42004
TOMCHI - Сув тежашда ёрдамчи. Савол ва таклифлар бўйича мутахассислар билан алоқа: @tomchiguruhi “TOMCHI” мобил иловасини ўрнатиб олиш: https://nwrmp.uz/link.html
💧Дунёдаги ҳайратланарли кўллар
Ҳурматли “Томчи” муҳлислари дунёдаги ҳайратланарли кўллар ўнталигига кирмаган, бироқ каналимиз жамоаси умумий фикрича энг ёрқин номзодлардан бири бўлган –Cеркнитса кўли тўғрисида маълумот беришга қарор қилдик.
Cеркнитса (Cerkniško jezero) бир йўқолиб, кейин пайдо бўладиган кўл
🪼 Cеркнитса (Cerkniško jezero) кўли — Словения мамлакатидаги кўл. У Нотранска Краска вилоятининг Cеркнитса мунисипалитети ҳудудидаги Карст платосида жойлашган.
🪼Cеркнитса кўли ўзининг бир йўқолиб, кейин пайдо бўлиш режими билан машҳур. Карст майдонидаги ер ости ёриқлари (бўшлиқлари) баҳорда ва ёзнинг бошида (қорлар эриганда) ҳамда кеч кузда (ёмғирлар мавсумида) сув билан тўлади ва сув ер юзасига тошиб чиқиб кўлни шакллантиради. Бошқа даврларда, яъни ҳаво қуруқ бўлган пайтларда (кеч ёз – эрта кузда ҳамда қиш даврида) кўлнинг суви камайиб карст ёриқларига кириб кетади. Бу даврларда кўл ҳатто қуриб ҳам қолади.
🪼Масалан, ҳар йили август ойида деҳқонлар кўлнинг қуриган тубида ўсган ўтларни ўриб, чорва моллари учун озуқа заҳираси яратадилар. Кузда эса жадал ёмғирлар туфайли кўл яна сувга тўлади.
Кўлнинг сувга тўлиши ҳар йили баҳорда ҳам қайтарилади. Бунда кўл фақат эриган қор сувлари билан тўлади.
🪼Кўлдаги сувнинг сатҳи қарийб 7 метргача ўзгаради (денгиз сатҳидан 546 метрдан 553 метргача).
🪼Кўлда сувнинг сатҳи баланд бўлган пайтларда кўлнинг ўлчамлари – узунлиги 10 км гача, кенглиги 5 км гача, кўлнинг умумий майдони 30 км² гача етади. Бу даврда Cеркнитса кўли мамлакатдаги энг йирик кўлга айланади.
🪼Серкнитса кўли атрофида йирик қамиш плантациялари ўсади. Кўлнинг шарқий қисмида ботқоқликлар ҳам учраб туради.
🪼Серкнитса кўли атрофида кўплаб, аниқроғи 230 та қушлар турлари истиқомат қилади. Уларан бири - йўқолиб кетиш хавфи остида бўган коростель қуши учун ўл ҳудуди муҳим яшаш ҳудуди дебэътироф этилган.
🪼Ҳозирги кунда кўл ҳудуди машҳур дам олиш масканларидан бири саналади. Йилнинг фаслига қараб, кўл ҳудудида балиқ тутиш, спелеология, виндсерфинг, сузиш ва конькида учиш билан шуғулланиш мумкин.
😎 TELEGRAM / 🤑 SAVOLLAR / 📱"TOMCHI" MI / 😎 Tomchi">YOU TUBE / 😎 FACEBOOK
💧Suv haqida Qiziqarli fakt
Yer yuzining 5 milliarddan ortiq aholisi kelajakda suv tanqisligiga duch keladi.
🔹2050 yilga kelib Yerning 5 milliarddan ortiq aholisi u yoki bu darajada suv tanqisligini boshdan kechiradi. Bu haqda Jahon meteorologiya tashkiloti (WMO) tomonidan chop etilgan “Global suv resurslarining holati” hisobotida aytiladi.
🔹Butunjahon meteorologiya tashkiloti iqlim, ekologik va ijtimoiy oʻzgarishlarning Yer suv resurslariga taʼsiri tahlili asosida “Global suvlarning holati” hisobotini eʼlon qildi, deb xabar qildi BMT axborot xizmati.
🔹Hisobot chuchuk suv zahiralarining global hajmi haqida tasavvur beradi, shuningdek, yer kriosferasining zaif holatiga ishora qiladi (qor va muz).
Davomi bor...🔹🔹
😎 TELEGRAM / 🤑 SAVOLLAR / 📱"TOMCHI" MI / 😎 Tomchi">YOU TUBE / 😎 FACEBOOK
#СУВ_ТЕЖОВЧИ_СУҒОРИШ_ТЕХНОЛОГИЯЛАРИ
💧 ТОМЧИЗГИЧЛИ СУҒОРИШ ШЛАНГЛАРИ
Томчзгичли лента кўринишидаги суғориш шланглари
🔘Томизгичли суғориш ленталари юпқа полиэтилен материалдан тайёрланади ва уларда узунлиги бўйлаб сувни ташқарига чиқарувчи махсус микро-каналлар, тешиклар ва ясси томизгичлар кўзда тутилади.
🔘Томизгичли суғориш лентаси ичи бўш пайтида ясси ҳолатда, ичига сув тўлдирилганда эса қувур шаклига келади. Барча томизгичли суғориш ленталари ўрам шаклида ишлаб чиқарилади.
🔵Суғориш ленталарининг томизгичлари паст - 0,2 - 0,3 атм босимда ишлайди ва асосан сув босими паст бўлган суғориш тизимларида қўлланилади.
Суғориш лентаси томизгичларининг орасидаги масофалар 10 см дан 50 см гача бўлади ва экин турига қараб заводга аввалдан белгиланади.
🔘Ҳозирги кунда Ўзбекистонда диаметри Ø 16 ва 22 мм, томизгичларининг орасидаги масофаси 0,25-0,27 м бўлган суғориш ленталари ишлаб чиқарилади.
🔘Томизгичли ленталарнинг ичида микро сув ўтлари пайдо бўлмаслиги учун ленталар фақат қора рангли полиэтилен материалдан ишлаб чиқарилади.
Томизгичли суғориш ленталари деворларининг қалинликлари
Томизгичли суғориш ленталари икки хил:
✅ 16 мм ва
✔️ 22 мм диаметрли кўринишларда ишлаб чиқарилади.
🟢Ҳар бир кўриниш деворининг қалинлиги турлича бўлган вариантларда тайёрланади. Бунинг учун турли қалинликдаги полиэтилен плёнка ишлатилади.
🔵Томизгичли суғориш ленталарини ишлаб чиқариш учун қалинлиги 5 -15 мил (0,125 - 0,375 мм ёки 100–375 мкм) бўлган полиэтилен плёнка ишлатилади.
