4691
Тошкент вилояти таълим ва фан тизимидаги касаба уюшма аъзолари учун ҳуқуқий, услубий тавсия ва маслаҳатлар.
Технология ўқитувчиси физика фанидан дарс берса бўладими?
@Yurist_Xizmati 4861-савол:
Texnologiya fani o'qituvchisiman. Ma'lumotim oliy. Toifam 1, Ish stajim 20 yil. Fizika fanidan dars bersam bo'ladimi?
ЮРИСТ ЖАВОБИ:
Мактабгача ва мактаб таълими вазирининг 16.08.2023 йилдаги 247- сонли буйруғига кўра мактабга педагог ходимларни ишга қабул қилишда қуйидаги мезонларга риоя қилиш лозим:
Бошланғич синф ўқитувчиси лавозимига - бошланғич таълим ихтисослиги бўйича камида ўрта махсус педагогик маълумот ёки камида бакалавр даражасидаги олий маълумот ва бошланғич таълим ихтисослиги бўйича дарс бериш ҳуқуқи билан касбий қайта тайёрлов курсини тугатган мутахассислар;
Фан ўқитувчиси лавозимига - фан йўналишига тўғри келувчи камида бакалавр даражасидаги олий педагогик маълумот ёки камида бакалавр даражасидаги олий маълумот ва фан йўналишига тўғри келувчи педагогик фаолият юритиш ҳуқуқи билан қайта тайёрлов курсини тугатган мутахассислар.
Yaqinda ishdan bo‘shadim, lekin 2020-2021-yillarda mehnat ta’tiliga chiqmaganman. Foydalanilmagan ta’tillarni olish tartibi qanday?
Mehnat kodeksining 234-moddasiga asosan, mehnat shartnomasi bekor qilinganda xodimga foydalanilmagan barcha yillik asosiy va qo‘shimcha ta’tillar uchun pullik kompensatsiya to‘lanadi.
Shunga ko'ra, 2020-2021-yillar mobaynidagi ish davrida foydalanilmagan mehnat ta’tillari uchun sizga pullik kompensatsiya to‘lab beriladi.
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
❓Assalom aleykum. Homiladorlik va tug'ruq ta'tili muddati tugaganligi sababli xodimni ishga chiqishi uchun qaysi mehnat qonunchiligini asos qilsak bo'ladi?
👉Assalomu alaykum! Mehnat kodeksining 404-moddasiga ko‘ra ayolga tug‘ruqqacha 70 kalendar kun hamda tug‘ruqdan keyin 56 kalendar kun (tug‘ish qiyin kechgan yoxud ikki yoki undan ortiq bola tug‘ilgan taqdirda 70 kalendar kun) homiladorlik va tug‘ish ta’tili berilishi belgilangan va ushbu davrda qonunchilikda belgilangan, lekin o‘rtacha oylik ish haqining yetmish besh foizidan kam bo‘lmagan miqdorda nafaqa to‘lanadi.
👉Homiladorlik va tug‘ish ta’tili ayolga jamlangan holda hisoblab chiqarilib, tug‘ruqqacha haqiqatda foydalanilgan kunlar sonidan qat’i nazar, to‘liq beriladi.
⚠️Ushbu ijtimoiy ta’til muddatining tuguganligining o‘zi, xodimni ishga chiqishiga asos bo‘ladi, bunga alohida ❌buyruq qabul qilinmaydi.
☂️Mehnat kodeksining 405-moddasi bo‘yicha BPTga chiqish yoki chiqmaslik xodimning xohishiga ko‘ra amalga oshiriladi.
☂️Agar xodim farzandi 2 yoshga to‘lgunga qadar bolani parvarish ta’tiliga chiqqan bo‘lsa ham u istagan vaqtda ishga chiqishi va to‘liqsiz ish kunida ishlashi mumkin bunga asos sifatida Mehnat kodeksining 405-moddasi to‘rtinchi qismini qo‘llaniladi. @TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
Камбағал оилалар фарзандларининг таълим олиши ва касб ўрганиши учун имкониятлар янада кенгайтирилади
Prezident.uz|Facebook|Instagram|YouTube|X
37 млн 500 минг сўм бир марталик моддий ёрдам кимларга берилади?
@Yurist_Xizmati 4858-савол:
Ассалому алайкум! Мени касбим ўқитувчи. Мен бир маротабалик ёрдам пули олиш учун қаерга мурожат қилишим керак. Мен 2 гурух ногирони. Боқувчим йуқ.Хозирда яшайдиган уйим меники эмас.
ЮРИСТ ЖАВОБИ:
Ногиронлиги бўлган шахснинг ва таркибида ногиронлиги бўлган шахс бор оиланинг электрон онлайн-ауцион орқали ер участкасини сотиб олиш билан боғлиқ харажатларини қоплаб бериш тартиби тўғрисидаги Низом 5-бандига кўра бир марталик тўлов ер участкасини ауцион орқали сотиб олиш харажатларидан келиб чиққан ҳолда, оиласи таркибида ногиронлиги бўлган шахслар сонидан қатъи назар, базавий ҳисоблаш миқдорининг 100 баравари (37 500 000 сўм)гача миқдорда ажратилади.
Бунда ер участкасини ауцион орқали сотиб олиш харажатлари миқдори базавий ҳисоблаш миқдорининг 100 бараваригача бўлганда тўлиқ, харажатлар миқдори ушбу чегарадан юқори бўлган ҳолларда эса — харажатларнинг базавий ҳисоблаш миқдорининг 100 бараваригача бўлган қисми қоплаб берилади.
Ушбу низомга кўра ариза берувчи бир марталик тўловни олиш учун “Инсон” ижтимоий хизматлар марказларидаги ижтимоий ходимлар гуруҳларига ўзи келган ҳолда ёки Ўзбекистон Республикаси Ягона интерактив давлат хизматлари портали орқали мурожаат қилади.
Демак, сиздаги ҳолатда ушбу имтиёзни олиш учун сиз Инсон марказига ўзингиз боришингиз мумкин ёки my.gov.uz сайти орқали ариза беришингиз мумкин.
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
#amaliyot
Ички меҳнат тартиби қоидалари касаба уюшма қўмитаси билан келишилмаган бўлса...
МК 296-моддасида “ички меҳнат тартиби қоидалари ушбу Кодекснинг 15-моддасига мувофиқ иш берувчи томонидан касаба уюшмаси қўмитаси билан келишилган ҳолда тасдиқланади” дейилган.
Бунга кўра, ички меҳнат тартиби қоидаларини тасдиқлашдан аввал у ташкилотдаги касаба уюшмаси қўмитаси билан келишилган бўлиши керак.
