1889
إن اللّٰه لا يكسِرُ قلبَ مَن توسل بالزَهراءِ 💔
محملين وضعنــه شـــال عنك
يگلبــي المنِيِّ گـــــوه شالعينك
عمت عيني يخويه شال عينك
السهــم جا بيمن تعاين عليــــه
رائد الناشي
اللهم_عجل_لوليك_الفرج
/channel/tyyuuiiopp
القناة التي قادت الشباب للتشيع و نورت أفكارهم و غيرت آرائهم
✿ /channel/+P-GoLN-sWbBlNmU8
يا قاضي الحاجه اتلگانه
مهمومه انصارك مولانه
،،،،،،،،،،،،،،،،،،،،،،،،،،،،،،،،،،،،،،،،
نداء من العراق وكل البيوت
حسين ابنص گلبنه أوالله ميموت
تكتر يا مرض ما تسمع الصوت
الكافل للحوائج والله منعوت
يا موت الياخذ هالرايه
يا دستود بفرد حچايه
يم دارك وصلت مشايه
يا معنى الدين وعنوانه
مهمومه انصارك مولانه
،،،،،،،،،،،،،،،،،،
يم حسين كلنه نصلي ونزور
ونطوف اعله الضريح بدمعه وندور
عدنه الكافل المعروف دكتور
نتاني ازيارتك يا سيدي اشهور
نرفع زوارك علهامه
موكبنه ايحشم خدامه
مرفوعه چفوف اللطامه
وعباس بجوده اتعنانه
مهمومه انصارك مولانه
،،،،،،،،،،،،،،،،،،
يا باب الحوائج يمك اليوم
ضاگت يابوفاضل گلبي ملچوم
متعني الضريحك وانه محروم
ما ارد اعله بيتي وگلبي مهموم
يمك ما تصعب محلوله
غير انته الكافل معقولة
گلوله انحلت گلوله
كلمن زار الحضره ويانه
مهمومه انصارك مولانه
،،،،،،،،،،،،،،،،،،،،،،
دكتور العليل بحضرته ايطيب
التصعب حالته يمك ولا يخيب
شباب اتعنته وما قصر الشيب
محنيه الظهور وابد متعيب
نمشيلك لو بلعكازه
انته البلمحشر نعتازه
وبلمة ذيچ الجنازه
ومن نوصل يم الدفانه
مهمومه انصارك مولانه
،،،،،،،،،،،،،،
متروسه الشوارع ناسك هواي
يا قبلة الشيعه وصاحب الراي
(نعطش للزياره) شينفع الماي ؟
العراق بشاربك تگضيهه مولاي
معروف وما رد خطاره
وشلون بدمعة زواره
سوي لهاي الوادم چاره
تعبت ما گالت تعبانه
مهمومه انصارك مولانه
،،،،،،،،،،،،،،،،،،،،،،،
نبقه وعلوعد خل يسمع الكون
البگلبه الحسين هناك مامون
يا اوسع سفينه انعوفك شلون
چا المن نموت ؟ وتعمه العيون
بس الكم ربنه مخلينه
جدكم حادينه اوالينه
لا بالمحشر ما ينطينه
بذاك الموقف ما ينسانه
مهمومه انصارك مولانه
كلمات الخادم
رعد الفريجي
هلا بزوار ابن حامي الحمى
------------------------------------------
كل هله تسبگ هله
والعيون امسبله
كل طريق الكربله هلا زوار هلا
والمواكب من تصيح
هلا يا عطر الضريح
يل تواسون الذبيح هلا زوار هلا
يا هلا بيك ،، اخليك ،، على الراس وعلي
زاير حسين ،، ترى حسين ،، غدآ يشفع الي
والدرب مشايه
رايه يم الرايه
والهتاف حچايه ،، هلا زوار
لا يمركم تعب لا حتى الضمى
هلا بزوار ابن حامي الحمى
******
موكب الخدمه اكتمل
وصل زايرنه وصل
ننجمع كلنه اهل هلا زوار هلا
خدمة الزاير شرف
بصره كوت وبالنجف
وصفينه الحله طف هلا زوار هلا
هايه ذي قار ،، الانصار ،، اهل نخوه وعزم
رايه بغداد ،، والاولاد ،، زلم والله زلم
والوجه لتديره
العماره الغيره
ديره تلحگ ديره هلا زوار
يا هلا بانصار حيدر فاطمه
هلا بزوار ابن حامي الحمى
*****
هل زياره الجامعه
صوره من الواقعه
للنفوس الدامعه هلا زوار هلا
تمشي ساق ويمهه ساق
كل مدينه وكل زقاق
والمنازل بالعراق هلا زوار هلا
حتى الگبور ،، تجي اتزور ،، واهلهه اتوجهت
هاي الافواج ،، اجه افراج ،، مگابر هل مشت
هالزحف روحاني
للولي الرباني
القائد الانساني هلا زوار
هذا نور الارض بل نور السمى
هلا بزوار ابن حامي الحمى
******
موعد الملگه قرب
والتعب ماكو تعب
هالوطن بيه العجب هلا زوار هلا
الفقره تكرم بالغني
دامه زاير معتني
هني صاحتله هني هلا زوار هلا
كلهه خدام ،، والاعلام ،، نقل هذا الخبر
عاجل انذاع ،، تره الگاع ،، تغطت بالبشر
والدول مذهوله
هايه ما معقوله
جمله بس مگيوله هلا زوار
هاي الاعداد عظيمه وصادمه
هلا بزوار ابن حامي الحمى
*******
ثوره ابد ما تنتهي
للحسين ابن علي
والارض ارض الولي هلا زوار هلا
واضح اليوم الأمر
هذا يوم من العمر
ثورة الدم تنتصر هلا زوار هلا
نرفع چفوف ،، والصفوف ،، جسور الحضرته
والعدد زاد ،، والاعداد ،، تريد زيارته
اربعين اعجازي
هذا هو انجازي
قدمت ايجازي هلا زوار
