4691
Тошкент вилояти таълим ва фан тизимидаги касаба уюшма аъзолари учун ҳуқуқий, услубий тавсия ва маслаҳатлар.
Ўқитувчи бир вақтнинг ўзида миллий ва халқаро сертификат учун устама олиши мумкинми?
@Yurist_Xizmati 4963-савол:
Matematika fanidan bir vaqtning o‘zida Milliy va Xalqaro sertifikatlarga maktabda ustama to‘lanadimi?
ЮРИСТ ЖАВОБИ:
Ўзбекистон Республикаси Президентининг 11.05.2022 йилдаги ПФ-134-сон Фармони 9-банди учинчи хатбошисига кўра:
халқаро тан олинган сертификатга эга бўлган педагог кадрларга — уларнинг тариф ставкасига нисбатан 50 фоиз миқдорида устама тўланиши белгиланган.
Бунда Ўзбекистон Республикаси Олий таълим, фан ва инновациялар вазирлигининг 2024-йил 4-апрелдаги 4-қ/қ-сон ва Мактабгача ва мактаб таʼлими вазирлигининг 2024-йил 2-апрелдаги 3-мҳ-сон қарори (рўйхат рақами 3515) қоидаларига мувофиқ педагог ходим ўзи дарс берадиган фани бўйича халқаро ёки миллий сертификатга эга бўлганда устама тўланиши белгиланган.
Яъни устама олиш учун ё халқаро ёки миллий сертификат бўлиши назарда тутилади. Агар педагог ходим бир вақтнинг ўзида ҳам миллий, ҳам халқаро сертификатга эга бўлса ҳам унга битта сертификат учун устама тўланади.
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
Assalom alaykum hurmatli o'qituvchilar ushbu videorolikdi ota-onalar guruhlariga tashlab berishingizni iltimos qilardim.
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
Халқчил профком
Профком - касаба уюшма қўмитаси раиси жамоада барча ҳурмат қиладиган, одил, ҳаётий тажрибага эга инсон.
Биз ундан доим маслаҳат оламиз, унга дардимизни айтамиз, сиримизни ишонамиз.
Биз севиб томоша қиладиган "Шум бола" фильмида профком қиёфасини кўришимиз мумкин.
Меҳнат жамоамизда муносиб профкомни сайласак, "дўппи тор келганда" "пешона теримиз"ни албатта ундириб беради.
Дарвоқе, феврал-апрель ойларида барча меҳнат жамоаларида касаба уюшмаси қўмитаси (раиси, аъзолари)га сайловлар бўлиб ўтиши ҳақида эслатгандик. Бефарқ бўлмайлик.
Маълумот учун: 1905 йилда Ўрта Осиё темир йўллари ишчи ва хизматчиларининг 1-Қурултойи ўтказилган ва бу Ўзбекистондаги илк касаба уюшмаси тузилиши ҳисобланади. 2025 йилда Ўзбекистонда касаба уюшмаси тузилганлигига 120 йил тўлади.
Ўзбекистон касаба уюшмалари тарихи.
Каналга аъзо бўлинг 👇
@mehnat_talim_huquqi
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
Ishga qabul qilishda kimlarga dastlabki sinov belgilanmaydi?
▪️homilador ayol, 3 yoshga to‘lmagan bolasi bor ayol yoki 3 yoshga to‘lmagan bolani yolg‘iz o‘zi tarbiyalayotgan ota (vasiy);
▪️zaxiraga qo‘yiladigan ish o‘rinlariga ishga joylashtirish uchun yuborilgan aholining ijtimoiy ehtiyojmand toifalaridan bo‘lgan shaxslar;
▪️davlat grantlari asosida o‘qigan va oliy ta’lim tashkilotini tamomlagan kundan e’tiboran 3 oy ichida yo‘llanma bo‘yicha olingan mutaxassisligiga doir ishga kirayotgan oliy ta’lim tashkilotlarining bitiruvchilari;
▪️tegishli ta’lim tashkilotini tamomlagan kundan e’tiboran 1 yil ichida birinchi bor ishga kirayotganda olingan mutaxassisligi bo‘yicha mustaqil ravishda ishga joylashayotgan umumiy o‘rta, o‘rta maxsus, professional va oliy ta’lim tashkilotlarining bitiruvchilari;
▪️6 oygacha muddatga mehnat shartnomasi tuzilayotgan xodimlar;
▪️18 yoshga to‘lmagan shaxslar;
▪️ishga qaytadan qabul qilingan taqdirda ish beruvchi ilgari qaysi xodimlar bilan mehnat shartnomasini alohida asoslar bo‘yicha bekor qilgan bo‘lsa, o‘sha shaxslar;
▪️ishlab chiqarishda o‘qitish shartnomasi bo‘yicha ushbu ish beruvchida o‘qishni o‘tagan o‘quvchilar.
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
2025 йил 1 июндан мактабларда директор ўринбосари лавозимларидан бири тугатилади
Президентнинг 15.11.2024 й. ПҚ-393-сон қарорига кўра, 2025/2026 ўқув йилидан «Чақирувга қадар бошланғич тайёргарлик» фани нуфузини ошириш ва умумий ўрта таълим ташкилотларида (Президент, ижод ва ихтисослаштирилган таълим муассасалари) ЧҚБТ раҳбарлари фаолиятини мувофиқлаштиришнинг янги тизимини жорий этиш назарда тутилган.
2025 йил 1 июндан таълим ташкилотларида «Ёшларни ватанпарварлик руҳида тарбиялаш бўйича директор ўринбосари – чақирувга қадар ҳарбий тайёргарлик раҳбари» лавозими тугатилади ва уларнинг штат бирликлари Мудофаа вазирлигига берилади, бу штат бирликлари ҳисобидан ЧҚБТ раҳбари лавозими жорий этилади.