Олий суд Пленумининг 2023 йил 20 ноябрдаги 26-сонли қарори 36-бандида "агар ташкилотда ички меҳнат тартиби қоидалари бўлмаса ёки бу қоидаларни қонунда белгиланган тасдиқлаш тартиби (МКнинг 296-моддаси) бузилган бўлса..., МК 161-моддаси иккинчи қисмининг 5-бандига кўра ходим билан меҳнат шартномаси бекор қилинишига йўл қўйилмайди" деган қоида бор.
❗️Ўқувчи дарс вақтида телефондан фойдаланса, қандай чора кўриш мумкин?
@Yurist_Xizmati 4857-савол:
Salom savolim bor edi. Men maktabda tarix fanidan dars beraman. Savolim shuki sinfda dars vaqtida o‘quvchilar telefon o‘ynab o‘tirsa va o‘qituvchiga bo‘ysunmasa telefo‘nni o‘qituvchiga topshirishdan bosh tortsa o‘quvchi telefonni o‘chirib yoki ovozsiz rejimga qo‘ymasa umuman o‘qituvchiga bo‘ysunmasa va telefo‘nni o‘qituvchiga topshirishdan bosh tortsa. Malumki o‘qituvchi o‘quvchiga kuch ishlatishi mumkin emas. Endi bu vaziyatda o‘qituvchi qonunan nima qilishi kerak. Bitta shu telefon topshirmagan o‘quvchiga chora ko‘raman bayonnoma tuzaman deb yursa dars mashg‘uloti qolib ketadi qolgan tarbiyali o‘quvchilarga dars o‘tishi kerak. Darsda bitta o‘quvchining telefonini olaman deb yursa dars vaqti tugab qoladi. dars mashg‘ulotlari qolib ketadi. shu vaziyatda qonuniy nima qilish mumkin o‘quvchini darsdan chiqarib yuborish mumkin emas. o‘quvchi telefon topshirishdan bosh tortyabdi kuch ishlatib bo‘lmaydi. Bunday vaziyatda qonuniy nima qilish mumkim?
Якка тартибда дарс ўтувчи ўқитувчиларга қандай ҳақ тўланади?
@Yurist_Xizmati 4855-савол:
Assalomu alaykum. Uyda yakka tartibda ta'lim oluvchi o'quvchilar uchun borib dars o'tayotgan o'qituvchilar uchun ish xaqqi ta'til kunlari uchun ham to'lanadimi
Yoki faqat soatbay qilib to'lanadimi? Oldingi o'quv yilida uy ta'limi uchun ajratilgan soat asosiy ish xaqqi uchun qo'shilgan edi. Bu o'quv yilida ham shunday boshlangan edi. Lekin nayabr oyida uy ta'limi uchun borib o'tgan dars soatingizni yozib bering deyildi. Shunda bu oydan boshlab yana uy ta'limi uchun soatbay to'lanadimi? Ta'til kunlari uchun xaq to'lanmaydimi? Yoki bildirgiga ta'til kunlaridagi soatlarni ham qo'shib yozamizmi?
Расман: Мактабларда дарсларни бўлиб ўтишга рухсат берилди
Маълумки, Вазирлар Маҳкамасининг 2005 йил 21 декабрдаги қарори билан тасдиқланган "Халқ таълими ходимлари меҳнатига ҳақ тўлаш тўғрисида"ги Низомга 2022 йил 2 августда Вазирлар Маҳкамасининг 425-сонли қарори билан ўзгартириш киритилганди.
Яъни, низомнинг 22-бандида бўлиб ўқитиладиган барча фанлар бўйича гуруҳлардан бирининг ўқитувчиси турли сабабларга кўра дарсда бўлмаган ҳолатларда гуруҳлар қўшиб ўқитилиши ҳамда қўшиб ўқитганлиги учун қўшимча ҳақ тўловлари амалга оширилмаслиги белгиланганди.
Бу қоида киритилганидан сўнг бўлиб ўқитиладиган фан ўқитувчиларига анча қийин бўлиб қолди.
💁♂️ Киритилган ўзгаришларда эса "вақтинча дарсда бўлмаган" ўқитувчининг айнан қанча муддат иш жойида бўлмаслиги унинг шеригига қўшимча ҳақ тўланмасликка асос бўлишига изоҳ берилмади. Оқибатда ўқитувчининг шериги айрим сабабларга кўра ойлаб ишда бўлмаса ҳам уларга қўшимча ҳақ тўланмай келинди.
✅ Эндиликда мактабда тегишли фанлар бўйича ўқитувчи мавжуд бўлса, бўлиб ўқитишга рухсат этилади.
Ўзбекистон Республикаси Президентининг 2024 йил 30-сентябрдаги ПҚ-346-сонли қарорининг 3-иловаси билан Вазирлар Маҳкамасининг 2005 йил 21 декабрдаги 275-сон қарорининг 22-бандига қуйидагича таҳрирланди:
➖Бўлиб ўқитиладиган фанлар бўйича гуруҳлардан бирининг ўқитувчиси турли сабабларга кўра дарсда бўлмаган ҳолатларда гуруҳлар қўшиб ўқитилади ҳамда қўшиб ўқитганлиги учун қўшимча ҳақ тўловлари амалга оширилмайди.
Боқувчиси вафот этганда зарарни қаплаш масаласи
Ўтган кун қабулимизга бир аёл келганди. Турмуш ўртоғи иш жараёнида ўз вазифасини бажариш чоғида майиб бўлиб вафот этган. Турмуш ўртоғи оилада ёлғиз боқувчи бўлиб, 2 та вояга етмаган фарзанди бўлган. Иш берувчига мазкур масалада мурожаат қилганда ҳеч қандай пул тўланмаслигини айтиб хонадан чиқарган. Аслида Меҳнат кодекси бундай ҳолатга тушганларга нима дейди? Уларнинг ҳуқуқлари қонунчиликда қандай кафолатланган? Келинг, бирма-бир тўхталиб ўтамиз, зора шу постимиз орқали мазкур муаммога дуч келган обуначиларимизга ҳам фойдали бўлади.
Мкнинг 327-моддасига асосан Боқувчи бўлган ходим меҳнат мажбуриятларини бажариши билан боғлиқ бўлган меҳнатда майиб бўлганлиги, касб касаллиги ёки соғлиққа етказилган бошқа шикаст туфайли вафот этган тақдирда иш берувчи қуйидаги шахсларга зиённинг ўрнини қоплаши шарт:
👉 марҳумнинг қарамоғида бўлган меҳнатга қобилиятсиз шахсларга, шунингдек ўн саккиз ёшга тўлмаган шахсларга ёки унинг вафот этган кунига қадар ундан таъминот олиш ҳуқуқига эга бўлган шахсларга;
👉 марҳумнинг вафотидан кейин туғилган фарзандига;
👉 ота-онасидан бирига (ота-онанинг ўрнини босувчи шахсга), эрига (хотинига) ёки бошқа оила аъзосига, агар у ишламаётган бўлса ҳамда марҳумнинг ўн тўрт ёшга тўлмаган ёки бу ёшга тўлган бўлса-да, аммо тиббий муассасаларнинг хулосасига кўра соғлиғи ҳолати бўйича ўзгаларнинг парваришига муҳтож бўлган болаларини, ака-укаларини, опа-сингилларини ёки набираларини парвариш қилиш билан банд бўлса.