😎 TELEGRAM / 🤑 SAVOLLAR / 📱"TOMCHI" MI / 😎 Tomchi">YOU TUBE / 😎 FACEBOOK
Davomi
Treningda ishtirokchilarga qishloq joylarda suv ta’minoti sifatini yaxshilashga yordam beradigan muhim bilim va amaliy tavsiyalar berilishi kutilmoqda. Xususan, qishloq aholi punktlari uchun ichimlik suvi tarmoqlarini qurish kabi masalalar ko‘rib chiqiladi.
Undan tashqari: Foydalanish va texnik xizmat ko'rsatish bo'yicha joriy me'yoriy-huquqiy baza; Ichimlik suvini tozalash va qayta ishlashning texnik-iqtisodiy tamoyillari va texnik jihatlari; Qishloq joylarda ichimlik suvi va kanalizatsiya tizimini qurish; Qishloq joylarda mavjud ichimlik suvi ta’minoti tizimini rivojlantirish, ulardan foydalanish va ta’mirlash va boshqa.
#OnlaynTa'lim #SuvTa'minoti #QishloqMahallasi #Uy-joyVaKommunalXo'jalik
😎 TELEGRAM / 🤑 SAVOLLAR / 📱"TOMCHI" MI / 😎 Tomchi">YOU TUBE / 😎 FACEBOOK
💧Дунёдаги ҳайратланарли кўллар
Байкал кўли – дунёдаги чучук сувли энг чуқур кўл, Россия
Байкал кўли – дунёдаги энг катта чучук сувли кўл саналади.
Кўл Россия Федерациясининг Иркут области ва Бурят Республикалари чегарасида, ҳар томондан тоғ тизмалари ва тепаликлар билан ўралган табиий тектоник чуқурликда жойлашган. Кўлнинг ғарбий соҳили тик қояли, шарқий соҳили эса текис кўринишга эга.
Байкал кўлининг умумий майдони 3,15 миллион гектар ва чуқурлиги -1642 метрни ташкил қилади. Байкал дунёдаги энг чуқур кўл ҳисобланади ва унда дунёдаги музламайдиган чучук сув ресурсларининг қарийб 20 %и жамланган.
Кўлнинг жуда қадимдан мавжудлиги ва аҳоли яшаш жойларидан узоқда жойлашганлиги туфайли кўлда ўзига хос чучук сув фаунаси шаклланган.
Кўл ва унинг атрофида дунёнинг бошқа жойларида учрамайдиган Байкал нерпаси, Байкал голомянка балиғи ва Байкал омули (балиқ) каби бир нечта эндемик турлар яшайди.
Тирик балиқ туғадиган голомянка балиғи илм фан учун алоҳида аҳамиятга эга. Унинг танаси ярим шаффоф кўринишда, тангачалари бўлмайди ва 1600 метргача бўлган чуқурликда бемалол яшайди.
Табиатнинг ноёб гўшаси бўлган Байкал кўлида яшовчи жонзотларнинг 2/3 қисми дунёнинг бошқа жойларида умуман учрамайди.
Байкалнинг ўзига хос табиатини келажак авлодлар учун асраб қолиш ҳозирги куннинг долзарб вазифаларидан саналади.
😎 TELEGRAM / 🤑 SAVOLLAR / 📱"TOMCHI" MI / 😎 Tomchi">YOU TUBE / 😎 FACEBOOK
🌍 Хориж тажрибалари: сувни тежаш ва атроф-муҳитни муҳофаза қилиш 🌱
Бугунги кунда “Яшил Макон” ёки “Яшил иқтисодиёт” тамойилларига амал қилиш жуда муҳим. Атрофга учувчи чанг, қум ва тузларни ушлаб қолиш учун тоғ олди ҳудудлари, саҳролар ва қуруқ тузли жойларда дарахт ва буталар экиш зарур. Бу борада дунё халқларининг тажрибаларидан фойдаланиш керак.
🌵 Саудия Арабистонида ёмғир сувларини тўплаш анъанага айланган. Ҳар йили бу мамлакатга атиги 110-120 мм ёғингарчилик тушади. Кам ёғинларни беҳуда сарфламаслик учун ярим ҳалқа шаклида чуқурлар қазилади, ёмғир сувлари шу чуқурларга тўпланади. Бундан ташқари, сувнинг оқиб кетишига йўл қўймаслик учун махсус қуйиш тизими қўлланилади.
🌧 Ўзбекистонда эса ёғингарчилик миқдори 320-350 мм ни ташкил этади. Бу Саудия Арабистонидан қарийб 3 баравар кўп. Демак, сувни тежаш ва ундан самарали фойдаланиш учун етарлича имкониятлар мавжуд.
🏜 Хитойнинг Гансу вилоятида ёғин миқдори 300 мм дан ошмайди. Лекин улар ҳар бир томчи сувни тежаб, махсус резервуарларда тўплайди. Ҳар бир резервуар 30-40 кубометр сувни сақлай олади, бу эса бир оиланинг беш ойлик эҳтиёжини қоплаш учун етарли. Шу каби 3 миллионга яқин резервуарлар ёрдамида 367 000 гектар майдон суғорилади. Бу тажриба Африка мамлакатларида ҳам татбиқ этилмоқда.
🌿 Сувни тежаш – келажак кафолати Қишлоқ хўжалигида янги технологияларни жорий қилиш, эски тажрибаларни қайта тиклаш сув танқислигига қарши самарали чора ҳисобланади. Ариқ ва зовурларни бетонлаш, томчилатиб суғориш, сув кам талаб қиладиган экинлар экиш каби усулларни қўллаш мамлакат озиқ-овқат хавфсизлигини таъминлашда муҳим аҳамият касб этади.
✅ Хулоса: Лиман усулида суғориш сув таъминоти номутаносиб ва мавсумий ўзгарувчан ҳудудлар учун самарали усулдир. Бу йўл билан мутлақо ҳосил олиб бўлмайдиган майдонлардан ҳам фойдаланиш мумкин, тупроқ сифатини яхшилаш ва қўшимча маҳсулот олиш имконияти яратилади.
🏞 Бизда лиман усулини қўллаш имконияти мавжуд. Тоғ ва тоғ олди ҳудудларимиз кенг майдонни ташкил этади. Бундан ташқари, икки йил парваришланган дарахтлар ўзини-ўзи нам билан таъминлайди. Хандон писта, ўрик, ёнғоқ, қорали, дўлана дарахтлари иқлим стрессларига чидамли бўлиб, 3-5 йил ичида ҳосил беради.