ЧҚБТ раҳбарларига:
➖ умумий ўрта таълим ташкилотлари ўқитувчисининг базавий тариф ставкаси белгиланади;
➖ умумий ўрта таълим ташкилотлари ходимлари учун белгиланган йиллик меҳнат таътили берилади;
➖ 50 БҲМ миқдорида бир марталик дастлабки пул ёрдами ва уй-жой ижараси учун ҳар ойда БҲМнинг икки баравари миқдорида пул компенсацияси тўланади.
➖ Ўқувчиларда Ватан ҳимоячиси бўлиш истаги ва интилишини шакллантириш бўйича чора-тадбирлар дастури;
➖ Таълим ташкилотлари негизида ташкил этиладиган «Жасорат мактаблари» ҳамда уларга бириктирилган вазирлик ва идоралар рўйхати тасдиқланди.
❗️Август ойидан барча хорижий тил ўқитувчиларида энг камида B2 даражадаги сертификат бўлиши шарт!
Вазирлар Маҳкамасининг 312-сонли хорижий тилларни ўрганишни оммалаштиришни самарали ташкил этиш чҳора-тадбирлари тўғрисидаги қарори 9-бандига кўра, 2024-2025-ўқув йилидан умумий ўрта, ўрта махсус ва профессионал таълим муассасаларида фаолият юритаётган барча хорижий тиллар ўқитувчилари камида B2 даражадаги миллий ёки унга тенглаштирилган халқаро сертификатга эга бўлишлари лозимлиги белгиланган. Лекин ММТВ нинг 31 июль 2024 йилдаги 03-12-1053 сонли хатига кўра, B2 сертификат олиш талаби 2025-2026-ўқув йилигача сурилган эди.
Кейинги ўқув йилидан, яъни 2025-2026 йилдан барча хорижий тил ўқитувчиларидан B2 сертификат талаб қилинади. Шу сабаб сертификати йўқ устозлар шу йил августгача сертификат олиб қўйиши мақсадга мувофиқ бўлади.
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
Хорижий тил ўқитувчилари қатъий огоҳлантирилди
Мактабгача ва мактаб таълими вазирлиги хорижий тил устозларининг 2025/2026 ўқув йилига қадар камида Б2 даражадаги миллий ёки халқаро сертификатларга эга бўлиши лозимлиги ҳақида қатъий огоҳлантириш берди.
Вазирлар Маҳкамасининг 2021 йил 19 майдаги "Хорижий тилларни ўрганишни оммалаштиришни самарали ташкил этиш чора-тадбирлари тўғрисида"ги қарорига мувофиқ:
➖ 2025/2026-ўқув йилига қадар умумий ўрта, ўрта махсус ва профессионал таълим муассасаларида фаолият юритаётган барча хорижий тиллар ўқитувчилари камида Б2 даражадаги миллий ёки унга тенглаштирилган мос даражадаги халқаро сертификатга эга бўлиши лозим.
Шу муносабат билан, Мактабгача ва мактаб таълими вазирлиги мазкур талабдан келиб чиққан ҳолда, барча хорижий тил устозларининг 2025/2026-ўқув йилига қадар камида Б2 даражадаги миллий ёки халқаро сертификатларга эга бўлиши лозимлигини қатъий эслатиб ўтди.
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
Декрет таътили тугагаши билан яна 14 кунга меҳнатга лаёқатсизлик таътилига чиқиш мумкинми?
@Yurist_Xizmati 4944-савол:
Men 2024 yil 16-oktyabrda dekret taʼtiliga chiqdim. 19-fevralda dekret ta'tilim tugaydi. Tug'ruq jarayoni kesar kesish yo'li bilan bo'lgan. Shu bois 14 kunlik mehnatga layoqatsiz ta'tiliga chiqsam bo'ladimi. Menga mehnatga layoqatsiz nafaqasi to'lanadimi. Iltimos huquqiy yordam bersangiz.Oldindan rahmat kattakon.
ЮРИСТ ЖАВОБИ:
Меҳнат кодексининг 404-моддасига биноан аёлга туғруққача етмиш календар кун ҳамда туғруқдан кейин эллик олти календар кун (туғиш қийин кечган ёхуд икки ёки ундан ортиқ бола туғилган тақдирда етмиш календар кун) ҳомиладорлик ва туғиш таътили берилиб, қонунчиликда белгиланган, лекин ўртача ойлик иш ҳақининг етмиш беш фоизидан кам бўлмаган миқдорда нафақа тўланади.
Қаранг! Меҳнатга лаёқатсизлик варақаларини бериш тартиби тўғрисидаги йўриқноманинг (рўйхат рақами 2667, 17.04.2015-й.) 28-бандига кўра ҳомиладорликнинг ўттизинчи ҳафтасидан кейин мурожаат қилинганда туғишга қадар неча кун қолганидан қатъи назар, меҳнатга лаёқатсизлик варақаси мурожаат қилган кундан тўлиқ бир юз йигирма олти календарь кунига берилади.
Шунингдек, низом 27-бандига кўра туғиш қийин кечган ёки икки ва ундан ортиқ бола туғилган ҳолларда ҳомиладорлик ва туғиш таътилини узайтириш учун туғруқ муассасаси томонидан яна ўн тўрт календарь кунига меҳнатга лаёқатсизлик варақаси берилади.
Шундай экан, сизга ҳам меҳнатга лаёқатсизлик варақаси тўлиқ 140 кунга берилиши керак.
Бунда Вазирлар Маҳкамасининг 2024-йил 31-майдаги 314-сон қарорига 1-иловада тасдиқланган Низом 35-банди мазмунига биноан, ҳомиладорлик ва туғиш бўйича ҳамда янги туғилган болани фарзандликка олган ёки унга васий қилиб белгиланган ходимга бериладиган нафақалар ходим:
➖ ишга қабул қилинган кундан 12 ойгача иш стажига эга бўлганда — ўртача ойлик иш ҳақининг 75 фоизи;
➖ ишга қабул қилинган кундан 12 ойдан ортиқ иш стажига эга бўлганда — ўртача ойлик иш ҳақининг 100 фоизи миқдорида тўланади.
