1889
إن اللّٰه لا يكسِرُ قلبَ مَن توسل بالزَهراءِ 💔
#أبوذيـة
يا طارش والدي بالنجف .. مره
وگله رياگ زينب غدت .. مره
مره ابچي عله العباس .. مره
على الرضت ضلوعه الأعوجيه
#اللهم_عجل_لوليك_الفرج
واحد من خدام الحسين عليه السلام عنده #حچاية_حلوة يگول :
اكو شعر او نعي #سامعينه أهل البيت عليهم السلام
مثلا :
- سمعته يون وتگربت ليه
- ياسلاب تاج حسين
- من هجمت خيول العده
- زينب ياعلي زينب
-الگلب شاجر عله ابن امي وداوي
وغيرها من الكثير من القصائد التراثية والحديثة ....
فذني كون واحد يقرأ منهن بكل مجلس لأن منظورات من أهل البيت ويفتحن القلوب ويتجددن مع كل قراءة (چنك اول مرة تسمعهن)
فكون كل خادم يحاول يحفظ شگد مايگدر منهن يفتح بيهن الگلوب في كل عزاء
الله يجعل قلوبكم محط نظرته ويجعلكم ممن يبكون صاحب الزمان والسيدة الزهراء صلوات الله عليهما
لا تنسوا ولي النعمة صاحب الزمان من دعائكم وخادمكم كذلك 🙏
#اللهم_عجل_لوليك_الفرج
/channel/tyyuuiiopp
ليلة 1 محرم 1448
يــا شهــر الحــزن شــو هـل الهــلال
عالهـــزل سبوهـــا كلهـــا الاعيـــال
━━━━━◦ ❖ ◦━━━━
بيــك حســـين ضـــل بلايـــه خـوان
اجيـــت وهيجتهـــا كلهـــا الاحـــزان
سبايــه عيالــه فـــروا كـل الاوطـان
يباتـــون بخـــلا ماعدهـــم امجــان
بيـــك الدمـع جنه المطـر لو سـال
━━━━━◦ ❖ ◦━━━━
بيـــك الزهــره تبجـــي ابنها مذبــوح
يـل تــارس كلبـــها اهات و اجـــروح
يل بيـــك الونيـــن والـــم و النـــوح
گـلـب الـزهـره مـنـك هـوه مـجـروح
يــل هدمــت كلهـــا ويـــاك الامـــال
━━━━━◦ ❖ ◦━━━━
بيك الصـــار مايخـــطر عـــلى البــال
حـالك مايسـر مـــن اصعـــب الحـال
عيالـــه مجتفـــه كلهـــا بالحبـــال
وراســـه عالرمـــح ياوسفــه انشـــال
وياهـم بحســـره الدهـــر مـــن مـال
━━━━━◦ ❖ ◦━━━━
بيـك بكـلب زينـــب شعلـــت النـــار
يـــا وسفـــه وي زينــب الدهـــر دار
دخلهـــم سبايـــه بنـــص لاشـــرار
وهـي نســـل النبـــوة ونسـل الاحـرار
بيـك الفـرح منهـــم حمـــل وشـــال
━━━━━◦ ❖ ◦━━━━
الزهـره تـــون واتنـــوح كـــل عـــام
بعــد الـي جـــرى وحـــرك الخيـــام
وعيالـــه سبايـــه اتـــروح للشـــام
وبصـــدره يويـــلي بـــس الاسهـــام
اهمومـــك اثگـــال ومثـــل الاجبـــال
━━━━━◦ ❖ ◦━━━━
خـــادم أهـــل البيـــت
علـــي الخاقانـــي
للبعض احچيهن كلمتين حلو التواضع وي الحسين
اخدم حسين بنفسك ومالك
گبل الحسين شچانت احوالك
=====================
يا خادم حسين انتبه اخذ الحذر لاتنغر
لو شانك لفوكَ ارتفع لاتنسى فضل المنبر
اتواضع واعرف قدر اليتواضع شگد يكبر
ما دامت الدنيا لاحد دنياك دايم تفــــتر
اعقدها نيتك قربى لله تلگة الي يخلص الله علاه
من حسين جاهك والعلو نالك
گبل الحسين شچانت احوالك
=====================
بتاريخ خدمة سيدي الحسين تلگة الخالد
ما غرتة اموال وطمع ضل عالمبادئ صامد
حمزة و وطن عبد الرضا التاريخ الهم شاهد
بالخدمة دوم اتخلدوا صاروا مثل كل واحد
مر الزمان ومرت اعوام ما ينسون وتاج عالهام
