Telegram-канал uzlidep - O'zLiDeP | УзЛиДеП | UzLiDeP: Неотсортированное

O'zLiDeP | УзЛиДеП | UzLiDeP

30 августа 2025 13:48

☑️ Янги Ўзбекистон – янги марралар сари дадил қадамлар

Президентимиз “Янги Ўзбекистон” боғидаги байрам тадбирида иштирок этиб, нутқ сўзлади. Давлатимиз раҳбари нутқида мамлакат тараққиётининг устувор йўналишларини яна бир бор аниқ белгилаб берди. Мазкур байрам тадбирида мен ҳам қатнашдим.

Давлат раҳбари сўзининг аввалида кўп миллатли халқимизни Истиқлол байрами билан муборакбод этиб, мустақиллик йилларида қўлга киритилган имкониятлар, эркинлик ва ислоҳотлар ҳар бир фуқаронинг ҳаётида мустаҳкам жой олганини таъкидлади. “Учинчи Ренессанс” ғояси асосида миллий тараққиёт моделининг янги босқичга кўтарилганини алоҳида эътироф этди.

Мамлакатимизнинг асосий бўғини бўлган иқтисодиётдаги барқарор ўсиш ва тадбиркорликни ривожлантириш йўналишида қатор ютуқларга эришилди. Кейинги саккиз йилда ЯИМ 2 баробарга ошди, 130 миллиард долларлик хорижий инвестиция жалб этилди, 10 миллиондан зиёд фуқаро тадбиркорлик соҳасида банд бўлаётганини ислоҳотлар самараси сифатида қайд этиш мумкин.

Шунингдек, “яшил” энергетика, экологик барқарорлик ва замонавий инфратузилма борасида амалга оширилаётган ишларни ҳам алоҳида таъкидлаш жоиз. “Яшил макон” лойиҳаси, энергия манбаларини диверсификация қилиш, “яшил шаҳар” концепциясини кенг жорий этиш – барчаси келажак авлодга соғлом ва гўзал Ватан қолдиришга қаратилган улкан вазифалардир.

Ижтимоий адолат, таълим ва соғлиқни сақлаш соҳасидаги ислоҳотлар ҳам нутқда муҳим ўрин тутди. Президентимиз таъкидлаганидек, сўнгги йилларда ижтимоий ҳимоя тизими тубдан ислоҳ қилинди, олий таълим қамрови 42 фоизга етди, тиббиёт хизматлари вилоят ва туманларгача туширилди. Бу жараёнда камбағаллик даражаси 6,8 фоизга туширилиши — энг катта ютуқлардан бири сифатида қайд этилди.

Умуман олганда, давлатимиз раҳбарининг Истиқлол байрами муносабати билан сўзлаган нутқи Янги Ўзбекистонни барпо этишдаги стратегик йўналишлар, изчил ислоҳотлар ва халқ манфаатларига хизмат қилувчи сиёсатнинг ёрқин ифодаси бўлди. “Инсон қадри учун” деган тамойил мамлакат тараққиётининг бош мезонига айлангани, иқтисодиёт, таълим, соғлиқни сақлаш, экологик барқарорлик ва суд-ҳуқуқ соҳаларида амалга оширилаётган ислоҳотлар бугунги ривожланиш сари қўйилаётган дадил қадамлардан далолат беради.

ЎзЛиДеП партияси ушбу ислоҳотларни тўлиқ қўллаб-қувватлайди ва Янги Ўзбекистонни қуришда фаол иштирок этишни ўзининг устувор вазифаси, деб билади. Партиямиз давлатимиз раҳбари томонидан белгилаб берилган хусусий мулк, тадбиркорликни ривожлантириш, камбағалликни қисқартириш, халқаро ҳамкорликни кенгайтириш ҳамда инсон манфаатларига хизмат қилиш борасидаги барча ташаббусларда фаол иштирок этади.

@a_xaitov