4691
Тошкент вилояти таълим ва фан тизимидаги касаба уюшма аъзолари учун ҳуқуқий, услубий тавсия ва маслаҳатлар.
⚡️Педагог ходимларнинг малака тоифалари қайси фан(лар)га татбиқ этилиши мумкинлиги ҳақида маълумот берилди
Мактабгача ва мактаб таълими вазирлигининг 17.12.2024 йилдаги 03-14-3735-сонли хати билан “Умумтаълим муассасаларида фаолият олиб бораётган ходимларнинг олган малака тоифалари фанлар кесимида татбиқ этилиши бўйича” МАЪЛУМОТ тақдим этилди.
🗂Хат ва иловалар билан юқоридаги файлда батафсил танишишингиз мумкин.
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
❗️2025 йил учун иш вақти меъёрлари тасдиқланди
Ўзбекистон Республикаси Камбағалликни қисқартириш ва бандлик вазирлиги томонидан 2025 йилга мўлжалланган иш вақти меъёрлари давомийлигининг тақвими ишлаб чиқилди.
⚠️ Қизиқ томони шундаки, ҳали “2025 йилда расмий саналарни нишонлаш даврида қўшимча ишланмайдиган кунларни белгилаш ва дам олиш кунларини кўчириш тўғрисида”ги Ўзбекистон Республикаси Президентининг Фармони қабул қилинмаган. Агар фармон қабул қилинса 2025 йилда қўшимча дам олиш кунлари белгиланади ҳамда иш вақти меъёрлари давомийлиги ўзгариши мумкин!
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
Айрим мактаб ходимларининг базавий тариф ставкасига устамалар тўлаш такомиллаштирилади
“Ёшлар сиёсати ва спорт соҳасида давлат бошқаруви такомиллаштирилганлиги муносабати билан Ўзбекистон Республикаси Президентининг айрим ҳужжатларига ўзгартириш ва қўшимчалар киритиш тўғрисида”ги Президент Фармони (ПҚ-226-сон, 24.12.2024 й.) қабул қилинди
Фармонга кўра, айрим ҳужжатларга қуйидагиларни назарда тутувчи ўзгартириш ва қўшимчалар киритилди:
➖спорт мактаблари ходимларининг базавий тариф ставкасига устамалар тўлаб бориш тартибини такомиллаштириш;
➖спорт майдончалари барпо этиладиган маҳаллаларни аҳоли томонидан овоз бериш йўли билан аниқлаш тартибини белгилаш;
➖спорт майдончаларини барпо этиш ва уларни давлат рўйхатидан ўтказиш тартибини такомиллаштириш;
➖ёшлар сиёсати ва спорт соҳасидаги айрим амалдаги фармон ва қарорлардан эскирган ва такрорланувчи нормаларни чиқариб ташлаш ҳамда ҳуқуқий бўшлиқларни бартараф этиш.
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
#Кадровик
Педагагик йўналишда ўқимаётган талаба мактабда дарс бериши мумкинми?
Меҳнат қилиш, эркин касб танлаш, адолатли меҳнат шароитларида ишлаш – ҳар бир шахснинг конституцион ҳуқуқидир.
Олий ва ўрта-махсус таълим вазирининг 9-сонли буйруғи билан тасдиқланган “Олий таълим тўғрисида”ги низомнинг 50-бандига мувофиқ кундузги таълим шаклида таҳсил олаётган талабалар ўқишдан бўш вақтларида куннинг иккинчи ярмида олий ўқув юрти ва бошқа ташкилотларда меҳнат шартномаси тузган ҳолда ишлашлари мумкин.
Куннинг иккинчи ярмида ўқийдиган талабалар ишлай олмайди, деган қоида келиб чиқмаслиги керак. Бу тоифа талабалар ҳам ўқишдан бўш вақтларида ишлашлари мумкин. Бироқ педагагик фаолиятда бирқанча чекловлар бор.
Шунингдек, Вазирлар Маҳкамасининг 2005 йил 21 декабрьдаги 275-қарори билан тасдиқланган ”Халқ таълими ходимлари меҳнатига ҳақ тўлаш тўғрисида”ги низомнинг (https://www.lex.uz/docs/941876) 7-8-бандларига кўра:
Олий ёки ўрта махсус, касбий маълумотга эга бўлмаган шахсларни умумтаълим муассасаларига педагог лавозимига қабул қилишга йўл қўйилмайди.
Олий таълим муассасасининг кундузги, кечки, сиртқи таълим шаклларининг педагогика йўналишларида ўқиётган шахслар 3-курсдан бошлаб ўқишига халақит бермаган ҳолда педагоглик ишини амалга ошириш учун умумтаълим муассасаларида асосий иш жойи сифатида ишга қабул қилиниши мумкин ва уларга ўрта махсус, касбий маълумотга эга бўлган тегишли лавозимдаги ходимнинг базавий тариф ставкаси сингари базавий тариф ставкаси белгиланади.
📌 Демак, бундан келиб чиқадики, агар талаба педагогик йўналишда таҳсил олса, таълим муассасасида дарс бериши мумкин.
Саволингизни: @yuristgamurojaat ga қолдиринг
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
⚡️2025 йилдан бошлаб, мактабгача таълим ташкилотининг директори ўринбосари лавозими жорий этилади
Давлатимиз раҳбарига мактабгача ва мактаб таълими тизимида 2025 йилда амалга ошириладиган устувор вазифалар бўйича ахборот берилди.
Унга мувофиқ, "2025 йилдан бошлаб, мактабгача таълим ташкилотининг директори ўринбосари лавозими жорий этилади. “Методик маҳорат соати”, “Методик маҳорат куни” каби малака ошириш шакллари ташкил қилинади", дея таъкидлади Президент
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
#Кадровик
ЎҚИТУВЧИ МАКТАБГА КЕЧИКИБ КЕЛСА ЁКИ САБАБСИЗ БИР НЕЧА КУНЛАБ КЕЛМАСА, УНГА ҚАНДАЙ ЖАЗО ҚЎЛЛАШ МУМКИН?
Бу каби масалалар биринчи навбатда, мактабнинг ички меҳнат қоидаларида белгилаб қўйилган бўлади. Агар ўқитувчининг иш жойига кечикиб келиши ёки ҳеч кимга хабар бермай сабабсиз бир неча кун келмаслигига ички меҳнат қоидаларида алоҳида чоралар белгиланмаган бўлса, бу ҳолатда ўқитувчига Меҳнат кодексидинг 312-моддасида назарда тутилган интизомий жазо чораларидан бири қўлланилади.
Хусусан, Меҳнат кодексининг 300-моддасига кўра, интизомий жавобгарлик ходим томонидан интизомий қилмиш содир этилганлиги учун юзага келадиган ва ушбу ходимга нисбатан интизомий жазо чораси қўлланилишида ифодаланадиган юридик жавобгарликдир.
Меҳнат кодексининг 301-моддасига асосан ходим томонидан интизомий қилмиш содир этилиши ходимни интизомий жавобгарликка тортиш учун асос бўлади.
Интизомий қилмиш деганда ходим томонидан ўз меҳнат мажбуриятларини айбли тарзда, ғайриқонуний равишда бажармаганлиги ёки лозим даражада бажармаганлиги (меҳнат (лавозим) мажбуриятларининг бузилиши) тушунилади.