Ушбу низом 36-бандига кўра нафақалар барча ҳолларда ходимнинг ҳақиқий иш ҳақидан ҳисоблаб чиқарилади.
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
Ходим ҳеч қандай рухсатсиз бир ҳафта ишга келмаса, у билан тузилган меҳнат шартномасини бир томонлама бекор қилиш мумкинми?
@Yurist_Xizmati 4943-савол:
Ассалому алейкум укитувчи хеч кандай рухсатсиз бир хафта ишга келмаса у билан тузилган мехнат шартномасини бир томонлама бекор килиш мумкинми?
ЮРИСТ ЖАВОБИ:
Меҳнат кодексининг 161-моддаси иккинчи қисми 5-бандига кўра ходимнинг ўз меҳнат мажбуриятларини бир марта қўпол равишда бузганлиги муносабати билан иш берувчи ходим билан тузилган меҳнат шартномасини бекор қилишга ҳақли бўлади.
Бунда Меҳнат кодексининг 162-моддасига асосан ходим билан тузилган меҳнат шартномасини бекор қилишга олиб келиши мумкин бўлган меҳнат мажбуриятларининг бир марта қўпол равишда бузилишлари рўйхати:
ички меҳнат тартиби қоидалари;
ушбу Кодексда назарда тутилган ҳолларда ташкилот мулкдори ва раҳбари ўртасида тузилган меҳнат шартномаси, шунингдек ходим ва иш берувчи ўртасидаги меҳнат шартномаси;
ўзига нисбатан интизом тўғрисидаги уставлар ва низомларнинг амал қилиши татбиқ этиладиган айрим тоифадаги ходимларга нисбатан қўлланиладиган интизом тўғрисидаги уставлар ҳамда низомлар билан белгиланади.
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
Читать полностью…
#savolimbor
Ассалому алайкум саволим бор эди. Мен ўз хоҳишим билан ишдан бўшаш учун ариза ёздим. 03.2025-йил ҳолати билан сентябр ойида отпускага чикганим учун ишдан бўшаш нафақасини тўлаб беролмаймиз дейишди. Қанчалик тўғри?
Javob
Ishdan bo‘shatish nafaqasi xodim bilan mehnat shartnomasi alohida asoslarga ko‘ra bekor qilinganda xodimning ishdan mahrum bo‘lishi oqibatlarini yumshatish maqsadida amalga oshiriladigan, qonunchilikda, mehnat haqidagi boshqa huquqiy hujjatlarda, mehnat shartnomasida nazarda tutilgan bir yo‘la beriladigan pulli to‘lovdir.
Agar Mehnat kodeksining 173-moddasiga e’tibor qaratilsa, mehnat shartnomasini xodimning tashabbusiga ko‘ra bekor qilingan hollarda ishdan bo‘shatish nafaqasi to‘lanmasligi belgilangan. Xulosa sizga ishdan bo‘shatish nafaqasi to‘lanmaydi.
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
Ҳисобот-сайлов жараёнларида фойдаланиш учун ҳужжатлар тўплами
Ўзбекистон таълим ва фан ходимлари касаба уюшмаси Республика кенгаши Ижроия қўмитасининг 15-6-сонли Қарори
📋 Ўқиб чиқиш
📎 Юклаб олиш
Ўзбекистон таълим ва фан ходимлари касаба уюшмаси ҳудудий, туман (шаҳар) бўлинмалари, ЎзФА бирлашган ташкилоти ҳисобот-сайлов конференцияларига делегатлар сони, уларнинг сайлаб қўйиладиган органлари сон таркиби юзасидан Тавсиялар
📋 Ўқиб чиқиш
📎 Юклаб олиш
Ўзбекистон касаба уюшмалари Федерaцияси тизимидаги касаба уюшмалари ташкилотларида ҳисобот-сайловларни ўтказиш тўғрисида Низом
📋 Ўқиб чиқиш
📎 Юклаб олиш
Сайлов бюллитенлари
📋 Ўқиб чиқиш
📎 Юклаб олиш
📌 Касаба уюшмаси фаолияти ҳақида кўпроқ билмоқчимисиз? Бизни кузатишда давом этинг!
✉️ Telegram | 🌐 Veb-sayt
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
#Кадровик
ДЕКРЕТ ПУЛИДАН ДАРОМАД СОЛИҒИ УНДИРИЛАДИ(МИ)?!
Солиқ кодекси 365-моддасида солиқ тўловчининг жами даромади жисмоний шахслардан олинадиган даромад солиғининг солиқ солиш обекти эканлиги белгиланган.
Жами даромад нима деган савол туғилиши мумкин. Солиқ кодекси 368-моддасига мувофиқ Ўзбекистон Республикасининг резидентларининг (тегишли мақоми ўзига нисбатан белгиланган солиқ даври бошланадиган ёки тугайдиган ҳар қандай кетма-кет ўн икки ойлик давр давомида жами бир юз саксон уч календар кундан кўпроқ Ўзбекистонда ҳақиқатда бўлган жисмоний шахслар солиқ резидентларидир.) - Ўзбекистон Республикасидаги ва унинг ташқарисидаги манбалардан олинган даромадлари уларнинг жами даромадлари деб юритилади.
❗️Бироқ мазкур қоидага истиснолар ҳам мавжудлигини унутмаслик керак. Яъни, давлат пенсиялари, ижтимоий суғурта (ҳомиладорлик ва бола туғилганда бериладиган туғиш нафақалари, қўшимча дам олиш куни, дафн этиш) бўйича нафақалар жисмоний шахснинг жами даромадлари таркибига киритилмаслиги юқоридаги Кодекснинг 369-моддаси биринчи қисми 7-бандида мустаҳкамлаб қўйилган.
Демак, ҳомиладорлик ва туғиш нафақаси жисмоний шахсларнинг жами даромадлари таркибига киритилмаганлиги сабабли олинган нафақадан даромад солиғи ундирилмайди.
Саволингизни: @yuristgamurojaat ga қолдиринг
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
#Кадровик
Прокурор тақдимнома киритса, тақдимномага асосан ҳодимга интизомий жазо чораси қўллаш мажбурийми?
