1407
📚 Жаҳон ва ўзбек адабиётидан энг сара тўртликлар ва рубоийлар канали. 🌐 Twitter: @turtliklar_uz ©️ Мурожаат учун: @Mening_pochtam_bot Бошқа каналларимиз: ✓ @kungil_kundaligi ✓ @sport_xabarlari
Аслида тўғримас, танлаб хос кунда,
"Хотин-қизлар куни" дея нишонлаш.
Аксинча, аёлни бутун умрида
Шарт эрур, шаънини кўтариб яшаш.
☆ ★ ☆
Ахир, эр кишига – омонат аёл,
Омонатни эъзоз этар бу уммат.
Мўминалар, сизга дунё аҳли лол,
Ўтган ҳар кунингиз "саккизинчи март."
✍ Акмал Ажиб
© @turtliklar
Дунё бинокори тузар қаср- айвон,
Тузиб бўлади-ю, қилади вайрон.
Фалакка етказиб бугун тоқини,
Эртага этади ер билан яксон.
✍️ Паҳловон Маҳмуд
©️ @turtliklar
(1 март — шоира Зулфия таваллуд топган кун)
...Эъзозлар, ардоқлар учун ташаккур,
Асли Сиз офтобим, мен зиёсиман.
Тонгларингиз кулсин, дориломон, ҳур,
Бахтим шул - ўзбекнинг Зулфиясиман.
©️@turtliklar
Кўп йиғлама, оғрийди бошинг,
ахир бахтли бўлмоғимиз шарт.
Ёмон бўлар агар кўзёшинг
тугаб қолса, келгунича Бахт.
Кўзёшингни сочма тунларга.
асраб қўйгин яхши кунларга.
✍️ Шавкат Раҳмон
© @turtliklar
Одатда улфатлар бўлишганда жам,
Қизишиб дейдилар: дунё - бири кам.
Ажиб бир зиддият: охирги қадаҳ,
Ортиқ бўлганини ўйламас ҳеч ҳам.
✍️ Абдулла Орипов | @turtliklar
Hovonchaga dedim: «Doding ko‘p baland.
Ayt, kimdan chekasan bunchalik faryod?»
Dedi: «Ne til bilan aytay, ey Sa’diy,
Zarbni o‘z yorimdan yeyman umrbod!»
✍️ Sa'diy | @turtliklar
Гапирсин қалбинг, юзинг,
Зинҳор ёлғон сўзлама!
Бўлса ҳам икки юзинг,
Бўлма икки юзлама!
✍️ Н. Нарзуллаев
©@turtliklar
(9 февраль — Алишер Навоий таваллуд топган кун)
Оналарнинг оёғи остидадир
Равзаи жаннату жинон боғи.
Равза боғи висолин истар эрсанг
Бўл онанинг оёғин туфроғи.
✍️ Алишер Навоий
© @turtliklar
Бахтни сен кулмаган кўзлардан қидир,
Мақтовдан бегона сўзлардан қидир.
Олдинда топишинг гумондир уни,
Бобонг юриб кетган излардан қидир.
✍️ Хайрулла Ҳамидов
© @turtliklar
Қаро қошинг, қалам қошинг, қийиқ қайрилма қошинг, қиз.
Қилур қатлима қасд қайраб — қилич қотил қарошинг, қиз.
Қафасда қалб қушин қийнаб, қанот қоқмоққа қўймайсан.
Қараб қўйгил қиё, қалбимни қиздирсин қуёшинг, қиз.
✍️ Эркин Воҳидов
© @turtliklar
Istalgan biriga yoki ikkalasiga... )
2ta yoube kanal ochgandim. Bilasiz youtube'ni ba'zi imkoniyatlardan foydalanish uchun obunachilar soni, 100 va 1000tadan oshishi kerak. Shunga ko'ra, bu yo'lda yordamingizni ayamasangiz xursand bo'lardim. (Mayli keyin qaytib chiqib ketsangiz ham )
1️⃣. "Everest rasmiy" degan kanal. Unda mualliflik "Everest" ko'rsatuvimning eng qiziq va mazmunli joylarini qo'yib boraman.
👉 Obuna bo'lish 👈
2️⃣. Shaxsiy kanal. Unda "Everest" ko'rsatuvidan tashqari boshqa videolarimni ham qo'yib borishga harakat qilaman.
👉 Obuna bo'lish 👈
Асл ғаввос бўлсанг, дурни кўргайсан,
Соф бўлсанг, кетар чоғ ҳурни кўргайсан.
Ҳаммаёқ зулмат, деб шикоят қилма,
Ўзингда нур бўлса, нурни кўргайсан.
© Мирзо Кенжабек @turtliklar
Бир куни соғ, бир кун эса хастадирман,
Бир куни боғ, бир кун чўлу даштдадирман.
Мен Сизларни билмадим-у, аммо ўзим –
Бир куни тоғ, бир кун ердан пастдадирман.
© Хосият Рустамова | @turliklar
〰️〰️〰️ Тўртликлар 〰️〰️〰️
Ҳадеб ҳасадларга эътибор берсанг,
Адашиб кетасан манзилларингдан.
Зўр бўлмоқ тақдири шу эрур, билсанг,
Дон сочиб кетавер ҳосилларингдан.
***
Тополмадим дўстлар, юракнинг сирин,
Тушуниб бўлмади. Недир яширин —
Аччиқ деб атовдим ишқ азобини,
Зум ўтгач кўникдим... Туюлди ширин.
