1889
إن اللّٰه لا يكسِرُ قلبَ مَن توسل بالزَهراءِ 💔
##ياملاذ الهاربين
ياأمان الخائفين
ياجابر المنكسرين
اللهم امسح علي قلوبنا
براحه تسُر بها نفوسنا
اللهم نسألك شعور هذه الآيه:
"فاستجبنا له ونجيناه من الغم
وكذلك ننجي المؤمنين"
احسنـت مله. طيب الله انفاســـــــك.
يســلم هالصــــــــوت الحسينــــــــــي.
جــــــــزاك الله خيـــــــࢪا ايحفظك ابا عبد الله الحسين عليه السلام
نعي مفجع
السيده زينب ع اتخاطب ابي الفضل العباس ع
يـحـدي الظعن وي نـاس غـربـه
ومـحـد عـلـيّـه انـكــسـر گـلـبـه
ادري الـمـسـيـــر ابـعـيـد دربــه
والـعـيـن صـوب الـنـهــر تـربــه
ريـتـك تشوف ابحالـي اشـلـون
عـمـداً بأسم اختك يـصيـحـون
بهـذا الحچي ابروحي يحرگون
فــوگ الـهـزل وتـهــل الـعـيـون
ويـنـگ دگـوم وا لـحـك اخـتـك
شـيّـب گـلـبـهـه مــن فـرگـتــك
مـآل الـحـمــل والـيـوم ردتــك
تـحـمـل مـثـل حيـدر حـمـلـتـك
*-----------------------*-------------------*
✍خادم الحسين ع
الشاعر رعد الجريخي
بـسم رب الحجة،..🌱
لسـتة للقنوات الـ 3k+ الدینیة..♥️
القـَناة التي قادت الشباب للتشيع:
✿ T.me/ALWILAYA
القـَناة السيد السيستاني دام ظلة
T.me/alsydalsystany
قـَناة الحشد الشعبي:
✿ T.me/Alhashd313313
قـَناة تعليم مقامات:
✿ T.me/sueiirit
قـَناة مدرسة الزهراء عليها السلام:
✿ T.me/WWWASELA33
قـَناة عشاق الفرقدين:
✿ T.me/ALFRKADINLOVERS
قـَناة قناة الولاية:
✿ T.me/ALWILAYA
قـَناة أدعية أهل البيت عليهم السلام:
✿ T.me/Azkar_alulbaiyt
قـَناة حب الحسين اجنني
✿ T.me/maesbih00cm
قـَناة مهدي آل البيت عليهم السلام
✿ T.me/Mahdi_Allbayt
قـَناة ثقافة آل البيت عليهم السلام
✿ T.me/Thaqaft_alulbayt
قـَناة عشاق ابا الفضل العباس
✿ T.me/jikojikp
قـَناة القصائد الحسينيه
✿ T.me/tyyuuiiopp
قـَناة عبرة وعظة
✿ T.me/Ebra_w_Eza
قـَناة أحباب أم البنين والعترة المحمدية
✿ T.me/NoorAlHussein313
للاشــتراك في السـتة📱
🔜 /channel/KARBALLE_313
#تثبيت اللستة «ساعة» وعدم الالتزام يؤدي الى حذف القناة
بصوت. مسلم المطيري
منك اتعلمت يابو فاضل
ما اهاب ولا اخاف الباطل
كلمات الشاعر
حسن لعيبي الحريشاوي
قصيدة بحق ابا الفضل العباس عليه السلام
منك اتعلمت يابوفاضل
مااهاب ولا اخاف الباطل
★★★★★
تعلمت منك اذا يلفي العسر
بجدمي ادوس الباطل وماانكسر
وظهري معبر يصفه للخوه وجسر
ومااغض النظر عن العايل
★★★★★
تعلمت منك يسبع الگنطره
مااعيش بروح دوم امحَيَّره
الدنيا ماابيعَن لجلها الاخره
دنيا عنها البشر باچر راحل
★★★★★
علمتني الموت ينطيني الحياة
وميت المهزوز ماعنده ثبات
علمتني بحب ابو اليمه النجاة
وعلى هذا الحال اضل متواصل
★★★★★
علمتني العزم امضى من الجسد
ولايهزه ابطال لوكثرة عدد
والحياة بدون معنى للابد
بلاحسين وتعب ماتستاهل
★★★★★
علمتني يبو الغيره والوفه
التضحيه محلاها لال المصطفى
وعلى الدنيا بعد ابو اليمه العفا
بغير حبه مايشغلك شاغل
★★★★★
منك اتعلمت ياراعي الشِيَم
ماابيع الدين لا اعوف القِيَم
عالم انته وجود من بيت الكرم
يخو زينب والنعم ياكافل
الشاعر حسن لعيبي الحريشاوي
طب للطف عباس ..هيبه ورفعة راس
بيوم الصاحوا حيهم بيده الرايه وشال السيف
------------------------------
عباس منه والعم ..وحساب تحسبله الزلم
بالسيف طشرها ويلم ..والجربه بمتونه
الحيف للحومه نزل ..بالزود عالماي ارتجل
زعلان يحلاله الزعل ..من فدوه لعيونه
