To‘y Bob She'rlar ️

04 мая 2023 20:56

KELIN QIZIMGA.
(Qaynona nomidan.)

Bugun baxtdan boshlarim ham aylanadi,
Ona so'zi qaynonaga aylanadi.
Kechagina chopib yurgan o'g'lim ajab,
Kelinchakka kuyov bo'lib saylanadi.

Yor yor bilan uyim nurga to'ldiradi,
Shuncha chekkan azoblarim o'ldiradi.
Ko'payadi qaro ko'zim qizim yana
Uyim hali nabiraga to'ldiradi.

Ona qizim,nasihatim ozroq sizga,
Baxtdan kulib yursangiz bas doim bizga.
O'g'lim biroz dilni g'ashlab qo'ysa agar,
Tezda chora ko'rishnida qo'ying bizga.

Qaynonalik qilib agar qaynasam goh,
Ota uyga bormang yana aytib oh voh.
Erkalayman ona bo'lib,ba'zan sizga
Shuni biling,aytdim sizni qilib ogoh.

Singillarin erkalasa,hech jahl qilmang,
Qoshingizni chimirib siz arazlamang.
Ular hamki siz kabi qalbim erkasi
Aka singil orasini aslo buzmang.

Chehrangizdan baxt hamisha kulib tursin,
Dushmanlarim ko'risholmay rosa kuysin.
So'zlasangiz erib ketsin yoshu qari,
Jonim qizim o'gitlarim yodda tursin.

Shu qo'rg'onda qolib ketsin bari gaplar,
Ko'paymasin mish-mish degan g'alat otlar.
Ostonani maxkam qiling,chiqolmasin,
Qo'shnilarga eshtilmasin urush dodlar.

Shu qo'rg'onga bor mehringiz bering tinmay,
Sizla shodon yashar o'g'lim g'amni bilmay,
Baxtdan o'ynay,nabiralar ko'rganimda
Sizni qizim deganimga attang qilmay.

Yanoqlardan oqsin faqat quvonch yoshi,
Uyimizda porlab tursin baxt quyoshi.
Qo'sha qarib yoshga yoshlar qo'shilsa ham,
Siz bo'ling yolg'iz o'g'limning sirdoshi.

IRODAXON QOSIMOVA.

Kanalimizga qo'shiling:
T.me/Toy_bob_sherlar

To‘y Bob She'rlar ️

04 мая 2023 20:56

Baxt nima?

Ming bo'lakka bo'lib dunyoni
Tug'ilgandan baxtni izlaymiz.
Qo'llaridan tutib ro'yoni
Atrofda baxt, ba'zan bilmaymiz!

Baxtlar bilan bezatilgan taxt,
Xudoyimga yetsa bas zoring
Kimdir seni sog'insa, shu baxt,
Baxt aslida dunyoda boring!

Kimlarnidir sevib, sog'inib
Intizor-la uni kutganing
Baxt aslida tomog'ing bilan
Shu bir qultum suvni yutganing!

Hamma yerda baxtlaring sochiq
Bahorlardan go'zallik yiqqan,
Baxt emasmi? Ko'zlaring ochiq?
Osmonga boq, ko'kka oy chiqqan!

Senga yana nima yetmaydi?
Hattoki baxt-yelib tolmoqlik
Hammaga ham nasib etmaydi
Tongda turib nafas olmoqlik!

Kanalimizga qo'shiling:
T.me/Toy_bob_sherlar

To‘y Bob She'rlar ️

16 апреля 2023 10:49

☆☆▪︎☆☆

Тунлари ухламай бедор бўлганим,
Мен учун куюниб зор-зор бўлганим,
Ҳаёт ташвишидан озор кўрганим,
Отамни-Онамни асра Аллоҳим.

Уларнинг борлиги давлатим тахтим,
Қувончим, шодлигим энг олий бахтим,
Елкамда кўтариб ҳаж қилиш ахдим,
Отамни-Онамни асра Аллоҳим.

Шай туриб туну-кун ҳизматин қилай,
Юзларин силабон ғанимат билай,
Солиҳ фарзанд бўлиб дуосин олай,
Отамни-Онамни асра Аллоҳим.

Гоҳида кеч келсам кўзлари гирён,
Бошимда волидам парвона ҳар он,
Фарзандим тинчми деб ўйлайди ҳамон,
Отамни-Онамни асра Аллоҳим.

Ҳаётим мазмуни ёлғизим улар,
Хар нени ҳоҳласам кўзимдан билар,
Бизнинг эркамиз деб бошларим силар,
Отамни-Онамни асра Аллоҳим.

