🖤قناة للقصائد الحسينيه🖤

22 May 2026 20:45

‏رحم الله شخص لا يذكر إلا بالخير اللهم كما رفعت ذكره ومحبته في قلوب عبادك أرفع درجاته في الآخرة اللهم ارحم من كان ضاحك الوجه بشوش المبسم ، اللهم أجعل قبر أبي مثل قلبه فسيح وشرح ، اللهم انه عاش طيب ورحل بطيبته يارب طيب منزلته اللهم ارحمه برحمتك الواسعة.🤲🌸

🖤قناة للقصائد الحسينيه🖤

22 May 2026 20:42

آداء
ملا عدي الربيعي
كلمات
#لبابة_آل_ياسين

🖤قناة للقصائد الحسينيه🖤

22 May 2026 20:41

بجفوني حسرات الدار
وعيوني  تنطر خطار

منتظره  ياروحي  اثنين
بس  الگلب  يم  احسين
*******‌‌‌‌
منتظره  أعزاز  الگلب والروح چنهه بحيره
وفراگهم جدآ صعب  خلوني  وحدي بديره
والعايشه اسهام الغرب والدمعه نفس السيره
يحبابي عيني عالدرب عباس راعي الغيره

لو طارش المنهم جاي
اركض وجيب لهم ماي

حتى  الدمع چن نارين
بس الگلب يم احسين
*******
بجروحي  كابرت  اشكثر  وكتم عذاب البيه
والحسره  بانت  بالوجه  ياروحي كل  ليليه
عشت الصحاري بلهفتي والشوك يم رجليه
بحسين ريت انه التقي يامحلى شوفة ضيه

امنيتي   صارت    بالروح
بس كون اشوف المذبوح

ما غمضت جفن العين
بس الگلب يم احسين
*******
ملت  عيوني  من الهجر منتظره دگت بابي
احباب  عندي  اتغربو   يادنيا  وين احبابي
شيبت  وانه   اعله الجمر ام البنين  اجوابي
ومصاب طفج كربله محبوبي هذا امصابي

ابدموعي  ارسم حنيت
للگعده  والله اشتاگيت

ادري العشك دين بدين
بس الگلب يم احسين
*******
أيسته  گلبي ما يجي  محبوبي  فوك الغبره
گالولي مر اعله النهر  عالشاطي كسرو ظهره
ياهو اليطيب الخاطره والحافر بنص صدره
للخيمه جابت چم ظلع  والخيل صارت عشره

ريت  انذبح انه وياه
بس كون ابلل بشفاه

والماي  اجيبنه  امنين
بس الگلب يم احسين
*******
لچماتي مو مره اشكثر والحسره وسط اعيوني
گضيت   عمري   بالدمع  شيب سواد   اجفوني
تذبحني  كلمة    كربله    والحيل   هد  امتوني
ولا منكم   الجناز  اجه  من  محنتي ايشيعوني

كل  همي  گاصد  عناي
احسين اليغمض عيناي

والكافل  وياه   چفين
بس الگلب يم احسين
*******
لازم  يزوروني  الگمر امنيتي وسط احبابه
بس لهفتي  اكثر  بعد  بحسين اشم اترابه
خلوني اهوه  اعله  نحر  لفوني يم جلبابه
من رايته خلو العلگ وبگبري عطر اطيابه

اخر منيتي  ابهل الموت
احسين اليشيل التابوت

صار الجرح هم جرحين
بس الگلب يم احسين
*******
تمت بعون الله تعالى الشاعر_يوسف_الفتلاوي

🖤قناة للقصائد الحسينيه🖤

22 May 2026 20:39

ليلة ١٠/ذو الحجه /١٤٤٧ هجري الأربعاء 27\2026 بصوت الرادود ابو هاشم الربيعي ليلة استشهاد مسلم ابن عقيل عليه السلام #قصائد1447

🖤قناة للقصائد الحسينيه🖤

22 May 2026 20:38

الشاعر محمد هادي الفهداوي

بصوت حسين عدنان الگوبعي

🖤قناة للقصائد الحسينيه🖤

22 May 2026 20:38

الشاعر محمد هادي الفهداوي


بصوت حسين عدنان الگوبعي

🖤قناة للقصائد الحسينيه🖤

22 May 2026 20:27

و بعض المساءات الجميـلة تأتي كـَ رسالــــة تنعـــش القلـب تحمل بعض الكلمـــــــــــــات البسيطة ممن نحب و معها مساءجميــــل فتبتسم لنا الحيــــــاةْ !!

#طـاب_مسائكم_بكل_خيروالعافيه

🖤قناة للقصائد الحسينيه🖤

22 May 2026 16:51

💬وإذا رطب اللهُ لسان العبدِ بِالصَّلاةِ على مُحَمَّدوآل محمد غفر اللهُ لهُ ذنوبه، ولو كانت مثل وزن الجبال؛ فإِذا غُفرت ذنوبهُ زال السوادُ عن قلبهِ وبدا فيهِ النُّور🔘 ✨.

