12613
نهدف إلى تربية أوﻻدنا تربية إسلامية صحيحة
تابع قناتي *عطاء داعية* في واتساب:
https://whatsapp.com/channel/0029Va6pn2I23n3WnyKzih3Y
"وَأَصلِح لِي فِي ذُرِّيَّتِي"
كلُّ نظرياتِ تربيةِ الأبناء
وممارساتِها تبقى ناقصة مالم
يكنْ أولها الدعاء لهم .
اللّهم اجعل أبناءَنا في حفظِك وكنفِك وأمانِك وعياذِك وحزبِك وحرزِك ولطفِك وسترِك من كل شيطان ، إنسٍ وجانّ ، وباغٍ وحاسدٍ ، ومن كل شيء أنت آخذٌ بناصيتِه . آمين
وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا"
#يوميات_قرءانية
وأنت في مشوار تحفيظ أولادك القرآن:
لا تُكثر التحدث عنهم أمام كل من هب ودب : ابني خلص جزء / ابني تم تكريمه في دار التحفيظ / بنتي متفوقة بشهادة محفظيها
لا تكثر من نشر صورهم علي وسائل التواصل واعلم أن العين حق
وأكثر من رقيتهم ومن الدعاء لهم
فكم من فتى كان يٌضرب به المثل في سرعة الحفظ واتقانه = ثم انتكس دون أى أسباب ظاهرة وأغلب الظن أنه بسبب العين
#مشوار_تحفيظ_أولادك_القرآن
استمعت بالأمس لمراجعة أ. أحمد دعدوش عن فيلم باربي..
مراجعة هايلة.. ✅
حرق فيه الفيلم وكشف أصل الدمية دي ومين اخترعها وكالعادة هم اليه**وd
اللي ليهم في كل مفسدة قصب السبق واليد الطولى..!
ولا عجب..!
أصل الحكاية.. ست منهم هربت من أهلها وهي مراهقة مابين الحربين العالميتين.. واتجوزت صاحبها..
وده فعل مكنش موجود ساعتها.. وكانت القيم المتحفظة لسه بتحكم العالم 🌏..
فدي كانت فلتة زمانها..
كانت البنات قبل باربي بيلعبوا بدمى نونو تشبه البيبي كنوع من تفريغ عاطفة الأمومة من الصغر والتدريب عليها..
جت الست دي قالت لا..
أنا هخلي الدمى شكلها حاجة تانية..
تمثال كامل بمقاييس غاية في الدقة والصعوبة وبعلامات أنوثة واضحة..
وهغير شكل عالم لعب الأطفال..
جوزها كان صاحب شركة ملابس.. وقلبها عشانها لعب أطفال..
بدئت الست دي تصمم للدمية ملابس مخزية.. قصيرة ومكشوفة..
كمان حطت معاها أفكارها النسوية اللي فيها رمي لدور الأمومة والاتجاه للفردانية والذاتية..
عن طريق تصميم دمى باربي اللي بتشتغل بأه..
مضيفة..
مهندسة.. إلخ
= ملحوظة مني أنا ; عمري ما شفت باربي معاها نونو فعلا بترعاه.. إلا لازم ألاقيها :
يا لوحدها في قصرها أو بيتها الوردي..
يا مع الواد اللي مصاحباه..
يا مع بنات زيها..!
نكمل..
الست دي وجوزها لقوا دعم رهيب.. ودعاية مجنونة.. تمام زي اللي بيحصل حاليا لفيلم باربي..
بالتالي الدمية دي انتشرت.. ومعاها خلطة أفكار نسوية هدامة بجدارة..
المصنع بتاع زوج الست كبر وبقى من أكبر مصانع الدمى في العالم 🌏..!
الست اللي كانت متهربة من الضرايب وواجهت أزمة السجن...
بدعم من اللوبيات..
قدرت تسوي مع الحكومة كل حاجة بشوية فكة..!
وكملت نشاطها عادي جدا!
المصنع كبر..
والدمى انتشرت..
ومع تحولات العالم 🌏 الرهيبة بعد الحربين العالميتين..
أصبح انتشار الفكر اللي من وراها أسرع..
انتشرت باربي في كل البيوت وحققت مكاسب خرافية على المستوى المادي..
أما على المستوى الاجتماعي..
فقدرت :
⛔تزرع عدم الحياء في البنات والنساء بل والجرأة والبجاحة في اللبس..
⛔تزرع التمرد على الدور الأمومي ورعاية الأطفال..
⛔ عقدت البنات والستات في عيشتهم بسبب نموذج الجمال الخرافي والنحافة والشعر وطول الساقين والصدر.. وخلت الشكل ده هدف وطموح لملايين الستات..
⛔كسرت حاجز الحياء بين البنت والولد وسمحت بوجود بوي فريند للبنت عادي بيجي لها البيت وبتسهر ترقص معاه وبيعوموا سوا بالمايوهات..
⛔وأخيرا في الفيلم المذكور.. روجت لفكرة المجتمعات الأنثوية المنفصلة عن المجتمعات الذكورية تماما.. وده طبعا ترويج فاضح للمث***
طول عمري بكره العروسة دي..
وحتى لما اخترعوا فلة. النموذج العربي من باربي..
كانت بالنسبة لي ماسخة..
وكنت حاسة بردوا إنهم هيروجوا لحجاب علموضة يخلي البنات يخرجوا من الشكل المعتاد الفضفاض للحجاب..
لعبايات ملزقة عالجسم. تكشف أكتر ما تستر وأهو حصل..!
الفيلم كارثة بمعنى الكلمة..
وهو دعوة صريحة للفكر الجندري..
والتمرد على عالم الذكور وجعله تحت الأقدام..
بل والاستغناء عنهم ورفض وجودهم في المناصب العليا في أي مكان..