Боқувчи вафот этганлиги муносабати билан етказилган зиённинг ўрнини иш берувчи томонидан қоплаш муддати (МК 328-м)
👉 вояга етмаган шахсларга — ўн саккиз ёшга тўлгунига қадар;
👉 ўн саккиз ёшдан ошган ўқувчиларга — кундузги таълимни тугатгунига, лекин кўпи билан йигирма уч ёшга тўлгунига қадар;
👉 эллик беш ёшдан ошган аёлларга ва олтмиш ёшдан ошган эркакларга — умрбод;
👉 ногиронлиги бўлган шахсларга — ногиронлик муддатига;
👉 марҳумнинг қарамоғида бўлган болаларини, набираларини, ака-укалари ва опа-сингилларини парваришлаш билан банд бўлган ота-онасидан бирига, эрига (хотинига) ёки бошқа оила аъзосига — қарамоғидаги шахслар ўн тўрт ёшга тўлгунига қадар.
Бундай вазиятда иш берувчи томонидан қандай тўловлар тўланиши керак? (МК 329-м)
👉 бир йўла бериладиган нафақани;
👉 боқувчининг йўқотилган иш ҳақи ўрнини қоплаш учун амалга ошириладиган ҳар ойлик тўловларни;
👉 қўшимча харажатларни компенсация қилиш керак.
Бир йўла тўлаб бериладиган нафақа қанча бўлиши керак? (МК 330-м)
Меҳнатда майиб бўлганлик ёки касб касаллиги туфайли боқувчи вафот этганлиги муносабати билан бир йўла бериладиган нафақанинг миқдори жамоа шартномасида, агар у тузилмаган бўлса, иш берувчи ва касаба уюшмаси қўмитаси ўртасидаги келишувга биноан белгиланади. Боқувчи вафот этганлиги муносабати билан бир йўла бериладиган нафақанинг миқдори марҳумнинг ўртача йиллик иш ҳақининг олти бараваридан кам бўлмаслиги керак.
Боқквчиси йўқолган шахсларга ҳар ойлик тўлов қанча бўлиши керак?
Боқувчининг йўқотилган иш ҳақи ўрнини қоплаш учун амалга ошириладиган ҳар ойлик тўловлар миқдори қанча бўлиши керак? (МК 331-м)
Вафот этган боқувчининг қарамоғида бўлган ва унинг вафоти муносабати билан етказилган зиённинг ўрни қопланишига доир ҳуқуққа эга бўлган меҳнатга қобилиятсиз шахсларга нисбатан зиённинг миқдори марҳумнинг ўртача ойлик иш ҳақи миқдорида, унинг ўзига тегишли бўлган улушни ва унинг қарамоғида бўлган, аммо зиённинг ўрни қопланишига доир ҳуқуққа эга бўлмаган меҳнатга қобилиятли шахсларнинг улуши чегириб ташланган ҳолда белгиланади.
Қандай ҳисобланишини кейинги постда ёритамиз
Саволингизни: @yuristgamurojaat гa қолдиринг
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
ДИПЛОМДА МУТАХАССИСЛИК БИР НЕЧТА БЎЛСА ЁКИ ИХТИСОСЛИК БЎЛСА, ПЕДАГОГ АТТЕСТАЦИЯДАН ҚАЙСИ ЙЎНАЛИШ БЎЙИЧА ЎТАДИ?
Жавоб:
Ўзбекистон Республикаси Вазирлар Маҳкамасининг 17.09.2021 йилдаги 572-сон қарори билан тасдиқланган Мактабгача, умумий ўрта, ўрта махсус, профессионал ва мактабдан ташқари таълим ташкилотлари педагог кадрларини аттестациядан ўтказиш тартиби тўғрисидаги низомга асосан педагог кадрлар олий маълумот олганлиги ёки қайта тайёрлаш курсларидан ўтганлиги ҳақидаги дипломда кўрсатилган тайёрлов, таълим йўналиши, мутахассислик ёки ихтисослигига мос келадиган ўқув фанлар бўйича аттестациядан ўтади.
Педагог кадрларнинг дипломида биттадан ортиқ тайёрлов ёки таълим йўналиши, мутахассислик ёки ихтисослик кўрсатилган бўлса, улар дарс бераётган ҳар бир ўқув фани бўйича алоҳида аттестациядан ўтади, профессионал таълим ташкилотларининг умумкасбий ва махсус фан ўқитувчилари бундан мустасно.
Профессионал таълим ташкилотларида:
• икки ёки ундан ортиқ умумкасбий ва махсус фанлардан дарс бераётган педагог кадрлар ўқув юкламаси кўп бўлган битта ўқув фани бўйича;
• бир нечта фандан ўқув юкламаси тенг миқдорда бўлган ҳолларда педагог кадр томонидан танланган ўқув фани бўйича аттестациядан ўтказилади.
Бунда профессионал таълим ташкилотлари умумкасбий ва махсус фан ўқитувчиларига аттестация натижалари бўйича берилган лавозими улар дарс бераётган фан соҳаси бўйича бошқа ўқув фанларига ҳам тегишли бўлади.
Саволингизни: @yuristgamurojaat гa қолдиринг
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
ДАРС СОАТИНИНГ СИНФ РАҲБАРЛИККА АЛОҚАСИ БОРМИ?
Фуқародан келган мурожаат:
Мактабда мутахассислигим бўйича 30 соат дарс ва синф раҳбарлик қилишим мумкинми? Ёки 30 соат дарси бор ўқитувчига синф раҳбарлик берилмайдими?
Жавоб:
“Умумтаълим муассасаларида синфларни комплектлаш ҳамда тарификация рўйхатларини шакллантириш тартиби тўғрисида”ги низомнинг 15-бандидаги кўрсаткичлар кетма-кетлиги асосида устунликка эга бўлган ўқитувчиларга дарс соатларининг максимал миқдорлари белгиланиши мумкин.
Мактабгача ва мактаб таълими вазирининг 2023-йил 27-июндаги 190-сонли буйруғи билан тасдиқланган "Умумий ўрта таълим муассасаси синф раҳбарининг йўриқномаси"га кўра синф раҳбари қуйидаги мезонларга асосан танлаб олинади:
камида 3 йиллик педагогик иш стажига эга бўлган;
мактабда асосий ишчи сифатида фаолият олиб бораётган;
бошқарувчанлик қобилиятига эга бўлган;
ўқувчилар билан ишлаш жараёнида масъулият билан ёндаша оладиган;
бошланғич синфларда синф раҳбарлиги бошланғич синфга бириктирилган ўқитувчиларга юклатилади.