🖤قناة للقصائد الحسينيه🖤

22 May 2026 16:44

اللهم صلِّ على محمد وآل محمد

🖤قناة للقصائد الحسينيه🖤

22 May 2026 16:39

#أبوذيـة

الليالي والمحن عاشَرَت مُرهن
وگلبك للنوايب صار مرهن
عَمَّاتك اگبالك شِمر مَرهن
على الوليان وادموعك جِرِيَّه

سيد علي الموسوي

#اللهم_عجل_لوليك_الفرج

🖤قناة للقصائد الحسينيه🖤

22 May 2026 16:37

الطلابه طبها الهاشمي الطلابه طبها
بكيفه صار العلكمي الطلابه طبها
:::::::::::
طب عليها وذل زلمها الحومه صاحتله ونعم
هلا بخيال المنايه الكابله يحير وندم
الجيش يرجف من خزرته بعده ماهد وهجم
تخفك الرايه عله متنه يطشر وبيهم يلم

الزلم لبدو من اجه. الجيش كله هججه
الطلابه طبها الهاشمي الطلابه طبها
؛::::::::::
صكر ويدور عله صيده القاده الضموه الركب
الجيش يركض هوه يمشي بهيده عالعسكر يطب
مبتسم المن يجها فرحته ببوق الحرب
سهل يم خيام زينب بالحرب كلش صعب

زلمه بالطف مالكه. روحه بخته معلكه
الطلابه طبها الهاشمي الطلابه طبها
؛::::::::::
النهر كال اليوم اريده يروح يم باب الخيم
حجه حجايه الجيش كله نعم نوكفلك خدم
انت تامر والتريده يصير نقسملك قسم
فدوه عطوه نطينه نمشي تروحلك فدوه الزلم

انت تامرنه امر. غلطه من طعنه الشمر
الطلابه طبها الهاشمي الطلابه طبها
؛::::::::::
مثل خرز السبحه طشه الروس فوك المشرعه
الزلمه ويكول انه زلمه خلي صوته يطلعه
اخو زينب رمح واكف سيفه بيهم صدعه
بيده قانون المنايه الموت بالطف شرعه

حلل بكيفه الذبح ليل مايطلع صبح
الطلابه طبها الهاشمي الطلابه طبها
؛::::::::::
هاشم الدراجي

🖤قناة للقصائد الحسينيه🖤

22 May 2026 16:37

الاكبر ع


صارمك حل يومه يالله طب للحومه
إگبالك الف سبعين وانته إبوك حسين
يالله طب للحومه
****
يا علي الاكبر خزرتك بيها ينهد الجبل
لا يغرك كل عددهم ساعه ويبان الفحل
نشّط الهم ذاكرتهم كرر ايام الجمل
هذا ذُل فقار أشوفه يبني للحومه نزل

خلها تجدح عينك يفرح الها حسينك
المثلك ابد ميلين وانته إبوك حسين
يالله طب للحومه
****
لا تطر يبني الترجّل دوّر الصاعد مُهر
ما اريدنك تدنّگ دومه مهيوب الصگر
اتكشخ بسيف الحلالك جدك الشاله ابدر
هذا ميزان بشطرته ثگله چن ليلة قدر

كل يزيد وجيشه وزنه اخف من ريشه
العسكر وگف صوبين وانته إبوك حسين
يالله طب للحومه
****
بصولتك ياعلي الاكبر آنه اريدك تنفرد
خلها تتخلد سطرتك يبني من وِلْد الوِلِد
ويه رايك كونه سيفك دومه رايه مستبد
مره سوط ومره باشط خله يجلدهم جلد

طگته كلها بكيفك سوي سُمعه السيفك
خينطّق الميتين وانته إبوك حسين
يالله طب للحومه
****
يبني لا تحفر مقابر هذي سواها علي
اخترع دفنه جديده يا بعد بيتي وهلي
امن السعف اصنع چفنهم سوي يبني ما يلي
عالنخل علگ جثثهم بروحه كلمن يبتلي

ماضي حيدر عيده ابفكرِتك الجديده
طفك يشبه صفين وانته إبوك حسين
يالله طب للحومه
****
من خصومك يبني الاكبر لا تخلي اي اثر
ما اريدنك تگلي اشراح اخلي للگمر
عمك العباس حتماً الله يخلقله بشر
بگد عدد انته التذبحه هوه يذبح عالنهر

لا تشغلك هايه عنده عمك رايه
لاگت بس للچفين وانته إبوك حسين
يالله طب للحومه
****
بهذي تضحيتك يالاكبر كونك اتقدم درس
انه اريد أجيال تحچي وبجمر سيفك تحس
ان چان ابو الحملات حيدر ردها مرتين الشمس
انته مرتين بطفوفك يبني تذبحها النفس

الحمزه إنته احزامه امن الجدم للهامه
تحلالك خزرة عين وانته إبوك حسين
يالله طب للحومه
****

الشاعر اياد الديراوي

🖤قناة للقصائد الحسينيه🖤

22 May 2026 16:34

نعي للعليلة عليها السلام

راحو هلي وظليت بالدار
طفله وعليله وگلبي محتار
ابچي عله بوي حسين ونهار
مدري ببوي شصار ما صار
سهرانه ليلي والگلب نار

سهرانه ليلي وعيني عالباب
احسب ليالي وسلني الاحساب
بلكت علية تعود الاحباب
ذاب الگلب بجروحهم ذاب

طفله وعليله وزاد ونّي
وفراك ابوي حسين سلني
ظني انكطع يا ناس ظني
راح وبعد ما سأل عني


بشر ابن حذلم من سألته
جاوبني بدموعه وسمعته
مذبوح ابوج حسين عفته
هذا الخفت منه وعرفته

سيد زيد الفحام
محرم ١٤٤٧هـ


@tyyuuiiopp

🖤قناة للقصائد الحسينيه🖤

22 May 2026 16:32

للباقر سلام.............من خير ألأنام
ولجابر جواب......عن حرك الخيام

*:*:*:*:*:*:*:*:*:*:*:*:*:*:*:*:*:*:*:*:*:*:*:*:*:*

معنه الكلام إلي جره بين الامام وجابر
عندي أمانه من النبي وعمري وصل للآخر
گلي وتجارت دمعته بروحه الحزن متناثر
تلگه حفيدي ونسختي اسمه الامام الباقر