Фуқародан келган мурожаат: Прокуратура органлари томонидан ташкилотга ҳодимга нисбатан интизомий жазо қуллаш ҳақида хат ёки тақдимнома киритилса, иш берувчи ўша ходимга интизомий жазо қўллашга мажбурми?
❌Йўқ, мажбур эмас.
Меҳнат кодекси 313-моддаси 1-қисмига кўра, интизомий жазо чоралари ишга қабул қилиш ҳуқуқи берилган шахслар (органлар) томонидан қўлланилади (МК-127-моддасининг иккинчи ва учинчи қисмлари).
Меҳнат кодекси 313-модда 3-қисмига кўра, интизомий жазо чорасини танлаш ҳуқуқи иш берувчига тегишлидир. Интизомий жазо чорасини қўллашда содир этилган қилмишнинг оғир-енгиллиги, унинг содир этилиши ҳолатлари, ходимнинг аввалги иши ва хулқ-атвори ҳисобга олинади.
📌 Демак, прокурор ёки бошқа орган тақдимнома ёки бошқа турдаги ҳужжат киритса, иш берувчи интизомий жазо қўллашга мажбур эмас. Чунки иш берувчи ножўя хатти-ҳаракатнинг оғирлиги, уни содир қилиш ҳолатлари, ходимнинг хулқ-атворини ҳисобга олиб, интизомий жазони қўллаш ёки қўлламасликни мустақил ҳал қилади.
“Прокуратура тўғрисида”ги Қонуннинг 40-моддасига кўра, прокурор қонун бузилиши, унинг келиб чиқиш сабаблари ва бунга имконият яратиб бераётган шарт-шароитларни бартараф этиш тўғрисидаги тақдимномани қонун бузилишини бартараф этиш ваколатларига эга бўлган органга ёки мансабдор шахсга киритади.
Тақдимнома дарҳол кўриб чиқилиши ва кўрилган чора-тадбирлар тўғрисида 1 ойлик муддат ичида прокурорга ёзма равишда маълум қилиниши лозим.
✔️Яъни, прокуратура органининг тақдимномасида иш берувчидан ходимга нисбатан интизомий жазо қўллашни талаб қилиш эмас, уни қўллаш масаласини кўриб чиқишни сўраш ёки тавсия қилиш тўғри бўлади.
Саволингизни: @yuristgamurojaat ga қолдиринг
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
ОЛИЙ ТАЪЛИМ МУАССАСАЛАРИ УЧУН ЖАМОА ШАРТНОМАСИ МАКЕТИ (2025 йил учун)
📌 Касаба уюшмаси фаолияти ҳақида кўпроқ билмоқчимисиз? Бизни кузатишда давом этинг!
✉️ Telegram | 🌐 Veb-sayt
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
Баҳоларни ўз вақтида қўймайдиган ўқитувчиларга қандай чора кўриш мумкин?
@Yurist_Xizmati 4949-савол:
Assalomu aleykum. Men ingliz tili fani o'qituvchisiman. 5-dekabr 6 A sinfidan Bsb 3 ni oldim. Lekin baholarni 17 kun kechigib qo'ydim. Va buning uchun zavuchim tushuntirish xatini yozdirdi. Boshqa takrorlanmaydi agarda takrorlansa chora ko'rilishiga roziman deb yozdim. Menga og'zaki holda oyligingnan ushlayman dedi. Men 200 mingdan ushlanadi deb o'ylab xo'p dedim. Lekin 500 ming ushlangan. Shu to'g'rimi? Oldinnan raxmat
ЮРИСТ ЖАВОБИ:
Интизомий таъсир чораси ходим ҳақиқатда ўз меҳнат мажбуриятларини бажармаганда қўлланилади.
Меҳнат кодексининг 313-моддаси учинчи қисмида интизомий жазо чорасини қўллашда содир этилган қилмишнинг оғир-енгиллиги, унинг содир этилиши ҳолатлари, ходимнинг аввалги иши ва хулқ-атвори ҳисобга олиниши белгиланган.
Шунга кўра сиздаги ҳолатда баҳоларнинг ўз вақтида қўйилмаслиги, бу меҳнат интизомини бузиш ҳисобланиши мумкин.
Бунда Меҳнат кодексининг 312-моддасига мувофиқ меҳнат интизомини бузганлиги учун иш берувчи ходимга қуйидаги интизомий жазо чораларини қўллашга ҳақли:
1) ҳайфсан;
2) ўртача ойлик иш ҳақининг ўттиз фоизидан кўп бўлмаган миқдорда жарима. Ички меҳнат тартиби қоидаларида ходимга ўртача ойлик иш ҳақининг эллик фоизидан кўп бўлмаган миқдорда жарима солиниши ҳоллари назарда тутилиши мумкин.
3) меҳнат шартномасини бекор қилиш.
Боғча тўловлари ошиб кетди. Аслида меёр бўйича боғча тўловлари қанча тўланади?
@Yurist_Xizmati 4947-савол:
Assalomu aleykum 471 sonli qaror 9 bandida, 2025 yildan, 2026 yilga qadar tumaniga, toifasiga qarab, boxcha badal toʻlovi oshirilishi koʻrsatilgan. Meni 1 nafar farzandim Surxondaryo viloyati Muzrabot tumanidagi 15 sonli boxchaga boradi. 6 chi yanvar kuni 125 ming soʻm boxcha pulini toʻlab qoʻygan edim. 24 yanvar kuni bizga yana narx koʻtalilganligina, 60 ming soʻm qoʻshimcha tolashimni ogoxlantirishvotti. Muzrabot tumani, 4 toifaga kiradi, 25 foiz yozilgan qarorda bizlardan 75 foiz talab qilishvotti. Men bolalarni ximoya qilish ishonch telefoniga qoʻngʻiroq qilgandim, menga oldin 115 ming toʻlov qilib yurgan bosez endi 125 ming soʻm toʻlov qilishimni, boshqa pul toʻlamasligimni etishdi. Iltimos oydinlik kiritib bering, yanvar oyida 2 marotaba to'lov qilamizami, oldindan raxmat.
