12613
نهدف إلى تربية أوﻻدنا تربية إسلامية صحيحة
تابع قناة عطاء داعية في واتساب: https://whatsapp.com/channel/0029Va6pn2I23n3WnyKzih3Y
Читать полностью…
مرحبا
رساااااالة خااااصة 📩📮
حول تربية الابناء 👭👬
لكل من لديها ابناء او اخوان صغارا
او اطفال لبعض الاقارب اليك🎈🎉
رسالة📩 حول تربيتهم
ولا تنسي مهما كان سلوك الاطفال ومعاملتهم صعبه اصبري عليهم لك الاجر غاليتي في تربيتهم والتعامل معهم..!!
تابعى مضمون الرسااالة 📩
⤵بعنوااااااااااان⤵
💎 درر في تربية الابناء 💎
وصلتني هذه التجارب الناجحه
لبعض الامهات في تربية ابناءهم
فأحببت نقلها لكم للفائده
👇👇👇👇
💎 عودت أبنائي على الحذر من العقائد الفاسدة فاصبحت ابنتي تحذف اللعبة التي فيها صليب .
🌸كنت اعاني من كثرة شجار أبنائي فاحضرت قصص فيها مبادئ التسامح فتحسنت علاقتهم ببعض.
💎 جعلت ﻻبنائي مكافآت اسبوعية ووضعت ضوابط لبعض اﻻمور مثل تأخير الصلاة ..ضبط اﻻنفعال وغيرها واذا تجاوزوها يتم الخصم من المكافأة .
🌸كنت احرص ابنائي على اهمية طلب العلم واتركهم يذاكرون وحدهم وايضا عندما اذهب للتسوق اجعلهم يشترون ويحاسبون بانفسهم فاصبحو اكثر اعتماداً على انفسهم .
💎كنت اشغل ﻻبني عمره ٣أعوام ونص جزء عم مكرر قبل النوم وعندما وصل عمره ٥أعوام اكتشفت انه يحفظه كاملاً.
🌸احترمت ابنائي فاحترموني ،قدرت لهم وﻻبيهم مايقومون به ولو كان بسيطا فقدروني وضبطت انفعالاتي فصاروا يضبطون انفعاﻻتهم.
💎علمتهم ذكر الله مثل اقولهم من يبي بيت او قصر بالجنه ونكرر سورة الصمد عشر مرات
او اقولهم من يبي يزين بيته بالغرس والشجر 🏡🌴 في الجنه نقول سبحان الله والحمدلله ولااله الا الله والله واكبر ..
والي يبي كنز يقول لاحول ولاقوة الا بالله وهكذا حتى اعتادوا الذكر.
🌸من تجربتي اهم سبب لهداية اﻻبناء استمرار الدعاء لهم لاسيمافي أوقات الآجابة
وفي كل حين وفي الخفاء وعلى مسامعهم .
💎عودت ابنائي ان اذهب معهم لغرفتهم قبيل النوم واقرأ وردي من القران ثم انشغلت عنهم فتره فرأيت المصاحف في غرفهم يقرأون منها قبل النوم .
🌸زرعت في ابنائي التسامح والعفو واحسان الظن بالآخرين فرأيت ذلك فيهم عندما كبروا .
💎 علقت اذكار الصباح والمساء في مكان جلوسنا فحفظوها بعد فتره وصاروا حريصين عليها .
🌸علمت ابنائي ان يدعوا ﻻنفسهم بكل مايريدون في صلاتهم وأوقات اﻻجابة .
💎كان والدي يشغل المسجل في السيارة كل صباح على تلاوة الشريم وعندما كبرت اصبحت متفوقة في تلاوة القرآن وتجويده .
🌸 كنت اجمع فائض الطعام النظيف وارتبه واعطيه احد أبنائي يعطوه العمال واعطي الصغار منهم المال ليعطوه المحتاجين فأصبحوا يعتبرون الصدقه ومساعدة المحتاجين من اساسيات حياتهم .
💎تعويدهم ع الكلم الطيب وعندما يتأثروا بالعالم الخارجي فيتلفظوا أرفع يدي للسماء وأستغفر الله
أستغفر الله وأدعو لهم بالهداية فأصبحوا كذلك
يفعلون مع غيرهم ..
🌸 ترديد آية الكرسي معهم قبل النوم مع "آمن الرسول والمعوذات وسورة الملك حتى صاروا يقرأونها عند غيابي ولايمكن يناموا بدونها.
💎 متابعتهم عند الصلاة كل وقت وتذكيرهم بفضلها والحرص ع الجماعة للكبار
حتى اعتادوها كثيرا .
🌸 اللباس المحتشم أمامهم منذ صغرهم مع بيان حرمة البنطال والقصير وأنهما تشبه مما جعل بنياتي يستنكرون رؤيته وربما ذهبوا لمن تلبسه وقالوا لها حرام عليك هذا لايرضي الله
💎تعويدهم فضيلة العفو بقصص ملونه ومصوره وبيان أن العفو أجمل من الانتقام والكبار أذكرهم بقصة يوسف مع أخوته وعفوه.
🌸 تعويدهم ع السنن الرواتب
وركعتي الضحى وسجود الشكر وصلاة الوتر والاستخارة ..
💎 عودتهم على انكار المنكر بالحكمة والموعظة الحسنة فاصبحوا ينكرون على كل منكر يرونه كالموسيقى والدخان وغيره
🌸 وضع صندوق تبرعات للأسرة وتعويدهم ع للصدقه
على عمال النظافة ودفعها لهم بأنفسهم وأحيانا يدفعون من مصروفهم اليومي ..
💎 احترام الكبير وتقديره والذهاب بهم لزياره الأقارب من كبار السن وتقبيل رؤوسهم وأيديهم عودهم على تقدير الكبير والحب والصلة ..
🌸 وضع لوحة أسرية بالمنزل تحوي تعليمات وفيها نجوم للتميز وسحب نجوم عند الخطأ مع الثواب والعقاب ..
💎 مشاركتهم الرأي في أمور الحياة - مارأيك ب رمي القاذورات ، التدخين .. لتتكون عنده ملكة التعبير وابداء الرأي ولو أخطأ نصوب خطأه برفق ..
🌸اربيهم بالعادة فاول مااصبح اردد الاذكار بصوت عالي وعند الخروج اقول دعاء الخروج بصوت مسموع وكذلك دعاء ركوب السيارة ودعاء الدخول
والتسمية قبل الاكل والحمد بعد الحمدلله الذي اطعمنا وسقانا وكفانا واوانا
وكل ذكر من اذكار اليوم والليلة بنفس الطريقة
حتى اعتادوا عليها واصبحوا يرددونها وربما ذكروني اذا غفلت
💎 في كل أمر اريدهم ان يمتثلوه ابدأ بنفسي
تجربة
🌸 اقرأ عليهم كل يوم قبل النوم من كتاب رياض الصالحين وكان له الاثر الكبير عليهم .
💎بدأت معهم من قصة ادم والان في صالح إلى نهاية الانبياء بإذن الله مع التركيز على الجانب الإيماني وأسألهم في نفس القصة .