كمان ظهر في الفيلم المتحولون ج***يا كفئة مجتمعية نعيش معاها عادي ونقبلها بيننا..!
يعني من الآخر..
كل نموذج منحرف وضعوه في الفيلم بس في قالب وردي ولون بمبي.. عشان محدش يحس بالسموم اللي متقدمة له..
شكرا على المراجعة القيمة من قناة السبيل..
⛔ وياريت نكرّه بناتنا في اللعبة الخبيثة دي..
أديكوا عرفتوا أولها من آخرها..
حفظ الله بناتنا وبنات المسلمين ♥️ من كل سوء..
#معلمةصفاء 🕊️
#ركن_صافي 🌻
" علّموا أولادكم أن الصلاة خيرٌ من النوم ، ومن الحُب ، ومن الصُحبة ، ومن البُكاء ، ومن الكلام ، ومن المال ، ومن الضحك ، ومن الأكل ، ومن العمل ، ومن السفر ، ومما تتمنّى ، ومما تملك ومما لا تملك ، ومن ضعفك ، ومن قوّتك ، علّموهم أن الصلاة خيرٌ من الدنيا وما فيها ".🩵🩵🩵🩵🩵🩵🩵🩵🩵🌻" ".
Читать полностью…
•
"من أجزل ما يبذله الآباء في تربية أبنائهم إعانتهم على حفظ القرآن الكريم أو ما تيسر منه، وترغيبهم فيه وتشجعيهم عليه وتهيئة أسبابه‚
فإنَّ القرآن يورث أهله زكاءً في القلب ونورًا في العقل ودماثةً في الخلق وفصاحةً في اللسان، وهو يفعلُ في نفوس الناشئة ما لا تفعله أرقى المدارس"
#تربية
أهل جايبن ابنهم المستشفي مغمي عليه وبيبكي نتيجه إنهيار عصبي فهمنا من الأم إن حصل خناقة بين الأب والإبن والابن إتعصب جامد وبدأ يتشنج لحد ما وصلنا كده
الغريب إن ملامح الأب مكانش متأثر نهائي مش فارق معاه وجاي معاهم غصب عنه ، واقف برة المستشفي كل الي فارق معاه إنه عايز الموضوع يخلص ويروحوا
شباك الاوضه بتاعتي فاتح علي قدام المستشفي فكنت شايف الموقف من أول وصولهم .. فضلت شوية متابع الأب غصب عني لحد ما جاتله مكالمة وفضل يزعق ويقول هو كل يومين يعمل نفس الموضوع ونجيبه المستشفي .. المكالمة كانت طويلة وكلها قسوة " لفت نظري جملة قالها في وسط المكالمة " أنا عايز اطلعه راجل و قسوتي عليه علشان يجمد كده ، لا مش هدخله أمه معاه جوة هبقي أراضيه بكلمتين لما يخرج ونروح "
فات ساعة وأنا كل شوية اخلص حاجه و عيني تقع تاني علي ملامح الأب اللي مش باين عليه اي حاجة غير الجحود ، لحد ما جت اللحظة اللي الامن نده فيها علي اسم وقام الراجل بأمتغاض شديد يرد وعرفت ان ده اسم ابنه
وقاله كلمتين .. البقاء لله ابنك توفي و تعالي عشان والدته مغمي عليها جوه !!
.كانت الكلمة كافيه إن الاب يوقع في لحظتها علي الارض واتحول الجحود لبكاء شديد وصراخ وهستيريا طفل مش راجل كبير
" خلاص والله قولوله يرجع وانا مش هزعله تاني مش هضايقه مش همد ايدي عليه خلاص انا غلطان والله انا كنت فاكره بيكدب لما كان بيقول قلبي بيوجعني منك "
الولد أتوفي نتيجه الإصابه بمتلازمه القلب المكسور او ما يعرف Broken heart syndrome واللي احد اهم أسبابها فعلا الشعور بالخزن المستمر و الضيق و الضغط العصبي
كل الناس من حواليا رايحين نحية الراجل يطبطبوا عليه ويشيلوه من علي الارض وانا رغم إشفاقي علي حاله وإبتلائه لكن كان جوايا عاوز أقولهوله كتير
كان نفسي اقوله شوفت ان الحياة مش دايما هتديلك فرصة تصلح الي خربته ! شوفت ان قسوتك عليه معملتش منه راجل دي خدته منك خالص !! رفضت تدخله تراضيه بكلمتين كان ممكن يكونو فارقين معاه رغم ان القدر نافذ لكن علي الاقل متعيش محسور من بعده وحاسس بالذنب
رغم ان انا معرفش ايه اللي حصل بينهم وهل هو كان كويس ولا لأ ، بس اللي شوفته ان القسوة مجابتش غير قسوة ، والتربيه السليمه مش كده يا جماعه لازم تشد شويه و ترخي شويات لازم تبقي قريب من ابنك مش تعاديه " كلكم راع و كلكم مسئول عن رعيته "
بلاش القسوة وبلاش العند وبلاش تأجلوا تصليحكم للغلط ، الحياة مش علي مزاجك هتسيبك تختار الوقت الي تصلح فيه غلطك
الحياة مش دايما هتديلك الفرصة اللي انت عايزها !
دكتور أطفال
لما تخلفي ولد متسمعيش كلام اللي حواليكي اللي يقولك انشفى واقسى معاه ف المعاملة عشان يطلع راجل !!😑
لأ .. علميه يبقى حنين ❤️..
علميه يحبك و يحترمك ..
علميه يحضنك ف الشارع ويمسك أيدك وانتوا ماشين
علميه يمشى فرحان وفخور بيكي..
مش يمشى مداريكى ورا ضهره..
عشان لما يكبر ويقرر يتجوز ربنا يبعتلك اللي تعيش تدعيلك العمر كله إنك طلعتي راجل حنين علي بيته بيعرف يحب ويحترم ويقدر الست ال معاه
مش يطلع معقد نفسيا ❤️👶..