خلهم قدوتك مضرب امثالك
گبل الحسين شچانت احوالك
======================
للمال والشهرة البعض اعله حسين يقرة وينعة
وتتغير اوضاعة واسف تلگاه تغــير طبعة
عكس الي چانوا نستمع الهم ونجري الدمعة
شوف النويني و ونتة لليوم احنا انسمعة
انحس ابمحرم لو سمعناه وبكل شعور نعيش وياه
المنضور يبقى وكلمتة ابالك
گبل الحسين شچانت احوالك
====================
چم واحد بواحد فشل بالخدمة ما اخذ دورة
هاي الحقيقة المؤلمة وبيها الحقيقة مرورة
للناس چانت نــــيتة والـــمصلحة وجمهورة
بسيدنا جاســـم نقتدي لازم ونفس الصورة
صفاها نيتة وي الاطياب فاز بخدمتة وسعية ما خاب
يحسين گال الروح تفدالك
گبل الحسين شچانت احوالك
========================
كون التواضع شيمتك لا تهتم ولا تبالي
شما تنتقد بيك البشر بحسين راسك عالي
الزهرة هي اتسجلك بدفتر الخدمة الغالي
تتوثق بسجل الخدم وخادم تضل للتالي
ظل بخدمتك ثابت الراي ما ترضى عنك وادم هواي
من تثبت اعله الراي تحلالك
گبل الحسين شچانت احوالك
====================
أسالكم الدعاء رائد الاسدي
فيديو من داخل الضريح
سجل أسمك لزيارة الإمام الرضا عليه السلام
على المعرف التالى:
@Karballe_313
رجع منّ النهر ودموعه دم تجري
سمعته ايردد الان انكسر ضهري🚩
#نعـي
حيهم يساده فرهدونه
ومن الكفه ذبحو اخونه
اتفرج علينه الخاص والعام
امن الخيم لمن طلعونه
حيكم تره عباسكم طاح
والروس شالوها اعله الارماح
حركو خيمكم يال عدنان
وحسينكم سحكوله الاصفاح
يهل الهلا واهل الحميه
زينبكم انوخذت سبيه
اليحرس خدرها جان عباس
هسه حرسها ال اميه
صعبه يساده وابد متلوك
يخلون زينب تدخل السوك
ومن صاحت الحكني يالحسين
صاحو اخوج بخيل مسحوك
حيره يهاشم والله حيره
حسين لمو بالحصيره
وكلمن اخذ نسوانه ويا
وضلن الماعدهن عشيره
تكتل يساده طبت الشام
شافو ام عون الخاص والعام
التتغطه حتى كبال عباس
هسه بخرابه كامت تنام
قاسم الغزالي
#اللهم_عجل_لوليك_الفرج
شال الرايه ابو فاضل بالطف ساقي و كافل
منهو يدوس احـــدوده من شمرها ازنوده
بالطف ساقي وكافل
***
من اخيامه اتعـــــنه طالــــع للحــــــربيه
ايجيب الماي بجـوده اموصـــيته العلويه
لاخاف ولامهــــــتم شاف الجيـش اشويه
متعني وكاصـــــدله ايجر الشــــط اوميه
لاوي اعنان الشكره مامهتم بالكـــــــثره
شايل بخـــت الساده هيبه وزوده اشكبره
شايل بيده الصارم فاير دمـه وناقم
بيده الرايه وجوده من شمرها ازنوده
بالطف ساقي وكافل
***
اتوكل شـد احزامه تنثر غـــيره اهدومه
حار و دخن راسه فارت غيض ادمومه
يلمع ســيفه ويبرج تمطـــر نار اغيومه
تاه الجيش ورايـــه من طبـــــاها الحومه
الموت ايلوح بسيفه يحصد روس بكيفه
خيل بخيل يطكَـــها ياخذ منــــــهم حيفه
بعينه الطف ازغيره وخله الجيش بحيره
طب العركه بزوده من شمرها ازنوده
بالطف ساقي وكافل
***
يردم ميـــــه بيـــــمه ماتندل خــــــلاها
الكاع انصبغت حمره اتراب ودم سواها
اعيون القاده الشردت والظلـــــت بجاها
وكل ارواح الطلعت لجهـــــــنم وداها
اليوصل سيفه يطبره وعزرائيل يجـــــره
يقبض روحه بسرعه و بأخر نار ايشمره