ياجابر أريد ............توصل للشهيد
وتگله الرسول...............ودالك سلام

*:*:*:*:*:*:*:*:*:*:*:*:*:*:*:*:*:*:*:*:*:*:*:*:*:*
وصل سلامه المؤتمن وصار الحچي كالتالي
الباقر أنته؟ ياهله بالغالي وبن الغالي
ياما رويتلكم حچي بس شغله وحده ابالي
احچيلي عن طف كربله وبيهه ختام اقوالي

من يوم الكساء........ولطف كربلاء
عيني للسماء............فارگت المنام

*:*:*:*:*:*:*:*:*:*:*:*:*:*:*:*:*:*:*:*:*:*:*:*:*:*
دمعت عيونه ونخطف وجه الامام ولونه
هالحاله تحصله اذا عن كربله يسألونه
گله شفت منحر نبي فوگ الثرى يدوسونه
وخدر السماوات السبع شفت العده يسلبونه

وعمتي بالنحيب.....صاحت يالحبيب
عالشاطي تغيب؟............يابدر التمام

*:*:*:*:*:*:*:*:*:*:*:*:*:*:*:*:*:*:*:*:*:*:*:*:*:*
ياجابر شأحچي بعد عن عمتي والوادي
صعدت على تل الالم و گامت لخوها تنادي
صاحت يمن كونك عدل جاوبني يبن الهادي
لا خيمة ضلت لاخدر وينك يخال اولادي

ياروح الرسول........ياقلب البتول
بس نار وخيول...وهالحل الظلام

*:*:*:*:*:*:*:*:*:*:*:*:*:*:*:*:*:*:*:*:*:*:*:*:*:*
ياجابر واذكر بعد ضل والدي بالخيمه
ومحتاره صاحت عمتي بين الخيم والهيمه
يالعرب مدري موعرب؟ ما ضلت الكم شيمه
بس العليل الي بقى ناحل يون من ضيمه

دارت عالكفيل......يانبض الدليل
الحگ للعليل......مو وكت المنام

*:*:*:*:*:*:*:*:*:*:*:*:*:*:*:*:*:*:*:*:*:*:*:*:*:*
وما أنسه من جابو هزل والناگه حنت لينه
تبچي وتگل باقي الابل رحمن خوات سكينه
وعمتي تگلنه بهمس لا نبچي توصينه
لا تعثر النوگ ونگع وماكو الي يرحم بينه

من بعد الغيور........يحدينا الجسور
واليعثر يگوم.............بسياط اللئام

*:*:*:*:*:*:*:*:*:*:*:*:*:*:*:*:*:*:*:*:*:*:*:*:*:*
🏴🏴 يهدى ثواب القصيدة 🏴🏴
لضحايا مستشفى ألإمام ألحسين ع
في الناصريه💔 ولشهداء العراق🇮🇶 عامة
وأموات المؤمنين كافة
مع الفاتحة والصلوات
ونسألكم الدعاء🤲

خادمكم
جهاد البصيراوي

🖤قناة للقصائد الحسينيه🖤

22 May 2026 16:32

الرواديد المبتدئين بخصوص الموشح يسأل احد الاخوة الموشح له طريقة تقرأ وماهي الطريقة مع المثال؟


الموشح له
طريقة كالشوط الكربلائي
ثكيل متوسط ثم نزلة واليك هذه القصيدة مثال

🖤قناة للقصائد الحسينيه🖤

22 May 2026 20:45

'🤲
• والـقـلـب المـتـعـب يستنـجـد بـالزهــراء«؏ـليها السلام» ..
❤️
إذا إشتدت بَڪم المِحن ، تَوسلوا بِفاطمة الزهراء ؏ليها السلام" فتضـ؏ الزهراء في القلب ورداً مڪان ڪل جَرح فيبرأ و يَضمد.
🌹
يـاوجـيـهـة عـنـد الـلـه🤲

🖤قناة للقصائد الحسينيه🖤

22 May 2026 20:42

#كعدية
#كلشي_إيجاب_وقبول
#محرم_١٤٤٨
#نشر_أول

أحنه مانحتاج عادة أحنه نحتاج العــبادة
والعُرف مو بالضرورة يكَدر يدير القـيادة!!

حتى بالمنــطـق أصول
كلـشي أيجاب وقـبـول
ــــــــــــــــــــــــــــــــــــــــــــــــــــــــــــ ١
هواي عادات أحنه بيها بالتخَلَّف نـطـلـع أوَّل
جينا نحجي عن دِراية لمايعجبه يروح يزعَل
هالظُلم صايرلي موده وهالعُكَد لازِمهـا تِنْفـَـل
لاتِظَــل دكَتك قديمه كلشي بالتعلوم أفـضَـل

لو ينشف الريج الصُــبح
كل عيبة تِطلع تنــفضح
وتـبين أفـعال الـــقـــبح

هــل مــشاكـل كلـهـا تــِنحـل

أنت دورك مو مُهَّـمَش  أفــهــم أفنون ألريادة
والعُــرف مو بالضـرورة يكــدر يدير القــيادة!!

لاتمشي وي دكَـ الطبول
كلـشـي أيجاب وقـبـول
ــــــــــــــــــــــــــــــــــــــــــــــــــــــــــــ ٢
كل عقل جمعي مصيبة يخلي فهمك في شتات
ألفـراغ الفـكري لعنة ،إيعيــّشــك بحالة سُبات
إنـطي رأيــك لاتـِجامل لَتعــيش مقبرة الحياة
أبحث وتلكَـه الحقيـقـه بالــعِـلــم بـاب  النجاة

لابد وكــت تتــرك أثـر
وتشوف ميزان الـقـدر
تلكَه النعـيم المســتقر

تبــدي خــطوات الــثبـات

مو فريسه وسهلة أنت ،عقل عـندك وي إراده
والعُرف مو بالضــرورة يكــدر يدير القــيادة!!

