🖤قناة للقصائد الحسينيه🖤

01 June 2026 10:36

نزله للعباس عليه السلام/ محرم ١٤٤٨هـ

يعباس ينوماس. يالله شيل الرايه
٠٠٠٠٠٠٠٠٠٠٠٠٠٠٠٠٠٠
يالله يابوالمرجله. كوم زلزل كربله
يا كفيل العايله. كلها عطشانه
كوم رفّ برايتك. واليتامه اتنخّتك
ماي تترس جربتك. وانت رجوانه
يالله يا عباس يا حامينه
انهض براية علي والينه
جيب ماي امن النهر وروينه

يكفّال. ولاطفال. منتظرتك هايه
يعباس ينوماس. يالله شيل الرايه
٠٠٠٠٠٠٠٠٠٠٠٠٠٠٠٠٠٠٠
گلهه يختي ادلّلي آنه بن حيدر علي
ساعه بس تحمّلي. والله مگضيه
آنه ابن فارس مضر. آنه عباس الگمر
إلّا اجيبلكم نهـر. عينج عليه
ال امية وكل بني سفيانها
راح اطيّر روسها بميدانها
ما ترد عباس كل فرسانها

يقلّون. يزغرون. والكفيل هوايه
يعباس ينوماس. يالله شيل الرايه
٠٠٠٠٠٠٠٠٠٠٠٠٠٠٠٠٠٠٠
صال ابو السيف الثجيل. لا يطيح ولا يميل
يرد فارغ مستحيل. إلّا يمليهه
الجربه منّ العلگمي. نبض عِرّگ الهاشمي
والحرم بي تحتمي. ماي يرويهه
كام يحصد عالنهر برگابها
طمها خيل وزلم عجّ ترابها
ال امية تخضّبت بخضابها

اله الراي على الماي. بيده دگ الثايه
يعباس ينوماس. يالله شيل الرايه
٠٠٠٠٠٠٠٠٠٠٠٠٠٠٠٠٠٠٠
هذا ابن حامي الحمه. سوه بيهم ملحمه
غضب من رب السمه يفني عدوانه
بسيفه طب المشرعه. ياهو يگدر يمنَعَه
علي اصله ومَنبَعَه. هيبه عنوانه
نزّل الجربه ويهوّس بيها
ماي من وسط النهر يمليها
منها اطفال وحرم يرويها

للخيام. والايتام. ترتوي من مايه
يعباس ينوماس. يالله شيل الرايه
٠٠٠٠٠٠٠٠٠٠٠٠٠٠٠٠٠٠٠
ابو الغيره بغيرته. جاب ماي بجربته
والعقيله اتلگّته. هلا بالغالي
تنظر لحامي الخيم يسگي بطفال وحرم
باوعلهه وبتسم. ما رجع خالي
تنومست زينب بحامي ظعونها
ببوفاضل يا الف خيعونها
شما تگلّه ما يخيب ضنونها

احاميج. ووافيج. لو حجيت احچايه
يعباس ينوماس. يالله شيل الرايه

سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

🖤قناة للقصائد الحسينيه🖤

01 June 2026 10:36

مقدمة/ العباس عليه السلام محرم ١٤٤٨هـ

يزينب لا تجيني سهم مصيوبه عيني
٠٠٠٠٠٠٠٠٠٠٠٠٠٠٠٠٠٠
إنه العباس اخوج بگلبي ناري
الج ابعث يزينب اعتذاري
غدر گطعوهن يميني ويساري
طحت يم النهر وعلن قراري
اظل يم الشريعه. أنه چفوفي گطيعه
سيوف محاوطيني. سهم مصيوبه عيني
٠٠٠٠٠٠٠٠٠٠٠٠٠٠٠٠٠٠
تبده الماي من جودي بمصابي
بعد من يروي عبدالله بغيابي
عطشكم عندي اعظم من خضابي
يزينب عالنهر آخر جوابي
لخيمكم مستحيله. ارد لا يالعقيله
اريد تسامحيني. سهم مصيوبه عيني
٠٠٠٠٠٠٠٠٠٠٠٠٠٠٠٠٠٠
يزينب اعرف شگلتي وحچيتي
نهضمتي بخيمتج وشگد بچيتي
شكثر دوّرتي عني وما لگيتي
يزينب خويه معناها انسبيتي
وسف بين آل اميه. عكب خدرج سبيه
حزينه وتنتخيني. سهم مصيوبه عيني
٠٠٠٠٠٠٠٠٠٠٠٠٠٠٠٠٠٠
أنه العباس وفيت بعهودي
الج ضحّيت ياخويه بوجودي
چفوفي الطاحن وعيني شهودي
خذت منج عزم گلبي وصمودي
قسم لوما غدرهم. اثر ما خلّي منهم
غدر كطعوا يميني. سهم مصيوبه عيني
٠٠٠٠٠٠٠٠٠٠٠٠٠٠٠٠٠٠
وصل صوتج مع الريح وسمعته
منو اليحمي الخيم لوما تجي أنته
اسد من ذبحي دمعج ما مسحته
يجيج شلون للصابوا جبهته
اصبري عله المصيبه. يزينب يا غريبه
بعد لا ترتجيني. سهم مصيوبه عيني
٠٠٠٠٠٠٠٠٠٠٠٠٠٠٠٠٠٠
تگلّه والنعم منك عذرتك
يبوفاضل كفو ياخيمة اختك
نكسر ظهري يخويه من فگدتك
لجل خدري يظل كطعو يمنّتك
شهم وتكفّلتني. وفيت وماعفتني
ولا سمعك ونيني. سهم مصيوبه عيني

سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

🖤قناة للقصائد الحسينيه🖤

01 June 2026 10:36

العباس عليه السلام /محرم ١٤٤٨هـ

انكسر ظهري يزينب لا تنشديني
طاح عله النهر عباس عينيني
٠٠٠٠٠٠٠
انكسر ظهري يزينب ونهدم حيلي
بعد ما اكدر امشي يختي تچّيلي
وگع عباس حگي لو صحت ويلي
راح الچان درعي وسيفي ويميني
٠٠٠٠٠٠٠٠٠
يزينب من رحت للمشرعه وشفته
مكطع بالسيوف وخيل ساحگته
اشم نحره ويشمني بهاي ودعته
وگال هنا يخوي حسين خليني
٠٠٠٠٠٠٠٠٠٠
يزينب ما شبگني چفوفه مكطوعه
وحسّ الحسره تچوي وتلچم ظلوعه
حنين احساس خوّه فاضن دموعه
راسه عله الرمل خلّاه يواسيني
٠٠٠٠٠٠٠٠٠
يزينب يختي بيج هواي وصّاني
يگلي خل تسامحني وترجّاني
ابد ما قصّر العباس بچّاني
لحد آخر نفس عازم يوافيني
٠٠٠٠٠٠٠٠٠٠
جفوفه مكطعه وعيونه مطفيه
كل هاي ويگلي مقصّر شويه
عجيب ام البنين شبيها حنيّه
ربّتلي گمر بچفوفه يحميني
٠٠٠٠٠٠٠٠٠٠
خويه حسين صاحت والدمع يجري
الكسر ظهرك اخبرك هم كسر ظهري
عكب عباس من يحمي بعد خدري
وبقيت بلا اخو وحدك يضي عيني
٠٠٠٠٠٠٠٠٠٠
عليك تجمّعت خيل وزلم يحسين
عضيدك طاح دامي مگطع الچفين
اذا ذبحوك وين انروح بعدك وين
الشمر للشام لاشك راح يسبيني

سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

🖤قناة للقصائد الحسينيه🖤

01 June 2026 10:36

رئيسية للأنصار عليهم السلام / محرم ١٤٤٨هـ

بالدم بايعناك. يحسين وحبك غايتنه
بالدم بايعناك. كلمه وما نخلف كلمتنه
انصارك احياء اموات
هيهات نعوفك هيهات. بالدم بايعناك
٠٠٠٠٠٠٠٠٠٠٠٠٠٠٠٠٠٠
انصارك يبوالسجاد. على حبك تربّينه
لا خوف اليغيّرنه ولا اموال تغرينه
لجلك ما نهاب الموت. خوض المعركة بينه
نقاتل ال امية وياك. منعوفك يوالينه

نصرك نصرُ الله. يبن الهادي وروحه ودمه
نصرك نصرُ الله. لا منعوفك يابواليمه
بالطف نرفعها الاصوات
هيهات نعوفك هيهات. بالدم بايعناك
٠٠٠٠٠٠٠٠٠٠٠٠٠٠٠٠٠٠
شلون تگول عوفوني. وانت بعازت الناصر
تخاف علينه خاف نموت. والموت اول وآخر
لچن يحله الممات وياك. وحنه انقاتل الكافر
نموت ابعزّه تحت السيف. ولا ذلّة حكم فاجر

احنه وياك نموت. ما نخضع ليزيد وامره
احنه وياك نموت. كل واحد يفديلك نحره
انخانه وشوف الفزعات
هيهات نعوفك هيهات. بالدم بايعناك
٠٠٠٠٠٠٠٠٠٠٠٠٠٠٠٠٠٠
نحبك مو فقط كلمه. لازم بالفعل تظهر
اجه اليوم التجرّبهم. انصارك يبوالاكبر
صح قلّه العدد لكن. احنه ابمنهجك اكثر
نوگف دونك انقاتل. لحدما كلنه نتوذّر