عالجيش بالرايه يطب ..فرسان غصت بالحرب
بالروس خط حتى الدرب ..لا مايلاكونه
بسيفه الجيش يميل ..وكلها تصيح دخيل
دخيلك ياعباس دخيلك كام يصيح الجيش
-------------------------------
بالكون ماجابت مره ..عباس سبع الكنطره
سبحان رب الصوره ..ياهيبة الساده
بالروس سيفه مايعد ..عالكاع طشرها ويرد
خيال بالفزعه يهد ..يتخير القاده
عباس عيشهم رعب .. والكاع بالطف تنكلب
يلكون وجها من الصعب .. ماي النهر ناده
الماي يصيح بصوت ..جاي بسيفه الموت
الماي احتار بروحه ولم اجروفه لجف عباس
----------------------------------
صنديد رفت رايته ..للماي زينب طلبته
والغيم صار بجربته ..والعلكمي ومايه
لاصوت لايطلعله حس ..الجيش لقنهم درس
اليوم جربه تنترس ..من صاحب الرايه
سلطان ويرف العلم ..عالعين سلم كل سهم
نهرين جرهن للخيم ..ودك عالنهر ثايه
هله بالشال الجود .. وطب للماي بزود
شتطلب زينب تامر شنهو الجيش وشنهو الماي
----------------------------------
خطوات جدمه مهيله ..نعناع هبت كربله
والسيف يبدي البسمله .. وي سطرت يمينه
الكاع غصت بالدمه .. مخطوف ضل وجه السمه
بالكون اكبر ملحمه ..بين العده وبينه
تاريخ يشهد للكمر ..للجيش ضل منهم اثر
عباس تاركلك عبر ..بي تشهد سنينه
هلا بعضيد حسين .. ماننساك اسنين
انت الما واحد شافك الا يصيح ددخيل
----------------------------------
عباس يالوجهك ضوه ..انسان ويشمه الهوه
العطشان لو شافه ارتوه ..يالوجهك مرايه
ايات باسمك رتلت .. ياسين قاف وفصلت
عالراس الريشه حلت ..يالبالحسن آيه
للموت وجهك يبتسم .. عباس بجيت النجم
عالراك خليت الحلم .. كاسر ظهر مايه
يحلم بيك الماي ..الهسه بجودك جاي
الماي الشلته بجفك ضل سنين يطوف عليك
------------------
تمت
احمد الخفاجي
وداع مولاي مسلم ابن عقيل مع الإمام الحسين عليه السلام
########
ودعته وكسر ظهري ودعني بدمع يجري
وداعي كاسر حسين وداع ايشيب العين
==========
توادعنه بدمع وابونه وبحسره
وداع اخوه بدموع اتفطر الصخره
شبكني حسين ويلي وخنكته العبره
ومشه خطوه واشوفنه لزم ظهره
لازم ظهره واتحسر واتغير ابو الاكبر
راحت ذيج الإسنين وداع ايشيب العين
==========
وكفنه ابلا حجي ويسولف المدمع
ونين حسين والله بگلبي ظل يشلع
الصبر من هل وداع اللي جره يجزع
ابو السجاد شيبه برمشه ظل يطلع
رمشه من القهر شيب طوله كبالي جن حدب
كاسر گلبه الاونين. وداع ايشيب العين
ودعته وكسر ظهري
==========
هوينه اعل الأرض واحد شبك واحد
يعين الله گلب كلمن اخو فاجد
انكسر ظهري يكلي ودمعتي شاهد
مثل عباس تكسرني اضن رايد
يگلي ويحجي بالكوه. تصعب فرگة الخوه
نار الفركه نارين وداع ايشيب العين
==========
يبو السجاد گتله كفكف ادموعك
فدوه اظلوع مسلم خويه لظلوعك
اليهم مسلم يبو السجاد موضوعك
بالطف اعتذر من يطفن اشموعك
فدوه لعينك اتگطع مااريد بذبحتك اسمع
لذبحك خويه ناوين وداع ايشيب العين
==========
بطلنه دمعنه والحجي اتغير
من حظرت حميده وشافت المنظر
يبويه تكلي شنهو إيّبَجي ابو الاكبر
عمي ليش يبجي ويمك اتحير
حاير بنتي من سئلت سكته ودمعتي هَلّتْ
ناوين اعل السفر وين وداع ايشيب العين
==========
بجت يمي حميده وهدمت حيلي
يبو السجاد خويه افزعلي ياويلي
اخذ مني حميده خويه وادعيلي
بوداع إعزاز گلبي مانمت ليلي
ليل الفركه مانمته گلب اعزازي فاركته
اصفك تالي جفين وداع ايشيب العين
==========
الشاعر علي النائلي
#همســـات_الصبـــــــــاح
عندما تستيقظ أدع الله أربع دعوات:
يارب توكلت عليك ..