بيدر سوه اجثثهم وعزرائيل ايذبهم
اوجوه العسكر سوده من شمرها ازنوده
بالطف ساقي وكافل
***
هلهل سيفه وكيـف انطاه عباس امراده
كلمن خالـــف رايه والعــاداها الســـاده
خلاه يحصــــد بيهم كطع روس القاده
عطشان ومن يعطش يروى بدمهم راده
شارد يغلــــب شارد واحـــــد يتبـــع واحــــد
فرت كلها وشردت شي راكض شي صاعد
السبع العاف الحومه الفارس ذب اهدومه
العسكر تبجي اجنوده من شمرها ازنوده
بالطف ساقي وكافل
***
فلش كل العســــكر وجه الجيش امترب
يسحك يركل يشطر يرعـد نار وضهلب
طب للشــط وهوس وينه الرايـــــد يكرب
آنـــه العباس آنـــــه وابن الشاطر مرحب
ركز ســــاري الرايه بجرف الشــط ومايه
فات بزوده الســـــاقي منطي اخيامه احجايه
هيبه وارث هيبه والحك كوه ايجيبه
وارث هيبة عوده من شمرها ازنوده
بالطف ساقي وكافل
***
ابو علي الركابي
سجل أسمك لزيارة الإمام الرضا عليه السلام
على المعرف التالى:
@Karballe_313
القناة التي قادت الشباب للتشيع و نورت أفكارهم و غيرت آرائهم
✿ /channel/+P-GoLN-sWbBlNmU8
قران الاحسان .. عباس ابو فاضل
وللغيره عنوان .. عباس ابو فاضل
سمـي بـسم الله وبســم الـكافل
وعـيش فـي ظل الكـمر متـفائل
يلـي من طين ابوفاضـل فـاضل
انخه عباس
احچي وي قران الإنـسـانية
وحلفه بس بزينب المـسبيه
اي نعــــم يــالي ردت ذريـة
انخه عباس
لا ماتـرد خــالي ابــــــد وعيــونه وچــفوفه
ابنك يجي السنه التجي وبحضانك اتـشوفه
حبـــل الله چفـــين الگمـــر للنــاس معروفه
مفتوحه بيبان .. عباس ابو فاضل
وللغيره عنوان .. عباس لبو فاضل
***
يالي حملك بالهموم شثگله
وحرت يم ياباب انته تنزله
انته بس اوگف اباب القبله
وانخه عباس
روح عن هـمك وغـــمـك اشـرح
ابعالي صوتك يابوفاضل اصدح
يالتــريد السنـــه هــذي تـــنـجح
انخه عباس
الواگع بحـب ابوالـــفضل لا والله مـاواگع
والجاب مـــيه بهالعشــگ بالصحن مراجع
الدارس محرم والطبگ يعرف شنو السابع
ترتيـــل الاذان .. عباس ابو فاضل
وللغيره عنوان .. عباس لبو فاضل
***
يلـي روحك بالمرض مـحتاره
والأطــبــا مالگــولـك چــــاره
يالتريد الـــــيوم انته بــشاره
انخه عباس
العنده ابوفاضل عليمن خايف
اسئل مجرب اگبـــــالك واگف
معجزات الگــمر يامــن شايف
انخه عباس
بوب الملوك اذ أغلقت بيــبانه مفتوحه
وروحه لون تطلبها لامايبــــخل بروحه
هذي الشهاده بالگــمر ياناس مـجروحه
ميــريد تبــيان .. عباس ابو فاضل
وللغيره عنـوان .. عباس لبو فاضل
***
يامن بـــصاحب زمـــانك هايم
وعلى بعض اعمالك انـته نادم
يالـــردت يرضه عليك القـــائم
انخه عباس
ترجم الحـب الصــــدگ للعـتــره
كون كدها وصير صاحـب خـبره
وحتـــى لو هالكـون كله تخسره
انحه عباس
لا لاتهم بلي مـــضـه والجــــاي والرايح
وداعت ابوصالح ترى بكلشي اكو صالح
خليك ويه ابوالفــضل ثق تنحسب رابح
كانَ ومــا كان .. عباس ابو فاضل
وللغيره عنوان .. عباس لبو فاضل
***
يالردت توفيق في هالخـــدمه
ورايد اسمك دوم يسطع نجمه
المختصر ياصاحبـي بس كلمه
انخه عباس
صيح والما الها حل تتسهل
ولو أخير انته تصـير الأول