Каналга уланиш:
T.me/Toy_bob_sherlar

To‘y Bob She'rlar ️

16 апреля 2023 10:49

БУЙДОК,ЛАР
К,улларини куз-куз к,илар
Уззуксиздир бармок,лари
Кучада бемалол юрар
Уйланмаган буйдок,лар
Уйига эрта кемайди
Уйдан азиз уртоклари
Пайшанбадан к,урк,майди
Уйланмаган буйдок, лар
К,из куринса гап отар
Уйку билмас кечалар
Ёстик, кучоклаб ётар
Уйланмаган буйдок лар
Хаёлида фак,ат к,излар
Садок,атли бир ёр излар
Дардини чин дустига сузлар
Уйланмаган буйдок лар
Узича режалар тузар
Дадасин пойлаб юрар
Кавшига сабзи солар
Уйланмаган буйдок лар
Хар-кун учрашувлар
Харкуни хар-хил к,излар
Алдаб юришга уста булар
Уйланмаган буйдок лар
➢ 𝙏𝙖𝙧𝙦𝙖𝙩𝙞𝙣𝙜𝙡𝙖𝙧 ➢
➖➖➖➖➖➖➖➖➖
➡️ ➥DÒSTLARGA YUBORING
❤️👇

👉 T.me/Toy_bob_sherlar 👈

🤵👰🤵👰🤵👰🤵👰

To‘y Bob She'rlar ️

31 марта 2023 08:30

𝙈𝙚𝙣 𝙠𝙖𝙢𝙗𝙖𝙜'𝙖𝙡 𝙤𝙙𝙖𝙢𝙢𝙖𝙣!


𝘉𝘰𝘺 𝘦𝘮𝘢𝘴𝘮𝘢𝘯, 𝘣𝘰𝘺 𝘥𝘦𝘮𝘢𝘯𝘨,
𝘉𝘶 𝘴𝘰'𝘻𝘪𝘮𝘥𝘢𝘯, 𝘷𝘰𝘺 𝘥𝘦𝘮𝘢𝘯𝘨,
𝘗𝘶𝘭𝘭𝘪𝘮 𝘺𝘰'𝘲𝘥𝘪𝘳, 𝘷𝘰𝘴 𝘬𝘦𝘤𝘩𝘮𝘢𝘯𝘨,
𝘔𝘦𝘯 𝘬𝘢𝘮𝘣𝘢𝘨'𝘢𝘭 𝘰𝘥𝘢𝘮𝘮𝘢𝘯.


𝘠𝘰𝘵𝘪𝘴𝘩𝘨𝘢 𝘣𝘪𝘳 𝘶𝘺𝘪𝘮 𝘺𝘰'𝘲,
𝘑𝘢𝘩𝘪𝘭 𝘲𝘪𝘭𝘮𝘢𝘯𝘨 𝘶𝘳𝘮𝘢𝘯𝘨 𝘥𝘰'𝘲
𝘠𝘢𝘴𝘩𝘢𝘴𝘩𝘨𝘢 𝘩𝘦𝘤𝘩 𝘩𝘢𝘲𝘲𝘪𝘮 𝘺𝘰'𝘲,
𝘔𝘦𝘯 𝘬𝘢𝘮𝘣𝘢𝘨'𝘢𝘭 𝘰𝘥𝘢𝘮𝘮𝘢𝘯.


𝘗𝘶𝘭 𝘴𝘰'𝘳𝘢𝘴𝘢𝘮 𝘱𝘶𝘭 𝘣𝘦𝘳𝘮𝘢𝘯𝘨,
𝘉𝘦𝘳𝘪𝘣 𝘺𝘰'𝘭𝘭𝘪𝘮𝘯𝘪 𝘬𝘶𝘵𝘮𝘢𝘯𝘨,
𝘚𝘰'𝘨𝘳𝘢 𝘶𝘺𝘪𝘮𝘨𝘢 𝘬𝘦𝘭𝘮𝘢𝘯𝘨,
𝘔𝘦𝘯 𝘬𝘢𝘮𝘣𝘢𝘨'𝘢𝘭 𝘰𝘥𝘢𝘮𝘮𝘢𝘯.


𝘚𝘰𝘵𝘢𝘺 𝘥𝘦𝘴𝘢𝘮, 𝘮𝘰𝘭𝘭𝘪𝘮 𝘺𝘰'𝘲,
𝘐𝘴𝘩𝘭𝘢𝘺 𝘥𝘦𝘴𝘢𝘮, 𝘩𝘰𝘭𝘭𝘪𝘮 𝘺𝘰'𝘲,
𝘘𝘪𝘮𝘮𝘢𝘵 𝘣𝘢𝘩𝘰 𝘯𝘢𝘳𝘴𝘢𝘮 𝘺𝘰'𝘲,
𝘔𝘦𝘯 𝘬𝘢𝘮𝘣𝘢𝘨'𝘢𝘭 𝘰𝘥𝘢𝘮𝘮𝘢𝘯.