📌 Меҳнат интизомини бузганлиги учун иш берувчи ходимга қуйидаги интизомий жазо чораларини қўллашга ҳақли:
1) ҳайфсан;
2) ўртача ойлик иш ҳақининг ўттиз фоизидан кўп бўлмаган миқдорда жарима. Ички меҳнат тартиби қоидаларида ходимга ўртача ойлик иш ҳақининг эллик фоизидан кўп бўлмаган миқдорда жарима солиниши ҳоллари назарда тутилиши мумкин. Ходимнинг иш ҳақидан жаримани ушлаб қолиш иш берувчи томонидан ушбу Кодекснинг 269 ва 270-моддалари талабларига риоя этган ҳолда амалга оширилади;
3) меҳнат шартномасини бекор қилиш (ушбу Кодекс 161-моддаси иккинчи қисмининг 4 ва 5-бандлари).
Иш берувчи ходимдан интизомий жазо чораси қўлланилгунига қадар ёзма тушунтиришни талаб қилиши, шу жумладан, агар интизомий қилмиш хизмат текшируви натижаларига кўра аниқланган бўлса, талаб қилиши шарт. Ходимнинг ёзма тушунтириш тақдим этишни рад этганлиги интизомий жазо чораси қўлланилиши учун монелик қилмайди ва ҳозир бўлган гувоҳлар кўрсатилган ҳолда далолатнома билан расмийлаштирилади.
❗️Ҳар бир интизомий қилмиш учун фақат битта интизомий жазо чораси қўлланилиши мумкин. Интизомий жазо чорасини танлаш ҳуқуқи иш берувчига тегишлидир. Интизомий жазо чорасини қўллашда содир этилган қилмишнинг оғир-енгиллиги, унинг содир этилиши ҳолатлари, ходимнинг аввалги иши ва хулқ-атвори ҳисобга олинади.
Ходимга интизомий жазо чорасини қўллаш иш берувчининг буйруғи билан расмийлаштирилади.
Саволингизни: @yuristgamurojaat ga қолдиринг
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
Янги йилга яна бир қувонли совға ...
Янги йил байрамини нишонлаш даврида фуқароларнинг тўлиқ дам олиши учун қўшимча шарт-шароитлар яратиш ҳамда дам олиш ва байрам кунларини самарали фойдаланишни таъминлаш мақсадада Ўзбекистон Респубилкаси Президентининг 2024 йил 24 декабрдаги ПҚ–452-сон қарорга мувофиқ
4 январь – шанба дам олиш куни – 2 январь – пайшанба кунига кўчирилди.
Демак қуйидагича дам олинади:
5 кун иш ҳафтасида ишловчилар учун:
➖6 кун – 28, 29, 30, 31 декабрь ва 1 ва 2 январь 2025 йил
6 кун иш ҳафтасида ишловчилар учун:
➖5 кун – 29, 30, 31 декабрь ва 1 ва 2 январь 2025 йил
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
Assalomu alaykum, xodimning jami ta’tili 38 kun. Bu ish yilida 5 oy ishlab bo’shamoqda. Shunda bu xodimga 15 kunga pulli kompensatsiya beramizmi?
/mehnathuquqi javobi 📤:
Yo’q, xato hisoblagansiz, 15 kunga emas 16 kunga pulli kompensatsiya berishingiz lozim. Chunki 38/12=3.1666… Siz bu chiqqan natijani 3 deb yaxlitlab ishlangan oylar soniga ya’ni 5ga ko’paytirib 3*5=15 kunga pulli kompensatsiya hisoblagansiz.
Aslida esa 38/12=3.1666 hamda 3.1666*5=15.8333… Demak, mana shu chiqqan natijani yaxlitlaysiz, shunda xodimga 15 emas balki 16 kunga pulli kompensatsiya to’lanadi.
Vazirlar Mahkamasining 2024-yil 14-noyabrdagi 758-son qaroriga
5-ilova 8-bandiga ko'ra, haq to'lashda esa 14 ish kuniga pul to'lanadi: (16:7)*6 = 14 ish kuni.
mehnathuquqi/8470
Chunki, MK 224-moddasiga ko’ra, har yilgi mehnat ta’tilining davomiyligini ishlab berilgan vaqtga mutanosib ravishda hisoblab chiqarishda uning davomiyligi har yilgi asosiy va qo‘shimcha mehnat ta’tilining to‘liq miqdorini 12 ga bo‘lish hamda to‘liq ishlangan oylar soniga ko‘paytirish yo‘li bilan aniqlanadi. Bunda o‘n besh kalendar kunga teng va undan ko‘p bo‘lgan ortiqcha kunlar bir oy deb yaxlitlanadi, o‘n besh kalendar kundan kami esa hisobga olinmaydi. Ishlab berilgan vaqtga mutanosib ravishda mehnat ta’tili kunlari umumiy davomiyligini hisoblashda olingan 0,5 ga teng va undan ko‘p o‘nliklar bir kun deb yaxlitlanadi, 0,5 dan kami esa hisobdan chiqarib tashlanadi.
Ekspertga murojaat: @MuhammadaminKarimjonov @TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
КИМЛАРГА “КОНТРАКТ ПУЛИ” ТЎЛАБ БЕРИЛАДИ?
📌 Ўзбекистон Республикаси Вазирлар Маҳкамасининг 2022 йил 6 июндаги “Ёшлар муаммоларини ўрганиш ва ҳал этиш тизимини янада такомиллаштириш чора-тадбирлари тўғрисида”ги 312-сонли қарорига мувофиқ мамлакатимиздаги профессионал ва олий таълим муассасаларида таълим олаётган, “Темир дафтар”га киритилган оила фарзандлари, шунингдек, “Ёшлар дафтари”га киритилган ёшларга тўлов-контракт суммасининг 50 фоизгача, аммо базавий ҳисоблаш миқдори (базавий ҳисоблаш миқдорининг 1 баравари 375 минг сўм)нинг 50 бараваридан ошмаган миқдорда тўлаб берилади.
Яъни, “Ёшлар дафтари”га киритилган қуйидаги тоифадаги ёшларга тўлов-контракт суммасининг бир қисми қоплаб берилади.
👉 “Темир дафтар”, “Аёллар дафтари”, “Ижтимоий ҳимоя ягона реестри” ахборот тизимига киритилган оиланинг профессионал ёки ОТМда таълим олаётган фарзанди;
👉 “Меҳрибонлик” уйи ёки Болалар шаҳарчасида тарбияланган ўқувчи-талаба;
👉 Ота-она қарамоғидан маҳрум бўлган, васийликка олинган кам таъминланган ўқувчи-талаба;
👉 Оила боқувчиларининг камида биттаси биринчи гуруҳ ёки ҳар иккаласи иккинчи гуруҳ ногиронлиги бўлган кам таъминланган оиланинг профессионал ёки ОТМда таълим олаётган фарзанди;
👉 Ногиронлиги ёки саломатлигида нуқсони бўлган ўқувчи-талаба;
👉 Оиласи кам таъминланган талаба.