اربعين حسين اكبر ملحمه
هلا بزوار ابن حامي الحمى
كلمات الخادم / رعد الفريجي
﷽
📖 دعاء عند الغروب
✨ " اللهم يامن ختمت النبوة بمحمد صلى الله عليه وآله وسلم ،اختم لي يومي هذا بخير وشهري بخير وعامي بخير وعمري بخير إنك على كل شيء قدير"
اللَّهُمَّے صَلِّے عَلْے مُحَمَّدٍ وآلِے مُحَمَّدٍ وعَجِّلْے فَرَجَهُمْے
🕌
صوت السماء.......يافاطمه
نحيي العزاء........يافاطمه
*******
فاطمه اشگد رحمه .....للخلك للعالم
خيري كله بخيرج ..فايض عله الوادم
سولفت ابدموعي...والدمع ظل ساجم
افتخر خليني...... شغلي شغل الخادم
فاطمه رزقيني.........ابكوثرج ترويني
خادم واتباها........يم حسن سجليني
من كربلاء...........يافاطمه
نحيي العزاء.......يافاطمه
*******
ابهل مجالس هايه.... خدمتك خليهه
والخدامه اتفيدك..... تعله بس داريهه
والعلاقه بفاطم .....دمعه اخذ قويهه
والخدمهه الزهره ...شيعي فايز بيهه
عالخلك نتباها...........كل وكت نلگاها
هل مجالس هايه.......فاطمه ترعاها
هذا الولاء........يافاطمه
نحيي العزاء.....يافاطمه
*******
اشگد چبير الخادم...... هايم امخليته
كل وكت تسبيحه ..... فاطمه لطميته
الله صلى عليهه....والوحي وقدسيته
واليحب الزهره .....والله طاهر بيته
عن وحي القراني....حبهه عالم ثاني
والدمع خليته......... للوقف وجداني
عمري بكاء........يافاطمه
نحيي العزاء......يافاطمه
*******
والخدم معروفه.... هيه تعلم بيهم
والتحبه الزهره.... باچر اتجازيهم
تلتقط شيعتهه.... فاطمه اتناديهم
كلتقاط الطيري..... بالحشر تنجيهم
حلوه شغل الخادم.....يفتخر عالوادم
اتعيين بخدمتهه.........عالملاك الدائم
لاهل الكساء......يافاطمه
نحيي العزاء.....يافاطمه
*******
تفخر ابمضمونك .....يالتحب الزهره
يعلى باچر شانك......والصراط اتعبره
الحور كلها اتريدك.....بالحشر منتظره
هذا خادم فاطم........والمقام اشكبره
توگف اعله المحشر.....والخدم تتبشر
والتحبه اتگله..........تگعد بصف قنبر
هذا النداء..........يافاطمه
نحيي العزاء.....يافاطمه
*******
هيه هاي الخدمه .....بيها عالم ثاني
اعترف بجنوني...... منهجي وعنواني
خدمتي محلاها.......من وحي القراني
هوايه ضاجو مني... والله مو علماني
بشغلي منهو ينافس.....اني ماخذ فارس
اتخرجت بالخدمه....استاذي اول عابس
اجمل وفاء...........يافاطمه
نحيي العزاء.........يافاطمه
*******
تمت بعون الله تعالى
الشاعر_يوسف_الفتلاوي
@tyyuuiiopp
شهادة الامام علي بن الحسين (زين العابدين) عليهم السلام
مات مسموماً قضى زين العباد
ابن خير الناس وعـضاً ورشــاد
=======================
انت للــديـن اساساً مـن اقـــام
انت ينبـوع المـعـارف والسلام
أبـن أمـامـاً أب أمـامـاً و أمــام
وشفيع الأمـه فـي يـوم المعاد
=======================
انت يامـن ذل طـغـيان يـزيــد
واهان الملك مغلــول الحـديـد
تقضي مسموماً بأحقاد الوليـد
والمساجد ترتدي ثوب السواد
=======================
ياعلي يا ابـن سـيـد الشـهـداء
يا أبـاة الضـيم يامعنى الفداء
ياسـراج النور قــد قام العزاء
وعلى المسموم نعلن بالحداد
=======================
يا اسير الحرب في يوم الطفوف
وابيـك واحــداً بـين الصـفــوف
كثر الطعن به ضـرب الـسيـوف
وعليلاً قـد دفـن تلك الاجـسـاد
=======================
أعانك الله تُـحـامي عـن عِـيال
حـرمٌ أطفال ما بـيـن الرجــال
كيف حالك سيّـدي ماهـو حال
من خيامه تـشتـعل دون خِمـاد
=======================
✍️عباس مالك آل عفريت
#شهادة_الامام_السجاد_ع
نسألكم الدعاء
@tyyuuiiopp
#شهادة_السجـاد_ع
يا عــلـــي الـســجــاد اللـه يعــيـنــــك
الصار بالطــــف انـت شـفتـــه بعيـنك
===========================
آه يالمـسـمــوم يا زيــــن الـعــــــبــاد
بنـــوح عـمــرك خلّــص بلبس السواد
انت ياديـــن اللـــه يـــــا باب الـمـراد
ادمـــوع خلـصـت الـعــمـــر وسنينك
===========================
مـــن فـعــل ذاك الـولـــيد ابن الزنات
اتموت بالسم تجـــرع امـــرار الحياة
هز وجودك ضعضع اعروش الطـغـاة