𝘔𝘦𝘯𝘪𝘯𝘨 𝘥𝘰'𝘴𝘵𝘪𝘮 𝘻𝘰'𝘳 𝘥𝘦𝘮𝘢𝘯𝘨,
𝘖𝘴𝘮𝘰𝘯𝘥𝘢𝘨𝘪 𝘰𝘺, 𝘥𝘦𝘮𝘢𝘯𝘨,
𝘍𝘢𝘳𝘳𝘶𝘹 𝘴𝘩𝘰𝘪𝘳 𝘣𝘰𝘺, 𝘥𝘦𝘮𝘢𝘯𝘨,
𝘔𝘦𝘯 𝘬𝘢𝘮𝘣𝘢𝘨'𝘢𝘭 𝘰𝘥𝘢𝘮𝘮𝘢𝘯.


✍ 𝙎𝙖𝙮𝙛𝙪𝙧𝙤𝙫 𝙁𝙖𝙧𝙧𝙪𝙭 𝙨𝙝𝙤𝙞𝙧.

@Toy_bob_sherlar

To‘y Bob She'rlar ️

25 марта 2023 17:13

Qachonki sevgidan so'z boshlasangiz — Onadan boshlang!

"Onajonim men sizni yaxshi ko'raman! Baxtimga sog' bo'ling."

Barchamizni onajonlarimizni alloh o'z panohida asrasin!

Kanalga ulanish:
T.me/TemurbekYusupov

To‘y Bob She'rlar ️

13 марта 2023 18:29

🪶ПАНОҲИМ ЎЗИНГ БЎЛ ҚОДИР ОЛЛОҲИМ

Кўнглимнинг даргоҳи номинг билан бант,
Кечиргин! гар бўлса зарра гуноҳим.
Синовлар дастидан эгилдим ҳарчанд
Паноҳим ўзинг бўл Қодир Оллоҳим.

Эгилсам қаддимни тик қилган ўзинг,
Бахт бериб сийладинг нураган чоғим.
Юпанчим, суянчим танҳо бир ўзинг
Паноҳим ўзинг бўл Қодир Оллоҳим.

Кун сайин ортмоқда дилда шукрона,
Минг шукур яхшилар сафда ҳамроҳим.
Иймонли қалбимни этиб наззора
Таянчим ўзинг бўл Қодир Оллоҳим.

Ўзгага зор қилмай, ўзингдан қўймай
Ўзгалар олдида мағрур қил бошим.
Ўзингдан ўзгасин ўзингдай суймай
Ишончим ўзинг бўл Қодир Оллоҳим.

Гарчи синовларга лиммо-лим ҳаёт,
Муқим қил матонат, чидам, бардошим.
Танҳо хуш ёдингдан изларман нажот,
Паноҳим ўзинг бўл Қодир Оллоҳим.

✍Маъмура Муҳаммад

Телеграм каналимиз:
T.me/toy_bob_sherlar

To‘y Bob She'rlar ️

09 марта 2023 20:15

Assalomu alaykum!
🎧JUMA MUBORAK BO'LSIN...

Yangi tong-yangi imkon,
Shukrki omondir jon.
Olisdagi qadrdon,
🕋 JUMA muborak boʻlsin!!!

🎙Temurbek Yusupov

Kanalga ulanish:
💬 T.me/TemurbekYusupov

To‘y Bob She'rlar ️

08 марта 2023 10:27

📢 Assalomu alaykum kanalimiz kuzatuvchilari!

💐 Aziz opa-singillarimizni bugungi 8-mart xalqaro xotin-qizlar bayrami bilan chin dildan muborakbod etamiz!

❔Agar chet elda bo'lsangiz yoki onajongizni tabriklamoqchi, dil izhorlaringizni yetkazmoqchi bo'lsangiz, biz sizga
📞 "ONLINE TABRIK" xizmatini taklif etamiz.

✅ Tabriklar video qo'ng'iroq 📲 va audio qo'ng'iroq ☎️ orqali amalga oshiriladi.

☑️ Tabriklar sizning istagingizga ko'ra yigit yoki ayol boshlovchilar tomonidan amalga oshiriladi.

❇️ Ko'pchilik farzandlar onajonlarini qay darajada yaxshi ko'rishlarini aytishga biroz tortinishadi, biz ularga onajonlarini qanchalik yaxshi ko'rishlarini aytishlariga yordam beramiz!

🔰 Opa-singillaringiz va boshqa yaqinlaringiz uchun ham tabriklar yo'llashingiz mumkin!