يالردت للنــــاس ماتتـوسل
انخه عـباس
عباس يرفع قدرك وصيتك صدگ يكبر
مادامك انتـه ملتزم بحسيـــن ابوالاكبر
نعمه الحسين وبالك اعلـه النعمه تتغير
للانس والجان .. عباس ابو فاضل
وللغيره عنوان .. عباس لبو فاضل
***
حيدر تركي الكربلائي
قصيدة ( منارات العشگ) تحكي زياره ومشاهد من واقعة الطف
يم منــارات العــشگ
ليش بالعبره اختنـگ
ينرسم مشهد حــرگ وانظر لمصابه
****
منْ أگصد الحضره وأصد صوب المناير
أبّـالي تتزحــام صـوَر وابقـه آنــه حاير
طفلــه اذكــر عالــدرب ظلــت تنــاطــر
چنـي اسمــع حمزه مــن يقــره يجــابر
مـــا دريت بكــربلــه
مـن سبــوها العايله
صوت بالعبره اعتله سَلبّوا ثيــابــه
****
بگلب كــل مــؤمـن لبو اليمه حـراره
چــن مخيّمْ مشتعـل ما تطْفـه نـاره
شگـد مشاهـد تنــرسم وي الـزياره
أيتــام فـرّت تصـرخ وكلهـا حيّــاره
منْ بعِـد نهــر الدمّـه
استمع صوت الضمه
واصل لسابع سمه وأوگف اعلى بابه
****
من امشي يم حسين بأرض الغاضريه
مــاي اسمــع چنــي لاطفــال الزچيـه
أمشـي چنــي واستمــع صـرخة رقيه
عــمّــه وينَــه كافلـــﭺ يالهــاشميـه
خويه أطفال وحـــرم
تنادي حرگوها الخيم
وينــه شيّـال العَـلمْ طوّل بغيـابه
****
يم ضريحه ظاگت بعينِـي الوسيعه
تنــرسم لو شاهــدت گبره الفجيعه
چنهه نبلــة حرملــه ذبحة رضيعــه
طفل ظامي ومنعو أعليـه الشريعه
بيـن طفلــه ونبلـته
حسين حيره حيرته
سهم نحره وچبدته والدمه خضابه
****
بعبـرتــي اتعنيــت تـلْ الــزينـبيـه
كلـت أزوره والحـزن خـيّــم علـيـه
صـوت اسمعه چني من تل الرزيه
رغم كــل الصـار ابقــى انـه الأبيه
انــه قــران العبــي
حتى لو اروحن سبي
النصر باچـــر زينبي ورايتي المهابه
****
مــن ازور الكــافـل ودمعـي اسيله
صفنتي أبابـه تظـل كلـش طـويلـه
أحــس صـوت بمرقـده آ يالعقيـله
آه مـن الشــام وهمـومــه الثجيله
خويه يا بــت فاطــمه
طاغي شخصج يشتمه
يا ستر كـــل الســمه وتگعد بخرابه
****
الشاعر
موسى البديري
قصيدة الاكبر ع
محرم 1448هـ 2026م
يوليدي يالاكــــبر ـ ياسلوة الروح
ماحسبت بالطف ـ تتركني وتروح
صوبني يمه ابموتك البين
يا زهرتي وريحانة حسين
ــــــــــــــــــــــــــــــــــــــــــــــــ
ارحـم المكســــورة گلب لاتچفي عنها
ما بيــه حيــل وفرگتـــــك يكتل حزنها
تعرف شعور الوالده مــــن ايروح ابنها
اتضل هيه والميت سوه ويبرد حضنها
هم ترجع الدارك ـ لو ماكو رده
ما تنطفي نارك ـ گلبي اشيبرده
بيه الرزايه تحيط صوبين
يا زهرتي وريحانة حسين
ــــــــــــــــــــــــــــــــــــــــــــــــ
يا عمد بيـتي وشمعـتي وزهــرة زماني
بوداعك ابطف كربله دهـــــــري رماني
غايب يشمسي الزاهيه وفگدك عماني
غيرك ولد يا سلوتي ما عنــــــدي ثاني
يا هيبتي وصيتي ـ وعصابة الراس
يالسـاكن ابريتي ـ وتوزع الانفاس
ياكبرتي وياتعب السنين
يازهرتي وريحانة حسين
ــــــــــــــــــــــــــــــــــــــــــــــــ
بيك اكشخ اگبال النسه من تمشي وياي
رايـــح يبو طـــول الحلو يبـــني ويرجاوي
ما حسبت عني تشح چــــن شحة الماي