#2025_йил_1_январдан
🔰Қонунчиликка кўра:
▪️нодавлат умумий ўрта таълим ташкилотлари фаолиятини йўлга қўйиш учун тижорат банкларининг ўз маблағлари ҳисобидан бозор фоиз ставкаларида миллий валютада ажратиладиган, қиймати 20 миллиард сўмгача бўлган кредитлар бўйича, фоиз ставкасининг Марказий банкнинг асосий ставкасидан ошадиган, лекин унинг 1,5 бараваридан кўп бўлмаган қисмини қоплаш учун компенсация тақдим этилади;
▪️нодавлат умумий ўрта таълим ташкилотлари учун биноларни янгидан қурган ёки ўзининг бино ва иншоотларида умумий ўрта таълим фаолиятини йўлга қўйган тадбиркорлик субъектларига 5 йил муддатга ушбу таълим ташкилотлари фаолияти билан боғлиқ бўлган коммунал харажатларининг 50 фоизи қоплаб берилади;
▪️2030 йил 1 январгача юридик шахсларга ўз маблағлари ҳисобидан нодавлат умумий ўрта таълим ташкилотлари биноларини қуриш билан боғлиқ бўлган харажатларнинг фойда солиғини ҳисоблашда 2 йил давомида тенг улушларда чегириб ташлаш ҳуқуқи берилади.
Каналга уланиш👇👇👇®huquqiyaxborot
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
Мактабгача ва мактаб таълими вазири жамғармаси ҳисобидан боғчалар раҳбар ва педагогларини рағбатлантиришга рухсат этилади — Президент фармони
2025 йил 1 январдан:
➖ мактабгача таълим ташкилотининг директори ўринбосари лавозими жорий этилади;
➖ республиканинг барча туман (шаҳар)ларида камида биттадан таянч мактабгача таълим ташкилотлари фаолияти йўлга қўйилади;
➖ барча мактабгача таълим ташкилотларида малака оширишнинг “Методик маҳорат соати”, таянч мактабгача таълим ташкилотларида эса “Методик маҳорат куни” каби шакллари босқичма-босқич жорий этилади;
➖ тренер сифатида фаолият юритаётган директор ўринбосарларига лавозим маошининг 20 фоизи миқдорида қўшимча ҳар ойлик устама ҳақ тўланади.
2025 йил 1 мартдан тажриба-синов тариқасида республиканинг узоқ ва чекка ҳудудларида жойлашган мактабгача таълим ташкилотлари педагог кадрлари учун мобиль малака ошириш хизматлари жорий этилади.
Мактабгача ва мактаб таълими вазири жамғармаси ҳисобидан мактабгача таълим ташкилотлари раҳбар ва педагог кадрларини ҳам рағбатлантиришга рухсат этилади.
2025 йил 1 январдан тажриба-синов тариқасида ҳар бир туман (шаҳар)даги биттадан умумий турдаги давлат мактабгача таълим ташкилотларида инклюзив таълим гуруҳлари очилади.
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
Вазир жамғармасидан ҳар ойлик устама олиш учун қандай натижаларга эришиш лозим?
Вазир жамғармасида тўлаб бериладиган устамалар Вазирлар Маҳкамасининг 2022 йил 2 авгусидаги 425-сон қарори асосида амалга оширилади.
Қарорга кўра, ҳар битта йўналиш (“Бошланғич таълим”, “Аниқ ва табиий фанлар”, “Хорижий тиллар”, “Ижтимоий фанлар” ва “Амалий фанлар”) бўйича тегишли туман (шаҳар) учун белгиланган ҳар битта квота ўрнига кўпи билан учта номзодни тақдим этилиши мумкин.
Номзодлар орасидан устама тўланадиган педагогларни танлаб олиш қуйидаги босқичларда амалга оширилади:
1.босқичда — зарур ҳолларда, номзодларнинг дарс берадиган умумтаълим фани бўйича билим даражасини баҳолаш учун тест синовлари ўтказилади;
2.босқичда — умумтаълим фанини билиш даражасини баҳолаш бўйича ўтказилган тест синовларида максимал баллнинг 80 фоизи ёки ундан юқори натижа кўрсатган номзодларнинг касбий маҳоратини баҳолаш учун суҳбат ўтказилади. Суҳбат ўтказиш тартиби ва мезонлари вазирнинг буйруғи билан тасдиқланади.
Ушбу устамага номзод бўлиш учун ўқувчиларингиз ОТМ ва Президент, ижод ва ихтисослаштирилган мактабларга кириш имтиҳонларида юқори балл олиши лозим.
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
ЖШда меҳнат соҳасидаги камида 60 хил имтиёз, кафолат ва ҳуқуқлар бор.
Кечаги постда жамоа шартномасининг аҳамиятини кўриб чиққандик.
Иш жойларида меҳнатни ташкил этиш билан боғлиқ 60 хил атрофидаги масалалар жамоа шартномаларида белгилаш орқали амалга оширилади. Бу ҳақида Меҳнат кодексининг турли моддаларида келтириб ўтилган.
Аввалги постларда жамоа шартномаларида қандай масалалар келишилиши ҳақида ёзган эдик.
Кейинги постларда жамоа шартномалари орқали белгиланадиган қоидалар бўйича ҳам бирма-бир маълумот бериб борамиз.
Дарвоқе, жамоа шартномасида у ёки бу масала иш берувчи томонидан касаба уюшмаси қўмитаси билан келишувга кўра ҳал этилиши кераклиги назарда тутилган бўлса, ушбу талабга риоя этиш иш берувчи учун мажбурийдир.
Иш берувчи ва профкомларга жўнатамиз.
Каналга аъзо бўлинг 👇
@mehnat_talim_huquqi
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
Мактабларда ўқитувчилар мажбурий тиббий кўрикдан ўтмагани учун жарима борми?
