1407
📚 Жаҳон ва ўзбек адабиётидан энг сара тўртликлар ва рубоийлар канали. 🌐 Twitter: @turtliklar_uz ©️ Мурожаат учун: @Mening_pochtam_bot Бошқа каналларимиз: ✓ @kungil_kundaligi ✓ @sport_xabarlari
Кезиб бу шаҳарни балки ҳоргайсан
Ва лекин Аллоҳга дилинг ёргайсан.
Адаша-адаша Маккани топдинг,
Энди адашсанг гар қайга боргайсан.
© А. Орипов
💬@turtliklar
Юлдуз бўлгим келди, ой бўлгим келди,
Ажру савобларга бой бўлгим келди.
Камтарлик бобида пиёлада совиб,
Унитилиб қолган чой бўлгим келди.
✍️ Гулзебо Иброҳимова
©️@turtliklar
18 ноябрь — Ўзбекистон Республикаси байроғи қабул қилинган кун
Байроқдир юртларнинг шарафи-шони,
Бамисли эл-халқнинг ори виждони,
Фахру ифтихордан шод бўлгай киши,
Байроқни кўзига суртган замони.
✍ Маҳпирали Ҳасанов
💬 @turtliklar
"90+хоҳлаганича"
Тарихингда мардлар борми, йўқ?
Қучганмисан соққасиз зафар?
Термамиздан бизнинг кўнгил тўқ.
Сен ҳакамни рози қил Қатар..!
✍Хуршид Неъмат
💬 @turtliklar
Ибни Аббос остин-устун қилди ўйимни -
Бир ўгитки, таъсир этмиш саҳобаларга:
"Ота-онанг ҳузурида қоқма кийимни,
Оқ бўлғайсан магар чанги тегса аларга!"
✍️ Хайрулла Ҳамидов
© @turtliklar
Меҳр қизғанишга не сабаб, не важ?
Достон бўлсин ёки икки мисра саъж.
"Оллоҳнинг уйи" ни айлар чароғон, -
Ширин сўз аслида кўнгилларга ҳаж.
© Латофат Ражабова | 💬@turtliklar
Кимнидир йўқотдик, кимнидир топдик,
Кимдандир узоқлаб, ким сари чопдик.
Ҳаёт ўзи – топиш, йўқотиш экан,
Муҳими – ўзингни ҳеч йўқотмаслик!
✍️ Н. Тошматов
©️ @turtliklar
Бузганча вафо шартини ул жонона,
Тарк айлади — кўнглимни қилиб вайрона.
Деди: «Мени уйқунгда кўрарсан энди!»
Дедим: «Менга сенсиз уйқу бегона!»
✍️ Саъдий Шерозий (Э. Очилов таржимаси)
©️ @turtliklar
Кўнгил томонларга кетсанг умрбод,
Сени тополмаса ой, йиллар, буткул.
Сабринг ҳар лаҳзада бахш этиб қанот,
Бўлмаса ҳеч қандай ортга қайтар йўл...
✍️ Нодира Назар
©️ @turtliklar
〰️〰️〰️Тўртликлар〰️〰️〰️
Кўзларинг умидвор боқар зиёда,
Барча куч аслида ожиз сукутдир...
Қалбингни овутгин: «Ёруғ дунёда
Аллоҳ сўнгги эмас, танҳо умиддир!»
* * *
Сокин бўл ҳамиша, муборак онгинг
Азоблар чекмасин, ахир, дастингдан –
Ким сенинг жаҳлингни чиқара олса,
Демак, бошқармоқда сенинг устингдан!
* * *
Инсоний туйғулар ўчмагай илло,
Унинг парвозини бўлмагай тўсиб.
Манзил белгиламас ўлчовни асло,
Юсуф саройда ҳам, чоҳда ҳам Юсуф.
© Хайрулла Ҳамидов | @turtliklar
Гоҳо ғам андуҳдан сочлар оқарди,
Баъзан ташвишлар деб, кексайди жасад.
Аммо, севги доим, доим ёшарди,
Кўнгил гўдак қолди абадул-абад
💬 @turtliklar
Дилни изҳор айламоққа сўзни яратди,
Сўзни бесўз айтмоқликка кўзни яратди.
Сўз билан сўз маъносининг фарқи бисёрдир,
Мисол қилиб атлас билан бўзни яратди.
© Зайниддин Баҳриддинов | @turtliklar
...Ёмғир ёғар - осмон тунга айланади...
Сен кўнглимни қолдирмоққа уринасан.
Мен сўрасам, мен бахтлиман дейсан, аммо
Тушларимда нега бахтсиз кўринасан?...
✍ Нодира Назар
© @turtliklar
Аллоҳим, сабримни нурамас тоғ қил,
Руҳимни, жисмимни доимо соғ қил.