من دونك ابقه مدوهنه ومعـــذبه هواي
يالاكبــــــر وداعت ـ عينك يمظلوم
ثگل الجبل صارت ـ بگليبي الهموم
من البچي ماتگطع العين
يا زهرتي وريحانة حسين
ــــــــــــــــــــــــــــــــــــــــــــــــ
يا نبـي اعيـــوني انعمي لو غبـــت عني
گبلك يريت اخيــولهم كون اســـحكني
چـــم سهم البصــدك نبت وأذاك يبني
هجـــرك يسباح الگلب كلش هضمني
يالمنذبح ضامي ـ وماشارب الماي
يالماخذ احلامي ـ وي سفرتك هاي
الماي اجيبه لچبدك امنين
يا زهرتي وريحانة حســـين
ــــــــــــــــــــــــــــــــــــــــــــــــ
من ضعيت وجهك احس ضيعت كلشي
وصـــــــــورك بعيني بقت شابكها رمشي
اشلون اعوفك عالثرى يوليــــدي ومشي
ياريت گبل الطف متت ونشــــال نعشي
بروحي اسعرت ناري ـ وفگدك حطبها
وبغيبـــــــــــتك داري ـ ما گمت اطبها
ما بطلــــت يا يمه الونين
يا زهرتي وريحانة حسين
ــــــــــــــــــــــــــــــــــــــــــــــــ
✍الخادم
كامل السعيدي
#أبوذيـة
بچیت ودمعتی من العین ... صلت
وصیحك رد عليه الخیل ... صالت
ابغيابك گعده تالی الیل ... صلت
امس وتحیر السجاد بیه
كريم ابو عباس المطوري
#اللهم_عجل_لوليك_الفرج
انا لله وإنا للعزاء قائمون
إنا لله وإنا للحسين عاشقون
---------------------------------------
شيعه والخالقنه لاجله الباري
حسين يا نهر الشفاعه الجاري
بعالم الذر وهتفنه الكربلاء
وهيه هم تصيح يا زواري
ما نفترگ ،، صدگ الصدگ
هاي العقيده الباقيه
هوه العشگ ،، غرب وشرگ
فرقتنا هيه الناجيه
إنا لله وإنا للجنان قادمون
إنا لله وإنا للحسين عاشقون
------------------------------------------
نحيا ونموت وبدينه الرايه
دمعه بالمجلس نعيش بهايه
الدنيا تخنگنه ونشمك يا حسين
بخدمتك هذا العراق ومايه
قتل وسجن ،، لو نندفن
ما نترك حسين وهله
نبچي ونِون ،، لمن نِحنّ
نمشي ونروح لكربله
إنا لله وإنا للضريح سائرون
إنا لله وإنا للحسين عاشقون
------------------------------------------
ننجمع اهآت والمنبر حنين
وتنزل الدمعات بحروف الحسين
يا بعد كل اليشوفن فدوه ليك
والله لو ما انته نمشي المدري وين
هو احنه الك ،، ما اعظمك
خلينه يمك للأبد
من مشهدك ،، حد مجلسك
حبك چبير بلايا حد
إنا لله وإنا بالكفيل والهون
إنا لله وإنا للحسين عاشقون
------------------------------------------
ما نعيش بدون مجلس لا عزاء
هيه دنيا شتسوى اذا مو كربلاء
بلا مواكب غربه درب الزائرين
ما تموت السالفه البيهه دماء
هذا العزم ،، من اللطم
من المجالس هلنصر
عدكم علم ،، ما ننثلم
لا صعبه شيعه وننكسر
إنا لله وإنا لليهود كاسرون
إنا لله وإنا للحسين عاشقون
------------------------------------------
يسوى غير حسين چا المن نموت
من الطفوله وبالبچي يلفينه صوت
ضمو هذا النوح لمصاب الغريب
باچر بعاشور سيدكم يموت
من المهد ،، بعد الابد
مالكنه ابنك حيدره
هذا الوعد ،، دم العهد
وياه دنيا وآخره
إنا لله وإنا للمجالس حاضرون
إنا لله وإنا للحسين عاشقون
كلمات الخادم / رعد الفريجي
13 _ ذو الحجة _ 1447
ثوابها الى روح والدتي
نعي مولاتي فاطمه #العليله ع.
