ҳамда йиллик экспорт ҳажмини 45 миллиард долларга олиб чиқиб, унда тайёр маҳсулотлар улушини 50 фоизга етказишга эришиши лозимлиги таъкидланди.

Хорижий туристлар оқимини 5 йилда 15 миллион нафарга, туризм хизматлари экспортини 5 миллиард долларга олиб чиқиш учун барча имкониятлар борлиги кўрсатиб ўтилди.

Шу билан бирга норасмий иқтисодиётни “соядан чиқариш”да рақамли технологияларни таянч воситага айлантириш лозим. Хусусан, келгуси йилда нақд пулсиз ҳисоб-китобларни янада рағбатлантириб, онлайн тўловлар улушини 60 фоизга етказиш муҳим вазифа бўлади.

Жаҳон савдо ташкилоти билан ҳамкорлик доирасида асосий чора-тадбирлар амалга оширилгани ва яқин йилларда ушбу ташкилотга албатта аъзо бўлиб киришимиз таъкидланди.

Facebook|Instagram|X

Ўзбекистон техник жиҳатдан тартибга солиш агентлиги | Расмий канал

20 ноября 2024 06:58

Олдин тўлиқ давлат тасарруфида бўлган соҳалар, яъни, энергетика, кимё, авиация, геология, металлургия, машинасозлик, таълим ва тиббиётда хусусий секторга ва давлат-хусусий шериклик муносабатларига кенг йўл очилгани уларнинг ривожида кучли омил бўлмоқда.

Айниқса, энергетика соҳасида том маънода тарихий ишлар амалга оширилмоқда. Ишлаб чиқарилаётган электр энергияси ҳажми 1,5 карра ўсиб, 83 миллиард киловатт-соатга етгани ҳам буни яққол кўрсатиб турибди.

Сўнгги уч йилда умумий қуввати 2,7 миллион киловатт-соат бўлган 10 та йирик қуёш ва шамол станциялари ишга туширилди. Муқобил энергия улуши ўтган йилга нисбатан 3 баробар кўпайди.

Facebook|Instagram|X

Ўзбекистон техник жиҳатдан тартибга солиш агентлиги | Расмий канал

20 ноября 2024 06:58

Президент Шавкат Мирзиёев иштирокида Олий Мажлис Қонунчилик палатасининг мажлиси бошланди.

Кун тартибидан янгиланган Конституциямизга мувофиқ, илк бор қуйи палатада Бош вазир лавозимига номзод ва Ҳукуматнинг келгуси 5 йилга мўлжалланган ҳаракатлар дастурини кўриб чиқиш масалалари ўрин олган.

Сўзининг аввалида давлатимиз раҳбари мамлакатимиз ўз олдига қўйган стратегик ва жорий вазифаларни амалга оширишда барча бўғиндаги ижро органлари, аввало, Ҳукумат ва унинг раҳбари зиммасидаги масъулият ҳозирги мураккаб замонда ҳар қачонгидан ҳам ортиб бораётганини таъкидлади.

Бугун мутлақо янги ваколат ва вазифаларга эга бўлган Ҳукумат шаклланаётгани қайд этилди.

Буни Конституция даражасида биринчи марта камбағалликни қисқартириш, озиқ-овқат хавфсизлиги, инвестиция, экология каби муҳим йўналишларда Вазирлар Маҳкамасининг мажбуриятлари белгилаб қўйилгани ҳам тасдиқлайди.

Халқимиз бугун ана шундай ҳал қилувчи масалалар бўйича янги Ҳукуматдан аниқ натижаларни кутмоқда.

Facebook|Instagram|X

Ўзбекистон техник жиҳатдан тартибга солиш агентлиги | Расмий канал

19 ноября 2024 07:07

Davlatimiz rahbari Senat a’zosi etib saylanganlarni samimiy muborakbod etdi

Prezident Shavkat Mirziyoyev yangi chaqiriq Oliy Majlis Senatining birinchi majlisida ishtirok etmoqda.

Batafsil: https://uza.uz/posts/658639

📱Mobil ilova 👉 iOS | Android

O`zbekcha | Ўзбекча | Русская | Илм-фан | Тезкор

Ўзбекистон техник жиҳатдан тартибга солиш агентлиги | Расмий канал

19 ноября 2024 07:07

Senatning birinchi majlisi boshlandi

Unda O‘zbekiston Respublikasi Prezidenti Shavkat Mirziyoyev ishtirok etmoqda.

Batafsil: https://uza.uz/posts/658607

📱Mobil ilova 👉 iOS | Android

O`zbekcha | Ўзбекча | Русская | Илм-фан | Тезкор

Ўзбекистон техник жиҳатдан тартибга солиш агентлиги | Расмий канал

18 ноября 2024 14:59

Yirik sanoat korxonalari faoliyati yaqindan o‘rganildi

Oʻzbekiston texnik jihatdan tartibga solish agentligi mas’ul xodimlari tomonidan Toshkent shahridagi "LUKOIL Uzbekistan Oрerating Comрany" MCHJ XK, "O‘zbekneftgaz" AJ, "UZAUTO CEPLA" MCHJ, "VL Galperin nomidagi Toshkent truba zavodi" MCHJ shaklidagi qo‘shma korxonasi faoliyati o‘rganildi.

O‘rganishlar davomida korxona vakillari bilan ishlab chiqarish jarayonidagi standartlashtirish, sertifikatlashtirish hamda metrologiyaga oid muammolar va ularni bartaraf etish choralari muhokama qilindi. Korxonalarda aniqlangan muammolarni bartaraf etish maqsadida tizim tashkilotlariga yo‘naltirilib, nazoratga olindi.

Bundan tashqari, kelgusida sohaga oid masalalarda korxona vakillari bilan doimiy hamkorlikda ishlashga kelishib olindi.

Ўзбекистон техник жиҳатдан тартибга солиш агентлиги | Расмий канал

18 ноября 2024 08:38

Давлатимиз раҳбари бу йилги парламент сайловларининг энг муҳим жиҳатлари ҳақида тўхталиб ўтди.

Аввало, улар янгиланган Конституциямизга мувофиқ ўтказилган илк сайлов сифатида тарихга кирди. Ҳуқуқ ва ваколатлари сезиларли даражада кучайган, масъулияти бир неча карра ортган янги халқ вакиллиги тизими шакллантирилди.

Бундан ташқари, ўтган саккиз йиллик даврда халқимизнинг сиёсий тафаккури тубдан ўзгарди, сиёсий маданияти сезиларли даражада юксалди. Сиёсий партияларнинг жамият ҳаётидаги роли ва иштироки кучайди.

Буларнинг барчаси аралаш сайлов тизимини жорий этишга мустаҳкам замин яратди. Кўплаб давлатларда бундай ислоҳотларни ўтказиш учун ўн йиллар керак бўлган. Шу маънода, Ўзбекистон аралаш сайлов тизимини қисқа фурсатда, дадил жорий этишга эришган кам сонли мамлакатлардан бири, дейишга муносибдир.

Янги тизим ҳар бир сайловчининг овози Қонунчилик палатасидаги депутатлик ўрни учун муҳим эканини, бу борада адолат тамойили янада кучайганини ҳам кўрсатди.

Facebook|Instagram|X

Ўзбекистон техник жиҳатдан тартибга солиш агентлиги | Расмий канал

18 ноября 2024 08:37

Нуриддин Исмоилов Қонунчилик палатаси Спикери этиб сайланди

Батафсил: https://uza.uz/posts/658120

Тelegram | Facebook | Instagram | YouTubе