مو بس كلمه نگول. بالحومه اليوم انترجمهه
مو بس كلمه نگول. بسيوف حدودك نلزمهه
ونراوي الضَدّك ويلات
هيهات نعوفك هيهات. بالدم بايعناك
٠٠٠٠٠٠٠٠٠٠٠٠٠٠٠٠٠٠
حبيب وعابس ومسلم زهير ونافع واسلَم
وكل باقي الصحابة وياك. اجت للموت تتقدم
يبن المصطفى المختار. قاتل بينه لا تهتم
الفخر كل الفخر كلمن. صدره باسمك توسّم

نستشهد احرار. لجل الدين لاشرف غايه
نستشهد احرار. ولا نبقه انعيش بلا رايه
ونخطّ بدمنه الآيات
هيهات نعوفك هيهات. بالدم بايعناك
٠٠٠٠٠٠٠٠٠٠٠٠٠٠٠٠٠٠
جاوبهم ابواليمّه. وكفو منكم يأنصاري
مثلكم ما شفت انصار. وفيتو بدمكم الجاري
رجال وبيكم اتنومس. حفظتوا عهدي وسراري
من جيش ال امية اليوم. بيكم ينوخذ ثاري

صاحوا عد عيناك. بس أمرنه وشوف بعينك
صاحوا عد عيناك. ما نتخلّه وننصر دينك
مو رايه نشدلك رايات
هيهات نعوفك هيهات. بالدم بايعناك
٠٠٠٠٠٠٠٠٠٠٠٠٠٠٠٠٠٠
مثل ما گالوا الأنصار. نزلوا للحرب كلهم
نصروا دين ابواليمه. يوم العاشر بدمهم
ذلّو عسكر ابن زياد. وسولف چم عدو عنهم
فرسان الوغى الابطال ما يحصل بعد منهم

انصارك يحسين. ما عافوك بيوم الشده
انصارك يحسين. للباطل بالدم تتصده
موقفهم خالد ما مات
هيهات نعوفك هيهات. بالدم بايعناك

سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

🖤قناة للقصائد الحسينيه🖤

01 June 2026 10:36

انصار الامام الحسين عليه السلام

🖤قناة للقصائد الحسينيه🖤

01 June 2026 10:36

رئيسيه مسلم بن عقيل عليه السلام / محرم ١٤٤٨هـ

يبنيتي يا حميده. ويايه مو وحيده
قارنتج ابّناتي. ودعيلج بصلاتي
يبنيتي يا حميده
٠٠٠٠٠٠٠٠٠٠٠٠٠٠٠٠٠٠٠
حسين عمّج آنه يا بنتي حميده
انتي وحده من بناتي ومو وحيده
والدج للدين ضحّه بدم وريده
غدروا بمسلم الماعدهم عقيده
مسلم وفي الية. ما بايع آل امية
يا زهرتي بحياتي. ودعيلج بصلاتي
يبنيتي يا حميده
٠٠٠٠٠٠٠٠٠٠٠٠٠٠٠٠٠٠٠
من على سطح القصر ارسل سلامه
من گبل لا ينذبح وسمع كلامه
مسلم يسلّم عليج بابتسامه
مات بالعز والفخر مرفوع هامه
يوصيني بيج اسمعه. وبدمعتي اودعه
يا احله ذكرياتي. ودعيلج بصلاتي
يبنيتي يا حميده
٠٠٠٠٠٠٠٠٠٠٠٠٠٠٠٠٠٠٠
غالية دموعج يبت مسلم علية
آنه ابوج حسين من هاي المسية
راح اشبكج مثل ما اشبك رقية
حتى متحسّين متيتمه وضحية
يا طفلتي الحبيبه. صبرج على المصيبه
ماعوفج لوفاتي. ودعيلج بصلاتي
يبنيتي يا حميده
٠٠٠٠٠٠٠٠٠٠٠٠٠٠٠٠٠٠٠
والدج بالكوفه مسلم ضحّه دمه
في سبيل الدين يبقى ويعله اسمه
ال امية الغدرته الماعدها ذمّه
يا حميده ولا اهل لا اخوه يمه
قاتلهم بجهوده. وستشهد بصموده
ما قصّر برضاتي. ودعيلج بصلاتي
يبنيتي يا حميده
٠٠٠٠٠٠٠٠٠٠٠٠٠٠٠٠٠٠٠
فدوه يا عم مسلم الضحّه بسبيلك
حصّل أعظم منزله اصبح خليلك
المهم سالم انت يالماكو مثيلك
انت ابوي حسين ما يحصل بديلك
يا عمي كل يتيمه. انت عليها خيمه
عد عينج وغلاتي. ودعيلج بصلاتي
يبنيتي يا حميده
٠٠٠٠٠٠٠٠٠٠٠٠٠٠٠٠٠٠٠

ادري يا عمي بوجودك دللتني
مدلله ابّنتك رقية قارنتني
لكن امصيبة ابويه العذّبتني
اعتذر منك اذا ابچي شفتني
مسلم هدملي حيلي اتحمّل اندعيلي
اتوسّمي بصفاتي. ودعيلج بصلاتي
يبنيتي يا حميده

سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

🖤قناة للقصائد الحسينيه🖤

01 June 2026 10:36

مقدمه مسلم بن عقيل عليه السلام / محرم ١٤٤٨هـ

يتّمتني ورحت
من ونيني صحت
يمته تجيني امن السفر بويه
٠٠٠٠٠٠٠٠
طبع كل طفله تتعلّق ببوها هواي
تحس حتى اغله عدها امن الهوى والماي
يمسلم بويه هذا حساسي ونت وياي
شلون اكدر اعيش بغيبتك دنياي
بعدك تعذّبت
طفله بس شيّبت
گلبي تفتّت بالقهر. بويه
٠٠٠٠٠٠٠٠٠٠٠٠
حميده آنه العفتني بحيرتي وهضمي
اليتيمه الحايره بعدك صبح اسمي
كمت كلما احن أفزع لعد عمّي
يمسلم بويه اشوفه وينجلي همّي
لشوكت انتظر
بويه ماظل صبر
لا من رساله لا خبر. بويه
٠٠٠٠٠٠٠٠٠٠٠٠٠٠
بقيت احسب ليالي وانتظر ترجع
نهاري يكضي ونّه وليلي بالمدمع
مثل طير انكسر جنحانه اتلوّع
اصيح بصوت بويه وانت ما تسمع
عن حميده شعجب
أخّرك يا سبب
خوفي عليك امن الدهر. بويه
٠٠٠٠٠٠٠٠٠٠٠٠٠٠
رجف گلبي وخفت من عمي ناداني
مثل باقي اليتامه بحجره خلاني
مسح بيده عله راسي بدمعه واساني
معناها متت وتيتّمت آني
گالوا ستشهدت
بدمك اتخضبت
شبيدي على حكم القدر بويه
٠٠٠٠٠٠٠٠٠٠٠٠
يبويه بگد ونيني عليك ملهوفه
يمته عيوني بويه لوجهك تشوفه
گالولي وحيد ابديرة الكوفه
بين جيوش ابن مرجانه وسيوفه
ما تذل للعدو
بالمراجل كفو
ما تخشه موت ولا خطر. بويه
٠٠٠٠٠٠٠٠٠٠٠٠٠٠٠
ليش بيا ذنب هالگد يبغضونك
من سطح القصر للكاع يرمونك
ويلي وما كفاهم بس يقتلونك
بحبل وي هاني يا مسلم يسحبونك
يالعفتني وغبت
من مصابك متت
گلبي تگطّع ونفطَر بويه

سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

🖤قناة للقصائد الحسينيه🖤

01 June 2026 10:35

((#أشهد_أن_الاصحاب))     محرم #1448هـ
‏……………………………………………………..
‏
أ‏شهدُ أنَّ الاصحاب . بالحقِ أنصارُ الله
‏
‏……………………………………………………..
‏
‏
‏ليسَ بـ بدرٍ لا و لا الاحزابِ  (بي)
‏لا في الجمل في بصرةَ الاعرابِ
‏لا يوجدُ كـ ثورةِ الاصحابِ
‏صاروا لعينِ السبطِ كـ الاهدابِ
‏
‏لا موسى لا عيسى النبي . يحصل مثلهم واحد
‏كل واحد ايعادل الف . والرتبه رتبة قائد
‏من سمعوا ابـ باجر چتل . گام الي منهم گاعد
‏چن ابـ صبح عيد الفطر . واحد بـ اخوه ايعايد
‏
‏أشهدُ أنَّ الاصحاب . بالحقِ أنصارُ الله
‏
‏……………………………………………………..
‏
‏
‏قالَ حبيبٌ خاطباً بالجندِ  (دي)
‏دونَ الحُسينِ الموتُ مثلَ الشهدِ
‏دعها تحزُ النحرَ بيضُ الهندِ
‏النبلُ في جسمي كـ نثرِ الوردِ
‏
‏الموته وحده واستحي . يا فشلتي امن الزهرة
‏كون انذبح ثم احترگ . تنعاد مية مره
‏جلّة نحور ابكربله . ابخيت اليقدّم نحره
‏واليرجع و بس منجرح . ما نقبل ابدن عذره
‏
‏أشهدُ أن الاصحاب . بالحق انصارُ الله
‏
‏……………………………………………………..
‏
‏
‏من تحتِهم تهتزُ ارضُ الطفِ  (في)
‏والغيره أعلى من لهيبِ الصيفِ
‏في كفهمِ و أحمرَّ لونِ السيف
‏سبعونَ في عين العِدا كـ الألفِ
‏
‏مثل الفلاليح اغبشوا . كلمن فزع بالمِنجل
‏روس احصدوها ابلا تعب . للطير صارت مأكل
‏الكاتله بس عشرة زلم . من ربعه اصبح يخجل
‏للموت سرعه اتراكظوا . فاز اليطيح الأول
‏
‏أشهدُ أنَّ الاصحاب . بالحقِ أنصارُ الله
‏
‏……………………………………………………..
‏
‏
‏كـ الليثِ شابُن غاصَ في الميدانِ   (ني)
‏مسلم يقولُ لستُ بالنصراني
‏و بالحسينِ عيسى قد اوصاني
‏تروي دمائي عَطشةَ التربانِ
‏
‏اسمي وهب وانا اوهبت . لبن النبي احمد نحري
‏عمري اشكثر غالي الثمن . للزهره يرخص عمري
‏گاللتلي امي ابهالحرب . لو من گبل جنت ادري
‏چا خلفت عشرة زلم .  بالطف دماهم تجري
‏
‏أشهدُ أنَّ الاصحاب . بالحق أنصار الله
‏
‏……………………………………………………..
‏
‏
‏لا ليسَ عبداً بل أميرُ الدنيا
‏جونُن و بالقتلِ شبابُن يحيا
‏والعطرُ صارَ فائحاً زكيّا
‏عالعرشِ يجلس في الجنانِ العليا
‏
‏شگ ثوبه عابس بالحرب . و گالوله مجنون انته
‏جاوبهم ابـ چلمة نعم . روحي السبط عاشگته
‏هيج الجنون ابهل الشكل . مو حلوه اذا اطب سكته
‏لو عندي اغله امن العمر . فوگ العمر چمّلته
‏
‏أشهدُ أنَّ الاصحاب . بالحقِ أنصارُ الله
‏
‏……………………………………………………..
‏
‏
‏والآنُ قبرُن لامعُن يطافُ   (فو)
‏في كلِ يومٍ حولهُ الآلافُ
‏لكم هنيئاً أيُها الاشرافُ
‏يا من تروّت منكمُ الأسيافُ
‏
‏وافضل شرف وصلوا إله . ومن هاي قيس و أحكم
‏الصادق يگلهم بالحچي . أبـ ابي وامي انتم
‏يغبطكم اعليه كل نبي . فوزن عظيمن فزتم
‏يا ليتني اوياكم چنت . ودمي انخلط وي دمكم
‏
‏أشهدُ أنَّ الأصحاب . بالحقِ أنصارُ الله
‏
‏……………………………………………………..
‏✍️ ( سيد خضر الزاملي )
‏

🖤قناة للقصائد الحسينيه🖤

01 June 2026 10:35

قصيدة ( ارسم نهر ) وكأن ام الرضيع الرباب لشدة عطش طلفها ترسم نهر ماء قرب المهد



ارَســـمٔ نهــــر يـم المـهـد
      بلكي ينــام اوليــدي
وايدي امدها اعلى الرسـم 
    يطلـع اتــراب بأيدي
ياريـت كــل  المَــر حلمْ    
وبأيدي امسحنه الرسمْ بلكي ينام اوليدي
 
*----*----*----*----*----*----*----*

عبدالله ضامـي وينتحـب
     ونــار العطش بي تسـري
لا ماي عندي ولا دمــع
      بـالَونّه  خلّــص عمـــري
ارسم نهر من لوعتــي 
     بي مــاي ارسمه ويجري
بس بالرسم يطلع نبــل 
     واتخيلــه  يحــز نحـــري

مرعوبه افز من صفنتي   وانظر لمهد الغالي
احتــار والله بعبــرتـي     وتنذبـح كل آمالي
وخيول أصد كثره وزلم         
ياريت كل  المَر حلمْ بلكي ينــام اوليدي
 
*----*----*----*----*----*----*----*
 
العنده طفل ضـامي الگلــب
   خبـروني بيــمن يـروه
يتسلــه بــس وي  الدمــع 
   مــا ظل دمـع بي سلوه
كل ساعه أصد رسمه الحلو
  ذبلت  ارسومه الحلوه
كــل طفل يضحك بالمهــد
    مــــو بـالمهــد يتلـــوه

عبدالله والضحكــه بعـد   ما يلتقــون ابيتي
بنيران احس چبده انمرد  بمهده واخذ عافيتي
وحيلي منْ اصدله ينهدم     
ياريـت كـل  المَر حــلمْ بلكي ينــام اوليدي
 
 
*----*----*----*----*----*----*----*
 
يــاذيني يــا بچـي العطش
   يـرهـــب دليلي وليلـي
كل نشغه اشـد مــنْ النبل
    بـالليــل يهــدم حيـلــي
وشلون اصبره من البچي
    وبچفه اصـد يوميــلي
اعيونه الي ذبلها الضَمه
    عــن النهــر تحچـيلـي

نهر الفـرات ومنبعـه    فرهد يوسفه احلامي
بيمن تطلبه المشرعه    ذبحت دليله الضامي
والماي تنطيه للخصم     
يـاريت كـل  المَر حلمْ بلكي ينــام اوليدي
 
*----*----*----*----*----*----*----*
 
من شاله ابو اليمه وگصد
    عبــدالله صــوب العســكر
شــايل  بـــراءة فــاطمــه
     السمــاها ربــها الكــوثـر
ضنـي يــرد عــوده الذبـل
    ويطگ مثل روض اخضر
نحـره الاخذ عطـر الـورد
     دامــي يــردلــي المنحــر

چنت آنه اشم نحر الولد   يلّه تنـام عيوني
وي الدمــع اغفـــه بعـد   وبنبلته فجعـوني
والمهد خالي وبيه اشمْ        
ياريــت كل  المَــر حلمْ بلكي ينام اوليدي
 
 
*----*----*----*----*----*----*----*

باليـل اهــــز مهـد الطفــل     
بلكي تنــام اجــروحــي
يــا جــرح انومــه ينلچــم     
وآلام يتــرس روحـــي
وي كــل دللــول انــذبـــح
     من اذكر نحر مذبوحي
بس نوحي اليسلي الگلب
     مـا ابطل ابـدن نوحــي

تچايـه ردته لشيبتي   راح وتركلي الحسره
بمهده اصبر لوعتـي      يذكـني مهده بنحره
وكل لحظه حيلي ينهدم   
يـاريت كل المَر حلم بلكي ينــام اوليدي

*----*----*----*----*----*----*----*
 
الشاعر
موسى البديري

🖤قناة للقصائد الحسينيه🖤

01 June 2026 09:14

[٨] قصيدة في رثاء الإمام العباس عليه السلام


يبوالغيره انكسر ظهري
بعد عمرك. شـلي بعمري
.................

يابوفاضل من طحت آخ ياظهري صحت
نهدم حيلي من شفت. چفوفك گطيعه

شفتـك ودمـعـي جـرَه ها يسبـع الگنطـره
صـدگ طايـح عالثــره. يم الشـريعــه

بـلا چـفـوف ولا نـظـر. دمّك يصب عالنهر
شفتك وظهري انكسـر. بهاي الفجيعــه

جرح راسك. شغل فكري
بـعـد عمـرك. شلي بعمري
.....................................

لن ابو فاضل حچه هذا خويه حسين اجه
شال اديه لكن بچه. فاگد چفوفه

رايــد يشبگه الگمر چفوف ما عنده اعتذر
يودعه ويشمّ النحر. وداع اليعوفه

حسين ابواليمّه الغريب. شبگ عباسه الحبيب
بالمــدامــــع والنحـيـب. ينزف يشوفه

عله وداعك. نفـذ صبري
بعـد عـمـرك. شلي بعمري
.......................................

گلب ابواليمّه انفجع. يودعه ويسيل الدمع
من ثگل هَـمّـه وگـع. يم جسم اخيّه

خويه تقبل ياشهم. ارد اشيلك للخيم
زينب وكل الـحـرم. ينطرن سويه

گـلّه لا لا مـا ارد واعدت سكنه بوعد
ماي اجيبلها ورد. هيّه ورقيه

يبوالاكبـر. اخذ عـذري
بعد عمرك. شلي بعمري
.....................................

مـنّ ارد بـغــربـتـــي. يابوفاضل حيرتي
بيش اجاوب عيلتي. وختي العقيله

تدري زينب تـنـتـظـر. ما بقـه عـدها صبر
منيـن اجيبــلـها عـذر. لهاي الجليله

تدري ياحامي الظعن. لشوفتك زينب تحن
تـســأل عليـك وتـون. مدمع تسيله

بگلب زينب. اظـن تـدري
بعـد عـمـرك. شلي بعمري
.......................................