💠 أعظم أسباب صلاح الأبناء (كثرة الدعاء لهم) فاحترس أن تستغرق كثيرًا بالوسائل التربوية الحديثة،وتغفل عن الوسيلة العظمى وهي الدعاء. (فهد الشنيفي)
💠 كان الحسن والحسين يجلسان على ظهره صلى الله عليه وسلم وهو ساجد فيطيل السجود حتى يأخذا حظهما من المتعة واللعب. (نصائح في التربية)
💠 حاجة الطفل إلى المدح دافع له نحو العمل والإنجاز، حاجة الطفل إلى القبول تؤدي إلى تنمية الصفات الإيجابية للطفل وإلى إبعاده عن كثير من السلبيات. (أمهات صح)
💠 علينا أن نوفر لأطفالنا بيئة آمنة من خلال جعل البيت هادئا وإشاعة الحب والرحمة والاحترام المتبادل، وهذا يشجعهم على حب الناس وحسن الظن بهم. (نصائح في التربية)
💠 فائدة مهمة: تقليل النقد داخل الأسرة وخارجها قدر الإمكان تنشيء أبناء صالحين متصالحين مع أنفسهم والآخرين ! (نصائح في التربية)
💠 إن رحلة تربية أبنائنا على النحو الجيد تبدأ من عندنا حين نقرر أن نربي أنفسنا ونضغط عليها من غير هذه العزيمة ستكون الخسارة فادحة ! (نصائح في التربية)
💠 إحساس الطفل بالفراغ والملل هو الدافع الأساسي وراء مشاغباته المستمرة في محاولة لملء هذا الفراغ؛ فأشغلوهم بالمفيد قبل التهديد والوعيد. (طفولة)
💠 ضعف الرقابة على اﻻجهزة اﻻلكترونية وإيصال الواي فاي لأجهزة اأطفال، وامتلاكه لجوال متصل باإنترنت بداية فقد الولد وتولي الغير تربيته. (طفولة)
💠 الطفل يحب التشجيع والثناء بكافة أنواعه؛ في كل مراحل حياته، فلنحرص على استثمار هذا الشعور في توجيهه إلى ما فيه الخير له، ولمستقبله. (طفولة)
💠 احرص بأن تكون مطلعاً على اهتمامات طفلك وشاركه هذه الاهتمامات فهذا يشجعه على التواصل معك. (الاستشارات العائلية)
╮ا┅┈┈┈ • ✦💧✦ • ┈┈┈┅ا╭
#نصائح تربية
🍓من أسهل الطرق لتربية الأبناء:
🍓1- الأب الذي يقول عند دخوله البيت: (السلام عليكم) ويطرق الباب ويبتسم لزوجته وأولاده؛ سيُعلِّم أولاده الاستئذان وإلقاء السلام والابتسامة.
🍓2- الأب الذي يحترم أبيه وأمه ويقبل أيديهما، سيُقبل يداك أيضا أولادك في يوم ما ويطيعونك.
🍓3- الأب الذي يساعد زوجته في أعمال المنزل سيتعلم منه أولاده التعاون ومساعدة الآخرين.
🍓4- الأم المحجبة والمحافظة على الصلاة وقراءة القرآن الكريم في البيت ستجعل بنتها محجبة محافظة على الصلاة وقراءة القرآن.
🍓5- الأب والأم المتفقان المتفاهمان فيما بينهما خاصة أمام الأولاد ولا يتشاجران ولا يرفعان أصواتهما ، سيجعلان أولادهما يحبون البيت ومتآلفين متحابين وأكثر تماسكا وأكثر تفاهما.
🍓6- الأب الذي يصل رحمه ويُحسن إليهم ويحبهم سيتعلم منه أولاده صلة الرحم والبر والإحسان.
🍓7- الأب الذي يأخذ رأي زوجته وأولاده في بعض الأمور ويتناقش معهم ويحترم رأيهم سيُعلم أولاده المشاركة والإيجابية.
🍓8- الأب الصادق مع أولاده سيعلمهم الصدق ، والأب الذي يفي بوعوده معهم سيعلمهم الوفاء بالوعود مع الناس.
🍓9- الأب والأم المحافظين على النظافة والنظام والترتيب سيجعلون أولادهم منظمين في حياتهم محافظين على غرف نومهم.
.................
🍓-#ملحوظة_هامة يا أخي ويا أختي:
(لا نطلبوا من أولادنا شيئًا ونحن لا نفعلوه، ولا ننهوهم عن شئ ونحن نفعلوه، فلا نأمر ابناءنا بالصلاة مثلا ونحن لا تصلي، أو نأمرهم بعدم التدخين وأنت تدخن أمامهم، ولا تأمري ابنتك بالحياء وأنتِ يخالف فعلكِ قولك).
متستعرضوش امكانيات ولادكم ف حفظ القرآن و التعلم أمام الناس
عشان و الله هينتكسوا و هتنتكسوا معاهم.
و افتكروا ان لا حسد الا في اثنتين منهما " رجل أتاه الله القرآن ".
ولادكم الي لسة صغيرين لا يستطيعون حفظ أنفسهم بالرقية و لا الاذكار
حاوطوا عليهم اسألكم بالله.
# و اذكر نفسي.
هم ولادنا بيجيبوا الوقت ده كله للأجهزة منين ؟
عشان مش بيشيلوا أطباقهم
عشان مش بيعملوا سندويتشاتهم
عشان مش بيقعدوا مع اخواتهم
عشان مش بيروحوا يشتروا طلبات البيت
عشان مش بيكووا هدومهم
عشان مش بيقروا
عشان مش بيكلموا أو يزوروا قرايبهم
عشان مش بيساعدوا جيرانهم
عشان مش بينزلوا يتمشوا مع أصحابهم
عشان مش بيقعدوا معانا يسألونا عن يومنا
عشان مش بيساعدوا اخواتهم في واجباتهم
عشان مش بيغيروا ديكور اوضتهم
عشان مش بيعملوا فطار ولا عشا
عشان مش بينزلوا يصلوا في المسجد
افتكروا كده احنا كنا بنعمل ايه في يومنا زمان ..
