1407
📚 Жаҳон ва ўзбек адабиётидан энг сара тўртликлар ва рубоийлар канали. 🌐 Twitter: @turtliklar_uz ©️ Мурожаат учун: @Mening_pochtam_bot Бошқа каналларимиз: ✓ @kungil_kundaligi ✓ @sport_xabarlari
Кеттик она, шаҳар кўрсатай,
Ташвишидан асло ғам еманг.
Она юринг шашлик оберай,
Фақат "болааам, ўзинг е" деманг!
👉 #Мухлис_ижодидан
© @turtliklar
Ким хато қилмайди, айт, ким бегуноҳ?!
Ғурурни енг, кечир! Қайт, ортингга қайт!
Мингта сатр ёзсам, бир сатр билан,
"Мен ҳам Сендан кўпроқ соғиндим!" - деб айт!
© Холбиби Садинова | @turtliklar
Сарғайди баҳорнинг яшил барглари,
Кўнглимга сиғмайди ёлғончи ҳислар.
Хаёллар сўнгидан кетмас ҳеч нари
Мендан олислашиб кетётган излар. . .
✍️ Нодира НАЗАР
©️@turtliklar
Бир тотли шарбатлар илиб шохларга,
Бир гўзал рангларда бериб чиқар тус.
Хазончинак ўйнаб юрар боғларда
Бола юрагимдан чиқиб борган куз.
✍ Ирода Умарова
© @turtliklar
Опен бюджет
Ўйлардим: ҳайқирсам етади ойга,
Бўйин эгмас эдим мансабдор, бойга.
Ғурур - овозимни нархлашди бугун -
Овозимни сотдим бир кило мойга!
© Манба
💬@turtliklar
Важ қидириб юриш шартмас узоқдан,
Адолатнинг дасти кетди шилиниб.
Кечда нокас шерга қўйган тузоққа
Тонгда содда қуён қолди илиниб.
✍️ Исматулла Маманов
© @turtliklar
Ким нима истаса шартта айтяпти,
Сўзлар айлангандир ярқироқларга.
Динозаврларнинг даври қайтяпти —
Замин тўлиб кетди бақироқларга...
✍️ Хайрулла Ҳамидов
©️@turtliklar
Ул-ким, пичинг бирла ширин суҳбати,
Ошкора танбеҳу дўқидан ёмон.
Дунёда дўстингнинг бир хиёнати,
Мингта душманингнинг ўқидан ёмон!
✍️ Шаҳло Ахророва
©️@turtliklar
Олимпиада чемпионларига
Ўзбегим парвози баланд қуш бўлсин!
Ҳар фарзанд ўсишда зўр улуш бўлсин!
Ичда пастга тортган неки иллат бор
Бир зарб-ла йўқотур дадил мушт бўлсин!
© Аъзам Обидов
💬@turtliklar
Шоирда туғмадир шиддат ва оташ,
Икки нарса уни синдирар азал:
Бири – олишувдан ўлгудек чарчаш,
Иккинчиси эса – шунчаки амал.
✍️ Анвар Обиджон
©️@turtliklar
Баҳор суви малла бўлади,
Ёшлик чоғи ялла бўлади.
Бахтли бўлсанг, ҳатто кексалик,
Бир ажойиб палла бўлади.
✍️ Шуҳрат
© @turtliklar
Фироқ битди — минг пора бўлди
Қалб заҳмига қалб чора бўлди.
Иккимизнинг бахтимиз аро
Лекин кимдир бечора бўлди.
✍️ Мирзо Кенжабек
©️@turtliklar
〰️〰️〰️Тўртликлар〰️〰️〰️
Иқтисодий тангликлар аввал ҳам бўлган экан,
То у ўтиб кетгунча эл жондан тўйган экан.
Ўргатаман деб овқат емай ҳам яшамоқни,
Афанди, эшагини ўлдириб қўйган экан.
* * *
Бўтана сой каби безовта дунё,
Тинчлик керак, дўстим, халққа аввало.
Донолар айтадилар: “Сув лойқаланса,
Балиқлари қўл билан овланар ҳатто”.
✍️ Шукур Қурбон
© @turtliklar
Иймон деб дунёдан юзни ўгирдик,
Ҳаром деб ҳаммадан кўзни ўгирдик…
На ҳалол, на ҳаром нелигин билмай
Иккисин ортидан итдек югурдик…
✍️ Асқар Маҳкам
© @turtliklar
Ҳаёт, ҳали бисёрми шўрим,
Етмай қолар баъзида журъат.