بـآخـر انفـاس الكلام. گلّه وديلي سلام
لزينب اختي بالخيام. مابيّه جيّه

بحضن ابواليمّه الحسين مات ابوالغيره الحنين
ظـل وحيــد بـلا معيــن. شبل الزچيه

رد وحيــد لـخيـمـتـــه. والعـقـيــله تـلـگّـتــه
عـن اخــوها نـشـــــدتــه. وناحوا سويه

تخـلّـونـي أنه ودهــري
بعد عمرك شلي بعمري

سيد زيد الفحام
___

🖤قناة للقصائد الحسينيه🖤

30 May 2026 22:55

#بصمة_الختام

مهما كانت أمنياتنا كثيرة..
تبقى " الطمأنينة " أولها

#تصــــبحـون_عـلـى_ألـف_خــيـر



/channel/tyyuuiiopp

🖤قناة للقصائد الحسينيه🖤

30 May 2026 22:53

عيد الغدير ﴾


حيدر علي الوالااه 
ماخــاسر ابـدنياه 

علي علي......... مولاه.   
علي علي ........مولاه 
___
لا ماخــسر كلــمن اجــه وعلـن غــرامــه 
الحيدر علي بهذه المسه ويبعث ســلامه 
يصـبح تــره موله إله ويـصـبح أمـــامـه 
ولــي نكـــر هــذا الخـبر  نرفـض كـلامه 


ناده النبي ويكـول 
عنــكم علي مسول 

علي علي.    مولاه   
علي علي.    مولاه 
_
حـيدر علي ومـن العلي والــي علــينه 
مــن كنــــت مـــولاه أنــا نــاده نبـيـنه 
حــيدر علي مــوله إله يعـــني ولــيـنه 
بهذا المــسه نبــارك إله ونـرفع اديـــنه

بخـــن الــك مـــولاي 
غنــــينه ألــك بالــناي 

علي علي مولاه.    علي علي مولاه 
___
البايع تـره  بهذا المسه وأعـلن غـديره
حيدر علي ابو الحسن يـصــبح اميره 
هذا الكلب يهوى  إله لا مـايحب غيره 
وأبو الحسن بعد النبي مــاكو نظــيره 

هذا الكلب يهواك 
عـلي عــلي ناداك  

علي علي مولاه.      علي علي مولاه 
__
واعلن غرامك ياالمحب نادي الـسقـيفه 
حــيدر علي بـعــد النبـي اول خلــيفــه 
ولــي خلف هــذه الأمر  وصار الخليـفه 
مرفـوض من رب العرش بـيعه سخـيفه 

ناده الوحي ويكول  
مرفـوضه مامقبول 

علي علي        مـولاه.  
علي علي        مـولاه 
____

كلمات الشاعر 
مرتضى مكطوف الموالي

🖤قناة للقصائد الحسينيه🖤

30 May 2026 22:51

قصيدة عيد الله الاكبر عيد الغدير الأغر 🌹


بايعتك علي         يا أشرف ولي
يا أبا الحسن        يا أبا الحسن

أهل الأرض وأهل السمه فرحانه بالتنصيب
ياأبا الحسن أسمك گمر ماساعه عنه أيغيب
من أسمك عرفنه أحنه الكرم بيك الجروح أطيب
والضيعك مايفتهم  منك  أمنين أيجيب

صحت آنه وهلي         بايعتك علي
يا أبا الحسن             يا أبا الحسن

آخره ودنيه ياعلي تحضر محبينك
وكل اليحبك سيدي أتشيله أبوسط عينك
من عالم الذر بايعت أمشي على دينك
والبايعك يا أبا الحسن مخلوق من طينك

كل هم ينجلي       بايعتك علي
يا أبا الحسن         يا أبا الحسن

دين الله ثبته أبشرف ماجاملت واحد
وفقارك أبسوح الحرب فوگ الرگب شاهد
وكل سيف ضدك ينشهر من الأصل بايد
فضلك على كل البشر متصدر وزايد

بشانك اعتلي       بايعتك علي
يا أبا الحسن       يا أبا الحسن

أسمك بحر ياحيدره ماينوصف وصفه
الفقارك أمن أكتب شعر ماأوصل الطرفه
مولاي أنته أسمك فخر والعالم أتشرفه
ياهو الوگف وگفت علي بحسانه وبعطفه

ياشمس رتلي      بايعتك علي
يا أبا الحسن        يا أبا الحسن

لخادم الامام علي ( ع)
سلام  البهادلي

🖤قناة للقصائد الحسينيه🖤

30 May 2026 22:51

467_
ياحَك انوخذ حيدر مَهدله
ومنّه اهل الكفر تلطم مهدله
ياهو المثله بيت الله مَهد له

حِظه ابأطهر مهد حامي الحميه
…
ابو محمد المياحي

🖤قناة للقصائد الحسينيه🖤

30 May 2026 22:50

#قصيدة سريعة
ـــــــــــــــــــــــــــــــ
حياتي كربلاء مماتي كربلاء
واجروحي اداويها بدمع
من احضر العزاء
ـــــــــــــــــــ
ايام عمري اتحولت عبارة عن حزن
يرتاح غيري بالفرح بس انه من أون
من ادخل لمجلس احس بالروح تطمئن
من يخلص المجلس عبالك داخل بسجن
اسمع نعي الخطيب
واشجم جرح يطيب
واسمع مصيبه اتصدرت
مراتب البلاء
واجروحي اداويها بدمع
من احضر العزاء
ــــــــــــــــــ
عكس البشر انه اصبحت واطباعي تختلف
مجنون بحسين واضل بجنوني اعترف
من هيبة المنبر احس كل جسمي يرتجف
يرتاح صدري اعلى اللطم لو احسه ينخسف
من الطم استراح
واداوي ها الجراح
واتذكر الضل بالشمس
مذبوح بالعراء
واجروحي اداويها بدمع
من احضر العزاء
ــــــــــــــــــــــ
متعلم احجي بالوجه وبكلبي ما اضم
واليكره المجلس صرت اعتبره الي خصم
كل ما احس صدري اختنك ارتاح باللطم
هاي المجالس خالده وثوره على الظلم
شيعي واضل عنيد
كلما زدت ازيد
ما انتمي لكل اي حزب
للمهدي هالولاء
واجروحي اداويها بدمع
من احضر العزاء
ـــــــــــــــــــ
بالعالم اشكال البدع منتشرة بالدول
مايوم شفنه اتحاربت من باقي الملل
بس احنه من نبجي اشكثر تهمونه بالجهل
موبينه يافلان الخلل بافكارك الخلل
من تكثر الذنوب
تعميها هالقلوب
ابجي العليه من دم بجت
ارض الله والسماء
واجروحي اداويها بدمع
من احضر العزاء
ـــــــــــــــــــ
هجمه وعلينه اتوجهت ندريها مغرضه
ترجيه باذنك هالحجي ياالناصبي احفضه
ميهمني لو مثلك الف عن وضعي ما رضه
منهج يزيد وزمرته نفتخر نرفضه
منهجنه ما يموت
ما نعرف السكوت
هاي العقيد لو ضمت
نرويها بالدماء
واجروحي اداويها بدمع
من احضر العزاء
ـــــــــــــــــــ
غصبا على كل ناصبي لمتنه قائمة
هاي العقيدة الخالدة نبنيها بالدمه
كل دمعه صاحت بالعزه مولاتي فاطمة
وفقينا نختم هالعمر باحسنها خاتمة
من تخلص الحياة
تحضرينه بالممات
ويوم القيامه ننحشر
وي صاحب اللواء
واجروحي اداويها بدمع ...من احضر العزاء
ـــــــــــــــــــــــ
نعيم ابو باقر الساعدي

🖤قناة للقصائد الحسينيه🖤

01 June 2026 10:36

رئيسية/ العباس عليه السلام محرم ١٤٤٨هـ

يا زينب. ما تعطش بوجودي العيله
يا زينب. دم حيدر بعروگي وحيله
آنه العباس الوفاي
من چفي تشربون الماي يا زينب. يا زينب
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يزينب آنه اخوج الحيد. عباس التعرفينه
ذاخرني علي لهل يوم بالطف كون اگر عينه
بشري اطفال خوي حسين. وبشري الغاليه اسكينه
اجيب الماي اجيبه اليوم. وبعيونج تشوفينه
ارويها. كل الاطفال العطشانه
ارويها. غصباً عالظالم وعوانه
رايح والرايه بيمناي
من چفي تشربون الماي يا زينب. يا زينب
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يوم السابع بعاشور يومي وآني انتظره
رايح للنهر بالسيف. اطبّه برايتي الخضره
اجيب الماي للخيمه. عهد يا بضعة الزهره
يزينب والله بچفوفي. اروّي طفال ابوالعتره
بچفوفي. املي الجود بماي الخوّه
بچفوفي. يشرب عبدالله ويتروّه
رايح وحساسج ويّاي
من چفي تشربون الماي يا زينب. يا زينب
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اعرفك يا شهم گدها. اخوي وكافلي الغالي
بوجودك ياگمر هاشم. ابد لا والله منبالي
گلبي مئمّن وما خاف يعباس انت تبرالي
ميمسنه العطش بحماك. وتروي بجودك اطفالي
يا هيبه. عباس واسمك يرعبهم
يا هيبه. تهزمهم منّ تحاربهم
عد عينج آنه الروّاي
من چفي تشربون الماي يا زينب. يا زينب
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
گصد للمشرعه بسيفه. غضب تتجادح عيونه
شردت كل بني سفيان. وما كدروا يلاگونه
جثث والروس تتطاير. مثل حيدر يشوفونه
ذبحهم عالنهر بالسيف. نزل والرايه بمتونه
ذلّاهم طب للماي وبيده الجربه
ذلّاهم. شافوا موت وذل بحربه
يتحدّاهم رايح جاي
من چفي تشربون الماي يا زينب. يا زينب
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
مليت الجربه يا زينب. اخوج وبالعهد اوفي
جبت لطفال اخوي الماي. هذا امن النهر شوفي
گلت عبدالله ما يعطش. اشربه الماي بچفوفي
أنه العباس يا زينب. ملكت الساحه بطفوفي
وعيونج. فرسان وخيل اموذرها
وعيونج. يم شاطي الماي مطشرها
ما ظل عدهم حيل وراي
من چفي تشربون الماي يا زينب. يا زينب
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
كفو منك يبوالغيره. شربنه الماي من جودك
كفيلي وشايل الرايه. وحلات الراية بزنودك
حيلك من علي وعزمه. ياهو اليوصل حدودك
كفو وكفيت يالكافل. بعد ما نعطش بزودك
تحمينه. من جيش ابن زياد وحقده
تحمينه. يا درع حسين بكل شده
مو واحد بالحومه هواي
من چفي تشربون الماي يا زينب. يا زينب

سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

🖤قناة للقصائد الحسينيه🖤

01 June 2026 10:36

العباس عليه السلام / محرم ١٤٤٨هـ

محني الظهر رديت يبن الزجية
وين الگمر عباس جاوب علية
٠٠٠٠٠
وين الكمر عباس يبن امي وينه
للمشرعه من راح ما رد علينه
بس لا تكول انصاب حامي الظعينه
تتعثّر بممشاك بالغاضرية
٠٠٠٠٠
تتعثّر بممشاك ظهرك حنيته
عالمشرعه العباس طايح لگيته ؟
جاوبني ساكت ليش گلبي فريته
فگد الاخو بهاليوم اصعب رزية
٠٠٠٠٠٠٠
يا خيمة العباس بيدك جبتها
معناها طاح الحيد من طيّحتها
يم النهر يحسين روحك عفتها
سولفلي خويه شصار ببن الوفية
٠٠٠٠٠٠٠٠
سولفلي خويه شصار ورحم دليلي
ما شوفه ليش وياك ما رد كفيلي
جاوبني ما ظل حيل هدمتو حيلي
ما بية اشيل جروح وحمل اذية
٠٠٠٠٠٠٠٠٠
گاللهه ريت وياي عينج تشوفه
يم النهر عباس گطعوا چفوفه
لو يرضه اجيبه وياي ما چنت اعوفه
ما يرجع العباس وصّه بوصية
٠٠٠٠٠٠٠٠٠٠
ما يرجع العباس آخر كلامه
زينب الج مخصوص ارسل سلامه
بالجربه ما ظل ماي يروي اليتامه
شيجاوب العباس سكنه ورقية
٠٠٠٠٠٠٠٠٠٠٠
يختي بسهم مسموم مطفية عينه
چف يسرته المكطوع يم چف يمينه
عالمشرعه بعامود صابوا جبينه
تكطّع وذر عالماي بسيوف امية

سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

🖤قناة للقصائد الحسينيه🖤

01 June 2026 10:36

نزلة للأنصار عليهم السلام / محرم ١٤٤٨هـ

صرخة الأنصار كلا للطغاة
بلا حُسين نموت منريد الحياة
٠٠٠٠٠٠٠٠٠٠
وصلوا لبن زياد يا ناس الخبر
ما نعوف حسين حد گطع النحر
احنه انصاره وتحدّينه الخطر

نعتبر فرضه مثل فرض الصلاة
بلا حُسين نموت منريد الحياة
٠٠٠٠٠٠٠٠٠٠
ما نهاب جيوشكم يهل الغدر
احنه مو بالسيف بالدم ننتصر
احنه عدنه حسين اغله امن العمر

مثل ابوالسجاد عالذّل ما نبات
بلا حُسين نموت منريد الحياة
٠٠٠٠٠٠٠٠٠٠
واحد وسبعين صح قلّه العدد
لكن بأيمانّه وحفظ العهد
احنه منتصرين بالطف للأبد

بحب ابوالسجاد مشروطه النجاة
بلا حُسين نموت منريد الحياة
٠٠٠٠٠٠٠٠٠٠
احنه انصار الحسين المايذل
يا بني سفيان ما نخشه القتل
لغير أمر ابن النبي ما نمتثل

وارث المختار بالحق والصفات
بلا حُسين نموت منريد الحياة
٠٠٠٠٠٠٠٠٠٠
هاي ساحة كربله وهاي الحرب
رگابكم نگطعها بسيوف الرعب
ال امية اليوم ما الكم درب

إلا نذبحكم ذبح يم الفرات
بلا حُسين نموت منريد الحياة
٠٠٠٠٠٠٠٠٠٠
احنه انصار الإمام الهاشمي
لغير عسكر فاطمه ما ننتمي
ملحمه نسويها يم العلگمي

احنه اهل الدين وهل التضحيات
بلا حُسين نموت منريد الحياة
٠٠٠٠٠٠٠٠٠٠
الموت حتمي لابد يموت البشر
بس يضل موقفنه حي طول الدهر
لحدما يظهر المهدي المنتظر

ياخذ بثاراتنه ويفني الجُناة
بلا حُسين نموت منريد الحياة

سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

🖤قناة للقصائد الحسينيه🖤

01 June 2026 10:36

مقدمه للأنصار عليهم السلام / محرم ١٤٤٨هـ

زينب اجت لبن امها تشكيله سألت سؤال
هم اختبرت اصحابك الليله. ؟ قبل القتال
٠٠٠٠٠٠٠٠٠٠٠
طبت لخيمة اخوها. زينب اتهل الدمع
گعدت گباله تكلّمه. من گلبها المنفجع
حسين يبن امي تگله. شلون بينه بهالوضع
قلّه اصحابك شفتهم. للحرب بيهم نفع ؟

تحچي بألم والمدمع تسيله. والهم جبال
هم اختبرت اصحابك الليله. قبل القتال
٠٠٠٠٠٠٠٠٠٠٠
خويه خوفي عليك باجر من يعلنون الحرب
ال امية جيوش عدهم. مسلّحين بكل درب
وانت انصارك قليله. تدري والموقف صعب
خوفي يفترقون عنك. والمواقف تنگلب

عسكر يزيد ابعدّته وخيله رايد رِجَال
هم اختبرت اصحابك الليله. قبل القتال
٠٠٠٠٠٠٠٠٠٠٠
گلهه يا زينب اطمنج. يختي وعيونج ابد
ما يخونوني اعرفتهم. ما ينقضون العهد
واحد وسبعين عندي. بالحرب سور وسند
دوني يهوون المنية. وما وهَن منهم أحد

مثل الجبل واحدهم بحيله. بسوح النزال
هم اختبرت اصحابك الليله. قبل القتال
٠٠٠٠٠٠٠٠٠٠٠
سمعوا الأنصار صاحوا. عالعهد نقسم قسم
رادوا يطمنون زينب. هوّسوا يم الخيم
گلهه يا زينب اسمعي. جاوبوج اهل الشيم
ما يهابون المنايا. ولا ينقضون الذمم

هاي الرجال التعدل الميله. وتغدر مُحال
هم اختبرت اصحابك الليله. قبل القتال
٠٠٠٠٠٠٠٠٠٠٠
من سمع عباس اجاها. امبيّن بوجهه الزعل
تنتخين شلون غيري لا يبت خير العمل
تگله من خوفي عليكم يابوفاضل ماكو حل
ال امية هواي ضدنه. وحنه قِلّه بهالمحل

متقصّر ادري وحملك تشيله. يابو الثگال
هم اختبرت اصحابك الليله. قبل القتال
٠٠٠٠٠٠٠٠٠٠٠
يگلهه يا زينب ابشري. ولا يهمّج اي خطر
آنه بوفاضل كفيلج. افتح بدمهم نهر
اكسر ظهور ال امية. واوصل لسابع ظهر
اليوصل حدودج اذبحه. وينتهي بلمح البصر

اي والنعم يا كافل العيله. غيره ونِضال
هم اختبرت اصحابك الليله. قبل القتال

سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

🖤قناة للقصائد الحسينيه🖤

01 June 2026 10:36

نزله مسلم بن عقيل عليه السلام / محرم ١٤٤٨هـ

ثابت بايمانك ما خفت عدوانك
يا سفيري. يا سفيري
٠٠٠٠٠٠٠٠٠٠٠٠
آنه ابوالاكبر حُسين المااطخ راس
انت يا مسلم سفيري اخير الناس
ما خنت عهد الرساله ثابت الساس
موقفك بالكوفه للحق صار مقياس

الله رافع شانك. ما خفت عدوانك
يا سفيري. يا سفيري
٠٠٠٠٠٠٠٠٠٠٠٠
آنه ابوالاكبر امام وحجّة الله
ما اثق إلا بفقيه وروحي تهواه
انت من اعظم ثقاتي العشت ويّاه
موقفك موقف بطولي حاشه انساه