@Yurist_Xizmati 4945-савол:
Ассалому алайкум! Мен мактабда ММИБДУ булиб ишлайман. Укув йилининг бошидан туман тиббиёт бирлашмасидан курикдан утганман, лекин туман СЭСдан курикдан утмадим. Хозир СЭС ходимлари мактабимизга келиб текширув утказишяпти ва мени курикдан утмаганим учун жаримага тортмокчи. Мен бу вазиятдан азият чекмасдан чика оламанми? Уларнинг бу хатти харакати канчалик тугри?
ЮРИСТ ЖАВОБИ:
Тиббий кўрикдан ўтмаганлик учун жарима мавжуд эмас. Қаранг! Меҳнат кодексининг 355-моддасига кўра мажбурий тиббий кўриклардан ўтиши лозим.
Ушбу кодекс 360-моддасига кўра иш берувчи умумий ўрта таълим ташкилотларининг, мактабгача таълим ташкилотларининг ва бошқа ташкилотларнинг бевосита болаларга таълим ёки тарбия бериш билан банд бўлган педагог ходимларини ва бошқа ходимларини дастлабки (меҳнат шартномасини тузаётганда) ва даврий (меҳнат фаолияти давомида) мажбурий тиббий кўрикдан ўтказишни ташкил этиши шарт.
Бунда иш берувчи мажбурий тиббий кўрикдан ўтмаган ёхуд мажбурий тиббий кўрик натижаларига кўра тиббий комиссиялар томонидан берилган тавсияларни бажаришдан бўйин товлаган шахсларни ишдан четлаштириши шарт.
Шунга кўра сиздаги ҳолатда тиббий кўрикдан ўтмаганлик учун жарима мавжуд эмас.
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
Ходимлар жамоа шартномаси билан таништирилиши шарт!
Меҳнат кодексининг 78-моддасига кўра
Иш берувчи жамоа шартномаси кучга кирганидан кейин ўн кундан кечиктирмай ходимларни жамоа шартномаси билан имзо қўйдириб таништириши шарт.
Янгидан қабул қилинаётган ходимлар билан меҳнат шартномасини тузишда иш берувчи ишга қабул қилинаётган ходимни жамоа шартномаси билан имзо қўйдириб таништириши шарт.
Жамоа шартномаси имзоланганда унга илова сифатида ташкилотнинг Ички меҳнат тартиб қоидалари ҳам тасдиқланади. Ходим томонидан ташкилотнинг ички меҳнат тартиб-қоидалари бузилган, шу сабабли иш берувчи интизомий жазо қўлламоқчи, ходим эса шу қоидалар билан таништирилмаган бўлса (жамоа шартномаси имзо қўйдириб таништирилмаган), ходим қоидабузар ҳисобланмайди, сабаби ходим бундай қоида борлигини аввалдан билмаган ҳисобланади.
Ҳурматли иш берувчилар, ходимларингизни жамоа шартномаси билан таништириш ёддан чиқмасин!
Каналга аъзо бўлинг 👇
@mehnat_talim_huquqi
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
#savolimbor Assalomu alaykum. Ta’tillar jadavalida xodiming har yilgi mehnat ta’tiliga chiqishi aniq sana bilan ko’rsatilishi shartmi? Agar oyni o’zi ko’rsatilsa bu qonunbuzilishi hisoblanadimi?
mehnathuquqi javobi📤:
❌ Yo'q, bu qonunbuzilishi emas!
MK 228-moddasiga ko’ra, ikkinchi va keyingi ish yillari uchun har yilgi mehnat ta’tili ish beruvchi va xodim uchun majburiy bo‘lgan ta’tillar jadvali bilan belgilanadigan har yilgi mehnat ta’tillarini berish navbatiga muvofiq beriladi.
Ta’tillar jadvali kalendar yil boshlanguniga qadar ish beruvchi tomonidan kasaba uyushmasi qo‘mitasi bilan kelishuvga ko‘ra tasdiqlanadi.
Xodim har yilgi mehnat ta’tili beriladigan vaqt to‘g‘risida ta’til boshlanishidan kamida o‘n besh kun oldin xabardor qilinishi kerak.
MK 228-moddasida va boshqa moddalarda ham, bundan tashqari birorta qonunchilik hujjatida ta’tillar jadvalida xodimning har yilgi mehnat ta’tiliga chiqishini aniq sana bilan ko’rsatish majburiyati belgilanmagan. Amaliyotda asosan kalendar oyni o’zi ko’rsatiladi, konkret sana ko’rsatilmaydi.
Masalan, ta’tillar jadvalida xodimning har yilgi mehnat ta’tiliga chiqishini yanvar oyi deb ko’rsatilsa bo’ladi. Yoki aniq sanani ko’rsatib 30-yanvar deb ham ko’rsatsangiz bo’ladi. Har ikki variant ham to’g’ri. Tashkilot qay birini ma’qul deb bilsa, har ikki variantdan birini tanlashi mumkin.
⚠️ Ta’tillar jadvalida aniq sana ko’rsatilmagan deb mansabdor shaxsni ma’muriy jarimaga tortish g’ayriqonuniy hisoblanadi! Chunki bu holat qonunbuzilishi emas.
Demak, yuqoridagilardan xulosa qilsak, ta’tillar jadvalida aniq sana ko’rsatish shart emas.
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
#savolimbor Ассалому алайкум. Ходим таътилга чиқмаслик ҳуқуқига эгами? Иш берувчи ҳам рози, ходим ҳам тилхат ёзиб берди таътилга чиқмасликка.
/mehnathuquqi javobi 📤:
❌ Бу меҳнат қонунчилигига зид ҳисобланади. МК 230-моддасига кўра, ҳар йилги меҳнат таътили ҳар йили, ушбу таътил берилаётган иш йили тугагунига қадар берилиши керак.
Ишлаб чиқариш хусусиятига эга сабабларга кўра жорий йилда ҳар йилги меҳнат таътилини тўлиқ бериш имкони бўлмаган алоҳида ҳолларда ходимнинг розилиги билан таътилнинг 14 календарь кундан ортиқ бўлган қисми кейинги иш йилига кўчирилиши мумкин бўлиб, ушбу йил давомида ундан фойдаланилиши шарт.