✍️ Хайрулла Ҳамидов
©️ @turtliklar
Байрам муборак Ватанимизни ички ва ташқи душмандлардан ҳимоя қилувчи юрт фарзандлари!
... Ҳалоскорсиз офат келса боғимга,
Даштда лочин бургутимсиз тоғимда.
Интизорман, беқарорман муштоқман,
Яшнаб боқинг пешвоз чиққан чоғимда.
👉 @turtliklar
Сокин кунларимдан йўқолди тартиб,
Топган-тутганларим бўлди, қара, дард.
Ям-яшил кўйлакка юзини артиб,
Жоним, ташқарида йиғлаяпти март...
👉 #Мухлис_ижодидан
© @turtliklar
Биз бошдан кечирган қаттол тузумни,
Илоҳо, кўрмасин ҳеч ким ҳеч қачон.
Бунчалар ҳам қаттиқ тишлабмиз мумни,
Оғиз очолмасдан юрибмиз ҳамон.
✍️ Эркин Воҳидов
©️@turtliklar
Бугун бирни ўрган, эрта ҳам шунча,
Илм мағизларин жамла бирма-бир.
Киши шундай ҳикмат қилади ҳосил,
Зеро, сел томчилар йиғиндисидир.
✍️Суютий («Буғятул вуот» китобидан)
© @turtliklar
Наво — қўшиқ, мусиқа, оҳанг,
Нарх маъноси баҳо бўлади.
Нархни кўриб ашула айтсанг,
Ўшанда нарх-наво бўлади.
✍️ Эркин Воҳидов
© @turtliklar
Илмга ташнадан толиб чиқади,
Олдга интилганлар ғолиб чиқади.
Умрга заволдир ҳасад ила кек,
Умид рўшноликка олиб чиқади.
©️ Қурбон Қарлиқий | @turtliklar
#BoburDay
🎤 Sulton Sulaymon
____
@turtliklar
〰️〰️〰️Рубоийлар〰️〰️〰️
Оҳ тортган чоғингда йўлга кўз тутгил,
Йўлда қудуқ бордур, эҳтиётинг қил,
Дўст уйида маҳрам бўлган вақтингда,
Кўлингни, кўзингни, дилни тия бил.
* * *
Подшолик истасанг, бўл эл гадоси,
Ўзингни унуту, бўл эл ошноси,
Эл тож каби бошга кўтарсин десанг,
Эл қўлин тутгину бўл хокипоси.
© Паҳлавон Маҳмуд | @turtliklar
Туғилсанг бахт билан камол ўшадир,
Тарк этсанг оламни завол ўшадир.
Охир чоғ тупроғинг устига келиб,
Кимдир ёд айласа, иқбол ўшадир.
✍️ Абдулла Орипов
©️@turtliklar
Махтумқули ва Дурди шоир услубида
👉 #Мухлис_ижодидан
© @turtliklar
Китобнинг ҳарфию, қоғози ўлди,
Кўпларнинг мактаби – пул, бозор бўлди.
Ҳамсуҳбат тополмай бечора китоб,
Зорланиб, бир четда моғорга тўлди.
✍️ Султон Эргаш | @turtliklar
〰️〰️〰️ Тўртликлар 〰️〰️〰️
Дунё кенгга кенгу, торга тордир у,
Арқон кимга мадад, кимга дордир у,
"Бошингга иш тушса бировдан кўрма",
Деган гап азалдан бордир, ҳақдир у.
***
Одамни танитган тил билан қўлдир.
Йўлидан чалғитган ўнг билан сўлдир.
Дунёда ҳикмат кўп, ибратли бўлгин
Кемтигинг кўрсанг гар, тек турмай тўлдир.
***
Ростингни айтолсанг ўзингга фойда,
Ҳаловат бўлмайди ёлғон бор жойда.
Минг ишлов берсангда сопол чиннимас,
Чунки унинг асли ишланган лойдан.
© Омонуллоҳ Мутал | @turtliklar
Нодонлар гердаяр хода ютгандек,
Донолар юришар доим бош эгик.
Кифтига бир хил юк қўйса-ку даврон
Нодон синиб кетар, доно қолар тик.
✍️ Шафоат Раҳматуллаев
©️ @turtliklar
Мен дардчил кузлардан қилмайман таъна,
Менда қорлар ёққан қишлар бор, ғамгин...
Сени унутаман дейман-у, яна,
Cенсиз нафас олмоқ... Мумкинми, айтгин?!
✍️ Лобар Азизхўжаева
© @turtliklar
Савобли амаллар умрнинг нақши,
Ҳар кунинг хайрли, тунинг осуда.
Эртанги кун бўлса бугундан яхши,
Минг шукр, ҳаётнинг мазмуни шуда.
© Латофат Ражабова | @turliklar
Танловнинг рандом орқали ғолибни аниқлаш иши қолганди. Бироз юмушлар кўпайганлиги ва баъзи сабабларга кўра бу иш ортга сурилди. Бунинг учун узр сўраймиз. Хуллас, рандом орқали ҳам ғолиб аниқланди. Бир марта рандом орқали қуйидаги иштирокчи ғолиб бўлди. 👆
Танловда ғолиб бўлган иштирокчиларни табриклаймиз. Қолган иштирокчиларимизни ҳам келгуси танловларда фаол бўлишга чорлаб қоламиз.
© @turtliklar