التوازن أن تكون زوجا وأبا، وأن تكونى زوجة وأما .
أما القيام بدور واحد ، سيظلم طرفا ولابد .
من بلاء الأمهات..
إن تقريبا أكتر الفترات اللي بيتعبوا فيها عشان عيالهم وبيضحوا فيها براحتهم ونومهم وشغلهم واهتماماتهم وصحتهم، ممحية من ذاكرة الأبناء..
محدش فينا فاكر صحى أمه من النوم كم مرة، ولا فوت عليها كم خروجة، ولا حبسها عن كام احتياج ليها..
من بلاء الأمهات..
إن الوقت دة اختبار لصدق نيتها مع الله وبس.. لا ابنها هيتفكر دة عشان يقدره ولا فاهم حاليا هيا اد ايه بتحبه وبتضحي عشانه..
ولا اللي حواليها سايبنها ف حالها أو معترفين بتعبها بالعكس دة ممكن يكونوا مصدر ضغط أكبر عليها وإحساسها الدائم بالتقصير..
وحتى بعد ما الأولاد يكبروا مش شرط تلاقي نتيجتها فيهم..
أجرها من عند ربنا وبس.. وحقيقي مش عارفة ازاي اللي معندوش اليقين دة قادر يكمل ف الدنيا..
الإيمان بالله مفتاح الصبر، والنية أساس الأجر..
ربنا يخلص نوايانا ويتقبل منا.
وسأظل أقول
لابد من طرف يكون كل مسؤوليته وهمه
متابعة الأبناء وتربيتهم
كي يكون هناك عامل ضغط وتوازن
إنما الطرفين بره
وسايبين أولادهم
ولا يدرون عنهم شيء
فهذا عين الضياع
فاتقوا الله في رعيتكم
وما قل وكفى خير من ضياع الذرية
عزيزتي الأم
آثار التراب التي تغضبك على أرضية المنزل بعد تنظيفه ماهي إلا قدم صغيرك التي طالما دعيتي الله أن يحسن خلقه فيأتي معافى ..فاحمدي الله ...
أصوات الضحكات المتعالية والإزعاج في المنزل ماهي إلا إحدى النعم التي حُرم منها غيرك فلا تسخطي وكرري ثناءك على الله ...
الفوضى في المنزل والألعاب المتناثرة والملابس الصغيرة التي قد تنتشر في كل مكان..
كلها نِعمٌ خفيّة تُغضبنا ويتمناها الكثير ..
لا تفسدوا حياتكم وتكسروا قلوب أبناءكم بالمثالية الزائفة ...
منازلنا ليست متاحف إذا لم يستمتع بها أبناءنا فلمن تُكنز ؟؟!
همسة في أذن كل أم سريعة الغضب..
(اسألي نفسك ) لو طلب أحدهم التكفل بتربية أبناءك بعيداً عنك حتى لايغضبك وجودهم ماذا سيكون ردّك ؟
فلنعد النظر في تعاملنا مع أبناءنا ولنتقي الله فيهم فهم عندنا أمانة ...
أسأل الله أن يحفظ أبناءنا ويعيننا على حسن التربية والصبر والإحتساب . . آمين
يابنات
هو مش معنى إنك في سن إعدادي إنك لسه صغيرة ..أبسليوتلي😅
معنى إنك وصلتي إعدادي يبقى كده وصلتي سن التكليف
اللي بيتسجل علينا فيه الحسنات والسيئات وهنتحاسب عليها..
- ماينفعش خالص أتعامل إني لسه صغيرة وماأتحجبش
- أو أمشي بنص كم في الشارع وأقول صغيرة
- أو أروح تمارين مع مدرب راجل وأقول صغيرة
ده غير لبس التمارين اللي بردو بيكون مش مناسب
صحيح المرحلة الانتقالية مابين الطفولة وسن التكليف بتحتاج شوية تدريب على ماناخد ع استايل الحياة الجديد
بس ده لازم يحصل ماينفعش أغمض عيني وأعمل نفسي مش واخدة بالي
عشان كده لو وصلتي إعدادي ... بقيتي ليدي خلاص 😍
- فما ينفعش نص كم ولا لبس مكشوف في الشارع
- ولا ينفع تتأخري في الحجاب خلاص
- ولا ينفع تدربي مع مدرب راجل أو تلبسي لبس ضيق في الشارع لأنك غالية
" الرجال نوعين .. !؟
نوع إذا أحب زوجته أكرمها و أعادها طفلة تركض في حقول الياسمين .🌸
ونوع يجعل زوجته يأكلها الهرم في عمر الصبا و تفوق عمرها ب مئةِ عامٍ ..
ف من الخطأ الاعتقاد ب أن المرأة تُزهر في سنّ معيّن وتذبل في سِنّ معيّن .. ولكن الحقيقة أن المرأة تُزهر مع رجل طيّب .. وتذبل مع رجل سيِّئ .
ليست كل امرأة تُنسى ب إمرأة أخرى..
هناك امرأة لو ضاعت منك ستمضي بقية حياتك تجمع صورتها من ألف امرأة و لن تجمعها ....
إن البيوت لا تُبنى ب جمال الزوجة ولا ب مال الزوج .. البيوت تُبنى ب الاحترام بينهما.
ف مع مرور السنين يذهب جمال المرأة وتضعف قوة الرجل .. ولا تبقى بينهما إلا المودة والرحمة.
ف المرأة ب النسبة ل لرجل أمانة
والرجل ب النسبة ل لمرأة أمان...♥ 👑
كيف تجعل من طفلك محباً للقرآن ؟
١- تلاوة القرآن أمامه؛ لأنه يرى أن والديه قدوة له ..
٢- إهداؤه مصحفا خاصا به يُكتب عليه اسمه ..
٣- تسجيل صوته أثناء تلاوته والثناء عليها بأجمل العبارات ..
٤- تحفيزه بالجوائز العينية بعد إتمامه لحفظه ..
٥- قراءة قصص القرآن عليه عندما يخلد إلى النوم ..
٦- إظهار تعظيم القرآن أمامه ..
٧- الثناء على حفاظ القرآن والتالين له ..
٨- تنمية محبة القرآن في قلبه ..
٩- الوقوف عند الآيات التي فيها عبرة او حكمة وشرحها والاسترسال في تفسيرها للطفل بما يناسب سنه
١٠- ترغيب الطفل في الجنة وربط طاعة الله بها من خلال ربطها بآيات الجنة والمتقين
#طفلك_والقرآن
صباح الخير! إليكم نصيحة صباحية تساعد الطلاب والأهالي خلال فترة الامتحانات:
للطلاب:
ابدأ يومك بوجبة إفطار متوازنة تحتوي على البروتينات والكربوهيدرات الصحية، فهي تمنحك الطاقة والتركيز اللازمين للمذاكرة وأداء الامتحانات. حاول أن تأخذ بعض الوقت لممارسة التمارين الخفيفة مثل المشي أو التمدد لتحسين تدفق الدم وزيادة التركيز.