بالحرب برهانك. ما خفت عدوانك
يا سفيري. يا سفيري
٠٠٠٠٠٠٠٠٠٠٠٠
غدروا اهل الكوفه بيك وعينك تشوف
وحدك ودارت عليك جيوش وسيوف
انت مسلم ما يساور گلبك الخوف
من علي وارث شجاعة ترهب صفوف

هاشمي عنوانك. ما خفت عدوانك
يا سفيري. يا سفيري
٠٠٠٠٠٠٠٠٠٠٠٠
يا ابن عمي وسفيري وناصر الدين
ما تذل حاشه بضيمرك عايش حسين
مثلك بهاي المواقف يحصل منين ؟
انت وي هاني ثبتّوا اشرف ثنين

ترهب بميدانك. ما خفت عدوانك
يا سفيري. يا سفيري
٠٠٠٠٠٠٠٠٠٠٠٠
من سطح قصر الاماره كلٌمتني
وصل يا مسلم سلامك ما عفتني
انت ادّيت الامانه وما خنتني
بدمك الطاهر يمسلم بايعتني

بدمك وبلسانك. ما خفت عدوانك
يا سفيري. يا سفيري
٠٠٠٠٠٠٠٠٠٠٠٠
بكل فخر نلت الشهاده اعظم اوسام
بدمك تثبّت يمسلم ركن الاسلام
حكم ابن مرجانه زايل عمره ايام
لكن انت للقيامه موقفك دام

رابح بميزانك. ما خفت عدوانك
يا سفيري. يا سفيري

سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

🖤قناة للقصائد الحسينيه🖤

01 June 2026 10:36

مسلم بن عقيل عليه السلام / محرم ١٤٤٨هـ

أسأل يعمي حسين. مسلم سفيرك وين
ما رد عليّة. يبن الزجية مسلم سفيرك وين
٠٠٠٠٠٠٠٠٠٠٠٠
يا عمي أسأل والدمع ليل انهار
عن والدي مسلم اريد الاخبار
ما ظل دمع بالعين وبگلبي النار
يمته اشوفه بعيني يرجع للدار
يچوي الگلب فرگاه. وعيوني ما تنساه
چم لوعه بية. يبن الزجية مسلم سفيرك وين
٠٠٠٠٠٠٠٠٠٠٠٠
عايف حميده وما رجع منّه جواب
مسلم ابويه بيا بلد راح وغاب
يا عمي وضّح عن غيابه الاسباب
مو تدري طفله وگلبي مو مال صواب
ما ظل دمع بالعين. دلّيني دربه منين
راح امندية. يبن الزجية مسلم سفيرك وين
٠٠٠٠٠٠٠٠٠٠٠٠
بين المدامع والحزن والآلام
سهرانه ليلي وحسب لجيته ايام
مو سهم واحد گلبي مصيوب سهام
سولفلي لو حاسبني منّ الأيتام
حس گلبي مسلم مات. يرجع بعد هيهات
جرح المنية. يبن الزجية مسلم سفيرك وين
٠٠٠٠٠٠٠٠٠٠٠
گلهه اخبرج يا حميده تصبرين
مسلم ابوج ستشهد لأجل الدين
آنه بمقامه والدج آنه حسين
انتي ورقية وحده يانور العين
بالكوفه مسلم نور. ضد الظلم والجور
اول ضحية. يبن الزجية مسلم سفيرك وين
٠٠٠٠٠٠٠٠٠٠٠٠
فدوه لوجودك مسلم وكل الناس
انت المهم سالم تظل رفعة راس
لكن جرح فكد الابو بالإحساس
ما يشفه ينزل يصعد ويالانفاس
يا عمي بين اعداك. مسلم غريب هناك
بروحه الأبية. يبن الزجية مسلم سفيرك وين
٠٠٠٠٠٠٠٠٠٠٠٠
من سطح قصر الظلم كالوا ذبّوه
تنزف جروحه وبحبلهم سحبوه
ظنهم يموت وينتهي لو قتلوه
لا والله ما مات وابد ما يمحوه
الضحّه بسبيل الله. عايش يضل ذكراه
بين البرية. يبن الزجية مسلم سفيرك وين

سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

🖤قناة للقصائد الحسينيه🖤

01 June 2026 10:35

((#حيهم_يـ_الزلم ))       محرم #1448هـ
‏……………………………………………………..
‏
‏نافع وحافي الجدم . صاح حيهم يـ الزلم
‏خبر من عنده السماوات إنحِنن
‏حايره ابهـاليله بت ام الحسن
‏يله حيهم يـ الزلم
‏
‏……………………………………………………..
‏
‏
‏سمعوا و مطرت الغيره بالطفوف
‏وينسمع بس(الـ أفه) وصفگ الچفوف
‏الروس جمره وحرگت اطراف الچتوف
‏زعلت و بگرابها حمره السيوف
‏
‏ذب العـ مامه ابن ظاهر اغضب وهز اللوه
‏و چِفه الچانون ابخيمهم طفّه فانوس الضوه
‏فشله بت النبي ابحيره واحنه نشتم الهوه
‏انطحن ريت و افورن مثل حبّات أگهوه
‏
‏صوته زلزل يعتلي . امشونه لبنيّت علي
‏هسه ما ننتظر مصباح ابـ غدن
‏حايره ابهـالليله بت ام حسن
‏يله حيهم يـ الزلم
‏
‏……………………………………………………..
‏
‏
‏موش عالخيل و ركض صار المسير
‏ركظة الشارد امن الذيب الچبير
‏اجدام ما لاحت الگاع وچن تطير
‏سوه كلهم ماكو واحد بالاخير
‏
‏وصلوا او سووا عراضه وعلى الخيمه اتحاوطوا
‏هوسه بس مو بالبيارغ بالعمايم هوّسوا
‏انخسفت الگاع الحدرهم لمّن ابحرگه ادبچوا
‏چن بلال وموش سكته چـ الآذان اتصايحوا
‏
‏خاف منهم وارتجف . النخل هوّس بالسعف
‏اوياهم انجوم السمه هم هوّسن
‏حايره ابهـاليله بت ام حسن
‏يله حيهم يـ الزلم
‏
‏……………………………………………………..
‏
‏
‏شلون تحتارين يا بت البدور
‏ارگابنه امحضرينها لخدرج نذور
‏هسه جيّتنه الحضرتج بس نزور
‏وباجر انعزبلج ابـ تلة نحور
‏
‏انعوف اخوچ حسين حاشه وحك امج فاطمه
‏اثلاثه والسبعين رگبه فده لشذرة خاتمه
‏ابدال شط العلگمي احنه انسوّي شط امن الدمه
‏ولو أكو امن العمر اغله الچ هم انقدمه
‏
‏ابدونكم يـ ام الخدر . درهم اغلى امن العمر
‏اعيونه ابلا شوفة حسين إيعَمَن
‏حايره ابهـاليله بت ام حسن
‏يله حيهم يـ الزلم
‏
‏……………………………………………………..
‏
‏
‏اجه الاكبر يضوي چـ البدر التمام
‏مبتسم جايب ابشاره امن الخيام
‏ابصف حبيب اوچب و همساله ابكلام
‏عمتي زينب تخصّك بالسلام
‏
‏شال روحه ودگها يلطم دخل غيبوبة وعي
‏من اكن انا و عليه سلمت بنت الوحي
‏بِشري عمچ موش شايب باجر ارجعلچ صبي
‏بساط هذا الجيش حدري وبيدي اطويهم طوي
‏
‏عمچ الرقم الصعب . افرح ابطاري الحرب
‏اچفوفي من فقار ابوج اتعلّمِن
‏حايره ابهـاليله بت ام الحسن
‏يله حيهم يـ الزلم
‏
‏……………………………………………………..
‏
‏
‏ابهل اثناء وسمعوا اصوات الرعيد
‏كربله انضربت ابـ زلزال الشِديد
‏النخل حوّل بالخيم يلبد يريد
‏يفتل اعصار و اجاهم من بعيد
‏
‏ابو فاضل أجه امدخن گطف روحه امن الفرس
‏صدگ محتاره يختي و بيه موجود النفس
‏الجيش هذا ابقفص ايدي حِسبي من هسه انحبس
‏العلگمي ومو ماي يختي جثث و ابروس انترس
‏
‏صاح الاصحاب ابـ فخر . جنودك احنا يالكمر
‏اچفوفك انقبلها يلي اتقدسن
‏حايره ابهـاليله بت ام الحسن
‏
‏……………………………………………………..
‏
‏
‏وبالفعل وفّوا الـ زينب بالرگاب
‏جثث مامش روسها شيب وشباب
‏جِبله صاروا للسهام و للحِراب
‏من دماهم حَمر مصبوغ التراب
‏
‏اخذ هيج ازلام كلفه ثبتوا أبـ گول و فعل
‏انموت گالوا لجل يبقه دين ابو الزهراء عدل
‏(ما هي إلا لحظاتُن ) نهد كِلنه وننچتل
‏والى الفردوس الاعلى الى الحورِ ننتقل
‏
‏اوجوه بيضه بالحشر . يم محمد نفتخر
‏وي علي الكرار في جنة عدن
‏حايره ابهـاليله بت ام الحسن
‏يله حيهم يـ الزلم
‏
‏……………………………………………………..
‏✍️ ( سيد خضر الزاملي )
‏