يالعمر خلـصـتــه حـــامـي الديـنـــك
===========================
ايــسـاعدك الله اعــلـه عـمـلـة كربله
كــلـهـا جــدامك تطـيـــح امـچــتلـه
شحال ذاك الوحـده ماتــو كل هلــه
نومــه صــارو وحـــدك امخـليــنـك
===========================
بيوم عاشـــر شاهـــدت كــل الجره
گلـبك امصـاب الذبـيــح ايـمـرمــره
كل اخــوتك نامــت بــذاك الـثــــره
وانت بـحــبال العــده امـچـتفيـنك
===========================
انت شفت احسين طايـح عـلتـراب
كثره بيه اجروح من دمـه الخضاب
ايعينك الله شلون تحـمل هلمصاب
الخيل چــدامك تـــدوس احسينك
===========================
يا فـــرار العيله ياحــــرگ الخـيــم
يا سبي النـــســوان زادك بالألـــــم
بين گـــوم انجــاس ماعدهم شيم
وانت وحـدك والعــده محوطينك
===========================
اثر باقي الجامعـه اسلال الحديـد
ابرگبتك مــــولاي وصلـت للوريـد
واحد ومچـتوف ومخــوف يزيـد
حتى وسـط المجـلس امگيدينـك
===========================
✍️عباس مالك آل عفريت
نسألكم الدعاء
@tyyuuiiopp
#ابوذية
يگـلبـي موت المن === ظال متني
الهزل والناس والتل === ظال متني
عگـب عـباس للطگ === ظال متني
هذاه وذاك كيفه ايهد عليه
سجاد ابراهيم الكعبي
#اللهم_عجل_لوليك_الفرج
نزال للامام السجاد عليه السلام
أيعينك الله يامصيبه اتكابر
راسمه ادموعك مصاب العاشر
***
الله الايعينك يزين العابدين
شرد اعد اهموم كلبك وابدي وين
يا مصيبة كربله وفكد الحسين
هذا هم المثله ابد ماصاير
***
لا جره هذا المصاب ولا يصير
هسه گلنه المعركه شان الجبير
شفت سهم النايبه ايصيب الزغير
اتصوب ابنحره وابوه الحاير
***
مارجع كافل الحره اعله النهر
وياهو يوصله ويكله بهل خبر
حسين ظل اخلافك ايدير النظر
جيش خصمك عالمخيم داير
***
ياصاب المثله مايحصل مصاب
مو عرس للموت زفيتو الشباب
طاح جاسم ويالاكبر عالتراب
اشلون من هاي المصيبه اتكابر
***
دارت الخياله برماح وسيوف
عجه بالطف والي يمك ماتشوف
ثاري الحسين الهوه ابين الالوف
والسهم من صدره فات وعابر
***
طاح والجيش ركضت سحكته
وناس تركض وصلت الحد خيمته
ياهو مثلك هيج صارت محنته
لاكبل لا حصل هسه وباجر
***
شفت مصحف طاح ودوسه الخيول
رايحه وترجع على حسين وتجول
يامصيبه اتحير من عدهه العقول
حسين ماظل شبر منه العامر
***
ماكو من جسمه تعدوه وسلم
وخيلهم تسحك وابو اليمه انشتم
سحكته وتركض اوصلت للخيم
وريت ابو الغيره الكفلكم حاضر
.......................
خادم اهل البيت علي الزرگاني
@tyyuuiiopp
رقية بالخرابة تصيح عمه
مشتاكة لبوي وارد اشمه
وينه الدللاني. اصيح ومااجاني
اريد اشكي الهظم والضيم يمه
مشتاكة لبوي وارد اشمه
&&&&&&&&&&&&&_
مشتاكة اشم عطر المحنه
واشكيله الهظم واسدر الونه
يردلي الغالي لو اكطع الضنه
نسه بته ابوي حسين جنه
ضالم يازماني. اصيح ومااجاني
دنية خلاف عينه بعيني ضلمه
مشتاكة لبوي وارد اشمه
&&&&&&&&&&&&_
ابوي الجان ميفارك خيالي
فاركني وصفيت بلايه والي
بعد شيعودها ذيج الليالي
ياوسفه انفكد عزي ودلالي
شو جنه نساني. اصيح ومااجاني
صوبني الوكت وشكلفه سهمه
مشتاكة لبوي وارد اشمه &&&&&&&&&&&&&&&_
عمه شلون خلاني غريبة
صعبه اعله المحب يفكد حبيبة
اعتب والعتب بلكت يجيبة
وكلبي يهيد ويبطل نحيبة
ملهوفه واتاني. اصيح ومااجاني
فراكة اعله الكلب ياعمه لجمة
مشتاكة لبوي وارد اشمه
&&&&&&&&&&&&&&_
تهل دموعي وكت المغربية
اريدن والدي ينشد علية
عزيزة كلبة عمه انه رقية
ماظنه نساني وكطع بية
عزيزة كلبة اني. اصيح ومااجاني
عونه العده ابو يشرك بهمه
مشتاكة لبوي وارد اشمه
&&&&&&&&&&&&&&_
عازات الأبو ياعمه عازة
مكسور الكلب فاكد اعزازة
شماله اعلى الولي دهري توازة
حالي بغيبته حال الجنازة
فراكة عذباني. اصيح ومااجاني
عذبني الوكت طشر اللمه
مشتاكة لبوي وارد اشمه
خادمة الزهراء
الشاعرة هالي نور
@tyyuuiiopp
قصيده للامام السجاد ع{مجرحه الايد}يتكلم مع عمته زينب ع اخر لحضات له
❥❥❥❥ـــــــــــــ❁❁ـــــــــــــ❥❥❥❥
مجرحه الايد يعمه مجرحه الايد