احنا اللي دلعنا ولادنا .. و نزلنا سقف توقعاتنا منهم .. و بقينا بنعمل لهم كل حاجة !
متخيلين الانسان اللي مايعرفش في الدنيا غير موبايله ده .. هايطلع شكله ايه لما يكبر ؟!!!
ادوهم مسؤوليات .. وتابعوهم .. وحددوا وقت الأجهزة .. و ماتخافوش من ثورتهم و اعتراضهم ..
مسؤوليتنا قدام ربنا نطلع انسان متزن .. مسؤول عن نفسه .. و حاسس بمسؤليته عن غيره ..
#وعن_عمره_فيما_أفناه
اقسم بالله ليُحاسب كل اب وكل ام عن تعليم أولادهم اساسيات الدين
يعني اية طلاب الصف الاول والثاني الإعدادي ما يعرفوش ما هو عماد الدين ؟ ما يعرفوش بني الإسلام على خمس ؟
طيب دة يكبر ويكبر معاه الوازع الديني منين ؟ منين يحس بألم الحرام ومتعة الحلال ؟
حسبي الله ونعم الوكيل في كل اب وام تهمل في تعليم الدين وحثهم على الصلاة
إذا بلغ الطفل سنّ السابعة، ولم يأمره والداه بالصلاة، ولم يتخذا كل الأسباب التي تجعله يستقيم على الصلاة، وتختلط بلحمه وعَظمه إذا بلغ العاشرة، فهما عاصيان لله ورسوله ، وخائنان للأمانة، ومفرطان تفريطًا يوشك أن يندما عليه ندمًا كبيرًا يوم لا ينفع الندم، وكل يوم لا يصلي فيه الولد من يوم بلوغه إلى أن يموت فعليهما كفلٌ من ذنب ولده المقصّر، أرأيت لو كانا علّماه وأدباه ووضعاه على طريق الصلاة من أول يوم ميّز فيه وبلغ السابعة، أفيكون لهما أجر على كل سجدة يسجدها؟ نعم. فهذه هذه.
المصيبة الكبرى أن يكون الوالدان لا يصليان أصلا، ولا يسجدون لله سجدة!
عمر أبو اليزيد
بعدما علّينا أو اتعلى علينا سقف الجمال عند النساء -وده مفهوم وله وجاهته- دلوقتي بنعلي سقف الجمال عند الأطفال.
كل اللي بيحب الأطفال ينزل صور لطفل أو طفلة في منتهى الجمال، وجنبهم دعاء أو بيت شعر غزل، أو حتى سادة من غير إضافات، المهم الطفل يبقى في منتهى الجمال.
طيب ولو ربنا رزقك بطفل شبه الأطفال اللي حواليك عادي واللي بتشوفهم في الشارع والمواصلات وچيناتهم من چيناتك دول، هتتعايش ازاي مع المصيبة الفظيعة دي؟ مش مصيبة ولا حاجة؟ طيب خف على نفسك وعلى غيرك الصور دي والتوقعات دي، عشان الواحد بقى بيسمع تعليقات من ناس كتير. على إن عيالهم مش حلوين وما شابه.
الطفل جميل لطفولته، لو زاد جمال فنعمة وفضل أكيد، لكن لو عادي فالمهم تجمله بالأخلاق والتربية الصحيحة، لما يكبر مش هيقولوا لك ابنك مش حلو يا أستاذ ولا بنتك مش جميلة يا مدام، بس ممكن يقولوا عيالكم مش متربيين، فهونوا على أنفسكم ﷲ يرضى عنكم وسلوا ﷲ الذرية الصالحة واعملوا على إصلاحها.
صهيب غازي
ما شاءالله
اللهم زد وبارك
✍️من أفضل الأرزاق
صلاح الأبناء وعافيتهم .
عندما يقوم إبنك لصلاة الفجر بمفرده ذاك هو النجاح الحقيقي الذي يستحق التهنئة أما سواه فمجرد نجاح مؤقت
اللهم ارزقنا الذرية الصالحة
ولادك مش هيصلوا الا لما انتي تذكريهم
مش هيتوضوا صح الا أما تعلميهم وتقفي كتير تراقبيهم
عندهم استعداد طول النهار يتفرجوا ع التليفزيون أو يمسكوا التليفون و مش هيزهقوا الا لما انتي تشدي الفيشة
مش هيذاكروا الا لما انتي تقعدي معاهم
هيتعلموا الصدق الامانه الحب المشاركه.......... منك برده
انتي ف ايدك ريموت لكل حاجه
مفيش مجال انك ترمي الريموت شويه
اه بنتعب
بس مينفعش نسيبهم لنفسهم
انتي اللي بتدوري على الجعان تأكليه والعطشان ترويه والمريض تهتمي بيه والغايب نسأل راح فين
والضعيف تقويه بيكي
الموضوع كبير ومرهق وصعب بس
دول أمانة ♥️
كل التعب ده ليه ثمرة
هنشوفها بعدين
مفيش طفل صعب الترويض كل طفل ليه مدخل ، دوري عليه عشان تفهمي ابنك
ادعي كتير لولادك
كتير
الكلمه الطيبه تلين الحجر
اغدقي عليهم بحلو الكلام
الكلمه الحلوة منك انتي حاجة تانيه
نفس طوييييل بقى ونستعين بالله في تربيتهم
وربنا هيراضينا في اولادنا
يارب راضينا في اولادنا ♥️
♥️♥️♥️
طفلك أبو سنتين و٤ سنين
يحفظ بالأحكام بالمخارج صح
يسمعهم حتى لو مش عارف يقولهم
ماما وبابا مدرسوش تجويد ومخارجهم مش مجودة
يبقى ندور على محافظ
نشغل الحصري والمنشاوي المعلم
لكن أحفظ العيل أول ٥ ل ١٠ أجزاء بدون تجويد
أصله عيل ومش هيقدر
بناء صح أسهل من تقويم الخطأ
حضرتك علشان حافظة غلط وتروحي تصححي تتعبي فتقيسي دا على طفلك يبقى ظلماه
عيالكم ودانهم ميزانهم
خلوهم يسمعوا يسمعوا يسمعوا يتلقنوا من متقن
طلعي نفسك منها زي ما انت مطلعها من الفونكس
من أسهل الطرق لتربية الأبناء:
1- الأب الذي يغلق التلفاز عندما يسمع الآذان ويذهب للصلاة سيجعل أولاده يحافظون علي الصلاة مثل أبيهم.