Хароба дилларга ошино этма,
Бу дардли кўнглимни сермева боғ қил
💬 Комила Носирова | @turtliklar
💐 Байрамингиз муборак азиз Устозлар!
Шоирга дедилар: Сиз бахтли инсон,
Халқингиз ардоқлар, ҳамма танийди.
Шоир жавоб қилди: менда бир армон -
Муаллим десалар мени қанийди...
@turtliklar
Жуда бахтли бўлсанг, битта ёрдирсан,
Жуда кучли бўлсанг, битта нордирсан,
Жуда буюк бўлсанг, демак, одамсан,
Жуда азиз бўлсанг, бир мозордирсан.
✍ Асқар Маҳкам
©@turtliklar
Нурли ўтмишларим.Қумсайман нечун –
Оҳ, илм ҳаммага етарли бўлган:
Ҳаттоки олимнинг аёли учун
Китоб кундошдан-да хатарли бўлган 😊
© Хайрулла Ҳамидов | @turtliklar
Замонавий ўлчам
Сўрар кексайган ношир:
– Бу достонинг неча байт?
Кеккайиб дер
Ёш шоир:
– Уч юз ўттиз мегобайт! 💽
✍️ Анвар Обиджон
© @turtliklar
Қалбимда баҳор йўқ, кўзларимда куз,
Юрагим совқотган, нигоҳларим муз.
Ёниқ юрак билан яралган эдим,
Ҳаёт йўлларида совидим. Афсус...
© Комила НОСИРОВА | @turtliklar
“Зоҳирбинлар билмас, мусофирмиз биз,
Мусулмон бўлгали келганмиз Ерга.
Билмаслар, тасаввур этмаслар ҳаргиз,
Айрилиқлар ичра биргамиз, бирга“
✍️ Нодира Афоқова
©️ @turtliklar
Муродим сари йўл очилсин десанг,
Етим қўлидан тут, чин инсон эсанг.
Икки дунё бахтин барбод қилурсан
Ночор ё етимнинг ҳақини есанг.
🍁😇🍂📚🍂🙂
Қалбим пештоқига ўрнатдим соат.
Ҳар лаҳза қадрини билиб омонат.
Зое кетган умрим бадали учун
Кўпроқ қилайин деб Ҳаққа ибодат.
© Файзулла НЕЪМАТОВ
💬@turtliklar
Ҳадеб изғимагин хаёлларимда,
Сени таниб оққан сойлар ҳам тинди,
Шодлик ғижимланган, қайғу яримта,
Менинг ўтмишимда сен йўқсан энди!
✍️ Хайрулла Ҳамидов
©️@turtliklar
Шу қадар нуроний бўлса ҳам дунё
Ҳамон кемтикдир у, ҳамон бири кам.
Кулчадек шодликни кўрганда раво,
Эслатиб туради кемтиклигин ҳам.
✍️ Мақсуда Каримова
💬 @turtliklar
Китоб бозорида китоблар ҳар хил,
Мевадек ранг-баранг, мевадек сархил.
Бири асл асар, ноёбу нодир,
Бири-чи, пишмаган мевадек тахир.
© Зайниддин Баҳриддинов
💬@turtliklar
(21- октябрь — Ўзбек тили байрами куни)
... Она тилинг учун ғам чекиб дилда
Нола қилсанг, кўкка учар фарёдим.
Етмиш етти пуштим сўзлаган тилда
Сўзлармикин яна етти авлодим? ...
✍️ Эркин Воҳидов
© @turtliklar
Ҳар кўнгил кўшкининг гулзори бордир,
Ҳар кўнгил боғининг хумори бордир.
Гар қайтиб кўрмасанг ўкинма сира,
Жаннат жамолида такрори бордир.
* * *
Чиройи чироқ ёққан уйларга киргим келар,
Муҳаббат мезбон бўлган тўйларга киргим келар.
Шоирман, аё дўстлар, ҳақ сўзга жонин тиккан,
Эзгулик оловида кул бўлиб куйгим келар.
© Маҳмуд Тоир | @turtliklar
Наҳотки шунчалар душвор ва олис,
Ўзгадан ўзимга маҳтал бормоқлик.
Бахт шу - интиҳони эта олмоқ ҳис,
Ўлим фариштасин гўзал кўрмоқлик...
© Латофат Ражабова
💬📹📹
Қиблага интилгин, шундадир малҳам,
Қолган тарафлардан излама нажот.
Нур ўша ёқдадир - қуёш ботса ҳам,
Ўша томондадир аслида ҳаёт!
✍️ Хайрулла ҲАМИДОВ
© @turtliklar
Устоз, хазинадир ҳар сабоғингиз:
Топиб гапир,- дейсиз, сўз дурдонасин.
Кўнгиллар яйрасин тинглаб гўёки,
Териб еган каби анор донасин.
✍️ Латофат Ражабова
© @turtliklar
