1889
إن اللّٰه لا يكسِرُ قلبَ مَن توسل بالزَهراءِ 💔
١١٦٨- اخي ياحسين
الدهــــر يحسين بغيابك عليّ جار
وحتى الصخر ظل دمعه عليّ جار
چنت امخدّره ومــــاصَد عليّ جار
اسيره اصبحت واحبالــــــي بديه
✍ فراس المحمداوي
١١٦٦- اخي ياحسين
يغــالي ظهري بغيابك تَرحنه
وليالي الحزن مارادت تِرحنه
عن الحــــــرم لا تنشد ترحنه
سبيه گامت اتلـــــــوذ بسبيه
✍ فراس المحمداوي
١١٦٣- اخي عباس
ابلساني مابطل ذكــراك يولاه
ولعب بيه الدهر بجفاك يولاه
يبو فــاضل تگوم وياي يولاه
ترانــــي اتچتفت بحبال امیه
✍ فراس المحمداوي
١١٦١- واحسيناه وازينباه
راح الحيل والحــر رچ بالحسین
وچــم حافر بحافر رچ بالحسین
سنان وزجر گادو رچب الحسین
وراس حسين يبره الفــــــاطميه
✍ فراس المحمداوي
١١٥٦- وازينباه
الأرض لحزان زينب مايتلها
تحشم والهـــــواشم مايتلها
هضيمه بيوم واحـد مايتلها
اقمار اسبعطعش بالغاضريه
✍ فراس المحمداوي
١١٥٤- واحرقت الخيام
الدهر وليه بهجير الطف وللنه
وكلهـــــا اتذبحت ماظل وللنه
خيمنه بنار حرگـــــــوها وللنه
مچان البي تلوذ الفـــــــاطميه
✍ فراس المحمداوي
١١٥٢- واحسيناه
عَله كل عـــــالي بالدنيا عِله حسين
ولوجــــود البشر اصبح علّه حسين
شجاهه الخيل تتراكض عله حسين
وداست نعمة الله اعـــــــله الوطيه
✍ فراس المحمداوي
١١٥٠- يوم العاشر المؤلم
دمعي البالجفـن هل ماي هل دم
وحزني الفـاجعة عاشور هل دام
اصيحن شنهي يالميمون هل دم
اثـــــــــاري احسين خيالك رميه
✍ فراس المحمداوي
١١٤٧- زينب (ع) وليلة الوداع
انشدچ تجـري دم عيناچ لوما
وهـــم ينفـع الـلايم بيچ لوما
غداً مايحرگـــون الخـیم لوما
يطيح حسين والعباس اخيه
✍ فراس المحمداوي
١١٤٥- حال ام الرضيع (ع)
بنيت من الحـــزن والهم تلالاي
ودمعتي بكل وكت يبني تلالاي
من مثلي بمهد خــــــالي تلالاي
ذهيله واثّـر افــــــراگـــك عليه
✍ فراس المحمداوي
محملين وضعنــه شـــال عنك
يگلبــي المنِيِّ گـــــوه شالعينك
عمت عيني يخويه شال عينك
السهــم جا بيمن تعاين عليــــه
رائد الناشي
اللهم_عجل_لوليك_الفرج
/channel/tyyuuiiopp
القناة التي قادت الشباب للتشيع و نورت أفكارهم و غيرت آرائهم
✿ /channel/+P-GoLN-sWbBlNmU8
يا قاضي الحاجه اتلگانه
مهمومه انصارك مولانه
،،،،،،،،،،،،،،،،،،،،،،،،،،،،،،،،،،،،،،،،
نداء من العراق وكل البيوت
حسين ابنص گلبنه أوالله ميموت
تكتر يا مرض ما تسمع الصوت
الكافل للحوائج والله منعوت
يا موت الياخذ هالرايه
يا دستود بفرد حچايه
يم دارك وصلت مشايه
يا معنى الدين وعنوانه
مهمومه انصارك مولانه
،،،،،،،،،،،،،،،،،،
يم حسين كلنه نصلي ونزور
ونطوف اعله الضريح بدمعه وندور
عدنه الكافل المعروف دكتور
نتاني ازيارتك يا سيدي اشهور
نرفع زوارك علهامه
موكبنه ايحشم خدامه