من وره الگيد يعمه من وره الگيد
مجرحه وتصب دمه
اه يبت حامي الحمه
مجرحه الايد يعمه مجرحه الايد
من وره الگيد يعمه من وره الگيد
❥❥❥❥ـــــــــــــ❁❁ـــــــــــــ❥❥❥❥
گربت امنيتي يعمه وهاي اخر لحضه الي
تحمليت اهموم كثره وخاصه بموتت هلي
دفنت ابوي حسين بيدي بعده بالدنيه شلي
دافن اعزيز الگلب
افراگ تدرينه صعب
مجرحه الايد يعمه مجرحه الايد
من وره الگيد يعمه من وره الگيد
❥❥❥❥ـــــــــــــ❁❁ـــــــــــــ❥❥❥❥
انه صـح اعليل لاكن ماجره اعليه الجره
انه مجروحات ايديه حسين گطعوا خنصره
مو مثل والينه عــمه ويلي صابوا منحره
كل امصيبه تهون يمه
اه يمصاب ابو اليمه
مجرحه الايد يعمه مجرحه الايد
من وره الگيد يعمه من وره الگيد
❥❥❥❥ـــــــــــــ❁❁ـــــــــــــ❥❥❥❥
مصيبة العاشـر يعمه مامثلها من مصاب
ضل ثلـــث تيام ابوي امدد بدمه خضاب
گتله بويـــه گوم لينه كلي ايطول الغياب
امصابي مايوصل امصابه
الضل عله الغبره بخضابه
مجرحه الايد يعمه مجرحه الايد
من وره الگيد يعمه من وره الگيد
❥❥❥❥ـــــــــــــ❁❁ـــــــــــــ❥❥❥❥
بعد ابوي حسين عمه كثرت اهموم الگلب
بيدي لميته بحصيره وكتله يفراكك صعب
عاتبيــــته اهـــواي عمه لجن مارده العتب
كتله كوم وماسمع
زاد بكليبي الوجع
مجرحه الايد يعمه مجرحه الايد
من وره الگيد يعمه من وره الگيد
❥❥❥❥ـــــــــــــ❁❁ـــــــــــــ❥❥❥❥
سمي يم امصاب ابوي يصير نتفه من الالم
لو اقـــارنلـــــــج يعمه امصاب شيال العلم
همه بسيوف وسهام وكلشي منهم ما سلم
هاي لحضاتي الاخيره
ااه يـــــهمومي جثيره
مجرحه الايد يعمه مجرحه الايد
من وره الگيد يعمه من وره الگيد
❥❥❥❥ـــــــــــــ❁❁ـــــــــــــ❥❥❥❥
#للشاعرة غدير الحساني
@tyyuuiiopp
بدينه احبال شدوهن بدينه
وذباحك يخويه اليحدي بينه
راسك عله الرمح نام
شمر يضرب بالايتام
.................................................
شوغات شكثر بالطف حملنه
يبو الغيره نكطع منكم املنه
سبايه وروسكم تبره الضعنه
هسه وين خويه وين جنه
اميره بجالكم جنت انه اميره
هسه ظايعه وبلا عشيره
هضم مامر بالاحلام
شمر يضرب بالايتام
......................................................................
ينايم عالرمح ماتدري بيهـــــه
زينب يأمر الحادي عليهه
ورقيه من الالم اسمع بجيهه
ماتحمل حبل ترفات اديهه
يجرهه بلا رحم شامت يجرهه
وذا عثرت رجع الهه وسطرهه
الحرس ولحادي ضلام
وشمر يضرب بالايتام
.......................................................... ..............
بعيد الشام دربه وكلش اطويل
واحير بين خدري وبين العليل
علويات عندي وجلجل الليل
ينامن عالثره لو عالمهازيل
يصيحن ياعلي كلهن يصيحن
اخافن تعثر الناكه ويطيحن
الساعه اتمر بالف عام
وشمر يضرب بالايتام
.....................................................................
شفنه الشام خويه معيده ناسه
وشمر ابضعونك توله الحراسه
اخوزينب يصيح وجبنه راسه
هذا لجان قائد بالفراســــــــه
نهضمنه خلاف عيناك نهضمنه
شماته وعاينو ينزل دمعنه
واه ياطبت الشام
وشمر يضرب بالايتام
.................................................................................
نجرحك لو بدينه وياك العتاب
جنت تخفي الجدم حته من التراب
علينه اتصد يكافل هسه لاجناب
وبالديوان ظل طارينه ينجـــــاب
دخلنه شلون للمجلس دخلنه
وجان اليل ماشايف خدرنه
عيون الوادم اسهام
وشمر يضرب بالايتام
..............................................................................
خادم اهل البيت ع
فلاح طالب الماجدي
@tyyuuiiopp
مولاتي غريبه غريبه غريبه
مولاتي سليبه سليبه سليبه
يازينب يازينب
....................................................................
كل اليله بدروب اليسر بت حيدر يهضمونهه
التنشد اديهه بالحبل تكدر تحامي امتــــــونهه
ضربوهه بس مادنكت تشبح الخوهه عيونهه
بهذا العمر يابه الفظل وختك حجي يرامونهه
مولاتي غريبه غريبه غريبه
مولاتي سليبه سليبه سليبه
...............................................................
