146815
١٩٩٦ - رسايلكم خُبز حنطة بحصار الواحد وتسعين.
خلي اعتذارك إلك
وهذا الحچي الجبته إلي
مشي عَلى الغشمه .
وما عادَ في قُدرتي أتسامَحُ
لم تَمحُ أنتَ الهوىٰ بل مَحوتَ فُؤادي
- مظفر النواب
شيلمنة !
بعَد كِلمن مَشة بدربة
واحد يضحك
و واحد وكف گلبة .
خلص بستان نهر الشوگ وانه بعازة السعفة
التجيبه الصدفة مرة يجوز ترجع تاخذه الصدفة
عاذرك ما حاس بيه محد مضوگك ردودك
اخ لو تدري البگلبي من يصادفني برودك.
انه وحزني واحد يفگد الثاني إذا غبنا
ومتانين ضحكتنا انه وحزني متغربين
ما لاگين واحد من صدگ حبنه.
تانيتك حد بياض الشوف رد ما دامني متاني
رد واذا ما جيتني اليوم باچر صعبة تلگاني.
ودي احط گصتي اعله گصتك وابچي سكتة
ودي كل الناس تمشي وتبقى انتَ.
چنت اظن من اوديلچ عصافيري الصغيرة
چتافچ يصيحن هلا ومية غصن.
التايها عيونه بدرب تحصد الفشلة ضنونه
الماشاف ولفه بكُل مسه شيسوي بيها عيونه
باچر الما صاغ من جرحه گلايد
ما تشيله الرگبة ذمة
باچر العاشگ صدگ يتخلد أسمه.
باچر بسوك القصايد تترس أبياتك نحيب
باچر شما جاك زاجل تبقه وحدك ياغريب.
شلُون أنسَاك ؟
رايح راد بيَّه
أذُكرك وين ما أسمَع أُغنيَّة
و لكنَّها الأُغنياتُ
ستبقى تُذوِّبُهُم أَبَدَ الآبدينْ .
- مظفر النواب
مرات فتره ويحِن
مرات يُوميه
مرات حَتى بحلِم
يستثگل الجيه .
الدربونة القديمة الچنه بيها نفوت
امس يالله شفتها من فتت وحدي .!
ي لون الشمس والمغرب
ورگ نعناع چنك فايح مشرعب
يراوي وغصنك ايتعب
يخاوي وموسمك متعب.
سامرت الدروب أجدام
بحسابي الحلم هم ريل
يشتل للمحطة إسنين
متوزره بگصايب صوت
هنيالي شربتك موت.
اخذ هيچ نداره من اشتاگ ادعيلك
واشكيلك على المنك واگلك منهن ادخيلك
لا اجت بالباب نسماتك وألمهن
ولا اكو اليشبهك غصن غصنين واشبگهن واشمهن صارلي شچم ليلة عيني اعله النجوم
ردت اعرفك ياهي منهن
وفك باب القفص خلي الاحلام أطير
وانتَ من الطفولة شچم حزن ساجن.
ردني ردني يالبگتني بليلة أجيتك
دورت روحي اعله روحي
لا شفتها ولا لگيتك .
اي وانتَ كلش ذنب
چم ليل عندك رخص يالحاسبك غالي
مالي فراغك چنت بس أنتَ مو مالي .
شگد چبیره من تحس كلشي بحياتك
صار ضدك حته گلبك عافك لخاطر ظفیره .
حزني يبرد والمواگد يشتعل مني حطبها
الديرة لو ما بيها وجهچ ليش اطبها ؟