“Ёшлар дафтари”га доимий ёки вақтинча яшаш жойи бўйича ўн тўрт ёшга тўлган ва ўттиз ёшдан ошмаган (ўттиз бир ёшга тўлмаган) қуйидаги тоифадаги:
👉 оила аъзоси «Темир дафтар», «Аёллар дафтари» ёки «Ижтимоий ҳимоя ягона реестри»га киритилган;
👉 ижтимоий ҳимояга муҳтож бўлган;
👉 боқувчисини йўқотган, етим ёки ота-она қарамоғидан маҳрум бўлган;
👉 ўзига нисбатан васийлик ёки ҳомийлик белгиланган;
👉 ўзгалар парваришига муҳтож бўлган ишга лаёқатсиз;
👉 I ёки II гуруҳ ногиронлиги бўлган;
👉 фарзандида I ёки II гуруҳ ногиронлиги бўлган;
👉 жисмоний ва (ёки) руҳий ривожланишида нуқсонлари бўлган;
👉 ота-онасидан бирида I ёки II гуруҳ ногиронлиги бўлган, иккинчиси эса иш фаолиятини тўхтатган ҳолда беморга қарашга мажбур бўлган ёхуд ота-онасининг ҳар иккисида I ёки II гуруҳ ногиронлиги бўлган;
👉 юзага келган ҳолатлар сабабли оғир турмуш шароитида қолган;
👉 зўравонлик ва эксплуатация, табиий офатлар, ҳалокатлар, ёнғинлар ва бошқа фавқулодда вазиятлар оқибатида ҳаётига, соғлиғига, мулкига зарар етган;
👉 «Меҳрибонлик» уйи, Болалар шаҳарчаси ёки оилавий болалар уйида тарбияланган;
👉 Ҳақ тўланадиган ишга ёки иш ҳақи (меҳнат даромади) келтирадиган машғулотга эга бўлмаган;
👉 даволанишга муҳтож бўлган бемор ёшлар;
👉 жазони ижро этиш муассасаларидан қайтган;
👉 муайян яшаш жойига эга бўлмаган;
👉 психологик маслаҳатга муҳтож;
👉 никоҳи қайд этилганига уч йилдан ошмаган ёш оила;
👉 деҳқончилик ёки томорқа хўжалигини юритаётган;
👉 ёш тадбиркор ёки ўзини ўзи банд қилган шахс сифатида солиқ хизмати органларида рўйхатдан ўтган ёшлар киритилади.
Саволингизни: @yuristgamurojaat ga қолдиринг @TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
❗️Дарс вақтида телефондан фойдаланадиган ўқувчиларга қандай чора кўриш мумкин?
@Yurist_Xizmati 4877-савол:
Salom savolim bor edi. Men maktabda tarix fanidan dars beraman. Savolim shuki sinfda dars vaqtida o‘quvchilar telefon o‘ynab o‘tirsa va o‘qituvchiga bo‘ysunmasa telefo‘nni o‘qituvchiga topshirishdan bosh tortsa o‘quvchi telefonni o‘chirib yoki ovozsiz rejimga qo‘ymasa umuman o‘qituvchiga bo‘ysunmasa va telefo‘nni o‘qituvchiga topshirishdan bosh tortsa. Malumki o‘qituvchi o‘quvchiga kuch ishlatishi mumkin emas. Endi bu vaziyatda o‘qituvchi qonunan nima qilishi kerak. Bitta shu telefon topshirmagan o‘quvchiga chora ko‘raman bayonnoma tuzaman deb yursa dars mashg‘uloti qolib ketadi qolgan tarbiyali o‘quvchilarga dars o‘tishi kerak. Darsda bitta o‘quvchining telefonini olaman deb yursa dars vaqti tugab qoladi. dars mashg‘ulotlari qolib ketadi. shu vaziyatda qonuniy nima qilish mumkin o‘quvchini darsdan chiqarib yuborish mumkin emas. o‘quvchi telefon topshirishdan bosh tortyabdi kuch ishlatib bo‘lmaydi. Bunday vaziyatda qonuniy nima qilish mumkim?
#Кадровик
📌 ХОДИМНИНГ ОЙЛИГИДАН АЛИМЕНТ УШЛАБ ҚОЛИШ ТАРТИБИ
Ўзбекистон Республикаси Адлия вазирининг 2009-йил 8-июлдаги 157-сон буйруғига илова қилиб келтирилган “Қарздор жисмоний шахсга иш ҳақи ёки унга тенглаштирилган бошқа тўловларни тўлаётган ташкилотлар ёки бошқа шахслар томонидан ижро ҳужжатларини ижро этиш” қоидаларининг 6-бандига биноан қарздорнинг иш, ўқиш, пенсия ва бошқа даромадлар олиш жойи ҳақида маълумот мавжуд бўлганда, суд ижрочиси ундирувни иш ҳақига қаратишни 1-иловага мувофиқ ижро ҳужжатининг аслини илова қилган ҳолда иш ҳақи ёки бошқа унга тенглаштирилган тўловлардан ушлаб қолиш тўғрисидаги талабномани қарздорга иш ҳақини тўлаётган ташкилотларга тақдим этади.
Қоидаларнинг 9-бандига кўра, қарздорнинг иш ҳақидан ушлаб қолинадиган миқдор солиқлар ушлаб қолинганидан сўнг қолган суммадан ҳисоблаб чиқарилади.
Шунингдек, ушбу Қоидаларнинг 10-бандига асосан агар ижро ҳужжатида иш ҳақидан ундириш миқдори кўрсатилмаган бўлса, суд ижрочиси ҳар бир алоҳида ҳолатда ундирув миқдорини белгилашга ҳақли.
Шунингдек, қарздорга иш ҳақи тўлаётган ташкилот ушлаб қолинган пул маблағларини ундирувчига тўлов амалга оширилган кундан эътиборан уч кун ичида тўлаши ёки ўтказиши шарт. Пул маблағларини тўлаш ва ўтказиш қарздор ҳисобидан амалга оширилади.
Асос: https://lex.uz/docs/-1497291
Саволингизни: @yuristgamurojaat гa қолдиринг @TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
#Кадровик
ДЕКРЕТ ПУЛИ ҚАНЧА МУДДАТДА ТЎЛАНИШИ КЕРАК?
Ўзбекистон Республикаси Вазирлар Маҳкамасининг 31.05.2024 йилдаги 314-сон қарори билан тасдиқланган “Вақтинчалик меҳнатга лаёқатсизлик, ҳомиладорлик ва туғиш бўйича нафақаларни ҳамда янги туғилган болани фарзандликка олган ёки унга васий қилиб белгиланган ходимга нафақани тайинлаш ҳамда тўлаш тартиби тўғрисида”ги низомнинг 69-бандига кўра, вақтинчалик меҳнатга лаёқатсизлик нафақалар, шу жумладан, сил касаллиги санаторий ва соғломлаштириш муассасаларида даволаниш учун бериладиган нафақалар, иш ҳақи тўлаш учун белгиланган муддатларда тўланади.
Ўз навбатида, Меҳнат кодексининг 253-моддасига асосан ходимларга иш ҳақи тўлаш муддатлари жамоа шартномасида ёки ички ҳужжатда, улар мавжуд бўлмаганда эса меҳнат шартномасида шарт қилиб кўрсатилган муддатларда белгиланади ва ҳар ярим ойда бир мартадан кам бўлиши мумкин эмас. Ходимларга ойлик иш ҳақи, қоида тариқасида, ўн олти кундан кўп бўлмаган танаффус билан икки қисмга бўлинган ҳолда (бўнакда ва қолган қисми миқдорида) тўланади.
📌 Яъни, ҳомиладорлик ва туғиш бўйича нафақа — “декрет пули” иш ҳақи тўлаш учун белгиланган муддатларда тўланиши лозим.
Меҳнат кодекси 333-моддасига кўра, иш берувчи иш ҳақини, таътил тўловларини, меҳнат шартномаси бекор қилингандаги тўловларни ва (ёки) ходимга тўланиши лозим бўлган бошқа тўловларни тўлаш муддатини бузган тақдирда, уларни тўлов муддатидан кейинги кундан эътиборан то ҳақиқатда ҳисоб-китоб қилинган кунни ўз ичига олган муддатгача ҳар бир кечиктирилган кун учун Ўзбекистон Республикаси Марказий банкининг ўша вақтда амалда бўлган қайта молиялаштириш ставкасидан келиб чиққан ҳолда фоизлар (пулли компенсация) билан бирга тўлаши шарт.