Бунда умумтаълим муассасаларида меҳнатни соатбай (шу жумладан ўриндошлик) асосда фаолият олиб борувчи ўқитувчиларнинг синфга раҳбарлик қилишига йўл қўйилмайди.
Кўриб турганимиздек, синф раҳбарларини танлаб олиш мезонларида ўқитувчининг дарс соатлари миқдори кўрсатилмаган.
Яъни, синф раҳбарлик қилиш учун педагог ходимнинг қанча дарс соати олганлиги мутлақо аҳамиятсиз. 30 соат дарси бор ўқитувчи ҳам синф раҳбарлик қилиши мумкин.
Саволингизни: @yuristgamurojaat гa қолдиринг
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
ДАРС СОАТИНИНГ СИНФ РАҲБАРЛИККА АЛОҚАСИ БОРМИ?
Фуқародан келган мурожаат:
Мактабда мутахассислигим бўйича 30 соат дарс ва синф раҳбарлик қилишим мумкинми? Ёки 30 соат дарси бор ўқитувчига синф раҳбарлик берилмайдими?
Жавоб:
“Умумтаълим муассасаларида синфларни комплектлаш ҳамда тарификация рўйхатларини шакллантириш тартиби тўғрисида”ги низомнинг 15-бандидаги кўрсаткичлар кетма-кетлиги асосида устунликка эга бўлган ўқитувчиларга дарс соатларининг максимал миқдорлари белгиланиши мумкин.
Мактабгача ва мактаб таълими вазирининг 2023-йил 27-июндаги 190-сонли буйруғи билан тасдиқланган "Умумий ўрта таълим муассасаси синф раҳбарининг йўриқномаси"га кўра синф раҳбари қуйидаги мезонларга асосан танлаб олинади:
камида 3 йиллик педагогик иш стажига эга бўлган;
мактабда асосий ишчи сифатида фаолият олиб бораётган;
бошқарувчанлик қобилиятига эга бўлган;
ўқувчилар билан ишлаш жараёнида масъулият билан ёндаша оладиган;
бошланғич синфларда синф раҳбарлиги бошланғич синфга бириктирилган ўқитувчиларга юклатилади.
Бунда умумтаълим муассасаларида меҳнатни соатбай (шу жумладан ўриндошлик) асосда фаолият олиб борувчи ўқитувчиларнинг синфга раҳбарлик қилишига йўл қўйилмайди.
Кўриб турганимиздек, синф раҳбарларини танлаб олиш мезонларида ўқитувчининг дарс соатлари миқдори кўрсатилмаган.
Яъни, синф раҳбарлик қилиш учун педагог ходимнинг қанча дарс соати олганлиги мутлақо аҳамиятсиз. 30 соат дарси бор ўқитувчи ҳам синф раҳбарлик қилиши мумкин.
Саволингизни: @yuristgamurojaat гa қолдиринг
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
Иш ҳақи вақтида берилмаса, қандай чора кўриш мумкин?
@Yurist_Xizmati 4847-савол:
Assalomu alaykum!Hurmatli yurist. Men oliy ma'lumotli, birinchi toifali boshlangʻich ta'lim oʻqituv chisiman. Menga uy ta'limidan dars berilgan edi. Mana ikki oydirki ishlagan maoshimni olmayapman. Oktyabr oyida oʻrindoshlik asosida ham dars oʻtdim. Oylik maoshim chiqmadi. Sababini soʻrasam,baza qabul qilmayapti,siz yangi yildan maoshingizni olasiz deyishmoqda. Siz hech qayerga murojat qilmasdan turing deyishmoqda. Mening savolimga huquqiy javob bersangiz.
• халқ таълими муассасаларининг педагог ходимлари ва раҳбар ходимларининг ҳар бир лавозими ва малака тоифаси учун белгиланган базавий тариф ставкалари;
• ходимларга қонунчиликда белгиланган устамалар ва қўшимча тўловлар асосида шакллантирилади.
Ўқувчининг дарсдан ташқари вақтидаги хатти-ҳаракати учун синф раҳбарга чора кўрилиши тўғрими?
@Yurist_Xizmati 4845-савол:
10 синф укувчиси мактабдан, дарсдан ташкари вактда Уз.Р.ЖК нинг 169 моддасида курсатилган жиноятни содир этган, орадан 7 ой вакт утиб шу укувчини синф рахбарига хайфсан беришмокчи, бу канчалик тугри? холат дарсдан ташкари вактда содир этилган
ЮРИСТ ЖАВОБИ:
Амалиётда ўқувчи у хоҳ дарс вақтида бўлсин, хоҳ дарсдан ташқари, ёки ўқувчи мактаб ҳудудида ёки ота-онасининг қарамоғида бўлган вақтда бирор бир ҳуқуқбузарлик қилса, синф раҳбари дарров синф раҳбарликдан олинган ва ҳаттоки ишдан бўшатилган ҳолатлар кам кузатилган.
Аслида бу мутлақо нотўғри амалиёт.
Ўқувчиларнинг дарсдан ташқари пайтидаги хатти-ҳаракати учун синф раҳбари жавобгар булмайди.
Агар ўқитувчи содир этган ҳуқуқбузарликка ўқитувчи ёки синф раҳбар ундаган (мажбур қилган) ёки унга ҳайрихоҳлик қилган ҳолатдан ташқари ўқувчининг ҳаракатлари учун жавоб бериши нотўғри.
1️⃣ Биринчидан, Таълим тўғрисидаги қонун 51-моддасида вояга етмаган таълим олувчиларнинг ота-онаси ва бошқа қонуний вакилларининг бир қатор мажбуриятлари қайд этилган бўлиб, унга кўра юқоридаги шахслар:
👉 ўз болаларини инсонпарварлик, ватанпарварлик, меҳнатсеварлик, маънавий, миллий ва умуминсоний қадриятларни ҳурмат қилиш руҳида тарбиялаши;
👉 ўз болаларининг интеллектуал, маънавий ва жисмоний ривожланиши учун шарт-шароитлар яратиши;
👉 таълим-тарбия жараёни иштирокчиларининг шаъни ва қадр-қимматини ҳурмат қилиши шарт.
Мактаб ошхоналарида қандай маҳсулотларни тайёрлаш ва сотиш тақиқланган?
@Yurist_Xizmati 4860-савол:
Assalomu alaykum. Man maktabda o‘qituvchi bo‘lib ishlayman savolim shundayki maktab oshxonasida yani bufetda qonunan qanday maxsulotlar sotishga ruhsat barilgan. Qonunan qanday maxsulotlar sotish mumkin nimalarni sotish mumkin emas shu bo‘icha qonuniy malumot baring. Bufetda taqiqlangan narsalar sotilsa qayerga murojat qilish mumkin. Javob uchun oldindan rahmat.