مرفوعه چفوف اللطامه
وعباس بجوده اتعنانه
مهمومه انصارك مولانه
،،،،،،،،،،،،،،،،،،
يا باب الحوائج يمك اليوم
ضاگت يابوفاضل گلبي ملچوم
متعني الضريحك وانه محروم
ما ارد اعله بيتي وگلبي مهموم
يمك ما تصعب محلوله
غير انته الكافل معقولة
گلوله انحلت گلوله
كلمن زار الحضره ويانه
مهمومه انصارك مولانه
،،،،،،،،،،،،،،،،،،،،،،
دكتور العليل بحضرته ايطيب
التصعب حالته يمك ولا يخيب
شباب اتعنته وما قصر الشيب
محنيه الظهور وابد متعيب
نمشيلك لو بلعكازه
انته البلمحشر نعتازه
وبلمة ذيچ الجنازه
ومن نوصل يم الدفانه
مهمومه انصارك مولانه
،،،،،،،،،،،،،،
متروسه الشوارع ناسك هواي
يا قبلة الشيعه وصاحب الراي
(نعطش للزياره) شينفع الماي ؟
العراق بشاربك تگضيهه مولاي
معروف وما رد خطاره
وشلون بدمعة زواره
سوي لهاي الوادم چاره
تعبت ما گالت تعبانه
مهمومه انصارك مولانه
،،،،،،،،،،،،،،،،،،،،،،،
نبقه وعلوعد خل يسمع الكون
البگلبه الحسين هناك مامون
يا اوسع سفينه انعوفك شلون
چا المن نموت ؟ وتعمه العيون
بس الكم ربنه مخلينه
جدكم حادينه اوالينه
لا بالمحشر ما ينطينه
بذاك الموقف ما ينسانه
مهمومه انصارك مولانه
كلمات الخادم
رعد الفريجي
هلا بزوار ابن حامي الحمى
------------------------------------------
كل هله تسبگ هله
والعيون امسبله
كل طريق الكربله هلا زوار هلا
والمواكب من تصيح
هلا يا عطر الضريح
يل تواسون الذبيح هلا زوار هلا
يا هلا بيك ،، اخليك ،، على الراس وعلي
زاير حسين ،، ترى حسين ،، غدآ يشفع الي
والدرب مشايه
رايه يم الرايه
والهتاف حچايه ،، هلا زوار
لا يمركم تعب لا حتى الضمى
هلا بزوار ابن حامي الحمى
******
موكب الخدمه اكتمل
وصل زايرنه وصل
ننجمع كلنه اهل هلا زوار هلا
خدمة الزاير شرف
بصره كوت وبالنجف
وصفينه الحله طف هلا زوار هلا
هايه ذي قار ،، الانصار ،، اهل نخوه وعزم
رايه بغداد ،، والاولاد ،، زلم والله زلم
والوجه لتديره
العماره الغيره
ديره تلحگ ديره هلا زوار
يا هلا بانصار حيدر فاطمه
هلا بزوار ابن حامي الحمى
*****
هل زياره الجامعه
صوره من الواقعه
للنفوس الدامعه هلا زوار هلا
تمشي ساق ويمهه ساق
كل مدينه وكل زقاق
والمنازل بالعراق هلا زوار هلا
حتى الگبور ،، تجي اتزور ،، واهلهه اتوجهت
هاي الافواج ،، اجه افراج ،، مگابر هل مشت
هالزحف روحاني
للولي الرباني
القائد الانساني هلا زوار
هذا نور الارض بل نور السمى
هلا بزوار ابن حامي الحمى
******
موعد الملگه قرب
والتعب ماكو تعب
هالوطن بيه العجب هلا زوار هلا
الفقره تكرم بالغني
دامه زاير معتني
هني صاحتله هني هلا زوار هلا
كلهه خدام ،، والاعلام ،، نقل هذا الخبر
عاجل انذاع ،، تره الگاع ،، تغطت بالبشر
والدول مذهوله
هايه ما معقوله
جمله بس مگيوله هلا زوار
هاي الاعداد عظيمه وصادمه
هلا بزوار ابن حامي الحمى