نبقى نحجيها ونــكــول
كلـشـي أيجاب وقـبـول
ــــــــــــــــــــــــــــــــــــــــــــــــــــــــــــ٣
المـوبايل سوّه أزمه امـسافر وبالبـيت كاعـد
ماكو فد رابط وجودي والتَشتُتْ خير شاهد
سُفرة مابــيها محنّه جو غــريب وحيل بارد
والمقاطع تــوصلنــا مثــل مَيريد المُــشـاهـد

مثل السحر طب الجسم
لاصــوت عنــده ولارسم
شيطان بس مو بالأسـم

وأنـتَ دورك خوش والــد !!

أحجي لأبنـــك لاتــملها النــصيحة خَيرُ عــادة
والـعُرف مو بالضــرورة يكَــدر يدير القــيادة!!

الله منــطــيـنه عــقــول
كلـشـي أيجاب وقـبـول
ــــــــــــــــــــــــــــــــــــــــــــــــــــــــــــ ٤
التـفـكُك بي جريمـة أحـذر اينــولك عقــاب
إبنك المالاكَي حضنك يسأل يريد الـجــواب
هي دنيا وتصفى ذكرى باجر بــحدر التراب
رتب اوراقك ولمهِنْ يــوم لو صـار الحساب

مـادام بــاقــيلك وكــِت
أحسبها صح شماعِـشت
هو العمر بي جم شفِّت

هايــه ريــح وذاك بـــاب

القاضي ميّــمشيله دعــوة إلا تــدوين الأفـادة
والـعُرف مو بالضــرورة يكَـدر يدير القــيادة!!

للــمشــاكل هــم حلــول
كلـشـي أيجاب وقـبـول
ــــــــــــــــــــــــــــــــــــــــــــــــــــــــــــ ٥
وأسمع الأزمه الجديدة التــطـور بالــخـلاعة
الستر مو بالملابس والحجي هم بي مـياعة
تحجي مالات الله تنذم يحضر ابليس بدفاعه
دورك الواجب أسرتك والسفيه الماله طاعه

صوت الحقيقة ينسمع
والعين يـغسلها الـدمع
والكلمه غصبا تــنشـلع

مادام مشــحونــة  بقـنــاعة

حلوة من العدلة تمشي ؛الـــنَقُص مثل الزيادة
والعُـرف مو بالضــرورة يكَــدر يدير القـيادة!!

صير للــعــدلــة رسول
كلشـي أيجاب وقـبول

الأصــغــر
لُــبابة آلــ ياسيـــن
الــحـُر آلــ ياســين
١٩ آيار ٢٠٢٦

وزن هجري + مجزوء الموشح + حدي


#ملاحظة
كانت الكعدية بتصرف

#لبابة_آل_ياسين
#محرم

🖤قناة للقصائد الحسينيه🖤

22 May 2026 20:40

(#زلم_بيهم_حمية)


ربيت اربع اولاد،، نشامى وكلهم اجواد
زلم بيهم حمــية،، ضخر لــبن الزجـــية
ــــــــــــــــــــــــــــــــــــــــــــــــــ
انه ام البنين وعــــــمري نــــاذرته
لبن الطاهره حسين السبط واْخته
اقمار اربعه بجفوفي سلّـــــمته
كل واحد شهامه وغيّره راضعته

كلهم فدوه لحسين
واولاده الميــــامين

وللحره الابية،، زلم بيهم حمية
ـــــــــــــــــــــــــــــــــــــــــــــــــ
لبو اليمه ارخصت كل عمري وسنيني
وفدا انروح لبنـــينه انه وبنـــــيني
احسّ امقصره شما ضحّي لحسيني
اطاني المنزله وكبّـــر عــــــناويني

كبرت بزود الحسين
لمع صيت ام البنين

يسموني الوفيّة،، زلم بيهم حمـية
ــــــــــــــــــــــــــــــــــــــــــــــــــ
ولدي امن الصغر بحسين اوصيهم
زرعيت الـــوفه مــنّ المــــهد بيهم
على حب الزجيه چنــت اربيـــــهم
خدّام العـــقيلة الحرّه اسميّــــهم

صارو الها حـرّاس
وبيهم رفـعت الراس

سند للهاشـمية،، زلم بيهم حمية
ــــــــــــــــــــــــــــــــــــــــــــــــــ
ضخر لحسين اريدنكم يشـــــبّاني
اذا شفتو بناته امن الضمه تــعاني
واذا صوت العقيلة يحشم اخواني
موتو عالــــخدر واحد ورا الثــاني

اريدنكم توافــون
لجل زينب تموتون

ولجل سكنه ورقية،، زلم بيهم حميه
ــــــــــــــــــــــــــــــــــــــــــــــــــ
التفگد اربعه مو هيّنه اعـــليها
وجروح الضنه محد يـــداويها
مصيبتها شكبرها ومن ينسيّها
لـٰجن فدوه ونذر لحسين واليها

للغالي الضنه ايهون
وخلها اتروح العيون

لبو الاكبر هدية،، زلم بيهم حمـية
ــــــــــــــــــــــــــــــــــــــــــــــــــ

اطوني اجچاية وادري گد الحچايه
واعرف ولدي زين وبيــهم اكفايه
گالو عالنــهر باچـــر نــــدّگ ثـاية
وبدينه اتضل بدينه اترفف الراية

ولدج ما يهابون
يحره ولا يذلّون

يذلّون ال اميه،، زلم بيهم

✍️ علي كاظم المنصوري
نسألكم الفاتحة لروح والدتي،،
ملاحظة: في حال وجود أي نص غير واضح لدى الرادود أو صعوبة في النطق، يرجى التواصل على الرقم 07826078192 للتوضيح، حفاظاً على وزن القصيدة