للأهالي:
ادعموا أبناءكم بتوفير بيئة هادئة ومريحة للدراسة. شجعوهم على أخذ فترات راحة قصيرة بين جلسات المذاكرة لتعزيز الاستيعاب والقدرة على التركيز. وتذكروا أن تقدموا لهم كلمات تشجيعية وتطمينات للتخفيف من حدة التوتر والقلق.
بالتوفيق للجميع!
خمس افكار ممكن تساعد في تقليل عصبيتكم علي الولاد
١-غير مكانك
لما يبقوا بيلعبوا ومتحمسين وصوتهم مسببلك ازعاج بدل ما تحاول تسكتهم وهما مندمجين اللي هو استحاله يحصل ادخل مكان اكثر هدوء ليك
كده انت ارتحت وسبتلهم مساحه يعبروا عن حماسهم 😍
٢-بلغ القرار وامشي من المكان بحسم حتي لو جم وراك اعمل نفسك منهمك في مهمه تانيه
مثال :اتفقت معاهم انكم نازلين كمان نص ساعه وقفوا حوالليك
ليه
ليه مش دلوقتي
هتقول بحسم (لما الساعه تيجي ٧ هنقدر ننزل )وكمل اللي كنت بتعمله ومتعملش اي رد فعل علي الاعتراض
الاعتراض ده تنفيس عن احباطهم وصحي جدا متاخدوش علي محمل شخصي تحمله متكبتهمش ولو استمريت علي الطريقه دي مده التنفيس دي هتقل والاطفال هتبقي اشطر في ضبط نفسها وتقبلها للحدود مع الوقت
٣-اشبع احتياجاتهم الاساسيه
للاكل والشرب واللعب والخروج والابداع والتواصل
واعرف ان الاطفال مش بتشبع لما احنا نتعب ونبقي عاوزيين نروح
الاطفال بتشبع لما طاقتهم تخلص فراعي ده علي اد ما تقدر
اللعب ده بينمي ذكائهم وبيخليهم اهدي واكثر تراحما
وعود نفسك انك تخصص وقت لكل طفل تسمعه فيه باهتمام وده مش بس هيملي جواهم احتياجتهم المعناويه لكن كمان هيساعدك تزرع جواهم القيم والقواعد اللي انت محتاج تكبرهم عليها في وقت انتوا مش مضغوطين فيه
خلي الخميس او جمعه مثلا اجازه من المطبخ ومساحه ليكم 😍😍
٤-عالج مشاكلك واحاسيسك بالقهر والضغط المتراكمه من طفولتك ومشاكلك الاسريه مع شريك او مشاكل الشغل واحترم انسانيتك عشان تحترمك وتطلع منك سلوك راقي ومتحضر الself care ده من اهم الحاجات اللي بتفرق معاك
تقدر تعمل كده مع
صديق حنين
شريكك
رجل دين
معالج نفسي او life coach
٥-خلي ليومك روتين مناسب لامكانياتك الصحيه والماديه ومتخدلش في منافسه مع حد ما قل وكفي خير مما كثر واللهي 😍 واعرف ان مع الامومه مساحتك الشخصيه بتقل كتيير فحاول تستغل المساحه دي احسن استغلال
مفيش وقت ولا طاقه للقيل والقال والصراعات علي مين محبوب ومين ناجح اكتر
والصراعات الدنياويه علي هدوم ماركه وتغييرات وطموحات هي متع قصيره المدي هذب نفسك وخلي المساحه دي
للراحه
للاستعاده السلام النفسي وااهدوء بالتسبيح والقرآن
بعمل وجبه صحيه تنشطك
بالجلسه مع صديق يهون عليك
بعمل تطوعي يزود البركه في حياتك
خدوا حياتكم وولادكم علي انها حاجه غاليه تستحق الاعتناء والتنظيم
ويبقي الاثر
#ويبقي_الاثر
الرقم: ( 804 )
كتاب: ( تربية الطفل فنون ومهارات)
طفلك من الميلاد إلى عامين
تأليف: ياسر محمود
🌟
كتاب: ( تربية الطفل فنون ومهارات )
طفلك من 2 إلى 6 سنوات
تأليف: ياسر محمود
( ماما لماذا لم يساعدكِ الله ؟ )🍭🍭
.
.
كنت البارحة في أحد الأسواق التجارية..
وبينما أنا وصغاري ننتظر .. المحلات أن تفتح أبوابها
بعد صلاة العشاء..
.
.
اخرجت من حقيبتي بعضاً من الحلوى وناولته صغاري ..
احدهنّ لم يتمكن أحد الصغار من فتحها..
حاول مراراً دون جدوى..
مدّ يديه لي : ماما أرجوك افتحيها!
أخذتها وحاولت جاهدةً أن أفتحها لكن دون جدوى ..
كان الصغير يتابع يدي بحماس ..
ومن الطريف أن أحد النساء التي كانت تنتظر بجانبي تدخلت هي ايضاً لفتح تلك لحلوى ،
قالت لي حين رأت حديثي مع صغيري اقضمي الغطاء بأسنانك..!
.
.
شكرتها على ذلك..🌸
واكملت محاولاتي .. حينها .. قال لي صغيري..
ماما لماذا لم يساعدكِ الله ؟
.
.
أثار سؤاله بداخلي شعور عجيباً 💔
وكأنها رسالة لي من السماء ..
جاءت من فم الصغير..
قال: ماما لماذا لم يساعدكِ الله ؟
الله يساعدنا دائماً ..
قلت : لأني لم أستعن به ياحبيبي !!
......
....
وفعلاً لم أُسمي بالله وسط تلك المحاولات..
....
قال: ماما قولي بسم الله ، يارب يارب
ساعدني على فتح هذه الحلوى ..وستفتح!
.
.
تبسمت بسعادة ..
وقلت بصوت ٍيسمعُه : بسم الله ، يارب اعني على فتح هذه الحلوى .. يارب ساعدني..
.
.
والله فُتحت وقتها بيدي! ،
قال لي ووجهه مشرق بالسعادة .. : ماااااماااا أرأيتي لقد ساعدكِ الله يوم أن دعوتيه !
.
.
أخذ صغيري يأكل تلك الحلوى، وأنا حلّقت في عالم آخر..
كنت سعيدة جداً .. قبّلته وشكرته على تذكيري..
لكني لم اتصور أن بداخله اعتقاداً وتعلقاً بالله بهذا الشكل ..
لم أتصور ان يفكر حتى في ادق التفاصيل .
في فتح علبة حلوى ، انها ستفتح اذا ساعدنا الله واستعنا به ..
.
.
الأعجب منها .. أني شعرت وكأنها رسائل لي من السماء .. اذا استصعبت علي فترة ليست بالقصيرة ولم اقوى عليها وكدت أيأس
لكن مجرد ماذكرت تلك الكلمات ..
انفتح بيدي بسرعه وسهولة عجيبة ..
.
.
نجتهد احياناً في تربية صغارنا.. نتحدث نفعل نعطي نأخذ.... الخ
لكننا نعتقد احياناً ان النتائج بعيدة المدى وانها سيظهر أثرها فيما بعد ...