✅ Сувни тежаш – табиатни асраш ва келажакни таъминлашдир! 💧
🪼Манба: ЛИМАН УСУЛИДА СУҒОРИШ ВА ҚЎШИМЧА ДАРОМАД ОЛИШ. Ўзбекистон қишлоқ ва сув хўжалиги журнали, 4 - сон, 2025, 30-бет
😎 TELEGRAM / 🤑 SAVOLLAR / 📱"TOMCHI" MI / 😎 Tomchi">YOU TUBE / 😎 FACEBOOK
Дунёдаги ҳайратланарли кўллар
Тонле Сап кўли – йилнинг бир қисмида сув келиб қуйиладиган, йилнинг бошқа қисмида суви чиқиб кетадиган кўл
Тонле Сап кўли (Tonlé Sap) — Жануби-Шарқий Осиёдаги, анқроғи Камбоджа мамлакатидаги энг йирик кўл.
Тонле Сап кўлининг ўзига хослиги шундаки, кўлнинг сув манбаси ҳисобланадиган Тонле Сап дарёси йилига икки марта ўз оқим йўналишини ўзгартиради.
Тонле Сап дарёси ҳудуддаги катта дарё Меконг дарёсининг ирмоғи саналади. Одатда у Тонле Сап кўлидан оқиб ўтиб Меконг дарёсига қуйилади. Бу ҳолат йилнинг ноябр–апрель ойларида - қурғоқчилик мавсумида кузатилади.
Йилнинг май-октябрь ойларида, яъни ёмғирлар мавсумида, Меконг дарёсида сув сатҳи кўтарилган даврларда, Тонле Сап дарёси кўлга қараб оқади.
Шунинг учун кўлнинг майдони ёмғир мавсумида (май–октябрда) кенгайиб, 16 000 км² гача етади, қурғоқчилик мавсумида эса (ноябр–апрелда) 2 500 км² гача кичрайиб кетади.
Кўлнинг чуқурлиги эса ёмғир мавсумида эса 9 метргача етса, қурғоқчилик мавсумида 1 метргача саёзлашиб кетади.
Тонле Сап кўли минтақадаги балиққа бой кўллардан саналади. Кўлда 500 дан ортиқ балиқ турлари яшайди ва кўлдан йилига 300 000 тоннадан ортиқ мидорда балиқ овланади. Бу улов Камбоджа аҳолиси учун муҳим озуқа манбаси ҳисобланади.
Тонле Сап кўли Камбоджанинг табиий бойлиги бўлиши билан бирга гидрологик мўъжизадир.
Кўлнинг сув манбаси Тонлесап дарёсининг йил давомида икки тарафга оқиши, кўл ҳажмининг мавсумий ўзгаришлари кўлни нафақат олимлар учун, балки сайёҳлар учун ҳам қизиқарли масканга айлантирган.
😎 TELEGRAM / 🤑 SAVOLLAR / 📱"TOMCHI" MI / 😎 Tomchi">YOU TUBE / 😎 FACEBOOK
🇹🇲 6 апрель куни Туркманистон «Бир томчи сув — олтин донаси» (туркм. Suw damjasy – altyn dänesi) миллий сув байрамини нишонлайди. 💦✨
Бу кун сувнинг бебаҳо аҳамияти ва уни оқилона сарфлаш муҳимлигини эслатади. Байрам 1995 йилда Туркманистон президенти Сапармурат Ниязов томонидан асос солинган, у қуруқ ерларни гуллаб-яшнаган оазисларга айлантиришни орзу қилган 🌱🏞
🚰 Сувни тежаш – Туркманистоннинг асосий вазифаларидан бири. Мамлакатда янги сув омборлари қурилмоқда, сув тарқатиш тармоқлари барпо этилмоқда ва замонавий ирригация технологиялари жорий этилмоқда. 💡💧
Бу байрам нафақат Туркманистонга тегишли. У ҳар биримизга сувдан оқилона фойдаланиш ва бу бебаҳо бойликни асраб-авайлаш нақадар муҳимлигини эслатади! 💦
😎 TELEGRAM / 🤑 SAVOLLAR / 📱"TOMCHI" MI / 😎 Tomchi">YOU TUBE / 😎 FACEBOOK
#СУВ_ТЕЖОВЧИ_СУҒОРИШ_ТЕХНОЛОГИЯЛАРИ
💧 ТОМЧИЗГИЧЛИ СУҒОРИШ ШЛАНГЛАРИ
Томизгичи ташқаридан ўрнатиладиган суғориш шланглари
Томизгичи ташқаридан ўрнатиладиган суғориш шланглари полиэтилендан ишлаб чиқилган бўлиб, деворининг қалинлиги tд=1,1-1,2 мм, диаметри Ø12, Ø16 ва Ø20 мм бўлган оддий шланглар ҳисобланади. Уларнинг узунлиги бўйлаб ҳеч қандай тешиги бўлмайди.
Қалин деворли суғориш шланглари 100 ва 200 метрли бухталар кўринишида ишлаб чиқарилади. Далага олиб келингандан сўнг, улар экин қаторлари бўйлаб ёйиб чиқилади, томизгичлар эса даланинг ўзида экинларнинг жойлашувига мослаб ўрнатилади.
Томизгичи ташқаридан ўрнатиладиган суғориш шланглари асосан кўп йиллик дарахтлар (боғ ва узумзорлар) парваришида суғориш учун ишлатилади.
Ушбу шлангларнинг томизгичлари 1,5-2,0 кг/см² босим остида ишлаб, сув сарфи соатига 2,0 литрдан 24 литргача бўлиши мумкин.
Томчилатиб суғориш шлангларининг ташқи томизгичлари компенсацияланган, компенсацияланмаган ва бошқариладиган турларга бўлинади:
Компенсацияланган томизгичлар – сувнинг бир хилда оқишини таъминлайди.
Компенсацияланмаган томизгичлар – сув босими камайганда сув сарфи ҳам камаяди.
Бошқариладиган томизгичлар – томизгич қобиғини бураш орқали сув сарфини ўзгартириш имконини беради.
Компенсацияланган томизгичлар рангли, компенсацияланмаганлари эса қора корпусда ишлаб чиқарилади.
😎 TELEGRAM / 🤑 SAVOLLAR / 📱"TOMCHI" MI / 😎 Tomchi">YOU TUBE / 😎 FACEBOOK
#СУВ_ТЕЖОВЧИ_СУҒОРИШ_ТЕХНОЛОГИЯЛАРИ
💧 ТОМЧИЗГИЧЛИ СУҒОРИШ ШЛАНГЛАРИ
Томизгичли суғориш шланглари сувни тарқатувчи қувурдан олиб, экинларнинг илдиз қисмига узатиш вазифасини бажаради.
Томчилатиб суғориш шлангини танлаш бутун тизимнинг самарали ишлашини белгилайди.