شجاه اليوم ضلمه وموحشه الدار
وما طبه الفرح من حمل وسار
هيجي ويجينه حسين خطار
اشوفنه وترد عافيتي اليه
وتنور دارنه بل مغربيه
عنت عليه شوفت هلي عنت عليه
احچي حچي وما ويدي غيضه
يهل البخت وهل الفريضه
تنعاف انه المثلي مريضه
حمل بضعنهم وأنه ضليت
وگفت الناكه بيوم ونيت
ناديت ضعن يا ناس ناديت
ياخذني ابوي وياه يا ريت
وبصف حميده وسكنه كعديت
وعبد الله اشوفنه تمنيت
بخيله الشمر رضاني مرضهم
هلي وهل ياكل بگلبي مرضهم
هي هاي الأرض كله مرضهم
الجم كل ما سمعت الغاضريه
(سعيد العكيلي)
سجل أسمك لزيارة الإمام الرضا عليه السلام
على المعرف التالى:
@Karballe_313
(الان_انكسر_ضهري)
رجع منّ النهر ودموعه دم تجري
سمعته ايردد الان انكسر ضهري😭🚩
ــــــــــــــــــــــــــــــــــــــــــــــــــ
رجع من النهر ويده اعله خاصرته
صحت خويه شعلامك گلبي فتته
صدّلي بطارفه ولعبره خــــانگـته
يزينب عالترب راعي الشيّم عفته
راح البشدايد هيَبَتي وضخري
سمعته يردد الان انكسر ضهري
ــــــــــــــــــــــــــــــــــــــــــــــــــ
جرّ بيده العمود وطاحت الخيمه
صاح بصوت زينب راح ابو الشيمه
صواوين الهواشم صبّحن هيـــمه
وهموم الگلب صارن شبه غــيمه
عگب عباس اخوي اتحيرت باْمري
سمعته يردد الان انكسر ضهري
ــــــــــــــــــــــــــــــــــــــــــــــــــ
صحت يابو الفظل يا ماي البعيني
عليك ابداعت امي لا تجـــافيني
عگب عينك بعد ما ترحم اسنيني
بعد ساعه العدو يحرگ صواويني
واخافن ينهتك وسط الزلم ستري
سمعته يردد الان انكسر ضهري
ــــــــــــــــــــــــــــــــــــــــــــــــــ
سولفلي شجرى وشـــصاير بحاله
صريع اعله النهر ياهو التجي اباله
عجيد ونومت الشط عيب تحلاله
سبع الغاضــرية وتشـــــهد افـعاله
ما يتركني لحضه وحالف بخدري
سمعته يردد الان انكسر ضهري
ــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــ
يزينب منّ وگع رحت اركض بهمّه
بلا روح اگــــعدت وتمـــددت يمه
لگيت اعيون اخيي مغورجه بدمه
گلّي اتوانه حدّما شوف ابو اليـمه
گلتله آنه عضيدك يا بعـد عمري
سمعته يردد الان انكسر ضهري
ــــــــــــــــــــــــــــــــــــــــــــــــــ
شلت راس الكفيل بحـــجري خلّيته
ولن صوت الوفه من جرحه سمعيته
تضم راسي بحنان ومنــك ادنيته
وراسك عالرمل يحسين تاليته
رفع عباس راسه وشاله من حجري
سمعته يردد الان انكسر ضهري
ــــــــــــــــــــــــــــــــــــــــــــــــــ
✍️ علي كاظم المنصوري
نسألكم الفاتحة لروح والدتي
ملاحظة: في حال وجود أي نص غير واضح لدى الرادود أو صعوبة في النطق، يرجى التواصل على الرقم 07826078192 للتوضيح، حفاظاً على وزن القصيدة
شال الرايه ابو فاضل بالطف ساقي و كافل
منهو يدوس احـــدوده من شمرها ازنوده
بالطف ساقي وكافل
🚩
فيديو من داخل الضريح
