Ўзбекистон техник жиҳатдан тартибга солиш агентлиги | Расмий канал

30 сентября 2024 12:22

Давлатимиз раҳбари ўқувчиларнинг китобхонлик маданияти доимо эътибор марказида бўлишини таъкидлади.

Ўқувчиларда китобга бўлган қизиқишни ошириш, уларга китобхонлик маданиятини сингдириш учун алоҳида танлов ўтказиб, ғолиб бўлган ёшларга автомобиль совға қилиш йўлга қўйилган.

Мутасаддиларга бу ишларни янада оммалаштириш ва керак бўлса, энг олис қишлоқдаги мактабларга ҳам етказиш топширилди.

Бунинг учун мактаблардаги маънавият хонаси ва кутубхонаси зарур техника ва оптик толали Интернет тармоғи билан таъминланади, барча мактабларнинг Алишер Навоий номидаги Ўзбекистон Миллий кутубхонаси электрон порталидан фойдаланиши ташкил этилади.

Facebook|Instagram|X

Ўзбекистон техник жиҳатдан тартибга солиш агентлиги | Расмий канал

30 сентября 2024 12:22

Ёшларни миллий руҳда тарбиялашда маданият ва санъат беқиёс аҳамиятга эга.

Маданият ва санъат билан ошно бўлган ўқувчилар эзгуликнинг кучини чуқур ҳис этади, уларда ўзига ишонч пайдо бўлади.

Шу муносабат билан мусиқа ўқитувчиларининг касбий маҳорати ва кўникмасини ошириш, маданият ва санъат тизимидаги олийгоҳларда умумтаълим мактаблари учун мусиқа ўқитувчиларини тайёрлаш зарурлиги таъкидланди.

“Турон” театрининг ижобий тажрибаси асосида мактабларда “Иқтидор” ҳаваскорлар бадиий жамоаларини ташкил қилиш муҳимлиги айтилди.

Бу жамоаларга мусиқа ўқитувчилари раҳбарлик қилади. Мусиқа мактаблари эса жойларда таянч мактаби сифатида иш олиб боради.

Facebook|Instagram|X

Ўзбекистон техник жиҳатдан тартибга солиш агентлиги | Расмий канал

30 сентября 2024 12:22

Бу йил 14 та мактабда педагог касбига қизиққан 10-11-синф ўқувчилари учун алоҳида синфлар ташкил этилди.

Келгуси ўқув йилидан яна 60 та мактабда, жумладан, 10 та ихтисослашган мактабда бу тажриба жорий қилинади.

Келажакда ушбу синфларни тамомлаган ўқувчилар шу йўналишдаги олийгоҳларга кирса, уларга 2-курсдан мактабга бориб касбий маҳоратини ошириши учун имконият яратилади. Алоҳида қобилиятга эга талабаларга дарс ўтгани учун ойлик ҳам тўланади.

Президентимиз педагогика йўналишидаги олийгоҳларда таҳсил олаётган иқтидорли талабалар учун Абдулла Авлоний номидаги стипендияни ташкил этишни таклиф қилди.

Facebook|Instagram|X

Ўзбекистон техник жиҳатдан тартибга солиш агентлиги | Расмий канал

30 сентября 2024 12:22

Мактабгача, умумий ўрта, ўрта-махсус, олий таълим ва малака ошириш тизимида ягона узвий занжирни йўлга қўйиш учун педагогик таълим кластерлари ташкил этилади.

Кластер тажриба-синов тариқасида дастлаб Андижон ва Бухоро шаҳарларидаги педагогика коллежларида барпо этилади ва ҳудудлардаги педагогика институтлари бошқарувида бўлади.

Андижон ва Бухоро педагогика институтлари бунга бюджетдан ташқари маблағлари ҳисобидан 25 миллиард сўмдан ажратади.