*******
ثوره ابد ما تنتهي
للحسين ابن علي
والارض ارض الولي هلا زوار هلا
واضح اليوم الأمر
هذا يوم من العمر
ثورة الدم تنتصر هلا زوار هلا
نرفع چفوف ،، والصفوف ،، جسور الحضرته
والعدد زاد ،، والاعداد ،، تريد زيارته
اربعين اعجازي
هذا هو انجازي
قدمت ايجازي هلا زوار
اربعين حسين اكبر ملحمه
هلا بزوار ابن حامي الحمى
كلمات الخادم / رعد الفريجي
﷽
📖 دعاء عند الغروب
✨ " اللهم يامن ختمت النبوة بمحمد صلى الله عليه وآله وسلم ،اختم لي يومي هذا بخير وشهري بخير وعامي بخير وعمري بخير إنك على كل شيء قدير"
اللَّهُمَّے صَلِّے عَلْے مُحَمَّدٍ وآلِے مُحَمَّدٍ وعَجِّلْے فَرَجَهُمْے
🕌
١١٦٧- اخي ياحسين
اظــــل انعـــــــاك مـن ونه لونّه
وگلبي امصــــــايبك خويه لونه
مسرع مـــر تره الحـــــادي لونه
امخليني احسب جروحك بديه
✍ فراس المحمداوي
١١٦٥- على نياق الاسر
مشينه والسبي عنهـم يبركان
ومثـل بركان البالگلبي يبركان
دخّلي النـوگ یالحادي يبركان
تريد تشوف والــــــدهه رقيه
✍ فراس المحمداوي
١١٦٢- وازينباه
دهري مارحــــم حالي ولاحسين
وگمت ما اشعر بمتني ولاحسين
لا عباس يبرالـــــــــي ولاحسين
اسيره امچتفه بحبــــــــال امیه
✍ فراس المحمداوي
١١٥٧- وازينباه
الليالي بگلب زينب سهم عينن
وعيون الشمـــاته بغيض عينن
من شبت عـــــــليها النار عينن
نـــــار الــــشبّت ابدار الــزچيه
✍ فراس المحمداوي
١١٥٥- الغوث يا ابا الفضل
غده بظهر اليتامه السوط لشّاط
ومحتاره ابره للّـــي طاح لشّاط
وين اليوديني بعجـــــــل لشّاط
وانده كافــــــــلي وينتهض ليه
✍ فراس المحمداوي
١١٥٣- عطش زينب (ع)
الجبـل ياناس يتــــــألم من الماي
والـــــــمّ الصبر يتطشّر من الماي
ثلث تيّام محــــــــرومه من الماي
وضعف شوفي بظهاري الغاضريه
✍ فراس المحمداوي
١١٥١- مصرع الحسين (ع)
عجاج اتراب يسفي ظل عله حسين
وعباتي هناك سوت ظل عله حسين
طحـــن الهيل طحنت ضلع الحسين
الحوافر والسحــــگ بي روحه جيه
✍ فراس المحمداوي
١١٤٩- ليلة وداع الحسين (ع)
تناثر ســــاحل اجفوني وهدما
وحال حسين هد حيلي وهدما
باچــــــــر ینسلب ثوبه وهدما
وضلوعه تنطحـن بخيول امیه
✍ فراس المحمداوي
١١٤٦- الرضيع المذبوح (ع)
حـــزني بگلبي مــا يبرد يغالي
وحــگ الوالـد اعله ابنه يغالي
الف وسفه انگطع نحرك يغالي
بمغيبك ضــاگت الكـونين بيه
✍ فراس المحمداوي
١١٤٤- الليلة العاشرة (عبد الله الرضيع)
صلوات الله عليه ولعــــــن الله قاتليه
یعبد الله الفـــرح لا لك ولالي
ونحتلك طيلة انهـــاري ولالي
المهد خالي واهز مهدك ولالي
گلت بلچي حلـــم وايعود ليه
✍ فراس المحمداوي
اخر دللول .. يايمه هليله
بكاروكك انگول يايمه هليله
باجر تروح وما ترد باجر تنام ابلا مهد
عبدالله يبني عبدالله يبني
..................