وقد نصاب بالاحباط من كثرة محاولاتنا التربوية ثم نفشل ..
.
.
اخبرتني علبة الحلوى هذه ..
أن كل مانتحدث به ونقوله لصغارنا او للآخرين بحضرة صغارنا .. فإنه يُنقش في قلوبهم ..
وانهم يعتقدون أشياء قد لا تخطر لنا ببال..
أو نشعر أنهم مازالوا صغيرون عليها..
في حين..
تأتي علبة حلوى .. لتهديني درساً ثميناً..
وتحثّني على الإستمرار.. في الغرس
وتكثيف الجهد ..
( إنّ الله لا يضيع أجر من أحسن عملا )
- أحدهم يقول:
كُنتُ أُصلّي، وكان طفلي بقُربي يناديني مراراً، ولم أرُد عليه.
فأتى أخوه الذي يكبُره بعامين فقط
فقال له : عيبٌ عليك أنْ تُقاطع كلام اثنين، أبي يكلّم الله.
- ظلّت هذه العبارة تطرُق سمعي وقلبي كُلّما كبّرتُ للصلاة
🌸عودتهم على الاستغفار وبينت لهم فضله
حينما نكون في زحمة الشارع والطريق متوقف نستغفر… كذلك حينما نفقد شئ نردد دعاء الضالة ونستغفر إلى أن نجده فاعتادوا عليه .
💎 زوجي عود ابني عمره اربع سنوات ..لو نروح مجمع تجاري او اي مكان وشاف عامل نظافه يعطيه مبلغ بسيط ..الان لو ماكان والده معنا يطلب مني مبلغ ليعطي عامل النظافة .
🌸مع والدهم في السيارة : بعد تحرك السيارة يبدأ دعاء الخروج ثم أذكار الصباح عند الذهاب للمدرسة ويتبعه بعض الادعية حتى صار الجميع يحفظ هذه اﻷذكار..
°•○♡●°•○●°♡○●°•○♡●°
حياتنا الأسرية
الأم الاخطبوط
بعد الجواز البنت بتصبح زوجة و بعدها بتبقى أم
يوم و را يوم بتزيد المسئوليات عليها
و بتحس ان كل يوم بيطلع لها ذراع جديد
عشان تقدر تنجز بيه مهمة جديدة فى نفس وقت
أنجاز المهمة القديمة.بتفضل كده لغاية
ما تلاقى نفسها بتعمل تلت اربع حاجات فى وقت واحد .
بترد.على التليفون و بتطبخ ، و ترد على ميل فى الشغل.
فى البداية بتبقى عاملة زى الساحر اللى فى السيرك اللى
بيحرك الاطباق على الحبال، و الناس مبهورة بسيطرته
و تحكمه ، و تفضل تصقف له طول العرض .
المشكلة أن الإم الاخطبوط بتفضل فى عرض مستمر طول ما هى صاحية . حتى فى الأجازات و المصايف ووكأنها أدمنت هذا الدور.
أعرف أمهات كتيييير أقتحم الاخطبوط احلامهم ، و بقت يا حرام
كل شوية تصحى تفتكر تروح تعمل حاجة او تحلم انها أنجزتها فى العلم.
أنا كنت أحدى نماذج الأم الاخطبوط ، لغاية ما بدأت أتعب ذهنيا و بدنيا ، و بدأت أجس بفقدان السيطرة و بوادر النسيان.
فى نفس الوقت دا بدأت إدرس علوم مختلفة و منها جزء عن ادارة الوقت. و لاقيت الى بعمله دا أسمه Multitasking
و المصطلح دا أخذه من فكرة الكمبيوتر . و قدرته على عمل اكتر من مهمة فى وقت و احد .
و بدأت تظهر دراسات بتأكد ان Multitasking دا خرافة
و عقلنا ميقدرش يعمل حاجتين بنفس الكفاءة فى نفس الوقت، اللى بيحصل اننا بنعمل shift يعنى تحويل من عمل لآخر ، و الحقيقة ان أثناء عملية التحويل ممكن العقل يقفد جانب من التركيز و دا يسبب احباط و توتر و تحميل اكتر على الاعصاب.
فعلا قلت لنفسى إذا كان الكمبيوتر بيهنج لما نديله أكتر من order فى نفس الوقت ، و الحل الوحيد اننا نعمل restart او shutdown . احنا للأسف بنفضل مكملين لغاية ما نحس أن فى كابل فى عقلنا بدأ يطلع ريحة شياط أو فيوز ضرب و عمل قفلة و النور قطع عن شبكة أتصالات عقلنا
و نلاقى كل اللى بنقوله " اييييييه، فيييييين ، ميييييين ، ليييييه ، امتتتتتتتتى " 🙄🙄🙄
عشان كده حلمى الأول لنفسى و ليكم إننا نقدر
- نحدد إولوياتنا فى الحياة نعمل إيه قبل أيه
مش ايه مع ايه
- فى وسط المهام دى كلها مننساش نطلع ذراع لينا ، يطبطب علينا و يهتم بينا و يدلعنا و يمسكنا من خدنا بقرصة جميلة و يقلنا " يا ختى جميلة يا ختى ، يا ذكية ، يا حلوة ، يا ناجحة يا مبسوطة ، يالى مفيش زيك اثنين يانا يانا💖💕💕"
-نتعامل بمبدأ ال delgation يعنى التفويض، مش لازم كل حاجة اعملها بنفسى ، و اما تكون 100% و الأ فلا. وعدى المهام اللى غيرك بيعملها و أرضى بأن تكون الجودة أقل شوية و الدنيا تمشى
فى الآخر عايزة أقول " أنت مصدر السعادة و التوازن لأسرتك فاقد.الشيىء لا يعطيه
سعادتك و توازنك و انجازك المتوازن للمهام هيديلك فرصة
تهتمى بأهم و أقرب إنسان ليكى
عارفة مين ؟؟؟؟؟؟
أنت ...... نفسك 😍💕
#احلام_ريهام
#الأم_الأخطبوط
#أنا_أم_سعيدة
https://www.facebook.com/rasha.septan?mibextid=ZbWKwL
حسابي الدعوي ع الفيس
=طفل تم ضربه فى الشارع علناً مراااات ومراااات من أبوه....مستحيل يتساوى مع طفل كان بيتعامل بحنيه وآدميه.الاول فقد ثقته تماااااااما
ده هيطلع شخص وده هيطلع شخص تانى خالص.
=طفل كان بيتربط بحبل ويتكتف فى رجل السرير وهو فى ابتدائى عشان اخطاء طفل عاديه ويتم ضربه وتجويعه...مستحيل يتساوى بطفل كان بيتم علاج اخطاءه بالعقل والنصح.
=طفل العصايه لمست جسمه عشراااااااات المرات وجسمه يعلم...مستحيل يتساوى بطفل لم يضرب إلا للتأديب والإرشاد .
=طفل كان بيتهان مرارا وتكرارا و بيتقاله (يلاااااااا) بدون اسمه اللى اتولد به...مستحيل يتساوى بطفل ابوه كان بيناديله يقوله (ياصاحبى) تعالى يا (حموكشه).