Ўн саккиз ёшга тўлмаган ходимларга, ногиронлиги бўлган ходимларга ҳар йилги меҳнат таътилини, шунингдек ушбу Кодекснинг 481 ва 483-моддаларида кўрсатилган ҳар йилги қўшимча таътилларни бермаслик тақиқланади.
МК 225-моддасига кўра, иш йили деганда ходимнинг муайян иш берувчида 12 ойга тенг бўлган ва ҳақиқатда иш бошланган санадан эътиборан ҳисоблаб чиқариладиган иш даври тушунилади.
⚠️ Масалан, ходим 22.12.2023 дан иш бошлади. Унинг иш йили 22.12.2023 дан 21.12.2024 гача бўлади. Бизнинг мисолда ҳар йилги меҳнат таътили таътил берилаётган иш йили тугагунига қадар яъни 21.12.2024 гача ( шу куни ҳам) берилиши керак. ❗️ Кўпчилик мана шу ўринда календарь йилга чалғиб кетиб, ходимни 31-декабргача таътилга чиқарсам бўлади деб, хато ўйлашади. Яъни ходимни календарь йил тугагунга қадар эмас, ходимнинг иш йили тугагунига қадар таътилга чиқариш шарт экан.
⚠️ Демак, юқоридагилардан хулоса қилсак, ходимга иш йили тугагунга қадар (календарь йил тугагунга қадар эмас) таътил берилиши керак экан. Ходим таътилга чиқмасликка тилхат ёзиб бергани ҳам аҳамиятга эга эмас.
Кўпчилик ҳозир ўйлаётган бўлса керак, фалончижон 5 йилдан бери, фалончихон эса деярли 10 йилдан бери таътилга чиқмаганку деб... Бу меҳнат қонунчилигини бузилиши ҳисобланади👇
📍 Агар иш берувчи ушбу қоидаларга риоя қилмаса, МЖТК 49-моддасига кўра, мансабдор шахс томонидан меҳнат ва меҳнатни муҳофаза қилиш тўғрисидаги қонунчиликни бузиш, базавий ҳисоблаш миқдорининг 5 бараваридан 10 бараваригача миқдорда жарима солишга сабаб бўлади. Худди шундай ҳуқуқбузарлик маъмурий жазо чораси қўлланилганидан кейин бир йил давомида такроран содир этилган бўлса, бундан била туриб ғайриқонуний ишдан бўшатиш мустасно, базавий ҳисоблаш миқдорининг 10 бараваридан 15 бараваригача миқдорда жарима солишга сабаб бўлади.
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
Синф раҳбарларга ҳар куни ўқувчиларнинг телефонини йиғиш мажбуриятини юклаш тўғрими?
@Yurist_Xizmati 4939-савол:
Salom. Men o'rta maktabda tarix o'qituvchisi bo'lib ishlayman. Men ham 11-sinf sinf rahbariman. Yaqinda biz har kuni ertalab sinfimizdagi o'quvchilardan telefon yig'ish majburiyatini olgan hujjatga imzo chekishga majbur bo'ldik. Savolim: Sinf rahbari har kuni o'ziga tayinlangan sinfdan telefon yig'ishi shartmi? Ushbu jarayonni qanday hujjatlar tartibga soladi?
ЮРИСТ ЖАВОБИ:
Мактабгача ва мактаб таълими вазирининг 27.06.2023 йилдаги 190-сонли буйруғи билан тасдиқланган умумий ўрта таълим муассасаси синф раҳбарининг йўриқномасига кўра Синф раҳбарининг мажбуриятлари белгиланган.
Бироқ улар қаторида ўқувчиларнинг телефонларини йиғиб олиш деган мажбурият мавжуд эмас.
Бу масалада Вазирлар Маҳкамасининг 2012-йил 21 майдаги 139-сон қарорига иловада тасдиқланган Ўзбекистон Республикаси таълим муассасаларида мобил телефонлардан фойдаланиш тартиби тўғрисидаги Низом 7-бандида махсус қоида белгиланган.
Унга кўра Таълим муассасаларида ўтказиладиган ўқув машғулотлари ва тадбирлар (сафланиш, тарбиявий соатлар, байрам, спорт тадбирлари ва шу кабилар) бошланишидан олдин таълим олувчилар:
телефонини ўчириб қўйиши;
телефонини портфели, сумкаси ва шу кабиларга солиб қўйиши шарт.
Шундай экан, сиздаги ҳолатда ўқувчиларнинг телефонларини йиғиштириб олиш шарт эмас.
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
#Кадровик
Қисқаришга тушган ходимларга учинчи ойлик иш ҳақи тўлаб бериладими?