🖤قناة للقصائد الحسينيه🖤

22 May 2026 20:39

يا ويله الالوحه --- بيدي اقبضله روحه وبسيفي الاخطفه.. مايسلم ياطوعه
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
  يا طوعه ابحسامي ---- افنيها العساكر
  وامحيها ابضربتي -- وتشوفيني حاضر
  راح ارسم يعمه ------- من دم المناحر
  لوحه اوبيها شوفي ---- تربات المناير
الما شايف ضربتي -- امحيه ابيمنتي
او بسيفي الاخطفه.. مايسلم ياطوعه
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
ياطوعه اوحياتج --- متهمني المنيه
او ميهمني عددهم --- اجيوش ال اميه
لتركلج جثثهم ------ تتشابج سويه
وافدي ابعمري كله - اوماعوف القضيه
والحاول يكرب ---- والله ابخزره يهرب  او بسيفي الاخطفه.. مايسلم ياطوعه
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
  كل هاي العساكر -- من عندي اتراجف
ولي ابعيني اخزره -- للموت يبقى خايف
رغم الديره صعبه - والجيش ضدي زاحف
اوكف وكفه عمه --- واذبح كل مخالف
للمذهب فدائي --ومعروف انتمائي
او بسيفي الاخطفه.. مايسلم ياطوعه
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪     
  شما صارو يعمه ------- ميهمني عددهم
والا امسح بديه ----- امن الدنيه ذكرهم
ومن احمل عليهم ------- يتغير وضعهم
وبالحومه امن اكبر - تهرب كل زلمهم
ويا عمه اليجيني --والغيره ابجبيني وبسيفي الاخطفه.. مايسلم ياطوعه
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
راح اكتب رساله ----- لحسين او اخبره
عن هاي البريه ------ من يوصل تغدره راح اكشف حقدهم - وكل حاقد احذره
والعاداني عمه ----- راسه ابسيفي اشطره
يا طوعه اوحياتي --- الحد ساعه مماتي وبسيفي الاخطفه.. مايسلم ياطوعه
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
  راح اثبت وفائي ---- واهزم كل مقاتل
  وبالحومه يطوعه - اقره ابصوتي عاجل
  راح امسح اثرهم ---- عالخيل وله راجل
  والا ابجفي اعاقب -- كل هاي الفصايل
  وبرب الجلاله --- ابمحكمة العداله وبسيفي الاخطفه.. مايسلم ياطوعه
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
         الشاعر ابو احمد المجراوي





ليلة ١٠/ذو الحجه /١٤٤٧ هجري
الأربعاء 27 \5 \2026
ليلة استشهاد مسلم ابن
عقيل عليه السلام
#قصائد1447

🖤قناة للقصائد الحسينيه🖤

22 May 2026 20:38

يامسلم گوم ادب عسكر الكوفــــــــــــه
،،،،،،
شد حيلك يبعد الحيل ياهيبة هواشمـها
سيفك يشبه الفقار وشتاگ الجماجمهـــــا
مامتعلمه هاي الناس فوت عليها علمـهـــا
بالميدان انت التسطر چفوفـــــــــــــــــــه
،،،،،،،،،
يمك صار  حفنه ارماد مسلم هل جمع كله
سيفك بي دوه ومنحوت وموصفينه للعله
عالذل ماغفتلك عين لا هيهات للذلــــــــه
انت الحيد وبصولاته معروفــــــــــــــــــــه
،،،،،،،،،
شد احزام فوگ احزام وانه بشيله اهوسلك
ومن تتوصط الميدان طوعه اتضل تهلهلك
ذوله ارجال موش ارجال مابيهم كلف مثلك
حط بالجيش من اتهد الف خوفــــــــــه
،،،،،،،،،
باز وطير فوگ الجيش ولگط بيدك الصيده
قائدهم يمسلم طاح حته السيف من ايده
موش اثگال جنهم ريش شردوا ترسوا البيده
انته الحوك تارس مرجله حروفــــــــــــه
،،،،،،،،،
الله وياك والعباس والكرار والزهـــــره
اليدنه عليك هذا يموت هذا الماحسب عمره
گص راسه واريدن كُون لعنان السمه اتشمره
من اتصول محد منهم اتعوفـــــــــــــــه
،،،،،،،،،
سيفك صار ملچ الموت شلته وزاعل گرابه
يفرح من يصير ازماط يتنومس عالطلابه
الغدروا بيك معروفين شالوا طبع الذيابه
ضوّگـــه الموت ياهو المنهم تشوفــــــــــه
،،،،،،،،،،
بمن


زود حسين طب عالگوم وبهمت علي وحيله
فوت وشمّر اعله الچيش وتبختر عالكحيله
برمحك مسلم اتعنا من عرگه القصر شيله

هاي الناس بالذل كله مچتوفـــــــــــــــه
،،،،،،،،،،
لخادم الحسين ع
محمد الفهداوي

🖤قناة للقصائد الحسينيه🖤

22 May 2026 20:38

مايرد من يهد كافلي ايجب النهر
بهمته وغيرته تحزم احزام الگمــر
،،،،،
صاح عد عينچ يزينب شنهي نهر العلگمي
اله اخلي الچيش يركع من يكبّر صارمـــي
انه ابن قتّال مرحب انه اخوچ الهاشمـــي

يعباس يغالــي
يبدر اليالــــــي
للحسين موالي
يعباس  يعباس
يا اسد  بالشد خويه يحزام الضهر
،،،،،،
شال بتاره بيمينه وللذبح صفوله صف
وخطف عباس بمهرته چنه نيزك من خطف
الجرف من ثگل ابو فاضل من تحزم يمه خف
كفو عد كلمته
تعنه بمهرتـــــه
وتهوسله اخته
يعباس يعبــاس
ياكلف   ياترف ماكو بوصافك بشــــر
،،،،،،،،
چنه ذوالفقار يذبح بالحرب وجه وگفـه
ماي نهر الغاضريه خابط ومن طب صفه
بالحسين نوصفه ثاني من نريد انوصفــه