ЮРИСТ ЖАВОБИ:
Қонунчилик билан мактаб ошхоналарида тайёрлаш ва сотиш тақиқланган маҳсулотлар рўйхати шакллантирилган.Умумий ўрта, ўрта махсус, профессионал таълим муассасаларида ўқувчилар овқатланишини ташкил этишнинг санитария қоидалари, нормалари ва гигиена нормативлари»га кўра, қуйидагилар мактаб ошхоналарида тайёрланиши ва сотилиши мумкин эмас:
Гўшт қўшилган, маёнез, кетчуп ва орасига сабзавотлар солинган нон маҳсулотлари (гамбургер, чизбургер ва хот-доглар);
Сунъий таъм, ҳид берувчи моддалар, бўёқлар, ароматизаторлар қўшилган қандолат маҳсулотлари;
Сунъий консервантлари бўлган «сухарики» ва чипслар, қурт, писта, уй шароитида тайёрланган донали шимиладиган ширинликлар;
Рангли ва рангсиз газланган ичимликлар;
Ветеринария назоратидан ўтмаган гўшт, балиқ, паррандалар; жигар, тил ва юракдан ташқари барча калла-почалар;
Ташқи қобиғи тоза бўлмаган, синган, зарур талабларга жавоб бермайдиган тухумлар;
Банкаларнинг герметиклиги бузилган, бомбажли, занглаган, шакли ўзгарган, ёрлиғи бўлмаган ва ишлаб чиқариш вақти ҳамда яроқлилик муддати белгиланмаган, айниқса, уй шароитида тайёрланган ҳар-хил турдаги консервалар;
Турли аралашмалар ёки омбордаги зараркунандалар билан зарарланган ёрма, ун, қуритилган мевалар ва бошқа маҳсулотлар;
Кремли қандолат маҳсулотлари (торт ва пишириқлар);
Холодес, парранда ва туёқли ҳайвонлар оёғидан тайёрланган ҳамда калла гўшти рулетлари, ўпка-жигарли ва қондан қилинган колбасалар;
Пастеризация қилинмаган (флягадаги) творог, термик ишлов берилмаган, идишда сақланган творог ва қаймоқ, қўлбола қатиқ, эпизоотик нохуш хўжаликлардан олинган, шунингдек дастлабки ишлов берилмаган ва пастеризация қилинмаган сут ва сут маҳсулотлари, қимиз ва таркибида этанол бўлган (0,5 фоиздан ортиқ) бошқа ачитилган сутли маҳсулотлар;
Қўзиқоринлар ва улардан тайёрланган маҳсулотлар;
Квас;
Хом дудланган гўштли гастрономик маҳсулотлар ва колбасалар, шу жумладан, қайнатилган колбаса;
Сирка, хантал, хрен (ерқалампир), ўткир қалампир (қизил, қора) ва бошқа ўткир зираворлар;
Ўткир таъмли соуслар, кетчуплар, маёнез, консервалар, маринадланган сабзавот ва мевалар;
Табиий кофе, тетиклантирувчи ва қувватни оширувчи энергетик ва алкоголь ичимликлар;
Пазандалик мойлари, чўчқа ёғи, маргарин ва бошқа гидроген ёғлар;
Данакли меваларнинг мағзи, сақич, мева ва резаворлилардан тайёрланган яхна ичимликлар ва морслар (термик ишловсиз);
Окрошка ва совуқ шўрвалар, ёғда қовурилган тухум, паштет, гўшт ва творогли қуймоқлар.
#savolimbor
❓Ходим ҳозир таътилга чиқса, кунларни ҳисоблашда дам олиш кунлари деб ҳисобланаётган 30, 31, 1- кунлар ташлаб кетиладими?
✅ Йўқ, ҳаммаси ташлаб кетилмайди, фақат 1 январь ташалаб кетилади, яъни ҳисобланмайди.
❗️Масалан, 30 календар кун асосий ва қўшимча (21+9) таътил берилаётган ходимга 13 декабрдан меҳнат таътилига чиқаётган бўлса 1 январни ҳисобга олмаганда 12 январ таътилнинг охирги куни бўлади ва ишга чиқиш санаси 13 январ (душанба)дир. Бунда, 30, 31 декабр кунларини оддий кун сифатида санаб ўтиб кетилади.
⚠️Бунга асос, Меҳнат кодексининг 221-моддаси 2-қисми, яъни ҳар йилги меҳнат таътили даврига тўғри келадиган ишланмайдиган байрам кунлари меҳнат таътилларининг давомийлигини белгилашда ҳисобга олинмайди.
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
#savolimbor Ассалом алейкум хурматли устозлар! Саволим бор эди. Ходим 2022-2023 йиллар учун мехнат таътилига чикмаган бўлса, 2024 йилга кучирса бўладими? У мехнат таътили куймайдими?
/mehnathuquqi javobi 📤:
👉❗️ MK 230-moddasiga ko’ra, har yilgi mehnat ta’tili har yili, ushbu ta’til berilayotgan ish yili tugaguniga qadar berilishi kerak.
Masalan, xodim 22.12.2022 dan ish boshlagan. Uning ish yili 22.12.2022 dan 21.12.2023 gacha boʼladi. Bizning misolda har yilgi mehnat taʼtili taʼtil berilayotgan ish yili tugaguniga qadar yaʼni 21.12.2023 gacha ( shu kuni ham) berilishi kerak. ❗️ Koʼpchilik mana shu oʼrinda kalendar yilga chalgʼib ketib, xodimni 31-dekabrgacha taʼtilga chiqarsam boʼladi deb, xato oʼylashadi. Yaʼni xodimni kalendar yil tugagunga qadar emas, xodimning ish yili tugaguniga qadar taʼtilga chiqarish shart ekan.
❗️Sizning holatda esa xodim ish yili tugagunga qadar ta’tilga chiqmagan. Demak, bu yerda MK 230-moddasi qoidalari buzilmoqda. Bu esa MJTK 49-moddasiga ko’ra, mansabdor shaxs tomonidan mehnat va mehnatni muhofaza qilish toʼgʼrisidagi qonunchilikni buzish, bazaviy hisoblash miqdorining 5 baravaridan 10 baravarigacha (3 mln 400 ming so’mgacha) miqdorda jarima solishga sabab boʼladi. Xuddi shunday huquqbuzarlik maʼmuriy jazo chorasi qoʼllanilganidan keyin bir yil davomida takroran sodir etilgan boʼlsa, bundan bila turib gʼayriqonuniy ishdan boʼshatish mustasno, bazaviy hisoblash miqdorining 10 baravaridan 15 baravarigacha (5 mln 100 ming so’mgacha) miqdorda jarima solishga sabab boʼladi.