عباس من جان الحرس تحلف الدنيه بصيتج
يم الخدر وين الخدر بكيف الشمر تاليتـــج
دروب السبي كلهه قهر حسره والم ساكيتج
شما ابجي والطم عالصدر لحضه فلا وفيتج
مولاتي غريبه غريبه غريبه
مولاتي سليبه سليبه سليبه
.............................................................
من كثر ونهه البالدرب حنت النوك عليهه
بت علي هاي مخدره وسفه الشمر يحديهه
يلومون بيانه شكثر جادمعتي مبــــــديـــهه
مقصر احسن بالطم جاعيني ماعاميـــــهه
مولاتي غريبه غريبه غريبه
مولاتي سليبه سليبه سليبه
.........................................................
جانت حجايتهه امر من الكاع يتلكونهه
ياوسفه هسه لوحجت بالسوط ويسكتونهه
مكيده بين الزلم للمجلس يدخلــــــــونهه
هاي الاميره بت علي الخارجه يسمونهه
مولاتي غريبه غريبه غريبه
مولاتي سليبه سليبه سليبه
........................................................................
الديوان تصعب طبته هاه يالغيور عله المره
زينب كاتلهه الهضم يسبون كامو حيــــدره
خل عينك تهل بالدمع وموقف يشيعي تصوره
راوهه ضيم الماحصل جدام سبع الكنطــــره
مولاتي غريبه غريبه غريبه
مولاتي سليبه سليبه سليبه
خادم اهل البيت ع
فلاح طالب الماجدي
@tyyuuiiopp
اخر دللول .. يايمه هليله
بكاروكك انگول يايمه هليله
باجر تروح وما ترد باجر تنام ابلا مهد
عبدالله يبني عبدالله يبني
..................
يمه هاي اليله اخر ليله اليه
وهاي اخر ليله نكعدهه سويه
احسب الباجر واحس اتموت اديه
باجر اگماطك تفجعه الغاضريه
ريت ابعمر نوح يايمه هليله
يالباجر اتروح. يايمه هاليله
باجر سهم يگطع ورد باجر تروح وما ترد
عبدالله يبني عبدالله يبني
........................
يلي محد عندي الايشابه صفاتك
بس ابوك حسين احسبنه بغلاتك
اليله يمي وعينك اتصد الخواتك
ابنضرتك بانت ملامح من مماتك
من نضرتك هاي يايمه هليله
ماتشرب الماي. يايمه هليله
والعمتك زينب تصد باجر تروح وماترد
عبدالله يبني عبدالله يبني
....................
بيش اغطي رگبتك عن النواظر
مو حسد عن السهم واحميهه باجر
مدري ليش ابكربله ارخيصه المناحر
گلبي لاچمني واحس الخفته صاير
باجر دمه وآه يايمه هليله
مذبوح اويلاه. يايمه هليله
تهوه الحضن موللحد. باجر تروح وماترد
عبدالله يبني عبدالله يبني
...............
گطعت المنحر تره تحجيهه عينك
اشما اشيلك مهدك ايجرنه ادينك
تارس البيت الفجر ليش ابونينك
وانته جنت ايگعد الوادم حنينك
متغير الالوان يايمه هليله
وكت البعد حان يايمه هليله
وبحسره يايمه تصد باجر تروح وما ترد
عبدالله يبني. عبدالله يبني
....................
حسين راح ورد علينه بغير وضعه
دمعه تاخد والدك واترده دمعه
رد عليه اگماطك ودمك ينگعه
مات يازينب وليدي هيج اسمعه
صابه السهم حار يايمه هليله
ابعبد الله محتار. يايمه هليله
كاسرني يازينب عبد باجر تروح وما ترد
عبد الله يبني عبدالله يبني
خادم اهل البيت علي الزرگاني
@tyyuuiiopp
بـسم رب الحجة،..🌱
لسـتة للقنوات الـ 3k+ الدینیة..♥️
القـَناة التي قادت الشباب للتشيع:
✿ T.me/ALWILAYA
القـَناة السيد السيستاني دام ظلة
T.me/alsydalsystany
قـَناة الحشد الشعبي:
✿ T.me/Alhashd313313
قـَناة تعليم مقامات:
✿ T.me/sueiirit
قـَناة مدرسة الزهراء عليها السلام:
✿ T.me/WWWASELA33
قـَناة عشاق الفرقدين:
✿ T.me/ALFRKADINLOVERS
قـَناة قناة الولاية:
✿ T.me/ALWILAYA
قـَناة أدعية أهل البيت عليهم السلام:
✿ T.me/Azkar_alulbaiyt
قـَناة حب الحسين اجنني
✿ T.me/maesbih00cm
قـَناة مهدي آل البيت عليهم السلام
✿ T.me/Mahdi_Allbayt
قـَناة ثقافة آل البيت عليهم السلام
✿ T.me/Thaqaft_alulbayt
قـَناة عشاق ابا الفضل العباس
✿ T.me/jikojikp
قـَناة القصائد الحسينيه
✿ T.me/tyyuuiiopp
قـَناة عبرة وعظة
✿ T.me/Ebra_w_Eza
قـَناة أحباب أم البنين والعترة المحمدية
✿ T.me/NoorAlHussein313
للاشــتراك في السـتة📱
🔜 /channel/KARBALLE_313
#تثبيت اللستة «ساعة» وعدم الالتزام يؤدي الى حذف القناة
حيدر يا علي حيدر يا علي
*******
طبينه موكب للعشگ لحسين طبينه