يشع نور خـيالة
والحسين جمالة
قريناك رسالــــــة
يعباس     يعباس
بيه لهب من جهب  صارمه يشبه صقر
،،،،،،،،
سبع مرات ابو فاضل راح للشاطي ورجع
وموش بس ايتام روّه ورد بخيمّـــــه زرع
دخيل ياعباس صاحو رگعو ورمحه ارتفع

حلف بالوديعه
ودخل للشريعه
وإمامه يطيعه
يعباس  يعباس
من برز  ورتجز رمحه بالقاده استقر
،،،،،،،
رجع گل لخته ابو فاضل زلمه بيهم ماشفت
صف يلوذ ابصف يزينب لو على الجيش التفت
بمهري دست اعله الشوارب للنهر لمن رحت
تگله العقيـلــه
ودمعها تسيله
تره انت الوسيلـــه
يعباس  يعباس

ونعم  ياشهم   يالتدوس اعله الخطر
،،،،،،،
لخادم الحسين ع
محمد الفهداوي

🖤قناة للقصائد الحسينيه🖤

22 May 2026 16:53

🌸جمعةٌ تُشرق بالسكينة، وتُزهر فيها الأرواح بالأمل..
🌷نسأل الله أن يجعل هذا اليوم بداية خير، ونهاية لكل هم❣️
🕊🌸🕊️
#مساء_آلخيــــر 🩷
#يوم_الجمعة✨️
#جمعة_مباركة📿

#انتظارالموعود 🕊🌿

🖤قناة للقصائد الحسينيه🖤

22 May 2026 16:47

﷽

✍دعاء السمات


-   الحاج ميثم كاظم


🌿📖

🖤قناة للقصائد الحسينيه🖤

22 May 2026 16:40

مــن ســافــر الــغــالــي
مــحــد فــكــد حــالــي

••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••
1️⃣
المصايب من رحـت دارن عليه
يـعايفــني شـوكـت تـرجـع اليه
عكب عينك بقيت اصـفج بديه
الصور كلها تجي بوكت المسيه
             ~~~
والـــغـــربــه تــبــرالــي
مــحــد فــكــد حــالــي
•••••••••••••••••••••••••••••••
2️⃣
السـهر عذبني يا بويه برحيلك
اذا مـا تـرجـع اتعــنى واجـيلك
يكـاسرني وبعد ما صح بديلك
حمامه وكـلبي ضاع ابلا دليلك
               ~~~
نــوح الـكــلــب عــالــي
مــحــد فــكــد حــالــي
•••••••••••••••••••••••••••••••
3️⃣
الحلم يا بويه من بعدك جفاني
وبــكـسرة كـلـب ظلـيت اتـاني
تره بـضـيم وقـهر كلـبي رماني
تره الفاگد نفس يحسب ثواني
                ~~~
ونــگــطــعــت آمــالــي
مــحــد فــكــد حــالــي
•••••••••••••••••••••••••••••••
4️⃣
امــوت ابلا وجـودك يا حـبيبي
ولا اسـكت ولا بــطـل نحـيـبي
عليله وشوفتك تصـبح طبيبي
اذا تـسأل بقى فـراكك نصيبي
~~~
حـتـى الــجــفـن خـالي
مــحــد فــكــد حــالــي
•••••••••••••••••••••••••••••••
5️⃣
بقى جـرح الكـلب يومـيـة يكبر
على عبد الله اناشد على الأكبر
ابـاوع ع الـكـمـر لـيـلـه واسـهـر
ومن طاري لعرس حيلي تطشر
~~~
هــواي انــشــغـل بـالـي
مــحــد فــكــد حــالــي
•••••••••••••••••••••••••••••••
6️⃣
صوتك ينسمع والغربه متهون
تره كـل الاهـل باجـر يـموتون
واطـفال وحـرم باجـر يـردون
وبسوطه الشمر ورمها المتون
                 ~~~
يــا كـــســـرة الـــوالــي
مــحــد فــكــد حــالــي

••••••••••••••••••••••••••••••••••••••••••••••••••••••••••••••••
              محمد خشان ✍️.        
••••••••••••••••••••••••••••••••••••••••••••••••••••••••••••••••

🖤قناة للقصائد الحسينيه🖤

22 May 2026 16:37

احسينا ياحسينا
؛؛:::
حسين يانبض الكلب يلبيك روحي معلكه
ياهوه بالريه عايش نفس بيه واشهكه

ياحسينا ياحسينا
:::::؛؛
بالعشك بس انت اعشكه غير عشك ماريد
تسري وي دمي حبيبي انت عايش بالوريد
مال اعوفك هايه صعبه مال عوفنك بعيد
سيد وسلطان اليه ياشهيد ابن الشهيد

ياحسينا ياحسينا
::::::::؛؛
خدمتك نعمه جبيره ليخدمك عايش ملك
بيدك اتسجل الاسامي لجلك يدور لفلك
احنه الك ياابو علي الله خالقنه بس الك
الحبك يعيش بدلال الضدك بعمره هلك

ياحسينا ياحسينا
:؛؛؛؛؛؛؛
ياملك ونخدمك احنه ياملكنه نقدسك
احلى شي بالدنيا عدنا يانفس نتنفسك
انت قران الجلاله الخيل وسفه داستك
الف هنيال التراب بحضنه نمت ولامسك

ياحسينا ياحسينا
:؛؛؛؛:؛::؛:؛:؛::
مائتمك نعمه علينه وخيره تارسنه ترس
نحسك انت بينه تسري اغلى من جر النفس
انت المقدملنه كلشي جسمك بحر الشمس
ياعشك بس انت عشكك خضر ولا مايبس