يمه هاي اليله اخر ليله اليه
وهاي اخر ليله نكعدهه سويه
احسب الباجر واحس اتموت اديه
باجر اگماطك تفجعه الغاضريه
ريت ابعمر نوح يايمه هليله
يالباجر اتروح. يايمه هاليله
باجر سهم يگطع ورد باجر تروح وما ترد
عبدالله يبني عبدالله يبني
........................
يلي محد عندي الايشابه صفاتك
بس ابوك حسين احسبنه بغلاتك
اليله يمي وعينك اتصد الخواتك
ابنضرتك بانت ملامح من مماتك
من نضرتك هاي يايمه هليله
ماتشرب الماي. يايمه هليله
والعمتك زينب تصد باجر تروح وماترد
عبدالله يبني عبدالله يبني
....................
بيش اغطي رگبتك عن النواظر
مو حسد عن السهم واحميهه باجر
مدري ليش ابكربله ارخيصه المناحر
گلبي لاچمني واحس الخفته صاير
باجر دمه وآه يايمه هليله
مذبوح اويلاه. يايمه هليله
تهوه الحضن موللحد. باجر تروح وماترد
عبدالله يبني عبدالله يبني
...............
گطعت المنحر تره تحجيهه عينك
اشما اشيلك مهدك ايجرنه ادينك
تارس البيت الفجر ليش ابونينك
وانته جنت ايگعد الوادم حنينك
متغير الالوان يايمه هليله
وكت البعد حان يايمه هليله
وبحسره يايمه تصد باجر تروح وما ترد
عبدالله يبني. عبدالله يبني
....................
حسين راح ورد علينه بغير وضعه
دمعه تاخد والدك واترده دمعه
رد عليه اگماطك ودمك ينگعه
مات يازينب وليدي هيج اسمعه
صابه السهم حار يايمه هليله
ابعبد الله محتار. يايمه هليله
كاسرني يازينب عبد باجر تروح وما ترد
عبد الله يبني عبدالله يبني
خادم اهل البيت علي الزرگاني
@tyyuuiiopp
بـسم رب الحجة،..🌱
لسـتة للقنوات الـ 3k+ الدینیة..♥️
القـَناة التي قادت الشباب للتشيع:
✿ T.me/ALWILAYA
القـَناة السيد السيستاني دام ظلة
T.me/alsydalsystany
قـَناة الحشد الشعبي:
✿ T.me/Alhashd313313
قـَناة تعليم مقامات:
✿ T.me/sueiirit
قـَناة مدرسة الزهراء عليها السلام:
✿ T.me/WWWASELA33
قـَناة عشاق الفرقدين:
✿ T.me/ALFRKADINLOVERS
قـَناة قناة الولاية:
✿ T.me/ALWILAYA
قـَناة أدعية أهل البيت عليهم السلام:
✿ T.me/Azkar_alulbaiyt
قـَناة حب الحسين اجنني
✿ T.me/maesbih00cm
قـَناة مهدي آل البيت عليهم السلام
✿ T.me/Mahdi_Allbayt
قـَناة ثقافة آل البيت عليهم السلام
✿ T.me/Thaqaft_alulbayt
قـَناة عشاق ابا الفضل العباس
✿ T.me/jikojikp
قـَناة القصائد الحسينيه
✿ T.me/tyyuuiiopp
قـَناة عبرة وعظة
✿ T.me/Ebra_w_Eza
قـَناة أحباب أم البنين والعترة المحمدية
✿ T.me/NoorAlHussein313
للاشــتراك في السـتة📱
🔜 /channel/KARBALLE_313
#تثبيت اللستة «ساعة» وعدم الالتزام يؤدي الى حذف القناة
حيدر يا علي حيدر يا علي