2- الأب الذي يقول عند دخوله البيت: (السلام عليكم) ويطرق الباب ويبتسم لزوجته وأولاده؛ سيُعلِّم أولاده الاستئذان وإلقاء السلام والابتسامة.
3- الأب الذي يحترم أبيه وأمه ويقبل أيديهما، سيُقبل يداك أيضا أولادك في يوم ما ويطيعونك.
4- الأب الذي يساعد زوجته في أعمال المنزل سيتعلم منه أولاده التعاون ومساعدة الآخرين.
5- الأم المحجبة والمحافظة على الصلاة وقراءة القرآن الكريم في البيت ستجعل بنتها محجبة محافظة على الصلاة وقراءة القرآن.
6- الأب والأم المتفقان المتفاهمان فيما بينهما خاصة أمام الأولاد ولا يتشاجران ولا يرفعان أصواتهما ، سيجعلان أولادهما يحبون البيت ومتآلفين متحابين وأكثر تماسكا وأكثر تفاهما.
7- الأب الذي يصل رحمه ويُحسن إليهم ويحبهم سيتعلم منه أولاده صلة الرحم والبر والإحسان.
8- الأب الذي يأخذ رأي زوجته وأولاده في بعض الأمور ويتناقش معهم ويحترم رأيهم سيُعلم أولاده المشاركة والإيجابية.
9- الأب الصادق مع أولاده سيعلمهم الصدق ، والأب الذي يفي بوعوده معهم سيعلمهم الوفاء بالوعود مع الناس.
10- الأب والأم المحافظين على النظافة والنظام والترتيب سيجعلون أولادهم منظمين في حياتهم محافظين على غرف نومهم.
.................
-ملحوظة هامة جدًا يا سادة:
(لا تطلبوا من أولادكم شيئًا وأنتم لا تفعلوه، ولا تنهوهم عن شئ وأنتم تفعلوه، فلا تأمر ابنك بالصلاة مثلا وأنت لا تصلي، أو تأمرهم بعدم التدخين وأنت تدخن أمامهم، ولا تأمري ابنتك بالحياء وأنتِ يخالف فعلكِ قولك).
التربية بالقدوة أسهل الطرق المباشرة في تربية الأولاد.
أنا عارفة إن كلنا نفسنا ولادنا يصلوا من نفسهم..😌
بدون واجب ( المجاهدة) بالأمر بها والاصطبار على ده..
🤨
عارفة إن ساعات كتير بيبقى دمنا تقيل وإحنا زي جهاز التسجيل اللي كل شوية يسأل...📟
📟صليت؟
📟صليتي حبيبتي؟
📟خلصت صلاة؟
📟تصلي معايا؟
📟تأمني في الصلاة؟
📟خلص اللي في إيدك قبل فوات وقت الظهر..
📟لا مش هنزل النادي غير وإنت مخلص صلاتك..
كل ده بيخليكي تباني قدام نفسك مزعجة وزنانة 😌
🫡بس فين المفر من دور زي ده؟🥲
مفيش..!
🫡مين في الكون هيخاف على ولادك ومصيرهم قدك؟
مفيش..!
🫡مين هيقدر يصبر على غرس العبادات واحدة واحدة في حياتهم ويجاهدهم في ده غيرك..؟
مفيش..!
🏆ده دورك العظيم اللي عليه ثواب لا تتخيليه..
إنتي بتربي عبد لله..
🎃مش عبد لشهواته ولا أحلامه ولا أصحابه ولا سوشيال ميديا..
🛌ولا حتى عبد للراحة والكسل..
فاصبري واحتسبي النية وجدديها..
وإن شاء الله بالدعاء والحكمة والصبر والحزم والشدة الرحيمة ساعات..