هاي اربعينية وطن والدم صرخ بينه
يا كلشي يابو علي يا لقائد الاوحد
تلگانه ما نحمل بعد غير انته والينه
بچينه حچينه والجدم لمن نوى
هوانه عزانه يا اعز من الهوى
معانه دوانه بالحشر والله سوى
حيدر يا علي حيدر يا علي
***
الله عطرچ كربله يا تربة الوالي
والعين ما تسوى اذا ما شافت الغالي
المن بعد هوه النظر والروح والعالم
هاي الزياره من العمر بس هيه تحلالي
زياره مناره سوالف من عشگ
وصلنه دخلنه والحلم صاير صدگ
ينبضي يفرضي بعيد أوتنشبگ
حيدر يا علي ،، حيدر يا علي
******
كل الدول تمشي الك يا حضرة الواهب
زوار عبرت كل عدد والماشي والراكب
من السمى املاك وخدم مشايه ويانه
ما ظل أمير ولا عبد صاحب شبگ صاحب
سويه قضيه عبرت حدود الفتن
جماعه قناعه وانت يحسين الوطن
يباقي يساقي حتى ما بعد الزمن
حيدر يا علي ،، حيدر يا علي
*******
ما تنحسب فوگ العدد زوارك وناسك
مقياس ما بعد العقل يحسين مقياسك
كل خطوه جنه ومغفره ومعروف تاليهه
يا مالك احساس البشر من فدوه لاحساسك
ربحنه بتجاره بيهه بس فوز وربح
ولايه حمايه لا ظلام ويه الصبح
كتبنه هتفنه منتصر راس الرمح
حيدر يا علي حيدر يا علي
-----------------------------------
سجلنه من ضمن الخدم مولاي سجلنه
واحسبنه كلشي بحضرتك شتريد تحسبنه
ما عدنه شي يابو علي بس انته وعيونك
هو انتي كلشي وما يهم ما دامك العدنه
يقيني حسيني كربلاء أم الدول
عزائي ولائي مجلس حسين الاهل
حياتي مماتي بالگبر هوه الامل
كلمات الخادم/ رعد الفريجي
نعي...للسجاد....
.
أنه الما لامستني اسيوف الطفوف
............ ولا صوب وريدي رشگ السهام
أنه الجمّع قواه وحاول ايگوم
...............لجل نصرة أبوه اوسفه ماگام
ردت خطوات انصر بيهن احسين
................وأرد عن شيبته عباد الاصنام
انه من الخيمه عيني تحسب اجروح
...........شفت مذبح ابويه وطبرت. الهام
توسد عالتراب مخضب اخضاب
............جرح يخبر جرح عن نحر اليّمام
نزف منبع وريده يختلف چان
................نعم من دم ولکن ینزف ایتام
ترس جمر المخيم صدري دخان
............گمت اشهگ هظیمه وعبره وآلآم
شمر يم بابي نادى زينبك وين
.............نريد انشد ادييها بحبل الخيام
گمت انظر رقيه تركض بعيد
.......ونذل يركض وراها وبيده صمصام
برمح يدفع ظهرها وخدها مسطور
...........یتیمه ابحجر ابوها اتمنت اتنام
أنه الصارت فزعتي احفر اگبور
.............ادور بالتراب اچفوف واعظام
دفنت اهلي واخوتي وعمي عباس
.........ورجعت ادفن رقیه بخربة الشام
انه الما أنسه عبرة يوم الدموع
..................شما مر الزمن وتمر الأيام
.
حسن الموالي الفاطمي
/channel/tyyuuiiopp
قصيدة في المسيرة الأربعينية …
ـــــــــــــــــــــــــــــــــــــــــــــــــــــــــــــــــ
مسافات هتافات نردد بمَمــشانه
مَننساك يمظلوم وإنته ما تنسانه
ـــــــــــــــــــــــــــــــــــــــــــــــــــــــــــــــ
يحسين ٱنتخبناك
قـائدنا وتِـــبَعــناك
ماشين بطريقك
إسمك مَرهَم ٱجروح
وارث آدم ونـــــــوح
ما يخسَر رَفيــقَك
نور إنتَ ٱمن الٱصلاب
شِمخَت فوگ الأنسـاب
والعِز ظل لَصيقَك
گبرك قـــبلة أحرار
للباري أصبَحِت ثار
ما يخفى حقيقك
للحتوف بالطفوف مَنحــرَك قُربانه
مَننـساك يمـــظلوم وإنته ما تنسانه
ــــــــــــــــــــــــــــــــــــــــــــــــــــــــــــــــــ
دَمّك حـافِظِ الدِين
وبحُـبّـك مجـانيــن
ساكِن بالضماير
فِكــرَك إلنه منـــهاج
يُبقى بوجه الأمواج
فُلكك بينا ســــــايِر
لَمّن نِحـــمِل آلام
نتذكّر يضــــرغام
بالطف إنتَ صابِر
صرخات المشي تگول
وا ويـلاه يمــــــچتول
تِعصِف بالمشاعر
إجيناك گصدناك والألم بدمــــانه
مَننساك يمــظلوم وإنته ما تنسانه
ـــــــــــــــــــــــــــــــــــــــــــــــــــــــــــــــــــ
حَدّدنا المـسارات
ونردد عبــــــارات
حَيّ ٱعلى الزيارة
عِدنا المُستَحَب صار
واجب يابو الأحــرار
ولو شِفنا المنــــــارة
نُرفع بالمشي الصوت
لَجلَك نِعـــشَگ الموت
ما نخــشى الخســارة
واللي موطنه ٱبعيد
يوصــل گبرك ٱيريد
مو طال ٱنتــــظاره
إلَك سَار على النار شما يجور ٱزمانه