⚠️ Xodim taʼtilga chiqmaslikka rozi ekanligi haqida tilxat yoki ariza yozib bergani ham ahamiyatga ega emas. Bu jarimadan qutilib qolishga sabab bo'lmaydi....
Ta’tillar kuyadimi? Xodimning foydalanilmagan har yilgi asosiy va qo‘shimcha mehnat ta’tillari “kuymaydi va yonmaydi” (Diqqat❗️ Faqatgina MK 401-moddasidagi 4 kalendar kun ta’tildan faqat tegishli ish yili davomida foydalanilishi kerak).
MK 234-moddasiga ko’ra, mehnat shartnomasi bekor qilinganda xodimga barcha foydalanilmagan har yilgi asosiy va qo‘shimcha mehnat ta’tillari uchun pulli kompensatsiya to‘lanadi.
Shartnoma bekor qilinmasdan turib ham, ish davrida to’liq pulli kompensatsiya olsa bo’ladimi?
❌ Shartnoma bekor qilinmasdan turib, barcha foydalanilmagan har yilgi asosiy va qo‘shimcha mehnat ta’tillari uchun to’liq pulli kompensatsiya to’lab bo’lmaydi. MK 234-moddasiga ko’ra, xodimlarga ish davrida ularning xohishiga ko‘ra har yilgi mehnat ta’tili uchun ta’tilning ushbu Kodeksning 217-moddasida belgilangan eng kam davomiyligidan ya’ni 21 kundan tashqari pulli kompensatsiya to‘lanishi mumkin.
Masalan, xodimning 2022-2023-yil uchun 36 kalendar kun foydalanilmagan ta’tili bor. Shartnoma bekor qilinmasdan turib, to’liq 36 kunga pulli kompensatsiya olib bo’lmaydi. ❗️ Ish beruvchi bilan kelishib 15 kunigagina pulli kompensatsiya olish mumkin (36-21=15). Diqqat❗️ MK 234-moddasi 3-qismiga ko’ra, 18 yoshga to‘lmagan xodimlarga, I yoki II guruh nogironligi bo‘lgan xodimlarga beriladigan ijtimoiy ta’tillarning barcha turlaridan, har yilgi uzaytirilgan asosiy mehnat ta’tillaridan, shuningdek ushbu Kodeksning 481 va 483-moddalarida nazarda tutilgan qo‘shimcha ta’tillardan asli holida foydalaniladi hamda mehnat davrida ularni pulli kompensatsiya bilan almashtirishga yo‘l qo‘yilmaydi.
Avvalgi yillarda qolib ketgan ta’tillarni foydalansa bo’ladimi?
✅ Ha, ish beruvchi bilan kelishib avvalgi yillarda qolib ketgan foydalanilmagan ta’tillarni olsa bo’ladi.
Avvalgi yillarda qolib ketgan ta’tillarni olsa 56 kundan oshib ketsachi?
✅ Oshib ketaversin, qonun buzilmaydi. Chunki, MK 222-moddasi 2-qismiga ko'ra, barcha hollarda qonunchilik bilan belgilangan ta’tillarni jamlashda ularning davomiyligi bir ish yili uchun 56 kalendar kundan oshib ketishi mumkin emas. E'tibor berdingizmi, bir ish yili uchun 56 dan oshmasligi lozim.
Ekspertga murojaat: @MuhammadaminKarimjonov
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
Расман: 2025 йилда мактаб дарсликлари ижараси бепул бўлади
Ижтимоий тармоқларда 2025 йилда мактабларда ўқувчилар учун дарсликлар ижараси бўйича тарқалган хабарлар юзасидан Иқтисодиёт ва молия вазирлиги расмий муносабат билдирди.
2025 йилда эса 81 млн нусха дарсликлар ва машқ дафтарлари учун жами 1,3 трлн сўм маблағларни тўлиқ Давлат бюджетидан қоплаш кўзда тутилган.
Шу билан бирга, ижтимоий тармоқлардаги фаол фойдаланувчилар томонидан чоп этилган постларда Бюджет лойиҳасида Китоб жамғармаси харажат ва даромадлари кўрсатилмаганига эътибор қаратилган. Қайд этиш жоизки, Китоб жамғармаси фаолияти тўхтатилган ва янги жамғарма ташкил қилинмагани сабабли лойиҳада бу бўйича маълумотлар акс эттирилмаган.
2025 йил учун Давлат бюджети доирасида кўзда тутилган маблағлар янги ўқув йилида ўқувчиларни дарсликлар ва машқ дафтарлари билан таъминлаш бўйича эҳтиёжни тўлиқ қоплаш имконини беради.
Бунда, ота-оналардан дарсликлар ва машқ дафтарлари ижараси учун қўшимча тўлов ундириш режалаштирилмаган.
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
❗️ПЕДАГОГЛАРНИ ИШИГА АРАЛАШИШ ТАҚИҚЛАНАДИ!
📃 01.02.2024 йил кунги ЎРҚ-901-сон Қонунга кўра,
➖ педагогнинг касбий фаолиятига аралашиш, унинг фаолиятини асоссиз равишда текшириш, педагог томонидан таълим олувчиларнинг билимларини тўғри ва холис баҳолашга таъсир кўрсатиш, шунингдек унга ўз хизмат мажбуриятларини бажаришга тўсқинлик қилиш тақиқланади.
Бепул савол юбориш 👇
@yuristdan_javob_bot
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
❗️ИШГА ҚАЙТА ТИКЛАШ БЎЙИЧА СУДГА МУРОЖААТ ҚИЛИШ МУДДАТИ ҚАНЧА ?
⚡️САВОЛ:
Мен бундан бир ярим ой аввал ишимдан ноқонуний равишда бўшатилганман. Ноқонуний бўшатилганлигимни адлия ҳодимлари хам тасдиқламоқда. Мен энди ишга қайта тиклаш бўйича судга мурожаат қилмоқчиман. Саволим шуки, ишга тиклаш бўйича судга мурожаат қилишимни қонуний муддати қанча ?
⚡️ЖАВОБ:
Меҳнат кодексининг 560-моддасига асосан, ишга тиклаш тўғрисидаги низолар бўйича судга мурожаат қилиш муддати ходимга у билан меҳнат шартномаси бекор қилинганлиги ҳақидаги иш берувчи буйруғининг кўчирма нусхаси топширилган кундан эътиборан уч ойни ташкил қилади. (Эски таҳрирдаги Меҳнат кодексида бу муддат 1 ой эди)
✏️ Ишдан бўшатилганлигингизга бир ярим ой бўлган бўлса, демак Сизда судга мурожаат қилиш учун яна бир ярим ой вақт бор. Фақат бир эътиборли ҳолат! Сиз саволингизда ишдан ноқонуний бўшатилганлигимни адлия ҳодимлари хам тасдиқлади дедингиз. Сиз судга мурожаат қилишдан аввал анашу ноқонунийлигини тасдиқлаган адлия бўлимини ўзига ариза билан мурожаат қилишингиз хам мумкин. Чунки адлия, "Ҳа тўғри, ишдан бўшатиш ноқонуний бўлган, судга боринг" дейиши керак бўлган ташкилот эмас. Аслида ишдан ноқонуний бўшатилибсиз деб тасдиқлаган Сиз айтган ҳодим Сизни аризангизни олиб, Сизни ноқонуний ишдан бўшатган иш берувчига йўл қўйган қонунбузилишингни бартараф қил мазмунида тақдимнома киритиши, агар тақдимномасининг ижроси 1 ой ичида бажарилмаса, Сизни манфаатингизни кўзлаб судга ўзлари ариза билан мурожаат қилиши керак эди.