يا رب احتسبت يومي هذا لوجهك الكريم فتقبله مني ويسره لي وبارك لي فيه ...
رب اشرح لي صدري ويسر لي امري ...
اللهم اني استودعتك نفسي وأهلي وذريتي وأحبتي ... فاحفظهم حفظاً يليق بعظمتك ...
#صباحكم_طاعة_الرحمن
"
اللّهُمَّ ثَبِّتْنِي عَلى دِينِكَ ما أَحْيَيْتَنِي، وَلا تُزِغْ قَلْبِي بَعْدَ إِذْ هَدَيْتَنِي، وَهَبْ لِي مِنْ لَدُنْكَ رَحْمَةً إِنَّكَ أَنْتَ الوَهّابُ.
🍃✨
خليني اشوفك مرة لو حلم
يالبية عايش طيف منرسم
انت الاهم عندي انت كل مهم
يا ابا صالح .... يا ابا صالح
..........
يايوم اشوفك أسألك ... ليل اونهار اتوسلك
ما دمعه كسرت خاطرك ... حاجيني مولاي
صوره ابخيالي راسمك ... ياملك وانه خادمك
ارحمني وارحم حالتي ... ياشوف عيناي
ذبلت اعيوني امن السهر ... شابع بجي شابع قهر
مر بية لو نسمة هوا ... محتاجك اهواي
روحي انه يمك باقي بس جسم
........
يانبضت اكليبي التدك ... مو جذب عشكي من صدك ... وياك واصل مرحله ... مرحلت الاجنون
كل لحضه التمر اذكرك ... عايش اوياي اتصورك
مو عني غايب سيدي ... ساكن بالعيون
تسري ابشرايين الدمه ... تشهد علية فاطمه
روحي انت وانت عالمي ... ياسيد الكون
عطرك يغايب يا وكت اشم
......
ما ادري من وين ابتدي ... بيك انه سارح سيدي
عنوان قصتي من الزغر .... مكتوبه وياك
كاتبلك بدمع النظر ... ياسيدي يالمنتظر
طالت الغيبه اشكد بعد ... امنيتي ملكاك
خايف تجي وانه بكبر ... تظهر وما عندي عمر
يل كلك احساس اوفه ... اهواك اهواك
حربا لمن حاربكم وسلم
.....
فارش الك داري ورد ... هلبت تمرني من ترد
صح انه مو خوش ادامي ... ضيفني لله
بية اكسب اجر المال اهل ... احسبني يتيمك يا امل ... فدوة اخذ بيدي اتوسلك ... نسيني كل اه
ما ريد كلشي بدنيتي ... بس شوفتك يا سلوتي
ما اريد مال ولا ولد ... لا اريد كل جاه
الوياك صار ابدنيه ما يهم
......
مرسالي اختمنه بشجن.... وين استقر بيك الزمن
عايش ابيا ديرت غرب .... عايش ابيا حال
اشتاكل اشتشرب يل ولي ... هذا السؤال ابداخلي ... ما لحضه فارك خاطري ... شاغلي البال
كاعد ابدار ومستقر ... لو خيمه محروكه بجمر
اتذكرك بزينب عمتك ... وبيذج الحبال
كلشي ابحياتك غصه ياشهم
.............