Маъмурий жавобгарлик тўғрисидаги кодекснинг 49-3-моддасига кўра, вақтинча меҳнатга қобилиятсизлик, ҳомиладорлик ва туғиш нафақаларини қонунчиликда белгиланган миқдорларда тўлаш бўйича мажбуриятдан бўйин товлаш, базавий ҳисоблаш миқдорининг ўн бараваридан ўн беш бараваригача миқдорда (3 750 000 сўмдан 5 625 000 сўмгача) жарима солишга сабаб бўлади.
Саволингизни: @yuristgamurojaat гa қолдиринг
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
#Кадровик
❗️ХОДИМ МАЛАКА ОШИРИШДА БЎЛГАН ВАҚТДА ИШ ҲАҚИ САҚЛАНАДИ
Меҳнат кодексининг 367-моддасига асосан малака ошириш деганда ходимнинг ундаги мавжуд касб ва мутахассислик бўйича ишларни бажаришга тайёрлигини тавсифловчи, ходимнинг касбий билимлари, малакалари ва кўникмалари даражасини такомиллаштириш тушунилади.
📌 Ўз навбатида, Меҳнат кодексининг 280-моддаси (иш берувчининг ходимга кафолатли тўловларни амалга ошириш мажбурияти)га кўра, иш берувчи ходимга ходим ишдан ажралган ҳолда ўзи ва иш берувчи учун мажбурий бўлган қайта тайёрлашдан ёки мажбурий малака оширишдан ўтган давр учун кафолатли тўловларни амалга ошириши шарт.
Шу каби қоида Меҳнат кодексининг 286-моддаси (иш берувчининг ходимга компенсация тўловларини амалга ошириш мажбурияти)да ҳам қуйидагича белгилаб қўйилган:
ходим иш берувчининг йўлланмаси билан касбий тайёргарликдан, қайта тайёрлаш, малака ошириш ва стажировкадан ўтганда ходимга унинг ўз меҳнат мажбуриятларини бажариши билан боғлиқ харажатларни иш берувчи компенсация қилиши шарт.
Шунингдек, Меҳнат кодексининг 290-моддасига биноан агар иш берувчининг йўлланмаси бўйича ходимнинг касбий тайёргарлик, қайта тайёрлаш, малака ошириш ва стажировкадан ўтиши бошқа жойга кўчишни талаб қилса, ходимга ўқиш жойига бориш ва қайтиб келиш, шунингдек уй-жойни ижарага олиш харажатларининг ўрни қопланади.
📌 Бундан ташқари, Вазирлар Маҳкамасининг 2017 йил 28 декабрдаги 1026-сон қарори билан тасдиқланган “Мактабгача, умумий ўрта ва мактабдан ташқари таълим муассасаларининг педагог ходимларини қайта тайёрлаш ва уларнинг малакасини ошириш тўғрисида”ги низомга асосан буюртмага киритилган малака ошириш курслари тингловчилари учун ўқишнинг барча даврида уларнинг асосий иш жойи бўйича эгаллаган лавозими ва ўртача иш ҳақи сақланади. Уларнинг ўқув юкламаси эса бошқа аъзолар ўртасида тақсимланиши белгиланган.
✅ Хулоса қилиб айтганда, ходим малака оширишда бўлганда унинг ўртача иш ҳақи тўлаб берилиши шарт.
Саволингизни: @yuristgamurojaat гa қолдиринг
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
МИЛЛИЙ ГВАРДИЯ ЎҚИТУВЧИЛАРНИНГ ҲАМ ДАВОМАТИНИ ҚИЛАДИ(МИ)?
❌ Йўқ, ўқитувчиларнинг давоматини қилиш Миллий гвардиянинг вазифаси эмас!
Хусусан, ММТВ ва Миллий гвардиянинг "Умумий урта таълим мактабларида укувчиларни таълимга жалб этиш, уларни ватанпарварлик руҳида тарбиялаш, қонунбузарликларнинг олдини олиш, психологик қўллаб-қувватлаш ҳамда хавфсизликни таъминлаш юзасидан хамкорлик қилиш тўғрисида"ги қўшма қарори ва концепциясига асосан умумуий урта таълим мактабларига бириктирилган Миллий гвардия инспектор-психологларининг бевосита хизмат жойи мактаблар этиб белгиланади хамда улар мактаб психологлари билан биргаликдаги кундалик фаолиятини ташкил этиб боради.
❗️Инспектор-психологнинг вазифаларида ўқитувчиларнинг давоматини қилиш келтирилмаган. Шундай экан, Миллий гвардия ходимларининг ўқитувчиларнинг давоматини текшириши ва назорат қилиши асоссиздир.
Ўз навбатида, "Педагогнинг мақоми тўғрисида"ги Қонуннинг 5-моддасига кўра, педагогнинг касбий фаолиятига аралашиш, унинг фаолиятини асоссиз равишда текшириш, педагог томонидан таълим олувчиларнинг билимларини тўғри ва холис баҳолашга таъсир кўрсатиш, шунингдек унга ўз хизмат мажбуриятларини бажаришга тўсқинлик қилиш қатъиян тақиқланади.
Ушбу Қонуннинг 6-моддасида педагогнинг ҳуқуқлари келтирилган бўлиб, унга кўра, таълим ташкилоти томонидан педагогнинг касбий фаолиятига қонунга хилоф равишда аралашиш ёки унинг хизмат мажбуриятларини бажаришига тўсқинлик қилиш билан боғлиқ ҳуқуқбузарлик содир этилган тақдирда, педагог маъмурий ҳуқуқбузарлик тўғрисида баённома тузилмаган ҳолда, ўз аризасида ҳуқуқбузарнинг шахси, маъмурий ҳуқуқбузарлик содир этилган жой, вақт ва унинг моҳияти тўғрисидаги маълумотларни, шунингдек ишни ҳал этиш учун зарур бўлган бошқа маълумотларни кўрсатиб, судга бевосита мурожаат қилишга ҳақли.
Худди шундай қоида Маъмурий жавобгарлик тўғрисидаги кодексда ҳам белгиланган бўлиб, 197 прим 5-моддага мувофиқ таълим ташкилоти педагог ходимининг касбий фаолиятига таълим олувчиларнинг билимини тўғри ва холис баҳолашига таъсир кўрсатиш билан ифодаланган тарзда қонунга хилоф равишда аралашиш ёки таълим ташкилоти педагог ходимининг хизмат вазифаларини бажаришига тўсқинлик қилиш,
—
фуқароларга базавий ҳисоблаш миқдорининг етти бараваридан ўн бараваригача, мансабдор шахсларга эса
—
ўн бараваридан ўн беш бараваригача миқдорда жарима солишга сабаб бўлади.
Хулоса қилиб айтганда, Миллий гвардия ўз вазифа ва мажбуриятларидан четга чиқиб ўқитувчиларнинг фаолиятига аралаша олмайди.
Саволингизни: @yuristgamurojaat гa қолдиринг @TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
2025 йил 1 январдан она тили ва тарих ўқитувчиларига 50% устама бериш тартиби жорий этилади
Ўзбекистон Республикаси Президентининг 2024 йил 21 февралдаги ПФ-37-сон Фармонида 2025 йил 1 январдан бошлаб умумий ўрта таълим муассасаларида она тили ва адабиёт ҳамда тарих фанлари бўйича Билим ва малакаларни баҳолаш агентлигининг миллий баҳолаш тизимида олинган тегишли даражадаги сертификатга эга бўлган ва ушбу фанлардан дарс берувчи педагог кадрларга уларнинг тариф ставкасига нисбатан 50 фоиз миқдорида ҳар ойлик қошимча устама тўланиши белгиланган
Мазкур вазифанинг тўлиқ, сифатли сўзсиз бажарилиши учун масъул этиб Мактабгача ва мактаб таълими вазири Ҳилола Умарова белгиланган. Яъни, вазирлик ҳеч қандай важларсиз мазкур топшириқ ижросини 1 январдан бошлаб бажариши шарт қилиб қўйилган.