Савол юбориш 👇
@yuristdan_javob_bot
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
Қайнонаси вафот этган ўқитувчи мактабдан моддий ёрдам ололадими?
@Yurist_Xizmati 4856-савол:
Assalomu alaykum, men oʻqituvchiman qaynonam bilan birga yashardik, 1 hafta boʻldi olamdan oʻtdilar, menga moddiy yordam beriladimi, javob uchun oldindan rahmat
ЮРИСТ ЖАВОБИ:
Ходимларга моддий ёрдам мактабларда директор жамғармасидан берилади.
Моддий ёрдам олиш учун ходим шу ташкилотда меҳнат шартномаси асосида ишлаши ва моддий ёрдам олиш учун асос бўладиган ҳолатлар содир бўлишининг ўзи етарли.
Бунда Вазирлар Маҳкамасининг 02.08.2022 йилдаги 425-сон қарори билан Вазирлар Маҳкамасининг 30.09.2019 йилдаги 823-сон қарори 33-бандига ўзгартириш кирилган.
Унга кўра умумтаълим муассасалари ходимларига моддий ёрдам календарь йил давомида икки лавозим маоши (ўқитувчининг тариф ставкаси) миқдоригача:
• ходимнинг ўзи ва яқин қариндоши (отаси, онаси, турмуш ўртоғи, фарзанди) вафот этганда;
• ёки оғир касалликка чалинганда;
• ходим табиий офатдан зарар кўрганда кўрсатилади.
#savolimbor
КАСАБА УЮШМАСИ РОЗИЛИГИ ЙЎҚ, НИМА ҚИЛСАМ БЎЛАДИ ?
❓Савол. Бир ходимимиз, бир жиноят иши туфайли судланиб, суднинг ҳукмига асосан 7 йилга озодликдан маҳрум этилди. Ушбу ходимни 168-модда 1-қисми 3- банд билан бўшатамиз, юристимиз касаба уюшмасини розилиги бўлмаганлиги сабабли буйруқни имзоламаяпти, вақт эса жуда кам, қандай маслаҳат берасиз?
❗️Жавоб. Аввало ишдан бўшатиш амалиётида касаба уюшмаси розилиги талаб этиладиган ҳолатларни аниқлаб олсак а. Яъни, ким билан шартнома бекор қилинаётганлиги эмас, қандай асосга кўра бекор қилинаётганлигига эътибор қаратишимиз керак.
👉Иш берувчи ташаббусими ёки тарафлар хоҳиш-иродасига боғлиқ бўлмаган ҳолатми?
Ахир касаба уюшмасида ходимни бўшатиш масаласи кўрилаётганда бир қатор тартиб-таомилларга амал қилиниши шарт. Масалан, ЎзКУФ 23.05.2023 йилдаги 9-5-сон қарори билан тасдиқланган Касаба уюшмаси қўмитаси, органида меҳнат шартномасини иш берувчининг ташаббусига кўра бекор қилиш тўғрисидаги тақдимномани кўриб чиқиш таритибга кўра ходим йиғилиш куни, вақти ва жойи ҳақида олдиндан огоҳлантирилиши шарт.
🤔Озодликдан махрум қилинган ходим билан бундай иштирокни қандай қиласиз?
👉Меҳнат кодексининг 164-моддасида меҳнат шартномасини иш берувчининг ташаббусига кўра бекор қилишни касаба уюшмаси қўмитаси билан келишиб олиш масаласи баён этилган.
Жумладан, агар жамоа келишувида ёки жамоа шартномасида меҳнат шартномасини иш берувчининг ташаббусига кўра бекор қилиш учун касаба уюшмаси қўмитасининг олдиндан розилигини олиш назарда тутилган бўлса, меҳнат шартномасини бундай розиликсиз бекор қилишга йўл қўйилмайди.
👇Қуйидаги ҳолларда КУҚнинг розилиги талаб этилмайди:
➖ташкилот (унинг алоҳида бўлинмаси) ўз муассисларининг (иштирокчиларининг) ёки таъсис ҳужжатлари билан бунга ваколат берилган юридик шахс органининг қарорига биноан тугатилганлиги ёхуд якка тартибдаги тадбиркор томонидан фаолият тугатилганлиги муносабати билан;
➖МК 161-моддаси 2-қисмида назарда тутилган исталган асослардан бирига кўра ташкилот раҳбари, алоҳида таркибий бўлинма раҳбари билан;
➖ташкилот мулкдори ўзгарганлиги муносабати билан МК 489-моддаси 1-қисми 1-бандига мувофиқ ташкилот раҳбари, унинг ўринбосарлари, бош бухгалтер ва ташкилотнинг алоҳида бўлинмаси раҳбари билан.
⚠️Хулоса! Сизнинг ҳолатингизда ходим иш берувчининг ташаббуси билан бўшатилмаяпти, яъни, 164-моддани объекти эмас, балки, суднинг ҳукми билан, тарафлар хоҳиш-иродасига боғлиқ бўлмаган асосга кўра бўшатилмоқда, демак, розилик талаб этилмайди.
Бундан ташқари, МКнинг 132-моддаси (дастлабки синов натижаси)га кўра шартнома бекор қилинганда ҳам касаба уюшмаси розилиги талаб қилинмайди.
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
Боқувчи йўқолганда боқувчисини йўқотганлик нафақасини олувчиларга ҳар ойлик тўловларни ҳисоб китоби қандай амалга оширилади? (Давоми...)
Зиённинг ўрни қопланишига доир ҳуқуққа эга бўлган шахсларнинг ҳар бирига нисбатан зиённинг ўрнини қоплаш миқдорини аниқлаш учун боқувчи иш ҳақининг ушбу шахсларнинг барчасига тўғри келадиган қисми уларнинг сонига бўлинади.