Murojaat uchun:
📞 +998-33-940-68-68
+998-90-895-58-68
📩 @Temurbek_Yusupov

Kanalga ulanish:
T.me/Toy_bob_sherlar

To‘y Bob She'rlar ️

07 марта 2023 20:01

"To'y bob she'rlar" kanali jamoasi yurtimizning barcha go'zal ayollarini 8-mart Xalqaro xotin-qizlar kuni bilan chin dildan muborakbod etadi.

Hozirgi kunda jamiyatimizni ayollarsiz, xotin-qizlarning faolligisiz tasavvur qila olmaymiz. Hatto har bir oladigan nafasimizni ularni yordami bilan olamiz, shunday ekan onajonlarimizni, opa-singillarimizni, qizaloqlarimizni, ayollarimizni qadrlaylik va qo'limizdan kelgancha ularga mehr beraylik.

Hurmatli ayollar biz sizlarni juda-juda yaxshi ko'ramiz.
Baxtimizga doim sog'-salomat, quyoshdek nur sochib yuringizlar.

BAYRAMINGIZ MUBORAK BO'LSIN. 💐

Kanalimizga qo'shiling:
T.me/Toy_bob_sherlar

To‘y Bob She'rlar ️

06 марта 2023 16:37

СИНГИЛЛАРНИ ЙЎҚЛАБ ТУРИНГ

Донни босиб ўтса бўлар сингил учун,
Жонни кечиб кетса бўлар сингил учун.
Ота уйда улгайиш бор қолиш йўқдур,
Сингилларни йўқлаб туринг кўнгил учун.

Юмшоқ кўнгил, таъна нима билмайдиган,
Бошингизга кулфат келса кулмайдиган.
Бу дунёдан ўтар бўлсак йиғлайдиган,
Сигилларни йўқлаб туринг кўнгил учун.

Янги уйда илдиз отиб ўрнагунча,
Борган жойда тошдек қотиб ўрнагунча.
Фарзандлари ерда юриб ўйнагунча,
Сингилларни йўқлаб туринг кўнгил учун.

Узоқ-узок ўлкаларда бўлсангиз ҳам,
Дунёни у чекасида юрсангиз ҳам.
Ота уйга йилда бир бор келсангиз ҳам,
Сингилларни йўқлаб туринг кўнгил учун.

Каналга уланиш:
T.me/toy_bob_sherlar

To‘y Bob She'rlar ️

04 марта 2023 17:25

⭕️⭕️⭕️
Dam olish kunida badiiy chekinish...!

⚡️Uzoq kutilgan MILLION JAMOASINING 2022-YILDAGI YANGI KONSERT DASTURI.

Tomosha qiling va dam oling!

❕Tanishlarga yuboramiz...

Kanalga ulanish:
T.me/Toy_bob_sherlar

To‘y Bob She'rlar ️

02 марта 2023 08:28

Kanalga ulanish:
T.me/Toy_bob_sherlar

To‘y Bob She'rlar ️

28 февраля 2023 09:20

🎧 Bahor kelayabdi

Ko‘klamni sog‘inib necha dil hasta,
Oshufta dillarga bo‘lib payvasta,
Sog‘inch sohillarin yoqalab asta,
Bahor kelayapti, yurtimga bahor.

✍ Xurshid Karim
🎙 Temurbek Yusupov
#arxiv

Kanalga ulanish:
T.me/TemurbekYusupov

To‘y Bob She'rlar ️

26 февраля 2023 19:04

8-март.Ҳалқаро хотин-қизлар байрамига

🌺 ЎЗБЕК АЁЛИ

Юзларида гулгун табассум,
Қалби ғараз,кибрдан ҳоли,
Суюкли ёр,меҳрибон сингил,
Садоқатли ўзбек аёли.

Сўзларида сира йўқ таъна,
Юзларидан нур ёғар ана,
Фарзанд учун меҳрибон она,
Ҳароратли ўзбек аёли.

Манглайидан оқар ҳалол тер,
Ишдан келиб чопиқ қилар ер,
Рўзғорим дер,болам-чақам дер,
Матонатли ўзбек аёли.

Гоҳо томар ачиқ кўз ёши,
Татимас гоҳ тотган туз,оши,
Аллоҳ учун саждада боши,
Ибодатли ўзбек аёли.

Қалби -кўклам,чаманни севар,
Юртни севар,Ватанни севар,
Олима ул моҳир, гул чевар,
Маҳоратли ўзбек аёли.

Кўкда моҳдек чиройи тўлин,
Фаришталар ёритар йўлин,
Файзли бека,иффатли келин,
Фаросатли ўзбек аёли.

Тўлмасин ҳеч дил-паймонаси,
Оқмасин ҳеч кўз ёш,жоласи,
У муқаддас ўзбек онаси,
Малоҳатли ўзбек аёли.

✍Хуршид Карим

❕ Яқинларга улашинг...!