Шунинг учун уни танлашда:
✅ Етиштирилаётган экин тури
✅ Даланинг тупроқ-иқлим шароити
✅ Сув сарфи ва босими ҳисобга олинади.
🔹 Шлангларнинг турлари:
Томизгичли суғориш шланглари полиэтилен материалдан тайёрланади ва диаметри сув сарфига қараб танланади.
Амалиётда қўлланиладиган асосий турлари:
✔️ Қалин деворли томизгичли шланглар (Ø 12, 16, 20 мм)
✔️ Юпқа деворли томизгичли ленталар (Ø 16, 22 мм)
Томизгич жойлашувига кўра шланглар:
1️⃣ Ташқаридан ўрнатилган қалин деворли (tд = 1,1 - 1,2 мм)
2️⃣ Ичига ўрнатилган қалин деворли (tд = 0,6 - 1,1 мм)
3️⃣ Лента кўринишидаги (tд = 0,1 - 0,5 мм)
Қалин деворли шланглар икки хил кўринишда ишлаб чиқарилади ва истеъмолчиларга етказиб берилади.
😎 TELEGRAM / 🤑 SAVOLLAR / 📱"TOMCHI" MI / 😎 Tomchi">YOU TUBE / 😎 FACEBOOK
💧 Дунёдаги ҳайратланарли кўллар
Балхаш - ярми суви чучук, ярми суви шўр кўл
🤎алхаш кўли дунёдаги йирик кўллардан бири саналади.
Балхаш кўли Қозоғистоннинг жануби-шарқий қисмида, Жамбил, Олмаота, Қарағанда ва Жетису вилоятилари оралиғидаги ҳудудда жойлашган.
Кўлнинг умумий майдони 16 400 км², узунлиги 605 км ва энг кенг жойи 74 км ни ташкил этади.
🤎алхаш кўлининг ҳайратланарли жиҳати шундаки, унинг шарқий ва ғарбий қисмларидаги сувлари таркиби бўйича бир-биридан кескин фарқ қилади. Кўлнинг бу қисмларидаги сувларнинг шўрлиги турлича бўлиб, улар бир-бири билан аралашиб кетмайди.
🤎ўлнинг ғарбий қисми чучук сувли. Бу ерга Или дарёси қуйилади ва кўл сувини чучук бўлишини таъминлайди.
Кўлнинг шарқий қисми шўр сувли. Бу қисм ғарбий қисмга нисбатан чуқурроқ. Ўртача чуқурлиги 26 метрга тенг. Бу қисмда сув айланиши нисбатан секин, шунинг учун ҳам сувдаги тузлар миқдори кўпроқ.
Кўлнинг бу икки қисмларини кенглиги 3,5 километр ва чуқурлиги 6 метр бўлган юпқа қуруқлик чизиғи ажратиб туради.
🤎алхаш кўли асосан қуйидаги дарёлар орқали сув билан таъминланади. Улар орасида Или дарёси асосий манба ҳисобланади — кўлга қуйиладиган сувнинг тахминан 80 фоизи айнан шу дарё ҳиссасига тўғри келади.
Шунингдек, кўлнинг шимолий ва ғарбий қисмларига Қоратал, Оқсув ва Лепси дарёлари, шарқий томонига эса Аягўз дарёси сув олиб келади.
🤎ўнгги ўн йилликларда кўл атрофида бир қатор экологик муаммолар вужудга келди. Жумладан, Или дарёси сув сарфининг камайиши, қишлоқ хўжалигида сувдан ортиқча фойдаланиш каби омиллар Балхаш кўлида сув сатҳининг пасайиши ва шўрланиш даражасининг ошиб боришига сабаб бўлмоқда.
🤎унга қарамасдан, Балхаш кўли атрофида экологик туризм фаол ривожланмоқда. Кўл яқинида турли туристик зоналар ташкил этилмоқда.
Бироқ бу каби фаолиятлар кўлнинг экологик ҳолатига маълум даражада босим ўтказмоқда. Шу сабабли, Балхаш кўлини муҳофаза қилиш ва уни келажак авлодлар учун асраб қолиш жуда муҳим вазифа ҳисобланади.
😎 TELEGRAM / 🤑 SAVOLLAR / 📱"TOMCHI" MI / 😎 Tomchi">YOU TUBE / 😎 FACEBOOK
💧 Дунёнинг ҳайратланарли кўллари
Таал кўли - кўл ичидаги орол, орол ичидаги кўл (Филиппин)
🔵Таал кўли Филиппин мамлакатининг Лусон оролида жойлашган.
Кўл мамлакатдаги энг машҳур табиий объектлардан бири ҳисобланади.
🟣Кўлнинг марказида Таал вулқони мавжуд. Таал кўли ва вулқони жаҳондаги энг кичик, аммо фаол вулқонлардан бири ҳисобланади.
🩷Таал кўли вулқон кратерида юзага келган ва унинг ўртасида Вулқон номли орол мавжуд. Оролдаги кичикроқ вулқон кратери ўртасида яна бир кичик кўл жойлашган. Бу табииат мўжизаси "кўл ичидаги орол, орол ичидаги кўл" номи билан машҳур. Бу ҳайратланарли манзара шу билан тугамайди. Энг қизиғи шундаки, кичик кўлнинг ўртасида яна бир жуда кичкина орол бор. Уни Vulcan Point деб аташадии.
🔴Демак, Лусон оролида Таал кўли, унинг ичида вулқонли орол ва унинг марказида кичик бир кўл, кўлда яна бир кичик вулқон мавжуд.
Хуллас, бу ердаги манзара дунёнинг ҳеч бир жойида учрамайди.
🟡Таал вулқони тарихда бир неча марта отилган бўлиб, унинг энг йирик отилиши 1911 йилда содир бўлган.
2020 йилнинг январида ҳам вулқоннинг фаоллашиши оқибатида кучли ёнғинлар ва кул ёғиши рўй берган.
Доимий фаолликда эканлиги туфайли, Таал вулқони ҳозир ҳам хавфли вулқонлар қаторига киритилади.
🟢Таал кўлининг суви бироз шўр. Чунки кўл асосан ёмғир сувлари ҳисобига тўйинади, ёмғир сувлари эса кўл сувини сезиларли чучуклаштира олмайди. Кўлда фақат шу ҳудудга хос бўлган "Таал сардинияси" (Sardinella tawilis) балиғи яшайди.
🔵Таал кўлида сайёҳлар қайиқда сайр қилишлари, вулқон оролига кўтарилишлари ва ҳудуднинг бетакрор табиий гўзаллигидан баҳра олишлари мумкин. Шу боис, кўл ва вулқон доимо сайёҳлар учун жозибадор манзиллардан бири бўлиб қолмоқда.