Ҳозирги кунда Ўзбекистон Республикаси Президентининг 2022 йил 11 майдаги ПФ- 134-сон Фармонига увофиқ миллий сертификатга эга бўлган она тили ва адабиёт ҳамда тарих фани ўқитувчиларига тўланадиган устама миқдори 20 фоизни ташкил этади.
2025 йилдан бошлаб эса ушбу устамалар миқдори 50 фоизга оширилиши белгиланган.
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
❗️Ўқитувчиларнинг 20 соатдан ортиқ дарсларини мажбуран олиниб ВАКАНТга қўйилиши ёки жаримага тортилиши тўғрими?
@Yurist_Xizmati 4881-савол:
Ассалому алейкум ҳурматли юристлар жамоаси! Саволимиз шундан иборатки, бизнинг туман Мехнат Биржаси юристлари мактаблардаги 20 соатдан ошиқроқ дарс тақсимотига эга бўлган ўқитувчиларнинг дарсларини "Вакант" га қўйиб ва иш излаб юрган мутахасисларни иш билан таминлашни талаб қилмоқда. Вахоланки, кўплаб ўқитувчиларда бир нечта тасниф бўйича(Олий тоифа,вилоят босқичи олимпиадаси ғолибларини таййорлаш,Халқаро серғификатлар) дарслар бўлинган. Шундай бўлсада, Мехнат биржаси мактаб директорларидан дарс соатларини "Вакантга" қўйишга мажбурламоқда. Хаттоки бази бир мактабларга жаримахам белгиламоқда.Ўқитувчиларга тарификатсияда 20 соатдан ошиқ дарс қўйилган бўлса, ўқув йили якун топишига оз қолганда уларнинг 20 соатдан ортиқ дарслари мажбуран олиниб ВАКАНТ га қўйилиши ва жаримага тортилиши қонунийми?
Бировнинг кредитига кафил бўлишда нималарни билиш керак:
Энг муҳим 10 та масала
1. Қарздор кредитни тўлолмаса, нима бўлади?
Кафилликнинг моҳияти шундай – кафил қарздор олган кредитини тўлаши учун жавобгарликни ўзига олади. Бундай жавобгарлик қарзнинг тўлиқ суммасига ёки бир қисмига бўлиши мумкин (шартномада келишилади).
2. Битта кредит бўйича бир нечта кафил бўлса, қарз кимдан олинади?
Одатда барча кафиллар банк олдида солидар жавобгар бўлади (субсидиар белгиланиши ҳам мумкин). Агар қарздор кредитни тўламаса, банк қарзни исталган битта кафилдан ёки ҳаммасидан бир пайтда сўраши мумкин. Банк олдида барча кафиллар тенг қарздор саналади.
3. Кафил қарздорнинг кредитларини тўламаса, нима бўлади?
Агар қарздор ҳам, кафил ҳам кредитни тўламаса, банк уларнинг ҳар иккаласини судга бериши мумкин. Кафил қарздор билан бир хил ҳажмда жавоб беради.
4. Кредит олингандан сўнг кафилликдан воз кечиш мумкинми?
Кафил бўлиш учун ёзма шаклда кафиллик шартномаси тузилади. Бу шартномани эса бир томонлама бузиб бўлмайди. Шундай экан, кафилликдан бош тортиш имконсиз. Кафил ишини йўқотиши, касаллик, фарзанди учун контракт тўлаши, кафиллик берган таниши билан ораси бузилиши ёки бошқа сабаблар шартномани бузишга асос бўлмайди.
5. Қандай қилиб кафилликни бекор қилиш мумкин?
Қачон кафиллик бекор бўлади?
Биринчи ҳолатда, қарз (кредит) ёпилса.
Иккинчи ҳолатда, кафилнинг жавобгарлиги унинг розилигисиз оширилса ёки бошқа ноқулай оқибатларга олиб келса.
Учинчи ҳолатда, кафиллик берилган одам кафилнинг розилигисиз ўзгарса.
Тўртинчи ҳолатда, кредитор келишилган пул ёки хизматни қабул қилмаса.
Бешинчи ҳолатда, кафиллик муддати тугаса.
6. Кафилнинг ўзи кредит ололадими?
Мумкин, аммо доим ҳам эмас. Бу қарор банкнинг кредит сиёсатига ва кафилнинг кредитга лаёқатлилигини баҳолашга боғлиқ бўлиб, бу ҳолда қарз олувчи сифатида баҳоланади.
Агар қарз олувчи бошқа кредит бўйича кафиллик бўлса, банкнинг кредит бериш тўғрисидаги қарорига қуйидаги омиллар таъсир қилиши мумкин:
кафиллик бўйича ажратилган кредит суммаси;
сўралган кредит миқдори;
кредитнинг муддати ва уни қайтаришгача бўлган муддат;
даромад миқдори – кафил даромади иккала кредит бўйича ойлик тўловларни амалга ошириш учун етарли бўлиши керак.
Шу билан бирга, қарз олувчининг қарз юки кўрсаткичи 50 фоиздан ошмаслиги керак.
7. Бир пайтда иккита қарздорга кафил бўлиш мумкинми?
Ушбу масала банкнинг кредит сиёсати ҳамда асосий қарз олувчининг кредитга лаёқатлилигини баҳолаш натижаларига боғлиқ. Натижалар банкнинг сиёсатига мос бўлган тақдирда кафилликка рухсат берилади.
8. Кафил қарздорнинг кредитини ёпиб қўйса, нима бўлади?
Бундай ҳолатда банкнинг кредит бўйича барча ҳуқуқлари кафилга ўтади. Аммо кафилнинг ҳуқуқлари у банкка тўлаган пул миқдори билан чекланади. Эндиликда кафил қарз берувчи ҳисобланади. У қарздордан фоизлар, бундан ташқари, ўзига етган зарарни қоплашни талаб қилиши мумкин.
9. Кафил ўзининг кафиллиги учун пул сўраши мумкинми?
Мумкин, агар қарздор ва кафил ўртасидаги шартномада бошқача шарт бўлмаса. Кафиллик учун тўлов миқдори ўзаро келишилади.
10. Кафил бўлишдан олдин қандай маълумотларни аниқлаштириб олиш керак?
Биров қарзини қайтиришини кафолатлаш жиддий қарор. Қарорнинг жиддийлиги кредит миқдорига қараб ошиб бораверади. Шунинг учун кафиллик берилаётган ҳар бир ҳолатда ҳиссиётларга берилмай вазиятни таҳлил қилиш керак.
Вазиятни қуйидаги маълумотлар асосида баҳолаш мумкин.
кредит суммаси ва фоизи;
кредит муддати;
кредит тури ва мақсади;
кредит тўлов графиги бўйича суммаси
кредит таъминотига бошқа гаров мулклари қўйилган ёки қўйилмаганлиги;
кафиллик берилаётган кишини бошқа кредитлари бор ёки йўқлиги;
кафиллик берилаётган кишининг ойлик даромадлари;
кафиллик берилаётган кишини шахсий характери: пунктуаллиги, тартиблилиги, ҳисоблилиги.
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
Қишки таътил вақтида мактаб раҳбарлари ва ўқитувчиларидан қандай иш тартиби талаб қилинади?
@Yurist_Xizmati 4880-савол:
Assalomu alaykum!Bir necha kundan keyin MMTBda qishki ta'til boshlanadi. Ta'til payti maktab rahbarlari va oʻqituvchilardan qanday ish tartibi talab qilinadi?