سجل أسمك لزيارة الإمام الرضا عليه السلام
على المعرف التالى:
@Karballe_313
اكبر قناة على التلكرام لنشر القصائد الحسينيه تم نشر 200 قصيدة بالترتيب اشترك بالقناة يصلك كل جديد 👇👇👇👇
/channel/aabas78
بـسم رب الحجة،..🌱
لسـتة للقنوات الـ 3k+ الدینیة..♥️
القـَناة التي قادت الشباب للتشيع:
✿ T.me/ALWILAYA
قـَناة الحشد الشعبي:
✿ T.me/Alhashd313313
قـَناة تعليم مقامات:
✿ T.me/sueiirit
قـَناة مدرسة الزهراء عليها السلام:
✿ T.me/WWWASELA33
قـَناة عشاق الفرقدين:
✿ T.me/ALFRKADINLOVERS
قـَناة قناة الولاية:
✿ T.me/ALWILAYA
قـَناة أدعية أهل البيت عليهم السلام:
✿ T.me/Azkar_alulbaiyt
قـَناة مهدي آل البيت عليهم السلام:
✿ T.me/Mahdi_Allbayt
قـَناة عشاق ابا الفضل العباس:
✿ T.me/jikojikp
قـَناة القصائد الحسينيه:
✿ T.me/tyyuuiiopp
قـَناة عبرة وعظة:
✿ T.me/Ebra_w_Eza
قـَناة أحباب أم البنين والعترة المحمدية:
✿ T.me/NoorAlHussein313
للاشــتراك في السـتة📱
🔜 /channel/KARBALLE_313
#تثبيت اللستة «ساعة» وعدم الالتزام يؤدي الى حذف القناة
قصيدة ( منارات العشگ) تحكي زياره ومشاهد من واقعة الطف
يم منــارات العــشگ
ليش بالعبره اختنـگ
ينرسم مشهد حــرگ وانظر لمصابه
****
منْ أگصد الحضره وأصد صوب المناير
أبّـالي تتزحــام صـوَر وابقـه آنــه حاير
طفلــه اذكــر عالــدرب ظلــت تنــاطــر
چنـي اسمــع حمزه مــن يقــره يجــابر
مـــا دريت بكــربلــه
مـن سبــوها العايله
صوت بالعبره اعتله سَلبّوا ثيــابــه
****
بگلب كــل مــؤمـن لبو اليمه حـراره
چــن مخيّمْ مشتعـل ما تطْفـه نـاره
شگـد مشاهـد تنــرسم وي الـزياره
أيتــام فـرّت تصـرخ وكلهـا حيّــاره
منْ بعِـد نهــر الدمّـه
استمع صوت الضمه
واصل لسابع سمه وأوگف اعلى بابه
****
من امشي يم حسين بأرض الغاضريه
مــاي اسمــع چنــي لاطفــال الزچيـه
أمشـي چنــي واستمــع صـرخة رقيه
عــمّــه وينَــه كافلـــﭺ يالهــاشميـه
خويه أطفال وحـــرم
تنادي حرگوها الخيم
وينــه شيّـال العَـلمْ طوّل بغيـابه
****
يم ضريحه ظاگت بعينِـي الوسيعه
تنــرسم لو شاهــدت گبره الفجيعه
چنهه نبلــة حرملــه ذبحة رضيعــه
طفل ظامي ومنعو أعليـه الشريعه
بيـن طفلــه ونبلـته
حسين حيره حيرته
سهم نحره وچبدته والدمه خضابه
****
بعبـرتــي اتعنيــت تـلْ الــزينـبيـه
كلـت أزوره والحـزن خـيّــم علـيـه
صـوت اسمعه چني من تل الرزيه
رغم كــل الصـار ابقــى انـه الأبيه
انــه قــران العبــي
حتى لو اروحن سبي
النصر باچـــر زينبي ورايتي المهابه
****
مــن ازور الكــافـل ودمعـي اسيله
صفنتي أبابـه تظـل كلـش طـويلـه
أحــس صـوت بمرقـده آ يالعقيـله
آه مـن الشــام وهمـومــه الثجيله
خويه يا بــت فاطــمه
طاغي شخصج يشتمه
يا ستر كـــل الســمه وتگعد بخرابه
****
الشاعر