=طفل متحضنش من أبوه تماما غير وهو فى اللفه ميفتكرش أصلا...مش هيتساوى بطفل شبعان حضن ابوه وأمه.
=طفل أهله محدش خلاه يتعود علي المساجد ولا تلاوة القرآن ولا الأذكار ولافعل الخيرات ولا يزور مريض او يجامل فى فرح او يقف فى عزا..متنتظرش منه فى سن التلاتين انه يتعلم الاصول على كَبَر.
=طفل لما كان يقع فى مشكله كان يترعب يحكى عشان عارف انه يتكتف بالحبل...محدش خلاه يتعود انه يتكلم ويفضفض ويحكى ميخافش....غير طفل ابوه وامه حضنوه من صغره يقولوله (احكى متخافش...حتى لو غلطان)
زى ما فيه عقوق والدين...فيه عقوق ابناء🤚
■متنتظرش ابنك يطلع هادى...وانت كأب أو أم كنتو عصبيين معاه.
■متنتظرش ابنك يطلع بيحب قعدتك...وانت عمررررك ماحسسته بأمان ولا صاحبته ودايما حاطه تحت ضغط.
■متطلبش من ابنك (يبوس ايدك) ويقلد ابن خالته....لأن ابن خالته متهانش زي ابنك.
حاسبو نفسكم...وفتشو فى ماضيكم...
لأن فيه فرق كبير بين انك تعلم وتكبر وتأكل وتشرب...وفرق كبير بين أنك تربى🤚
منقول
وأنا في المركز النهاردة فاجؤوني إن فيه ولد جديد حياخد معايا (بدون تبليغ سابق ليا)، وبما إني اعتدت الصد.مات تقريبًا فالموضوع بالنسبة لي كان عادي يعني، روتينيات!
دخلت وسلمت عليه، ودار بيننا الحوار الآتي:
- اسمك إيه؟
- عمر.
- عندك كام سنة يا عمر؟!
- 11 سنة.
- يعني أنت كده في 5 ابتدائي؟!
- لسه حدخلها.
- ما شاء الله، وعملت إيه في 4؟
- كانت سهلة أوي، جبت في كله blue.
- أنت لغات يا حبيبي؟
- آه.
- حافظ قد إيه يا عمر؟
- لأ أنا ناسي، لسه حبدأ.
كنت متوقعة إنه حيكون عارف بعض قصار السور ع الأقل، فاتفاجئت إنه معرفش يقرأ الفاتحة حتى من غير مساعدة، وحرفيًا معرفش يسمع أي سورة كويس باستثناء سورة الإخلاص..
كنت زعلانة أوي؛ لأن واضح إنه ذكي ويجي منه، وفي نفس الوقت مكنش ينفع أبيّن أي انطباع سلبي؛ عشان ميُحبَطش..
بدأنا من الأول خالص، من أول الفاتحة!
وحسيت بوجع نفسي رهيب..
إنه الطفل ده يا جماعة يعني ما شاء الله متفوق دراسيًا وذكي، اهتميتوا تدخلوه لغات ويكون متميز، بس مش عارف يقرأ الفاتحة صح في السن ده!!..
قرأنا ورددنا وشوية بعديها سألته "تفتكر ليه مهم نحفظ قرآن يا عمر؟!"
سكت شوية يفكر، بعدين قال "ماما قالت إنه بيخلي الواحد ذكي، و..... ربنا كده يدخلنا الجنة؟"
وبما إن الحصة حصة قرآن، فالمفروض بناخده معاه أي حاجة بسيطة، ممكن حديث أو عقيدة أو آداب أو أذكار، وكده..
فجاء في بالي أدي له حاجتين..
إيه هو الإسلام؟
+ أركان الإسلام..
حسيت إني بتعامل مع مسلم عايش في الغرب، فمش عارف حاجة عن دينه غير إنه اتولد مسلم، واتوجعت بجد!..
- الإسلام: هو الاستسلام لله بالتوحيد، والانقياد له بالطاعة، والبراءة من الشࢪك وأهله.
حاولت أبسّط التعريف قد ما أقدر.
تعرف إيه هو الشرك؟
الشࢪك إن أعبد أي حاجة مع ربنا سبحانه وتعالى، زي مثلًا الأصنام ممكن حيوان، زي اللي بيعبدوا البقر، ممكن كواكب، أي حاجة، ممكن نبي!
زي مين مثلًا من الديانات حوالينا مشࢪكين؟!
"اليـ.هود؟!"
بالضبط شاطر! ومين كمان؟!..
(قعد وقت يفكر)، فقلت أنا: النصارى!
"إيه ده هو المسيحيين كمان يعتبروا مشࢪكين؟!"
أيوا طبعًا، مش هما بيعبدوا سيدنا عيسى؟!
سيدنا عيسى في اعتقادنا كمسلمين متصلبش، ربنا سبحانه وتعالى رفعه، كمسلمين إحنا مقتنعين إنه بشر عادي زينا، بياكل ويشرب، يعني إنسان! بس ربنا اختصّه بالرسالة!
عندهم لأ، هو الله، أو ابن الله!
وكمان هما بيعبدوا تلاتة؛ الأب والابن والروح القدس.
"أنا النادي بتاعي كله مسيحيين، أنا المسلم الوحيد في الفريق بتاعي.."
قال لي العبارة دي، فحسيت فيه حاجة رزعت في قلبي، قبل ما أسأل "ليه كده؟!"
قال لي "معرفش، ماما كانت شايفة إنهم ممكن يدخلوني مسابقات بقى وحاجات من دي، بشوف سيدنا عيسى (قصده الصـ.ليب) في كل مكان!"
"أنت في نادي إيه يا حبيبي؟!"
"نادي الشبان المسيحيين!"
(فيه حاجة رزعت في قلبي تاني!)
اتكلمت معاه شوية بخصوص ده، وحكى لي إنه نفسه ينقل نادي تاني، خصوصًا إن زمايله بيتكلموا عن دينهم كتير حواليه..
حسيت قلبي اتعصر وأنا بحاول أستوعب إنه أهله مسلمين عادي، بس معلمهوش في الدين حاجة، وفوق كده حطوه وسط بيئة شِࢪك بحجة إن فيها مميزات..
جاب في كل المواد امتياز، بس مقدرش يقرأ صفحة واحدة من القرآن صح..
قال إنه أكتر حصتين بيحبهم في المدرسة هما حصة العربي والدين، ومقدرتش محسش إن فيه جࢪيـﻤـة ارتُـﻜـبت في حق الطفل ده وفطرته، وفي نفس الوقت مكنش ينفع أبين ده! مكنش ينفع يبان غير جزئية تشجيع ودعم ومحاولات إحياء فطرة الولد الأساسية ورغبته في تعلم الدين..
وكل لما أفتكر الموضوع أحس بوجع ومسؤولية..
والكثير من "ليه؟!!!!!" مع كثير من القـ.هر..
الكثير من "ليه" لأهله..
والكثير من القـ.هر؛ لأنهم بوعي أو بدون وعي نسوا إن ابنهم اللي هما بيحبوه وبيحاولوا يختاروا له أحسن حاجة؛ مدرسة نادي إلخ..