كلمات
موسى الخادم
((((شور ليلة اهدعش))))
مادام ابوجن عالرمل نام
من صدره خلي نجر السهام
خلي نلمه ===حته نشمه
////////////////////////
متعوب وايده فوك الصفاح
مخيطات ضهرة خياط الرماح
شوج وحجر جواه من طاح
نص كلب ابوجن بالسحك راح
طاح اعله وجهه وبعد ماكام
وظل رافع ايده لصوب الخيام
خلي نلمه ===حته نشمه
////////////////////////
نيشان صاير صدره نيشان
وينلاح كام امنين ماجان
والصعبه حيل انذبح عطشان
يولونه وليه الفاكد اخوان
بهيده ويه نحره توه مذبوح
اموتات حيله اهواي الجروح
خلي نلمه ===حته نشمه
////////////////////////
الله واكبر جسمه بالكاع
من الحوافر نازل اذراع
مابي مجان الشمة اوداع
سلبو قميصه منه شبساع
عمله ومصيبه تنحجي شلون
مشلعه الحوافر جلد المتون
خلي نلمه ===حته نشمه
////////////////////////
خل اعله جسم احسين نندار
ونشيل عنه كل الحجار
فوكاه تل امن الحجر صار
عريان ابووجن والرمل حار
ويلاه ابوجن مات ويلاه
مامش حصيره نمدهه جواه
خلي نلمه ===حته نشمه
////////////////////////
عالكاع دوسن عمه بهداي
توني لكيته اظلوعه جواي
خلي نلمه كومن اوياي
يعطلنه خاف اسهامه الهواي
من غبشه عنه الليله ماشين
فرصتنه هاي انلم الحسين
خلي نلمه ===حته نشمه
////////////////////////
أسم الله محد كله من مال
من ظهره طالع رمح جتال
موذرين جسمه صعبه ينشال
ظلت تشم بنحره الاطفال
الباجر يضل بعازت افياي
كلله نركض جنه حفاي
خلي نلمه ===حته نشمه
////////////////////////
تمت ____ علاء الزيدي
((مهد الطفوله))
حبيتك يحسيني
والصفنه اتوديني
يم بابك يـــاعيني .. ياعيني
"""""""""""""""""""""""""""""""""""''''''''''
حبك مو حچي ايام ولا هـــوه بسهوله
حبك فطره يحسين من مهد الطفوله
افرح لو كبر جرحي أعله منواله
اشگد اتمنى كون بصدري خياله
أموت ..
وتشملني رحمتك .. وتلمني حضرتك
وأتنفس عــذابك
خليني أعله بابك
بدروبــك مشيني
والصفنه اتوديني
يــم بابك ياعيني .. ياعيني
"""""""""""""""""""""""""""""""""""''''''''''
راحةّ حبــــك وياي حنيتك عـذابي
الغيرك مره الدموع بس انته مصابي
أهيمن والعشگ يحرگني ساعاته
اصدق حب اذا بالخلـــوه دمعاته
أهيم ..
من حبك وأجيلك .. مولايه ودخيلك
موتني غــــــرامك
وتارسني هــيامك
بالـــرايه غطيني
والصفنه اتوديني
يم بابك ياعــيني .. ياعيني
"""""""""""""""""""""""""""""""""""''''''''''
مشيني أعله منواك زمــــاني ماله رادع
أضيعن وأرجع وياك اليحبك عمره ضايع
دليني أعله جرحك خاطر ابچيله
بحنان أمي أظــــل بهداي ألوليله
حسين ..
افرشلك حناني .. گلبك ما نساني
يرزقني عـــزائه
وآلآمه وبكــــائه
بالمجلس خليني
والصفنه اتوديني
يم بابك ياعــيني .. ياعيني
"""""""""""""""""""""""""""""""""""''''''''''
سهر للگلبه مشتاگ للخــــدمه وتعبها
روحي بنار الاشواگ بس لحسين أذبها
وأتقاسم دمــــــع من گلبي لعيوني
وارسم بالعشگ سوط وعلى متوني
سياط ..
ضوگني الأذيــــه .. من سوط السبيه
جمـــره من رقيه
ولوعه من صفيه
بالخيمه چــويني
والصفنه اتوديني
يم بابك ياعيــني .. ياعيني
"""""""""""""""""""""""""""""""""""''''''''''
سحگـ صاير بلاشــــوف وأجانب ليش لمه
بخيامك تبچي الاطفال وكلها تصيح عمه
والعمه الحنـــــــونه تركـــض بهيمه
تكض الطفله مدري أطفي بالخيمه
عذاب ..
بين الخيل تركـــض .. تهد بهاي وتكض
العشگ بالروح حيره
العشگ لازم أســـيره
والـــزينب دليني
والصفنه اتوديني
يم بابك ياعــيني .. ياعيني
عبد زينب
محمد الابراهيمي
@tyyuuiiopp
ابدي بدللول وتلچمني چلمات
المن تلولين يم الولد مات
لوليدي مايرهم ذبح راسه زغير اعله الرمح
...............................