Facebook|Instagram|X

Ўзбекистон техник жиҳатдан тартибга солиш агентлиги | Расмий канал

30 сентября 2024 12:22

Хусусий боғчалар каби 6 минг 800 та давлат боғчаларида ҳам давомат, тўловлар, озиқ-овқат харажатларини шакллантириш тўлиқ рақамлаштирилади.

Дастлабки ҳисоб-китобларга кўра, шу тариқа йилига 10 фоиз маблағ тежалади.

Иқтисод қилинган пуллар “Таълимни ривожлантириш” жамғармасига йўналтирилиб, мактабларнинг моддий-техник базасини яхшилаш ва маҳоратли ўқитувчиларни рағбатлантиришга сарфланади.

Facebook|Instagram|X

Ўзбекистон техник жиҳатдан тартибга солиш агентлиги | Расмий канал

30 сентября 2024 12:22

Аҳоли ўсиши туфайли йилига мактабларда – 120 мингта, боғчаларда – 30 мингта қўшимча ўринга талаб юзага келмоқда.

Келгуси йили бюджетдан ажратиладиган 3 триллион 200 миллиард сўм ҳисобидан 375 та мактаб ва 97 та боғча реконструкция қилинади ва янгилари барпо этилади.

Бундан ташқари, Ислом тараққиёт банки ва ОПЕК жамғармасининг 50 миллион доллар маблағи доирасида келгуси 4 йилда 200 та хусусий боғча қурилиб, янги 30 мингта ўрин яратилади.

Янги йилдан бошлаб хусусий секторда ўқувчи ўринларини кўпайтириш учун мактаб очадиган тадбиркорларга 20 миллиард сўмгача кредит ажратилади. Кредит фоизининг асосий ставкадан 1,5 баробар ошган қисми бюджетдан қопланади.

Шунингдек, янги қуриладиган хусусий мактаб бинолари учун коммунал харажатларнинг 50 фоизи 5 йил муддатгача бюджетдан тўлаб берилади.

Тадбиркорлар ўз ҳисобидан мактаб қурса, унга кетган харажатлар фойда солиғидан икки йил давомида тенг улушларда чегириб ташланади.

Facebook|Instagram|X

Ўзбекистон техник жиҳатдан тартибга солиш агентлиги | Расмий канал

30 сентября 2024 12:22

Муаллимларни қўллаб-қувватлаш, уларнинг меҳнатини муносиб рағбатлантириш албатта давом эттирилиши таъкидланди.

Келгуси ўқув йилидан халқаро стандартлар асосида малака сертификатини бериш йўлга қўйилади.

Синовларда 86 ва ундан юқори балл олган педагоглар қўшимча 70 фоиз устама олади.

Мисол учун, олий тоифали биология ўқитувчиси ўз фани бўйича халқаро сертификати бўлса – 50 фоиз, директор жамғармасидан 40 фоизгача ва янги талабга жавоб берса, яна 70 фоиз устама олади.

Шу тариқа унинг умумий ойлик маоши 4 миллион 500 минг сўмдан 12 миллион сўмга етади.

Ўқитувчилар учун 1 минг доллар маош бугун реал ҳодисага айланиб бораётганини шу мисолда яққол кўриш мумкин.

Facebook|Instagram|X

Ўзбекистон техник жиҳатдан тартибга солиш агентлиги | Расмий канал

30 сентября 2024 12:22

“Бугунги очиқ мулоқотимиз салкам бир асрлик тарихга эга бўлган Абдулла Авлоний номидаги малака ошириш институтида ўтаётгани албатта бежиз эмас.

Мен йиғилишдан олдин ҳозирги кунда мутлақо янгича қиёфага эга бўлган институтда яратилган шароитлар, ўқитувчилар малакасини ошириш бўйича янги тизим тақдимоти билан танишдим.