هتلاقي نتيجة بإذن الله تعالى 😊
#معلمةصفاء 🕊️
#ركن_صافي 🌻
زوجتي كتير عليا وأنا سبب تعاستها ووالدتي ربنا يسامحها
💔💔 وحقيقي بقيت خايف أخسرها
#حوار_مع_زوج (مستأذنه منه)
👇👇👇👇👇👇👇
أنا عمر ماأهلي حضنوني ولا أعرف يعني إي معني إن أهتم وأحتوي حد حياتنا جافة جااافة لدرجة الكلام كان بالبق بس
وماأدراكي بقي لوم ونقد ومقارنات ووو
💔
اتجوزت وانا نفسي أعرف يعني إي حنضن الحب
انا حتي أمي كان حضنها بارد مبحبوش
لما إتجوزت لقيت إن مطلوب مني ان أدي أحضان وطبطبة
طب مش لما اتعلم أديه ازاي دى حاجة غريبة عليا
انا بيكون جوايا كلام مش عارف اقولو
مشاعر مش عارف اطلعها
نفسي افتح ايدي واخدها فحضني لان محتاجه اكتر منها
مش عارف
كمان انا جسمي مبيستحملش حد يلمسه اول مرة جت تحضني من ضهري اتخضيت من الحركة واتضايقت وجسمي زقها والله مش انا ومش اقصد
لقيتها اتضايقت وعيطت واتهمتني ان مش بحبها
بصيت لها وانا عايز اشدها احضنها تاني
بس جوايا بلوك غريب
انا معرفش المفروض اي بيحصل ماما عمرها لما زعلت حضنتني
والله كنا بنتكلم بالبق بس وتحسسني ان عيل لو عيطت
مافيش مثلا حد بيغيب عن التاني فيرجع يلاقي التاني مستنيه وحضن ووو لا حمد لله علي السلامة وخلاص كنا ٣ صبيان
فلما كانت هي بتعيط عشان حضن او طبطبة
كنت ببقي مستغرب اي دا هو فيه كدا
لما كانت تديني حب واهتمام بقعد اسأل نفسي
طب انا استاهل دا ولا لا
طب مفروض رد فعلي يكون اي
انا مخي بيكلمني وعلبال مااستوعب الحركات ال كانت بتعملها
بلقاها زعلت واتعصبت بقعد اقولها انت بتعملي كدا ليه
ماببقاش عارف فين الغلط حقيقي
هي بتفتكر ان بستنكر مشاعرها بسؤالي دا
بس فعلا معرفش هي متعصبة ليه
انا محدش فبيتنا كان بيعمل كدا او بيزعق عشان عايز مشاعر
حياتنا كانت شبه لوح التلج
هي دخلت حياتي حاسس انها حاجة جميلة لدرجة حاسس انها كتيير عليا حاجة خلت لحياتي حيااة كفاية ضحكتها
بس انا مش عارف اقدم لها اي
كنت فاكر الحياة كلها زى ماعشتها شغل وفلوس وأكل وشرب وخلاص روتين ممل عشته فحياتي ونظاام مميت أمي عيشته لينا
بس اكتشفت ان في حاجات جميلة زوجتي عيشتهالي
إكتشفت ان في حاجات كتير فاتتني ليه أمي مش حسستني بيها
حبيت ان اعيش معاها اللحظات دى
بس انا كمان قلبي زى لوح التلج مش عارف يدي
حتي حضني بارد أووي
هي قالتلي كدا فمرة واحنا بنتخانق
دى حقيقة انا بحضنها عشان هي عايزة الحضن مش عشان انا محتاجة بس بحاول اعمل ال يرضيها
انا نفسي هي تعلمني كل المشاعر الحلوة دى
هي عاملة زى الفراشة
بس انا خايفة أموتها ببرودى دا والله غضب عني
ساعات حركاتها بتضايق وبكون متغاظ وبحسها تافهه اووي وبتخانق معاها
وساعات بتصعب عليا وبقف متكتف
انا عارف مشكلتي بس مش عارف هي المشاعر يعني اي
انا بخاف وبفرح وبشتاق
لكن مببقاش عارف المفروض اتصرف ازاي لامع نفسي ولا الحواليا
هي بقت متعصبة جدا وانا الصوت العالي بيوترني بيفكرني بأمي وانا مبحبش أمي بقيت متضايق أكتر منها
لما زوجتي تحكي عن أهلها وحنيتهم بكون عايز اعيط
بس غصب عني بقي لما بتزعق
وبلقي كل ردود الافعال ال كان نفسي اعملها مع امي بعملها معاها هي
واحنا لما كنا بنزعل أمي كانت بتسيبنا ب الايام نتفلق عادى
بناكل نشرب ننام عمرها ماجت تتكلم او تحضن انا ساكت مبكلمش غير نفسي اكل اشرب انام
فخلاص انا بقيت اعمل كدا
لما بزعل منها باخد جمب بالايام ما دا الطبيعي
هي ليه مستغربة ومتضايقة
وبسيبها بالايام برضو بقول اهي تهدي زى مااتعودت
لما هي بتزعل انا بقف عاجز قدامها حقيقي
والله انا ببقي متضايق من تصرفاتها وفنفس الوقت بقول الجميلة دى مينفعش تحزن
بزعل اني مزعلها وبزعل ان مش عارف اديها الحب ال عمري مااعرف بيكون ازاي
وبقعد اقولها حاضر حاضر
وبحاول احضنها وبحاول اطبطب بقيت بقلد حركاتها معايا
نفسي اقولها علميني كمان
بس هل انا هستجيب للحاجات دى حتي معرفش ردود افعالي هتكون اي لأن بحس ان دى تفاهه وقلة عقل
بلقي عقلي بيكتفني بين أتصابي واعيش معاها وبين اني ابقي الحد الصارم ال مينفعش يعمل كدا
انا كنت محتاج ست فحياتي بس لقيت ان الوحدة فقالب التلج بتاعي افضل لقيت الموضوع اكبر مني بكتير
لقيت ان فيه حاجات كتير بتتعاش انا عمري ماعشتها ومطلوب أديها
انا نفسي اجبلها نجمة مالسما وبعوضها بكل حاجة
لكن انا مش عارف اخليها سعيدة
انا بقيت اتعلم كلام الاغاني واقولو لها بس هي مبترضاش بيه
بتقولي انت ليه مش عارف تحبني وليه مبتقولش الكلام من قلبك
هي لو دخلت قلبي هتلاقيه بردان اصلا
بقيت بحضنها واطبطب عليها بس برضو هي متعصبة
انا حاسس ان فيه حاجة فقلبي اتحركت نبضة فقلبي بتيجي لما بشوفها ببقي زى الطفل الصغير
انا بحاول اتغير
بس خايف علي بال ماهي تحييني وتنور قلبي أكون انا موت قلبها وحبها للحياة
#من_واقع_الإستشارات
#مشاكل_التربية
#مشاكل_التواصل
#تغريد_إحسان
#شخابيط_زوجية
طريقة لتخفيف الشجار بين الإخوة
أن يمنح الوالدان كل طفل من أطفالهم وقت مخصص،
ولا يقبلوا لأحد أن يقاطعهم في انفرادهم معه
وأن يساعدوا الطفل في هذا الوقت للتعبير عن مشاعره وأفكاره،
وأن يتبادلوا الآراء والكلام كالأصدقاء.