🖤قناة للقصائد الحسينيه🖤

01 June 2026 10:35

رئيسية/ العباس عليه السلام محرم ١٤٤٨هـ

يا زينب. ما تعطش بوجودي العيله
يا زينب. دم حيدر بعروگي وحيله
آنه العباس الوفاي
من چفي تشربون الماي يا زينب. يا زينب
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يزينب آنه اخوج الحيد. عباس التعرفينه
ذاخرني علي لهل يوم بالطف كون اگر عينه
بشري اطفال خوي حسين. وبشري الغاليه اسكينه
اجيب الماي اجيبه اليوم. وبعيونج تشوفينه
ارويها. كل الاطفال العطشانه
ارويها. غصباً عالظالم وعوانه
رايح والرايه بيمناي
من چفي تشربون الماي يا زينب. يا زينب
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يوم السابع بعاشور يومي وآني انتظره
رايح للنهر بالسيف. اطبّه برايتي الخضره
اجيب الماي للخيمه. عهد يا بضعة الزهره
يزينب والله بچفوفي. اروّي طفال ابوالعتره
بچفوفي. املي الجود بماي الخوّه
بچفوفي. يشرب عبدالله ويتروّه
رايح وحساسج ويّاي
من چفي تشربون الماي يا زينب. يا زينب
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اعرفك يا شهم گدها. اخوي وكافلي الغالي
بوجودك ياگمر هاشم. ابد لا والله منبالي
گلبي مئمّن وما خاف يعباس انت تبرالي
ميمسنه العطش بحماك. وتروي بجودك اطفالي
يا هيبه. عباس واسمك يرعبهم
يا هيبه. تهزمهم منّ تحاربهم
عد عينج آنه الروّاي
من چفي تشربون الماي يا زينب. يا زينب
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
گصد للمشرعه بسيفه. غضب تتجادح عيونه
شردت كل بني سفيان. وما كدروا يلاگونه
جثث والروس تتطاير. مثل حيدر يشوفونه
ذبحهم عالنهر بالسيف. نزل والرايه بمتونه
ذلّاهم طب للماي وبيده الجربه
ذلّاهم. شافوا موت وذل بحربه
يتحدّاهم رايح جاي
من چفي تشربون الماي يا زينب. يا زينب
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
مليت الجربه يا زينب. اخوج وبالعهد اوفي
جبت لطفال اخوي الماي. هذا امن النهر شوفي
گلت عبدالله ما يعطش. اشربه الماي بچفوفي
أنه العباس يا زينب. ملكت الساحه بطفوفي
وعيونج. فرسان وخيل اموذرها
وعيونج. يم شاطي الماي مطشرها
ما ظل عدهم حيل وراي
من چفي تشربون الماي يا زينب. يا زينب
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
كفو منك يبوالغيره. شربنه الماي من جودك
كفيلي وشايل الرايه. وحلات الراية بزنودك
حيلك من علي وعزمه. ياهو اليوصل حدودك
كفو وكفيت يالكافل. بعد ما نعطش بزودك
تحمينه. من جيش ابن زياد وحقده
تحمينه. يا درع حسين بكل شده
مو واحد بالحومه هواي
من چفي تشربون الماي يا زينب. يا زينب

سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

🖤قناة للقصائد الحسينيه🖤

01 June 2026 09:14

ياحبيب الزهره وحبيبي
ــــــــــــــــــــــــــــــــــــــ
ماريد دنيه إبلا عشگ
يالحبك بگلبي يدگ
أنته ابوي وصاحبي الحلوه عشرته

أنته الحنين الـموصعب
ماكو مثل گلبك گلب
ممنوع احب غيرك لان حبيتك أنته

يمك واشتاگ     ماريد افراگ      مثل  العشاگ     ماخذني السهر
مابين قوسين     مجنون احسين       وادموع العين    يم بابك نهر

ياحبيب الزهره وحبيبي
ــــــــــــــــــــــــــــــــــــــ
گلبي اقفلت بابه ابحذر
مفتاحه ذبّيته ابحر
اتبره من عنده اذا حب ثاني غيرك

كاتب عله اعيوني وقف
ماترسم الغيرك وصف
مالك حواسي الخمسه مجنونك اسيرك

خلّيني اوياك     ماشي بمسراك     واشلون انساك    وانه اتنفسك
وانه من اصباي    عبدك مولاي     عمري ودنياي   بس بمجلسك

ياحبيب الزهره وحبيبي
ــــــــــــــــــــــــــــــــــــــ
يحسين طفّك دنيتي
وگعدت ضريحك جنتي
الله يانسماتك الكلهن محنه

من اوگف اباب الصحن
حاجاتي كلهن ينگضن
يالعطر شباچك يغار الورد منه

سبحان الله      گبرك علّاه     ملجأ سوّاه     للماله وطن
يمك عباس      سيد الاحساس     ايسمونه الناس     كفّال الظعن

ياحبيب الزهره وحبيبي

محمد الجماسي

🖤قناة للقصائد الحسينيه🖤

01 June 2026 09:14

تريد الاجر هسه تريد بعدين
على گد نيتك ينطيك الحسين
.......
عله گد نيتك ينطيك شتريد
مايبخل عليك وينطي بالأيد
تريد وياه تمشي توصل بعيد
بلا حد وامد ما تسال الوين
____
حسين امدلل الخدام تدليل
شنهو تريد منه حمل وشيل
الوراه حسين خلها دنيِتّه اتعيل
الما تلم  نعمته وتنحصي بعين

____

امشي وياه عدل شتريد ينطيك
اذا كنت فقيراً هوَ يغنيك
اذا طردتك كلها حسين يأويك
مثل المطر خيره الزين والشين
____

الغير حسين بالك تشتكي بيوم
خليها وراه ولا تهم دوم
مثل ماتجي محمله بماي الغيوم.
عليك الخير ما تعرف يجي منين
____
مو قالها الراوي لا حقيقه
بس حسين ما ينسه صديقه
خير الدنيا والاخرى بطريقة
وبدربه تشوف الزين والزين
____
حسين الشيخ المصاحب عبيده
الحوائج والرزق والجنه بيده
يوصله للسمه حسين اليريده
ودليل الفارسي من آل ياسين
_
فيصل المياحي

🖤قناة للقصائد الحسينيه🖤

30 May 2026 22:54

نزال ليلة الاكبر
.
.
.

هل ياترى تنساني
قيـــادة الميـداني
انا علي بن الحسين انا علي الثاني

***
 
اليسوي نفسه ناسي     اسوي الذي براسي
وبالطف مايضـل جيش بـوقت جداً قياسي
علي العالي بجـلاله       بعــــث الكم رساله
ويگلكم علـــي الاكـبر الــه انطـــيت الوكاله
 
سبحانه من اعطاني
قيــــادة المــــيداني
انا علي بن الحسين انا علي الثاني

***

 
ملثــــم ما ملــــثم       الكـل بسيفي يعلم
اقرو الفاتحـه اعليه الرمق طـرف المخيم
عرض الله عـرضنه    سـاده ومن يكضنه
نمــوت ازغـار وكــبار وماننـــطي ارضــنه
 
جدي بكم اوصاني
قيـــادة الميـــداني
انا علي بن الحسين انا علي الثاني

***
 
جهابذت المعاره      احس بيـهم حياره
الاجــو للربح هاليـوم ردو بالخــــساره
ابكيفـي انه اقـــرر     وقوانيـــني امرر
اذا مايعجب الجيش عن ساعدي اشمر
 
سكوتكم اضناني
قــيادة المــيداني
انا علي بن الحسين انا علي الثاني

***
 
علي الاكبر والاكــبر     كلـشي اكباله يزغر
الگط  ويــن الثــكال مـــثل ما چان حيدر
اختصار الهالمزاعم      بكر وينه ابن غانم
لايلــبد وره الجيــــش علــي گلـوله قـادم
 
هل فيـكمُ اقراني
قيــادة الميـــداني
انا علي بن الحسين انا علي الثاني

***
 
يهالجيش التجحفل       الكم رايـد اســئل
بالاكبــر هـم تعرفـون اشيسوي بيوم يزعل
اذا بالحومه زمـجـر      كلـشي يصير اصفر
اختصار الكل الالقلاب اسمه الموت الاحمر
 
فقاري يُدعى الفاني
قيـــادة المــــيـداني
انا علي بن الحسين انا علي الثاني

***
 
اختصار الكل كلامي     احامـي عن خيامي
وهاي الــروح والروح فـداء حســين امامي
المهم عندي ابو اليمه      فدوه رحت لسـمه
شحلاته عـمري يــاناس اذا بحـسين اختمه
 
للقاصي ثم الداني
قيـــادة المـــيداني
انا علي بن الحسين انا علي الثاني
***
حيدر تركي الكربلائي
 

🖤قناة للقصائد الحسينيه🖤

30 May 2026 22:52

قصيدة أفراح
عيد الغدير

فضلني الله وصار اسمي الغديري
واعظم بشر بالكون صبح أميري
من حـيـدر الــكـرار اول طـلـعتي
ورجعله هم بعدين صاحب مصيري