Каналга уланиш:
T.me/toy_bob_sherlar

To‘y Bob She'rlar ️

04 мая 2023 20:56

Ўғлим,зурриёдим менинг.

Мендан сенга бойлик қолмас,
Қолур ширин ёдим менинг.
Дур-олмосим ҳеч ким олмас,
Қолур эрк-озодим менинг.

Ғам-ташвишда ўтди куним,
Тушкунликни суймай жиним,
Энди сенга қолгай чиним,
Шодиёна-шодим менинг.

Олға босдим,тинмай-тиниб,
Юрмадим ҳеч пастга эниб,
Ўтган бўлсам сал ўксиниб,
Қолгай сенга отим менинг.

Етти ямоқ тўн кийсам ҳам,
Номдор бойдан бўлмадим кам,
Мардлик бўлиб қолди ҳар дам,
Дўсти умрбодим менинг.

Мен одамман терак эмас,
Хушомадлар керак эмас.
Юрак ҳиссиз юрак эмас,
Бордир шамсшодим менинг.

Довруғимда йўқдир бир сир,
Илҳом билан ёзилди шеър,
Арпа-буғдой экилган ер,
Эрур гул-ободим менинг.

Отга миниб,улоқ чопдим,
Пирларимга чопон ёпдим,
Сулув моҳитобон топдим,
Ушалди муродим менинг.

Тов бошида қор бўлади,
Полвонларда ор бўлади,
Омад кунда ёр бўлади,
Завқга бой ҳаётим менинг.

Дўстим эмас,чаламулла,
Тилимдадир каламулла,
Етмас унга минг қоп тилла,
Дилда бор оятим менинг.

Сабр таги сариқ олтин,
Бу гап бордир минг йил олдин,
Менда бўлмас,ҳориб-толдинг,
Бор чидам-тоқатим менинг.

Бу ҳаётдан нолишим йўқ,
Нолиб ортда қолишим йўқ,
Дилга бир ғам солишим йўқ,
Эзгуда ниятим менинг.

Бобом бахши бўлиб ўтди,
Отам яхши бўлиб ўтди,
Бўлгай нақши бўлиб ўтди,
Имон-эътиқодим менинг.

Юрт бўлсин деб осойишта,
Дил Ҳақда,қўл бўлса ишда,
Миллион йил бор олқишда
Абдуқодир отим менинг.

Вақти келиб,кетсам ўлиб,
Кетди деманг,гулдай сўлиб,
Юргай қувнаб,ўзим бўлиб,
Ўғлим,зурриёдим менинг.

Абдуқодир Абраев

Каналга уланиш:
T.me/Toy_bob_sherlar

To‘y Bob She'rlar ️

20 апреля 2023 16:56

🌙 Ramazon hayiti muborak bo'lsin!

Alloh barchamizga ikki dunyo saodatini ato etsin.

❕Yaqin insonlaringizga yuborib, muborak hayit ayyomi bilan tabriklang!

Kanalga ulanish:
T.me/toy_bob_sherlar

To‘y Bob She'rlar ️

16 апреля 2023 10:49

TUG'ILGAN KUNINGIZ MUBORAK
ONA...💐💐✨


Gar yiqilsam parvona bo'lgan,
Ko'zida yosh namlarga to'lgan.
Meni deya ming bora o'lgan,
Tug'ilgan kuningiz muborak ona...

Tunlar bedor yo'llarim kutib,
Qancha dardni ichiga yutib.
Bugun endi barin unutib,
Tug'ilgan kuningiz muborak ona...

Sizni qutlar shoir o'g'lingiz,
Menga dalda aytar so'zingiz,
Doimo yashnasin nurli qalbingiz,
Tug'ilgan kuningiz muborak ona...

Yurakda yashaydi o'lmas orzular,
Aksimiz namoyon qilar ko'zgular.
Bizlardan yiroqda endi qayg'ular,
Tug'ilgan kuningiz muborak ona...

Yillar zaxmatini sizdan o'rgandim,
Alamli kunlarga netay ko'ngandim.
Dildagi so'zlarim yozib qo'ygandim,
Tug'ilgan kuningiz muborak ona...

Tug'ilgan kuningiz muborak ona...

📜Muallif:
Mirzohid Farrah... ✍🏻

#talablar_uchun

Kanalimizga qo'shiling:
T.me/Toy_bob_sherlar

To‘y Bob She'rlar ️

16 апреля 2023 10:49

😁 "Кулиб юр қаримайсан"

Ташвишим кўп десанг гар,
Ташвишдан аримайсан.
Сўзим тингла биродар
Кулиб юр,қаримайсан.

Кимнинг қалбида йўқ ғам?...
Кимнинг уйида йўқ кам?
Осмон қулаб кетса хам,
Кулиб юр,қаримайсан.