ЮРИСТ ЖАВОБИ:
Қишки таътил вақтида мактаб раҳбарияти ва ўқитувчилар ўзларининг лавозим мажбуриятларини бажаришади. Гарчи ўқитувчилар қишки таътил вақтида дарс ўтмаса-да педагогик юкламани бажаради.
Ўзбекистон Республикаси Мактабгача ва мактаб таълими вазирининг 2024 йил 16 октябрдаги 334-сонли буйруғига 43 – иловада тасдиқланган Умумий ўрта таълим мактаби (мактаб-интернат) ходимларининг лавозим йўриқномаларида лавозим мажбуриятлари белгиланган. Ушбу буйруққа кўра педагог ходимнинг мажбуриятлари фақат дарс бериш эмас, унда бир қатор бошқа мажбуриятлар ҳам бор.
Шунга кўра, таътил вақтида ўқитувчилар ўзларининг бошқа мажбуриятларини бажаради.
Қаранг! 1 стаква миқдорда (юқори синфларда 20, бошланғич синфларда 18 соат) ишлайдиган ўқитувчи Меҳнат кодексининг 184-моддасига кўра ҳафтасига 36 соат ишлаши керак.
Умумий ўрта таълим муассасаларининг педагогик мутахассисликлари бўйича намунавий йиллик иш режасини шакллантириш тартиби тўғрисидаги Йўриқномага (рўйхат рақами 3058) 4-бандига асосан умумий ўрта таълим муассасаси педагог ходимининг йиллик иш юкламаси қуйидагича ҳисоблаб чиқилади:
1-4-синфлар учун белгиланган бир ставка миқдоридаги иш юкламаси ҳафталик ҳажмини 1 коэффициентга кўпайтириш орқали, яъни:
- 18х1=18+18=36х4,3(ҳафта)=154,8х43 (ҳафта)=1548 соат;
5-11-синфлар учун белгиланган бир ставка миқдоридаги иш юкламаси ҳафталик ҳажмини 0,8 коэффициентга кўпайтириш орқали, яъни:
- 20х0,8=16+20=36х4,3(ҳафта)=154,8х43 (ҳафта)=1548 соат.
Юқоридаги қоидага кўра ўқитувчи тариф бўйича олган соатларига мутаносиб равишда педагогик юкламани бажариш учун мактабга келади ва белгиланган соатларни ишни бажаради.
Шунинг учун ўқитувчиларга МК 244-моддасига асосан иш ҳақи тўланади.
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
⚡️Энди тоифасини оширган педагоглар рағбатлантирилади, уларга тўплаган балига қараб 70 фоизгача устама берилади.
Давлатимиз раҳбарига мактабгача ва мактаб таълими тизимида 2025 йилда амалга ошириладиган устувор вазифалар бўйича ахборот берилди.
Бунинг учун:
➖ Вилоятлардаги 5 та Педагогик маҳорат маркази замонавий шароитда иш бошлайди. Барча марказлар ситуацион ўқув техникалари ва виртуал лаборатория билан жиҳозланади.
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
❗️Ўқувчиларни дарс машғулотларидан сабабсиз чиқариб юбориш ёки киритмаслик мумкин эмас
Мактабгача ва мактаб таълими вазирининг 2023 йил 31 августдаги “Умумий ўрта таълим муассасасининг такомиллаштирилган намунавий одоб-ахлоқ қоидаларини тасдиқлаш тўғрисида”ги 282-сонли буйруғида мазкур меъёрлар белгиланган
Педагог ва ходимларга таълим муассасасида қуйидагилар тақиқланади:
👉 жамоа аъзолари ва бошқаларнинг шахсиятини, қадр-қимматини камситиш, руҳий, жисмоний ва бошқа зўравонлик кўрсатиш;
👉 ўқувчиларни дарс машғулотларидан сабабсиз чиқариб юбориш ёки киритмаслик;
👉 “Чиқиш” қўнғироғи чалингандан кейин ўқувчиларни сабабсиз синф хонасида ушлаб туриш;
👉 дарс машғулотларида диний ташвиқот олиб бориш;
👉 таълим муассасасига спиртли ичимликлар истеъмол қилган ҳолда келиш;
👉 таълим муассасасининг ҳудуди ва биносида спиртли ичимликлар ҳамда тамаки маҳсулотларини истеъмол қилиш;
👉 муассаса ҳудуди ва биносида ўқувчиларнинг таълим-тарбиясига алоқаси бўлмаган турли хил тадбирларни ташкил этиш;
👉 таълим муассасаларида ўтказиладиган барча тадбирлар ва уларга тайёргарлик ишларини дарс машғулотлари вақтида ўтказиш.
Саволингизни: @yuristgamurojaat ga қолдиринг
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
#Кадровик
Ходим ҳар йилги меҳнат таътилини олиши шарт. Меҳнат таътилини бериш эса иш берувчининг мажбурияти.
Меҳнат кодексининг 230-моддасига кўра, ҳар йилги меҳнат таътили ҳар йили, ушбу таътил берилаётган иш йили тугагунига қадар берилиши керак.
Мисол учун, ходим 25.12.2023 дан иш бошлаган. Унинг иш йили 25.12.2023 дан 24.12.2024 гача бўлади. Мисолимиз бўйича ҳар йилги меҳнат таътили таътил берилаётган иш йили тугагунига қадар, яъни 24.12.2024 гача (шу куни ҳам) берилиши керак.
Кўпчилик шу жойида календар йилга чалғиб кетиб, ходимни 31-декабргача таътилга чиқарсам бўлади деб, хато ўйлашади. Яъни, ходимни календар йил тугагунга қадар эмас, ходимнинг иш йили тугагунига қадар уни таътилга чиқариш шарт.
Саволингизни: @yuristgamurojaat ga қолдиринг
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
Savol: Maktabda o'qituvchiman. 2024-yil avgust-dekabr oylaridagi attestatsiyada qatnashib, oliy toifani oldim. Men 11-noyabr kuni dekret ta'tiliga chiqdim. Oliy toifa sertifikatim 16-dekabr kuni rasmiylashtirilgan ekan. Oliy toifaning oyligi ham sertifikat yuklangan kundan boshlab qayta hisoblanib dekret puliga qo'shiladimi? Maktab rahbariyati dekret puli qayta hisoblanmaydi dedi.
👉Mehnat kodeksining 243-moddasiga binoan, ish beruvchi tomonidan xodimning malakasiga, bajaradigan ishining murakkabligiga, miqdoriga, sifati va sharoitlariga qarab to‘lanadigan mehnat uchun mukofot summasi, shuningdek kompensatsiya xususiyatiga ega to‘lovlar (kompensatsiya xususiyatiga ega qo‘shimcha to‘lovlar va ustamalar, shu jumladan normal ish sharoitlaridan chetga chiqadigan sharoitlarda ishlaganlik, noqulay tabiiy-iqlim sharoitlarida ishlaganlik uchun shunday qo‘shimcha to‘lovlar va ustamalar hamda kompensatsiya xususiyatiga ega boshqa to‘lovlar) va rag‘batlantiruvchi to‘lovlar (rag‘batlantiruvchi xususiyatga ega qo‘shimcha to‘lovlar hamda ustamalar, mukofotlar va taqdirlovchi to‘lovlar) ish haqidir.