Бундан буён таълим сифатини янги босқичга кўтариш учун ишни 7 та йўналишда ташкил этамиз”,

Ўзбекистон техник жиҳатдан тартибга солиш агентлиги | Расмий канал

30 сентября 2024 12:22

Мамлакатимизда иқтидорли ёшларни селекция йўли билан танлаб олиш бўйича илгари бўлмаган янги тизим йўлга қўйилди.

Натижада бу йилнинг ўзида халқаро фан олимпиадаларида ўқувчиларимиз 122 та медални қўлга киритди.

Мактаб битирувчиларини олий таълимга қамраб олиш даражаси сўнгги 7 йилда 4 карра ошди.

Бу йил 310 минг нафар ўғил-қизларимиз олийгоҳ талабалари бўлди. Ана шу ёшларнинг қарийб ярми қизлардир.

Бундай натижа илгари ҳеч қачон бўлмаган.

Facebook|Instagram|X

Ўзбекистон техник жиҳатдан тартибга солиш агентлиги | Расмий канал

30 сентября 2024 12:22

Ўтган даврда илгари эътибордан четда қолган йўналишлар, хусусан, педагогик таълимга, унинг илмий, назарий ва амалий асосларига эътибор кучайтирилди.

Кадрлар етишмовчилигини бартараф этиш учун олийгоҳларда сиртқи таълим шакли тикланди.

Ўқитувчиларга маҳорати ва эришган ютуқларига қараб тўланадиган устамалар сони 3 тадан 17 тага оширилди.

Ўз устида астойдил ишлаган, хорижий сертификат олган 6 минг ўқитувчи 10 миллион сўмдан зиёд маош олмоқда. 2020 йилда бундай ўқитувчилар 102 нафар бўлган.

Албатта, бу ҳали етарли эмаслиги, лекин ушбу рақам кейинги икки йилда 5,3 баробар ошгани таъкидланди.

Facebook|Instagram|X

Ўзбекистон техник жиҳатдан тартибга солиш агентлиги | Расмий канал

30 сентября 2024 12:22

Давлатимиз раҳбари соҳада амалга оширилаётган катта ишлар борасида баъзи мисолларни келтирди.

Ўтган 7 йилда таълимни ривожлантиришга жами 216 триллион сўм маблағ йўналтирилди. Моддий-техник базани мустаҳкамлаш учун бюджетдан 19,5 триллион сўм сарфланиб, 6 мингта давлат мактаби ва 3,5 мингта боғча реконструкция қилинди ва янгидан қурилди.

Хусусий таълимга кенг имкониятлар яратилаётгани туфайли хусусий мактаблар сони 27 тадан 500 тага етди, нодавлат боғчалар 250 тадан 30 мингтага кўпайди.

Бу моддий ресурслар биринчи навбатда интеллектуал-маънавий ресурслар билан тўлдирилиши кераклиги, шундагина таълимда сифат, самара бўлиши таъкидланди.

Интеллектуал-маънавий ресурслар – бу аввало ўқитувчининг билим ва тажрибаси, маҳорати, унинг маданий даражаси, маънавий савияси деганидир.

Facebook|Instagram|X

Ўзбекистон техник жиҳатдан тартибга солиш агентлиги | Расмий канал

20 сентября 2024 20:28

"ACWA Power" kompaniyasi vakillari bilan uchrashuv o‘tkazildi

O‘zbekiston texnik jihatdan tartibga solish agentligi direktori Akmal Jumanazarov hamda "ACWA Power" kompaniyasi loyiha menejeri Omer Sarud o‘rtasida uchrashuv bo‘lib o‘tdi.

Ўзбекистон техник жиҳатдан тартибга солиш агентлиги | Расмий канал

20 сентября 2024 20:28

Hududlardagi sanoat korxonalarining muammolari o‘rganildi

O‘zbekiston texnik jihatdan tartibga solish agentligi masʼul xodimlari hududlardagi sanoat ishlab chiqarish korxonalarida sohaga doir masalalar yuzasidan o‘rganish olib bordi.