ياحسينا ياحسينا
:؛؛؛؛؛؛؛؛؛؛؛
حسين يابو الخدمه هايه العاشرك لاماندم
كون نبجي الدمعه حمره ونحترك حرك الخيم
يعين كلبك يابو سكنه من وكع راعي العلم
لا حيلك من شفتها زينب اتلم بالحرم


ياحسينا ياحسينا

هاشم الدراجي

🖤قناة للقصائد الحسينيه🖤

22 May 2026 16:37

هلا بشهر الخدامه. الكلب زايد هيامه
:::؛؛؛؛:::::::
لبسنه اسود وجينه. السناجيل ابيدينه
ندك نلطم حزن يبدي عله الحركو خيامه
وحك نحرك يغالي. دمع نملي اليالي
يبو سكينه وحك عينك نون ون اليتامه
بده شهر المناحه. عله حسين وجراحه
الف شارع كطعنه احنه ولاهمنه لملامه

نصبنالك مواكب فزع بالدمعه شايب
:؛؛؛؛:؛؛؛؛؛؛؛؛؛؛؛
اعله كطع المناحر. سحگ جن بينه حافر
جرح بينه ولا يشفه يبو جروح الثكيله
خدم بسمك بدينه. يخيمة في علينه
التعب فدوه يبو الخدمه دمعنه دم نسيله
تشرفنه وخدمنه. رفعنالك علمنه
العمر فدوه صدك تسوه التعب يابو العليله

التعب فدوه النتعبه حنين اشكبره كلبه
:؛؛؛؛؛؛؛؛؛؛
العرش اعلن حداده. اجه ليل بسواده
يهل دمعه عله المنحر ولا نشفت دمعته
السمه صافن هواها. لبو اليمه ولائها
تون تبجي دمع يجري عله الكطعو ركبته
يغالي‏ وماكو منه حضرته جنها جنه
ابو الاكبر ولا ينمل شرف النه خدمته

جمال الله بعيونه هلا يكل اليجونه
::؛؛؛:؛:؛؛؛؛
نعيش بضله كلنه نحبه احنه ويحبنه
مثل حبه ولا نلكه كبر بينه عشكنه
عقيدتنه بمحبته. وفه تنبع صحبته
له ينبض ولا يهوه شخص غيره كلبنه
خلقنه الله الخدمته الشفه صار بتربته
درب واحد عشك واحد ولا ملنه بدربنه

ليخدمك عالي شانه. ملك يصبح زمانه
؛:؛؛؛؛؛؛؛؛؛؛؛؛؛
هاشم الدراجي

🖤قناة للقصائد الحسينيه🖤

22 May 2026 16:34

اداء والحان ⚡️ملا الخادم الحلي

🖤قناة للقصائد الحسينيه🖤

22 May 2026 16:34

العليله ع


ظلمه او موحشه يادار  او أهلچ گطعوا الأخبار
عليلة وانتظر لاوين. طفلة وفارگيت حسين
اكابر والدليل احتار. اكابر والدليل احتار
♕♕♕♕♕♕♕♕♕♕♕♕
رد ضعنك يابويه اولا تخلوني
عليلة ابوحدي يالوالي اوتعوفوني
على افراش المرض وحدي اوتركتوني
وخافن ماترد ليه او تفجعوني
ملهوفه او ادير العين. لفتني هل مصيبة منين
عليلة وانتظر لاوين. طفلة وفارگيت حسين
اكابر والدليل احتار. اكابر والدليل احتار
♕♕♕♕♕♕♕♕♕♕♕♕
اعتبنك يغالي ترضى ابو الغيره
بگيت امدوهنه وتهدني الحيره
وصلني الموت راسي منهو اليديره
او نعشي من بعدكم محد ايعيره
اون مكسورة الجنحين صوبني اسهام البين
عليلة وانتظر لاوين  طفلة وفارگيت حسين
اكابر والدليل احتار. اكابر والدليل احتار
♕♕♕♕♕♕♕♕♕♕♕♕
سمعت صوت ناعي ينعى ابو الاحرار
اوچانت تنتظر ضعن الحدى ابثوار
عرفت بالجرى والسادي والي، صار
الصدمة لوعتها او طاحت او تنهار
دمعتها تهل نهرين. او تندب جدها بو الحسنين
عليلة وانتظر لاوين  طفلة وفارگيت حسين
اكابر والدليل احتار   اكابر والدليل احتار
♕♕♕♕♕♕♕♕♕♕♕♕
يناعي اتعذبت من سمعتك طاحت
بويه حسين وبصوت الهظم صاحت
ابوسط الدار مرمية تون ناحت
عليلة او من زغرها أبدا ولا ارتاحت
أبد ماتهجع ولا اتلين. اوكل ساعة تعدها اسنين
عليلة وانتظر لاوين. طفلة وفارگيت حسين
اكابر والدليل احتار. اكابر والدليل احتار
♕♕♕♕♕♕♕♕♕♕♕♕
طفلة اتحيرت ضلت تدير الراس
اوهمت تسأل الناعي على العباس
گلها راح عمچ صاحب النوماس
فوگ العلگمي ابعينة سهم أرجاس
گامت تلطم الخدين.  عمها امگطع الچفين
عليلة وانتظر لاوين. طفلة وفارگيت حسين
اكابر والدليل احتار. اكابر والدليل احتار
♕♕♕♕♕♕♕♕♕♕♕♕
لوعتها المصيبة او بالضلم جارت
او عملتها چبيرة او محنه ما صارت
عذبها الخبر ما حملته احتارت
واعليها المنية افترت او دارت
شهگت غمضت الجفنين. او وافاها الأجل بالحين
عليلة وانتظر لاوين. طفلة وفارگيت حسين
اكابر والدليل احتار. اكابر والدليل احتار
♕♕♕♕♕♕♕♕♕♕♕♕
الشاعر المرحوم
الشيخ عبدالامير الكعبي