😎 TELEGRAM / 🤑 SAVOLLAR / 📱"TOMCHI" MI / 😎 Tomchi">YOU TUBE / 😎 FACEBOOK
🪼изга яратилаётган имкониятлар сабаб, юртимиз хотин-қизлари барча жабҳада ўз фаоллигини намоён этмоқда. Ўзим мисолимда олсак, аёл киши бўлсам ҳам, 33 нафар ишчи-ходимга бош бўлиб, ҳар йили юқори ҳосил яратиш, даромаддан янги-янги иш ўрни очиш каби эл манфаати йўлида бор имконият билан меҳнат қилмоқдаман.
🪼гар давлатимиз бизни қўллаб-қувватламаса, бугунгидай натижаларга эришмаган, кўзланган ҳосилни ололмаган бўлардик, — дейди Ҳамида опа. – 33 гектар ғалла, 32 гектар пахта майдонида деҳқончилик қиламиз.
Техника ва ишчи кучимиз етарли. Хўжалигимизда янги тармоқларни ишга туширмоқдамиз. Иссиқхона-миз, мўъжазгина совутгич омборимиз бор. Очиғи, илгари оддий қишлоқ аёлининг мулк эгаси бўлиб, бундай ишларни амалга ошира олишини тасаввур ҳам қилиб бўлмасди.
🪼Манба: Имтиёзлар - тараққиётга замин. Ўзбекистон қишлоқ ва сув хўжалиги журнали, 4 - сон, 2025, 19-бет
😎 TELEGRAM / 🤑 SAVOLLAR / 📱"TOMCHI" MI / 😎 Tomchi">YOU TUBE / 😎 FACEBOOK
Иккинчи топишмоқда "3 идиш биринчи сувга тўлади" деган жавоб тўғри эди.
4, 5, 6 идишларга борадиган сув йўллари ёпиқ эди.
7 идишнинг тагида эса тешиги бор эди.
Шунинг учун, бу ерда 3 идишни биринчи сувга тўлиши тўғри
Қиссадан ҳисса шуки, бирор бир ишни бажаришда эътиборли бўлиш керак. Вазиятни эътибор билан таҳлил қилсак, марра бизники бўлаверади. Ишимиз эса илгари бўлаверади. Изланишдан чарчаманглар
Ҳурматли Томчи муҳлислари,
Кеча ваъда қилганимиздай, охирги икки кунда каналимизда эълон қилинган “Сув қайси идишга биринчи тўлади? Схема топишмоқлар бўйича турли жавобларни олдик. Бундай топишмоқларни чиқаришдан мақсад эътиборли бўлишни чархлашдан иборат эди. Уларни сув йўлини топишга бағишланганлиги аввало ҳамкасбларимиз сувчилар учун фойдали бўлди деб ўйлаймиз. Кимларнидир олдимизга қўйилган вазифа (топшириққа) юзаки эмас, эътибор билан қарашга ундаган бўлсак хурсандмиз. Фақат эътибор билан ёндашиш, сабр-қаноат билан изланиш муваффақият калити эканлигига яна бир бора амин бўлдик.
Хуллас, ҳар иккала топишмоқда ҳам сув йўлидаги тўсиқларга эътибор қаратиш лозим эди
💙Ekin dalalaridan bug‘lanayotgan namlikning miqdorlari
(2025 yilning 6 - 8 aprel kunlarida tuproq namligining bug‘lanishlari)
💧Hurmatli Tomchi muhlislari, Suvchilar maktabining mamlakatimiz viloyatlaridagi tajriba uchastkalarida o‘rnatilgan meteostansiyalarning 2025 yilning 6 - 8 aprel kunlaridagi uch kunlik ma’lumotlarining tahlillari mamlakatimizning g‘arbiy tomonidagi viloyatlari ekin maydonlaridan namlikning bug‘lanishi mart oyining oxirgi haftasidagi qiymatlariga nisbatan sezilarli ortganligini ko‘rsatdi. Shu bilan birga, mamlakatimizning sharqida joylashgan viloyatlarida esa namlikning bug‘lanishi qariyb avvalgi qiymatlari darajasida qolgan.
🌱 Kuzatuv natijalarini ko‘rsatishicha, 6-8 aprel kunlari ekin maydonlaridan namlik bug‘lanishining nisbatan yuqori qiymatlari Suvchilar maktabining Qoraqalpog‘iston Respublikasidagi (Nukus tumani – 173 m3/ga) va Xorazm (Urganch tumani – 154 m3/ga), Surxondaryo (Termiz tumani – 142 m3/ga), Toshkent (O‘rta Chirchiq tumani – 140 m3/ga), Buxoro (Buxoro shahri – 117 m3/ga) va Sirdaryo (Guliston tumani - 115 m3/ga) viloyatlaridagi uchastkalarida kuzatilgan. Ta’kidlash lozimki, mazkur viloyatlarning barchasida namlikning bug‘lanishi sezilarli darajada ortgan.
🍀 Maktabning Jizzax (Paxtakor tumani – 105 m3/ga), Navoiy (Karmana tumani – 103 m3/ga), Qashqadaryo (Qarshi tumani –101 m3/ga) va Samarqand (Oqdaryo tumani – 98 m3/ga) viloyatlaridagi uchastkalarida namlikning bug‘lanishi nisbatan o‘rtacha qiymatlarda bo‘ldi. Bu viloyatlarda ham namlikning bug‘lanishi avvalgi davrga nisbatan ortgan.
🍃 Suvchilar maktabining Namangan (To‘raqo‘rg‘on tumani – 67 m3/ga), Farg‘ona (Quva tumani – 67 m3/ga) va Andijon (Andijon tumani – 64 m3/ga) viloyatlaridagi uchastkalarida namlikning bug‘lanishi nisbatan pastroq qiymatlarda bo‘ldi. Bu uchastkalarda namlikning bug‘lanishi ko‘rsatkichlari qariyb o‘zgarishsiz qolgan.
🍀 Suvchilar maktabining tajriba maydonlariga yaqin joylashgan hududlardagi dehqonlar o‘zlarining 2025 yil aprel oyining o‘rtasida bajaradigan dala ishlarini, xususan chigit ekish va bug‘doy parvarishlash kabi ishlarini ko‘rsatilgan ma’lumotlar asosida aniqlashtirib amalga oshirsalar maqsadga muvofiq bo‘ladi.
Suvchilar maktabi | Tomchi
#СУВ_ТЕЖОВЧИ_СУҒОРИШ_ТЕХНОЛОГИЯЛАРИ
💧 ТОМЧИЗГИЧЛИ СУҒОРИШ ШЛАНГЛАРИ
Томизгичли суғориш ленталарининг турлари
🔵Томизгичли суғориш ленталари томизгичининг шаклига кўра 3 хил кўринишда ишлаб чиқарилади:
1️⃣ лабиринт томизгичли;
2️⃣ тирқиш томизгичли;
3️⃣ ясси томизгичли.