موسى البديري
نزال.. للاكبر ع
محرم 1448هـ. 2026م
زامــط وطـب للحـــرب خلاسها
نشمي الاكبر والشوراب داسها
ــــــــــــــ ــــــــــــــ ــــــــــــــ
سل حســـــامه وآل هاشـم كبرت
وحدر جدمه الگاع من طب غبرت
الخوف هز اگلوب آميه وصـوفرت
مـن دخـل ليـث الوغـه وفراسـها
ــــــــــــــ ــــــــــــــ ــــــــــــــ
يشبه الجــده الرســـــول بهيبته
وچنه حيــــدر ما يثــني ابضــربته
ابن ابو وهاشـــــــــــميه الجابته
بهمته اصفوف الكتايب حاسها
ــــــــــــــ ــــــــــــــ ــــــــــــــ
غيـــرته اشــــتدت وطگ بركانها
ضهضب وشــد بالگحيله اعنانها
وآل اميه اترادمــت فرســــــانها
انذلت اگبال الثكيل ارجاســها
ــــــــــــــ ــــــــــــــ ــــــــــــــ
بزوده مــن اربع محـاور ضل يهد
وحـالف اله ابراس ابن غانـم يـرد
رد لبوه وجـايب اعلــوم المــــجد
وحرم اعله الزلم لفض انفاسها
ــــــــــــــ ــــــــــــــ ــــــــــــــ
اشــتد نزاله وبيه ضجـت كربله
شـاب محــــــد بالقتـال ايماثله
بالحرب معروف شيخ المرجله
يرتجــز والزلم طخــت راسها
ــــــــــــــ ــــــــــــــ ــــــــــــــ
✍الخادم
كامل السعيدي
نزال للقاسم ع ـ عگيلي
محرم 1448هـ 2026م
جاسم بالطف ثبت يومه
ــــــــــــــ ــــــــــــــ ــــــــــــــ
بعده ازغيـــر وهز ميـــدانه
ومســـــرفن للعـركه اردانه
ابصــولاته امه شگد فرحانه
زلزلها بضـرباته الحــــومه
جاســـم بالطف ثبت يومه
ــــــــــــــ ــــــــــــــ ــــــــــــــ
يتخير صيـــــــــداته ابكيفه
وروس العسكر زاد السيفه
چن حيــدر خزراته امخيفه
ويشيمن بالحومه اعلومه
جاســـم بالطف ثبت يومه
ــــــــــــــ ــــــــــــــ ــــــــــــــ
اهله اعله الكلفه اموصــينه
بيوم العاشر يفدي احسينيه
نشـمي وما رجفـن چفيـــنه
ادبها وذلاهـه اخصـــــومه
جاســــم بالطف ثبت يومه
ــــــــــــــ ــــــــــــــ ــــــــــــــ
تخسه الكثره وتخسه القاده
ما هـــزو گلب ابن الســـاده
واحدهم ضيع مشــــــــراده
حگها الضلت بي مصدومه
جاســــم بالطف ثبت يومه
ــــــــــــــ ــــــــــــــ ــــــــــــــ
موت احمر خصمه ايشوفونه
والغيــض امبـــــــــين بعيونه
ماقـل عــزمه ودار امتــــــونه
كـرار ويگضـــــي الملــزومه
جاســـــــم بالطف ثبت يومه
ــــــــــــــ ــــــــــــــ ــــــــــــــ
ملك المــــوت يحارب چنه
مـــن عبــاس اتعـــــلم فنه
كلها اتســـــولف ضلت عنه
نشـمي ومقوار وجيدومه
جاســـم بالطف ثبت يومه
ــــــــــــــ ــــــــــــــ ــــــــــــــ
كر الشات الرگبه ايكـــــرها
ابعوده العدوان امذكــــرها
ثورت عمـه ابـدم ناصـــــرها
والروس انداست بجدومه
جاســــم بالطف ثبت يومه
ــــــــــــــ ــــــــــــــ ــــــــــــــ
✍الخادم
كامل السعيدي