👉Shu o‘rinda, Vazirlar Mahkamasining 2024-yil 31-maydagi 314-son qarori bilan tasdiqlangan Vaqtinchalik mehnatga layoqatsizlik, homiladorlik va tug‘ish bo‘yicha nafaqalarni hamda yangi tug‘ilgan bolani farzandlikka olgan yoki unga vasiy qilib belgilangan xodimga nafaqani tayinlash hamda to‘lash tartibi to‘g‘risidagi nizomning 39-bandiga binoan, agar vaqtinchalik mehnatga layoqatsizlik yoki homiladorlik va tug‘ish ta’tili hamda yangi tug‘ilgan bolani farzandlikka olgan yoki unga vasiy qilib belgilangan xodimga beriladigan ta’til davrida ish haqi o‘zgargan bo‘lsa, shu davrdan boshlab nafaqa miqdori ham tegishli ravishda qayta hisoblab chiqariladi.
👉Shu bilan birga, Vazirlar Mahkamasining 2021-yil 17-sentabrdagi 572-son qarori bilan tasdiqlangan Maktabgacha, umumiy o‘rta, o‘rta maxsus, professional va maktabdan tashqari ta’lim tashkilotlari pedagog kadrlarini attestatsiyadan o‘tkazish tartibi to‘g‘risidagi nizomning 47-bandida navbatdagi majburiy va navbatdan tashqari attestatsiya natijalariga ko‘ra malaka toifasi (lavozimi) oshirilgan yoki saqlangan, shuningdek, navbatdagi majburiy attestatsiya natijalariga ko‘ra malaka toifasi (lavozimi) tushirilgan pedagog kadrlarning oylik ish haqlariga kiritiladigan o‘zgarishlar avtomatik tarzda hisoblab chiqarilishi uchun vakolatli vazirliklarning rasmiy veb-sayti UzASBO yoki boshqa moliyaviy hisob-kitob dasturlari hamda maktab boshqaruv (ERP) dasturlari bilan integratsiya qilinishi belgilangan.
⚠️Yuqoridagilardan kelib chiqib, homiladorlik va tug‘ish ta’tili davomida attestatsiya natijasi bo‘yicha malaka toifasi oshirilgan pedagogning homiladorlik va tug‘ish ta’tili nafaqasi miqdori qayta hisob-kitob qilinishi maqsadga muvofiq.
©️Huquqshunos Tolmas Kurokboyev
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
Декрет таътили тугамай ишга чиқиш мумкинми?
@Yurist_Xizmati 4878-савол:
Assalomu alaykum. Men Namangan viloyatidanman. Farzandim maktabda o'qituvchi bo'lib ishlaydi. 2024 - yil 14- oktabrdan dekret ta'tiliga chiqdi. 26-oktabrda farzandi tug'ruq jarayonida vafot etdi. Qizim dekret ta'tili uchun pul olgan. Savolim: Qizim muddati tugamay ta'tildan ishga qaytishii mumkinmi.? Agar ishga qaytsa, ta'til pulini qaytarish kerakmi.? Dekret ta'tili 16 fevralgacha Muddatudan oldin ishga qaytishni qanday yo'l-yo'riqlar ibor? Javoblar ushun oldindan rahmat.
ишга қабул қилинган кундан 12 ойгача иш стажига эга бўлганда — ўртача ойлик иш ҳақининг 75 фоизи;
ишга қабул қилинган кундан 12 ойдан ортиқ иш стажига эга бўлганда — ўртача ойлик иш ҳақининг 100 фоизи миқдорида тўланади.
❗️Ҳафтанинг ҳар пайшанба куни жисмоний тарбия ва спорт куни сифатида белгиланди
#Кадровик
Сиртқи таълимда ўқиётганлар учун алоҳида ўқув таътиллари берилади
Иш берувчилар томонидан сиртқи таълимда ўқиётган ходимларга ўқиш даврида меҳнат таътилини олишни талаб қилишаётганини ёзишмоқда. Шу ўринда иш берувчиларга сиртқи таълимда ўқиётган ходимларнинг ўқув таътили олиш ҳуқуқлари борлигини эслатиб ўтмоқчимиз.
Меҳнат кодексининг 385-моддасига асосан олий ва ўрта махсус, касб-ҳунар таълими ташкилотларида кечки ёки сиртқи таълим шакли бўйича ўқиётган ходимларга лаборатория-имтиҳон сессияларида иштирок этган давр учун ўқув таътиллари:
➖олий таълим ташкилотларида кечки таълим шаклида ўқиётган биринчи ва иккинчи курс талабаларига — камида йигирма календарь кун, ўрта махсус, касб-ҳунар таълими ташкилотларида — камида ўн календарь кун, олий ва ўрта махсус таълим ташкилотларида сиртқи таълим шаклида ўқиётганларга эса — камида ўттиз кун;
➖олий таълим ташкилотларида кечки таълим шаклида учинчи ва ундан юқори курсларда ўқиётганларга — камида ўттиз календарь кун, ўрта махсус, касб-ҳунар таълими ташкилотларида — камида йигирма календарь кун, олий ва ўрта махсус таълим, касб ҳунар таълими ташкилотларида сиртқи таълим шаклида ўқиётганларга эса камида қирқ календарь кун муддатга ўртача иш ҳақи сақланган ҳолда ҳар йили берилади.
❗️Ишни ўқиш билан бирга олиб бораётган ходимларга навбатдаги меҳнат таътиллари улар ўқув таътилларидан фойдаланганлигидан қатъи назар берилади.
Саволингизни: @yuristgamurojaat ga қолдиринг @TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
#Кадровик
Меҳнат дафтарчасини беришимиз шартми?
Bir xodimimiz 3 oy oldin vafot etdi. Bugalterimiz mehnat daftarchsini pochta orqali berib yuborishimizni aytmoda. Mehnat daftarchasini berishimiz shartmi?
📍ЖАВОБ:
Меҳнат кодексининг 171-моддасига асосан Иш берувчи меҳнат шартномаси бекор қилинган куни ходимга унинг меҳнат дафтарчасини ёхуд электрон меҳнат дафтарчасидан кўчирмани, шунингдек меҳнат шартномасини бекор қилиш тўғрисидаги буйруқнинг кўчирма нусхасини бериши шарт. Иш берувчи ходимнинг ёзма аризасига кўра унга иш билан боғлиқ ҳужжатларнинг тегишли равишда тасдиқланган кўчирма нусхаларини ҳам бериши шарт.
Меҳнат шартномаси бекор қилинган куни ходим йўқ бўлганлиги ёки ҳужжатларни олишни рад этганлиги муносабати билан унга меҳнат дафтарчасини ёхуд электрон меҳнат дафтарчасидан кўчирмани ҳамда меҳнат шартномасини бекор қилиш тўғрисидаги буйруқнинг кўчирма нусхасини бериш имконияти бўлмаган тақдирда, иш берувчи кейинги иш кунидан кечиктирмай ходимга меҳнат дафтарчасини олиш учун келиши ёхуд меҳнат дафтарчаси почта орқали юборилишига розилик бериши зарурлиги ҳақида билдиришнома юбориши шарт.
Эътибор қилган бўлсангиз ходимга у ишдан бўшаганда унинг меҳнат дафтарчаси иш берувчи томонидан берилиши шарт. Бироқ ходимнинг меҳнат дафтарчаси ва бошқа ҳужжатларини почта орқали жўнатманг. Сабаби юқоридаги модда талаби бўйича ҳужжатлар тўғридан тўғри почта орқали юборилишини тақиқлайди аввал билдиришнома юбориш талабини қўяди.
ДЕКРЕТ ПУЛИ 100% ТЎЛАНМАЙДИМИ?
❓Фуқародан келган мурожаат:
Ишга кирганимга 10 ой бўлди, бухгалтер сиз 12 ойдан кам ишлагансиз деб, 75 фоиз декрет пули чиқади, деб тушунтириш бермоқда. Бу тўғрими?