Лабиринт томизгичли суғориш лентаси
✔️Лабиринт томизгичли суғориш лентаси полиэтилен лента четларини узунлиги бўйлаб махсус тарзда ёпиштириш асосида тайёрланади. Бунда лентанинг чокида лабиринт шаклидаги микроканаллар кўзда тутилади.
✔️Суғориш лентасидаги микроканаллар орқали сув лентанинг ташқарисига чиқади ва томчи кўринишида ўсимлик илдизи жойлашган тупроққа томади.
🔵Лабиринт томизгичли ленталар девори асосан 5 – 6 мил (125 –150 микрон) қалинликда бўлади ва одатда бир мавсум давомида ишлатиш учун мўлжалланади.
🔘Лабиринт томизгичли ленталар мавсум охирида йиғиб олиниб, қайта ишлашга юборилади.
Давоми бор...⏩⏩
😎 TELEGRAM / 🤑 SAVOLLAR / 📱"TOMCHI" MI / 😎 Tomchi">YOU TUBE / 😎 FACEBOOK
ЗАРАРКУНАНДАЛАРГА ҚАРШИ ФОЙДАЛИ ҲАШАРОТЛАР — ЕТТИ НУҚТАЛИ ХОНҚИЗИ🐞
Coccinella septempunctata L.
Қишлаб чиққан қўнғизлар асосан мартнинг охири апрель бошларида пайдо бўлади.
Қўнғизлар тез орада жуфтлаша бошлайди ва 8-15 кундан сўнг тухум қўйишга киришади. Тухумини ўсимлик ширалари тўпланган жойга одатда баргнинг орқа тарафига тўп-тўп қилиб қўяди.
Личинкаларнинг озиқланиши битларнинг турига боғлиқ ҳолда ўзгариб боради. Булар ўсимлик битлари, (ширалар), каналар, қуртлар, қалқондорлар, танга қанотлиларнинг тухуми ва кичик ёшдаги қуртлари ҳамда фитономус личинкалари билан озиқланади. Битта личинка ўз ҳаѐти давомида 400 тача ва вояга етган қўнғиз 3600 тага яқин битлар билан озиқланади. Қўнғизлар, асосан, тоғларда катта тўпламлар ҳосил қилиб яшайди, лекин воҳада якка ҳолда ҳам ҳаёт кечиради.
Н.А. Теленганинг (1948) берган маълумоти бўйича қўйилган тухумларнинг 40% идан личинкалар чиқмайди. Агарда тухумлардан личинкаларнинг чиқиши паст ҳароратда содир бўлса, улар тухум атрофидан кетмай туришади. Аксинча ҳарорат қўтарила бошлаши билан улар тез орада фаоллашади ва озиқланишга киришади.
Манба
😎 TELEGRAM / 🤑 SAVOLLAR / 📱"TOMCHI" MI / 😎 Tomchi">YOU TUBE / 😎 FACEBOOK
📢 2025-yil 7-aprelda “Qishloq joylarda ichimlik suvi tarmoqlarini qurish, foydalanish va ta’mirlash” mavzusidagi 5 kunlik onlayn o‘quv kursi boshlandi 🛠💧
🔹 Seminar 11-aprelga qadar o‘tkaziladi. Tadbirda O‘zbekiston Respublikasi Qurilish va uy-joy kommunal xizmat ko‘rsatish vazirligi, uning hududiy bo‘linmalari hamda yangi tashkil etilgan nodavlat notijorat tashkilotlari mutaxassislari ishtirok etadi.
Seminar maqsadi Suv ta'minoti va kanalizatsiya tizimlarini ishlatish– aholi yashash zhoilari, suv ta'minoti va kanalizatsiya tizimlari tarkibidagi tarmoq va inshootlarni ishlatish va boshqarish, hisoblash, ulardan samarali fotdalanish bo’yicha amaliy bilimlarni oshirish dan iborat.
👇👇👇👇👇👇👇👇👇👇👇👇👇
#СУВ_ТЕЖОВЧИ_СУҒОРИШ_ТЕХНОЛОГИЯЛАРИ
💧 ТОМЧИЗГИЧЛИ СУҒОРИШ ШЛАНГЛАРИ
Томизгичи ичкаридан ўрнатиладиган суғориш шланглари
Томизгичи ичкаридан ўрнатиладиган суғориш шлангларининг девори ҳам қалин (tд=0,6-1,1 мм) бўлиб, улар қалин деворли суғориш шланглари қаторига киради. Бу суғориш шлангларининг томизгичлари заводнинг ўзида шлангнинг ичига ўрнатилиб ишлаб чиқарилади.
Томизгичи ичкаридан ўрнатиладиган суғориш шланглари кўп йиллик дарахтларни ҳам, бир йиллик экинларни суғориш учун ҳам ишлатилади. Томизгичи ичкаридан ўрнатиладиган суғориш шланглари интенсив тарзда етиштириладиган мевали боғлар тупроғини чизиқли намлаб суғориш учун энг мақбул саналади.
Томизгичи ичкаридан ўрнатиладиган суғориш шланглари деворларининг қалинлиги 0,6-1,1 мм бўлган полиэтилендан ишлаб чиқарилади ва томизгичлари 0,8-1,0 кг/см² босим остида бемалол ишлайди.
Бу томизгичлар орасидаги энг яқин масофа 0,2 м, энг узоғи эса 1,0 м гача бўлиши мумкин. Томизгичларнинг сув сарфи эса соатига 1,2 литрдан 3,8 литргача оралиқда бўлади.
Ички томизгичли суғориш шланглари узунлиги 100-200 м ўрамлар кўринишида ишлаб чиқарилади ва далада суғориладиган экин қаторлари бўйлаб ёйиб чиқилади ва монтаж қилинади.
Суғориш шланглари мавсум аввалида ёйилиб, мавсум охирида йиғиштириб олинади.
😎 TELEGRAM / 🤑 SAVOLLAR / 📱"TOMCHI" MI / 😎 Tomchi">YOU TUBE / 😎 FACEBOOK
Samarqand iqlim forumida ishtirok etayotgan Markaziy Osiyoda suv resurslarini muvofiqlashtirish bo‘yicha Davlatlararo komissiyasining Ilmiy axborot markazi direktori Dinara Ziganshina o‘zi rahbarlik qilayotgan markazning vazifalari haqida gapirib, mintaqa mamlakatlari olimlarini suv xo‘jaligi sohasidagi tadqiqotlarga jalb etish muhimligini ta’kidladi.