حياته وحياتنا الحقيقية كلنا هناك في الآخرة مش هنا...
واللي هما عملوه لكل سنين حياته اللي فاتت إنهم حرفيًا اشتروا له بجهدهم ووقتهم وصحتهم وفلوسهم الدنيا بالآخرة..
فإيه قيمة إنه يكون أحسن حاجة في الدنيا ويروح يوم القيامة يتفاجئ إن حياته لسه حتبدأ وإن أهله نجّحوه في اختبارات الدنيا وتسبّبوا في فشله في اختباره الحقيقي، اللي حيحدد بعد كده بالمعنى الحرفي مصيره النهائي!..
وحاليًا مش قادرة أشيل من دماغي موقف الأب اللي اشتكى من عقوق ابنه ليه لعمر بن الخطاب (رضي الله عنه)، فالابن اشتكى له من باباه، وكان أحد الأسباب "ولم يعلمني من الكتاب (القرآن) حرفًا واحدًا!"
فكان رد عمر بن الخطاب (رضي الله عنه): "أجئت إليّ تشكو عقوق ابنك، وقد عققته قبل أن يعقك، وأسأت إليه قبل أن يسيء إليك!"
وبجد مفيش عقوق من الآباء تجاه الأبناء أكتر من إنهم يعيّشوهم بدين في البطاقة دون ما يخلطوه بلحمهم ود.مهم، ويشتروا لهم الدنيا بالآخرة، يعيشوهم في الدنيا بروح ميّـ.تة بحجة إنهم عايزيهم يعيشوا حياتهم!..
ربنا ينجينا..
ربنا يهدينا...
كلنا يا رب..
كلنا!..
مساؤكم محبة
نقول تاني/ التربية هي زرع.. حصد..
اللي هايزرع البذرة اللي عنده ويراعيها ويتعب عليها و يشوف افضل الاسمدة لرعايتها و يواليها بالرعاية والاهتمام
هايحصد ثمرة رائعة
اللي هايحط البذرة في التربة و يسيبها.. ويقعد يقول مهي النباتات هاتنمو لوحدها.. هايقعد كتييييييييير مش هايحصد غير الانتظار و القلق والتعب والتوتر .. و لو كان في ثمرة.. هاتبقى ثمرة غير صالحة
بيقولو ان كلام التربية و علم النفس دا كلام مثالي بل و الدليل على ذلك ان الجيل اللي طلع بتاع علم النفس دا جيل فاشل و بايز..
مع احترامي للرأي دا.. دا رأي المستسلمين.. اللي عايزين البذرة تطلع لوحدها و بيقولوا ان علوم الزراعة والهندسة الزراعية دي كلام فارغ
و بيقولوا كمان ان تطور الطب ادى لظهور امراض اكتر
مش عارفين ان عشان الطب تطور اكتشف امراض اكتر.. ماكناش شايفينها و بيشتغل على علاجها و ان الامراض مش سببها الطب دا سببها العبث اللي احنا بنعمله في البيئة و في الاكل و الشرب و في انفسنا
في جيل كامل من اباء و امهات اليومين دول اتربوا على مفاهيم خطأ و مفاهيم كارثية، جيل اتربى مشوه نفسيا وروحيا.. جيل مش فاهم واجباته و مسؤلياته ولا حقوقه
جيل فاكر ان الجواز عشان البنت تتستر، و عشان الراجل يخلف حد يشيل اسمه
جيل فاكر ان دور الاب يخلف ويرمي للأم تربي و هو يادوب يجيب الفلوس ويرجع يشخط و يمسك التليفون و يتفرج على التلفزيون و مش عايز دوشة
جيل امهات فاكرة الجواز حبيكو حبي، والتربية مذاكرة العيال و يجيبو درجات عالية عشان يدخلو كليات القمة
جيل فاكر ان القراءة للمثقفين و كلام فارغ وياعم كبر دماغك و ما عندناش وقت نقرا
جيل امهات بيقرا في الطبخ اكثر من قراءته في التربية
جيل فاكر ان الضرب بيربي رجالة
جيل بيتجوز عشان يتكاثر مش عشان يبني اسرة
جيل فاكر ان تأمين مستقبل العيال بتحويش فلوس كتير مش ببناء عقولهم وشخصياتهم
و لو استمر الجيل دا في نقل المفاهيم الخطأ دي الاجيال هاتسوء اكثر و اكثر
فوقوا بقى.. انتو الجيل اللي يقدر يغير المستقبل
اتعبوا شوية و اصبروا على تعبكوا هاتحصدوا ابناء اصحاء نفسيا.. (مش مثاليين) ابناء طبيعيين.. و حياة افضل
افتكروها
#زرع_حصد
مع محبتي
#دعاء_صفوت
#الجواز_حاجة_كبيرة
#لو_كانو_سألونا_قبل_ما_يخلفونا_كنا_لطمنا
#احنا_الجيل_اللي_محتاج_تأهيل
#لو_يعلمون
#تأملوا_حياتكم_بجد
#يا_رب_تفوقوا
#بلاش_سلبية
ما هو سر عافية الأطفال ؟
حب الزوجة لزوجها والزوج لزوجته هو سر عافية الأطفال:
يروى أحد الحضور لمحاضرة في المجال الأسري يقول :
في آخر دورة تربية حضرتها كان فيها 30 مشاركآ أو أكثر.. سألت المُحاضِرة:
"ما هو أفضل شيء تستطيع الأم أن تقدمه لأولادها؟"
فترددت الإجابات بين "الحب، الدين، الاخلاص، التقوى، الصداقة، الانفتاح، الهدوء، الإحسان" ومرادفاتها
فسكتت المُحاضِرة وقالت: جميع إجاباتكم هي بالفعل أمور جدًا مهمة في التربية..
لكن حسب دراساتي يُوجد ما هو أهم من جميع ما ذكرتم..
" أفضل شيء تقدّمه الأم لأولادها هو أن تُحبّ أباهم "
🖤 الصراع_الزوجي
قادر على إيذاء عملية تطور عقل الطفل، حيث تبدأ الآثار السلبية من الشهور الأولى، ويستمر صداها لعمرٍ طويلٍ "
يقول أحد العلماء:
جاء أحدهم ليسألني عن طريقة لتربية ابنه بحيث يستطيع أن يسجله في جامعة هارفارد، عندما يكبر..
فأجبته: إذا أردت أن تزيد نسبة ال IQ عند ابنك، اذهب إلى البيت وأحب زوجتك" ..
💗 "Go home and love your wife."💗
الخلاصة
ان الأسرة المتماسكة المتعاطفة المتحابة تصنع الأعاجيب في الصحة الجسدية والعقلية للأطفال عن طريق إسعاد كلٌّ من الزوجين شريك حياته.
والأطفال المحاطون بالحنان والعطف الأبوي قليلي الأمراض والعناد والعنف والانحراف والأمراض النفسية، فضلًا عن التأخُّر في التحصيل الأكاديمي.