*******
طبينه موكب للعشگ لحسين طبينه
هاي اربعينية وطن والدم صرخ بينه
يا كلشي يابو علي يا لقائد الاوحد
تلگانه ما نحمل بعد غير انته والينه
بچينه حچينه والجدم لمن نوى
هوانه عزانه يا اعز من الهوى
معانه دوانه بالحشر والله سوى
حيدر يا علي حيدر يا علي
***
الله عطرچ كربله يا تربة الوالي
والعين ما تسوى اذا ما شافت الغالي
المن بعد هوه النظر والروح والعالم
هاي الزياره من العمر بس هيه تحلالي
زياره مناره سوالف من عشگ
وصلنه دخلنه والحلم صاير صدگ
ينبضي يفرضي بعيد أوتنشبگ
حيدر يا علي ،، حيدر يا علي
******
كل الدول تمشي الك يا حضرة الواهب
زوار عبرت كل عدد والماشي والراكب
من السمى املاك وخدم مشايه ويانه
ما ظل أمير ولا عبد صاحب شبگ صاحب
سويه قضيه عبرت حدود الفتن
جماعه قناعه وانت يحسين الوطن
يباقي يساقي حتى ما بعد الزمن
حيدر يا علي ،، حيدر يا علي
*******
ما تنحسب فوگ العدد زوارك وناسك
مقياس ما بعد العقل يحسين مقياسك
كل خطوه جنه ومغفره ومعروف تاليهه
يا مالك احساس البشر من فدوه لاحساسك
ربحنه بتجاره بيهه بس فوز وربح
ولايه حمايه لا ظلام ويه الصبح
كتبنه هتفنه منتصر راس الرمح
حيدر يا علي حيدر يا علي
-----------------------------------
سجلنه من ضمن الخدم مولاي سجلنه
واحسبنه كلشي بحضرتك شتريد تحسبنه
ما عدنه شي يابو علي بس انته وعيونك
هو انتي كلشي وما يهم ما دامك العدنه
يقيني حسيني كربلاء أم الدول
عزائي ولائي مجلس حسين الاهل
حياتي مماتي بالگبر هوه الامل
كلمات الخادم/ رعد الفريجي
نعي...للسجاد....
.
أنه الما لامستني اسيوف الطفوف
............ ولا صوب وريدي رشگ السهام
أنه الجمّع قواه وحاول ايگوم
...............لجل نصرة أبوه اوسفه ماگام
ردت خطوات انصر بيهن احسين
................وأرد عن شيبته عباد الاصنام
انه من الخيمه عيني تحسب اجروح
...........شفت مذبح ابويه وطبرت. الهام
توسد عالتراب مخضب اخضاب
............جرح يخبر جرح عن نحر اليّمام
نزف منبع وريده يختلف چان
................نعم من دم ولکن ینزف ایتام
ترس جمر المخيم صدري دخان
............گمت اشهگ هظیمه وعبره وآلآم
شمر يم بابي نادى زينبك وين
.............نريد انشد ادييها بحبل الخيام
گمت انظر رقيه تركض بعيد
.......ونذل يركض وراها وبيده صمصام
برمح يدفع ظهرها وخدها مسطور
...........یتیمه ابحجر ابوها اتمنت اتنام
أنه الصارت فزعتي احفر اگبور
.............ادور بالتراب اچفوف واعظام
دفنت اهلي واخوتي وعمي عباس
.........ورجعت ادفن رقیه بخربة الشام
انه الما أنسه عبرة يوم الدموع
..................شما مر الزمن وتمر الأيام
.