Марҳумнинг қарамоғида бўлмаган, аммо зиённинг ўрни қопланишига доир ҳуқуққа эга бўлган меҳнатга қобилиятсиз шахслар учун унинг миқдори қуйидаги тартибда белгиланади, агар:
👉 таъминот маблағи суд тартибида ундирилган бўлса, у ҳолда зиённинг ўрнини қоплаш суд томонидан тайинланган миқдорда белгиланади;
👉 таъминот маблағи суд тартибида ундирилмаган бўлса, у ҳолда зиённинг ўрнини қоплаш уларнинг моддий аҳволи ҳамда марҳумнинг ҳаётлик вақтида уларга ёрдам кўрсатиш имконияти ҳисобга олинган ҳолда белгиланади.
Агар марҳумнинг қарамоғида бўлган шахслар ҳам, унинг қарамоғида бўлмаган шахслар ҳам зиённинг ўрни қопланишига доир ҳуқуққа эга бўлса, аввало марҳумнинг қарамоғида бўлмаган шахсларга зиённинг ўрнини қоплаш миқдори белгиланади. Улар учун белгиланган зиённинг ўрнини қоплаш суммаси боқувчининг иш ҳақидан чегириб ташланади, сўнгра иш ҳақининг қолган миқдоридан келиб чиқиб, марҳумнинг қарамоғида бўлган шахсларга зиённинг ўрнини қоплаш миқдори ушбу модданинг биринчи ва иккинчи қисмларида назарда тутилган тартибда белгиланади.
#Кадровик
Ходим турмушага чиқиб фамилияси ўзгарганда иш берувчини хабардор қилиши керакми?
Кадровикларни озгина ўйлантирадиган савол айни шундай масалага жуда кўп дуч келиб, ходимни қидириб қолишади. МКнинг 107-моддаси охирги қисмига кўра, реквизитлар ўзгарган тақдирда, меҳнат шартномасининг тарафи улар ўзгартирилган пайтдан эътиборан уч иш куни ичида бу ҳақда бошқа тарафга ёзма шаклда хабар қилиши керак. Иш берувчини ёзма огоҳлантириш ходимнинг зиммасида.
Каналда кадровиклар учун жуда кўп лайҳаклар юборилади. Бундай маълумотларни меҳнат жамоингизга етказиб борсангиз ҳам уларнинг ҳуқуқий саводхонлигини оширишга ҳисса қўшасиз, ҳам ишингизни маълум даражада енгиллатасиз.
Саволингизни: @yuristgamurojaat гa қолдиринг
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
#Кадровик
ИШДАН 1 СОАТ ОЛДИН КЕТСАМ БЎЛАДИМИ?
❓Фуқародан келган мурожаат:
Давлат ташкилотида ишлайман, икки ёш фарзандим бор, ишдан эртароқ кетсам бўладими? Бу борада ҳуқуқларим қандай?
✅ Ҳа, ишдан эртароқ чиқиш ҳуқуқингиз бор. Буни қуйидагилар билан асослаймиз.
Меҳнат кодексининг 183-моддасига асосан айрим тоифадаги ходимлар учун уларнинг ёши, соғлиғининг ҳолати, меҳнат шартлари, меҳнат вазифаларининг ўзига хос хусусиятлари ва бошқа ҳолатлар ҳисобга олинган ҳолда қонунчиликка ҳамда меҳнат ҳақидаги бошқа ҳуқуқий ҳужжатларга, шунингдек меҳнат шартномаси шартларига мувофиқ меҳнатга тўланадиган ҳақни камайтирмасдан иш вақтининг қисқартирилган давомийлиги белгиланади.
Ўз навбатида, Меҳнат кодекси 397-моддасига асосан 3 ёшга тўлмаган боланинг бюджетдан молиялаштириладиган ташкилотларда ишлайдиган ота-онасидан бирига (васийсига) ҳафтасига 35 соатдан ошмайдиган иш вақти давомийлиги белгиланади.
Иш вақтининг қисқартирилган давомийлигида ушбу модданинг биринчи қисмида кўрсатилган ходимлар меҳнатига ҳақ тўлаш ҳар кунги тўлиқ иш давомийлигида ишлайдиган ходимлар учун белгиланган миқдорда амалга оширилади.
Хулоса қилиб айтганда, сиз иш вақтининг қисқартирилган давомийлигидан фойдаланиш ҳуқуқига эгасиз. Яъни, ишдан 1 соат олдин чиқсангиз бўлади. Бунда ойлик маошингиз туширилмайди.
Саволингизни: @yuristgamurojaat гa қолдиринг
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
Мактабда дарс ўтилмаса, ким жавобгар?
@Yurist_Xizmati 4848-савол:
Assalomalekum xozrda Juda katta muammolarga sabab bo'layotgan lekin yechimi topilmayotgan maktab oshxonasi va kanstavar larida bolayotgan ishlar yani taqiqlangan narsala sotilishi dakument siz davlat ga xech qanday soliq tolamasdan ish yuritishyapti va bundan rayoni mudiri xabari bor lekin xech qanday chora kormaydi raditellanni eshitmidi maktabda geografiya darsi otilmidi oqtuvchi boshqa maktabga direktor bolib ketgan lekin maktab direktori kemaydi Gan oqtuchiga dars berib qoygan bularga qanday chora bor rayano mudiri ga xamma narsa mumkinmi bu larga qandaydir chora koriladimi maslaxat bering
Олий таълим муассасалари талабалари, техникум, коллеж ва академик лицей ўқувчилари учун қишки таътил 25 декабрдан бошланади ва 2025 йилнинг 7 январига қадар давом этади - вазирлик
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
🎁🎁🎁🎁🎁
10-DEKABR — OʻZBEKISTON RESPUBLIKASI DAVLAT MADHIYASI QABUL QILINGAN KUN
Oʻzbekiston Respublikasi davlat madhiyasi 1992-yil Oʻzbekiston Respublikasi Oliy kengashining 11-sessiyasida qabul qilingan.
✍️Abdulla Oripov so‘zi
🎼Mutal Burhonov musiqasi
Barcha yurtdoshlarimizni madhiyamiz qabul qilinganligining 32 yilligi bilan tabriklaymiz!
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g
Мактабларда қишки таътил 28 декабрдан бошланади
Вазирлар Маҳкамасининг 2017 йил 15 мартдаги 140-сонли қарори билан тасдиқланган "Умумий ўрта таълим тўғрисида"ги низомга кўра, мактаб ўқувчилари учун II чоракнинг сўнгги куни 27 декабрь (жума) кунига тўғри келади, 28 декабрь (шанба) куни қишки таътилнинг илк куни ҳисобланади.
Низомга кўра, таътил 14 календарь куни, яъни 10 январгача давом этади. Низомга биноан, III чорак дарслари эса 11 январь (шанба) кунидан бошланиши керак. Балки вазиятга қараб, дарслар бошланадиган кун ўзгариши ҳам мумкин. Бу ҳақда қўшимча хабар қилинади. Ҳозирча бу ҳақда расмий хабар эълон қилинмади.
@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g