Farg‘ona va Andijon viloyatlarida faoliyat yurituvchi "Indorama Kokand" xususiy korxonasi, "Posco International Textile" va "Khantex Group" masʼuliyati cheklangan jamiyati hamda "Andijonkabel" qo‘shma korxonasida o‘tkazilgan o‘rganishlar davomida aniqlangan muammo va kamchiliklarni bartaraf etish yuzasidan tegishli masʼullarga zarur tavsiyalar berildi.

Bundan tashqari, korxonalar vakillari bilan o‘tgan uchrashuvlar davomida xalqaro standartlarni joriy etish, muvofiqlikni baholash hamda mahsulotlarni eksportga yo‘naltirish masalalarida amaliy yordam ko‘rsatish va doimiy hamkorlikni kengaytirish borasida kelishuvga erishildi.

Ўзбекистон техник жиҳатдан тартибга солиш агентлиги | Расмий канал

20 сентября 2024 12:11

🔴#live #matbuot_anjumani

Ayni daqiqalarda O‘zbekiston milliy matbuot markazida O‘zbekiston texnik jihatdan tartibga solish agentligi tizimidagi Oʻzbekiston ilmiy-sinov va sifat nazorati markazining matbuot anjumani boshlandi.

"Sifat infratuzilmasini yaxshilashda sinov laboratoriyalarining o‘rni va muvofiqlikni baholash sohasidagi yangiliklar" mavzusidagi mazkur matbuot anjumanini quyidagi havola orqali to‘g‘ridan-to‘g‘ri tomosha qilishingiz mumkin!

Ўзбекистон техник жиҳатдан тартибга солиш агентлиги | Расмий канал

19 сентября 2024 14:05

https://youtu.be/FoYHhAv4qv0?si

Ўзбекистон техник жиҳатдан тартибга солиш агентлиги | Расмий канал

30 сентября 2024 12:22

Президентимиз яна бир муҳим масалага эътибор қаратди:

“Сиз, ҳурматли устозлар мактаб ўқувчиларидан “Мен қандай касб эгаси бўлмоқчиман?” деган мавзуда иншолар, ёзма ишлар оласизлар. Лекин, ўқувчилар ёзган ана шу ишлар таҳлили билан кимдир шуғулланяптими?

Республика ва вилоят кесимида фарзандларимиз қайси касбларни энг кўп танлашмоқда?

Энг муҳими, болаларимиз танлаётган касбларга келажакда меҳнат бозорида талаб бўладими ўзи?”

Ўзбекистон техник жиҳатдан тартибга солиш агентлиги | Расмий канал

30 сентября 2024 12:22

Сифатли таълимнинг ажралмас қисми бўлган тарбия ва одоб-ахлоқ жараёнлари замонавий ёндашув асосида йўлга қўйилади.

Шу мақсадда Қори Ниёзий номидаги Тарбия педагогикаси миллий институти янгидан ташкил этилди.

Ушбу институтнинг тарбия соҳасидаги миллий анъаналарни ўрганиш, тиклаш ва замонавий маънавий-ахлоқий тарбия тизимини жорий қилиш йўналишидаги фаолиятини янада кучайтириш зарурлиги қайд этилди.

Ёшларимизда ғоявий иммунитетни шакллантиришда катталар ҳам ижтимоий тармоқларда фаол бўлиши, болаларимизга ижобий таъсир кўрсатишлари кераклиги таъкидланди.

Мутасаддиларга ота-оналар, ўқитувчилар ва ўқувчилар учун тарбияга оид рақамли контент яратиш топширилди.

Ушбу контент “Миллий тарбия” электрон платформасига ва етакчи ижтимоий тармоқларга жойлаштирилиб, доимо янгилаб борилади.

Facebook|Instagram|X

Ўзбекистон техник жиҳатдан тартибга солиш агентлиги | Расмий канал

30 сентября 2024 12:22

Иқтидорли ёшларни селекция қилиш тизими янги босқичга олиб чиқилади. Бунинг учун халқаро даражада фан олимпиадаларига тайёрлаш маркази ташкил этилади.