مَننساك يمظلوم وإنته ما تنــسانه
ــــــــــــــــــــــــــــــــــــــــــــــــــــــــــــــ
لــو گالوا مَجــــانين
ذوله بحُب الحسين
هاي أشــرف مَزِيّة
خِــدّام إحنا للموت
فوگ النايبة ٱنفوت
لَجــــلِ ٱبن الزچية
بدمانه الوِفه ٱيدور
لا ما ننـسى عاشور
وَرضِ الغاضرية
وشما مَرّت أجيال
ذكرَك يُبقى بالبال
شيـــعية الهويـــة
ملايين مجانين شيعتك حزنانة
مَننساك يمظلوم وإنته ما تنسانه
ــــــــــــــــــــــــــــــــــــــــــــــــــــــــــــــ
مَمشى ويشبه السيل
چنــهن طــير أبابــيل
خطـوات المـســـيرة
وتغيض اليِعاديك
مشــــاية وتناديك
بالدمعـة الغزيــرة
فدوة ٱتروح الأولاد
لَجلَك يبن الأمـجـاد
وَموال وعَـــــشيرة
بگبرك كِل ظِمَه ٱيروح
تِشــفَى وتُبرَه الجروح
من نِشــــــــتم عَبيــره
بچيناك عَرَفناك للنبـــي ريحانة
مَننساك يمظلوم وإنته ما تنسانه
ـــــــــــــــــــــــــــــــــــــــــــــــــــــــــــــــ
بقلم الأستاذ / ستار عذاب الحچامي
@tyyuuiiopp
قصائد شهادة الامام زين العابدين علي السجاد ع ☝️☝️
Читать полностью…
#شهادة_السجـاد_ع
دموعك يبو الباقر .. من عملة العاشر .. مولاي مولاي
=========================
بثوبك تشم دخـــان الخـيمــه
بعينك شفت نســـوان بهيمــه
بأيدك اثر من سبي وضيـمــه
تخلص حــياتك
رمح وسهم وسيوف ومنـحر
نار وضمه و خيماتك تســعـر
طايح ابــوك ومـحــد يـنـغــر
تخلص حــياتك
من عاشر العاشـــر بچي بـس بالمـدامــع عينك
يلشاهدت كل الجره بطف كربله اعـله حسينك
شعلو خـيـامك نار .. من المـعـسكر دار .. مولاي مولاي
=========================
نايم ابوك وداسه الحـافــر
يالشاهدت ما صار بعـاشـر
والصار ابد مامثله صـايــر
ظل يطلب الماي
محد سگاه احسين بگطره
نزلو عليه وحـــــــزّو نحره
هذا اليرفسه وذاك يجـــرّه
ظل يطلب الماي
يشهك بصوته اعله الترب من الرفس لو عطشان
الف وتسعمية جـــــرح ماسِـلــم بــحـسين امچان
وجروح ابوك اهواي .. عطشان وبلا ماي .. مولاي مولاي
=========================
من خيمه الخيمه اتفر النسوان
اطفال ازغــــار ابنـص النيران
أه يلعليل بوحـــدك حـــيــران
نــــــار و جــــمــــر
تذكر مصابه تصب دمــعـاتك
طف كربلــه يــزيـد بلوعـاتك
وسط الزلم راحــــــن عماتك
نــــــار و جــــمــــر
نار وجمر والطف غـــدت مابيــه نـاس ترحمك
يمك سبوهن نســوتك وحـسـيـن طايــح يمـك
ياحيرة النسوان .. شردن من النيران .. مولاي مولاي
=========================
باقي الجرح كل عاشر يكبر
لميت ابوك اهــنــاك امطشر
تِـعـثـر تگــوم وترجــع تِعـثر
وكــت الـــدفـــن
تطلب يجيبون الحـصـيـــره
نزلت دموع وحسره چبيره
لا ناصــر ولا مــن عـشـيـره
وكــت الـــدفـــن
وتلم ابوك من الترب وحسين صـــايـر طـــشّـار
من وحـده باقي بكربله والعسكر اعليه مـن دار
وتلمهن اوصالـه .. يامصعب الحالـه .. مولاي مولاي
=========================
✍️عباس مالك العفريت
نسألكم الدعاء
#وقت_الغروب ردد #واطلب حاجتك🤲
-نختم يوم السبت بالتوسل بـ ابا الفضل العباس "▫️" 🤲
#ها_يبو_فاضل أخذها واروح
لو ارجع خايب والدمعه ترس عيني 🏴
تممم نادي #الغوث_ياعباااااس✋🤍
ابوذيات
يـحـادي الـظـعـن ريــض.. ونـه بـيـنـه
سـبـايـه لـربـنـه نـشـكـي.. ولـنـبـيـنـــه
وبـعـد بـفـراگ اهـلـنـــــه.. ونـه بـيـنـه
نــريــد إنـّـوح بـــرض الــغــاضـــريـــه
*---------------*---------------*
بـطـا جـــودك يـخـويـه الـحــرم.. بـتـنـاه
بـعـطـش وبـنـار لـيـل اهـدعـش.. بـتـنـاه
تــمــنـيـتــك تــجــي وتــشــوف.. بـتـنـاه
تـشـيّـب الــــــراس يـاحـالـــة رقـــيـــــــه
*---------------*---------------*
✍خادم الحسين ع
الشاعـر رعـد الجـريخـي
@tyyuuiiopp
ودخن راسه من طب للطف
*
هجم عباس ويرف بيده اللوه
وكامو يطيحون كل ميه سوه
حمل حمله وضاع عالجيش الهوه
وسيفه بالميدان يقره القل هوه
خله الجيش يفر براسه
واكبر قائد بيهم داسه
طبهم مغتاض ها ها
سوه استعراض ها ها
خيال الموت ايسمونه
ضل يذبح بيهم بعيونه
من شد الحيل. ها ها