( فإذا لم تكن على قدر من الوعي والمسؤولية، لِمَ أنجبت أرواحًا تتعذّب من قساوتك ).
ابني(هداه الله واصلحه وهو سبحانه على كل شئ قدير🌹)..
بقاله فترة بيصمم ينزل يلعب كرة..
أتعرف على مجموعة أولاد،وبينزلوا يلعبوا..
كل يوم ينادوا عليه،،وساعات ميقدرش ينزل،فإيه؟
فيقولوا طيب عايزين الكرة بتاعتك..
((علشان نوعها حلو وبيعرفوا يلعبوا بها،بس أكيد مقالوش كده))..
يوميا يديهم الكرة بعد ما يقولوله الأول تعالى ألعب معانا،
ولما يقول لهم مش دلوقتي،،يقولوا طيب هات الكرة وانزل إنت كمان شوية😄..
بدأت أقوله،،جرب ترفض كده؟..
قالي ليه؟
قلت له علشان ميحسوش إنك وكرتك متاحين طول الوقت،ومن حقك ترفض،والمفروض يتقبلوا رفضك..
كان بيتمرد جدا،ويعند معايا،،ويقولي لأ ومش هارفض دول أصحابي....
كام يوم ورا بعض،،باتناقش معاه أنه هتخسر إيه لما ترفض وتقول لأ؟؟
جرب تشوف الناس بتحبك علشان عايزين يلعبوا معاك شخصيا،،ولا عايزين الكرة..
لغاية ما يوم،،قالهم لأ مش هنزل الكرة(تقريبا حب يجرب كلامي)..
فضلوا يتحايلوا عليه..
وهو صمم على موقفه..
ف؟؟
فخاصموه وقالوا له مش هنلعب معاك تاني🙂
ماعدا واحد منهم..
ساعتها لقيته جاي،،بيقولي عارفة يا ماما لما رفضت؟؟
خاصموني..
قلت له عارف يا عمر؟
طول ما أنت عايش ويكون عندك امتيازات،
هتلاقي ناس بتقرب منك،وطول ما أنت متاح ومش بترفض،،هيفضلوا مقتنعين إنك حق مكتسب..
في العلاقات،،اتعلم إمتى تكون متاح،،وإمتى ترفض،ولما ترفض ترفض بأدب..
ساعتها هتعرف مين بيحبك بجد،
ومين بيحب الامتيازات إللي إنت بتديها لهم..
بعدها..
فضل يلعب مع الواحد ده بس..
والباقي بقوا يتحايلوا عليه يصالحهم🙂
وافق يلعبوا معاه،،بس بقى فاهم أنهم مجرد شركاء في لعبة جماعية علشان يعرفوا يعملوا فريق،،مش أكتر من كده..
وبقى يوافق أحيانا ياخدوا الكرة،،ويرفض أحيانا،،ولما بيرفض مبقوش يعترضوا،،ليه؟؟
علشان هم كمان فهموا أن براحته يوافق أو يرفض،،و إنهم برده مجرد زملاء لعبة،لكن مش أصدقاء..
كان نفسي أقوله،،عارف يا عمر أنا اتعلمت كده إمتى؟؟
بعد كتير أوي،،بعد ما عديت التلاتين من عمري..
و مش باجتهد إنهم يعيشوا في بيئة مثالية،
لكن بيئة واقعية..
علشان لما يتغدر بهم،،يبقوا عارفين الصاحب الحقيقي من صاحب المصلحة..
ونبقى جنبهم نخفف عليهم آثار الصدمات..
ليت الأبناء يعلمون أننا نود لو نختصر عليهم أعوامًا من الألم عشناها،،
و لازالت آثار جراحها في القلوب،،ولولا هذه الآثار ما تعلمنا ولا علمناهم..
الحمد لله رب العالمين..
#منقول وواقعي جداااااا
تربية الأطفال العنيدين يمكن أن تكون تحديًا، لكن هناك استراتيجيات يمكن أن تساعد في التعامل مع هذا السلوك بطريقة بناءة:
1. التحلي بالصبر والتفهم: حاول فهم الأسباب التي تدفع طفلك للتصرف بعناد. في كثير من الأحيان، يكون العناد وسيلة للتعبير عن مشاعر معينة مثل الإحباط أو الرغبة في الاستقلالية.
2. وضع حدود واضحة وثابتة: يجب أن تكون القواعد والتوقعات واضحة وثابتة. تأكد من أن طفلك يعرف ما هو متوقع منه وما هي العواقب في حال عدم الامتثال.
3. منح الطفل خيارات: بدلاً من إصدار الأوامر، حاول إعطاء طفلك خيارات متعددة. هذا يعزز شعوره بالسيطرة ويقلل من الميل إلى العناد.
4. الاستماع الفعال: اجعل طفلك يشعر بأن صوته مسموع وأن آرائه مهمة. الاستماع الجيد يمكن أن يساعد في نزع فتيل الكثير من الصراعات.
5. التعزيز الإيجابي: شجع السلوك الإيجابي بمكافأته على التصرفات الجيدة بدلاً من التركيز فقط على السلوك السلبي.
6. الهدوء والثبات: حاول الحفاظ على الهدوء وعدم الانفعال عندما يتصرف طفلك بعناد. رد الفعل العاطفي قد يزيد من حدة العناد.
7. إشراك الطفل في الحلول: عندما يواجه طفلك مشكلة، حاول إشراكه في إيجاد حل لها. هذا يعزز مهاراته في حل المشاكل ويشعره بالمسؤولية.
8. نموذج للسلوك الجيد: كون نموذجًا للسلوك الذي ترغب في رؤيته في طفلك. الأطفال يتعلمون الكثير من خلال تقليد الكبار.
اتباع هذه النصائح يمكن أن يساعد في إدارة العناد بطريقة إيجابية وبناء علاقة صحية مع طفلك.
لو انتا أب متدين، تعالى أقولك على أشهر عشرة اخطاء في تربية أولادك:
١- كل علاقتك بأولادك يكون محاسبة على الطاعة، حفظت؟ صليت؟ سمعت كلام ماما؟ جبت كام عند الشيخج
صورتك الذهنية عند الطفل مهم جدا يكون فيها حب، واحترام، واهتمام، وبرده نصايح ومتابعة.
جرب أول ما تيجي تطمن على صحتهم، تطمن على يومهم، يا ترى ايه أسعد لحظة في يومهم النهارده، في حاجة زعلتهم؟
٢- اعتماد مبدأ العقاب دون الثواب، يعني لو ما حفظش القرآن كويس، يتعاقب بكذا..
طيب هوا بقاله كذا مرة بيسمع كويس وياخد ممتاز، يا ترى إيه اللي قدمته ليه كحافز؟
الحوافز نوعان، داخلية وخارجية.
٣- الاكتفاء بالتوجيه دون التعليم، يعني ما صلاش تقول روح يلا صلي، لكن مش بتفهمه ليه أصلا بنصلي، هيستفيد إيه من الصلاة، هيخسر إيه لو ما صلاش..
خد بالك نبرة صوتك في التعليم هي الهدوء والشفقة، وإحساس الحب.