حسن الموالي الفاطمي
/channel/tyyuuiiopp
قصيدة في المسيرة الأربعينية …
ـــــــــــــــــــــــــــــــــــــــــــــــــــــــــــــــــ
مسافات هتافات نردد بمَمــشانه
مَننساك يمظلوم وإنته ما تنسانه
ـــــــــــــــــــــــــــــــــــــــــــــــــــــــــــــــ
يحسين ٱنتخبناك
قـائدنا وتِـــبَعــناك
ماشين بطريقك
إسمك مَرهَم ٱجروح
وارث آدم ونـــــــوح
ما يخسَر رَفيــقَك
نور إنتَ ٱمن الٱصلاب
شِمخَت فوگ الأنسـاب
والعِز ظل لَصيقَك
گبرك قـــبلة أحرار
للباري أصبَحِت ثار
ما يخفى حقيقك
للحتوف بالطفوف مَنحــرَك قُربانه
مَننـساك يمـــظلوم وإنته ما تنسانه
ــــــــــــــــــــــــــــــــــــــــــــــــــــــــــــــــــ
دَمّك حـافِظِ الدِين
وبحُـبّـك مجـانيــن
ساكِن بالضماير
فِكــرَك إلنه منـــهاج
يُبقى بوجه الأمواج
فُلكك بينا ســــــايِر
لَمّن نِحـــمِل آلام
نتذكّر يضــــرغام
بالطف إنتَ صابِر
صرخات المشي تگول
وا ويـلاه يمــــــچتول
تِعصِف بالمشاعر
إجيناك گصدناك والألم بدمــــانه
مَننساك يمــظلوم وإنته ما تنسانه
ـــــــــــــــــــــــــــــــــــــــــــــــــــــــــــــــــــ
حَدّدنا المـسارات
ونردد عبــــــارات
حَيّ ٱعلى الزيارة
عِدنا المُستَحَب صار
واجب يابو الأحــرار
ولو شِفنا المنــــــارة
نُرفع بالمشي الصوت
لَجلَك نِعـــشَگ الموت
ما نخــشى الخســارة
واللي موطنه ٱبعيد
يوصــل گبرك ٱيريد
مو طال ٱنتــــظاره
إلَك سَار على النار شما يجور ٱزمانه
مَننساك يمظلوم وإنته ما تنــسانه
ــــــــــــــــــــــــــــــــــــــــــــــــــــــــــــــ
لــو گالوا مَجــــانين
ذوله بحُب الحسين
هاي أشــرف مَزِيّة
خِــدّام إحنا للموت
فوگ النايبة ٱنفوت
لَجــــلِ ٱبن الزچية
بدمانه الوِفه ٱيدور
لا ما ننـسى عاشور
وَرضِ الغاضرية
وشما مَرّت أجيال
ذكرَك يُبقى بالبال
شيـــعية الهويـــة
ملايين مجانين شيعتك حزنانة
مَننساك يمظلوم وإنته ما تنسانه
ــــــــــــــــــــــــــــــــــــــــــــــــــــــــــــــ
مَمشى ويشبه السيل
چنــهن طــير أبابــيل
خطـوات المـســـيرة
وتغيض اليِعاديك
مشــــاية وتناديك
بالدمعـة الغزيــرة
فدوة ٱتروح الأولاد
لَجلَك يبن الأمـجـاد
وَموال وعَـــــشيرة
بگبرك كِل ظِمَه ٱيروح
تِشــفَى وتُبرَه الجروح
من نِشــــــــتم عَبيــره
بچيناك عَرَفناك للنبـــي ريحانة
مَننساك يمظلوم وإنته ما تنسانه
ـــــــــــــــــــــــــــــــــــــــــــــــــــــــــــــــ
بقلم الأستاذ / ستار عذاب الحچامي
@tyyuuiiopp