Рағбатлантириладиган халқаро фан олимпиадалари сони 18 тадан 22 тага етказилади.

Бунда нуфузли халқаро олимпиадада олтин медаль олган ўқувчига – 170 миллион сўм, кумуш медалга – 102 миллион сўм, бронза медаль учун – 68 миллион сўм мукофот пули берилади.

Шу билан бирга, ана шу ўқувчиларнинг ўқитувчилари 50 миллиондан 150 миллион сўмгача мукофотланиб, уларга бир йилда 100 фоизлик устама олиш имкони яратилади.

Илк бор халқаро фан олимпиадаларида ғолиб бўлган ўқувчилар жамоаси раҳбарларини ҳам рағбатлантириш тизими йўлга қўйилади.

Халқаро фан олимпиадаларида ғолиб бўлган фарзандларимизни тантанали кутиб олиб, уларни ҳам қаҳрамонлар сифатида эъзозлаб, халқимизга танитиш зарурлиги таъкидланди.

Facebook|Instagram|X

Ўзбекистон техник жиҳатдан тартибга солиш агентлиги | Расмий канал

30 сентября 2024 12:22

Президент мактаблари ва ихтисослашган мактаблар тажрибаси оммалаштирилади.

Ушбу йўналишда яна 1 мингта умумтаълим муассасасида Президент мактаблари ва ихтисослашган мактаблардаги баҳолаш тизимини жорий этиш бошланди.

Лекин, уларнинг 300 тасида моддий-техник база талабга мутлақо жавоб бермайди.

Туман ва шаҳар ҳокимларига ҳар ҳафтада мактаблардан хабар олиш, камчиликларни бартараф этиш, муаллимлар билан яқиндан суҳбат қуриб, мавжуд муаммоларни ҳал этиш ишларини кучайтириш топширилди.

Вилоят, туман ва шаҳар ҳокимлари олдига янги баҳолаш тизими татбиқ қилинаётган, лекин таъмирга муҳтож 300 та мактабни жорий таъмирлаш ва жиҳозлаш ишларини олти ой муддатда якунлаш вазифаси қўйилди.

Бундан буён ҳудудларнинг биринчи раҳбарлари фаолиятига баҳо беришда таълимнинг сифати, мактаблардаги шароит, ўқитувчиларнинг қадр-қиммати асосий мезонлардан бири бўлиши белгиланди.

Facebook|Instagram|X

Ўзбекистон техник жиҳатдан тартибга солиш агентлиги | Расмий канал

30 сентября 2024 12:22

Таълимда сифат ва рақобатни таъминлаш учун рақамлаштириш даражаси оширилади.

Ўтган 5 йилда 13 минг 500 дан ортиқ компьютер синф хоналари 200 мингта замонавий компьютер билан таъминланди. Келгуси йил яна 2 мингдан зиёд компьютер синфлари янгиланади, бунга бюджетдан 400 миллиард сўм берилади.

Ана шу компьютерларга электрон таълим контентлари юкланиб, болалар учун мустақил таълим олиш имконияти ошади.

Ўқувчилар мурракаб концепцияларни осон ўзлаштириши учун аниқ ва табиий фанлар бўйича виртуал лабораториялар ташкил этилади. Янги ўқув йилидан бошлаб бундай лабораториялар ҳар бир вилоятда 10 тадан мактабда ташкил этилади.

Шунингдек, мактаб тизимида ўқитувчи ўз имконияти ва ютуқларини, янги ишланмаларини эълон қилиши учун ягона онлайн платформа яратилади.

Facebook|Instagram|X

Ўзбекистон техник жиҳатдан тартибга солиш агентлиги | Расмий канал

30 сентября 2024 12:22

Касаба уюшмалари федерацияси кенгаши ҳар йили соғлиғини тиклаш учун санаторий ва дам олиш масканларига юбориладиган ўқитувчилар сонини 2 баробар оширса, мақсадга мувофиқ бўлиши қайд этилди.