ها يالمشيت وروحي ضلت عندك
يكتلني يا عبدالله فارغ مهدك
حسبتك انخلص عمرنه انه اوياك
ياورده موش اولام نومة لحدك
اهزن بالمهد وادري المهد خالي
عبدالله نساني وخابت آمالي
الولد يهل الولد تدرون بي غالي
گالولي مذبوح واصرخ سلامات
المن تلولين يم الولد مات
وبحالتي ايطول الشرح. لوليدي مايرهم ذبح
........................................
من يغفه جان اتضل اله مشتاگه
روحي اولا متعوده اعله افراگه
حاجيني رايح واكبل اليل اشلون
وفرگة الموت البيهه ما نتلاگه
متعوده اشوفك يبني واشتمك
واناغيك وتفر مابين حضن امك
هسه ابين اديه وسابح ابدمك
يالعمرك اكماط وآخرته نشغات
المن تلولين يم الولد مات
الرگبه اقل من الجرح. لوليدي مايرهم ذبح
........................................
لحضيني رد وعوف يايمه الماي
لاج الدليل ابروحتك يبني اهواي
كلما اتطول ردتك زاد الخوف
بالمشرعه امتانيك سهمه الرماي
بالدنيا شلي غيرك يعبد الله
اعله نحرك خايفه الرمايه توصله
ياشريان روحي اعله سمك اصمله
والموتتك هاي بانت علامات
المن تلولين يم الولد مات
ياموتي كونك تنجرح لوليدي مايرهم ذبح
.......................................
بليل افز ويفز حنين البيه
واتدني كاروكك اجفوفي اعليه
وبلا شعور افتر وادور بالبيت
هلبت اگول اوليدي عود ليه
ابكثرما هلت وناحتلك اعيوني
على الگومه عبد جيب اليكوموني
اشعندي غيرك وبالطف يفجعوني
خليت الادموع بعيوني اتبات
المن تلولين يم الولد مات
يانعمة الله لاتشح لوليدي مايرهم ذبح
.........................................
ياطفهم اتلجميني شمسويه اوياج
وگليلي عبدالله الطفل بيش اذاج
هذا الاعز تدرينه حتى من الروح
ام البله حگه الحسين السماج
يذباح الرضيع شبيك وشمالك
تگطع منحر ابني وشنهي سوالك
يعبد الله الرمح ما ضنتي كفالك
راسك اثر بيه للرمح فتحات
المن تلولين يم الولد مات
عينك اگبالي وتنفتح. لوليدي مايرهم ذبح
خادم اهل البيت علي الزرگاني
@tyyuuiiopp
القناة التي قادت الشباب للتشيع و نورت أفكارهم و غيرت آرائهم
✿ /channel/+P-GoLN-sWbBlNmU8
يبويه من تروحون خافن ما تردون
يالعفتوني اتاني ابنيتكم تراني
***
بويه امس انه ورقيه نسولف وذاك الهوه
ومن فرحتي جنت اكلها باجر نسافر سوه
ما دريت اصبح وحيده ونحرم من الضوه
انجان حاسبني عليله انته يابويه الدوه
راحن كل خواتي وتعثرت بعباتي
ومحد صعداني ابنيتكم تراني
****
بويه هاي انه العليله ومن مشيتو اتعذبت
افراك عبد الله كتلني وليلي تدري ما نمت
للمهد رحت بدمعتي وبيدي اهزنه كمت
اتحلمت مذبوح اخيي وبالحلم جني متت
وشفت بهدوة الليل اكماط بحافر الخيل
المنظر روعاني ابنيتكم تراني
*
ودعيتوني ومشيتو وعالخد دموعي جرن
وضلت عيوني وراكم من حده حادي الضعن
غير امس جنه سويه ليش فركنه الزمن
والخوات اشلون بويه كلي من يتفاركن
بدمعتي امكابله الباب وناطركم يالحباب
ما يرحم زماني ابنيتكم تراني
****
بويه كل ابنيه راحت يم ابوها وكادته
وانته ذاك العاف بيته وكسر كلب ابنيته
طبع اليسافر يبويه ايضل يفكر بطفلته
وانه يابويه عفتني وجرحي قصه قصته
تكتل وحشة الدار وماكو منكم اخبار
فاض الكم حناني ابنيتكم تراني
***
ليش فاركتوني يهلي ومحد اعليه سأل
مشت كل طفله ويهلها وانه عافوني الاهل
جان امل عندي يبويه وانته خيبت الامل
الدار ما تنراد صارت والدمع عالخد همل
طفله وكلبي ملجوم وعيني كرهت النوم
هجرك شيباني ابنيتكم تراني
*
امحضره اثيابي وتاني طارش المنكم يمر
كمت بالباب انتظركم وعصر بروحي عصر
اختنك كل مغربيه وابجي يابويه اشكثر
ليش من عندك يبويه اتيتمت من الزغر
يكتل تدري فركاك وصعبه روحي تنساك
دهري حيراني ابنيتكم تراني
****
تمت
تحسين الخفاجي
قصيدة وعظية (موشح)
آه ياگاع اللحد ورمالها.