شنو جـا ياهـو الـجـان
علي مو حجيي لسان
علـي اصــل الإيــمـان.  علي يا بابُ الله

هنياله الحضه بحب المرتضى ويحصل الرضا
بحب حيدر علي
هنياله الهتف بأعماق النجف ياحجم الشرف
بحب حيدر علي

يا علي يا علي
....................
عيد الغدير العيد مو عيد الأضحى
من أجمل الأعياد لو حل يصبحى
فرحانه كل الناس بس اني اتناني
يمر عيد ابو الحسنين وتمسني فرحه

الفرح مو راتب دوم
تحس بي جن موهوم
فقط بس هذا اليوم  علي يا بابُ الله


عيد اهل العقل بحيدر نتمثل والفرحه تحل
بحب حيدر علي
بلا غايه ترى حب بحيدره دنيا وآخرة
بحب حيدر علي

يا علي يا علي
....................
مالـك شــغل بالــغــير اتــرك كــلامه
حـــب الأمـير الـفــوز مـا بي نـــدامه
ما عنده غيرك هيج حب بي قداسـه
من الـعشگ محــروم مـــن الامـامـه


عـتـنـق دين الأصـنـام
صلاته وصومه اوهام
يشوف الجنه احلام علي يا بابُ الله

مو طاهر نسب لجهنم حطب بس بلا تعب
بحب حيدر علي
الحب حيدر عبر يتعدى الخطر وشكبره الفخر
بحب حيدر علي

يا علي يا علي
...........................
بــــس انه احـــب قــران دون الـبــريه
كلشي بوجودي يصيح حامي الحميه 
اتباها بين الناس جي عندي حيدر
من حضي ماكو حضوض هنيالي بيه


انه الــمـا مـني ثنـيـن
صرت في أطهر دين
فـزت فــوز الــدارين. علي يا بابُ الله

فايز مطمئن في جنة عدن ما هم بالزمن بحب حيدر علي
ما أخشى القبر حيدر بي يمر يطلع بي فجر
بحب حيدر علي
يا علي يا علي
...........................

حسن يونس التميمي

🖤قناة للقصائد الحسينيه🖤

30 May 2026 22:51

‏(( #الله_اوياكم ))   السيده العليله
    محرم #1448هـ
‏……………………………………………………………

‏الله اوياكم .. روحوا و مبريين الذمه
‏الله اوياكم .. و اصبر عالهجران و همّه
‏بس اعليكم اشرط لازم
‏كون ايرد كل واحد سالم
‏الله اوياكم
‏
‏……………………………………………………........
‏
‏
‏نعم أصبر .. كسر خاطر
‏گلب كل نبضه جمره وتحرگ اضلوعي
‏صدگ صعبه .. الوطن غربه
‏اظل حته امن انامن تنزل دموعي
‏
‏ميخالف واكول ايام . وصايح بالسلف ناده
‏يبت حسين فكي الباب . الـ يثرب ردّوا الساده
‏اتحزّم و أبخر البيت . وافرش احلى سجاده
‏وخاف امن السفر تعبان . لبوي امحضره الوساده
‏
‏يتلگاكم .. گلبي ويركض گبل أجدامي
‏يتلگاكم .. انتم ماي و هو الضامي
‏و يصيح اهلا عترة فاطم
‏كون ايرد كل واحد سالم
‏الله اوياكم
‏
‏…………………………………………………….......
‏
‏
‏صحيح أشگه .. ابمرض ابگه
‏اتوچّه على الحيطان من امشي
‏اظل سكته .. شبه ميته
‏مو بفراشي اتمدد تره ابنعشي
‏
‏واتأمل اطيب ابيوم . امن اسمع جلمة ورديه
‏بذني اتخضّر الوردات . طيبه اتگلي يا بويه
‏يطيح المرض لو صديت . اعمامه الخضره مضويه
‏واشمّگ شهگة الغرگان . عطر الابو حنّيه
‏
‏ظل بس يمي ..  همّه اشهور وشبعوا منك
‏ظل بس يمي .. شلت افراشي ونومي ابحضنك
‏لو امدلك ايدي و ظل نايم
‏كون ايرد كل واحد سالم
‏الله اوياكم
‏
‏……………………………………………………........
‏
‏
‏الصبح عتمه .. الشمس ظلمه
‏الضوه هم ابضعنكم حمّل و شايل
‏وحش ليلي .. يهد حيلي
‏اظل انطر الگمره ابوجه ابو فاضل
‏
‏وحگك عمي من ترجع . گبل يثرب اشم عطرك
‏أمان ايغطي كل البيت . سِمع بـ أصهيل من مهرك
‏گبل بيتك تجي ليه . وتحط راسي على صدرك
‏انت او والدي اطبّون . تره ازعل و لا اعذرك
‏
‏أجمل منظر .. ادخلون البيت ابهيبتكم
‏أجمل منظر .. حيره اشبگ ياهو المن عدكم
‏كل وجه اشمحلاته و باسم
‏كون ايرد كل واحد سالم
‏الله اوياكم
‏
‏…………………………………………………….......
‏
‏
‏بلا أحبابي .. يظل بابي
‏غريب ابلايه چف ايدگ على اخشابه
‏مثل نسمه .. تجي العمه
‏عند الباب عيد ايعايد اعتابه
‏
‏الله وياج عمه وكون . لو خلصت هالسفره
‏ابهيبة طولج اتردين . وملامح موش متغيره
‏روحه و ردّه بالهودج . متلوحج شمس مره
‏عباية جدتي الزهراء . ترجع سوده مو حمره
‏
‏ردت زينب .. اركض وانظر اجمل شوفه
‏ردت زينب .. وي عمي و ايدچ بچفوفه
‏اتخاف اصد اعليج الوادم
‏كون ايرد كل واحد سالم
‏الله اوياكم
‏
‏…………………………………………………….........
‏
‏
‏البعد بلوه .. بلا سلوه
‏التفرحني و تخلي البيت چن ورده
‏أمل بيه .. يرد ليّه
‏عبدالله واشوفه امگمط ابمهده
‏
‏من هسه عليج اشرط . رباب ولو رجعتي النه
‏شهر بالبيت ترتاحين . واخوي انا الاشيلنه
‏واسمحيلي تره الكاروك . ابغرفتي راح احولنه
‏ولتصيحوني آكل زاد . اشبع من اشمنّه
‏
‏يختي اسكينه .. اعليج اقسم بالرب بارينه
‏يختي اسكينه .. لو يعطش إنتي التروينه
‏گلبي اتعلگ بيه و هايم
‏كون ايرد كل واحد سالم
‏الله اوياكم
‏
‏…………………………………………………….........
‏
‏
‏يخيّاتي .. عِزيزاتي
‏بالله امودعات وصعبه افارگچن
‏ابدمع يمطر .. اظل أنطر
‏تردّن نلتم اشمحله سوالفچن
‏
‏حميده و خوله اسمعني . اوصيچن هل اوصيه
‏زغيره وعاليات النوگ . وخافن توگع ارقيه
‏لذنها اتفگدن كل ساعه . خاف اطيح ترچيه
‏مو يمچن ابحضن حسين . تراهي اتنام ليليه
‏
‏خويه الاكبر .. يل بيك انظر جدي امحمد
‏خويه الاكبر .. يمته اسمع خيّچ سالم رد
‏بيده حسين ايزفك جاسم
‏كون ايرد كل واحد سالم
‏الله اوياكم
‏
‏…………………………………………………….….
‏✍️( سيد خضر الزاملي )
‏

🖤قناة للقصائد الحسينيه🖤

30 May 2026 22:51

466_
علي يالعاليه ابسيفه وطاها
اطهرت هاي الارض لَّمن وطاها
الناس اطلَبت من عنده وطاها

وأنه اطلب شفيع اتصير اليه
…
عباس العكيلي

🖤قناة للقصائد الحسينيه🖤

30 May 2026 22:50

گال بيمن هام گلبك  صرت مشغول الفكر
گتله  فوگ النور نوره لاشمس مثله وبدر
يحمل آلاف المزايا   الماالهن حد ينذكر
گالي شنهي صفاته ونظمت بيهن شعر
گتله متحير ابوصفه منين أبدي وأختصر
گال عنه احچيلي گتله وصفي عِشْر من العِشْر
گتله ثاني العصمه هوه سيدي وبيه افتخر
فرحة الهادي ابوجوده وبخصاله مبتشر
ذراع طه بالشدايد والنوايب  والعسر
زوج خير النسه كلها التشفع بيوم الحشر
ومنه نورين الرساله  الدين بيهم منتصر
الجندل ابطال وهلكها ابحملته تشهد بدر
البيده قالع باب خيبر  هازم جيوش الغدر
أرعب العدوان سيفه  روس گامت تنشطر
الرفع للاسلام رايه ورايه الشر  تنكسر
الردت الشمس علموده خاطر يصلي العصر
البيه من رب البريه  نزلت آيات اشكثر
عبرت ثلثمية آيه  بوصفه   للباري الشكر
اهدعش كوكب صدر منه الكون بيهم مزدهر
گال يامخلوق هذا  بهلمناقب   مشتهر
گتله نفس الهادي هوه  نور وانسام وعطر
علي هوه النذر نفسه لجل طه من الصغر

الشاعر حسن لعيبي الحريشاوي