Фуқародан келган мурожаат: Ассалому алейкум, саволим шуки, касб-хунар мактабида кадрлар кискариши буйича Иш берувчи томонидан шартнома бекор килинди, бизга Икки ой олдин огохлантириш Хати берилди Ва уч ой компенсация пули туланиши, бундан Икки ой касб хунар мактаби учинчи ой бандлик ташкилоти тулаб берилишини айтилди Энди бандлик ташкилоти га учрасак биз малумотнома берамиз учинчи ойни хам ташкилотингиз тулаб беради деяпти кайси бири тугри биз нима килишимиз керак.олдиндан рахмат
📌ЖАВОБ:
Меҳнат кодексининг 100-моддаси (меҳнат шартномаси алоҳида асосларга кўра бекор қилинганда ўртача ойлик иш ҳақини ишга жойлаштириш даврида сақлаб қолиш кафолатлари)га асосан меҳнат шартномаси қуйидаги асослар бўйича бекор қилинган тақдирда, иш қидириш даврида ўртача ойлик иш ҳақининг ишдан бўшатиш нафақаси ҳисобга олинган ҳолда, бироқ кўпи билан икки ойга сақланиб қолиши ходимлар учун кафолатланади:
👉 ходим янги меҳнат шартлари асосида ишлашни давом эттиришни рад этганлиги;
👉 ходим иш берувчи билан бирга ишлаш учун бошқа жойга кўчишни рад этганлиги;
👉 ходим соғлиғининг ҳолатига кўра тиббий хулосага мувофиқ соғлиғининг ҳолати бўйича ўзига қарши кўрсатма мавжуд бўлмаган бошқа ишга ўтишни рад этганлиги ёки иш берувчида тегишли иш мавжуд эмаслиги;
👉 технологиянинг, ишлаб чиқариш ва меҳнатни ташкил этишнинг ўзгариши сабабли ташкилот ходимларининг сони ёки штати ўзгарганлиги, ишлар (маҳсулот, хизматлар) ҳажмининг қисқарганлиги
(👆🏻шу банди сизларга тегишли);
👉 ташкилотнинг (унинг алоҳида бўлинмасининг) ўз таъсисчилари (иштирокчилари) қарорига кўра тугатилганлиги ёхуд таъсис ҳужжатлари билан шунга ваколатли бўлган юридик шахс органининг қарорига кўра тугатилганлиги;
👉 бажараётган ишига малакаси етарли эмаслиги оқибатида нолойиқ эканлиги;
👉 шу ишни илгари бажариб келган ходимнинг ишга тикланганлиги;
👉 суднинг ташкилотни тугатиш тўғрисидаги қарори қонуний кучга кирганлиги.
Агар ушбу модданинг биринчи ва иккинчи қисмларида кўрсатилган ходимлар меҳнат шартномаси бекор қилинганидан кейин ўттиз календарь кун ичида маҳаллий меҳнат органида иш қидираётган шахслар сифатида рўйхатдан ўтган бўлса, улар маҳаллий меҳнат органи томонидан берилган маълумотнома бўйича учинчи ой учун ҳам аввалги иш жойидан ўртача ойлик иш ҳақини олиш ҳуқуқига эга бўлади.
Ушбу модданинг биринчи ва иккинчи қисмларида кўрсатилган ходимларга уч ойлик давр тугагач мақбул келадиган иш топиб берилмаган тақдирда, улар ишсиз деб эътироф этилади.
Яъни, сизларга 3-ой учун ҳам ойлик тўланиши учун маҳаллий меҳнат органида иш қидираётган шахс сифатида рўйхатдан ўтишларингиз лозим. Шу бўйича сизларга маълумотнома берилади. Ушбу маълумотнома асосида 3-ой ҳам тўлаб берилади ойликларингиз. Меҳнат органининг тушунтириши тўғри.
Саволингизни: @yuristgamurojaat ga қолдиринг
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
Декрет таътили тугамасдан олдин ишга чиқиш мумкинми?
@Yurist_Xizmati 4938-савол:
Саволим: Мактаб хисобчиси тугруқ олди ва кейинги 126 кунлик таътил даврига чиқди. Лекин уйда ишлашга имкони бор . Шу вақтда ишлаши мумкинми, агар мумкин бўлса унинг иш хақи тўланадими ,мн бўлса қандай тўланади.?
ЮРИСТ ЖАВОБИ:
Йўқ, декрет таътили тугамасдан олдин ишга чиқиш мумкин эмас.
Меҳнат кодексининг 404-моддасига биноан аёлга туғруққача етмиш календар кун ҳамда туғруқдан кейин эллик олти календар кун (туғиш қийин кечган ёхуд икки ёки ундан ортиқ бола туғилган тақдирда етмиш календар кун) ҳомиладорлик ва туғиш таътили берилиб, қонунчиликда белгиланган, лекин ўртача ойлик иш ҳақининг етмиш беш фоизидан кам бўлмаган миқдорда нафақа тўланади.
Қаранг! Меҳнатга лаёқатсизлик варақаларини бериш тартиби тўғрисидаги йўриқноманинг (рўйхат рақами 2667, 17.04.2015-й.) 28-бандига кўра ҳомиладорликнинг ўттизинчи ҳафтасидан кейин мурожаат қилинганда туғишга қадар неча кун қолганидан қатъи назар, меҳнатга лаёқатсизлик варақаси мурожаат қилган кундан тўлиқ бир юз йигирма олти календарь кунига берилади.
Эътибор берган бўлсангиз, қоидада ушбу таътил тўлиқ 126 кунга берилиши назарда тутилган.
Шунга кўра, декрет таътилининг муддати тугашидан олдин ходимнинг ишга чиқиши мумкин эмас.
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
#Сиздан_савол
Жамоа шартномаси қачон кучга киради ва қанча муддат амал қилади?
Жамоа шартномаси имзоланган кундан эътиборан ёки жамоа шартномасида белгиланган кундан эътиборан кучга киради ва шартномада назарда тутилган муддат ичида, бироқ кўпи билан уч йил амал қилади.
Мазкур муддат тугагач, жамоа шартномаси тарафлар янги шартнома тузгунига ёки амалдаги жамоа шартномасини ўзгартиргунига, тўлдиргунига қадар амал қилади.
Тарафлар жамоа шартномасининг амал қилиш муддати тугагунига қадар уни узайтириши мумкин.
Каналга аъзо бўлинг 👇
@mehnat_talim_huquqi
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
Ходимларга иш куни давомида дам олиш учун танаффуслар берилиши керак
Қонунчиликка кўра, иш куни давомида ходимга дам олиш ва овқатланиш учун давомийлиги камида 30 дақиқа ва кўпи билан 2 соат бўлган, иш вақтига киритилмайдиган танаффус берилиши керак
Дам олиш ва овқатланиш учун танаффус бериш вақти ва унинг аниқ давомийлиги ички меҳнат тартиби қоидаларида ёки ходим ва иш берувчи ўртасидаги келишувга кўра белгиланади.
Ходимлар дам олиш ва овқатланиш учун танаффусдан ўз ихтиёрига кўра фойдаланади. Бу вақтда улар иш жойидан чиқиб кетиши мумкин
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g