وبظلام الگبر روحي شحالها
★★★★★
لساني الساكت ولاينطق حرف
خوفي ينطق بالذنوب ويعترف
روحي حالتها ابد ماتنوصف
يوم ماتلزم ظهر أعمالها
★★★★★
خاف أعمالي ولاتلزم ظهر
علصراط البيه عبر والماعبر
مستحي من ربي كاتلني القهر
گبالي اصد النار وأنا اگبالها
★★★★★
وين اظم الروح باچر واتجه
من الخجل چاوين اوديه الوجه
للنصحني چنت مايوم انتبه
وچنه كل چلمة نصح ماگالها
★★★★★
ربي ردني صالح اعمل من جديد
وهوه نبهني گبل يوم. الوعيد
انطاني فرصة كل ندم لامايفيد
بدنيه غداره وگصيره أحبالها
★★★★★
اتبعت دنيا كلها لوعات وعذاب
خذت مني احبابي وأيام الشباب
شما اصد بعيني الگاها سراب
هاي عادتها الرديه افعالها
★★★★★
ايام ماترجع ولاتسمعلي صوت
تأخذ احلام العمر مني وتفوت
چم نذير يگلي ياغافل تموت
ولازم اظعونك تشد ارحالها
★★★★★
وين تعب العمر ياروحي يصير
لاصديق بوحشتي ولامن نصير
ولااهل تنفع ولامال. الچثير
بس عملها الروح ضل يبرالها
الشاعر حسن لعيبي الحريشاوي
#أنت_موضوعي
. مــا عندي غيرك موضوع نـوح ومـجـالـس ودمـوع
نـاذر حـيـاتـي لــ خدمتك
مـتـهـمـنـي نـاس العافتك
*---------------*---------------*
ما تـنـحـزر بـعـض البـشـر مــا اخـلـي ايـدي اعلـيـهـه
خـلـيـت ايدي بـخـدمـتك وبـس عـشـرتـك شـاريـهـه
الــــوادم اتــروح و تـجـي الـخــدمـه ويــن ألـگـيـهـه
وفـقـنـي أظلن بـالــعــهــد وعـالـكـلـمـه مـن احچيهـه
مـــاهـمـن لــ كـل الـنـاس اتــفــاخـــر ورافـــع راس
ملكت شعوري امحـبـتـك
*---------------*---------------*
يـالعشـرتـك عـشـرت وفـه بـطـعـم الـدمـع مـمـلـوحـه
كـلـش قـلـيـل لـحـضـرتـك الـخــادم يـــقـــدم روحــه
الــــوادم إتـحـب الــفـــرح مـحـد يـحـب اجــروحـــه
مـخـتـلـفـه أحسّن حالـتـي راحـت دلــيـلـي ابـنـوحـه
احچيهه الك يالمحـبـوب يكفيني دمعي المصبـوب
موبيدي روحي العشگتك
*---------------*---------------*
ويـــاك اريـدن دمــعــتــي وغـيـرك فــرح مـــا ٱريـده
خليني بـصـفـوف الـخـدم ومــن الـخــذاهــم بــيــده
مــن الــيــســلــم رايــتـــه ويـنـطـيـهـه بـيـد اولـيـده
آخـــر حـيـاتـه و يـفـتـخـر و اسـمـك يـظـل ايـعـيــده
يـمـلـكـنـي غيرك مـا ريـد بـخـدمـتـك جـاهي ايزيد
مـولاي اموت بـخـدمـتـك
*---------------*---------------*
ماعوفـك انـطـيـتـك وعد وأدري الـوعـود احچـايـه
نــاذرهـن سـنـيـنـي تــــره ابـنـوح و لـطـم وقــرايـه
اليعـتـرض خـل يـعـتـرض كـلـمـن عـلــيــه بـــرايـــه
قــرّبـنـي وٱقـبـل دمـعـتـي تـفـكـيـري بـس ابـهــايـه
اتـبـاهـه لٱجـلك مـنــذور وايـامـي كـلـهـن عـاشـور
مـا انـسـه يـوم امصيبتك
*---------------*---------------*
ياصاحب الصاحب صدگ عـالـفـطـرة مـن حـبـيـتـه
مـنـطـيـنـي جاه ومـنـزلـه مـشـرفـنـي دوم ابـصـيته
مـتـربـي آنـــــه بـمـأتـمـك و تـاج الـشــرف تـربـيـتـه