هذا سيشعر الطفل بأن له مكانة خاصة عند والديه،
وبالتالي ستقل الغيرة بين الإخوة وما يتبعها من
شجارات يومية بهدف الحصول على حب واهتمام الأم والأب!
#الشجار_بين_الإخوة
ابنتك صنيعتك....
فأحسني صنيعتك يثيبك الله خيراً كثيرا،
اغرسي فيها الخوف من الله،
ربيها على طاعة الله،
اخبريها ان الله يراها على كل حال،
علميها التوحيد و الصلاة الصحيحة والوضوء الصحيح،
علميها ان االحجاب ستر و حماية لها، وطاعة لله قبل كل شي،
اجلسي معها، وتكلمي معها، حاوريها، كوني صديقه لها،
علميها كيف تختار الصديقة الصالحة،
علميها بركِ وساعديها عليه،
علميها احترام الكبار، علميها ان الحياة اخذ وعطاء.
لايكون همك فقط مأكلها ومشربها وملبسها.
اغرسي فيها العزه وانها مسلمه مصونه ب حفظ الله لها.
اغرسي فيها استشعار مراقبة الله لها.
اخبريها ان الله مطلع عليها.
لاتلبسيها الا مايرضي ..الله ..تذكري انك س تسألين عنها يوم القيامه ...عند الملك الجبار.
أولا واخراً
كوني انت قدوة لها، فلباسك وحجابك الشرعي وتصرفاتك وعلاقتك بالله، هو ما يرسم طريقها
فنحن الأمهات مرآة بناتنا.🌸🌱
#تربويات
ينبغي على الوالدين أن يُشعرا المراهقين بثقتهم بهم ، وبقدراتهم ، وأن يؤكدوا لهم بأن من حقهم أن يكونوا مستقلين في شخصياتهم .
و ينبغي أن تعالج مشكلاتُ المراهق بالجلوس معه والتزام الرفق واللين وعدم الزجر وأشعره بالأمان وبضوابط الحوار وآداب الاستماع ،
واترك له الاختيار ، وحفزه عند الإنجاز ، وحمله أثر أخطائه عند التقصير ، ولا تواجهه بالأخطاء وادع له .
#تربويات
هل تريد تربية سوية سليمة لأبنائك ؟؟؟؟؟
اذا تابع معنا في هذا المقال.....
قسمت مراحل تربية الأبناء إلي ثلاث مراحل:
المرحلة الأولى: من سن سنة إلي سبع سنوات.
المرحلة الثانية: من ٧ سنوات إلى ١٤ سنة.
المرحلة الثالثة: من ١٤ سنة إلى ٢١ سنة.
المرحلة الأولى :
من سنة إلى ٧ سنوات ، وهي مرحلة الصح والخطأ.
يكمن تركيز الوالدين في التربية علي أفعال أولادهم وما هو صحيح أم خاطئ.
أمثلة:
أقفل فمك وأنت تأكل، سم الله، إجلس بإعتدال، إخفض صوتك وقت الكلام، سلم علي عمك، إغسل سنانك.
كل ما يتعلق بالعادات والسلوكيات اليومية ،
وهكذا باتت هذه المرحلة علي معيار الأخلاق، وهو أول معايير التربية.
قد أختار الله سبحانه وتعالى الرسول صل الله عليه وسلم علي أساس هذا المعيار وقال له ( إنك لعلي خلق عظيم).
فلا تغفلوا هذه المرحلة وتمضي في الأكل والنوم وشراء الألعاب فقط.
المرحلة الثانية :
من سن ٧ سنوات إلى ١٤ سنة، وتبدأ فيها مرحلة التعليم.
التعليم الديني من حلال وحرام ، والتعليم الأكاديمي.
ويأتي هنا حديث الرسول صل الله عليه وسلم عن الصلاة،
( علموهم في سبع ).
من سن سبع يبدأ مخ الطفل في إستيعاب آيات القرآن والأحاديث الشريفة.
ويتعلم أن لديه مسؤوليات يتحملها وواجبات يجب أن يجتزها.
ويعرف حقوقه ويطالب بها وعقله لا يتوقف عن التعلم.
ويصبح في هذه المرحلة صبي وصبية وليس طفل.
وهكذا كان الرسول صل الله عليه وسلم ينادي هذا السن وهو يعلمهم في الأحاديث الشريفة...يا غلام ، يا بني.
وتكون من المراحل الممتعة لأنه يزال يسمع والديه وينصت لهم بإهتمام ويحتاج لهم طول الوقت في كل نواحي حياته.
مرحلة هائلة ....يجب علي كل أم إستغلالها في تعليم وتوجيه أبنائها للحلال والعزوف عن الحرام مع تعاليم المرحلة الأولى من الصح والخطأ المتماشية معنا.
ومعيار المرحلة هو:
المعيار الديني : هل هذا حلال أم حرام.
ثم نبدأ المرحلة الثالثة:
وهي من سن ١٤ سنة إلى ٢١ سنة.
وهي من أصعب المراحل وتسمي مرحلة المراهقة ، وتكون مرحلة مرهقة للوالدين والأبناء سويأ.
بالنسبة للأبناء.... فهو يحدث لهم تغيرات فسيولوجية ونفسية غير مفهومة لديهم.