Ректорлар ҳам олийгоҳларни ривожлантириш жамғармаси ҳисобидан профессор-ўқитувчилар учун сиҳатгоҳ йўлланмалари сонини 50 фоизга оширишлари лозимлиги кўрсатиб ўтилди.

Бир йил олдин мактаб директорларини ўқитиш тизими жорий этилган эди. Бугунги кунда улардан 1 минг 206 нафари менежерлик сертификатига эга бўлди. Ҳозир ана шу директорларга устама берилмоқда.

Энди бу амалиёт 2025 йил 1 сентябрдан боғча мудираларига ҳам татбиқ этилади ва уларга ҳар ойда 30 фоизгача қўшимча устама тўланади.

Мактаб директори, унинг бошқарувчилик маҳорати ҳақида муҳим қўлланма бўладиган китоблар йўқлиги қайд этилиб, тегишли мутахассисларни жалб этган ҳолда мактаб директорлари ҳақида ана шундай китоб тайёрланса, айни муддао бўлиши таъкидланди.

Facebook|Instagram|X

Ўзбекистон техник жиҳатдан тартибга солиш агентлиги | Расмий канал

30 сентября 2024 12:22

Абдулла Авлоний номидаги институт педагогларда касб маҳоратини оширишга масъул бўлиши белгиланди.

Институтнинг 12 та ҳудудий марказини замонавий қиёфага келтириш ва жиҳозлаш учун яқин 3 йилда бюджетдан ҳар йили 50 миллиард сўм ажратилади.

Ҳокимларга жойлардаги барча малака ошириш марказларини замонавий қиёфага келтириш топширилди.

Малака оширишда вазирлик, малака ошириш маркази, мактаб ва боғчани боғлайдиган вертикал тизим йўлга қўйилади.

Бундан ташқари, жойларда 1 минг 300 та таянч мактаб ва 200 та боғча танлаб олиниб, улардаги етакчи ўқитувчилар ёш педагоглар учун “Касбий ривожланиш куни” ва “Касбий ривожланиш соати”ни ташкил этади.

Бунинг учун етакчи ўқитувчиларнинг иш ҳақига 20 фоиз устама қўшилади.

Facebook|Instagram|X

Ўзбекистон техник жиҳатдан тартибга солиш агентлиги | Расмий канал

30 сентября 2024 12:22

“Яна бир бор айтаман: қанча ислоҳот қилмайлик, биринчи навбатда ўқитувчининг билими ва касб маҳоратини оширмас эканмиз, сифатли таълимни таъминлай олмаймиз”,

Ўзбекистон техник жиҳатдан тартибга солиш агентлиги | Расмий канал

30 сентября 2024 12:22

Ўтган 5 йилда мактаб таълимида, таъбир жоиз бўлса, локомотив вазифасини бажарадиган 14 та Президент мактаби, 9 та ижод мактаби фаолияти йўлга қўйилди.

Ана шу мактаблар дастурлари асосида табиий ва аниқ фанлар бўйича замонавий дарсликлар яратилмоқда.

Энг муҳими, бу мактаблар аниқ самара бера бошлади. Ушбу мактабларни битирган 100 нафар йигит-қиз дунёнинг ТОП-100 олийгоҳларида таҳсил олмоқда.

Президент мактабларидаги баҳолаш тизими ҳозир 500 та умумтаълим мактабида қўлланмоқда. Баҳолашни самарали йўлга қўйган 66 та мактаб жамоасига 40 фоизгача устама тўланмоқда.

Facebook|Instagram|X

Ўзбекистон техник жиҳатдан тартибга солиш агентлиги | Расмий канал

30 сентября 2024 12:22

Албатта, бундай уйғунликка эришиш осон эмас. Бунинг учун катта-катта маблағлардан ташқари улкан инсоний ресурс, билим ва тажриба, кадрлар салоҳияти, энг муҳими, ўқитувчиларнинг ватанпарварлик фазилатлари талаб этилади.