Кўнглингни кенг тут мудом,
Ўз вақтида ол ором.
Ўзинга қил эхтиром,
Кулиб юр,қаримайсан.

Салга сиқма юракни,
Такрор айт хуш тилакни.
Лол қилиб ер, фалакни,
Кулиб юр, қаримайсан.

Ортингдан гапирсаям,
Нохақ ерга урсаям.
Ёв рўпара турсаям,
Кулиб юр,қаримайсан.

Умр нима? –Оқар сув,
Кунлар ўтмоқда шув-шув.
Қалбингдан аламни қув,
Кулиб юр,қаримайсан.

Кулгу-Табиб беморга,
Кулгу-Зеб гул рухсорга.
Айтишмаган бекорга,
“Кулиб юр,қаримайсан”

Кулолмасга бир қара,
Бирам совуқ истара
Бекмисан ёки тўра,
Кулиб юр,қаримайсан

Сочинг бўлса хам-ки оқ
Хафа бўлма жон ўртоқ.
Иложи борича кўпроқ,
Кулиб юр,қаримайсан.

Қўл силта ғам-ташвишга,
Тиржайиб боргин ишга
Ўрган шундай қилишга
Кулиб юр,қаримайсан

➢ 𝙏𝙖𝙧𝙦𝙖𝙩𝙞𝙣𝙜𝙡𝙖𝙧 ➢
➖➖➖➖➖➖➖➖➖
➡️ ➥DÒSTLARGA YUBORING
❤️👇

👉 @Toy_bob_sherlar 👈👍

👉@Bayramlar_Uchun_Tabriklar

To‘y Bob She'rlar ️

30 марта 2023 13:00

Tog'ni tolqon qilar sizdek
o'g'lonlari toshdan bo'lsin yangi  qurgan
qo'rg'onlari bugun to'y deb keldi ko'plab
mexmonlari kuyov degan nomi  bo'lsin doyim
ulug' akajonim to'ylaringiz  bo'lsin qutlug'
saxarlarda ko'chalarga suvlar  sepib yangi
0dat 0na ko'nglin xushnud etib  0LL0X sizga
baxtlar ato etib kelin degan nomi bo'lsin
doyim ulug' akajonim to'ylaringiz bo'lsin
qutlug' kechalarda ko'chalarda  yurishlar y'o'q
do'stlar bilan tunlarda turishlar  yo'q
bo'ydoqman deb QIZLARGA GAP  0tishlar yo'q
akajonim TO'YLARINGIZ BO'LSIN  QUTLUG'
RASIYADA UKANGIZ BOR ESLAB  QO'YING
XAM SIRDOSH DILKASHINGIZNI  YO'QLAB
QO'YING ZUXRIDDINI TABRIGINI  QABUL
QILING KUY0VDEGAN NOMI  BO'LSIN DOIM
ULUG' AKA jonim to'ylaringiz  bo'lsin
qutlug'

➖➖➖➖➖➖➖➖➖➖➖

👇

↘️ Bizga qo‘shiling ↙️

💖 @Toy_bob_sherlar 💖

⬇️⬇️⬇️⬇️⬇️⬇️⬇️⬇️⬇️

https://t.me/joinchat/AAAAAFbAGSbPc_wlZhXi6g

To‘y Bob She'rlar ️

24 марта 2023 16:40

Ramazon xush kelibsan.!

Umid berib har jonga
Yo'l ochasan imonga.
Jigar-u,qadirdonga
Ramazon xush kelibsan!

Barcha yurtdoshlarimizni yana bir bora Oylarning sultoni bo'lmish muborak Ramazon oyining kirib kelgani bilan qutlaymiz.
Ramazon oyi barchamizni oilamizga fayz-barokat olib kelsin.
Ro'za tutgan sofdil yurtdoshlarimizni ro'zalari qabul bo'lsin.

✍ Shahnoza Mirxalilova
🎙 Temurbek Yusupov

#arxiv

Kanalimiz: TO'Y BOB SHE'RLAR ✔️

To‘y Bob She'rlar ️

10 марта 2023 18:04

БИТТА КУЛИБ ҚЎЙСАНГИЗ БЎЛДИ

Меҳри дарё - меҳрибонларим,
Меҳримга бир тўйсангиз бўлди.
Жонга фидо, қадрдонларим,
Битта кулиб қўйсангиз бўлди!..

Умр ўтиб бормоқда, ё, Раб,
Дарё оқар пастликка қараб.
Вақт ғанимат, кўнгилни сўраб,
Битта кулиб қўйсангиз бўлди!..

Жилмайинг сиз оғир дамда ҳам,
Руҳ кенгликда бўлур хотиржам.
Билинг, узо-о-қ яшашга ҳамдам,
Битта кулиб қўйсангиз бўлди!..