شـكــراً أگــولــن ســيــدي خــيــرك عَـلَـي صـبـيـتــه
كـبّــرنـي صـيـتـك مـولاي مـتـفـضـل بـخـيـر هــواي
خــلــيـنــي لازم رايــتــك
*---------------*---------------*
✍خادم الحسين ع
الشاعر رعد الجريخي
چان حزنك عالسطح نوح وآنين
وانت تلهج بالضمه بس ياحسين
ليش نايم عالسطح
اتريد تنعه المنذبح
واجواداه...............واجواداه
●●●●●●●●●●●●●●●●●●●●●●
راح اسولف يالجواد ابكل ملامح قصتك
تشبه المظلوم عمك بالحسن من سيرتك
هم نفس جعده نشاهد ليش سمت چبدتك
بالغدر ياوسفه صارت هيه گامت جازتك
صافحن يا وسفه ارباب الحكم
ليش نايم عالسطح وبيا جرم
انطيت لدنيا طرح
تريد تنعه المنذبح
●●●●●●●●●●●●●●●●●●●●●●
يالجواد ابنار حزنك شاهدت بيت العذاب
شاركت بالحسن همه وانت عانيت المصاب
اتشابهت بالماي وجهك لو اظن هذا السراب
اتذكرت بالطف اظنك حسين نايم عالتراب
لو خذاك الليل تذكر بس خيم
اشلون زينب حايره بين الحرم
وانت دمعاتك تسح
اتريد تنعه المنذبح
●●●●●●●●●●●●●●●●●●●●●●
ارسوم وجهك بي مآتم تنحني من كربلاء
والكرم من بابك اجزم انت يافيض العطاء
بابك اشما راد يفتح تنسد اشلون السماء
وانت بس ترفع دعائك والله ينشال البلاء
دمعتك چانت وقف بس للآنين
يالثار احسين تطلبهه السنين
بيا فجر تلگه الصبح
اتريد تنعه المنذبح
●●●●●●●●●●●●●●●●●●●●●●
ياجرح ابدي واسولف وانه اعيش امصيبتك
والليالي اتموت حسره چنه عاشر فرگتك
عالسطح گبه ومناره ليش مرمي ابحسرتك
احسين واسيته امصابك ادري ذبحو مُهجتك
عالسطح صارت منارات العباد
مو سطح يمكن صبح باب المراد
كلبك اهوايه انجرح
اتريد تنعه المنذبح
●●●●●●●●●●●●●●●●●●●●●●
سدت الباب بحقدهه اعليك معروف الحقد
ياعجب مو مثل يوسف ينفتح لمن تصد
لسطح متعني صاعد شفتك اشكد مستعد
من بني العباس غاضب وبدموعك تُستجد
تنحب الزهره ابحزنهه ام الحسن
عدهه ابرض الكاظميه شكد شجن
يا جرح بي تتضح
تريد تنعه المنذبح
●●●●●●●●●●●●●●●●●●●●●●
تمت بعون الله تعالى
الشاعر•••• يوسف عباس الفتلاوي
القنوات الخاصة
خادم آل محمد وخادم الحسين ع
ملة جواد الغرباوي
قصائد والحان ملة جواد الغرباوي
/channel/molajaoad
كروب قصائد والحان ملة جواد الغرباوي
/channel/molajaowad
قناة قصائد النساء لعزاء الزهراء عليها السلام
/channel/+lRhghR000ec2Mzhi
للمراسلة على الخاص
@molajaoad1
((وگماطك))
آنه وناگتي وگماطك أنسير
وتجي أبالي يعبدالله التصاوير
المهد وانته تجولي
وأظل بالناگه ألولي
يعبدالله دللول ...
""""""""""""""""""""""""""""""""""""""""""""""""'''""""
أمس مشطت راسك يبن الشموس
وراسك هسـه يبني مرافگ الروس
راسك ينگطــــع چه غِيـره متروس
عشت بالضلمه عگبك ها يــفانوس
أجَرن بالمهد والخيمه عطاب
حرگ روحه المهد بفراگ الاحباب
صوَركْ يبني حولي
وأظل بالناكه ألولي
يعبدالله دللول ...