😎 TELEGRAM / 🤑 SAVOLLAR / 📱"TOMCHI" MI / 😎 Tomchi">YOU TUBE / 😎 FACEBOOK
🌿 Лиман усулида суғориш: самарадорлик ва афзалликлар
Лиман усулида суғориш бошқа усуллардан нима билан фарқ қилади ва унинг афзалликлари нимада? 🧐
✅ Томчилатиб суғориш билан солиштирилганда, лиман усулида сувни бошқариш имконияти камроқ, лекин харажатлар анча кам.
✅ Анъанавий суғориш га нисбатан самаралироқ, чунки у сув ресурсларини тежайди. Бироқ, сув миқдори мавсумий ўзгаришларга боғлиқ.
✅ Ёмғирлатиб суғориш дан фарқи – насос ва қувурлар талаб қилинмайди, лекин фақат маълум жойларда ишлатилиши мумкин.
📜 Қадимда сув тақсимоти билан шуғулланган мироблар катта ҳурматга сазовор бўлган, чунки одамларнинг ҳосили сувга боғлиқ эди. Бугунги кунда ҳам чучук сувнинг қадри ортиб бормоқда, аҳолининг ўсиши билан талаб ҳам ошиб бораверади.
🌾 Қадимги Хоразм деҳқончилиги тажрибаси сув танқислиги мавжуд ҳудудларда ақлли ёндашув кераклигини кўрсатади. Деҳқонлар сув имкониятларига қараб экин танлаган. Экин майдонларининг асосий қисми буғдой ва жўхорига ажратилган бўлиб, қолган ҳудудларда ғўза, арпа, шоли, тариқ, мош, кунжут, қовун ва тарвуз етиштирилган.
💡 Сувни оқилона ишлатиш ва табиий ресурсларни тежаш – бугунги кунда ҳам долзарб масала!
Давом бор...
😎 TELEGRAM / 🤑 SAVOLLAR / 📱"TOMCHI" MI / 😎 Tomchi">YOU TUBE / 😎 FACEBOOK
Самарқандда бўлиб ўтган “Марказий Осиёда иқлим ўзгариши шароитида сув ресурсларини интеграциялашган ҳолда бошқариш” мавзусидаги сессиядан лавҳа.
Читать полностью…
САМАРҚАНДДА СУВ РЕСУРСЛАРИНИ ИНТЕГРАЦИЯЛАШГАН ҲОЛДА БОШҚАРИШ МАСАЛАЛАРИ МУҲОКАМА ҚИЛИНДИ
Самарқандда бўлиб ўтган иқлим форуми доирасида “Марказий Осиёда иқлим ўзгариши шароитида сув ресурсларини интеграциялашган ҳолда бошқариш” мавзусида сессия ўтказилди.
Муҳокамаларда Ўзбекистон Республикаси Сув хўжалиги вазири Шавкат Хамраев, Қозоғистон Республикаси сув хўжалиги ва ирригация вазири Нуржан Нуржигитов, Туркманистон сув хўжалиги давлат қўмитаси раиси Дурди Генджиев, Тожикистон Республикаси энергетика ва сув хўжалиги вазирлиги, Қирғиз Республикаси сув ресурслари, қишлоқ хўжалиги ва қайта ишлаш саноати вазирлиги вакиллари, Ирригация ва дренаж бўйича халқаро комиссия (ICID) Бош котиби Гупта Ракеш Кумар, Осиё сув кенгаши (АWC) Бош котиби Чо Йонг Деок ва бошқа халқаро экспертлар иштирок этди.
Батафсил – https://gov.uz/uz/suvchi/news/view/44039
Batafsil – https://gov.uz/oz/suvchi/news/view/44039
💧 Лиман усулда суғориш: табиий ва самарали ечим!
Лиман усули бугунги яшил энергия ва экологик тозалик талабларига тўла мос келади. Бу усул катта миқдордаги энергия ва техника воситаларини талаб қилмайди. Биргина харажат — чуқур ёки ариқларни қиш фаслида техника ёрдамида кавлаш.
🌱 Афзалликлари:
✅ Тупроқнинг пастки қатламларидаги тузлар устга чиқмайди, шўрланиш содир бўлмайди.
✅ Тупроқнинг микробиологик ва экологик ҳолати яхшиланади.
✅ Деҳқончилик, боғдорчилик ва узумчилик учун жуда мос.
✅ Мева ва узумлар ширин ва сифатли бўлади.
🌧 Ёғин сувларидан самарали фойдаланиш
Сел ва тошқин сувлари учун табиий пастқам жойларда ховузлар қуриш муҳим. Афғонистонда "Қўштепа" канали ишга тушгач, сувни тежаш янада долзарб бўлади.
🔹 Тоғ ҳудудларида сувни хашар йўли билан йиғиш ва кичик сув омборлари барпо этиш керак.
🔹 Ҳовлиларда сувни махсус резервуарларда йиғиб, кейин ишлатиш муҳим.
Саудия Арабистонида ҳар бир уйда ёғин сувларини тўплаш тизими бор. Бизда эса кўпчилик бефарқ ва сув сотиб олишга мажбур бўлади. Бу эса моддий ва иқтисодий зарар!
Табиат берган сув ресурсларини тежайлик ва тўғри ишлатайлик! ♻️
Давоми бор, Томчи каналини кузатиб туринг!
😎 TELEGRAM / 🤑 SAVOLLAR / 📱"TOMCHI" MI / 😎 Tomchi">YOU TUBE / 😎 FACEBOOK
#СУВ_ТЕЖОВЧИ_СУҒОРИШ_ТЕХНОЛОГИЯЛАРИ
💧 ТОМЧИЛАТИБ СУҒОРИШ ТИЗИМИНИНГ ҚУВУРЛАРИ
Томчилатиб суғориш тизимининг тарқатувчи юмшоқ қувурлари
Бир йиллик экинларни томчилатиб суғориш тизимларида тарқатувчи қувур сифатида Lay flat типидаги юмшоқ қувурлардан кенг фойдаланилади.
✔️ Layflat қувурлари иссиқ ва совуққа чидамли, кўп йил хизмат қилади ва 2,5 - 6 атм. босимга дош бера олади.
📌 Кичик диаметрили юмшоқ қувурлар босимга нисбатан чидамлироқ бўлади, аммо диаметри ортган сари чидамлилиги пасаяди.
Юмшоқ қувурларнинг афзалликлари:
🔹 Ер устига ётқизилиб, томизгичли ленталар билан уланади.
🔹 Мавсум давомида самарали томчилатиб суғоришни таъминлайди.
🔹 Ҳосил йиғиб олингандан сўнг осон йиғиштирилади ва қайта ишлатиш мумкин.
🔹 Бир йиллик экинлар учун айни муддао – пахта, сабзавот ва полиз экинлари далаларида қўллаш қулай.
🔹 Ерни кузги ва баҳорги ишлов бериш жараёнлари осон кечади.