Менга жуда чиройли кўрин,
Кетмоқликка қолмасин ҳожат.
© Хосият Рустамова
💬@turtliklar
(Одамлар вафот этаётган воқеаларга бефарқ бўлган каттаконларга аталгандек, бу тўртлик)
Курашсанг арзийди ҳақиқат учун,
Курашиб юрганлар ҳақдир, одилдир,
Қотиллик қилганлар қотилдир лекин,
Кузатиб турганлар асли қотилдир.
© Шавкат Раҳмон
💬@turtliklar
Икки нарса керак вужуд учун, бил,
Биринчиси дилдир, иккинчиси тил.
Дилни сен меҳр ила шафқатга тўлдир,
Тилни ҳақиқатнинг ўткир тиғи қил.
✍️ Хушҳолхон Хаттак (Афғонистон)
📖 Таржимон: Эркин Воҳидов
💬 @turtliklar
Бир сафга тизилиб, сап-сариқ, ял-ял,
Зар ҳал рўмолига ўраб ўзини,
Узоқ йўлга тушар, тераклар жим-жит,
Кузак шамолига тутиб кўксини.
✍️ Жумагул Сувонова
© @turtliklar
Қанчалик бақувват бўлса ҳамки тоғ,
Кибрдан йироқдир, эмасдир беғам —
Сен тоққа бақирсанг, қайтарар жавоб,
Гарчи қошида бир зарра бўлсанг ҳам.
© Хайрулла Ҳамидов
💬@turtliklar
Наҳот тарқаганман мен ҳам маймундан?
Дарвиндан сўради бир чиройли қиз.
Дарвин жавоб берди ўйланиб обдон:
- Чиройли маймундан тарқагансиз Сиз...
#twitter'dan
@turtliklar
Илмга ташнадан толиб чиқади,
Олдга интилганлар ғолиб чиқади.
Умрга заволдир ҳасад ила кек,
Умид рўшноликка олиб чиқади.
©️ Қурбон Қарлиқий | @turtliklar
🗓 13 август — шоир Усмон Азим таваллуд топган кун!
Қуёш бўлиб осмондан боқдинг,
Зор қилдинг-ку, йўлингга — келгин!
Мен ҳаммани оловда ёқдим,
Фақат ўзим музладим, севгим...
✍️ Усмон Азим
©️ @turtliklar
Қадрласанг инсонлигингни,
Вафо қилсанг ўзингга ўзинг
Фақат-фақат шунда мен билан
Тўғри келур тақдир — юлдузинг.
✍️ Саида Зуннунова
©️ @turtliklar
Aйбдор ахтардим қилиб мен зарда
Aйбдор ахтарди тинмасдан кўзим.
Бир кун шайтон келиб тиржайган ҳолда
Кўзгу тутди, кўрдим, ўзимни ўзим.
✍️ Муслим Бахтиёр
👉 #Мухлис_ижодидан
© @turtliklar
Тингланг бу абадий садо бўлади,
Гадонинг душмани гадо бўлади,
Иккиси бир-бирин топишгунча то,
Ўртада бу дунё адо бўлади.
© Умар Хайём
💬 @turtliklar
Қалин пули — уч минг. Минг — қизи учун,
Яна минг — сандиғи, кийгизи учун.
Хўш, яна минг нега? Ҳар лаҳза сенга
Санчиб турадиган бигизи учун.
✍️ Эркин ВОҲИДОВ
© @turtliklar
Қўрқиб кетаяпман гуноҳларимдан,
Нафсим оқибатин асло кўргим йўқ.
Асрасин Жаҳаннам деган жазодан,
Мени яшагим йўқ, мени ўлгим йўқ.
✍️ Рислиғой Ҳотамова
©️@turtliklar
Хотин тили
Ўргандим зоҳиру ботил тилини,
Ўрису, инглиз, лотин тилини.
Лекин ўрганолмай қариб боряпман,
Ёнимда сайраган хотин тилини.
© @turtliklar
Азизим, пайт келди, кўнглим ёраман,
Инсонман, сен ҳорсанг, мен ҳам ҳораман.
Отинг қамчилама ўзғирман дея,
Сен борган у жойга мен ҳам бораман.
✍ Абдулла Орипов
© @turtliklar