Дил оғритмоқ - кечмоқ ҳузурдан,
Нима фойда сўнгги узрдан.
Ибрат олиб Ҳазрат Хизрдан,
Битта кулиб қўйсангиз бўлди!..

Ғам-аламни йўлатманг асло,
Хуш кайфият бўлсин дилга жо.
Яшамоққа берилган дунё,
Битта кулиб қўйсангиз бўлди!..

Акрамжон АЗИЗОВ

❤️ Яқинларингизга улашинг!

Каналга уланиш:
T.me/toy_bob_sherlar

To‘y Bob She'rlar ️

08 марта 2023 18:19

...Тилак...........🌹🍃
        
Ҳар кимнинг ҳовлиси тўйхона бўлсин,
Ҳар кимнинг топгани тўйга буюрсин. 
Дуога қўл очинг яхши ниятла,
Келинлар қучоғи фарзандга тўлсин.

Отасиз ўсмасин бизни гўдаклар, 
Онасиз ўсмасин бизни гўдаклар.
Синмасин кўнгиллар дарз кетиб зимдан,
Ушалсин орзулар, эзгу тилаклар.
 
Сизни уйингизда ёр ёр янграсин,
Қўчқорлар аталсин элни тўйига.
Йигитлар кўнглига солиб хавасин, 
Адраслар ярашсин қизлар бўйига . 

Йўқолиб кетмасин дилда меҳрингиз 
Йўқлови йўқларни, йўқлаб қўйингиз
Тошларни йиғлатсин кўзда меҳрингиз, 
Меҳрдан бошлансин ҳар дам кунингиз...🕊❤️ ❤️   ❤️   ❤️  

Каналга уланиш:
T.me/toy_bob_sherlar

To‘y Bob She'rlar ️

08 марта 2023 04:01

O'zbek ayoli 💐

Yuzlarida gulgun tabassum,
Qalbi gʻaraz, kibrdan holi,
Suyukli yor, mehribon singil,
Sadoqatli oʻzbek ayoli.

Barcha onajonlarimizni, opa-singillarimizni bayram bilan yana bir bora muborakbod etamiz.

#arxiv

✍ Xurshid Karim
🎙 Temurbek Yusupov

Kanalimizga qo'shiling:
T.me/TemurbekYusupov

To‘y Bob She'rlar ️

07 марта 2023 16:44

🎧 Ayolni asrang!

Ayolni ranjitmang, ayolni so‘kmang,
Behuda qiynamang, ko‘z yoshin to‘kmang,
Ayolsiz koshonalar go‘yo vayrona,
Ayolni xo‘rlamang, ayol-bu ona!

Ayolni izzatu nafsiga tegmang,
Toki erkaklardan qolmasin ko‘ngil,
Nomusin toptamang, boshini egmang,
Ayol opadir, ayol – bu singil!

Gaplarimiz botib pichoq tig‘idek,
Qalbida qolmasin dog‘-u izimiz,
Ayolni asraylik ko‘z qorachig‘idek,
Ayol kelinimiz, ayol qizimiz...

Ayolni asraylik qadriga yetib,
Ayol onamizdir, mexribonimiz,
Ayol yorimizdir, vafodorimiz,
Ayol nomusimiz, ayol orimiz...

P/s: Barcha onajonlarimizni, opa-singillarimizni 8-mart xalqaro xotin-qizlar bayrami bilan muborakbod etamiz!

🎙 Temurbek Yusupov.
#new

Kanalga ulanish:
T.me/TemurbekYusupov

To‘y Bob She'rlar ️

05 марта 2023 17:12

🎧 Mehr bering ayolingizga!

Bir yilda bir sakkizinchi mart
Shu bir kunda arimaydi dard,
Agar chindan bo‘lolsangiz mard,
Mehr bering ayolingizga.