🔹 Кузги-қишки шўр ювиш ишлари ҳам осонлашади.
Ҳар йили мавсум бошида Layflat қувурлари қайтадан ёйилиб, томизгичли ленталар ўрнатилади.
🔖 Манба: СУВ ТЕЖОВЧИ СУҒОРИШ ТЕХНОЛОГИЯЛАРИ (дарслик)
Маматов С.А., Хамраев Ш.Р., Қаршиев Р.Ж., Закс И.А., Бурхонжонов Б.Ш.
Тошкент – 2021 йил
😎 TELEGRAM / 🤑 SAVOLLAR / 📱"TOMCHI" MI / 😎 Tomchi">YOU TUBE / 😎 FACEBOOK
💧ЛИМАН УСУЛИНИНГ АФЗАЛЛИГИ НИМАДАН ИБОРАТ?
🪼мғир ва қор сувлари тупроқнинг устки қатламини оқизиб, кавланган ариқларга озиқа моддаларни келтиради. Бу жойларга экилган дарахтлар июнгача сув билан таъминланади, кейин икки йил давомида қўшимча суғориш талаб этилади. Катта бўлган дарахтлар бир-бирини соялатиб, тупроқ намлигини сақлайди. Лиман усулида дарахтлар зичроқ экилади, бу микроклимат ҳосил қилади.
🪼та-боболаримиз тоғларда айлана шаклида ариқлар қазиб, ёмғир ва қор сувларини тўплашган. Биринчи ариқдан тошиб чиққан сув пастга оқиб, кейинги ариқларга тушган. Бу иш қиш ойларида хашар йўли билан амалга оширилган, ҳар киши ўз ҳудудида дарахт экиш билан шуғулланган.
🪼риқлар 100 см чуқур қазилади, яримига мевали дарахтлар кўчати ўтирғизилади. Бунда сувга кам талабчан хандон писта, ёнғоқ, ўрик, слива, олча, бодом, дўлана ва бошқа дарахтлар экилади.
🪼иман усулини Тошкент – Наманган йўли, Шаҳрисабз, Китоб, Бойсун, Нурота ва бошқа ҳудудларда қўллаш мумкин. Бу усул келажакда даромад манбаи бўлади.
🪼Қадимги Инклар ҳам тоғларда терасса усулида экин экишган, унумдор тупроқ олиб чиқиб, маккажўхори ва картошка етиштиришган. Бугунги кунда ҳам бу усул қўлланилади.
Давоми бор 🪼
🪼Манба: ЛИМАН УСУЛИДА СУҒОРИШ ВА ҚЎШИМЧА ДАРОМАД ОЛИШ. Ўзбекистон қишлоқ ва сув хўжалиги журнали, 4 - сон, 2025, 30-бет
😎 TELEGRAM / 🤑 SAVOLLAR / 📱"TOMCHI" MI / 😎 Tomchi">YOU TUBE / 😎 FACEBOOK
🪼17 йилдан буён “Ҳамида Юсупова” фермер хўжалигини бошқариб келаётган “Илғор фермер” кўкрак нишони ва яна кўплаб мукофотлар соҳибаси Ҳамида опа Юсупова ҳам меҳнатидан барака топган аёллардан. Ҳозирда опа 65 гектар экин майдонида деҳқончилик қилиб, кўпчиликка ўрнак бўлиб келмоқда.
Ҳамида Юсупова эндиликда яратилаётган имкониятлардан, ажратилаётган субсидиялардан унумли фойдаланиб, тез орада хўжаликда яна янги йўналишни ташкил этишни ва томчилатиб суғориш технологиялари жорий этиш ниятида.
🪼ёл киши бўлса-да, шижоатда эркак фермерлардан қолишмайдиган нарпайлик Ҳамида опа тимсолида нафақат қишлоқ хўжалиги фидойиси, шу билан бирга садоқатли ёр, меҳрибон она, ишбилармон етакчилар гавдаланади.
Давоми 🪼🪼🪼
Биринчи топишмоқнинг тўғри жавоби: “Ғ идиши сувга биринчи тўлади” деган эди.
Биринчи топшириғимизга жами 543 киши жавоб берди.
Афсус, мухлисларимизнинг 15 % игина тўғри жавоб беришди.
Мухлисларимизнинг 36 % и “G идиши сувга биринчи тўлади” дея нотўғри жавоб беришди. Чунки G идишига сув келадиган йўл С ва D идишлар орасида ёпиқ эди. Шунинг учун D идишга сув келмасди, демак ундан кейин жойлашган G идишга ҳам сув келмасди.
Мухлисларимиз кўп овоз берган Н жавобга келсак, сув каналимиз Н идишга келган жойида ёпиқ эди. Демак Н идиш сувга тўла олмасди.
Орада сув йўллари очиқ бўлган К идиши жавоби ҳам бор эди. Бироқ, унинг сув йўли J ва I идишлари орасида баландда бўлгани боис, сувга кечроқ тўлиши мумкин эди.
Шундай қилиб, тўғри жавоб “Ғ идиши сувга биринчи тўлади”
Ўлик денгиз суви ўта шўр кўл (Исроил, Иордания, Фаластин муҳторияти)
🚛 Ўлик денгиз дунёдаги энг чуқур гипергалин кўл саналади.
Ўлик денгизнинг суви тирик мавжудотлар яшаши учун жуда шўр, шунинг учун уни Ўлик денгиз деб аташади.
✅ Ўлик денгиз кўлининг ҳавзаси Исроил, Иордания ва Фаластин муҳторияти ўртасидаги чегара бўйлаб чўзилган.
✨ Кўлнинг юзаси сатҳи жаҳон океани сатҳидан 422 метр пастда жойлашган. Кўлга фақат битта Иордан дарёси келиб қуйилади, ундан эса бирорта ҳам дарё оқиб чиқмайди.
⏰ Кўлнинг суви ғайритабиий даражада ўта шўр. Унинг сувини ҳар бир литрида 331 грамм туз мавжуд.
✅ Ўлик денгизнинг ҳавзаси унча катта эмас, узунлиги 67 километр, максимал кенглиги 18 километрни ташкил қилади холос.
➡️Кўлнинг энг чуқур жойи 306 метр, умумий майдони 605 км², кўлдаги сувнинг ҳажми 114 км³ га тенг.
Кўл сувидан туз ва бошқа ашёларни жадаллик билан қазиб олиниши туфайли, у тезлик билан саёзлашиб бормоқда.
✔️ Кўлнинг тубидан олинадиган қора балчиқ маҳаллий курортларда тиббий ва гўзаллик муолажаларида кенг ишлатилади.
😎 TELEGRAM / 🤑 SAVOLLAR / 📱"TOMCHI" MI / 😎 Tomchi">YOU TUBE / 😎 FACEBOOK