@tyyuuiiopp

🖤قناة للقصائد الحسينيه🖤

22 May 2026 16:32

لأستشهاد مولاي الباقر عليه السلام



بحرگ الخيام…مات الحمام .. ولسه الحرك تذكار
مذبوح امام .. ومچتوف امام.. وبالخيمه شبت نار


****

انا الباقر واسولف قصه عن طفله
تركض بين خيمه وخيمه مشتعله
طفل عطشان اشوفه وذبحته النبله
وزينب حافي لمن صعدت التله


كل يوم اموت ..وبكلبي صوت… يوصل لسابع جار
بحرگ الخيام…مجتوف امام .. ولسه الحرك تذكار


بعمر اربع سنين وچويه بجدامي
إنه ال بطف عشت متحير وضامي
حبل بيدي وأسير مگيده اجدامي
إنه الشفت المنايا بصحوي واحلامي

اربع سنين .. وشفت الحسين .. بديرة غرب محتار
بحرگ الخيام…مجتوف امام .. ولسه الحرك تذكار


وإنه بعني شفت راس برمح عالي
وبذاني اسمع عقيله تصيح يالغالي
تكول اني الشمس ما شافت اخيالي
حسافه النار لاحت طارف اذيالي

تحاجي الكفيل…تصرخ دخيل .. متعوده اسمع صار
بحرگ الخيام…مجتوف امام .. ولسه الحرك تذكار



شفت جيوش حاطت بالخيم صوبين
وبقت نسوان ما تعرف تهج لاوين
وكع عباس لجن منكطع جفين
وشفت فوك الترب مسحوگ صدر حسين

فوك التراب ..شيب وخضاب .. بس راسه لينه اندار
بحرگ الخيام…مجتوف امام .. ولسه الحرك تذكار




واموتن لو اشوف بعيني جاري الماي
ويهز بيه الحنين الجربت الوفاي
هواي جروحي ياشيعتنه حيل هواي
شما ابجي احس بالمهدي يبجي وياي

بدمعه ونحيب… انعيي الحبيب… ابجي بدمع مدرار
بحرگ الخيام…مجتوف امام .. ولسه الحرك تذكار


اغمض عيوني وأنه ادموعي مذروفه
الي عمااات اساااره دخلن الكوفه
بعمر اربع سنين وروحي ملهوفه
احن عله الكفيل الگطعو اجفوقه

فوك النهر… غاب الكمر… امنيته يروي ازغار
بحرگ الخيام…مجتوف امام. ولسه الحرك تذكار



الحمد لله
#خالد عبد السادة البديري

🖤قناة للقصائد الحسينيه🖤

22 May 2026 16:32

#محرم_١٤٤٧


جـــَم دمـــع هـــلِّيــت وي هــلالـها
الزهرة تِـنشــد ويـن روس عيالهــا؟
ـــــــــــــــــــــــــــــــــــــــــــــــــــــــــــ ١
لاتهـل يـَـهــلال شـهـرك بــس عــزاء
صار مـوسم للـدمـع  أرض وســـمـاء
كــل وكــت عاشور شـِفنه بــكربـلاء
وخـــيل فــرسان أنــذبــح خــيَّــالها
ـــــــــــــــــــــــــــــــــــــــــــــــــــــــــــ ٢
من تهل حسين مسـحـوكــ وذبــيح
عــالترايب كـل جرح مــنــّه يصيح
جـِسمه مايــنـشال متكـطـع يطـيح
آلــ أميــه وهــاي دوم أفـــعــالــهــا
ـــــــــــــــــــــــــــــــــــــــــــــــــــــــــــ٣
بشـوفة أهلالك  نشوف إحنه الرضيع
وأمـه فوك الــنوكـ أتــدوره وتِــضـيع
تعمه عـين الــدنيا عـبدالله صِـــريــع؟
بــيــوم عاشــور إنـــذبح اطــفــالــها
ـــــــــــــــــــــــــــــــــــــــــــــــــــــــــــ ٤
ابهـيدة عدنا ارجال ذبحوها و نـســاء
وكــاع غـصت بالسـيــوف وبــالــدمـاء
مـــن نـــزل جـبريل وي اهـل الـكـساء
الله قــدَّس يــمَّه صــيت ارجــالــهـا
ـــــــــــــــــــــــــــــــــــــــــــــــــــــــــــ ٥
ياشـــهر عــبــاس مـذبــوح الـكــفيل
ضــعنه ظل عــطشان مـالاكَه البديـل
بالــشتايم والــحجي إلـكِـلش ثـكيـل
حــال زيــنب مــن وِكــع كــفّــالـــها
ـــــــــــــــــــــــــــــــــــــــــــــــــــــــــــ ٦
هــذا الأكبر فــوكـ وجـــنـاتـه الـدمه
وعــينه عالخيمات تِسـبح جَن سـمه
شفته يـِبـست مارِحم بيــها الضـمـه
قصته نامــوس وفـخــر لأجــيالـــها
ـــــــــــــــــــــــــــــــــــــــــــــــــــــــــــ ٧
يا خـِـدر زيـنـب رسـالة وي الـحجاب
والعبي اعله الروس هـذا اكبر جـواب 
ماتــِدنكــَ الــراس وي أكـبر مـُـصـاب
حـــان بـــالحــومـــة إذن زلـــزالـها
ـــــــــــــــــــــــــــــــــــــــــــــــــــــــــــ ٨
ياهــِلال احــســين أوكــف لاتــروح
انريد يـمك نـلطم بـحركـة ونــنــوح
من دِمه الزهـراء فاضـت هالـجروح
الدنـيا كلـــها اتخربطـت أحــوالهــا

ألأصغر
لٌبـــابة آلــ ياسين

وزن :موشح نجفي