فحطها الخيل
وما يتلاكه يدرون الحر
*
قائد وكلها تهابه القاده
يستر الله من يزيد اعتاده
مثل جدهم حارين الساده
الجيش تيه من نزل مشراده
خضره وما طاحت جفيته
والخزره اهواي محليته
سبحان الله. ها ها
شوف اشمحلاه. ها ها
فرسان الحومه امبجيها
فوك الشط ضل يسطر بيها
والطف مهوال. ها ها
هوس من صال. ها ها
وكام بسيفه يذبح ويذب
**
حاصرها المشرعه امن اربع جهات
وقتحم عباس كل ماي الفرات
طشر الجيش وسحگ فوگ المشات
صال ابو الغيره وصعدها المصهلات
والحومه اترابه مخليها
جاب الخيمه ويغرف بيها
هذا الوفاي. ها ها
شگ حلگ الماي. ها ها
عباس وغيم بالحومه
كض العسكر من زردوم
شاله وذباه. ها ها
والشط جاباه. ها ها
ويا بعد ايدي كفاهم كف
**
نفض هدمه وشالته الغيره اعله اخوه
عاف كلشي وابد ما عاف ابن ابوه
بساحه الميدان متحزم لكوه
ومن هجم راعي العلم ما واجهوه
وطبوها اليوم العراكه
وحاكاها العباس احياكه
ومن ذب رباط ها ها
عسكرهم شاط. ها ها
كاللهم ما عوف عضيدي
لو ما ندمكم كص ايدي
انه العباس. ها ها
مرفوع الراس ها ها
وهاي اطلابه ما راح اتفض
**
غيم العباس والعسكر شرد
وصاح بالفرسان يا حيدر مدد
اشويه صارو وابو فاصل كله هد
وللحرب كل جاره ما ترهم بعد
طبهم والجربه اعله امتونه
وفنهم عباس ايلاكونه
بيهم من صاح ها ها
اخر صف طاح. ها ها
متونس والشط ذل مايه
وترفرف بجفوفه الرايه
طب راعي الزود ها ها
ما خله جنود. ها ها
وجدم رايه والكال اشرد
****
هوسات
وبيها حروره طبرات ابنك
ومن طب ليها شگ حلگ الطف
وجانو بالرايه يكمطونه
وحطه براسه عباس الشط
**
تمت
تحسين الخفاجي
@tyyuuiiopp
نعي لرقيه ع
عله كيفج يخاله يالتغسلين
خاف جروحها بيدج تلجمين
بهيده وي رقيه من تكلبين
بعدهي زغيره خافنج متدرين
خلي اتغسل وياج النساوين
فوك اجتافه لا لا تمسحين
عليه اثار سوط من الملاعين
وبعدفوك الظهر عدهه نياشين
.....
موعليله يغسالة رقيه موعليله
لجن شافت مصايبنه الثجيله
زغيره ومحنة المرت طويله
تتمنه ابوها يعود ليله
ومن هذا الهظم صارت نحيله
....
الله وياج عمه يارقيه
يالمتي يعمه ابين اديه
شكل لحسين من يعتب عليه
يكلي ليش ماجبتيه اليه
شكله اندفت ابطن الوطيه
........
علي الحاج الصبيحاوي
@tyyuuiiopp
ماكو عرف بيهم
وشلون احاچيهم
تعبن بنات حسين
تعبن بنات حسين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
خاف اگللهم تعبنه
وهمه ضحكو من بچينه
كون عدهم ذره رحمه
احبال ماخلو بدينه
علينه ممنوعه السوالف
ننضرب لو سولفينه
ياطريج الشام دربك
گلي شنهي يسوي بينه
تعبن بنات حسين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الما مشن ساعه بعمرهن
هسه عبرنهه الصحاري
حافيات مچتفيهن
والشمر هيجلي ناري
عثرن ويزمخ عليهن
ياهو الياخذلي ثاري
اتوچه من الضيم گوه
وما ابينله انكساري
تعبن بنات حسين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اه يدرب الشام منك
ياجرح انسه ورزيه
ذكرياتك كلهه لوعه
چنهه گاع الغاضريّه
ولوسكتنه من البواچي
جابو الراس الرقيه
امي ماتت مره وحده
وانه اموت بكل مسيه
تعبن بنات حسين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
چانت ايدي شگد طويله
وگصرت بطيحت اخوتي
من وصلنه الشام گالو
انتي گبل الروس فوتي
الوادم اتصيّح خوارج
واختنگ گمت بسكوتي
شلون احاچيهم واگلهم
وانه ما مسموع صوتي
تعبن بنات حسين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ظلنه ما مشيوف وسفه
ودخلونه بالمجالس
ياهله بضعن الخوارج
ناس صاحت عدهه واهس
جاريه رادو سكينه
وعالسعر وادم تنافس
ضاگ صبري وثار صوتي
ودگّت اجرس الكنائس
تعبن بنات حسين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
من تكلمت ابوقاري
يزيد قصره سكتيته
المنحر الباسه محمد
بسوطك تخضّب لحيته
الماعرف ياهيه زينب
انه بتمن عرفيته
چان هالديوان نايم
وبخطبتي زلزليته
تعبن بنات حسين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
خادم اهل البيت ع
فلاح طالب الماجدي
@tyyuuiiopp
🏴
كلُّ خطوةٍ فيها سطرٌ من عهدٍ لا ينكسر وكلُّ دمعةٍ تُسكَب توقيعُ وفاءٍ لك يا أبا عبد الله
#طريق_الحسين💔🏴
🏴