Айни вақтда, бугунги кунда таълим соҳасида стратегик тафаккур зарур. Бу нима дегани?

Бу ўн-ўн беш йил олдинни кўриб, таълим масканларини фақат бугунги кун учун эмас, келажак учун ишлайдиган даражага кўтариш дегани.

Чунки таълимда, маърифатда орқада қолганлар – ҳеч шубҳасиз, тараққиётда ҳам орқада қолади. Бу – тарихда исботланган ҳақиқат.

“Ҳар бир ўқитувчи ва мураббий, боғча мудираси, мактаб директори маълум маънода стратег бўлиши зарур.

Улар аввало эл-юрт тақдири ва келажагини ҳал қиладиган улуғ мақсадлар йўлида хизмат қилаётганларини чуқур англаб етишлари ва шу асосда ҳаракат қилишлари лозим”,

Ўзбекистон техник жиҳатдан тартибга солиш агентлиги | Расмий канал

21 сентября 2024 10:25

Xalqaro sertifikat ega bo‘lgan "MEP Group" kompaniyasi faoliyati bilan tanishildi

Oʻzbekiston texnik jihatdan tartibga solish agentligi direktori Akmal Jumanazarov "MEP Group" guruh kompaniyalari tarkibiga kiruvchi sanoat polimerlari asosida yong‘inga chidamli maxsus mikro va nanokompozitsiya materiallari ishlab chiqarish korxonalari faoliyati bilan tanishdi.

Ўзбекистон техник жиҳатдан тартибга солиш агентлиги | Расмий канал

20 сентября 2024 20:28

Xitoyning "China Datang Overseas Investment" kompaniyasi vakillari bilan uchrashuv bo‘lib o‘tdi

O‘zbekiston texnik jihatdan tartibga solish agentligi direktori Akmal Jumanazarov, O‘zbekiston Respublikasi Energetika vaziri Jo‘rabek Mirzamahmudov hamda Xitoyning "China Datang Overseas Investment" kompaniyasi raisi Zou Ley boshchiligidagi delegatsiya vakillari o‘rtasida uchrashuv o‘tkazildi.

Ўзбекистон техник жиҳатдан тартибга солиш агентлиги | Расмий канал

20 сентября 2024 16:04

https://yuz.uz/news/tadbirkorlar--bilan-uchrashuvlar-davom-etmoqda

Ўзбекистон техник жиҳатдан тартибга солиш агентлиги | Расмий канал

20 сентября 2024 09:06

https://youtu.be/AlOs0nc0wSk

Ўзбекистон техник жиҳатдан тартибга солиш агентлиги | Расмий канал

19 сентября 2024 14:05

Sinov laboratoriyalarning eksportdagi o‘rni

O‘zbekiston texnik jihatdan tartibga solish agentligi huzuridagi O‘zbekiston ilmiy-sinov va sifat nazorati markazi Samarqand filialida oziq-ovqat va qishloq xo‘jaligi mahsulotlarini sinash bo‘yicha tashkil etilgan sinov laboratoriyasini eksportyor korxonalarga tanishtirish maqsadida "Sinov laboratoriyalarning eksportdagi o‘rni" mavzusida navbatdagi ochiq eshiklar kuni o‘tkazildi.

Jarayon davomida zamonaviy sinov laboratoriyasi faoliyati, imkoniyati va salohiyati hamda sinov uskunalarning sinash aniqligi tadbirkorlik subyektlarida yuqori qiziqish uyg‘otdi. Bevosita sinov jarayonlarida ishtirok etish imkoniyatiga ega bo‘lgan korxonalar vakillarini qiziqtirgan savollarga mutaxassislar tomonidan batafsil javob qaytarildi.