✍ Xurshid Karim.
🎙 Temurbek Yusupov.
#new

Kanalga ulanish:
T.me/TemurbekYusupov

To‘y Bob She'rlar ️

02 марта 2023 12:42

❤️Ayollarni asrang❤️

Yuragida sitamlar bisyor
Ular qalbda ungan chechaklar
Gul qalbiga hech bermang ozor
Ayollarni asrang erkaklar
🌺🌺🌺🌻🌻🌻🌺🌺🌺
Nozik qalbli binafsha yuzlar
Ishq bog'idan suv ichgan qizlar
Siz Malika devona bizlar
Ayollarni asrang erkaklar
🌹🌹🌹🌹🌹🌹🌹🌹🌹
Ular bari jannat ziloli
Baxtlilarning jufti haloli
Nomus bilan cho'mgan hayoli
Ayollarni asrang erkaklar
☘☘☘☘☘☘☘☘☘
U onaku poyida jannat
Xizmat qiling qilmang hech minnat
Ayolingiz sizga omonat
Ayollarni asrang erkaklar
🌸🌸🌸🌸🌸🌸🌸🌸🌸
Tortishuvda tilingiz tiyib
Muhabbatning shevasin tuyib
Go'zalim deb erkalab qo'yib
Ayollarni asrang erkaklar
🥀🥀🥀🥀🥀🥀🥀🥀🥀
Biling asli bir kam bu dunyo
Har unson ham qiladi xato
Bir jilmaysa siylarmish Xudo
Ayollarni asrang erkaklar
🌼🌼🌼🌼🌼🌼🌼🌼🌼
Ey ayollar suzga ofarin
Sizga mushroom sevgan yuraklar
Ko'z qiridek guldek avaylab
Ayollarni asrar erkaklar

Kanalimizga qo'shiling:
T.me/Toy_bob_sherlar

To‘y Bob She'rlar ️

28 февраля 2023 10:27

Yerdagi farishtani sen "ONA" deb ataysan!

Onajonlarimizni alloh o'z panohida asrasin!

Kanalga ulanish:
T.me/TemurbekYusupov

To‘y Bob She'rlar ️

26 февраля 2023 19:04

❤️ ​​Аёлингни сев...

Кўчалардан бахт излама сен,
Севгин, жуфти ҳалолингни сев,
Бошқа ёрни ҳеч кўзлама сен,
Уйингдаги аёлингни сев.

Ой десанг ой, кун десанг кундай,
Сунбул сочи қоп-қора тундай,
Тақдирингни туҳфаси шундай,
Уйингдаги аёлингни сев.

Юрма ёлғон дунёлар аро,
Эркак бўлиб, кунига яра,
Кўзинг кўрми, тузукроқ қара,
Уйингдаги аёлингни сев.

Ўкситмагин, ўтга ташлма,
Шайтоннинг шўр ошин ошлама,
Фарзандларинг кўзин ёшлама,
Уйингдаги аёлингни сев.

Билмайсанми аёл макрини,
Чақса кўргин илон заҳрини,
Келтирмагин оллоҳ қаҳрини,
Уйингдаги аёлингни сев.

Ўтар дунё сен ҳам ўтарсан,
Бир кун охир кунга етарсан,
Сени демай қўйса нетарсан,
Уйингдаги аёлингни сев.

Муҳаббатдир -чин баҳор фасли,
Муҳаббатдир- бахт,тоъле қасри,
Уйингадир фариштанг асли,
Уйингдаги аёлингни сев.

✍ Хуршид Карим

❕Яқинларга улашинг...!

Каналга уланиш:
T.me/toy_bob_sherlar

To‘y Bob She'rlar ️

26 февраля 2023 19:04

💐🌺 ҚИЗЛАР 🌺💐


Байрамингиз муборак бўлсин гўзал ва дилрабо қизлар.


Гул ҳуснига пардоз қилиб юрар, жанон қизларо,
Мухаббатга ҳанжар уриб кулар хандон қизларо.

Изларидан яралганми чаманзорлар не ажаб,
Бири лола бири сунбул бири райҳон қизларо.

Кулса кулар ғамгин дунё йиғласа арш йиғлайди,
Кулгулари жонга ёқар шўҳи шодон қизларо.

Мактуб битсанг йиртиб отар дугонасин олдида,
Қалбингни қон қилар гоҳо мисли шайтон қизларо .

Кўз ёш тўкиб ўтирмайди дардин қилиб дастурхон,
Кўнгли тўлса йиғлаб олар пинҳон пинҳон қизларо.

Нур ёғади юзларидан сўзларидан томар бол,
Нигоҳлари маҳзун маҳзун ,оҳу ,жайрон қизларо.

Ишқ меҳрдан қаср қурдим, соғинчлардан салтанат.
Ҳаммасини яксон қилди, қилди пайхон қизларо.

Дилга ботди аламлари стамлари қалбимга,
Мен йиғладим юрак ютиб, кулди мастон қизларо.

Дил амрига қулоқ тутиб нолимоқлик айб эрур,
Барибир ҳам яхшидурсиз нур -у, осмон қизларо.

Ифорингиз қизғонаман баҳордан ҳам ёздан ҳам,
Синглимдайин ўй ҳаёли, ул жонажон қизларо.

Бахтингизга тумор бўлай, бахтингизга ёр бўлай,
Юрагимни бўйнингизга тақай -маржон қизларо.

Меҳрингизни тутманг дариғ ғариб шоир Хуршиддан,
Исмингизга шеърлар битиб қилай достон қизларо.

✍Хуршид Карим

❕ Яқинларга улашинг...!

Каналга уланиш:
T.me/toy_bob_sherlar