""""""""""""""""""""""""""""""""""""""""""""""""'''""""
أشـــــــــمن ريحتك وگماطك وياي
مدري شـــــلون طاح مدوهنه الراي
صحت يا حادي اوگف مارضه بهاي
لگمــــاطك طحت عبدالله يبنـــــاي
أجه الحادي وسياطه لاحت العين
واشوفنها تغمض عين الحسين
العـــده يايمه توّلي
وأظل بالناگه ألولي
يعبدالله دللول ...
""""""""""""""""""""""""""""""""""""""""""""""""'''""""
زينب شاهدت من طحت ياروح
شفت بعيـــونها العــباس مذبوح
وشاهدني الـچفيل ودمعته تلوح
وروحي تهيم بالحـسرات والنوح
وأحسْ بناگتي هم عدهه لوعات
على حالي بچت يايمه دمعات
بس بالسوط اجولي
وأظل بالناگـه ألولي
يعبدالله دللول ...
""""""""""""""""""""""""""""""""""""""""""""""""'''""""
مشينه وبينه حسره وشوگ وآلآم
مانـــــــــدري بعد شتجيب الايــام
الكوفه شـــــخلفت بگلوب الايـتام
بعد شتخلـــــي بينــه طبت الشـام
هاي الناس تتفرج ترى هواي
أهل الماي احنه ونطلب الماي
ییمه انشاف طولي
وأظل بالناگه ألولي
يعبدالله دللول ...
""""""""""""""""""""""""""""""""""""""""""""""""'''""""
يمه الشـــــــــام يا عبدالله فجـار
يشمرون اعله راسك يبني احجار
وآنه انضر المـــوقف والگـــلب نار
منو اليمشي العلـي ويگله الاخبار
ياهو يروح يم حيدر يجيبه
حتى يشوف بعيونه المصيبه
يشوف أَسوه خُولي
وأظل بالناگـه ألولي
يعبدالله دللول ...
عبد زينب
محمد الإبراهيمي
"
﷽
✨اللهم ولك الحمد والشكر بجميع محامدك كلها على جميع نعمائك كلها حتى ينتهي الحمد إلى ما تحب ربنا وترضى
- من أدعية أهل البيت «عليهم السلام».
🍃✨
"
اللهُم احفظنا بـِ حفظك وفي ودائعك ؛ اللهُم أنفسنا وأهلنا ومن نُحب يا الله
ربي أزهر صبّاحنا برضاك عنْا وإفتــــح لنـا آبـواب خــــيُرك
طَـْـــــــــاَبَ صَبَـــــــــَـاحكُمَ
🍃✨
اعتذرلك يا إمامي ... بيك ما جان اهتمامي
غارك بذنبي واجيتك
اليوم اقدم اعتذاري
.....
اسف اهواي ... عن ذنوبي وعن جميع افعالي
اسف اهواي ... جارحك مولاي وانت الغالي
لو بية الزمن يرجع فلا زعلك يمحبوبي
جا اكضي العمر بس بيك افكر واترك اذنوبي
كاتلني الخجل مولاي شكتبلك ابمكتوبي
دخيلك ... اعتذر من ذنوبي .... دخيلك
......
ياهوه الروح ... رامي كلبك جم سهم حاجيني
ياهوه الروح ... شحسب وشحسب اهوايه اسنيني
لو اذنب ذنب كل يوم شعدهن صارن اهواية
يافشلتهه عيني اوياك ما جنت احسب الهاية
اجروح التوجعك مني يا مصعب هالحجاية
دخيلك ... اعتذر من ذنوبي .... دخيلك
........
يابو صالح ... ادعي بالتعجيل الك بس اني
يابو صالح ... الغيبه كل يوم اعله ذكر الساني
يالمخيبهن اضنونك ومزيدهه لوعاتك
اروحن فدوه لعيونك المنهه تجري دمعاتك
اه من امداها الروح الماعاشت معاناتك
دخيلك .. اعتذر من ذنوبي .... دخيلك
........
لا تردني .... تايب امن افعالي اجيتك نادم
لا تردني .... فشله من أتردني بين الوادم
اروح الوين اذا بابك تسده ابوجهي وين امشي
يأقرب ليه من روحي وبعد من حاجبي ورمشي
اذا تطردني من عطفك اصبح خالي من كلشي
دخيلك .... اعتذر من ذنوبي ... دخيلك
.......
اعليك أمشي .... السلبوهه اهدومه يوم العاشر
اعليك أمشي .... النابت ابصدره الرمح والحافر
تسامحني يمحبوبي على كل البدر مني
وتخليني تحت امرك جندي اهواي متمني
وبعد خدمة حبيبي حسين لا تحرمني من ذني
دخيلك ... اعتذر من ذنوبي ... دخيلك
.......
كلمات
موسى الخادم