وتنهال عليه المعلومات من هنا وهناك ولا يعلم أيهم أصح ويحرج من سؤال والديه.
تأثير أصحابه في حياته يكون بشكل كبير.
يشعر أوقات أنه أصبح رجل أو آنسة لهم حرية الرأي ولهم شخصيتهم المستقلة.
وأوقات يشعر أنه مازال طفل صغير يريد الإختباء في حضن والديهم.
ساعات مبتهج وفرحان وتارة أخري حزين ومكتئب.
أما الوالدين .... فيكونوا دائماً في حيرة .
فما نحن فاعلون ؟؟؟؟
عزيزتي الأم وعزيزي الأب....
الحل في هذا المرحلة .....الإحتواء والمراقبة.
فلقد أثبتت الدراسات أن المراهق يحتاج رعاية والدية أكثر من الطفل الرضيع.
فمعيار المرحلة هي الإنسانية .
عاملوا أبنائكم ........ كإنسان ....
*إحتووهم وإحضنوهم.
*إحكوا لهم عن أنفسكم.
*شاركوهم في مشاكلكم.
*إعطوهم وقت للحوار.
*إرسموا معهم أحلامهم.
*كلموهم برسائل إيجابية عن مستقبلهم.
*نادوهم بأحب الأسماء لديهم.
*أوصوفهم بأجمل الصفات فيهم.
*ناقشوهم بالمنطق بدون تنظير عليهم.
*حاوروهم دون مقاطعتهم.
*إعطوهم ثقة بأنفسهم.
*تغافلوا عن أخطائهم.
*قدروا أفكارهم وضعوها في فعل.
*ضعوا أرائهم في الإعتبار.
*راقبوهم بدون إبداء ملاحظات طول الوقت.
*حملوهم مسوؤليات ومهام.
*تدخلوا في الوقت المناسب.
*عاملوهم بالحسنى واللين.
*صاحبوهم بالمعروف.
*كونوا لهم الستر والسند.
ولا تنسوا أحبائي إنهم زينة حياتكم ربنا يبارك فيهم ويجعلهم قرة عين لكم في الدنيا والجنة.
فمن لا يستطيع من الوالدين إحتواء أبنائه في هذه المرحلة
مرحلة المراهقة فليراجع حسباته ويسعي للتعلم والتدريب لإجتياز هذه المرحلة بسلام إن شاء الله ، لإستقبال مرحلة بلوغه سن ال٢١ وهو سن الرشد.
وأعلموا أيها الوالدين:
إذا أحسنتم في الثلاث مراحل السابقة وربيتوا أبنائكم علي الثلاث معايير....
معيار الأخلاق، معيار الدين ، معيار الإنسانية، ولم تغفلوا الدعاء وحسن الظن بالله والتحلي بالصبر وتجديد النية أنكم تربوا إنسان صالح يفيد الأمة ويضع بصمته في الحياة ستنبهروا بالرشد في شخصيتهم والنتائج ومكافأة رب العالمين لكم.
دمتم طيبين 😊
#صحة_نفسية
#شخصية_سوية
#سالي_العسيلي
تربية الأولاد لاتنتهي إلا بفراق الروح قال تعالى : (أم كنتم شهداء إذ حضر يعقوب الموت إذ قال لبنيه ما تعبدون من بعدي )
في مرض الموت والاولاد كبار وفيهم نبي
ولا يزال هم التربية وترسيخ العقيدة مستمراً...
د.نور سعيد
غالبا لما تسيب ابنك يقعد يحفظ مع نفسه هيفضل فاتح المصحف ٦ ساعات وسارح في ملكوت الله والنتيجة صفر هقولك بعض النصائح
تحديد وقت محدد لا يتجاوزه الطفل
مثال اقعد احفظ يا حبيبي = غلط
اقعد احفظ الساعة ٤ وهسمعلك ٤ ونص = صح
تقسيم الورد ع مرات وليس مرة واحدة لو كبير
مثال هنسمع يا حبيبي ورد الحفظ الساعة ٤ ونص وهنسمع المراجعة قبل النوم بنص ساعة = لان ساعات الطفل بيحس الدنيا متكركبة على دماغه حتى لو كمية الحفظ والمراجعة بسيطة فالتقسيم بيعطيه ايحاء نفسي جيد
ممكن أساعده = يلا نقعد نقرأ صفحة الحفظ مع بعض عشر مرات هو مرة وانا مرة
وأخيرا يبقي فيه يوم اجازة يعمل فيه نشاط بعيد عن الحفظ
"وتولّني فيمن تولّيت "
كرّرها في دعائك، متيقّنا بمعناها، فأيّ أذى، وأيّ خطر، وأيّ حرمان يُصيبك ، وأنت في ولاية الله ؟!
إذا تولاك الله؛ سخَّر لك كُلِّ شيء، ولو كان في نظرك مستحيلًا.
ربِّ اجعلنا ممن تولّيتهم برحمتك ...
#اذكارك_حصنك
تقول إحداهن: علمت أولادي ان يحضنوني في فترات مختلفة من اليوم.
أقول لأحدهم احضني بقوة؛ ومن باب المزح أقول له: اشحنّي. فضيت البطارية عندي؛ فيعانقني بحنان ويقول
: خلاص يا ماما انشحنت 100٪.
وإذا رجعوا من المدرسة أعمل نفسي مرهقة وأقول لهم: ما شفتكم من الصباح. خلصت الشحنة وباقي منها 5٪ بس، واحتضنهم بقوة، ونبتسم معا.
تذكّروا يا اولاد ويا بنات ويا آباء وأمهات أن الاحتضان يلغي المسافات
بينك وبين من تحب،
ويجلب القبول والتفاهم والطاعة والسعادة...
د / نبيله متولي