Жавоб:
Ўзбекистон Республикаси Президентининг 27.12.2016 йилдаги ПҚ-2699-сон қарорида белгиланган ишланган даврга боғлиқ ҳолда ҳомиладорлик ва туғиш бўйича нафақалар миқдорига тааллуқли ўзгартиришлар киритилган.
Ўзгартириш киритилишидан олдин “декрет пули”нинг тўланиши қуйидагича эди:
• 6 ойгача – ўртача ойлик иш ҳақининг 50%и;
• 6 дан 12 ойгача – 75%и;
• 12 ойдан ортиқ – 100%и.
Ўзгартиришлар Президентнинг 04.04.2018 йилдаги ПФ-5398-сон Фармони билан киритилган.
📌 Киритилган ўзгартиришда 6 ойгача бўлган иш стажида нафақаларни тўлаш тартиби бекор қилинган ва ишга қабул қилинган кундан бошлаб 12 ойдан кам иш стажи бўлганда нафақанинг ягона миқдори ўртача ойлик иш ҳақининг 75% қилиб белгиланган.
✅ Яъни, ходим иш жойида ишлаётганлигига 1 йил тўлмаса, унинг “декрет пули” ўртача ойлик иш ҳақининг 75%и бўйича ҳисоблаб чиқарилади. 12 ойдан ортиқ ишлаганларга эса ўртача ойлик иш ҳақи миқдорининг 100%и тўлаб берилади.
Сизга ҳам бу иш жойингизда ишлаётганлигингизга 12 ой тўлмаганлиги сабабли ўртача ойлик иш ҳақининг 75 %и миқодирида “декрет пули” берилади.
Саволингизни: @yuristgamurojaat гa қолдиринг @TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
#Кадровик
Қисқаришга тушиб меҳнат шартномасини бекор қилиш муддати келган ходимларга эслатма!
Кўплаб ҳудудларда қисқаришга тушган ходимларнинг меҳнат шартномалари бекор қилиниш вақти келган. Шу сабабли иш берувчилар улар билан меҳнат шартномаларини бекор қилишни бошлаб юборишган. Шундай бўлса-да, сизларга меҳнат кодексида белгиланган ҳуқуқларингизни эслатиб ўтмоқчиман.
Меҳнат кодексининг 173-моддасида 2-қисми 1-бандга асосан иш берувчининг ташаббусига кўра, бекор қилинганда ишдан бўшатиш нафақаси тўланиши белгиланган.
Ишдан бўшатиш нафақасининг миқдори мазкур иш берувчидаги иш стажига боғлиқ бўлади ва у:
👉 уч йилгача иш стажига эга бўлган ходимлар учун — ўртача ойлик иш ҳақининг эллик фоизидан;
👉 уч йилдан беш йилгача иш стажига эга бўлган ходимлар учун — ўртача ойлик иш ҳақининг етмиш беш фоизидан;
👉 беш йилдан ўн йилгача иш стажига эга бўлган ходимлар учун — ўртача ойлик иш ҳақининг юз фоизидан;
👉ўн йилдан ўн беш йилгача иш стажига эга бўлган ходимлар учун — ўртача ойлик иш ҳақининг бир юз эллик фоизидан;
👉 ўн беш йилдан ортиқ иш стажига эга бўлган ходимлар учун — ўртача ойлик иш ҳақининг икки юз фоизидан кам бўлиши мумкин эмас.
Яна бир муҳим қоида агар сиз меҳнат шартномаси бекор қилинганидан кейин ўттиз календарь кун ичида маҳаллий меҳнат органида иш қидираётган шахслар сифатида рўйхатдан ўтсангиз маҳаллий меҳнат органи томонидан берилган маълумотнома бўйича учинчи ой учун ҳам аввалги иш жойидан ўртача ойлик иш ҳақини олиш ҳуқуқига эга бўласиз. (МК 100-модда 4-қ)
Саволингизни: @yuristgamurojaat гa қолдиринг @TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
#Кадровик
Иш берувчи билан меҳнат шартномасини бекор қилиш юзасидан баҳслашув.
Кеча бизга мурожаат қилган бир иш берувчи билан конструктив баҳсга киришиб қолдик. Уларнинг ҳолатида ишхонасидаги бир ходим билан иш берувчининг ташаббусига кўра меҳнат шартномаси бекор қилинаётган бўлган. Шу вазиятда МКнинг 164-моддаси талаби бўйича иш берувчи касаба уюшмасига талабнома чиқаради. Бироқ касаба уюшмаси орадан 15 кун ўтишига қарамай мажлисда бу масалани кўриб чиқмайди ва иш берувчига хабардор қилмайди.
Мазкур ҳолатда иш берувчи МКнинг 164-модда 3-қисми билан касаба уюшмасининг розилигисиз ходимни ишдан бўшатмоқчи бўлади ва биздан маслаҳат сўрайди.
Мкнинг 164-моддаси 3-қисмида нима дейилган? Унга кўра, касаба уюшмаси қўмитаси ходим билан меҳнат шартномасини бекор қилишга розилиги масаласи бўйича қабул қилинган қарор ҳақида меҳнат шартномасини бекор қилиш ҳуқуқига эга бўлган мансабдор шахснинг ёзма тақдимномаси олинган кундан эътиборан ўн кунлик муддатда иш берувчига хабар қилиши керак. Агар кўрсатилган муддат тугаганидан кейин касаба уюшмаси қўмитаси қабул қилинган қарор ҳақида хабар қилмаса, иш берувчи ходим билан тузилган меҳнат шартномасини ушбу Кодексда белгиланган тартибда касаба уюшмаси қўмитасининг розилигисиз бекор қилишга ҳақли.
Яъни мазкур нормага эътибор берган бўлсангиз нормада "қабул қилинган қарор ҳақида хабар қилмаса" деган жумла қўлланган, яъни бу ерда норманинг талаби шуки, касаба уюшмаси йиғилиш қилиб қарор қабул қилиши керак ва бу қарор ҳақида иш берувчини огоҳлантириши керак.
Яъни касаба уюшмасининг ўтказилмаган йиғилиши ва қилинмаган қарори иш берувчига ходимни касаба уюшмасининг қарорисиз бўшатиш ҳуқуқини бермайди.
Саволингизни: @yuristgamurojaat гa қолдиринг @TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
#Биласизми
Педагог ходимларга таълим муассасасида қуйидагилар тақиқланади
Мактабгача ва мактаб таълими вазирининг 2023 йил 31 августдаги “Умумий ўрта таълим муассасасининг такомиллаштирилган намунавий одоб-ахлоқ қоидаларини тасдиқлаш тўғрисида”ги 282-сонли буйруғида мазкур меъёрлар белгиланган.
Шунга кўра, педагогларга таълим муассасасида қуйидагилар тақиқланади:
жамоа аъзолари ва бошқаларнинг шахсиятини, қадр-қимматини камситиш, руҳий, жисмоний ва бошқа зўравонлик кўрсатиш;
ўқувчиларни дарс машғулотларидан сабабсиз чиқариб юбориш ёки киритмаслик;
“Чиқиш” қўнғироғи чалингандан кейин ўқувчиларни сабабсиз синф хонасида ушлаб туриш;
таълим муассасасига спиртли ичимликлар истеъмол қилган ҳолда келиш;
таълим муассасасининг ҳудуди ва биносида спиртли ичимликлар ҳамда тамаки маҳсулотларини истеъмол қилиш;
муассаса ҳудуди ва биносида ўқувчиларнинг таълим-тарбиясига алоқаси бўлмаган турли хил тадбирларни ташкил этиш;
таълим муассасаларида ўтказиладиган барча тадбирлар ва уларга тайёргарлик ишларини дарс машғулотлари вақтида ўтказиш.
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