٤- عدم صنع ذكريات جميلة متعلقة بالطاعات، يعني مثلا واحنا رايحين نصلي نحكي قصة حلوة مثيرة، واحنا رايحين للمقرأة نشتري حاجة حلوة "في حدود المسموح اليومي".. احضنه وهوا طالع من لقاء المسجد أقوله وحشتني.
٥- ظنك أنك مالكش دور في التربية الإيمانية، ما الولد بيروح المسجد مع الأطفال ياخد درس دين، بيرةح للشيخ يحفظ، بيتفرج على فيديوهات تعليمية دينية.. كدا تمام عملت اللي عليك وزيادة!
لا والله.. دورك أهم من كدا، انتا لازم تكون شريك أساسي في عملية التربية الإيمانية والعقدية والسلوكية..
عمل الحوارات الإيمانية وكسب الثقة والتفاهم مهمة جدا.
٦- إنك ما تكونش قدوة، الأطفال خصوصا الجيل دا ذكي جدا "لمض" فسهل جدا ما يعملش العمل عشان بابا مش بيعمله.
التأثير بالقدوة مهم جدا جدا.
وانتا هنا لما بتعمل العمل مش بتعمله رياء عشان ابنك، لا انتا بتعمله لله ويكون من بركته صلاح ابنك.
٧- إنك مش بتدعيله بالهداية، رغم ان الدعاء حرفيا بيغير المصائر، محتاج تدعي دعاء اجمالي زي ربنا هب لنا من أزواجنا وذرياتنا قرة أعين، واجعلنا للمتقين إماما، ومحتاج تدعي دعاء تفصيلي زي يا رب حبب القرآن لابني، يا رب زين الحجاب في قلب بنتي، يا رب ابعد صحبة السوء عن أولادي، وهكذا.
٨- مش بتعمل أعمال صالحة وواحدة من النيات إنك تشوف أثرها في ابنك.
اعمل اعمال صالحة لترد لك في هداية أبنائك.
٩-مش بتتواصل مع المعلمين والمربين عشان يدوك تقرير عن مستوى ابنك، وخد بالك من السلوك قبل أي شيء.
١٠- ظنك إن أخذك للوسائل التربوية كاف ليكون ابنك صالح، لا الأهم من الوسائل هو التوكل على الله.. والله لو عملت كل حاجة وربك مش كاتب مش هتحصل.
#مصلح
د. عمرو طه الزواوي
الرقم: ( 804 )
كتاب: ( تربية الطفل فنون ومهارات)
طفلك من الميلاد إلى عامين
تأليف: ياسر محمود
🌟
كتاب: ( تربية الطفل فنون ومهارات )
طفلك من 2 إلى 6 سنوات
تأليف: ياسر محمود
"الأم التي تقرأ القرآن وتسمّعه باستمرار وهي حامل في ولدها ، يخرج الطفل وكأنّه سمع القرآن كاملًا مما يسهل عليه الحفظ وهو في الصغر ،وهذا الأمر مجرّب وله أثر بفضل الله."💛
Читать полностью…
لما الطفل يغلط و قبل ما نعاقب او نتعصب لازم الاول نسأل نفسنا هو ليه غلط الغلط دة ؟
لو عرفنا السبب يبقى هنعرف نحل المشكلة من غير ما نتسبب فى سلبيات فى شخصية الطفل من الاساليب التربوية الغلط زى الضرب و الزعيق لانهم فى الاصل مش حل و انما مجرد تنفيس لغضبنا احنا .
من الاسباب اللى ممكن تخلى الطفل يغلط :
1- عدم قدرة الطفل على ضبط نفسه او اصلاح سلوكه
و دة طبيعى فى الاطفال لان سنهم صغير اوى على انهم يصلحو او يعدلو من سلوكهم
يعنى مثلا ممكن طفل عمال يعيط و انتى مدايقة من صوته و تقعدى تزعقى اسكت اسكت و هو ميسكتش ....و تقولى دة عنيد ...لكن الحقيقة انه مش عارف يسيطر على نفسه لان سنه اصغر من انه يقدر يتحكم فى نفسه و يظبط انفعلاته.
مثال تانى ..فى سن السنتين مثلا بيبقى طبيعى جدا فى الطفل الانانية و يحبو ياخدو و ميدوش ....تيجى انت تطالبيه انه يدى حاجة او يعمل عمل معين ...هو ممكن يرفض ...مش علشان هو وحش لا علشان دة ضد طبيعته فى المرحلة العمرية دى .
2- الجهل و عدم الفهم الصحيح للامور
خدى بالك انه معندوش وعى زى وعى سيادتك !!
لازم انت اللى تنزلى لمستوى تفكيره مش تطلبى منه ان هو اللى يطلع
3- حب الاستطلاع
و دة طبيعى فى السن دة و لازم نشجعه مش نحبطه
مثال شااااائع ::الطفل اللى يطلق عليه الطفل المخرب
تلاقى ابنك عمال يقلب فى البيت و يفكك فى اللعب بتاعته و انت بقى تزعقى " انت على طول كدة تكسر اللعب و تبهدل الدنيا ....مش هاجبلك لعب تانى "
هنا الغلط مش منه ده منك انت
يعنى هو طبيعى انه يحاول يكتشف و انت عليكى تنمى الحكاية دى او تقتليها
و لما تقتليها مترجعيش تزعلى و تقولى هو ليه معندوش ابداع!!
لو فتح لعبة علشان يكتشفها شاركيه اكتشافه و افرحى بيه بدل ما تحبطيه .
و هنا لازم تفرقى بين انة بيكتشف او انه بيتعمد التخريب فعلا او بهدلة الدنيا ...ليه بقى ؟؟
لان الحالة الاولى علامة صحية .....اما التانية علامة مرضية تدل انك غلطانة فى التعامل معاه و لازم علاج .
4- لفت الانتباه
دى مهمة اوى ....ممكن يكون هو مش حاسس باهتمامك بيه و نفسه تهتمى بيه فيعمل قلق بس علشان يقولك انا اهو ...
5- الفراغ عند الطفل
و دة بيعمل له ملل و الملل يخلى تصرفاتة مش مظبوطة و متلوميهوش على كدة ....لا نلوم نفسنا لاننا احنا اللى لازم نشغل وقته بحاجة مفيدة .
6- حب اعتماد الطفل على نفسه .
و هنا طبعا لااااااازم يغلط و لازم انت تسيبية يغلط و يتعلم من الغلط الصح ....لازم نسمح للطفل بالتجربة و نسيب له مساحة من الغلط على يكبر الطفل دة على الثقة بالنفس و التقدير للذات .
7- شعور الطفل بانه مفتقد شيئا ما ....و دة ممكن يكون :
الاكل الجيد
الحب فى الاسرة
الامان
التقدير
تحقيق ذاتة و تجربة الامور بنفسه
يبقى احنا دلوقتى علينا اننا قبل ما نعاقب على السلوك السئ و الغلط لازم نعرف الدوااااااااااااااافع الحقيقية ورا السلوك دة علشان يبقى العقاب تاديب و ليس تعذيب .